الحلقة السابعة والعشرين

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      اللي اقصده يا اسطى بيومي انّي مش عايزة حد يعرف انك سباك ولا حتى العروسة

-      ايييييييييه ! اومال هقولوهم انا ايه ولا مؤاخذة ؟

-      ههههه انت الدكتور بيووووووومي

-      نعمممممممممممممممممم ! داكتووووووور !

-  ايه داكتور دي ! اسمها دُكتورررر، مش داكتور يا اسطىىىىىى، حد برضو ما يعرفش يقول اسم الشغلانة بتاعته !!!!!!!

-      وهي كانت شغلانة الداكترة دي بتاعتييييييييي ! انا مش داكتورررررر

-  دكتور ونص وتلات تربع كماااااااان، هو الدكتور احسن منك في ايه ! عشان معاه سماعة يعني ! نشتريلك سماااااااعة

-  سماعة ايه بس يا حاااااااجة ! الداكتور ده عشان يبقى داكتور ويدوله السماعة اللي بيتعايق بيها لازم يتعلم ويتنور ويقعد في العلام سنين وسنين وبعدين يجيب مجموع كبير يدخل بيه كلية الطب اللي بيقعدوا فيها سبع سنيييييين

-  هههههه ماشاء الله عليك ! انت عارف ان كلية الطب سبع سنين ! وتقولي انك مش دكتور ! دانت دكتور وسيد الدكاترة

-  يا ست الحاجة، يا ست الحاجة كل الناس عارفة ان كلية الطب سبع سنييييييين، اصل ابن عمي كان فيهااااااا

-      هههه ماشاء الله، ابن عمك دكتور ! دانت من عيلة كبيرة اهووووو

-      هي القرعة هتتعايق بشعر بنت اختها ولا ايه! مالي انا ومال ابن عمي !

-      مالك وماله  ازاااااااي، الدم اللي في عروقكو واحددددددد، وكمان متساويين في المقامااااااات

-  متساويين في المقامات ازااااااااي ! دي امه مقاطعة امي من ساعة ما ابنها دخل الطب, وهو كمان مقاطعنا ومش عايز يعرفناااااا وما عزمناش في فرحه اكمنه يعني ناسب جماعة بشاوات كبار قوي

-  هههه شوفت بقى يا اسطى بيومي ان الدنيا بتاعتنا دي دنيا مظااااااهر ! خلاص احنا كدة اتفقنا، انت من هنا ورايح الدكتور بيووووووومي

-      ايوة يا حاجة بس كدة يبقى غش وتدميس ولا مؤاخذة

-      تدميس ايه يا ابني ! هو انا عازماك على صحن فووووول ! اسمه غش وتدليسسسسس

-  كويس انك عارفة يا حاجة انه غششششش، وانا بقى مش غشاااااااش، ازاي اكدب ع العروسة واقول اني داكتوررررر

-  يا ابني افهمني، احنا بس هنضحك عليها ونفهمها انك دكتور لحد ما تقابلها وتشوف هيئتك وحلاوتك وشياكتك وتبصم بالعشرة، بعدها بقى نبقى نفهمها انك لا دكتور ولا حاجة، وهنقول بس قدام الجيران والقرايب انك دكتور، عشان بس البنت ومكانتها 

-      مممممم طب يعني هتفهميها ع الحقيقة قبل ما نكتب الكتاب ؟

-      طبعا يا اسط...... قصدي طبعا يا دكتور بيومي

-  طب وهي بنتك الست سلوى هترضى تسكن في الشقة الاوضتين وصالة ومطبخ وحمام ضيقين اللي واخدهم في الحارة عند امي !

-  لالالالا طبعا ما ينفعششششش، اسمع يا اسطى بيومي، انا بناتي كلهم متجوزين,  وعايشة بس انا وعمك لطفي ابو العروسة وسلوى اللي هي العروسة، وبعد الجواز هتعيشوا معانا هنا

-      هناااااااا ! ههههه انا اسكن هنا في العمارة الحلوة والشقة العظمة دي !

-      وما تسكنش فيها ليه ! هما اللي ساكنين هنا احسن منك !

-      ههه متشكرين يا حاجة، والله انا من فرحتي مش عارف اقول ايه

-      قول موافق يا اسطى وانت مش هتندم

-      هههه موافق يا ست الحاجة

-      قولي يا طنط هدى

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      هههه ماشي يا طنط هدى

-  بص بقى انا هكلم سلوى في الموضوع النهاردة وهحددلك معاد عشان تجيب والدك ووالدتك عشان تقابل ابوها

-      هجيب امي بس، انا ابويا ميت

-  الله يرحمه ويرحم امواتنا واموات المسلمين، خلاص يا دكتور بيومي، هات الست والدتك, بس تخلي بالك تحفظها الدور، انت الدكتور بيومي وهي مدام ........ ممممم هي امك اسمها ايه ؟

-      اسمها هنّومة

-      ماشي، مدام هنومة، بس طبعا تفهمها هتقول ايه كويس قوووي، ولازم تلبسوا حاجة عليها القييييييمة

-      ونجيبها منين ! انا مامعييش فلووووووس

-  ولا يهمك، بص بقى انا هديك اسم محل رجالي تجيب منه بدلة واسم محل حريمي تجيب منه عباية شيك كدة لوالدتك، استنى اقعد هنا على ما اتصل ببنتي اخد منها اسم المحل اللي جوزها بيجيب منه البدل الشيك بتاعته

-      ماشي يا طنط هدى ههههه

-      هههه ايوة كدة مرّن لسانك

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      تررررررررررررررررررررررررررن

-      الو

-      ايوة يا ناهد, انا ماما

-      ايوة يا ماما يا حبيبتي ازيك

-      كويسة الحمدلله يا ناهد، كنت عايزة اسألك سؤال يا حبيبتي

-      حاضر يا ماما طالعالك حالا عشان تسأليني

-  تطلعي فييييييييين ! انا قولتلك اطلعييييييي ! هسألك سؤال واحد واقففففففل, انا مش فاضية للقعاد معاااااااكِ

-      طيب طيب بالراحة يا ماماااااا، كنت عايزة اوفرلك من فاتورة التليفون

-  لا مالكيش دعوة بالفاتورة، قوليلي يا ناهد، اسمه ايه المحل اللي نبيل جوزك بيجيب منه البدل الشيك بتاعته دي ؟

-      هههههه ليه يا ماما ! انتِ هتهادي بابا ببدلة ولا ايه ؟

-      ييييييي، يا بنتي انتِ مالك اهادي ابوكِ ولا يهاديني!انا بسألك سؤال محدد

-      حاضر يا ماما، المحل اسمه سمارت مان ، موجود في الزمالك

-      طب استنى اما اكتبه عشان ما انساش، سماااااارت مااااااااااان

-      ده نفس المحل اللي بيجيب منه محسن جوز منى، هي ما قالتلكيش ؟

-  وانا مالي ومال منى ! انتِ عايزاني اتصل بمنى اسألها على اسم محل البدل عشان العيلة كلها تعرف اننا هنجيب بدلة جديدددددددة !

