الحلقة الثالثة (ف2)

لكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

**************************

واحد قهوة مظبوط هنا يا ربيعععععععع

حاضرررررر ايوة جاااااااااااي

ربيع اهو ههه اما ننادوا عليه..ربيعععععع يا ربييييييع

مين ! ههه الست توحا !

احنا جينا نصالحوك وجبنالك طبق الهريسة ده عشان نراضوك بيه ههه

ههههه وليه التعب ده ! كتر خيرك يا ست توحا , ما كانش له لزوم وربنا

لا ازاي بقى ! معلش ع اللي حصل من ابني امبارح , اللي ما يعرفك يجهلك

ما حصلش حاجة يا ست توحا , وابنك نسامحوه عشان عيونك الحلوين

ههه صحيح عيوني حلوين يا ربيع ؟

هه قووووي وربنا عنيكي حلوين , ايّوووووووووه يجوا اللي بيركبوا ليمبز يشوفوا جمال العيون الطبيعيييييي

ههههه خليهم يحطوا اللي يحطوه , ايش تعمل الماشطة في الوش العكرررر , متهيألي كدة البت خطيبتك حاطة في عنيها العدسات دي

ايوة حاطة هههه ليمبز خضرا

ربيعععععع اسمها لينزز , لينزززززز

طيب يا زبون النعيممممممم ههههه بيعلمني يا ست توحا , اصل اني جاهل واهلي ما علمونيش

جاهل !!!! طب بس ما تقولش على نفسك كدددددة , هو الجمال عايز شهادة !!! طب روح الجامعة اللي بيقولوا عليها كدة ودور على واحد احلى ولا اجمل منك مش هتلاقي

هه الناس ما بتقدرش الواحد بشكله , بيقدروه بالحسب والنسب والفلووووووس

هههه ما انت لو فتحت مخك هتغرق فلووووووس

مش فاهم

يا ربيعععععععع القهوة فيييييييين

فين الشيّ يا ربيععععععععع

الطاولة يا ربيعععععععععع

انت يا ربيععععععع شوف شغلككككككككك

حاضر حاضر يا حاج عوض , معلش يا ست توحا , مضطر نسيبك عشان الشغل, ومتشكر ع الهريسة يا احلى من الهريسة ههه ايوة جااااااااااي

احلى من الهريسة!هههه ايّووووووه ع الكلام الحلو بتاع زماااااااان,الولا ده رجعني  اربعين سنة لورااااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

بالحق يا سونسون , نسيت اقولك يا حبيبي ان أم الأستاذ كمال جوز جارتنا مدام نوال ماتت الله يرحمها

إنا لله وإنا إليه راجعون  ! مدام نوال ماتت !

لا يا حبيبي مش نوال اللي ماتتتتتت , دي حماتهاااااا

الله ! مش انتِ يا بهيرة اللي بتقولي مدم نوال ماتت  الله يرحمها !

يا حبيبي خد تاكس وارجع للجملة من اولها , أنا بقول أم الأستاذ كمال جوز جارتنا مدام نوال ماتت الله يرحمها , الفعل هنا عايد على ام الاستاذ كماااااااال

يوووووو , وانتِ يعني لازم تقولي جملة طويلة عريضة تلات تربعها مالوش لزمة عشان تعرفيني ان ام الاستاذ كمال ماتتتتتتتتتت !

الله يرحمها يا سونسون , معلش يا حبيبي , انت عارف اني بحب الوصف الدقيق في كل كلامي

وحصل امتى الكلام ده ؟

أنا اقولك يا حبيبي اصل الحكاااااية

يوووووووو اختصري يا بهيرة

ما أنا بختصر اهو يا سونسوووووون , اصل يا حبيبي بقالي حوالي اربع ايام قول خمسة ما بسمعش صوت نوال وخناقاتها مع جوزها , الموضوع ده بقى قلقني قوووي , عمالة اقول يا ترى ما بيتخانقوش ليه بقالهم كتير ! روحت طلعت اسأل عليها لاقيتها لابسة اسود , بصراحة لما شوفتها اتخضيت , قولتليها في ايه يا نوال يا اختييييييي , لابسة اسود على مييييييين ؟ قالت على حماتي يا بهيرة اصلها ماتت من خمس تيام وروحت قعدت هناك اخد العزا مع اخوات كمال ولسة راجعة النهاردة الصبح , روحت عزيتها ونزلت خدت اشجان وطلعنا تاني عشان اشجان تعزيها

إنا لله وإنا اليه راجعون , طيب كويس انك قولتيلي , أنا هتتصل بالاستاذ كمال الصبح اشوفه موجود ولا لأ عشان اطلع اعزيه

طول عمرك صاحب واجب يا سونسون

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

كماااااااااااااال

اااااه يا امّا , سيبتيني لمين يا غااااااالية , يا بهدلتي من بعدك مع اللي يسوا واللي مايسواااااااش , وحشتيني يا امّااا

