الحلقة التاسعة والعشرين(ف2)

الكتاب: خلف هذه الجدران الجزء الخامس بقلم: هبة عبد العظيم نور الناشر: المؤلف رقــــم الإيداع: 00000/2017م *************************** اشرب الشيّ يا ربيع يا عريس بنتي يا عسل انت هههه هههه وربنا انتِ اللي عسل يا حماتي ومخلفة حتة بت انما عسسسسل ههههه شفتِ يا بت عريسك بيحبك قد ايه وبيتشكر فيكِ! وماله,اني نستاهلوا اكتر من كدة بياما يا امّا هههه ما نتحَرَمش منك يا ربيع ولا منك يا سماسم جرا ايه يا امّا ,انتِ هتقعدلنا كدة ! ما وراكيش حاجة تعمليها ولا ايه! ايه يا بت! قاعدة بنرحبوا بالجدع احنا هنقوموا بالواجب بدالك يامّأ ,يلا شوفي وراكِ ايه,عندنا كلمتين عايزين نقولوهم لربيع قبل ابويا ما يجي ويكبس على نفسنا ماشي.بالإذن يا ربيع إذنك معاكِ يا ام العسل ههههه تعيش يا جوز بنتي أمك مَشت يا بت يا سماسم,كنتِ عايزة تقولي ايه؟ عايزة نعرف يا ولا انت هتقول ايه للولية مراتك لما نتجوزوا وتغيب عنها قد شهر ولا ازيد شهر ولا ازيد ايه يا بت يا سمية ! انتِ اتهبلتيييي! اتهبلت ليه يا ربييييع! مش عرسان ولازم نقضوا شهر العسل! يا بت ما نقدروش نغيبوا عنها يامَا كدة وإلا دماغها هتودي وتجيب اومال هتغيب عنها قد ايه؟ يعني.يومين تلاتة بالكتير نعم يا اخويااااا! ده جوازة ايه الطين دددي! يعني نستنوك السنين دي كلها ولما تتجوزني تقعد معايا يومين وتمشي يا جددددع! هههههه يا بت هي حمامة وشك طارك وما بقاش عندك حيا يا اخويا بلا حيا بلا عيااااا, انا عروسة يا ربيع وعايزة نتهنوا بعريسي.ولا انت بقى مش فارق معاك يا ولا ههه ايه اللي بتقوليه ده يا بت!احنا بس كل الحكاية مش عايزين نعملوا حاجة تخلي الولية تشك فينا وحكايتنا تنكَشَف..طب خلاص يا سمية..هنقعدوا معاكِ اسبوع بحاله يا بت يلا زي بعضه,أحسن من مافيش,طب هتقولها ايه الحرباية دي؟ .....مش عارف انا نقولولك يا ربيع على حجة تخليك تغيب عنها في الشهر مرتين وتلاتة وعشرة وما تشكش فيك قولي يا بت وربنا يستر من دماغك **************************** ايه ده ! داني باين عليا نمت يامَا قوي , ربيع مش جنبي , باين عليه صَحَى من بدري , اما نقوموا نشوفوه راح فين يا ربيعععععع , هو راح فين ! ربيععععععع ************* بقى انت هنا في التراسينا يا ربيع واحنا بننادوا عليك لما زوري وجعني ! ههه اهلا يا توحا , صباح الخير الله ! مالك يا ربيع قاعد وشايل الهم كدة !!! ............... مافيش حاجة يا توحا ايّوووه , مافيش ازاي بقى !!! دانت باين عليك النكد والهم نقولولك ايه بس يا توحا , مخنوق مخنوق ! الف بعد الشر عليك يا حبيبي , بقى اللي يتجوز توحا العسل دي يتخَنَق برضو ! هههههه هه ايّوووه الضحكة طالعة غصب عنك كدة ليه ! مالك يا ربيع , فضفض واحكيلي , مش هتلاقي قلب يشيل همك زي قلب توحا حبيبتك يعني يا توحا عاجبك حالي !!! ايّوووووه ماله حالك بعد الشر يا ربيع ! ماله حالي يعني ايه ! هو احنا هنفضلوا كدة عايش من غير لا شغلة ولا مشغلة ونمدولك ايدينا ناخدوا المصروف !!! أيّووووه يا ربيع ايه لزوم الكلام ده بس ! مالي هو مالك لا يا توحااااااااااا مش اني الراجل اللي يعيش على قفا مرااااااااته , اني نموتوا ولا نمدوا ايدي لواحدة ستتتتتتت , وكمان مش عايز أهلك يقولوا اني اتجوزتك عشان مالك يقولوا اللي يقولوووووه , ماحدش له عندنا حاااااااجة , هو حد بيصرف علينا ولا كاسر عنينا بقرش عشان يتحكم فينا !!! اسمع يا ربيع , اني ومالي وكل حاجة نملكوها ملكك وتحت اشارة من اصغر صباع عندك , انت جوزي يا ربيع , الراجل اللي كنت بنحلموا بيه طول عمررري , هي شوية عندي لما حلم عمري كله يتحقق ونتجوز راجل زيك يا ربيع !! انت ما بخلتش عليا بشبابك وبقوتك , اقوم اني نبخل عليك بمالي !!!! اللي انت عايزه خده من غير ما تسألني واني مش هنعد وراك لا يا توحا , تتقَطَع ايدي لو تتمد على جنيي من فلوسك من غير ما يكون لي حق فيييييييه ايّووووه يا ربيع , حيرتني معاك يا جدع , اومال نريحوك ازاي بس ! اني من بكرة هنرجعوا للشغل في القهوة تاني ايييييييييييييه ! قهوة ايه يا ربيع اللي عايز ترجعلهاااااا ! بقى اني توحااااااااااا جوزي يشتغل صبي قهوجي !!!! شيل الفكرة دي من دماغك يا ربيع , ولما تفكر تشتغل يبقى تشتغل شغلانة تليق بمقامك ومقامي ههههأ , وهنشتغل ايه بقى عشان نليق بمقامك ؟ داكتور ولا مهندس ! اني راجل جاهل ما اتعلمتش , واللي زيي مالوش في الشغلانات اللي عليها القيمة طب بس بس بلاش كلام يسد النفس , وربنا ما انت عارف قيمة نفسك يا توحا انتِ بس عشان بتحبيني بتشوفيني كبير في نظرك , لكن اني ولا حاااااااااجة ولا حاجة يا توحااااااااااااا طب بس بس يا ربيععععع , ما تعملش في نفسك كدددددة داني نموتوا ولا نشوفوك متضاااااااايق ربنا يخليكي ليا يا توحا , اني مش عارف من غيرك كنت هنعيش ازاي ! بس برضو اني مش لاقي حل لمشكلتي , اني لازم نشتغل يا توحاااااا طب بس هتشتغل ايه يا ربيع ؟ ممممممم عارفة يا توحا , اني ليا واحد صاحبي بيشتغل في كار المقاولات والمعمار,وفتح مكتب لتشطيب الشقق والعماير في العجمي,ومن فترة كدة سَمَعت انه بيدور على شريك , ساعتها قلت في نفسي , وده مين ده اللي عنده مال مالوش عدد ويقدر يشارك الراجل ده !!! هههه انت يا ربيع انيييييي !!! ههه منين يا توحا ؟ المال عندي يامَا يا ربيع وقولتلك مش هنستخسروا فيك واحنا قلنا لا يا توحااااااا , مش هناخدوا جنيي من ماااااالك , واذا كنتي مصممة يعني يبقى هناخدوه على سبيل السلف هيبقى دين في رقبتي وهنردهولك لما ربنا يفرجها اذا كان ده يريحك خلاص ,شوف الراجل ده عايز كام عشان تشاركه واني هنديك اللي انت عايزه سلف يا توحاااااا ههه سلف يا ربيع واحنا لما ناخدوا الفلوس هنمضولك على وصولات أمانة ايه !!! اني ناخد عليك وصولات أمانة يا ربيع ! ايوة يا توحاااااا الحق الحق , واللي يزعل من الحق يبقى حراااااااااااااامي هههههه واني نأمنوك على روحي يا ربيع , وكفاية قوي كلامك اللي بين شهامتك ورجولتك ده وكبرك في نظري هههههههههههههههه انتِ لسة شوفتي حاجة يا تحاتيحووووووو ؟؟؟ ههههههههههههههه حلوة تحاتيحو دي , بس توحا احلى هههه ماشي يا توحا , اني هندخلوا نلبسوا هدومي ونروحوا المشوار ده طياري كدة ونشوفوا الجدع صاحبي ده عايز كام ونرجعوا نقولولك , بالإذن يا قمر امووووووه هههههههه هههههههههه بالإذن يا عسل يللي رجعتلي شباااااااااابي , قال وبيقولوا الشباب ما بيرجعش تاني قال !!! ************************* ها يا ربيع,صاحبك قال عايز كام عشان يشاركك؟ لالا مش هينفع ليه بس يا ربيع؟ اصله عايز فلوس يامَا قوي عايز كام يعني ضارب في العالي وعايز مِيت ألف جنيي وماله,وايه يعني ميت الف جنيي قصاد ان يبقالك شغلانة تليق بمقامك وما تقلش من قيمتك,استنى يا ربيع,هنكتبولك شيك بالمبلغ ومن الصبح تروح تصرفه زي الباشا وتشارك بيه صاحبك هههه تعيشي يا توحا يا حتة من قلبي هههه تسلملي يا نن عين قلبي من جوا..لكن الجدع ده انت واثق فيه؟ طبعاً اوماااال,داحنا نضمنوه برقبتنا طب برضو زيادة في الحرص اكتب عليه ورق بالمبلغ ده لالالا ,ده يزعل وربنااا,ويمكن ما يرضاش يشاركني,هيقولي طالما مش واثق فيا روح شارك حد غيري,,انا بصراحة ما صدقت انه وافق,بس اطمني,زي ما قلتلك كدة الجدع ده تضمنيه زي ما انتِ ضامناني كدة,ما يتخيرش عني,نفس الأخلاق..ولا انتِ بقى بتشكِ في أخلاقي يا توحا؟ اخص عليك يا ربيع,استنى اما نجيبولك الشيك من جوا ونمضولك عليه اتفضلي يا توحا هههه حلاوتك يا سمية وحلاوة أفكارك اللي هتأكلنا الشهدددد ******** الشيك اهو يا ربيع يا حبيبي ههه تسلم الإيدين اللي زي المرمر والعيون اللي تدبح ألف جدع زيي ههههههههه ايّووووووه على كلامك يا ربيع,يسلملي شبابك هههه تسلميلي يا ست الحسن والدلال...بس نسينا نقولولك ان الشغلانة دي هتخليني يعني نغيبوا عن البيت كل يوم والتاني ازاي بقى؟ يعني,دي شغلانة كلها عمال وصنايعية وشقق وعماير بتتشطب وتتسلم لاصحابها ولازم يعني نراعوا شغلنا وأكل عيشنا وماله يا ربيع,بس ما تغيبش ياما يعني عشان بتوحشني تسلميلي يا توحا..