الحلقة السابعة والعشرين(ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

مممممم اما نروح نُسبُك الدور على ابويا وامي ونقولولهم ان ربيع جاي من السفر بكرة

امييييييي ابوياااااااااااا

ايه يا بتتتتتتتتت

ربيع جاي من ليبيا بكررررررررة

ههههه صحيح ؟ طب الحمدلله , يا رب يكون جبر خاطره وراجع مبسووووط

وانتِ عَرَفتي منين يا بت انه جاي بكرة ؟

ايّوووه هنكون  عرفت منين ياباااا  ! اتصل بيا ولسة قافل معايا دلوقتي , ده حتى قالي سلمي على ابوكي وامك أوي عشان واحشني يامَا

الله يسلمه يختي , وان شاء الله كدة جاب تمن الشبكة والشقة ولا ناوي على اييييييه ؟

ناوي على كل خير يابااااا هههه طب ده بيقول انه راجع بفلوس يامَا اوووووي

فلوس يامَا اوي ! وربنا شكله ميّاس وبيضحك على عقلككككك

اووووف شايفة كلام ابويا ياامّاااااا ؟

معلش يا بت , بكرة لما يشوف ربيع ويشوف بعنيه الفلوس والخير اللي راجع بيه هيتندّم على كل كلمة قالها , ما كفياك يا عربي  , البت فرحانة برجوع عريسها وانت نكدت عليها وعلياااا

بعد الشر عليكِ يختي من النكد انتِ وبنتك .... لكن الولا ده ماقالش هيجي هنا امتى عشان يحط النقط ع الحروف يا بت ؟

ايوة يا ابا قال , هيجي يوم الجمعة بعد المغرب ههههه

ماشي .. من هنا للجمعة مش بعيد , احنا رايحين القهوة يا زينات

بالسلامة يا عربي

ايّوووه ياامّا على ابويا دددده , انتِ مستحملاه ازاي !

نصيبي يا بنتي , هنعملوا ايه , ربنا يجعل نصيبك احسن من نصيبي

هههه ايوة يا امّا هيبقى احسن , داني نصيبي عسل وزي فلقة القمررررر

هههههه طب يلا يا مضروبة نشوفوا ورانا ايه , والله هتتجوزي يا بت وتقطعي بيااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

انت بتلبس ورايح على فين يا ربيع ؟

رايح عند واحد قريبي وحبيبي اوووووي

يقربلك ايه يعني ؟

ابن خالتي وواحشني يا مَا ولازم نزوروه  , ما تيجي معايااااا

انا ! لالا ايه يوديني عند ناس ما نعرفوهومش !!! انت بس ما تتأخرش

مش هنتأخر مممم اصل مراته وَلَدت يعني وكان نفسي نعملوا معاه الواجب , بس يا خسارة , العين بصيرة والإيد قصيرة

قصيرة ! اخص عليك يا ربيع ! هو اني برضو يهون عليا انك تروح لابن خالتك وما تعملش معاه الواجب !

هههه ربنا يخليكِ يااااااااارب تعيشي وتديني

يلزمك كام ؟

يعني , خمسوميت , ستوميت جنيي كدة , عشان بس ما نقصروش معاه

هههه وماله , استنى يا ربيع , هنجيبولك الفلوس من جوا

ههههههه حبيبي يا جاهززززززز

********************

ترررررررررررررررررررررررررررررررررررررررررن

ده  اكيد ربيع يامّااااااا افتحيله على ما اكمل زواااااااق

ابوكي هيفتح يا بت يا سماسم , قمر يا بت قمررررر ههههه ايه الحلاوة دي !

صحيح يا امّا ؟ يعني هنعجبوا ربيع ؟

ايّووووه وهو تايه عن حلاوتك يا بت !

ههه ايوة بس بقاله يامَا ما شافنيش ولازم نجننووووووه

طب يختي جننيه براحتك , اما نروحوا نستقبلوه مع ابوكي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ترررررررررررررررررررررررررررررررن تررررررررررررررررررررررررررررررررن

عربييي ! ايّووووووه انت قاعد تشرب الجوزة و لسة ما فتحتش لربيييييييع !

وايه يعني , خلينا نتقلوا عليه شوية

ايّووووه قوم يا راجل ما يصحش كدددددة

طب يختي , اما نقوموا نفتحوا لسبع البرومبة اللي جاي مجرر خيبته من بلاد لبلاااااااااد

****

اهلا يا ربيع , حمدالله ع السلامة

ههههههه ازيك يا عم عربي , بالحضضضضضضضن

وماله , ازيك يا سيدي

فل الفل الحمدلله هههه

ازيك يا ربييييييع هههه حمدالله ع السلامة يا عريس بنتييييي

حماااااااااااتي هههه وشك ولا القمر يا أم القمررررر

هههه سلِم لسااااااااانك , حمدالله ع السلامة , اتفضضضل

 هنتفضل اومال ايه , بس نتناولوا أقفاص الفاكهة من سواق التاكس , اصله مربّطها فوق الشَبَكة .... يا اسطىىىىىىىىىىىىىى , هات هنااااااااااا , عن اذنكو هنساعدوه , اصل اقفاص الفاكهة يامَاااااااا

هههههه ايّوووووووووه سامع يا عربي ! بيقولك جايب اقفاص فاكهة يامَاااااا , تعالى اما نبصوا عليه من الشبااااااك

يا ولية انتِ بتصدقي النخع بتاعه !!!!

نخع ايه ده بصحييييييح , تعالى بصصصصص

وريني يختي

ههههه شايف اقفاص الفاكهة يا عربي ! ايّووووه دول يجوا ست  سَبَع  اقفااااااااص

ايه ده ! هو الولا ده هيصرف القرشين اللي حوشهم ع الفاكهة ويرجع يقول ما معيش فلوس نتجوز ويرهن البت جنبه سنين وسنين تااااااااااني !!!

