الحلقة السادسة عشر (ف2)

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

هو اني بقالي كام يوم مش شايفة ربيع في القهوة ليه !!!! ايّوووووووه ليكون الولا ده اتجوز , يادي الحظ اللي مش عايز يتعدددددل , ايه ده , هو اللي ظهر ع الإمة دددده ! ايوة هوووو هههههه احنا هننادو عليييييه .. لالالا ننادوا ازاي ونتفضحَوا وسط الخلق !, لالالا مش قيمتنا , احنا هنشيعوله البت اسراء  بنت الجيران

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تررررررررررررررررررررررررررررررن ترررررررررررررررررررررررررررررن

مييييييييين

افتحي يا ام اسراء انا توحاااااااااا

ههه اهلا , ازيك يا ست توحا , اتفضلي

تعيشي , هي البت اسراء عندك ؟

ايوة جوا بتكتب الواجب , عايزاها ؟

ايوة , هنشيعوها في مشوار طياري كدة

حاضر من عنينا , بت يا اسراااااااااااء

نعم يا مامااااااااااا

تعالي يا بت كلمي الست توحا صاحبة العمااااااارة

حاضر يا ماما

معلش يا ست توحا هنتأخروا عليكِ في فلوس الإيجار يومين تلاتة , صاحب الشغل مأخر القبض على جوزي

ماجراش حاجة , بس ما تتأخروش عن يومين

لا مش هنتأخروا إن شاء الله , الراجل يقبض ونشيعولك الإيجار في نفس اليوم , بت يا اسرااااااء

ايوة يا ماما انا جيتتتتتت ازيك يا تيتة توحااااااا

تيييييييييتة ! انا يا بت يللي تنشكي في لسانك انتِ مش منبهة عليكِ بدل المرة ألف ما تقوليليش تيتة دي تااااااااااني

اومال نقولوا ايه ؟؟؟؟؟؟

ما تزعليش الست توحا يا بتتتتتت ما لناش بركة إلا هييييي , قوليلها يا أبلة

ههههه أبلة !!!!!!!!

بس يا بت اخرسي هتزعليها منناااااا  وصيت البت تقولك يا ابلة اهو

لا ابلة ولا ابلتين , اني الست توحاااااا الكبير والصغير يقول يا ست توحااااااااااا

خلاص يا ست توحا , روحي يا بت يا اسراء شوفي الست توحا عايزة ايه , تجيبيلها طلبها وتجيلي طوّاااالي

حاضر يا ماما , نعم يا ست توحا

ههه تعالى يا اسراء يا عسل انتِ , عارفة يا بت القهوة اللي قصاد العمارة ؟

ايوة عارفاهااااا

طيب انزلي ناديلي صبي القهوجي اللي اسمه ربيع , قوليله الست توحا عايزاك ضرووووري

حاضر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

مممممم وبعدين بقى !أنا واقفة قصاد القهوة ومش عارفة نكلموا مين ولا نعملوا ايه ! القهوة مليانة ناس يامَا , هو مين فيهم ربيع بقى ؟

شوف شغلك يا ولا انت وهو وشوفوا طلبات الزبايييييين ,ايه البت اللي واقفة دي وعايزة ايه ! عايزة حاجة يا شاطرة ؟

ايوة , أنا عايزة ربيع

ربيع !!!! عايزاه في ايه ؟

مش أنا اللي عايزاه , دي الست توحا صاحبة العمارة

الست توحا ! عجايب , ولا يا ربيععععععع

نعمين يا حااااااج

الست توحا مشيعة البت دي وعايزاك

الست توحا !, هي قالتلك عايزاني اني يا شاطرة ؟

هو انت ربيع ؟

ايوة

هي قالتلي عايزة ربيع ضروري , ايّووووووه ده باباااااا

بت يا اسراااااااااء

نعم يا بابااااااا

ايه يا بت اللي موقفك في القهووووووووة ؟

دي الست توحا شيعتني ننادولها صبي القهوجي اللي اسمه ربيع

ايه الكلام الفاضي ده ! طب فوتي يا بت قدامي وإياك تيجي يمة القهوة دي تاااااااااني

حاضر يا بابااااا

طب بالإذن يا معلم هنطلعوا نشوفوا الست توحا عايزة ايه

نعم يا اخويااااااا ! نسيبوا شغلنا وحالنا ونفضوا للحريمممممممم !!!

لالالا خلاص ولا تزعل يا معلم

روح شوف شغلك يا خويااااا وبعد الشغل ابقى روح مطرح ما انت عايزززز

حاضر يا معلممممم

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ادخلي يا ست اسراااااااء , يا ام اسرااااااااء انتِ يا ام اسرااااااااء

انت جيت يا ابو اسرااااء ههه حمدالله ع السلامة

انتِ يا ست انتِ اتجننتيييييي ! ازاي تخلي البت تنزل لحد القهوووووة !!, اييييه مستبيعة ومش خايفة ع البتتتتتتت !!

ايّوووووووه القهوووووة ! وهي ايه يوديها القهووووة !!

يا ماما الست توحا قالتلي شيعيلي ربيع صبي القهووووووجي

اييييييييييه ! وهي مالها الولية دي ومال صبي القهوجي ! اتجننت دي واللي جالها جالها في دماغها ولا ايه !!!!

وربنا انتِ اللي اتجننتييييي , ازاي تخلي الناس تشيع البت في حتت ما نعرفوهاااااااش !!, مش خايفة واحد محشش ولا دماغه بايظة يمد ايده عليهاااااااااااا !

معلش يا ابو اسراء وربنا ما نعرفوا انها هتشيعها  القهوة , أنا كنت فاكراها عايزاها تستقضالها طلب من تحت

البت ما تقضيش طلبات لحد من هنا ورايحححححح ,احنا مش خدامييييييين والست دي مش فقيرررررة, عايزة خدامة تبقى تجيب بفلوسها اللي يخدموهااااااا

ما تزعلش روحك , حاضر , أنا بس وربنا كنت بنقول ست كبيرة ووحدانية ومافهاش حاجة لو شيعت البت تجيبلها طلب ولا حاجة

الكلام ده اذا كانت ست كبيرة وعاقلة , لكن الست دي بصراحة احنا ما بنرتاحولهاااااااااااش , بقى  تشيّع البت  لصبي القهوووووووجي !!!

يعني هتكون عايزاه في ايه يا ابو اسراء ! ده اصغر من ابنها بيااااااااما , تلاقيها بس مشيعاله عشان تديله قرشين صدقة

مالناش دعوة بيهاااااا دي واحدة مقاطعة الكل عشان تعيش لمزاجهاااااا وفضيها سيرة وشوفيلنا لقمة نتسمموهااااااا

حاضر يا ابو اسراء , وربنا الراجل عنده حق والولية دي باين عليها اتجننت بصحيح , بس تكون عايزة ايه من صبي القهوجي ؟

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ترررررررررررررررررررررررررررررررررررررررن

مييييييييين

اني ربيع يا ست توحا

ربيييييييييع

*************************

ههه اهلا يا ربيع , أول ما افتكرت تيجي !

