الحلقة الحادية والأربعين

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

*********************

-  ادهم بيه رَجَع من برا وسأل عليكِ يا ست ضحى , قلتله بتراجع مع احمد القرآن اللي حفظه قبل ما ينام , قالي طيب , حضريلي العشا ولما الست تخرج من اوضة احمد قوليلها اني عايزها

-      عايزني !! ...عايزني في ايه ؟

-      ما نعرفوش يا ست ضحى ..هو اتعشا ومستنيكِ في التراس بيشرب فنجان قهوة

-      اووووف طيب يا راوية , روحي انتِ دلوقتي شوفي اللي وراكِ من فضلك

-      حاضر يا ست ضحى , طيب نعملولك حاجة تشربيها ؟

-      لا , متشكرة يا رواية

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      أفندم

-      أهلاً يا ست الحسن , توّك ما افتكرتي تحني علينا !

-      أنا لسة عارفة من راوية دلوقتي انك عايزني , كنت في أوضة احمد

-      الولا نام ؟

-      ايوة

-      اقعدي

-      في حاجة مطلوبة مني ؟

-      ايّووووووووووه ما تخلنيش نعلوا صوتي ونسمعوا الجيرااااااان , اتفضلي اتنازلي واتعطفي واقعدددددي

-      ....حاضر

-      كنت عايز ناخدوكِ انتِ والولا ونسافروا كام يوم نغيروا جو

-      لأ

-      يعني ايه لأ !

-      يعني مش عايزة , لا ليا رغبة لسفر ولا لأي حاجة

-      ......... وبعدهالك يا ضحى !! ...أمتى قلبك اللي زي الحجر ده يرق ويحس بيااااا !

-      قلبي أنا زي الحجر !! وايه اللي غاصبك تعيش مع واحدة زيي يا أدهم بيه !

-  .................. عارفة يا ضحى , لو قلبي كان بإيدي , كان زماني دوست عليه بجزمتي ولا انّي نخلي واحدة زيك تعاملني المعاملة ددددددي

-      طالما مش مرتاح معايا يبقى ارحم نفسك وارحمني ..خلي كل واحد يروح لحاله

-      لو نطقتي الكلام ده على لسانك تاني هنقتلوكِ بإديااااااااا, سااااااااااااااااامعة ؟

-      تررررررررررررررررررررررررررررررررررن

-  .....جرس الباب بيرن , يمكن حد يكون جايلك يا أدهم بيه عشان تكمل معاه السهرة اللطيفة دي , انا داخلة ننام , عن اذنك

-      اوووووووووووف ااااااااااخ طيب يا ضحىىىى طييييييييب يا بنت حاااااااااامد

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      تررررررررررررررررررن

-      شوفي مين ع الباب يا راوية , الجرس تاني مرة يضرب

-      معلش يا ست ضحى , كنت بننشفوا ايدي

-      طيب انا داخلة اوضتي ومن فضلك هاتيلي كوباية لبن دافية

-      من عيني حاضر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      مين ع الباب ؟

-      أنا الحاج عادل سليممممممم

-      أهلاً يا حاج , يا ألف مرحب , اتفضل

-      السلام عليكم يا راوية

-      عليكم السلام ورحمة الله يا حاج

-      أدهم موجود ؟

-      أيوة , ادهم بيه في التراس

-      قوليله ابوك مستنيك في الصالون

-      حاضر يا حاج

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      ادهم بيه , الحاج عادل مستنيك في الصالون

-      ابويااا ! اووووف , هو انا ناقص نكد ع المساااااا , هنكملوا فنجان القهوة ونروحوله 

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      اتفضلي اللبن يا ست ضحى

-      شكراً يا راوية ..هو مين اللي جَه برا ؟

-      ده الحاج عادل

-      عمي عادل !!! طيب هاتيلي عباية من الدولاب بسرعة عشان نخرج نسلم عليه

-      حاضر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      السلام عليكم يا عمي , أهلاً وسهلاً

-      عليكم السلام يا ضحى يا بنتي , اهلاً بيكِ , ازيك وازي الولا احمد ؟

-      بخير الحمدلله , للأسف نام , لو كان صاحي كان جَه جري يسلم عليك , تشرب ايه يا عمي ؟

-      كتر خيرك يا بنتي , مش عايز حاجة , جوزك فين ؟

-      أنا جيت أهو يا حاج ....ضحى , ادخلي نامي وسيبيني مع الحاج لوحدنا

-      حاضر , تصبح على خير يا عمي

-      وانتِ من اهل الخير يا بنتي

-      اهلاً يا حاج , ما قلتليش يعني انك جاي !

-  أنا لا عايز نيجي ولا عايز نشوفو وشكككككك , ايه اللي انت عملته مع الحاج مرشدي ددددددده ! ازاي تسلط رجالتك يحرقوا المحل والمخازن وتخربوا بيت الراااااااااجل!

-      وطي صوتك يا ابويااااا , وطي صوتك , انا مش عايز ضحى تسمع حاااااجة

-      خايف من ضحى ؟

-  احنا ما بنخافوش من حددددددد , وبعدين أنا ما عملتش حاجة غلط , سامي وابوه كان لازم يتأدبوا عشان يعرفوا ان ولاد عادل سليم ينسفوا أي حد يغدر بيهممممم , كان لازم نجيبوا حق اختي

-      تجيب حق اختك بخراب بيوت النااااااس !

-  ناس مييييييين ! دول أوباااااااش , عالم شحاتين ويامَا كلوا من خيرنا وبعدين نكروا المعرووووف , هو سامي نَسَى جمايلنا عليه وعلى أهلللله !!! واحد غيره كان عاش كلب تحت رجلين أوساااااا , لكن ده صنف خسيس ولئيم وما بيتمرش فييييييييه

-  وانت بقى كدة ربيته وخدت حق اختك !!! اختك بيتها اتخرب والبت الصغيرة راحت في الرجليييييين , وانت بدل ما تتدخل وتصلح بينهم , ولعت نار كلت كل حاجة في سكتها وأولهم اختككككك

-  اختي كدة اكرملهااااا , تعيش من غير راجل احسن ما تعيش مع راجل ندددددل , ولو كان عليا كنت رميت سامي في وسط الحريقة عشان ده عيشته في الدنيا حراااااااام

-      وانت بقى اللي هتقسّم الدنيا على مزاجك وتقول مين يعيش ومين يمووووت !!

