الحلقة الحادية عشر(ف2)

الكتاب: خلف هذه الجدران  

الجزء الخامس

بقلم: هبة نور           

الناشر: المؤلف

رقــــم الإيداع: 00000/2017م

***************************************

بس حلو قوي المفرش اللي جابتهولك ناهد ده يا ياسمين

آه يا ماما,حلو وشيك قوي بصراحة

هههه مش خسارة فيكِ يا حبيبتي

ترررررررررررررررررررررررررررررررررررررررن

خليكِ يا ياسمين,انا اللي هروح افتح يا روح ماما,شيلي المفرش ده في علبته بقى وحطيه وسط جهازك

حاضر يا ماما

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

تررررررررررررررررررررررررررن

طيب يللي ع الباب جااااااااية,مييين؟

افتحي يا بهيرة انا حمااااااااااتك ,لطعاني ساعة ع الباب لييييه؟بتخبي ايه جواااا؟ افتحيييي

نيييييييينة يا حبيبتي يا نيننننننننننة ايه المفاجأة الصادمة للخيال دددددي !

خيال ! هو انتِ لسة بتجيلك التهيؤات يا مرات حسين !!! الهي يشفيكي انتِ واللي زيك وينجي حسين منك

ربنا يخليكي لينا يا نينننننة هههه ايه الازازة اللي معاكي دي ! ازازة دوا ؟

لا , ازازة شربات , مش خسارة في ياسمين , هي فين عشان اباركلها ؟

هناديهالك حاضر , لكن انتِ ما باركتليش يا نينة , انا أم العروسة على فكرررررة

ده من بختها الاسود وحظها الطييييييين , عيني عليكِ يا بنت ابني , الحمدلله ربنا تاب عليها منك وهتتجوز وتروح بيت عدلها , ناديلي البت على ما اريح ركبي اااااه يا ركبي يامّااااا, يا صغيرة على وجع الركب يا محرووووسة

هههه سلامة ركبك يا نينة , شكراً على قصيدة الشعر اللي قلتيها فياااااا

خدي بلي الشربات واسقيني منه , اعمليلي دورق وحطيه ع الطرابيزة جنبي , اصب واشرب براحتي لحد ما اشبع ,  انا دافعة في الازازة دي عشرة جنييييييه

حاضر يا نييييييييينة , جايبة ازازة شربات ومستخسراها فينا هههههههههه ياسمييييييين يا عروووووسة تعالي كلمي تيتة عايزة تباركلككككككك

****

تيتتتتتتة حبيبتي هههه وحشتينيييي

هههه اهلاً بالعرووووسة صلاة النبي احسن , قمرررر, طالعالي يا بتتتتت, تعالي هاتي بوووسة ,الف بركة يختي

ههه يا حبيبتي يا تيتة اموووه الله يبارك فيكِ ويخليكِ لينا يارب

يا رب يا بنت ابني , نفسي اعيش لحد ما اشوف عيال عيال عيال عيااااالك , يارب خليني واديني الصحة يارب لحد ما اشوف اليوم ده

هههه يارب يا تيتة

الواد العريس حليوة ومعجباني كدة ولا شبه اخواتك الصبيان ؟

هههه هما اخواتي وحشين يا تيتة !!! ياسر وياسين زي القمر ماشاء الله وخصوصاً ياسين

ايوة ما هو شبه حسين , لازم يطلع حلو ومسمسم , انما ياسر والعياذ بالله شبه اللي ما تتسمى امه , ما قلتليش العريس حلو ولا شبه أمك ؟

ههه ممم هتشوفيه يا تيتة يوم كتب الكتاب ان شاء الله , على العموم شكله كويس الحمدلله

جابلك ايه وياه وهو جاي يخطبك ؟

جاب حاجات كتير , حلويات وشيكولاتات وكدة يعني

حلويات وشيكولاتااااااات , شوفتي امك اللي لئم الدنيا وخبثها فيهااااااا ! ولا جابت سيرة عن الحاجات اللي جابها العريسسسسسس

اتفضلي يا نيييينة , عملتلك طبق مشكل من الحلويات اللي جابها عريس ياسمين , بسبوسة بالبندق والفستق وكنافة بالقشطة وبقلاوة وروااااااااااني, كفاية ولا اجيب تاااااااني ؟

فين الشيكولاتة يا حراااااااااامية , يللي ما عندكيش ريحة الدم يا ام كرش واسع يللي عايزة تاكلي لوحدكككككك

يا نينة والله هديكِ شيكولاتة بعد الغداااااا

هاتيها دلووووقتي , ايش ضمني بعد الغدا تقوليلي خلصتتتت, وكمان امليلي طبق تاني غير ده عشان اخده معايا وانا ماااااااشية

حاضر يا نينة , احنا عنينا ليكي هههه

خلصتي الغدا ولا لسسسسسة؟ ,انا جعاااااااانة

حاضر والله يا نيييينة , يلا يا ياسمين عشان تحمري الفراااااااخ

حاضر يا ماما , عن اذنك يا تيتة

اتفضلي يا عيون تيتة , حمري الفراخ في السمن البلدي يا ياسمييييين

حاضر يا تيييييتة

منورانا يا نيييييينة , عن اذنك عشان اعمل السلطة ونغرف الأكل

روحي يا شملولة , الله , ايه الحاجات الحلوة دي , عمري ما شوفتها في حياتي , الحمدلله يا رب عوضت عليا عوض الصابرين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

الغدا عجبك يا نينة ؟

طالما من ايد ياسمين يبقى حلو وزي العسل , لفيلي نص الفرخة ده مع طبق بطاطس وطبق رز عشان اخدهم معايا وانا ماشية

حاضر يا نينة , عن اذنك هروح اغسل المواعين , ياسمين دخلت تذاكر .. ال لفيلي النص فرخة ورز وبطاطس , هي هتاخد ايه ولا ايه ! ارحمنا يارب برحمتككككك

اعمليلي دورق شربات تاني من اللي انا جايباه يا بهيرررررررررة

تررررررررررررررررررررررررررررررررن

حاضر يا نينة هفتح الباب واعملك

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

مييييين

أنا اشجان , افتحي يا بهيررررة

تعالي يا اشجان يا اختي

امين اللي جه يا بهيرررررررررررة ؟

هي حماتك عندك !

