الحلقة الرابعة(ف2)

لكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

**************************

حكاية مسعد دي مزعلاني قوي يا عواد

مش قالك هيكلم هاني بيه ؟

ايوة , بس برضو زعلانة , المفروض مهندس زي ده اول ما يتخرج من الجامعة ياخدوه من ايده يقعدوه على مكتبه

ههههه ليه ! كان ابوه معالي الوزير !!!

يوه ! هو الوزير احسن منك في ايه !!! دانت عارف الكبيرة والصغيرة في العمارة ومافيش حاجة بتحصل إلا لما يكون عندك علم بيهااااا

على رأيك , حطي كمان معلقة سكر عشان شايك ماسخخخخخخ

خد نص معلقة كفاية , مافيش سكر

ابقي فكريني اجيب كيلو الصبح وانا بجيب طلبات السكان

ماشي يا عواد

الواد ابنك اللي اسمه سعيد ده ما يقولش في مرة ادي ابويا أي مصاريف تساعده ع المعايش ! كل اللي بيكسبه من الدروس الخصوصية يكنزه على قلبببببببه !

يوووو يا عواد سيب الواد في حاله يا عوااااااد , ده يا عين امه بيكوّن نفسه عشان يعرف يلاقي شقة زي الناس ويفرشها فرش كويس وكمان نفسه ومنى عينه يجيب عربييييية

عربية !!!! خليه يختي يحوش ويجيب عربية عشان ساعتها يستعر مني ومنكككككك

ليه كدة بس ! وليه ما تقولش يجيب عربية ويفسحنا بيهاااااا

الجواب بيبان من عنوانه يا فهيييييييمة , وابنك لا حاسس ولا دريان بينا ولا حتى عايز يعرف عننا حااااااجة , طب بلاش انا يديني , ما يديش اخوه العواطلي اللي مش لاقي شغلانة وبيمد ايده ليا وياخد مصروووووفه !

يا عواد مالك شايل الواد على دماغك وزاعق كدة زي ما تكون جوز اممممممه , اديك شايف ظروف الشباب , ما مامعهوش فلوس يديككككككك

مامعهوووش ! طب ايه رأيك انا طلعت فوق ودخلت عليه فجأة ساعة لما كنت عايزه ينزّل معايا التلاجة القديمة بتاعة استاذ كمال ولقيته ماسك روزمة فلوس ما تقلش عن الفين جنيييييه, واول ما شافني اتخض وخباها تحت المخدة وقعد يتهته في الكلام ويقولي طلعت فجأة ليه يا ابويا كنت عايز حااااجة ! قولتله عايز سلامتك يا خوياااا

معلش يا عواد ,  الواد غصب عنه ,  يا عيني عليه يخرج من المدرسة يقعد يلف على بيوت العيال يدي دروس ويرجع بالليل  زي الفرخة الدايخة, يا دوب ياخد طبق طبيخ ورغيف ويطلع اوضته ياكل وينام ويصحى تاني يوم لوجع القلب ده من تاني , بكرة لما يقف على رجليه يكبش ويديناااااا ,اومااااااال , داحنا ابوه وامه

بكرة يتجوز وما نشوفش وشه يا فهيمة , كفاية عليا مسعد وسهيرررر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

السلام عليكم يا مسعد اااااااااه يا رجلي تعبان بشكل غير عادي

عليكم السلام يا سعيد , اتاخرت كدة ليه ؟

هيكون ليه يعني ! من درس لدرس و من بيت لبيت لما الواحد خلااااااص, حاسس ان رجلي مش حاسس بيها

طب وليه الشقى ده كله !!

هههههههههههه على رأيك , مالوش لزمة الشقى طالما دادي الباشا مغرقنا في اطيانه واملاااااااكه

يااخي انا اقصد يعني ان بالراحة على نفسك , صحتك اهم من ده كله

ما تشيلش همي يا مسعد , لقيت شغل ولا لسة ؟

لا يا سيدي , هكلم هاني بيه عشان يتوسطلي

كلمه يا خويا , انا بقى رغم اني كنت جايب مجموع يدخلني طب ولا هندسة بس قلت في نفسي لو اتخرجت مش هلاقي شغل ولو لقيت  المرتب هيبقى ملاليمممممم , طب دانا عندي واحد صاحبي دكتور طالع عينه في الشغل وبياخد مرتب مالوش لزززززمة, لا عارف يخطب ولا يعيش , لكن انا بقى قلت ادخل تربية اتجليزي عشان اول ما اتخرج اشتغل مدرس واكوّن نفسي من الدروس الخصوصية هههه الدنيا عايزة شوية نصاحة واعتبار من الغير

ربنا يوفقك يا سيدي , بقولك ايه ,ما تشوفلي معاك 250 جنيه كدة اجيب قميص وبنطلون جداد بدل القدام اللي عندي

هااا !!! أأأ كان من عنيا يا مسعد يا خويا , بس اصل انا دخلت جمعية مع جماعة مدرسين زمايلي ولسة مش هقبضها قبل سنة , تكون انت اشتغلت إن شاء الله وجبت القميص والبنطلون من فلوسك

مممم عندك حق , متشكر

تاكل معايا ؟ امك عاملة مسقعة ههه شامم الريحة ؟

سبقتك , بالهنا والشفا انت

ماشي يا عم

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اهو هاني بيه وصل بعربيته اهووو , هاني بيييييييييه

السلام عليكم يا هاني بيه

اهلا يا مسعد عليكم السلام يا باشمهندس , ايه الأخبار ؟

باشمهندس ! الحمدلله يا هاني بيه , انا بصراحة كنت عايز اطلب من حضرتك طلب بس متردد

ما تترددش يا مسعد , تحت أمرك

الأمر لله وحده يا هاني بيه , بصراحة كنت عايز حضرتك تتوسطلي يعني عند حد من معارفك عشان يشوفلي شغل , انا بقالي سنتين متخرج ومن ساعتها وانا مش لاقي شغل , وتعبت بصراحة ومكسوف من ابويا اللي لحد دلوقتي باخد مصروفي منه مع ان كان المفروض انا اللي اريحه واصرف عليه بعد تعبه معايا ومع اخواتي , لكن للأسف زي ما حضرتك شايف , لا بشتغل ولا حتى لاقي شغل , فياريت يعني تساعدني يا هاني بيه