-  احنا لا بنقسموا دنيا ولا بنقسموا آخرة , لكن اللي عملته ده كان لازم يتعَمَل , وسامي ده كان لازم نعرفوه مقامه ونربوه هو والبت الخدامة اللي اتجوزها على اختي  , واديه عَرَف هو مين واحنا مييييييين

-  وانت بقى عارف انت مين ......احنا نقولولك انت مين يا أدهمممم , انت عبد من عبيد الله وهتقوم عليك قيامة زي ما هتقوم عليهم وهتتحاسب زيهم على عمايلك السوووودة , لو شايف ان مالاكش كبير , فالكبير موجود , وتعديك على حرماته زاااااد , احذر من غضبه , يمهل ولا يهمل يا أدهمممممم , انا مااااااااشي

-      أوووووووووووف ........... راااااااااااوية

-      ايوة يا أدهم بيه, نعممممم

-      شوفيلي علبة السجاير والولاعة فين وهاتيهوملي في التراااااااس

-      حاضر يا أدهم بيه ....باين عليه مزعل ابوه يامَا ..ربنا يهديك يا أدهم بيه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      الحاج عادل قالي نطلعله الفطور في اوضته يا ست سعاد

-  على راحته , مش طايق يشوف وشنا , ليه وليه أدهم خد حق اخته من اللي ظلموها , كان عايزنا نقعدوا ايدينا على خدنا ونمصمصوا شفايفنا ونتحسروا على روحنااااااا

-      ربنا يهديلكو الحال يا ست سعاد , الست أوسا نازلة اهيه ....صباح الخير يا ست أوسا

-      صباح الزفتتتتتتتتت

-      الشر برا وبعيد , الملافظ سعد يا ست أوساااا

-      غوري من وشي الساعة دددددي

-      روحي انتِ يا شوقية حضري الفطور وطلعيه لعادل وبعدين صحي البت نورهان تنزل تفطر معانا

-  حاضر يا ست سعاد .. مش عارفة اوسا دي هتتهد امتىىىى , ربنا هيعمل فيكِ ايه اكتر من كدة عشان تتعظيييي ,صباحك لون عمايلك ان شالله

-      ايه يا بت يا أوسا , مالك صاحية من النوم طايحة كدة !

-  صاحية من النوم ! هو احنا بنناموا من أساسه يا ماماااااا ! طول الليل نار قايدة في قلبي مش مخلياني نناموا ولا نعرفوا طعم النوووووم , واهي كملت بسي بابا اللي شوفته فاتح باب اوضته وبنقولوله صباح الخير يا بابا راح رازع الباب في وشي زي ما نكونوا عدووووووته , لو مش طايقني نقعدوا هنا خلااااااص ,ناخدوا بنتي ونرجعوا شقتيييييييييي

-      خلاص بقى يا بتتتتتت , ابوكِ مقاطعنا عشان اللي عمله ادهم في مرشدي وخايب الرجا ابنه

-  يا سلااااااااام ! زعلان عليهم قووووي ! ايه يعني حتة محل وكام مخزن اتحرقوااااااا , يساووا ايه دول جنب قلبي اللي اتحرررررق , دا بدل ما بابا يشكر ادهم ويقوله انت راجل وجبت حق اختككككك!

-  قفلي ع السيرة دي ع الصبح عشان الواحد مش طايق رووووووحه , اذا كان على ابوكِ بكرة ميته تروق من يمّتنا ونرجعوا سمن على عسل , ابوكِ طيب وما بيعرفش يشيل في قلبه من يمة حد

-      طيب ! طيب قووووي , بأمارة ما جابلك ضررررررة

-  ايّوووووووووووه يا شيخة داهية تاخدك وتاخدها وتاخد امك عشان ما نسمعوش سيرتهاااااااا , امشي يا بت غوري من وشي ولا شوفيلك عمل اسود تعمليه بعيد عنييييي

-  خلاص يا ماما اهدي انا مش قصدي نزعلوكِ , انا بس حازز في قلبي اللي بابا بيعمله , واحد غيره كان جاب سامي تحت رجلي يترجاني ويطلب السمااااااح ...لكن معلش , مسير سامي يجي برضاه أو غصب عنه هههه ولا نسيتي الشيك ابو تلتوميت الف جنيي اللي مش هيعرف يسده ولو مسك السما بإيديه , ساعتها هيجي لحد عندي ويبوس ايدي ورجلي عشان نرضوا عنه ونرجعوله

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      يااااااااااااااه يا فخر مش مصدقة اننا وصلنا مصر، هتجنن عشان اشوف ماماااااااا، يلا ناخد تاكسي  بسرعة

-      تاكسي ايه بس يا دراهم ! بابا جاي ياخدنا من المطار بالعربية

-  وليه بس نتعب عمي ! وكمان كدة أنا هتحرج منه، لاني مش هينفع أروح البيت دلوقتي، أنا عايزة اشوف أمي يا فخر

-  حبيبتي مافيش مشكلة، بابا عامل حسابه على كدة، أنا قولتله ان قبل ما نروح البيت هنعدي على والدة دراهم نسلم عليها

-      نسلم عليها بس ! أنا عايزة ابات معاها يا فخر

-  طيب حبيبتي نسلم عليها بس النهاردة عشان مجهدين من السفر وبكرة ان شاء الله هجيبك عندها تاني وتقعدي زي ما انتِ عايزة

-  خلاص اتفقنا يا فخر، ياااااااااه ماما وحشاني بشككككككككل, نفسي اترمي في حضنها واعيط على قد ما هي وحشااااااااااااني