كماااااااال , ما كفاياك نوووووواح , زهقتني وتعبتلي اعصااااااابي , بقالك اسبوع بقك ما اتقفلشششششششش , طول النهار يا امّا  يا امّا يا امّاااااااا , ايييييييييه ! هو ما حدش امه ماتت غيررررك ! ما أنا امي ماتت السنة اللي قبل اللي فاتت ومع ذلك ما عملتش عمايلك ددددي

عشان انتِ ست ما عندكيش دممممممم , انتِ لو بني ادمة وعندك احساس كنتِ زعلتي على امك اكتر من كدددددة , لكن انتِ قعدتي تعيطيلك يومين تلاتة واليوم الرابع قومتي طبختي محشي وفراخ وملوخية وقعدتي تاكلي زي الغووووولة   ولا كأن ميتلك مييييييت

يا سلاااااااام ! وهو الحزن اللي انت فيه ده اللي هيرجع امككككككك ! اهي ماتت وارتاحت من الدنيا وقرفهاااااا

عقبال ما تحصليها عشان ارتاااااااح , يا حبيبتي يا امّااااااااااا

اوووووووف استغفر الله العظيم يااااااارب , قوم سرّح شعرك عشان شكلك يخوووووف

حزين على امييييييييي , حزين يللي ما عندكيش دم ولا احسااااااااس , في واحد حزين يسرح شعره برضوووووو ! ربااااااااااب . فين رباب بنتي حبيبتييييييييي , يارباااااااااااب

ايوة يا بابا يا حبيبي

تعالي يا بنتي , تعالي حني عليا وعوضيني عن حنان ستككككككككك , خلاص يا رباااااااب , ما بقاليش إلا انتِ يا بنتييييييييي , حتى اخوكِ اللي اسمه ايهاب نزل النهاردة ولا سأل عليا ولا جه خدني في حضنه , زي ما اكون مش ابوه , واد جبلة

معلش يا بابا , ايهاب نزل مستعجل والله  عشان بيخلص أوراق سفره , احنا كلنا حواليك يا بابا , أنا وايهاب وماماااااااااا

لااااااااااا , امك مش عايزها حوالييييييية , كفاية بقىىىىىىىىى

ترررررررررررررررررررررررررررررررررررررررررررررن

اما اروح اشوف مين يا سي كماااااااااال

 ادخلي جوا يا رباب يا حبيبتي , ده اكيد الاستاذ حسين , اتصل بيا وقال طالع عشان يواسيني في اميييييييي , وادخلي انتِ كمان جوا عشان الراجل ما يتسرعششششششش

يتسرع مني اناااااا , ده هيغم عليه لما يشوفككككككك

اااااااااه يا مّااااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اهلا يا استاذ حسين اتفضل

السلام عليكم يا استاذ كمال

عليكم السلام , اتفضل في الصالون

متشكر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اتفضل اقعد يا استاذ حسين

متشكر قوي , أنا اسف والله اني جيتلك متأخر يا استاذ كمال , اصل ما اعرفش إلا امبارح بالليل من المدام

حصل خير يا استاذ حسين , أمي سابتني لوحدي في الدنيا تلطش فيا يا استاذ حسبن

لوحدك ازاي بس ! ربنا يخليلك اولادك والمدام بتاعتك

المدام بتاعتي ! امي ماتت مفروسة منهاااااااا , ياريتها كانت هي اللي ماتتتتتتت

يا اخي ما تقولش كدة حرام عليك , الأعمار بيد الله , ما تتمنلهاش الموت , دي مهما كانت ام اولادك

يعني هي عشان ام اولادي مش هتموت ! ربنا قادر على كل شييييء , لحظة واحدة اجيبلك القهوة الساااااادة

لالالالا مافيش داعي , أنا جيت بس عشان اواسيك لان ده حقك عليا كجار عزيز

أنا مش جار عزيز , أنا جارك انت يا استاذ حسسسسسين , تعاليلي يا امّاااااااا

الله يرحمها ويدخلها اعالي الجنان إن شاء الله , عن اذنك يا استاذ كمال

اتفضل يا أستاذ حسين , متشكر قوي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ادهم باشاااااااا

في ايه يا رياض

جمال باشا أبو السعد مستني الإذن بالدخول

جمال أبو السعد !!! خليه يدخل بسرررررررعة

حاضر يا ادهم باشا , اتفضل يا جمال باشاااااا

شكرا

مساء الخير يا ادهم بيه

اهلا اهلا اهلا جمال باشااااااا هههه ايه الأنوار دي !!!

