الحلقة الثامنة والعشرين(ف2)
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
الشيّ
يا عربي
تسلم
ايدك يا ام سمية
تسلم
... لكن ايه الكلام اللي سميت بيه بدن الجدع ده !!!
غصب
عني يا ام سمية , الولا ده احنا مش مرتاحينله
انت
مش مرتاحله من يوم ما خطب البت
لا
يا ام سمية , احنا مش مرتاحين للفلوس اللي مالهاش حصر والنعمة اللي ظهرت عليه فجأة
دي
ايّووووووه
ايه الكلام ده يا عربي ! ماهو على يدك , الولا اتغرب عشان يجمع الفلوس دي
يا
ام سمية احنا نعرفوا ناس اتغربوا سنين ياما وما جمعوش نص اللي جمعه الولا ده ,
يبقى هو في أقل من سنة يكون معاه ده كله !!!
يا
عربي كل واحد له حظ غير التاني , والولا مُرزق ورزقه واسع , يبقى مافيش داعي للخوف
اللي معشش في قلبك من ناحيته ده , وما كانش له لزوم تقوله سكنها فين وما تسكنهاش
فين
احنا
كنا بنعملوا كدة عشان مصلحة البت , عايزها تبقى جنبنا عشان نحموها منه
نحموها
من جوزها ! ههه انت بس عشان البت غالية عليك بزيادة بتعمل كدة وبتظن سوء في الجدع
.......ربنا
يخلف ظني يا ام سمية
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
الفيلم
كان حلو قوي يا ربيع , كله حب يا ولا ههه
....................................................
مالك
يا ربيع !من ساعة ما قابلتك النهاردة وانت شكلك متضايق ومش عاجبني
بصراحة
مخنوق من ابوكي , عجبك الكلام اللي قالهولي امبارح ده !! داني جايبلك شبكة ما
يحلمش بيها ولا جت لأي بنت في حارتكو
وربنا
ولا في المنطقة كلها هههه معلش يا ربيع , امي ما سَكَتتلوش ع الكلام ده , وقالتله
سيب البت هي وعريسها على حريتهم , يسكنوا مطرح ما يسكنوا , وقالتله ربيع بيحب البت
وهيشيلها في عنيه
أمك
قالتله كدة ! ههه وربنا امك دي عسل وطول عمري نحبوها
وهي
بتحبك وربنا
ربنا
يخليهالنا , طب وربنا أحن عليا من امي
طب
سيبك من امي وامك دلوقتي وقولي هنقضوا شهر العسل فين ؟
هيكون
فين يعني يا بت ! في شقتنا اللي هناخدوها في العجمي
نعم
يا خويا نعممممم !!! لالالا ياسي ربيععع , اني عايزة نسافروا مرسى مطروح ونقعدوا
فيها اسبوعين تلاتة , بلاش نقولوا شهر
مرسى
مطروح ايه يا بت يا مخبولة انتِ !! ما ينفعش نغيبوا على توحا , هنقولولها ايه !
ايّووووووووه
توحا توحا توحاااااا , اني اتخنقت وربناااااا , اني عروسة ومن حقي نفرحوا ونتفسحوا
ويا عريسي , بقى تاخد الكركوبة وتقضوا شهر العسل في اليونان , واني تستخسر فيا
مرسى مطروح يا ولا !!!
يا
بت اني سافرت اليونان على حساب توحا , ما دفعتش جنيي وااااااحد
طب
وماله , نسافروا اني وانت مرسى مطروح على حسابها برضو , هي يعني هتعمل ايه بالفلوس
دي كلها الكركوبة دي !!! أحنا أولى بفلوسها و نتهنوا بيها ونتمتعوا بشبابنا يا ولا
ههه
ماشي يا سماسم , هنسافروا مرسى مطروح ونقعدوا فيها اسبوع عسل يا جميل
اييييه
! أسبوع واحد يا ربيع !!!
ايّوووووه
وبعدهالك يا سميييية !!كفاية أوي أسبوع , اني مش عايز توحا تشك فيا
خلاص
يا ربيع , عشان خاطرك هنرضوا بالأسبوع , أيّووووه ههه اني مش مصدقة اننا خلاص
مشاكلنا اتحلت وهنتجوزوا يا ولا
ههه
لا صدقي يا سماسم , بكرة معادنا مع السمسار اللي هيجيبلنا الشقة
هو
قالك على شقة مناسبة ؟
ايوة
, شقة ايه بقى يا بت , 130متر بحالهم ,
يعني ممكن نلعبوا فيها كورة ههه
ايّووووة وربنا 130 متر ؟ ههه
ايوة
يا بت , وكمان المفاجأة بقى بتطل ع البحر عِدِل ههه
لالالا
هيغم علياااا , بتتكلم جد يا ربيعععع ؟
ده
مقامك يا سماسم , وتستاهلي اكتر من كدة كمان
ههه
تعيشلي يا ربيع , ده أبويا وامي هيفرحوا يامَا
قوليلهم
اني هنعدي عليكو الصبح ع الساعة حداشر كدة , نيجوا نلاقيكو جاهزين
ماشي
يا ربيع
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
الشقة
حلوة اوي يا امّااا شايفة التراسينا يامّاااا هههه بتبص ع البحررر , ايّووووه ع
البحر وجماااااااله
منظر
حلو قوي ما يتشَبَعش منه يا بت يا سمية , يجعلها شقة مبروكة عليكِ وتمليها عيال
يااااااااارب
يارب
يامّا يااااارب
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
عجبتك
الشقة يا حماتي ؟
شقة
زي العسل ههههه تعيشوا وتتهنوا فيها
الله
يخليكِ يا حماتي , ايه رأيك في الشقة يا عم عربي ؟
الشقة
حلوة , بس المهم تعمرها ما تخربهاش
ايّوووه
عليك يا عربي , ده كلام تقوله للولا !!!
سيبيه
يا حماتي , احنا نبلعوا لعم عربي الزلط عشان عيون سمية , شوف يا عم عربي , طالما
الشقة عجبتك يبقى هناخدوا سمية بكرة وننقوا الفرش , والدخلة هتبقى الخميس اللي بعد
الجاي من غير مقاطعة
لا
داني كدة هنزغرت للبت والولااااااااا لولوليييييييييييييييييييييييييييي
تعيشي
يا حماتي ههه , قلت ايه يا عم عربي ؟
............
