الحلقة الثانية (ف2)

لكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

**************************

صباح الخير يا معاذ يا إبني

ههه صباح النور يا أبي

امك واختك لسة ما حضروش الفطاااار ! يا منااااااااال الفطار يا مناااااااال

حاضر يا ماااااااااااجد

ادينا مستنين يا ستي , جدك لسة نايم ؟

ايوة , كنت هصحيه لكن امي قالت سيبه نايم على راحته

 ممم السن بقى , ربنا يديله الصحة

آمين

 اخبار المذاكرة ايه يا معاذ يا حبيبي ؟

الحمدلله يا أبي , المواد سهلة جدا وماشي فيها كويس

طيب الحمدلله , النهاردة  إن شاء الله هراجع معاك كام درس نحو كدة زي كل يوم جمعة , مع انك ما شاء الله استاذ في النحو ومش محتاجني ههه

ههه لالا ازاي بقى يا بي ! انا بتعلم منك دايما , واذا كان مستوايا في اللغة العربية ممتاز , ده لإنك استاذي

ههه جزاك الله خيرا يا حبيبي , امك حنت علينا اهيه , اخيرا يا منااااااااال ههههه

ههههه بنتأخر شوية عشان تجوعوا وتاكلوا بنفس

ههه صباح الخير يا أبي

اهلا مريومتي ههه صباح النور حبيبتي , اقعدي

متشكرة ههه

دوق بقى يا ماجد الاومليت الرهيب اللي عملاه مريووووووومة ههه

ههه محسساني انها اضافت تقنية جديدة للأومليت هههه مممم مالح شوية يا مريوم , ابقي خلي بالك من الملح ما تزوديهوش

حاضر يا أبي

يا اخي كسفت البنت , قولها تسلم ايدك كتر خيرك على تعبك

مريومة ما بتزعلش مني ,  مش كدة يا مريوم ؟

ههه انا مش ممكن ازعل منك ابدا يا أبي

سمعتي يا منال ! اطلعي انتِ منها بقى وما تتدخليش بيني وبين بنتي حبيبتي ههه

بقى كدة ! مممم طيب يا ست مريم , الحق عليا اني بدافع عنككك ههه

ههه ربنا يخليكِ ليا يا امي

مريم من فضلك هاتي كوباية مية

اتفضل يا معاذ , كان في حاجات مش فاهماها في الرياضة وعايزاك تشرحهالي

حااااضر ههه أأمري يا مريومة , بعد ما اجي من صلاة الجمعة انا وأبي  هشرحهالك إن شاء الله

ايه يا معاذ , انت ناسي ان انا وانت وابوك رايحين عند تيتة امينة بعد الصلاة !

لا طبعا مش ناسي , هشرح لمريم اللي هي مش فاهماه ع السريع ان شاء الله , تيتة وحشتني جداااااا بقالي اسبوعين ما شوفتهاش يا امي

وهي كمان نفسها تشوفك وزعلت قوي لما روحنا من غيرك المرة اللي فاتت

غصب عني , كان عندي مذاكرة كتير قوي

الحمدلله , تسلم ايدك يا منال انتِ ومريوم

تسلملي يا ماجد , شبعت بالسرعة دي !

ايوة الحمدلله , ما احنا تقلنا في العشا قوي , يعني المفروض انتِ كمان تقومي, كفاية اكل يا مناااااال ههههه هتتخني ولو تخنتي هتجوزززز

كدددددة ! سامع ابوك بيقول ايه يا معاااااااذ !

هههههههههههههههه أبي ما يقدرش يستغنى عنك يا حبيبتي , بيهزر معاكِ

ايوة يا سيدي دافع عنه هههه

ههه يدافع عني طبعااااا اومال انا مخلفه ليه ! يلا يا معاااااذ عايزين نلحق الصف الأول

حاضر اهو يا أبي , اخد لقمة فول بس ههههه اهيه مممم الحمدلله , السلام عليكم يا أمي

عليكم السلام يا حبيبي , المسكين ما كملش أكله يا مريم

نبقى ياكل  عند تيتة ان شاء الله يا أمي , كان نفسي اروح معاكو بس في نفس الوقت ما اقدرش اسيب جدو حبيبي لوحده  , تيتة وحشتني وكمان منة بنت عمو هاني

ممم وايتن ؟

ايتن يا امي مش عارفة ليه بحس انها مش بتحبني ولا بتحب تقعد معايا , حاولت كتير اقرب منها بس بحس انها مش عايزة , فسيبتها براحتها لاني ما اتعودتش افرض نفسي على حد

 جدتك برضو بتشتكي منها وبتقول انها ما بتزورهاش نهائي , ربنا يهديها يا حبيبتي ويهدينا جميعا , يلا يا حبيبتي عشان نلم الاطباق دي وننضف السفرة ونروح نتوضى ونستعد للصلاة

حاضر يا أمي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

جدو حبيبي, انا جيتتتتتتت يلا يا جميل عشان تتغداااااا

ايه يا حبيبة جدو الصنية الكبيرة دي كلها ! بقى انا هاكل كل دددده !

كل ده ايه بس يا جدو ! دول هما طبق شوربة ونص فرخة مسلوقة وطبق سلطة

هتأكليني نص فرخة بحالها يا مفترررية ! هههه

هههه جدو شاطر وهيخلصها لوحددددده , استنى يا حبيبي احطلك الفوطة على صدرك , ايوووة كدة , يلا بقى افتح بقك عشان أأكلك

ههه يا سلام ع الدلع , انتِ الوحيدة اللي في البيت ده بتدلعيني يا بنت يا مريم

ههه طيب وأمي !

بتدلعني برضو ربنا يخليهالي , بس مش زيك يا مريومة , انتِ حنيتك شكل تاني خالص

ههه ربنا يخليك لينا يا جدو يا حبيبي امووووه

ههه ربنا ما يحرمنيش منك يا حبيبتي

طيب يلا بقى معلقة شووووربة بلا يلااااااا هم يا جمممممل ههه

هههههه انا جمل ! جمل كبير وعجوز ومكحكح

ههه لالالا ما تقولش كدة بقى , انت صغيور خالص يا جدووو

ههه قوليلي خالتك رانيا اتصلت من روما ؟

ايوة اتصلت بس حضرتك كنت نايم , وزعلت خالص لإن عمر  ورودينا  كانوا عايزين يكلموك

يا حبايبي ! وحشوني قوي العفاريت دول

على العموم هي قالت هتتصل تاني النهاردة بعد المغرب إن شاء الله

إن شاء الله يا بنتي , كفاية يا مريم , الحمدلله شبعت

ايه ده يا جدوووو ! لسة انت مش كلت غير ربع فرخة بسسسس

كفاية يا بنتي , مش قادر والله

طب عشان خاطر مريومة حبيبتك حتة صغيورة كماااااان عشان خاطري يا جدو

ههه حاضر يا ستي هاتي

ايوة كدة يا جدوووو شاطر حبيبي وبيسمع كلام مريومة اللي بتموت فيييييييه هههه

ههههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

**********************

شفتِ يا بهيرة, البت رحمة عايزة ابوها يجيبلها عربية , عشان كل ما تركبها قلبي يتخَطَف ورجلي ما تشلنيش من الرعب عليهااااا

عربية ايه اللي بنتك عايزاها ! هتعمل بيها ايه يعني !

عشان تروح بيها الجامعة

وهي الجامعة بعيدة يا اشجان ! دي كلها محطتين تلاتة لميدان العباسية , دي جامعة عين شمس اقرب منها مافيش , اومال لو كانت في جامعة القاهرة كانت عملت ايه !