طب بس بس ما تفوّلش ع البتتتتتت , روح اتناول اقفاص الفاكهة من الجدع يا عرررربي

لااااااا , احنا ما نشيلوش حاااااااجة... هنرجعوا نشربوا الجوزة , اجري غيريلي الحجر

ايّووووووه طب استنى اما نشوفوا الجدع اللي جايب شيء وشويات ده ومش لاقي ريق حلو منكككككك ,اهلا يا ربيييييييع

تعالى يا اسطى , نحط الاقفاص فين يا حماتي ؟

حطهم جنب الحيطة زي بعضه ويبقى عمك عربي يشيلهم بعد كدة

مااااااشي , حط القفصين دول هنا يا اسطى

ماشي يا هندزة , هنروحوا نجيبوا الباقي

ماشي يا اسطى , ازيك يا عم عربي

اهلا

هه اهلا بيك .. هو ماله يا حماتي مقابلني مقابلة ساقعة كدة ! هو انا كنت بايت في حضنه وزهقان مني !

ههه يا ولا يا ما تقولش كدة , ما انت عارف طبعه , لا بيعرف يضحك ولا بيعرف يفرح بعيد عنكككك

هههه هنفرحوه دلوقتي , هات يا اسطى , حطهم هنا

أي خدمة يا باشا

متشكرين , خد دي اجرتك وده حق تعبك معانا

هههه متشكرين , سلامو عليكو

عليكم السلام , ازيك يا حماتي

ههه تسلم يا ربيع , اقعد

قبل ما نقعد عايز نسأل , هي سماسم فييييييين ؟

مساء الخير يا ربيع هه

سمااااااااااسم هههه ازيك يا بت يا سمييييية

الله يسلمك يا ربيع , حمدالله ع السلامة ههه

تسلميلي يااااااااااارب , ايّوووووووه دي الغربة وحشة اوي بصحيحححح

ههه وحشناك ؟

ايّوووووووه .. هوانتو وحشتوني بعقققققققل !!!!!

اووووووف قولتلك غيريلي حجر الجوزة يا ولييييييية

حاضر يا عربي  حاااااضر , اقعدوا يا ولاد , تشرب ايه يا ربيع , ولا نجيبوا غدا ؟

لالالا يا حماتي , نشربوا شيّ مع عم عربي عشان ليا كلمتين معاه

وماله , تعالي معايا يا سمية

لا يا امّا , احنا عايزين نقعدوا نسمعوا الكلام اللي هيقوله ربيع

حصلي امك يا بتتتتتت

حاضر يا ابا حاضررررررر ده ايه ددددده , هنعملوا الشيّ ونجولك يا ربييييع

ماشي يا سمية ههه ازيك يا عم عربي , دول بقى كام قفص تفاح امريكاني  على موز على اناناس , يعني كام صنف فاكهة ملوكي تليق بمقامك ومقام حماتي وسمية هههه

اوعى تكون فاكر انك لما تدخل عليا بقد دول عشرين مرة هتاكل عقلي ومش هنسألوك عن الشقة والشبكة ومهر بنتيييييي , انا الناس كلت وشي ومش عارف نقولولهم اييييييييه , كل واحد بكلمة ,واللي يقول ازاي تفتح بيتك لواحد يدخل ويخرج على بنتك السنين دي كلها وهو لا معاه تمن شبكة ولا قادر يجيب شققققققة

ايّوووووه طب بالراحة عليا يا عم عربي , اومال انا كنت متغرب الكام شهر اللي فاتوا ليه !

ههأ , غربة الكام شهر اللي فاتوا يادوب تجيبلك الكام قفص فاكهة اللي فرحان بيهم , على القميص والبنطلون والنضارة اللي بتتعايق بيهم دول

لا بقى يا عم عربي , احنا راجعين ومعانا تمن الشبكة وتمن الشقة وهنتجوزوا سمية بالكتير بعد شهر من النهاردة

بتتكلم جد يا ولا ؟

ههه وجد الجد كمان يا حمايا , اومال ايه ! هو انا كنت مسافر نلعب ! انا كنت بنشتغل ليل نهار في فيلل وقصور لناس كبار يامَااااااا , ودول بقى بيدفعوا جامد قوووي ههه الحاجة ام عشرة يدفعوا فيها ألف

هههههه ده الكلام باين عليه جد

اومال يا عم عربي , أنا مش قولتلك ان قريبي ده شغال من زمان هناك وعارف السكة المظبوط اللي بتجيب فلوس يامَا في وقت قصير ؟

هاتي الشيّ وحصليني ياااااابت , انا سَمَعت كلامك كله مع عمك عربي يا ربيع , فرحتني يا عريس بنتي ههه ربنا يتمم بخير ويحوش عنكو عنين العدويييييين

ههه آمين يا حماتي يا بركة انتتتتتتتتِ , وربنا احنا لما بنشوفوكي بنتفائلوا  ونحسوا  ان الخير هيقول خد عندك

هههه تسلم يا رب

الشيّ يا ابااااااا اتفضل الشيّ يا ربيععععع هههه سَمَعت بقى ربيع قال ايه واطمنت ياابااااا ؟

مش هنتطمنوا إلا لما يجيب الشبكة ويدفع فلوس الشقة قدام عنيااااا ,احنا ما نشتروش سمك في ميييييية

وماله يا عم عربي , اديني بس تلات تيام بالكتير وهننزلوا نجيبوا الشبكة لسمية

وليه مش بكرة ولا بعده ؟

لا ما ينفعش يا عم عربي , لسة على ما الفلوس تتحول من بنوك ليبيا

ايّوووه وانت ما جبتش فلوسك معاك ليه وخلصتناااااا ؟

نجيبوها ازاي بس ! دي فلوس يامَاااااا ما نعرفش ندخلوا بيها البلد , لازم تتحول عن طريق البنك

مممم طب قرب ودنك كدة

نعمين

هما الفلوس دول يطلعوا كام كدة يعني ؟

هههه يطلعوا ألافات يامَااااااا احنا كنا بنقبضوا بالجنيي الاسترلينيييي

ههه الجنيي الاسترليني مرة واحدة ! باين عليك مُرزق يا ولا يا ربيع

ههههه تعيش يا عم عربي , يوم الخميس الجاي بإذن المولى تحضروا نفسكو عشان ناخدوكوا ونجيبوا الشبكة

زغرتي يا امّااااا ههههه

ايوة هنزغرتوووووا لولولي..........