ان شاء الله يا مسعد هشوفلك الموضوع ده وقريب جدا هتلاقي وظيفة مناسبة .... تعرف انا هتوسطلك ليه مع اني ضد الواسطة ؟

ليه يا هاني بيه ؟

عشان انا ما بتوسطش لواحد لا يستحق , لكن انت يا مسعد مظلوم وحقك متاخد منك وانا هتوسط عشان ارجعهولك ان شاء الله

ههه ربنا يخليك يا هاني بيه ياااااااااارب , انا مش عارف اقولك ايه والله

ما تقولش حاجة , عن اذنك

اتفضل يا هاني بيه هههه ياسلاااااااام ربنا يخليك يااااااارب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

هو بابا فين يا ماما ؟

بيتكلم في التليفون يا منة , كنتِ عايزاه ليه ؟

كنت عايزة فلوس درس الماث

طب استنيه لما يخلص المكالمة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

يعني اخلي مسعد يعدي عليك بكرة يا جميل بيه ؟ طيب خير إن شاء الله , متشكر قوي يا فندم , السلام عليكم

باباااااا

ايوة يا منة

عايزة الدرس بتاع فلوس الماث

نعمممممم  !ههههههه

ههههههه قصدي عايزة الفلوس بتاعة درس الماث

حاضر يا ستي , هدهوملك , بس عارفة بقى لو قليتي عن الدرجة النهائية هعمل فيكِ ايييييييه !

لالالا يا بابا ما تخافش , العمل يجري على قدم وساق وإن شاء الله هجيب الدرجة النهائية ههه

ههه طب خدي يا ستي

مممم روحي يا منة على اوضتك

حاضر يا ماما

كنت بتكلم مين يا هاني ؟

بكلم واحد اسمه جميل بيه , تعرفيه ؟

لا

عرفتي بقى ان سؤالك مالوش لزمة لانك اصلا ما تعرفيش الشخص اللي بكلمه !

مممم اصل كنت سمعاك بتجيب سيرة مسعد ابن البواب

قصدك الباشمهندس مسعد

ههه حتى لو كان رئيس المهندسين فهو برضو ان البواب

والله دي حاجة ما تعيبوش , بالعكس , البواب اللي مش عاجبك رباه لحد ما خلاه مهندس

ايوة طبعا ما هم نفسهم يعلوا زي اسيادهمممممم , بس ده بُعدهممممممم

رشاااااا , كوباية شاي

مممم قصدك تسكتني يعني , ماشي هعملك الشاي

ازيك يا بابا

اهلا يا عبد الرحمن , خلصت مذاكرة

لا , بس جيت اقول لماما تعملي كوباية شاي

طب الحقها بقى وقولها تعمل حسابك  , راحت المطبخ تعملي

ماشي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

مامااااااااا

نعم

اعمليلي كوباية شاي لو سمحتي

مش هتاكل الأول ؟

لالالا المذاكرة مشبعااااااااااني , مممم ايه ده , فيها ايه الصنية دي يا ماما ؟

دي بقيت المكرونة بالبشاميل ومعاها نص فرخة اللي اتفضلوا من الغدا

طب انتِ عايزاهم ؟

عايزاهم يعني ايه ؟

يعني عايزاهم لبكرة ولا مستغنية عنهم ؟

الله ! انت مش قلت شبعااااااان ؟

ايوة شبعان , بس اصل عايز انزلهم لعم عواد البواب وولاده

مممممم اوكيه , مافيش مانع , خليهم ياكلوا , ما هم ما بيشوفوش الحاجات دي

طب عن اذنك يا ماما , هنزلهم الصينية على ما تعملي الشاي

ما تتأخرش يا عبد الرحمن

حاضر يا مامااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تن تن دادة فهيمة

ميييين ؟

انا عبد الرحمن

ده عبد الرحمن اللي بيخبط يا ماما

اما اروح اشوفه عايز ايه يا بنتي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اهلا يا عبد الرحمن

اهلا بيكِ يا دادة , مممم ازيك يا سهير

اهلا يا عبد الرحمن , ايه الصينية اللي معاك دي ؟

دي مكرونة بشاميل وفراخ ماما بعتاهوملكو

اييييييييييه !

ههههه كتير خيرها الست رشا ام الكرررررم

مامااااااا , ما تاخديش الصينية لو سمحتييييي

ماخدهاش يعني ايييييييه ! خير وجايلنا , نرفسه!متشكرين يا عبد الرحمن

ممم العفو يا دادة , عن اذنكو طالع عشان عندي مذاكرة

اهئ اهئئئئئئئئئئئئئ ليه يا ماما كدددددة ليه خدتي منه الأكل بتاعهممممممم ؟

الله ! يا بنتي مش هو اللي منزلهولنا لحد عندنا !!! كتر خيره يا بنتي , استنى اما اشوف كدة الاكل الحلو ده , الله ههههه يا حلاوووووة شكله يفتح النفس والنص فرخة بتقول يا مين ياكلني هههه خدي حتة فراخ اهيه يا سهير مع حتة مكرونة

لااااااااااااا

يا بنتي كلي دانتِ بتذاكري ومحتاجة غذااااااا

اهئ اهئئئئئئئ قولتلك لا يا مامااااااا , مش باكل بواقي حددددددد

انتِ حرة , اكل انا وابوكِ ربع فرخة ونقسم الربع التاني بين اخواتك, بس انتِ هتاكلي ايه ؟

هاكل سندوتش جبنة وكوباية شاي واكمل مذاكرررررررة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

دي سهير قاعدة بتذاكر على البوابة , اما اروح اصالحها لتكون زعلانة مني

سهير

عبد الرحمن ! عايز مني ايه ؟

انتِ زعلانة مني يا سهير عشان نزلتلكو اكل امبارح ؟

ايوة زعلااااااااااانة اهئ اهئئئئئئئ عشان احنا مش شحاتين عشان تنزلنا بواقي الأكل بتاعكوووووو,, ويكون في علمك انا ما كلتش منه , انا كلت عيش وجببببببببنه , انا عندي اكل عيش حاف او حتى اموت من الجوع  ولا اني أكل بواقي اكل السكاااااااااان