ع البركة .. هنعملوها فين الليلة دي ؟
في حارتكو,هنعملوها فين يعني ! في الهيلتون ! هههه اني
صحيح راجع بقرشين كويسين من ليبيا بس مش عايزين نبعزقوهم,أحنا شقينا بيهم يامااااا
عين العقل يا ربيع,الصح انك تحافظ على قرشك,والفرح
نعملوه قدام بيتنا عشان الجيران والحبايب يفرحوا معانا
استبينا يا عم عربي,زغروتة يا حمااااااااتي ههههه
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
جبت
الشقة والعفش لامك يا ربيع ؟
ايوة
يا حبيبتي , ايّووووه دي امي بتدعيلك دُعاااااا ! ربنا يجعله من نصيبك
ههه
ان شالله يخليها
دي
كانت عايزة تيجي تشكرك هي واختي
ايييييه
!!! لالالا ما تخليهومش يجو هنا
ايه
ده بقى !!! انتِ بتستعري من اهلي يا توحا ؟؟؟
انييييي
! وربنا ما نقصدوا يا ربيع
اومال
قصدك ايه يا توحا ؟
يا
ربيع يا حبيبي اني خايفة امك تشوفني تقعد بقى تقول في نفسها ابني اتجوز واحدة
كبيرة ولا تفتكرني ضَحَكت عليك بكلمتين واتجوزتك ولا تبصلي بصة كدة ولا كدة ما
تعجبنيش ويمكن تقول كلام ما نحبوش نسمعوه , وساعتها بقى ما نعرفوش هنمسكوا اعصابي
ولا هنردوا نقولوا ايه ونقعوا في الغلططططط خليني بعيد احسن يا ربيع
على
رأيك , خليكي بعيد عن امي احسن , وهي كمان تدعيلك من بعيد لبعيد
ههه
يعني من الآخر كدة فرحت بالشقة والعفش ؟
ايّوووووه
دي ما بطلتش زغاريت هي واختي كأنهم داخلين
شقة عروسة هههه تعيشي وتفرحينا يا توحااااااا
هههه
يدوم الفرح يا ربيع
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
يا نواااااال,كوباية شاي يا نواااااااال
يووووو ما انت لسة شارب شاي ما بقالكش سااااااااعة
انتِ هتعدي عليا الشاي اللي بشررررربه! اعملي كوباية
شاااااااي
حااااااضر,هعمل السم الهاااااااري
سم هاري لما يهري بدنككك,ست لسانها زي العقربة
بابا
ايوة يا رباب يا حبيبتي
أنا كلمت ايهاب اخويا يشوفلي شغل عنده وهو لقالي شغلة
مترجمة فورية في شركة سياحية بمرتب كويس قوي
ايه ده يا رباب! هو انتِ عايزة تسافري عند اخوكِ؟
ايوة يا بابا,هو هيبعتلي الفيزا وهيرتبلي كل حاجة
ليه يا بنتي كدة!مش كفاية اخوكِ سافر!انتِ كمان هتسافري
وتسبيني مع امك لوحدي! يا بنتي هو انا اذيتك في حاجة!
يا بابا بجد والله أنا مش عارفة أعيش هنا,محتاجة مكان
جديد وناس جديدة,محتاجة أريح اعصابي
يا بنتي انا كان نفسي تخرجي من البيت ده على بيت جوزك
عشان قلبي يتطمن من ناحيتك
لا يا بابا,الجواز مش كل حاجة في الدنيا,وبعدين لازم
تطمن ,أنا مش هكون لوحدي في بلد غريبة,اخويا معايا
والله يا بنتي أنا مش عايز غير سعادتك,وعارف ان سعادتك
بعيد عن امك..يا بختك يا رباب يا بنتي,هتنفدي بجلدك,أنا بقى واخد حكم مؤبد ومش
هفارق امك إلا لما عزرائيل ياخدها ان شاء الله
يا بابا ربنا يديكو الصحة والعمر انتو الاتنين
الشاي يا كماااااااال
هااااااااتي,عرفتِ ان رباب مسافرة عند اخوها؟
قالتلي,براحتك يا حبيبتي, المركب اللي تودي,ال من حبنا
حبناه وصار متاعنا متاعه,ومن كرهنا كرهناه يحرم عليا اجتماااااعه
.....عن اذنك يا ماما,عن اذنك يا بابا
اتفضلي يا حبيبتي,طفشتي العيال يا نواااااال! منك لله يا
نوااااااال
طفشتهم! هما اللي ما عندهومش وفاء للست اللي فنت عمرها
في خدمتهمممم
فنيتِ عمرك! هو عمرك عايز يفنى ولا بيجرالك
حااااااجة,ربنا يديني الصبر على عشرتك المهببة
مش عاجبك عشرتي فارقني انت كماااااااان
ما اقدررررش
ليه! ههه بتحبني؟
لاااااااااا,بتصعبي عليا,ابوكِ وامك ماتوا ومالكيش حد في
الدنيا,مضطر اصبر لحد ما اوصلك ليهم واسترييييح
بعد الشر علياااا,اشرب الشاااااااي
هااااااااااتي...يا بختك يا ايهاب انت ورباب,الرحمة
يااااااارب
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
عملتلك
كوباية اللمون اللي طلبتها يا سلامة
....................................
سرحان
في ايه يا سلامة ............
سلااااااااامة
ها
! انتِ عملتي اللمون يا ألطاف !
دانا
بقالي يامَا واقفة وبنكلموك
ما
سَمَعتكيش
سرحان
في ايه ؟
سرحت
في الولا وجدي ابني
وجدي
! اوووووف وايه اللي فكرك بالولا ده دلوقتي !
هو
احنا بننسوه عشان نفتكروه يا ألطاف ! الولا ما بيروحش عن بالي , ايّووووه السنين
جَرَت , زمان الولا بقى راجل , يا ترى انت فين يا ابني !
وربنا
انت تاعب قلبك وبتفكر في ولا ما يستاهلشششش !