شوفي هو الأسبوع الجاي هنسافروا ونقعدوا أسبوع بحاله برا عشان في عمارة بحالها عايزة تشطيب ولازم نقفوا على ايد العمال ايّووووه,اسبوع ايه يا جدددع! جرا ايه يا توحاااااا! خلاااااااااص,خدي الشيك بتاعك وخلينا قاعدين جنبك زي النسوااااان انت زعلت يا ربيع!لالالا ما نقدروش على رعلك,خلاص يا حبيبي,زي بعضه نستحملوا الأسبوع اللي هتغيبه عني,بس كلمني في التليفون يا ربيع,كل دقيقة كلمني ههه وكل ثانية يا عسل,واحنا ورانا ايه غير حبك والعيشة جنب قلبك ههههه عسل وربنا عسل وكلامك عسل وبيوزن قلبي قبل دماغي ******************************** يا ضيا,اعمل شيّ للأستاذ احمد حاضر يا أستاذ محمد..الله! دي الست داليا الكيلاني جاية اووووف,أنا مش عارف الست دي عايزة منه ايه! كل شهر والتاني تنطله اهلاً يا ست داليا,منورة المينا ميرسي يا ضيا..هو احمد موجود؟ ايوة طيب قله اني عايزة نقابله حاضر.لحظة واحدة يا ست هانم ازيك يا استاذ محمد أهلاً يا مدام داليا..عن إذنك اتفضل اتفضلي يا ست داليا,الأستاذ احمد في انتظارك ميرسي يا ضيا ********** هه ازيك يا احمد أهلاً يا مدام داليا..اتفضلي اقعدي ميرسي مممم هعطلك؟ تحت أمرك ميرسي قوي يا ترى المحاسب اللي شيعناهولك ماشي كويس؟ كويس جداً,تقدر تقول ممتاز,بصراحة ريحني ونظم كل الشغل وفهمني كل حاجة,كنت تايهة في الحسابات ومش فاهمة أي حاجة طيب تمام الحمدلله,في أي خدمة تانية مطلوبة مننا؟ هه ومالك بتتكلم رسمي قوي كدة! عايزاني نتكلم ازاي يا مدام داليا؟ يعني..المفروض احنا مش غرب عن بعض..ولا نسيت اننا معارف من زمان قوي!..بابا الله يرحمه كان صاحب عمو عادل الروح بالروح,اللي بينهم ما كانش شغل وبس..كان بينهم صداقة مدام داليا..لا ديني ولا أخلاقي يسمحولي اني يكونلي صداقة مع أي ست ومين قال اني عايزة يكون بينا صداقة!..هو مافيش أي علاقة ممكن تكون بينا غير الصداقة يا احمد! ............انتِ عايزة ايه يا مدام داليا؟ أحمد..أنا مش هلف وادور عليك .أنا حابة اني اتكلم معاك بكل صراحة,لإن الصراحة هتقصر المسافات والوقت اللي ممكن يستغرقهم اللف والدوران اتفضلي يا مدام داليا قولي اللي عندك أحمد..مش هقولك اني بحبك,مع ان ده شعوري الحقيقي من زمان مدام داليا من فضلك أنا... اسمعني للآخر من فضلك ...اتفضلي أحمد..أنا محتاجالك..محتاجالك قوي..أنا لوحدي يا احمد.عارف يعني ايه ست زيي تبقى لوحدها في الدنيا دي!..لا أب ولا أم ولا أخ..ولا انسان بيحبني من قلبه..أنا محتاجالك يا احمد,محتاجة لحبك..لحنانك,محتاجة انك تحسسني بالأمان اللي محسيتش بيه بعد موت بابا..أي ست في الدنيا مش محتاجة غير الحب والحنان والأمان,وكل دول عارفة اني هلاقيهم معاك..ليه تحرمني من الأحاسيس الجميلة دي يا احمد!لييييييه! ..مدام داليا,كل الحب والحنان والأمان اللي عندي مش من حق أي ست غير مراتي,أنا راجل متجوز وبحب مراتي ومش هفرط فيها مهما حصل ........بترفضني للمرة التانية يا احمد؟ أنا ما رفضتكيش المرة الأولانية عشان ارفضك المرة التانية..أنا قلبي اختار من زمان,يعني ما كانش بيفاضل في الاختيار بين أكتر من ست عشان يقبل واحدة ويرفض التانية..أنا عمري ما حبيت ولا اتمنيت غير مراتي ........لسة بتحبها يا احمد رغم انها ما حققتلكش حلمك في انك تكون أب؟ حلمي بإني أكون أب مرهون بحلمها انها تكون أم..ولو هي ما بقتش أم لأبني ,أنا عمري ما هكون أب لإبن من واحدة غيرها,سعادتي مرتبطة بسعادتها وعمري ما هكسر قلبها ولا هتسببلها في دمعة ياااااااه يا احمد..أنا عمري ما شفت حب بالشكل ده..معقول في راجل يحب ست لدرجة حبك دي! ياريت تكون درجة حبي ليها مساوية لقيمتها في حياتي ............مش قادرة اقول غير ان الست دي محظوظة قوي بحبك..ياااااه...ياريت كنت لقيت قلب يحبني زي قلبك يا احمد,كانت حاجات يامَا اتغيرت..مستعدة أعيش من غير مال,من غير جاه,من غير متع الدنيا كلها,لكن الاقي قلب يحبني ولو ربع حبك لمراتك..أنا لو كنت لقيت الحب مع جوزي الأولاني كنت فنيت عمري في حبه,لكن للأسف...