يا سهير انتِ ليه واخدها بحساسية كدة !!!!! احنا جيران يا سهير, والجيران عادي لما يهادوا بعض

لا يا استاذ احنا مش جيراااااااان , انا بنت البواب بتاع العمارة اللي اهلك يبقوا اصحابهااااااا , يعني احنا شغالين عندكووووو, لكن يكون في علمك الوضع ده مش هيستمر كتيررر , بكرة اخد الثانوية العامة وادخل كلية الطب وابقى دكتورة قد الدنيااااااااا وما يبقاش في حد احسن مني ولا حد يجيبلي بواقي الاكل عشان اتعشى بيهااااااا, واتفضل بقى شوف رايح فين عشان في حد خارج من الاسانسير وما يصحش يشوفوني واقفة معاااااااك

ماشي يا سهير , اعوذ بالله منك, بت معقددددددة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

مممممم هي دي الشركة اللي قالي عليها هاني بيه , اما ادخل اقول للسكرتيرة دي اني عايز اقابل المدير

السلام عليكم

عليكم السلام

ممكن لو سمحتي أقابل سيادة المدير جميل بيه ؟

في معاد سابق يا فندم ؟

ايوة , انا مهندس مسعد عواد من طرف هاني بيه زاهر

طيب لحظة واحدة يا باشمهندس

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

جميل بيه , مهندس مسعد عواد عايز يقابل حضرتك

مسعد عواد ! أها , ده اللي من طرف هاني بيه , خليه يتفضل

حاضر , اتفضل يا باشمهندس

شكراً , السلام عليكم يا جميل بيه

عليكم السلام , أهلاً أهلاً يا باشمهندس مسعد , اتفضل اقعد

متشكر يا فندم

تحب تشرب حاجة ؟

لالا متشكر

في الحقيقة هاني بيه كلمني بخصوصك واستغربت جداً

استغربت !

هه سبب استغرابي ان هاني بيه عمره في حياته ما اتوسط لأي شخص مهما كان , لكن لما وضحلي ان اللي خلاه يتوسطلك هو انك انسان ممتاز وشاب مكافح , فهمت السبب ورحبت جداً بتعينك عندنا

هه متشكر لحضرتك ومتشكر لهاني بيه

ان شاء الله الشغل معانا يكون مريح بالنسبة لك يا باشمهندس

ان شاء الله يا فندم

طيب دلوقتي هطلب السكرتيرة عشان تعرّفك مكان مكتبك , تررررررن منى

ايوة يا فندم

تعاليلي حالاً

أمرك يا فندم

تن تن

تعالي يا منى , من فضلك تاخدي الباشمهندس مسعد توريه مكتبه عشان يتعرف على زمايله وياخد فكرة عن الشغل

حاضر يا فندم , اتفضل يا باشمهندس

متشكر , عن اذنك يا جميل بيه

اتفضل يا باشمهندس , بالتوفيق إن شاء الله

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اميييييييي باركيلي يا أميييييي استلمت الشغغغغغغغغغل ههههههه

ههههه ماشاء الله , اللهم صل ع النبييييي, مبروك يا مسعددددد لولوليييييييي مبروك يا باشمهندسسسس ههههه

الله يبارك فيكِ يا امي , كله بفضل دعاكي ودعا ابويااااا , هو فين عشان افرححححه ؟

ابوك بيمسح السلم في الدور الخامس

بيمسح السلم !

زمانه نازل , ده هيفرح قوي لما يعرف انك استلمت الشغل وبقيت مهندس بحق وحقيقي ههههه لكن ما قولتليش , هيدوك كاااااااام ؟

مبدئياً الفين وخمسوميت جنيه

حلوين , رضاااا , فضل من عند ربنا , الحمدلله يا حبيبي ان بقالك مرتب وهتقبض وتتهنى , بس ..... هو انت يعني هتساعد ابوك بقرشين يا حبيبي ولا محتاج الفلوس كلها زي سعيد ؟

يا أمي انا كلي ليكو , الفلوس دي ربنا رزقني بيها عشان اساعدكو واصرف على سهير لحد ما تخلص كليتها

يا حبيبي يا مسعد , الهي يا ابني يرضى عليك زي ما انت مراضيني ومراضي ابوك ويفتحلك الأبواب المقفلة قادر كريمممممم

اللهم آمين يا أمي , تعرفي يا امي انا بحلم بإيه

بتحلم بإيه يا حبيبي ؟

بحلم يجي اليوم اللي اريحك واريح ابويا من شغلة البوابة دي , ابويا تعب قوي , ومش سهل عليا اني اشوفه لحد دلوقتي بيقضي طلبات للناس وبيمسح سلالم

لا ما تشيلش همه , ده هو اساساً امه ولدته وهي بتبطط الجلة في دوار العمدة وكان ابوه وقتها بيجر الساقية بدل التور  اللي مااااات , ابوك واخد ع الشقا من صغره , ما هي ناس يا ابني اتولدت للشقا وناس اتولدت للنعيم

لا يا امي , في ناس كتير ربنا بيمن عليهم بعد الفقر وبيرزقهم الغنى والدنيا الواسعة

ربنا يجعلك منهم يا ابني , آمين يا رب

انا عمري ما اتمنيت الغنى يا أمي , انا بتمنى بس يبقى معايا الفلوس الكافية لمصاريفكو وانّي اخليكو مش محتاجين حاجة , انا هطلع لابويا امسح السلم بداله

خد يا مسعدددددد ,تمسح بدل ميييييين ! انت مهندس يا حبيبيييييي, الواد جري على فوق , الله يديك على قد نيتك يا ابني , ويهدي اخووووووك

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

بت يا رحمة ابوكِ جججججججه اصحي يا بت

بابا حبيبيييييييي هههههه جاية حالاااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

فين رحمة يا اشجان ؟

هتغسل وشها وجاية يا عادل

ههه هنفرحوها بالعربية

برضو جبتلها العربية يا عادل !!!!!

