الحلقة الخامسة عشر

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

************************

-      ولا يا حموووووووو

-      ههه اهلا يا استاذ سامي, صباحك قشطة منزوعة الدسممممممم

-      صباحك زي وشكككككككككككك

-      هههههههه يبقى ابيض زي اللبن الحليب، مالك يا استاذ ساااااامي ؟

-      كنت مخفي فين امبارح وما جيتششششش ؟

-  اصل امبارح الولا ابني الصغير كان عيان وجَرينا بيه ع المستشفى وفضلنا طول النهار متشحططين  بين الدكاترة  لحد ما الولا خف وجبناه ورَجَعنا، معلش يا استاذ سامي انّي ما جيتش امبارح، حد سأل عليا ؟

-                 وانت مين هيعبرك يا ولااااااا !!, كنت عايزك عشان نقولك ع اللي حصل 

-      في ايه يا استاذ سامي ؟

-  بقى اول امبارح  يا ولا البت اختك تجيب ولية نصابة لاوسا مراتي وتقولها دي بتقرا الفنجان وتشوف البخت وتقلبها في تلتوميت جنيييييييي !!!!

-      تركية ؟

-      الله ! ايه الحكااااااية !!! هو انت متفق مع اختك ع النصبة دي ولا ايه يا ولاااااا ؟؟

-      الله يسامحك يا استاذ سامي، انت تعرف عني اني نصاب برضو ؟

-      لا يا ولا، بس اختك نصاااااااابة، أنا بقى ما رضيتش نقطع عيشها عشان ظروفها والعيال اللي في رقبتهاااااا

-      طول عمرك شهم ورجولة يا استاذ سامي وانا نشهدلكككككك

-      لم اختك عن اوسا مراتي وقولها لو حصل منها حاجة كدة ولا كدة تاني مرة, مش هنرحموهااااااااا

-      حاضر يا استاذ سامي، أنا مش عارف ايه اللي خلاها تعمل كدة وهي عارفة ان تركية نصاااااابة

-  لا وكمان اختك دخلت في دماغ اوسا كام حكاية ليهم العجبببببب، ال ايه كان في ولا تايه في منطقتكو وامه مش لقياه وهي اللي دلتهم على طريققققققققه

-      ايوة حصل يا استاذ سامي، قالتلهم على طريق الولا بالمظبوط وراحوا جابوه

-      ايّووووووه ! وهي عرفت طريق الولا  منييييييين ؟

-      اصل هي اللي كانت خاطفاه يا استاذ سامي

-      هههههه هي اللي خطفت الولا وخبته ؟

-      ايوة، كانت عايزة تنصب على امه في قرشين، خبت الولا وقالتلها تعالي اقرالك الفنجان واقولك على مكانه

-      ههههههههههه دي ولية مش سهلة بقى

-  ايوة مش سهلة، بس الحكاية اتعرفت والبوليس جه خدها وكانت ليلتها ليلة، المنطقة كلها اتفرجت عليها من البلكونات وعرفوا انها نصابة

-      واختك عارفة عنها الكلام ده وتجيبها البيت عنددددددي ! يبقى اختك بتشتغل معاهااااااا

-  لالالالا رزقة غلبانة، تلاقيها هي اللي ضحكت عليها، سامحها يا استاذ سامي وانا نوعدك بشرفي انها مش هتعمل كدة تاااااني

-      احلف بحاجة عددددددلة

-      خلاص، بشرفك انت يا استاذ سامي

-      صادق يا ولا، روح شوف الزبونة دي  وخليك مع رمضااااان

-      ماشي يا استاذ سامي، طلباتك يا خالتييييييييي

********************

خلف هذه الجدران الجزء الخامس

بقلم هبة عبد العظيم نور

ممنوع النسخ أو أخذ سكرين شوت

************************

-  شايفة بنتك يا امّا اللي هتخلي الاستاذ سامي يطردها بسبب عمايلهااااا، مالنا احنا ومال تركية وسكة تركيييييية !

-      ليه كدة يا رزقة يا بنتي ! ما صدقنا لقينالك شغلانة تسترزقي منهااااا

-      ده الاستاذ سامي كان ناوي يقطع عيشها لولا اني اتدخلتتتتت، حافظي ع القرش اللي داخلك يا رززززقة

-  قرش ! يا خويا بلا خيبة، ماكانوش 350 جنيي  عُمي اللي بيدفعها الشملول بتااااعك، هو هيبيع ويشتري فينا ع الكام جنيي اللي نصهم بيروح مواصلاااااات !!!!! أنا قلت طالما ماليش مصدر غير الكام ملطوش دول نقلبوا عيشي واهو كله فايييييييييدة، اديني قسمت مع تركية التلتوميت جنيي اللي طلعولها ورزقي زااااااااااااااد

