الحلقة التاسعة (ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

*****************************

ترررررررررررررررررررررررررررررررررررررررررررررررررررررررررررن

اووووووف ايوة يا اماني

جرا ايه يا عصااااااام طول النهار قافل تليفونك ومش عارفة اتلم عليك ليييييه ؟

حما اخويا ماجد اتوفى

والله ! الله يرحمه , طب وانت مااااااالك!

انتِ بتتكلمي ازاااااااااي ! روحنا وقفنا مع اخويا امبارح وانتظرنا ابنه لحد ما جه من الغردقة  والنهاردة الصبح روحنا صلينا ع  الراجل ودفناه  وبعدين روحت انا وهاني نستقبل العزا معاهم ولسة هنروح بكرة كمان

ههه طول عمرك صاحب واجب يا دكتور , دانت بتتعامل زي ما يكون ابوك هو اللي مات

فعلا الراجل ده كان عزيز علينا جدا , كان انسان هايل ومحترم , حتى امي هتقعد مع مرات اخويا تلات ايام العزا عشان بتحبها جدا وبتعتبرها بنتها

ممممممم يا بختها الست مرات اخوك , ياترى بقى مامتك لو عرفت اني مراتك كانت هتحبني وتتعامل معايا كدة ولا هتكرهني ؟

هه حسب تصرفاتك

على رأيك , وان شاء الله هشوفك امتى ؟

بعد بكرة هعدي عليكِ إن شاء الله

ممممم طيب , اعمل حسابك في خمس تلاف جنيه عشان عايزة اعمل شوبينج

اووووووف حاضر , مع السلامة

باي باي يا عصومتييييييييي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ماشاء الله عليكِ يا منال يا بنتي وعلى صبرك واحتسابك

الحمدلله يا ماما أمينة , تعبتك معايا قوي يا ماما تلات ايام العزا

ازاي تقولي كدة يا منال ! انتِ بنتي وده واجبي ناحيتك

ربنا يخليكِ ليا يا ماما

لكن قوليلي , بلغتي رانيا ؟

عمر اللي اتصل بيها , بصراحة انا ما قدرتش ابلغها الخبر , عمر بيقول انها انهارت والتليفون وقع من ايدها وجوزها هو اللي كمل كلام مع عمر , قال لعمر انه هياخد اول طيارة ويجيب رانيا والولاد , لكن عمر قاله لا , مافيش داعي , مجيتكو لا هتقدم ولا هتأخر وكمان نفسية رانيا هتزداد سوء

ربنا يصبرها , فعلا مافيش داعي انها تيجي , انتِ وعمر عملتو الواجب وزيادة

وكمان ماجد يا ماما , بصراحة وقف مع عمر في العزا زي ما يكون اخوه مش جوز اخته

يا حبيبتي ده العادي ناحية اهل زوجته اللي بيحبها وبيحترمها , ربنا يخليكو لبعض

آمين يا ماما , هقوم احضر السحور

طيب يا حبيبتي , انا بكرة الصبح راجعة بيتي إن شاء الله

ليه بس كدة يا ماما ! بالله عليكِ خليكِ معانا , انتِ خففتي عني وعن الولاد كتير

معلش يا حبيبتي , لازم ارجع , وانتو بقى يومين تلاتة كدة وتيجو تفطروا معايا , انا هتصل بيكِ اقولك على اليوم

ان شاء الله يا ماما مممم  واحنا إن شاء الله بعد ما معاذ يخلص امتحانات الثانوية العامة هنبتدي في توضيب شقتنا اللي في العمارة عندك عشان ننقل في اجازة الصيف بإذن الله

حقيقي يا منااااااال ؟

ايوة يا ماما إن شاء الله , وجودنا هنا مابقاش له داعي , ماجد اللي اخد القرار ده

على خيرة الله يا بنتي , دي حاجة تسعدني انك تكوني جنبي انتِ وماجد والولاد

حاجة تسعدنا اكتر والله يا ماما , عن اذنك هحضر السحور , يا مريممممممم

نعم يا أميييي

تعالي يا حبيبتي ساعديني في تحضير السحووووور

حاضر يا أمي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تررررررررررررررررررررررررررررررررررررررررررررررررررررررررن

افتح الباب يا معاذ يا حبيبي عشان بقرأ في المصححححححف

حاضر يا امي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ايوة يللي ع الباااااااب

معقول ! طنط نسرين !!!

هالو  معاااااااذ هه

اهلا يا طنط نسرين هه اتفضلي

ثانك يو , فين مامي بتاعك ؟

حاضر , اتفضلي حضرتك في الصالون وانا هدي لامي خبر

اوكيه ثانككككس

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

امي , معلش اسف هقطع قرائتك

مين اللي جه يا معاذ ؟

ههه مش هتصدقي

ليه يعني ! مين ؟

طنط نسرين

نسرين مرات عمك عصام ؟

ايوة هي

غريبة !

اكيد جاية تعزيكِ في جدي

طيب انا رايحالها

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

السلام عليكم ورحمة الله يا نسرين

ثانك يو , ازيك مينولا

اهلا بيكِ يا حبيبتي , شرفتينا

ثانك يو

اسفة مش هقدر اقدملك حاجة عشان احنا في رمضان طبعا

 نو نو نو انا مش كنت عايزة اشرب حاجة , انا جيت عشان اعزيكِ , والله انا زعلت خالص خالص عشان باباكِ , وقلت لازم لازمممم اجي اعزيكِ , عارفة لو بابا رشا هو اللي مات , مش كنت عبرتها

على العموم اشكرك جدا على اهتمامك , لكن برضو رشا زي اختنا واي حاجة تزعلها اكيد هتزعلنا

نووووووو مينولا نووووووو , أي حاجة تزعلها تفرحني , واي حاجة تفرحها تزعلني مووووووووت

لا حول ولا قوة إلا بالله , ربنا يصلح القلوب

انا بحبك عشان انتِ قلبك صلحان وجميل , وكمان انتِ طيبة كتير

هه ربنا يبارك في عمرك يا حبيبتي , انتِ كمان طيبة وقلبك حنين , بس اللي مزعلني حاجة واحدة