ما حبنيش ولا حسسني بالأمان,عشان كدة غدرت بيه قبل ما يغدر بيا..لكن كلامك خدني لعالم بعيد قوي,بعيد عن البشر وبعيد عن الماديات..العالم اللي عايش فيه مع حبيبتك ,عالم كله حب ووفاء وصفاء...يااااه,ياريتني كنت مكانها اتمنالك كل السعادة يا مدام داليا متشكرة قوي..أوعدك مش هتشوف وشي تاني..مع السلامة يا احمد مع السلامة يا مدام داليا ********************************** ادخلي برجلك اليمين يا بت يا سمية يا أحلى عروسة في اسكندريييية هههه ههههه ادينا دخلنا يا ولا,أيّوووووه مش مصدقة اننا اتجوزنا والليلة دي كان فرحنا يا ربيع هو ده كان فرح ! هههههه ده كان مسخرة,دي امك ما بطلتش رقص يا بت هههه يعني هو انا وانت اللي بطلنا رقص يا ولا! ده اليلة كانت الفرحة مش سيعانا والدنيا كلها كانت بترقص حوالينا مافيش غير ابوكِ اللي كان وشه مقلوب وكل ما نبصوله نتنكد,في واحد يوم فرح بنته يقعد وسط الناس والهم راكبه !الناس تقول علينا ايييه! ولا يهمك من ابويا,هو كدة,مخاصم الفْرح والفْرح مخاصمه هههه المهم ان الفرح مصالحنا احنا يا سماسم وهنعيشوا احلى عيشة ههههههه اومال ايه يا ولا! بس كان نفسي نركبوا حنتور ويزفنا ع الكورنيش ونغنوا طب وماله,اعتبري ان احنا ع الكورنيش وغنيلي يا بت نغنوا ونرقصوا انا وانت كماااان هههه دي الدنيا بطولها وعرضها بقت ملك ايدينا يا ولا..غني معايا يا ولااااا...سوق بينا يا اسطى ع الكورنيششش ناكلوا درة ونشربوا مانجاااااا وواحدة واحدة ان شالله تعيشششش مشي الحلوين دنجا دنجاااااا هههه ههههه يا باشا انت يا باشاااا,عسل يا بت يا سمية,سوق بينا يا اسطى عالكورنيش,ناكلوا درة ونشربوا.... تررررررررررررررررررررررررررررررررن موبايلك بيرن يا ربيع اوووف شوف مين الرزل اللي قطع مزاجنا ده تررررررررررررررررررررن ايّووووه دي توحاااا اووووف عايزة منك ايه الولية ددددي! طب بس بس اسكتي خالص ما نشمعوش صووووتك,ايوة يا توحاااا ههه وحشتني يا ربيع ما تشوفيش وحش,وربنا وحشاني اكتر مش باين ,دانت من المغربية ما كلمتنيش,وكلمتك بدل المرة عشرة وموبايلك كان مقفول لالا ما كانش في شبكة,هنقفلوه ليه بس! هو احنا نطولوا نسمعوا صوت الكروان ده ونكلموه! ههههههه وربنا ما رضينا نناموا قبل ما نسمعوا كلامك الحلو ده تعيشي يا توحا,معلش بقى هنقفلوا معاكِ عشان ورايا مشاغل يامَا وراك ايه يا ربيع؟ هيكون ايه يعني! شغل,شغل يا توحا,عربية الزلط وصلت والرجالة بيطلعوا الشكاير ع العمارة ,ولازم نشرفوا عليهم يعني ,لازم يعرفوا ان صاحب الشغل شديد عشان ما يقصروش ايوة كدة وريهم العين الحمرا..حنيتك دي ليا انا,انا وبس يا ربيع ماشي يا توحا,أنا وحنيتي تحت أمرك,بس نفضوا بس وهنسمعوكِ احلى كلام ممم طب وبعد الشغل هتعمل ايه يا ربيع؟ هنعملوا ايه يعني! هنناموا يا توحا وهيجيلك نوم بعيد عني يا ربيع! لالا يجيلي منين! احنا بس من كتر التعب هنتلئحوا على السرير,لكن هنفضلوا للصبح نفكروا فيك يا عسل هههههه تسلملي من كل ردي يا ربيع ولا يحرمني من حنية قلبك الله يكرمك يا توحا..يلا يا رجااااالة ,عربية الزلط وصلتتتتت,سلام يا توحاااا هههه سلام يا عيون توحا اوووووف قفلت يا سماسم,نعوذ بالله من دي حُرمة,الولية فاكرة نفسها عيلة تحب وتتحب ومقطعة نفسها من الشوق ههههه ولية شايبة وعايبة,بس ايه ده يا ولا! بتقول عليا عربية زلططط! بقى اني عربية زلط يا ولا! هههه دانتِ عربية قشطة يا بت وهناكلوها لوحدي ههههههههههههههه ترررررررررررررررررررررررررررن اوووف مين بيتصل تاني يا ربييييع! ايّووووه دي هي اللي ما تتسماش لا بقى اقفل الموبايل ده ولا اكسره ولا شوفلك فيه صرررفة خلاص يا بت,هنقفلوه,والصبح بقى نبقوا نقولولها فصل شحن وما قَدرتش نشحنوه احسن برضو ,خليها تتهد وتنام العتيقة الشايبة ********************************************** منصورررررر هههه هاي يا مااااااان أهلاااااً أبو الروم,ليك وحشة يا شقيق,جايلككك رايح فين وسايبنا يا منصوررر,فين المعلوووم انصرفوا انتو دلوقتي يا شقايق الخير,لفتين كدة وراجعلكو تكونوا اتدهولتو زيادة…ازيك يا ابو الرووووم,فينك من زمان مش باين معلش بقى,كل ما بلاقي وقت باجي أشوفك يا ابو المناصير هههههه هههه كلك مرجلة يا ابو الروم,كل يوم بتأكد ان العيش والملح بيتمروا فيك ثانكس هههه,ما تيجي معايا الديسكو بالليل لا الليلة دي مشغول,ابويا طلع من السجن وعاملينله حفلة هيحضرها كل المعلمين,ما تيجي تحضر يا ابو الروم ايوة بس أنا مش معلم هههه ممكن لو شافوني من غير الزي الرسمي يطردوني من الحفلة ,اصل انا اعرف ان المعلمين دول بيلبسوا جلاليب ويلفوا دماغهم بشال غريب كدة هههه لو داد كان عنده كنت لبستهم وجيت هههه بس داد للأسف لبسه كله بدل يا عم سيبك من داد وبدله وهلاهيله دلوقتي,تعالى زي ما انت كدة و ما تخافش,هقولهم انك تبعي وتخصني هي الحفلة دي هتبقى حلوة يعني ولا مش هنبسط والديسكو يضيع عليا؟ هههه يا ابني ديسكو ايييييييه! ما تسترجل يا راااامي,انا لسة بقول عليك رجووولة ,الديسكو ده للعيال الفافي ..دي بقى حفلة تساوي عمرك كله,كلها معلمين وناس دماغها موزونة وكلامهم زي الدهب اوك يا منصور,لكن مين هيحيي الحفلة؟ هههههأ هتكون مين يعني! شاكيرا ولا هايفة! حفلة متكلفة زي دي ما يحيهاش غير عليوة السواحلي هههههههه مطربك المفضل ,أوك هاجي عشان اتصور معاه سيلفي هههه شكلها هتكون حفلة صو فانتاستيك..مبروك خروج باباك من السجن يا منصور الله يبارك فيك يا شقيق ******************************** هههههه منور السهرة يا ابو الروم يا برنس الليلة هههههه انت فتى الشاشة النهاردة هههه ثانكس منصور,الجو هنا صو نايس,كل الناس قاعدة بتشرب شيشة هههه هو فين يور داد عشان اباركله؟ قصدك ابويا يعني؟ يس ههه مش الحفلة دي عشان خرج من السجن! يبقى أكيد لازم اباركله انت ابو الواجب ونظرتي فيك ما خيبتش يا ابو الروم,تعالى ,هديك فرصة عمرك واخليك تقابل سيد المعلمين,ده بقى اسمه لقاء السحاب ههههههههه ثانكس انك هتديني الفرصة دي **************** أبوياااااااا,مساء الفل يا سيد المعلمين يسعد مساك يا ولا يا منصور وربنا وشك منور وخارج من السجن تقول للقمر قوم وانا اقعد مطرحك ولما اقعد مطرح القمر مين اللي هيراعي كيف الناس ومزاجهم يا ابني! ربنا ما يحرمنا منك يا معلم الكل ,يا سلااااام,بتعلم التفاني في العمل منك يا ريسناااا تعيش يا ولا..رص حجر تاني يا واد يا جن عنيا يا معلمممم تعالى يا ابو الروم..ده بقى يا ابويا صاحبي وحبيبي وشقيقي ابو الروم.جاي عشان يمسي على عيونك ويباركلك ويقولك كفارة وماله,يا مرحب مساء الخير يا عمو هههه عموووو! عمو مين يا ولاااااا,شايفني فاتح حضاااااانة! هههه صو سوووري,قصدي مساء الخير يا معلم,والف مبروك خروجك من السجن الله يبارك فيك,عقبال والدك هههه ثانكس شكلك وهيئتك بيقولوا انك مش ابن كار ,الوالد بيشتغل ايه ولا مؤاخذة؟ داد بيشتغل دكتور يا عمو ,اوووه سوري,قصدي يا معلم هههه داكتور! ربنا يكفينا شر رؤية ابوك وسماعته ,اعوذ بالله ,الواحد جتته بتقشعر لما تيجي سيرة الدكاترة ههههه مبروك مرة تانية تعيش يلا يا ابو الروم,بالإذن يا سيد المعلمين اذنك معاك يا ولا يا منصور...ولا يا جن,روح استقبل المعلم أبو طاحون,وصل هو ورجااااااااالته حاضر يا معلمي,وسلام للمعلمين جامد قووووووي هههههه باباك صو نايس ايوة ابويا صو نايس وماركة نضيفة,واهو حبيبك عليوة السواحلي وصل بصحبة الرقاصة الخصوصي بتاعته الست سمارة العارجة هههههههه ولما هي عارجة هترقص ازاااي! لالالا دي متمكنة,اصل العرج ده كان اصابة عمل,كانت نازلة من ع المسرح قامت اتكعبلت ورجليها اتكسرت,وبدل ما ترتاح في السرير نزلت الشغل وبترقص بالجبس,اصلها بتجري على اخواتها هههههههههههه بتجري عليهم ازاي يعني! هي هترقص ولا هتلعب استغوماية ههههه شقيانة عليهم يعني يا شقيق,الدنيا مآسي اللي يفكر فيها يفوق ههههههه ريلي حفلة مسخرة ,حشيش وعليوة السواحلي ورقاصة ناقعة وشها في برطمان كاتشب تلات تيام ههههههههههههههههه طب بس بقى عشان الأغاني بدأت تندّع وهنسمع أحلى غنى…يلا يا عليووووووة,تصقيفة يا جدعاااااااااان أحلى مسا على أحلى معلميييين.كفارة يا معلم نمسسسس متشكرين يا ابو الطررررب انزل بالمزيكا يا ابني,هزي يا سمااااارة,كل ما تهزي اكتر النقطة هتنزل عليكِ اكتررررر ,عايزين نغرق نقطة يا سمارة احنا علينا اقساااااط من عنيا يا استاذ عليوة ههههه ساكن في حي السيييييييدة وحبيبي ساااااااااكن في الحسيييييين وعشان انول كل الرضاااااااااا يوماتي اروحله مرتيييييين من السيييييييييدة,لسيدنااااااااا الحسييييييييييين طب بالإذن يا ابو الروم,هطلع ع المسرح انقط الست سمارة بالألف جنيه دي وارقص معاها عشان ننعنش السهرة هههه طب خد الخمسوميت جنيه دول هدية مني للرقاصة التحفة دي وماله,كلك واجب يا ابو الروم ********************** ابن المعلم جاي يا سمارة والنقطة هتنزل ترف علينااااااا ههههه ايوة كدة خلي السهرة تحلووووو أهلاً بالبرنس منصور هههه ههه أهلاً بيك يا مطرب السحاب الازرق ,هات المكروفون عشان احييك عبر الاسلاك الشائكة يا أستاذ عليووووة اتقضل,ما يغلاش عليك يا منصور احلى مسا ع الأستاذ عليوة عم المطربين في القاهرة وضواحيهااااااا الله يكرمك يا معلم يا ابن اجدع معلمين اجدع مسا على احلى رقاصة انجبتها كباريهات شارع الهرررررم,وربنا يكفيكي شر بوليس الآدااااااب هيهييي تشكر يا ذووووق الألف جنيه دي تحية مني لابويااااااا سيد المعلميييييييييين,المعلم النمس امبراطور المزاج العاااااااااااااااالي,اتفضلي يا ست العواااااالم يزيد فضلك يا اخوياااااا ,لولوليييييييييييييييييييييييييييييييي و الخمسوميت جنيه دي هدية من اخويا وشقيقي ابو الروووووم,سلام كبير لابو الروووووووووم ههههه ثانكس يا ابو المناصيرررررر سمعونا بقى اغنية ابسط يا عم ما تشيلش هم عشان ارقص عليها مع ملكة الرقص الشرقي ام الشرف كله هيهييييي يشرف مقدارك يا عسل ابسط يا عمممم,ما تشيلش هم,اهي ماشية معاااااااااك آخر حلاووووة ******************************** هههههه سهرة حلوة قوي يا منصور والشو اللي انت عملته مع الرقاصة حلو قوي, وكمان المعلمين التانيين اللي طلعوا نقطوا ورقصوا,السهرة معاكو احلى من الديسكو ههههههه تعيش يا ابو الروم , منور يا شقيقققققققق بقولك ايه يا منصور رقبتي يا ابو الروم ما تديني سجارة من اللي معاك دول لاااااااا لا يا رامي يا ابني هديك تمنهاااااا ما تبقاش جلدة بقى ههه لا يا رامي , مش مسألة فلوس , انا ما اقدرش اغوي واحد ما بيتعاطاش واخليه يتعاطى هههه دانت عندك اخلاق بقى ايوة الحمدلله اومال اييييه يا ابني الاخلاق مش لايقة على شغلانتك المهببة دي ههههههههههه هات سجارة بس هاااااااااات قلتلك لا يا رامي , انا بتقي الله فيك عشان الاقي اللي يتقي الله في ولادي وما يغويهومش ويخليهم يتعاطوا البلا الازرق ددددده يا ابني هما فين ولادك دوووووول ! دانت لسة خاطب ههههه باعتبار ما سيكون يعني , مسيري اتجوز انا وسلطانة ويبقى عندنا عيااااااااااااال يا سلام ! يا ابني انت هتعيش الدور ! طيب ما انت كدة كدة بتبيع للشباب الحاجات دي , ما بتحسش بقى ليه ساعتها بتأنيب الضمير ؟؟ انا هفهمك يا ابو الروم , اللي ببيعلهم المخدرات دول بيجولي مدمنين جاهزين وحالتهم بالبلاااااا ولو ما اشتروش مني هيروحوا يشتروا من غيرررررري , يبقى انا اولى ولا لااااا ؟ ههههه ايوة انت اولى , دانت دماغ والله الله يخليك يا ابو الروم هو اللي بيتعاطى الحاجات دي بيتعاطاها ليه يا منصور ؟ اهو , كل واحد له ظروفه , بس الأغلبية بيتعاطوا عشان ينسوا المؤاساة اللي في حياتهم مؤاساة ! ههههههههههههههه قصدك مأساة ايوة هي طب ما انا عايز انسى تنسى ايه يا ابو الروم انسى مام وانسى داد , وانساك يا منصور ههههههههههههههه هههههه دانت دماغك سخنت من غير سجاير اهيه طب هات بقى سيجارة خليني اجرب يوووووو , والله انت عامل زي العيل الزنان الرزل اللي مطفّش أممممه , خد يا عم سيجارة واطلع من نفووووخي ثانكس منصور , ثانكسسسس ........ مممممممم ياااااااااه احووووووأ احووووووأ هههههههههههه تستاهل , مالك انت ومال السجاير الشديدة دي ! يا ابني انت عضمك طري وابن ناس ومش وش الحاجات دي لااااا ما اسمحلكش تقول كدة , انا عضمي شديد قوووي , هاخد كمان نفس عميق عشان اثبتلك ........ احووووووا احووووووووأ اااااااااه منصوررررر احوووووا الحقني يا منصوووور احووووووأ مش قادر اخد نفسي اااااااااه أبو الرووووووم , ايه اللي جرالك يا شقييييييق , يا واقعة مالهاش لوووووون ايه يا منصور , مال صاحبك النايتي ؟؟؟؟ الواد بيموت يا جن وهنروح في داااااااااهية , راااااااامي قوم يا ابو الروووووووم منصور , مش عايزين بلاوي , هو حد عارف ان الواد ده عندك ؟ يعني ايه يا جن ؟ يعني لو ما حدش عارف تعالى ناخده بعربيته ونطلع على الصحرا ونسيبه هناك , عشان لو مات يبقى بعيد عننا وما نروحش ورا الشمس بسببه لالالا هيبقى كويس لو سعفناه , ابوه دكتور وانا عارف المستشفى بتاعته , هناخده بعربيته ونروح على هناك , شيل معايا يا جن ماشي في ايه يا منصوررررر ايه اللي حصل يا منصوررررر ما حصلش حاجة يا رجااااااالة , كملوا السهرة وفرّحوا ابويا , كفّارة يا عم الأبهاااااااات تعيش يا منصورررررر *********************** تعالى يا جن نسأل الراجل بتاع الأمن ده عن ابو رامي يلا يا منصور لو سمحت يا عمنا , مش هي دي المستشفى بتاعة عم ابو رامي ؟ نعم يا اخوياااااا !!! ايه يا عم في ايه !! بسأل عن ابو الواد ددددده ايه ده ! ده رامي ابن الدكتور عصام مدير المستشفى أيوة هو هو ماااااااااله ؟ مش عارفين يا شقيق , كنّا قاعدين في قعدة حلوة كدة وفجأة وقع من طوله وغاب عن الدنيا لا حول ولا قوة إلا بالله , طب دخله بسرعة وقول لموظف الاستقبال هو والدكاترة هيعملوا الللازم ماشي يا شقيق , اسند معايا يا جن ***************************** يا أبلة الممرضة , موظف الاستقبال بيقولك هاتي الترولي بسرعة عشان نحط عليه رامي ابن الدكتور عصام راااااااامي ! يا خبر , هو مااااااله يا ست وانتِ ماااااالك , ما تخلي دكتور يشووووووووفه , هو كل اللي يشوفنا يقولنا مااااااااله ! الواد بيمووووووت يا خبررررر , الدكتور عصام مش موجود , هتصل بدكتور أشرف فوررررراً ****************************** ايه يا دكتور أشرف , ابن الدكتور عصام ماله ؟؟؟؟؟ ....... مافيش , اطلعي انتِ برا وانا هقوم باللازم حاضر يا دكتور ********** ايه يا دكتورنا , اخبار أبو الروم ايه ؟؟؟؟ مممم احسن دلوقتي , هو انت اللي جيبته المستشفى ؟ انا واخويا الجن مساء الفل على عيونك يا داكتور , انا الجن جن !!!! مممم واضح طبعاً انه كان سهران معاكو و اديتلوه سجارة حشيش والله يا دكتور هو اللي صمصم ياخدها صمصم !!! طب اتفضل خليك هنا انت والأستاذ الجن لحد ما يجي الدكتور عصام ويشوف هيتصرف ازاي ايه يا شقيق هو احنا مقبوض علينا ولا اييييييه !!! انت مش حاسس بحجم الكارثة اللي عملتوهااااااا يا عم كارثة اييييه , هو اللي خد السجارة بمزاااااااجه على العموم مش هسمحلكو بمغادرة المستشفى قبل ما يجي الدكتور عصام , وهو حر التصرف , يبلغ البوليس أو لأ بوليسسسسسسس !!! شكلك اتحسدت يا جن وهتتحبس النهاردة يووووووو كان مالي انا ومال صاحبك ابن الزوات ددددده , انت اللي حدفته عليناااااا , ادينا هنقضي بقيت عمرنا في السجنننننننن يا عم لم حنجرتك بقى فضحتنااااااا **************************** هههههههه أماني بطلي شقاوة بقى هههههه مش هبطلها يا عصومة , أماني شقية وهتفضل شقية طول العمر يا حبيبي هههههه تررررررررررررررررررررررن لحظة يا أماني أرد ع الموبايل ..... ده الدكتور أشرف اوووووووف هما مش هيعتقوك بقىىىىىى! اسكتي يا أماني مش عايز حد يسمع صوتك , السلام عليكم يا دكتور أشرف عليكم السلام دكتور عصام ..... أنا اسف أبلغك ان رامي محجوز عندنا في المستشفى ابنييييييييي !!! ماله يا أشررررف ؟؟؟ لما تيجي هتعرف , ان شاء الله بسيطة أنا جاي حالاً يا أشرف في ايه يا عصومة ؟ رامي ابني في المستشفى , انا لازم انزل حالااااااً ماله يا حبيبي ؟ مش عارف يا أماني , مش عاااااارف سيبيني ألبسسسس ********************* ايه يا أشررررف, ماله رامي ابنييييييي ؟ طيب اهدا يا دكتور وتعالى نتكلم في مكتبي على انفراد ********************** هو ده اللي حصل يا دكتور ....... أنا مش مصدق , رامي ابني أنا بيتعاطى مخدراااااااات ! يا دكتور نسبة المخدر في جسمه بسيطة , ده لإن رامي مش مدمن , واضح انه اتعرض عليه السجارة من ناس معارفه وأخدها , الحمدلله ان الموضوع اتعرف من أوله عشان نعرف نتصرف .......... دكتور أشرف , حد من الدكاترة أو طاقم التمريض عرف حقيقة الموضوع ؟ لا يا دكتور عصام , اطمئن , انا حافظت على سرية الموضوع أنا مش عارف أشكرك ازاي يا دكتور أشرف ما تشكرنيش يا دكتور , رامي زي ابني وسمعته تهمني اشكرك , رامي فين دلوقتي ؟ في العناية المركزة تحت ملاحظتي طيب , هروح اطمئن عليه على فكرة يا دكتور , الولاد اللي كانوا معاه انا محتجزهم في مكتب دكتور محمد , هو ماجاش النهاردة , ما سمحتلهمش بالخروج إلا لما تيجي حضرتك وتشوف هتتصرف معاهم ازاي ..... هتبلغ البوليس ؟ بوليس ايه بس !!! الموقف حساس وانا مش عايز فضايح .... أنا هروح للولاد دول ***************** انت يا ولد انت وهوووو عم ابو راااااامي , سلامة رامي ألف مليون سلاااااااااامة انت عارف يا ولد يا نكرة انت لو شوفت وشك مرة تانية هيحصلك ايييييييه !!! أنا المرة دي هخليك تمشي انت والشخص اللي معاك ده من غير مشاكل , لكن المرة الجاية هسلمكو للبوليس بنفسيييي طب بالراحة على نفسك يا عم ابو رااااااامي , لما انت خايف على ابنك كدة ومحموء قوي سايبه يلطّش في الدنيا والدنيا تلطّش فيه لييييييه ! أبهّات عايزة لتر بنزين وعود كبريت صحيحححححح اخرس يا ولدددددد , امشي اطلع برا انت والإمعة اللي معاك ددددده ماشي , يلا يا إمعة دي شتيمة دي يا منصور ؟ لا , ده قصده يقولك ان انت رجولة يعني عشان سيبت مصالحك والمدمنين اللي وراك وجريت بابنه ع المستشفى اااه هههه متشكرين يا داكتور براااااااااااا يا عم بالراااااااحة , يلا يا شقيق ******************* انا سحبت كل المخدر اللي في جسمه يا دكتور عصام , رامي ان شاء الله هيكون كويس قوي ان شاء الله , تعبناك معانا يا دكتور أشرف مافيش تعب يا دكتور .... رامي ابتدا يفوق ااااه منصور اااه انت فين اااه هات سجارة ما تبقاش بايخ اااااه انا فين ؟؟؟ حمدالله ع السلامة يا أستاذ دددددداد !!!.... أأأنا فين ؟ سيبنا لوحدنا من فضلك يا دكتور أشرف حاضر , عن اذنكو .......داد أنا ...... أنت أكبر كارثة في حياتي , أنت اللي هينهار على ايديك كل حاجة بنيتهاااااااا ......................................................... أنا عايز أعرف انت ايه اللي يخليك تتعامل مع ولد من بيئة منحطة زي دددددده ! ازاي تتعاطى مخدراااااات !!! ............ عايز أهرب من الواقع .... بكرهه ....... بكره كل حاجة فيه ...... بكره حتى انّي اصحى من النوم عشان أواصل الحياة المقرفة اللي انا عايشها هه !!! ... حياة مقرفة !!! عايش في كل الرفاهية اللي يحلم بيها أي شاب في سنك وبتقول حياة مقرفة !!! انا عايز أعرف انت ناقصك اييييييييه !!! ................... مش ناقصني حاجة داد اوووووووف المصيبة اللي حصلت دي مش عايز حد ياخد عنها خبررر , مش عايز أعمامك يعرفوا ونتفضح قدامهممممم , وقتها كل العيلة هتتجنبنا وهيخافوا على ولادهم منكككك ... غير ان موقفي هيبقى سيء قدام أمي واخواتي وهيلوموني ويقولوا ان انا اللي قصرت في تربيتككككك يااااااااه ! هه ... ما تخافش يا داد , مش ممكن أعرضك للمشاكل العائلية دي كلها اتفضل قوم عشان نمشي حاضر .... رغم انّي تعبان وحاسس بإرهاق فظيع ابقى ارتاح في البيت , مش عايز فضاااااااايح , يلااااااا اوك داد ****************************** الكتاب: خلف هذه الجدران الجزء الخامس بقلم: هبة عبد العظيم نور الناشر: المؤلف رقــــم الإيداع: 00000/2017م ***************************** وبعد مروووووور عامين