ألطااااااااااف
ايّوووووه
انت زَعَلت يا سلامة ! احنا ما نقصدوش نزعلوك , انا بس بنقول ان الولا لو كان عايز
يشوفك كان جَالك
ما
انتِ عارفة ان الولا مالوش اثر في اسكندرية يا ألطاف , مَشَى مع امه وخالته وما
نعرفوش أراضيهم فين
كان
لازم يمشوا يا سلامة بعد الفضيحة اللي عملتها بدور , ايّووووووه داني سَمَعت كلام
يشيب من الجيران لما روحت نزوروا أمي أيامها , احنا بس مش عايزين نتكلموا عشان عندي بنت بنترجالها الستر من عند ربنا
لا
يا ألطاف , انا مش قادر نصدق ان بدور تعمل كدة , بدور صحيح كانت بت دماغها طاقّة
لكن عمرها ما تفرط في نفسها , لالا , بدور مش خاطية
مش
خاطية ! هيهيييي وربنا انت طيب وعلنياتك , طب ده جوزها جابها الحارة بلبس النوم
اللي كانت لابساها في حضن راجل تااااااني , جابها وسط الحارة والناس كلها اتفرجت ورمى
عليها يمين الطلاق وسط الناس كلها وامها طبّت ساكتة من الحسرة , تقوم انت تقولي انها مش خاطية !
ايّوووووووه
انا في حاجة مش فاهمها في الموضوع , لكن وربنا بدور ما تعمل كدددددة
خلاص
يا سلامة خلااااااااص , فضنا من سيرة الهبابة دي واختهاااااا , انا عارفة ايه اللي
فكرك بيهمممم !
اللي
فكرني بيهم وجدي ابني , يا ترى فاكرني ولا نساني ! ............. البت بنتك اتأخرت
كدة ليه ؟
اني
عارفالها !!! قالتلي هننزلوا نفكوا عن نفسي ونتمشوا ع البحر انا وصاحبتي مش عارفة
مين,نسيت اسم البت اللي قالتلي عليها
وده يصح برضو ان بنات يتمشوا لوحدهم ع البحر في نصاص
الليالي ؟
وفيها ايه يا سلامة! هما عشان بنات يعني هندفنوهم
بالحيا! اهم بيفكوا عن نفسهم زي بقيت الخلق,هيجرالهم ايه يعني!
يجرى
يامَا,يامَا قوي يا ألطاف,ولا ما بتشوفيش اللي بنشوفوه من بنات في سنها
واصغر ع البحر! كل واحدة مرمية بين
دراعات جدع وسايباه يمسك ايدها
ويعمل ما بداله
ايّوووووه جرا ايه يا سلاااااااامة,ايناس بنتي مش زي
البنات دووووول,دول تربية شوارع ما لهومش أهل
ربنا يستر عرض الولايا,بنقولوا الكلام ده من خوفي عليها
,ايناس زي بنتي واني اللي مربيها يا ألطاف,ونخافوا على عرضها ولازم نصونوه
عارفة يا سلامة,اطمن,نوسة دي بميت راجل وما يتخافش عليها
طب اتصلي بيها ع الموبايل شوفيها فين
ماشي.......الرقم الذي تحاول....
ايّووووه قافلاه
.......وايه يخليها تقفله
!!....راعي بنتك وشوفيها
بتروح فين يا ألطاف وما تديش الأمان قوي
ايّوووووه
هتكون بتروح فين يا سلامة !قلنا بتتمشى ع البحر هي وصاحبتها ,وكلمة من هنا على كلمة من هناك الوقت سرقهم , بس وربنا
ما هنسكتولهاااااا , اني ما يعجبنيش الحال المايل يا سلااااااامة
ربنا
يسترها يا ألطاف
تررررررررررررررررررررررن
تررررررررررررررررررررن
اهي
البت جت اما نقوموا نفتحولهاااااا
مساء
الخير يا ماما
مساء
الزفت على دمااااااغك كنتي فين لحد دلوقتي يا بتتتتتت ؟؟؟؟
ايّوووه
يا ماماااا ! هنكونوا فين يعني ! ما قلنالك نازلين نتمشوا ع البحر
كل ده بتتمشي يختيييي! الساعة داخلة على اتناشر بالليييييل
,مش قلتِ مش هنتأخروا عن الساعة عشررررة!
يا
ماما كنت قاعدة مع بسمة صاحبتي ,وبعدين جم شوية بنات من صاحباتنا وقعدنا ع البحر ما دريناش
بروحنا ولاحسينا بالوقت , عَرَفتي كنت فييييييين !!!
اني داخلة نغيروا هدومي ونيجوا عشان نتعشوا , جعانة اوي يا مامااااا الحقيني بالأكل
ماشي
, بس ما تبقيش تتأخري تااااااني
عيوني
يا ماما ههه مساء الخير يا عم سلااااااااااامة
مساء
النور يا ايناس
شوفت
يا سلامة , اهي البت صحيح كانت مع البنات صاحباتها والكلام
خدهم زي ما قولتلك , اما نروحوا نعشوها عشان دي جعانة يا قلب امهاااااا
روحي
يا ألطاف , وربنا ما مرتاح للبت دي , كل
ما تطلع لامها بحجة تصدقها وعمرها ما كدبتها ,ربنا يستر بقى
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
وبعدين بقى في القنوات اللي مش عايزة تتظبط دددددي ! اووووووف عبد
الرحمممممممممن يا عبد الرحممممممممن
نعم يا مامااااااااا
تعالى شوف التليفزيون المؤرف ددددده مش عارفة اتفرج على حااااااجة ,
الإشارة ضعيفة جدااااااااااً
وريني كدة يا ماما مممممم اه فعلاً الإشارة ضعيفة
اووووووف اكيد حرّك الدش من مكااااانه
هيكون مين بس اللي حرّك الدش يا ماما !!!
البلاوي ولاد البواب اللي جدتك اديتهم اوضة ع السطحححححح
تؤ , طب ليه بتغلطي فيهم بس يا ماما !!
انت هتعلمني الأدب ولا اييييه !!! اتفضل اطلع ظبّط الدش ده خليني اعرف
اتفرج ع الفيلم الأجنبي اللي مستنياه بقالي اسبووووع
حاضر يا ماما حاضرررر
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
ايه ده !!! سهير ! انتِ ع السطح!
والله !!! اظن صدفة وحضرتك مش طالع ورايااااا , مش كدة يا دكتور عبد الرحمن ؟؟؟؟؟
والله العظيم ما اعرف ان انتِ هنا أصلااااااااً , انا طالع اظبّط الدش عشان
الإشارة ضعييييييييييفة
اوووووف مش وقته , لما ابقى انزل ابقى اطلع ظبّطه , ما يصحش حد يشوفك هنا
وانا موجووووودة , انا قربّت اخلّص نشر الغسيل ونازلة , بالكتير ربع ساعة , اتفضل
انزل يا دكتوررررر
حاضرررررر هنزل يا أرزل دكتورة في تاريخ كلية الطبببببببببب
هههههههههه مممممم اما اخلص نشر الغسيل ده عشان انزل اذاكر بقى , الله
يسامحك يا ماما كل ده غسيييل !!!