ايه هييييييي ؟

كان نفسي تلبسي الحجاب والله , الدنيا مهما طالت ولا قصرت مسير عمرنا يخلص ونرجع لخالقنا سبحانه وتعالى , وانا عشان بحبك قوي نفسي تطيعي ربنا عشان لما نقابله كلنا يكون راضي عنا

وات !!!! مممممم سوري مش فاهمانة حاجة خالص , بس هو كلام حلو , ميرسي عليه كتير

نسرين حبيبتي ليه ما تفكريش تاخدي جوزك وولادك وتروحوا تعملوا عمرة

نعملها ليه ؟

تقرب إلى الله حبيبتي

سوري انا مش فاضية , وبعدين اللي بيروحوا هناك بيلبسوا حجابات وهدوم وسعانة وانا مش بعرف البس الحاجات دي نيفرررر

انتِ محتاجة تغيري كل حياتك يا نسرين , انا عشان بحبك وانتِ غالية عندي بقولك كدة

انا فعلا بغير حياتي كل اسبوووووووع اصل انا بحس بالمللان بسرعة جداااااا فقررت انا وكل الشلة اننا نعمل ثورنات على حياتنا , اسبوع نروح النادي كل يوم كل يووووم والاسبوع اللي بعده نخاصم النادي ونروح الشوبينج كل يوم كل يووووووم واسبوع نروح المسرح كل يوم كل يووووووم تعرفي , في مسرحية شوفتها سبع مرات انا واصحابي وملينا منها موووووت قلت لهايدي انتِ غبية  يا هايددددددي عشان كان مفروض تحجزيلنا اللوج  كل يوم في مسرح غير التااااااني مش كل يوم نفس الللوج ونفس المسرح ونفس المسرحيييية , قالت اصل اللي بتمثل في المسرحية بنت خالتي ومش في حد بيجي يشوفها , قلتلها الجمهوريين والجمهوريات عندهم حق المسرحية صو بورينجججججج مملة جدااااااا

حبيبتي مش ده التغير ولا دي الحياااااة , الحياة بتحلى بطاعة الله  , مش طاعة انفسنا ولا اصحابنا , ممكن نفسي تضلني عن طريق الحق , ممكن صاحبتي تاخد بإيدي للهلاك , بتستفيدي ايه من الحياة العبثية الخالية من أي معنى دي! لازم حياتك تتغير,وعشان تغيري كل حياتك يبقى لازم الصحبة الصالحة

صالحة الدادة بتاعة ولادي ؟

ممممم انا محتاجة وقت طويل قوي عشان احاول اغير نظرتك لأمور كتير في حياتنا

وانا فعلا محتاجة اتغير , نفسي ابقى احسن كتيرررر , على فكرة انا بحب اور لورد جدااااااا

قولي بحب ربنا جدا

ايوة بحب ربنا جداااا وعشان كدة بعمل حاجات هو بيحبها

زي ايه ؟

بعطف على الفقراء والمسكينين , تعرفي , لقيت ولد في الشارع شكله مبهدل وهدومه مقطوعانة وشكله جعان , وكان معايا في العربية علبة جاتوه ميليفي من اغلى محل , اديتهاله كلهااااااااا لازم نعطف على الفقراء ونأكلهم من نفس الأكلات بتاعتنااااا اصل سمعت طنطي امينة مامت صاصو بتقول ان اللي يحب حاجة يأكل  الناس منها , هي قالت حاجة شبه كدة يعني , بس انا مش فاكرة

هه تقصدي الآية الكريمة ( لن تنالو البر حتى تنفقوا مما تحبون )

ايوة هي كدة, وطنطي شرحتها زي ما شرحتهالك , فهمتيها ؟

ههه الحمدلله فهمتها منك , وياريت انتِ كمان تفهمي كلامي يا نسرين , نفسي ربنا يقبلنا وندخل الجنة كلنا مع بعض

ممممممم هي الجنة دي حلوة ؟

جدااااااااا

هو انتِ شوفتيها ؟

لا طبعا ما شوفتهاش , لكن رب العزة كلمنا عنها في القرآن الكريم وقال انها حلوة قوي

مممممم يعني احلى من يورب بكل عواصمها ! جيرماني , فرانس , انجلاندددددد  احلى من كل دوووول ؟

طبعا احلىىىىى

يعني فيها سفر ونوادي وفسح وشوبينج وكل حااااااااااجة ؟

ههه حبيبتي فيها اجمل من اجمل خيال تقدري توصليله , فيها لا عين رأت ولا أذن سمعت ولا خطر على قلب بشرررررر , روحي اجمل مكان في الكون هتلاقي الجنة اجمل منه بكتيرررررر خدي من الدنيا اجمل متعها , هتلاقي متع الجنة اجمل كتيرررررررر

ياااااااااااااااااااااه شوقتيني للجنة ممممم طيب هسألك سؤال تاني بليز

اتفضلي انا تحت امرككككك المهم ان قلبك يتفتح لدينك ولربككككك

اوكيه , مممم هو ربنا بتاعنا .........

تررررررررررررررررررررررررررررن تررررررررررررررررررررررررررررن

سوري هرد ع الموبايل , دي ميريت هالو ميريتتتتتت

هالو سينووووو فينك ؟, الشلة كلها مستنياكي وعاملينلك مفاجأة واووووووو ههههههه

ههههههه مفاجأة ايه ؟

نووووووو قلتلك مفاجأة ومش ممكن اقوووول

ييييييييي مش تبقى رزلانة ميريت , قولي بقى قووووولي

اوكيه , واحدة قريبة ساندي فتحت ديفيليه للفساتين السواريه والهوت شورت واووووووووو يجنننننننن هنتقابل كلنا عند فيللّت ساندي وننطلق وراها بعربياتنا عشان هي عارفة الطريق, سيربرايزززززز هههههه

واووووووووووووو ههه تعرفي الديفيليه ده جه في وقته , كنت محتاجة شوية فساتين سواريه , هجيلك حاالاااااااا باي ميريت

باي سينووووووو

سوري مينولا , لازم انزل حالا عشان الشلة مستنياني عند فيللت ساندي , باااااااي

لا حول ولا قوة إلا بالله , زي ما يكونوا شياطين يضلوا الناس عن طريق الحق , اللهم اصلح قلوبنا وثبتنا على طاعتك اللهم آمين