-      ههه طب بس بقى عشان بغيررررررر

-      ههههههههه

-      اهو بابا وصل اهووو  باباااااااااااااا

-      فخررررر حبيبي حمدالله ع السلاااااااااااامة نورت مصر هههه

-      هههه الله يسلمك يا بابا، منورة بأهلها، وحشتني قوي يا بابا

-      انت اكتر يا حبيبي، حمدالله على السلامة يا دراهم يا بنتي ههه

-      الله يسلمك يا عمي، معلش تعبناك

-      ما تقوليش كدة، اتفضلي اركبي على ما نحط الشنط في شنطة العربية

-      عنك انت يا بابا، أنا اللي هحط الشنط

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      ياااااااااااااااه شوارع مصر كانت وحشاني بشككككككككككل

-      متهيألي بقالك كتير يا بنتي ما نزلتيش مصر

-      من ساعة ما سافرت مع بابا أنا واختي من حوالي خمس سنين ما نزلتش مصر ولا مرة

-      يااااااااه  مدة كبيرة فعلا، اديكِ يا ستي هتقضي تلات شهور اجازة بحالهم انتِ وجوزك وتعوضي الحرمان

-      ههه فعلا يا عمي، بس يا رب ما تزهقوش مننا وتطردونا قبل ما يخلصوا التلات شهور

-      ههه يا بنتي انتوا هتنورونا والله، دي أم فخر مستنية زيارتكم دي بفارغ الصبر

-      ربنا يخليها يارب، هي عاملة ايه وازي فاطمممة

-      كويسة وفي انتظارك

-      على فكرة اختي فاطمة هتتجوز الشهر الجاي

-      والله ! ههه الف مبروك، الحمدلله اننا هنحضر فرحهاااااا ,فاطمة دي حبيبتي

-      وحبيبتي أنا كمان

-      ههه طبعا ما هي اختك

-      ههه أنا اقصد انها حبيبتي عشان هي سبب معرفتنا

-      هه

-      ههه يا اخي احرجتها قدامي، ها يا دراهم قربنا على بيت والدتك ؟

-      ايوة يا عمي، حضرتك امشي في الشارغ ده طوالي وبعدين اكسر على ايدك الشمال وبعدها اول شارع يمين

-      شمال في يمين يعني ؟

-      ايوة يا عمي بالظبط

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      ايوة يا عمي، من فضلك اركن هنا

-      حاضر يا بنتي، بسم الله ................... اتفضلوا انزلوا وانا منتظركم هنا

-      مش معقول يا عمي، اتفضل معاناااااا

-  لالالا يا بنتي، معلش، خليكِ على راحتك انتِ وفخر مع والدتك وانا متتظر في العربية، ما تستعجليش عشان خاطر أنا منتظر، لالا، خليكِ على راحتك خالص

-      ههه متشكرة قوي يا عمي، يلا يا فخر

-      عن اذنك يا بابا

-      اتفضل يا حبيبي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-  تررررررررررررررررررررررررررررررررررررررررررررررن ههههههه ماما افتحي يا ماماااااااا أنا سامعة صوت تليفزيون جوا يا فخر، الحمدلله انها موجودة ترررررررررررررررررررررررررررررررررررررن

-      الحمدلله يا حبيبتي

-      ماما هتفرح قوي لما تشوفك يا فخر ههه اكيد هتحبك قوي عشان انت جوز بنتها حبيبتها

-      ههه والله أنا بحبها من قبل ما اشوفها عشان اديتني اجمل هدية في عمري كله

-      يا حبيبي يا فخر ههه ممممممم هي ماما ما فتحتش ليييييييه !

-      ايوة ايووووووة يللي ع الباب

-      صوت مامتك ده ؟

-      لا، جايز يكون صوت واحدة من مرتات خيلاني، صوت حد قرب وهيفتح الباب

-      ايوة انتو مين ؟

-      ايه ده !!!! حضرتك اللي مين ؟

-      نعمممممم ! يعني حضرتك بترني الجرس عليا انتِ والاستاذ عشان تسألوني انتِ مين !

-      استني يا دراهم، واضح ان حصل لبس في الموضوع، يا مدام احنا عايزين والدة دراهم مدام عصمت

-      مافيش حد هنا بالإسم ده

-      يعني ايه مافيش حد هنا بالإسم دددده، دي شقة جدتي الله يرحمها، وماما كانت ساكنة معاهاااااااااا

-      يا مدام احنا اشترينا الشقة دي من فترة، واضح ان حضرتك تقصدوا السكان القدام

-      سكان قدام ! يعني ماما عزلت من هنااااااا ؟

-      ايوة، باعولنا الشقة واكيد يعني عزلت وراحت مكان تاني

-      طب حضرتك ما تعرفيش ماما راحت فييييييييين ؟

-      وانا هعرف منين يا مدام ! عن اذنكو عشان سايبة الأكل ع النار ومضطرة اقفل الباب

-      اهئ اهئئئئئئئئئ سمعت اللي سمعته يا فخر !

-  حبيبتي الأمر عادي ما تزعليش نفسك، اكيد عزلت في مكان تاني وهنعرف طريقها من خالتك وخيلانك، اكيد معاهم عنوانها

-      اهئ اهئئئئئ ايوة بس أنا اتصدمت اني جيت مالقتهاش

-      معلش، نروح البيت نرتاح عشان بجد مرهق قوي وبكرة إن شاء الله نزور خالتك ونعرف طريق والدتك

-  فخر مش هينفععععع, مش هقدر اروح من اغير ما اشوف ماما اهئ اهئ فخر عشان خاطري اهئ اهئئئئئ أنا عارفة اني بتعبك معايا لكن أنا ماليش غيرك يقف جنبي اهئ اهئئئئئئ

-      حبيبتي أنا عنيا ليكِ، مافيش داعي تترجيني، خلاص يا ستي أنا معاكِ لحد الفجر ههه

-      ههه متشكرة يا حبيبي، بس ياريت تخلي بابا يروح البيت عشان ما نتعبوش واحنا ناخد تاكسي

-      خلاص هقوله، تعالي يا حبيبتي

-      طب استنى بس ارن الجرس على الجارة اللي قدامنا يمكن تكون عارفة عنوان ماما ونوفر مشوار خالتي

-      طب يلا بسرعة يا دراهم

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      ترررررررررررررررررررررررررررررررررررن

-      ميييييييين؟

-      لو سمحتي افتحي، أنا دراهم بنت مدام عصمتتتتتت

-      دراهم بنت عصمت !