-      ههههه على رأيك يا ماما، مبروك البدلة مقدما على بابا

-      الله يبارك فيكِ، عقبال عندك، مع السلامة

-  الله يسلمك يا ماما هههه والله ماما دي رقيقة جداااااااا، طب والله لانزل اشتري بدلة لنبيل هدية مممممم بدلة لنبيل ! وعلى حساااااابي !!!!!!! مممممم يلا زي بعضه، اجيبله ومش خسارة فيه هههه وكمان بالمرة ابعت اجيب تورتاية ونتعشى على اضواء الشموع بعد ما العيال يتخمدوووووا، يا حبيبتي يا ماما يا أم الأفكار الرومانسية هههههههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      خد يا دكتور بيومي هههه ده اسم المحل، سمارت مان

-      مسمار ايه ولا مؤاخذة ؟

-  مسمار ايه يا ابني بسسسسس، سمارت مااااااااان, سمارت مان يعني راجل شيك وانيق زي ما هتبقى ان شاء الله، العنوان بتاع المحل اهو في الزماااااالك

-  زمالك ! ايوة يا حاجة بس انا اهلاووووووي، اوعي تكوني فاكرة اني هغير النادي بتاعي بعد الجوازززززز، شكلكو زملكاوية وهتتعبوني معاكووووو

-  ياابني اهلي وزمالك ايه بسسسسس ! المحل في منطقة الزماااااالك، احنا  عيلتنا لا اهلاوية ولا  زملكاوية ولا بنفهم في الكورة من اساسسسسسسه، اتفضل بقى ما تتعبنيش

-      ماشي يا حاجة

-  تاخد امك وتروح تشتري البدلة والعباية النهاردة، لما تدخلوا محل العبايات  اللي كاتبالك أسمه ابقى اتصل بيا وخلي مدام نيفين صاحبة المحل تكلمني وانا هفهمها على كل حاجة عشان تختار لامك حاجة عليها القيمة وتشرف

-      ماشي يا حاجة، هاتي رقم التليفون

-  هههه اه والله دانا ناسية، هكتبهولك اهو، وبعد ما تخلصوا شرا وكله تمام التمام تكلمني، خد رقم التليفون ,استنى هدخل اجيبلك الفين جنيه من جوا عشان تجيبوا الهدوم

-      الفين جنيه تمن بدلة وعبااااية ! لييييييييييه !

-      يا خويا هو أكل وبحلقة !

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      اميييييييييي يا ام بيوووووووووووومي أمّاااااااااااااااااااااااااا

-      ايه يا واد يا بيوووووووووووومي، بنشر الغسيل في البلكوووووووووونة

-      سيبك من الغسيل وتعالي يامّا عشان جايبلك خير يفرّححححححححححح

-      اديني جيت اهو، خير يا بيومي ؟

-      هههه أنا لقيت عروسة صبية مية مية وهتجوز يا امّا يا وش الخير يا غالية عليااااااا

-      عروسة ! مين دي يا واد وعرفتها من انهي داهية ؟

-      يووووووووو، بقولك ايه يا امّا، أنا مش خايف إلا من لسانك وكلامك اللي زي الدبش ده

-      دبشة لما تفتح دمااااغك، ما تلم لسانك يا واااااااااد

-  حاضر يا امّا حقك عليا، اصل يعني اهل العروسة ناس علّيوي قوي ومش عايزك تقولي قدامهم الفاظ تخضهم يعني وتبوظ الجوازة

-      علّيوي ! وعرفتهم منين الناس العليوي دول !

-  زباين يا امّا ساكنين في عمارة فخيمة قوووي، ولا شقتهم يامّااااااااا، حتة شققققققققققة، صالونات ايه وانتريهات ايه ونجف ايه وتحف ايييييييه، ولا السجاجيد يامّا اللي كنت ماشي اغرز فيها زي ما اكون ماشي فوق نجيلة، ناس اغنيا قوي يا امّااااااااا

-      انت اهبل يا ابني !

-      ليه يا امّااااااااا ؟

-  يا بيومي يا ابني ازاي ناس زي اللي بتقول عليهم دول هيدوك بنتهمممممممم ! يمكن كانوا بيكلموك عن الشغالة بتاعتهم وانت فهمت غلط ؟

-  لالالا يا امّا، دي بنتهم الصغيرة، امها قالتلي ان اخوات البت متجوزين وما حدش عايش معاها غير البت العروسة وابوها وانا هعيش معاهم يا امّا, باركيلييييييييييي هههههه

-  اباركلك على اييييييييه ! والله ما أنا فاهمة حااااااااجة، تلاقيك شارب حاجة بوظتلك دماغك ومانتش دريان بتقول ايييييييييه، سيبني يا ابني ادخل اكمل نشر الغسييييييل

-      استني بس يا امّاااااااا، بكلمك جد والله، أنا فاااااااايق

-  طب طالما فايق يبقى فهمني دي تيجي اززززززاي ! ازاي ناس اغنيا وساكنين في شقة زي اللي بتقول عليها دي يجوزوا بنتهم لسباك مش متعلم زيكككككك ,........ ايوة ايوة أنا كدة فهمت، اكيد البت وحشة وسوقها واااااقف

-  وحششة ! وحشت ميييييييين !!! دي البت قمر، قمر يا امّاااااااا، امها وريتني صورتها، زي فلقة القمررررر، اهي دي العرايس ولا بلااااااااش !

-  استغفر الله العظيم، عايزة اقول حاجة ولساني مش مطاوعني لكن هقولهاااااااا، يمكن يا ابني البت تكون عملت عملة سودة واهلها عايزين يتستروا عليها وما لقوش غيرك يدبسووووووه ؟

-  لالالالا يا امّا، الظلم حرااااااااااام، دول باين عليهم عيلة محترمة، بس زي ما تقولي كدة امها استرجلتني اول ما شافتني وقالتلي بنتي مش خسارة فيك

-  يا ابني ومالها لوزة بنت ام حسبوووووو ؟ دي ام حسبو هتتهبل عشان تجوزك بنتهاااااااا، امبارح لسة مقابلاني في السوق وقعدت ترمي بالكلام وقالتلي اسكتي يا ام بيومي، مش أنا اشتريت الميلامين وطقمين كوبايات للوزة اول امبارح، يا بخت اللي هياخد لوزة ويتمتع بالجهاز الغالي اللي جايبنهولها

-  شوف اقول لامي ايه تقولي اييييييييه ! لوزة مين يا امّا الجاهلة اللي هبصيلها ددددددي ! دانتِ لو شوفتي العروسة اللي هتجوزها هيغمن عليكِ من حلاوتهاااااااا

-  طب يا اخويا، بكرة تتدبس وما حدش يعرف ينجدك، احنا عارفين دول مين ولا وراهم ايه ! يمكن بتوع مخدرات ويجرجروك معاهم ويشيلوك بلاويهممممممم، بس اسمع لما تتسجن ابقى قول يا ريتني سمعت كلامك يا امّااااااا

-      طب بصي بقى يا امّا، دول الفين جنيه أم العروسة اديتهوملي

-      الفين جنيه ام العروسة اديتهوملك ! اقطع دراعي إن ما كان الموضوع ده وراه حاجة كبيرة قوووي

-  لا يا امّا انتِ فهمتي غلط، الفلوس دي ام العروسة اديتهالي عشان نجيب بيها هدوم شياكة أنا وانتِ عشان العروسة ترضى بينا يعني، وكمان هيقولوا للناس ان انا داكتور ولا مؤاخذة

-      داكتوووووور !