-      طب ردي عليها انتِ يامّاااااااااا، بنتك بتقبل القرش الحرام على عيالهاااااااااااااا

-      ليه بس كدة يا بنتي؟

-  يا امّا قوليلها حاجة عليها القيمة, هو انتِ ما حلتكيش غير ليه بس كدة يا بنتي، ليه بس كدة يا بنتي !!!!!! اعملي حاجة يا امّاااااااااا

-  عايزها تقوم تضربني ولا ايييييييييه !!! أنا لا عملت حاجة غلط ولا عيب، الرزق يحب الخفّية ، أنا نازلة يا امّا نشتري رغيف حواوشي

-      هتاكلي لوحدك يا بنتي ! طب بلاش انا، هاتي لعيالك الغلاااااااااااابة

-  ايّووووه ! هنجيبوا للعيال كلهممممممممم !!!! احنا هناكلوا الرغيف في الشارع عشان ما حدش يبصلي فيه، سلاااااااااام

-      شايفة يا امّا ؟ بنتك دي عبارة عن ندالة وقلة اصل وطلعلها بني ادمة

-      هنعملوا ايه يا ابني !, ربنا يكفيها شر نفسها ..... بس كلامها جرا ريقي ع الحواوشي يا ولا يا حمو

-      يا حبيبتي يا امّاااااااا، هننزلوا نجيبولك واحد حالاااااااااا

-      لالالا يا ابني كتر خيرككككككك، كفاية عليك مصاريف عيااااااااالك

-      ههه انتِ اهم من الدنيا كلها يا امّا

-      تعيش يا حمو، بس يا ابني هتكلف روحك وهتجيب لعيالك كلهم

-  لالالا هنجيبولك لوحدك يا امّا، عيالي هيعرفوا منين بس ! وبعدين احنا ما نقدروش نسمعوا ان نفسك في حاجة وما نجيبوهاش ولو هنشحتوا حتىىىى

-      ههه ربنا يوسع عليك يا حبيبي ويكرمك زي ما بتكرمني

********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      السلام عليكم، حامد مندور هنا يا ابني ؟

-      عليكم السلام يا حاج  عادل، لا والله الحاج مش موجود

-      ايّوووووووه احنا سألنا عليه قالولنا في فرع سيدي جابر

-      ايوة صحيح، الحاج راح مشوار وراجع على طول، حتى زمانه في السكة وهتلاقيه داخل علينا

-      بنطلبوه ع الموبايل ما بيردش

-      الحاج سايب الموبايل هنا، اتفضل استناه في مكتبه يا حاج، اتفضل

-      ماشي

-      نعملولك حاجة تشربها يا حاج ؟

-      لا، لما يجي حامد

********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

*******************

-      السلام عليكم يا محمود

-      عليكم السلام يا حاج حامد،هات نشيلوا عنك الكرتونة دي

لا يا ابني كتر خيرك,خفيفة

ماشي, الحاج عادل سليم مستنيك في مكتبك

-      عادل !.. طيب هندخلوله

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

*****************************

-      السلام عليكم يا عادل

-      هههههه اهلا بالراجل الخاين اللي ما بيسألش ,ازيك يا حااااامد

-      هه ازيك يا عادل، معلش، مشاغل الدنيا لاهية الواحد

-  ماشي ياسيدي، الله يعينك ويقويك، لفيت عليك الدنيا، روحت كذا فرع وفي الآخر دلوني وقالولي انك هنا النهاردة، وجيت مالقيتكش

-      معلش، امير ابني شيّع طرد  فيه هدايا ليا ولامه روحت نستلموه

-      هه يعيش ويشيّع يا سيدي، مالوش بركة إلا انتو، وما شيعش حاجة لاحمد ؟

-      احمد !!!!! هه عنينا لاحمد، اسأله اذا كان لازمه حاجة  هو ولا مراته واحنا نخلوا امير يجيبهاله وهو جاي

-      هههه احنا ما نقصدوش احمد ابني، نقصدوا احمد ابن بنتك

-      ضحىىىىىىىىىىى، هي ضحى وَلَدت ؟؟؟؟؟

-      ههه اومال احنا بنقولوا ايه من الصبح ! ايوة، قامت بالسلامة وربنا اكرمها باحمد

-      هههه ماشاء الله ماشاء الله، وهي عاملة اييييييييه ؟

-      كويسة الحمدلله،  وَلَدت من اربع تيام، روحت زورتها  وباركتلها وشوفت الولا ههه زي البدر ربنا يحميه

