التسميات

الحلقة السادسة والثلاثين


الكتاب: خلف هذه الجدران  
الجزء الخامس
بقلم: هبة عبد العظيم نور           
الناشر: المؤلف
رقــــم الإيداع: 00000/2017م
**************************
-      اتأخرت قوي يا بت يا رزقة
-      تلاقيها راحت تفرش الشقة بالعفش اللي جابهولها سي سااااامي
-      ااااااااااخ طيب يا سااااااامي, وربنا لنخلوك تندم على اليوم اللي خونتني واتجوزتها فيييييييييه
-      ترررررررررررررررررررررررررررررررررررررررررررررن
-      اهي جت اهيه يا ست اوسااااا
-      قومي افتحيلها يا بت وقابليها عادي واضحكي في وشها وباركيلها كماااااااااان
-      نباركولهااااااا ! نباركولها ازاي بس يا ست اوسااااااا !
-  اعملي زي ما بنقولولك يا بتتتتتت، مش عايزاها تحس بأي حاجة عشان ننفذوا اللي  في دماغي على هداوة، روحي افتحي الباااااااااب
-      حاضر يا ست اوسا، عيني يختي عليكِ وعلى اللي صابك
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ سكرين شوت
***********************
-      تررررررررررررررررررررررررررررررررررررررررررررررن
-      جاية يا بدورررررر ههههه جاية يا عروووووسة
-      اهلا اهلا العروسة الحلوة جتتتتتتتت هههه ازيك يا عروووووسة
-      ههه  الله يخليكِ يا رزقة
-      جبتي العفش يا حبيبتي ؟
-      ههه ايوة جبته
-      حلو بقى على كدة وعجبك ؟
-      هههه ايّووووووووه هو عجبني بعقل !!!!! ده حلو قووووي
-  هه ما هو الحلو ما يقعدش إلا ع الفرش الحلوووووو، ادخلي يا حلوووووة، بسم الله ماشاء الله، النهاردة حلاوتك بزيادة ههه عيني باردة عليكِ، قولي يا أرض اتهدي ما عليكِ قدي ههه
-      ههههه على ايه يعني !
-      ع الحلاوة والطعامة يا عرووووسة هيهيييييي ادخلي الست اوسا مستنياكِ في اوضة الانتريه
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ سكرين شوت
***********************
ههه ازيك يا ست اوسااااااا
-      بدوررررر ههههه اهلا يا ست العرايسسسسس، اخبار العريس ايه يا عروووووسة
-      هه كويس الحمدلله
-      اظن طبعا طاير من الفرحة عشان شملكو هيتلم
-      ههه قوي قووووي يا ست اوسا، مش قادرة نوصفولك قد ايه
-      هههه حقه، اوماااااااال، واخد عروسة قمر واكيد هو قمرييييييين
-  هه تعيشي يا ست اوسا، فاضل ساعة على معاد خروج نورهان من الحضانة، هنروحوا نجيبوها كمان شوية
-  لالالالالا هههه انتِ من النهاردة هنعتَبَروكِ ضيفة عندنااااا، احنا هنشيّعوا مرات البواب تجيبها، العروسة ما تعملش أي حاجة غير انها تتدلّع هههههه مبروك يا بت يا بدورررررر، زغرتي يا بت يا رزززززززقة
-      هااااااااا !
-      بنقولولك زغرررررررتي
-      لولولييييييييييييييييييييييييييييييييييييييييييييييييييييييييييييييييييييي
-      كمان زغروتة عشان خاطر العريسسسسسسسسس
-      لولولولييييييييييييييييييييييييييييييييييييييييييييييييييييييييييييييييييييييييييي
-      هههههههه جدعة يا بت، دوري يا بت شريط رقص خليني نرقصوا للعروسة ونفرحوهاااااااااااا
-      هترقصي يا ست اوسااااااا !!!!
-  ايوة هنرقص يا بتتتتتتت، هو انا عندي اغلى من بدورررر ! بدور طول عمرها خدماني برموش عنيها, وانا بنت اصول ونصونوا الجميل, وهيجي يوم قريب قوي ونردوووووه هههه مبروك يا عررررروسة
-      ههه ربنا يخليكِ يا ست اوسا، بقى هترقصي عشان حتة شغالة زيي!
-  هههههههههههههههههههههههههههههههههههههه شغالة ايه بقى!!ما خلااااااااص، هتروحي بيتك وتبقي هانممممممم، دوري الكاسيت يا بت يا رزقة على احلى اغنية عشان نرقُصوا ونرَقّصوا العروووووسة
-      حاضر يا ست اوسا، اخ ياني يا نااااااري، يا صبرك يا ست اوسااااااا
-      وحشتنييييييييي اااااااااه عدد نجوووووووم السماااااااااااااا
-      ااااااه وحشتنيييييييييي عدد كلاااااااام الهواااااااا
-      تعالى نخلي الحلم حقيقة تعالى تعاااااااالي
-      تعالى نعوض كل دقيقة تعالى تعااااااااااالى
-      ايوة يا ست اوسااااااااا هههه ايه الحلاوة دي
-      من خووووووفي لبكرة يفرقناااااااااااا ااااااااااه
-      واحنا يا روح قلبييييييي ما صدقناااااااااااا اااااااه
-      اشتقتلي ورجعتلييييييي وقولتلييييييييي ااااااااه وحشتنيييييييييييييييي
-      ههههههههه ايه رأيك يا عروسة ؟ بنعرفوا نرقصوا ؟
-      ههه ربنا يخليكِ يا ست اوسا، ما كنتش نعرف اني غالية عندك كدة
-  اخص عليكِ يا بت يا بدورررر، عيب قوي تقولي كددددددة، طب دانتِ اختي يا بت ههه ايّووووووه أنا مش عارفة لما تمشي هنعملوا ايه من غيرك
-      هه تسلمي يا ست اوسا، ما احنا هنبقوا نيجوا من وقت للتاني عشان نشوفوكِ ونشوفوا نورهان
-      هههه شافتك العافية يا حبيبتي، ألا ما قولتليش، هتسكني فين صحيح ؟
-      أأأأأأ أنا ؟
-      هههه اومال انا !!!
-      أأأأ اصل مممم اصل يعني انتِ عارفة ان جوزي عليه تار ومتداري من الناس
هههههههههههههههههههههههههه يعني مهما يتدارى هيروح فين !!!!! طب يا بدور على راحتك، ما تقوليش، نحبوا الست الوفية اللي تصون سر جوزها هههه يا زين ما اختار
-      ههه تعيشي يا ست اوسا
-  ادخلي ارتاحي في اوضتك يا عروسة، انتِ كلها كام يوم وتروحي بيتك ولازم تحافظي على بشرتك ونضارتها وحلاوتها عشان العريس ينبسط منك هههه
-      ههه كتر خيرك يا ست اوسا، احنا من بكرة بقى هنروحوا نقعدوا عند امي
-      لااااااا ابدا وربنااااااا، انتِ لازم تقعدي هنا لحد ما نقوموا معاكِ بالواجب الأولاني
-      واجب اولاني !
-  هههه اوماااااااال، هو انا يا بت لما نحبوا نوجّبوا مع حد هنوجّبوا مرة واحدة برضو ! دانا اوسا بنت عادل سليم وحش المينااااااااااااااااااااااا
-      ههه ربنا ما يحرمنيش منك يا ست اوسا
-      ولا منك يا عروسة يا حلووووة ههههه قمر يا ناس قمررررر، مش كدة يا بت يا رزقة ؟