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
ايه يا عبد الرحمن ! نزلت بسرعة لييييه !!! انت لحقت ظبّطت الدش ؟؟؟
شوية كدة يا ماما وهطلع
ونزلت ليه أصلااااااااً !!!
اصل لقيت سهير بتنشر الغسيل فوق , وقالتلي انه ما يصحش اطلع وهي موجودة
يا سلااااااااااام !!! هي البت دي فاكرة نفسها بني ادمة ولا اييييييه ! هي
متخيلة مثلاً انك هتعاكسها ولا هتعبّر اشكالهااااااا !!!
اووووووووف يا ماما ارجوكي من غير غلطططططط , سهير بني ادمة زيي زيها ,
وكمان زميلتي في كلية الطب , ما اعتقدش يعني ان الحيوانات بيدرسوا طب يا ماماااااا
طب بس بس , ادي اللي باخده منك , مش عارف قيمتك ولا قيمتناااااا , طالع
لبابااااااااك
طالعلي في ايه يا رشا ؟؟؟؟؟؟
هااااا !!! أأأهلاً هاني حبيبي , ما حسيتش بيك وانت بتفتح الباااااااب ههه
هتحسي بيا ازاي وصوتك عالي زي الرعددد , ما قولتليش بقى , عبد الرحمن
طالعلي في ايه ؟
أأأ طالعالك في رقتك وحنانك يا حبيبي
هههههه عندك حق يا ماما , الجبن سيد الأخلاق
ولدددددد سامع يا هاني الولد ده بيقول ايييييه !!!
اعتذر يا عبد الرحمن , وإياك يتكرر الغلط ده في والدتك مرة تانية
اسف يا ماما , بعتذر وبشدة , عن اذنكو هطلع اظبّط الدش
احضرلك الغدا يا هاني يا حبيبي ؟
كنتي بتزعقي لعبد الرحمن ليه ؟
اصله عصّبني يا هاني , طلع يظبّط الدش راح لقى بنت البواب فوق راح نازل ,
ال ايه عشان الهانم اللي فاكرة نفسها حاجة بعد ما دخلت كلية الطب طلبت منه كددددة
والله بنت ممتازة حقيقي , دايماً معجب بالبنت دي وباخلاقها , ومش عشان هي
بنت بواب يا مدام رشا نقوم نتعدا على حريتها أو نزدريها وكأنها مالهاش كرامة , عبد
الرحمن اتصرف كويس لما استجاب لرغبتها ونزل ,وإلا كان يبقى إنسان وقحححححح
مممم احضرلك الغدا يا حبيبي ؟
هي منة فين ؟
نايمة
صحيها وحضري الغدا عشان نتغدا كلنا سوا
اوكيه يا حبيبي ... مممم انا بقى هعرف اوقف البنت دي عند حدها ازاي , لازم
تعرف مقامها , مننننننننننننة بنت يا منننننننننننننننننة
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
مش هتدخل تذاكر يا عبد الرحمن ولا ايه ؟
لا يا ماما , انا هنام شوية عشان مش قادر افتّح عيني , يا ريت تصحيني كمان
ساعة
اوكيه يا حبيبي , ادخل نام انت
ان ما ربيتك يللي اسمك سهير يللي عاملة راسك براسناااااا , الحمدلله هاني
مش هنا وعبد الرحمن نام ومنة في درس
الماث, انزل بقى اربي اللي عايز يتررررربي
**********************************
انت يللي اسمك عووووووواد
بابا مش هناااااااااا
راح فيييييييين ؟
انا جيت اهو يا ست رشااااااا نعممممم
ايه السلالم اللي زي الزفت دددددي ! ده مسح دددددده !!!
والله يا ست هانم مسحتهم ونضفتهممممممم
بقولك ايييييه يا إما تتعدل يا إما تسيب العماااااارة , طالما مش قد الشغل
يبقى تسيييييييبه , البوابين كتااااااار ,وانت باين عليك كبرت ومش قادر تخدمنا زي
الأووووول
ليه بس كدة يا ست هاااااااانم !!! هو انا قصرت في ايييييه ؟
اووووووف فين مراتك اللي اسمها فهيممممممة ؟
امك فين يا سهير يا بنتي ؟؟؟؟؟
ماما مش هنا
راحت فين يختيييييييي ؟
اووووف راحت تجيب طلبات لمدام اشجان
اوكيه , لما تيجي قوليلها تطلع تغسلي السجاجيدددد
تغسلك السجاجيد !!!
ايه ! غريبة عليها !! مش طول عمرها بتغسل لسكان العمارة السجاجيد وبتاخد
فلوووس !!!
........... ماما رجليها تعباها
بقالها فترة ومش هتقدر تغسل سجاجيد
خلاص , اطلعي اغسليهم انتتتتتتتِ
انا اغسل سجاجيددددددد !
ههه وما تغسليش سجاجيد ليه !!! انتِ ناسية انك بنت البواااااااب ؟؟؟؟؟؟
لو سمحتي ما تتكلميش معايا بالطريقة دددددددي
انتِ بتعلي صوتك عليا يا بتتتتتتتتتتتتتتتت
ايه بت ددددددي ! انا ما اسميش بتتتتتتتتتتت , ليا اسم تناديني بييييييييه
والله عاااااال , على آخر الزمن واحدة زيك هتعلمني أناااااا اتكلم ازاي
ايوة اعلمك طالما بتتكلمي بأسلوب ........
سهيررررر, خلاص يا بنتي , حقك علينا يا ست رشا , بكرة الصبح فهيمة هتطلع
تغسلك السجاجيد , أي خدمة تانية ؟
اوووووووف انا طالعة , وابقى ربي بنتك دي وعملّها تتكلم مع اسيادها
ازاااااااااي
اهئ اهئئئئئئئئئئئ سامع يا باباااااااااا ؟؟؟؟؟؟؟
معلش يا سهير , ما انتِ عارفة ان طبعها شديد من زمان , روحي يا بنتي ذاكري
ايوة يا بابا هذاااااااااكر , هذاكر واذاكر واذاكرررررر, لازم احقق
حلمييييييي , عشان الست دي وامثالها يعرفوا اني بعلمي احسن منهم مليون مررررررررة
اهئ اهئئئئئئئئ بس انا كرهت العمارة دي يا بابا , نفسي نمشي من هنااااااا
نمشي نروح فين يا بنتي !!! روحي ذاكري يا سهير عشان تنسي
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
ده مسعد جه أهو يا عواد هههه ازيك يا باشمنهددددس
ازيك يا امي يا ست الككككل ههه ايدك ابوسها اموووه
يعني تبوس ايد امك وانا لااااااأ !!!