هه معلش , المعلم اصله شديد حبتين وما رضاش يخلينا نجولك إلا لما نخلصوا الوردية بتاعتي , حقك عليا اني

لا حق ولا مستحق , وطالما جيت لحد هنا واشتريت خاطري يبقى سماح ههه

ههه متشكرين يا ست توحا

ادخل يا ربيع

لالالا ندخلوا فين ! نخافوا لابنك يجي ويتعارك معايا

لا ماتخافش لا هيجي ولا هيعتب هنا تاني , اني كرشته وقولتله ما تهوبش يمة هنا تاااااااني

ليه كدة بس ؟

طمااااااااااع , الناس كلها طمعانة فيا اكمني وحدانية زي ما انت شايف , ادخل بقى ايّووووووه عايزين نشربوا اتنين شيّ على روااااااقة

ههه ماشي يا ست توحا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

الشيّ مظبوط  يا ربيع ؟

مظبوط وعشرة على عشرة يا ست توحا ههه لكن انتِ كنتِ مشيعالي ليه ؟ عايزة أي خدمة يا ست الكل ؟

ابدا , اصل قَلَقت عليك لما لقيتك غيبت يامَا عن القهوة , بقالك تلات تيام مش باين , افتكرتك اتجوزت

نتجوز ! هه هو اني لاقي شقة عشان نتجوززز ! اني بس امي كانت عيانة وخدناها ع المستشفى

يا عيني ! مالها بعد الشر ؟

السكر علىَ عليها شوية , وانتِ عارفة السن الكبير بقى ومشاكله

هنعرفوه منين !!!!! شايفني ست كبيرة من دور امك ولا اييييييه ؟؟؟؟

هااا ! لالالا احنا ما نقصدوش يا ست الكل , امي ايه بس ! , طب دانتي في عز شبابك

ههههه ايوة كدة خليك حلو , اشرب الشيّ يا ربيع عشان نجيبولك حاجة ساقعة , ولا نجيبولك تتعشى ؟

لالالا , لا ساقع ولا عشا , احنا يا دوب ننزلوا عشان خطيبتي مستنياني

خطيبتك !!! مممممم هتفسحها ؟

هه نفسحوها ايه بس ! هو احنا معانا فلوس نفسحوها ! , احنا هناخدوها نفرجوها على شقة في الأباصيري

هو انت لقيت شقة في الأباصيري ؟

لسة هنشوفوها , كان واحد قريبي قالي عليها , هناخدوا سمية ونروحوا نشوفوها , بس ادعيلي يطلع إيجارها حنين

هو انت هتاخدها ايجار ؟

ههه اومال يعني تمليك يا ست توحا !!!! متشكرين ع الشيّ ,بالإذن يا ست الكل

ما تقعد شوية , انت مستعجل على ايه ! الساعة ما جاتش تمانية

يادوب يا ست توحا , عشان نلحقوا نشوفوا الشقة ونرجّعوا سمية بيت ابوها قبل الساعة عشرة , اصل ابوها شديد قوي وما بيخليناش نتأخروا براحتنا , واحنا مش عايزين مشاكل معاه

لا وعلى ايه ! باين عليك شاري خاطرهم قوي  ,بس على الله يكونوا يستاهولك , اصل انت ما انتش عارف قيمة نفسك , بس يا خسارة , ما تعرفش مصلحتك فين ومع مين

هه سلام يا ست توحا

........... بالسلامة يا ربيع , ابقى خلينا نشوفوووووووووك

إن شاء الله يا ست توحاااااا

اوووووووف رايح يشوف شقة, يا اخي ان شالله ما تتوفق فيها ويطلع مشوارك على فاشوش , يا خساااااااااااارة الولا حلو , حلو قوووي , يا خسارة شبابك اللي راح مع الشايب يا توحاااااا.

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تعالى نتمشوا  شوية ع البحر يا ربيع

ايّوووووووووووه ليكِ نفس تتمشي يا سمية بعد ما الشقة طارت مننااااااااااا !!

هههههههه الشقة ما طارتش , احنا اللي ممعناش فلوس نأجروها , تعالى تعالى نفرفشوا شوية بلا هم

وربنا المعبود ما انا عارف انتِ بتجيبي البرود ده منييييييين !

يعني هنعملوا ايه يا ربيع ! نعيط ونشيل الهم ونقول اه ياني يللي بقالك سنتين مخطوبة وانتِ وخطيبك كعوبكو دابت ع الشقق ومش لاقين شقة تأجروها ! يعني انا لو عملت كدة ايه اللي هيتغير !!, الموضوع كله في ايدك وانت اللي مش راضي بالشغلانة اللي جبتهالك عند جوز خالتي عشان تحسن دخلك وبدل ما تأجر حتة شقة هيبقى عندك عمارة تمليك

ايّوووووووووووووووه عايزاني نشتغل في المخدرات يا سميييييييية ! يعني بدل ما نعيشوا متهني نعيشوا متطارد من البوليس وما نتهناش بعيشة مرتاااااااااحة !!

بوليس ايه وبتاع ايه ! البوليس ما بيقبضش غير على الغُشم , لكن جوز خالتي واااااااعي واكيد هيوعيك انت كمان ويعرفك تاخد بالك من روحك ازاي

لا يا ستي , الله الغني عن الشغلانة اللي كلها قلق دي

مممممم طب خلينا بقى كدة قد سنتين تلاتة كمان ويمكن نقفّلوا عشرة , ايّوووووووه شايف يا ربيع ده كباريه بتاع عوالم , عليه صورة رقاصة مدلعة روحها قوي هههه تلاقيها بتكسب شيء وشويات يا جدع

ايوة يختي , انا عارف بياخدوا الفلوس دي كلها على ايه ! اومال لو بيشقوا زي الشقيانين كانوا خدوا كاااااام !!

ههههههه ما هو الرقص شقى برضو , بنقولولك ايه يا ربيع , ما تخليني نجربوا حظي ونشتغلوا رقاصة ونكسبوا فلوس يامَا قوي وننشلوك من الفقر اللي انت فيه ده

اييييييييييييييييييه ! انتِ اتجننتي يا بت يا سميييييييية ! عايزة تشتغلي رقااااااااصة , شيفاني بقرون وهنيجو  نمسكولك الصجاااااااااااااات !!!

هههه بنهزوا معاك يا جدع , انت خدت الحكاية جد ولا ايه !

كلامك كان جد لولا اني وقفتك عند حدككككككك

طب بنقولولك ايه

بس كفااااااااية مش عايز نسمعوا حااااااااجة , كلامك كله يفور الدممممم , ابتدا بشغلانة المخدرات وختم بالرقص , يلا يختي عشان نوصلوكي  . زمان ابوكِ قالب الدنيا

ايّوووووه يا عم سيبك من ابوياااااا تعالى هاتلنا اتنين درة وناكلوهم واحنا بنتمشوا

ماليش نفس يا سمية , يلا خلينا نمشوا , اني مش طايق روحي

طب هنشوفوك امتى تاني ؟

مش عارف

طب تعالى بكرة اتغدا عندنا واني هنخلي امي تعملك محشي الكرنب اللي بتحبه

ماشي يا سمية , هنخلصوا شغلنا في القهوة ونيجو

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

شوقية فين يا بت يا عطا؟

خالتي شوقية طَلَعت الدور الفوقاني توضب اوضة الست أوسا يا ست سعاد

ترررررررررررررررررررررررررن

طيب شوفي مين ع الباب واطلعي شيعيلي شوقية

حاضر يا ست سعاد

تررررررررررررررررررررررن

ايوة يللي ع الباب جااااااية...سي أدهم

ايه يا بت! ساعة عشان تفتحي!