بتقول ما يصحش بنت الحاج عادل سليم وحش المينا تركب مترو الانفاااااااق 

خلاص  طالما المترو مش عاجبها خليها تركب عربية كارّو بحمارين وابقي سوقيهالها انتِ ههههههههه والله متخيلاكِ هههه هيبقى شكلك تحفة يا أشجان انتِ وبنتك ههههه

انتِ بتضحكي يا بهيرة ! دي البت هتفرسنننننني, وما بتسمعش الكلام ابدا وانا خايفة ابوها يطاوعهاااااا

بصراحة بنتك متدلعة يا اشجان , فيها ايه يعني لما تركب مواصلات زي زمايلها !!! واذا كانت يعني مش عايزة تتساوي بيهم عشان فلوس ابوها تبقى تحط على  راسها ريشة هههه , أنا اقولك بنتك عايزة العربية ليه يا اشجان  يا اختي , بنتك عايزة تتمنظرررر , زي ما بتلبس اغلى لبس وبتاكل اغلى اكل عايزة كمان تركب عربية

عارفين يا بهيرة , بس قوليلي نعملوا ايه ! على يدك يختي , احنا طول عمرنا نشدوا عليها عشان حالها ما يميلش , بس ابوها بقى هو اللي مدلعها , بس احنا  بقى مش هنسكتواااا

هتعملوا  ايه يا أختي هههه ؟

هنتصلوا باحمد اخوها في اسكندرية يشوفله صرفة معاهاااااا

والله في الآخر البت هتمشي كلامها ع الكل وهتطلعلك لسانها وابقي قولي بهيرة  قااااااالت , اشربي الشاي يا اشجان 

شيّ ايه يختي وبتاع ايه , داحنا دماغنا مقلوبة , هنقوموا نكلموا احمد من شقتي

طيب يا أشجان , قومي عشان انتِ اصلا مش قاعدة على بعضك

هو اللي عنده بت زي رحمة يشوف راحة يختي!

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

احنا نازلين يا هيومة , عايزة حاجة يا حبيبتي ؟

مش عايزة غير انك ترجعلي بألف سلامة يا حبيبي

ههه حبيبتي يا هيومة

ترررررررررررررررررررررررن تررررررررررررررررررررررررررن

الله ! مين بيتصل بينا بدري كدة يا احمد !

ترررررررررررررررررررررررررررررن تررررررررررررررررررررررررررررررررن

روحي ردي ليكون حد عايزنا ضروري

الو السلام عليكم

عليكم السلام يا هيام , أنا ام رحمة

ام رحممممة ههه ازيك يا ام رحمة وحشاني

وربنا  انتِ اكتر يا هيام

مش ناوية تجيبي رحمة و تيجوا اسكندرية شوية ؟

ربنا يسهل يا حبيبتي , ابقي هاتي احمد وتعالي انتِ اقضوا معانا كام يوم

ايّووووه يا ام رحمة ! ما كنا لسة عندكو من كام شهر ههه

والله انتِ ما يتشَبَع منك ولا من قعدتك يا هيام

تعيشي يا ام رحمة , كنتِ عايزة احمد ؟

ايوة , هو هنا ولا نَزَل ؟

كان لسة نازل اهو , كويس انك لَحَقتيه , احمددددد , أم رحمة

ام رحمة ! خير يارب ……………………….السلام عليكم يا ام رحمة

عليكم السلام يا احمد

عاملة ايه؟

كويسة الحمدلله

صوتك باين عليه مش طبيعي يا ام رحمة

البت اختك دي هتجنني يا احمددددد

عملت ايه بسسسس

عايزة ابوك يجيبلها عربيييية, وانت عارف البت دي مجنونة , يعني ممكن تسوق بسرعة وبطيش ومن غير عقل ويجرالها حاجة وتروح فيها وساعتها نموتوا وراها اهئ اهئئئئئئئئئئئئ

لا حول ولا قوة إلا بالله , بعد الشر عليها يا ام رحمة , ما تقوليش كدة

عايزاك تكلم ابوك وتقوله عربية لااااااااااا , بصراحة خايفين يعوم على عومها , ابوك ضعيف من يمّة رحمة وشكله كدة هيوافقققققق

يا ام رحمة احنا قولنالك بدل المرة ألف سيبي القاهرة وهاتي رحمة تعيش في اسكندرية بين اهلها وناسها , وساعتها كنا هنودوها ونجيبوها من الجامعة بنفسي , لكن دلوقتي قوليلي احنا نعملوا ايه ورحمة بعيدة وانتو دلعتوها وعودتوها على ان طلباتها كلها مجابة!

مش احنا يا احمد , ابوك هو اللي دلعها بزيادة وخلى لجامها فلت من ايددددددي

احنا ما نقصدوش مين السبب ومش مين السبب دلوقتي , كل اللي نقصدوه ان اختي كَبَرت وبقت شابة والعين عليها وتصرفاتها محسوبة ,  عشان كدة كان نفسي تبقى جنبي , ياريت تفكري في كلامي يا ام رحمة

يا احمد لا احنا ولا بنتي نقدروا نرجعوا اسكندرية , البت حياتها كلها هنا ومش هترضى تطاوعني , وانا من الآخر ما نقدرش نغصب على بنتي

 وتقولي مش مدلعاها ! على راحتك يا ام رحمة , بس يارب ما يحصلش حاجة تخلينا نقولوا ياريت اللي جرا ما كان , واحنا بصراحة فكرة العربية دي مش عاجبانا

طب قول لابوك يا احمد

هنقوله يا ام رحمة , وكمان هنكلم رحمة ونحاول نعقلها , هي فين ؟

راحت الجامعة

طيب , هنطلبوها على الموبايل لما نروحوا المينا عشان مستعجل دلوقتي ويادوب ننزل

ماشي يا احمد ,  انزل بالسلامة , كتر خيرك , ربنا ما يحرمناش منك , سلم على هيام

الله يسلمك يا ام رحمة , اوووووووف ,ربنا يهديكِ يا رحمة

في ايه يا احمد ؟

رحمة عايزة عربية يا هيام , واحنا بصراحة نخافوا عليها من السواقة , وكمان مش شايفين داعي للعربية

يمكن شبطانة يا احمد

يعني ايه شبطانة يا هيام ! هي رحمة لسة صغيرة عشان كل ما تشبط في حاجة نجيبوهالها !! دي كَبَرت وبقت في الجامعة

طب يعني هتعمل ايه يا احمد معاها ؟

هنكلموها ولو ما اقتنعتش هنعدوا على الحاج في الفيلا بعد ما نخلص شغل ونكلموه , جايز نتأخر شوية يا هيام النهاردة معلش

مافهاش حاجة يا حبيبي , بس ما تتأخرش يامَا عشان بتوحشني ههه

ههه الله عليكِ وعلى كلامك الحلو يا هيومة , وربنا احنا بيبقى هاين علينا ما ننزلوا من البيت ولا نسيبوكِ ولا لحظة , بس هنعملوا ايه ! الشغل الله يسامحه واخدني منك ههه

ربنا يعينك يا حبيبي , طمني عليك اول ما توصل

إن شاء الله يا حبيبتي , السلام عليكم

عليكم السلام يا حبيبي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ممممممم بقالي يجي نص ساعة مستنية محاضرة ياسر تخلص عشان يخرج اوووووف اهو الدكتور خررررررج

ايه يا مروان مالك متنح كدة من ساعة ما الدكتور خلص المحاضرة  !

اصل ما فهمتش حاجة من المحاضرة هههه

هههه أنا فهمت طشاش كدة

ياسررررررر يا ياسررررررر

ايه ده ! رحممممممة !!!!!

طب اسيبك أنا يا ياسر وانزل الكافتريا اشرب حاجة على معاد المحاضرة الجاية ما يجي

ماشي يا مروان ……..ايه ده يا رحمة ! ايه اللي جابك هنا ؟

يا دمك التقيييييييل , ده بدل ما تفرح انك شوفتني يا وحش ! دانا زوغت من المحاضرة مخصوص وقعدت ادور على مكان قاعة المحاضرات بتاعتك لحد ما وصلت , وبقالي نصصص ساعة مستنية الدكتور يخلص ويخرج عشان اشوفك

يا رحمة قولتلك مش عايز حد يشوفنا مع بعض ,افرضي ياسمين اختي شافتنا!ولا ناسية انها في نفس كليتي!