-      اهلا يا حبيبتي، حمدلله ع السلامة ههه

-      الله يسلمك يا طنط، ده جوزي

-      اهلا يا ابني، اتفضلوا

-      متشكرين يا حاجة، احنا بس كنا عايزين نسأل حضرتك لو تعرفي عنوان مدام عصمت الجديد

-      لا والله يا ابني ما اعرفش، هو انتِ يا بنتي مش عارفة عنوان والدتك !

-      اهئ اهئئئئئئ لا، مافيش قدامي غير خالتي

-      الله يسامحها يا بنتي ويسامح خيلانك ع اللي عملوه في امكككككك

-      اييييييييه ! هما عملوا ايه في ماماااااا ؟

-  عملوا عمايل ما يعملهاش بني ادمين، بعد وفاة جدتك جم اتخانقوا مع والدتك وصمموا يبيعوا الشقة وهي يا عيني تقولهم طب وانا اروح فييييين، نصيبي اللي هيطلعلي من الشقة مش هيكفي اجيب بيه شقة تانية اعيش فيها، لكن هما ما رحموهاش، قالولها مالناش دعوة، كل واحد اولى بحقه، وباعوا الشقة فعلا ومن ساعة ما والدتك اختفت ما شوفنهاش تاني

-      اهئ اهئئئئئئئئئئئ يا حبيبتي يا ماماااااا، ايه القسوة اللي في قلوبهم دددددي !

-      حبيبتي كفاية، معلش، ان شاء الله هنعرف طريقها من خالتك

-      خالتييييييييييي ! والله ما طايقة اشوفهاااااااااااااا

-      معلش يا دراهم، انتو مهما كان اهل، متشكرين يا حاجة، يلا يا دراهم

-  مع السلامة يا ابني، ربنا يطمنك على والدتك يا بنتييييييييي، لا حول ولا قوة إلا بالله، الدنيا مليانة هموم، فرج كرب كل من كان مهموم يااااااااارب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      ايه يا ولاد، لحقتوا تيجو بالسرعة دي !

-      اصل والدة دراهم مش موجودة

-      معلش، تبقوا تعدوا عليها وقت تاني

-      المشكلة يا بابا انها عزلت ومش عارفين عنوانها ولازم نعدي على خالة دراهم عشان نسألها عن العنوان

-      طب وماله، نروح نسأل

-      كفاية كدة يا عمي، مش عايزة اتعبك اكتر من كدة، من فضلك روح البيت وانا وفخر هناخد تاكسي

-      مستحيل يا بنتي، أنا مش تعبان في حاجة، يلا اركبي، اركب يا فخر

-      حاضر يا بابا، اتفضلي يا دراهم

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      اركن هنا يا عمي من فضلك، دي العمارة اللي ساكنة فيها خالتي، أنا فاكراها كويس

-      طيب يا بنتي

-      يلا يا فخر عشان تطلع معايا

-      لا يا دراهم، أنا هنتظرك في العربية مع بابا

-      طيب، أنا مش هتأخر إن شاء الله

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      تررررررررررررررررررررررررررررررررررررررررررررررررن

-      شوفي مين ع الباب يا مروووووووة

-      ييييييييييييييي مين هيجلنا دلوووووقي، احنا مش فاضييييييين,ميييييييييين؟

-      افتحي يا مروة، أنا دراهم بنت خالتك

-      دراهم ! الحقي يا مامااااااا, دي دراهم بنت خالتي عصمت هي اللي ع الباب

-      دراهم ! وايه اللي حدفها علينا !

-      تلاقيها جاية تسأل على خالتي

-      وانا اعرف منين طريق خالتك ! افتحي اما نشوف عايزة ايه

-      بس وزعيها بسرعة يا ماماااااااا, كريم واهله جايين كمان ساعتين, مش عايزين ضيوف وارف بقى

-      لالالا همشيها على طول، افتحي

-      اهلا يا دراهم يا بنت خالتي، حمدالله ع السلامة

-      الله يسلمك يا مروة، خالتي عفت فين ؟

-      أنا هنا اهو، حمدالله ع السلامة يا دراهم، عاش من شافك

-      متشكرة يا خالتي، أنا جاية اسألك على مكان ماما

-      ههههه حد قالك عليا شيخة الحارة ! وانا اعرف منين عنوان امك !

-      اييييييييييييه ! يعني ايه ما تعرفيش عنوانها يا خالتييييييييي, ازاااااااااي!

-  زي الناس يا حبيبتي، امك كانت عايزة تاكل حقنااااااااا, عايزة تقعد في شقة ستك وتضيع حقوقي أنا وخيلاااااااااااااانك ,ولما وقفنالها وقلنالها هنبيع الشقة يعني هنبيع, عملتها زعلة واتأمصت ويادوب خدت حقها في الشقة واختفت وما قالتش لحد هي رايحة على فين

-  اهئ اهئئئئئئئئئئئئئ يا حبيبتي يا ماماااااااا، يعني يا خالتي ما تعرفيش طريقها !ولا حد من خيلاني يعرف عنها حاااااااااجة؟

-      لا، ما نعرفش

-  والله حرام عليكوووووووو، دي اختكوووووووو، انتو اييييييييييه ! ازاي تسيبوها تمشي من غير ما تعرفوا عنوانهااااااااا ! هو اللي بيجري في عروقكو ده دم ولا ميييييييييية!!

