الحلقة الثامنة(ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

*******************

تررررررررررررررررررررررررررررررررررررررررررررررررررررررررن

ميييييييييين

افتحي يا اشجااااااااان انا بهيرة يا اختيييييييي

بهيررررررررة ههههه مستنياكي من ساعة ما قالوا ان رمضان بكرة , بنقولوا اكيد بهيرة هتيجي دلوقتي تقولي كل سنة وانتِ طيبة

ايوة يا حبيبتي ربنا ما يقطعلي عادة ههههه فكرتيني بالاغنية بتاعة ادونا العادة , ادونا العااااااااادة الله خليكووووووو ادونا العااااااادة الله خليكوووووووو ههههههههههه

ههههههههههههه كل سنة وانتِ طيبة يا حبيبتي والسنة الجاية تفرحي بياسمين مع عريسها يا رب

افرح بشهادتها الأول يا أختي , العرسان يجو على مهلهم , ادينا قاعدين ما ورناش حاجة ههههه اومال فين البت رحمة

انا اهو يا طنط كل سنة وانتِ طيبة ههه

وانتِ طيبة وسكرة يا عسل هههه هتصومي بكرة زي الشطار ؟

طبعا يا طنططططططط هههههه ده رمضان حبيبييييييييي بموت في الشهر دددددده نفسي كدة السنة كلها تبقى رمضان

لا يا حبيبتي ما ينفعش , كدة احسن , عشان نشتاقله ونستقبله بشوق وفرحة , لو طول السنة رمضان هيبقى الأمر عادي ومعتاد واعتيادي ههههه يلا بقى اسيبكو تبلوا التين وقمر الدين والبلح , جبتو زبادي ولا اخلي حسين يجيبلكو ؟

لا والله ما عندناش زبادي يا بهيرة , معلش بقى اتعبي ابو ياسمين وخليه يجيبلنا معاه

حاضر يا حبيبتي , عايزين فووووول ؟

يا ريت يا بهيرة , هاتولنا يا اختي عشان السحور

عنينا يا حبيبتي هههه هطلع للحاجة ام عصام بقى عن اذنكو

اتفضلي يا بهيرة وسلميلي عليها الله يخليكِ ,وقوليلها احنا هنطلعولها بكرة إن شاء الله

لا يا اشجان ابقوا اطلعلولها بعد بكرة يا حبيبتي عشان بكرة عندها عيالها كلهم متجمعين ومعزومين ههه

يارب متجمعين في الخير دايما يارب

اقفلوا الباب بقى , كل سنة وانتو طيبيييييييييييين

وانتِ طيبة يا بهيرررررررة , ايّووووووووووه ههههه رمضان بكرة يا بت يا رحممممممة

اما افتح التليفزيون يا ماما اشوف هيجيبولنا مسلسلات ايه وبرامج ايه بكرررررررة

لا يختي انا مش هنتفرج ع الحاجات دي في رمضان , خلينا نركز في الصلاة والعبادة

ههههههههههه كل سنة بتقولي كدة وبتتفرجي معايا

ايّووووووووه ما هو انتِ اللي بتفتحيهم وتخليني نتشد ليهم غصب عني يا مؤذذذذذذذية

ههههه ادينا بنتسلى يا ماماااااااا مممممم ماما هروح اعلق الفانوس الكبير في البلكووووونة

ايوة وعلقي كمان سلك اللمبات للي بتنور وتطفي يا بت يا رحمة بيبقى شكلها حلو قوووي

حاضر يا ماماااااااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ترررررررررررررررررررررررررررررررررررررررررررررررررررررن

ايوة مين ع الباب

انا بهيرة يا حاجة ام عصاااااااام

اهلا حبيبتي ههه اتفضلي

متشكرة يا حاجة , انا جيت اقولك كل سنة وانتِ طيبة وبخير يااااااارب هههه

ههه وانتِ طيبة يا بنتي , بعودة الأيام يا بهيرة , دايما متعودة منك على المعايدة الحلوة دي ليلة رمضان

شكلي كدة اول واحدة تقولك كل سنة وانتِ طيبة النهاردة هههه

ههه سبقتك منال بدقايق , كلمتني في التليفون هي وماجد والولاد وقالولي كل سنة وانتِ طيبة

والله مدام منال دي حتة سكررررة سلميلي عليها يا حاجة وقوليلها كل سنة وانتِ طيبة

وانتِ طيبة يا بهيرة يا حبيبتي , اتفضلي يا بهيرة ادخلي ما يصحش كدة

معلش يا حاجة , مرة تانية , اصل دي جولة سريعة كدة لتفقد احوال الرعية وتهنئتهم ليلة رمضان ههههههههه

هههه دايما سباقة بالخير يا حبيبتي , ربنا ما يقطعلكيش عادة اللهم آمين

آمين يا حاجة ويخليكي لينا يااااااارب , اقفلي بقى يا حاجة ,  تلاقيكِ لسة هتحضري حاجات السحور , لو عايزة حاجة اتصل بحد من الولاد يجيهالك , الولدين نزلوا يصلوا التراويح

لا يا حبيبتي شكرا , هاخد يا دوب كوباية زبادي وهدخل دلوقتي إن شاء الله اقرأ في المصحف واصلي وانام واصحى قبل الفجر , لازم نزود العبادة يا بنتي , اذكرك ونفسي بقراءة القرآن وصلاة التهجد والقيام وتجنب كل ما يغضب الله في الشهر الفضيل ده

ان شاء الله يا حاجة , سبحان الله , احنا استعدينا بالبلح والتين وقمر الدين وعمالين نفكر في السحور ونقول هنفطر ايه بكرة,  وانتِ استعديتي بالقرآن والصلاة , هههه بتحرجينا والله يا حاجة

ههه كلنا محتاجين نذكر بعض يا بنتي , ناخد بإيد بعض وربنا يعينا على طاعته وعبادته ويتقبل مننا صالح أعمالنا اللهم آمين

 اللهم آمين يا حاجة , اديتيني جرعة ايمانية وبعتثتي فيا روح العبادة وتحدي المعاااااصي ههههه ربنا يثبتنا , طيب اقولك   تصبحي على خير

وانتِ من اهل الخير يا حبيبتي , مع السلامة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

يا كماااااااااااااال

ايييييييييييه

رايح فيييييييين ؟

هصلي التراويححححححححح

طيب ما تنساش  تجيب معاك جبنة دوبل كريم وفول وعيش وزباااااااااااااادي

ليه ده ككككككككله !

هو ايه اللي ليييييييه ! عشان نتسحّر يا اخويااااااااا , ولا هنصوم من غير سحووووووووور !!!

اعوذ بالله , اهم حاجة عندك تأمني نفسك وتااااااااااااكلي , ماشي يختي هجيبلك الطلباااااااات

وما تنساش تعدي ع السوبر ماركت تجيب اربع لفات قمر الدين ولفتين تين وكام كيلو بلح

ليييييييييييييه ! ما انا لسة جايبلك ست لفات قمر الدين واربعة كيلو بلح واربع لفات تيييييييين , ودتيهم فييييييين ؟

فرقتهم على اخواااااااتي

يا شيخة ربنا ياخدك انتِ واخوااااااااااتك , هما اخواتك دول مالهومش اجواز يجيبولهمممممممم !

لا ليهمممممممم بس انا اختهم الكبيرة ولازم اديهممممممممم

اديهم من جيبكككككككككك ,مش من شقايااااااااااا ,ست لفات  قمر الدين واربع لفات تين واربعة كيلو بلح تنسفيهم عشان اخوااااااااتك ! خوتة  تخوتكو يا شيخخخخخخخخة

ايه يا بابااااااا ايه يا ماما في ايه بسسسسسسسس ! اوووووف

تعالي يا رباب شوفي امك اللي خدت خزين رمضان فرقتكو على خالاتك الغيلاااااااااااااان

ما تقولش على اخواتي كددددددددة , غيلان ليه يا خوياااااااا كانوا بياكلوا اكتر من المحاريم اخواتكككككككك !

يووووووووو بس بقى يا ماماااااااا كفاية يا بابااااااااا , يعني حتى ليلة رمضان بتتخانقوا !!!!!! يعني هو البيت ده مكتوب عليه ما يهداش ابداااااااا !

