الحلقة الثالثة والعشرين

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             انت يللي اسمك عبد السلااااااااام افتح البوابة

-             اهلا يا ادهم باشاااااا، اتفضل

-             ابويا وامي جوااااااا ؟

-             الحاج عادل مش هنا، والست سعاد قاعدة مع الست اوسا في الجنينة

-             طيب، تعالى لمع العربية عشان متربة

-             حاضر يا ادهم بيه

********************

-             دي أوسا قاعدة لوحدها,ههههه اوساااااااا عاش من شافك يا اوساااااااا

-             هههههه اهلااااااااا، ازيك يا برنس، تعالى اقعد

-             هنقعدوا ، اومال فين امي ؟

-             ماما جالها مكالمة ع التليفون الأرضي راحت ترد عليها

-             ماشي، اومال فين البت نورهان بنتك ؟

-             سايباها مع الدادة بتاعتها

-             ههه بمناسبة الدادة بتاعتها بقى، كويس انك فتحتي السيرة، احنا شوفنا البت بدور أول امبارح في السيما

-             اييييييه ! سيماااااا ! امتى الكلام ده ؟

-             بعد المغرب، اصل خدت الشلة ودخلت السيما حفلة ستة لتسعة

-    ستة لتسعة !!!!! ايّووووه شوف البت الكَهينة !!!! البت تقولي رايحة لدكتور العيون اتاريها رايحة تتسنكح في السيمااااااا.... كانت لوحدها هناك يا ادهم ؟

-             لا، كان معاها جدع صعيدي

-             ايه !..... جدع صعيدي !.... وده اتلمت عليه فين !!!

-             وانا ايش عرفني  ههه ! اتاري البت الشغالة بتاعتك دي طلعت اخلاقها مش ولا بد

-    على رأيك يا ادهم، دي على كدة رزقة طَلَع عندها حق لما قالتلي بتنزل تشاغل الشباب، هه ال وانا اللي ما صدقتش رزقة وقلت غيرة حريم، طيب يا بدوررر، لما نرجعولك يا سهتانة يا بتاعة السيماااا

-             امي جت اهيه ههههههه ازيك يا برنسيسة

-             انت هنا يا ادهم ! ازيك يا ولا

-             ازيك انتِ يا امّااااا

-             ازي الولا احمد ابنك، ما جبتهوش معاك نشوفوه ليه ؟

-             نجيبوه ازاي بس ! الولا ما بيرضاش يسيب أمه

-             والمحروسة ما تجيش ليييييييه ! على راسها ريشة !!!

-             تلاقيها لسة متكبرة وفاكرة نفسها السفيرة عزيزة يا مامااااااا

-             اوساااااا ما تقعديش تقومي امي على ضحىىىىى، ضحى مريحة دماغها وما بتجيش عشان المشااااااكل

-             سامعة يا ماما كلام ادهم ! معنى كلامه كدة اننا بتوع مشاكل وبيخاف ع الننوسة منناااااااا

-             ايّووووووه ما تسكتيها بقى يا امّاااا

-    اختك عندها حق، سواء انت ولا اخوك فانتو الاتنين اسخم من بعضضضض، ماشيين ورا حريمكو ولا كأن ليكو أمممممممم

-             ارتحتي يا اوساااااا ! قومتيها حريققققققققة !

-             عمايلك انت واحمد اللي بتقومها حريققققة، أنا ما قولتش غير اللي شايفاه، ايه يزعلك بقى !

-             خلاص انت وهييييي، فضناها سيررررة

-             ست سعااااااد العصير اللي طلبتوووووووه

-             تعالى يا شوقية

-    يا امّا !!!! بسم الله الرحمن الرحيم ! جه امتى وش الآذية ده ! ازيك يا سي ادهم وازي الست ضحى وسي احمد الصغيرررر

-             كويسين يختي، روحي اعمليلي فنجان قهوة مظبوط

-             حاضر يا سي ادهم، العصير اهو يا ست سعاد، مش عايزة حاجة تانية؟

-             لا يا شوقية

-             ولا انتِ يا ست اوسا ؟

-             لا يختي مش عايزة من وشك حاجة، اخفيييييي

-             تخفي من على وش الدنيا ان شاء الله، ضاربة في لسانك بت ابيحة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             حمدالله ع السلامة يا ست اوسا

-             الله يسلمك يا ام قلب حنين يا عاطفية

-             هاااا !

-             كنتِ بتعملي ايه في السيما أول امبارح يا بت ومين الجدع الصعيدي اللي كان معاكِ؟

-             .............. هو سي ادهم قالك انه شافني ؟

-    هه ايوة كدة اعترفي وتعاليلي دوغري، بقى يا بت يا سهتانة تضحكي عليا وتقوليلي  رايحة لدكتور العيون اتاريكِ رايحة تقابلي حبيب القلب !!!!!!

-    ....................... يا ست اوسا ما تظلمنيش ولا تفهميني غلطططط، الجدع ده يبقى ........... يبقى ..............

