الحلقة الثانية والثلاثين(ف2)

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ايه ده !!! دكتور طلعت ومعاه المهندسة آيات في العربية !!!!! معقول !!!!

***

يلا بقى انزل هاتلي ايس كريمممممم ,يلا بقىىىىىىىى ماليش دعووووووة

هههههه ماشي يا آيات ,  كل ما نخرج مع بعض لازم تغرميني كدة ,راجعلك.... ايه ده !!! خالد !!!!!

................... ازيك يا دكتور طلعت

اهلا يا خالد , على فين كدة ؟

ابدا , ركنت العربية عشان نجيب ايس كريم ليا ولأمي

أنا كمان برضو رايح اجيب لآيات

مممم آيات !!!

هههههههههه ايه يا ولد النظرات الغريبة دي !!! أهااااا مستغرب عشان آيات معايا في العربية, مش كدة ؟

.................... حضرتك حر في تصرفاتك يا دكتور ..... بس اعتتقد ان سنها مش مناسب خالص لحضرتك

هههههههههههههههههههههههههههههههههههههههه تصور يا خالد , دي اظرف نكتة سمعتها من فترة طويلة , آياااااااات

نعم يا عمووووو

عمو !!!

تعالي يا حبيبتي سلمي على الباشمهندس خالد

السلام عليكم , ازي حضرتك يا باشمهندس خالد

عليكم السلام يا باشمهندسة , أنا تمام الحمدلله .... وانتِ ؟

هه الحمدلله

دي آيات بنت اخويا مرتضى الله يرحمه , اتخرجت يا سيدي السنة دي من كلية الهندسة , وكنت متفق معاها ان بمجرد ما تتخرج تسيب القاهرة هي ووالدتها وتيجي تعيش في اسكندرية وتشتغل معايا في الشركة

والله ! هه اول مرة نعرف  الحكاية دي ,اهلا وسهلا يا باشمهندسة

اهلا بحضرتك يا باشمهندس خالد , فرصة سعيدة

أنا أسعد يا باشمهندسة , اسمحولي بقى أنا اللي هنعزمكو على الأيس كريم

مافيش داعي يا خالد يا ابني

من فضلك يا دكتور طلعت دي حاجة بسيطة وياريت تقبلوها

خلاص يا سيدي , عن نفسي بحب الأيس كريم الشيكولاتة مع الفانيليا

والباشمهندسة ؟

زي عمو

حاضر , عن اذنكو

اتفضل يا ابني , مصادفة جميلة جدا يا آيات اننا نقابل خالد , تخيلي كان فاكرك خطيبتي ؟ ههه

ههههههه معقول يا عمو !!!! يعني حضرتك لو فكرت تتجوز هتتجوز واحدة في سني برضو !

يا سلام ! واصغر منك كمان , هو أنا عجرت ولا ايه يا بنت !

هههههههه العفو يا عمو , انت لسة صغيور خاااالص , تحب اجيبلك عروسة من صاحباتي ؟

بس يا بنت , أنا قلتها كلمة من زمان , عمري ما هتجوز بعد مراتي الله يرحمها

الله يرحمها يا عمو

*****

الله ! هما مين الجماعة اللي كان واقف معاهم خالد دول !!! ده كمان جايبلهم جيلاتي وبيدهولهم

****

اتفضل يا دكتور طلعت

ادي آيات الأول , ليدس فيرست يا باشمهندس , ما تخلهاش تاخد عننا فكرة غلط ههه

ههه اتفضلي يا باشمهندسة

ميرسي هه

العفو , اتفضل يا دكتور

اشكرك

عن اذنكو عشان اتأخرت على والدتي

استنى يا خالد , هروح اسلم على الست والدتك

لينا الشرف يا دكتور

هي مامتك دي اللي في العربية يا باشمهندس خالد صحيح ؟

ايوة

طيب عن اذنك هروح اسلم عليها أنا كمان

ده من ذوقك , اتفضلي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

السلام عليكم يا حاجة أم خالد

عليكم السلام ورحمة الله

أنا الدكتور طلعت محمود

صحيح !! ههه يا الف اهلا وسهلا يا دكتور , واجب بقى ننزلوا من العربية

لا والله يا حاااااجة , خليكِ مرتاحة , أنا حبيت اسلم على حضرتك , دي الباشمهندسة آيات بنت اخويا

بسم الله ماشاء الله

ههه ازي حضرتك يا طنط , أنا سعيدة جدا ان شوفت حضرتك النهاردة

يا حبيبتي ! ههه الله يحفظك يا بنتي , أنا اللي فرحت يامَا لما شوفتك يا باشمهندسة

ميرسي يا طنط , احنا  ساكنين قريب من هنا , ما تيجي عندنا شوية , ماما لطيفة قوي وهتحبيها

ههه ان شالله يخليكِ يا حبيبتي , سلميلنا على ماما , نيجو  نزوروكو في الفْرح  إن شاء الله

ميرسي , عن اذن حضرتك يا طنط هه

مع السلامة يا حبيبتي , ماشاء الله بت زي فلقة القمر الله أكبر

طيب يا خالد نستأذن احنا بقى عشان ما نعطلكوش اكتر من كدة , يلا يا آيات , السلام عليكم

عليكم السلام ورحمة الله يا دكتور , بسم الله توكلنا على الله

ايه يا ولا يا خالد البت الباشمهندسة الحلوة دي ؟ ههه وكمان بنت اخو الدكتور طلعت !!!