-  ايوة اومال يا ست اوسا، هي لولا انها قمر كانت قَدَرت تاكل عقل الراجل وتوقعه في شباك غرامها ! هيهي مبروك يا عروووووسة
-      هه الله يبارك فيكِ يا رزقة، عقبال ولادك
-      تعيشي يختي
-      طب عن اذنكو
-      اهي غارت على اوضتها يا بت يا رزقة
-      في داهية، الهي ما تخرج منها البعيدددددة
-      بت يا رزقة، انا عايزة منك حاجات  يامَا قووووي 
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ سكرين شوت
***********************
-      وانا عنيا الاتنين ليكِ يا ست الكككككل، أؤمري يا ست الكل وأوامرك ننفذوها على رقبتيييييي
-      الأول يا بت عايزاكِ تروحي لواحد عطاّر تجيبي منه وصفة تنزل الحمل بتاع البت ددددددي
-      بس كدة ! ههه عنيا يا ست الكل، دي حاجة بسيطة قووووي، وانا جاية الصُبح نجيبوهالك معايااااا
-      وعايزة يا بت واحد كدة يكون حِرِك ومخه نضيف
-      وده هنعملوا بيه ايه يا ست اوسا ؟
-      هيراقب سامي يا بت ويعرفلي اخباره والشقة الجديدة واخدها فين
-      احنا سَمَعناه بيقول للسواق اطلع على جليم يا ست أوسا
-  فين في جليم يا ام العُرّيفففففف !!!!! يلزمنا واحد يدلنا على العنوان بالتفصييييييل، واحد يعرفنا سامي جاب الفلوس بتاعة الشقة منييييييين, عايزة نعرفوا كل حاجة يااااابت، عندك حد نقدروا نعتمدوا عليه من غير ما يفتش سرنااااا  ؟
-      هههه عندي يا ست الكل
-      مين يا بت ؟؟؟؟؟؟
-      الولا عطوة ابن رضا اخوياااااا
-  ابن اخووووووكِ ! لالالالالا أنا مش عايزة الولا حمو اخوكِ يعررررف، ده حبيب سامي الروح بالروح ولو عَرَف أي حاجة هيبوظلنا ترتيبنااااااا
-  لا ما تخافيش يا ست اوساااا,  ده الولا عطوة ده يحفظ السر ويرميه في المالح، وبعدين الولا ما يهموش إلا القرش اللي هياخده، لا  له دعوة بعم ولا خال ولا هيجيب سيرة لمخلوووووق
-      يعني ضامناه يا بت يا رزقة ؟
-      نضمنوه برقبتي يا ست الككككل، راضيه انتِ بس وهو يكون خاتم في صباعكككك
-      هنراضوه يا بت، هنراضوه ونراضوكِ انتِ كمان
-      احنا نخدموكِ برموش عنينا من غير ما ناخدوا ولا مليم يا ست الستات
-      عارفة يا بت يا رزقة، لكن برضو لازم تاخدي حقك
-      طول عمرك حقانية يا ست الكل هههه هتدي الولا عطوة كام عشان نفرحوه ؟
-      مش لما نشوفوه الأول يا بت ونفهموه على كل حاجة!
-      خلاص يا ست الكل، احنا بكرة هنجيبوه في ايدينا واحنا جايين
-      انتِ عبيطة يا بت ولا شكلك كددددددة ! ما ينفعش يجي هنااااا، انتِ عايزة تفضحينااااا!
-      طب اومال هتقابليه فين يا ست اوسااااااا ؟
-      بكرة يا بت ناخدوكِ ونشوفوه عند قلعة قايتباي الساعة عشرة الصبح
-  وماله يا ست اوسا ,هنجيبوه الساعة عشرة عند القلعة عشان نبتدي الشغل، ربنا ينصرك على مين يعاديكِ يا اصيلة يا بنت الأصوووول
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ سكرين شوت
***********************
-      الولا عطوة جه يا امّا ؟
-      لا ماجاش يا رزقة، دي عاشر مرة تسألي ع الولا، عايزاه في ايه ؟
-      ابدا يامّا، عايزاه يقضيلي طلب من برااااا، ايّوووووه ده حمو جه
-      ازيك يا امّااااااا
-      اهلا يا حمو، حمدالله ع السلامة يا حبيبي
-      تعيشي يا امّا، ازيك يا رزقة
-      تسلم يا حمو، اطلع لعيالك ومراتك عشان ما تتأخرش عليهممممم
-      وانتِ مالك انتِ نطلعوا ولا ننزلوااااا، عايز نقعد جنب امي شوية
-      طب ياخويااااااا اقعد خليها تديك الرضعععععععة، ده ايه الهم ددددده
-      مالك ومال اخوكِ يا بتتتتتت ! ما تسيبي حمو في حااااااله، هو قاعد على دمااااااغك !
-      هو احنا جينا جنبه يا امّااااااا ! انتو هتتلككولنا !!!!! أما نبصّوا من الشباك على الولا عطوووووة
-      ما تزعلش يا حمو، انت عارف اختك رزقة ولسانها اللي عايز قصه
-      احنا ما نزعلوش من رزقة يا امّا، الواحد لما يزعل يزعل من بني ادم، صحتك عاملة ايه يا امّا ؟
-      الحمدلله يا حبيبي، ما تشوف عريس لرزقة يا ابني خليها تتجوز وتتكشح عشان نفوقوا من يمّتها
-  نشوفوا عريس لمين يا امّااااااااا ! يا امّا اتقي الله في ولاد النااااااس ، عايزانا نبلوا الناس بالبلوى دي عشان يدعوا عليكِ وعليا لحد ما يموتوااااا
-      ليه يا ابني بس ! دي رزقة طيبة، غيرش بس خُلقها ضيق شوية ولسانها طويل وقليلة الأدب
-      ههههههههه ودي فاضل فيها ايه بعد المحاسن دي كلها !
-      فاضل يا ابني ان نفسها في الأكل حلو وتحب النضافة زي عنيها
-  يا امّا تغور بنضافتهاااااا، واحنا هندوا الناس واحدة نضيفة في بيتها ولسانها زفررر ! سيبك من رزقة يا امّا وخلينا في صحتك، مش عايزة أي حاجة نجيبوهالك ؟
-      تسلم يا حبيبي، مش عايزين حاجة غير الديك الرومي اللي حَلَمنا بيه أول امبارح
-      ديك رووووووومي ! حد يحلم بديك رومي يا امّا !!!!!
-  هههه اسكت يا ولا ده كان حلم جميييييييل، ال ايه ديك رومي وبناكلوه لوحدي والشقة فاضية عليا وجمييييييييلة، لا فيها رزقة ولا عيال رزقة ولا انت ولا مراتك ولا عيالك ولا جنس مخلوووووووق، وقاعدة ننتشوا فيه وناكلوا لوحدددددددي
-  هههههه أه وربنا ده كان حلم جميل يا امّا، بس حلم، حلم يا امّااااا، احنا بصراحة ما نقدروش نحققوه، بس غصب عني يا امّا، أنا لو عليا نجيبولك بقرة تاكليها لوحدك، بس العين بصيرة والإيد قصيرة يا امّا، لكن نقدروا نجيبولك فرخة مشوية
-      من ديك رومي لفرخة ! يلا زي بعضه يا حمو، بس على شرط ناكلوها لوحدددي
-      هههههه كليها لوحدك يا امّا بس سيبيلي العضم نمصمصوه
-      وماله يا حبيبي، اني ما نعزش عنك حاجة يا حمو
-  حموووووووووووووووووووووووووو يا حموووووووووووو، انت عند امك تحت ؟ ما تطلع بقى يا حمووووووووووو
-      حاضر يا هدددددددية، احنا هنطلعوا يا امّا عشان هدية بتنادي علينا