-    يبقى ايه يختي ! مين الصعيدي المغرم صبابة ده اللي جاي من بلده هيمان بيكِ ؟ هيهيهي بقى عشان كدة يا بت رافضة الجواز من سعيد  ! طب ما تقولي يختي ان قلبك مشغول، هو احنا هنغصبوكِ ولا هنغصبوكِ!

-             يا ست اوسا نبوسوا ايدك ما تظلمنيششششش  اهئ اهئئئئئ الجدع الصعيدي ده يبقى خطيبي واهلي عارفين

-             خطيبك!..طب ولما هو خطيبك يا بت مخبيين ع الناس ليه؟

-             اصل عنده شوية ظروف ملخبطة

-             ظروف زي ايه يعني ؟

-             ............ اصل هو عليه تار في بلدهم ومتداري  من الناس

-             ايّووووووووه، وما لقتيش يا بت غير الصعيدي اللي عليه تار تتشبكي معاه الشبكة السودة دي !!!!!

-             ....................... نصيبي يا ست اوسا ,هنعملوا ايه !

-             هه بتحبيه يا بت ؟

-             اومال يعني مستحملة اللي بيجرالي ليه !

-             ممممم وهتفضلوا كدة لامتى ؟

-    لحد ما ربنا يأذن يا ست اوسا، عن اذنك رايحة نشوفوا نورهان عملت ايه في الواجب.. على فكرة يا ست اوسا احنا بكرة هنروحوا لامي نقعدوا معاها يومين تلاتة عشان وحشتني، واختي وابنها كمان وحشوني

-             ماشي، بس ما تغبيش اكتر من كدة عشان نورهان هتفضح الدنياااااا

-             حاضر يا ست اوسا، عن اذنك

-    روحي يختي ......... هي البت دي مالها الهم راكبها زي ما يكونوا هيشنقوها بكرة كدة !!!!! ع الحب وسنينه ههههههههههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-     المشروع قرب يوصل الأنفوشي ايّوووووه الدنيا حر قوي النهاردة كدة ليه ! بس كان لازم ننزلوا من بدري عشان نروحوا لامي، حاسة اني عايزة نترمي في حضنها ونعيط ااااااخ ياني، يا غُلبك يا بدور, اركن على جنب يا اسطى الله يخليك هننزلوا هناااااا

-             ماشي يا ابلة، اتفضلي انزلي

-             متشكرين يا اسطى، اوووووف ايه الحر ده !

-                 ايه ده !!! دي بدارة، منورة الانفوشي يا أشرف بنات الانفوشي

-             سعيددددددددد !!!!!!

اتفجعتِ؟

-             وهنتفجعوا ليه ! اوعى خليني نمشي

-             رايحة فين  ؟

-             وانت مالك يا جدع انتتت!وعلى العموم هنريحوك، رايحة لامي، ارتحت!

-             هأ، رايحة لامك ولا رايحة تقابلي سامي ؟

-             هاااااا ! أأأأأ ايه اللي بتقوله ده يا جدع انت !

-    اللي سَمَعتيه يا شَرِيفة يا ام سمعة زي الجنيي الدهببببببب، أنا شكيت فيكِ من ساعة ما اتصلتِ وعملتي نفسك زبونة وعايزة سامي، وده اللي خلاني نتأكد ان فيه بينك وبينه حاجة، واللي اكد شكوكي ان بعد مكالمتك اتحجج بحجة مالهاش لزمة وساب المحل ومَشَى، حسيت انه رايح يقاااابلك

-             هأ، وطبعا مَشيت وراه وشوفته وهو بيقابلني عند السيما، مش كدة يا سعيددد؟

-    يا بجاحتكككك، صحيح عينك قوية وبجحة، بقى انت يطلع منك كل ده يا بدوررررر ! انتتتتتتتِ !!!!! بقى ترفضي حلال ربنا عشان تمشي في الحرام مع ساااااااامي !!!!!

-    اخرسسسسسسس قطع لسانك ولسان أي حد يجيب سيرتي بكلمة وحشششششششة اهئ اهئئئئئئئئئئئئ أنا اشرف منك ومن ستات عيلتك كلهمممممممم

-    اخرسي انتتتتتتتتِ، اياك تجيبي سيرة ستات عيلتي على لساااااانك، أنا اخواتي البنات مافيش واحدة فيهم راحت ولا جت ولا دارت مع الشباب في الشوارع والسيماااااات، كل واحدة فيهم من المدرسة للبيت ومن البيت للمدرسة، ومن كتر ادبهم واخلاقهم شباب المنطقة كانوا بيتسابقوا على الجواز منهم، كل اخت من اخواتي خرجت من بيت ابوها على بيت جوزهااااا، مافيش واحدة فيهم عملت عمايلك ولا مرمطتت شرفها عشان الفلوووووس .... يا خسارة يا بدوررررر يا ألف خساااااارة، أنا ندماااااان ندمان اني فكرت نتجوزك في يوم من الأيااااااام، لكن الحمدلله، ربنا كشفك قدامي على حقيقتك عشان ما نفكروش فيكِ ولا ثانية بعد كدة، عارفة ليه ؟ ........................... لإنك عديمة الشرف والكرامة وما تستاهليش غير كدة اتفوووووووو  أنا ماشي، وانتِ خليكِ في الوحل اللي انتِ فيه مع سامي مرشديييييييييييي

-             اهئ اهئئئئئئئئ سعيددددددد استنى يا سعيددددد استنىىىىىىىىى

-             عايزة مني ايييييييه ؟

-             اهئ اهئئئئئئئئئئ انا عايزة نعرف عم مرشدي فين دلوقتي

-             ههههههه عم مرشدي ! هو سامي مش مكفيكِ فلوس لدرجة انك هتفكري في ابوه كمان !!!!!