-      اسمعي بس أنا هفهمك على كل حاجة يا امّا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      ها يا امّا فهمتيني ؟

-  لا ما فهمتش ومش عايزة افهمممممم، بص بقى أنا هقولك المفيد، الالفين جنيه اللي جم دول تاخدهم وتشتري بيهم غويشتين للوزة تشبكها بيهممممممم، دول رزق لوززززززة

-      عايزاني انصب ع الناس يا امّااااااا ! اقبل الحراااااااام !

-      يا ابني انت عبيط ولا بتستعبطططط ! طب ما انت هتنصب ع العروسة وقرايبها اهوووووو

-  لالا ما فيش نصب، دي حكاية مدبراها امها عشان يعني الناس ما تستنقصهومش ويقولوا جوزوا بنتهم لسباااااااااك

-      طب ايه المطلوب مني أنا دلوقتييييي ؟

-      مطلوب منك تيجي معايا يا مدام هنومة يا ام الداكتور بيومي عشان نشيكوكي ونهندزوكي ههههه

-  أمري لله، همشي وراك لما اشوف اخرتها، والله مع اني مستخسرة لوزة بنت ام حسبو وطقم الميلامين اللي هيروح علينااااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      عريس ايه ده يا ماما وجه منين ؟

-  ما أنا هحكيلك اهو يا سلوى، اصل من كام يوم وانتِ في الشغل وابوكِ برا تعبت قوووي، حسيت كدة زي ما يكون السكر علي والضغط مش مظبوط ومش قادرة ارفع دماغي، قولت خلاص أنا اخد بعضي وانزل ادور على دكتور كويس

-      كنتِ تعبانة يا ماما وروحتي للدكتور وما قولتيلنااااااش !!!

-  قلت بلاش اخضكو يا سلوى، روحت لبست وخبطت على أمينة، قولتيلها يا أمينة ما تعرفيش دكتور كويس يظبطلي الضغط  ؟ قالتلي اعرف يا هدى، في دكتور كويس قوي وبتعالج عنده

-      طب وطنط امينة تتعالج عند دكتور غريب ليه ! ما عندها الدكتور عصام ابنها

-  ها ! أأأ يعني زي ما تقولي كدة ده مستواه العلمي اعلى من الدكتور عصام ابنها عشان كدة هي بتثق فيه وبتروحله

-      أها، طيب يعني عملتي  ايه عند  الدكتور ده ؟

-      هههه عملت كل خير، هما خبطتين وصلحلي الضغط

-      خبطين وصلحلك الضغط ! ماما اسمها ظبطلك الضغط مش صلحه

-      يا بنتي ما تدقيش، اهي كلها مصطلحات المهم النتييييييجة

-      والنتيجة ايه يا ماما ؟ حاسة بإيه دلوقتي يا حبيبتي ؟

-  حاسة بالفرررررح, حاسة بالهنا والسروووووور هههه اصل الدكتور ده هو العريس اللي بقولك عليه يا سلوووووى

-      ايه ده ! طب وهو عرف منين ان عندك بنت مش متجوزة يا ماماااااا ؟

-  يا بنتي الكلام جاب بعضه، وقالي يا سلام يا مدااااااام من ساعة ما شوفتك وانا حاسس انك اميييييي، لدرجة اني نفسي اشوفك كل يوم من كتر ما ارتحتلك، ما عندكيش بنات للجواز عشان النسب يقربنا ؟

-      افندمممممم ! في دكتور هيقول كدة لمريضة اول مرة تدخل عيادته ؟

-      وانتِ مالك انتتتتتتتتتتتتِ، ايوة قال كددددددة، انتِ هتكدبيني ولا اييييييه !

-      طيب طيب خلاص، يعني هو انسان كويس ومحترم كدة ؟

-      إلا محتررررررم, ده محترم وفي قمة الاحترام، تاخديه وانتِ مغمضة

-      ممممم هو اسمه ايه ؟

-      استر يارب اقولها اسمه ازاي !!! أأأ ايوة اسمه .. اسمه الدكتور بيومي

-      ايييييييييييييييه ! بيووووووووومي ! أنا اتجوز واحد اسمه بيوووووووومي !

-  يا بنتي اقعدي انتِ وقفتي مرة واحدة ليه كدة ! ماله الإسم يا حبيبتي ! الإسم ما يعيبش صاحبه، وبعدين أنا ابو جدي كان اسمه بيومي واتجوز وخلف وما جراش حاجة ابدا

-      اديكِ قولتي يا ست مامااااااا, ابو جدككككك، يعني الإسم ده انقرررررض

-      يا بنتي ما تتعبنيش معاااااكِ، لو شوفتيه هيعجبك وهتنسي اسمه

-      مممم طيب عن اذنك هروح لطنط امينة

-      تروحي لامينة ليه ؟

-      اسألها ع العريس ده

-      طب وامينة هتعرفه منين يا بنتييييييييي !

-      الله ! مش بتقولي هو الدكتور بتاعها يا ماماااااااا ؟

-  أنا قلت كدة !.. ايوة صحيح، يعني هو أنا ما لقتش إلا امينة اللي ساكنة جنبي اقول  بتتعالج عنده  ! لالالا يا سلوى، اصل امينة ما تعرفوش على المستوى الشخصي، مجرد دكتور بتتعالج عنده وخلاص، هي مالها وماله ! وبعدين يا حبيتي أنا مش عايزة حد يعرف انه متقدملك إلا لما الموضوع يعدي على خير، واهو العريس جاي بكرة مع الست والدته هنومة هانم

-  هنومة ! أنا اخرتها اتجوز واحد اسمه بيومي ابن هنوممممممممة ! اما اشوف اخرتها مع عرسانك يا ست ماما

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      هي دي العمارة يا امّا

-      يا صلاة النبي، يا صلاة النبي، عمارة تشرح القلب الحزين

-      مش بقولك يا امّا ! ههه تعالي بقى يا امّا عشان ندخل العمارة، زمان العروسة مستنية على ناااااار

-      ومين اللي قاعد على باب العمارة ده ؟ أبوها ؟؟

-      ابوها ايه يا امّاااا، ده بواب العماااااارة، تعالي ورايا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      مساء الخير، عايزين نطلع عند المدام هدى لو سمحت

-      أنا بشبه عليك، حاسس اني شوفتك قبل كدة ؟

-      انت جيت عندي العيادة قبل كدة ؟

-      هو انت دكتور ؟

-      ههه ايوة، مش باين عليا  ولا ايه ولا مؤاخذة ؟

-      من ناحية الشكل باين، لكن الطريقة مش باين

-      طب فسّح بس خلينا نركب الاسانسير أنا والهانم ماما

-      اتفضلي يا ست هانم يا ام الدكتور

-      يزيد فضلك يا خويا، يخليلك عيالك ويكفيك شر المرض

-      ايه يا امّااااااا اييييييييه ! احنا داخلين نشحتتتتتتتت !