ايوة , دي اشجان يا نييييييييييينة , ادخلي يا اشجااااااااااان

ههههه مالك !!!

من الغلب اللي انا فييييييييه , جت تباركلنا ع الصبح , جابت معاها ازازة شربات وشربت نصها ههههههههههههههههههه

هههههه ايوة كدة اضحكي يا ام العروسة

ههههههههههههههههههه والله يا اختي الضحك اللي بيصبرني ع اللي بشوووووووفه هههههه ادخلي يا اشجان

طب خدي هدية ياسمين , جبتلها طقمين كاسات وطقمين شيّ وطقم توابل وطقم سكاكين

 أنا اللي عايزة طقم سيوووووف , كل ده يا اشجان ! ليه كدة يا اختي؟

وربنا ما يغلى عليكوووو , أما ادخل اسلم على حماتك , انقلي الحاجات دي على اوضة ياسمين

 ادخلي يا أختي, اااااه حاجات تقيلة قوي,اشجان جاية تسلم عليكِ يا نيييييييييينة

اهلاً بيها

مساء الفل يا حاااااااجة هههه

مساء القشطة يا ام رحمة , يا ألف خطوة عزيزة

يعز مقدارك يارب , ايّووووه الكلام بتاع زمان اللي ما بنسمعهوش إلا من لسانك السكر يا حاجة أم حسين , الف مبروك لياسميييييين

الله يبارك فيكِ يا ام رحمة , تفرحي برحمة يارب

تعيشي يا حاجة الله يخليكِ يا بركة

الله يكرمك , بهيررررررة هاتي لام رحمة شربات من اللي انا جبتهولكووووو

حاضر يا نيييييييينة , فاضل شوية في الازازة هعملهوملها اهو

لحقتي خلصتيها يا بعيدددددة !!! جبتلهم ازازة شربات غالية قوي يا ام رحمة , دافعة فيها عشرة جنيه وما فاصلتش

هههه تعيشي وتجيبي يا حاجة

طول عمر خيرك مغرقنا يا نيييييينة , اتفضلي يا اشجان , شربات من اللي جايباه نينة

شكرا ً يا بهيرة

عرفي جيرانك كلهم اننا جبت ازازة شربات يا مرات حسيييييين

عيني يا نينة حاضر , هلف عليهم شقة شقة اقولهم

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

أما اتصل بسامية بنتي اقولها ان ياسمين بنت حسين اتخطبت

تررررررررررررررررررررررررررن

ههه اهلا يا ماما , كنت لسة هطلبك بعد ما اخلص طبيخ

طابخة ايه يا سامية ؟

سبانخ , هتيجي تتغدي ؟

لا مش قادرة اجي  النهاردة , ابقي شيليلي طبق وتلات اربع حتت لحمة وهاجي أكلهم بكرة

تلات اربع حتت ايه يا ماماااااا ! دانا طابخة على نص كيلو لحممممممة

طول عمرك فقرية يا سامية يا بنتي , قطيعة التلات عيال اللي مخلفاهم مافي حد فيهم فاتح نفسي , إلا كلهم عايشين ع القد وبيحسبوها بالمليمممم , المهم , دريتي ان البت بنت حسين اتخطبت ؟

بنت حسين ميييين ! حسين اخويااااااا ؟

اومال هيكون حسين مين !!!! اتخطبت لواحد جارهم

بقى كددددددددة ! بقى حسين يقولي مش هجوز البت دلوقتي عشان الجامعة والطين اللي علىدماغهم وفي الآخر البت تتخطب بعدها بشهررررر !!! يبقى هما بقى اللي ماكانوش عايزين ابنييييي

كله قسمة ونصيب يا سامية , معلش , بكرة حسام ياخد نصيبه زي ما ياسمين خدت نصيبها

نصيبهااااا ! طبعااااااً رفضت ابني وخدت ابن الجيرررررران , تلاقي كان بينهم غراميات وابنك حسين نايم على ودااااااانه

اخرسي يا بت قطع لساااااانك , إياك تجيبي سيرة ياسمين بنت حسين تااااااااني , صحيح انا ما بطيقش اللي اسمها بهيرة ولا بتنزلي من زور من ساعة ما حسين اتدبس فيها وخدها , لكن الشهادة لله مربية البت ياسمين تربية نضيفة

دافعي عنهم قوي يا ست مامااااااا , بقى دي عملة يعملوهاااااا , بقى يرفضوا حساااااااام ويوافقوا على ابن الجيراااااااان !!! وده بيشتغل ايه بسلامته ؟

حسين قالي انه بيعيد في الجامعة , ادعيله ربنا ينجحه ويطلع منها

ان شالله ما طلع ولا نززززززل , وانا مالي انا ادعيله لييييييه , يكسروا بخاطر ابني وادعيلهممممم !