يا خويا هو بيفرّق فلوس عشان تشبط !!!
ههه انت الكل في الكل يا ابويااااا ابوس ايدكككك امووووه وابوس راسك
كماااااان امووووووووووه
هههه الله يعلي مراتبك يا مسعد يا ابني
الله يخليك يا ابويا ويقدرني وارد جميلك انت وامي , سهير نايمة ولا صاحية
يا أمي ؟
سهير بتذاكر بعد ما اتنكدت , الله يجازي اللي كان السبب
في ايه يا امي ؟
الست رشا اديتها كلمتين مالهومش لزمة وبتعايرها اكمنها بنت بواااااااب
..................... كتر خيرها , معقول قدرت توجه إهانتها بكل القسوة دي
لسهير !!!
ايوة يا ايني زي ما بقولك كدة , البت اتقهرت يا عيني , جيت من برا لقيت
عنيها وارمة من العياط
لا حول ولا قوة إلا بالله , طيب عن اذنكو
اذنك معاك يا حبيبي , اهو هيدخل يروقلها دمها يا عواد , اصل سهير طول عمرها
ما بترتاحش في الكلام إلا مع مسعد
ربنا يخليهولنا ويجعله عوض عن اخووووه
اعوذ بالله يا شيخخخخ هو سعيد بعد الشر جراله حاجة عشان تقول كدة !!!
يعني شايفة ابنك بيسأل علينا قوووي !!! ده ما صدّق اتجوّز البت زميلته
واختفىىىى
بكرة يظهر ان شاء الله , هيروح فين ! مسير الحي يتلاقى
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
تن تن سهيررر سهوررررة ههه
مسعددددددد ههه
الجميل بيذاكر ؟ هه
اديني بذاكر الحمدلله
ممممم امي حكيتلي ع اللي حصل النهاردة , معلش يا سهير , استحملي شوية
استحمل لحد امتى يا مسعدددددد اهئ اهئئئئئئئ بجد انا اعصابي تعبت وحاسة اني
ماليش كرامة اهئ اهئئئئئئئئ ازاي الست دي تتكلم معايا كدة وتهينني بالطريقة دي !!!
يا سهير مش كل الناس زي بعض , واحنا نحمد ربنا ان كل سكان العمارة
بيتعاملوا معانا كويس وعمرهم ما أهانونا
مسعد , تعرف انا بحلم بإيه ؟
بتحلمي بإيه يا ستي ؟
بحلم اننا فجأة كدة نبقى اغنيا , اغنيا اووووي وعندنا فلوس كتيررررر ونسكن
في قصر كبيررررررر وابقى انا الدكتووووورة سهير هااااااااااااانم وانت الباشمهندس
مسعد بيييييييه وامي تبقى فهيمة هانم وابويا عواد بيه
ههههههههههههههههههههههههههههههه لا ده مش حلم , ده جنااااااااااان
هههههه تصدق ان الجنان حلو اوي يا مسعددددد ؟
ههههه لا يا حبيبتي , انا عايزك بعقلك عشان نعرف نجوّزك
تجوزوني !!! لالالا انا أهم حاجة عندي درااااااستي
اهو انتِ كدة رجعتي لعقلك يا سهير هانم هههههه
ههههههه بطل تريئة يا مسعد بييييييه
ممممم انا جعان , في اكل ولا ؟؟؟
في اكل , ماما عملت فراخ وبطاطس ورز
يااااااااه ! وسااااااكتة ؟
ههه هقوم اسخنلك
لا يا حبيبتي ذاكري انتِ , انا هسخّن لنفسي
طيب يا مسعد , اه صحيححححح كنت عايزة فلوس عشان اشتري كتاااااب
من عنيا يا حبيبتي , عايزة كام يا ستي انا ؟؟؟
ايدك على 100 جنيه
حاضررر, اتفضلي يا قمر
متشكرة يا خويا يا حبيبي ههه ربنا ما يحرمنيش منك يا مسعد ياااااااارب
امووووه قمر يا نااااااس
ههههههههه
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
منصوووووور
هاااااي
ازيك
يا ابو الرووووووم جايلكككككك , سلام يا شقايققققققق
*****************
ازيك
يا ابو الروم , عاش من شافك ,غايب بقالك مدة يعني
معلش بقى , الكلية والنادي والديسكو , الدنيا
تلاهي هههه
ربنا
يقويك عليها يا شقيق
ايه
رأيك يا منصور تيجي تتغدا معايا في البيت النهاردة ؟ اصل عايز اردلك العزومة اللي
عزمتهالي في بيتكو
وماله , عزومة الرجالة الجدعان ما تتردش ,
طابخين ايه يا شقيق ؟
ههه
دادة صالحة عملالنا بيكاتا بالشمبنيون ولازنيا وجربلد ستيك
نعم
يا اخويااااا ! دي اسامي اكلات دي ولا برفانات حريمي!
هههه
لا دي أكلات , اكلات حلوة اووووووي
بالهنا
والشفا يا اخويا , شوف انا هاجي معاك بيتكو بس هجيب الأكل بتاعي معايا واعزمكو
عليه كمان
هههههه
لالالا عيب جداً على فكرة تيجي عندي وتجيب أكلك معاك
بتفهم
في الأصول اوي يا بتاع البيكاتا هههه لا يا شقيق , انا مصمم اعزمكو ع الأكل بتاعي عشان تعرفوا انكو ما
بتعرفوش تاكلوا ومضيعين معدتكو معاكو على أكل مالوش تلاتين لزززمة
هههه
اوكيه , هتعزمنا على ايه بقى ؟
تعالى
معايا المسمط وانت تشوف
وااااااااات
!