-      ماشاء الله، يعني اهم حاجة ضحى كويسة وبخير ؟

-      ايوة يا حامد اطمن، ضحى بخير ومش ناقصها غيرك انت وامها

-      ربنا يسهل يا عادل، هنقولوا لامها ونشوفوا الظروف ايه.. تشرب ايه يا عادل

********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      حمدالله ع السلامة يا حامد

-      الله يسلمك يا سميرة، خدي الطرد اللي الولا أمير شيّعه

-      يعيش ويجيب يارب وما نتحرمش منه ولا من مجايبه، خليه دلوقتي هنفتحوه بعدين

-                 على راحتك،  عندي ليكِ خبر هيفرحك

-      خير يا حامد ؟

-      ضحى ربنا رزقها باحمد هه

-      ضحىىىىىىىىىىى ,يا حبيبتي يا بنتييييييييي، هي عاملة ايه يا حاااااامد ؟

-      عادل سليم كان عندها عشان يبارك ع الولا وبيقول البت كويسة وبخير

-  يا حبيبتي يا ضحى اهئ اهئئئئئئئئ الأصول كانت تبقى عندي يا حامد اهئ اهئئئئئئ الأصول كنت انا نراعيها  في شهرها الأخير لحد ما تقوم بالسلامة ونقعدوها عندي لحد ما تشد حيلها اهئ اهئئئئئئئئ مش نعرف انها وَلَدت من برا زي ما نكون غريبة عنها اهئ اهئئئئئئئئئئئئئئئ

-  ايّوووووووه عليكِ يا سميرررررة ! ما انا قولتلك بدل المرة الف  روحي للبت وشوفيهاااااا, كنتِ تقولي لا، احنا ما نعتبوش بيت ادهم ابن عادل سليم تاني، نعملولك ايه يعني !!!!!

-      اهئ اهئئئئئئئئئئئئئئئئ العمل عمل ربنا يا حامد,حسبنا الله ونعم الوكيل فيك يا أدهمممم

********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

************************

-      بقى الست ضحى وَلَدت يا ست سميرة ومش هتروحي تطمني عليها وعلى ابنها!

-      ..... لا,مش هنروح يا اعتماد، انا انطردت  من بيت ضحى قبل كدة وانتِ  ما ترضليش الإهانة

-  يا حبيبتي انا عارفة وربنا انك شايلة من جوزها يامَا، لكن هي ذنبها ايه ! دي الست ضحى وحدانية ومالهاش غيرك

-  ......................... كل واحد بياخد نصيبه يا اعتماد، هي اللي اختارت سكتها وما شاورتش حد، لو كانت استنجدت بينا من الأول كنا نجدناها، وكانت رحمت نفسها ورحمتنا من الهم اللي احنا فيه

-      طب ولزومها ايه الدموع اللي شايافها في عنيكِ يا ست سميرة طالما انتِ مقتنعة برأيك ؟

-      ............. دي مش دموع ولا حاجة، روحي اعمليلي فنجان قهوة الله يخليكِ

-      بلاش القهوة يا حاجة، هنجيبولك عصير لمون

-      لا، هاتيلي فنجان قهوة يا اعتماد

-      حاضر يا حاجة ,أمرك

-  تررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررن

-                 طب شوفي مين ع التليفون يا اعتماد الله يخليكِ قبل ما تعملي القهوة

-      تررررررررررررررررررررررررررررررررررررررررررررررررررررن

-      حاضر يا حاجة

-      ترررررررر السلام عليكم

-      عليكم السلام يا اعتماد، أنا كريمة

-      يا اهلا يا ست كريمة هه ازيك يا حبيبتي عاملة ايه

-      بخير والله الحمدلله، اديني سميرة اختي بالله عليكِ

-      حاضر، ست سميرررررة الست كريمة عايزاكِ

-      طيب يا اعتماد، روحي انتِ اعملي القهوة ......... السلام عليكم يا كريمة

-  عليكم السلام يا حبيبتي، ازيك يا سميرررررة، مش البت فاتن جاية هي وجوزها والولا ابنها بعد عشر تيام إن شاء الله  من الإمارات هههه !

-      صحيح ! ههه توصل بالسلامة يارب إن شاء الله، البت دي وحشتني وربناااااا, عايزة نشوفوهااااا

-      ههه خلاص يا حبييتي، لما تيجي نجيبوهالك ونتغدوا سوا كمان

-      يا اهلا وسهلا يا حبيبتي تشرفوا، هنخلي اعتماد تعمل كل الأصناف اللي بتحبوها إن شاء الله