-      ايه يا بيوووووومي, كنت عملت ايه أنا !!!

-      تعالي نركب الاسانسير

-      استنوا أنا طالع معاكو، يا فهييييييييييمة تعالي اقعدي ع البوابة على ما انزززززززل

-      ماشي يا عواااااااااااد

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      تررررررررررررررررررررررررررررررررررررررررررررررن

-      يلا يا سلوى كملي لبس, العريس باين عليه جه، يا لطفيييييييي

-      بلبس يا هدى بلبسسسسسسسسس

-      طيب خلص بسرررررررررعة، انا رايحة افتححححح

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      اهلا يا عواد

-      ازيك يا ست هدى، الجماعة دول تبعكو ؟

-      ايوة تبعنا، يا اهلا وسهلا بالدكتور ههه

-      ههه مساء الخير حدرتِك

-      حدرتي ! حضرتي ابتدت تقلق اهلا وسهلا، اتفضلوا، انزل انت يا عواددددد

-      ماشي يا مدام هدى ... ايه الناس الغريبة دي !

-      اهلا وسهلا يا دكتور بيومي، ازيك يا مدام هنومة

-  تعيشي يا حبيبتي، دول تلاتة كيلو سكر واتنين كيلو رز من بتوع التموين، قلت اهاديكو بيهم عشان المناسبة الحلوة دي، مش معقول ندخل بإيدينا فاضية يا ام العروسة ههه

-  يختي ياريتك كنتي جيتي بإيد فاضية بدل الفضااااايح، انتو ما سمعتوش عن علب الشكولاتة قبل كدددددددة !

-      معلش يا طنط، اصل اللي جه على بالنا نجيبلكو حاجة تنفعكو في البيت يعني

-  اووووووف اخبيهم فين الحاجات دي  ! دي لو سلوى شافت الرز والسكر ده هتفضح الدنيااااااا، وايه يا ابني اللي لبسينه في رجليكو ددددددده، امك لابسة شبشب حماااااااام !!

-      لا يا حبيبتي ده مش شبشب الحمام، ده شبب الخروج بتاعي، برتاح فيه عشان طري على رجلي

-      وانت يا ابني مش قادر تشتري جزمة بدل البُلغة اللي في رجلك دددددددي !

-      ما انتِ ما قولتليش غير ع البدلة والعباية يا حااااااجة !

-  طب اقلعوا الحاجات دي قبل ما تدخلوا عشان لو سلوى شافتها في رجلكو مش ممكن هتصدق انك دكتور ولو حلفتلها ع المية تجمددددددددد اقلعواااااااا

-      اقلعي الشبشب يا امّا

-      اديني قلعت الشبشب، احنا جايين هنا نتربى ولا ايه !!!

-      معلش يا مدام اعذريني، أنا مش عايزة الجوازة تبوظ اتفضلواااااااا

-      ادخلي يا امّا، شوفتي ام العروسة متمسكة بابنك ازاي !

-      والله يا ابني أنا مش مرتاحة للجماعة دووووول

-  اهو انتِ كدة يا امّااااااا، عمر قلبك ما ارتاح لأي حاجة حلووووووة، عايزاني اسيب عروسة زي دي واتجوز لوزة بنت ام حسبووووو

-      والله ما انت عارف قيمة لوزة ولا قيمة طقم الميلامين اللي امها جايبااااااااه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      يا مرحب اهلا وسهلا شرفتنا يا دكتور بيومي ههه

-      اهلا يا طنط ههه اومال فين العروسة ؟

-      العروسة هتجهز وتيجي على طول، باباها جاي يرحب بيكو اهو

-      السلام عليكم

-      عليكم السلام

-      ابوها ده يا واد ؟

-      ايوة يا امّا، ازي حدرتك  يا عمي

-      حدرتي ! اهلا يا ابني، اهلا يا مدام

-      يا اهلا بيك يا خوياااااااااا

-      ممم اهلا، ايه يا هدى ما قدمتيش حاجة للضيوف ؟

-      حالا اهو يا لطفي، تشربي ايه يا مدام هنومة ؟  ساقع ولا سخن ؟

-      أي حاجة، اللي يجي منكو حلو يا ام العروسة

-      استعجلي سلوى يا هدى

-      حاضر يا لطفي، يا مرحب انستونااااااااااا، استر يارب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      اتفضلوا جبتلكو حاجة ساقعة

-      اسم الله على ايدك يا حبيبتي، خد الصينية من خالتك يا بيووووومي

-      حاضر يا ماما

-      ماما ! الواد مال لسانه اتعوج كدة

-      هدى

-      ايوة يا لطفي

-      مين دوووووووول ؟

-      مين دول ايه ! الدكتور بيومي اللي قولتلك عليه ودي امه

-      ممم متأكدة ؟

-      اومال يعني هغشكككككك ؟

-      طيب يا هدى، منورين يا جماعة

-      الله يخليك يا سي الاستاذ  منور باصحاااااابه، اومال فين عروسة ابني  الحلووووووة ؟

-      جاية على طول يا مدام، اومال يا ترى  عيادتك فين يا دكتور ؟

-  عيادتي ! ايوة اصل انا اشتريت عيادة جديدة غير الاولانية ولسة بشطبها تشطيب سوبر لوكس, خدتها في حتة نضيفة قوي بس ع المحارة ، لما اركب السيراميك والقوشاني  هخدك افرجكك عليها حدرتك، ايه الأسئلة اللي لا ع البال ولا ع الخاطر دددددي !

-  ايوة، اسم الله عليه ابني الداكتور واخد الشقة بالشيء الفيلاااااااااني، فكرني ابخرلك العيادة يا حبيب امك عشان الحاجات دي بتتحسد

-      حاضر يا ماما

-      مممممممم وياترى ...

-      ما كفياك اسئلة في الراجل يا لطفي،  بلا يا ترى بلا يا هل ترى، اهلا وسهلا يا جمااااااعة

-      اهلا بيكِ يا حبيبتي يا نسيبة الهنا، ربنا يجعلها جوازة نادية علينا ونفرح بعيالهم قادر يا كريمممم

-      هي سلوى اتأخرت كدة ليه يا لطفي ! هي على طول على قلبها مراوح كدة !!!

-      ممممم أهي جت اهيه، تعالي يا بنتي

-      مساء الخير

-      ههه العروسة اهيه يا امّااااااااا

-  يا الف نهار ابيضضضضض لولوليييييييييييييييييييييييييييييييييييييييييييييي زغروتة يا حباييييييييييييييييب لولوليييييييييييييييييييييييييييييييييييييييييييييييييييييييييييييييييييي

-      امّااا امّاااااااا ايه اللي عملتيه دددددده !