والله يا امي أنا اتفاجئت بالقرابة دي , ما كنتش نعرف

طيب نروح البيت بقى ونتكلم على رواقة يا ولا يا باشمهندس

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ايه رأيك في الشقة بعد ما اتوضبت واتفرشت بقى يا ام خالد ؟

ماشاء الله لا قوة إلا بالله , حلوة قوي يا خاااااااالد , ده الفرش احلى من فرش البت هيام بياما ههه ماشاء الله , ربنا يباركلك فيها وتنورها عروستك عن قررررررريب , اقعد بقى احكيلي ايه حكاية المهندسة آيات دي بقى

هه لا حكاية ولا رواية يا ام خالد , دي تبقى بنت اخو دكتور طلعت

الله ! انت مش قلت يا ابني ان مالوش اخوات عايشين في اسكندرية ؟

ايوة يا امي , ما هي كانت عايشة في القاهرة , فاكرة لما كلمتك عن اخو الدكتور طلعت اللي مات وساب بنت صغيرة عايشة مع والدتها , ووالدتها رفضت الجواز عشان تكرس عمرها كله ليها وتربيها ؟

ايوة ايوة ايوة , أنا كدة افتكرت , بقى هي دي بقى !!! ماشاء الله , ونعم التربية ونعم الناس والله , أنا حبيت امها من غير ما نشوفوها من ساعة ما سَمَعت عنها زمان , شوف ازاي السنين لفت ودارت والبت الصغيرة كَبَرت وبقت مهندسة زي القمر !!! ..... بنقولولك ايه يا ولا يا خالد , ما تخطبها يا حبيبي

ايييييييه ! ما ينفعش يا امي , دي اصغر مني بيامَاااااااا

ولا اصغر بياما ولا حااااااجة , بينك وبينها كام سنة يتعدوا ع الصوابع

هههههههه يا امي دانا اكبر منها يجي بحداشر سننننننننة , دانا لما كنت خاطب ............... بنت عم حامد , كانت آيات دي عيلة صغيرة في اولى اعدادي

وماله , واهي كَبَرت وبقت عروسة ملو العين , وانت زين الشباب يا خالد

هههه زين الشباب في نظرك بس يا ام خالد

ايّووووووووه في نظري وفي نظر الدنيا بحالهاااااااا , واللي مش شايف يبقى يحط قطرة في عينه

ههههههههههه تسلميلي يا ام خالد ..... أنا بقى مجهز في التلاجة شوية معلبات كدة وهنتعشوا عشا خفيف وبعدين نشربوا كوبايتن شيّ من ايديك الحلوة واحنا بنتفرجوا ع التلفزيون , وتبقى دي المتعة اللي ما بعدها متعة يا جمييييييييل ههه

شوف الولا بيغير الموضوع ازاي ! طب والله لنسلط عليك هيام واحمد يشوفولك صرفة يا ولا انتتتتتتت

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

عارفة امبارح قابلنا مين انا وعمو يا رضوى ؟

مين يا آيات ؟

ههه الباشمهندس خالد ومامته

ودول قابلتوهم فين ؟

واحنا بنجيب ايس كريم انا وعمو , هو كمان كان بيجيب ايس كريم ومامته كانت مستنياه في العربية

أها ههه لقاء ايس كريم مميز , ما جبتوليش معاكو ليه ؟ هههه

ههه المرة الجاية ممممم بس على فكرة مامته طيبة جدااااا , ما تتصوريش قد ايه ست مريحة قوي وتدخل القلب بسرعة

ممممم والباشمهندس ؟

ها !!!!! ماله ؟

ههه ماملوش , كفاية عليكِ مامته

طيب يا ستي , مع اني حاسة ان في ريحة خبث في كلامك , لكن هاخده على محمل حسن ههه عن اذنك رايحة مكتب باشمهندس خالد عشان اقوله تطورات الشغل اللي سلمهولي

روحي يا باشمهندسة , ربنا يوفقك , ال مامته ال ههههههههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

السلام عليكم يا باشمهندس خالد

اهلا عليكم السلام يا باشمهندسة ,اتفضلي

متشكرة قوي يا باشمهندس , كنت جاية اتكلم مع حضرتك في نقاط معينة خاصة بالمول اللي بتشرف على بنائه شركتنا

سيبك من المول دلوقتي عشان انا ليا عتاب عندك

عتاب !!! خير يا باشمهندس ؟

بقى معقول يا باشمهندسة تبقي صاحبة الشركة وما تقوليليش وتاخدي أوامرك مني !

هو انا عشان صاحبة الشركة اتجاوز حدودي مع باشمهندس كبير وخبراته مشهود بيها زي حضرتك !!!! حضرتك في الأول والآخير رئيسي وانا مجرد مهندسة ناشئة بستفيد من خبرات حضرتك وبنتظر توجيهاتك عشان أكون افضل

هه احييك على تواضعك

مش تواضع يا باشمهندس , رحم الله إمرءٍ عرف قدر نفسه , وانا عارفة إنّي مجرد تلميذة , كون ان عمو يبقى صاحب الشركة فده ما يدنيش أي ميزة

ممم هه ...ممكن نتكلم في الشغل

تحت أمرك , انا كنت بقول إنّي عايزة اعمل تغيير في ..................

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

انا هتتصل بالبت هيام تشوفلها صرفة مع الولا اخوها ده

ترررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررن

ههه الو السلام عليكم يا ماما يا حبيبتي

عليكم السلام ورحمة الله وبركاته يا هيام , عاملة ايه وازي احمد ؟

احنا الحمدلله بخير يا ماما , انتِ عند خالد ؟

ايوة يختي عند الباشمهندس اللي تاعب قلبي , دانا متصلة نشتكيلك منه

معقوووول ! ههه تشتكي من خالد يا ماما ! طب ده حبيبك

ما هو عشان حبيبي وخايفة على مصلحته متصلة بيكِ دلوقتي عشان تكلميه انتِ واحمد في موضوع الباشمهندسة آيات

ومين بقى الباشمهندسة آيات دي ؟

دي بت زي العسل ههه مهندسة وياه في الشركة وتبقى ايه كمان بنت اخو الدكتور طلعتتتتتت

وانتِ شوفتيها فين يا ماما ؟

امبارح يا بت يا هيام , شوفناها عند محل الجيلاتي اللي خالد ودانا عنده بالعربية ,كانت هي وعمها , بت زي القمر الله اكبر , وادب واخلاق وذوق مافيش بعد كدة , جت لحد عندي سلمت عليا وانا في العربية , بصراحة البت كويسة قوي وانا مستخسراها تضيع من ايدينا