-  وبعدين بقىىىىىىىىى ! هي امك تخفى من وشنا ونرتاح منها تقومي تجيلنا انتِ تقلي ادبك علينا بدالهاااااااا ! صحيح قليلة ادب زي امكككككك، ما انتو صحيح مين هيربيكووووو ! ابوكو وامكو متطلقين واتربيتوا في كل بيت شوية لحد ما فجرتووووووووا

-  اهئ اهئئئئئئئئئئئئئ الله يسامحك يا خالتي، كل ده عشان بلومك انك ما اهتمتيش باختك الوحيدة ولا تعرفي عنها حاجة !!! الله يسامحك

-      يسامح العباد ربنا يختي

-      مامااااااااا ,اوووووووف وبعدين!

-  خلاص خلاص يا مروة.. معلش يا بنت اختي، كان نفسي اعمل معاكِ الواجب، بس اصل عندنا ضيوف مهمين جايين كمان شوية ومش هقدر اقعد معاكِ اكتر من كدة

-  اهئ اهئئئئئئئئ أنا ماشية يا خالتي اهئ اهئئئئئ طب قبل ما امشي عايزة اسألك، طيب انتِ متأكدة إن خالي مختار وخالي شفيق ما يعرفوش عنها حااااااجة ؟

-  لا يختي ما حدش يعرف، ما تتعبيش نفسك وتسأليهم، هما لا يعرفوا عنها حاجة ولا عايزين يعرفوا، مع السلامة وشرفتيناااااا، افتحيلها الباب يا مررررررروة

-      أنا عارفة طريق الباب يا خالتي

-  مع السلامة يا بنت اختي اوووووووووف ايه البلاوي دي، داخلة علينا بالعياط والنكد زي ما نكون قتلنالها قتيل، بلي الشربات يا مروووووووة

-      هههههههه بليته من بدري يا مامااااااا

-      هههه ياروح ماما انتِ، هجهزك بالورث بتاعي من ستك جهاز ما اتجهزتوش عرووووسة

-      هههههههههههههه الحمدلله ان تيتة ماتت وورثناااااااا

-      هههههههههه الحمدلله يا حبيبتي، طول عمرك محظوظة زي امك

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      الله ! دي دراهم بتعيط يا بابا !

-      انزل يا ابني شوفها مالها يمكن في حاجة مش عايزة تقولها قدامي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      دراهمممممم في ايه مالككككك

-      اهئ اهئئئئئئئئئ خالتي ما تعرفش حاجة عن ماما، عمرك شوفت اخوات كدة يا فخرررر !

-      لا حول ولا قوة إلا بالله، معلش، اهدي يا حبيبتي، إن شاء الله هنلاقيها

-  هنلاقيها فيييييييين ! فين يا فخررر اهئ اهئئئئئئئئئ، حتى خيلاني ما يعرفوش عنها حاجة، ولا كأنهم اخواااااااات، كإن كل اللي كان بينهم الوررررررث, ولما كل واحد اخد حقه ادى ضهره للتااااااااني اهئ اهئئئئئئئئئئ الدنيا دي وحشة قوي يا فخرررر اهئ اهئئئئئئئئئئئ

-  حبيبتي بالله عليكِ كفاية، الضغط النفسي اللي انتِ فيه ده رهيب جداااااا مش هتتحملييييييييه، اهدي ارجوكِ، ان شاء الله هنلاقيها، خلي ثقتك في الله كبيرة

-      اهئ اهئئئئئئئئئئ ونعم بالله، ياااااااارب يارب عرفني طريق امي يااااااااااارب اهئ اهئئئئئئئئئئئئئ

-      تعالي يا حبيبتي، تعالي عشان انتِ محتاجة ترتاحي من كل العناء ده

-      أنا عايزة اروح عمارتنا القديمة اللي كنا ساكنين فيها زمان اهئ اهئئئئئئئ

-      طب وليه يا حبيبتي ؟

-  اهئ اهئئئئئئ اسأل الجيران عن مامااااااا، يمكن ...... يمككككن تكون راحت تسلم عليهم ولا حاجة واديتهم عنوانهااااا

-      اعتقد انه احتمال بعيد يا دراهم

-  اهئ اهئئئئئئئ يا فخر أنا زي الغريق اللي بيتعلق بقشااااااية، معلش يا حبيبي، اخر طلب اهئ اهئئئئ مش هقولك وديني في أي مكان تاني النهاردة

-  حبيبتي أنا ما تعبتش من طلباتك، بالعكس، أنا كمان نفسي نلاقي والدتك ونطمن عليها، مش عايز اشوفك في الحالة دي ابدا

-  اهئ اهئئئئئئئ ربنا ما يحرمنيش منك يا حبيبي، بس أنا مكسوفة من عمي قوي، عمال يلف بينا بالعربية من مكان لمكان، كدة كتير قوي، أنا محرجة بجد

-      حبيبتي ما تشليش هم بابا، هو مش متضايق صدقيني، يلا يا حبيبتي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      ها يا بنتي ايه الأخبار ؟

-      اهئ اهئئئئئئئ خالتي مش عارف حاجة عن ماما يا عمي

-      لا حول ولا قوة إلا بالله

-  معلش يا بابا هنروح اخر مشوار النهاردة، هتودينا بس الحدايق عشان دراهم تسأل جيرانهم القدام عن والدتها، جايز يا بابا يكون حد عارف حاجة

-      مافيش مشكلة يا ابني، طب بس صلاة العصر قربت، هنصلي ونتوكل على الله، يلا يا فخر

-  أنا هاجي معاكو يا عمي اهئ اهئئئئئئ عايزة اصلي العصر في المسجد وادعي ربنا يدلني على طريق امي، يا حبيبتي يا امييييييييييي اهئ اهئئئئئئئئ

-      تعالي يا بنتي، ربنا هيستجيب إن شاء الله ويجمعك بوالدتك على خير

-      يارب يا عمي ياااااااااااااااااارب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      ايوة ايوة هنا يا عمي، اركن على جنب من فضلك