-      ايوة طبعا ما هي لما بتعرف انك قاعد ويا امك بتبقى لا على حامي ولا على بااااارد، اطلع يا خويا
-      هههههه ماشي يا امّا، استني عليا يومين تلاتة كدة ونجيبولك الفرخة
-      هههه طب وطي صوتك يا حمو عشان ماحدش يسمعنا يا ولاااااا
-      ههه ماشي يا امّااااااا
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ سكرين شوت
***********************
-      الولا عطوة في الحارة اهو ,اطلع يا عطووووووووة اطلع يا ولا عايزاااااااااك
********************
-      عطوة جه يا امّا, انت لسة هنا يا حمووووو !
-      كنت لسة هنطلعوا اهو، انتِ عايزة عطوة في ايه مخليكِ مستنياه في التراسينا !
-      وانت مااااااالك، ابن اخويا وواحشني وعايزة نقعدوا معاه، فيها ايه دي !
-      ما فهاش يا حونينة يا ام العواطططططططف
-      هههه اهو الولا طَلَع اهووووو، تعالى يا ولا يا عطووووووة
-      هههه ازيك يا عمتي
-      ازيك انت يا ولا، تعالى معايا على جوا عشان عايزاك ضرورررري
-      طب استني اما نسلموا على عمي حمو وعلى ستي ,ازيك يا ستييييي
-      ازيك يا ولا يا عطوة وازي ابوك
-      كويسين يا ستي،  ازيك يا عمي حمووووو ههههه
-      اهلا يا ننوس عين عمك يا شيخ مَنْصر العيلة، فين يا ولا باقي العشرين جنيييييي؟
-      باقي عشرين جنيي بتوع ايه يا عمي مش فاكررررر
-  مش فاكر ولا بتستهبل يا ابو ذمة كاوتشششششش، العشرين جنيي اللي شيّعتك تجيب بيهم علبة جبنة بيضا للعيال ولهفت الباااااااااقي
-      مش فاكر يا عمي الكلام ده ولا مؤاخذة
-  سيبك منه يا حمو يا ابني، مش هتاخد منه لا حق ولا باطل، اذا كان نصب على ابوه في اربعين جنيي بحالهم، يبقى مش هينصب عليك انت يا ابني !
-      ظلم يا ستي ظلم وافترااااااااااا العيلة دي ظالماني وبيتهموني في ذمتي
-      وجع في ذمتككككك ، أنا طالع يا امّا
-      بالسلامة يا حمو
-      تعالى يا ولا يا عطوة بقى سيبك من اللت والعجن مع العالم دددددي
-      بيتهموني في ذمتي المالية يا عمتييييييي
-  ما يتهموك يا ولا، هو الكلام عليه جمركككككك، وايه يعني نصبت عليهممممم ! مش بدل ما تنصب ع الغريب وتفضحنا !!!!!!
-      قوليلهم يا عمتييييي، ماحدش فاهمني إلا انتِ يا منبع الذكاوة
-      تعيش يا ولا، أنا قصداك في مهمة خيرية
-      خيرية مرات عمي جمال  ؟
-  خيرية مرات جمال ميييييين ! داهية تاخدها وتاخد امك ومعاهم مرات حمو في ساعة واحدة عشان نرتاحوا من خلقهمممممممم
-      ههههههه يموتوا هما وتعيشي بخلقتك اللي تشفي القلب العليل دي يا عمتي !
-      يا ولا انا حلوة، حلوة وربنا, بس زي ما تقول شيل الهم بيشلفط الخلقة
-      دانتِ مهمومة قوي يا عمتيييييييييي ههههههههههه
-  سيبك من الهم اللي انا شايلاه يا ولا وخلينا في الموضوع اللي فيه مصلحتك ومنفعتك اللي بنكلموك فيه دلوقتي
-      موضوع ايه ده يا عمتي اللي قافلة علينا عشانه عشرين بااااااب ؟
-      بص يا ولا، أنا عارفة ان انت ولا ندل وما عندكش ضمير ومستعد تخون وطنك عشان خاطر الفلوووووس
-      نخونوا وطنييييييي ! لا يا عمتيييييييي لاااااااا، أنا كدة فهتككككككك
-      فهمت ايه يا ولااااااا
-  فهمت انك عايزة تشغليني جاسوسسسسس، لكن لا يا عمتيييييييي، أنا مش ممكن نخونوا وطني ونشتغلوا جاسوس إلا لو ادوني مليون جنيي وجابولي شقة وعربيييييييية
-  يا شيخ اتنيل جاتك نييييلة، وهما لما يحبوا يشغلوا جاسوس هيشغلوا واحد زيك لا شكل ولا منظر ومعصعص كددددددة ! احنا هنشغلوك جاسوس بس مش على مصر
-      اومال على مين لامؤاخذة ؟
-      بص يا ولا احنا هناخدوك معايا بكرة الصبح الساعة عشرة مشوار لحد قلعة قايتباي
-      ايه اللي هيودينا القلعة ! هنفّجرها يا عمتي ؟
-      يا ابني نفجّروا ايييييه، احنا هنقابلوا الست هانم اللي عايزة منك الشغلانة عشان تفهمك على كل حاااااجة
-      هه وماله، طب هي هتدفع كام ؟
-      مش لما تعرف هي عايزة ايه يا ولا وهتقدر تعمله ولّا لا !
-      احنا بعون الله نقدروا نعملوا كل حاجة طالما هناخدوا عرقييييي
-      ماشي يا ولا , خلاص استعد بقى عشان نقابلوا الهانم ونشوفوها عايزة ايه
-      استبينا يا عمتي
-      بس اسمع يا ولااااااا، الكلام ده سر بيننااااااا، أنا مش عايزة حد يعرف لنروحوا في داهييييييية
-      ما تخافيش يا عمتي ههه طالما الموضوع فيه مصلحتي هنكتّموا عليه
-  هههه جدع يا ولا، يلا مع السلامة دلوقتي ونشوفوك بكرة في معادنا، واحنا بقى هنلبسوا وننزلوا نروحوا للعطااااااار
-      رايحة للعطار ليه يا عمتي ؟ لو عايزة حاجة نجيبوهااااالك
-      لا يا ولا، اصل انا عايزاه في طلب خصوووووصي
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ سكرين شوت
***********************
-      مساء الخير يا عم عبد الحافظ
-      اهلا يا رزقة، ازيك وازي عيالك
-      حلوين يا عم عبد الحافظ، أنا كنت جاية قصداك في وصفة كدة
-      عايزة وصفة لإيه ؟ أنا عندي وصفة تتطول الشعر وتخليه ناعم زي ديل الحصاااااااان
-      حصان ايه وحمار ايه يا عم عبد الحاااافظ، أنا عايزة وصفة لحاجة تانية خاااااالص
-      كله موجووووود، عندي وصفة تنعم الجلد وتخلي الإيدين زي حتة البوغاشااااااا
-  يا دي النيلة، بص يا عم عبد الحافظ, أنا لا عايزة وصفة للشعر ولا للدقن ولا يلزمني ننعموا ايديااااااا، أنا عايزة وصفة لواحدة حامل عايزة تسقّط روحها
-  نعووووذ بالله من غضب الله، طلبك مش عنددددددي, وقولي للست اللي عايزة تسقّط روحها دي حرام عليييييييكِ اتقي ربنااااااااااا، اذا كانت خايفة من الرزق قوليلها ربنا اللي بيرزق وكل حي وله رزق ربنا قسمهووووووله
-      وبعدين بقى في الراجل ده ! اسمع بس يا عم عبد الحااااافظ
-      أنا مش عايز نسمععععععع، يلّا اتّطرقي من هناااااااا
-  نتّطرقوا نروحوا فين بسسسسسس ! يا عم عبد الحافظ انا هنفهمك الموضووووووع، اصل بعيد عنك وعن السامعين البت الحامل دي مش متجوزززززززززة