طب وهو خالد رافضها ليه ؟

بيقول ال ايه اصغر مني بيااااااما , زي ما يكون راجل عنده سبعين سنة وراحت عليه

هههه ليه يعني , هي عندها كام سنة ؟

مش عارفة , بس هي يعني بتاعة اتنين وعشرين تلاتة وعشرين سنة كدة

أنا شايفاها مناسبة يا ماما , مش اصغر منه بياما ولا حاجة , الكلام ده لو عندها اربعتاشر ولا خمستاشر , لكن دي ماشاء الله متخرجة من الجامعة وبتشتغل

انتِ بتقوليلي أنا الكلام ده !!! قولي لخووووووكِ

خلاص يا ماما , هنخلوا احمد يعزمه يوم الجمعة الجاية ونتكلموا معاه في الموضوع على رواقة

يا رايقة يختي انتِ وجوزك !!!!! لا يختي وفري العزومة يا ام قلب بارد , احنا بقى هنتصرفوا بمعرفتنا ونحطوا الجمل قدام الجمّااااااال

هههه هتعملي ايه يا ماماااااا ؟

هنلبسوا دلوقتي ونرحولها البيت

وانتِ معاكِ عنوانها ؟

لا صحيح ده مش معايا ممممم مش مهم , هنعدوا ع الشركة وناخدوا عنوانها من هناك

طب ولو قابلتي خااااااالد ؟

زمانه مَشَى من الشركة , قالي انه النهاردة هيعدي على كام موقع وعنده شغل يامَا برا الشركة , سلام يا هيام

طيب لما ترجعي قوليلي عملتي ايه يا مامااااااا ههه يا عيني يا ماما يا حبيبتي , نفسها تفرح بخالد بأسرع وقت , ربنا يكتبلك الخير يا خالد يا خويا ......ويعوضك عن اللي راح والظلم اللي اتظلمته

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

لو سمحت الأستاذ احمد جوا ؟

ايوة , مين حضرتك ؟

خالد

طيب هنبلغوه

***********

استاذ احمد , واحد عايزك اسمه خالد

خااااااالد هههههه خليه يدخل بسرعة يا ضيااااااا

حاضر , اتفضل يا استاذ

متشكر , السلام عليكم يا ابو حميد ههههه

هههه اهلا يا خاااااااالد , ايه المفاجأة الحلوة ددددي ! اتفضل اقعد

متشكر يا سيدي

تشرب ايه يا خلود ؟

لا ولا أي حاجة , أنا جيت ع السريع كدة عشان نحكيلك عن حاجة مش عارف ناخد فيها قرار ولازم نمشي على طول عشان عندي شغل يامَا

خير يا خالد ؟

مممممم بصراحة كدة , في واحدة ........

حلووووووو ههههههه طالما في واحدة يبقى هنسمعوا خبر حلوووووو

يا عم استنى لما نحكوووووولك

ههه احكي يا سيدي واشجيني

بصراحة يا احمد في مهندسة اسمها آيات , وهي في الحقيقة انسانة هايلة جدا , من اول مرة شوفتها وانا معجب بشخصيتها واعجبت بيها اكتر لما اكتشفت انها تبقى بنت اخو الدكتور طلعت ومع ذلك ما قالتش الكلام ده عشان ما تاخدش أي ميزة زيادة عن زمايلها , انا عرفت بالصدفة ان الدكتور طلعت يبقى عمها , ولما قولتيلها ازي تبقي صاحبة الشركة وتاخدي أوامرك مني , قالتلي انت رئيسي ومهندس ممتاز وانا بستفيد من خبراتك ويسعدني اني اكون تلميذتك هه

ههههههه يا سيدي يا سيدي على غرام المهندسين , تحس كلام زي الصخر اللي يخبط في وش الواحد ههههههههههههه

هههههههههههههه كدة ! أنا غلطان اني بنحكيلك يا جدع انتتتتتت

هههههههههه لا وربنا بنهزر معاك , اصل باين عليها عاقلة ورزينة

جداااااا جدا يا احمد , ومش زي بنات اليومين دول خااااااالص , لبسها حشم ومحترم ولا فيه احمر ولا ابيض في وشها زي عرايس المولد ههههه..... باين عليها متدينة

الله ! طب اومال ايه اللي محيرك ومخليك مش عارف تاخد قرار ؟

بصراحة في سببين دلوقتي , الأول كان سبب واحد , اللي هو انها اصغر مني بياما , اصل هي عندها حوالي تلاتة وعشرين سنة

يا عم اصغر بيامّا ايه ! هو انت عندك 100 سنة !!!!! الفرق اللي بينكو حوالي حداشر سنة 

مممممم انت شايف كدة ؟

ايوة شايف كدة , لكن ايه السبب التاني ؟

يعني , السبب التاني ظهر بعد ما عَرَفت انها بنت اخو الدكتور طلعت , وانت عارف انه صاحب الشركة وراجل غني , وده وريثته الوحيدة , أنا خايف لو اتقدمتلها يفتكروني يعني طمعان ولا حاجة

انت يا خاااااالد ! انت تطمع !!!! اظن الدكتور طلعت عارفك كويس وعارف أخلاقك الممتازة وان مش انت الراجل اللي يتقدم لواحدة عشان طمعان في مال أهلها

طب افرض ان الدكتور طلعت وافق لانه بيحبني , لكن هي رفضت عشان مش أنا اللي في خيالها ؟

يا سيدي كل شيء قسمة ونصيب , اتقدم للدكتور طلعت وهو يعرض عليها الموضوع وشوف ردها ايه

ممممم بنقول نسألها هي يعني بدل ما نحرج نفسي مع الدكتور طلعت

خلاص يا سيدي , اللي انت شايفه صح اعمله , المهم تاخد خطوة وما تفضلش واقف مكااااااااانك

خلاص يا احمد , أنا بكرة في الشركة هنكلموها في الموضوع

على خيرة الله , استنى بقى نطلب حاجة نشربوها سوا

يا اخي بنقولك مش فااااااضي هههه انا ماشي , السلام عليكم

عليكم السلام يا خاااااالد , ابقى طمنني عملت ايييييييييه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

مش ممكن يا ماما , الباشمهندس خالد ده بصراحة انسان ممتاز جداااا , الكل بيحبه وبيحترمه من اول يوم جه فيه الشركة , بيعامل كل الناس بأدب وبذوق وعمره ما زعق في وش حد حتى اللي بيغلط مننا