معلش يا بنتي , حقك عليا , انا اللي  جيبتلك أم زي دي , سامحيني يا رباااااااااب , كل سنة وانتِ طيبة يا بنتي

وحضرتك طيب يا بابا ممممم كل سنة وانتِ طيبة يا ماما

وانتِ طيبة يا رباب , انا داخلة اعمل شربات الكنافة ,  خلي بالك من صوت التليفون لحسن اخوكِ ايهاب يتصل من دبي ما نسمعووووش

حاضر يا ماما حاضرررررر يا بختك يا ايهااااااب طفشت وسيبتلهم البلد يتخانقوا فيها براحتهمممممم اووووووف

تررررررررررررررررررررررررررررررررررررررن

شوفي مين يا ربااااااااااب

حاضر يا ماماااااااااا

مييييييين

افتحي يا رباب انا طنط بهيرررررة

ههه طنط بهيرة حبيبتي اموووه

ههه ازيك يا رباب يا حبيبتي , كل سنة وانتِ طيبة

وانتِ طيبة يا طنط

مممم مالك كدة مش مبسوطة ومفرفشة ! اضحكى وفرفشي كدة وفكي التكشيرة الوحشة , ده بكرة رمضااااااااان ههههه اجيبلك فانوس وتنزلي تلعبي مع العيال  في الشارع ؟

والله يا طنط الواحد نفسه ينزل الشارع وما يرجعش تااااااااني

اعوذ بالله ! انتِ كئيبة كدة ليه يا بت انتِ !!!

من اللي بشوفه يا طنططططط

هههههه عشان خناقة ابوكِ وامك التي كانت شغالة لايف من شوية ؟

حضرتك سمعتيهم ؟

ايوة , جيت ناحية الباب لقيت الخناقة شغالة قلت اعدي على مدام ناهد الأول على ما الخناقة  تخلص واجيلكو على رواقة , شوفت باباكِ خد الاسانسير ونزل روحت جيالكو على طول , امك فيييييين ؟

ماما بتعمل حاجات في المطبخ , اتفضلي يا طنط

ناديلي عليها يا رباب عشان مستعجلة

ماما جت اهيه

بهيرررررررة هههه كل سنة وانتِ طيبة يا حبيبتي

وانتِ طيبة يا نوال انتِ وصوتك المجلل اللي مالي علينا العمارررررة هههه

ههههه ربنا يخليكِ , تعالي ادخلي , بجهز شربات الكناااااااافة , انتِ عارفة ان عليا صنية كنافة ما يعملاش حلواني سبع نجوووووووووم

سبع نجوم ايه يا حبيبتي ! ولا حلواني عشر نجوم يعمل كنافتك هههه

هبعتلك طبق بكرة عشان تاكلي وتدعيلي يا بهيرة هههه

دعايالك من غير حاجة ,ربنا يكفيكي شر نفسك وشر صوتك العالي  ويعيده علينا وعليكِ بخير يارب يا نواااااال هههه سلمي على ايهاب لما يتصل بيكِ

الله يسلمك يا حبيبتي مع السلامة, ياااااااااه رمضان ولياليه الحلوة وكنافته وقطايفه وحلوياااااااااته

اه وخناقاته يا مامااااااا

بس يا بت انتتتتتتتتِ بس, اما اروح اكمل تجهيزااااااات , افتحي التليفزيون عشان اسمع اغاني رمضان القديمة يا رباااااااااب

حاضر يا ماماااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ترررررررررررررررررررررررررررررررررن تررررررررررررررررررررررررن

شوفي مين على موبايلي يا رحمة

ده بابا يا مامااااااا اكيد متصل يقول كل سنة وانتو طيبين , ألو ايوة يا بابا كل سنة وانت طيييييييب

هههه وانتِ طيبة يا حبيبتي , مش تستني يا بت لما نقولوا احنا كل سنة وانتِ طيبة !!!

عايزة اسبقك يا بابا واقولها انا ههه

كل سنة وانتِ طيبة يا حبيبة ابوكِ هههه اكيد مبسوطة عشان بكرة رمضان ؟

قوي قوي يا بابا ههه فرحانة قوووي, ولسة معلقة الفانوس الكبير واعقاد النور في البلكونة , والأنوار عاملة شغل رهيب , بس ما تنساش تجيبلي فانوس معاك زي كل سنة

طبعاً يا حبيبتي , هو احنا لينا حد ندلعوه غيرك يا عسل ! هههه

هههه ربنا يخليك ليا يا بابا

فين امك يا بت عشان نقولولها كل سنة وانتِ طيبة

ماما كانت مشغولة في المطبخ , بتعمل كنافة من العجيبة بتاعتها اللي ما بحبهاش وتقعد تتحايل عليا اكل منها وما ارضاش وفي الآخر تاكلها لوحدها وتقول مش هعمل كنافة تاني , وبرضوووو تعملها ليلة رمضان زي كل سنة

هههههههه يا بت دي كنافة امك زي العسل , وربنا ماانتِ عارفة قيمة امك , ناديهالي يا بت

حاضر يا بابا , يا مامااااااا , يا ماما انتِ فين تعالي كلمي باباااااااااا

جيت اهو يا رحمة , انا طلعت الكنافة من الفرن , روحي اسقيها الشربات اللي ع الرخامة , بس اوعي تتلَسَعيييييي

حاضر ياست  ماما

ايوة يا عادل هههه كل سنة وانت طيب

ايّوووه هو احنا اللي متصلين ولا انتِ يا اشجان ! هههه المفروض احنا اللي نقولوا كل سنة وانتِ طيبة

هو انا وانت في فرق بيننا يا عادل !!! ههه

لا طبعاً , انا وانتِ واحد يا شجونة , كل سنة وانتِ طيبة

وانت طيب يا ابو احمد , ما اتصلتش من بدري ليه ؟

يادوب لسة راجع من صلاة التراويح

ربنا يتقبل منك , هتتسحر ايه النهاردة ؟

زي العادة , فول وجبنة وزبادي ونحبسوا بكوباية شيّ ههه

بالهنا والشفا مقدما ههه احنا برضو هنتسحروا زيك كدة , بهيرة خلت جوزها يجيبلنا الفول والزبادي وهو راجع من صلاة التراويح

كتر ألف خيره , راجل طيب ونحبوه لله في لله

يامَا كان نفسي انت اللي تكون معانا وتجيبلنا الفول والزبادي وانت راجع من صلاة التراويح , ايّووووه كان نفسي بصحيح , بس نعملوا ايه ! جوزي وابو بنتي وحبيب قلبي في بلد وانا في بلد تانية ومكتوب عليا ما نفرحوش بدخلته عليا ووجوده جنبي في الليالي الحلوة دي .... قسمتنا كدة

قسمتك زي العسل , هو احنا يعني بعيد عنكو !! ما احنا معاكِ ع التليفون اهو , وكمان هنفطروا معاكِ انتِ والبت يوم الخميس ان شاء الله

ربنا يعدلها بتعديله يا عادل , كل سنة وانت طيب ويعود عليك الأيام بخير

علينا وعليكو يا اشجان , هتعملي فطار ايه بكرة ان شاء الله ؟

هه رحمة قالت عايزة تاكل مكرونة بشاميل وبفتيك وهنعملوا جنبهم صنية رقاق باللحمة المفرومة ان شاء الله , وعملت صنية كنافة من اللي قلبك يحبها هههه

ههه بنموتوا في كنافتك يا اشجان , لما نيجي لازم تعمليلي صنية ناكلوها لوحدي

من عيني يا ابو احمد مممم هتفطر مع سعاد بكرة ؟

ان شاء الله , وعزِمِت  اختها توحا عشان تيجي تفطر معانا

واحمد وادهم  مش هيجوا يفطروا معاكو ؟

احمد بيحب اول يوم يفطر مع مراته وحماته , هيجي تاني يوم , ادهم بقى هيجي ان شاء الله

متجمعين في الخير دايما يا ابو احمد , كل سنة وانتو طيبين

وانتِ طيبة يا اشجان ههه نسيبوكِ بقى تحضري السحور

احنا وفين والسحور فين ! لسة بدري ,مش قبل اتنين بالليل , تصبح على خير يا ابو احمد

وانتِ من اهله يا اشجان

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

دااااااااادة

انا في المطبخ يا راااااااااامي

جود مورنينج دادة

صباح الفل يا حبيبي ههههه كل سنة وانت طيببببببببب النهاردة اول يوم رمضاااااااان

ممممم وانتِ طيبة , هاتيلي النيسكافيه بتاعي في اوضتي يا دادة

نيسكافيه !!!!! انت مش هتصوم برضو السنة دي يا رامي ؟؟؟؟؟

نو دادة نووو مش بقدر , سوري

يا حبيبي مش بتقدر ايه بس ! دانت في الايام العادية بتفضل طول النهار من غير أكل

ههه يس , لكن ما اقدرش استغنى عن النيسكافيه والكابتشينو والاسبريسوو انتِ عارفة اني اول ما اصحى من النوم لازم اشرب نيسكافيه