تعالى
يا عم بلا وات بلا ما واتّش
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
مساء
الفل يا معلم ابو الرووووس
اهلا
يا منصووور ازيك يا ابني , ابوك خرج من السجن ولا لسسسسسة ؟
خرج
ودخل تاني , كنا عايزين بقى شوية كوارع على ذوقك مع شوية فتة وصاااااااية
عنيناااااا
, جهز يا ولا يا شحتة طلبات المعلم ابن المعلمييييييين
عنيا
يا معلميييييي
متشكرين
يا معلمممممم , تعالى يا رامي نقعد ع الطرابيزة دي نستنى الطلب
هههههههه
قصدك نستنى الديناميت , بس تعرف , الجو هنا ظريف اوي , اظرف من كل الريستورانتس
اللي بروحها انا واصحابي , حتى الريحة هنا مختلفة هههه ريحة سو نايس
دي
ريحة الكوارع يا شقيق , خد نفس عميق وخليها تدخل صدرك وادعيلييييييي
ههههه
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
تعالى
يا منصور , هو ده باب شقتنا
ماشي
يا شقيق
استنى
اما افتح بالمفتاح
ادخل
يا منصور
ماشي
يا ابو الروم
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
انا
سمعت حد فتح الباب , تلاقيه رامي ولا ايتن , اما اوطي النار ع الطبيخ واروح اشوف
**************************
انت
جيت يا رامي ! مين اللي معاك ده ؟
اكيد
دي الست الحاجة والدتك يا رامي هههه ازيك يا امّاااااا عاملة ايه يا بركة ؟؟؟؟
بركة
!!!
ايه
يا منصوررررر دي مش ماااااام , دي دادة صالحة المربية بتاعتنا ومديرة المنزل
مديرة
المنزل ! هو انتوا في مدرسة !!! على العموم ازيك يا حاجة , انا منصور , ابقى صاحب
ابو الروم الروح بالروح
ابو
الرووووووووم !!!
داددددة
روحي صحي مام عشان تسلم على منصور
ممم
هو هيتغدا معاكو ؟
ايوة
, بس احنا اللي هناكل من الأكل بتاعه , كوارررررع
كوارررررررع
!
ايوة
يا ست الحاجة , سُكي ع البيكاتا اللي يكرمك
هو
في ايه !!! اما اروح اصحي الست نسرين , بقى دي اشكال رامي يجيبها البيت !!! مالوش
كبير ده ولا ايه !!!
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
تن
تن ست نسرين
كم
اون لولووووو ادخلي , خلصتي البيكاتا بالشمبنيون ؟
بيكاتا
ايه يا ست نسرين , تعالي شوفي رامي جايب مين معاه
مين
؟
انا
اعرف ! واحد صاحبه شكله وطريقته غريبة في الكلام , مش عارفة اتلم عليه فين ده , مش
ممكن يكون في النادي ابدااااااا
هو
حر لولو , انا مستحيلي اتحكم في ماي صن واقوله يصاحب مين ومش يصاحب مين , دي حرية
شخصانة
عندك
حق , كل واحد حر وماحدش له دعوة بحد واللي له شوق في حاجة يعملهاااااا اه يا
مرااااااري
سلميلي
على مرارك كتير لولو مممم اكمل لبس واخرج اشوف مين مع رامي
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
رامي
ماي
صن حبيبيييييي هاااااااي
مين
البت دي يا راااااااامي ؟
بت
ايييييه ما تحترم نفسككككك دي مام يا منصوررررر
دي
امكككككك ! ....... معلش يا شقيق , والله افتكرتها عيلة في الاعدادية ,امك نشفانة كدة
ليه زي عود القصب ! انتو بتاكلوا أكلها!! ازيك يا خالتي ام رااااااامي
ههههه
خالتي أم رامي !!! وات ايه نايس نك نيم , اول مرة حد يدلعني ويقولي خالتي أم رامي
, تعرف , انا لما اروح النادي وحد يقولي يا نسرين او سينو مش هرد عليه خااااالص ,
هقولهم انا خالتي أم رامي ههههههههه
هههههههه
عجبتك يا خالتي ! اسجلهالك على شريط ؟
هههه
نو , ابقى تعالى كتير قولهالي , واتس يور نيم ؟
نعم
واتس
يور نيم , اسمك اييييييه ؟
منصوررررر
منصوري
! هو انت كنت بتحارب ؟
ههههه
لا ابويا وامي هما اللي كانوا بيحاربوا , اصلهم متطوعين في الجيش هههه امك دي نكتة
وربنااااااا
يا
عم ما تحترم نفسك بقىىىىىىى , مام , على فكرة منصور جايبلنا اكل حلو اوي من مسمط
من
فين ؟
مسمط
يا مام , مسمط
اول
مرة اسمع اسم الريستورانت ده , ده فتح
جديد ؟ اديني عنوانه عشان اعزم باكي وساندرا هناك
ههه
لا يا مام , مش هيرضو , اصله مكان مش نايس بالنسبة لهم
نوووو
حتى لو كان مكان حكير , احنا
هنروح , احنا بنحب الفقرانين واكل الفقرانين , اكلهم كتير نايس , اكلته كتير عند
رشا سافلتي , ويلكم منصوري , فيل ات هوم
فيل
ايه ! هي امك شيفاني تخين اوي كدة يا شقيق !
يا
سيدي بتقولك فيل ات هوم , البيت بيتك يعني
اه
ههه ربنا يجعله عامر بحسك يا خالتي
هههه
ثانك يو , مع اني مش فهمت اللي تقوله , بس واضح انه كلام لذيذ
طيب
تعالي بقى يا مام عشان تدوقي الممبار ولحمة الراس والكوراع والفتتتتتتتتتة
هههه
اوكيه
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
ايه
رأيك يا خالتي ام رامي في الممبار واخواته ؟
ههه
سو نايس ميييييييل , اكل جميل خاااااالص , وانت كمان كراكتر لطيف ومش عدا عليا ولا
على ماي صن قبل كدة , بليز عرفني بمامي بتاعك
مامي
بتاعي ! حاضر من عنيا , غالية والطلب رخيص يا خالتي , أول لما امي تعمل قعدة حشيش
وتلم اصحابها هبعتلك عشان تحششي معاهم وتشاركيهم فرحتهم
ههههه
سو نايس , انا هروح يا رامي
تروحي
فين يا مااااااام ! هههه انتِ فاكرة مامت منصور وصاحباتها زي طنط باكي وطنط ساندرا
كدة !!! دول وحوش ادمية ممكن يفترسوكو هههههههههههههههههههههههههههههههه
ما
تلم نفسك يا شقيقققققققق وربنا مافي اجدع من امي , كفاية وقفتها مع ابويا في
شدتتتتته
يا
عم بهزر ههههه كل كل , خدي يا مام حتة الكوارع دي
ثانكس
رامي , بس الأكل ده في كاليرز كتير وممكن يتخن
يا
مام دي مرة من نفسك , مش هتاكليه كل يوم يعني
أها
, هات واحدة برومبار
ههههه
اسمه مومبار يا ماااااام
بالهنا
والشفا على قلبك يا خالتي أم رامي
ترررررررررررررررررررررررررررررن
افتحي
الباب لولوووووووووو
حاضر
يا ست هانم , اييييف ريحة البيت بقت غريييييبة
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
اهلاً
يا دكتور عصام
أهلاً
يا صالحة , خدي الشنطة دخليها المكتب
حاضر
ايه
ده ! هو احنا عندنا ضيوف ؟
ده
واحد صاحب رامي عازمه هو والست نسرين على كوارع وممبار ولحمة راس
اييييييييييه
!!!!