ايوة , وجيت سايقها من اسكندرية

على راحتك يا عادل , بس لو بنتي جرالها حاجة مش هنسامحوك العمر ككككككله

بس يا ولية يا ام دماغ بايظة انتِ ههه البنات والشباب كلهم بيسوقوا واهاليهم ما بيعملوش عمايلك دددددي

باباااااااا هههههه صباح الخير يا قمررررر امووووه اموووووووه

ههه صباح النور يا ست البنااااااااات ايه الجمال ده يا بت !!! خواجاية فرنساوية !!! ههه

هههههههه طالعة لمامتي ولجدتي زبيددددددة , مش بيقولوا كانت حلوة زيي كدة ؟

ايوة كانت حلوة زيك يا رحمة , الله يرحمها , غمضي عنيكي بقى عشان ليكِ مفاجأة حلوة عندي

ههههه حااااااااااضر اديني غمضت اهووووو

ههههههه فتح عينك يا حلو  يا ابن الحلوووووين

ههههه ايه ده !!!!! مفتاح العربية مش كددددددة ؟

ايوة ههه جبتهالك معايا ومركونة تحت العمارة, سبور وحمرا زي ما طلبتيييييي

اما اروح ابص عليها كدددددددددة

ههههه البت فرحت ياما  يا اشجان

ممممممم تعيش وتفرحها وتكيد امها

هههه انتِ الخير والبركة يا شجونة

اااااالله يا باباااااااااا العربية تحففففففة تجنننننننننن

هههه طب حاسبي على عقلك بقى

ربنا يخليك ليا يا بابا ياااااااارب امووووووه اموووووووه انت احلى بابا في الدنياااااا

وانتِ احلى رحومة في الدنياااااااا , مش هتباركي للبت ع العربية يا اشجان ؟

سيبني في حالي يا عااااادل , كفاية انت وبنتك فرحانين ومش مهم انا

ماما حبيبتي امووووووه لو شوفتي العربية هتعجبك قوووي وتقولي خديني وفسحيني بيها حالااااااا

ااوعى يا رحمة الله يخليكِ سيبيني نقوم نحضر الفطار لابوكِ

يوووووه شايف يا بابا !!! ماما مصرة تنكد عليااااا

معلش , امك بتخاف عليكِ بزيادة يا رحمة , بصي يا بنتي العربية جبتهالك رغم ان امك واخوكِ احمد مش موافقين , تسوقي بالراحة وتخلي بالك من سكتك وبلاش شغل الجنان بتاع الشباب , ما تخلنيش نندم اني جبتهالك

ما تخافش يا بابا , والله هسوق بالراحة ومش هعمل حركات جنان ههه

طب خلاص , احنا هنفطروا ونريحوا ساعة كدة وبعدين ناخدوكِ وننزلوا عشان تجربي عربيتك الجديدة وتاخدي عليها

ماشي يا بابااااا هههه , لكن انت صحيح فين عربيتك ؟

ما جبتهاش , جيت بعربيتك

الله ! اومال هترجع اسكندرية  ازاي ؟

هه عادي , هنأجروا عربية مخصوص , مع اني مش متعود نركب مع حد  لكن كله يهون عشان خاطر عيونك يا قمر ههههه

ربنا يخليك ليا يا بابا ياااااااااارب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ياسر اهو مستني الأتوبيس يا عيني  بيب بييييييييييييييييييييييب بيب بييييييييييييب ياسررررررر

ايه ده ! رحممممممة !!! ههه مبروك العربية

الله يبارك فيك , بابا لسة جايبهالي طازة من اسكندرية هههه تعالى اركب

اركب فين يا بنتي !!! انتِ عبيطة ولا شكلك كدة , امشي بقى عشان الناس ابتدوا يبصوا علينااااااا الحمدلله ان مافيش حد نعرفه وإلا كانت وقعتي ووقعتك هتبقى مطينة

ممممممم خايف من عمو حسين ؟

ييييييييي بطلي كلمة خايف من عمو حسين دددددي

خلاص خلاص حقك عليا ههههه عارفة انك مش بتخاف يا ابو قلب جااامد باي بااااااي

باي باي يختي , بت مجنونة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

الله ههههه فرحانة قوي اني جيت الجامعة بالعربية النهاردة , كنزي اهيه , كنززززززي يا كنززززززززي هااااااي

ايه ددددده ! كيل سيغبغييييييي ! ههههه ايه المافاجآت الجامدة دي يا رحووووومة !!! عربية مرة واحدة !

اقل حاجة يا بنتي ههههه بابايا حبيبي جبهالي رغم معارضة الست ماما واحمد اخوياااااا

ههه يا بختك يا رحومة , أنا بقى مش ممكككككككن بابا يجيبلي عربية ابدااااااااا

ليه يعني ! هو باباكِ فقير !!! ما انتِ بتيجي بعربية جامدة قوي بالسواق, يعني واضح ان باباكِ غني قوي زي بابا

ايوة فعلا بابا رجل اعمال ناجح وغني ومشهور وكل حاجة , العيب مش في بابا

يبقى اكيد في مامتك

لا , العيب في اخواتي البنتين اللي اكبر مني ههههه اصل كل ما  واحدة فيهم  تخلص الثانوية العامة تطلب من بابا عربية ويجيبلهالها تقوم تعمل حادثة وتدشدشهاله هههههه اختي ملك الكبيرة عملت كدة وبعدها اختي يارا الوسطانية , فبابا اتعقد بصراحة وجابلنا عربية بسواق وقال اياك واحدة فيكو تطلب عربية تاااااني هههههه

ههههه ولا بهمك , عربيتي عربيتك يا بنتي , بتعرفي تسوقي ولا اعلمك ؟

لا مش عايزة اتعلم سواقة , اخواتي عقدوني هههه

انتِ مالكيش اخوات صبيان يا كنزي .؟

لا , احنا تلات بنات , ملك الكبيرة اتجوزت من كام شهر ويارا مخطوبة وانا بقى لسة ما لقيتش فارس احلامي

ههههههه ربنا يبعتهولك

يااااااااارب هههههه يلا على المحاضرة بقى

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

صباح الخير يا دادة فهيييييييمة

صباح النور يا رامي , نازل متأخر ليه كدة عن معادك ؟

راحت عليا نومة , بيسسسسسسسس

بس ايه هو انا قطة !!!