هه طيب هايل والله , جميل جدا لما يكون الرئيس قريب من مرؤوسينه ويكون فيه احترام متبادل

وكمان يا ماما ما تتصوريش حريص على وقت الصلاة قد ايه , مرة كنا في اجتماع وبمجرد ما آذان الضهر أذّن قطع الإجتماع وقال عن اذنكو هنزل المسجد اصلي الضهر ويا ريت السادة المهندسين الرجال يجوا معايا ههه احرجهم , اصل في منهم مش بيصلوا خالص

ماشاء الله ههه واضح انه انسان متدين

جدا يا ماماااااا , ده عنيه ما بتترفعش على واحدة فينا , بيتكلم وهو وشه في الأرض

مممممم مش شايفة ان من ساعة ما جيتي ما بطلتيش كلام عن المهندس خالد يا آيات !

هاااا ! اناااا !!! مممم ابدا يا ماما , انسان لفت نظري بأخلاقياته فكلمتك عنه يعني

هه ماشي يا ستي , خالتك مجيدة اتصلت وبتقولي آيات وحشتني جدا وخليها تكلمني

حبيبتي خالتوووووو ههه والله وحشتني قوووي , هي مش هتيجي تقضي معانا يومين في اسكندرية ؟

بتقول هتيجي , زني انتِ بقى عليها لحد ما توافق ههه

طبعااااااا هههه هتصل بيها بعد ما اكوي هدومي

ترررررررررررررررررررررررررررررررررررررن

طب روحي شوفي مين ع الباب الأول

حاضر يا ماما

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ايه ده ! ....هو مش حضرتك مامت باشمهندس خالد ؟

ههه ايوة انا , السلام عليكم يا باشمهندسة

عليكم السلام يا طنط ... اهلا وسهلا , أأاتفضلي

يزيد فضلك يا حبيبتي , معلش بقى جيت من غير معاد

حضرتك شرفتينا .. لكن عرفتي العنوان ازاي ؟

مش بيقولوا اللي يسأل ما يتوهش ! أنا روحت الشركة وخدت عنوانك من هناك

أها هه اتفضلي يا طنط

طبعا عمالة تقولي في نفسك ايه اللي جاب الست دي من غير معاد عندنا وعايزة مننا ايه ! هههههه

ههه لالالا والله , انا مبسوطة خالص ان حضرتك شرفتينا , انا وماما تقريبا مالناش معارف في اسكندرية , وبنتمنى يكون لنا أهل هنا

انتو نورتوا اسكندرية يا حبيبتي , وكلنا هنا أهلكو

متشكرة قوي يا طنط

مين اللي جه برا يا آيااااااااات ؟

دي ممممممم  طب لحظة واحدة يا طنط هبلغ ماما ان حضرتك شرفتينا

طيب يا حبيبتي اتفضلي , البت يا عيني متاخدة ومستغربة ومش عارفة تقول ايه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ماما يا مامااااااا

ايه يا حبيبتي

عارفة مين جه برا ؟

ما انا بسألك وما ردتيش عليا

ههه دي مامت باشمهندس خالد

ايه !!!..... غريبة قوي , وهي عرفت عنواننا منين ؟

اخدته من الشركة

مممم ليه ؟

مش عارفة يا ماما

ايوة بس اصلها حاجة غريبة , ازاي واحدة لا شوفناها ولا نعرفها وتيجي تزورنا !

انا شوفتها يا ماما

امتى ؟

لما كنت مع عمو امبارح بنتفسح , كانت هي مع الباشمهندس خالد في عربيته وسلمت عليها , ما تخيلتش اني افتح الباب النهاردة الاقيها قدامي,أنا استغربت قوي  

مممممم طيب , انا رايحة اقابلها وانتِ تعالي معايا عشان تشوفيها تشرب ايه

حاضر يا ماما

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

السلام عليكم ورحمة الله

ههه عليكم السلام ورحمة الله , اكيد حضرتك مامت الباشمهندسة آيات

هه ايوة , اهلا وسهلا يا فندم , شرفتينا , اتفضلي استريحي

يريح قلبك يا حبيبتي هه

شوفي طنط تشرب ايه يا آيات

حضرتك تشربي ايه يا طنط

أي حاجة من ايدك الحلوة يا حبيبتي هه

هه حاضر , هجيب لحضرتك عصير , عن اذنك

اتفضلي يا حبيبتي

اهلا وسهلا بحضرتك يا فندم

اهلا بيكِ , أنا نبقى ام الباشمهندس خالد , مدير الشركة بتاعة الباشمهندس طلعت الله يديله الصحة

آيات قالتلي , اهلا بيكِ , انا اسمي سناء

عاشت الاسامي يا مدام سناء , بصراحة بقى عشان ما نسبوكوش  محتارين اكتر من كدة , انا جاية نخطب بنتك الباشمهندسة آيات لابني الباشمهندس خالد

هه مممم في الحقيقة حضرتك فاجئتيني ..... طيب هو ليه الباشمهندس ما حددش معاد وجه مع حضرتك ؟ , حتى كان يبقى الكلام قدام عمها , لان في الحقيقة عمها هو المسؤول عنها بعد وفاة باباها

الله يرحمه , تعيشي وتفتكري يا مدام سناء , أنا بصراحة جاية نشوف رأيك ورأي الباشمهندسة في الأول , ولو لقيتكو مرحبين اكيد طبعا الباشمهندس خالد هيجي يطلبها من عمها

في الحقيقة انا ما اقدرش اقول أي رأي طالما لسة الدكتور طلعت ما اخدش فكرة عن الموضوع ولا قال رأيه

ونعم الستات والله يا مدام سناء ,  ولاد الأصول ما يعملوش غير كدة ,تعرفي , انتِ صحيح ما تعرفنيش , لكن أنا نعرفوكِ من قبل ما نشوفوكي بسنين يامَا قوي , سَمَعت عنك من خالد ابني وانك رفضتي عرسان يامَا بعد وفاة جوزك الله يرحمه عشان تربي بنتك وتكبريها في حضنك من غير ما تجيبيلها جوز ام ما تعرفيش هيعاملها  ازاي ولا هيتقي الله فيها ولا لأ