بس يا ولية اخررررررررسي , الناس تقول علينا اييييييه !

ايّووووه يقولوا فرحانين بشبكة بنتهم يا عررررربي

وهي فين الشبكة ! لما نجيبوها يوم الخميس ابقي هِدّي الدنيا زغاريت ومش هنحوشوكي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

مالك يا ربيع قاعد شايل الهم كدة ليه !!

مافيش حاجة يا توحا

مافيش حاجة ازاي !! هو اني تايهة عنك ولا ايه ! ده باين ان في حاجة كبيرة قوي معكرة مزاجك

اوووووف مش عارف نقولوا ايه , مشكلة كبيرة وَقَعت على دماغي ومش عايز نقولولك عشان ما نشيلوكيش الهم

ايّووووه مشكلة ايه يا ربيع سيّبت رُكبي

البيت اللي امي عايشة فيه جاله قرار ازالة ولازم تخلي البيت , البيت اللي آويها هي واختي المتطلقة بعيالها يا توحااااااا شوفتي المصيبببببببة

ايّووووه أي والله دي مشكلة كبيرة

لا كانت ع البال ولا الخاطر يا توحا , دلوقتي البيت ده لو اتزال امي واختي والعيال الصغيرين يروحوا فيييين ! يباتوا في الشارع ولا ع الارصفففففففة !!! لو كان معايا فلوس كنت اشتريتلهم شقة , لكن انا عاجززززز لا مال ولا ضهر يسندنيييييي

اخص عليك يا ربيععععع , انا ندوك الفلوس اللي انت عايزها ولا تعمل في نفسك كدة

لالالالا اوعي تقولي كدة تااااااني , مش كفاية شايلة همي ! كمان هنشيلوكي هم اهلي !!!

اخص عليك يا ربيع , وربنا هنزعلوا منك , اهلك هما اهلي , وان ما كنتش نساعدوك في مصيبة زي دي يبقى ما نستاهلوش نكونوا مراتك ولا نستاهلوا حبك اللي مغرقني بيه

يا حبيبتي يا توحا ! معقول في ست في حنيتك في الدنيا دي كلها !!!

انت اللي تستاهل الحنان يا ربيع , ها ماقولتليش , عايز كام ؟؟

يعني , حسبة مية وخمسين الف جنيي للشقة اللي هنشتروهالهم , أهو اربع حيطان تداريهم ومش مهم يقعدوا ع البلاط

ايّووووه ! وايه اللي يقعدهم ع البلاااااااط !!! هما مش عندهم عفش ؟

عفش ايه بس !!! كله مدغدغ ومكسر , وربنا لو شوفتي عيشتهم يصعبوا عليكي , مش هتصدقيني لو اقولك امي بتبات ع الكنبة واختي وولادها بيناموا على مرتبة ع الارض , بيطبخوا على وابور جاز عشان ما معاهومش فلوس يشتروا بوتجاز

معقول ما عندهومش بوتاجاز ؟؟؟

لا بوتاجاز ولا تلاجة ولا غسالة وعيشتهم كرب في كررررررب وأهي ختمت بالبيت اللي هيتهد على دماغهمممم

لالالا يتهد ايه بعد الشر ! احنا زي ما هندوك تمن الشقة هندوك تمن العفش كمان , يلزمك كام للعفش ؟

ههه يا توحا ده كدة كرم زيادة , اني مش عارف نقولولك ايه

ههه تقول عايز كام للعفش

يعني , لو خمسين الف جنيي كمان  يبقى كتر ألف خيرك 

وماله يا ربيع , يبقى كدة انت عايز متين الف جنيي , هندخلوا نكتبولك شيك وتسحبوا من البنك

ههههه أحبيبتي يا توحا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

اقفلي الشباك ده يا سعاد عشان جايب برد زي حد السيف مش قادر نتحملوه

ههه كان زمان مزاجك تقعد في الشباك في عز النوّة , دلوقتي مش قادر تتحمل !

كنت لسة شباب يا سعاد , دلوقتي كَبَرت والبرد بقى زي السوس اللي بينخر في عضمي

كَبَرت ده ايه !! انت هتشيبنا قبل أوانّا يا راجل !

هههههه خلاص يا سعاد , احنا لسة شباب , ولا تزعلي , شوقية قالتلي ان الولا ابن ادهم كان هنا امبارح

ايوة , ادهم بيجيبه كل جمعة , قلتله الولا بيوحشني ونحبوا نشوفوه

وحشني انا كمان وعايز نشوفوه , ليه ادهم ما بيجيبوش وانا هنا ! لازم يجيبه وانا في القاهرة !!!

الولا في أيام مدارس وما بيفضاش غير يوم الجمعة والسبت ودول بيذاكر فيهم

يعني هتتهد الدنيا لو جابهولي نص ساعة نشوفوه يا سعاد !!! مكتوب عليا ما نشوفوش الولا غير مرتين تلاتة في السنة !!!