يا سلام ! اشمعنى يعني بتصوم تاني يوم رمضان كل سنة ؟ ولا عشان جدتك الحاجة أمينة بتعزمك انت والشباب ولاد أعمامك وبتخاف تقولها انك فاطر؟

هههههههه جود, صو جود دادة , طول عمرك فهماني , انتِ عارفة ان تيتة هتزعل مني لو عرفت اني مش صايم , عشان كدة بضغط على نفسي واصوم تاني يوم رمضان عشان خاطرها

يعني خايف على زعل جدتك ومش خايف من ربنا يا حبيبي ؟؟؟ كدة ربنا يغضب عليك

ليه دادة ! الصيام ده حاجة شخصية , ليه ربنا يغضب عليا لو ما صومتش ! طيب افرضي في حد مش قادر يصوم اصلا , ليه ربنا يغضب عليه ؟؟؟؟؟؟

يا ابني يا حبيبي ربنا عفا عن اللي ما يقدرش يصوم لحد ما يزول السبب اللي خلاه ما يصومش , عندك لو واحد عيان مثلا , ربنا اداه الرخصة انه ما يصومش لحد ما يخف وبعدين يعوض الأيام دي لما ربنا يشفيه

طب افرضي مش هيقدر يصوم فور ايفرررر واحد عيان جدا مثلا ! ليه ربنا يغضب عليه؟

يا حبيبي , المريض اللي ما يقدرش يصوم خالص ربنا رفع عنه فريضة الصوم , لكن على شرط يطلع من ماله ويطعم مسكين عن كل يوم فطره 

طب ولو مش قادر وما عندوش فلووووووس ايه الحل بقى ! يروح النار ؟؟؟؟؟

لا يا ابني , ربنا عالم بعباده يا حبيبي ورحيم بيهم , اللي  ما يقدرش ربنا بيعفي عنه , مافيش ارحم علينا من ربنا والله يا حبيبي , صوم يا رامي , بالله عليك صوم , فرح قلبي مرة وصوم من اول يوم رمضااااااااااان , ده الصيام حلو قوووي ويقربك من ربنا , وليه لذة وحلاوة  في القلب سبحان الله , تحس طول النهار ان قلبك فرحان وحاسس انك قريب من ربنا سبحانه وتعالى , بالله عليك ما تكسفنيش وصوم يا رااااااامي , صوم وهفطر انا وانتتتتتت هعملك السمك والرز الصيادية اللي بتحبهمممممم ههه

ههه مممممم اوكيه يا دادة , عشان خاطرك هصوم

لالالا مش عشان خاطري , اعقد النية ان صيامك تقرب لربنا , هو اللي هيديك الثواب مش اناااا , وهو اللي هيطلع على قلبك مش انااااا , مع ان صيام رمضان لازم فيه عقد النية من بالليل , لكن معلش , ربنا يتجاوز عنك بقى وبالليل تبقى تعقد النية لصيام اليوم اللي بعده

اوكيه دادة , طالما في صيام ومافيش نيسكافيه هدخل انام بقى

استنى يا راااااااامي فاضل ربع ساعة على صلاة الضهر يا حبيبيييي تعالى اتوضا وانزل المسجد صلي

نووووووووووووو دادة نوووووووووووو صيام وقلت اوكيه , لكن صلاة نووووو انا اساسا مش ببقى فاضي في اوقات الصلاة وما عنديش استعداد الخبط يومي عشان الصلاة , انا داخل انام

لا حول ولا قوة إلا بالله , ربنا يهديك يا رامي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

داددددددددددددة

تعالي يا ايتن انا هنااااا

ههه جود مورنينج دادددددددة

اهلا يا حبيبتي , يا صباح الورددد , كل سنة وانتِ طيبة

ايه المناسبة ؟

بمناسبة اول يوم رمضان يا حبيبتييييييي هههه

أهااااا ههه وانتِ طيبة

 لسة صاحية ؟

أها , كنت سهرانة بذاكرررر مش حسيت بنفسي لحد ما سمعت اسمه ايه ده ممممم  بتاع الصلاة

اذان الفجر ؟

أها , قولت ايه ددددده انا سهرت كتير قوي , روحت واخدة الدبدوب بتاعي في حضني ونمت نووووووووم ههه

ممممم وما فكرتيش تصلي الفجر قبل ما تنامي ؟

اصلي ! ههههههههه دادة انتي اولد فاشوووووون ريلي اولد فاشووووووون اوت اوف ديييييت

ايه اللي بتقوليه ده ! شكلك كدة بتقولي عليا كلام مش حلو يا ايتن

نو دادة ههه اقصد انك بتعملي حاجات مش بقت تحصل , تقاليد قديمة , زي تيتة امينة وبابي وعمو هاني وعمو ماجد وشوية ناس تاني في عيلتنا وبرا عيلتنا , بس هما مش كتير

يا بنتي ايه اللي بتقوليه دددددده ! هي الدنيا جرالها ايييييه ! بقى الناس اللي بتصلي وتأدي فرض ربنا يتقال عليهم بيعملوا عادات قدبمة ! وايه الجديد بقى اللي عندكو يا بتوع اليومين دول ! الرقص والسهر والعيشة اللي مالهاش معنى !!!

ههههههه دادة مش تزعلي , مش اقصد ازعلك مني , كنت عايزة هوت تشوكلت بليز دادة وهاتيهولي اوضتي

لا حول ولا قوة إلا بالله , الواحد ساعات بينسى انه قاعد في بيت مسلمين , يا حبيبتي انا عايزة اعرف انتي مش صايمة ليه ؟

واصوم ليييييه واتعب نفسي ليييييييه !!! يعني لو قعدت من غير اكل ومن غير ما اشرب الهوت تشوكلت بتاعي  لحد المغرب هبقى خلاص انسانة كويسة وبعمل اعمال صالحة زي ما تيتة امينة بتقول ! هههههههههه كبري دماغك وفكك من الحوارات دي يا داددددددة

ايه يا بنتي طريقة الكلام الغريبة دي !

ههه دي طريقة كلامي انا واصحابي , هااا فين الهوت تشوكلت؟

انتِ ناسية انك النهاردة انتِ ومامتك وباباكِ واعمامك وبناتهم معزومين عند جدتك ع الفطار ؟

يييييييييييي اووووووووف العادة السخيفة بتاعة كل سنننننننة , نفضل قاعدين مذلولين على طرابيزة السفرة لحد آذان المغرب يقول الله اكبر وبعدين ناخد اشارة البدء في الأكل ههههه حاجة غريبة قوي !

أعو ذ بالله من الشيطان الرجيم

بسم الله الرحمن الرحيم

وَإِنَّ الشَّيَاطِينَ لَيُوحُونَ إِلَىٰ أَوْلِيَائِهِمْ لِيُجَادِلُوكُمْ ۖ وَإِنْ أَطَعْتُمُوهُمْ إِنَّكُمْ لَمُشْرِكُونَ

اللهم إنا نستغفرك ونتوب إليك , اللهم اهدنا واهد بنا اللهم آمين , يا حبيبتي الكلام اللي بتقوليه على فريضة من فرائض الدين ما يصحش , ده كلام يغضب ربنا

دادة انا مش عايزة اغضب ربنا , انا عايزة الهوت تشوكلت بتااااااااعي , ممكنننننن ؟

تعالي اعمليه انتِ يا ايتن , قلبي مش مطاوعني افطّر حد في نهار رمضان , سامحيني وقدري يا بنتي اني صايمة

ههههههههه اوكيه دادة القديسة صالحة , هعمل انا الهوت تشوكلت بتاعي , بس تعرفي دادة , انا مخنوقة موووووت عشان نازلين عند تيتة اووووووف مش بحب انزل عندها ولا احب اشوفهااااا

ليه بس كدة يا ايتن , دي تيتة أمينة بتحبك قوووي

بس انا مش بحبهاااااا , هي السبب اني اتحرمت من حاجات كتيررر كفاية انها السبب اني اسيب مدرستي واصحابي اللي بحبهم واروح مدرسة تانية , وحاجات كتير قوي, كانت تسلط بابا عشان يحرمني منها اوووووووف بكرههاااااا بكرهها موووووووت

والله يا بنتي انتِ غلطانة , جدتك دي ما فيش في حنانها ولا قلبها الطيب , انتِ بس اللي بعيدة عنها وعمرك ما فكرتي تقربي , ده كل احفادها بيحبوهاااااا ما بتشوفيش بنات اعمامك بيحبوها قد اييييه ؟

هما حرين ههه وانا كمان حررررررة , والنهاردة هتحجج بأي حجة عشان مش انزل عندها على الفطار , كدة الهوت تشوكلت خلص واووووو ريحته تجنن , انا رايحة اوضتي عشان اكمل مذاكرة دادة

اتفضلي يا ايتن , الله يهديكِ ويصلح حالك , ده ايه اللي بيحصل ده يا اخواتي !!!!