لا ما تخافش,أنا عرفت مواعيد محاضراتها,هي دلوقتي في محاضرة وهتخلص كمان ساعة ,يعني مش ممكن تشوفنا أبداً,كل شيء مدروس يا ابني هههه

اوووف,يا رحمة أنا مش عايزلك المشاااااااكل, افهمي بقىىىىىى

يووووو يا ياسررررر , يا ابني بص حواليك هتلاقي الجامعة كلها اتنيناااااات , واحد مع واحدة وواحدة مع واحد , جت علينا احنا يعنييييي !

لا بقى , في بنات محترمين وماشيين لوحدهم اهو من غير شباب

بقى كدة!يعني أنا عشان بحبك وعايزة اشوفك واقعد معاك ابقى مش محترمة يا ياسر ! اهئ اهئ اهئئئئئئئ متشكرة قوي , عن اذنككككك

رحممممممة استني , معلش , حقك عليا , والله أنا ما قصدت , أنا اقصد احافظ عليكِ والله , انتِ عندي اغلى من نفسي عشان كدة بخاف عليكِ قوووي

بجد يا ياسر ؟

بجد يا رحمة

طب تعالى ننزل نتمشى شوية ونشرب أي حاجة ومش هأخرك على معاد المحاضرة

اوووووووف عارف انك عنيدة ولازم تمشي اللي في دماغك , بس يكون في علمك بعد الجواز هكسر دماغك دددددي

ههههههههههههه يا حبيبي أنا تحت امرككككك كسر دماغي ودشدشها واعمل كل اللي انت عايزه المهم نكون مع بعض , يلا بقى على الكافترياااااااااا

أنا ما معيش فلووووووس , كل اللي معايا فلوس المواصلات والكتب

يا سيدي ولا يهمك , أنا عزماااااااك, يلا بقىىىىىىىى

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

خد يا ياسر جبتلك حاجة ساقعة

جبتي ساندوتشااااااااات ؟

هههه طبعاااااااا جبتلك سندوتشين كفتة

هههههههههه ليميني عليهم الاووووول

اتفضل يا حبيبي , تعالى نقعد ع البينش اللي هناك ده وناكل براحتنا

تعالي يا ستي ياااااااه الجو حر قوي النهاردة

اه فعلا , البينش ده مضلل عليه شجرة, تعالى نقعد

اقعدي يا ستي , الله الكفتة طعمها حلو قوووي

ههه بالهنا والشفا , كل يوم نتقابل هنا واعزمك على سندوتشين كفتة

لا يختي بتضحكي عليا عشان تخطفيني هههههه

ههههههههههه فعلا أنا عايزة اخطفك من الدنيا دي كلها , على فكرة أنا كلمت بابا يجيبلي عربية

يا سلام ! هو انتِ بتعرفي تسوقي اصلا !

ايوة يا ابني طبعااااااا , دانا سوقت عربية بابا كذا مرة

كويس ان ابوكي هو اللي علمك ! انا ما كنتش هوافق تروحي مركز تعليم قيادة  واسيبك  تتعلمي على ايد راجل غريب ويقعد جنبك ويقعد يقولك دوسي فرامل وارجعي مرشديرررر !

هههههه بتغير عليا يا ياسر؟

طبعا بغير عليكككككِ

هههههه يا حياتي

ترررررررررررررررررررررررررررررررررن تررررررررررررررررررن

موبايلك بيرن يا رحمة

استنى هطلعه من الشنطة , اكيد ماما , ايه ده ! احمد اخوياااااا ! يا خبررررر , اوعى تتكلم يا ياسر ليسمع صوووووتك , الو ايوة يا احمد ههه وحشتنييييي

ههههه ازيك يا بكاشة , فينك يا ست رحمة ماحدش سامع صوتك ! خلاص كَبَرنا وروحنا الكلية ومش فاضيين لحد !

معقول تقول كدة يا احمد ! دانت اخويا وحبيبي اللي بموت فيه والله ههه بس مواعيدي ملخبطة شوية

ربنا معاكِ يا حبيبتي , ذاكري كويس يا رحومة , عايز تقديرات عالية ان شاء الله

ان شاء الله يا احمد , ازي ابلة هيام ؟

كويسة الحمدلله وبتسلم عليكِ , مممم امك اتصلت بيا وبتقول انك طلبتي عربية من الحاج

مممم ودي فيها ايه ؟

مالهاش لزمة يا رحمة العربية ,نخافوا عليكِ من السواقة

ما تخافش يا احمد , والله انا  سواقة مية مية وبسوق  احسن منك ومن بابا كماااااان ههه

يا حبيبتي بصراحة احنا نخافوا عليكِ تكوني ماشية بالعربية لوحدك يقوم حد يغلس عليكِ ولا حاجة , برضو الدنيا مافهاش امان

ههههه نفس كلام ماما , اطمن يا احمد , مش هسوق بالليل خاااااااالص , يادوب العربية هروح بيها الجامعة وارجع اجرّجها وخلاص على كدة , وبعدين ما يصحش يعني رحمة بنت الحاج عادل سليم وحش المينا تروح الجامعة بتاكسي مع ان باباها يقدر يشتريها اسطول عربيااااااات

ممممم على العموم يا رحمة احنا قلنا رأينا , بس واضح انك متمسكة بموضوع العربية ده .. نقولك سلام دلوقتي عشان عندي شغل

الله يسلمك يا احمد , سلم على ابلة هيااااااام

ايه يا رحمة هو اخوكِ مش راضي عن موضوع العربية ؟

لا , اصل احمد بيخاف عليا قوي .. تعرف يا ياسر , أنا بحب احمد اخويا جداً , ومن كتر حبي فيه دايما بحس اني خايفة ليروح مني ولا يجراله حاجة بعد الشر , مش ممكن تتصور حنيته قد ايه , من صغري ومن يوم ما وعيت ع الدنيا وانا بشوفه احن انسان عليا حتى اكتر من بابا

ربنا يخليهولك يا ستي , بس أنا بغيرررر

هههه شعوري بيك انت حاجة تانية يا ياسر , انت أنا يا ياسر , انت كل كياني

رحمممممممممممممة هاااااااي

ايه ده ! دي كنزي صاحبتي , أنا هقوم بقى يا ياسر

ماشي , وانا يا دوب ألحق المحاضرة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اهلا كنزي

ممممم اهلا ههههه هي دي بقى صاحبتك بتاعة كلية العلوم!

ههه ما تبقيش بايخة بقى

 عشان كدة بقى زوغتي من المحاضرة , بس تعرفي , شكله لذيذ موت , هو اسمه ايه ؟

ياسر

ممممم تعرفيه من امتى ؟

ههههههههههههههههههههههههههههههههههههه اعرفه من امتى!من يوم ما اتولدت يا بنتي , ده بقى جاري وصاحبي وحبيبي وكككككككل سنين عمري اللي فاتت واللي جاية كمااااااااان

واااااااااااااو واضح انكو بتحبو بعض قوي

قوي قوي قوي يا كنزي , رغم كل اللي عملوه اهلي واهله عشان يفرقوا بيننا لكن ما قدروش, حبنا اقوى منهم كلهم

حاولوا يفرقوا بينكو ! ازاي ؟؟؟؟

هههه هحكيلك واحنا بنتمشى

طب احكي بسرعة عشان بابي  بعت السواق عشان ياخدني وزمانه جاي في الطرييييييق

شوفي يا ستي ..........