-      نعوووذ بالله، هو ايه اللي بيحصل في الدنيا دددده وازاي تفرط في نفسها كدددددة !
-  معلش يا عم عبد الحافظ، اصل الحكاية كانت هزار وبعدين قلبت بجد والبت دلوقتي حامل والجدع سابها لايصة بالعيل اللي في بطنها، وأهلها ناس شّداد قوي ولو ابوها عَرَف هيتدبحهااااااا
-      خليه يتدبحها ويغسل عاااااااااااره
-      يا عم عبد الحافظ الرررررررحمة، اعتبرها بنتكككككككك
-      اخرسسسسسسي، نعوذ بالله، أنا بناتي طاهرين وبيصلوا ويخافوا ربهمممممم
-      ربنا يحفظهوملك يا عم عبد الحافظ قول آمييييييين
-      آميييييين، اتفضلي غوري من هنا بقى خلينا نشوفو اكل عيشناااااا، ايوة يا حااااااجة
-      اديني يا خويا وصفة للمغص، الولا ابن بنتي الصغير عنده مغص ومش عارفة نعملوله ايييييه ؟
-      حاضر يا حاجة، استنيني دققتين نجيبولك الوصفة
-  ايّوووووه وبعدين بقى في الراجل اللي ما عندوش دم وسايبني واقفة زي الجزمة القديمة ومش عايز يعبرني ! أنا عايزة الولية بتاعة المغص دي تمشي عشان نعرفوا نتكلموا براحتي، بنقولولك ايه يا خالتي الحاااااااجة
-      ايوة يا بنتي، أي خدمة ؟
-  اصل انا كدة حبيتك لله في لله عشان كدة هنخدمووووووكِ، الراجل العطار ده نصّاب ووصفاته مغشوووشة، أمي جاتله اول امبارح عشان يديها وصفة لعنيها عشان بتوجعها راح اداها وصفة خلاها عميت
-      ايّوووووووه امك عمييييييت ؟
-  ايوة ايوة، بعيد عنك وعن السامعين، انفدي بجلدك بدل ما يدي الولا ابن بنتك وصفة تقلبه من راجل لحُرمة وتضيعوا مستقبله
-      ايّووووووووه احفظنا ياااااااارب، انا ماااااااااشية
-      بالسلامة يا حاااااااااااااجة
-      اتفضلي الوص.... الله ! هي الست بتاعة وصفة المغص راحت فين؟
-      مَشَت يا عم عبد الحافظظظظظ
-      مَشَت من غير ما تاخد الوصفة !
-      اصل الولا ابن بنتها خف وامه جابته وجت تزغرت وتقولها يا امّا المغص راح والولا بقى زي الجن
-      على راحتها، يلا غوري من هنا انتِ كمااااااان
-  طب بس اسمع يا عم عبد الحافظ، انت مش عايز تديني الوصفة ليه بس ؟ داحنا معانا فلوس يامَا وهنراضووووووووك
-      احنا ما ناخدوش فلوس حراااااااام، ازاي نعملوا حاجة تغضب ربناااااااا !
-      يا عم وانت هتعمل حاجة تغضب ربنا في ايييييييه ! هو انت اللي هتسقّط روووووحك !!!
-  يا بنت الحلال أنا من يوم ما فتحت محل العطارة ده وانا واخد على نفسي عهد ما نعملوش حاجة تغضب ربنا واللي عايزة تعمله الست الحامل دي حرام وانا لو ساعدتها يبقى اكيد هنشاركوها الإثم
-      اوووووووف وبعدين بقى ! طب يرضيك يعني ان ابوها يقتلهاااااا !
-      وهي جاية تخاف من القتل دلوقتي ! ما خافتش ليه قبل ما تعمل المصيبة السودة ددددددي
-  سودة على دماغك إن شاء الله، راجل ما عندكش دم صحييييح، احنا هنروحوا لعطار تاني يكون بيفهم في الوصفات وما يقولش للرزق اللي جايله لاااااااا
-  روحي مطرح ما ترووووووووحي، اللي بيقبلوا الفلوس الحرام ويأكلوا أهاليهم حرام يامَا قووووي، الحمدلله الذي عافااااااانا، استر على ولايانا ياااااااارب
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ سكرين شوت
***********************
-      مساء الخير يا عم شاهين
-      هههه اهلا يا ست الوحشين
-      وحشين في عينكككككك, ما تحسن ملافظكككككككك
-      زعلانة ليه بس يا ست رزقة ! داحنا بنقولوا انك ست الوحشيييييين, ستهمممممم يعني احسن مافيهمممممم
-  جاتك البلا في ملافظك ع المسااااااااا، أنا عايزة وصفة لواحدة حامل عايزة تسقط روحهااااا وإياك تقولي لا وما بنشتغلوش في الحراااااام
-  هههههه وما نشتغلوش فيه ليه ! وبعدين ايه اللي حرّمه ! أنا راجل بنتاجر ونسترزق حتى لو هنبيعوا للجن الازرق
-      جن لما يركبك انت كمان، طب ناولني وصفة يكون مفعولها أكيددددددد
-      من عنيا يا ست رزقة، لكن الست عايزة تسقّط نفسها ليييييه ؟
-      غلطت ومَشَت في الحرام وعايزة تخلّص روحها من المصيبة اللي شايلاها
-      هههه اوعي تكوني انتِ اللي وَقَعتي الوقعة السودة دددددي ؟
-      أناااا ! فَشَرررررررر، أنا ما نعملوش الحرام ابدااااااااا
-      ههههه أنا واثق فيكِ وعارف ان مش انتِ
-      وجاتلك منين الثقة دي يا خويااااااا !
-  هههه اصل انا متأكد ان مافيش واحد عنده نظر هيرتكب المعصية معااااااااكِ، عشان انتِ شكلك يعلم ابليس الفضيييييييييييلة
-      طب اديني الوصفة يا عم ابليسسسسسس
-  خدي يا انثى العنكبوت، الازازة دي تحط منها نقطة على كوباية مية و تشربها والعيل هينزل عشان يرتاح من الدنياااااااا
-      على رأيك يا عم شاهين، دنيا غرورة مالهاش أمااااااان
-      طب ايدك على خمسة جنيي يختي تمن الوصفة
-  استنى اما نطلعوهم من البوك بتاعي ............. خد خمسة جنيي جديدة اهيه، حار ونار في جتتكككككك سلااااااام
-      ههههه سلام يا غوريلا
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ سكرين شوت
***********************
-      يلا يا ولا يا عطوة سرّع خطوتك شوية، الست واقفة مستنية
هي فين دي يا عمتي ؟
-      الست هانم اللي لابسة بلوزة حمرا وجيبة سودة وطرحة احمر في اسووووود
-      أم نضارة شمس دي ؟
-      ايوة يا ولا هييييييي
-      هههه دي باين عليها غنية قوي يا عمتيييي
-      اوماااااااال، ما هي دي الست اللي بنشتغلوا عندها يا ولاااااااا، الست اوسا بنت الحاج عادل سليمممممم
-      ايّووووووووووه يامَا نفسي نشوفوا ابوهاااااااا
-      ليه ! عايز تنصب عليه هو كمان يا مدهول انتتتتتت !
-      لا، عايز نتعرفوا عليه ونستفيدوا من تجاربه عشان نبقى راجل اعمال زيه
-  هو انت معاك تمن قرطاس لب في جيبك يا ولا يا كحيان انت!، بص على قدك لتتعَمَى, يلا تعالى نكلموا الست اوساااااا، ست اوسااااااا ههههه يا صباح الخير على عيونك يا ست الهوااااااانم