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

خلصنا الطبيخ وطلعنا الصواني من الفرن يا ست سعاد , وسايبة البت عطا بتعمل الخشاف , نعملوا حاجة تاني ؟

عملتوا البلح باللبن  يا شوقية ؟

ايوة عملناه من بدري 

جدعة , عادل بيحب يفطر عليه , طب  وقمر الدين والعرق سوس ؟

عملنا كل حاجة يا ست سعاد والسفرة مش هينقصها حاجة ههه كل سنة وانتِ طيبة ويعوده علينا وعليكو بخير

وانتِ طيبة يا شوقية , هنطلعوا نصحوا عادل , المغرب باقي عليه يجي ساعة إلا ربع , مش عارفة توحا اتأخرت ليه !

زمانها جاية , اطلعي انتِ صحي الحاج على ما تيجي الست توحا

طيب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ترررررررررررررررررررررررررررررررن

دي تلاقيها الست توحا , اما نروحوا نفتحولها

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اهلا يا ست توحاااااا كل سنة وانتِ طيبة

وانتِ طيبة يا بت يا شوقية , اومال سعاد فين ؟

طَلَعت تصحي الحاج عادل

طب روحي ناوليني كوباية مية نبلوا ريقي

تبلي ايييييييه !!!

انطرشتي يا بت يا شوقية !!! ناوليني كوباية مييييية

مية ايه يا ست توحا سلامة عقلكككك  , انتِ نسيتي اننا في رمضان ولا ايه !!! ههه بس احنا مقدرين العطش في الحر ده , معلش ,اصبري ,المغرب مش باقي عليه يامَا

واحنا مالنا يا بت ومال المغرررررب ! هو احنا كنا صايمين من اساسسسسسسسه !

يا وقعة سوووووودة ! هو انتِ فاطررررررة !

سودة على دماااااغك , ايوة يختي فاطرة

ليه يا ست توحا ؟ هو انتِ  عيانة ؟؟؟

عيا لما يشيلكككككك, , انا لسة شابة وفي عزي, ايه اللي يذنبنا احنا من غير أكل ولا شرب لحد المغرررررب !!!

ده مش تذنيب , ده شهر جميل وصيامه حلو وفضل ونعمة من عند ربنا , بس ندعوا ان ربنا يقبل , ما احنا طول السنة بناكلوا ونشربوا زي الغيلان اللي نازلين من الجبل , يبقى هنستخسروا نصوموا شهر نتقرب فيه لربنا اللي فضله علينا ما نقدروش نعدوه !

انتِ يا بت هتخطبي خطبة الجمعة في ودنيييييي !!! روحي هاتي المية يا مخفيييييييية

المية عندك هناك اهيه يا ست توحا , معلش , مستحرمة نناولوهالك في نهار رمضان , سامحها وسامحنا يااااااارب

طب يا ست الشيخة , يجعلنا من بركاتك يختي ههيييي ........... ايّوووووه كنا هنموتوا من العطش, قُطع العطش وسنينه

ولما انتِ مش صايمة يا ست توحا , جاية تفطري مع الجماعة ليه ؟؟

نعم يختييييي ! ده بيت اختي ونيجوا في أي وقتتتتت , اختي عازمااااااني , نردوا العزووووومة !

لا يا ست توحا , ترديها ازاي ! ما انتِ ما يفوتكيش واجب

خالتي شوقييييييييية

جيالك يا بت يا عطااااااااا , بالإذن يا ست توحااااااا

اذنك معاكِ يختي

جاكِ خوتة في نفوخك , نفسي نعرفوا الست دي هتقابل ربنا بأنهي وش !!! مش مستحية تقول انها فاطرة وعايزاني نجيبولها مية كمان , اشربي يختي اشربي , هتتتحَرمي منها في نهار جهنم ان شاء الله , داهية تلمك وتلم امثالك  في ساعة واحدة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تيتة توحاااااااااا ههه كل سنة وانتِ طيبببببة

وانتِ طيبة يا بت يا نورهان , اومال امك فين ؟

ماما نازلة دلوقتي ان شاء الله , بس انا لما عَرَفت انك هنا نَزَلت جري عشان نسلموا عليكِ

هه فيكِ الخير يا بت ... صايمة ؟

ايوة صايمة الحمدلله

يا بت انتِ لسة صغيرررررة , ايه يخليكِ تستحملي الجوع والعطشششش !

انا مش صغيرة يا تيتة , انا في اولى اعدادددددي , وكمان انا بنحب رمضان قوووي , طب داحنا بنستنوا رمضان عشان الصيام, ياااااه بنبقى فرحانة قوي لما نصوم لحد المغرب , بنحس ان ربنا بيحبني وبنحس بأحاسيس حلوة قوي جوايا في رمضان

احاسيس حلوة ! انتِ يا بت بتتكلمي عن رمضان ولا عن الولا اللي بتحبيه ! هيهيييييييييييي

...... ايه ده ! مممم عن اذنك يا تيتة هروح لدادة شوقية اسألها عملتلي قمر الدين ولا لأ

روحي يختي , ال بنحسوا بأحاسيس حلوة ههيهييي ينيلك يا نورهان

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

دادة شوقيييييييية عملتيلي قمر الدين ؟

عملناه يا عسل ههه احنا نقدروا ما نعملوش قمر الدين اللي بتحبيه !

ربنا يخليكِ يا رب يادادة , احنا بنحبوكِ قوي

ههه يختي يا جمالهاااااا هاتي بوسة من البق اللي بينقط سكر ده اموووه الهي تتهني وتتسَعَدي يارب

ههه متشكرة يا دادة شوقية .... دادة عطا , نناولوكِ صحون تحطي فيها الأكل ؟

لا يا حبيبتي كتر خيرك ههه احنا هنعملوا كل حاجة , روحي انتِ استني ع السفرة

حاضر , عن اذنكو

اتفضلي يا حبيبتي

البت ولا كأنها بنت اوسا , سبحانك يا رب ,فسيخ ونضح شربات

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

توحاااااا ههه كل سنة وانتِ طيبة يختي

وانتِ طيبة يا سعاد , كل ده بتصحي جوزك ! داحنا بقالنا يامَا قاعدين

معلش , يادوبك على ما صحصح وقام يغسل وشه

اومال هو فين ؟

نازل ورايا

اومال اوسا فين ؟

اهي نازلة اهيه

ازيك يا خالتي .... منورة اووووف

نورك يا بنت اختي , كل سنة وانتِ طيبة يا أوسا

وانتِ طيبة .... بت يا نورهااااااان ,عن اذنك هنستنوا ع السفرة مع نورهان

ماشي .... البت بنتك مالها يا سعاد بتكلمني من تحت الضرس كدة !!!