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ترررررررررررررررررررررررررررن تررررررررررررررررررررررررررررررررن

افتحي الباب يا شوقية

من عيني يا ست سعاد , اه يا رجلي يااااااني

مييييييين ؟

أنا احمد يا خالتي شوقية افتحي

سي احمممممد هههه اهلا يا ابني يا حبيبي ازيك عامل ايه

الحمدلله بخير , ازي صحتك انتِ يا خالتي شوقية

والله يا سي أحمد رجلي وجعاني اليومين دول حبتين

ليه بس كددددة ! سلامتك

الله يسلمك يا ابني , السن بقى هنعملوا ايه ههه

ربنا يديكِ الصحة يا خالتي شوقية , في دكتور كويس قوي بيعالج حماتي , هناخدوكِ تكشفي عنده

ما تشغلش بالك بيا يا ابني

لالالا ازاي بقى ! دانتِ غالية علينا يا خالتي شوقية وما نقدروش نشوفوكِ تعبانة كدة ونسيبوكِ

الهي يخليك يا حبيبي ويديك الصحة والعافية ولا تشوف مرض ابدا ويخليلك الست هيام ويرزقكو بالولد الصالح

.................... دعواتك يا خالتي شوقية

 وربنا يابني بندعيلك كل صلاة...ألا هو العلاج مش جايب نتيجة مع الست هيام لحد دلوقتي يا سي احمد ؟

............. الحمدلله على كل حال , احنا ونصيبنا بقى

نصيبكو زي الفل ان شاء الله , احنا نعرفوا ناس صَبَروا سنين يامَا قوي وبعدين ربنا عطاهم ورضاهم , ربنا يراضيك يا ابني ويكرمك

اللهم آمين يا خالتي شوقية , هنتصلوا نحددولك معاد مع الدكتور بكرة وهنعدوا ناخدوكِ بالعربية إن شاء الله

خلاص يا حبيبي , بس اوعى يكون داكتور أي كلام يبوظلي عضمي اكتر ما هو بايظ

ههههههههه لالا ما تخافش , دكتور شاطر وعلى ضمانتي

بتكلمي مين  ده كله يا شووووووقية

ده سي احمد يا ست سعاااااااد , ادخل امك بتتفرج ع التليفزيون جوا

والحاج فين ؟

الحاج عادل جه من صلاة العشا طَلَع اوضته وقال هينام شوية

توووووء نايم ! داحنا كنا عايزينه ضروري

دلوقتي يصحي , هو كل يوم بيصحى في المعاد ده وينزل يقعد مع امك يتعاركوا ويتناقروا وفي الآخر يقولها انا خارج وسايبلك البيت , واول ما يرجع من برا ينادي عليها ويقول انتِ فين يا سعاد ههههه القط ما يحبش إلا خنّاقه

هههه ربنا يخليهم لبعض , هندخلوا نسلموا على امي على ما الحاج ينزل

واحنا هنحصلوك بالشيّ ابو نعناع , ولا نجيبولك عشا ؟

لالالا الشيّ كفاية قوي , هيام بتستناني ع العشا

الهي يسعدك ويسعدها والسنة الجاية تستناك وهي شايلة ابنك على ايديهاااااا

ان شاء الله يا خالتي شوقية , عن اذنك

اذنك معاك يا حبيبي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

السلام عليكم يا امي

عليكم السلام يا احمد , كل ده بتتكلم ويا شوقية!

اصلها كانت بتشتكي من رجليها وقولتلها هناخدوها للدكتور بكرة  ان شاء الله , ازيك يا امي

بخير

اومال اوسا فين هي ونورهان مش سامعهم حس

اوسا خدت نورهان تشتريلها شوية لبس وطلبات ولسة ما رَجَعتش ... جاي لابوك ؟

ايوة , كنت عايزه في موضوع مهم

زمانه نازل .. تتعشى ؟

شكرا يا أمي , هنتعشى مع هيام

ممممم وماله , ما هي ست الستات وتستاهل لهفة قلبك وحنيتك عليهااااا , جايبالك دستة عيال ومهنيااااااك

................ دعواتك يا امي

يا اخي احنا لو دعينا يبقى هندعوا ربنا يخلصك منهااااااا , احنا عارفين كانت مستخبيالنا  فين البلوى دددددددي!

استغفر الله العظيم يا رب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ايّووووووه داحنا باين علينا نمنا يامَا قوي , يا شووووووقية,إنتِ يا شووووووقية

نعمين يا حاج عااااااادل

اعمليلي كوباية شيّ عشان نصحصح

وماااااله هنعملك مع سي أحمد

احمد!هو احمد هنا! أي والله صحيح , ده قاعد مع امه في الصالون اهو , ايه اللي جابه الساعة دي الولا ده!

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ازيك يا احمد

اهلا يا حاج,ازيك انت وازي صحتك؟

تمام الحمدلله , مش عوايدك تيجي في وقت زي ده

معلش يا حاج اصل في موضوع ضروري كنا عايزين نكلموك فيه

بخصوص الشغل ؟

........... هو موضوع لازم نتكلم فيه ونحسمه

ممممم طيب , عن اذنك يا سعاد هناخدوا احمد خمسة كدة برا

طيب , روح شوف الاسرار اللي مش عايزنا نعرفوهااااااا

مافيش اسرار ولا حاجة يا امي , بس اصله موضوع يخص رحمة اختي واظن ما يهمكيش تعرفيه , عن اذنك

أيّوووووووه, قُطعت سيرتها  هي  وامهاااااااا , الولا ده جاي ينكد عليا ولا ايه الساعة ددددددي , مممممم بس يكون ايه يعني الموضوع الخصوصي قوي ده اللي مش عايزنا نعرفوه!اما نطفي التليفزيون ده ونبطل زنّه عشان نسمع ايه اللي بيجرا من ورا ضهرررررري

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ترررررررررررررررررررررررررررررررررررررررررررررن

استنى يا احمد باين اوسا اختك جت , شوفي مين يا شوقيييييية

حاضر يا حاج عاااااادل

مييييييييين

افتحي يا بتاعة انا اوساااااااااا

اهلا يا ست اوسا , ازيك يا نورهان يا عسل

ههه ازيك يا دادة شوقية , شوفتي ماما جابتلي ايه ؟

نبقوا نطلعوا اوضتك ونتفرجوا براحتي يا عسل

ايه ده !!!!! هو الزفت اللي اسمه احمد هناااااااا ! بت يا نورهااااااان تعالي نطلعوا فووووووق

لما نسلم على خالو احمد حبيبييييييييي

تعالي هنا يا بتتتتتتتتت انتِ, يا بتتتتتتتتت

سيبيها يا ست اوسا , ده خالها مهما كااااااااان

اوعي من وشيييييييييي, احنا طالعين أوضتنا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

خالو احمد حبيبييييييييييي هههههه

اهلا اهلا اهلااااااا نورا حبيبتي امووووووه اموووووووه ازيك يا بنوتة عاملة ايه ؟

كويسة الحمدلله

عاملة ايه في المدرسة , بتذاكري ولا لا ؟

هههههه يا خالو لسة الدراسة بادئة

وماله , تذاكري من اول السنة عشان ما تتعبيش,احنا عايزينك شاطرة يا نورهان ورافعة راسنااااااا

حاضر يا خالو , أنا طالعة عند ماماااااا

 قبل ما تطلعي , خدي ال 500  جنيي دول  يا حبيبتي هدية ليكِ

شكرا يا خالو

........سلمي على ماما

 الله يسلمك يا خالو , باي باي يا جدو امووووووه

مع السلامة يا حبيبة جدو  , خير يا احمد , مالها رحمة؟

خير يا حاج إن شاء الله , هو زي ما سَمَعت كدة من امها انك عايز تجيبلها عربية

ودي فيها ايه!

يا حاج , رحمة كَبَرت واحنا نخافوا عليها,مافيش داعي لحكاية العربية دي , حاسس انها هتجر علينا مشاكل يامَا

مشاكل ايه يا احمد!البت طلبت عربية عشان تروح بيها الجامعة , فيها ايه دددددي ! كفرت ولا كفررررت ! مليون بت زيها بيسوقوا عربياااااات , جت على بنتي يعني اللي هنحرموهاااااااا!

يا حاج احنا ما قولناش تحرمها , انت بتدي رحمة فلوس بزيادة وبتلبس اغلى لبس وبتاكل احسن اكل وكمان بسم الله ماشاء الله كاتب بإسمها املاك يامَا , وفلوسها في البنك مالهاش حصر ماشاء الله , لزومها ايه بقى العربية يا حاج!