أعوذ بالله من الشيطان الرجيم

بسم الله الرحمن الرحيم

وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ ۚ إِنْ يَتَّبِعُونَ إِلَّا الظَّنَّ وَإِنْ هُمْ إِلَّا يَخْرُصُونَ

 ***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

عبد الرحمن , تحب تاكل ايه على الفطار النهاردة ؟

انتِ ناسية يا ماما ان انا ومعاذ ورامي معزومين عند تيتة النهاردة ؟

اه صحيح افتكرت , طب خلاص , هسأل منة بقى

طب ما تتصلي ببابا تسأليه

معزوم يا سيدي عند سيادة اللوا شريف فاضل هو ومجموعة من السادة الظباط , هفطر انا ومنة لوحدنا

معلش يا ماما , بكرة هنفطر كلنا سوا إن شاء الله

ايوة وهتبقى فرصة حلوة عشان جدك عبد المجيد وتيتة احسان معزومين ع الفطار عندنا بكرة ان شاء الله

فعلاً هتبقى فرصة حلوة , بس أنا بجد يا ماما نفسي نتعزم ولو مرة واحدة , واحددددة عند تيتة احسان , بس ده طبعاً من سابع المستحيلات ههههه

ولدددد, اتأدب

ههه اتأدبت يا ماما

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

أهلاً يا ولاد منورين , كل سنة وانتو طيبين

وحضرتك طيبة يا تيتة

طيب احنا نظامنا في الفطار زي كل سنة , نفطر على تمر ولبن وبعدين نصلي المغرب , ولما نخلص الصلاة  إن شاء الله نفطر

إن شاء الله يا تيتة

مانو , هي تيتة عازمانا ع الفطار ولا جايبنا هنا عشان  تربينا وتعذبنا ؟ ههههه

وطي صوتك تيتة باصة عليك

بتقول حاجة يا رامي ؟

لا يا تيتة , بقول كل سنة وانتِ طيبة

وانت طيب يا رامي ... قوم يا معاذ صب اللبن والتمر في الكوبيات

حاضر يا تيتة , وبعد الصلاة ان شاء الله هساعدك في تجهيز السفرة

هه متشكرة  يا حبيبي

الله أكبر ..... الله أكبر

يلا يا ولاد كل واحد يدعي دعوة نفسه ربنا يحققهاله , الوقت ده مستجاب فيه الدعاء إن شاء الله

ان شاء الله يا تيتة

يلا اتفضلوا التمر واللبن

شكراً يا تيتة

هات يا مانووو

اتفضل يا سيدي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ها يا ولاد , الأكل عجبكو ؟

تسلم ايدك يا تيتة

هه معلش بقى , جدتكو ست عجوزة وما بقاش أكلها حلو زي زمان , ولا ايه يا معاذ ؟ هه

يا خبر يا تيتة ! طب والله أجمل وألذ أكل بناكله من ايدك , تسلم ايدك يا تيتة ... ما تقول حاجة يا عبد الرحمن

هو أكل تيتة محتاج شهادة مني ! ههه طب ده بابا لحد دلوقتي بيذل ماما بيه ههه

الأكل سو دليشيس تيتة

متشكرة يا رامي , شكراً ليكو كلكو يا حبايبي

طيب يا تيتة هنلم الاطباق , يلا يا عبد الرحمن , ساعدنا يا رامي

اوك

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

بقولك ايه يا عبد الرحمن , ما تيجي بعد ما نخلص غسيل الصحون وبعد صلاة التراويح اخدك انت ورامي وننزل نسهر في الحسين ؟

يا ريت والله يا معاذ , الحسين وخان الخليلي , الأجواء الرمضانية بتبقى حلوة قوي هناك

طيب كويس ان الفكرة عجبتك , ايه رأيك يا رامي ؟

نو , روحوا انتو

ليه بس ؟

مش عايز اروح يا اخي

على راحتك

ايه يا رااااامي , ما تبقاش رخم , انت هتيجي معانا , الجو هناك هيعجبك , نتجول في خان الخليلي ونقعد على أي كافيه في الحسين ونشرب حلبسة ههه

حلبسة !!!!! ههههههه

حمص الشام يعني ههه ما تبقاش غلس بقى , بعد ما نصلي التراويح هنروح الحسين

اوك يا مان

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اتفضلوا الحلبسة يا شباب

متشكرين

الله ! فكرتك اننا نيجي هنا حلوة قوي بجد يا معاذ , ياااااااااه الأنوار والزينات والفوانيس المتعلقة وفرحة الناس اللي رايحين جايين , اجواء رمضانية غير عادية  ... بقالي كتير ما جيتش المكان ده في رمضان ... آخر مرة جيت كان مع بابا وماما ومنة في رمضان اللي قبل اللي فات

جيتو شربتوا حلبسة برضو ؟ ههه

ههه لا , جينا فطرنا في مطعم كباب وكفتة , وبعدين منة طلبت رز بلبن عند المالكي, وبعد كدة بقى روحنا شربنا شاي وقهوة وحاجة ساقعة بس على كافيه غير ده , روحنا البيت تقريباً الساعة واحدة ونص بالليل ...بس بجد كانت ليلة رمضانية حلوة قوي ولها ذكريات جميلة معايا

وانت جيت هنا قبل كدة يا رامي ؟

لا

يعني المكان عجبك ؟

نايس ... حلوة البتاعة اللي بنشربها دي , هي اسمها ايه يا مانو ؟

حلبسة ههه

اطلبلكو حاجة تاني يا جماعة ؟

انا عايز شاي بالنعناع يا معاذ, بس حسابه عندي المرة دي

لالا انا اللي عازمكو يا عبد الرحمن , تاخد شاي بالنعناع معانا يا رامي ؟

لا , أنا همشي بقى عشان أكمل السهرة مع اصحابي في الديسكو , بيس يا مِن

ايه ده ! هو رامي بيروح الديسكو حتى في رمضان !!!