خاطر ابنك ايه اللي كسروه ! هو ابنك بيحسسس ! ده جبلة بعيد عن السامعييييين

الله يسامحك يا مامااااااا عيني عليك يا ابني , ماحدش حاسس بيك غير امكككك

روقي دمك يا سامية واتصلي باخوكي باركيله

لا هباركله ولا ليا دعوة بيييييه , ان شاء الله جوازة سووووووودة

سودة على دماااااااغك , يا بنتي ليه كددددددة , دي ياسمين غلبااااااانة

غلباااااااانة ! دي تعبانة زي امها ولدغتها والقبررررر , الحمدلله ان ربنا خلصنا منهااااااا, جاتهم القرررررف

الحقي يا ماما السبانخ اتحرقتتتتتتتت

يا لهوووووووي نص كيلو اللحمة ضاااااااااع اهئ اهئئئئئئئئئئ اقفلي يا ست ماماااااا ادي اللي بناخده من سيرة حسين والعقربة مراااااااااااته , سلااااااام

الله يسلمك , اما اقوم اكل الحلويات اللي جبتها معايا من نن عين بهيرة,كانت عايزة تاكل لوحدها مرات حسين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

طيب يا حسين يا اخويا انت ومرااااااتك , بقى تستخسر بنتك في اختك !!! كتير عليا ياسمين تخدمني يا حسين وتديها للغُرب   ! حسبي الله ونعم الوكيييييييل

ايه يا ماما في اييييه ؟

تعالي يا شروق اسمعي العجب ,البت بنت خالك حسين اتخطبت لواحد جارهم

اتخطبت ! مش خالي حسين قال انه مش هيوافق على خطوبتها إلا بعد ما تتخرج ؟؟؟؟

اتاريه كان بيقولنا كدة عشان ينيمنا في العسل يا شررروق , طيب يا حسين طيييييب اااااخ البت طالعة من عيني يا شرووووق , طيبة وعلى قد ايدينا ومش بتاعة مشاااااكل , ايش ضمنا بللي هيبلينا بيها اخوكي حسااااام , ده غير نضافتها , البت فلة فلة فلة وشايلة شقة امها شييييييل  , كانت هتخليلي الشقة قشططططة اااااااخ يا نااااااااري

معلش بقى يا ماما ما تزعليش نفسك , هي اللي خسرانة حما طيبة زيك

يلا منها لله هي وامها وابوهااااا الهي يرزقها بحما تسقيهولها من كيعانهااااااا

يارب يا ماما ان شاء الله , ما هي اتبطرت على حسام اخويا , وعلى رأي المثل اللي بتقوله تيتة محروسة , البطران يلاقي قطران

ان شالله يا بنتي , ان شالله , نفسي يندموا ندم عمرهم على حساااااااااااام

ترررررررررررررررررررررررررررن

جرس الباب بيرن يا ماما

يووووو تلاقيها واحدة من الجيران الغجرررر , قوليلهم ماما نايمممممة, مش عايزة اشوف خلقة حدددد

حاضر يا ماما

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ميييييين

انا خالتك عايدة يا شروق افتحي

خالتي عايدة ههههه تعاااااالي , دي خالتي عايدة يا ماماااااا

بلا نيلة , خليها تدخخخخخخل

ادخلي يا خالتي , ماما عمالة تندب في الانتريه

تندب على مين !

***

ازيك يا سامية

اهلا يا عايدة , تعالي شوفي الخيبة اللي اختك فيهاااااا

في ايه بس ماااااااالك ؟

البت ياسمين بنت حسين اتخطبتتتتتتت

ايوة ماانا عرفت , ماما قالتلي , عشان كدة انتِ زعلانة ؟

يعني يرفضوا ابني ويفضلوا عليه الغريب وما ازعلش يا عايدة !!!!

هههه يختي ولا تزعلي ولا تشيلي هم , طب ده حسام ألف واحدة تتمناه ,  عندك بناتي شهيرة وشاهندا , اختاري اللي تعجبك فيهم

مييييييييين ! اختار واحدة فيهم ! قطعوا الاتنييييين لا شكل ولا منظررر, خسارة فيهم الأسامي , واحدة قصيرة وتخينة والتانية طويلة وبضب , ده غير النتانة , ابلي ابني بواحدة وحشة وزايدة على وحاشتها عفانة  عشان يدعي عليا طول العمررر !!!

انتِ بتتكلمي عن مييييين ! انا بناتي وحشين ومعفنين !!! اسم الله على حلاوة ونضافة بنتككككك

ايه يا خالتي انتِ جاية تشتمينا في بيتنا ولا ايييييه !!!

 انتو هتعملوني سندوتش وتتسلوا عليا ولا ايييييه ! انا ايه اللي جابني هناااااا ! أنا قايمة ماااااااااشية

اقعدي يا عاااااايدة اقعدي يختي ما تاخديش على كلامي, انا أعصابي تعباااااانة , وانا لما تكون أعصابي تعبانة بقول الحقيقة وازعل اللي حوالييييية , حقك عليا يا أختي اقعدي

خلاص قعدت , اللهم اخزيك يا شيطان , اخبار جوزك ايه ؟

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

بتتصل بمين يا سونسون  ؟؟؟

بتصل بسامية عشان اعزمها على كتب الكتاب , لكن كل ما اتصل تكنسل وما تردش

تلاقيها زعلانة

اووووف المفروض تعرف ان كل شيء قسمة ونصيب

هنعمل ايه بقى ! الله يهديها

طب معلش روحيلها بنفسك بكرة يا بهيرة راضيها بكلمتين واعزميها

ميييييييييين !!! أناااااا !!!

ايه يا بهيرة ! مش عايزة تروحي لاختي تصالحيها !!! انا مش عايز جوازة ياسمين تكون سبب في زعل اختي مني

ولا انا يرضيني يا سونسون يا حبيبي , بس اخاف اروحلها تقابلني وحش

معلش , حتى لو حصل استحمليها عشان خاطري

اه طبعاً , استحمل , اومال مين يعني اللي يستحمل غيري ! حاضر يا سوسووووون

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

حساااااااام مين ع التليفون يا حسااااااااااااااام ؟

كلمي يا ماما , خالتي عايدة ع التليفون

هات يا حسااااااام , ايوة يا عايدة

ايه يا سامية , ما انتِ عايشة وبتردي ع التليفونات اهو , اومال ما بترديش على حسين اخوكي ليييييييه ؟

بلا اخويا بلا خيبة تقيييييييلة , هو بعد اللي حصل منه له عين يتصصصصصصصل !