ايوة ايوة طلع اللي في قلبك يا ابن سعااااااااااااااااد , انت  هتجيبه من برااااااا !!!!!! طالع لامك ولاخواتككككككككك , عايزني نحرم بنتي من عز ابوها عشان كل حاجة تبقى ليكو لوحدكووووووو

أنا يا حاج!...أنا عايزك تحرم رحمة من عزك!....الله يسامحك يا حاج,أنا ما اتكلمتش إلا لما ام رحمة طلبت مني اني نتدخل , لكن واضح اني غلطت , السلام عليكم يا حاج

سي احمددددددد , الشيّ يا سي احمدددددددد

معلش يا خالتي شوقية , مستعجل

لا حول ولا قوة الا بالله , الشيّ يا حاج عادل

مش عايز حاااااااااجة شيلي الصنية ده من وشيييييييييي

حاضر حاضر , ده ايه ده!واحنا مالنا احنا!

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

عااااااااااااادل

اووووووووووف عايزة ايه يا سعااااااااااد

بقى انت عايز تجيب للمفعوصة بنت اشجان عربية تروح بيها الجامعععععععععععة ؟

زي ما سَمَعتي يا سعااااااااد , ايوة هنجيبوا لبنتي عربية وما حدش هيقدر يقف قصااااااااادي

بقى كدة يا عاااااااااادل , انت بتتحداااااااني !!! عايز تموتني بعمايلكككككككك

بنقولولك ايه يا سعااااااد , اتمسي وقولي يا مساااااااا , مالكيش دعوة ببنتي واللي بنجيبوه لبنتيييييي , كفاية انها محرومة مني وما بنشوفوهاش غير مرة في الاسبووووووووع

ايّوووووووووووه الكلام الحمضان اللي بنسمعوه كل ما تيجي سيرتها وسيرة المخفية امهااااااا , وهما عايزينك في ايه يا خويااااااااا ! ما كفاية فلوسك اللي متمرمغين فيهااااااااااااا

في ايه يا ماماااااااااا , بتزعقي ليييييييه

انزلي يا اوسا شوفي ابوكِ وعماييييييييله

جرا ايه يا سعااااااااد ! بتشهدي البت علياااااااا ! احنا ما حدش يقدر يقف  قصادنا يا سعاد ولو لميتي عيالك كلهم حواليكككككككِ

في ايه يا ماما ؟

ابوكِ يختي هيجيب عربية لبنت اشجان تروح بيها الجامععععععة

ايييييييييه ! عربية مرة واحددددددددة ! ليه كدة يا بابااااااااا ! داحنا طول عمرنا هنموتوا على عربية وانت ما رضيتش تجيبلي ومقضياها تكسياااااااات  اهئ اهئئئئئئئئئئئئ تقوم دلوقتي بكل بساطة عايز تجيب لرحمة عربية! اهئ اهئئئئئئئئ هي احسن مني في اييييييييه ! هو انا مش بنتك زيهاااااااا ؟ ولا انت بقى بتحبها اكتر مني عشان كدة بتبديها علياااااااا !

رد على بنتك يا عاااااااادل , اشمعنى أنا تحرم بنتي وتكبش وتدي لبنت اشجااااااااااااان !

ايّووووووووووه قومتِ البت عليا يا سعااااااااد !!! , يا اوسا يا بنتي اسمعيني , اختك رحمة ........

ما تقولش اختييييييي , أنا ماليش اخوات الا ادهممممممم , لا هي ولا احمد يلزموووووووني

عاجبك الكلام اللي بنتك بتقوله يا سعاااااااااد ! ربيتي العداوة في قلوب ولادك يمّة بعض ويمّة اختهم من اشجاااااااان !!!!!!! اسمعي يا اوسااااااا , رحمة اختك بمزاجك او غصب عنككككككك , مش معنى انك بتكرهيها انك تنكري اخوتها وتقولي مش اختييييييي , رحمة ظروفها غير ظروفككككك , رحمة اتحرمت مني يامَااااااا في الوقت اللي انتِ واخواتك في حضني وتحت ضليييييي , رحمة لما كانت بتعيا كانوا بيجروا بيها الجيران ع المستشفيااااااااااااات , رحمة بتصحى كل يوم الصبح ما تلاقنيششششش , ارحموني بقىىىىىىى سيبوني نعوض بنتي عن حرمانها منييييييي , انتِ واخواتك عمركو ما طلبتوا حاجة واتأخررررررت , تقدري تقوليلي ناقصك ايييييييييه

ناقصني عربية يا باباااااااااا , زي ما تجيب لرحمة تجيبلييييييييي

واني مش هنجيببببببب , اني ما حدش يأمرني ويلوي دراااااااااعي , ومش حتة بت زيك اللي هتقولي نعملوا ايه وما نعملوش ايييييييه , وكفاية بقى الغل والدماغ السم والقلب الاسود اللي جواكِ اللي خسرك جوزك وابو بنتك ورجعتيلي بقرفك ومشاكلككككككككككككك , طالع نلبس وسايبلكو البيت وخااااااارج

اهئ اهئئئئئئئئئئئئئئئئ بقى كدة يا باباااااااا ! كتر خيررررررك , سَمَعتي يا ماما الكلام اللي قالهولييييييي ؟

معلش يا اوسا , طبعه ولا هيشتريه , طول عمره يحن لاشجان وبنتها ويبديهم عليا وعليكوووو , الهي العربية اللي هيجيبهالها تبقى تتقلب بيها ويتقصف عمرها ونرتاحوووووو

يارب يا ماماااااااا ياااااااااااااارب , داهية تاخدها هي وامهاااااااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

خلاص بقى يا احمد يا حبيبي ما تزعلش نفسك

ما نزعلش نفسي ازاي بس يا هيااااااااام ! أنا ابويا يقولي انّي عايزه يحرم رحمة من حقوقهااااااا !!! أنا يا هيااااااااام!

يا حبيبي اكيد ما يقصدش , هو بس تلاقيه من ضيقه , ما انت عارفه يحب رحمة قد ايه وطول عمره مدلعها ع الآخر , ولما طلبت العربية صعب عليه  يرد طلبها

الدلع عمره ما كان كدة يا هياااااام , مش معنى الدلع انه يسيب بنت في سن رحمة تنفذ كل اللي في دماغها ويأمرنا كلنا نقف ساكتييييييين

يا حبيبي ما انت عارف انه دايما يقول رحمة طول عمرها محرومة منه وعايشة بعيد عنه

ايّووووووووه يا هياااااااااام ! ما اني قولتله الف مرة يجيب رحمة تعيش معانا في اسكندرية وهو اللي ما رضااااااش , وعلى يدك شوفي انا كلمت ام رحمة كام مرة في الموضوع ده وهي تقولي ما نقدروش نبعدوا عن جيراني ولا نقدورا نغصبوا على بنتييييي , يبقى حرمان ايه بقى اللي بيتكلم عنه الحاج !!! الحرمان ده هما اللي عملووووه , يعني دي مش حجة يا هياااااااام

خلاص يا احمد يا حبيبي , انت عملت اللي عليك ونصحته ونصحت رحمة كمان , واللي عليك عملته

يعني ايه ! نشيلوا ايدي من مشاكل رحمة يا هيام !! دي اختي يا هيااااااااام .اختي اللي بنخافوا عليها من الهوا الطايرررررر

أنا عارفة والله انت بتحب رحمة قد ايه , بس الحاج هيزعل لو وقفت قصاده

اوووووووووووف لا حول ولا قوة الا بالله

معلش يا حبيبي , اهدا انت بس على ما نحضرلك العشا

لا يا هيام , ماليش نفس

كددددة ! طب ايه رأيك بقى هتتعشى يعني هتتعشى بس مش هناااااا

مش هنا يعني ايه ؟

يعني هتاخدني تفسحني وتعشيني براااااا , انت بقالك يامَا يا جدع انت ما خرجتنيشششش , قلت ايه , هتخرجني ولا نشتكوك لامي ؟ هههههه