ابقى قول لأدهم

لا هنقولوا ولا هنعيدوا , احنا اللي هنروحوا للولا نشوفوه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

تررررررررررررررررررررررررررررررررررن

جرس الباب بيرن يا ست ضحى

غريبة قوي !!! احنا ما حدش بيجيلنا .... الفيلا عليها حرس وممنوع الإقتراب بأمر جنابه 

يمكن حد من طرف أدهم بيه

روحي شوفي يا راوية

حاضر يا ست ضحى

************

مين ؟

الحاج عادل سليم

الحاج عادل ! أهلاً وسهلاً يا حاج , اتفضل

متشكرين , خدي الفاكهة والحلويات دول دخليهم المطبخ و بلغي ضحى انّي موجود

حاضر يا حاج

**********

ست ضحى

مين جه يا راوية ؟

الحاج عادل أبو أدهم بيه

عمي عادل !!!.... طيب انا هلبس واروح أقابله

*******

السلام عليكم يا عمي

عليكم السلام ورحمة الله , ازيك يا ضحى يا بنتي

..... الحمدلله يا عمي .... راوية , من فضلك شيّ مظبوط بالنعناع لعمي عادل

حاضر يا ست ضحى

ههه لسة فاكرة ان احنا بنشربوا الشيّ بالنعناع يا ضحى !

طبعاً فاكرة يا عمي , من صغري وانا عارفة ... من أيام ما كنت بتزور بابا من زمان . كان دايماً يطلب من ماما تعملك شيّ مظبوط بالنعناع

...... كانت اجمل أيام يا بنتي ... دلوقتي فين وفين لما بنشوفوا ابوكِ

احسن من اللي ما بيشوفوش خالص يا عمي

لسة ادهم مانعك عن زيارة ابوكِ وامك ؟؟؟

.......... اتأقلمت مع الحياة دي خلاص ... الحمدلله على كل حال

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

اتفضل الشيّ يا حاج

متشكرين , كتر خيرك

أي طلبات تانية يا ست ضحى ؟

متشكرة يا راوية

اومال احمد فين يا ضحى ؟ مش سامع صوته يعني , الولا وحشني وجيت مخصوص عشان نشوفوه

هنصحهولك يا عمي , اصله جَه من المدرسة نام , رااااااوية , صحي احمد عشان يشوف جده من فضلك

حاضر يا ست ضحى

شرفتنا يا عمي , اتفضل فنجان الشيّ

متشكرين يا ضحى ..... حلوة الفيلا , ربنا يباركلكو فيها , ادهم قال انها كلفته زيادة عن عشرة مليون جنيي

........ المهم راحة البال يا عمي , أهو أحمد جه

جدوووووو السلام عليكم هههه

اهلاااااا حبيب جدو , عليكم السلام ورحمة الله يا حبيبي اموووه اموووه بقى كدة يا ولا ما تجيش تسأل عليا ولا تقول نشوف جدو !!!

اصل انا عندي مدرسة كل يوم يا جدو

يا ولا يا نصّاب انت ههه دانت عندك غير يوم الجمعة السبت كمان اجازة

ما انا بذاكر والله يا جدو , ويوم السبت ماما بتراجعلي على اجزاء القرآن اللي حفظتها

جدع يا احمد , احفظ القرآن واسمع كلام ماما

ما انا بنسمع الكلام وبنذاكر كمان , انت عارف يا جدو انا جبت كام في كل المواد ؟

جبت كام؟

جبت الفول مارك

ايه الفول مارك ده يا ضحى يا بنتي ؟

هه الدرجات النهائية يا عمي

ههه بسم الله ماشاء الله , لا دانت تستاهل هدية كبيرة بقى , خد يا ولا الخمسوميت جنيي دول , ده غير هدية آخر السنة

لا يا جدو شكراً

ولاااااااا ,لما نقولولك خد يبقى تاااااااخد

خد من جدو يا احمد

حاضر , شكراً يا جدو , انا هنروح نجيبلك الشهادة عشان تشوف الدرجات

ههه ماشي يا حبيبي , الولا زي العسل , وربنا قلبي بينشرح لما بنشوفوه ..... مش ناوية تجيبي للولا أخ ولا أخت يا ضحى يا بنتي ؟؟؟ ابنك كَبَر ومالوش أخ يونّسه

...... كله بأمر الله يا عمي , عن اذنك هنجيبلك حاجة ساقعة

انا جيت يا جدوووو شوف الشهادة

ههه بسم الله ماشاء الله , حاجة تفرح , عقبال شهادة الجامعة يا حبيبي اموووه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ايه يا بت يا سُمية !!! بقالي يامَا مستنيكي , كل مرة لازم تلطعيني كدددددة !

معلش يا ربيع , جيت خارجة امي مَسَكت فيا وإلا مش عايزة تسيبني إلا لما ننشّروا  الغسيل

غسيل ايه وقرف ايه اللي سايباني عشانه ! قال وانا اللي قلت نقابلوكي عشان نبشروكي , لكن انتِ ما تستاهليش

تبشرني ! بشرني يا ربيع نبوسوا ايدكككككككك

الفلوس خلاص يا بت هتنزل علينا زي المطر وهنتجوزوا ونتهنوا يا جميييييييل ههههههه

وربنااااااااا ! ههههههه الولية رَضَت تيديك فلوس كدة من غير ما تسألك ليه ولا ازاي !