الحمدلله وحده يا حاجة ام خالد , انا ما عنديش اغلى من بنتي عشان اضحي بعمري عشانها , واهو الحمدلله , كبرت واتخرجت من كلية الهندسة , وجيت انا وهي نعيش في الاسكندرية بناء على رغبتها ورغبة عمها , رغم إنّي كنت في القاهرة جنب اهلي وكان صعب عليا قوي اتنقل لحياة جديدة في مكان غريب عني

لا غريب ولا حاجة  , هو في احلى من اسكندرية !هه

هه اسكندرية حلوة بناسها يا حاجة ام خالد

هههه تسلمي يا حبيبتي

اتفضلي العصير يا طنط هه

ههه تسلم ايدك يا حبيبتي , اقعدي عشان نقولك كلمتين

اقعدي يا آيات طنط عايزاكِ

تحت أمرك يا طنط

الأمر لله وحده يا حبيبتي , بقى أنا يعني كنت عايزة نسألك , ايه رأيك في الباشمهندس خالد ابني ؟

ها !!! مممم مش فاهمة حضرتك تقصدي ايه ؟

ههه نفهموكِ يا ستي , أنا جاية نخطبك للباشمهندس خالد ابني

 هاااا !!!! أأأأ المهندس خالد يخطبني !

أنا مش عايزة منك رد ولا حاجة , أنا بس كنت عايزة اسمع حاجة تطمني , اخلي خالد يتقدم ولا لأ ؟ هه

ها ! مممم هه طيب عن اذنكو

هههه ضحكت ومَشَت من كسوفها يا مدام سناء , متهيألي كدة نتوكل على الله ونحدد معاد مع عمها

هه طيب ادينا فرصة يومين كدة يا حاجة ام خالد وبعدين نبقى نحدد معاد

مافيش مانع يا حبيبتي , بس ما تزودوش عن يومين عشان احنا مستعجلين ع العروسة الحلوة دي هه

هه متشكرة قوي لذوق حضرتك, اتفضلي العصير

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

انتِ جيتي يا امي ! كنتِ فييين قلقت عليكي ؟

ههه ازيك يا خالد

الحمدلله يا أمي كنتِ فين ؟

هو انت بقالك يامَا هنا ولا ايه ؟

بقالي حوالي ساعة ,كنت هنتجنن من القلق عليكِ

ما تقلقش على غالي ههه كنت عند آيات في البيت

آيات مين ؟؟؟؟؟؟؟

يا ولا اطلع من دول يا ولااااا هههه بقى مش عارف الباشمهندسة آيات بنت اخو الدكتور طلعت !!!!

ايه ده ! هو في ايه ! معقول يا امي روحتي عندهم !!!

ايوة يا ابني , اومال هنكدبوا عليك !!

من ورايا يا امي ! توء ليه بس كدة !!!!

كان لازم نعمل كدة , انت حاطط ايدك في المية الباردة ومش عايز تتقدم خطوة , والبت ماشاء الله عليها ما تتسابش , جمال واصل وعيلة واهم من ده كله متدينة ومتربية , يبقى نسيبوها تطير من ايدينا ولا ايه !!!

ايوة يا امي بس ........... طيب ......... يعني انتِ فاتحتيهم في الموضوع ؟

ايوة طبعا , فاتحتها وفاتحت امها

ممممم و ...... و........ وكان رأيهم ايه ؟

هههه مش هنقولولك , هو انت فارق معاك حاجة ! احنا داخلين نتوضوا عشان نصلوا المغرب قبل ما يفوتنا

اميييييي استني بالله عليكِ , طمنيني بس ايه اللي حصل

هههه هنطمنوك عشان انت صعبت عليا , بص يا سيدي هي البت طبعا ما قالتلش رأيها بصراحة , بس اول ما قولتلها هنخطبوكِ لابني خالد اتكسسسسفت ووشها احمر واستأذنت ومَشَت من الصالون

هاا ! يعني كدة تبقى رافضة ؟

رافضة !!!! دي موافقة وموافقة ومواااافقة ههه بس هي ماشاء الله عندها ادب وحيا وما تقدرش تنطق

مممم طب وامها ؟

امها بقى قالت ما نقدروش نردوا ولا ندوكوا  كلمة من غير شورة عمها , ست بتفهم في الأصول بصحيحححح , اهي دي الجوازة اللي هتعوضك عن ....... عن سنين الغربة يا ابني

طب المفروض نعملوا ايه دلوقتي يا امي ؟

المفروض انك تكلم الدكتور طلعت وتطلب منه ايد بنت اخووووه , ما تروحله بعد صلاة العشا يا خاااااالد لسة الوقت بدري

مممم تفتكري كدة يعني ؟

ايوة نفتكر كدة ونص , يلا اتوكل على الله وخير البر عاجله يا حبيبي

مممم هههه عندك حق يا ام خالد , احنا هنعدوا عليه بعد صلاة العشا ونكلموه في الموضوع بس على الله ما يرفضش

يرفضضض ! طب ده روحه فيككككك , وبعدين هو يطول عريس زيك لبنت اخوه !

ههههه ايوة يا ست ام خالد , القرد في عين امه

قرررررد ! دانت قمر والبت قمرين ههه يلا يا ولا يلاااااااااا

هههه ماشي يا ام خالد , السلام عليكم

عليكم السلام يا ابني ,  الهي ينجحلك مقاصدك يا حبيبي وترجع مجبور الخاطر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ههههههه والله ده اسعد خبر سمعته من فترة طويلة يا خالد يا ابني

يعني حضرتك موافق يا دكتور طلعتتتتتت ؟

طبعا موافقققق , انت ما تترفضش يا خالد , طب ايه رأيك بقى انت سبقتني , انا  كنت ناوي نعرض عليك الجواز من آيات بنت اخويا

بجد يا دكتور ؟

طبعا بجد , انت ابني وهي بنتي ومش هنلاقي احسن منك ليها وانت كمان عمرك ما هتلاقي احسن من بنت اخويا هههه

هههه طبعا يا دكتور , كفاية انها بنت  اخوك

طب يلا بقى مع السلامة , وقتك انتهى معايا

اييييييه !