هههههههه لالالالا امك لا , أنا مش قد زعلها , ولا نقدروا على زعلك يا حبيبتي , معلش يا هيومة مقصر معاكِ اليومين دول في الخروج والفسح , بس غصب عني وربنا , الشغل يامَا قوي اليومين دول وواخد كل وقتي

أنا مقدرة يا حبيبي , بس مش مقدرة قوي يعني هههههه

هههههههههههههههههههه ماشي يا جميل , روحي البسي و هناخدك نعشيكِ برا ونفسحك احلى فسسسسسحة

تعيش يا حبيبي ياااااااارب امووووه ايه العسل ده يا نااااااااااس

ههههه تعيشيلي  يا هيومة وتفضلي تخففي  عني دايما يا حبيبتي انتِ

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

بت يا شووووووقية اعمليلي كوباية لمون نهدي خُلقي اللي ضايق من امباااااارح

 سلامة خُلقك اللي اشتكى منك , حاضر يا ست سعاد , هنعملولك قبل ما نمشي

تمشي تروحي فييييين ؟

ايّووووه ما احنا قولنالك سي أحمد اتصل بيا وقالي هنعدوا ناخدوكِ من قدام باب الفيلا عشان نلحقوا معاد الداكتور بتاع العضمممممم

طب يختي , اخلصي واعملي اللمون قبل الولا ما يجي

حاضرررررر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اتفضلي يا ست اللمون وهدي خُلقكككككك

هو احنا هنهدوا ولا هنشوفوا راحة طول ما احنا بنشوفوا عمايل عادل  السودة بعنينا ومش قادرين ناخدوا معاه حق ولا باطل!

ايّووووووووه ما تسيبيه يعمل اللي هو عايزه طالما ما بيضركيش يا ست سعاد

ما بيضرنيش ازاي يا بت !!!! مش المال اللي عمال يفرقه ع المخفية وبنتها يبقى مالي ومال ولااااااااااادي ؟

يا ست سعاد ما هي الست رحمة كمان بنته والمال مالها ومال امهااااااااااا

ضربة في لسانك يا بعيدددددددددة , عاملة زي احمد ابنييييييي , ما يبردش ناري  ولا يقول حاجة تريحني مررررررررة

يا ست سعاد انتِ بتزعلي مني ومن سي احمد عشان بنقول الحق

وانتو كان حد طلب شهادتكووووووو , خدي اللمون وغوري بيه مش عايزااااه

طب خلاص , سكتنا اهو , احنا غلطانيين عشان بنقولولك اهدي , افضلي اقهري في روحك وازعلي ع الفاضية والمليانة لحد ما تعيي بعد الشر وتعجزي قبل اوانكككككك

هو احنا مش باين علينا الكبر يا بت يا شوقية ؟

ابدااااا وربنا ابدااااااا , طب ده اللي يشوفك ويشوف الست اوسا يقول هي اللي امك مش انتِ اللي امهااااااا

عيني عليها هي كمان , يا حسرة قلبي , اتغدر بيها من راااااااجل , زي ما يكونوا الرجالة اتخلقوا في الدنيا عشان يقضوا عليناااااااااا

بعد الشر يا ست سعاد , انتوا مافيش حاجة تحوأ فيكو اصلا , ما تخافيش

تررررررررررررررررررررررررررررررررررررررررررررن

روحي افتحي يمكن يكون احمد

لا , سي احمد قالي انه هيستناني برا ع الإمة بالعربية , استنى اما نشوفوا مين ونخرجوا نستنوا سي احمد برا , بالإذن يا ست سعاد , مش هنغيبوا يامَا ان شاء الله , عايزة حاجة من برا ؟

عايزة سلامتك يا شوقية

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ترررررررررررررررررررررررررررررررررررررررررررررررررررررررن

ايوة يللي برا جاية , ايّوووووووووه …..ايه ده ! الست توحااااا ! دي الست توحا يا ست سعااااااااااد

تعالي يا توحاااااااااااااااا

جاية يا سعاد , على فين يا بت يا شوقية ؟

سي احمد هياخدني يوديني للداكتور الله يكرمه ياااااااااارب

دكتور ايه يا بت ماااااااااالك ؟

داكتور العضم بعيد عنك , ربنا يكفيكِ شر وجعه , رجلي ما بتنيمنيش الليل

سلامتك يا بت هههه كَبَرتي وهكعتي وبقيتي كهنة يا شوقية

كفاية انتِ لسة صغيرة وفي عز شبابك يا ست توحا , بالإذن احنا

اذنك معاكِ يا بت

الولية شيفاني كَبَرت وشايفة روحها شابة وهي اكبر مني , عجبي عليك يا زززززززززمن

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ازيك يا سعاد , مالك قاعدة وايدك على خدك كدة ؟

مخنوقة يا توحا , هنطق من جنابي يختييييييي

سلامتك يا سعاااااااد , ليه يختي بعد الشررررر

هنموتوا من عادل وعمااااااااايله , ال البت المفعوصة بنت المخفية مراته التانية حكمت عليه يجيبلها عربية تروح بيها الجامممممممممعة

جامعة !!! هي البت دي فَلَحت وهتخش الجامععععععة !!!!

وما تفلحش ليه يختي وهي واخدة دروس في الثانوية العامة بالشيء الفيلاااااااااني , واهو كله من مال ولادي اللي بيضيع ع الأررررررض

منه لله عادل جوززززك , عربية ايه اللي هيجيهاااااا !!!!! هو مش عارف يودي فلوسه فين ولا اييييييه !

اسكتي يا توحا داحنا هنولع من الغيظظظظظ

يختي ان شاء الله هي وبنتها اللي يولعوا وما يبقالهومش ذكرى ولا اثرررر , ارحمي روحك من الزعل يا سعاد , خليه يجيبلها العربية ياكشي تولع وهي جواها وامها تموت بحسرتهااااااااا

يارب يا توحاااااااا , طول الليل  ندعي عليها انا واوساااااااا

هي فين اوسا صحيح وفين كمان البت نورهان ما نَزَلتش سلمت عليا

نورهان في المدرسة

أي ولله داحنا نَسينا ان المدارس بدأت , من الصبح لقينا عيال  يامَا واحنا واقفين في التراسينا رايحين ع المدارس , ربنا ينجحها , واوسا فين ؟

راحت لواحدة صاحبتها وهتتغدا عندها

خليها تفك عن نفسها بلا هم , بقى احنا  نيجوا مخنوقين عشان نفكوا عن نفسنا معاكِ نقوموا نلاقوكِ مهمومة كدة !

مالك يا توحا ؟

المحل بتاع الجزم اللي كان واخد إمّتين قدام العمارة بتاعتي , اتباع واشتراه واحد قهوجي وفتح قهوووووووة

طب وانتِ مالك , ما يفتحه زي ما يفتحه

اصل انتِ ما شوفتيش الدوشة اللي عاملينها من ساعة ما فتحواااا , طول النهار مشغلين  اغاني على اخرها لما سوروا ودنيييييييي , نَزَلت اتعاركت مع صاحب القهوة امبارح وقولتله لو ما كنتش توطي الهباب ده هنجيبوا خبرككككك , الراجل لم نفسه واتأسفلي ويادوب طَلَعت من هنا وراح مشغله تاني اعلى من الأوووول

خلاص بقى سيبيه بلاش مشاكل مع الاشكال دي

هي مين دي اللي تسيبه ! طب وربنا لو دخلت الشارع النهاردة ولقيته معلي الكاسيت كدة لنكون مبهدلاه ومفرجة عليه الدنياااااااا

ايّوووه عليكِ يا توحا , طول عمرك ما بتسكيش عن حقك

اومال خايبة زيك!ههههه شوفتي انا عملت ايه في مرشدي !!! قشّطته وخدت اللي وراه واللي قدامه وسيبته داير يشحت ويستلف

ما هو برضو اللي عملتيه خسرك ابنك

ابني ! بس ما تقوليش ابنييييييي , الولا ما صدق وراح اترمى في حضن ابوه والعقربتين اخواااااته

ما هو انتِ اللي طردتيه يا توحا وقولتيله مش عايزة نعرفك

سيبك سيبك من سيرته , ولا غم زي ابوووووه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ولا يا حموووووووووو فين كوباية الشيّ يا ولااااااااا

حالا يا استاذ سااااااااامي , هنجيبوها من القهوة هواااااااااا ,الحاج مرشدي جه, صباحك فل يا عم مرشدي

صباحك قشطة يا ولا يا حمو

ايه ده يا ابويا ! ايه اللي نزلك وانت تعبان!