-      بزغرت يا ابني فرحنااااااالك

-      عمرك شوفتي ام دكتور تزغرررررررت ؟

-  وما يزغرتوش ليه يا ابني ! هو حد يكره الفرح ,طب ادي كمان زغروتة لولوليييييييييييييييييييييييييييييييييييييييييييييييييييييييييييييييييييييييييييييييييييي

-      بتزغرتي ليه يا امّااااااااااا ؟؟؟؟

-      عشان الحبايب يتلمووووووووو

-      يا امّا هو احنا في الحااااااااارة !!!!! العروسة واقفة تبصلك وهي مخضووووووضة

-      مخضوضة ليه يا خويا ! كانت شافت عفريت !!! ازيك يا عروسة ابني

-      .................. اهلا يا طنط

-      اقعدي يا سلوى يا حبيبة ماما تعالي جنبي

-      حاضر يا ست ماما ممم، ممكن اعرف حضرتك دفعة سنة كام بالظبط ؟

-  دفعة ! ههههه هو انتِ عارفة اني كنت في الجيش ! اصل لما كنت في الجيش وكنت انزل اجازات كان الناس في الشارع يقولولي يا دفعة ههههه حاسب يا دفعة، تعالى كدة يا دفعة ههههه والله فكرتيني بأيام الجيش الحلوة

-      افندم !!! أنا اقصد حضرتك اتخرجت سنة كام من كلية الطب يا دكتورررررر ؟

-  هاااااااااا ! ههه صراحة مش فاكر، اصل شغلانة  الدكترة دي  واكلة  كل وقتي ومش  فاضي اهرش في قفايا ، يبقى هفتكر ازاي السنة اللي خرجت منها ؟

-      خرجت منها !!........ممكن اشوف بطاقتك ؟

-      جرا ايه يا سلووووووى ! بطاقة ايه اللي هتشوفيها !!

-      عايزة اتأكد يا ماما من مؤهلات جناب الدكتور

-      سلوى بنتي عندها حق، وانا كمان عايز اتأكد

-      الحقيني يا امّا

-  ما تخافش يا وااااااااد، جرا اييييييييييه ! مالكو عمالين تتكلموا مع الواد كدة بأرف زي ما يكون جاي يرمي جتته عليكووووووو، احنا اللي عايزين نعرف العروسة دي مستأهلاتها ايه وعندها كام سنة ؟

-      أنا يا طنط خريجة تجارة  خارجية  وعندي ستة وتلاتين سنة

-  يا مصيبتيييييييييي ! ستة وتلاتين اييييييييييه ! يا ستة وتلاتين وكسسسسسة , ايوة ايووووة  كدة بانت واتفهمتتتتتتتتت ,شوفت يا اهببببببببل، عايزين يجوزوك واحدة بايرة وفايتها القطررررر

-      بقى هي الحكاية كددددددددة !

-  لا وكمان بيتشرطوا علينا ال والبسوا ما اعرفش ايه وقولوا ايه زي ما يكونوا هيدونا هدية، دانتو كنتوا عايزين تدونا رزييييييييية، عاجبك كدة يا وادددددد ! ادي اخرة عدم سماع كلام امككككككك، عشان اتبطرت على لوزة بنت ام حسبوووووووو، طب والله لكون خطبهالك النهاردة، وادينا لابسين وجاهزين اهوووووو، شبشبي فين والبلغة بتاعة الواد فين لوديكو في داهييييييييييييية

-      ايوة عايزين الشبشب والبلغة وما تنسوش التلاتة كيلو سكر والاتنين كيلو رز بتوعناااااااااا

-      هتلاقوهم عند باب الششششششششششقة، يلا اطلعوا برا جاتكو الأرررررررررف

-  ايه يا هدى العمايل اللي بتعمليها دي يا هدىىىىىىىى ! هي حصلت تجيبي ولد زي ده يخطب البنتتتتتتتت !

-      اهئ اهئئئئئئئ شايف يا بابا ماما واللي بتعمله فيا والتهزئ اللي بتجبهووووووووولي

-  ايوة يختي اوئي قوووووي، كل اللي بيحصل انتِ السبب فييييييييييييه، اعمل ايه ان كنت مش لاقية حد يرضى بيكِ ولا بسنكككككككك، قلت اجيب أي حد واجوزك وخلاااااااااااص، ممروعة على ايييييييه ! اهو الواد وامه ما رضيوش بيكككككككِ ,لوزة بنت ام حسبو هتتجوز وانتِ هتفضلي في ارابيززززززززي، أنا رايحة عند امييييييييييييينة

-      اهئ اهئئئئئئئئئئ شوفت يا بابا ! يرضيك تصرفات ماما واللي بتعمله ده!

-      معلش يا بنتي، مامتك اعصابها تعبانة وبتتصرف من غير وعي، حقك عليا أنا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      تررررررررررررررررررررررررررررررررررررررررررررررررن

-      ميييين ؟

-      افتحي يا أمينة أنا هدددددى

-      هدى ! ههه اهلا يا هدى، اتفضلي

-      يزيد فضلك يا أمينة اااااااااخ ياني

-      اهلا يا هدى، بقالي حوالي اسبوع ما شوفتكيش، وشوفت سلوى مرة وسألتها عنك

-      ما تجيبليش سيرتهاااااااااااااا

-      اعوذ بالله، انتِ زعلانة من سلوى ولا ايه ؟

-      زعلانة منها بس ! قولي مفروسة منهااااااا, هطق منهااااااااااا, هاخد هدومي واطفش منهااااااااااااا

-      هههه ليه بس كدة يا هدى ! طب اهدي بس شوية وقوليلي تشربي ايه ؟

-  لالالا أنا جاية افضفض معاكِ بكلمتين، لا عايزة اشرب ولا  عايزة اكل، يامَا كلنا ويامَا شربنااااااا، يا ريت راحة البال كانت بالأكل والشرب ما كانش حد غلببببببب

-      في ايه بس يا هدى ! حصل ايه من سلوى مزعلك كدة ! دي البنت هادية وماحدش بيسمعلها صوت

-  صدق من قال يا مخلفة البنات يا شايلة الهم للمماااااااااات، ما انتِ ريحتي دماغك وخلفتي تلات صبيان ومش دريانة بالبنات واللي بيعملووووووه

-      هه يعني هو بمزاجي يا هدى ! ربنا هو سبحانه اللي بيهب الذكور ويهب الإناث

-  يا بختك يا أمينة، أنا بحسدك عشان ما خلفتيش بنااااااااات، كان زمانك بتكلمي نفسك من عمايلهمممممممم، تعمليش فيا جميل وتاخدي التلات بنات وتديني التلات صبيان اللي عندك ؟

-  هههه موافقة، خديهم بمشاكلهم بقلقهم وخدي كمان عنيا اللي ما بتنامش طول الليل بسبب المشاكل والهموم اللي بيسببوهالي

-      هما كمان ولادك عاملينلك مشاكل ؟

-  المتغرب عن عنيا ومحرومة منه  واللي حياته غامضة وكلها اسرار وقلقانة  طول الوقت بسبب غموضه، غير ولاده اللي بيتربوا تربية غريبة عن ديننا ومعتقداتنا، وانا شايفة اللي بيحصلهم قدامي وايدي مغلولة ومش قادرة اتدخل ولا أعمل أي حاجة، مافيش غير ماجد اللي الحمدلله مش شايلة همه ولا هم ولاده لاني عارفة ان هو ومنال ربنا يباركلها بيربوا الولاد صح، شوفتي بقى الهم اللي أنا فيه بسبب ولادي ؟