هو ايه اللي ايه ! عايز انام يا ابني , الساعة داخلة على تسعة ومعاد نومي فات من نص ساعة

ههههه اسف يا دكتور , اصل كنت مستعجل عشان اعرف رأي حضرتك عشان اطمن

اطمن يا سيدي , مع السلامة يا باشمهندس

الله يسلمك يا دكتور طلعت ههه

استنى يا خاااااااالد

نعم يا دكتور

مش تتفق يا ابني معايا ع المعاد اللي هنروح فيه عند العروسة ؟

ايوة صحيح هنروح امتى ؟

بكرة إن شاء الله بعد صلاة العصر تجيب والدتك واي حد عايز تجيبه من اهلك وتشرفونا في بيت العروسة

ههه ان شاء الله يا دكتور , السلام عليكم

عليكم السلام يا خالد , يااااااااه الحمدلله

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ترررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررن

دي ماما حبيبتي السلام عليكم  يا ماماااااا

عليكم السلام يا هيام يا بنتي يا حبيبتي  يا نور عيني ههه

ايّووووه ههه ده ايه الدلع ده كله !

اصل اني فرحانة قوي يا بت

أكيد روحتي المشوار اللي قلتيلي عليه بتاع زميلة خالد

ايوة يا بت روحت وقابلت البت وقابلت امها ,وحسيت كدة ان البت ميالة لخالد

بجد يا مامااااااااااااا هههه

ايوة يا بت وربنا بجد زي ما بنقولولك كدة ,الفرحة بانت على وشها لما جت سيرة خالد ,بس حياها منعها تتكلم

يعني هي طيبة وحنينة كدة زي خالد يا ماما؟نفسي في واحدة بنت حلال تعوض خالد

البت باين عليها بنت حلال ,وربنا يكتبله الخير معاها وعلى ايديها يا بنتي ...والدكتور طلعت لما خالد راح طلبها منه لقى الراجل مرحب وفرح فرحة الدنيا , وعارفة قال لخالد ايه يا بت يا هيام .

قاله ايه يا ماما ؟

قاله اني كنت ناوي نعرض عليك الجواز من بنت اخويا عشان انت ما تتسابش يا خالد ههه

ههه طبعا يا ماما , الدكتور عنده حق , خالد اخويا مكسب لاي عيلة والله , ويا بختها بيه اسمها ايه دي , هي اسمها ايه يا ماما ؟

اسمها آيات

جميييييل ههه عاشت الاسامي , خالد وآيات ,اومال هو فين خالد يا ماما ؟

دخل ياخد دوش , اهو خرج اهو , تعالى يا خالد كلم هيام اختك

حاضر يا امي

مساء الفل يا هيومة

يا مساء الورد يا عريس ههههه ايه الاخبار الحلوة دددددي , دانا فرحت يامَا وربنا يا اخويااااااا

ربنا يفرح قلبك يا هيومة يا حبيبتي ههه جهزي نفسك بقى بكرة بعد العصر إن شاء الله  عشان تيجي معانا وانا هنتصل باحمد نقولوله

ماشي يا حبيبي , على العموم احمد زمانه جاي

طيب نكلموه بعد ما يتعشى بقى , مع السلامة يا حبيبتي

الله يسلمك يا حبيبي ههههه الحمدلله يارب , يا رب يفرح قلبك يا خالد يا خويا يااااارب

تررررررررررررررررررررررررررن

ده اكيد احمممممممد ههههه ايوة يا حبيبي جاااااااااااية

السلام عليكم يا هيومتي ههه

وعليكم السلام يا حبيبيييييي امووووه يا رووووحي اموووووه يا حياااااااااااتي ههههه بنحبك  يا احمدددددد بنحبك اووووووووي

ايه ده ! الست دي اتجننت ! ههههه مالك يا هيام ! عقلك راح فين ؟ ما انا كنت سايبك كويسة الصبح هههه

ههههه عقلي ما بقاش فيااااا اسكت يا احمد هنفرحوك , خالد اخويا هيخطببببب

هههه الباشمهندسة زميلته ؟

ايه ده بقى ! دانت عارف كل حاجة أهو

خالد ما بيخبيش عليا , هو قالي انه معجب بيها بس متردد يخطبها , كويس انه خد قراره

هو حدد معاهم معاد بكرة وهياخدني انا وماما , واكيد هيقولك تيجي معانا

وانا ايه لزومي في القعدة دي ! روحي انتِ معاهم يا هيومة , ربنا يقدم ما فيه الخير , هنطلبوا خالد دلوقتي نباركوله

طب استنى اما تتعشى الاول

ابداااااا ناخد تاري من اخوكي الاول , اللي يقولي متردد وفي الآخر يقرر وما يقوليش هههه جهزي السفرة على ما نخلصوا كلامي معاه

هههههه انتوا حرين مع بعض بقى

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

تررررررررررررررررررررررررررررن

السلام عليكم يا ابو حميد , كنت لسة هنكلموك يا صاحبي

عليكم السلام يا اخويا , بقى تقولي معجب بالباشمهندسة ومتردد تخطبها وفي الآخر اختك تقولي ده رايح لأهل العروسة بكرة !!! ناوي تخطب  من غير ما تقولي ! هي الغربة بتعلّم الناس الندالة ولا ايه ! ههههه

ههه لا وربنا مش ندالة ولا حاجة , دي الست ام خالد هي اللي كركبت الدنيا على دماغي في يوم واحد , راحت شافت العروسة واتفقت مع اهلها من ورايا وجت قالتلي كدة بالأمر روح اخطب البت من عمها ههه

مبروك يا سيدي , بس كنت فاكر انك هتقولي أول واحد , مش نعرفوا الموضوع من هيام زي ما نكونوا اغراب عن بعض

خلاص بقى يا ابو حميد , وربنا ما لحقت نقولك , كل حاجة حصلت النهاردة زي ما قولتلك , عاجبك كدة يا ام خاااااااالد اهو احمد معايا ع التليفون وزعلان عشان ما قولتلوش اني رايح لأهل  العروسة بكرة