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

هههههه ايه ده ! دي رحمممممممة مورنينج رحوووووووم

ههه ازيك يا راااااامي , ايه يا ابني رايح فين ؟

رايح المدرسة

يا نونو ههههه مدرسة ايه يا ابني ! الساعة تسعععععة , في مدرسة بتبدأ بعد تسعة ! طب انا نازلة تسعة عشان عندي محاضرة الساعة عشرة , لكن انت نازل تسعة ليه بقى !

ههههه متعمد عشان الناظر اول ما يشوفني يطردني وارجع اكمل نوم

ههههههههههه انت مهزلة يا رامي

انما ايه العربيات والحركات الجامدة دي !

حلوة العربية ؟

ايوة حلوة , اديني لفة

بعينكككككككك هههههه انما ايه يا ابني البنات الفاكسانين اللي كانوا معاك امبارح دوووول ؟

ما عجبوكيش ؟ هههههه

وحشين قوووي هههههههه

ههههههههه حقك يا نجممممم , ما هو الحلو دايما يشوف باقي الناس وحشين ههههه بصراحة يا رحومة انتِ موزّة جامدة طحححححححن, ولولا انك اكبر مني بسنة وبعتبرك زي ماما ما كنتش سيبتك من ايدي ههههههههههههه

ههههههههههه يا شيخ روح كدة , هو انا هعيّل ولا اييييييه , يلا باي بقى عشان هتأخر ع المحاضرة , وانت اجري الحق الناظر عشان يهزئك ويطردك , يلا بااااااااي ههههههه

باي يا رحووووووم .... ازيك يا ياسرررررر , رحمة لسة ماشية بالعربية

مممممم شوفتها يا خويا

هههههههه يا صباح الاتامة , بيسسسسسسس

بيس  يا دلوع امكككككك  , طيب يا رحمة , لما اشووووووفك

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

يا كنزي يا حبيبتي فكري , جايز الولد ده يكون بيحبك بجد

لالالا يا ستي , اصله بصراحة مش التيب بتاعي , مش استايل خااااالص

ممممم طب هو احلى ولا ياسر ؟

بصراحة هو أحلى من ياسر  , بس أنا مش بقول ع الشكل , بقول على الستايل بتاعه

يا بنتي طب ما تحطيله شرط انك مش هتقبليه إلا لما يغير ستايله

مممم بصراحة اصل دمه تقيل

ههههههههه قولي بقى انك مش طايقاه كله على بعضه , ايه دددده يا سر اهوووو , باي باي يا كنزي

باي باي يا ست رحمة , باعتني في لحظة عشان البوي فريند بتاعهااااا هههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ياسرررررر

ياسرررررررر استنى يا ياسر انت بتمد كدة ليييييه !

افندمممممممم

الله ! مالككككك ؟

مافيش , عندي محاضرة كمان نص ساعة, عن اذنكككككك

استنى بسسسس , في ايه بجد ؟

اسألي نفسكككككك , شوفي كنتِ واقفة تضحكي وتهزري مع مين قدام العمارة الصبحححححح

تقصد رامي ؟

ايوة زفتتتتتتتتتت

هههههههههه يا ابني ده راااااااااامي , ده حتة عييييييييل

عيييييييييييل ! عيل ميييييييين !!! ده عامل زي الفحل

ههههه والله يا ياسر انا بعتبر رامي صغير ومش في بالي خالص أي حاجة تانية , واذا كان كلامي معاه ضايقك يبقى خلاص مش هيحصل تاني

انتِ عارفة لو شوفتك واقفة معاه تاني يا رحمممممممممة ,هقتلككككككككك

هههه للدرجة دي بتغير عليا يا ياسر ؟؟؟

واكتر من الدرجة ددددددي , انتِ ما تعرفيش اعصابي كان شكلها ايه لما شوفتك واقفة معاااااااه , ولولا اني عارف انك بتتصرفي بحسن نية ما كنتش سامحتك

خلاص بقى يا ياسر , حقك عليا , ما تزعلش مني

اوووووووف خلاص يا رحمة , عندك محاضرات دلوقتي ؟

لا خلصت محاضراتي

يبقى اتفضلي خدي عربيتك وروحي حالااااااااا

ههههه أمرك يا حبيبي , باااااااي

باي يختي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

يلا يا ياسمين نطلع نعمل الأكل زمان اخواتك جايين , ازيك يا فهيمة

اهلا يا ست بهيرة , ازيك يا ياسمين

الحمدلله يا دادة فهيمة

يا بنتي ما تدوسي على زرار الأسانسير نزلييييييه

ما انا دوست يا ماما , بس واضح ان حد بيركب ونازل

طيب ادينا مستنين

ايه ده ! ده الدكتور مازن يا ماما

ههه ازيك يا انسة ياسمين

هه الحمدلله يا دكتور مازن كويسة قوي

ازيك يا طنط بهيرة

اهلا يا دكتوررر , سلم على مامتك مدام ناهد  , اتفضلي يا جناب الاستاذة خلينا نطلعععععع ,ادخلي قدااااااااامي

اااااااه ايه يا ماما بتزقيني كدة ليه !

ولسة لما نطلع فوق نتحااااااااااسب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اتفضلي ادخلي يا ست هاااااانم

ايه يا ماما في ايه بس ! حضرتك بتزعقيلي ليه ؟

يعني مش عارفة ليه يا ست ياسميييييين ! مش انا نبهت عليكِ ما لكيش دعوة بابن نااااااااهد , وحدود علاقتك بيه في الجامعة وبسسسسس, والعلاقة ما تتجاوزش كونه استاذك وانتِ تلميذتتتتته ؟؟؟

طب هو كان حصل ايه لده كله يا ماماااااا ! هو انا عملت حاجة !!!

والله ! ما انتِ ما كنتيش دريانة بنفسك اول ما شوفتيه خارج من الاسانسيررررر , التكتور ماسسسسسسسن .ايه المياعة دددددددددي !!!

اهئ اهئئئئئئئ ربنا يسامحك يا ماما , والله انا اتكلمت عادي وبمنتهى الجدية

جدية قوي يختي , دانتي كنتي مبتسمة ابتسامة من الودن دي للودن دي وفاتحة بقك زي العبيطة, فرحانة بسنانك بتفرجيه عليهاااااا !