-      حاضر يا دراهم

-      مش هتأخر إن شاء الله، عن اذنكو

-      اتفضلي يا بنتي، مراتك اعصابها تعبانة قوي يا فخر

-      ربنا يطمنها على مامتها، حقيقي صعبانة عليا قوي ومش عارف اعملها حاجة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      السلام عليكم، ازيك يا دادة فهيمة

-      عليكم السلام، انتِ مين ؟

-      مش فاكراني ! أنا دراهم

-      دراهممممم ! دراهم بنت الاستاذ مرزوق والست عصمت ؟

-      ايوووة، انتِ شوفتي ماما قريب يا دادة فهييييييمة ؟

-      لا، من ساعة ما سابت العمارة ايام طلاقها من ابوكِ الله يرحمه ما شوفتهاش تاني

-      الله يرحمه ! بابا عايششششش

-  ربنا يخليهولكو، اصل ابوكِ وامك اخبارهم اتقطعت والواحد ما يعرفش هما من اهل الدنيا ولا سابوها وارتاحوا

-      بعد الشر عليهممممممم، ربنا يخليهم ياااااااارب، يعني انتِ ما شوفتيش ماما من ساعة ما سابت العمارة ؟

-      لا، لكن انتِ بتسألي ليه ؟

-  أنا رجعت من السفر وما لقتش ماماااااا, روحت سألت عليها في الشقة اللي كانت عايشة فيها مع جدتي لكن قالولي انها عزلت وسابت العمارة، وما حدش عارف عنها حاااااااجة اهئ اهئ اهئ

-      بس يا حبيبتي ما تزعليش نفسك، الله يرحمها، افتكريلها الرحمة، ربنا يسكنها فسيح جناته إن شاء الله

-      يا دادة بقولك ماما عايشششششة

-  الله ! مش بتقولي مش لقينها ! يبقى اكيد ماتت وارتاحت، ما هي لو عايشة كانت اتصلت بيكِ واديتلك عنوانها

-      اهئ اهئئئئئئئئ لا لالالا، أنا قلبي حاسس انها عايشة

-  وماله، خليكِ ماشية ورا قلبك وعايشة على امل لحد ما تتقابلوا في الآخرة وتقولك انها ماتت بنفسها عشان تصدقي

-      بعد الشر، طيب بقولك ايه يا دادة فهيمة، هي تيتة أم عصام موجودة في شقتها ؟

-  لا، خرجت من شوية مع الأستاذ ماجد، جه خدها بالعربية، بس مش عارفة بقى راحوا فين، الحاجة ام عصام ما بترضاش تحكيلي على حاجة

-      يا خسارة ! كان نفسي اشوفها قوووي، حظي وحش، طيب طنط بهيرة فوق ؟

-  اهي دي فوق ما بتنزلش، يا دوب تنزل كل اسبوع تجيب حاجتها من السوق وما تنزلش تاني، يوم الخميس بقى بتاخد العيال وتروح عند امها، وحماتها بتيجي في الاسبوع مرتين تلاتة وساعات اربعة

-      طيب عن اذنك هطلع لطنط بهيرة يمكن تعرف حاجة عن ماماااااااا

-      اطلعي يا حبيبي، وهي مدام بهيرة هتعرف طريق امها منين ! يمكن هتفتح المندل ولا توشوش الودع

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      تررررررررررررررررررررررررررررررررررررررن

-      شوفي مين ع الباب يا ياسميييييييييين

-      حاضر يا مامااااااااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      اهلا، مين حضرتك ؟

-      هه يا حبيبتي ! انتِ ياسمين ؟

-      ايوة، مين حضرتك ؟

-      ماشاء الله، كبرتي وبقيتي امورة خالص يا ياسمين

-      مين يا ياسمييييين ؟

-      مش عارفة يا مامااااااااا

-      مش عارفة ! اما اروح اشوف، يا ياسرررررررر اطفي الكمبيوتر وقوم ذاكررررررررر

-      حاضرررررر حاضر يا ماما، الجيم ده وخلاااااااااص

-      مين يا ياسمين ؟

-      ابلة بتسأل عليكِ

-      ميييييييين ! دراهممممممممم

-      طنط بهيررررررة وحشتيني يا طنط

-  ههههه يا حبيبتي يا دراهم امووووووه امووووووه اهلا وسهلا يا حبيبتي يا الف اهلا، اتفضلي يا حبيبتي اتفضلي، اعملي عصير لمون لابلة دراهم يا ياسميييين

-      لالا مافيش داعي يا طنط، جوزي وحمايا مستنين تحت بالعربية ومش هقدر اتأخر

-      جوزك وحماكِ ! ماشاء الله هههه اتجوزتي يا حبيبتي ؟

-      ايوة يا طنط، اتجوزت من تلات شهور

-      ماشاء الله هههه في حاجة جاية في السكة ولا لسة ؟

-      هه لسة يا طنط، دعواتك

-      ربنا يرزقك يا حبيبتي، واختك دنانير اتجوزت ؟

-  اتجوزت يا طنط، أنا بصراحة جاية اسأل حضرتك على ماما اهئ اهئئئئئئئ ما تعرفيش طريق ماما يا طنط ؟

-      يا حبيبتي ! انتِ مش عارفة طريقها ؟

-      لا يا طنط اهئ اهئئئئئئئ

-      هي مش كانت عايشة مع جدتك ؟

-      اهئ هئئئئئئئ تيتة ماتت وخالتي وخيلاني باعوا الشقة وطردوا ماما اهئ اهئئئئئئئئئئ

-  لا إله إلا الله! ايه اللي أنا بسمعه ده! هي القيامة هتقوم ولا ايه ! ارحمنا يارب من عمايل النااااااس، طب يعني ما سابتش عنوانها مع حد؟

-      اهئ اهئئئئئئ لا يا طنط، أنا كان عندي أمل اني ألاقي عندك اخبار عنها

-  والله يا حبيبتي يا ريت، أنا ماشوفتهاش من ساعة ما سابت العمارة، والله زعلتيني يا دراهم اهئ اهئئئئئئئئئ يا ترى انتِ فين يا عصمت اهئ اهئئئئئئ

-  يا حبيبتي يا طنط بهيرة ! تعرفي ان الواحد ساعات يلاقي الحنان عند الاغراب وما يلقهوش عند اقرب الناس ! دي خالتي ما دمعتش على ماما زي ما دمعتي كدة يا طنط

-  دي عشرة يا حبيبتي اهئ اهئئئئئئئئ وانا كنت مطمنة عليها عشان عارفة انها عند والدتها، لكن دلوقتي شيلتيني همها اهئ اهئئئئئئئ يعني اخواتها يطردوها ! هي الدنيا جرالها اييييييه !