ليه كدة !!! طب ادهولي واني نفهموه ههه

اتفضلي يا ستي

ايوة يا احمد يا حبيبي ههه ازيك

ازيك يا امي مبروك لخالد , عَرَفت من هيام ههه

الله يبارك فيك يا ابني , اوعى تزعل من خالد , هو مالوش ذنب ,  اني اللي دبسته في موضوع العروسة ده , البت شوفتها بالصدفة واني معاه في العربية وعجبتني وقالي انها بنت اخو الدكتور طلعت , نقوله يا خالد اخطبها البت كويسة وأهلها  كويسين يقولي بعدين يا امي سيبيها بظروفها , عرفت ان الكلام معاه لا هيقدم ولا هيأخر روحت واخدة بعضي ورايحة مكلمة امها دوغرررري وهو بقى قولتله البس وانزل اخطبها من عمها , واهم حددولنا معاد بكرة في بيت العروسة عشان نخطبوها رسمي , يعني خالد ماكانش يعرف حاجة عشان يقولك والسر كان كله عندي اني ههههه

هههه اذا كان كدة يبقى براءة يا امي , دانا كنت بصراحة واخد على خاطري ونقول ازاي خالد ما يقوليش , داحنا اخوات واصحاب وعشرة عمر قبل ما نكون نسايب

ربنا يديم المعروف بينكو يا حبيبي وتفضلوا حبايب طول العمر وما يفرق بينكو عدو آمين يارب

يارب يا أمي

طب خد خالد معاك , خد يا خالد

هاتي يا امي , ايوة يا ظالمني هههههه

لا خلاص بقى طَلَعت براءة لعدم كفاية الأدلة هههههه

 هههه ماشي يا حضرة وكيل النيابة ,  حضر نفسك بكرة بقى هتيجي معانا انت والمدام على بيت العروسة عشان نخطبوها رسمي

لا معلش يا خالد , انا وجودي مش ضروري , خد امك  والست اختك وروحوا   يا سيدي هههه مبروك يا خالد , ده اليوم اللي كنت بتمناهولك وربنا

لا مش هو ده اليوم  , اليوم المقصود هو يوم  كتب كتابي عشان تبقى شاهد ع العقد , ولا نسيت وعدك ليا !

لا طبعا , انا اول واحد هيشهد ع العقد وهيشهد شهادة حق قدام العروسة ونقولها انتِ اكيد امك داعية عليكي هههههههه

ههههههههههههه قولها يا خويا وبوظ الجوازة عشان نفضل قاعدلكو زي البيت الوقف

هههه ربنا يتمملك بخير يا خالد

ربنا يخليك يا صاحبي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

شرفتينا يا حاجة ام خالد

الله يحفظك يا دكتور طلعت

اهلاً بيكِ يا مدام هيام

اهلاً بحضرتك يا دكتور

ايه  يا خالد ههه مالك مرتبك كدة !!!

هه ابداً يا دكتور

اهي والدة العروسة جت

ههه السلام عليكم

عليكم السلام ورحمة الله

طبعاً انتِ اتشرفتي بالحاجة أم خالد قبل كدة

ايوة طبعاً هه اهلاً بيكِ يا حاجة , نورتينا

بنورك يا مدام سناء

ودي مدام هيام اخت الباشهندس

اهلاً بيكِ يا مدام هيام

اهلاً بحضرتك

ده بقى الباشمهندس خالد هه راجل مهذب وخجول زي ما انتِ شايفة

هه اهلاً يا باشمهندس , شرفتنا

 اهلاً بحضرتك , الشرف ليا أنا يا فندم

متشكرة , اتفضل اقعد

شكراً

اومال العروسة فين يا مدام سناء ؟

جاية حالاً , عن اذنكو هروح استعجلها واجيب العصير , اهلاً وسهلاً

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

تن تن آيات

اتفضلي يا ماما

ايه يا بنتي ! قاعدة عندك بتعملي ايه لحد دلوقتي ؟

ما هو حضرتك ما قولتيش تعالي

ههه هو انا لازم اقول ! هو الباشمهندس ده جاي عشان ايه ! مش عشان يخطب حضرتك !

معلش يا ماما , اصل انا مرتبكة شوية

هو كمان مرتبك وعرقان وحالته حالة هههه . شكله طيب ومحترم قوي على فكرة , واسلوبه مهذب في الكلام

ممم يعني عجبك يا ماما ؟

المهم رأي حضرتك . مع اني متأكدة من رأيك ههه

هه

يا سلام ع الكسوف ههه يلا يا بنت روحي رحبي بالعريس ووالدته  واخته عشان ما يصحش نسيبهم كدة , وانا هجيب العصير والحلويات واحصلك

طيب يا ماما , حاضر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

وازي الأستاذ احمد يا مدام هيام

الحمدلله بخير يا دكتور طلعت

في الحقيقة زوج حضرتك الأستاذ احمد انسان طيب ودمث الخلق

ده من ذوق حضرتك

اهي العروسة وصلت .. تعالي يا آيات

السلام عليكم

عليكم السلام ورحمة الله

تعالي سلمي على الحاجة والدة باشمهندسس

هه ازيك يا طنط

ههه ازيك انتِ يا حبيبتي , بسم الله ماشاء الله امووه اموووه , دي تبقى هيام اخت عريسك ههه

هه ازيك يا هيام

ههه ازيك انتِ يا آيات , انا صحيح اخت خالد بس تعتَبريني اختك انتِ كمان

هه اكيد,دي حاجة تسعدني ممم ازيك يا عمو

هههه انا كويس , مش هتسلمي ع العريس ولا ايه !