-             ...................... الله يسامحك اهئ اهئئئئئئ قوللي  عم مرشدي فييييييييين

-             عم مرشدي ع القهوة

-             طيب اسبقني ع القهوة واحنا هنحصلوك عشان عندي كلمتين هنقولوهم قدام عم مرشدي وعايزاك تحضرنا

-             ............................. !!!!!

-             ما تبصليش كدة، أنا مش مجنونة ......... اسبقني ع القهوة يا سعيد

-             ........... ماشي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             سلامو عليكو يا عم مرشدي

-             عليكم السلام يا سعيد، هات الينسون اللي طلبته منك يا ولا يا اسماعييييل

-             حاضر يا حاج مرشددددددي، هنجيبوه على طول اهو

 ايه يا ولا ! سايب شغلك وجايلي ع القهوة ليه ؟ عايز حاجة ؟

-             مش انا اللي عايز، بدور هي اللي عايزة

-             بدور !.... عايزة ايه بدور !

-    مش عارف، سألت عليك ولما عَرَفت انك ع القهوة قالت اسبقني وانا هنحصلك عشان عايزة نقولوا كلمتين لعم مرشدي وعايزاك تحضرنا

-             اليانسون يا حاج مرشدي

-             شكرا يا ولا يا اسماعيل، شوف سعيد يشرب ايه

-             تشرب ايه يا استاذ سعيد

-             متشكرين يا اسماعيل، روح انت

-             ماشيييييييييي

-             ههههه أنا عَرَفت يا ولا البت بدور عايزة ايه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             اكيد وافقت  ع الجواز منك وجاية تبلغنا

-             لااااااااا، حد الله ما بيني وما بينهااااا، أنا خلاص صرفت نظر

-             ليه بس يا ولا ! دانت عقلك كان هيطير عشان ترضى عنك وتوافق ع الجواززززز

-             ..................... كان زمان، كان زمان يا عم مرشدي، اهي جاية على هنا اهيه

-             صباح الخير يا عم مرشدي

-    اهلا يا بدور، صباح النور، عايزة ايه يا بت قولي بسرعة عشان ما يصحش تقفي في القهوة كدة قدام الرايح والجاي

-    اللي هنقولوه ما ينفعش نقولوه بسرعة يا عم مرشدي اهئ اهئئئئئئئئئئئئئ أنا عندي حاجات يامَا  قوي  عايزة نقولوها

-             وبعدين بقى !!!!!! ممممم طيب يا بت، احنا هناخدوكِ ونروحوا البيت عند ام سامي نتكلموا

-             لاااااااا, نبوسوا ايدك، بلاش الست ام سامي اهئ اهئ أنا مش عايزاها تعرف أي حاجة

-             توووء اووووف طب وبعدين بقى معاكِ ! طب خلاص يا بدور، تعالي معايا نروحوا عند كاميليا بنتي

-             ماشي يا حاج اهئ اهئئئئئئئئ نروحوا عند الست كاميليا، بس عايزة سعيد يحضرنا

-             وماله ، يلا بينا يا سعيد

....... ماشي يا حاج

-             خد حسابك يا ولا يا اسماعيييييييل

-             متشكرين يا حاج مرشددددددي، نهارك ابيض ان شاء الله

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             اركب يا سعيد، اركبي في الكرسي الوراني يا بدور

-             حاضر يا حاج

-             توكلنا على الله

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             تررررررررررررررررررررررررررررررررررررررررن

-             مييييييين ؟

-                 أنا ابوكِ ومعايا ضيوف يا كاميليا ، غطي شعرك والبسي حاجة مستورة يا بنتي

-             حاضر يا باباااااا ... ضيوف ! مين دول !

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             هه اهلا يا بابا اتفضل

-             السلام عليكم يا كاميليا

-             عليكم السلام يا بابا

-             ادخل يا سعيد يا ابني

-             السلام عليكم يا ست كاميليا

-             عليكم السلام، اهلا يا سعيد، ايه ده ! دي بدور ههه ازيك يا بت يا بدور

-             اهلا يا ست كاميليا، تسلمي يارب

-             مالك يا بت ! معيطة ولا ايه ؟

-             ...........................................