يا بت ما تبقيش عبيطة , لو خدت منها فلوس من غير ما تعرف هنصرفوها في ايه يبقى هتشك وجايز تفوق لروحها ولا حد من اهلها يقولها ما تديلوش فلوس من غير ما تعرفي قرشك بيروح فين

ايّووووه ! اومال هتاخد منها الفلوس ازاي يا ربيع ؟

ههه هناخدوها بالعقل والمفهومية يا غشيييييييييمة

طب فهمني ياخويا عشان عقلي على قدي

انا سبكت عليها الدور وعملت اني زعلان ومنتكد عشان البيت اللي امي قاعدة فيه هيقع على دماغها ودماغ اختي وانا مش عارف نعملوا ايه , عرضت عليا ناخدوا فلوس روحت رسمت عليها الدور وقولتلها مش انا الراجل اللي تصرف عليه واحدة ستتتتتتتتتت

ههههههههههه نحبوك وانت ممثل , لكن هي صدقت حكاية امك واختك دي ؟

ايوة صدقت , أي حاجة نقولوها بتصدقها وبتبصم بالعشرة , اصلها بتحبني اوي يا بت ههههه

ايّوووووووه ما تغلّنيش يا ربيععععععع , خلينا في الجد بقى , يعني خلاص هتاخد منها فلوس وتجيبلي الشبكة اللي ابويا فاضح الدنيا عليها دي ؟؟؟؟؟

هنجيبوا الشبكة والشقة  والعفش وهنتجوزوا ونعيشوا احلى عيشة يا بت يا سماسم هههههه وكله على قفا الحب

ههههههههههههههه يسلم قفاه ,  لكن هتاخد منها كام يعني عشان يكفي المصاريف اللي ورانا دي كلها ؟؟؟

متين الف جنيي يا بتتتتتتت

ايّوووووووه ! وربنا صحيحححححح ؟

اه وربنا , نجيبوا شقة في العجمي بحوالي 100 الف جنيي وعفش بحوالي خمسين , والخمسين الباقية نجيبولك بيها الشبكة

ايّووووووووووه ! هتجيبلي شبكة بخمسين الف جنيي يا ولااااا ؟

وماله يا بت , هو احنا دافعين حاجة !!! هههههه

 هههههههههه على رأيك , اسقيني كوباية عصير قصب من المحل ده يا ربيع لحسن ريقي نَشَف

عصير قصب ايه يا شحاتة انتِ !!! هههههههه اجري يا بت العبي بعيدددددد , انا ربيع بييييييه ما نقفش على محل عصير قصب , احنا ندخلوا المحلات الكبيرة ونشربوا عصير اغلى الفواااااااااكه

اه يا خوفي منك يا ربيع ... يمكن لما تلاقي نفسك في أملة وعز ما بعده عز تديني ضهرك وتقولي ما نعرفوكيش , لكن وربنا المعبود يوم ما تعمل كدة هنروحوا للست اللي اسمها توحا ونفضحوك قدامها عشان تشرب من دمكككككك

ههههههه نهون عليكي يا بت ؟

ايوة تهون , يوم ما تغدر بيا يبقى تهون يا ربيععععع

طب بس بلاش عبط , يا بت هو احنا بنعملوا ده كله عشان مين ! بنتجوزا ست أكبرمن امي عشان مييييين ! مش عشانك انتتتتتتتتِ !!! تعالي  نسقوكي عصير قصب عشان تعرفي اني عمري ما هنتكبر عليكي يا مأشفة  هههههههه

ههههههههههههههههههههه بقى أنا مأشفة  ! الله يسامحك , يلا يا ولا بقى هات العصير خليني نبلوا ريقييييييي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

تررررررررررررررررررررن تررررررررررررررن

مين ؟

انا منة يا طنط مناااااااال

اهلاً اهلاً حبيبة قلبي اموووه ههه ازيك يا منة وازي ماما

الحمدلله يا طنط , اني جيت عشان استأذنك اخد مريم معايا مشوار

مممم مشوار ايه ؟

ههه ما تخافيش يا طنط , انا هشتري كتاب رياضة خارجي عشان اللي جبته مش عاجب المس بتاعة الماث اللي بتديني الدرس الخصوصي

هتشتريه منين يعني ؟

من أي مكتبة قريبة

طب ما تقولي لعبد الرحمن يجيبهولك وهو جاي

اتصلت بيه قالي انه هيتأخر , وانا كنت عايزة الكتاب ضروري دلوقتي عشان احل المسائل اللي مس قالت عليها , لو حضرتك مش عايزة مني تروح معايا خلاص يا طنط , مافيش مشكلة

لالالا ازاي تقولي كدة ! دي بنت عمك وزي اختك يا حبيبتي , هتصل بباباها عشان استأذنه على ما تشربي كوباية عصير

هه ميرسي يا طنط

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

اهلا يا منة ههه ماما قالتلي انك مستنياني

ههه ازيك يا مريومة , معلش بقى هاخدك معايا , اصل مكسلة انزل لوحدي

مافيش مشكلة, خمس دقايق واكون جاهزة ان شاء الله

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

احنا نازلين يا امي

طيب يا مريومة , ما تتأخروش يا بنات , وحاولوا ما تروحوش بعيد

حاضر يا طنط , يلا يا مريومة

يلا يا مريومة , ازيك يا دادة فهييييييمة

اهلاً يا منة , ازيك عاملة ايه

الحمدلله كويسة

ازيك يا دادة فهيمة وازي سهير

اهلاً يا مريم , سألت عليكي العافية , سهير كويسة , بس بقى كلية الطب صعبة , من ساعة ما دخلتها وهي خست وعدمت من كتر المذاكرة

هه ربنا يوفقها ان شاء الله , سلميلي عليها

الله يسلمك يا حبيبتي

يلا يا مريومة , ايه ده !! ده رامي بيركن عربيته

ايه دددده ! دي هييييي استخبى فييييييين !