سيبك منها , هي كدة لا طايقة روحها ولا طايقة حد

ما تجوزيها يا سعاد , يمكن دواها في الجواز

مش عايزة , ابوها جابلها ابن واحد صاحبه الشهر اللي فات وما رَضَتش

يمكن مش عاجبها

الولا ما كانش يتعيب , غير انه ماسك شركة ابوه وتجارته , اصله وحداني على تلات بنات

اومال بنتك ما رَضَتش ليه ؟

بتقول كَرَهت الجواز وكَرَهت الرجاااااالة

وربنا ماليها حق , دي شابة وحلوة وصغيرة ولازم تكون ف ضل راجل

هي حرة بقى يا توحا , اهو عادل نَزَل

اهلا يا توحا , كل سنة وانتِ طيبة

وانت طيب يا عادل , ناموسيتك كحلي يا جوز اختي

ههه نعملوا ايه ! بعد ما صلينا العصر قلنا نناموا شوية ونصحوا قبل المغرب , عاملة ايه يا توحا ؟

هنعملوا ايه يا جوز اختي ! عايشة وحدانية بنكلموا الحيطان ونشكولها همي

وعليكِ من ده بإيه !!! ما تتصالحي على ابنك عشان يدخل  ويخرج عليكِ وياخد بحسك بدل الوحدة اللي بتشتكي منها دي

اييييييه !! نتصالحوا على سااااااامي ! سامي اللي طمعان في مالي وعايزني نرجعوه لابوه ونطلعوا من المولد بلا حمصصصصص !!! لا هنتصالحوا عليه ولا عايزين نشوفوا وشه تاااااااني

على راحتك يا توحا , اتونسي بمالك بقى واتدفي بيه من برد الوحدة .. ادهم لسة ما جاش يا سعاد ؟

تلاقيه في الطريق , ما هو دايما يوصل بعد ادان المغرب

السفرة جاهزة يا ست سعااااااااد

جايين يا شوقية

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تعالي اقعدي جنبي يا تيتة توحا

ماشي يا نورهان

خد يا عادل الدورق بتاع البلح باللبن خليه يمتك

ماشي يا سعاد , المغرب قرّب والولا ادهم لسة ماجاش يا سعاد,كل مرة يجيلنا بعد المغرب!

الشوارع بتبقى زحمة قبل المغرب,يعمل ايه الولا!

تررررررررررررررررررررررررن

ده باين أدهم وصل قبل المغرب يا عادل ههه,روحي افتحي يا شوقييييييييية

حاضرررررر , روحي انتِ يا عطا عشان ايدي مش فاضيييييية

حاضر يا خالتي شوقية

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اهلاً يا سي ادهم , كل سنة وانت طيب

وانتِ طيبة , خدي يا بت ودي الحلويات دي المطبخ وهاتيلنا منها بعد الفطار

حاضر يا سي ادهم

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ابوياااااااا ههههه كل سنة وانت طيب يا حاااااج

وانت طيب يا ولا

كل سنة وانتِ طيبة يا برنسيسسسسسة هههه

ههه وانت طيب يا عيون البرنسيسة , اتأخرت ليه يا ولا ؟

يادوب على ما خلصت شغلي , ميييين ! خالتي توحااااااا ! هههه لالا انا كدة قلبي ما يتحملش الفرحة

ههههههههه وربنا عسسسسسل , واحشني يا ولاااااا , القعدة ما بتحلاش غير بيك

هههه تعيشي يا خالتي , ازيك يا اوسا , كل سنة وانتِ طيبة

وانت طيب يا ادهم , فين لسان العصفور يا بتاعة يللي اسمك شوقيييييييية

حاضرررررر هنشيعوه مع عطااااااااا

ازيك يا بت يا نورهان

ازيك يا خالو

ما جبتش مراتك وابنك يفطروا معانا ليه يا ابني ؟

هي دي بتاعة خروج وعزايم يا حاج !!! سيبناها في البيت , هتفطر مع الشغالة

يا ابني كنت جبتها معاك , كان نفسي نشوفوا الولاااااا

هنبقوا نجيبوهولك بعد يومين تلاتة ونفطروا سوا

طب ومراتك ما تجيش ليه تفطر معانا وتقعد في وسطيناااااا ؟؟؟

عاااااادل وانت عايزها تيجي ليييييييه ! ان شالله ما جتتتتتتت, هو مين عايز يشوف وشهااااااااا

على رأيك يا سعاد يختي , طالعة انعورة زي امها وفاكرة روحها فوق الناس

سعاااااد قصّري لسانك انتِ واختك عن سيرة الغايبة , احنا في رمضااااااااان , المغرب فاضل عليه يامَا يا شوقييييييية ؟

تلت  ساعة يا حاااااااااااج

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

خدي يا هيام ودي السلااااااااطة , المغرب قرب يا بنتي وجوزك مستني

حاضر يا ماما

**********

احمددددد خد مني السلاطة على ما نجيبوا باقي الأكل

هاتي يا هيومة , احنا هنقوموا نتناولوا منكو الصحون , هاتي يا امي

يا ابني اقعد ما تتعبش نفسك

مافيش تعب ولا حاجة , عنك الصحون دي يا أمي

خد يا ابني ... هاتي دورق قمر الدين يا هياااااااام , وما تنسيش الخشاف يا بنتي

حاضر يا ماماااااااااا

يلا يا ولاد المغرب قرّب يأدددددن

اهو قعدنا اهو يا أمي,اقعدي بقى يا ست الكل ارتاحي

يريح قلبك يا ابني ...... يا سلام .... ياما كان نفسي خالد يكون معانا....رمضان معاه كان له طعم ما دوقناش حلاوته من ساعة ما سابنا وسافر..فاكرة يا هيام خالد اخوكِ كان يعمل ايه ليلة رمضان كل سنة؟كان يجي من برا ومعاه الفول والعيش اللي هنتسحروا بيهم وكام عقد زينة لرمضان ,يهل علينا وهو بيضحك ووشه منور زي البدر وياخدني بالحضن ويبوس ايدي وراسي ويقولي كل سنة وانتِ طيبة يا ام خالد يا عسل هه...ويحضن هيام ويقولها كل سنة وانتِ طيبة يا هيومة, ويجري ع البلكونة يعلق الزينة ونسمعوه بيهني الجيران بصوته اللي كله حنية ومحبة للناس كلها ,صوت زيناه فرحة رمضان ...وأول يوم نلاقوه داخل علينا قبل الآدان بكيسة عرق سوس وكيسة تمر هندي ويقولي جبتهوملك عشان بتحبيهم يا أمي...أيّووووه وربنا صوته بيرن في ودني زي ما يكون قاعد معايا...الهي يرد غيبتك ياابني انت والجدعان اللي زيك...وحشتني يا خالد اهئ اهئئئئئ

ليه بس البكا يا أمي!ان شاء الله السنة الجاية يكون معانا ونفطروا سوا ويعلقلك الزينة ويجيبلك العرق سوس والتمر هندي,رغم اني جايبهوملك بس معلش بقى,مالهومش طعم زي اللي كانوا بيجيبهم خالد ههه

هه ما تقولش كدة يا احمد,دا انت ابني ونور عيني..بس غيبة اخوك طالت والقلب ما بقاش حمل فراق يا ابني

هيرجع يا أمي,هيرجع ان شاء الله وهيفرح قلبك وقلوبنا...ايه يا هيام! انتِ كمان بتبكي!يعني نسيبولكو السفرة وننزلوا نفطروا في مائدة رحمن عشان ترتاحي انتِ وامك!ههه

هه حقك علينا يا احمد...كلام ماما عن خالد اخويا فجر بحر شوق في قلبي يمته..ربنا يرجعك بالسلامة يا اخويا اهئ اهئئئئئ

يا رب يا هيام,شوقي له ما يتحكاش عنه ولا يتوَصَف,لكن عارف ان ربنا هيردلي صاحبي اللي ما عَرَفتش طعم الراحة ولا لقيت صاحب نفضفضله  من ساعة ما مَشَى.... خالد كان بيفهمني ويحس بللي جوايا من غير ما نقولوه,لا لقيت صاحب زيه ولا هنلاقوا....هو كلمك وقالك كل سنة وانتِ طيبة يا أمي؟

كلمني يا حبة عيني..أول ما سَمَعت صوته دموعي نَزَلت وما قَدَرتش نحوشوها,قولتله تعالى يا خالد,كفاياك غربة يا ابني الله يرضى عليك,قالي راجع يا أمي,راجع ان شاء الله

ان شاء الله يا أمي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

يلا يا رشاااااا يلا يا منة

حاضر يا بابا انا جاية اهووووو..كل سنة وانت طيب يا بابا يا حبيبي

وانتِ طيبة يا منة , دي المرة الكام تقوليلي كل سنة وانت طيب !