-      صباح النور يا رزقة.. هو ده الولا ؟
-      ايوة هووووو، كلم الهانم يا عطوة
-      صباح القشطة يا ست الكل
-      اهلا، بنقولولك ايه يا اسمك ايه انت
-      خدامك عطوة يا ست هانم
-  بص يا عطوة عشان نقصروا الكلام ونختصروه, أنا كنت عايزاك تراقب واحد وتعرفلي كل تحركاته وتبلغهااااالي، بيروح فيييييين، بيقابل ميييييين، والأهم من ده كله ساكن فيييييييييييين ؟
-      وده يطلع مين ده يا ست الكل ؟
-      جوزي
-  هه جوزك ! هو انتِ لامؤاخذة مش عارفة جوزك ساكن فين ! مممممم ايوة ايوة فَهمت، هو جوزك متجوز عليكِ واحدة تانية من وراكِ ؟
-      ايوة، أنا بقى عايزة ننتَقَموا منه ومن السنكوحة اللي اتجوزها عليااااااا
-  طب ما تقولي لاهلك وهما يطربقوا الدنيا على دماااااغه، اللي نعرفوه يعني ان أهلك مش شوووووية، دانتِ بنت الحاج عادل سليم وحش المينااااااااا
-  مش شغلككككككك، نقولوا لأهلي أو ما نقولوش دي حاجة ترجعليييي، اللي بنطلبوه منك تنفذه من غير ولا كلمممممممممة
-      أمرك يا ست الكل، لكن يعني عايز نسأل سؤال ومكسوف حبتين، انتِ هتديني كام قصاد الشغلانة دي ؟
-      هندوك ألف جنيي
-      ايّوووووووووووه ههههه الف جنيي مرة واااااااحدة ؟
-      ايوة، هندوك دلوقتي مية ربط كلام، ولما تخلص مهمتك وتعرفلي كل حاجة يبقى لك في ذمتي تسعومية
-      ماشي يا ست الكل ههههه وانا في الخدمة
-      استنى لما نطلعولك المِيت جنيي من الشنطة
-      شوفت الهانم وكرمها يا ولا يا عطوة ! هههه ما تكسفناش معاها بقى واللي طلبته منك تنفذه بالملليييييييي
-      أنا عنيا للهانم يا عمتي رزقة
-      خد يا عطوة، ادي مِيت جنيي ودي صورة جوزي
-      هههه تسلم ايدك ع المِيت جنيي، لكن صورة جوزك ما تلزمناش، احنا نعرفوه كويس قوي
-      وهو يعرفك يا ولااااا ؟
-  لالالالا ما تتفجعيش كدة، احنا شوفناه مرتين تلاتة وانا صغير لما كنا بنعدوا انا وابويا على عمي حمو في المحل بتاع الماني فاتورة، احنا نفتَكَروه كويس لكن هو مش ممكن يفتكرني عشان كَبَرت وشكلي اتغير
-  أنا مش عايزاك تراقب المحل ولا حاجة, عشان عمك حمو ما يلمحكش وموضوعنا يتفركش، أنا هنديك عنوان البيت عندي وتبقى تستناه تحت العمارة وتُأتُره منين ما يروح زي ضضضضضله
-      ايّووووه داحنا نَسينا حاجة مهمة قوي يا ست هانم
-      حاجة ايه يا ولا ؟
-  هنأتُروه ازاي واحنا ما معناش عربيييييية، اوعي تكوني فاكرة اننا هنصرفوا ع الموضوع ده من المِيت جنيي اللي ادتيهالنااااا، المِيت جنيه اللي خدناها منك دي عرقنا ومش هندفعوا منها مليمممممم
-      اتكلم بأدب مع الهانم يا ولاااااااا
-  سبيه يا رزقة، ده حقه، ما تخافش يا عطوة, أنا هنديك متين جنيي زيادة عشان تأجر عربية مخصوص وتمشي وراه بيها
-      ايوة بس احنا ما بنعرفوش نسوقوا
-  ايّوووووووووه انتِ جايبالي الولا اللي ما بيفهمش ده من انهي مصيبة يا رزززززززززقة، خديه وغوووووووووري
-      عاجبك كدة يا وش البلاووووي !
-  ايّووووووه واحنا نعملوا ايه يا عمتيييييي ! هو انتِ كنتِ فهّمتينا ان الست عايزة سواق خصوصي يتجسس على جوزهاااااا ! وبعدين خلاص يا ست هانم، احنا لقينا الحل
-      حل اييييييييه ؟
-  لينا واحد صاحبنا وحبيبنا قوي بيشتغل سواق تاكس، احنا بقى هنأجروه هو والتاكس بتاعه وننفذوا الخطة اللي خططتيها
-      ممممم وصاحبك ده أمين يا ولا ؟
-      ايوة، ونضمنوه برقبتي، اصل احنا ما نتعاملوش غير مع الأمنا ههههه
-      طب خلاص، استبينا يا ولا، انت تجيب صاحبك بتاع التاكس ده من بكرة الصُبح وتعمل اللي قولتلك عليه
-      ايوة بس صاحبي هياخد كاااااااااام ؟
-      ايّووووووووه ما تديله من الألف ومتين جنيي اللي هندهوملكككككك، انت مالك ميت ع القرش كدددددددة !
-  ههههههه ونعيشوا من غير القرش نعملوا ايه ! الفلوس كل حاجة يا ست هااااااانم، ادينا فلوس واحنا نهدولك جباااااااال
-      اووووووف طب احنا هندوا صاحبك تلتوميت جنيي
-      فضل ونعمة هههه ده هيطير بيهم من الفررررحة
-      ماشي، برضو هندوك مية تديهاله ويبقاله في ذمتي متين، خد اهممممممم
-      هههههه يا خد عدوينك يا ست الكل، سلام احنا بقى عشان نتَفَقوا مع تيفا صاحبي
-      بالسلامة يا ولا يا عطوة، ايه رأيك في عطوة يا ست اوسا ؟
-      اوووووووف ولا بتاع فلوس ومسعور ع القرررررش
-      هههه المهم انه يعملك اللي انتِ عايزاه
-      ربنا يستر وما يبوظش الدنيا ويقلبها على دماغناااااا
-  لالالا ما تخافيش، الولا عطوة ناااااااصح وكمان الفلوس اللي وعدتيه بيها هتخليه يموت نفسه ليل ونهار عشان ينفذ طلبااااااتك
-      جبتي يا بت الوصفة اللي طلبناها منك ؟
-      ايوة يا ست اوساااااا، اهيه ,طب داني دوخت السبع دوخات عشان نجيبوهالك وربنااااااا
-      جدعة يا بت، هاتي الإزازة نشيوها في شنطتي
-      خدي يا ست اوسا، الراجل خد مني عشرين جنيي بحالهمممممم
-      هندهوملكككككك، اتكَتَمي بقى خلينا نتنيلوا نوقفوا تاكس، تاااااااااااكس
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ سكرين شوت
***********************
-      الولا تيفا مش ع القهوة تووووء وبعدين بقى ! نستنوه لحد ما يجي، صباح الخير يا ولا يا شِحْتَة
-      اهلا يا عطوة
-      ماشوفتش تيفا النهاردة ؟
-  لا لسة ماجاش، هو متعود يعدي ع القهوة الأول ياخد الاصطباحة بتاعته قبل ما ياخد التاكس ويتكل، زمانه جاي
-      طب هاتلي يا ولا كوباية عنّاب متلجة ومشبّرة خلينا نبلوا ريقنا
-      طب وحساب المشاريب اللي فاتتتتتتت ؟
-      اديك قلت، فااااااااتت، واللي فات فات يا قلبي وبلاش تتعب قلبي ههههه
-  ما ينفعش كدة يا عطووووووة, المعلم زغلول صاحب القهوة محرّج علينا نطلعوا مشاريب ع النوووووتة، وقالي اللي يطفح حاجة يدفع تمنهااااااااا
-      ايّوووووووووه دانت رزل انت والمعلم بتاعك وربنااااااا، خلاص هات العنّاب وهنحاسبوك عليه