-             جوزك وعيالك هنا يا كاميليا ؟

-             لا يا بابا، فؤاد في الشغل والعيال في مدارسهم ولسة يامَا على معاد رجوعهم

-    طب كويس، اعمليلنا دور شيّ من ايدك الحلوة واحنا هناخدوا الجماعة وندخلوا الصالون عشان هنتكلموا في موضوع

-             ماشي يا بابا، بيتك ومطرحك يا حبيبي، شرفتونا يا جماعة، عن اذنكو هنعملوا الشيّ

-             اتفضلي يا ست كاميليا اهئ اهئ اهئئئئئئئ

-             تعالي يا بدور، ادخل يا سعيد

-             حاضر يا حاج

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             ادينا بقينا لوحدينا يا بدور، خير يا بنتي، عايزة تقولي ايه ؟

-             .......... اتكلم انت يا سعيد

-             نتكلم اناااااا !!!!!!! نتكلم نقول ايييييه !!!!!

-             في ايه يا بدور ! ايه اللي عايزة سعيد يقولهولي ؟

-             ............... كنت عايزاه يقولك انه شافني مع سامي من يومين يمة السيما

-             سامي !!!!!... سامي ابنيييييي ؟

-             ايوة يا حاج

-             شوفت بجاحتها يا حاااااج ! عمرك شوفت بجاحة زي كددددددة !

-    استنى انت يا سعيد، وانتِ بقى يا بدور جايباني وجايبة سعيد عشان تقولي  انك ماشية مع سامي ابني في الحرام ؟؟؟

-    لا يا حاج، أنا علاقتي بسامي ابنك مش حرام ............... سامي ابنك يبقى جوزي بشرع ربنا يا عم مرشدي

-             ايّووووووه !! سمَعت اللي انا سَمَعته يا حااااااج ؟

-             جوزك !!!!!!!! وكمان بشرع ربنا !!!!!! الكلام ده من امتىىىىىىىىىىى ؟

-             بقالنا يامَا يا حاج، قربنا على خمس سنين

-             ايّووووووووووووووووه، خمس سنيييييييين ! ومن وراياااااااااااا !!!!!!!!

-    .................. غصب عننا يا حاج، سامي مخبي عن الكل عشان الموضوع ما يوصلش لأهل مراته اهئ اهئئئئئئئئئئئئئئئئ

-             واهلك عارفين الحكاية ددددددي ؟

-             ايوة يا عم مرشدي، اهلي عارفين كل حاجة

-             وازاي يرضوا بحاجة زي ددددددي ! ازاي يرضوا انك تتجوزي في السر زي الحرامييييييية !

-    أنا اللي غصبت ع الكل ومشيت اللي في دماغي اهئ اهئئئئئئئئئ ما كنتش فاكرة ان كل ده هيحصل اهئ اهئئئئئئئئئئئ

-             جاية دلوقتي تعيطي وتندمي يا بنتي!

-    استنى انت يا حاج عشان عايز نقولولها حاجة، .................... أنا عايز نسألك سؤال واحد يا بدور، ازاي تقبلي على كرامتك تشتغلي خدامة لمرات جوزك الأولانية!

-    اهئ اهئئئئئئئئئئئئئئئ أنا غلطت يا سعيد اهئ اهئئئئئئئئئئ أنا بنعترف اني غلطت والموضوع من اوله كان غلط في غلطططططط اهئ اهئئئئئئئئئئ لكن اللي لازم تعرفه اني شريفة وما فرطتش في نفسي في الحرام اهئ اهئئئئئئئئئئئ سامي يبقى جوزززززززي اهئ اهئئئئئئئئئئئ وانت ظلمتني واتهمتني في شرفي اهئ اهئئئئئئئئئئئئ الله يسامحك

-             ........................... ربنا يسامحنا كلنا يا بدور ............. أنا ماشي يا عم مرشدي

-             اقعد يا سعيد، استنى يا ابني

-             الشيّ يا جمااااااعة

-             حطي الشيّ وناوليني التليفون الارضي عشان نكلموا سامي نقولوله يجيييييييي

-             سامي ! هو في ايه يا باباااا ؟

-             سامي اخوكِ متجوز بدور من ورانااااااا

-             ايّوووووه ! صحيح يا بدور انتِ تبقي مرات سااااامي!

-             ................... أنا مش قد المقام يا ست كاميليا، أنا عارفة اهئ اهئئئئئئئئئئ

-    يا حبيبتي ما تقوليش كدة، احنا ما نقصدوش وربنااااااا، احنا بس اتفاجئنا  ... طب ليه يا حبيبتي تتجوزي في السر وتشتغلي خدامة عند اوسااااااااا ! هي احسن منك في ايه عشان تخدميهااااااااا!

-             كاميليااااااا، مش عايز كلام، هاتي التليفون عشان نكلموا المحروس اخوكِ عشان يجيييييييي

-             حاضر يا بابا، لا حول ولا قوة الا بالله، هو ايه اللي بيحصل ده!