معلش,ما كنتش يمة الباب,أهلاً يا سي أحمد يا صغير يا عسل ههه امووه ازيك

هه الحمدلله

تعالى يا احمد سلم على تيتة,اهي قاعدة ف الريسبشن اهيه…اهو احمد ابني اهو يا برنسيسة عشان تعرفي ان طلباتك أوامررر

هههه ازيك يا ولا يا احمد اموووه

ازيك يا تيتة

ما بتجيش ليه يا ولا ؟

بابا مش بيجيبني

ممم ولّا امك اللي بتقولك ما تروحش لتيتة سعاد ؟

ماما مش بتقول كدة , ومش بتقول اسمك خالص

ايوة يا اخويا ما احنا مش قد مقام الهانم امكككك

أميييييي ههه ايه يا برنسيسة , خفي ع الولا , احمد ما لوش في الحوارات دي

عارفة , بس بنفهموه عشان يبقى عارف , اوعى يا احمد حد يقسيك علينا ولا يقولك ما تعرفهومش , احنا أهل ابوك وابقالك من أي حددددد

................................. يعني ايه ؟

يا امّا خفي يا امّاااا ههه تيتة تقصد انها بتحبك يامااااا , احنا هنسيبوك مع تيتة ونرجعوا ناخدوك كمان ساعتين كدة عشان ورايا مشوار هنقضوه

انا هاجي معاك يا باباااااا

يا ولا خليك مع تيتة , وانتِ يا امّا , خفي اللون الغامق عشان الولا ابتدا يتفَجَع ههه سلاااااااام

ههه سلام يا ادهم , تعالى يا احمد اقعد جنبي

ممم حاضر

يا شوووووووووقية , ..........مالك اتفجعت من صوتي  كدة يا ولا ! بننادوا على شوقية تجيبلك حاجة حلوة

مش عايز , شكراً

شكراً ايه يا ولا ! انت في بيت جدكككك

هو فين جدو ؟

هههأ عند الكتكوتة مراته التانية في القاهرة

كتكوتة ! هو في حد بيتجوز كتكوتة ؟

هههههههههههههههههه ينيلك يا ابن أدهم , دانت خام قوي يا ولا ومش مفتّح زي أبوك ههههههه بت يا شوووووووقية

نعم يا ست سعاد , مين دددده ؟

هههه ده ابن أدهم ,نستيه ولا نظرك ضعف يا ولية !

ههه اصل بقالي يامَا ما شوفتوش , كَبَر اسم الله عليه , ازيك يا حبيبيييي ههه

الحمدلله يا دادة

ههه يختي اسم الله عسل , هادي زي الست ضحى

اسكتي يا شوقية ,  الولا هلّكني من الضحك , خام قوي يا بت , صفحة بيضا ما حدش خط فيها قلم

طالع لامه يا ست سعاد , جايبه من برا يعني ! ربنا يكفيه شر ال.........

شر الإيه يا بتتتتتتت ؟

شر  ولاد الحرام يا ست سعاد , ازيك يا حبيبي ههههه انت مكسوف ولا ايه  ؟

لأ

اسم الله عليك اسم الله اموووه كله شبه الست ضحى يا ست سعاد

ضحى ده ايييييه !!! ده شبه  أدهم وهو صغير

ربنا يجعله شبهه من برا بس ان شاء الله

طب روحي هاتي للولا حاجة حلوة ياكلها

انت فَطَرت يا احمد ولا نفطروك ؟

فَطَرت مع ماما

ربنا يخليهالك يا حبيبي هههه احنا هنجبولك حاجة حلوة

هاتيلنا الحاجة الحلوة في الجنينة يا شوقية , احنا هناخدوا الولا يلعب في الهوا

ماشي يا ست سعاد

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

الحاجة الحلوة يا ست سعاد , جبت شاكلاتة من اللي كان جابها الاستاذ احمد الله يكرمه الأسبوع اللي فات , اومال الولا فين ؟

بيلعب هناك أهو

الله ! ده سي احمد ججججه ههههه لسة جايبين سيرته الحلوة

ممممم شاف الولا ابن ادهم

اهلاااااااً هههه احمدددد انت هنا يا حبيبي ؟

.............

انت مش عارفني يا ولاااااا ؟ هههههه أنا عمك احمددد امووووووه امووووووه وحشتني يا احمددد ازيككككككك

الحمدلله يا عمو

ماشاء الله عليك , كَبَرت وبقيت راجل يا ولا هههه اموووووووه أنا فرحان ياما ومبسوط اني شوفتك وربناااااا

ههه

ايّوووووه ايه الضحكة الحلوى دددددي امووووووووه ربنا يخليك ويحفظك يا حبيبي , العب يا احمد براحتك , احنا هنروحوا نسلموا على تيتة وخالتي شوقية امووووه منور يا حبيبي

ههه شكراً يا عمو

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

السلام عليكم يا أمي هه

عليكم السلام يا احمد

ازيك يا خالتي شوقية هه وحشاني

الهي ما تشوف وحش ههه الهي تشوف الفرح كله يا سي احمد , شوفت الولا ابن سي ادهم عسل ازاي ؟ ههه

هه ربنا يحفظه يارب

ويرزقك انت والست هيام بالضنا اللي يفرح قلبكو قادر يا كريمممم

شوقيييييييييية كفاية رغي وروحي هاتيلنا حاجة نطفحوهاااااااا

عايزة تتطفحي ايه يا ست سعاد يوووووه قصدي عايزة تشربي ايه ؟

هاتي حاجة ساقعة ليا انا واحمد واعملي حساب الولا ابن ادهم

من عيني حاضر , منور يا سي احمد

بوجودك يا خالتي شوقية ...... ازيك يا أمي

أمك شايلة الهم والمر فوق قلبهاااااا

ليه بس يا أمي بعد الشر , زعلانة مع الحاج ولا ايه ؟

انت اللي مزعلنييييي , شايف الولا ابن ادهم كَبَر ازااااااي !!! أدهم اخوك الصغير بقى عنده ولا ملو العين , وانت خليك قاعد كدة جنب المحروسة , يعني شحاتة ورضينا بيها , كمان قاطعة خلفففففف !!! وربنا البت سحراااااالك , انا ما نديش عقلي لغيرررري

............ اسغفر الله العظيم من كل ذنب عظيم , يا أمي كفاية ظلم في هيام أرجوكِ , مافيش حد فيكو قال عليها كلمة كويسة في يوم من الأيام رغم انها ما اذيتش حد فيكو

كفااااااااااية, مش عايزة نسمعوا سيرة البت ددددي , كفاية النحس اللي حل علينا من يوم ما اتبلينا بيهااااااا

......... الله يسامحك يا أمي ..... عن اذنك هنروح نقعد مع احمد ابن اخويا شوية

اووووووف الولا مش طايق يسمع مني كلممممة , خلى المحروسة تنفعك , داهية تخلصنا من شبكتها السووووودة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

يوة يا ادهم باشا , رجالتي  هينفذوا المهمة ونديك التمام , البقية في حياتك مقدماً ههههههه