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
مممم
ازيك يا نسرين
هاي
صاصوووو
ده
داد يا منصور
اهلاً
يا عم ابو رااااااااااااامي
عم
ابو رااااامي !!!!!
بسم
الله يا عم الحااااااج , تعالى مد ايدك , لقمة هنية تكفي مية
افندممممممم
!!!! انا داخل اوضتي , صااااااااالحة هاتيلي الغدا في اوضتييييييي
حاضر
يا دكتور
هو
ابوك ماله طالع فيها كدة ومتكبر !
ههه
لا مش متكبر ولا حاجة , هو مخضوض بس هههههههههههههههههههههههه
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
صالحة
, الولد اللي مع رامي مشي ؟
ايوة
يا دكتور , قعدوا شربوا الشاي في التراس وبعدين مشي
طب
ابعتيلي رامي
حاضر
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
يس
داد , دادة صالحة قالتلي انك عايزني
ممكن
اعرف مين الولد العجيب اللي كان معاك ده ؟
ده
منصور صاحبي
صاحبك
!! تعرفه منين ده ؟
من
المعهد اللي دخلتهولي ههه
يعني
المعهد ما كانش فيه ولاد ناس محتررررررمة ؟
اكيد
فيه طبعاً , بس منصور هو اللي ارتحتله بصراحة ههه لطيف , مش كدة داد ؟
انت
لا عارف تصاحب ولا عارف تعيش ولا عارف أي حاجة في الدنياااااا , مجرد كائن هلامي
مش عارف عايز ايه
انا
مش عايز حاجة خالص هههه واظن مافيش مانع اني اصاحب الناس اللي برتاحلهم
والده
بيشتغل ايه الولد ده ؟
تاجر
تاجر
ايه يعني ؟
ما
اعرفش , تاجر وخلاص , اكسيكيوز مي داد , عندي معاد مع اصحابي في الديسكو , بيس
والله
العظيم جيل ما يعلم بيه الا ربنااااااا
*********************************
السلام عليكم ورحمة الله قرائي الأفاضلكم اشتقت إليكم وكم أنا سعيدة بعودتي إلى هذه الواحة الهادئة التي تسكن فيها نفسي وألتقي أحبتي
اتمنى أن تكونوا جميعا بخير إن شاء الله
*****
بالنسبة للمشاهد المحذوفة سأضعها إن شاء الله الأسبوع القادم ,وهي المشاهد الخاصة بخطبة اخو بهيرة ونزهة رانيا في لندن
***********
اذكركم ونفسي بذكر الله الدائم والصلاة على حبيبنا المصطفى عليه الصلاة والسلام
سبحان الله,الحمدلله,لا إله إلا الله ,الله أكبر,لا حول ولا قوة إلا بالله
***************************
التقيكم الإثنين القادم بمشيئة الله
ههههههههههه
ردحذفعسسسل يانسرين والله مش زي المعقدة التانية
ربنا ينتقم منك يا رشا انت وامثالك .. هي الست دي مش لاقيه حد يديها على نفوخها ولا ايه
صعبت عليا اوووووي سهير
يارب مناخيرك تتكسر يا رشا
بحس هاني سلبي خالص معاها يعني يديها على نفوخها ولا يطلقها يمكن يتصلح حالها
بجد رامي صعبان عليا تااايه اووي ومش عارف هو عايز ايه اتمنى يتقرب من ام عصام
حلقات ف منتهى الروعة يا استاذة هوبة
تسلم ايدك وعينك
بس هو مش هنتلقي يوم الخميس بقا ولا ايه 😂😂😂
وحشتينا والله ... مفيش حلقة كمان يوم الخميس وتاخدي فينا ثواب حتى يبقو وتر وتاخدي ثواب اكثر 😂
ردحذفعبدالرحمن شكلو هايحب سهير ولو عرض على هاني هايوافق اما رشا دي معندهاش احساس ولا دم علشان تعمل كده في سهير بس ان شاء الله ربنا هايقف جنبك ياسهير علشان انتي عندك طموح اما رامي صعبان عليا جدا على فكره نسرين روحها حلوه ويجي منها التغير يعني لو قعدت قعدتين تلاته كده مع منال تجيب نتيجة كويسه واحسن من رشا كتير اما عصام ده بصراحه مش لاقيه في كلام يتقال لانه كله غلط كان في ايده يعمل حاجات كتير بس هو بيحب يستاسهل
ردحذفسلمت وسلمت يداك 🌷🌹🌷
ردحذفاول مرة اعرف ليه سهير بتعامل عبدالرحمن كده
ردحذفمن عمايل امه��
مسكينة اوي رباب
مشكلة عدم مراعاة كثير من الابناء
فيخلو امنيتهم الوحيدة مغادرة هذا المكان
يا تري ايه اخرة ربيع و توحا
و مستغربة اوي توحا انقلبت حد وديع كده اذاي
بتتكلم بمنتهي الذوق
و بتحاول تراعي خاطر اهل جوزها
عجبي��
دي عمرها ما راعت مشاعر حد
يا تري فينك يا بدور يا مسكينة
و اخبار احمد ايه مش هتعرفينا مين السواق ده برضه
تسلم ايدك حلقات جميلة كالعادة��
حلقة جميلة جدا ماشاء الله
ردحذفتسلم ايدك يا استاذة..وحمدالله على سلامتك
نسرين دي عسولة قوي بصراحة هي مخها طاقق بس مش متكبرة ولا بتهين حد ..عجيبة والله غير رشا العلة دي..ما تريحينا وتزيحيها من الرواية كلها😂😂😂
🌷دمتي مبدعة🌷
تسلم ايدك وحمد الله ع سلامتك والله اشتقنالك جدااااا❤❤
ردحذفانا كنت عارفه ان توحا هتدى ربيع الفلوس بكل سهوله عشان اللى جه بالساهل هيروح بالساهل غير كده دا ذنب مرشدى وفلوسه اللى سرقتها...رامى زى نسرين فيهم حته كويسه جدا بس للاسف البيئه الل عايشين فيها لهياهم عن الصح وبعدهم عن ربنا دا لازم يكونو تايهين...وعبد الرحمن معجب بسهير بس لايمك ترضوا بيه ولا تتكلم معاه عشان اسلوب رشا المتكبر...مفيش اخبار عن بدور خالص....وشقه ف العجمى هتكون نفس المنطقه اللى سامى كان اخد شقه فيها لبدور وومكن يتشافوه هناك وخصوصا انه لازم ينكشف قدام توحا وتعرف ان دا جزاء الل عملته....منتظرينك يامبدعه وعودا حميداا😘😘😘😘😘
حمدلله على السلامة أستاذة♥️♥️
ردحذفنورتيننا..