قعدة البيت يا ولا هي اللي بتتعبني , أنا دوايا في المشي والخروج من الحبسة

طب تعالى اقعد ,على مهلك , اقعد

الحمدلله ااااااااه نحمدك يارب .. الشغل عامل ايه يا ولا ؟

زي الساعة زي ما انت شايف الحمدلله

الحمدلله يا ابني , اهم حاجة اللسان الحلو يا سامي وانك ما تزعلش زبون , اكسب الناس بالمعاملة  الحلوة واتبسّم في وشهم  يا ابني

حاضر يا ابويا

البت نورهان بنتك بقت في سنة كام دلوقتي ؟

البت في أولى اعدادي , كَبَرت وبقت زي القمر ههه

بتشوفها يا ولا ؟

بنروحولها المدرسة , العقربة امها مانعاني نشوفوها في البيت

البت دي وحشتني يامَا يا سامي , نفسي نشوفوها

ان شاء الله يا حاج , المرة الجاية هنجيبوهالك معايا

اخبار امك ايه ؟

امي ! ايه اللي فكرك بامي بعد اللي عملته فيك ! انتِ ناسي هي عملت ايه ؟

مهما عملت برضو امك ولازم تسأل عليها يا ابني , يمكن تكون محتاجالك

امي ! ههه امي تحتاج لحد !!!! امي استغنت عن الدنيا كلها بالماااااااال , مابقاش فارق معاها ابنها اللي ماعندهاش غيره , هونت عليها وقالتلي مش عايزة نعرفوك ولا نشوفوك تاني

يا ابني اسأل عليها , حتى لو مش محتاجالك , برضو تسأل عليها وتبرها , اوعدني انك تزورها

خلاص يا حاج , ان شاء الله النهاردة بالليل بعد ما نقفل المحل هنعدي عليها , وده عشان خاطرك انت بس

كتر خيرك يا ابني

الشيّ يا استاذ سااااااامي

حطه عندك جوا يا ولا , تعالى يا حاج نقعدوا جوا

لالا احنا عايزين نروحوا نقعدوا ع القهوة شوية ... الله يرحمك يا حاج صالح ويرحم ايامك الحلوة , كنا بنروحوا عشانه

 الله يرحمه كان راجل طيب , اومال هتروح لمين دلوقتي يا ابويا ؟

هه حبايبنا يامَا يا ابني الحمدلله

اشيّع معاك الولا حمو يسنّدك ؟

لالالا , هنتسنّد على عكازي , وربك هو السند , يارب , توكلنا على الله

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ايوة يا سعاد يختي, وصلت حارتنا بالتاكس اهو,سلام,وقف ع الإمة يا اسطى ,هننزلوا هنا

اتفضلي يا ست

عايز كااااااام

خمستاشر جنيي

خد عشرين جنيي وهات الباااااااااااقي

خدي يا حاجة الخمسة جنيي اهم

حااااااااجة !!!! شايفني ضهري محني ولا رجلي مش شايلاااااااااااني , ما تتعدل في كلاااااامك

نعوذ بالله ! حد يكره الحج !!!!! دانا امي بتعيط بالدموع وتقول يارب اكتبهالي قبل ما نمووووووووت

موتة تشيلك انت وامككككك, انجر من هنا يا ولااااااااا

ماشي يا ست , مش هنزعل منك عشان انتِ في سن امي

امككككككككك ! يا اخي ان شالله تعدم عمرك يا بعيددددددد غور جاتك داهية في لسانك اللي بينقط سمممممم ال في سن امه ال , قلة ادددددددب ... ايّووووووووه ده صاحب القهوة مشغل الاغاني ع العالي برضوووووو , طب وربنا لنوطوا مقاااااااااامه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

مبسوط مني يا حاج عوض ؟

ههه يا ولا يا ربيع  ده اول يوم ليك في القهوة عندي , لسة ما نقدروش نحكموا

ههه برضو تحكم بنفسك وتقول عليا اجدع صبي قهوجي فيكِ يا اسكندررررررررية

اما نشوفوا يا ولا

بكرة تتأكد بنفسك إن مافيش زيي . طب وربنا انا خطيبتي مستخسراني في الشغلانة دي , بتقولي ازاي واحد في جمالك وجمال هيئتك كدة يشتغل صبي قهوجي !

هههه انت صحيح حليوة وعايق , بس الحلاوة يا ابني ما بتعليش مراتب , ايه ده ايّووووووه , دي الولية صاحبة العمارة اللي ع اليمة التانية شكلها جاية تتعارك معانا عشان التسجيل صوته عاااااااالي

هي فين دي ؟

الست الكبيرة اللي جاية على هنا دي

انت يا راجل انتتتتتتتتتتتت

اهلا يا ست الكل , يا مساء الفل على عيونك

مساء القطران يا خوياااااا , احنا مش قولنالك الف مرة توطي الكاسيت ده عشان بيعصبنييييي

مش أنا اللي عليته وربنااااااا

اومال ميييييين  ؟خيااااااالك ؟

أنا اللي عليته

.............. انت !

ايوة أنااااا , ايه اللي حصل يعني ! كل القهاوي بيعملوا كدة واكترررر

انت بتعلي صوتك عليا يا ولااااااااا !دانت لا عيشت ولا كنتتتتتت  , انت عارف لو عليت الهباب ده تاني هنعملوا فيك ايييييييه

هتعملي ايه يعنييييييييي !

لا دانت ما تعرفنيش بقىىىىىىى , داني توحااااااااااااااااااااا , ما اتخلقش اللي يعاندني يا ولااااااااا , وابقى علي الكاسيت تاني وشوف ايه اللي هيجراااااااالك , اني ماشييييييية

ايه ده ! ايه الست دي !!!! مال لسانها متبري منها كدة وبتتكلم زي ما تكون بتهدد يا حاج عوض ؟

ههه حقها , اصلها ست دفيانة , فلوس في البنوك واملاك وعز ونعيم , وواحدنية , عايشة لوحدها بعد ما اتطلقت

اومال ولادها فين ؟

ما عندهاش إلا ولا واحد ومقطعاه من سنين , ومن ساعتها وهي عايشة لوحدها في شقة طويلة عريضة

ايّووووووه عايشة لوحدها في شقة طويلة عريضة واني بقالي سنتين خاطب ومش عارف نلاقي اوضة تلمني اني وخطيبتي !

ههه الدنيا حظوظ يا ولا

واحد حلبة هنا يا ربيععععععع

ايوة جاااااااااي , الزباين حفظوا اسمي يا حاج عوض

ههه طب خير , روح شوف طلباتهم يا ولا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اني خلصت شغلي يا حاج عوض , عايز اليومية عشان نمشي

خد يا ولا تلاتين جنيي اهم

متشكرين يا حاج , سلااااااااام

سلام يا ولا يا ربيع , ما تتأخرش عن ورديتك الصبح يا ولااااااا

حاضر يا حاااااااج ممممم إلا الست المليانة فلوس وصيغة دي اللي عايشة لوحدها , جاتنا نيلة في حظنا الهبااااااب , مممممم طب ما نطلعوا نراضوها بكلمتين يمكن تشوفلي شغلانة غير دي وبفلوس اكتر عشان نعرف نتجوز اني والبت سمية  اللي قربت تدود من الركنة ددددي , نطلعوا ولا ما نطلعوش !! خايف نطلع نسمع منها كلام مالوش لزمة , لالا هنطلعوا وهناخدوها بكلمتين حلوين , الستات يحبوا الكلام الناعم

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تررررررررررررررررررررررررررررررررررررررررررررن

ميييييييييييييين ؟

اني

انت مييييييين ؟

افتحي يا ست الكل ونتفاهموا

ايه ده ! هو انت !!!!