اهئ اهئئئئئئئ انا اسفة يا ماما , بس والله انا ما قصدتش أي حاجة وحشة , هو قالي ازيك بأدب وانا رديت عليه بأدب , على العموم اسفة , عن اذنك يا ماما داخلة اوضتي

اووووووووف اتفضلي , استغفر الله العظيم يارب , عملت نفسها مأموصة عشان ما تساعدنيش في الطبيخخخخخ , ماشي يا ياسمين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تررررررررررررررررررررررررررررررررررررن ماماااااااااااااااا افتحي يا ماما انا جعاااااااااااااااااان

طيب طيب يا فاضحناااااااا جاية يا ياسررررررر

*************************

اهلا يا حبيبي

السلام عليكم يا ماما الغدا جاهزززززز ؟

عليكم السلام يا حبيبي ايوة الغدا جاهززززز, ادخل غير هدومك وصحي اخوك ياسين عشان يتغدا , ما رضيش يتغدا إلا لما تيجيييييي

ههههه يا سلام على وفاء الأخوة ! الواد ده وفي زيادة عن اللزوممممممم

يا ريت تتعلم منه حاااااااااجة

ايوة يا ماما ما انا اتعلمت منه اغسل ايدي قبل الأكل وبعده , يا ياسييييييين اصحى يا ياسين عشان نتغداااااااااااااااا

اما اروح اصالح ياسمين حبيبتي , والله البيت من غيرها وحش ومالوش حس , مش عارفة لما تتجوز البت دي هعمل ايه !

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تن تن ياسميييييين, ياسمينتيييييي

اتفضلي يا ماما

هههههه ايه يا امورتي,هتفضلي حابسة نفسك في اوضتك كدة كتير ! بقالك تلات ساعات قاعدة لوحدك , وده مش كويس , كدة تتجنني بعد الشر , يلا تعالي عشان تتغدي مع اخواتك

مش عايزة أكل يا ماما , كلوا انتو

ههه لسة زعلانة مني ؟

.........................................................................

يا حبيبتي والله انا ما قصدتش ازعلك , انا بس حبيت الفت نظرك لحاجة ما عجبتنيش ,لكن لفت النظر طلع عنيف شوية بعيدا عن طبيعتي كأم حنونة هههه ولا انا مش حنونة يا بت انتِ ؟ قولي لا يا ماما مش حنونة عشان اقطعك ستين حتتتتتتتتة ههههه

ههههه ربنا يخليكي لينا يا ماما

شوفي يا حبييتي , انا عارفة انك ما قصدتيش حاجة من كلامك مع مازن وكان مجرد رد سلام , لكن بصراحة بقى ما عجبنيش الذهول اللي جالك لما شوفتيه كأنك لقيتي ربع جنيه فضة , لا يا حبيبتي , حتى لو هتردي السلام على راجل غريب يبقى بجدية وبمنتهى الجدية كمااااان , لإن الإبتسامة هتفتح مجال لكلام اكتر من السلام واسأليني أناااااااا , مرة واحد زميلي في الجامعة بيقولي صباح الخير روحت مبتسمة ابتسامة عذراء الربيع وقولتله صباح النور , هو لقاني ابتسمت راح مزود في الكلاااااام , وقالي تعرفي ان ابتسامتك حلوة قوووي

يا خبر يا ماماااااا وحضرتك عملتي اييييييه ؟

ولا حاجة يا حبيبتي , ما ردتش عليه طبعا وروحت مكشرة  وطلعت جري  ع السيكشن , في شبان كتير ما بيصدقوا يا حبيبتي عشان يفتحوا مجال للتعااااارف

مممممم والله عندك حق يا ماما , بس بصراحة الدكتور مازن مهذب جداااا

ربنا يخليه لامه يا حبيبتي , مالناش دعووووة , هو بالنسبة لك راجل غريب , ما تفرقش بقى  الدكتور بتاعك في الجامعة ولا حلاق الصحة ولا العجلاتي  , كلهم اغراب واللي يسري على ده يسري على غيره

فعلا يا ماما كلامك مظبوط , غلطة ومش هتتكرر تاني

وانا واثقة من كدة , يلا بقى عشان تتغدي , ويكون في علمك بعد الغدا هتتدبسي في غسيل المواعيييييين , كفاية انك سيبتيني اطبخ لوحدي يختي وعملتي مأموصة هههه

ههههه انا عنيا ليكِ يا ست الكككككل امووووه

باستك العافية يا حبيبتي , يارب احفظ بنتي وكل البنات ياااااارب آمين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

*********************

منوراني يا اشجان ,  جبت الفاصوليا وقلت اقطعها واحنا قاعدين عشان اكسب وقت , الشاي مظبوط يا اختي ؟

تسلم ايدك يا بهيرة , كوباية شيّ مظبوطة ومية مية ههه

بالهنا والشفا يا اختي هههه

ما تناوليني سكينة عشان نساعدوكي في تقطيع الفاصوليا

لا يا اختي , شايلاكي لوقت عوزة , هما نص كيلو هخلصهم على طول ان شاء الله

ألا عتاب مرات اخوكي عاملة ايه ؟

كويسة الحمدلله , لسة مكلماني امبارح وبتسلم عليكِ

الله يسلمها  من كل وحش ,هو ابنها وبنتها اسمهم ايه ! مابنحفظوش اسامهيهم الملخفنة دي

ايه اللي لخفنها بس ! هههه الولد اسمه نضال والبنت اسمها جهاد

وربنا ما ليهم حق يسموا العيال الأسامي دي , هما كانوا رايحين يحاربوا !!!

هههه لا يا اختي , اصل  محمود اتعدا من عيلة  مراته , ما انا قولتلك على اسامي اخواتها , كل اسم عندهم له قصة , راح محمود كمان راح مسمي عياله اسامي تفكره بجهاده ونضاله في الحياة لحد ما ربنا كرمه هههه

ممم بقى عشان كدة , ربنا يخليهوملهم يختي

ترررررررررررررررررررررررررررررن ترررررررررررررررررررررررررررررررررررررررررررررن

استني يا اشجان يا اختي اما ارد ع حماتي في  التليفون الأرضي

تررررررررررررررررررررررررررررررررررررررررررررن

وايش عرفك انها حماتك ؟؟؟

ماحدش بيطلبنا ع التليفون الأرضي غيرها هههه

تررررررررررررررررررررررررررررررررررررررررن

هي مش ناوية تجيبلها موبايل زي خلق الله !