هههههههههههههههههههههههههه مش ممكن يا مريومة , رامي اول ما شافك  اتخض وجري

ربنا يهديه , يلا عشان نلحق نرجع بسرعة

هههه مامتك صعبة خالص يا مريومة , انا حاسة انها سابتك تنزلي وهي من جواها مش عايزة

هه اصل ماما مش بتخليني اخرج غير معاها او مع ابي او مع معاذ , يا دوب هو مشوار المدرسة اللي بروحه لوحدي , وساعات كمان لما معاذ يكون خلص كليته بدري تقوله عدي على اختك هاتها من المدرسة

ممم وانتِ مش بتتضايقي من اسلوب مامتك ؟

لا والله خاااااالص , اصل بصراحة بفكر بوجهة نظرها وبلقيها سليمة ,حقيقي الثقة المفرطة بتأدي لمهازل

ايوة بس ده تضييق زيادة عن اللزوم

لا طبعاً , تضييق ليه ! انا مسموحلي اكلم صاحباتي زي ما انا عايزة على الموبايل وعلى النت , وامي كمان مش بتسألني بتكلمي مين وكنتي بتقولي ايه , إلا اذا كنت انا حابة اقولها , وانا متعودة ما اخبيش عليها حاجة , مش عشان هي امي , لكن عشان هي صاحبتي اكتر من كونها أمي , ما تتخيليش امي بتعاملني ازاي يا منة , من وانا صغيرة بتعاملني زي ما اكون اختها , كل حاجة تاخد رأيي فيها , حتى لو هتلبس بيجاما في البيت تسألني اختار انهي عشان تلبسها , دي حتى لما بتشتري عباية جديدة ولا جزمة جديدة لازم تاخدني معاها وتاخد رأيي , بتشركني في كل حاجة في حياتها  , لو متضايقة بتحكيلي وتفضفض معايا , وده بيخليني انا كمان احكيلها على كل حاجة في حياتي , هتضحكي عليا لو قولتلك كتير بحس ان انا وامي اختين توأم ههه, عشان كدة هي كل حاجة في حياتي ,  عمرها ما حرمتني من حضنها حتى وانا كبيرة كدة , ساعات كتير اوي لما تلاقيني متضايقة او بالي مشغول بحاجة , تقوم ضماني اوي لصدرها , يااااااااااه بحس ساعتها اني في دنيا تانية كلها حنان وأمان , يا حبيبتي يا امي ! ربنا يخليهالي ويخلي أبي ومعاذ يارب وما يحرمنيش من احتوائهم ليا وحنانهم عليا

هههه ما تنزلي بوست على الفيس فيه صورتكو واكتبي عليه عائلي وافتخر

هه فعلاً بفتخر بيهم

معنى كدة انك مش بتحني تخرجي مع صاحباتك وتبقوا على حريتكو ؟؟؟

ههه تعرفي , مرة كنت مع امي وابي ومعاذ في جنينة بنتفسح , وشوفنا شوية بنات كويسين خالص محترمين جدااااااً بيتفسحوا هما كمان , بس لوحدهم , شوية بقى وجم شوية شباب وقعدوا يضايقوهم ويغلسوا عليهم , والبنات انفعلوا وقعدوا يزعقوا , وابي ومعاذ اتدخلوا ومَشّوا الشباب دول , وابي قال للبنات لو سمحتوا تروحوا على بيوتكم يا بنات , وما يصحش خروجكم تتفسحوا لوحدكم بالشكل ده , لإنكو مش هتكونوا في مأمن من تجرأ الشباب اللي ما عندهومش نخوة ولا دين , من وقتها يا منة وانا عرفت ابي وامي واخويا بيحافظوا عليا وبيخافوا عليا قد ايه

طيب يا بنتي انتِ باباك ومامتك تربوين وعارفين ازاي يعوضوكي عن الخروج مع صاحباتك بالخروج معاهم والفسح والحياة المفرفشة , طب والبنات بقى اللي اهاليهم بيمنعوهم من الخروج وكمااااااان مش بيخرجوهم ولا بيفسحوهم

لالالا طبعا الاهالي دول غلطانين , واكيد بناتهم هيجيلهم كبت , طالما منعوهم من الخروج مع صاحباتهم عشان يحافظوا عليهم , يبقى هما لازم يعوضوهم ويخرجوا معاهم ويصاحبوهم كمان , والله الأم لما بتكون صديقة بتغني عن ألف صاحبة , بس للأسف كتير من الأمهات مش عارفين دورهم كويس , وهما اللي بيدمروا نفسية ولادهم

ههههه انتِ فظيعة يا مريم , انا حاسة اني بتكلم مع دكتورة نفسية , ايه يا بنتي , ناوية تتخصصي علم نفس ولا ايه ؟ ههه

ههه لا , انا عايزة ادخل أداب لغة عربية واكون مدرسة زي أبي وأربي أجيال , جايز أقدر اعمل حاجة وأساهم في تغيير السلوكيات الخاطئة

ههههه احلمي براحتككككك , دي السلوكيات الخاطئة هي اللي بقت أسلوب حياة , واللي ما بيعملهاش بيتهموه انه متخلف ورجعي

الله المستعان يا منة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

***********************************************

هي مدام نسرين رجعت من برا امتى ! انا نمت ما درتيش , هي الساعة كام دلوقت , يااااااه ده الفجر قرب يأذن , باقي عليه يجي نص ساعة , يادوب اقوم اتوضى واصلي

********************

ايه ده ! في خيال في البلكونة , مين سهران لحد دلوقتي ,أما اروح اشوف

********

راااامي ! ايه يا ابني اللي مسهرك لحد دلوقتي !

...........................................

ايه الدموع دي يا رامي !!! مالك يا حبيبي ؟؟؟؟

............. مخنوق يا دادة

بعد الشر عليك من الخنقة يا حبيبي , مالك يا راااااامي ؟ حد زعلك ؟

............... انا زعلان من نفسي , مش عارف عايز ايه ولا عايش ليه ولا عارف أي حاااااااجة , انا عايش في الدنيا ليه يا دادة !!!

لا حول ولا قوة إلا بالله , ربنا خلقنا يا ابني عشان نعبده ونطيعه , وهو سبحانه المتكفل بأمور حياتنا .. عارف الضيقة اللي في صدرك دي سببها ايه يا رامي ؟

...................................................