ههه يا ابني ده ما بيصومش أصلاً غير اليوم اللي تيتة بتعزمنا فيه ع الفطار

لا حول ولا قوة إلا بالله .... ربنا يهديه وينور بصيرته

آمين يا رب , يلا يا ابني اطلبلنا الشاي بالنعناع عشان بعد كدة نروح ناكل رز بلبن واروح البيت اغيظ منة ههههههه

ههههههههههه ماشي هناكل رز بلبن بس هناخدلهم كلهم معانا

ماشي , بس انا هدفع معاك المرة دي عشان الحساب ما يبقاش تقيل عليك

يا سيدي قلتلك انا عازمكوووو يعني الحساب كله عليا , وبعدين معايا فلوس بزيادة ما تخافش ههه

ماشي يا معاذ , نردهالك في الأفراح ان شاء الله هههههه

هههههه يا مترررر , اتنين شاي بالنعناع من فضلك

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

الله , حلو قوي يا بابا  الرز بلبن اللي عبد الرحمن جابه ده

اه فعلاً , لذيذ , متشكرين يا عبد الرحمن , الرز بلبن هايل

بالهنا والشفا يا بابا , بس مش انا اللي جبته , ده معاذ ابن عمي ماجد , بعد ما كلنا صمم يجيب للكل , جاب لتيتة ولعيلة عمي عصام وبعتلكو انتو كمان معايا

جزاه الله خيراً , ولد كله ذوق , ايه رأيك يا رشا في الرز بلبن ؟

مش قوي . اللي بعمله احلى منه

ههه جايز

بابا احنا عايزين نروح الحسين زيهم , ماليش دعووووة

يا بنت هو انتِ صغيرة عشان تشبطي ! ههه

عشان خاطري يا باباااا , نفسي نروح نفطر هناك ونقضي سهرة حلوة زي  اللي قضيناها السنة اللي قبل اللي فاتت

خلاص يا ستي , بكرة ان شاء الله نروح

هاني , بكرة ازاي ! انت ناسي اننا عازمين بابا وماما على الفطار بكرة !

اه والله صحيح ناسي , خلاص يا منة , بعد بكرة نروح ان شاء الله يا حبيبتي

هيييييييه يا حبيبي يا بابااااااا , ده ايه العسل ده ! امووووه قمر والله ههههه

ههههه عفريتة انتِ يا منة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

حضريلي البريكفست بتاعي لولو,وحداية توست مربى ومج نيسكافيه وبس

يا ست هانم كل يوم تفطري في رمضان!يا حبيبتي صومي دانتِ مسلمة

نو لولو نووو,كل سنة في رمضان تعملي مشكلات كبيرة وتقولي كلام مش لذيذ,حضري البريكفست بليز ومش تقولي ولا كلمة

حاضر يا ست هانم,ربنا يسامحني بقى,انا ماليش ذنب

ترررررررررررررررررررررررن

موبايلك بيرن يا نسرين هانم,اتفضلي

هاتي لولو,دي طنطي لولى,هاي طنطي

هاي سينو حبيبتي,اخبارك ايه؟

نايس

فاضية النهاردة بعد اتناشر بلليل؟

واي؟

مش قبل رمضان بيومين تلاتة قلتلك هعزمك على سهرة تجنن في الخيمة الرمضانية! هنتسحر ونقضي وقت لطيف

دي تجنن,روحت السنة اللي فاتت مع ميريت بس مش اخدت معايا رامي وايتن,كانوا جايبين رقاصة فزيعة موت وسينجرز بيغنوا حلو قوي

لا السنة دي الخيمة الرمضانية احلى ,عاملين بروجرام يجنن وجايبين بدل الرقاصة تلاتة

واوووو,ومين سينجرز هيغنوا؟

كتير قوي بس ناسية اساميهم,انتِ عارفة اني مش بهتم بالجيل الجديد,بميل للقدام

تيب ليه هما مش يجيبوا القدام يغنوا طنطي؟

هيجيبوهم منين! كلهم ماتو

يا حرام!

هتيجي؟

اوف كورس طنطي,وهجيب ايتن ورامي كمان

وعصام؟

صاصو عنده شيفت في المستشفى وهيجي بكرة ,وكمان هو مش بيحب يخرج معانا

احسن,جوزك ده معقد بشكل لا يطاق,انا هتصل بسرفيناز تيجي عشان تشاركنا الروحانيات العالية دي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

 حبايبنا اللي منورينا في الخيمة الرمضانية,كل سنة وانتو طيبين,ونتمنى فقراتنا تعجبكم ,وبمناسبة الشهر الكريم ده عايزين تحية للنجمة والراقصة المحبوبة اللي جت عشان ترقص في الايام المفترجة دي وتفرح الصايمين,ربنا يقبل منا ومنكم جميعاً ,والآن عايز تحية جامدة للرقاصة سوسو شرف ,تصفيق حااااااااد

هيييييييييييييه

مساء الخير جمهوري الجميل ,كل سنة وانتو طيبين,ورمضان كريم,سعيدة جداً اني معاكو في الخيمة الرمضانية السنة دي,وهو كدة رمضان دايماً يجمعنا على الخير ولياليه الحلوة تجمعنا ع الرقص و المغنى , وده ليه,لاننا شعب متدين بطبعه هيهيهييي,انزل يا ابني بأغنية على رمش عيونها قابلني هوا,احلى سحور على احلى انغام,يلاااااااااا الصقفة الحلوة فين عشان اندمجججج

على رمش عيونها قابلني هوااااااا

طار عقلي مني وقلبي هووووى

وانا يللي كنت طبيب الهوووى

ولأهل العشق ببيع الدوااااا

من نظرة لقيتني صريع الهووووى

ياااااااااه يا بووووي ياااااااا يا بووووي

الرقاصة دي هايلة يا سينو,دي اللي رقصت في فرح بنت رجل الأعمال علي الدسوقي

مين عالي سوقي ده!