ترررررررررررررررررررررررررررررررررررررررن

بتخاف يفرقع في وشها يا اختي ,الوووو ازيك يا نيييينة

ايه يا مرات حسيييييين ما بترديش على طول لييييييه !!! انطرشتيييييي !

معلش يا نينة , كنت قاعدة مع اشجان جارتي

اه وماله  , سيبي مصالح بيتك وما تعمليش لقمة للراجل الشقيان اللي بيجري عليكِ وع الأورطة اللي مخلفهاله واقعدي لتي واعجني مع جيراااااااانك

في ايه بس يا نينة ! والله قاعدة مع اشجان بقطّع الفاصوليا وسايبة الطماطم بتتسبّك ع النار , ما تخافيش على حسين , هأكله مش هسيبه جعان هههه

وانتِ بتأكليه من جيبك ! كله شقاه وتعبه  يا حبة قلب امه , هو حد حاسس بيه إلا امممممه !

ربنا يخليك له  يا نينة

آمين يارب , ابعتيلي الواد ياسر

ياسر ! ليه يا نينة ؟

يجيبلي التموين بتاع الشهر , الواد حسام ابن سامية هو اللي بيروح يجيبه , بس اتصلت لقيته نايم قلت لامه ما تصحوش حرام , خليه نايم , هبعت ياسر

ياسر هو كمان نايم والله يا نينة

صحييييييييه , يعني ايه نااااااايم ! ازاي اطلب حاجة من الواد وتقوليلي نااااااااايم !!! ابعت الغرب انا ولا اقول يا ولاد الحلال هاتولي التموين عشان ابن ابني ناااااااااايم!

لا يا نييييينة ان شالله عنه ما نااااااام , مع انه جاي من الكلية تعبان و التموين ممكن يتأجل لبكرة بس انا هصحيه برضووووو , لحظة واحدة وهدهولك تقوليله مكان بتاع التموين فييييين

ايوة يختي صحيه , ال نايم ال , منيمة الواد ومشقّية ابوووه , منك لله يا بهيرة يا مرات حسسسسسين , الهي تدوقي المر على ايد ستات ولادك زي ما انتِ ساقيهوووولي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ياسر , اصحى يا ابني يا حبيبي

ييييي ايه يا ماماااااا في ايه يا أميييي بتصحيني ليييييه ما صدقت عيني غفّلتتتتت

معلش يا ابني , قوم هات التموين لستك

مييييييين !

ستك محروسة الله يحرسها

اووووووووف يا ماما قوليلها نااااايم والله العظيم تعبااااااان , دانا صاحي من الفجررر

معلش يا ابني , الشكوى لغير الله مذلة , قوم يا حبيبي اغسل وشك وتعالى كلمها عشان سايباها ع السماعة

حاضر يا ماما حاضرررر الرحمة ياااااااااارب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ايوة يا تييييييييتة

ايوة يا ياسر , تعالى يا واد عشان تجيبلي التمووووين

اديني العنوان بتاع المكان اللي بتجيبيبه منننننه

ومالك يا واد بتزعق كدة زي المجنون !!! خد العنوان وتلبس وتنزل دلوقتي , ساعة والاقيك بترن عليا الجرررررس

حاضر يا تييييييتة , حاضرررررر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تررررررررررررررررررررررررررررررررررررررن

يا تيييييييييييتة

جاية يا واددددددد ااااه يا رجلي , قطيعة الروماتيزم وسنينه , تعالى يا ياسر

ازيك يا تيتة , انا جيبت التموين

اوعى تكون نسيت حاااااجة

لا يا تيتة كل حاجة مظبوطة

جبت السكر والزيت والرز والمكرونة والشاااااااااي ؟

ايوة يا تيتة والله كل حاجة موجووووودة

وريني يا واددددددد ....... ايوة ايوة مظبوط , دفعت كام ؟

لا يا تييتة ما يصحش , ماما قالتلي ماخدش منك فلوس

هي هتبقشش عليا وهتعملها جميلة !!! كله من خير ابني اللي ناهبينه يا خويااااااا

معلش يا تيتة , استحملينااااااا , انا نازل سلاااااااام

رايح فين يا واددددددد؟

هروح انام يا تييييتة , لو ما نمتش كويس مش هعرف اذاكرررر

بلا مذاكرة بلا طيييين , روح غيرلي الأنبوبة عشان خلصت

نعممممممممم !

نعم الله عليك وعلى امك , روح خدها من المطبخ وروح مستودع الأنابيب غيرها من هناك

وليه يا تيييييتة ! هو بتاع الأنابيب ما بيعديش من شارعكوووو ؟

بيعدي , بس بياخد فلوس كتير قوي عشان يطلعها لحد هنا , لكن في المستودع رخيصة

اوووووووف يا تيتة انا هسيبلك فلوس الأنبوبة حتى لو غالية ولما بتاع الأنابيب يعدي خليه يطلعهااااااالك

انت هتمشيني على مزاجك يا وادددد ! روح خد الأنبوبة وهاتهالي من المستوددددع

حاضر يا تيتة حاضررررررر, شكلها مافيش مذاكرة النهاردة

يا شيخ بلا خيبة,يعني فالح قوي!اااه الحمدلله يا رب , اديني الصحة وما تخلنيش تقيلة على حد ابداً لحد ما اموت

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ترررررررررررررررررررررررررررررررررررررررررررررن

افتحي يا منة شوفي مين ع البااااااااب

حاضر يا مامتيييييييي

ده رااااااامي ههههه ازيك يا رامي

هاي منة ههه فين مانو ؟

مانو بيذاكر في اوضته

اوكيه هدخله

مين يا مننننننننننة

أنا يا طنط رشاااااااااا

رامي ! اهلا يا رامي , خير ؟

ايه خير دي ! هههههه هو أنا جاي اشحت ! عايز مانووووووو

بيذاكررررر

مش هعطله كتير , هسلم عليه بس عشان واحشني ههه وبلاش تعمليلي حاجة اشربها

ايوة طبعا مش هعملكككككككك , أنا مش عايزة حاجة تعطل ابني عن المذاكرة

اوكيه يا طنط ههه عن اذنك خمسة وخارج على طول

اوووووووووووف انتِ يا مننننننة

نعم يا ماما

بعد كدة تبصي من العين السحرية لو لقيتي الولد اللي اسمه رامي ده ما تفتحيلوووووش

هههههههههه ليه يا ماما ؟ هو رامي كمان ما يليقش بمستوانا!