-      الدفع مقدمممممممم
-      هو انا جاي نشتري تلاااااااااجة ! ماكانتش كوباية عنّاب دي اللي هتذلنا بيهااااااا
-      هين قرشك ولا تهين نفسك يا عطووووووة ,ادفع تمن الحاجة واحفظ كرامتك وهنعاملوك احسنها معااااااملة
-      يا عم انت هتعلمنا الأدددددب ! خد يا خويا نص جنيي اهووووو
-      كوباية العناب بخمسة وسبعين قرررررش
-      ايّووووووه هاتلنا كوباية صغيرررررررة
-      مااااااااشي، اهو تيفا جه اهووووو
-      طب كويس، تيفااااااا
-      ههههه اهلا، صباحك فل يا عطووووووة، الشيشة يا ولا يا شِحْتتتتتتتتتة
-      ماشي يا تيفااااااااا
-      ايه يا ابني اتأخرت ليه كدة ؟
-      راحت علينا نومة،أصل احنا سَهرنا يامَا امبارح
-      طب بنقولولك ايه يا ولا يا تيفا، احنا كنا عايزينك في شغلانة هتاكل من وراها الشهد
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ سكرين شوت
***********************
-      هههههههه شغلانة معاك انت ! طب دانت فقرررررري
-  هههه مقبولة منك، الشغلانة مش معانا بالظبط يعني، اصل احنا هنأجروك انت والتاكس عشان نراقبوا واحد يبقى جوز ست هانم من الهوانم النضاف
-      والهانم النضيفة دي هتراقب جوزها ليه ! اوعى تكون عايزة تقتله وتدبسنا في الليلة دددددي ؟؟؟؟؟
-      لالالالا تقتله ايه بس ! الست بتراقبه يعني اكمنه اتجوز واحدة غيرها
-      ههه ايوة ايوة عايزة تعرف خط سيره عشان تربيه وتعلمه الأدب
-  مالناش دعوة، تعلمه الأدب، تعلمه الأباحة، دي حاجة ما تخصنااااااش، احنا هنراقبوه وهنمشوا وراه بالتاكس ونقولوا الأخبار لمراته وناخدوا عرقنا وخلاص على كدة، احنا كنا هنعملوا المشوار ده لوحدنا، لكن بقى قلنا لازم نشركوا صاحبي وحبيبي تيفا معانا
-      تعيش يا عطوة، طول عمرك راجل بس مالاكش امان ههههه
-      ههههه لا ما تخافش، امشي ورايا وانت تكسب
-      اتفضل الشيشية عشان تعمل الاصطباحة  يا تيفااااا
-      متشكر يا شِحْتة، صباحك فُل
-      اتفضل العنّاب يا عطوووووة
-      هات يا خوياااااا، جايبلي العنّاب في فنجان قهوة يا ابو ايد مقرووووصة !
-       ايّووووووه، مش على قد فلوسك !!!!!
-      طب غور يا ولا, غوووووور، القهوة دي بقت آخر رزالة وربناااااا, الولا شِحْتة ده عايز يتضرب
-      سيبك منه دلوقتي وقلنا هتدينا كام عشان نراقبوا الزبون ونجيبوا اخباره ؟
-  ندوك كام ......... هي الست هانم قالت هتديك مية وخمسين جنيي أول عن آخر، خمسين مقدم ومية بعد ما نخلصوا الشغلانة
-      طب ما تخليها تزود شوووووية
-  بلاش طمع يا تيفااااااا، مية وخمسين جنيي مش وحشين برضو، انت لا هتتعب ولا هتبذل مجهووود، انت قاعد في التاكس ومتهني وهتاخد مية وخمسين جنيي وانت زي الباشااااااا
-      ماشي يا عم الباشا هههه لايمنا ع الخمسين جنيي المقدم
-      ماشي يا تيفاااااا، خد يا سيدي عشرين جنيي اهم
-      ايّووووووووه عشرين جنيي ايه بسسسسس ! فين الباااااااقي ؟
-      يا عم هندهوملك ما تبقاش متصربع كدة،احنا هنروحوا من بعض فين يعني !
-      ماشي يا عطوة، لكن لو كلت حقنا مش هيحصلك طييييييب
-      هههه أنا ما نخونوش صاحبي يا تيفاااااا
 ***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ سكرين شوت
***********************
-      انت رايح المحل يا سامي ؟
-      اومال يعني رايح الديسكو يا اوسا !
-      مش هتفطر ولا ايه ؟
-  لا مش هنفطروا،  هنخلوا الولا حمو يجيبلنا سندوتشين فول على سندوتشين فلافل نفطروا بيهم، اصل انا مستعجل وورايا شغل يامَا النهاردة
-      هه وراك ايه ؟
-      ابدا يا اوسا، في بضاعة جايالي النهاردة من سوريا وهنروحوا نخلصوها من الجمرك
-      ماشي يا سامي ههه ربنا يزيدك ويوسع عليك
-      هههههه اول مرة تدعيلي يا اوسا
-      وما ندعولكش ليه ! مش جوزي وابو بنتي !
-      اصيلة يا اوسا هههه سلام يا غزال الفلا
-  بالسلامة يا ساااااااامي، سلام يا ابن خالتييييييي... إن ما ربيتك يا سامي يا ابن مرشدي ما نبقاش انا اوسا بنت عادل سليممممممممم
-      الله ! هو سي سامي مَشَى يا ست اوسا ؟
-      هه ايوة مَشَى يا بدور، كنتِ عايزاه في حاجة ؟
-      أنا ! لالالالا هنعوزوه  في ايه يعني !
-  ازاي بقى هتعوزيه في ايه ! هو انتِ يا بت مش ناوية تجيبي قماش الستاير والمفارش من عندنا ولا ايه ! هههه طب ايه رأيك بقى يا بت يا بدور أنا هنجيبولك الستاير ومفرش السرير الاورجانزا على حساااااابي
-      على حسابك يا ست اوسا !
-      اوماااااااااال، دانا عايزة نوجبوا معاكِ احلى واجب يا بت ههه
-      ههه تعيشي يا ست اوسا، عقبال ما تفرحي بنورهان يارب
-      هه تعيشي، انما قوليلي يا بت، جبتي الهدوم العرايسي اللي هتعجب العريس ولا لسة ؟ هههههههه
-      هه ايوة,خدنا اختي ابتسام ونَزَلنا زنقة الستات وجيبنا كافة شيء من هناك
-  وماله يا بت، ماهي البضاعة اللي هناك حلوة وعليها الطلب ههه,ووديتوا الحاجة على شقة عريسك يا عروسة؟
-  ايوة,خدنا كل حاجتنا اللي هنا وكل الشوار اللي جبناه وفرشنا الشقة انا واختي امبارح,وجينا نقضوا معاكِ اليوم زي ما طلبتي يا ست أوسا
-  ايوة يا بت اصلك هتوحشينا يامَا وقلنا نشبعوا منك ونوجّبوا معاكِ يا ست العرايس ههه,والدخلة امتى يا عروسة؟
-      الخميس الجاي ان شاء الله يا ست أوسا
-      هههه مبروك يا بت,ايّووووه ع الفرحة يا جدعان
-      ههه الله يبارك فيكِ يا ست اوسا، أنا ما كنتش نعرف وربنا انك هتفرحيلي كدة
-      عيب يا بت، طب دانا فرحانة فرحة مش هتقدريها غير بعدين ههههههههههههه
-      ههه ربنا يخليكِ يارب يا ست اوسااااا
-      ترررررررررررررررررررررررررررررررررررررررررن
-      طب روحي افتحي للبت رزقة وتعالي نكملوا كلامنا عن الشِوار  
-      ههه حاضر يا ست اوسا