اسمه علي الدسوقي مش عالي سوقي,ده رجل اعمال مشهور جدااا,حوت من الحيتان,نفسي اعمل معاه بيزنس,سمعتِ عنه يا سرفي؟

نو بيفر

دانتو مش عايشين في الدنيا بقى,ده تلاقي رامي يعرفه او سمع عنه

لا في الحقيقة,اصل انا سمعي تقيل هههههه

هههههه انت مجرم

ههه ثانكس,بس انا كنت فاكر يا طنط لولى اننا هنيجي هنا مش هنلاقي حد غيرنا,لقيت الطرابيزات مليانة والدنيا زحمة,وده بيدل ان المؤمنين هنا كتير قوي هههههههه

فعلاً يا رامي,الخيمة الرمضانية فرصة عشان اصحاب الأرواح الطاهرة يتقابلوا

احلى حاجة فيكِ انك طاهرة يا طنط لولى ههههههههه.ايه رأيك في الجو الهايل ده يا أيتن؟ سحور على أنغام الفن الهابط

ههه الجو لذيذ موت

دي لو تيتة أمينة عرفت اننا جينا هنا هتطردنا من العمارة هههه

يييي,وليه السيرة النكد دي!مش تجيب سيرتها عشان بتخليني نيرفز بجد

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

يا ياسييييين , فين البنطلون الاسود بتاااااااعي

يا عم ما هو متعلق عندك في الشماعة اهووو , انا ما بجيش جنب حاجتككك

بس يا ياسر انت وياسين عايزة اسمع البيان بتاع رؤية هلال العيدددد

تعلن دار الإفتاء المصرية أن اليوم هو المتمم لشهر رمضان وغداً إن شاء الله هو غرة شهر شوال وأول أيام عيد الفطر المبارك , كل عام وأنتم بخير

بكرة العيد يا ولااااااااد ههههه كل سنة وانتو طيبييييييين

وانتِ طيبة يا مامااااا

يا ياسميييييييين بكرة العيد يا ياسمينتييييي هههه

كل سنة وانت طيبة يا ماما يا حبيبتي هههه

وانتِ طيبة يا روح ماما هههه  السنة الجاية ان شاء الله تكوني في بيت عريسككككك

أنا ما بفكرش في الجواز خالص يا ماما

ماما ههه اهو كل البنات بيقولوا كدة وهما هيموتوا ع الجواز هههه

 والله انت رخم يا ياسر , سامعة ياسر بيقول ايه يا ماما !!!

ههه ما هو عنده حق يا حبيبتي , ربنا يعدلهالك انتِ وكل البنات آمين يارب , يا برتقان احمر وجديدددددد النهاردة الوقفة وبكرة العيددددددد

يا برتقان احمر وجديدددد النهاردة الوقفة وبكرة العيدددددد هههه ... يا سمين , طلعي الملايات اللي بنفرشها في العيد وافرشي السراير , وبعدين حطي عليها مفارش العيد , وعلقي الستاير بتاعة العيد برضو هههه العفش لازم يعيد معاناااا

حاضر يا ماما , من عنيا

تسلم عنيكِ يا روح مامااااا ههه

طب انا نازل يا ماما عشان اعدي على مروان أعيد عليه وناخد معانا كام واحد من اصحابنا ونتمشى في وسط البلد وناكل سندوتشات وايس كريم وحاجات ساقعة ونعيش بقىىىى

ههه وماله يا حبيبي , روحوا فكوا عن نفسكو واحتفلوا بليلة العيد

طب اعمليلي بسبوسة يا ماما عشان العيد بكرة

بسبوسة ايه يا ياسررر! ما احنا عندنا الكحك والبسكوت والبيتيفور والغوريبة , ايه لزوم البسبوسة !!

يا ماما انتِ عارفة اني بحب اكل بسبوسة أول يوم العيد , انا بتفائل بالبسبوووسة

هههه قصدك معدتك هي اللي بتتفائل , حاضر يا حبيبي مش هزعلك , وانت راجع من برا هات معاك كيسين بسبوسة وعلبتين زبادي وانا اعملك احلى بسبوسة هههه,هروح لاشجان اقولها بكرة العيد ان شاء الله

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ترررررررررررررررررررررررن

مييييييين

افتحي يا أشجااااااان بكرة العيدددددددد ههههه

بهيرررررة ههه كل سنة وانتِ طيبة يا حبيبتي

وانتِ طيبة يا اختي , عيد سعيد علينا وعليكو , يلا ادخلي استحمي بقى ههههههه

هههه ايوة هنستحموا ونلبسوا هدوم جديدة كمان

البسي واتهني يا اختي , كل سنة وانتِ طيبة هههه بكرة الصبح هاجي أعيد عليكِ بطبق الكحك ان شاء الله هههه

ايّووووه بنموتوا في الكحك بتاعك وربنا وبنستنوه من السنة للسنة

هجيبهولك بكرة يعيد عليكِ بنفسه هههههه , اومال فين البت رحمة عشان أعيد عليها ؟

انا اهو يا طنط , كل سنة وانتِ طيبة ههه

وانتِ طيبة يا رحومة يا عسل هههه همشي بقى يا أشجان عشان حسين هيتصل بيا من المحل أكيد عشان يقولي كل سنة وانتِ طيبة,والصبح  هعدي عليكِ عشان صلاة العيد السعيد ههههههه

الله يسعدك  يا بهيرة ويفرح قلبك يارب ههههه حبيبتي يختي وربنا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ترررررررررررررررررررررررررررررررن

ده سونسون ع التليفون ههههه اول ما دخلت الشقة التليفون رن,السلام عليكم يا سونسووون

عليكم السلام يا بهيرة,كل سنة وانتِ طيبة والولاد طيبين ههه

وانت طيب يا حبيبي يارب ويخليك لينا ويباركلنا فيك يا سونسون هههه

تعيشي يا بهيرة,أول ما عرفت ان العيد بكرة اتصلت عشان أعيد عليكِ

يعيد علينا وعليك الأيام بخير وسعادة يا سونسون,حاول تيجي بدري عشان نحتفل بليلة العيد هههه

معلش يا بهيرة,عندي ضغط شغل والله ,دي ليلة عيد وانتِ عارفة الزباين بيبقوا كتير

ربنا يكتر زباينك يارب هههه

اومال الولاد فين؟

ياسمين بتعلق الستاير هي وياسين,والأستاذ ياسر نزل وسط البلد هو واصحابه عشان يحتفلوا بليلة العيد

خليهم ينبسطوا يا بهيرة,كل سنة وانتو طيبين,هروح اشوف شغلي بقى..ما تنسيش تتصلي بامي تعيدي عليها

مييين! ايوة ايوة صح,لازم اتصل ,من عنيا يا سونسون,مع السلامة يا حبيبي ..أما اتصل بنينة اللي احلى من ورد الجنينة

ترررررررررررررررررررررررررن

الووووو

يا ماما! ههه كل سنة وانتِ طيبة يا نينة

أهلاً يختي,وانتِ طيبة يا مرات حسين,عملتي الكحك؟

ايوة يا نينة,كحك وبسكوت وغوريبة وبيتيفور

وايه لزومه ده ككككله!!ما كان كفاية الكحك والبسكوووت,لكن هتجيلك القناعة منييين!لازم تغرمي ابني الشقيان اللي ما شافش راحة من يوم ما اتجوزكككك

يا نينة والله هو اللي طلب الغوريبة والبيتيفور

هو اللي طلبهم! هو يا عين امه بياكل ولا بيفكر في أكل! تلاقي طلبهم عشان الجيش اللي مخلفاهوله

هههههههههه هو الجيش بقى تلات تنفار دلوقتي! معلش يا نينة قلبك ابيض,سامحيني عشان بكرة العيد

طيب يختي,ما تنسيش تبعتيلي بكرة مع حسين الكحك والبسكوت والبيتيفور والغوريبة ,ابعتي كتيررر,إياك تستخسري فيا حاااااجة,انتِ مش دافعة من جيبك يختي,كله من خير ابنييي

ربنا يباركلنا فيه يا نينة ويحفظهولنا,حاضر يا نينة هبعتلك كل اللي انتِ عايزاه,لولا ان اخويا ومراته بيجوا أول يوم العيد كنت جيتلك مع حسين والله

لا يختي ما تجيش,بناتي بيجولي وما بحبش حد غريب وسطينا..هبقى اجيلكو تاني يوم  عشان اتغدا عندكو زي العادة

تنوري يا نينة وكل سنة وانتٍ طيبة وحنينة يا منجم السعادة اللي اكتشفته انا لوحدي,مع السلاااااااااامة

الله يسلمك يا شملولة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

يلا يا بهيرة انتِ والولاد عشان ننزل نصلي العيد

حاضر يا سونسون,يلا يا ياسمين,يا ياسرررر,يا ياسييين

حاضر يا ماماااا,كل سنة وحضرتك طيب يا بابا

وانتو طيبين يا ولاد

كل سنة وحضرتك طيبة يا مامااا

وانتو طيبين يا حبايبي,اسبقنا يا حسين انت والولدين,وانا هعدي على اشجان أنا وياسمين وكمان هاخد طبق كحك لفهيمة أعيد عليها وعلى عيالها بيه

طيب يا بهيرة,ما تتأخروش,يلا يا ولاد

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

هاتلنا الأسانسير يا ياسر

حاضر يا بابا..ممم الأسانسير نازل,باين فيه ناس...ههه ده سيادة العميد هاني والدكتور عصام يا بابا

أهلاً,ازيك يا دكتور عصام,كل سنة وانت طيب

وانت طيب يا أستاذ حسين هه

كل سنة وانت طيب يا أستاذ حسين

وانت طيب يا سيادة العميد,معلش وقفنا الأسانسير وعطلناكو يا هاني بيه

هه لالا يا راجل ما تقولش كدة,سعداء بمقابلتك,كل سنة وانتو طيبين يا ولاد

وحضرتك طيب يا سيادة العميد

كل سنة وانت طيب يا ياسر انت وياسين هه

وانت طيب يا دكتور عصام

اومال الأستاذ ماجد مش معاكو ليه يا هاني بيه؟

ماجد هيجي بعد صلاة العيد هو والمدام والأولاد ونتجمع عند أمي إن شاء الله زي العادة كلنا

ربنا يخليهالكو ويباركلكو فيها ويديها الصحة

اللهم آمين

اتفضل يا أستاذ حسين  اركب معانا ,في مكان

لا يا دكتور عصام ,اتفضلوا انتو انزلوا واحنا ننتظر شوية ..كل سنة وانتو طيبين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تررررررررررررن يا أشجان,يلا صلاة العيد يا أختيييي

جايين أهو يا بهيرة,كل سنة وانتِ طيبة

وانتِ طيبة يا أختي,طيب هنزل لفهيمة واستناكِ عند البوابة تحت على ما تيجي انتِ ورحمة

ماشي ...يلا يا رحمة عشان نصلوا العيد

بظبط البنطلون   اهو يا ماما

أيووووة يا بنتي في بنت تنزل تصلي بالبنطلون !

ما انا لابسة الحجاب اهووو!

حجاب اييييييه! حجاب على بنطلون! ده خيبة ايه التقيلة دي

يووو يا ماما يلا يلا يا حبيبتي عشان ما نتأخرش

الله يهديكِ انتِ والبنات اللي دماغهم بايظة زيك يارب ,حد شاف كدة يا اخواتي!

ههههه يلا يا ماما يلا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

استنيني جنب البوابة يا ياسمين على ما اودي طبق الكحك ده لفيهمة

حاضر يا ماما

تن تن كل سنة وانت طيب يا عواد باع أرضه هههه

أهلاً يا ست بهيرة,وانتِ طيبة

اومال فين فهيمة

كلمي يا فهيمة,انا رايح أصلي العيد ,حصليني انتِ وسهير

جايين وراك على طول يا عواد,أهلاً يا ست بهيرة ,كل سنة وانتِ طيبة

وانتِ طيبة يا فهيمة ههه اتفضلي طبق الكحك اهو

من ايد ما نعدمهاش يا ست بهيرة

اومال فين سهير عشان أعيد عليها

أنا اهو يا طنط بهيرة هههه كل سنة وانتِ طيبة

وانتِ طيبة يا سهير يا عسل,دوقي كحكاية وقوليلي رأيك

وريني كدة يا طنط ,بسم الله الرحمن الرحيم ممممم الكحك بتاعك يا طنط حلو زي السكر

هههه دانتِ اللي بقك مسكر وبيحلي الكحك يا بنت فهيمة ,عن اذنكو بقى عشان باين اشجان نازلة هي وبنتها في الأسانسير,رايحين نصلي العيد هههه

هنحصلكو يا ست بهيرة,يلا يا سهيرررر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

انا نازل أصلي العيد يللي اسمك نواااااااااااال

استنى خدني معاك انا وربااااااااااب

ابقوا حصلووووني,حتى في صلاة العيد عايزة تكبس على نفسي,ده ايه ده! ..ده الأستاذ نبيل,ازيك يا أستاذ نبيل ,كل سنة وانت طيب