مستني تليفونك بفارغ الصبر يا جمال باشا

سلام يا ادهم باشا

أيّووووووه مش مصدق اني هنخلصوا من الكابوس اللي في حياتي اللي اسمه احمدددد , هههه دي الدنيا هتبقى حلوة بشكككككل , كل حاجة هتبقى ليااااااا , ليا اني لوحددددي , هنروحوا المينا ونديروها بطريقتي من غير ما حد يشاركني ولا ينغص عليا عيشتيييييي ,  وبعدها ابويا يموت ويبقى الحكم في كل حاجة ليا لوحدددددي , ساعتها هننتقموا من الكككككككل , هنربوا الككككككل وأولهم العقربة اللي اسمها اشجان اللي خَطَفت ابويا من امي وراحت تخلفله بت تشاركنا في الووووووورث , وربنا ما هيطولوا حااااااااااجة , كان احمد هو اللي هيحميهم مني ويديلهم حقوقهم , لو عايزين حقوقهم بقى يبقوا يحصلوه ع الآخرة ههههههههههههه , كدة كدة وسواء أحمد كان حي ولا ميت , ما كنتش هنددّوا اشجان وبنتها ولا جنيي من الميراااااااث , لكن برضو كان هيقف قصادي ويتحداني ويبقى عامل زي الشوكة في طريقي , لكن كدة بقى نبقى ريحنا نفسنا من وجع الدماااااااغ , ندخلوا ناخدوا دوش على ما التليفون يجيلي , الوداع يا احمد هههه الوداع يا عدوي الوحيدددددد

               

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

وبعدين بقى ! بقالنا يامَا مستنين الجدع اللي اسمه احمد وما خَرَجش من الميناااااا

معلش , نصبروا كمان شوية , احنا ورانا ايه ! واهو كله بحسابه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

شيعلي ريس العمال يا ضيا الله يكرمك

من عنينا يا أستاذ احمد

ترررررررررررررررررررررررررررررررررن ترررررررررررررررررررررررررررررررررررررررررررررررررررررررررن

دي هيام...ايوة يا هيومة السلام عليكم يا حبيبتي

عليكم السلام يا حبيبي , ايه يا احمد اتأخرت كدة ليه ؟

معلش يا حبيبتي , عندي شغل يامَا ومش هنقدر نيجي دلوقتي , المركب  اتأخرت وكان لازم نستنوها ونباشروا الشغل بفسي

يعني المركب وصلت ولا لسة ؟

 لسة واصلة المينا من دقايق , معلش بقى مضطر نتأخر النهاردة غصب عني , اصل محمد اجازة  , نعملوا ايه!

الله يعينك ويقويك يا حبيبي , اومال هتيجي امتى ؟

ربنا ييسر الحال يا هيام , دعواتك بالتساهيل

طيب يا حبيبي , على العموم مش هنتعشى , هنعشي ماما ونستناك ع العشا

 لالالا حبيبتي , ما نضمنوش ظروفي وجايز نيجي بعد نص الليل

مهما اتأخرت هنستناك

هه طب خلي بالك من نفسِك

ما تقلقش عليا يا حبيبي , ماما قاعدة معايا الحمدلله

كويس انك مَسَكتي في امك وما خليتهاش تمشي

ههه قعدت بعد ما طَلَعت رووووحي , لمت هدومها وطالعة تجري يمة باب الشقة روحت لحقاها وشديتها بكل قوتي , قالتلي يا بت خلاص هنقعد خلعتي دراعي الله يسامحك ههههه

هههه أنا مش عارف ما بتحبش تقعد عندنا ليه ! اوعي تكوني بتجوعيها يا هيام ؟ ههههه

ههههه ايوة اومال , بنعذبوها ونقعدوها من غير أكل ولا شرب , ما انت مراتك مفترية

مراتي حنية الدنيا كلها فيها وربناااااا , ربنا ما يحرمني منك ولا من قلب الحنين يا هيومة

تسلملي يا اغلى من روووووحي , مستنياك بقى حاول  ما تتأخرش يا حبيبي

ان شاء الله يا حبيبتي , في حفظ الله , السلام عليكم

عليكم السلام يا حبيبي , يااااااه يا احمد نفسي نفرحك يا حبيبي اهئ اهئئئئئئ نعمل ايه بس ! نصيبي كدة

هياااااام , مالك يا بنتي ؟

ها ! أأأ لالالا ما فيش حاجة يا ماما هه

اومال ايه الدموع دي يا بنتي ؟

......... ولا حاجة يا ماماا اهئ اهئئئئئئئئئئئئئ

لا حول ولا قوة إلا بالله , تعالي في حضني يا حبيبتي , ايه بس مالك , احمد قالك حاجة زعلتك ؟

احمد ! اهئ اهئئئئ احمد عمره ما جرحني بكلمة ولا بنظرة حتى اهئ اهئئئئئئئ وده اللي معذبني يا ماماااااا اهئ اهئئئئئئئئ يا ريته يشتكي ولا حتى يحسسني انه صابر عليا , لكن ده بيحمل نفسه فوق طاقتها اهئ اهئئئئئ نفسه في الخلفة وانا بنشوف ده في عنيه كل ما يبص لعيل صغير , لكن ما بيتكلمش عشان ما يجرحنيش اهئ اهئئئئئئئئ تعرفي يا ماما اهئ اهئئئئئئ انا نفسي ان احمد يتجوز ويشوف حاله اهئ اهئئئئئئئئ

هه من قلبك يا بنتي ؟

................. ايوة من قلبي , نبقى انانية لو نرضى نظلمه اكتر من كدة يا ماما اهئ اهئئئئئئ دانا بقالي معاه اكتر من عشر سنين ولا نافع معايا علاج ولا نافع معايا دوا اهئ اهئئئئئئئ يبقى الحل ايه بقى ؟؟؟؟

طب بس يا بنتي وحدي الله

لا إله إلا الله اهئ اهئئئئئئئ

احمد لو رايد يتجوز مافيش حاجة هتمنعه , لكن احمد مش عايز , احمد رايدك , ومش رايد الخلفة إلا منك

وانا ما بنخلفش يا مامااااااااااا اهئ اهئئئئئئئئئئئئ ما بنخلفششششششش اهئ اهئئئئئئئئئئئئئئئئئئئئئئئئئئئ

بس يا بنتي , بس يا حبيبتي ما تقطعيش في قلبي اهئ اهئئئئئئئئئ لا حول ولا قوة إلا بالله اهئ اهئئئئئئ يا ريت كان بإيدي يا حبيبتي واني ما نشوفوش دمعة واحدة في عينك اهئ اهئئئئئئئئئ لكن مش بإيدي يا بنتي اهئ اهئئئئئئئئ

ماما  اهئ اهئئئئئئئئ حقك عليا يا ماماااااا ما نقصدش نشيلوك الهم والله اهئ اهئئئئئئئ

تشيليني الهم ! همي هو همك يا نن عيني اهئ اهئئئئئئئ معلش يا حبيبتي , ربك كبير يا هيام وفي لحظة قادر يبدل حال عن حال , غيري يا بت السيرة دي كفاية كدة , جوزك جاي امتى ؟

احمد هيتأخر شوية,عنده شغل ياما في المينا

يجي بالسلامة,طب قومي يختي اغسلي وشك والبسي هدوم حلوة كدة ووضبي نفسك عشان خاطر جوزك , واحنا هنروحوا المطبخ نشوفوا الطبيخ  

طيب يا ماما , ربنا يخليكي ليا يا حبيبتي اهئ اهئئئئئئ يا رب يااااااااارب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

 توء , احمد اتأخر قوي , ايه ده ! انتِ لسة ما نمتيش يا ماما !

لا يا حبيبتي , ما جانيش نوم , احمد لسة ماجاش ؟

لا لسة يا ماما , الساعة عدت واحدة ونص ولسة ما جاش

معلش يا بنتي , ما هو قالك عنده شغل يامَا

ايوة يا ماما بس انا خايفة عليه يرجع في وقت زي ده لوحده , بيعدي بالعربية على شوارع هادية وتقبض القلب

يا بنتي ما تقلقيش , ربنا معاه وان شاء الله هيسلم طريقه , وبعدين دي مش اول مرة يتأخر كدة , انتِ بس اللي بتخافي عليه زيادة هههه

هه مش جوزي يا ماما !

ربنا يخليهولك يا بنتي ويفرح قلوبكو يارب

هنجيب المحمول ونطلبوه نشوفوا ايه حكايته

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

السلام عليكم يا رجاااااالة

عليكم السلام  يا استاذ احمدددددد

بالسلامة يا استاذ احمدددد

ايّوووووووه دي الساعة داخلة على اتنين , دانا اتأخرت يامَا على هيام , نتوكل ع الكريم بقى ونروح , بسم الله الرحمن الرحيم

تررررررررررررررررررررن

هههه دي هيام , ايوة يا هيومة , كان قلبي حاسس انك هتطلبيني

ايه يا احمد ! انت هتبات برا الليلة ولا ايه !!!! سخنا الأكل مرتين وبَرَد وربنا

هههه سخنيه التالتة ومش هيبرد إن شاء الله , اني في الطريق يا حبيبتي

طيب يا حبيبي , سوق على مهلك , تيجي بالسلامة

الله يسلمك يا هيومة , ايه ددددده !!! ايه العربية اللي بتطاردني ددددددي !!!! استر يارب , في ايييه !

وقفففففففففففف وقف العربيييييييييييية

ايه ده !!!! اتنين ومنهم واحد شايل سلاح ! عايزين مني ايه دوووول

وقف العربية لنفرغ الرصاص في قلبكككككككككككك

ايوة ايوة , اديني وقفت , عايزين مني اييييييه ؟

عايزين كل  اللي معاك يا خفييييييف

كل اللي معايا يعني اييييييه

بنقولولك اييييييه, بالذوق كدة هات  الشنطة دي وكل اللي في جيوبك , احنا لو قتلناك هنا مافيش جنس مخلوق هيدرى بيكككككككك

اللهم لا حول ولا قوة إلا بالله , وانا مش هنديكو حاااااااااجة

كدة ! يبقى انت اللي جبته لنفسككككككك تعالى هنااااااااااا

اوعى ايدك انت وهووووو سيب ايددددددددي ايه البلطجة ددددددي

ايوة احنا بلطجيييية ,وانت بقى متوصي عليك توصية جامدة قوووووي

سيب الأستاذ احمد يا حيوان انت وهووووووووووووووو سيبه وإلا هنفجّروا دماغك بالألي ددددددددده

ألييييييييييييي اطلع بالعربية يا فارررروق

الحمدلله , يااااااااه اللهم لك الحمد , أنا متشكر قوي لحضرتك , ربنا سخرك نجدة ليا والله ,لكن انت تعرفني منين ؟ أنا سَمَعتك بتقولهم سيبوا الأستاذ احمد

............................................................

............................ الله , هو ما ردش عليا ليه ! ابتسم  واداني ضهره ومشىَ , غريبة قوي !!!!

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ترررررررررررررررررررررررررررن تررررررررررررررررررررررررررررررن

احمد جه يا ماماااااااا هههههه

روحي يا بنتي افتحي , الحمدلله اننا اطمنا عليه

احممممممد هههه كل ده تأخير يا استاااااااذ !!!

السلام عليكم يا هيام

................ عليكم السلام يا حبيبي , مالك ؟ وشك اصفر كدة ليه ؟

ابدا يا حبيبتي , إرهاق مش اكتر , ازيك يا امييييييييي هه لسة سهرانة !!!!

اهلا يا حبيبي , , ايوة سهرانة وقلقانة عليك اني والمسكينة دي ,  ازيك يا احمد يا ابني

أنا بخير طول ما بتدعيلي يا أمي

ربنا يعلم يا ابني , اني لا بنبطل دعا ليك ولا لخالد

ربنا يخليكِ لينا يا امي …(ربنا يرجعك بالسلامة يا خالد يا صاحبي , لو تعرف محتاجلك قد ايه ما كنتش غيبت عني السنين دي كلها)…  بعد اذنك هنغير  هدومي

اتفضل يا ابني , جوزك ماله يا هيام ؟ احمد مش عاجبني خالص , حسيت انه شَرد مرة واحدة وراح في دنيا بعيدة

مممم مش عارفة يا ماما , جايز تكون حاجة زعلته في الشغل ولا حاجة

طب روحي يا بنتي ورا جوزك يمكن عايز يقولك حاجة ولا يفضفض معاكِ , لو  لقتيه مش عايز يحكيلك خلاص , ما تلحيش عليه وسيبيه براحته

حاضر يا ماما

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تن تن احمد حبيبييييي

ادخلي يا هيومة

مممم ايه بقى , حبيبي ماله ؟

والله يا هيام حصل حاجة في الطريق ما كانت ع البال ولا ع الخاطر لكن ربنا ستر

خير يا حبيبي قلقتنيييييييي

بعد ما قفلت معاكِ وقولتلك اني في الطريق لقيت عربية فيها اتنين شباب بتطاردني , وواحد منهم طلع مسدس وهددني اني نوقف العربية وإلا هيضربني بالرصاص

يا خبر مش فاااااايت , وايه اللي حصل يا احمد طمنييييييي

وقفت بالعربية طبعا عشان نشوفوا عايزين مني ايه دول , اتاريهم كانوا مراقبني من وقت ما طَلَعت من المينا بشنطة الفلوس وكانوا عايزين ياخدوها

وبعدين يا احمددددد

سبحان الله , زي ما تكون الأرض انشقت وطَلَع منها شاب طول بعرض وماسك ألي وقال للأتنين دول سيبوا الأستاذ احمد وإلا هنفجّروا دماغكو انتو الاتنين , هما شافوه من هنا وخدوا عربيتهم وطاروا زي الريح

ومين الشاب ده ؟ ويعرفك منين ؟

مش عارف يا هيام , سألته لكن ما جاوبنيش , ابتسم ابتسامة صافية ومَشَى , فضلت واقف مراقبه , لقيته رَكَب عربيته اللي كان راكنها ع الإمة وطار بيها

ايّوووه ! حاجة غريبة قوي , يطلع مين الشاب ده ؟؟؟؟

العلم عند الله يا هيام

ده اكيد يا احمد بسبب رضا ربنا عليك عشان افعالك الطيبة شيعلك الشاب ده عشان يحوش عنك شر المجرمين دول

افعالي انا طيبة ! ههه اومال الأشرار تبقى افعالهم شكلها ايه يا بت ! ههههه دانا شرّاني ويتفاتلي بلاد , أنا مش عارف انتِ مستحملاني ازاي ! هههه

هههه انتِ شراني انت !!!!! انت اطيب راجل واحن راجل في الدنيا بحالهاااااا

ههه تسلميلي يا حبيبتي

بس انت شكلك لسة مصدوم من اللي حصلك في الطريق

ايوة طبعا يا هيام , دي حاجة مش سهلة , الحمدلله ان ربنا نجاني , بس كان نفسي نعرف مين الشاب ده عشان على الأقل نشكروه

يا حبيبي جايز واحد يعرفك وانت ما تعرفوش , انت كل يوم بيورد عليك ناس يامَا في المينا , هتفتكرهم كلهم يعني !