هههه ده نورك يا ادهم باشا

نورت المكتب اتفضل اقعد , رياااااااااض

افندم يا ادهم باشا

شوف جمال باشا يشرب ايه

تشرب ايه يا باشا ؟

قهوة ع الريحة

وسعادتك يا ادهم باشا

ناخدوا قهوة مظبوط

هنخلوا الساعي يجيبهم حالاً يا باشا

اهلا وسهلا يا جمال باشا , اتفضل سجارة

متشكر , فعلا كنت لسة هنطلع علبة السجاير بتاعتي ههه

أنا بنشرب نفس النوع , استنى نولعلك

متشكر يا أدهم باشا , ندخلوا في الموضوع بقى

اتفضل

ماشي,أنا جاي نعمل معاك صفقة ارباحها مليون في المية

هه ايدي على كتفك,حد يكره النعمة!لكن دي صفقة ايه؟

صفقة لحوم جاية من ايطاليا وكنت عايز شريك معايا , قلت ما نشاركوش اقل من ادهم باشا سليم

ههههه متشكرين ع الثقة الغالية , واللحوم دي قد ايه وخدتها على كام ؟

دول يا سيدي الف طن وخدتهم على 300 الف جنيي

بس!ازاي الكلام ده ؟

يعني , زي ما تقول كدة اللحمة متخزنة من فترة ومالهاش عازة عندهم

دي على كدة تبقى فاسدة بقى !

فاسدة ايه يا راااااجل , بلاش الكلام ده , احنا ما نتاجروش في الفاسد , أنا راجل ليا سمعتي , مش معنى انها غير صالحة للإستهلاك عندهم تبقى غير صالحة للإستهلاك عندنا

ههههههههههههههههههههههه على رأيك , احنا عندنا ناس تاكل الزلطططط

اديك قلت , وانت عارف اسعار اللحمة غالية قوي ع الناس , يعني لو جبنالهم اللحمة دي وحطيناها في اكياس شيك , عليها تيكت ظريف , بتاريخ انتاج جديد , هياكلوا ويدعولناااااا ههههه

ههههه نحبوك وانت حنين ع الغلابة

اهو الواحد بيعمل لآخرته يا أدهم باشا ههههه ها يا سيدي , قلت ايه , هتشاركني ؟

ايوة بس لحمة زي دي لازم هيكشفوا عليها وجايز ما يرضوش يدخلوها

لالالا من الناحية دي اطمن,احنا لينا حبايبنا اللي يتمنوا يخدمونا,وبعدين كله بتمنه

كلامك صح, لكن ما قولتليش هننزلوا الكيلو على كام ؟

هننزلوه على تلاتين جنيي

هههههههه ايوة كدة , خلي الغلابة تاكل

طيب ندخلوا في التفاصيل بقى عشان نمضوا العقد

مش لما تجهز العقد الأول

العقد في جيبي

هههه يا جاهز انت , وماله , هاته نقراه كويس ولو عجبني هنمضولك عليه

تن تن القهوة يا باشا

حطها عندك واخرج انت يا رياض , لو حد سأل عليا أنا مش فاضي , اوعى تحولي تليفونااااااات

أمرك يا سعادة الباشاااااااا

اتفضل قهوتك يا جمال باشا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ها يا أدهم باشا , ما قولتليش رأيك في العقد

عقد مافهوش غلطة

يعني موافق ؟

ايوة طبعا , احنا نحبوا المكسب ونقدّروا اللي يكسّبني , وادي امضتي

ههه مبروك يا ادهم باشا

الله يبارك فيك يا جمال باشا

وبالمناسبة دي يا ادهم باشا انا عازمك على العشا برا الليلة دي

اوعى يكون ع لحمة زي اللي هنستوردوهاااااا هههههه

هههههههههه لا يا راجل , احنا نعملوا فيك كدة برضو !!!

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ضحى

............ نعم

أنا خارج ... معزوم ع العشا برا

على راحتك

............... فين احمد ؟

احمد بيراجع أجزاء القرآن اللي حفظها في اوضته

طيب احنا هنروحوا نشوفوه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

احمدددددد ههههه بتعمل ايه يا ابو حميد

باباااااا ههه وحشتني اموووه ماشوفتكش بقالي يومين

نعملولك ايه يا ولا إن كنا دايما نيجو من برا نلاقوك ناااايم!

انت بتتأخر يا بابا

كله عشان خاطرك يا احمد , بنشتغل ونتعب عشان نكبرلك مالك ونخليك احسن النااااااااس

أنا مش عايز مال , أنا عايزك انت

ههه بتحبني يا احمد ؟

ايوة بنحبوووووك بنحبوك قوي يا بابا , ونحبوا ماما كمان ودادة راوية وعمو احمدددد

.......عمك احمد !