وانت بالصحة والسلامة  يا أستاذ كمال,يلا يا مااااازن

كنت بلبس  الجزمة يا بابااااا..كل سنة وانت طيب يا عمي كمال

وانت طيب يا مازن يا ابني

اخبار ايهاب ايه يا أستاذ كمال؟

اهو يا سيدي ربنا تاب عليه من امه وعايش في دبي

هههه بيتصل ؟

ايوة بيتصل ,لسة مكلمنا معيد علينا امبارح,بس الفراق وحش,ما انت مجرب وابنك معتز سابك وطفش على أمريكا

هههه هو فعلاً الفراق صعب,بس احنا لنا راحة أولادنا ,كل سنة وانت طيب

وانت طيب يا أستاذ نبيل,هاتلنا الأسانسير يا مازن يا ابني عشان نلحق صلاة العيد

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

الله أكبر الله أكبر

لا إله إلا الله

الله أكبر والله أكبر ولله الحمد

الله أكبر كبيرا

والحمدلله كثيرا

وسبحان الله بكرة وأصيلا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

معاذ

ايوة يا مريم

كنت عايزة اتكلم معاك بخصوص أمي

أمييييي ! مالها أميييييي ؟؟؟؟؟

ما تقلقش كدة , انا بس ملاحظة انها من بعد وفاة جدو وهي حزينة جداً , رغم ان فات اكتر من شهر , دخلت عليها من شوية لقيتها سرحانة وعنيها مدمعة , ولما سألتها مالك يا أمي , مسحت عنيها وابتسمت ابتسامة حزينة وقالتلي مافيش حاجة يا حبييتي , انا هقوم ادخل المطبخ اشوف اللي ورايا

فعلاً انا ملاحظ كدة , بس مقدر انها كانت متعلقة بجدي قوي الله يرحمه , اذا كنا احنا حزنا  عليه رغم اننا ما عيشناش معاه قدها , اكيد هي حزنها أكبر وأعمق بكتير , اكيد بتفتكر ايام طفولتها معاه وازاي رباها وتعب عشانها

الله يكون في عونها مممم معاذ , أنا عايزة اخفف عنها , نفسي اعمل حاجة تخرجها من الحالة اللي هي فيها , نعمل ايييييه ؟

مممم تيجي ننزل نجيبلها هدية ونقدمهلها بطريقة حلوة ونقولها ان دي تعبير عن حبنا ليها ؟

ههه فكرة حلوة قوووي , هتبقى مفاجأة حلوة ليها ان شاء الله , لكن نقولها ايه واحنا نازلين ؟

أي حاجة , اقولك , نقولها هنجيب حاجة وجايين على طول

طيب تمام , انا هروح البس على ما تلبس انت كمان

ماشي يا مريومة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

امييييي انا هاخد مريم ونازلين نشتري حاجة وجايين على طول

حاجة ايه دي ؟

حاجة كانت مريم عايزاها

وانتِ عايزة ايه يا ست مريم ؟

ههه لما اجي هقولك يا أمي , يلا يا معااااااذ

يلا يا مريم , السلام عليكم يا أمي

عليكم السلام يا حبيبي , رايحين فين دول !

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

حلوة قوي يا معاذ العباية اللي اشتريناها , هتعجب أمي إن شاء الله , بس انا عايزة اقدملها ورد معاها

ومع الورد كارت رقيق فيه كلمة رقيقة مننا

ايوة , كدة تبقى الهدية جميلة قوي ومعبرة

طب يلا على محل الورد

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

دي أمي باين عليها لسة في المطبخ يا معاذ

ايوة فعلاً , تعالي نحط الورد والهدية وعليها الكارت في اوضتها ونستخبى ونراقب رد فعلها ههه

ههه افكارك تجنن  يلا يا معاذ

 أميييييي

انتو رجعتوا يا ولاد !

.........................................

هما ما بيردوش ليه ! أما اخرج اشوف كانوا فين الأساتذة

***********************

يا معاااااااذ ,يا مريمممممممممم

.........................................................

الله ! هما نزلوا تاني ولا ايه !!! ده نور اوضتي قايد , أما اروح اشوفهم بيعملوا ايه في اوضتي

معاذ مري........................ ايه ده ! ايه الورد الرقيق ددده ياااااااااه بقالي كتير ما شوفتش ورد رقيق وجميل بالشكل ده , اما اشمه كدة ...... الله مممم ريحته جمييييييلة وايه العلبة دي ! مممم دي عباااااااية ههه لونها روز زي ما بحب.. وده كااااااارت, مكتوب فيه ايه ! ممممم إلى أغلى وأحن وأجمل أم في الدنيا , إليكِ يا أمي الحبيبة يا أروع ما في هذه الحياة , ابنائك معاذ , مريم ... يا حبايبي يا ولادي , يا حبايبي , انتو فين يا حبايبييييييي

احنا هنا يا أمييييييييييي ههههههه

هههههه يا حبايبي ,الهدية الجميلة والورد والكارت الرقيق ده عشااااااااني ؟

ايوة يا أمي هههه

هههه بمناسبة اييييييييه ؟؟؟

ههه يلا يا مريم ردي ورايا الأغنية ...أحن قلبببببببببببببببب  في الدنيا قلبك انتِ يا أمييييييي

انتِ يا أميييييييييييييي

وأغلى حب في الدنيا حبك انتِ يا أميييييييييي

انتِ يا أميييييييي

ربيتي اختيييييييييي

كبرتي اخويااااااااااااااااا

تعيشي لياااااااااااا انتِ وابوياااااااااااا

انتِ يا امي انتِ يا أمييييييييي

انا اسمي غنووووووة على شفايفككككككك وانتِ اسمك في قلبي غنووووووة

وكل لحظظظظظظة يبانلي عطفك من دعوووووة حلوووووووة

والدعوة منك يسمعها ربك انتِ يا اميييييييييي انتِ يا اميييييييي

احن قلب في الدنياااااااا قلبك انتِ يا امي انتِ يا امييييييييي

انتِ يا أمييييييييييييييي

هههههه الله الله الله كمان اتنين كراونات بيغنووووولي ! ربنا ما يحرمنيش منكو يا ولادي يا حبايبي