مممم مافيش بإيدي غير اني ندعي للشاب ده ربنا يكفيه شر طريقه زي ما كفاني شر الناس دول بفضل الله مممممم يا ترى هو مين ويعرفني منين !!!!!

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

الأستاذ احمد وصل يا رجااااااالة

صباح الخير يا رجااااااالة

صباح النور يا أستاذ احمدددددددد

صباحك ورد يا أستاذ احمدددددد

ايه ده !!! هو ........ أيوة هو ........ الشاب اللي ربنا ساقه في طريقي وانقذني امبارح , ده قاعد مستنيني على سلالم الشركة ,أما نروحوا نشوفوه يطلع مين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

السلام عليكم

هه أهلا يا أستاذ أحمد , عليكم السلام

مش أنت .........

أيوة انا

احنا مش عارفين نشكروك ازااااااي , من امبارح ما نمناش وبنفكروا فيك .. أنت مين ؟

.............. واحد من أهل الدنيا

.................... أنت تعرفني منين ؟

سَمَعت عنك ومن كتر حبي فيك جيت عشان نشوفوك

.............. سَمَعت عني من مين ؟

مش مهم , المهم إني بنحبك , بنحبك حتى أكتر من نفسي

................ أحبك الله الذي أحببتني فيه , لكن برضو عايز نعرف انت تعرفني منين

أعفيني من إجابة السؤال

............... أنا عايز نردلك الجميل اللي طَوَقت بيه رقبتي

تردهولي بطريقة واحدة

أأمرني

الأمر لله وحده , أنا عايز نشتغل عندك سواق خصوصي

أيوة لكن أنا متعود نسوق عربيتي بنفسي

أنا مش عايز منك فلوس , هنشتغلوا من غير ولا مليم

الله !!! لما انت مش محتاج للشغل عندي , بتطلب الشغل ليه ؟

لإني لازم نكون جنبك , لازم نحموك من أعدائك

اعدائي ! أنا ماليش أعداء

لا ليك , انت عايش في غابة مش في دنيا , مش كل الناس في سماحتك وطيب اخلاقك يا أستاذ أحمد

....................... أنت مين ؟

قولتلك اعفيني من الإجابة على الأقل لحد ما نجاوبوك بنفسي من غير ما تسأل , ها , هتشغلني عندك ؟

..................... موافق

ههه متشكر , متشكر قووووي , طب ممكن نطلعوا معاك الشركة ونقعدوا معاك طول النهار ؟؟؟

ههه هو انت هتبقى سواق ولا حارس خصوصي ؟

تقدر تعتبرني كل حاجة , أنا سعادتي إني نكون جنبك وفي خدمتك يا أستاذ أحمد

أنت اسمك ايه ؟

عبد الله

اهلا بيك يا عبدالله , تعالى معايا جوا

متشكر يا أستاذ احمد

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

أما نشيعوا  البت بنت الجيران لربيع عشان يعدي عليا , هنموتوا ونعرفوا عمل ايه في حكاية الشقة , يارب ما يكون خدها يااااااارب

ترررررررررررررررررررررررررررررررن تررررررررررررررررررررررررررررررن

شوفي مين ع الباب يا إسراء

حاضر يا ماما

اهلا يا ست توحا

اهلا يا اسراء , اني كنت عايزة نشيعوكِ مشوار صغير كدة

مين يا اسراااااااااء

دي الست توحا يا مامااااااااا

يا اهلا وسهلا يا ست توحا , اتفضلي

تعيشي يا ام إسراء , اني كنت عايزة اسراء , هنشيعوها القهوة للولا صبي القهوجي

 لا والله معلش يا ست توحا , اسراء ابوها محرج عليا ننزلوها من باب الشقة حتى لو كنت هنشيعوها تجيبلي طلب للبيت من تحت , بيقولي البت كَبَرت والدنيا مافهاش أمان , وقالي لو عوزتي حاجة يا ام اسراء هاتيها انت او قوليلنا واحنا نجيبوهالك , انما إسراء لاااااااا

ممممم بقى كدة ! وماله يا ام اسراء , تُشكروا , قولي للمحروس جوزك فين الإيجااااااااااار , الإيجار يكون عندي النهاردة وإلا وربنا لنكون راميالكوا عزالكوا في قلب الشارع من الفجرررررررررررية

طب بس اهدي , الإيجار هنجيبهولك النهاردة , تعالي ادخلي استريحي

لا , اني نازلة نستقضى طلب , اني مستنية الإيجار النهااااااااردة , سلااااااااام

الله يسلمك , الولية قلبت علينا عشان حوشنا البت عنها , عايزة ايه من صبي القهوجي الست دي !

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ربيعععع يا ربيعععععع

هااا ! الست توحا ! هه اهلا يا ست توحا

اهلا بيك , جيت نتطمنوا عليك , أجرت الشقة ؟

لا والله يا ست توحا , ما اتوفقناش فيها , الراجل صاحب البيت طماع وعايز يأجرهالي بفلوس يامَا قوي , واني زي ما انتِ شايفة على قد حالي

هههه خيرها في غيرها , ماحدش عارف الخير فين ولا مع مين , باين عروستك دي قدمها وحش , حكم العرايس اقدام , واحدة تجيب الخير معاها وواحدة الخير يزول من وشها , اني بقى لما اتجوزت الخير قال لجوزي خد عندككككككك هههههه بقت الفلوس معاه يامَا والقرش بقى في ايده ألف

هه كل واحد بياخد نصيبه يا ست توحا

يا ربيعععععععع واحد شاي هنا يا ربيعععععععع

ايوة حاضر حاضرررررررر, معلش يا ست توحا , هنروحوا نشوفوا طلبات الزباين

ماشي , ما تعدي عليا بعد الشغل , هنغدوك غدوة حلووووة , داني عاملة محشي كرنب ودكر بط إنما اييييه

هههه انتِ كمان عاملة محشي كرنب ! اصل اني معزوم عند حماتي على محشي كرنب بس ما نعرفوش جنبه لحمة ولا فراخ ولا جنبه ايه بالظبط

ممممم حماتك ! طيب , ما نعطلوكش بقى , سلام يا ربيع وخلينا نشوفوك

سلام يا ست توحا ,ايه الست دي ! مالها حطاني في دماغها قوي كدة !

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

كل يا ربيع يا عريس بنتي هههه محشي مافيش في حلاوته

كل يا ربيع ما تزعلش أمي

ناكلوا ايه ! عاملين شوية محشي اُرديحي !!!!! ايه يا حمااااااتي , هي العيشة ناقصة نشفان ريق !!! مش قادرة تعملي جنبه فرخة ولا نص كيلو لحمة حتىىىىىىى !

منين يا عريس بنتي ! حماك منشفها علينا اكمن جيبه ناشف , كُل كُل انت مش عايز عزووووووومة

ايّوووووووه أما اني اتبطرت النهاردة على حتة عزوووووووومة , محشي كرنب وجنبه دكر بط متين

مممم ومين اللي كان عازمك يا ربيع ؟

صاحبة العمارة اللي قصاد القهوة

ايييييييييييه ! صاحبة العماااااااارة ! ودي تعزمك ليه وعشان اييييييييه !