سببها انك بعيد عن ربنا , قوم يا حبيبي اتوضى وانزل صلي الفجر في الجامع , دانت لو نزلت هتلاقي معاذ ابن عمك في الجامع هو كمان

..............لا .............. مش هقدر اصلي

استعيذ بالله من الشيطان يا حبيبي وقوم اتوضى

....................... انا داخل اوضتي , هحاول انام ....... يمكن اقدر , تصبحي على خير يا دادة

اللهم لا حول ولا قوة إلا بالله , الله يهديك يا رامي ويصلح حالك

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

يلا يا اباااااا يلا يا امّاااااا ربيع مستنينا برا بالتاكس عشان نروحوا نجيبوا الشبكة , زغرتي يا امّااااااااا

لولولييييييييييييييييييييييييييييييييييييييييييييييييييييي ههههههه مبروك يا حبيبة امكككك , يلا يا عرررررربي

طيب يختي , اديني جيت .... اسمعي يا بت يا سمية , الولا ده ان ماكانش يجيبك شبكة تملى عيني مش هنقبلوها مننننننه , اااه , ده بقاله سنين يامَا راكنك جنبه

ما تخافش يا اباااا , ربيع ناوي يجيبلي شبكة احسن من اللي جت لأي بنت في حارتناااااااا

ماشي , يلا يا أم سمية

************************

اهلا يا حمايا , اركب يا عم عربي

ماشي يا خويا , ما تشهلي يا ستتتتتتتتتت

انا جاية اهو , يلا يا سمية اركبي يا بت

حاضر يا امّا , ازيك يا ربيع ههه

ههه ازيك يا سمية , اطلع يا اسطى على اغلى صايغ عشان نشتروا شبكة العمر لحبيب العمر ههههههههه

*********************************

وقف هنا يا اسطىىىىى , انزلوا يا جماعة , الصايغ اهو , هنحاسبوا الاسطى ونحصلوكو

ماشي يا ربيع , يلا يا امّا

***

 ادخل انت يا ابا على ما انا وامي نبصوا على الدهب اللي يزغلل العين اللي مالي الفاترينة ده ونختاروا على كيف كيفناااا هههه

طيب ما تتأخروش عشان عندي مصالح , خلينا نشتروا الشبكة ونمشوا

ماشي يابا , تعالي يا امّا بصي يا امّااااااا تعالي شوفي الدهب الاصفر اللي قلبك يحبه ههههه دي اشكال والوان يامَا يا امّا ايّوووووووووه

حاجات حلوة اوي يا بت , شايفة الغويشة اللي هناك دي , نقشتها حلوة اوي يا بت يا سمية

لالالا بلدي اوي يا امّا , نقشتها مش ع الموضة , بصي التانية دي ؟

انهي يا بت ؟

اللي عليها فصوص بمبى يا امّاااااا ما تركزي معايااااااا

ايه يا حماتي ! واقفة كدة ليه انتِ وسمية !

بنختاروا قبل ما ندخلوا يا ربيع يا ابني

في حاجة عجبتك يا سمية ؟

ايّوووووووه كل حاجة عجباني يا ربيع , وربنا لو عليا نقولولك هاتلي ككككككككككل اللي في الفاترينااااااااا

يا بت هتنهبي الجدع !!! ما تاخدش على كلامها يا ربيع

ههههه خليها تقول اللي نفسها فيه , وربنا يا حماتي انا لو نطولوا نحولوا نجوم السما دهب ونعملوهم فستان ونلبسوه لسمية مش هنتأخروا

هههه تعيش يا ابني

طب نقوا بسرعة عشان عم عربي عمّال ينفخ جوا ومش قاعد على بعضه

طيب يا ابني , نقي يا سمية وخلصينا عشان ابوك ما ينكدش علينا في ليلة الفرْح دي

حاضر يا امّا حاضر , شوفي , أنا عاجباني الإسورة دددددي ,ايّوووووه يا امّا , حلوة اوووووي هنموتوا عليهااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

معلش يا اخ , حماتي وعروستي بيتفرجوا ع الفاترينا يعني يمكن حاجة تعجبهم

تحت أمرك يا فندم , المحل محلك

تُشكر يا ذوق , منور يا عم عربي

بوجودك يا سيدي ... انت عامل حسابك على كام ؟

يعني , خمسين الف جنيي

ايّوووووووة خمسين الف جنيي مرة واحددددة !

هههه اومال مرتين !

......... جبت الفلوس دي كلها منين يا ربيع ؟؟؟؟؟

ايّووووووه جرا ايه يا عم عررررربي , ما تخلنيش نعلوا صوتي ونعملوا فضايح قدام النااااااس , ايش حال ما كنت شاهد على سفري وشحططتي في بلاد الغرررررررربة , طب داني دوقت المر عشان نعملوا القرشين دوووول , ذنبي يعني ان الفلوس نَزَلت عليا زي المطر في ليل أمشيرررررر !!!