احنا  عايزين نشوفوه

............ بعدين يا احمد , بعدين , أنا خارج وهنتعشى برا , واكيد هنيجي نلاقيك نايم , عشان كدة قلت نيجي نسلم عليك , عايز حاجة ؟

لا يا بابا شكرا

أنا ماشي

بابااااااا

ايوة يا احمد

صليت العشا ؟

........................................ تصبح على خير يا احمد

وحضرتك من أهله يا بابا مممممم أنا هنخلص مراجعة الجزء ده  ونروح لماما عشان تسمعلي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

مامااااااا

تعالى يا حبيبي

أنا حفظت , مش هتسمعيلي ؟

ايوة طبعا هنسمعولك , تحب نبتدي من الجزء الكام ؟

سمعيلي سورة البقرة

حفظتها كويس ؟

ايوة يا ماما

هههه شاطر حبيبي امووووه انت لك عندي هدية كبيرة قوي

ماما

نعم يا حبيبي

هو ليه بابا مش بياخدني الجامع ؟

......................................

ولا حتى يوم الجمعة بياخدني نصلي , كل اصحابي بيروحوا يصلوا يوم الجمعة مع باباهم

........................ معلش يا حبيبي , ما هو انت بتنزل الجامع اللي جنبنا وبتصلي الحمدلله ودادة راوية بتستناك برا

هو بابا مش بيصلي يا ماما ؟

آآآ حبيبي كل واحد له علاقة بربنا ماحدش يعرف عنها حاجة

يعني هو ممكن يكون بيصلي في مسجد بعيد واحنا مش بنشوفوه ؟

.................. الله أعلم بعباده يا حبيبي , يلا عشان نسمعولك سورة البقرة اموووه

اعوذ بالله من الشيطان الرجيم

بسم الله الرحمن الرحيم

الم ﴿١﴾

 ذَٰلِكَ الْكِتَابُ لَا رَيْبَ ۛ فِيهِ ۛ هُدًى لِّلْمُتَّقِينَ ﴿٢﴾

الَّذِينَ يُؤْمِنُونَ بِالْغَيْبِ وَيُقِيمُونَ الصَّلَاةَ وَمِمَّا رَزَقْنَاهُمْ يُنفِقُونَ ﴿٣﴾

 وَالَّذِينَ يُؤْمِنُونَ بِمَا أُنزِلَ إِلَيْكَ وَمَا أُنزِلَ مِن قَبْلِكَ وَبِالْآخِرَةِ هُمْ يُوقِنُونَ ﴿٤﴾

 أُولَـٰئِكَ عَلَىٰ هُدًى مِّن رَّبِّهِمْ ۖ وَأُولَـٰئِكَ هُمُ الْمُفْلِحُونَ ﴿٥﴾

*******************************************************************

*****************************************************************************************************************************************

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ههههههههههههههههههههههه العشا في الكباريه ده يهبل  يا جمال باشا , والرقاصة اللي بترقص دي اخر حلاوووة

ههههه مش قلتلك هتنبَسَط!أنا زبون مستديم هنا أنا والمدام الله يرحمها

إيه ! هي مراتك ماتت؟

لا طلقتها

هههه ليه كدة بس ؟

ست نكدية يا اخيييييي واحنا ما نحبوش النكد , كل يوم تستناني وتسألني أتأخرت ليه , كنت مع ميييييين , بتكلم ميييين , وكل سؤال من دول وراه عااااااركة , أنا ايه يغصبني ع الهم دددده  !أنا راجل نحب نعيش حرررر

هههههه وربنا ريحت دماغك , وعندك منها عيال ؟

ولدين وبنت

وعايشين معاك ولو معاها ؟

معاهااااا,هو أنا فاضي!

ههههه يا دماغك العالية يا جمال باشا

هيهييي مساء الخير يا جمال باشا

اهلااااااااا مساء الفل يا فريسكا , اقعددددددي

ميرسي

دي فريسكا الرقاصة القشطة يا ادهم باشا

ههههههه اتاريك مش فاضي للعيال , اهلا يا انسة فريسكا , ولا انسة ايه بقى ! ههههه

ههيهييييييي عسل يا ادهم باشا , يا حفني,حفنييي, ازازة ويسكي ع الطرابيزة دي على حساااااااااابي

ماشي يا نجممممممة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

انت جيت يا ادهم بيه ؟

انتِ شايفة ايه آآآآه

مالك يا ادهم بيه ؟

وانتِ مالك انتتتتتتتِ , الست اللي اسمها ضحى فييييييين؟ يا ضحىىىىىىىىىىى انتِ يا ستتتتتتتتتتتتتتت

الست ضحى بتصلي قيام الليل

ههههههه قيام الليل ! قامت قيامتك وقيامتهااااااا , أما ندخلولها الست الطاهرة دي هههههههههههههه

ايه ده ! شارب حاجة ده ولا ايه !!! الله يكون في عونك يا ست ضحى , لا حول ولا قوة إلا بالله

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ضحىىىىىىىىىىىىىىىىىى

السلام عليكم ورحمة الله .............................. السلام عليكم ورحمة الله

خلصتي صلاة ؟؟؟

لسة هنكمل , كنت عايز حاجة ؟

ايوة , تعالي قلعيني الجزمة دددددددي

..................... حاضر

هههه يحضرلك الخير يختي , الولا نام ؟

ايوة

وانا كمان هننام اااااااه اظبطيلي المنبه على الساعة تسعة عشان عندي شغل

........................ مش هتستنى تصلي الفجر ؟

..............................