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             اتفضل التليفون يا بابا

-             هاتي يا بنتي

-    ترررررررررررررررررررررررررررررررررن تررررررررررررررررررررررررررررررررررررررررررررررررن

-             رد ع التليفون يا ولا يا حمو، اللي عايزني قوله ذهب مع الريح

-             حاضر يا استاذ سامي، الووووووو

-             ايوة يا ولا يا حمو، اديني ساااااامي

-             انت ميييييييين ؟

-             أنا الحاج مرشدي يا ولااااااااا

-             اهلا يا حاج، من عنيا حاضر، يا استاذ ساااااااااامي

-             عايز ايه يا ولاااااااااا

-             الحاج مرشدي باباك عايزك

-             هههههه بابايا ! حلوة يا ولا، هات السماعة، ايوة يا باباياااااااا هههه

-             فايق ورايق وبتضحك يعني !

-             وما نروقوش ليه يا ابوياااااا ! ههه حد واخد منها حااااجة !!!!

-             طب تعالى عايزك، أنا عند كاميليا

-             ايّووووووووووه متعاركة مع جوزها وعايزة حد يأدبه ؟؟؟؟؟؟؟

-             وربنا المعبود ما حد عايز يتأدب غيررررك، نص ساعة وتكون عندددددددي

-             ايّوووووووه ونسيبوا المحل لميييييييين ؟

-             سيبوا للصبياااااااااان، يلا يا ولا، مستنيككككككككك

-             اوووووووف حااااااضر، ولا يا حموووووو

-             ايوة يا استاذ سامي

-             أنا رايح عند وش الفقر اللي اسمها كاميلياااااا، ابويا مستنيني هنااااااااك

-             ليه يا استاذ سامي، مالها الست كاميليا بعد الشر ؟

-             تلاقيها ماتت وابويا عايزني نروحوا نلقوا عليها نظرة الوداع ههههههه

-             ليه بس كدة يا استاذ سامي ! دي عندها راجل وعيال محتاجينهاااااا

-    أنا بقى مش محتاجهااااااا ولا محتاج احلاااااااااام، على رأي امي، ربنا ياخدك يا كوكب انتِ وبناتكككككككك

-             وياخدك يا استاذ سامي إن شاء الله

-             ايه يا ولاااااااااا، بتدعي علياااااااا !

-    ابدا يا استاذ سامي، انت بتدعي على اخواتك يموتوا وانا بنتمنالك تحصلهم يعني، يمكن لما تتجمعوا في الآخرة تتصالحوا ونفوسكو تصفى، اكمن هناك مافيش مصالح ولا ورث ولا ناس بتاكل في بعض عشان الفلووووووس

-             طب نقطنا بسكاتك يا خويااااااا، هنلاقوها منك ولا من اختك الحربااااااية، رمضااااااااان

-    ايوة يا استاذ سامي، لحظة واحدة يا مدام بنكلموا صاحب المحل وهنفرجوكِ ع القماش اللي انتِ عايزاه .. نعم يا استاذ سامي

-             فين الولا اللي اسمه سعيد ؟

-             لسة ماجاش من المشوار اللي راحه

-    داهية لا ترجعه إن شاء الله، ما هو شغال في تكية مالهاش صاحبببببببب، الولا ده مش قال نص ساعة وراجع؟

-    الغايب حجته معاه يا استاذ سامي، جاي يا مدااااااام، حاضر يا ابلة يللي هناك، هنروحوا نشوفوا الزباين يا استاذ سامي

-    طب خلي بالك من المحل انت وحمو على ما نرجعوا، والولا اللي اسمه سعيد حسابه معايا بعديييييييين، سلااااااااااام

-             الله يسلمك يا استاذ سامي، اخترتي لون ايه يا ابللللللة

-             تعالى وريني القماش  المقلّم ددددددده

-             عنينا يا ست الكككككككل

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             ترررررررررررررررررررررررررررررررررررن

-             مييييين

-             أنا ساااااامي، افتحي يا كاميليا

-             اهلا يا سامي، اتفضل

-             ايه المقابلة الساقعة زي صاحبتها دي!مالك يا بت مكشرة في وشي كدة!

-             معلش، اصل أنا متضايقة شوية، اتفضل

-             ابويا فييييييين ؟

-             بابا في الصالون مستنيك، ادخل يا سامي

-             وبعدين في القلق ده ! أنا قلبي مش مطمن للي بيحصل... اما ندخلوا نشوفوا ابويا عايز ايه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-    ابوياااااا، صباح ال......... ايه ده !!!!!! بدوررررر !!!!!! سعيددددددددد !!!!!!! ايه اللي لم المشرقي ع المغربي !!!!!!!  في ايه !!!!!! بتعملي ايه هنا يا بدوررررررر؟

-             سيبك من بدور وكلمني انا يا ولااااااااا

-             نعمين يا حاج

-             اقعد عشان نتكلموا، عايزين نخلصوا الموضوع قبل ما فؤاد جوز كاميليا يجي ولّا  حد من العيال

-             ممممممم باين الموضوع كبير، أوامرك يا حاج، خير

-             بقى انت يا ولا بتستغفلني وبتتجوز بدور من وراياااااااااا؟

-             بدوررررررر!....... انتِ فتشتي السر اللي بيننا وقولتي لابويا  اننا متجوزين يا بدوررررررررر!