ههههه بس يا مجنونة , هتغيري من ست كبيرة ! طب دي اكبر من امك يا بت

اكبر من امي ! هههه ودي عايزة منك ايه ؟

هتعوز منه ايه يا سمية يا بنتي ! بيقولك ست كبيرة , اكيد بتعطف عليه عشان شيفاه شقيان وغلبان

هتغلبيني ليه يا حماااااااااتي , شيفاني بنشحت ولا بنقول لله يا محسنيييييييين !

ما تزعلش يا ابني , اني ما نقصدش , اني بس بنهدي سمية من يمتك ونفهموها ان الست مش عايزة منك حاجة , هي الست الكبيرة هتعوز ايه من الدنيا ! نسيبوكوا بقى ونروحوا نعلقوا ع الشيّ

ما تكملي اكلك يا امّااااااا

شَبَعت يا بت

كل يا ربيع يا حبيبي

ما اني بناكلوا اهو , اومال ابوكِ فين مش شايفه

ههه لسة فاكر تسأل عليه ! اتغدا من بدري وراح يزور واحدة قريبته عيانة مممممم ألا ايه حكاية الست صاحبة العمارة دي , اني أول مرة نسمعوا عنها

لا حكاية ولا رواية , دي يا ستي .....................

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ههههههههههههههههههههههههههههههههه اخص عليها وعلى شيبتها , شايبة وعايبة صحيح , دي عينها منك يا ربيع

ايييييييييييه ! عينها مني يعني ايه يا بت ؟

يعني عايزة تتجوزك يا ربيع

يا بت قولي كلام غير ددددددده , تتجوزني ده اييييييه ! طب داني اصغر من ابنها بياااااااما

لكن هي بقى فاكرة روحها لسة بنت اربعتاشر وعايزة تخطفك مني وتتجوزك

هههههههه لا متخافيش يا سماسم , اني مش هنتجوز غيرك , ما بنحبوش إلا انتِ

طب بس بس ما تبقاش فقرررررري , فيها ايه يعني لما تتجوزها يا ربيع

ايه اللي بتقوليه ده يا سميييية ! قولي بقى انك بايعاني وزَهَقتي مني وشايفالك شوفة تاااااااااانية , اييييييه العريس الجديد واقف ع الباب ومستني نخرررررررج ؟

ايّووووووووووووه ايه يا ربيع اللي بتقوله دددددده ! عريس جديد ايه اللي بتتكلم عنننننه ,طب وربنا المعبود ما يملا عيني غيرك يا ولا ههه

......................... حيرتيني معاكِ يا سمية , منين عايزاني نتجوز الست توحا ومنين بتقولي ما تقدريش تستغني عني ومش هتتجوزي غيري

طب اسمع بس واني هنفهمك يا ربيع

اوووووووف اتكلمي يا سمية  , مع اني عارف ان كلامك هيدخل من الودن دي يخرج من الودن التانية

شوف يا ربيع , احنا لو فضلنا على حالنا ده لا هنتقدم خطوة ولا هنشوفوا الجواز بعنينااااااا , وحتى لو عَرَفنا نأجروا حتة شقة نتلموا فيها هنتعبوا يامَا قوي على ما نفرشوها , اللي هيزود الطينة بلة لو خلفنا حتة عيل , لا هنعرفوا نأكلوه لقمة حلوة ولا هنلبسوه هدوم يفرح بيها , وحياتنا هتبقى هم في هم , وعلى رأي ابويا لو دخل الفقر من الباب هَرَب الحب من الشباك

دلوقتي بتقولي الكلام ده ! اني لا غشيتك ولا ضَحَكت عليكِ ولا فرشتلك البحر طحينة يا سمييية , انتِ من الأول عارفة ظروفي واني لسة بنقولوا يا هادي , وقَبَلتيني على الوضع ده

يا ربيع اني ما قولتش حاجة , اني بس عايزة حل يريحنا ويسرع بجوازناااااا

وايه هو بقى الحل ده يا سمية  ؟

انك تتجوز الست اللي اسمها توحا , ساعتها بقى الفلوس اللي عندها هتبقى بتاعتك وبتاعتي اني كماااااااااان , وطالما هي دايبة فيك دوب كدة يبقى عمرها ما هتعز عنك حاااااااااجة , ساعتها بقى نجيبوا الشقة ونفرشوها احلى فرش ونعيشوا احلى عيشة على قفاها يا ولااااااا هههههههههههه

يا سلااااااااام !!! ومين قالك بقى انها هتوافق اني نتجوزها وبعدين نتجوزك عليهاااااااا

ومين هيقولها انك هتتجوزني عليها يا ربيع !

اومال يعني هنتجوزوا في السر ؟؟؟؟؟؟؟

ههه سر عليها هي وبسسسسس , لكن اهلي وناسي واهلك وناسك كلهم هيبقوا عارفيييييييين

لالالالالا , شيلي الحكاية دي من دماغك يا سمية

اووووووووووف كدة ! طب ابقى استحمل ابويا بقى اللي عايز يفسخ الخطوبة بالعافية لولا امي هي اللي واقفاله وتقوله اصبر عليييييييه , وبصراحة بقى ابويا خرج قبل ما تيجي عشان لا عايز يشوفك ولا يقابلك , وقال لامي خليكو ورا اللي هيميل بخت بنتك وهيعنسها جنبك

بقى كدة ! ابوكِ مش طايقني وعايز يفسخ الخطوبة !!!

ابويا زَهَق ع الآخر يا ربيعععععع , واحنا بقالنا يامَا مخطوبين , هنفضلوا كدة لامتىىىىىىىى

مممممم وابوكِ بقى هيوافق يجوزك ليا واني على ذمتي حُرمة تانية ؟

ومين بس اللي هيقول لابويااااااااا , بص يا ربيع , انت بعد ما تتجوز الست دي والقرش يجري في ايدك هتقول لابويا انك اشتغلت شغلانة جديدة مع مقاول كبير وحالك انصلح , ساعتها ابويا هيفرح وياخدك في حضنه ويشيع يجيب المأذون ويزفنا لبعض بنفس راضية وقلب مرتاح

.............................. اني مش مرتاح للحكاية دي يا سمية , حاسس انها هتجر علينا مشاكل يامَا

يا جدع جمد قلبكككككككك , دي فرصة وجت لحد عندنا ومش هتتعوووووض

ايوة بس اني نفاتح الست توحا في الحكاية دي ازاي ! دي عارفة اني خاطب وننحب خطيبتييييي

هنقولولك تقولها ايه يا ربيع ...احنا نصبروا قد اسبوعين تلاتة كمان كدة على ما نعملولك خطة مترتبة تدخل بيها عليها وتاكل عقلها

اشمعنى يعني اسبوعين تلاتة؟

عشان يبقى الكلام موزون يا ولا,ما هو مش معقول تبقى معزوم عند خطيبتك النهاردة وتاني يوم تقولها سيبتها وكل واحد راح لحاله

...ايه اللي في دماغك يا سمية؟

هههه كل خير يا جدع

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ايه اللي بتقوله ده يا احمد ! تشغل عندك واحد ما تعرفوش ازااااااااي !!!