احمد سألني انت ما بتصليش ليه ؟

.......................................

تفتكر ابنك لو شافك وانت راجع مخمور ومش واعي بالشكل ده هيكون رد فعله ايه ؟

......................................

تفتكر لو عَرَف انك بتسهر وبتشرب وعمرك ما صليت هيحصله ايه ؟

........................... ايه يا بنت حاااااااااااامد , هو أنا عيل صغير وهتحاسبيه ولا ايييييييييه

أنا  ما نملكش نحاسبك , ولا نملك نغيرك , كل اللي نملكه اني ندعيلك , مش هندعيلك بصلاح الحال عشان نفسي , لاني من الآخر مش عايزاك ولا طايقة عيشتي معاك ونتمنوا اليوم اللي نفارقوك فيه , أنا هندعيلك عشان خاطر ابنك اللي ما يقدرش يفارقك ولا يتبرا منك مهما كنت

................. انتِ بتقوليلي الكلام ده في وشي يا بنت حاااااااااامد  !!, انتِ مش طايقة العيشة معاياااااااا ! انتِ اللي زيك تعيش خدامة تحت رجلي وتبوس ايدها وش وضهرررررررر

.............. مش متوقعة منك غير كدة ,عن اذنك هنكمل صلاة

استنيييييييييييي

افندم

انا بنكرهكككككككك بنكرهك يا ضحى

يبقى طلقني

لااااااااااااااااااااا مش هنطلقكككككككك أنا هنخليكي هنا تحت رجلي عشان نذلووووووووكِ, نذلوكِ زي ما بتذليني بكرهلك لياااااااااااا ,غوري من وشيييييييييييي, اخرجي صلي براااااااااااااا اطلعي براااااااااااااا

.......حاضر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

يارب اهئ اهئئئئئئئئئئئ  انت عارف اني عمري ما كرهت حد في حياتي قد ما كرهت الراجل ده اهئ اهئئئئئئئئئئ لكن ده ابو ابني اهئ اهئئئئئئئئ اهديه عشان خاطر ابنه اهئ اهئئئئئئئ اهديه يارب اهئ اهئئئئئئئئ أنا مش عايزة ابني يكون له أب بالأخلاق البشعة دي اهئ اهئئئئئئئ أنا مش مهم , نستحمل ونعيش لحد ما نموت ونقابلك ونرتاح من الدنيا دي اهئ اهئئئئئئ لكن ابني مالوش ذنب اهئ اهئئئئئئ يارب اهديه عشان خاطر ابنه ياااااااااارب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

السلام عليكم يا ولا يا ضيااااااا

حاج عااااااادل ههههه عليكم السلام يا حاج

احمد في مكتبه يا ولا ؟

ايوة الاستاذ احمد جوا

اومال محمد فين ؟ مش شايفه على مكتبه يعني

ده راح مشوار طياري كدة تبع الاستاذ احمد

ماشي , حصلني بفنجان قهوة في مكتب احمد

من عنيا يا حاااااااج

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تن تن احمددددددددد

اهلا يا حاج ههه ايه المفاجأة الحلوة دي

لا يا راجل !!! جيت نصالحوك عشان عارف انك واخد على خاطرك مني

لا ابدا يا حاج , اتفضل تعالى اقعد على مكتبي

لا , اقعد انت مكانك

ما يصحش يا حاج , احنا ما نقعدوش ع المكتب ده وانت موجود , انت الكل في الكل

هه يسلم لسانك , ماشي

تشرب ايه يا حاج

طلبت قهوة من الولا ضيا , ايه يا سيدي , لسة زعلان ؟

بصراحة يا حاج ما توقعناش ابدا انك تتهمنا تهمة زي دي , بقى احنا برضو مش عايزينك تدي رحمة اختي حقوقها !!! احنا نمنعوك عن شرع ربنا !!!