بيتصل يعزمك على كتب كتاب ياسمين

يعني متصل عشان يغيظني ويفقع مراررررررتي , طب الحمدلله اني ما رديتششششش

هو انتِ مش هتروحي كتب الكتاب يا سااااامية ؟

ابدااااااً يحرم عليا حسين ودخول بيت حسين ليوم الدييييييين , خليه يفرح بالعريس , بكرة يدي بنته بالصرمة القدييييييييمة

واحنا مالنا يديها بالصرمة القديمة ولا الجديدة , احنا لينا نلبي الدعوة وما نزعلش اخونااااااا

اخوكي انتِ لوحدككككك, انا اتبريت منننننننننه

ترررررررررررررررررررررررررررررررررررررررررن

شوف مين ع الباب يا حساااااااااااام , يا حسااااااااااااام

حاضر يا ماماااااااااا حاضرررررررر ايه دددددددده !!! كل شوية يا حسام يا حسااااااام , ما تصحي القتلا اللي نايمين جوااااااا ,اووووووووف

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

مرات خالي !!!

هههه ازيك يا حسام يا ابن سااااااامية

اهلاً يا ... مرات خاااااااالي

ومالك بتبصلي زي السفاح كدة ! ههههه ماما فين ؟؟

بتكلم  خالتي عايدة في التليفون , اتفضليييييي

يزيد فضلك

مين جه يا حسااااااااااااااااااااااااااااام ؟

يا مامي !!! صوتها بيخوفني زي صوت نينة , انا اللي جيت يا اختيييييييييي

بهيرررررررررررررة !!! يا وقعة سوووووووودة !!! اقفلي يا عااااااااايدة

اهلاً يا ست بهيرررررررة اهلاً بام العرووووووسة

هههه اهلاً بيكِ يا اختي , عقبال ما تفرحي بحسام

مالكيش دعووووووة , عايزة مننا ايه يا بهيرة بعد ما كسرتوا بخاطرنا وفضلتوا الغرب عليناااااااا

يا اختي كل شيء قسمة ونصيب , كل واحد فينا مكتوبله حظه ونصيبه من قبل ما ربنا يخلق الدنيا . وحسام ان شاء الله ربنا هيعوض عليه

طبعاً يا حبيبتي هيعوض عليه ان شاء الله بست ست ست بنتكككككك ,هو ابني  شوية !!! ده حسام يقعد ع البساط وينقي ست البنااااااااات

يقعد يا حبيبتي ع البساط براحته , بس اوعي يتزحلق هههههههههههههه

بتتريئي علينا يا مرات حسين !!! فاكرة بنتك أملة قوووي ! جاتها خيبة , اللي ما بتعرف تتكلم كلمتين على بعض وبتتكسف من خيالهاااااااا

ربنا يرزقك بعروسة لابنك  رغاية وبقها ما بيتقفلش  ويعوض صبرك خير يا حبيبتي ههههه

طبعاَ يا بهيرة وبكرة تشوفي , ممروعين على ايه بلا وكسة !!! دانا اللي كنت بتحايل على حسام يخطبها وهو يقولي لا يا ماماااااا مش عايزها يا ماماااااا وانا اقوله معلش يا حسام يا حبيبي عشان خاطررررري دي بنت خالك وعنست والقطر فاتهااااااا لحد ما قالي حاضر زي بعضه

هي مين دي اللي عنست يا سامية !!! بنتي عندها واحد وعشرين سنننننة , انا اتجوزت اكبر منها بسنة

ايوة ما اهو اخويا خدك بايرة وابني كان هياخد بنتك البايرة , ما اصل رجالة عيلتنا بيلموا البضاعة اللي مالهاش سووووووووق

ههههههههههه معلش يا اختي , اهو ربنا نجد ابنك , ابقي دوريله على العروسة ذات الاربعتاشر ربيعاً عشان تربوها على ايديكو وتشوف معاكو الفرح كله من أوله  . كفاية بقى يا حبيبتي الفاصل الموسيقي اللي سمعتهولي واسمعي مني الرسالة اللي بيبلغهالك حسين

قولي يختي رسالة جناب الواااااالي

هههههههههههههههههه حلوة , محسساني اني جايالك من القلعة على فرس . شوفي يا اختي , حسين بيقولك فرحتنا مش هتكمل إلا بوجودك يا ام حسام يا اختي يا غالية وعقبال ما نيجي نبارك ونهني في فرح حسام وشروق واخواتهم

اوووووف ماشي , هعمل بأصلي واجي , رغم انكو ما تستاهلووووووش

هههه الله يبارك فيكِ يا اختي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ياسمينتي ههههه  العريس واهله جم برا والمأذون  كمان جه وهيكتبوا الكتاب دلوقتي يا حبيبة ماما اموووه

ممم دلوقتي !