يا هيام ما انا قولتلك على كل الكلام اللي قاله

يا سلام !!! كلام ما يدخلش العقل , نعرفوه منين احنا عشان نثق فيه !!! ما يمكن يكون حد مسلطه عليكككككك

هههههه يعني شايفة جوزك شخصية مهمة قوي يعني !

احنا مش بنهزروا يا احمد , هو اللي كلامه بيقول كدة , ايه اللي جاي نحميك من اعدائك , احنا لازم نكونوا جنبك !!!  وبعدين يعني ايه يقولك يشتغل من غير ما ياخد فلوس !!! يبقى اكيد جاي متسلط وبياخد فلوسه من ناس تانية بقىىىىىىى

ههه يا بت اهدي يا بت وما تكبريش الموضوع كدة , ده كلام بيقوله يعني عشان نقدّروه ونقدّروا شغله

أنا مش مرتاحة للجدع ده يا احمد , قوله ما يجيش تاني , وان كان عايز فلوس اديله ومشيه

وانا مش صغير يا هيام , مش بعد ما وعدته وسلمته شغله نقولوله ما تجيش

................ انت حر يا احمد , احنا رايحين نحضروا العشا

هههه طب تعالي بس ما تبقيش امّاصة , يا بت انتِ مكبرة الموضوع , ده شاب باين عليه ابن ناس ومحترم , ويا ستي اذا كان عايز فلوس وطماع كان خد مني شنطة الفلوس امبااااااارح , لكن ده انقذني من الناس اللي هاجمووووني , افهمي يا بت ما يبقاش مخك تخييييييين ههه

اني مخي تخين ! كل ده عشان بنخافوا عليككككك !

هههههه بنموتوا فيكِ يا هيومة وربناااااا اموووه , ما تقلقيش عليا يا حبيبتي , ربك كبير وهو وحده الحافظ

ربنا يحميك يا حبيبي , بس برضو بالله عليك ما تديلوش الأمان إلا لما تتأكد هو مين

حاضر يا ماما هيام هههه

ههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

أستاذ احمد , واحد اسمه عبد الله عايزك برا

خليه يدخل يا ضيا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

السلام عليكم يا أستاذ احمد

عليكم السلام يا عبد الله , اتفضل

متشكر يا أستاذ احمد ... احنا جينا عشان نستَلَموا الشغل

ممم طبعاً هنسلموك الشغل ان شاء الله يا عبد الله , بس اديني بطاقتك عشان نسجّلوا البيانات

هه حقك يا أستاذ احمد ...... اتفضل البطاقة

ماشي يا عبد الله  , اتفضل اقعد

متشكر ...... اتأكدت من البيانات يا أستاذ احمد ؟ هه

وانت ليه معتقد انّي  بنشك فيك !!

أي حد مكانك لازم يشك , ده حقك , ودي حاجة ما تزعلش

خد بطاقتك يا عبد الله

متشكر يا أستاذ احمد

تن تن السلام عليكم يا أستاذ احمد

عليكم السلام يا محمد , ده عبد الله السواق اللي ربنا أكرمني بيه وهيشتغل معايا

هه أهلاً يا عبد الله , من حسن حظك انك هتشتغل عند الأستاذ احمد

محمددد ! اسمها يشتغل معايا مش عندي

هه آسف يا أستاذ احمد ... شوفت يا عبد الله الراجل الرائع اللي بنشتغلوا معاه !

الأستاذ أحمد أروع من تصور أي حد يا أستاذ محمد

ما تقعدوش تمدحوا فيا وانا أأقل واحد فيكو وما نستاهلوش المدح , خير يا محمد ؟؟؟

في شوية مشاكل في الحسابات وكنت عايز نراجعوها مع حضرتك

لالا خليها بعدين , احنا لسة واصلين وما شربناش الشيّ بتاعنا  عشان نفوقوا للشغل  , شيّعلي ضيا بالشيّ يا محمد الله يخليك

حاضر يا أستاذ احمد

احنا اللي هنعملولك الشيّ يا أستاذ احمد

انت يا عبدالله ! هه تعرف تعمل شيّ

ههه جرّب الشيّ بتاعي وانت مش هتشربه غير من ايدي

هه ماشي يا سيدي . خلاص يا محمد روح انت شوف شغلك

ماشي يا استاذ احمد , عن اذنك

تن تن استاذ احمدددد نجيبولك الشيّ ؟

لا يا ضيا , عبد الله مصمم يعمل الشيّ بنفسه

ولما هو يعمل الشيّ يبقى احنا لزمتنا ايه هنا !!!

روق كدة يا ضيا وماتعملهاش أزمة ههه هنجربوا الشيّ بتاعه النهاردة , انما احنا ما نستغنوش عنّك وعن شيّك اللي بيوزن الدماغ

هه الله يجبر بخاطرك يا أستاذ احمد

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اتفضل الشيّ يا أستاذ احمد

متشكرين يا سيدي

دوق وقولّلي رأيك

ماشي , بس انت عارف لو ما عجبنيش هنعملوا فيك ايه ؟؟؟

هتعمل ايه ؟

مش هنخصموا منك ولا مليم هههه

ههه ان شاء الله هيعجبك

بسم الله الرحمن الرحيم ممممم

ايه رأيك يا أستاذ أحمد ؟

كوباية شيّ تسلم ايدك عليهاااا , هو بصراحة شيّ ضيا بيعجبني , انما كوباية الشيّ دي فكرتني بشيّ عم موردي الله يمسيه بالخير

مين عم موردي ده ؟

عم موردي ده روح المينا , طعم الأيام الحلوة , ريحة جدي الحاج سليم الله يرحمه

شكلك بتحبه قوي يا أستاذ احمد

بنحبه وعمري ما نسيته , بس للأسف مشاغلي يامَا ومش لاقي وقت نسأل عليه , انما على طول ندعيله في صلاتي بالصحة والستر

انت طيب قوي يا استاذ احمد , يا بخت اخواتك بيك

اخواتي ! الله يصلح حالنا وحالهم وحال الجميع

طب احنا هنسيبوك بقى يا استاذ احمد , ورايا كام مشوار أبويا مكلفني بيهم , هنقضوهم ونرجعولك

ماشي يا عبدالله , مع السلامة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

شوفتي يا ست هيام ! أهو الولا صحيح طَلَع اسمه عبدالله وكل المعلومات اللي قالهالنا طَلَعت صح, شفت بطاقته بنفسي

ما هو كان لازم نطمنوا ونعرفوا هو مين , ايش عرّفنا جاي منين ولا مين اللي وراه !!!

ههه نعوذ بالله من الستات وظنونهم اللي ما بتفارقش دماغهم , الراجل انقذني بفضل الله من هلاك محقق , ومع ذلك مش مطمناله

من خوفي عليك يا احمد , يا حبيبي انا ماعنديش أغلى منك نخافوا عليه

ربنا ما يحرمنيش منك يا هيومة

******************************

ولحد هنا وانتهت حلقات النهاردة

بحب اشكر كل حبيباتي العسولات اللي بيعلقوا على الحلقات هههه المدونة بيكو روحها حلوة قوي

وكمان اللي بطلوا يعلقوا وانضموا لصفوف المتابعين بصمت هههه وبشكر القراء المتابعين بصمت رجال ونساء ..سعيدة بتواجدكم جميعاً قرائي الأعزاء

التقيكم يوم الأثنين القادم مع الحلقات الجديدة إن شاء الله

دمتم بكل الخير