يا ولا كلام من ورا قلبي يا ولاااااااا , أنا عارف انت ايه وقلبك شكله ايه , طول عمرك حقاني وتخاف من ربنا , وعارف كمان انك بتقول الكلام ده من خوفك على رحمة

رحمة دي غالية عندي قوي يا حاج , بنعتبروها بنتي مش اختي , لو عليا ما نفارقوهاش اربعة وعشرين ساعة , ونكون تحت امرها ونقضوا كل طلباتها بدالها , عشان كدة كان نفسي تيجي تعيش معانا , واهي الشقة اللي قصادي فاضية تيجي تقعد فيها هي وامها واحنا نراعوهم بعنينا

تسلم عنيك يا احمد , عارف كل ده من غير ما تقول يا ابني , بس اختك خلاص اتعودت على القاهرة , اتولدت فيها واتربت فيها وسنين عمرها كلها هناك , على يدك انت كل ما نجيبوها اسكندرية كام يوم بتعمل عمايلها وتهد الدنيا عشان ترجع القاهرة , نعملوا ايه يا ابني !

طب يا حاج بالله عليك بلاش موضوع العربية ده , دي ولا بتعرف تسوق ولا بتعرف تحل ولا تربطططط

لا بتعرف يا ولا,احنا علمناها,طب وربنا المعبود دي بتسوق عربيتي زي الجنية وطارت بيها واحنا قاعدين جنبها ولا اجدع سوووووواق ههههه

ربنا يسترها يا حاج , اللي يريحك اعمله

ربنا يريح قلبك يا ابني , الولا ضيا ما جابش القهوة ليه لحد دلوقتي !

تن تن القهوة يا حاج

ايه يا ولا ! بتعملها ع الشمس!ههه

ههه معلش يا حاج , اصل المحاسب نادى عليا عشان نعملوله لمون

ماشي يا سيدي , خد يا ولا يا ضيا المتين جنيي دول عشان عيالك

ربنا يخليك لينا يا حاج وتفضل منور المينااااااا ههه

تعيش يا ولا , اخبار الشغل والمينا ايه يا احمد ؟

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

مامااااااا ياسمييييييين ياسيييييييين انتو فين يا أهل الداااااار انا جيت يا قوووووووم

اهلاً بشيخ القبيييييييييلة , انا في المطبخ يا ياسررررررر

حبيبتي يا ماماااااااااا ههههه يا رب تكون طابخة لحمة ولا فراخ عشان الواحد هفتااااااااان

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ماماااااا بتطبخ ايه يا جميييييييل ؟

ههه شوية بامية عاملاهم ويكة على شوربة اللحمة اللي كانت عندنا الأسبوع اللي فات وجنبهم بتنجان مخلل

طبعااااااً لازم البتنجااااااان , احنا من غير البتنجان نبقى عاملين زي المدمن اللي مش لاقي الكيف بتاااااااعه

هههههه تشبيه بليغ عن أهمية البتنجان في حياتنا يا حبيبي , روح غير هدومك على ما اخواتك يكونوا رجعوا وتتغدوا سوا

ماشي يا ماما , مااااااااااشي

صليت العصر ولا لسة يا ياسررررر ؟

صليته في مسجد الكلية قبل ما اجييييييي

ربنا يتقبل منك يا حبيبييييييييي

ترررررررررررررررررررررررررررررررررررررررررن

يووو الباب بيخبط اما اسيب الويكة واروح اشوف مين

خليكي انتِ يا ماما مع الويكة الاورديحي والبنتجاااااااااان , انا اللي هفتححححح

ماشي يا حبيبيييييي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

مييييييييين ؟

انا خالك يا ولد

خااااااااااالي هههههههه يا مرحبا يا مرحبااااااااا ازيك يا خاااااااالي

ههه ازيك يا ياسر يا حبيبي

اتفضل يا خالي , ده خالي محمود يا مامااااااااااااا

حوووووووودة هههه هعمل طشة الويكة وجيااااااااالك

على راحتك يا بهيرررة , ازيك يا ياسر

الحمدلله تمام

اخبار الكلية ايه ؟

تمام والله الحمدلله

ربنا يوفقك , عايزك ما تقلش عن امتياز كل سنة زي ياسمينة

طبعاً ان شاء الله , ازي جهاد ونضال يا خالي

الحمدلله كويسين , اهي الدراسة بتبتدي وبيطحنوا في الدروس زي باقي التلامذة ههه

بس دول لسة صغيرين , دي جهاد في تالتة  ابتدائي ونضال في أولى

كله بياخد دروس , حتى اللي في كي جي

ههه على رأيك يا خالي , الدروس بقت اسلوب حياة

ههه فعلاً

انا عملت طشة الويكة وجيت اهو يا حووووودة هههههه ازيك يا حبيبي وحشتنييييي

ازيك انتِ يا بهيرة يا حبيبتي , وحشتيني جداً وقلت لازم اجي اتغدا معاكي انتِ والولاد

يا حبيبي انت تنورني في أي وقت , بس كنت قولي يا حودة عشان اعمل اكلة حلوة كدة تليق بيك

ههه انا عشان كدة ما قولتش , عارف ان انا لو قولتلك جاي هتكلفي نفسك , وانا مش عايز كدة , قولت اطب عليكو فجأة وأكل من اللي هتاكلوا منه , طابخة ايه ؟