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ سكرين شوت
***********************
-      تررررررررررررررررررررررررن
-      طيب طيب يا رززززززقة انا جاية اهووووو
********************
-      اهلا يا رزقة
-  ههه اهلا بيكِ يا عروووسة امووووه يختي اسم الله على حلاوتهااااااااا، الف ماشاالله على طعامتهاااااااا، يا بخت الجدع بيككككككككِ, داحنا هنجيبوا بخور ونبخروووووووووكِ
-      هههههه على ايه ده كله يا رززززززززقة !
-      على ايه ده ايه ! دانت قمر يا بتتتتتتت هههه
-      ههه ربنا يخليكِ يا رزقة عقبال ولااااااادك
-      ان شاء الله يختي يااااااارب.... ست اوساااااااااا
-      تعالي يا بت يا رزززززقة
-      هههه صباح الورد والياسمين يا ست الكل
-      يسعد صباحك، تعالي يا بدور اقعدي نكملوا كلامنا
-      حاضر يا ست اوسا,هنقعدوا على الأرض
-  جرا ايه يا بت ! هتقعدي ع الأرض تاني برضو !!!! فيه عروسة تقعد ع الأرض ! العروسة دايما تقعد في العاااااااااااالي
-      العين ما تعلاش ع الحاجب يا ست أوسا
-      هههههههههههههه خليها تعلى، تعلى قوي كماااااااااان، عشان لما تقع تبقى الوقعة جامدة وتقسم الضهر ههه
-      وقعة !
-      ههه بنهزروا معاكِ يا عروسة، قوليلي بقى هتروحي انهي كوافير ليلة دخلتك ؟
-      طب نسيبوكوا تتكلموا عن الدُخلة والفرح وندخلوا نعملولكو كوبايتين عصير ملووووووووووكي
-  روحي يا بت، وصبي العصير في كوبايات كبيرة واتوصي عشان خاطر العروسة اللي مفارقانا قررررررررريب
-      عيني يا ست اوساااااااا, بالإذن يا عروووووووسة
-      إذنك معاكِ يا رزقة ههه طيبة رزقة يا ست اوسا
-  قوووووي ههههههههههه طيبة الدنيا فيهاااااااا، اصيلة وما تخونش الإيد اللي اتمدتلهاااااا  زيك بالظبططططط, مش انتِ اصيلة برضو يا بدور وما تخونيش العيش والملح ؟
-  أنا ما نخونش ابدا يا ست اوسا، ربنا عالم من يوم ما جيت بيتك وانا بنعاملوكِ بما يرضي الله وبنعاملوا نورهان زي ما تكون بنتي
-      ههه طب وسامي ؟
-      هاااااا أأأأأ سي ساااااامي ! سيدي  سامي ده سيدي وتاج راسي والراجل اللي بيأكلني عيش
-      ههههههههههههههههههههه عسل يا بت، كلمة سيدي سامي دي طالعة من بقك زي السكررررر
-      ست اوساااااااااااااااا
-      طب عن اذنك يا بدور نشوفوا البت رزقة عايزة ايه
-      اتفضلي يا ست اوسا
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ سكرين شوت
***********************
-      ايوة يا بت يا رزقة
-      احنا صبينا العصير اهو، حطي بقى النقط اللي في الإزازة في كوباية بدور
-      طيب، الإزازة انا شايلاها في الدُرج ده، اهيه، هاتي الصينية هنا يا بت
-      اتفضلي اهيه يا ست اوسا
-  ممممم هنتوصوا بيها قوي, ادي نقطططة ادي التاااااااااااانية، التااااااااااااالتة، الرااااااااابعة، الخامسسسسسة وكمان الساااااااتة وكدة بقوا سبببببببببعة، كفاية كدة يا بت ولا نحطوا تاني ؟
-  ده كدة يامَا قوي، ده الراجل قال نقطة واحدة هتسقط العيل وتنزله... لكن انتِ هتعرفي كوبايتك من كوبايتها ازاي
-  هههه هننقصوا من كوبايتي شوية، تحت الخط الدهبي ده، وهي كوبايتها مليانة على اخرها, واول ما نقعدوا هندوهالها على طول عشان ايدها ما تتمدش على بتاعتي
-      ههههه ماشاء الله عليكِ يا ست اوسا، دماغك صاحية ومخك شغاااااال
-      طب تعالي ورايا بالصينية يا بت
-      ههه وراكِ يا ست الكككككككل
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ سكرين شوت
***********************
-      ههه أنا جيتلك اهو يا عروسة، حطي الصينية عندك وروحي انتِ دلوقتي يا رزقة
-      حاضر يا ست اوسااااا، لو عوزتوا حاجة نادونيييييي
-  معلش اتأخرنا عليكِ يا بدور،  اصل البت الخايبة رزقة مش عارفة طريق السكر اللي انا مخزناه ههه خااااايبة، ما تعرفش اننا بنخزنوا السكر في السندرة،  بصراحة انتِ كنتِ مريحاني يا بدور، طول عمرك شايلة البيت شيل وعارفة طريق كل حاجة
-      معلش يا ست اوسا، بكرة رزقة تتعود على طريق كل حاجة في البيت
-  طب اشربي، خدي يا بت كوبايتك اهيه، عصير كوكتيل من اللي بتحبيه ههه اصل انا عارفة انك تحبي الكوكتيل
-      هههه من ايد ما نعدموهاش يا ست اوسا، بسم الله الرحمن الرحيم
-      هههههههههههه اشربي يا حلوة اشربي، مطرح ما يسري يهري
-      ممممم هو العصير ده طعمه غريب كدة ليه يا ست اوسا ؟
-      غريب ! ما غريب إلا الشيطان يا حبيبتي، العصير طعمه حلو، حلو قوي
-      بس انا حاسة ان طعمه متغير شوية
-      انتِ هتشككيني في العصير ليه يا بدور !!!! بت يا رززززززززقة
-      نعمين يا ست اوسااااااااااا
-      قوليلي يا بت، انتِ عصرتي فاكهة حمضانة ولا ايه ؟
-      أناااااا ! ابدا يا ست اوسا، طب دي الفاكهة كلها صابحة وعشرة على عشرة، بتقولي كدة ليه ؟
-      اصل بدور شككتني وبتقول حاسة ان العصير طعمه غريب
-      ههه العروسة بتدلع علينااااا، تهيؤات عرايسسسسسس
-      ههههههه خلاص اشربي بقى يا بدور، الفاكهة صابحة والعصير طازة، ايّوووووه على طعامة الكوكتيييييييل
-  هههه بالهنا والشفا يا ست اوسا، طب دانا صبيت لنفسي كوبايتين وشَرَبتهم من جماااااااله، اشربي يا عرررروسة
-      هنشربوا اهو، كنت بنحسبوا العصير حمضان لكن طمنتوني
-      هههههههههههههههه بالهنا والشفااااااا، عن اذنك يا ست اوسا نشوفوا الطبيخخخخخ
-      روحي يا بت يا رزقة
-      هتقطعي بيا يا بدور, يا خسارة العشرة اللي عدت في لمح البصر
-      لا خسارة ولا حاجة يا ست اوسا، أنا هنبقى...اه ...هنبقى نيجي نزو....... أااااااااااااااه
-      مالك يا بدوررررر؟
-      أاااااااااااااااااه ااهئئئئئئئئئئئئئئئئ مغص جامد قوي بيقطع فيااااااااااا اااااااااااااااااااااااااااااه
-      يا حبيبتي يا ختيييييييي اسم الله ههههه اطلبي الإسعاف يا رزززززززززززززززززقة