-      النفوس بقت وحشة قوي يا طنط، والجري ورا الدنيا خلاهم يدوسوا حتى على لحمهم ودمهم اهئ اهئئئئئئئئئئ

-  معلش يا حبيبتي، ان شاء الله هتلاقوها، يمكن زعلانة شوية من اخواتها واللي عملوه عشان كدة اختفت، لكن بكرة لما تهدا هتتصل بيكو وتقولكو هي فين، اكيد يا حبيبتي، دانتو بناتها ونور عنيها

-  يارب يا طنط اهئ اهئئئئئئ طيب بصي يا طنط أنا هسيب لحضرتك رقمي ورقم جوزي في المملكة، لو عرفتي أي حاجة عن ماما اتصلي بينا فورااااا

-      من عنيا يا حبيبتي، هاتي الارقام، ربنا يعترنا فيكِ يا عصمتتتتتتتت

-  والله يا طنط بهيرة انتِ كنتي وحشاني قوي انتِ وتيتة ام عصام، انتو اكتر اتنين كنت بحبهم في العمارة، كان نفسي اشوف تيتة ام عصام، لكن يا خسارة ما لقتهاش، بالله عليكِ سلميلي عليها وقوليلها تدعيلي الاقي ماما اهئ اهئئئئئئئئئئئئئئ

-      هئ اهئئئئئئئئ حاضر يا حبيبتي اهئ اهئئئئئئ

-      اتفضلي الارقام يا طنط

-      هاتي يا دراهم، ان شاء الله خير يا حبيبتي

-      اتفضلي عصير اللمون يا ابلة

-      متشكرة يا ياسمين ياحبيبتي مش هقدر، لازم انزل حالا

-      عشان خاطري يا ابلة، أنا عملته مخصوص عشانك

-      يا حبيبتي ! كلامك حنين زي كلام طنط بهيرة، هشربه عشان خاطرك يا ياسمين

-      متشكرة يا ابلة، حاجة تاني يا ماما ؟

-      لا شكراً، روحي ذاكري انتِ يا ياسمين

-      امورة خالص ياسمين تبارك الله،  ربنا يخليهالك يا طنط

-      ويخليكِ يا حبيبتي، ربنا يطمننا عليكِ يا عصمتتتتتت

-      طيب أنا نازلة بقى يا طنط عشان اتأخرت قوي

-      يا حبيبتي انتِ ما كملتيش كوباية اللموووووون، هو ما عجبكيش ولا ايه؟

-  لا بالعكس جميل جدا، معلش مش هقدر اتأخر اكتر من كدة، اصل لسة واصلة من السفر النهاردة ولحد دلوقتي ما روحتش البيت وانا وجوزي تعبانين جدا من السفر ومن ساعة ما وصلنا بندور على ماما في كل الأماكن

-      طيب يا حبيبتي، حمدالله على سلامتكو، نورتي يا دراهم

-      الله يخليكِ يا طنط، سلميلي على عمو حسين وعلى ياسر وياسين

-      يوصل يا حبيبة قلبي، مع السلامة

-      الله يسلمك يا طنط

-  اهئ اهئئئئئئئئئئئئ لا حول ولا قوة إلا بالله، يا ترى انتِ فين يا عصمت، هاتي اللب يا ياسمييييييييين, أنا داخلة البلكووووووونة اهئ اهئئئئئئئئئئئ

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      ها يا دراهمممممم

-      برضو ما حدش عارف عنها حاجة يا فخر اهئ اهئئئئئئ امي يا فخر أمي اهئ اهئئئئئئئئئئئئئئئئ

-      لا حول ولا قوة إلا بالله

-      اهدي يا بنتي واركبي وخلينا نتوكل على الله، ان شاء الله هندور عليها ونلاقيها، اركبي يا بنتي

-      اركبي يا دراهم، يلا يا حبيبتي

-      ازاي هرجع المملكة يا فخر واسيب مصر وانا مش عارفة امي فين ! اهئ اهئئئئئئئئ

-  حبيبتي احنا لسة قدامنا تلات شهور ندور فيهم براحتنا، ولو لا قدر الله ما لقنهاش، كل سنة هننزل ندور عليها لغاية ما نلاقيها، أنا معاكِ وان شاء الله املنا في ربنا كبير، اركبي يا حبيبتي

-      .................. حاضر يا فخر، يارب ياااااااااارب يارب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      ما بتاكليش ليه يا اوسا يا بنتي ؟

-      ماليش نفس يا بابا

-      خلي بنتك تاكل يا سعاد

-      الأكل قدامها يا عادل، ما حدش حايشها

-      البت نورهان فين ؟

-      كلت ونامت

-      وانتِ ما بتاكليش ليه يا سعاد

-  ومين له نفس للأكل يا عادل ! انت مش دريان بالخيبة اللي احنا فيها!!!! أنا بنتي تطلق وتقعد جنبي القعدة ددددددددي ! بقى بنت عادل سليم تطلق يا عاااااااااادل !

-      هأ ! وكان مين اللي طلقها ! مش ابن اختك !

-      ايّوووووووه ما هو لو كان لقى حد وَقَف قدامه كان عملنا الف اعتبااااااار

-      واللي ابنك عمله فيه وحرق محله ومخازنه مش كفاية يا سعاااااااد !