هههه شوية ويكة زي العسسسسسسسسسل

الله ! ههههه والله كان نفسي فيها

ما تصدميه الصدمة الكبيرة يا مامااااااا , يا خالي لازم تعرف ان الويكة اورديحييييييي مافيش لحمة يا خااااااااالي

هههههه ايه يعني يا ولد !!! المهم اللمة الحلوة

سامع الكلام الحلو يا فجعان يا دني ؟ ههههه الواد قرب ياكلنا يا حودة

يا ستي ربنا يفتح نفسه كمان وكمان ههه خد يا ياسر , دول الف وخمسمويت جنيه   يا حبيبي تجيب بيهم لبس عشان الجامعة

ههههه يا حبيبي يا خاااااالي , عديتهم ولا اعدهمممم ؟

ههههه يا ولد يا عفريت

وايه لزومه بس يا حودة يا حبييييييي , باباه اداه فلوس وجاب لبس قد كدة قبل ما الدراسة تبتدي

لبس قد كدة ايه يا ماماااااا ! ده هو بنطلون وتلات قمصاااااااان !

وهما دول شوية يا ابو عين فاااااارغة !!!

يا بهيرة سيبيه , الشباب اللي في سنه بيحبوا يلبسوا ويظهروا وسط زمايلهم

قولها يا خااااااالي

والله يا حودة انت تاعب نفسك

دول ولادي يا بهيرة زي ما هم ولادك , لسة نصيب ياسمين وياسين لما يجوا هديهولهم , انا اتأخرت عليكو قوي , كان المفروض اجي قبل بداية الدراسة عشان الولاد يلحقوا يجيبوا اللي لازمهم , لكن والله انشغلت يا حبيبتي , اعمل ايه في الشغل اللي ما بيخلصش !

الله يعينك ويقويك ويخليلك جهاد ونضال يا حودة يا حبيبي هههه ما اتحرمش منك ياااااااارب

ولا منك يا حبيبتي

هتخلوا الدمعة تفر من عيني يا ماما انتِ وخالي هههه ايه الحنان الطاغي دددددده !

هههههه ابنك ده مشكلة يا بهيرة

شوف واتعلم يا سي ياسرررر , شوف الخال والد ازاي بقى وشايل هم ولاد اخته ! انت بقى لو روحت لياسمين بعد ما تتجوز عشان تزورها هتعمل معاها كدة ؟ دانت مش بعيد تاكلها وتحلي بعيالهااااااا

هههههههههههه طب جوزيها انتِ كدة وشوفي انا هعمل اييييييه , كل يوم هروح اكل عندهاااااااااا

تررررررررررررررررررررررررررررررن

طب روح افتحلها البااااااب

حاضر يا ماما

 ***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

السلام عليكم يا ياسر

عليكم السلام يا ياسمين , خالي محمود هنا

بجددددد ؟ هههه خالوووو

اهلااااااً ياسمينة , ازيك يا حبيبتي ههه

ازيك انت يا خالو وازي ابلة عتاب وجهاد ونضاااااال ؟

كويسين قوي يا حبيبتي وبيسلموا عليكو

الله يسلمهم يا رب

يلا يا ياسمينتي غيري هدومك وتعالي ورايا ع المطبخ عشان نغرف الأكككككل

حاضر يا ماما

استني يا ياسمينة , خدي يا حبيبتي الألف وخمسوميت جنيه دول

ايه دول يا خالو ! هو كل سنة تكلف نفسك كدة ! والله مش عايزة , متشكرة , بابا جابلي كل حاجة والله

خدي يا بنتتتتتت

حاضر يا خالو , متشكرة قوي

العفو يا حبيبتي ..بنتك دي متعبة قوي , كل مرة تاخد الفلوس بعد مناهدة ولازم اشخط فيها

ههه معلش يا حودة , ياسمين اصلها حساسة ومش بتحب تكلف اللي حواليها 

هههه يا بخت اللي هيتجوزها

ههههه طالعة لامها

طول عمرك صابرة وحمولة يا بهيرة

كله عشان جوزي وعيالي يا حودة ههههه عن اذنك يا حبيبي

اتفضلي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

خدي يا ياسمينة حطي البتنجان في الطبق ده ورتبيه بشكل حلو كدة وحطي عليه شرايح اللمون دي عشان يبقى شيك

حاضر يا ماما

انا سمعت جرس الباب من شوية

اه ده ياسين جه من الدرس يا ماما وياسر فتحله وراح يسلم على خالو

طيب خدي سلة العيش حطيها ع السفرا وتعالي خدي باقي الحاجات

حاضر يا ماما

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ذاكر كويس يا ياسين , انت في اعدادية دلوقتي يا حبيبي