Labels:

تعليقات

  1. Lu Li1 نوفمبر 2018 في 8:39 ص

    ﻻ حول و ﻻ قوة إلا بالله العلي العظيم... بصراحة كنت على أعصابي و زعلت جداً لكن في اﻵخر افتكرت اﻵية الكريمة: "قل لن يصيبنا إﻻ ما كتب الله لنا" يعني حتى لو بدور سقطت الجنين هيبقى ده اللي ربنا كاتبهولها سواء أوسا حطت لها دوا في العصير و ﻻ ﻻء...
    سبحان الله كل واحد فاكر نفسه ناصح و نسي إنه بكرا هيحصد اللي زرعه... رزقة و أوسا اللي عملوه هيتر عليهم في يوم من اﻷيام و بدور لو سقطت أكيد ربنا هيعوضها...
    حبيت عم عبد الحافظ الشخصية اللي بتخاف ربنا و بتتقيه و بتدور على اللقمة الحلال و الصنف ده بصراحة بقى قليل قوي في الزمن ده...
    عطوة إنسان معندوش ﻻ ضمير و ﻻ أخلاق.. كداب و بياكل حرام عشان الناس بتستأمنه و هو بيخون اﻷمانة... الجشع و الطمع آخرتهم وحشة لكن مين بيفكر بالطريقة دي!!!!
    أما نشوف بدور حصلها إيه في الحلقة الجاية..

    ردحذف
  2. Unknown1 نوفمبر 2018 في 12:56 م

    اوسا دي شيطانه اعوذ بالله منها ان شاء الله آخرتها شبه وشها

    ردحذف
  3. SUN TOP1 نوفمبر 2018 في 1:29 م

    لا إله إلا الله
    ليه كدة تزعلينا على بدور دي طيبة وغلبانة..
    إتحاد اوسا ورزقة يكسب كدة؟؟
    ربنا يريح الخلق من شرهم..
    وبدور تلاقي اللي يقف معاها وينصرها
    يمكن لما اوسا تعرف ان حماها واخوات زوجها مع بدور تتهد شوية وتسكت...لكن شكل الطمع ما بيقفش الا لما يودي صاحبه الى التهلكة

    ردحذف
  4. أم عبدالرحمن1 نوفمبر 2018 في 2:05 م

    اعيط يعني
    البت رزقه دي خاينة وكلبة فلوس اعوذ بالله منها
    ياترى يابدارة مصيررررك اييييه

    ردحذف
  5. ميرو العسل1 نوفمبر 2018 في 2:09 م

    مش قادرة اقولك زعلانة عليها وخايفة عليها قد ايه
    اللي مزعلني اكتر انها طيبة وجميلة ومن كتر طيبتها مفهمتش تغيير اوسا معاها
    اوسا طول عمرها ميهمهاش إلا نفسها وبس ازاي مش فهماها لحد دلوقتي بس
    ربنا يستر عليها بقى ويحفظها
    ويسلمها من شرها يارب

    ردحذف
  6. لينه الشرنوبي1 نوفمبر 2018 في 2:44 م

    بدات اقلق بجد لكن عندي امل كبير ان ربنا هيستر باذن الله لان كاتبتنا العظيمه بتهتم اوي بنصرة المظلوم وعقاب الظالم بس بردو قلبي بيدق وخايفه علي بدور ههههه

    ردحذف
  7. أمل خيري1 نوفمبر 2018 في 3:15 م

    ليه بس كده ايه شغل الشياطين ده ربنا ينتقم منك يا أوسا انت ورزقا
    ربنا يستر على بدور إن شاء الله تكون كويسة
    منتظرين باقي الأحداث بشوق

    ردحذف
  8. Faten slama2 نوفمبر 2018 في 5:58 ص

    مصيبة اوسا دي اوي بس بردو بدور سمت نروح نسوف حصل ايه بسرعة

    ردحذف
  9. Unknown2 نوفمبر 2018 في 8:12 ص

    الغدر ده وحش اوى صعب لماتكون نيتك سليمه وحد يستغل ده ربنا يستر على بدور .اخلاق رزقه وشاهين العطار وعطوه فى ناس كتييير حولينا ربنا ينجينا منهم ويكتر من عم عبد الحافظ

    ردحذف
  10. Smsma mohamed2 نوفمبر 2018 في 10:48 م

    والله كنت متوقعه انها تعمل كده لان اوسا ورزقه دول شياطيييين

    ردحذف
  11. rania yehia10 نوفمبر 2018 في 2:54 م

    اوسا دي مش سهله استر يارب بدور صعبانه عليا والله برغم ان مبشجغش الزواج التاني بس اوسا تستاهل دي شطانه

    ردحذف
  12. Zeze Abdelslam3 ديسمبر 2018 في 5:46 ص

    فينك ياهوبا

    ردحذف

إرسال تعليق