اومال بكرة ! ههههه يلا خلصي لبس بقى عشان تخرجي تسلمي عليهم وعلى عمااااااتك

هما عماتي جم ؟

ايوة جم , واجوازهم كمان جم وقاعدين مع ابوكي

وتيتة فين يا ماما ؟

تيتة في المطبخ يا حبيبتي بتتفقد احوال الجاتوه ههههههه

ههههه

طب اسيبك بقى تكملي لبس وهرجعلك تاني عشان اخدك

طيب يا ماما

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

اهلا يا ام العريسسسس ازيك يا اختي ههههه

هههه حبيبتي يا بهيرة يا حما ابني هاتي بوووووسة

بوستين والله مش خسارة فيكي هههههه اموووه اموووه , ازيك يا مدام هددددى

ازيك يا بهيرة , الف مبروك للولاد ههه

الله يبارك فيكِ يا حبيبتي امووه امووووه نورتينااااا , منى ازيك يا منمووونة ههههه

مبروك يا بهيرررررة امووه امووووه والله فرحتلكو قوووي ,البنات كانوا هيجوا معايا بس قلتلهم خليكو لليلة الزفاف والفرح الكبير, و كنت عايزة اقول للناس كلها على كتب الكتاب وافرحهم معانا , بس ما لحقتش , روحت نشرت الخبر ع الفيس قبل ما اجي وقلت هو يقوم بالواجب ههههه

هههههه اه والله , زمان خبر كتب الكتاب لف الدنيا من شرقها لغربهااااا يا مرحب بوكالة رويتر للأنباااااء نورتيناااااااا ههههه

وانا يا طنط ما نورتكيش ولا ايه ! ولا انا مش اخت العريس اللي هنكد على ياسمين ! هههه

هههههه تقدري يا بنت ناهد ! دانا كنت اقطع رقبتكككك امووه اموووه نورتينا يا هدير يا نسخة منى الصغننة هههههه

هههههه الف مبروك يا طنط , هي فين مرات اخويا ؟

لسة مابقتش مرات اخووووكِ

هتبقى ان شاء الله بعد دقايق هههه هي فيييييين ؟

في اوضتها يا حبيبتي اتفضلي , يا مرحب  يا سامية يا اخت جوززززي 

مرحب بيكي  يختي 

نورتينا  يا عايدددددددة

الف مبروك يا مرات اخويا , هههه دانا من فرحتي هزغرتتتتت

عااااااايدة والله لو زغرتي لا تكوني اختي ولا اعرفككككك

جرا ايه يا ساااامية ! بلاش ازغرت لبنت اخويااااااا !

خلاص يا جمااااااعة , هتخسروا بعض عشان زغروتة !!! ههههه منورين يا اخوات جوزي يا حلويننننن

هي مالها كدة بهيرة عمالة تتنطط ورايحة جاية لما خيلتنااااا!

الله ! مش فرح بنتها يا سامية ! دي أم العرووووسة , ال على رأي ماما , أم العروسة فاضية ومشغولة هههه

يختي بلا نيلة , مين الولية المهبولة أم فشة عايمة اللي نازلة ضحك هناك دي ؟

دي ام العريس يا سامية , تعالي نسلم عليها ونباركلها

والله ما هنعبرهااااااااا , ما تجيش هي ليه ! على رجليها نقش الحنة !!! عالم ما عندهاش دممممم

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

عقبالك يا رحوووومة هههه

الله يخليكِ يا طنط بهيرة هههه ماما بتقولك تعالي قوليلها تحط كام حتة جاتوه في كل طبق عشان هي مش عارفة

رايحالها اهو هههه

طب انا هدخل لياسمين

ادخلي يا حبيبتي , عقبال عندكو يا حباااااااايب , مش عارفة حودة اخويا ومراته اتأخروا ليه !!!

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

شجووووووونة

تعالي يا بهيرة انجديني من الحيرة اللي انا فيهااااا بنقولوا نحطوا حتتين جاتوه في كل طبق والحاجة بتقول خليهم اربعة عشان الناس تاكل وتشبع

ايه يا نيييينة ! اربعة ليه بس ! كدة الجاتوه مش هيكفي

ابعتوا هاتوا تااااااااااني , هما الحتتين يشبعوا عيل صغير !!! طب دانا واكلة ستة لحد دلوقتي وما شبعتش , البتاع الجاتوه ده زي الريشة , لا وزن ولا تُقل والمتعشي بيه جعااااااان

هههه يا نينة هما حتتين كفاية قوي ومعاهم الحاجة الساقعة , ده مش عشا , ده حاجة كدة لزوم الحفلة يعني

انتِ حررررة ما هو اللي يدخل بيت البخيل ما يلومش إلا نفسسسسه , وانا مااااالي حاشرة روحي لييييه ! بس يكون في علمك هاخد معايا دستة وانا مروحة

طبعاً يا نينة , ما اصل احنا عندنا شجرة جاتوه تحت بيتنا وبنقطف منها ههههه

فكرتيني بشجر الجاتوه اللي ابويا كان زارعه في البلد

وده راح فين يا نييييينة ؟

منها لله الدودة كلته والمحصول باظ , ابويا زعل وكان هيروح فيها , لكن امي وقفت جنبه وباعت دهبها وزرعوا الأرض بسبوسة

ههههههه هاتي حتة بالبندق يا نينة

واجيهالك منيييييين !!! قطيعة تقطع النمل اللي كل المحصووول , هو ابويا وامي ماتوا مقهورين من شوية !!! انا خارجة اشوف المعازيم

اتفضلي يا نينة  , حاسبي في شجرة بسبوسة في وشك ههههههه

اتصدقي وربنا يا بهيرة أول مرة نعرفوا ان الجاتوه والبسبسوسة بيتزَرَعوا

هههههههههههههههههههههههه  بيزعروها في فرن درجة حرارته 180 يا اختي , مش عارفة اعمل فيكِ ايه يا اشجان , انتِ وحماتي انسب اتنين لبعض , هي تفشر وانتِ تفتحي بقك من الذهول وتصدقي هههههه

طب سيبينا من حماتك وناوليني الصحون اللي هناك دي عشان نرصوا فيها الجاتوه

ربنا يخليكي ليا يا رب يا شجونة يا جارتي يا اختي يا حبيبتي هههه من الصبح وانتِ واقفة معايا زي ما تكوني انتِ اللي أم العروسة

طبعاً , طب وربنا احنا بنعتَبَروا ياسمين بنتي الكبيرة هههه وادي زغروتة اسكندراني ولو اننا ما بنعرفوش لولولييييييييييييييييييييييييييييييييييييييييييييييييييي

ههههههه ايّوووووه عليكِ وعلى زغروتك يا اشجااااااااان ..أما اروح اشوف الواد ياسر نازل يجري رايح فين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

منورين يا جماعة ,عقبال ولادكو هههه,ياسرررر,نزلت روحت فين؟

شفت عربية خالي محمود نزلت استقبله

صاحب واجب يا حبيبي ومن عيلة اجتماعية ههههه,حودة اخويا ومراته وولاده جم,حبيبي يا حووودة ههههه

هههه مبروك يا ام العروسة

الله يبارك فيك يا حبيبي عقبال ولادك,أهلاً يا همسة عتاب نورتينااااا ههههه

هههه مبروك يا أبلة بهيرة امووه,والله فرحنا لياسمين خالص

مبروك يا عمتو

يا حبيبة قلبي يا جهاد يا عسل هههه اموووه عقبال ما تكبري واشوفك عروسة يارب

ميرسي يا عمتو,أنا جبت وردة من الجنينة هدية لأبلة ياسمين,هي فين عشان اديهالها؟

في اوضتها يا سكرة يا حبيبة عمتو روحيلها,نضال حبيب عمتو عقباااالك اموووه

شكرا يا عمتو,مبروك

ههههه الله يبارك فيك يا عسل ,روح خد شيكولاتة من ياسر

ماشي

لكن انتو اتأخرتوا كدة ليه يا حودة؟

ههه قليلها يا ستي اتأخرنا ليه. عتاب هانم هي اللي عطلتنا

هههه معلش والله يا أبلة بهيرة,أصل محمود جاب سلسلة وأنسيال دهب لياسمين,وانا جبتلها خاتم,المهم ان كلهم بقى محمود قالي حطيهم في شنطتك عشان ما ننساهومش, لكن للأسف نسيتهم على التسريحة,وبعد ما وصلنا لنص الطريق بفتح الشنطة ما لقيتهومش

هههه روحتوا راجعين تاني عشان تجيبوهم

ههه ده اللي حصل والله يا أبلة,سامحينا

والله تاعبين نفسكو,كفاية مجيتكو يا عتاب

ازاي بقى يا أبلة! طب والله نفسنا نعمل حاجة أكبر من كدة لياسمين عشان غلاوتها من غلاوتك والله

ههههه يا حبيبتي يا مرات اخويا يا ام لسان بينقط شهد

ههه متشكرة يا ابلة ,بعد اذنك هروح لياسمين اوضتها اديلها الهدايا

اتفضلي يا حبيبتي ,بيتك ومطرحك.,منور يا حووودة ,عقبال ولادك يا غالي عليا يا حبيبي يا اخويا,يا اجمل هدية من امي وابويا هههههه

ههههه جراتسي بهيرة

هو انت لسة ر بنا ما تابش عليك من الايطالي يا حودة! هههه اتفضل في الصالون,العريس جوا هو وأهله مع حسين وعيلة حسين,الحبايب كلها متجمعة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

تعالي يا عروسة  يا حبيبة ماما عشان هيكتبوا الكتاااااااااب هههه هاتوها يا بناااااات

يلا يا ياسميييين ههه الف مبرررروك اموووووه

ههه الله يبارك فيكِ يا رحمة , عقبالك

ربنا يخليكِ ههه

يلا يا مرات اخويا عشان هيكتبوا كتابك على اخويا , بعدها بقىىىىى هرنك علقة محترمة عشان تعرفي ان اخت جوزك شديددددة ههههه

ههههه ليه بس كدة يا هديل ! انا مش حملك

طب استسلمي بقى وارفعي الراية البيضا وتعالي ورايااااااا اموووه الف مبروك يا قمر ههه

ههه الله يبارك فيكِ

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

والله انت منورنا يا أستاذ لطفي,حصلنا البركة بتشريفك منزلنا المتواضع

بارك الله فيك يا أستاذ حسين,ونعم النسب والله يا إبني..مبروك لمازن يا نبيل يا إبني

الله يبارك فيك يا عمي,والله منورنا

بارك الله فيك يا ابني,مالك يا عريس متوتر كدة؟

أول مرة اتجوز بقى يا جدو ههههه

ههههه والأخيرة يا ولد إن شاء الله

إن شاء الله يا جدو,عن اذنك المأذون بيشاورلي عشان نعقد

اتفضل يا حبيبي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

يلا اتقضل اعقد يا أستاد

فين الشهود يا عريس؟

اهم ,بابا وجو جوز اختي,تعالى يا جو عشان تشهد

هههه ماشي  يا عريس,الدنيا دوارة يا مازن,وزي ما دبستوني في اختك,اديك بتدبس هههههه

هههههه كما تدين تدان يا جو,اوعى بتكون بتدعي علينا الله يخليك

ههههههههه لا ما تخافش,انا مسامحكو من قلبي والله

هههههههه ده العشم والله يا جو

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ايدك في ايد ابو العروسة يا ابني عشان نعقد

حاضر ههه

قول يا استاذ حسين , زوجتك موكلتي

زوجتك موكلتي

البكر الرشيد

البكر الرشيد

الأنسة ياسمين حسين اسماعيل

الأنسة ياسمين حسين اسماعيل

على كتاب الله وسنة رسول الله

على كتاب الله وسنة رسول الله

وعلى الصداق المسمى بيننا عاجله وآجله

وعلى الصداق المسمى بيننا عاجله وآجله

قول يا ابني , قبلت زواجها

قبلت زواجها

الف مبروك يا جماعة

الف مبروك يا مازن يا ابني

ههه الله يبارك فيك يا عمي

ماااازن مبروك يا ابني يا حبيبي بالحضن يا ولدددددد

هههه الله يبارك فيك يا بابا

جوز اختي العزيزززز الف مبروك يا دكتوررررر

هههه الله يبارك فيك يا ياسر , عقبااااااااالك

الله يخليك , تعالى بارك يا ياسين لتاخد مخالفة اجتماعية ههه

هههه مبروك يا دكتور مازن

الله يبارك فين يا ياسين , عقبالك , بس خلص الاعدادية والثانوية والجامعة الأول هههه

ههه ان شاء الله

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

حبيبة ماما كتبوا كتاااااابك هههه يا حبيبتي يا ياسمينة امووووه امووووه يا ربي ع القمر يا ناااااااس

ههه الله يبارك فيكِ يا ماما , عقبال ما تفرحي بياسر وياسين

يارب يا حبيبتي هههه

ياسمين هههه جاية نباركولك يا حبيبتي امووووه اموووه الف مبرووووك

الله يبارك فيكِ يا طنط اشجان , عقبال رحمة ان شاء الله هههه

مبروك يا بنت ابني هههه

الله يبارك فيكِ يا تيتة

شوفي بقى يا ياسمين , اول بت تجيبها تسميها محروسة على اسمي ,ده لو ليا غلاوة عندك يعني

هه ممم يا تيتة انا بتكسف والله من الكلام ده

اتكسفي يا حبيبتي براحتك , بس برضو تسمي البت محروسة , مبروك يا مرات حسين , عصرت على نفسي لمونة وقلت اباركلك

هههه طول عمرك متسامحة يا نينة , الله يبارك فيكِ  ويخليكِ يارب

اللهم استجب ,أنا هغني عشان خاطر ياسمين,رغم اني ما غنتش من ليلة دخلتي, ردوا ورايا يا ستاااااااات

يلا يا اشجان نرد ورا نينة , شكلها هتبدع ههههه

يلا يختي , الفْرح حلو هههههه

 كتبوا كتابك يا نقاوة عينيييييييي

كتبوا كتابك يا نقاوة عينيييييييي

محروسة لشبابك يا نقاوة عينييييييي

محروسة لشبابك يا نقاوة  عينيييييييي

ردي ورايا يا ام العريسسسسسس

ههههه ارد يا حاجة حاضرررر

ابني الحبيب على العز انا ربيتتتتتتته

ابني الحبيب ع العز انا ربيتتتتته

حبيه يا غالية قد ما حبيتتتتتته

حبيه يا غالية قد ما حبيييييييته ههههه سامعة يا ياسميييييين ؟؟؟

ههههه حاضر يا طنط

والله حماتك دي زي العسل يا بهيرة ههههههه

خدي البرطمان كله يا ناهد يا حبيبتي وما تسبيليش ولا لحسة ههههههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

شايفة ماما يا عايدة  ! عمالة تغني وتصقف للست ياسمين ولاهل جوزهاااااا

يوووو يا سامية , ده فرح يختي , فررررررح , عايزاهم يعملوا ايه يعني ! مش كفاية احنا الاتنين قاعدين جنب بعض زي عواجيز الفرح !!! اشجان جارة بهيرة جاية بالجاتوه , اسكتي ما تفضحيناش قدامهاااا

هههه منورين يا جماعة , عقبال حسام يا ام حسااااااام

في حياتك يا حبيبتي

خدي يختي صحن جاتوه , كلي واتهني , كتب كتاب بنت اخووووووكي

هاتي يختي , والله مافي حاجة لها قيمة في الليلة الكوبيا دي الا الجاتووووه, جاتكو القرررررف

خدي يا عايدة يا حبيبتي هههه ادعي لياسمين دعوتين حلوين

الله يهنيها ويسعدها يارب هههه

ويسعدك يختي يااااااارب , عقبال عندكو يا حباااااااااايب

الست ماما جاية يا عايدة

شكلها متغاظة مننا

ايوة ما هي ناقصاهاااااااا

ايه يا سامية انتِ وعايدة ! مالكو قاعدين زي جالوصين الطين كدة !!! مش كتب كتاب بنت اخوكو ده !! ما تقومي يا سااااااامية

اقوم اعمل ايه يا ماماااااا ! اتحزم وارقص ولا اقول شوبش يا حبااااااايب !

وما تقوليش ليه ! مش عمة العروسة ! خليكي قاعدة يختي , وانتِ كمان خليكي قاعدة لازقة فيها , اعوذ بالله شكلكو يسد النفس , ال اتلم تنتون على تنتن والاتنين انتن وانتن

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ياسمينة يا حبيبة ماما ههه

نعم يا ماما

روحي يا حبيبتي سلمي على عماتك

الله ! مش هما المفروض يجوا يباركولي يا ماما زي الناس كلها ما عملت ؟

معلش يا حبيبتي , روحي انتِ زي بعضه

حاضر يا ماما

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ههه ازيك يا عمتو سامية

اهلاً يا عروسة , مبروك

الله يبارك فيكِ

بنت اخويا حبيبتي , اسم الله اسم الله اموووه الف مبروك يا حبيبتي ههه

ههه الله يبارك فيكِ يا عمتو عايدة , عقبال شاهندا وشاهيناز

الله يخليكِ يا حبيبتي ههه

عن اذنكو

اتفضلي يا عسل , عاجبك كدة يا سامية ! اهي البت جت واحرجتنااااااا

انا ما بتحرجشششششش, ويلا يختي عشان ناخد رجالتنا ونمشييييييي

هنمشي دلوقتي يا سامية ؟

ايوة يختي , كلنا الجاتوه , هنقعد نبص للخِلَق العكرة دي لييييه !!  يلا يا عبد الهاااااااااااااادي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

تعالى يا ماااازن ههه تعالى يا حبيب ماما اقعد جنب عروستك ههه بقت مراتك رسمي وقعادك جنبها حلال هههه

حاضر يا ماماههه مبروك يا ياسمين

الله يبارك فيك يا دك... ههه يا مازن

كنتي هتقولي يا دكتور ! ههه

ههه ممم اصل مش واخدة على اني اقول مازن من غير ألقاب

لا خلاص , ما عادش في القاب , بس اسمعيييي , واحنا في الجامعة تقولي يا دكتور عشان برستيجي , لما نبقى مع بعض بقى اسحبي البرستيج تاني هههه

هههه , تيتة محروسة جاية تسلم علينا

ههه اهلاً بيها

مبروك  يا عريس ههه

الله يبارك فيكِ يا تيتة ههه

مالك يا ابني معصعص كدة وبتلق في هدومك !!! مش تتخن كدة شوية عشان تملا مركزك !!!

ههه ان شاء الله هتخن حاضر

انا مش عارفة عرسان اليومين دول مالهم عاملين زي الفراخ البيضا كدة , ريش على مافيش ! كنت تعالى شوف عرسان زمان , كان العريس من دول طول بعرض بكتااااااااف , الواحد منهم كان زي المارد ويفصل من عرسان اليومين دول ستة سبعة مرتاحين , باين كدة كل جيل بيتدهور عن اللي قبله , دانا ابو حسين لما جه يخطبني , الباب ما كانش مدخله من طوله وعرضه , بقى ابوه وامه يزقوا فيه من برا لحد ما دخلوه , عقبالك زيه

هههه لاااااااا انا كدة كويس

بلا كويس بلا نيلة , جيل مافهوش نفس , شوية هوا  يطيروكوا , جاتكو خيبة , مبروك يا ياسمينننننن

الله يبارك فيكِ يا تيتة هههه اوعي تكون زعلت من تيتة يا مازن

لالالا خالص ههه دي لطيفة جداً

مبروك يا حبيبة مامااااااا هههه مبروك يا مااااازن هات الشربات للعرسان يا ياسيييييييين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

يلا يا ياسمين يا حبيبتي عشان نلحق المحلات قبل ما تتزحممممممم عايزين نلحق نجيب طقم الصيني ونلملم شوية حاجات للجهاااااااااز

حاضر يا ماما جاية اهو , ما كنا ننزل بعد العصر في الطراوة يا ماما بدل ما ننزل في الحر كدة

يا بنتي الناس كلها بتفكر زيك كددددة , كلهم يهجموا ع المحلات بالليل بقى والدنيا تبقى زحمة لا نعرف ننقي ولا نختار , احنا بقى ننزل في الحر وهما قاعدين في بيوتهم خايفين على نفسهم ونجيب حاجتنا ونرجع , على ما نوصل البيت يكونوا هما لسة بيفكروا ينزلوا بالسلامة هههه

ههه خلاص يا ماما زي ما تحبي

يووو الموبايل بتاعي شكله هيفصل شحن ومش هلحق اشحنه قبل ما ننزل , واخاف حد من اخواتك يتصل لما ما يلاقنيش ويقلق عليا

طب وايه الحل يا ماما ؟ انا موبايلي عطلان وانتِ عارفة

خلاص مافيش مشكلة , نعدي على طنطك اشجان نقولها اننا نازلين نجيبلك شوية حاجات وتبقى تقول لياسر وياسين

يا خبر يا ماما احنا ما عملناش غدا لياسر وياسين

يا حبيبتي مش هنتأخر لما نرجع ابقى اعمل , هما يبقوا يصبّروا نفسهم بأي لقمة على ما نيجي , التلاجة فيها جبنة وبيض , يلا يا حبيبتي , اقفلي الباب وراكِ حلو

حاضر يا ماما

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

تررررررررررررررررررررررررررررررررررررن

مييييييييين ؟

انا بهيرة يا اختي , افتحي

بهيرررررة هههه كنا لسة هنجولك  وربنااااااا

صادقة يا حبيبتي ههه معلش والله نازلة وانا وياسمين نجيب الصيني وشوية طلبات للجهاز عقبال ما تجهزي رحمة

هههه يارب يختي يارب , ازيك يا ياسمين يا عروستنا يا حلوووووة

ههه ازيك يا طنط اشجان

ايّووووووووه يا سبحان الله , سبحان من يغير ولا يتغير

في ايه يا اختي , اوعظينا معاكِ

ههه ابدا يا بهيرة , لما بصيت على ياسمين وهي عروسة زي القمر جنبك كدة ونازلة تجيبلها شوارها , افتكرتها وهي صغيرة وواقفة جنبك مش باينة من الأرض وكلامها مكسر وطالع من بقها زي العسل هههه سبحانك يارب , العيال كبروا وكبرونا يا بهيرة

ههههه لا يا حبيبتي اتكلمي عن نفسكككككك , انا لسة صغيرة والبت دي ما اعرفهاش ههههههههه

ههههه يختي ربنا يخليهالك يارب ويفرحك بيها وباخواتها , طب ما تيجي شوية يا بهيرة

لا يا حبيبتي اجي فين ! دانا لو دخلت كلمة هتجر كلمة وهقوم العشا ههههه يادوب نلحق وقتنا , بصي يا اشجان بالله عليكِ يا اختي خلي ودنك مع الباب ولو حسيتي بياسر ولا ياسين قوليلهم إنّي نزلت اجيب حاجات لياسمين وجاية على طول , اصل الموبايل هيفصل شحن وخايفة يقلقوا

عنيا يا حبيبتي حاضر , مع السلامة

الله يسلمك يا اختي