-    كل اللي هامك ان ابوك عَرَف يا سااااامي ! ومش هامك كرامتي اللي اتداست تحت الرحلين بسببككككككككك ! اهئ اهئئئئئئئئئئئئئئئئئئئئئ

-             وانتِ بقى جايبة سعيد عشان تشهديه على عمايلي يا بدور ! اتلميتي على سعيد فييييييييييييييين ؟

-    بدور ما قالتليش انك متجوزها يا استاذ سامي إلا لما شوفتها معاك في السيما بتتفسحوا في السر زي الحراميييييية

-    انت ماشي ورايا وبتراقبني يا ولااااااااا ! مش هتبطل شغل الندالة وعدم المرجلة بتاعك ددددددده!، انت عايز مني ايه يا سعيدددددددد ! بتفتش ورايا ليييييييييه ! عايز تعرف فضايحي واللي مخبيه عن ابويا عشان توقع بيني وبينه ويطردني تاني والمحل يبقى تحت امرك وانت الآمر النااااااااهي!يا اخي بطل سفالة بقىىىىىىىىى

-    الله يسامحك يا استاذ سامي، ربنا يعلم اني بريء من التهم دددددي، أنا لا قلت لابوك ولا قصدنا نفضحوك وربنااااااا، أنا لما واجهت بدور هي اللي صممت تقول لابوك وتبرأ نفسها وشرفها عشان مانفهموهاش غلطططططط

-    وانت مالك انتتتتتتتتت، تتهمها لييييييييه ! ما تخليك في حااااااالك، مبسوط دلوقتي لما ابويا عَرَف كل حاجة والله أعلم الموضوع هينتهي على اييييييييييه!!!!!

-             ربنا يصلح ما بينكو يا استاذ سامي، احنا هنرجعوا المحل يا حاج مرشدي، سلام

-    الله يسلمك يا سعيد.. خلصت الشويتين بتوعك يا سااااامي ؟ سيبت كل المصايب اللي عملتها ومَسَكت في سعيددددددددد !!

-             هو وش المصاااااااايب، كل ما يحصلي بلوى يبقى هو اللي وراهااااااااا

-             خلينا في الغلبانة اللي ضَحكت عليها بكلمتين حلوين خليتها توافق تتجوزك في السررررر

-             أنا ما ضربتهاش على ايدها يا حااااااااج، أنا غصبت عليكِ يا بدوررررر ؟

-    ............... بقى كدة يا سامي ! دلوقتي عايز تطلعني انا الغلطانة ! ............ عندك حق يا ابن الناس اهئ اهئئئئئئئ أنا فعلا اللي غلطانة اني صدقت الوعود المتزوقة والدنيا الحلوة اللي رسمتهالي وخليتني لغيت عقلي وعاديت اهلي واتجوزتكككككككك اهئ اهئئئئئئئئئئئئئئئئ ودلوقتي هتسيبني بعد المرار اللي شربته معاك وهترجع لمراتك عشان انا ما بقاليش لزمة في حيااااتك

-             يا بدور انا عايزك يا بدوررررر، يا ابويا احنا بنحبوا بدورررر، بنحبوها وما بنحبوش اوسااااااا

-             ولما انت بتحبهاااااا، ما جيتش تقولي ليه عشان نجوزوهالك يا ولاااااااا ؟

-    يعني مش عارف ليه يا ابويا !!!! عشان امي ما كانتش هتوافققققق، امي طول عمرها كانت عايزة تجوزني بنت اختها الغنية، كنت نعملوا ايه يعني!

-    ما تجيبش اللوم على امك يا ولااااااا، انت اللي طماع وعايز تجمع كل حاجة في ايدكككككك، ما بتحبش اوسا لكن بتحب  فلوسهاااااااا، وبتحب بدور لكن بتكره فقرهااااااا، عشان كدة جمعت ما بين الاتنين عشان ما تخسرش حااااااجة، تاخد الفلوس من اللي ما بتحبهاش وتاخد الحب من اللي قلبك اختارهااااااا، انت طماااااااااع

-             يا حاج ما تظلمنيششششش، أنا بس ما رَضيتش نعادوا أمي ونقفوا قصادهاااااااا

-    لو كنت صممت على بدور وجيت قولتلي زي ما احمد ابن عادل سليم عمل مع البت اللي اختارها، كنت وَقَفت جنبك وجوزتهالك زي ما عادل سليم عمل مع ابنننننننه، لكن انت فين واحمد فين ! احمد راااااااااجل، من صغره وهو راااااااااجل

-             اهئ اهئئئئئئئئئ يا عم مرشدي انا عايزة نعرف مصيري ايه دلوقتي ؟

-    ................................ هنقفوا جنبك يا بدور، انتِ بنت ومكسورة الجناح وانا عندي اللي زيك، واللي ما نرضاهوش على بناتي ما نرضاهوش عليكِ يا بنتي، أنا عارف انك غلطتي وتستاهلي كل اللي بيجرالك، لكن قلبي مش مطاوعني نسيبك في الورطة دي