-      هم ايه يا امينة بعد الشر ! دول رجالة بسم الله ماشاء الله وما يتخافش عليهم

-  بيتهيألك يا هدى، الأم هي الأم سواء ولادها بنات أو رجالة، دايما شايلة همهم .... الكلام عن الولاد اخدني وبعدنا عن موضوع سلوى، مالها سلوى ؟

-  يعني مش عارفة مالها يا أمينة !!!! هديل بنت اختها اتخطبت واتكتب كتابهاااااااا، هديل العيلة اللي كانت بتلعب وتتنطط من كام سننننننننة، بقت عروسة ماشاء الله وكلها سنة إن شاء الله وتروح بيتها

-      طب وسلوى دخلها ايه ! ده قدر من عند ربنا وما حدش عارف بكرة هيحصل ايه

-  أنا اقولك يا امينة ع اللي هيحصل بكرة إن شاء الله، بكرة بنات منى هما كمان يتخطبوا ويتجوزوا وهي هتفضل زي ما هييييييييييي, ال خطبوها اتعززت وفاتوها اتندمتتتتتتتتت

-  لا حول ولا قوة إلا بالله، ما حدش يعرف الغيب غير ربنا سبحانه وتعالى يا هدى، ادعيلها ربنا يبعتلها نصيبها

-      ما بعتهولهاااااا، لسة كان عندنا هو وامه من شووووووية

-      هو مين ده يا هدى ؟

-      السباك

-      السباك  !!!!!!!!

-      أنا هحكيلك على كل حاجة واحكمي انتتتتتتتتِ

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-  يا خبر يا هدى ! لا حول ولا قوة إلا بالله ! معقول اللي عملتيه ده ! أنا مش بقلل من شأنه ولا حاجة، كلنا عبيد لله، لكن أنا اقصد ان مافيش تكافؤ فكري وثقافي وعائلي بينهم، يعني ما ينفعش خالص يا هدددددددى

-  يا شيخة بلا فكري بلا عائلي بلا خيييييييييبة، هو انتِ فاكرة يعني مين هيجيلها في السن دددددددده ! الدكاترة والمهندسين عايزين عرايس صغيرين الدنيا قدامهممممممم، قوليلي مين العريس اللي عليه العين اللي هيسيب البنات بتوع الجامعة الصغيرين اللي يشرحوا القلب ويجي ياخد الأثرية العتيقة اللي عندي جوا دددددددي !!!!!!!!!

-  يا هدى من فضلك ما تتكلميش بالطريقة دي عن سلوى، كل واحد بياخد نصيبه، وحتى لو ما اتجوزتش، عدم الجواز مش نهاية العالم، تقدر تعيش حياتها وتستمتع بيها طالما مافيش معصية لله، تسافروا مع بعض، تخرجوا مع بعض، تغيروا جو وتبطلي الكلام اللي بتزعليها بيه ده يا هدى

-  يا سلام ! نخرج مع بعض ونسافر مع بعض !!!! أنا بقول نفضها سيرة ونطفش من بعض احسسسسسسن، طب وافرضي جه اليوم اللي أنا خايفة منه وسيبتها أنا وابوها وقابلنا وجه رب كريم، تقدري تقوليلي هتعيش ازاي لوحدهاااااااا !

-      يا هدى اللي خلقها مش هينساها، ليه شايلة الهم قوي كدة !!

-  عندك حق تقولي الكلام ده كله، ما هي مش بنتك ولا حاسة بالنار اللي أنا فيهاااااا، صدق المثل اللي بيقول ما يحسش بالنار إلا اللي ماسكهااااااااا

-  كدة برضو يا هدى ! يعني سلوى ما تهمنيش ! ربنا يعلم أنا بدعيلها قد ايه في كل صلاة بصلاح الحال، أنا بس بقول كدة عشان اخفف عنك الإحساس القاسي ده، وعايزة اقلك ان ربنا سبحانه وتعالى هو اللي بيدبر امورنا كلها، يعني مهما عملتي مش هتاخدي غير اللي ربنا كاتبه

-  انتِ زعلتي مني يا أمينة ؟ حقك عليا، والله يا حبيبتي أنا ما باجي عندك إلا عشان ارتاح واسمع كلامك الحلو اللي بيصبرني ويريح قلبي، أنا بس من زعلي على سلوى مش دريانة بقول ايه، سامحيني، حقك عليا

-      هه أنا مش زعلانة منك يا هدى، إنتِ جارتي واخت عزيزة على قلبي وما احبش اشوفك في الحالة دي

-      ااااااااااااخ الصبر من عندك يارب

-  ايوة ادعي كدة بالصبر وإن شاء الله يجي الفرج، تشربي ايه بقى ؟ هه لو قلتي مش عايزة يبقى لما اجي عندك مش هشرب حاجة برضو

-      خلاص يا أمينة، اعمليلنا اتنين لمون نهدي اعصابناااااااا

-      حاضر، عن إذنك

-      اذنك معاكِ يا أمينة ... يا ترى ربنا كاتبلك ايه يا سلوى يا بنتي !

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      ده صوت عربية سامي يا بت يا بدوررررر، هنروحوا نفتحوا نشوفوا ابوه مات ولا لسسسسسسسسسة

-  ايّوووه, دي  طَلَعت تجري ع الباب زي ما تكون مستنية خبر حلو، لا حول ولا قوة إلا بالله، اما نروحوا نشوفوا في ايه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      تررررررررررررررررررررررررررررررررررررن

-      اهلا يا سامي ابوك عامل اييييييييييه ؟

-      لسة تعبان يا اوسا

-      لسة تعبان ! هو لسة عايش لحد دلوقتي ! مممم سلامته

-      الله يسلمك

-      عم مرشدي عامل ايه يا استاذ ساااااااامي

-      تعبان يا بدور، عدينا عليه واحنا راجعين لقيناه بنفس الحالة، يفوق شوية ويرجع يغيب عن الدنيا تاني

-  لا حول ولا قوة إلا بالله، طب ما تودوه مستشفى يا سي ساااااااامي، حرام كدة وربنا، المستشفى فيها رعاية اكتر من البيت بيامَا

-      ..............................................

-      وانتِ مالك يا بت انتِ بتتحَشَري ليييييييييييه ! مالك انت يودوه مستشفى ولا ما يودوهوووووووش !!!

-      يا ست اوسا احنا كل الحكاية صعبان علينا عم مرشدي ورميته كدة

-      وانتِ مااااااااالك، كان ابوكِ ولا من بقيت أهلكككككككك !!, امشي غوري حطي العشا لسيدك سااااااااااااامي

-      حاضر يا ............... يا ستي

-      ادخل يا سامي غير هدومك على ما البت دي تحط الأكل

-      ماشي يا اوسا

-      ومالك كدة متكدر ومتنكد زي اللي فلوسه ضاعت واتهدت عمايره !!!!!!

-      ابويا يا اوساااااا ,ابوياااااااا، ابويا ومهما كان نزعلوا عليه

-      كلنا هنموت يا سامي

-      انتِ خلاص موتيه !!!!!!