حلقات جمييلة ��
توحا تستاهل اللي جرى لها وأكثر ..بس ياترى رح ينكشفوا يوم الفرح ولا لا ..
رامي ونسرين .. ممكن يتغيروا ؟!
رشا الهبلا تقهر على أساس هي اللي جاية من سلالة ملكية��
عواد وفهيمة شخصياتهم رهيييبة ��
ماجد
الوحيد المصلوح من أولاد أمينة وهو اللي أختار صح وعائلته متماسكة.
اشتقت لبهيرة وأشجان وأحمد وهيام
خالد و دعاء وسلوى
طمنينا عليهم..
في انتظار الحلقات القادمة بإذن ﷲ ��
اهلا بعودتك مره اخرى يا مبدعه
ردحذفتوحا انا مبسوطه اوى فيها هتاخد على دماغها ان شاء الله😂
بس يا ترى ربيع و سميه هيتكشفو
سهير مؤدبه جدا
هانى وعصام سلبيين اوى
نسرين فظييييعه بتموتنى ضحك على طريقتها😂
يا ترى رامى مصيره ايه
إحساس عربي في محله... لكن للأسف ﻻ مراته دارية بحاجة و ﻻ سمية هتقول لهم الحقيقة... و لما هتتكشف خطتهم ربيع و سمية هيندموا لكن بعد فوات الأوان... 😥😥😓😓
ردحذفتوحا كنت فاكراها ناصحة، لكن رغبتها بإنها تعوض سنين شبابها اللي ضاعت مع مرشدي عمت عنيها عن الحقيقة.. 😏😏😏
نوال و كمال مثال لكتير من اﻷزواج في الواقع... للأسف إيهاب و رباب اتأثروا سلباً بعلاقة باباهم و مامتهم و طريقة تعاملهم مع بعض... يا ترى هيقدروا ينسوا مع اﻷيام و يعيشوا بشكل طبيعي و يتجوزوا و مش يكرروا أخطاء أهلهم و ﻻ خلاص عقدة الجواز هترافقهم طول عمرهم؟!! 😒😒😒
ألطاف بتتكلم في أعراض الناس رغم إنها مش شافت اللي حصل و أهو نقل كلام و افترا و خلاص... مش عارفة إن اللي بتقوله و بتعمله هيتردلها في بنتها في يوم من اﻷيام... 😏😏😏
سلامة كنت فاكراه هيندم لكن باين عليه ﻻ ندم و ﻻ حاجة... هو بس مشتاق ﻻبنه اللي مفكرش فيه و ﻻ اهتم بمشاعره لما طلق ابتسام... 😒😒😒
سهير عندها حق تخاف على سمعتها و مبسوطة إن عبد الرحمن احترمها و نزل... ده الصح لكن رشا دي بقى ست مفترية و مش بتتعلم من الدروس اللي اتعرضت لها في حياتها... زمان لما اتهمت ظلم بإنها سارقة توقعت إنها هتوقف كبر و تجبر على خلق الله لكن واضح إنها نسيت و محتاجة درس يكسرلها دماغها و غرورها.... 😠😠😠
مسعد ده عسل و ربنا هيكرمه و يريح باله عشان بار بأهله و أخته... أما سعيد فمش عارفة ليه فكرني بالدكتور عصام 😅😅😅😅
نسرين دي بجد نفسي ربنا يهديها... موتتني ضحك و ألفاظها رووووووعة 😂😂😂😂😂
قلبها طيب و صافي و بحسها على نياتها يا ريت منال تقدر تاخد بإيدها للصح و تغير لها مفهومها و نظرتها للحياة... 😍😍
أما عصام فبجد محتاج ضربة تفوقه من غفلته و سلبيته و عدم المسؤولية اللي هو فيها دي... إزاي يعني شاف صاحب ابنه و سابه و ﻻ قعد معاه و ﻻ اتكلم و ﻻ سأله... إزاي يسيب بيته مفتوح ﻷي حد... طب ما ممكن منصور يسبب اﻷذى ﻵيتن و حضرته قاعد يشكي و يتذمر من مراته و وﻻده!! 😠😠😠
نورتي المدونة يا قمر وحشتينااااااا جداً جداً جداً 😍😍😍😍😍
تسلم إيدك يا حبيبتي و جزاك الله خيراً و مستنيينك بفارغ الصبر غاليتي 💓💓💓
سبحان الله و الحمد لله و ﻻ إله إلا الله و الله أكبر و ﻻ حول و لا قوة إلا بالله العلي العظيم
الحلقه حلوه بجد ومنصور ده مشكله ونسرين عسل والله اما رشا متعجرفه وانسانه مش كويسه خالص عشان تاذي انسانه ملهاش ذنب ومتكبره مش عارفه علي ايه كويس ان ولادها مش زيها بس احسن حاجه في سهير عايزه تعيش احسن وعندها طموح وبتحب توصل لحلمها واخوها مسعد انسان بجد حميل ونعمه الاخ الحنون والبار باهله بعكس اخوه الطماع الاناني سبحان الله اخوات وطبعهم مختلف وياتري بدور مش هتظهر خلاص نفسي اعرف جرالها ايه متستهلش اللي حصلها وعبد الرحمن هيحب سهير وهيبقلهم مستقبل مع بعض ورامي كمان محتاج تاهيل من جديد جواه كويس مفتقد الحنان والحب الاسري وهيحب مريم وهتكون سبب في اصلاحه وتغير حياته بالكامل
ردحذف