هههههه بحب اقولهالك طول رمضان , انت زهقت مني يا بابا ؟

معقووووووول ! حد يزهق من بنته حبيبته ! ههه

ههههههه حبيبي يا بابااااااااا

اومال فين مامتك ؟

بتحط  الفطار اللي عبد الرحمن هياخده ويروح يفطر مع اصحابه في الشنطة , ما انت عارف ان كل واحد فيهم بيعمل اكلة ويتجمعوا ويفطروا اول يوم رمضان

طيب يا ستي كل سنة وهما طيبين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

حطيتلك صنية المكرونة بالبشاميل وشوربة لسان العصفور ومحشي ورق العنب , كويس كدة يا عبد الرحمن ؟

اومال فين اللحمة يا مامااااااا

اهيه يا حبيبي اهييييييه

ايه يا ماما ددددده ! دول شوية ما يجوش نص كيلووووو , كتري يا ماما شوووووية

اووووووف يعني كل الاكل ده مش مكفيكووووو ! ماشي يا سيدي , ادي حتتين كمان اهوووو اتفضل شيل شنطة الاكل وما تفتحش بقك بكلمة زياااااادة

ماشي يا ماما , تسلم ايدك يا ماما يا ست الككككككل ههههه كل سنة وانتِ طيبة

هههه وانت طيب يا حبيبي

يا رشاااااااااااا

جاية يا هاني حاضررررررر

سلام يا بابا انا نازل عشان  اتأخرت  على اصحابي

ماشي يا عبد الرحمن , ما تتأخرش عشان مذاكرتك

ما تقلقش يا بابا , هفطر مع اصحابي وبعدين نروح نصلي التراويح كلنا واجي على طول , سلمولي على تيتة لحد ما اشوفها بكرة في العزومة الخصوصيييييي ههه سلااااااااام

ههه مع السلامة يا حبيبي , يا ست رشااااااااااااا

ايوة ايوة يا هاني جيت اهو يا حبيبي , انت مستعجل ليه ! لسة فاضل يجي ربع ساعةع المغررررب

يا ستي برضو ننزل بدري عشان تساعدي امي يمكن تكون محتاجة حاجة

ماشي , ما هي مالهاش مرتات ولاد غيري ,  يلا يا منننننننننننننة

حاضر يا ماماااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تررررررررررررررررررررررررررررررررررررررررررررررررررررن

ده اكيد هاني ......ايوة يا هاني جاية يا حبيبي

اهلا يا حضرة الظابط ههه

ههه كل سنة وانتِ طيبة يا اميييييي , الله الله الله على ريحة الملوخييييييييية هههههه

ههههه لازم اعملهالك طبعا عشان بتحبها , ازيك يا رشا

ازيك يا طنط , كل سنة وانتِ طيبة

وانتِ طيبة وبخير يا بنتي , مننننننة هههه

تيتة حبيبتي كل سنة وانتِ طيبة اموووه امووووووه

ههه وانتِ بخير وسعادة يا حبيبتي انتِ واخوكِ

ها يا امي , ايه اللي ناقص عشان رشا ومنة يعملوه ؟

ولا حاجة يا حبيبي , كل الأكل خلص وطفيت عليه الحمدلله وكنت لسة بعمل السلطة

طب خلاص , ادخلي كملي السلطة يا رشا وجهزوا سفرة الرجالة وسفرة الستات

حاضر يا هاني , تعالي وريا يا منة

وراكِ يا مامتي , تييييييتة عملتيلي سلطة بابا غنوج الحلوة بتاعتك ؟

هههه عملتهالك يا منة , على اخر لحظة افتكرتها وقلت يا خبررر كنت هنساها ومنة هتزعل مني

ههههه ربنا يخليكِ ليا يا تيييييتة , انا داخلة ورا مامتي بقى

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

جهزتي عشان ننزل نفطر مع امي يا نسرين ؟

يس , ريدي

طيب فين ايتن ؟

مش اعرف , جايز تكون في اوضتها

في اوضتها ايه بس ! فاضل أقل من  ربع ساعة ع المغرب  اووووف هروح اشوفها

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تن تن ايتن

آآآآه ادخل يا دادي آآآآه

ايه ده ! مالك يا حبيبتي؟

عندي ألم فظيع في رجلي مش قادرة امشي عليها اهئ اهئ

ازاي الكلام ده ! اتخبطتي فيها ولا ايه ؟؟؟

مش فاكرة يا دادي اهئ اهئ كل اللي عارفاه دلوقتي اني مش هقدر انزل افطر معاكو عند تيتة

ممممم بقى هي الحكاية كدة , طب يلا يا بنت قومي جهزي نفسك حالاااااااااااااااااا

يا دادي بقولك تعبااااااااااانة اهئ اهئئئئئئ

يلا يا بنت قومي البسي بلاش دلعععععععع, التمثيل ده ما بيخيلش علياااااااا , يلاااااااا

يووووو اوكيه يا دادي, اوووووف كل حاجة أوامر أوامرررر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تررررررررررررررررررررررررررررررررررن

ده تلاقيه عصام ولا ماجد , روح افتح يا هاني

حاضر يا امي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ده عصام يا امييييي كل سنة وانت طيب يا عصام

وانت طيب يا هاني

كل سنة وانتِ طيبة يا مدام نسرين

وانت كماني , ثانك يو

هههه كل سنة وانتِ طيبة يا ايتن يا حبيبتي

وانت طيب يا عمو هاني , اومال فين منة ؟

انا اهوووووو ازيك يا عمو عصاااااااام كل سنة وانت طيببببببب ههه

وانتِ طيبة يا منة يا حبيبتي ههه

ازيك يا طنط سينووووو كل سنة وانتِ طيبة

ثانك يو منة

ايتننننننن هههه اموووووه كل سنة وانتِ طيبة , صايمة ولا زي كل سنة ؟؟؟

ههه زي كل سنة

يا وحششششششة, في حد في الدنيا ما يصومش رمضااااااان ! ده الصيام جميل قوووي

ههههه خديه كله لوحدكككككك

طيب تعالي تعالي سلمي على تيييييتة

اووووووف بعدين , لما دادي ومامي يسلمو الأول

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اميييييي كل سنة وانتِ طيبة يا حبيبتييييي هههه ايدك ابوسها يا ست الكل امووه

وانت طيب يا دكتور

الله الله الله ريحة الأكل تفتح النفسسسسسسس شامم ريحة محشي كرنب

 هههه وورق عنب كمان يا دكتور وكل الأصناف اللي بتحبها انت واخواتك,فهيمة كانت معايا من الصبح وساعدتني الله يبارك في صحتها ولسة نازلة من شوية,ازيك يا نسرين كل سنة وانتِ طيبة

وانتِ طيبة كتير كتير يا طنطي

ايتن حبيبتي ههه واقفة بعيد ليه ! مش هتيجي تقوليلي كل سنة وانتِ طيبة يا تيتة !

ممممم كل سنة وانتِ  طيبة يا تيتة

وانتِ طيبة وبخير يا حبيبتي , اخبار مذاكرتك ايه ؟

فاين , عن اذنك هروح اقعد مع منة

اتفضلي يا حبيبتي

طنطي طنطييي اومال فين اسمها ايه دي ؟

مين دي ؟

اسمها ايه دي ! ممم أها , رشا

رشا في المطبخ

هههه طيب انا رايحة عندها

اتفضلي , هاني , اخوك ماجد ومراته وولاده اتأخروا قوي 

زمانهم جايين يا امي , لسة فاضل عشر دقايق  

طب رن عليه يا حبيبي شوفه

حاضر يا امي

تررررن ترررررررررررررررررررررررررن

ده كنسل عليا يا امي

طيب , يبقى تلاقيه في الطريق , ربنا يجيبه بالسلامة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ده هاني اللي رن عليا يا منال

اكيد عشان اتأخرت عليهم يا حبيبي , يلا انزل عشان تلحقهم

مش هاين عليا انزل واسيبك وباباكِ في الحالة دي

ان شاء الله يتحسن

هو عامل ايه دلوقتي ؟

اهو , بيغيب عن الوعي شوية ويرجع لوعيه شوية , الدكتور اللي جاله قال هيعدي عليه بكرة الصبح إن شاء الله

إن شاء الله , طيب خليني جنبكو يمكن تحتاجوا حاجة , وامي اكيد هتقدّر

يا حبيبي عشان خاطري انزل وما تقلقش , ربنا معانا , وكمان معاذ موجود لو احتاجنا حاجة , يلا يا حبيبي , ده اول يوم رمضان وماما امينة بتفرح بلمتكو حواليها

طيب يا منال , معااااااااااذ

نعم يا ابي

خليك جنب امك وجدك , انت هنا بدالي

حاضر يا ابي

السلام عليكم

عليكم السلام يا ماجد

جدي عامل ايه دلوقتي يا امي ؟

اهئ اهئئئئئئ غايب عن الوعي يا معاذ , انا هروح اقعد جنبه , فين مريم ؟

مريم منهارة في اوضتها , انتِ عارفة هي بتحب جدو قد ايه

اهئ اهئئئئئئئئئ ربنا يلطف بيه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

هااااااااي يا انتِ , مش انتِ الطباخة الجديدة برضو ؟

اوووووووووف  بقولك ايه انا في رمضان وصايمة ومش عايزة اغلط فيككككككِ

ههههههههه انا بقى فطرانة وهغلط فيكِ

برضو مش هتستفزيني اني اغلططططط ,اللهم اني صايمة

لما سألت عليكِ طنطي قالتلي انك في المطبخ , قولت في نفسي , اكيدي اكيدي لازم تكون في المطبخ , عشان ده مكانك الطبيعي اصلا ههههه

يوووووووووو طب والله لرشك بالمية اهووووووو اخرجي براااااااااا

يا ماميييييييي هههههههه خارجة يا متوحشة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

يا هاااااااااني ابعتلي منة يا هاااااااااااني

روحي يا منة ساعدي ماما في المطبخخخ

اوكيه يا بابا , عن اذنك يا توني

اتفضلي اووووووف حاجة ملل

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ايوة يا ماماااااااااااا

سيباني وقاعدة برا بتعملي ايه يا بنتتتتتتتت

كنت قاعدة مع ايتن

طب خدي يلا صبي الخشاف في الكوبيات وبعدين حطي التمر باللبن في الكاسات دددددي يلا اخلصي المغرب قرب يأذن

حاضر يا ماماااااا من غير زعيققققق النهاردة اول يوم رمضااااااااان هههه كل سنة وانتِ طيبة يا مامتي

وانتِ طيبة يا حبيبتي , يلا عشان تساعديني نحط الاطباق ع السفرتييييييين  المفروض الكل يساعد بس نعمل ايييييييه مرات عمك هاني وبنتها عاملين فيها هوانممممممم ومرات عمك ماجد عاملة حجتها انها ساكنة بعيد عنناااااااااا

هههه يا ماما وفيها ايه يعني ! احنا لما نحضرلهم فطارهم هناخد ثواب اكتر منهمممممم

طيب يلا يلا اخلصييييييييي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

كدة السفرتين  جاهزين  يا ماما ومش ناقص أي حاااااااجة

طيب تمام , السفرة جاهزة يا جماااااااعة

يلا يا عصااااااام يلا يا ايتن خدي  مامتك وروحوا الأوضة التانية عشان تفطروا 

اوكيه , يلا يا مامي عشان ناكل ونطلع بقى انا زهقتتتتتتتت

اوكيه ايتن , انتِ ليه عصبية كتير كدة !

زهقانة يا ماميييييي مش بحب اجي هناااااا

اوكيه , هناكل وبعدين نمشي باي , على فكرة طنطي لولى قالت انها هتعزمنا في مرة  على السحور

واوووووووووو ههههههههه طنطي لولى دي بموت فيهااااااا

وهي كمان تحبك كتير , وقالت لازم اجيب رامي معايا عشان السحور

احنا هنتسحر فين ؟

في خيمة رمضانية

واوووووووووو  هههه فكرة تحفة قوي

انتِ كمان تحفة قوي حبيبتي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

وبعدين يا ولاد , اخوكو ماجد اتأخر قوي

تررررررررررررررررررررررررررررررررررررررررررررررررررن

اهو جه يا اميييييييييي

روح افتح يا هاااااااااني

حاضر

اهلا يا ماجددددد كل سنة وانت طيب اتأخرت ليييييييه , الله ! فين مراتك وبنتك ؟

منال ما قدرتش تيجي عشان والدها تعبان قوي , وطبعا مريم ما رضيتش تسيبهم

طبعا طبعا , الف لا باس عليه , ماله ؟

والله تعبان قوي وغايب عن الوعي يا هاني وجبناله الدكتور الصبح , هدخل اسلم على امي

 ***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

امييييييييي كل سنة وانتِ طيبة يا حبيبتي

اهلا حبيبي وانت طيب يا ماجد , فين منال ومريم ؟

معلش , منال بتعتذرلك عشان والدها تعب فجأة وما كانش ينفع تسيبه وتيجي

لا حول ولا قوة إلا بالله , هو حالته صعبة ؟

قوي يا امي

طيب ازاي يا ابني تسببهم وتيجيييييييي ! تووووء دي اصول برضو يا ماجدددددد ! كان المفروض تكون جنب مراتك

يا امي والله حاولت مع منال , لكن ما رضيتش , قالتلي لازم تروح لماما أمينة , دي متعودة تجمعكو اول يوم رمضان وما ينفعش تتأخر عنها

ايوة يا ابني بس في ظروف , لا حول ولا قوة إلا بالله

اطمني يا امي , معاذ معاهم لو احتاجوا حاجة

ربنا يشفيه يا ابني

مدفع الإفطااااااااااااار إضررررررررررب

الله أكبررررررررررررررررررررر

الله أكبرررررررررررررررررررررررررر

يلا يا ولاد , كل واحد يدعي ربنا قبل الفطار بللي بيتمناه , ربنا يتقبل منكم

بسم الله الرحمن الرحيم

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اهئ اهئئئئئئ اهئئئئئئئ بابا رد عليا يا بابا ارجووووك

اااااه منال , بنتي , لو انا غالي عندك ما تبكيش  ااااه

اهئ اهئئئ حاضر يا بابا , انت حاسس بإيه دلوقتي يا حبيبي ؟

منال ......... متشكر يا حبيبتي

متشكر على ايه يا بابا ؟

على كل التضحيات اللي ضحتيها عشاني , على اهتمامك بيا طول فترة مرضي , عمرك ما اتضايقتي مني ولا من طلباتي يا بنتي , عمرك ما كشرتي في وشي ولا عليتي صوتك عليا في عز ضعفي ومرضي , دايما مبتسمة في وشي , رغم تعبك معايا كنتي بتتمني حياتي ودايما تدعيلي بطول العمر , ربنا يكرمك يا بنتي , كنتِ نعم البنت البارة بأبوها , ربنا يباركلك في زوجك وأولادك يا بنتي

اهئ اهئئئئئئئئ يا بابا ما تقولش كدة ارجوك اهئ اهئئئئئئ أنا ما عملتش أي حاااااجة اهئ اهئئئئئئئ انا طول عمري مقصرة في حقك اهئ اهئئئئئئئئئئ انت تستحق اضعاف اضعاف اللي عملته اهئ اهئئئئئ يا ريت كان بإيدي اديك عمري كله يا بابا اهئ اهئئئئئئئئئئ سامحني على تقصيري يا حبيبي

مقصرة ! انتِ ادتيني كل حاجة في كبر سني , الحب والاهتمام والرعاية , وولادك حبايبي معاذ ومريم كانوا اجمل حاجة في حياتي , هما فين

اهئ اهئئئئئ حاضر يا بابا , معااااااااذ مريمممممممم

نعم يا اميييييي

اهئ اهئئئئئ تعالوا , جدو عايزكو

جدو حبيبي اهئ اهئئئئئئئئئ عامل ايه دلوقتي

مريم , ما تبكيش يا حبيبتي , لو بتحبيني ما تبكيش , معاذ

نعم يا جدو

ربنا يبارك فيك ويحفظك انت واختك , بر ابوك وامك زي ما امك  كانت طول عمرها بارة بيا هي واخواتها اااااااه

جدووو حاسس بإيييييييييييه

الحمدلله ااااااااااااه اللهم لك الحمد ااااااااااه اشهد ان لا إله إلا الله واشهد ان محمدا رسول الله

جدووووووووووووووووووو

باباااااااااااااااااااااااااااا اهئ اهئئئئئئئئئئئئئئئئئئئئئئئئئئئئئئئئئئئئئئئئئئئئئئئئ

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

الاكل كان لذيذ جداااااا تسلم ايدك يا امي

تسلم يا ماجد يا حبيبي , بس كان نفسي منال تكون معانا

ترررررررررررررررررررررررررررررررررررن

دي منال اللي ع التليفون , السلام عليكم يا منال

اهئ اهئئئئئئ بابا مات يا ماجدددددددددددد

ايييييييه !.... إنا لله وإنا إليه راجعون

في ايه يا ماجدددددددد

............... عمي عزت توفاه الله

إنا لله وإنا إليه راجعون,إنا لله وإنا إليه راجعون,الله يغفرله ويرحمه ويتجاوز عن سيئاته ويجعل الجنة مثواه,يلا نروح لمنال يا ماجد,لازم نكون جنبها في الوقت الصعب ده يا ابني

خليكي انتِ يا امي , ابقي روحيلها بكرة

مستحييييييييل, لازم اكون جنب منااااااااال

طيب يا أمي

يا ولاااااااد يا هاااااااااني يا عصااااااااام الأستاذ عزت حما ماجد اخوكم توفاه الله

إنا لله وإنا إليه راجعون , البقاء لله يا ماجد

ونعم بالله يا هاني

البقاء لله يا ماجد

ونعم بالله يا عصام

يلا يا عصام , يلا يا هاني روحوا مع اخوكو , انا هلبس حالا عشان ننزل

رشااااااا والد منال توفاه لله

والله ! لا حول ولا قوة إلا بالله , والله زعلتني يا هاني

طيب هتيجي معانا دلوقتي ولا ايه ؟

خليها بكرة بقى تكون منال هديت شوية

طيب على راحتك

في ايه يا طنطييييييي

منال والدها توفاه الله

يا حرااااااااااام , انا زعلت خاااااالص , اصل مينولا طيبة كتير

الله يرحمه , عن اذنك عشان هروح البس

اوكيه طنطي , وات ايه باد نيوززززز

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ممممم ربيع في القهوة اهو , اما نعدوا عليه نرموا السلام,وربنا قلبي بينشَرَح لما بنشوفوه.

****

ربيع

أهلااااااً ههه الست توحا , ازيك يا ستنا

ازيك انت يا ربيع , كل سنة وانت طيب

وانتِ طيبة وبخير يا ست توحا ... كنتِ معزومة برا ولا ايه ؟

ايوة , عند اختي , كنت هنعدوا عليك وانا رايحة بس لقيت القهوة مقفولة

ايوة , ما انتِ عارفة لازم نقفلوها عشان نهار رمضان والناس صايمة , هنفتحوها كل يوم بعد الفطار

وانت فَطَرت فين النهاردة ؟

عند خطيبتي

مممم خطيبتك !!!.... كانت طابخالك ايه على كدة ؟

هههه مش هي اللي بتطبخ , دي امها

باين عليها خايبة

يعني , ما انتِ عارفة بنات اليومين دول

على رأيك , حسرة , ما فهومش حاجة عدلة ,  وحاشة وخيابة

هههههههه انتو بقى الجيل القديم بتاعكو كان حلاوة وشطارة

جيل قديممممم !!! جرا ايه يا ربيع !!! انا مش كبيرة كدة يعني عشان نتسموا من الجيل القديم

ما نقصدوش يا ست الكل , نقصدوا يعني ان انتو مافيش في شطارتكو ولا في زي حلاوتكو وطعامتكو

هههههه سلم لسانك مممم كان نفسي نعزموك ع الفطار بس خايفة من كلام الناس , انا وحدانية ولازم نخافوا على سمعتي

نعم ! اه ههه طبعاً , شابة بقى وفيكِ الطمع

على رأيك , ولسنة الناس ما بترحمش , اومال انت هتفطر فين بكرة ؟

ممم بصراحة احنا مش بنصوموا من اصله

هههههه صحيح ؟

بتضحكي على ايه يا ست توحا ؟

ههه اصل احنا زي بعض , احنا كمان ما بنصوموش

هههه

ربيعععععععع اتنين شيّ يا ربيععععععع

الطاولة يا ربيعععععع

واحد عناب هنا يا ربيععععععع

ايّووووه طب بالإذن يا ست توحا نشوفوا الزباين وإلا المعلم لو جه هيبهدلنيييي

طيب يا ربيع , نشوفوك بعدين هه سلام

سلام يا ست توحا , شابة وفيها الطمع هههههههه الولية اتجننت , ايوة من قال عايز شيييييييّ ؟

**************************************

ولحد هنا وانتهت حلقاتنا لهذا الأسبوع

عارفة انكم عايزين حلقات اضافية,لكن أنا ذكرت قبل كدة ان ده ما ينفعش في الفترة الحالية.لازم انتهي من ترتيب المشاهد والتنسيق للرواية بأكملها,غير كدة مستحيل

انا والله لو عليا احط الحلقات كلها في يوم واحد,لكن ظروف الرواية وتنسيقها تعوقني..صبراً قرائي الأفاضل ,يوماً ما ستكون الرواية ذكرى وينفض الجمع من حولها وقد علموا عن أحداثها كل شيء..صبراً

ولكل القراء الأعزاء الذين سألوا عن رابط رواية زوجتي والمفتاح

سأضع رابط الرواية على الجود ريدز

https://www.goodreads.com/book/show/27832675

*****************

بالنسبة للأسئلة

في قراء أعزاء بيسألوا هل عصام طلق أماني؟ أقول لهم لم يحدث,من أين أتيتم بذلك! الرجل  أراد أن يطلقها فهددته بفضح أمره أمام عائلة زوجته فما كان أمامه غير الرضوخ والإذعان

أيضاً أتذكر أن إحدى القارئات الفضليات قالت أدهم خاله في السجن! لا والله ما عندوش خال في السجن ولا خال في أي حتة,سعاد وتوحا ليس لديهما أشقاء..انما جده لوالدته هو من كان في السجن ومات به وذكر ذلك في الجزء الأول من الرواية

القارئة العزيزة (omtalha) من أخوات طريق الإسلام

اولأ أرحب بكِ على مدونتي المتواضعة ,وأحب أن أذكر أن لكل قرائي مكانة ومنزلة عالية في نفسي وجميعم تيجان عز وفخار فوق رأسي ,ولكن قرائي من أخوات طريق الإسلام لا يفوقهم أحداً قدرأ ومكانة ,وذلك لأنهم أول من قرؤوا لي وشجعوني ودعموني بكلماتهم الطيبة ,ومنهم من كانوا يتأسدون في الدفاع عني بكل شراسة ,وما نبع ذلك إلا من حبهم وطيب قلوبهم,لذا عندما أجد إحداهن على مدونتي تغمرني السعادة ورب السماء

وبالنسبة لسؤالك أختي أم طلحة عن قراءة ابنتك حفظها الله لثلاثية عاشقة الأسود أرى أن تبدأ برواية مراتي في السبعينات فهي الأنسب لها في هذه المرحلة,أرى أن تقرأ زوجتي والمفتاح وزوجتي وحافة الهاوية في سن الخامسة عشر  حتى يكون قد تحقق لها النضوج والاستيعاب بشكل أكبر..هذا رأيي وإن كان للقراء الأفاضل رأي آخر فليتفضلوا به

******

القارئة العزيزة هدى البليسي

مبدئياً أود أن أقول أن أي كاتب يوصم الأبرياء بالعار ويزيف الحقائق هو كاتب مجرم بلا شك..الشخصيات الحقيقية عندما ترد في رواياتي يتنحى خيالي ويكتب قلمي ما يعرفه من حقائق عن هذه الشخصية ..عندما قررت أن أتناول موضوع تحرر المرأة في ثلاثية عاشقة الأسود كان عليّ أن أبحث بحثاً مكثفاً عن من كان وراء ما حدث للمرأة ,فصدمت بأسماء درسوها لنا كرموزا وطنية ودعاة فضيلة..ما ذكر في الرواية عن هذه الشخصيات  هو عين الحقيقة ,ولا تأخدي كلامي على انه من المسلمات,فعليكِ أيضاً أن تبحثي وتعددي مصادرك حتى يترسخ اليقين في نفسك حبيبتي

*****************

القارئة العزيزة أم عمير (عطاء داعية)

أعتذر للخطأ الغير متعمد حبيبتي في عدم ذكر اسمك رغم انه حاضر في ذاكرتي وربي ,العجلة هي من تفعل ذلك فعذراً لكِ وأشكرك على الاهتمام بالتعليق ,فهذا فضل منك

وكذا اعتذر لكل قرائي الأعزاء الذين لم أذكر أسمائهم رغم أني لا أنساهم وشاكرة لتفضلهم بالتعليق

جميع تعليقاتكم أقرأها وأنتظرها بشوق

**************

شكراً لكم جميعاً ألتقيكم يوم الأثنين القادم إن شاء الله