هههه خدامك ربيع , جاي نتأسف يا ست الكل , معلش , مش هنعلوا الكاسيت تاني , اصل زي ما تقولي كدة بنسلوا الزباين , بس رضاكِ انتِ عندنا اهم من مليون زبون وربنا المعبود

ههه تسلم يا ........

ربيععععع ,خدامك ربيع

انت جديد هنا يا ربيع ؟ , اصل دي اول مرة نشوفوك

ايوة , ده اول يوم لينا في القهوة

ممممم واحد زيك انت في جمالك وشبابك يشتغل صبي قهوجي برضو !!! طب دانت احلى من بتوع السيما

ههههههه تعيشي , كلك ذوق وربنا يا ست الكل

اسمي توحيدة وبيدلعوني يقولولي يا توحا

يعني ننادوكِ بإيه يا ست الكل ؟ توحيدة ولا توحا ؟

توحا

ههه ماشي يا ست توحا , احنا جينا نتأسفولك ونقولولك صافي يا لبن

ههه حليب يا قشطة

 يعني وربنا مش واخدة على خاطرك مني ؟

أبداً , هو كان حصل ايه ! ههه

طب بالإذن احنا بقى ننزلوا  عشان نروح

استنى

نعمين

انت متجوز ؟

اني خاطب

خاطب !!! مممم وخطيبتك حلوة زيك كدة يا ربيع ؟

ههه حلوة وزي القمر , استني اما نورروكي صورتها , اهي في محفظتي , شوفي كدة

وريني ... اخّييييييه , ذوقك وحش , دانت احلى منها بيامَا وربنااااا

ههه القلب وما يريد بقى , اصلها جارتنا وبنرتاحوا لبعض من زمان

بس مش حلوة , مش حلوة ابداااااا , باين عليك ما بتفهمش في الحلوين , استنى اما نجيبولك صورتي واني في عز شبابي واحكم انت ,اني ولا هي ؟ خليك واقف

ههه ماشي يا ست توحا ... الست دي باين عليها كَبَرت وخرفت , هي مالها ومال خطيبتي ! لا من سنها ولا تعرفها , دي جاية

هههه اني جبتلك صورتي , شوووووف

ايّووووووووووووووووووووووووووه ايه الحلاوة دي ! وربنا قمرين مش قمر وااااااااحد , معقول كنتي بالحلاوة دي يا ست توحااااااااا ؟

ههه كنت احلى من كدة كمان , دي الصورة موحشاني ياما

ههه ربنا يديكِ الصحة ويخليكِ يا ست توحا

ادخل يا ربيع

نعممممممممم !

بنقولولك ادخل , هنشربوا كوبايتين شيّ مع بعض

ايوة بس نخافوا نعطلوكِ

لا , ماوراييش حاجة

ماشي يا ست الكل

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اشرب الشيّ ياربيع , ولا نجيبولك سكر ؟

ههههه السكر قاعد قدامي اهو

ههههههههههههههههههههههههههههههههه ايّووووووووه بقالي يامَا ما سَمَعتش كلام حلو

ههه الشيّ مظبوط ومية مية , احلى من اللي بنعملوه في القهوة

سيبك من القهوة وسيرة القهوة عشان وربنا ما تليق بيك ولا بمقامك

هنعملوا ايه يعني !

لازم تشتغل شغلانة تاااااانية

هنشتغل ايه بس ! سفير ولا وزير !!! اني لا شهادة ولا واسطة ولا أي حاجة ابدا

اني شهادتك وواسطتك وكل حاجة ليك في الدنيا , من هنا ورايح ما تشيلش هم

تعيشي يا ست توحا

ترررررررررررررررررررررررررررررررررررررررررررررررررن

انتِ مستنية حد ولا ايه يا ست توحا؟

ابدا , استنى اما نشوفوا مين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ايه ده ! سااااااااااااامي ؟

ازيك يا .............. مين ددددددددددده ؟؟؟؟؟؟؟؟؟؟؟؟؟

ده دددده , ده ربيع صبي القهوجي اللي شغال في القهوة اللي ع اليمة التانية

وصبي القهوجي جاي عندك ليه يا امّا !!! جاي ياخد شوية بن ؟؟؟؟؟؟؟؟

لا يا باشا , احنا جينا بس عشان نستسمحوا الست والدتك ونراضوها إكمن يعني الكاسيت كان عالي , وهي كتر خيرها عزمت عليا بكوباية شيّ , ما اني زي ابنها برضو

ماشي , هنعدوا الكلمتين اللي مالهومش لزمة دول واللي ما دخلوش ذمتي , بس لو سَمَعت انك طَلَعت هنا تاني مش هيحصلك طيبببببببب

قلبك ابيض يا باشا , واني ايه اللي هيطلعني هنا تاني ! بالإذن

عاجبك كدة يا ساااااااامي , طردت الولا الغلبان وما كملش كوباية الشيّ !!!!!

وهو ايه اللي طلعه من الأساااااااااس  !!!!!! ما تجرأيش الولا ده عليكِ تاني ولا تخليه يطلع هناااااااا , ايش عرفنا يمكن يكون حرامي يطلع عليكِ يقتلك وانتِ لوحدككككككك

هيهي , قلبك عليا قوي يا ابن مرشدي ولا قلبك ع الدهب والفلووووووووس!

بقى كدة يا امّا !!!!! دي مقابلة تقابليني بيها بعد السنين دي كلها !

ايه اللي فكرك بيا يا سااااااااامي ؟؟؟

اني ما بننسكيش يا امّا عشان نفتَكَرك , كل الحكاية اني سايبك على راحتك وبعدت عنك زي ما طلبتي مني

وكان ايه اللي جد عشان تجيلي وتطب علياااااااااا ! اني لا شيعتلك ولا قولتلك محتاجاااااااالك

حتى لو كان , اني برضو مش هنسيبك يا امّا وانتِ في السن ده

سنننننننن !!!!!!!! سن ايه يا ابو سنننننن ! داني اصبى من اصبى صبييييييية , اني لسة في عز شبابي يا ساااااااااااامي

شبابك ايه يامّا وانتِ داخلة على ستين سننننننننة !!!

ستين عفريت لما يكلبشوا في جتتك وينططوووووووووك , اني مش هنكبر ابدا ولا عمر السن هيبان عليا يا ابن مرشدددددددي , وفارقني بقى وخليك في حالك وسيبني في حااااااااالي

بقى كدة يا امّا !!!!!!! واني اللي كنت فاكرك هتاخديني في حضنك اول ما تشوفيني وتقوليلي وحشتني يا ابني

.............................................................................

ماشي يا امّا , اني ماشي , بس خليكِ فاكرة ان دي تاني مرة نجولك  وتطرديني , سلام يا امّا

امشيييييييي! ايه ده ! طب عليا وفجع الجدع اللي قاعد لا بيه ولا عليه بيشرب كوباية الشيّ , زمانه خد على خاطره مني , هنعدوا عليه الصبح نراضوه , منك لله يا سااااااامي

**************************

ولحد هنا وانتهت حلقاتنا لهذا اليوم..طبعاً أنا حطيت الحلقات النهاردة بناء على رغبات قراء لهم في قلبي مكانة كبيرة وما كان لي ألا ألبي لهم طلبا..لكن والله أنا اسفة غصب عني مش هقدر في الفترة الحالية انزل غير حلقة في الأسبوع لأني لسة بنسق باقي الحلقات وعايزة أتفرغ لذلك..تمهيداً لنشر الفصل الأخير على الأمازون كتوثيق للعمل ..فمعلش استحملوني شوية وان شاء الله انزل الحلقات مرتين في الأسبوع قريبا..موعدكم مع الحلقة الجاية يوم الأحد لان يوم الإثنين مشغولة,أسأل الله التيسير

في أمان الله