-  اللي ابوك فيه ده مرض الموت، من ساعة ما قلتلنا بيفوق شوية ويغيب عن الوعي شوية واحنا فَهَمنا ان كلها ساعات ويتوكل ع اللي خلقققققققققققه

-      انتِ مش هتروحي تزوريه يا اوسا ؟

-  ايّووووووه يا سامي هو اللي هنقولوه هنعيدووووووه ! قلنالك احنا جتتنا بتتلبش من زيارة المرضانين وخصوصا اللي بيودّعوا

-      امي هتزعل يا اوسااااااا، ما يصحش كدددددة

-      سيبك انت من خالتي ., هنتصلوا بيها بكرة نقولولها على ظروفنا، العشا يا مقصوفة الرقببببببببببة

-      حاضر يا ست اوساااااااااا

-  طب روح انت بقى يا سامي غير هدومك واحنا هنروحوا نكملوا الفيلم اللي كنا بنشوفوه هههههه حتة فيلم عسل وربناااااااا عامله حتة ولا جديد انما دمه اييييييييه شربات ابن الإيه هههههههه

-  اوووووووووف احنا داخلين نغيروا هدومنا وانتِ روحي اغرقي في الشربات يختي واضحكي وكركري للصبحححححححح

-      نكركروا، ما نكركروش ليه ههههههههههههههههههههههههههههههههههههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

**********************

-      بداااااارة

-      سامي !

-      هششششششش وطي صوتك للعقربة تسمعنا

-      احنا لا عايزين نتكلموا معاك ولا لساننا يخاطب لسانك يا ساااااااامي

-      ليه بس كدة يا بت ؟ هو انا ناقصكككك ! مش كفاية ابويا ومرضه !

-  يا سلاااااااام ! قلبك على ابوك قوي ! يا اخي اتقي الله في الراجل اللي رباك وصرف عليك  دم قلبه وما بَخَلش عليك بحاجة اهئ اهئئئئئئئئ ده كفاية وقفته جنبنا في محنتنا ووعده لينا بالشقة

-      ما تخافيش يا بدارة، الشقة هنجيبوها خلاص، ابويا  كلها ساعات و....................

-  ويموت، مش كدة يا سامي ؟ مين قالك يا سامي اني زعلانة ع الشقة ! اهئ اهئئئئئئئ أنا زعلانة على عم مرشدي وربنا اهئ اهئئئئئئئ راجل حنية الدنيا فيه اهئ اهئئئئئئئ وربنا انا كنت حاسة وهو بيكلمني انه ابويا وبيجيبلي حقي وبيعززني اهئ اهئئئئئئئئئئ اوعى تفتَكَر اني مستنية موت عم مرشدي عشان تورث وتجيبلي شقة اهئ اهئئئئئئئ أنا زعلانة عليه زي ما يكون ابويا هو اللي تعبان ومش قادرة نعملوله حاجة

-      وانا يا بت يعني هنعملوله ايييييييييه ! هنمنعوا قضا ربناااااااااا !!!!!!!

-  اهئ اهئئئئئئئئئ تعمل اللي عليك يا سامي وتوديه مستشفى يعالجوه ويشوفوا فيه ايه اهئ اهئئئئئئ مش تسيبه مرمي في البيت من غير رعاية لحد ما بعد الشر يجراله حاجة وانت واقف تتفرج عليه اهئ اهئئئئئئئ ساعتها يا سامي احنا مش هنسامحوك وربنا اهئ اهئئئئئئئئ عشان ساعتها هنتأكد انك غدّار ومالاكش عزيز، اللي يهون عليه ابوه يهون عليه مراته اهئ اهئئئئئئئئئئئ

-  ههه تعرفي يا بت يا بدارة، اللي عايز يتعلم الإخلاص والنية الصافية يجي يتعلمهم منك وربنا، انتِ صنف وأوسا من صنف تاني خاااااااااالص، الفرق بينك وبين اوسا زي الفرق بين الجوهرة وحتة الإزاز، وانا بقى جواهرجي ونقدروا الجواهر اللي زيك يا عسل هههه

-      مش وقت كلام وحديت يا سامي، انت تنزل دلوقتي تروح لابوك توديه مستشفىىىىىىى

-      دلوقتيييييييي ! يا بت الصباح ربااااااااح

-      لاااااااا دلوقتي، وإلا وربنا نزعلوا منك ونقاطعوك

-      هه واحنا ما نقدروش يا حبيبتي، خلاص، عشان خاطرك هننزلوا طوالي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      ترررررررررررررررررررررررررررررررررررررررررررررررن

-      ايّووووووووووه مين جايلنا الساعة ددددي ! اما نروحوا نشوفوا مين

*******************

-      مييييييين

-      أنا سامي يا امّا افتحييييي

-      سامي!ايه اللي جابه الولا ده تاني!..ايه يا ولا ,ايه اللي جابك ؟

-      جايين ناخدوا ابويا نودوه المستشفى

-      ايّووووه ! مستشفى ايه وبتاع ايه يا ولااااااا ! هنصرفوا فلوسنا ع الفااااااضي، ابوك بيموت يا سااااااامي

-  يا امّا ما ينفعش كدة يا امّاااااا، احنا سايبينه كدة بقالنا يوميييييييين، نعملوا اللي علينا عشان ما نلوموش نفسنا بعد كدة يا امّاااااا

-  نلوموا نفسنا على ايييييه ! يا ولا اسمعني يا ولااااا، مرواح ابوك للمستشفى لا هيقدم ولا هيأخر وما هينوبنا إلا صرف آلافات قد كدة من غير لززززززمة

-  اهي برضو فلوسه يا امّااااااا، يعني مش معقول نستخسروا فيه فلوووووسه، يعني ابويا يتعب ويشقى العمر ده كله ويعمل الفلوس دي كلها وفي الآخر نحرموه من علاجه اللي هندفعوه من حر ماااااااله !

-      انت ايه اللي جرالك يا ولااااااا ! ما كنت موافقني ع اللي بنعملوووووووه

-      كنت غلطان يا امّااااا ,صعبان عليا نقصروا في حق ابويااااااا، احنا داخلين نشوفوووووووه

-      اوووووووف، ايّوووه عليك ولا، يعني مش احنا اولى بالفلوس اللي هتترمى ع الأرض ددددددي !!!!!!!!

*******************

-      ابويااااااااا، ابويا عامل ايه يا ابلة ؟

-      الحمدلله، أنا شايفة انه احسن من امبارح بياما

-      طب هو نايم ولا ايه ؟

-      هو بينام شوية ويصحى شوية، أهو صحى اهو

-      ابويااااااااا

-      سامي

-      عامل ايه يا حااااااج ؟

-      الحمدلله ع اللي يجيبه ربنا يا ابني

-      طب احنا هناخدوك دلوقتي ع المستشفىىىىىى، هنطلبوا الإسعاف عشان يشيعوا عربية ننقلوك فيهاااااا

-      لا، مستشفى لا يا سامي، انا اااه انا هنا كويس يا ابني ومش عايز نروح مستشفى

-      سَمَعت بودنك يا ساااااااامي ؟ اهو ابوك بذات نفسه بيقولك مش عايز يتنقَل المستشفىىىىىىىى

-  استني انتِ يا امّاااااا، يا حاج احنا بنقولوا يعني ان المستشفى فيها رعاية احسن من البيتتتتت ,احنا هنودوك مستشفى خاص، احسن مستشفى في اسكندرية كلهااااااا