ماشي يا ربيع , ربنا يزيدك من نعيمه

ههههههه ايوة كدة ادعيلي يا حمايا عشان فلوسي تزيد وننغنغوا بنتكككككك , اهي جت اهيه , اخترتي يا سميييية ؟

ههههه ايوة اخترت , داني اخترت كام غويشة على كام خاتم انما اييييييه

كام غويشة على كام خاتم ! عشان تعرفي انك وش فقر وعمرك ما هتنضفييييي , يا بت اختاري طقمين على بعضضضض

طقمين يعني ايه ؟

طب وطي صوتك الله يهدك الراجل صاحب المحل بيبص علينا بأرررررف , تلاقيه بيقول ايه اللي جاب الجرابيع دول هنااااا ! استني يختي ,انا هنفرجوكي ع الاطقم , بنقولولك ايه يا اخ

تحت أمر حضرتك

كنت عايز نفرجوا عروستي على كام طقم كدة عشان تنقي من بينهم

مممم ايوة يا فندم بس الأطقم غالية

نعم يا خويااااااااا ! وانت شايفنا شحاتين داخلين طالبين حسسسسسنة , احنا هنختاروا اللي احنا عايزينه وفلوسك هتاخدها وعليها بوووووسة

انا آسف يا فندم , إمام , يا امااااااام , هات اربع اطقم من اللي وصلولنا امبارح عشان الأنسة تختار

حاضر

الراجل راح يجيب الاطقم يا سمية

ماشي , هنستنوه , القعدة حلوة اوي في المحل ده وربنا والتكيف مخلي الواحد منعنش

وطي صوتك يا وش الفضايح .. ربنا يعدي اليوم ده على خير

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

اتفضل يا فندم

هات يا سيدي , شوفي يا سمية الطقم ده وملي عينك , شوفي يا حمااااااتي

ايّووووه يا امّااااا  شايفة الحاجات الحلوة , هندوخوا من جمالهم , اسنديني يا امّااااا

حلوين اوي يا بت ههههه داني اللي هندوخوا وربناااااا

ها يا سمية , رسيتي على انهي طقمين ؟

وربنا محتارة , الاربعة احلى من بعض , مش عارفة نختاروا ايه ولا ايه ؟

ساعديها يا ام سمية خلينا نخلصوووووا

طيب يا عربي طيببببب , ده ايه ده ! خدي ده وده يا بت يا سمية , حلوين قوي

مممم ماشي يا امّا , مع ان الاتنين التانين طالعين من عيني ومستخسرة نسيبوهم

هههه ربنا يزيد ربيع ويعمّر جيوبه ويجيبهوملك هما كمان عن قريب

يا رب يا امّا ياااااارب

احنا هنعزموا ربيع يا بت ع العشا عندنا اليلة دي

كنا لسة هنقولوا كدة يا امَا,يرجع معانا ع البيت ونعملوله احلى عشا

يستاهل يا بت,يستاهل وربنا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

عجبك العشا يا ربيع يا عريس بنتي؟ ههه

وربنا زي الشهد,يسلموا ايديكي يا حماتي

تعيش ههه اشرب الشيَ بقى

ماشي ..ادي شبكة بنتك بين ايديك اهيه يا عم عربي , مبسوط ؟

مش هننبَسَط إلا لما تجيب الشقة

والشقة الأسبوع الجاي هنكونوا جبناها وفرشناها كمان

ماشي ... هنصدقوك , هتسكّن البت فين ؟

هنجيبولها احلى شقة في العجمي

واشمعنى العجمي ! مش شايف انها بعيدة عننا يامَا ؟

جرا ايه يا عربي ! ما يسكنها مطرح ما يسكنها , المهم الولا يجيب الشقة

اسكتي انتِ يا ام سميييييية , العجمي بعيدة يامَا عن هنا , افرض يا ربيع ان البت زعلت وياك ولا حصل حاجة بينكو , ننجدوها ازاي !!

جرا ايه يا ابااااا , هو ربيع بلطجي وهيخطفني ويعذبني ولا ايه !!! طب ده ربيع ما فيش اطيب من قلبه , واني موافقة نروحوا معاه في أي حتة يشاور عليها

بقى كدة يا سمية ! بقى اني بنعملوا اللي فيه مصلحتك تقومي تبجّحي فيا وتردي عليا يا بتتتتتت !!!

ايّوووووه يابااااا هو انت عايز تحط العقدة في المنشار وخلاص !!!

معلش يا عم عربي , بس يا سمية ما تزعليش ابوكي مننا , أني عارف ان قلبك على سمية يا عم عربي وخايف عليها , لكن الخوف ما يبقاش مني اني , لإني بنحبوها وشاريها

طالما بتحبها وشاريها يبقى تجيبلها شقة جنبنا هنا

ايّووووه يا ابااااااا , انت عايز تسكنّي في كوم الدكككككة !!!

مالها كوم الدكة !! مش دي المنطقة اللي اتربيتي فيها يا بت !!!

اني ما قولتش حاجة يا ابا , لكن اني عايزة نسكنوا في منطقة احسن منها بعد جوازي

وبعدهالك يا عربي ! ما تسيب البت والولا يسكنوا في المنطقة اللي هما عايزينها

اوووف هما حرين , اسمع يا ربيع , اني هنوافق انك تسكّن البت في العجمي , لكن وربنا المعبود لو زعلتها في يوم من الأيام ولا ايدك اتمدت عليها مش هنرحمووووك

هه ما تهدا عليا شوية يا عم عربي , هو احنا داخلين جوازة ولا داخلين حرب !

اني قولت اللي عندي يا ربيع

واللي قولته على راسي يا عم عربي , تتقَطَع ايدي لو اتمدت على سمية في يوم من الأيام ولا دوستلها على طرف

أما نشوفوا يا اخويا

طب بعد اذنك اني عازم سمية بكرة ع السيما من ستة لتسعة

اوعى تقول لا يابااااا اني عايزة نفكّوا عن نفسي ونروحوا السيمااااا

روحي يختي مطرح ما تروحي

طب نستأذن اني يا عم عربي

اذنك معاك

بالإذن يا حماتي

مع السلامة يا ربيع

عايزة حاجة قبل ما نمشوا  يا سمية ؟

تسلملي يا ربيع ههه استنى هنوصلوك لحد الباب

روحي اعمليلي كوباية شيّ يا ام سمية

ماشي يا عربي

*********

ههه مع السلامة يا ربيع

الله يسلمك يا عسل ههه هنعدوا عليكِ بكرة بعد العصر عشان نروحوا السيما

هنكونوا جاهزين من الصبح يا ولا ههه سلاااااام

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت