الحلقة الحادية والثلاثين(ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

ايوة يا امي , اني لسة خارج من عند عم حامد أهو , حاضر والله مش هنتأخر , كام مشوار كدة ع السريع ونيجوا على طول , لا اني لسة هنركبوا العربية اهو , سلام

انتتتتتتتتت استنى عندكككككك

أدهمممممم !!!!

كويس انك فاكرني , ايه اللي جابك عند حامد مندورررر !!! جاي ترجع الود القديمممم !!!

انت عَرَفت ازاي ان انا جيت لعم حامد !

ههه ما تستغربش كدة , اني مافيش حاجة تستخبى عليا , اللي عايز نعرفوه بنعرفوه , واللي عايز نجيبوه نجيبوه ولو في بطن الأررررررض , رد علياااااا كنت عند حامد مندور بتعمل اييييييه ؟؟؟

اظن دي حاجة ما تخصكش , اوعى من طريقي عشان نركب عربيتي

ههههههه عربيتك !!! جبت عربية !!! وماله , ما هو كل من هب ودب دلوقتي بقى يركب عربية

اوعى من طريقي

اسمععععع اوعى تكون فاكر ان في حاجة اتغيرت عشان رَجَعت اسكندرية راكبلي عربية ومعاك قرشيييييين , انت زي ما انتتتت , العربية لا بتعمل أصل ولا الفلوس بتعلي وااااااااااااطي

الزم  حدودك  يا ادهمممممممم , اني مش هنغلط فيك إكراماً لصاحب عمري اللي تبقى للأسف اخووووه

لا اغلط , وريني هتغلط ازاي عشان يبقى اخر يوم في عمرررررك

ههه هتقتلني ! وماله , اني قدامك أهو , لا بنخاف ولا بنتحامى في حد

اسمع يا ولا انتتتتتت , اذا كنت فاكر انك رَجَعت اسكندرية بقرشين وجاي تزغلل بيهم عين حامد مندور عشان تتَفَقوا عليا وتاخدوا مني مراتي تبقى غلطاااااااااان , لو فكرت مجرد تفكير في ضحى وربنا المعبود لنمحوك من على وش الدنياااااااااا

مش اني الراجل اللي يبص لست متجوزة يا أدهمممممم , ومش اني اللي ناخدوا واحدة من خطيبها زي ما عملت انت زمااااااااان , لإني عارف الحلال من الحرام , ولإني رااااااااجل , والراجل عمره ما يتصرف تصرفات الندددددددل  , سَمَعت  عن الرجولة قبل كدة يا أدهم يا سليممممممم !

رجولة !!! وانت تعرف الرجولة منين يا تربية الحريممممممممممم

اخرررررررررررررررس اخرس يا حيوان يا عديم القييييييييييمة , الست اللي بتتكلم عنها دي ربتني اني واختي احسن تربييييييييية , الست اللي بتتطاول عليها بلسانك الزفر ده تَعَبِت وشَقَت لحد ما علمتني وبقيت مهندددددددس , اللي عملته امي ما يعملوش مليون راااااااااجل . أني من غير فلوسي وعربيتي برضو مهندس والكل بيحترمني عشان اخلاقي اللي امي ربتني عليهااااا عشان الصلاة اللي امي زرعتها في قلبي وخلتني نحافظ عليها طول عمري , لكن تقدر تقولي يا أدهم يا سليم انت من غير فلوس ابوك والبلطجية اللي بتتحامى فيهم تساوي اييييييييه ؟؟؟؟؟؟؟؟؟ ولا حااااااااااجة , انت ولا حاجة يا أدهم يا سليممممممم

اخرررررررررس , اني كل حاااااااااااجة , الدنيا كلها تحت رجلي وملك ايديااااااااا , كلامك ده ما قلتوش إلا من سواد قلبك وحقدك على اسيااااااااااااادك , واسمعها مني كلمة يا ولا انتتتتتتت , آخر مرة نشوفوك تيجي عند حامد مندور تااااااااااااااني , وإلا تبقى انت الجاني على نفسككككك , عايز تعيش في اسكندرية يبقى خليك في حااااااالك , انما تتحداني يبقى هنحسروا امك عليككككككك  اني دلوقتي بنحذر , لكن وربنا المعبود المرة الجاية هنقتلوك ومالاكش عندي دييييييية , اني ماااااااااشي

اوووووووف استغفر الله العظيم يارب , انسان مريض

**************************

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

مين اللي طالع السلم في العتمة !

انا خالد يا خالتي ام حسن

اهلاً يا خالد , طالع في العتمة ليه يا ابني ! ولع نور السلم

مش فارقة يا خالتي ام حسن , عن اذنك

اذنك معاك يا ابني . هو ماله بعد الشر ! هنولعوا النور عشان ما يطلعش في العتمة دي

******************

ايه الكلام اللي قالهولي ادهم ده !!! ايه اللي مخوفه وراعبه اوي كدة من وجودي في اسكندرية ! خايف مني على ضحى ليه وجاي يهددني !!! مش هي اللي اتجوزته باختيارها وبحر إرادتها ونهت كل حاجة بينا بكلمة !!! ايه اللي مخلي جوزها بعد السنين دي كلها يجي يهددني عشان ما نقربوش منها !!! هو فاكرني نبص لست متجوزة مهما حصل !!! لا اني فاجر ولا ضحى اللي اتربت عن الدين تعمل كدة .... ومعناه ايه الكلام اللي قالهولي عم حامد ! يعني ايه يقول فراق أمير واخته ! ازاي يتكلم عن فراق ضحى وهي عايشة في اسكندرية !!! ايّووووووه مليون سؤال وسؤال في دماغي ومالهومش ولا ردددد . اني واقف ع السلم كدة ليه !!! مالوش لزوم التفكير , نطلعوا لامي المتشوقالي سنين يامَا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

انت رَجعت يا خالد ! ههه

السلام عليكم يا امي

عليكم السلام يا نور عيني , قضيت كل مشاوريك ؟

الحمدلله يا أمي

مممم ازي الحاج حامد ؟

الحمدلله كويس

مالك يا خالد ؟ حصل حاجة زعلتك عند الحاج حامد ؟

ابداً يا أمي , ده الحاج حامد فَرَح يامَا لما شافني , قابلني مقابلة الأب لابنه الغايب عنه من سنين ومتشوقله , لدرجة انه ما كانش عايزني نمشي

اومال انت ايه اللي مكدرك كدة يا خالد ؟؟؟؟ ................ افتكرت اللي جرا ؟

.......................................................................

انسى يا خالد , انسى يا ابني , اللي فات فات يا حبيبي , بص لسنينك اللي مستنياك , إلحق شبابك اللي راح منه يامَا في الغربة . اتجوز يا خالد

نتجوز !!! ........ لما يؤون الآوان يا أمي

والآوان جه يا ابني , واني مش هنستنى عليك اكتر من كدة , كفاية يا خالد , كفاية على قلبك وجع لحد كدة يا نور عيني

اااااه اللي كاتبه ربنا هو اللي هيكون يا أمي , أنا راضي بكل اللي ربنا يعمله

ونعم بالله يا ابني

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

دي الست بهيرة وياسين  جابوا  ياسر وجم  في التاكس اهم  يا عواد

ايوة ما انا سألتهم عليه وهما نازلين قالوا رايحين نجيبه

****

يلا يا ياسين سند اخوك على ما احاسب التاكسي

حاضر يا ماما , يلا يا ياسر

آآآه ماشي يا ياسين

عايز كام يا اسطى ؟

خمسين  جنيه

خمسين  جنيه ليييييييه  !هو  انت جايبنا من كولالامبور !!! دي المستشفى بعدينا بكام شارع

يوووو يا ست كفاية انك صعبتي عليا عشان معاكي واحد عيااااااااااان

 طب ما تجعرش وحافظ على احبالك الصوتية يمكن تحتاجها في خناقة ,  خد اهممم , بالسلاممممة

*************************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

***

 اوعى يا عواد أما اسلم عليه ,حمدالله على سلامتك يا ياسر

الله يسلمك يا دادة فهيمة اااه

سلامتك يا ياسر يا ابني

الله يخليك يا عم عواد

الله يتم شفاك يا ابني , حمدالله على سلامة ياسر يا ست بهيرة

ربنا يخليك يا عواد

حمدالله على سلامة ياسر يا مدام بهيرة

الله يسلمك يا فهيمة , الحمدلله خدنا يومين تعب وراحوا لحالهم

ربنا ما يجيبش حاجة وحشة تاني

يا رب يا فهيمة يا أختي , مالك يا ياسين ما فتحتش الأسانسير لاخوك لييييييه ؟

الأسانسير معلق في الدور الرابع  يا ماما ومش عايز ينزل , شكله عطلان

ايييييييه ! عطلااااااااان , الحق يا عوااااااد الأسانسير عطلاااااااان

هو عملها تاني ! داحنا لسة مصلحينه من تلات اسابيع

طب اعمل ايه انا دلوقتي ومعايا الواد العيان ده ! اشيله على كتفي واطلع بيييييه !

معلش يا مدام بهيرة , انا هسنده لحد باب الشقة , اسند عليا يا ياسر

أمرنا لله , اطلع يا ابني , هات حد يصلح الأسانسير الله يخليك يا عواد

حاضر يا ست بهيرة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

متشكرين يا عواد , انزل لموقع العمل بقى  ربنا يوفقك , متشكرين مرة تانية

العفو يا ست بهيرة

دخل اخوك اوضته يا ياسين

حاضر يا ماما

يحضرلك الخير , اااااه ياني , الحمدلله يارب شفيتلي ابني , اشفي كل مريض يارب , ادخل افرد ضهري شوية لحد صلاة العصر , ااااه الواحد مش قادر , اه يا ضهري ياني

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

تررررررررررررررررررررن

دي رحمة ههه الو , ازيك يا رحمة

حمدالله ع السلامة يا ياسرررر ههه

عرفتي منين ان انا جيت !

طنط بهيرة قالت لماما انها رايحة تجيبك , حتى ماما دخلت تعمل كيكة وبسبوسة عشان تيجي تسلم عليك ههه

ههه ربنا يخليها

ممم عايزة اشوفك دلوقتي

تشوفيني ازاي يا رحمة ! ما ينفعش تيجي هنا

انا ماقصدتش اني اجي , عايزة اشوفك ع السلم

ع السلممممممم ! انتِ اتجننتي رسمي , مش كدة ؟

وفيها ايه يعني ! ع السريع كدة , مش هأخرك , نفسي اشوفك واطمن عليك يا ياسر الله يخليك

طيب يا رحمة , ع العموم ماما دخلت نامت وياسين بيذاكر

طيب انا هتسحب من ورا ماما واخرج يلاااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

مريومة , خدي يا حبيبتي طبق الفاكهة ده طلعيه لتيتة

حاضر يا أمي  هلبس العباية والنقاب على طول اهو

بس خلي بالك , الأسانسير عطلان , يعني هتدبي تلات ادوار على رجلك ههه

ههه مافيش مشكلة يا أمي 

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

وحشتني اوي يا ياسررر

وانتِ كمان يا رحمة

مالك وشك اصفر كدة ليه !

حد قالك اني راجع من المصيف ! ههه مش عارفة اني خارج من المستشفى !

الحمدلله انك خرجت بالسلامة , يااااااه كنت هموت من القلق عليك

ربنا ما يحرمنيش منك يا رحمة

ولا منك يا حبيبي , بحبك يا ياسررررر بحبك اووووووي

ايه ده استني يا رحمة استني  ! دي  بنت  الأستاذ ماجد  طالعة يا رحمة , يا خبر اسووووود انا نسيت ان الأسانسير عطلاااااااان

يييييي انا داخلة شقتنا جرررررري

******

ايه اللي انا شوفته وسمعته ده ! ازاي رحمة جارتنا تعمل كدة مع ابن الجيران ! توووء اوووووف الله يسامحك يارحمة , ازاي هان عليها نفسها كدة ! دي اول ما شافتني جريت زي ما تكون كانت بتسرق , طبعاً لازم تعمل كدة , لأنها أكيد حاسة انها غلط

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

كنتِ فين يا رحمممممممة ؟

هاااا ! أأأ انتِ خرجتي من المطبخ يا ماما !

بنسألوكِ كنتِ فين ؟

أأأ اصل سمعت صوت برا فخوفت قوي , فتحت عشان اطمن , لقيت قطة هي اللي كانت جنب باسكت الزبالة وعاملة صوت الخروشة ده

طب تعالي دوقي الكيكة والبسبوسة وقوليلي حلوين ولا لأ قبل ما ندخلوهم لبهيرة

ههه اكيد حلوين من غير ما ادوقهم , تسلم ايدك يا قمررررر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

جيتي يا مريومة ! تيتة عاملة ايه ؟

كويسة الحمدلله

.....مالك يا مريم ؟

مش عارفة يا أمي  ....... شوفت حاجة ضايقتني قوي , ومش عارفة اقولك عليها ولا لأ ..... خايفة اقولك ابقى غلطانة , وبرضو خايفة ما اقولش ابقى بتسبب في ضرر لإنسانة من غير قصد

الله ! في ايه يا حبيبتي ؟ انا مش فاهمة حاجة

طيب انا هقولك يا أمي  عشان بجد انا متلخبطة ومحتارة

خير يا حبيبتي

وانا طالعة عند تيتة شوفت ...... شوفت رحمة بنت طنط اشجان واقفة على طرقة السلم وبتتكلم مع ياسر ابن طنط بهيرة وواقفين قريب قوي من بعض

لا حول ولا قوة إلا بالله

كانت بتتكلم معاه بطريقة حميمية قوي , يعني حتى مش لقاء عابر , لدرجة انها قالتله كلمة رعبتني

كلمة ايه دي ؟

قالتله يا حبيبي

حبيبي !

انا مجرد ما سمعت الكلمة دي حسيت ان جسمي كله بيترعش , اتصدمت والله يا أمي . انا دلوقتي مش عارفة انا صح ولا غلط لما حكيتلك ؟

طيب انتِ حكتيلي بغرض ايه ؟

غرض ايه ازاي يا أمي ؟

يعني قلتيلي عشان عايزة تفضحي البنت ولا عشان عايزاها تبطل اللي هي بتعمله وتتقي الله ؟

طبعاً يا أمي عايزاها تبطل , انا خوفت عليها قوووي , والله يا أمي ما كنت عايزة افضحها ولا حااااااجة اهئ اهئئئئئئئئئئ يعني انا اتصرفت غلط لما قلتلك,  مش كدة يا أمي ؟ اهئ اهئئئئئئئئ

لالالا يا حبيبتي , انا متأكدة من نيتك يا مريومة , بس حبيبت ان انتِ اللي تجاوبي وتحددي نيتك عشان ترتاحي نفسياً

انا والله عايزة اساعدها , هي مش صاحبتي , يمكن لو كنا أصحاب كنت قدرت اتكلم معاها بصراحة واقلها انتِ غلطانة يا رحمة , وكنت نصحتها نصيحة لله انها تحافظ على نفسها , اعمل ايه يا أمي ؟

مممم خلاص يا مريومة , سبيلي الموضوع ده ..... واضح ان العلاقة الطيبة بين  مدام أشجان ومدام  بهيرة , ادت الى تقارب غير مرغوب بين البنت والولد , انا لازم الفت نظر مدام اشجان بأسلوب كويس

يا ريت يا أمي , عشان بجد قلقانة على رحمة قوي

الله المستعان يا حبيبتي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

تررررررررررررررررررررررررررررررررررن

دي اكيد ماما جت من عند طنط بهيرة , ايوة يا مامااااا.........طنط منال !

هه السلام عليكم يا رحمة يا حبيبتي

ممم عليكم السلام يا طنط

يا ترى ماما موجودة ؟

هااا !!! أأأ ماما !!! ......حضرتك عايزاها في حاجة يا طنط ؟

ههه زيارة عادية , هي مش موجودة ولا ايه ؟

ماما عند طنط بهيرة , اتفضلي حضرتك في الصالون وانا هتصل بيها ع الموبايل

طيب يا حبيبتي , متشكرة

اووووف يا ترى جاية ليه !!! اكيد بنتها قالتلها حاجة وجاية تقول لماما , يا خبررر ,دي تبقى مصيبة ممم بس ما اعتقدش طنط منال جاية تعمل مشكلة , انا خايفة , حاسة ان قلبي بيدق بسرعة اوي ممم ....هتصل بماما وربنا يستر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

تررررررررررن

ايوة يا رحمة

ماما , طنط منال عايزاكِ

منال ! في حاجة ولا ايه ؟

بتقول جاية تزورك

ههه فيها الخير وربنا , اني جاية على طول , قدميلها عصير  على ما نيجوا يا رحمة

حاضر يا ماما

طب نستأذن أنا يا بهيرة ونجولك بعدين , أصل رحمة قالتلي ان مدام منال جت وعايزاني

مدام منال ! ههه سلميلي عليها العسولة دي وقوليلها هبقى انزل ازورها واشرب معاها الشاي

ماشي يا بهيرة , نبقوا ننزلولها سوا , رجلي على رجلك , سلام

ههههه سلام يا غيارة , اشجان هي اشجان مش هتتغير أبدا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

اهلاً يا طنط منال , اتفضلي , جبت لحضرتك عصير

هه متشكرة يا حبيبتي ..... ماما هتتأخر ؟

لا أبداً , جاية على طول دلوقتي ممم شرفتينا يا طنط

متشكرة يا حبيبتي

تررررررررررررررررررررررررن

عن اذنك , ماما جت , هروح افتحلها

اتفضلي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ادخلي يا ماما

ايه يا رحمة , قدمتي لمدام منال حاجة ؟

ايوة قدمتلها عصير زي ما قلتيلي

مال وشك احمر وبتترَعَشي كدة يا بت !!

أأأ أبداً يا ماما

طب اوعي خلينا ندخلوا نرحبوا بالضيفة

ممماااماااا

ايوة يا رحمة

بصي يا ماما انا هقولك حاجة , أأأ وانا ...... وانا بفتح الباب زي ما قلتلك عشان اشوف ايه الصوت الغريب اللي برا لقيت ياسر عند الباب فقلتله حمدالله ع السلامة

ههه طب ودي فيها ايه !

اصل مريم بنت طنط منال كانت طالعة ع السلم , شافتني وانا بكلمه , وانتِ عارفة يعني انهم بيحرموا الاختلاط وممكن تكون فهمت اللي شافته غلط

ممم تقصدي يعني ان عشان كدة مدام منال جت ؟

ممم متهيألي كدة

على العموم انا داخلة نشوفوا هي جاية ليه

مممم أما اروح اقف جنب باب الصالون واسمعهم بيقولوا ايه , ربنا يستر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

هههه السلام عليكم , اهلاً يا مدام منال مشرفاااااانا

عليكم السلام يا مدام اشجان ههه متشكرة ليكِ جداً

ايه يا حبيبتي , بقالي يامَا ما شوفتكيش , من ساعة آخر مرة لما كنت عند الحاجة أم عصام

غصب عني والله , انتِ عارفة طلبات البيت والولاد ما بتخلصش

ربنا يخليهوملك يا حبيبتي ويفرحك بيهم

ويفرح قلبك برحمة ان شاء الله

اشربي العصير يا مدام منال , ولا نجيبولك حاجة تاني ؟

لالا كدة كويس قوي , ما تتعبيش نفسك

تعبك راحة يا حبيبتي , دانتِ نورتينا

الله يخليكِ ....... شوفي يا مدام اشجان , انا بعتبر رحمة زي بنتي مريم , زي ما بخاف على مريم بخاف عليها هي كمان , أنا عارفة ان رحمة كويسة ومتربية كويس , لكن يمكن العلاقة  الطيبة اللي بينك وبين مدام بهيرة من زمان خلت مافيش حدود بين ياسر ورحمة , وانهم بيتصرفوا مع بعض بتلقائية يعني , بس ........

ما تكمليش يا مدام مناااااااال , اسمعيني انتِ بقى يا حبيبتي , رحمة وياسر الاتنين اخوات ومافيش بينهم غير الادب والاحتراااااااام , بهيرة مربية بنتي وانا مربية ابنها , والبت والولا مافيش في أدبهم ولا أخلاقهممممم , واحنا ما نسمحوش لحد يجيب سيرة بنتي بربع كلممممممممة

مدام اشجان , انتِ فهمتيني غلط , انا والله ما اقصدش حاجة وحشة

ما تقصديش حاجة وحششششة ! جاية تتهمي بنتي في شرفها وتقوليلي ما تقصديش حاجة وحششششة ! يا شيخة اتقي الله انتِ عندك بنتتتتتت , عيب ع النقاب اللي انتِ لابساااااااه , حسبي الله ونعم الوكيل فيكِ يا شييييييخة

لا حول ولا قوة إلا بالله , الله يسامحك يا مدام اشجان , والله انتِ ظلمتيني , انا برضو اتهم رحمة في شرفها !!! لا حول ولا قوة إلا بالله  , والله انا ما قصدت غير النصيحة , ديننا أمرنا اننا نقوم سلوك بعض بالحسنى

احنا عارفين ديننا كويس قوي يا حبيبتي ومؤمنين وموحدين بالله ومش محتاجين حد يعرفنا دينناااااااا , واحنا بنقولولك بقى لو كلمة عن بنتي طَلَعت برا وربنا المعبود ما هنبطلوا دعا عليكِ لا ليل ولا نهااااار , لإن دي بنتي ونخافوا على سمعتهاااااا

لازم تعرفي ان اخلاقي وديني ما يسمحوليش في الخوض في أعراض الناس , انتِ اتهمتيني تهمة بشعة , ربنا يسامحك , كل اللي اقدر اقولهولك خلي بالك من بنتك , السلام عليكم

اااااااه فورت دمي الله يفور دمهاااااا , بت يا رحمممممممممممة انتِ يا بتتتتتتتتتتت

نعم يا مامااااااااا

عاجبك اللي حصل ده يا بتتتتتتتت !!! انا  الناس يجولي لحد باب بيتي ويلمّحوا على سمعة بنتييييييي !

اهئ اهئئئئئ يا ماما والله قلتلك فهموني غلططططط

بلا غلط بلا صححححححح , قلنالك ألف مرة ياسر ده مالكيش دعوة بيييييييه , عاجبك الجُرس والفضايح دددددي ! هينفعنا بإيه سي ياسررررر ! لا اتكلم ولا قال عايزك ولا امه جابت سيرررررررررة , يبقوا نرموا نفسنا عليهم لييييييييييه !

اهئ اهئئئئئئئئئئئئ يا ماما والله ...............

الله ياخد امك عشان ترتاحي يا رحممممممممة اهئ اهئئئئئئئئئ خلتينا نغلطوا في مدام منال الطيبة  اللي طول عمرنا ما شوفناش منها غير كل خير اهئ اهئئئئئئئئ هتخلينا نعادوا الدنيا عشانك وعشان عمايلك يا بنت عاااااااااادل اهئ اهئئئئئئئئئئئئئئئ وربنا يا رحمة لو مالميتي روحك لنكونوا قايلين لابوكي واخوكي يجوا ياخدونا على اسكندرية عشان نرتاحووووووووا , يمكن لما تلاقيلك حد يشكمك تعرفي ان الله حق اهئ اهئئئئئئئئئئئ

اهئ اهئئئئئئئئئئئئئئئئ لااااااااا مش هروح اسكندرررررية , مش كل شوية تهددينيييييي انا داخلة اوضتيييييي

اااااااه يا دماااااااغي صدااااااااااع , الله يسامحك يا رحمة يا بنتي ااااااااااه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ايه يا منولة ! بقالك ساعة حاطة الفطار وما مدتيش ايدك عليه , حتى مريم ومعاذ وهما نازلين قالولوك السلام عليكم يا امي وما ردتيش عليهم

ها ! بتقول حاجة يا ماجد ؟

ههه سرحانة !!! اول مرة اشوف واحدة تسرح في جوزها وهو قاعد قدامها ههه يا سلام ع الحب

هه

ايه الضحكة اللي مش صافية دي ! مالك يا منولة ؟ في حاجة مزعلاكِ ؟

لا ابدا يا حبيبي

ابداً ازاي بقى ! انتِ مش طبيعية من امبارح بالليل على فكرة , في ايه ؟

.........اصل سمعت حكاية زعلتني عن ناس عزاز عليا

مين الناس دول ؟

ما تسألش عشان مش هجاوبك , انت عارف اني ما بتكلمش في اسرار الناس

هه عارف , بحسب ان الموضوع عادي يعني وممكن ندردش فيه

لا يا حبيبي , انا هحتفظ بالموضوع بمرمته لنفسي

ماشي يا ستي , اعمليلنا القلقاس اللي معاذ طلبه ع الغدا

قلقاس ! هو معاذ طلب قلقاس ! .... امتى ؟

ههه ماانتِ كنتِ سرحانة , الولد المسكين بيقولك نفسي قوي في القلقاس من ايدك يا أمي عشان وحشني وياريت جنبه  رز بالشعرية ولحمة محمرة

هه طيب يا حبيبي , هرن على فهيمة عشان تجيبهولي من السوق وهعمله ع الغدا ان شاء الله

طيب يا منولة , انا نازل بقى , ياريت لما ارجع الاقيكي فكتيها عشان الواحد مش ناقص اكتآب , اعوذ بالله , بيبقى شكلك زي قتالين القتلا وانتِ مكشرة ههههه

هههههه بقى كدة يا ماااااااااجد ! انا شبه قتالين القتلاااااااا ! دانت متجوز واحدة ست زي القمر في كل حالاتها يا استاذ ماااااااجد ههه

هههه الفين قمر مش قمر واحد والله وأجمل ست في العالم كمان , بس حبيت انكشك عشان تفكي التكشيرة البايخة دي

ههه ربنا يخليك ليا يا حبيبي وما اتحرمش من نكشك ده

ههه امووه السلام عليكم حبيبتي

عليكم السلام يا حبيبي , في حفظ الله . ممم اقوم اشيل الأكل ده واشوف حكاية القلقاس كمان

تررررررررررررررررررررررررررررررررررن

ايه ده ! هو ماجد نسي حاجة  ولا ايه !

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

مين ؟

انا رحمة يا طنط منال

رحمممممممة ههه اهلا حبيبتي اتفضلي

ممم هو حد عندك يا طنط ؟

لا يا حبيبتي , الولاد في كلياتهم وعمك ماجد لسة نازل , اتفضلي يا حبيبتي

متشكرة قوي  يا طنط

اقعدي ي رحمة , تحبي تشربي ايه يا حبيبتي ؟

لا يا طنط انا مش عايزة حاجة , متشكرة ,  انا قلت اعدي على حضرتك قبل ما اروح الكلية  عشان اعتذر عن اللي حصل من ماما

حصل خير يا حبيبتي

صدقيني والله ماما بتحبك خالص وبتحترمك جداً , هي بس حساسة من ناحية أي كلام عني , ما تنسيش ان بابا مش موجود معانا دايماً وهي بتخاف ان حد يتهمها انها قصرت في تربيتي

حبيبتي والله ربنا يعلم انا ما قصدت اضايقها اطلاقاً , وكنت فاكرة انها هتستوعب كلامي , لكن دي ما ادتنيش فرصة حتى افهمها وجهة نظري

طنط منال انا مش هدافع عن نفسي , انا عارفة ان انا غلط , لكن يا طنط عايزاكِ تعرفي ان أنا فتحت عيني ع الدنيا دي لقيتني انا وياسر حاجة واحدة , عمرنا ما افترقنا , يا طنط انا متربية في بيت ياسر وهو متربي في بيتنا , ياسر ده جزء مني , انا فتحت عنيا لقيت عمو حسين مسؤول عني في حاجات كتير , اكتر من مرة احتاج لدكتور وانا صغيرة وهو اللي كان بيوديني , مش بابا , لان بابا في بلد تانية زي ما حضرتك عارفة , طنط بهيرة دي بتعتبرها أمي التانية , العيلة دي مخلوطة بدمي , وبعترف اني بحب ياسر , وحبنا ده مش لعب عيال ولا تقضية وقت زي شباب كتير , ياسر عايز يتجوزني , وانا كمان متمسكة بيه وعايزة اتجوزه , ومافيش قوة هتقف قدامنا

ولا حتى ربنا سبحانه وتعالى ؟

استغفر الله العظيم , انا ما قصدتش كدة , طبعاً ربنا قادر على كل شيء , بس انا حبيت اوصفلك انا بحب ياسر قد ايه

رحمة حبيبتي , انا مقدرة كل اللي قلتيه , وعارفة ان مش غلطتك الاندماج الغير طبيعي مع ياسر , وعارفة انك صادقة في مشاعرك , وهو كمان صادق في مشاعره , مش هقولك انه بيلعب بيكِ أو ناوي يغدر , جميلة قوي العلاقة دي , لكن يا ترى تفتكري أن ربنا راضي عنها ؟

............. لا

ليه ؟

........ عشان احنا مش متجوزين

يعني انتِ عارفة ان المشاعر الجميلة دي لازم تكون لجوزك وبس , مش كدة ؟

ايوة

مع حبك لياسر ده وحبه الجارف ليكِ تقدري تأكدي انكو هتتجوزوا ؟

............لا

طيب يا حبيبتي ينفع اننا نقول لواحد ما تربطناش بيه علاقة شرعية يا حبيبي وبحبك وكل الكلام ده ؟

...........لا

شوفي يا رحمة , مشاعرنا مش بإدينا لكن تصرفاتنا  بإيدينا يا حبيبتي , وربنا رقيب علينا وعلى تصرفاتنا , ومش ممكن هيدينا السعادة واحنا بنعصيه وبنتحداه بعمل كل المحرمات , صحيح ممكن تتجوزي ياسر لكن هتعيشوا تعساء, لإن ربنا سبحانه وتعالى مش راضي عنكم ولا على الطريقة اللي اتجوزتوا بيها , بنات  كتير اوي يا رحمة كتير اوووي اتجوزوا الشباب اللي كانوا بيحبوهم وللأسف اتحولت حياتهم لجحيم , كلها حياة ألم وندم انهم اتجوزوا الرجالة دول أو حتى عرفوهم من الأول , لكن لما نرضي ربنا ونترك شيء محرم قربة له سبحانه وتعالى اكيد هيعوضنا خير , جايز تكون مكافأة لينا الجواز من الإنسان اللي اتمنيناه وتكون حياتنا جميلة , وجايز يرزقنا بالأفضل لإنه شايف اختيارنا مش مناسب , سبحانه وتعالى هو علام الغيوب ومدبر أمور البشر , صدقيني الحب ده ممكن أوي يكون حصل لإن قلوبنا بعيدة عن ربنا , لو ربنا هو اللي في قلبنا هتلاقي الدنيا كلها في ايدينا وتحت رجلينا , قربي من ربنا يا رحمة يا حبيبتي , الحب مش معناه السعادة ولا السعادة مرتبطة بالحب

......................... يعني اعمل ايه دلوقتي يا طنط ؟ اقتل مشاعري ؟ اهئ اهئئئئئئئئئ

ما قلتش كدة يا حبيتي , بطلب منك بس تقطعي علاقتك بياسر بشكل قاطع حتى لو عندك مشاعر جميلة ناحيته , طيعي ربنا , الوقت الكتير الفاضي واللي بنسميه فراغ واللي بيخلينا نجري ع التليفون ونعمل مكالمات محرمة وندخل النت برضو نمارس نفس العلاقات المحرمة , الوقت ده لازم يتحول كله لطاعة للخالق الرحيم سبحانه وتعالى , نصلي , نسبح , نحمد ربنا على نعمه , نستغفر من ذنوبنا , لازم يكون لك ورد من ذكر الله يومياً , جربي كل يوم تقولي لا اله إلا الله وحده لا شريك له , له الملك وله الحمد وهو على كل شيء قدير . قوليها 100 مرة كل يوم واستمري عليها وشوفي هتفرق في نفسيتك قد ايه , قولي لا حول ولا قوة إلا بالله برضو 100 مرة وانتِ مركزة في معناها

هي معناها ايه يا طنط ؟

معناها يا حبيبتي ان تغير الحال إلى ما هو افضل لا يكون إلا بحول الله وقوته , لو عابزة حالك يتغير للأفضل استمري عليها , اوعي تكسلي , دي كنز من كنوز العرش , الرسول عليه الصلاة والسلام ........

عليه الصلاة والسلام

قال من استبطأ الرزق فعليه بلا حول ولا قوة إلا بالله . استمري عليها حبيبتي وهتلاقي كل الخير ان شاء الله . كمان الأربع كلمات اللي ربنا سبحانه وتعالى بيحبهم , لازم طبعاً نلتزم بيهم ونتقرب إلى الله بيهم عشان ننال شرف الذكر

ايه هما الكلمات دي يا طنط ؟

سبحان الله والحمدلله ولا إله إلا الله والله أكبر , داومي عليهم 100 مرة في اليوم , وما تنسيش الصلاة على الرسول عليه الصلاة والسلام برضو 100 مرة , والإستغفار يا ريت يكون اكتر من الف مرة , صدقيني كل ده مش هياخد منك ساعة او ساعة ونص بالكتير , شوفي بقى الناس بتضيع قد ايه ساعات في اشياء محرمة على النت وسايبين طريق السعادة الأبدية ده . أي حد يصدك عن الذكر ده أو التقليل من شأنه صدقيني دول مش أكتر من شياطين إنس عايزين الناس كلها زيهم بعيد عن طاعة الله , اتفقنا يارحومة ؟ ههه

اتفقنا يا طنط , يااااااه بجد كلامك مريح جداً , حسيت اني في عالم تاني , ربنا يخليكِ يارب يا طنط منال

ههه الكلام جميل , بس أنا عايزة تنفيذ

هنفذ والله , خلاص , انا هبعد عن ياسر وكمان هغير طريقة لبسي وهقرب من ربنا , لو ربنا كاتبلي اني اتجوز ياسر اكيد هتجوزه , ولو مش كاتبلي تبقى دي إرادته

هه ايوة كدة يا حبيبتي اموووه مافيش اجمل من الرضا , ماشاء الله عليكِ

عن اذنك يا طنط , اسفة اني عطلتلك

بالعكس حبيبتي , انتِ اسعدتيني بزيارتك الجميلة واتمنى يكون لها اثر طيب في نفسك باستمرار , لو عوزتي أي حاجة حبيبتي تعالي , بيتي مفتوحلك في أي وقت

متشكرة يا طنط , السلام عليكم

عليكم السلام يا حبيبتي . ربنا يهديكِ ويثبتك يارحمة  وكل بنات المسلمين اللهم آمين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

دي كنزي صاحبة رحمة , كنززززززي يا كنززززي

هاي ياسر ههه حمدالله ع السلامة

الله يسلمك , اومال رحمة فين ؟

رحمة سابتني وراحت تصلي

تصلي !!! ههه كويس قوووي , طب متشكر , انا هروح استناها

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

رحممممممممة ههه ايه اللي انا شايفه ده ! ماشاء الله حجاب كامل ولبس واسع , انتِ جيتي من العمرة امتى يا حاجة ؟ هههه

ازيك يا ياسر

الله يسلمك , فينك ؟ ما بتسأليش علية ليه ؟ وكمان طلبتك كتير ع الموبايل لقيت الرقم مغلق

انا غيرت الرقم

طب هاتي الجديد

لا يا ياسر

لا !!!!

ياسر ...... انا مش هقابلك تاني ولا هتكلم معاك تاني , كلامنا مع بعض مش هو اللي هيخلينا لبعض وما نفترقش , دي حاجة بإيد ربنا , لو ربنا كاتبلنا نتجوز يبقى هنتجوز , من غير كلام بقى ومقابلات وحاجات تغضب ربنا , لو عايزني ومتمسك بيا ابقى اخطبني من اهلي بعد ما تخلص كليتك , عن اذنك

استني يا رحمممممة , بجد والله اسعدتيني بكلامك ده اوي , مش قادر اقولك كبرتي في نظري قد ايه , أنا على العهد يا رحمة , أول ما اخلص كليتي هخطبك من أهلك إن شاء الله , لإني متمسك بيكِ جداااااً

عن اذنك يا ياسر

اتفضلي يا رحمة ههه ياااااااه , رحمة اتغيرت قوي , بس للأحسن جداااااااااً الحمدلله . مرواااااااان

ياسرررررر هههه حمدالله ع السلامة يا وَحْششششش

ههههه الله يسلمكككككك بالحضن يا مرواااااااان واحشني قوووي

مالك طالع من العملية فرحان كدة !!!

هههه لا انا فرحان عشان حاجة تانية , اصل رحمة اتحجبت

رحمة اتحجبت !!! ما هي محجبة أصلا

وده كان حجاب برضو يا جدع انت !!! ههه ربنا تاب عليها من الجينزات والباديهات والطُرح المأزعرة , بقت تلبس واسع وحجاب طويل وبتصلييييي

ماشاء الله , دي اشهرت اسلامها بقى ههههه

ههههههههههههه حاجة زي كدة , يااااااااه عشان كدة فرحان قوووي واللي مفرحني اكتر انها قالتلي مش عايزة اشوفك تاني

هههههههههههههههههههه دي اتبرت منك بقى

لا , ده تصحيح مسار , كان لازم يحصل كدة من زمان

انت غريب قوي يا ياسر , كنت فاكر ان دي حاجة تزعلك , يعني أي واحد يتمنى يشوف حبيبته كل يوم وما يفترقوش

بالعكس , اللي بيحب حقيقي يبقى عايز يشوف حبيبته احسن بنت في الدنيا , وانا بحب رحمة حب حقيقي , عارف يا مروان , انا لو كنت بلعب بيها كنت قلتلها لا ما تبعديشششش ازاي تسيبينييييي يبقى اكيد انتِ مش بتحبينييييي , اللي بيعمل كدة يبقى ما بيحبش , يبقى عايز يتسلى ويضيع وقت , لكن أنا عايز مصلحة رحمة , وانا دلوقتي هذاكر ليل نهار عشان اتخرج واتقدم لأهل رحمة واخطبها رسمي

ههه لا راجل يا ياسر, راجل صحيح , انت تستحق تكون صاحبي يا ابني هههههه

ههههه لينا الشرف يا جناب الدوق , يلا ع المحاضرررررة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

بت يا رحمة , احنا هناخدوا طبق الهريسة وننزلوا لمدام منال نراضوها بكلمتين

ههه طول عمرك طيب يا جمييييل

كله منك يختي , بنزعلوا الناس بسببكككك , لو بهيرة سألت عليا قليلها عند مدام منال ومش هتتأخر

حاضر يا ماما

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

تررررررررررررررررررررررررررررررررررن

شوف مين ع الباب يا معاذ من فضلك

حاضر يا أمي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

اهلاً طنط اشجان

سلامو عليكو , ازيك يا معاذ

عليكم السلام يا طنط , الحمدلله بخير هه

ان شالله دايما بخير يارب , ماما هنا ؟

ايوة , اتفضلي

شكراً يا معاذ

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

أمي

ايوة يا حبيبي

طنط اشجان مستنياكي في الصالون

اشجان ! مممم , طيب يا حبيبي , انا رايحالها

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

السلام عليكم يا مدام اشجان ههه

عليكم السلام يا مدام منال ههه ازيك يا حبيبتي

الله يسلمك , اتفضلي استريحي

مش قبل ما تاخدي مني طبق الهريسة الاسكندراني ده ههه

ههه متشكرة قوي

دي بقى هريسة اسكندراني بيجيبها معاه ابو رحمة عشان عارفني بنحبوها وبنحبوا نهادوا بيها حبايبي ههه قلنا وربنا لندوقوا مدام منال وعيالها

ههه, متشكرة ليكِ جداً , نورتيني والله

والله ده من ذوقك يا مدام منال , وربنا انا طالعة وخايفة تقابليني وحش , وان حصل يبقى عندك حق

اقابلك وحش ليه بس ! احنا جيران وحبايب و مافيش بينا غير كل خير

طبعاً يا مدام منال , احنا يا حبيبتي مش عارفين نقولوا ايه على اللي حصل مننا , وربنا يختي غصب عننا , احنا بنخافوا على سمعة البت قوي , بنخافوا اهل ابوها يقولوا البت اخلاقها باظت بسببي واني ما عَرَفتش نربي

لا ازاي بقى ! انا عارفة انك ربيتي رحمة كويس ومش بتتهاوني معاها , انا كان قصدي المصلحة والله , رحمة دي زي بنتي مريم

ربنا يخليكِ , دانتِ ما تعلميش الليلة دي عَدَت عليا ازاي , طول الليل نعيط وندعي على روحي نموت ونرتاحوا من المسؤولية اللي انا فيها

لا حول ولا قوة إلا بالله , اوعي تدعي على نفسك تاني يا أم رحمة , ده منهي عنه

الرسول عليه الصلاة والسلام قال

 لا تدعوا على أنفسكم، ولا تدعوا على أولادكم، ولا تدعوا على خدمكُم، ولا تدعوا على أموالكُم، لا تُوافقُوا من اللهِ تعالى ساعة نيْلٍ فيها عطاء فيستجيب لكم

عليه الصلاة والسلام , ما هو الواحد من غُلبُه يختي , ساعات الواحد من الهم بيفيض بيه

يبقى في الوقت ده تستغفري ربنا كتير أو تكثري من قول لا حول ولا قوة إلا بالله , لكن ما تدعيش على نفسك

عندك حق يا مدام منال . بالله عليكِ اوعي تكوني شايلة في قلبك من يمّتي

لا والله ابداً , انتِ اختي يا ام رحمة , والأخوات ما بيزعلوش من بعض

الله يكرمك يارب ويباركلك في ولادك , طب نستأذنوا احنا بقى

لالالا أبداً لازم نشرب حاجة مع بعض الأول , تحبي تشربي ايه ؟

ههه نشربوا شيّ

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

آيااااات اتأخرتي لييييييه ! مدير الشركة الجديد جه واجتمع بكل المهندسين وحضرتك لسة ما وصلتيش

والله ! اصل راحت عليا نومة غصب عني يا رضوى والله

لالالا خلي بالك , المدير الجديد شكله جد جدااااا يعني راح زمن الدلع اللي اتدلعناه مع الدكتور طلعت هههه

يا ستي وانا كمان جد واحب الناس الجددددد

ههههه ايوة واضح , بدليل انك جاية متأخرة في اول يوم ليه معانا ! هههه ونعم الجدية يا باشمهندسة

ههه بس يا بنت انتِ بقى , يا بنتي أنا اللي خلاني راحت عليا نومة هو سهري على الماكيت الرائع ده لحد ما خلصته , هروح ارحب بيه ووريله الماكيت وابهره بيه واخليه ينسى اني اتأخرت ههه عن اذنك  ممممم اه صحيححححح هو اسمه ايه ؟

مهندس خالد عبد المقصود

اوكيه , عن اذنك بقى يا رضووووووى

اتفضلي يا ستي , النيسكافيه بتاعي يا حسسسسسن

حاضر يا باشمهندسة رضوى

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

تن تن

ادخل

السلام عليكم يا باشمهندس خالد , أنا المهندسة آيات

عليكم السلام ورحمة الله , اهلا يا باشمهندسة , اعتقد ما شوفتكيش النهاردة مع السادة المهندسين

اسفة والله يا باشمهندس , اتأخرت لظروف خارجة عن ارادتي , لكن إن شاء الله مش هيحصل تاني

اتمنى

اتفضل يا فندم الماكيت ده , أنا سهرت طووول الليل لحد ما خلصته , ومتأكدة انه هيعجب حضرتك وهتلاقي فيه ابتكار جديد

وريني

اتفضل يا باشمهندس

مممممم عظيم جدا , حقيقي فيه ابتكار واضح لحاجة ما شوفتهاش قبل كدة في حياتي

ههه ميرسي قوي , بس هي ايه الحاجة دي ؟

حضرتك عاملة ماكيت لعمارة مالهاش باب للدخول , يا ترى ممكن اعرف السكان  هيستخدموا براشوتات للهبوط على سطح العمارة ولا نعمل اسانسير خارجي وكل واحد يدخل من بلكونته ؟

يا خبر ! احم احممممم أأأأ والله يا باشمهندس أنا بذلت فيه مجهود خرافي لكن حكاية الباب ده راحت عن بالي خالص , أنا هظبط الماكيت واجيبه لحضرتك بكرة إن شاء الله ممممم عن اذنك

اتفضلي , هه والله العظيم حاجة غريبة , لا وواثقة من نفسها قوي ههههههههههههههههههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

اووووووووف هاتلي لمون يا حسن عشان يضيع اثار الكبسة اللي اتكبستها دددددي

حاضر يا باشمهندسة آيات

هههه ايه يا آيات في ايه ! اراكِ عودتي بغير الوجه اللي ذهبتي بيه هههههه

بس يا رضوى انت كمان الله يخليكِ عشان أنا اتحطيت في موقف وحش قوي

ليه بس كدة ! هو الماكيت ما عجبش الباشمهندس خالد ولا ايه ؟

ما قالش رأيه , هو اتصصدم لما ما لقاش باب لدخول العمارة واداني كلمتين تهزئ من تحت لتحت محترمين

هههههههههههههههه يا عيني , ليكِ حق تطلبي لمون , يا بنتي عمرك شوفتي ماكيت لعمارة من غير باب للدخول برضو !!!!!!

يووووو يا رضوى , أنا كان كل تركيزي على البلكونات والشبابيك والشكل العام للعمارة , طب بصي كدة , بالله عليكِ مش كلها ابتكارات وافكار جديدة ؟

ايوة طبعا , وخصوصا ان مافهاش باب للدخوووول هههههههههههههه

طيب يا رضوى , اتريئي قوي , ادي جزاء اللي يشتغل بإخلاص

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

راااااااااااامي انت مرووووووووح

اومال هبات في الكلية يا كونتيسة روتي !!!

طب خدني وصلني في سكتك عشان عربيتي الرزلة دي عطلتتتتتتتتتت

ههههههههههههه هي لحقت ! مش دي عربيتك الجديدة ؟

ايوة هي , بس اصل من ساعة ما اتخبطت مني في حيطة واتصلحت وهي اخر استهبال

ههههههه ابقي خلي باباكِ يجيبلك غيرها , اركبي

اوكيه , ثانك يو رامي

******

اخبارك ايه يا روتي

اخباري كيوت ولذيذة هههه شغّلّي ميوزيك عشان مش بحب الملل

كنت لسة هشغل ميوزيك من غير ما تقولي

واوووووووو الاغنية دي تجنننننن انت مش هتعمل اعلانات تاني يا رامي ؟

هههه انتِ لسة فاكرة ! لا طبعا مش هعمل , داد نهالي الموضوع خالص , قالي انت مش بتاع شغل

اومال انت بتاع ايه ؟

هههههه بتاع جواز وقعدة في البيت

ههههههههه تتجوز ! متهيألي انت عمرك ما تتجوز يا رامي

ليه يعني ! لو لقيت واحدة دماغها ضاربة زيي مستعد اتجوزها حالا , تتجوزيني يا روتي ؟

هههههههههههه اتجوزك ! يعني مأذون وشهود وفرح والجو القديم ده ؟

هههههههه هو الجواز اتغير ولا ايه الايام دي ؟

طبعا اتغيرررر, انا عن نفسي عمري ما افكر اتجوز غير عرفي

ايييييييييييه ! بتتكلمي جد ؟

ايوة طبعا , اومال بهزر !

غريبة قوي , البنت هي اللي بتطلب الجواز العرفي مش الولد !!!!!! انا اعرف يعني لما ولد يكون عايز يضحك على بنت يقوم يطلب منها تتجوزه عرفي عشان ياخد مزاجه وبعدين يخلع

هههههههه ايه يا ابني جو افلام التلاتينات ده !!!!!! شوف يا رامي انا هقولك , الجواز العرفي ده قمة التحرر من قيود الجواز العادي الممل الرزززززززل

يعني ايه مش فاهم

افهمك يا صديقي الجميل ههه دلوقتي انا لما شاب يعجبني وعايزه اتجوزه اقوم اتجوزه عرفي , نقضي وقت لطيف وظريف ولما نزهق من بعض خلااااااص نقطع الورقة ونرجع اصحاب واشوف واحد تاني الذ منه بكتير واتجوزززززه ,لكن بقى لو اتجوزت الجواز التقليدي يبقى بحكم على نفسي بالإعدام , راجل واحد وبس وعيال وحياة مملة وخنققققققققة

ههههههههه والله دماغك ضاربة ولاسعة  يا روتي

ههههههههههه مافيش احلى من اللسعاااااااان , اركن على جنب فيلتنا اهيه

ماشي يا جميل

ميرسي يا رامي , ما تطلع معايا تسلم على بابا وماما

لا معلش , خليها مرة تانية اكون جايب بطيخة هههه

ههههههههههههههه باي رامي

باي يا محنونة , بت دماغها متركبة شمال ههههه بس لذيذة بنت الإيه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

تن تن باشمهندس خالد , ممكن ادخل

اتفضلي , ممممم باشمهندسة آيات على ما اتذكر ؟

ايوة هه  ...أنا جيبت لحضرتك الماكيت بعد ما عدّلته , اتفضل

ممممم ممتاز هه كدة اقدر اقولك رأيي في الماكيت , فعلا تصميم مبتكر وجميل جدا

متشكرة قوي لحضرتك يا باشمهندس خالد

بتشكريني على ايه ! أنا قلت الحقيقة , تقدري تتفضلي

عن اذن حضرتك

اتفضلي مممممم اتصل بمهندس  الديكور عشان اشوف هيبدأ الشغل في الشقة امتى

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

يعني خلاص يا خالد وضبت الشقة وفرشتها يا ابني ؟

ايوة يا ست الكل , الشقة بقت زي القصر ومستني جلالة الملكة اللي هي حضرتك عشان تشرفه هههه

أنا جلالة الملكة !!! هههه أنا جليلة الغلبانة يا ابني , جلالة الملكة بقى هي عروستك الحلوة ان شاء الله

مافيش أي واحدة هتدخل الشقة دي قبلك يا امييييييي اعملي حسابك بقى بكرة ان شاء الله على  ما نرجع  من الشركة نلاقوكِ لميتي كل هدومك  عشان هناخدوكِ  بالعربية ونطلعوا على شقتي وتعيشي معايا هناك على طووووول

ايه !!!! ايه اللي بتقوله ده يا خالد ! نسيبوا بيتي ونروحوا فين يا ابني !!!!

يا امي كفاية قوي السنين الطويلة اللي قضيتيها في البيت البسيط ده , اني عايز ناخدك مكان احسن ويليق بيكِ

البيت البسيط ده يا خالد عندي احسن من الف قصر , احنا ما بنرتاحوش إلا هنا يا ابني

يا امي بالله عليكِ بلاش تتعبيني معاكِ , انا  عملتلك اوضة خاصة بيكِ هناك وفرشتهالك احسن فرش , وهشترط على اللي هنتجوزها  انك هتعيشي معايا وفوق راسي طول العمر

كتر خيرك يا ابني , اني عارفة غلاوتي في قلبك شكلها ايه يا خالد , صدقني يا ابني اني لو عيشت معاك لا اني هنرتاح ولا مراتك هترتاح

يا امي ازاي تقولي كدددددة ! اني مش هنتجوز أي واحدة وخلاص , لازم تكون طيبة وبنت اصول وتعرف يعني ايه أم ضحت طول حياتها وشقت عشان تربي ولادها بعد ابوهم ما مااااات , لازم تكون عارفة يعني ايه ابن مديون لامه بنجاحه اللي حققه ومكانته بين الناس اللي لولا امه ما كانش وصل لاي حاجة من دي , امي عشان خاطري سيبيني اردلك جزء بسيط من جمايلك , ارجووووووكِ

طب بس ما تزعلش نفسك يا ولا يا باشمهندس , شوف اني هنريحك , نيجي نقعد عندك كام يوم وترجعني هنا تاني , وكل فترة تيجي تاخدني كام يوم وترجعني بيتي تاااااني , زي ما بنعملوا مع هيام اختك

يا امي انتِ كدة بتهدي كل التخطيط اللي خططته , اني  كانت نيتي ناخدك  من هنا وتعيشي معايا هناك على طول

ههه لا يا سيدي , اني ما نستغناش عن بيتي وعن جيراني , اني نسيب ام حسن !!!! نسيب جارتي وعشرة عمري ! وام ماجدة وام اشرف وكل حبايبي وجيرااااااني , الله الغنى يا ابني , لو انت عايزني ابقى تعالى اقعد معايا ليلة ولا اتنين , ولا خلاص يا باشمهندس نِفسك كَبَرت على البيت اللي اتربيت فيها والحارة اللي طَلَعت منها ؟

اني  !!!! لا والله يا امي , مش كِبِر ابداااا , كل الحكاية اني عايزك نريحك

واني راحتي هنا , وقلنالك عشان ما نزعلكش هنبقوا نروحوا عندك من وقت للتاني , خلي القصر لصاحبته اللي هتنوره عن قريب إن شاء الله ... ألا قولي يا خالد , ما شوفتش كدة مهندسة بنت حلال من اللي بيشتغلوا معاك تكون مش مخطوبة ونخطبوهالك ؟

ههه والله يا امي في اكتر من مهندسة ,وما اعرفش عن حالتهم الاجتماعية أي حاجة , لان اللي بيربطني بيهم الشغل وبس

يا ابني بقالك زيادة عن شهر هنا ولسة ما لقيتش بنت الحلال !

ههه يعني هو الشهر يامَا يا امي ؟

ايوة الشهر يامَا , ويامَا قوي كمان , عايزين نفرحوا بيك يا خاااااالد , كفاية كدة بقى يا ابني

دعواتك يا ست الكل , ياااااه الساعة عدت اتناشر يا امي , الكلام معاكِ وقعدتك الحلوة بتخلي الواحد ينسى نفسه , واني عندي شغل الصبح ههه

ههه نام يا حبيبي , تصبح على كل خير يا ابني

وانتِ من اهله يا امي , اعملي حسابك هتروحي معايا الشقة بكرة وتباتي كمااااااان

من هنا لبكرة ربك يسهل يا ابني

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

اركبي يا امي

ماشاء الله , عربيتك يا خالد ؟

ايوة يا ست الكل , ايه رأيك؟

بسم الله ماشاء الله ههه حلوة قوي يا خالد ,ربنا يباركلك فيها يا حبيبي ويكفيك شرها آمين يارب

يارب يا أمي , اتفضلي يا حبيبتي اركبي

بسم الله الرحمن الرحيم

بسم الله توكلنا على الله

اسمع يا ولا يا باشمهندس , زي ما اتفقت معاك , ترجعني شقتي بكرة ان شاء الله

ايّووووووه يا امي , طب شوفي شقتي الاول يمكن تعجبك وتدخل مزاجك وتقولي مش راجعة السيالة تاني هههه

بس يا ولا , ليه يعني , هتطلع شقتك احلى من شقة البت هيام !!! رغم شقة هيام وحلاوة عفشها  لكن برضو ما بنرتاحوش  غير على الكراكيب بتوعي هههه

هههههههههههههههههه نعملولك ايه يا ام خالد ! غاوية كراكيب ومش عايزة تعيشي على عفش غالي

يا ابني بلا غالي بلا رخيص , اهي كلها عيشة واخرتها معروفة , ربنا يحسن ختامنا يا حبيبي

ربنا يديكِ الصحة ويخليكِ لينا يا امي , استني هنوقفوا العربية عند محل الأيس كريم ده ونجيبوا اتنين ونجولك

يا ابني تعالى بلا ايس كريم , هو اني عيلة ؟

ههههههههههههه يعني هما العيال بس اللي ياكلوا ايس كريم يا ام خالد ؟

لا , والكبار كمان , احمد جوز اختك يامَا جابلنا من المحل ده ,ويامَا فسحني هو والبت هيام , ال مرة خدوني الملاهي ال , وهو وهيام رَكَبوا المراجيح , ورَكَبوا والعربيات اللي بتخبط في بعض , ويخبطوا في بعض ويضحكوا هههه اني  قلت الجماعة دول اتهبلوا على كبر هههه

هههههههههههههههههههههه والله يا امي كل واحد فينا جواه طفل صغير ومحتاج يلعب ويتشاقي ويطلع كل الطاقة اللي عنده

يا خويا اتجوز وابقى العب براحتك مع عروستك , ان شالله تجروا في الشارع ورا بعض ماحدش له عندكو حاجة ههه

هههه طب عن اذنك يا امي هنجيبوا الايس كريم ونيجوا

روح يا حبيبي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ايه ده !!! دكتور طلعت ومعاه المهندسة آيات في العربية !!!!! معقول !!!!

***