هههههه يعني مبسوطة مني انا ومعاذ يا أمي

ربنا ما يحرمنيش منكو يا مريم . عشان كدة بقى اخدت مريم ونزلت يا معاذ ؟

ههه كنا عايزين نعملك مفاجأة يا أمي

يا حبيبي يا ابني , ربنا ما يحرمنيش منك انت واختك ياااااااارب

خيااااااااااااااااانة كل حلفاؤك خانوك يا ماااااااااااااااجد ههههههه قفشتكو يا خوووووونة هدية وورد وكارت لامكو وانا لااااااااا !!! انا هلم هدومي واروح عند امي يا منااااااااال

ههههههههههههههههههههههههه لا يا أبيييي ما تسيبنااااااااش

ههههههههههههههه عاجبكو كدة ! اديكو وقعتوا بيني وبين ابوكوووووو , والله يا ماجد ماليا ذنب , لكن انت جيت  امتى ؟؟؟

جيت من اول الخيانة , من ساعة ما ولادك جابوا الهدايا وحطوها في الاوضة واستخبوا وحضرتك دخلتي وشوفتيها وانشكحتي وبعدين الأستاذ المطرب والسنيدة بتاعته ابتدوا يغنوووووولك , طيب يا ولاد منااااااال

هههههه يا أبي انا ومعاذ غنينالك انت كمااااااان

ايوة سمعت اسمي ع السريع في الغنوة , كتر خيركو يا ست مريم هههه انا مش زعلان يا ولاد والله ,  دي مداعبة بريئة , انا عارف انتو عملتوا كدة عشان تخففوا عن امكو , ربنا ما يحرمناش منكو يا حبايبي

ولا منك يا أبي ههههه أنا ومريم ماعندناش أغلى منكو في الدنيا

ايوة يا أبي , ربنا يخليكو لينا وما يحرمناش من حنيتكو , ويبقالك هدية عندي انا ومعاذ ههه

ههه انتوا هديتي يا مريومة , اللي عنده ولد وبنت زيكو يبقى انسان محظوظ , اللهم لك الحمد , بس برضو لازم تتعاقبوا انتو وامكوووووو , يكون في علمكو بكرة مافيش غدا في البيتتتتتتتتتت

ليه يا أبييييييي ؟

عشان عقاباً ليكو كلنا هنتغدا برا في أي مطعم تختارووووووه

ههههههه هييييه هنتغدا برا يا معااااااذ , بحب الخروج العائلي قوووي

ربنا يخليك لينا يا ابي ههه بقالنا كتير ما خرجناش مع بعض

ما هو عشان كدة هعوضكو أيها الرعية انتو وجلالة الملكة هههه

هههه ربنا يخليك ليا يا ماجددددد وعشان الموقف الجميل ده خلعت عليك لقب وزير البلاط  هههه

 وزير البلاط  !!! ربنا ما يحرمناش من جلالتك ههه الغدا يا جلالة الملكة  , ولا هتفضلي ماسكة الورد كتير ! ههه

ههه يا حفيظ من  الحقد , حاضرررررر الغدا هيكون جاهز حالااااااا تعالي معايا يا مريووومة

حاضر يا أمي , عن اذنك يا أبي يا حبيبي اموووه ههه

حبيبتي يا مريومة ههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

مازن , تشرب نيسكافيه معايا ؟

..................................

الله ! ماااااااازن , الولد ده ماله سرحان في ايه !!! ماااااااااازن

هااا !! بتكلميني يا ماما؟

لا بكلم خيالك هههه سرحان في ايه ؟

ممممم ماما أنا عايز اتجوز

هههههههههههههههههههههههههههههههههههههههه

ايه يا ماما ! أنا قلت حاجة تضحك !!!!

لا يا حبيبي أنا بضحك من فرحتي ومن محاسن الصدف

محاسن الصدف ازاي يعني !

اصل كنت لسة هكلمك في الموضوع ده , كنت هقولك ايه رأيك نخطبلك نانيس بنت خالتك منى

ميييييييين ! بقولك ايه يا ماما ابعديني عن خالتي منى وبناتهاااااا , بلا نانيس بلا نسانيس على رأي تيتة

ليه كدة يا مازن ! هي نانيس وحشة ! دي زي القمر ماشاء الله وهتتخرج السنة دي من كلية الإعلام

ربنا يوفقها ويرزقها بإعلامي زيها ويكون مذيع لامع يتجوزها ان شاء الله , لا أنا بفكر في واحدة تانية

أهاااا قول كدة بقى , الباشا اختار ويمكن اتفق كمان مع العروسة وفي الآخر بيبلغني

اخترت اه , لكن اتفقت لا , العروسة متدينة جدا ومش من النوع اللي بيتفق على الجوازات من ورا اهاليهم , هي ما تعرفش حاجة خالص ولا تعرف اني اخترتها

ممممم ودي تبقى مين ؟

ياسمين

ههههه بنت بهيرة ؟

ايوة

والله كان قلبي حاسس ههه

ايه رأيك يا ماما ؟

في الحقيقة البنت ممتازة يا مازن , مؤدبة ومتربية وكفاية اننا عارفين عيلتها كويس وجيراننا من سنين

ههههه يعني موافقة ؟

ايوة طبعا موافقة يا حبيبي , طالما مختار صح يبقى هعترض  ليه !!! بس لازم تفاتح بابا وتاخد رأيه

طبعا يا ماما

طب قولي هتشرب نيسكافيه ولا لأ ؟

لا يا ماما , أنا حاسس اني جعان قوووي

ههههه وماله يا حبيبي , اصل الحب بيجوع

حب ! ماما أنا اخترت ياسمين بناء على حسن اخلاقها وادبها و احترامها

ممممم يعني مش بتحبها يا دكتور مازن ؟

هههههههههه ما تكسفنيش بقى يا ماما

ههههههههههههههههههههههه طيب يا حبيبتي هروح اجيلك حاجة تاكلها

ماشي يا ماما , وانا بعد الأكل هاخد عربيتي واطير على بابا في المكتب عشان اكلمه في الموضوع

باين انك مستعجل قوي يا حبيبي ههه ع العموم ماشي روح فاتح باباك في الموضوع