...ازيك يا باشمهندس

تمام يا باشمهندسة الحمدلله , ازيك انتِ ؟

الحمدلله

اقعدي يا آيات

حاضر يا عمو

تعالي يا عروسة ابني اقعدي جنبي اني ههه

ههه حاضر يا طنط

ايه رأيك في عروسة اخوكي يا هيام ؟ ههه

قمر يا ماما ههه

هه ميرسي قوي

شوفتي يا بنت اخويا , اهل العريس راضين عنك ههه

ههه

اتفضلوا العصير يا جماعة ههه

خليه شربات يا ام العروووووسة هههه دا النهاردة يوم السعد والهنااااااا الف مبروك يا خالد يا حبيبي اموووه اموووه

الله يبارك فيكِ يا امي ههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ازيك يا ضياااااا ههه

اهلاً يا باشمهندس خاااااالد ههه نورت المينا

منورة بيك يا ضيااااا ههه خد ال100 جنيي دول عشانك

100 جنيي مرة واحدة ! هههه

هههه اصل اني فرحان وعايز نفرحوا الناس كلها معاياااااا

ربنا زيدك فرْح ونعيم يا باشمنهدس هههه

ههه ربنا يخليك , احمد فيييييين ؟

في مكتبه , لسة ما نَزَلش رصيف المينا

تن تن احمدددددد يا وحش المينااااااااا ههههه

ادخل يا عريسسسسسسس ههه

جيت يا عم نقولولك عملت ايه مع اهل العروسة اول ما المقابلة خَلَصت , يادوب روحت امي وهيام وجيتلك ع المينااااااا

هههه ايوة كدة الأدب حلو , عملت ايه طمني ؟

عملنا كل خير يا صاحبي , اتفقنا  هنجيبوا شبكة للعروسة بتلاتين الف جنيي , كنت ناوي نجيب بميت ألف لكن الدكتور طلعت ما رضاش , قالي والله اني ما عايز منك شبكة من الأساس , لكن طالما انت مصر يبقى ما تزودش عن تلاتين 

والله الدكتور طلعت ده راجل محترم , كان ممكن يفتري عليك عشان راجع من الغربة دفيان هههه

هههههه لا والله الراجل ما طلبش غير المعقول , واتفقنا على معاد كتب الكتاب والدخلة

امتى ؟؟؟؟؟

بعد شهر من دلوقتي , ده امي كانت عايزاني نكتبوا وندخلوا الخميس الجاي , بتقول ابني مش ناقصه حاجة , هنتعطلوا ليه ! هههه لكن ام العروسة ماراضتش , قالتلها معلش يا حاجة , ادينا فرصة شهر نجهزوا العروسة ونهيئوها للمرحلة الجديدة اللي داخلة عليها

وامي قالت ايه ؟

قالت على راحتك يا ام العروسة , بس وربنا ما ليكي حق تأخيرهم كدة هههه

ههههههههه امي عايزة تفرح بيك وتشوفك في بيتك بأي طريقة

.......... ادعيلي يا صاحبي .... حاسس اني داخل على مجهول

ايه يا ابني ده !!! انت محسسني ان العروسة هتخطفك وتخبيك تحت الأرض هههه شوف يا خالد , طالما البنت كويسة ومتربية ع الدين وبتتعامل بما يرضي الله يبقى ما تقلقش , البيت بيتعرف من دَخْلِته . لما تلاقي الأم محترمة وبتتقي الله هتلاقي بنتها زيها , لعلمك بقى اني اللي خلاني اتمسكت بهيام اختك هي امك واللي شوفته منها ومن اخلاقها ودينها , قلت اكيد بنتها نسخة منها , وفعلا ده اللي لقيته , انتو اديتوني هدية مهما عملت مش هنوفيكو شكرها وهنفضل مقصر  , ومهما شكرت ربنا ع النعمة دي طول العمر مش هنوفي شكرها

ههههههه ايّووووووه فين البت هيام تسمع الكلام الحلو ددددده

بنسمعهولها يا اخويااااااا اني ما نحرموش مراتي من الكلام الحلو ههههه

هههه ربنا يخليكو لبعض يا احمد

ويخليلك عروستك يا عريسسسس هههه

*********************************

السلام عليكم ورحمة الله قرائي الأعزاء

انا اسفة جدا اني ما بقدرش في الوقت الحالي انزل حلقتين في الأسبوع

والله غصب عني,عندي ضغوط ومشاغل عائلية كتيرة جدا في الفترة دي..ده من ناحية,من ناحية تانية والله عندي الالام رهيبة في الظهر بتخليني مش بقدر اطول القعاد على اللاب توب.مش بقدر اتحمل الألم...أنا مش بحب اتكلم عن نفسي او بعاني من ايه,بس حسيت انكو ممكن تكونوا زعلانين او متخيلين ان زعلكو هين على نفسي. أو ان بإيدي انزل حلقات زيادة ومنعاها عنكو .لا والله ,انا ظروفي اقوى مني,أنا لحد دلوقتي لسة بنسق وبعد  في الجزء الأخير عشان ينزل على الأمازون عشان القراء الأعزاء اللي طلبوه ..كان المفروض الاعداد والتنسيق يخلص قبل كدة لولا حالتي الصحية..معلش,.حكم السن هههه  ,.اربعين سنة مش صغيرة يعني..والله انا من التعب احيانا مش بقدر اجيب لنفسي كوباية مية...عشان كدة عايزاكو تسامحوني بالله عليكو.وان شاء الله ربنا ييسر واقدر انزل حلقتين في الأسبوع قريباً

ياريت ما تزعلوش مني وتقدروا ظروفي

****************

في قارئة عزيزة اول مرة تشارك بتعليق لكن للأسف اسمها مش ظاهر,,حبيت اشكرها على كلامها الرقيق ,شكراً ليكِ حبيبتي,جزاكِ الله خيراً ,ويسعدني إنك من قرائي

******

ياريت luli  الحبيبة تنزلنا في تعليق منفصل كيفية اظهار الإسم على المدونة لكل القراء اللي مش عارفين الخاصية,وانا كمان ما اعرفهاش والله ههه

شكرا لتعليقاتكم وتواجدكم  وجزاكم الله خيرا

تحياتي للجميع,ولا تنسوا ذكر الله والصلاة على الحبيب عليه الصلاة والسلام

سبحان الله وبحمده,سبحان الله العظيم

سبحان الله,الحمدلله, لا اله الا الله, الله اكبر,لا حول ولا قوة الا بالله

التقيكم الأسبوع القادم إن شاء الله

استودعكم الله الذي لا تضيع ودائعه