-    اهئ اهئئئئئئئ ربنا يخليك يا عم مرشدي، أنا كل اللي عايزاه شقة تجمعني انا وسامي ونعيشوا واحدة ست لها بيت وكرامة وراجل مراعيها اهئ اهئئئئئئئئئئ

-    ماشي يا بدور، احنا هنجيبولك الشقة انتِ وسامي، اديني كام يوم كدة نكلموا السماسرة يشوفولنا شقة كويسة برا الانفوشي

-             ههههه يارب يخليك يارب يا حاج مرشدييييييييي، اديني ايدك نبوسوهاااااااا

-    اوعي يا بتتتتتتتت، أنا مش عايز شكر ولا بوس ايدين .... أنا يامَا ظلمت يا بنتي ..وكل اللي عايزه إنّي نكفر عن ذنوبي عشان ربنا يغفرلي ويحسن ختامي

-    اهئ اهئئئئ يارب يديك الصحة ويخليك لينا يا عم مرشدي اهئ اهئئئئئئئئئئئئ ده لو ابويا عايش ما كانش عمل معايا اللي انت عملته اهئ اهئئئئئئئئ

-    الله يرحمه ويرحم موتانا جميعا آمين، ارجعي دلوقتي بيت اوسا وفهميها كدة انك جالك عريس وهتتجوزي قريب وهتسيبي الخدمة عندها, في الفترة دي هنجيبولك الشقة ونفرشوهالك

-             ههههه الله يسعدك ياااااارب، حاسة اني بنحلموا وربناااااااا, تعيش يا عم مرشدي تعيشششش

-             الله يكرمك يا بنتي ... كاميلياااااااااا

-             نعم يا بابااااااااا

-             هنشوفوا شقة لاخوكِ سامي عشان يعيش فيها مع بدور

-             وماله يا بابا، خير ما فعلت وربنا، كدة بتعزز بدور وتساوي بينها وبين اوسا، ده عدل ربنا

-             طيب احنا هنحتاجولك الفترة الجاية عشان تختاري الشوار وتفرشي الشقة

-             هههه من عنيا يا بابا، هناخدوا احلام وننزلوا نلفوا ع المعارض وننقوا احلى عفش لعيون بدور

-             ههه تعيشي يا ست كاميليا

-             ايه ست كامليا دي ! يا بت دانتي مرات اخوياااااا، قولي يا كاميليا

-             هه لساني مش مطاوعني ننادوكِ بإسمك

-             خلاص قولي يا ام  محمد 

-             ههه ماشي يا ام محمد

-             يا بويا انت عايز احلام كمان تعرف ! مش كفاية كاميليااااااا!

-             دول اخواتك يا ولا ومش هيطلعوا سرك برا

-             ما تخافش يا سامي، سرك في بير يا خويا، احنا نخافوا عليك ونحموك برموش عنينااااا

-    قلع عنيكِ يا شيخة، متشكرين يختي، كدة انا مطمن، اسكندرية كله عَرَفت اني متجوز بدور ماعدا اوسا وعيلتهاااااااا، يارب ماحدش في اسكندرية يقولوهممممممممم

-             ما تخافش يا ولا .... موضوع جواز اخوكِ ما يطلعش ولا حتى لجوزك يا كاميليا

-             حاضر يا بابااااا

-    أنا قولتلك تعرفي احلام عشان لازم تعرفوا اني هنجيبوا لاخوكوا شقة، حقكو انكو تعرفوا، لكن مش من حقكو تقولوا لجوازكو على حكاية جواز سامي من بدور عشان ما نعملوش مشاكل مع عيلة عادل سليم

-             حاضر يا بابا، اطمن خالص، اطمن يا ساااااامي، هههه بالمناسبة الحلوة دي بقى هنجيبوا شربات

-             ههه اجلي  الشربات يا شربات انتِ عشان هتشربيه في شقتي انا وسامي

-             هههه ماشي يا بدور يا مرات اخويا، الف مبروك الشقة مقدمااااااا

-             الله يبارك فيكِ يا حبيبتيييييي 

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

هههه مبسوطة يا حبيبة هارتي؟شوفتي بقى ان كل وعودي اتحققت يا بدارة ؟

-    وعودك ايه يا ساااامي ! لولا عم مرشدي كان زماني في نفس الغرقة اللي كنت فيها، الله يخليك يا عم مرشدي يااااااااارب، ابوك ده حتة سكرة وربنا يا ولاااااا

-             هههه اومال اني نبقى ايه يا بت ؟

-    ممممم تبقى جوزي اللي دوخني السبع دوخااااات، جوزي اللي ما حققليش ولا وعد من وعودددده، بس نعملوا ايه في قلبي اللي بيحبك، مع انك ما تستاهلشششششش

-             هههههههههه عارف ان الكلام من ورا قلبك يا بت، يلا بقى عشان ترجعي عند اوسا واحنا نرجعوا المحل

-             اوسا ايه اللي هنرجعولها دلوقتي ! احنا  قولنالها رايحين عند امييييي، دي امي هتفرح يامَا يا ولاااااااا

-             خليها تفرح يختي عشان تبطل نبر وكلام زي السمممممم

-    ههههه دي امي دي عسل وربناااااااا، يا حبيبتي يا امّاااااااااا، من ساعة طلاق اختي ابتسام وهي حزينة وما فرحتش، اما نروحوا نفرحوها بقىىىى

-             هههههه روحي يا عسل، سلام يا قشطة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             تررررررررررررررررررررررررررررررررررررررررررن

-             شوف مين ع الباب يا ولا يا وجدي,يمكن تكون امك جت من مشوارها

-             حاضر يا ستيييييي، مييييييييييين ؟

-             ههههه افتح يا ولا يا وجدييييي، انا خالتك بدارررررررررة

-             خالتيييييييي هههههه هيييييييييه هييييييييييييييه، ازيك يا خالتييييييي

-             هههههه اهلا يا حبيب خالتك اموووووه وحشتني يا ولا يا عسل انتتتتتتت

-             وانتِ كمااااااان، جبتيلي معاكِ ايه يا خالتي ؟

-    جبتلك كيسة مليانة حاجات يامَاااااااا  شيكولاتة على مصاصة على بسكوووووت هههه خد يا ولا مش خسارة فيككككك

-             هههههه هيييييييييه دول يامَا قوي يا خالتيييييي

-             كل وحلي بقك وانبسط يا حبيبي اموووووه هههههه عسل يا ولا عسسسسل، فين امك وستك ؟

-             ماما نَزَلت تشتريلي بيجاما جديدة، اصل بابا شيّع فلوس امبارح

هي امك مش هتبطل عوايدها ! كل ما تلاقي في ايدها قرش تجري تفرتكه!

-             يعني ايه تفرتكه يا خالتي ؟

-             يعني تبعزقه، تقضي عليه لحد ما يخلصصصص، ستك فين ؟

-             ستي بتطبق الغسيل جوااااااا

-             طيب هندخلولها يا ولاااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             امّاااااااااااااا هههههههه

-             بدارة ! تعالي يا بدارة

-             هههههههه ازيك يا امّا وحشتينييييييي

-             ما تشوفيش وحش

-             ههههه ولا انتِ يا امّاااااااا، اوعي عنك انتِ نطبقوا الغسيل بداااالك

-             طيب، اه ياني يا رجليييييييي

-    هههه سلامة رجلك يا امّا، أنا عندي بقى خبر لو سَمَعتيه هتبقي زي الحصان ومش هتشتكي برجلك تاااااااااني

-             خير يا بدارة ؟

-             ههههه خير قوي يا امّاااااااا، سامي خلاص، كلها كام يوم ويجيبلي الشققققققققة

-             هأ، منين يا حسرة ! اتفتحله كنز !

-             هههه ايوة يا امّا، حاجة زي كدة، احنا هنحكولك الحكاية، اصل ابوه عَرَف بجوازنا ؟

-             ايّووووه !!!!!! عَرَفففففففف ! واهل مرات سامي عَرَفوا؟؟

-    لالالالالا يا امّا، ما تتفجعيش كددددة، عم مرشدي بس هو اللي عَرَف، اصل يا امّا سعيد اللي شغال عند سامي شافني معاه وواجهني روحت وخداه قدام عم مرشدي وقولتله ع الحكاية كلهاااااا، قام عم مرشدي ما خَلَصوش اللي حصل من سامي وقال احنا هنجيبوا الشقة عشان ما نظلموكيش يا بدارة ههه شوفتي بقى يا امّا سامي صدق في وعده ازاي!

-    سامي !!!!!! سامي ايه بقى يا بنتي ! سامي لو كنتِ قعدتي جنبه مِيت سنة فوق السنين اللي قعدتيها جنبه ما كانش هيتحرك ولا يحس على دمه، اللي يتشَكر بصحيح واللي عمل فينا جميل هو الحاج مرشدي، الله يكرمه يارب ويستر عرض ولاياه وما يفضحهم ابدا

-             هههههه آمين يا امّا آمين، لكن انتِ مش فرحانة ليه يا امّا ؟

-    مش هنفرحوا إلا لما نشوفوكِ جوا الشقة اللي بيقولوا عليها، نفرحوا لما نشوفوكِ متستتة في بيتك ونيجو نزوروكِ

-             هههههه قريب قوي يا امّا، قريب قوي يا عسسسسسسل اموووه

-             .....لكن انا خايفة يا بدارة

-             خايفة من ايه بس يا امّا!

 ********************************************

السلام عليكم ورحمة الله وبركاته

حبيت اسلم عليكم كلكو واقولكم وحشتوني جداً ووحشني التواجد بينكم ووحشتني تعليقاتكم وتفاعلكم مع الأحداث ووحشتني تحليلاتكم للشخصيات والمواقف التي أتابعها بشغف وانتظرها كانتظاركم  للحلقات وأكثر ههه

اسفة جداً للتأخير بس والله كان غصب عني وان شاء الله ما اتوقفش عن النشر تاني

نكمل يوم الأثنين القادم كموعدنا المعتاد لنشر الحلقات

دمتم بكل الخير قرائي الأعزاء