اسمعي الكلام اللي بقولك عليييييييه , الولد ده لِعَبي ومش بتاع مذاكرة وهيضيع اخوكِ معااااااااه

يا مامتي ما اقدرش اعمل كددددة , ده ابن عمي وده بيت عمه وما ينفعش امنعه يجي ولا اشوفه وما افتحش , احنا هنقاطع الناس كلهااااااا !

طب امشي غوري من وشي روحي ذاااااااااكري

حاضر يا ماماااااا حاضرررررر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تن تن مانووووووووو ههههههههه الكميل حبيب ماما اللي بيسمع الكلام وقاعد يذاكر زي الشطااااااااار

ههههههههه اهلا يا رامي , ايه يا ابني التريئة دي !!! لازم اذاكر واذاكر كويس قوي كماااااااااان , أنا عايز ادخل طب يا ابني

يا عم بلا طب بلا هندسة , دي كليات خنقة وخصوصااااااااا الطب , عندك داد اهو ما بييطلش مذاكرة وابحاث واطلاع , يعني اللي يدخل طب هيفضل يذاكر لحد ما ربنا ياخده هههههههه ده عذاب يا ابني

يا رامي أنا بحب الططططططب والمذاكرة والأبحاث دي هتخليني دايما متميز في مجالي وواكب كل تطور في عالم الطب

يخرب بيت كلامك اللي يعقد , ايه الكلام المكعبل ده !! اواكب وكواكب ومراكب هههههههههههههههههه يا عم بلاش عقد , بقولك ايه , ما تيجي الديسكو معايا النهاردة

ايييييييييييه ! ديسكو ايه يا عم انت ! ابعد عني الله يخليك , أنا ماليش في الحاجات دي

حاجات دي ايه يا ابني ! انت كنت جربت ولا روحت ديسكو في حياتك !!! سيبك من العقد دي وتعالى فرفش وشوف عالم جديد عليك وابقى ادعيلي هههههه

رامي بقولك ايه , أنا عندي مذاكرة وانت معطلني

يا ابني هو أنا بقولك سيب المذاكرة دلوقتي !!! أنا بروح الديسكو بالليل

يا سلام ! واقول لبابا رايح فين بقى ؟

هههههههههههههههه يا كميل انت يا كتكوووووووت , يا ابني اكبر بقى وخد قراراتك بنفسكككككك

رامي أنا فعلا بابا مديني مساحة من الحرية ومش بيحجر على قراراتي ,وانا لازم اكون قد ثقته فيا

يا مانو جرب بسسسس, الديسكو ده متعة , تعالى اتفرج ولو مرة واحدة , مش معنى انك هتروح الديسكو انك مش قد ثقة باباك فيك

اومال معناه ايه ؟

يا سيدي اعتبره ترفيه , انت ما بتزهقش من المذاكرة وحبستك في الأوضة الكئيبة دي !!!!!!! يا ابني فك عن نفسك شوية , حتى عشان تشتاق للمذاكرررررة , انما بقى لو فضلت تذاكر تذاكر تذاكر من غير راحة زي ما بتعمل كدة , هتيجي قبل الامتحان تلاقي نفسك مهنّج زي الكمبيوتر ههههههه

ممممممم يعني اجي معاك على سبيل الترفيه ؟

هههه ايوة , ها , قلت ايه ؟

طب خلاص , أنا هقول لبابا اني هروح اذاكر مع واحد صاحبي عشان اشرحله حاجات مش فاهمها ويمكن اتأخر شوية , واهو بكرة الجمعة اجازة

ههههههههههههههههه ايوة كددددددة عاشت الرجووووووولة , هستناك على الشارع برا  الساعة تمانية بالليل , واحد صاحبي هيعدي عليا بعربيته

خلاص اتفقنا يا رامي هههه

*****************************

ولحد هنا وانتهت حلقاتنا لهذا اليوم

موعدنا في الأسبوع القادم يوم الأثنين بمشيئة الله

********

القارئة العزيزة نور

أسعدني جداً نقدك للرواية ,وكان ردي عليكِ في مقدمة الحلقة الأولى من هذا الفصل

لفت نظري وأعجبني جداً ابتدائك للنقد ببعض الكمات الطيبة وبعدها بدأتي في نقد الرواية بأسلوب قد يراه البعض لاذعاً بعض الشيء(قصف جبهة) ههه لكن حقاً تقبلته بصدر رحب ,وقمت بالرد بشكل ضمني في المقدمة ..شكراً لكِ قارئتي العزيزة وأعتذر عن طول الرواية الغير متعمد ..وأطلب منكِ ومن كل قارئ عزيز أن ينتظر إلى نهاية عرض الرواية بالكامل وبعدها أعدكم أن أتفرغ للنقد, والآن اغمدوا سيوفكم ههه

*************

القارئة العزيزة أم عبد الرحمن والتي تلقبني بالمرأة الغامضة ههه للحق راقني جداً هذا اللقب .. ليس لفخامة اللقب ولكن لما وراء اللقب هههه أعلم انكِ اطلقتيه عليّ لفشل توقعاتك دائماً للأحداث..من يعلم! ربما تصيب بعض توقعاتك هذه المرة..ربما ههه

*************

ملحوظة

أرى أن بعض القراء قد غابت تعليقاتهم (عارفين نفسهم كويس) ههه

أشكر كل قارئ مهتم بالتعليق على الأحداث والتحليلات وعلى رأسهم(luli) شكراً لكِ غاليتي ,يعلم ربي انني أنشر الحلقات إكراماً لكِ أنتِ والقراء الأعزاء اللذين أكن لهم كل الحب والاحترام واللذين يدعمونني دائماً ويحفزوني  للمزيد في هذا المجال لولاكم ما نشرت حرفاً وتواجدي ها هنا بدعمكم  

شكراً للجميع

دمتم بكل الخير