بذاكر والله يا خالي , انا حتى المدرسين مبسوطين مني قوي

طيب تمام يا بطل , انا عايزكو دايما تفرحوا بابا وماما , شوف بابا بيشقى ويتعب قد ايه عشانكو , غير ان ماما مكرسلكو كل وقتها

ايوة طبعاً , انا عارف , ربنا يخليهم

يارب , انا عارف انك محافظ ع الصلاة يعني اكيد مش بتصاحب غير الولاد الطيبين اللي زيك

ايوة الحمدلله , كل اصحابي بيصلوا

الحمدلله , خد ياسيدي الف وخمسوميت جنيه عشانك

هه متشكر قوي يا خالي , عن اذنك هروح اغير هدومي

اتفضل يا حبيبي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ماما فين يا ياسر ؟

في المطبخ  يا ياسين , هتكون فين يعني ! في الكوافيررر ! هههه

هههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

مامااااا

اهلا ياسين حبيبي , عملت ايه في الدرس ؟

الحمدلله فهمته , اتفضلي يا ماما الفلوس اللي ادهالي خالي

مدهاني اعمل بيها ايه !

شيليها عشان لو احتاجتيها تاخدي منها

هههه يا حبيب مامااااااا امووووه ايه العسل ده , طول عمر اللي في جيبك مش ليك يا ياسين , لا يا حبيبي دول بتوعك , شيلهم معاك

لا , خليهم معاكِ , وانا لو احتجت منهم حاجة هطلب منك

ماشي يا حبيبي , يلا غير هدومك بسرعة عشان ناكل الويكة والبتنجاااااان

حاضر يا ماما

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ياسين

ايوة يا ياسر

انت عايز الفلوس اللي خالي ادهالك دي ؟

لا

حبيب اخوووووووك هههه طب هاتهم

انا اديتهم لماما

اييييييييه !!! يا ابني انت اهبل !!! الفلوس اللي بتروح لماما ما بترجعش تاااااااااني

لا بترجع لما نحتاجها

طب اجري يلاااااا اجري غير هدومكككككك , طالع اهبل لمين ده ! كنت عايز اخد فلوسه على فلوسي واجيب بيهم لبس اكتررر , الله يسامحك يا ياسين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ده مسعد جه يا ماما

ازيك يا امي

اهلا يا مسعد يا حبيبي

ازيك يا سهير , عاملة ايه في المذاكرة

الحمدلله يا مسعد , ماشية كويس قوي

برضو ما لقيتش شغل  يا ابني ؟

.......لا , والله انا تعبتتتتتت , بقالي سنتين بلف على شغل ومش لاقي , كل ما ألاقي إعلان في الجرايد اروح الاقي الوظيفة محجوزة من قبل الإعلان لواحد له واسطة

 الهي يحش وسطهم البُعدااااا , استغفر الله العظيم , معلش يا ابني , هنعمل ايه , ما هم ليهم ضهر واحنا مالناش , لكن ربنا كبير , طب بقولك ايه , ما تكلم حد من ولاد الحاجة أم عصااااام , دول معارفهم كتير ومناسبين من عيلات كبيررررة

ايوة صحيح يا مسعد , ما تكلم حد فيهم يشوفلك شغل

ايوة يا سهير بس دي حاجة محرجة قوي وانا ما بحبش اتذل لحد

تتذل لحد ليه إن شاء الله ! هو احنا طالبين صدقة ولا إحسان !!! انت مهندس ومتخرج بتقدير إمتياز كمان , لولا بس حظك الوحش وانك ما عندكش واسطة كان زمانك واخد حقك ومتعين في أحسن وظيفة

اتوكل على الله يا ابني وكلم حد فيهم , ولا اكلم انا الحاجة ام عصام تتوسطلك عندهم ؟

لالالا , انا هكلم هاني بيه ان شاء الله

خلاص يا ابني كلمه وإن شاء الله فيها خير , استنى لما اغرفلك تاكل

طابخة ايه يا امي ؟

فضلة خيرك مسقعة

ماما تقصد مسقعة كدابة هههههههه

ههههههه

مسقعة كدابة ! هي المسقعة كمان بتكدب زي البني ادمين يا بنتي ؟

ههه سهير قصدها مسقعة من غير لحمة , ما هو الناس بيسموها مسقعة كدابة عشان كدة

اذا كان كدة يبقى خلاص يا ابني , خليها تكدب براحتها , استنى اما اغرفلك

طيب بسرعة بالله عليكِ يا امي عشان عايز اكل لقمة واطلع الاوضة افرد ضهري شوية عشان حاسس انه هيتكسر من كتر التعب

بعد الشر عليك يا حبيبي , ان شالله عدوك اللي يتكسر ضهره

وطوا صوتكو بقى يا جماعة عشان بذاكرررر

طيب يا ست الداكتورة هههه ذاكري يا بنتي  ربنا ينجح مقاصدك

لكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

**************************