-      لا يا سامي يا ابني اااه احنا بنتعالجوا هنا، وان شاء الله ربنا يكتبلنا الشفا

-  يارب ما توعى تقوم ولا تشوف شفا يا مرشدييييييي، ماله متبت في الدنيا كدددددة ! ممم عامل ايه يا مرشدي؟

-      نحمده يا توحيدة ااااه

-      يعني يا حاج مش هتسمع كلامي وتروح المستشفى ؟

-      لا

-      ............. على راحتك يا حاج، بس خلي بالك من نفسك عشان احنا محتاجينك

-  محتاجينه في ايه الكوهنة ددددده !!!!! ايوة يا مرشدي على رأي الولا سامي، كلنا محتاجينككككك، هنعملوا ايه من بعدك يا مرشددددي، دانت نوارتنااااا

-      تعيشي يا توحيدة اااااه

-      طب يا ابلة خلي بالك منه الله يكرمك، خدي العشرين جنيي دول عشانك

-      مالوش لزوم

-      خدي بس، خدي يا ابلة، تاعبينك معانا

-      لا تعب ولا حاجة، على العموم الف شكر

-      أنا ماشي يا ابويا وهنعدي عليك الصبح، مش عايز أي حاجة قبل ما نمشي ؟

-      كتر خيرك يا سامي ااااه

-      عايزة حاجة يا امّا ؟

-      لا يا خويا عايزاك طيب ... أنا رايحة الصبح للمحامي يا ولا

-      محامي ايه يا امّا ؟

-  ايّوووووه هيكون محامي ايه ! محامي نسألوه عن الحق والمستحق ونجيبوا منه ورقة تنازل نمضّوا عليها ابوك ونجيبوا اتنين شهود يشهدواااا

-      جرا ايه يا امّاااااا ! ما تلمي الدورررر، انتِ ما صدقتي ان ابويا وَقَعععععع !!

-  وطي صوتك يا ولا وانت بتتكلم معاياااااااا، وفيها ايه يعني لما ندوروا على حقي وحقككككك ! ولا انت عايز ابوك يموت وينطولنا بنات كوكب واجوازهم ويقولوا عايزين حقنا في التركة وتقوم بينا وبينهم عاركة وتقلب بدمممممممم !

-      يا امّا وتقلب عاركة لييييييه ! بعد عمر طويل لابويا يبقوا ياخدوا حقوقهم بالرضا والتراضييييي

-  بس يا ولا بلاش عبططططط،  دول لا ليهم حق عندنا ولا هياخدوا مليم احمررررر، ابوك طلق كُوكب من زماااااااان، يعني لا هي ولا بناتها لهم عندنا قشّاااااااااية

-      يا امّا اهدي علينا الله يكرمككككك، ابويا لسة عايششششش، بكرة يخف ويبقى زي الفل ويقوم ويرجع محله

-  يا ولا افهم يا ولاااااااا، خلي قلبك شفاف وابيض زي قلب امككككك، مرض ابوك ده انذار لينا عشان ناخدوا حذرنا ونأمنوا نفسناااااااا، يبقى حتى لو خف النوبة دي وقام منها بعد الشر نبقوا امنّا نفسنا وكتبنا كل حاجة بإسمك واسمي، بعدها بقى يعيش يعيش، يموت يموت هو حرررررر

-      ايّووووووه يا امّاااا ! أنا ما كنتش عارف انك بتكرهي ابويا الكره ده كله

-  ............. ابوك سرق احلى سنين عمري وشبابي يا ولا، ايّوووووه، يامَا كنت بنحلموا وانا شابة صغيرة بعريس من سني، شاب ملو عيني، عنده المال والشباب والشكل الحلو اللي يِشرح القلب، لكن يا خسااااااارة يا الف خسارة ع البت الحلوة الدلوعة اللي رمت نفسها لراجل اكبر منها بعشرييييييييين سنة، وده كله عشان الفقر والحااااااجة، شوفت انا اتظلمت قد ايه يا سااااااامي !!!!!

-  ظلم ايه يا امّاااااا ! ابويا لا ضربك على ايدك ولا اتجوزك غصب عنكككك، اللي نعرفوه يعني ان كله كان برضاكِ وان انتِ اللي قصدتي تزغللي عينه بيكِ عشان يتجوزك واشترطي عليه يطلق مراته أم بناته

-  ايّوووووووووووه بتفكرني بهمي وقلة بختي ليه يا ولاااااا ! وانا يعني كنت لقيت احسن منه وما خدتوشششش ! راجل غني وعنده المال والعيشة المرتااااااحة، نسيبوه لغيري ليييييييه !

-  امي انتِ اتجوزتي ابويا عشان الفلوس واديكِ غَرَقتي في الفلوس واتنعمتي في العيشة المرتااااااحة، يبقى ابويا عمل فيكِ ايه وحش عشان تكرهيه!

-  ....... احنا لا بنحبوه ولا بنكرهوه، اهي كانت عيشة والسلام، عمري ضاع جنبه عشان الفلوس، يبقى ما تستغربش ان كل همي  دلوقتي اني نأمنوا نفسي ونخافوا ع الفلوووووووس ,..... أنا ريحة بكرة للمحااااااااااامي

-      الموضوع ده تنسيه خالص وتشيليه من دماغك يا امّاااا, أنا مش مواااافق

-      ممم يعني انت شايف كدة يا سامي ؟

-      سيبي كل حاجة زي ما هي يا امّاااا, مش ناقصين مشاااااااكل

-      خلاص يا سامي ..سكينا ع الموضوع

-      ايوة كدة الله يكرمك , ما يبقاش الراجل راقد عيان واحنا عمالين ننهشوا في لحمه ..أنا ماشي ,سلام

-  اوووووووف سلام،كان انقطع لساني قبل ما نقولولك على حكاية المحامي والتنازل يا سامي .. الولا بيحاسبني زي ما نكون اجرمت ..وربنا انا غلطانة اني قلتله وفتحت السيرة قدامه ..كنت فاكراه هيسندني ويقف جنبي ..اتاريه حيطة مااااايلة ..لكن انا مش صغيرة ولا هنغلبوا من غيره ..هنروحوا للمحامي وننفذوا اللي في دماغي من غير ماحد يدرى

***********************************************

قرائي الأعزاء ..لحد هنا انتهت حلقات النهاردة..كنت حابة انوه عن شيء يؤرقني

على حسابي القديم  على الفيس بوك كان عندي أصدقاء من القراء الأفاضل..خايفة انهم يعتقدوا اني حذفتهم ,لا والله ما حذفتش حد ,لكن أنا حذفت الحساب القديم كله وعملت حساب جديد بعدها بشهور طويلة ,حبيت اذكر الموضوع دي تبرئة لساحتي حتى لا يعتقد البعض أو يظنوا خطأ إني حذفتهم ..برحب بطلبات الصداقة من قرائي بالطبع فهذا شرف لي

وهذا رابط حسابي على الفيس لمن لا يعرفه

 https://www.facebook.com/profile.php?id=100025359131588

ألقاكم الأسبوع القادم بمشيئة الرحمن

دمتم بود