-  لا مش كفاية يا عاااااااااادل، أنا النار قايدة في قلبي من يمّة الولا ده ولو نطولوا نقطعوا لحمه بسناني نقطعووووووه، لا راعى دم ولا قراااااااااابة، جاب لبنتي ضرة تربية شواااااااارع, لا وببجاحته وعينه اللي يندم فيها رصاصة جايب مراته يقعدها في بيت بنتي وبيصرف عليها من مااااااااااااالك، اااااااخ ااااااااااااخ يا نااااااااااري، ليها حق اختي توحا تتبرى منه وتقاطععععععععععععه، بكرة يبكي بدل الدموع دم ع اللي عمله في بنتيييييييي

-  ايّووووووووه يا ماماااااااااا، ما تجبيش سيرة الندل الخسيس ده قدامي تاااااااااااااني، أنا هننتَقَموا بمعرفتيييييي، بنقولولك ايه يا باباااااااا معاد الشيك اللي انت واخده على ابو الجبان ده امتىىىىىىىىى ؟

-      لا، الشيك ده احنا مش هنطالبوا بيه الحاج مرشدي

-      ايّوووووووه ! يعني ايه يا باباااااااااا ؟

-  وطي صوتك يا بت وانتِ بتتكلمي معاياااااا، احنا مش هناخدوا ولا مليم من الحاج مرشدددددددي، كفاية اللي المحروس اخوكِ عمله فيه وفي ابنه، اظن جابلك حقك تالت ومتلتتتتتتتتتتت

-      سَمَعتِ يا مامااااااااا ؟ اهئ اهئئئئئئئئئئئ سَمَعتِ بابا بيقول اييييييييه !!!!

-  ايه اللي بتقوله ده يا عاااااااادل ! الشيك ده تطالب بيه مرشددددددددي ولو قال مافيش فلوس يبقى تطلع بالشيك على النيااااااااابة، دول ما ينفعش معاهم إلا كدددددددددة، هي الأشكال دي بيتمر فيهاااااااا ! الراجل يقول ما معيش فلوس ويجي ياخد منك بحجة ان اختي استولت على ماله وفي الآخر نعرفوا انه جاب لابنه شقة فخمة وعفش غالي وجوزه على بنتي في السرررررررر ! بقى ده الراجل اللي عايز تعمل معاه معرووووووووف !

-  سعاااااااااااااد, المال مالي وانا حر يا سعااااااااااد، كون ان سامي اتجوز فهو ما عملش حاجة غلط، لكن الغلط انه دارى عننااااااااااا

-  ايوة طبعااااااااا,هو هيلاقي مين يدافع عنه غيرررررررك، ما انت سبق وعملتها قبل منه وحرقت قلبييييييييييييييييييي

-  ايّووووووووووووووووووووووووه وادي الأكل، أنا قايم، ويكون في علمك انتِ وبنتك، ده قراري انا واحمد اننا ما ناخدوش ولا مليم من الحاج مرشدي ونقطعوا الشيكككككككك

-  احممممممممممممممد ! سَمَعتي يا مامااااااااا ؟ شوفتي احمد اللي طول عمرك تقولي اخوكِ وما تظنيش فيه ظن سوء بيعمل اييييييييييييه ! بينصر عليا عدووووووي، هو اللي اقنع بابا ما ياخدش الفلوس من مرشددددددددي ¸شوفتي ابنك وعماااااااااايله !

-      ..................................................................

-  ما تشحنيش امك ضد اخوووووووكِ, بطلي شغل الابالسة ددددددده، احمد ما عملش حاجة غلطططططط ، وفضوها سيرة وسكوا ع الموضوع ددددددددده، أنا رايح نتخمد عشان نصحوا الفجر نصلي ونتوكل على الله نروحوا لاشجان

-      روح يا اخويا عند الننوسة , ياكش يجيلنا خبرها عشان نرتاحوااااااا

-      سَمَعتي يا ماما ؟ اهئ اهئئئئئئئ شوفتي احمد اللي بتقولي عليه طييييييييب !

-  ........... اخوكِ طيب يا اوسا، ما هانش عليه يحبس مرشدي ولا يبهدله رغم اللي عمله ، ياريت كل الناس زي احمد

-  طبعا يا ست ماماااااااااااا، ما انتِ هتقولي ايه غير كدددددددددة، بس انا بقى مش هنسكتوا لاحمد ددددددددددده، هنروحوله بكرة المينا نعرفوه قيمتتتتتتتتتتته

-      اخرسي يا بتتتتتتتتتت، اياك تعتّبي المينا ولا ليكِ دعوة باخوووووووووكِ

-      لا يا ماما هنروحوااااااااااااا، ولو قَدَرتي تمنعيني ابقي امنعينيييييييييييييي

*****************************

ولحد هنا وانتهت حلقات النهاردة..موعدكم مع الحلقات الأخيرة من هذا الفصل يوم الأثنين بمشيئة الله

بعتذر لأني ما بقدرش انزل الحلقات قبل كدة عشان بكون مشغولة جداً بأعمالي المنزلية وشؤوني اليومية..ارجو المعذرة قرائي الأعزاء

***

رداً على سؤال إحدى القارئات العزيزات والذي تقول فيه من أين أتيت بكل هذا الشر لشخصية أدهم..حقاً هذا السؤال أضحكني جداً بشكل هيستيري(أضحك الله سن قارئتي العزيزة) ههه..اجابتي عن ذلك باختصار هي انني اتقمص أي شخصية أكتب عنها بشكل كامل وهذا بفضل الله ما يجعلني أعبر عنها بشكل أعتبره جيد ..أرجو أن أكون عند حسن ظن قرائي وأن يتمم هذا العمل على خير إن شاء الله

************

الليلة هي ليلة الجمعة المباركة..أكثروا من الصلاة على الحبيب المصطفى عليه الصلاة والسلام بالصيغة الإبراهيمية

اللهم صل على محمد وعلى آل محمد كما صليت على إبراهيم وعلى آل إبراهيم في العالمين إنك حميد مجيد,وبارك على محمد وعلى آل محمد كما باركت على إبراهيم وعلى آل إبراهيم في العالمين إنك حميد مجيد