-      ........................ مالك يا سميرة  ؟, صوتك مش عاجبني خالص

-      اهئ اهئئئئئئ اهئئئئ ضحى وَلَدت ومش قادرة نروحوا نشوفوها اهئ اهئئئئئئ

-      ضحىىىىىى، حمدالله على سلامتها، ربنا رزقها بإيه ؟

-      جابت ولا وسموه احمد

-  ههه بسم الله ماشاء الله، ربنا يحفظهولها ويجعله سبب هداية لابوه ويصلح حاله .... طب وانتِ ايه حايشك عن بنتك يا سميرة ! دانا لما فاتن وَلَدت بعيد عني كنت هنموتوا  ، وطول ما هي في المستشفى كنت نتصل لما جوزها اتخنق مني ههه قولتله معلش يا ابني، راعي ان دي بنتي واول ولادة  ليها وكمان بعيد عن حضنييييي، قالي والله يا طنط عارف ومقدر، بس حضرتك اهدي واول ما تخرج من اوضة العمليات هنكلموكِ ، تقومي انتِ يا سميرة البت معاكِ في نفس البلد وما تروحيش تقوليلها حمدالله ع السلامة وتشوفي الولا وتفرحي بيه !!!!! ده ابن ضحى يا سميررررررة

-      اهئ اهئئئئئئ كأنك مش عارفة حاجة ولا عارفة مش هنروحوا ليه !!!

-  ايّووووووه انا والله لو مكانك نروحوا ونشوفوا بنتييييييي، ماحدش يقدر يمنعني عن بنتي حتى لو كان ميييييين

-  ....................... نفسي مش مطاوعاني نروح يا كريمة ..... هنستناكِ انتِ وفاتن لما توصل اسكندرية، نشوفوها على خير ان شاء الله، سلام يا كريمة

-  ........... الله يسلمك يا سميرة، اللهم لا حول ولا قوة إلا بالله، هتتجنن ع البت وبتكابر، طبعك ولا هتشتريه يا سميرة يختي !!!!!!!

********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-      حمدالله ع السلامة يا أدهم بيه

-      الله يسلمك يا راوية,الهانم فين ؟

-      في اوضتها بترضع احمد

-      طيب، حضري العشا

-      حاضر يا بيه

********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

************************

-      ضحىىىىىىىىى

-      .......... نعم

-      بكرة السبوع بتاع الولا، وامي وابويا مصممين يعملوه في الفيلا

-      ........ براحتكو

-      طيب جهزي نفسك وجهزي الولا من بدري

-      ........... انا مش هنروح، خد احمد معاك

-      ايّوووووووووووووه مش هتروحي يعني ايييييييييه ! يعني نعملوا السبوع  و أم الولا ما تحضروووووش !

-      ادهم انا قلت اللي عندي، ابنك عندك، خده الفيلا زي ما انت عايز، لكن انا لا، مش هنروح

-      وبعدهالك يا بنت حاااااااامد !!!، هتفضلي سايقة العوج لإمتىىىىىىىىىىى !!!!

-      وااااااااااااااااء واااااااااااااااء وااااااااااااااااااااااااء

-  زعيقك صحى الولا، مالوش لزمة الزعيق، انت عشان تعمل السبوع يبقى مش لازمك غير احمد، انا مش مهم

-  في ستين داااااااااااهية، فاكرة روحك بني ادمممممممممة، انتِ فعلا عندك حققققققق، انتِ مش مهممممممم، انتِ ولا حااااااااااااااجة

-      ...................... كتر خيرك

-      وااااااااااااااء وااااااااااااااء واااااااااااااااااء

-      اووووووووووووووف هنسيبولك الدنيا ونغوروا من وشكككككككككككككككك

********************

-      على فين يا ادهم بيه ؟ انا  حضرت العشااااااااا

-      مش عايز نتسمممممممممممم، اوعي من خلقتييييييييييييي

-      استغفر الله العظيم، هو ايه اللي حصل ! ماكان داخل كويس

********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

************************

-      بكرة سبوع الولا ابن ادهم يا سامي

-      الف مبروك يا غزال الفلا، طبعا ابوكِ الدنيا مش سيعاه، جاله سبع البرومبة اللي هيشيل اسمه

-      اسكت دانا هنطق من جنابي يا سااااااااامي

-      ليه يا بت ؟

-      عَرَفت ان بابا هيدبح تلات عجوووووووووول

-      يدبح يا ستي خمسين عجل، ما اهو ابوكِ فلوسه يامَا ومش عارف يوديها فييييييييين

-  ايوة على رأيك، عمال يبعترها شوية ع المفعوصة بنت اشجان وشوية على احمد وشوية على ادهم والمخفي اللي جاله، لكن انا لاااااااااا، ولا كأني بنته، ايه يعني لزوم المولد اللي هيعمله لابن ادهم ددددددددده !!!

-  طب وانا مالي انا ! بتزعقي في وشي ليه ! مش قادرة ع الحمار جاية تتشطري ع البردعة ! روحي قولي لابوكِ اللي عمال يفرق ماله قدام عينك وسايبك مأشفرة

-      اااااااااااخ دانا هنولع يا ساااااااااامي

-  طب يا ريتتتتتتتتت، قومي ولعي في نفسك واحنا نقولولهم انك عملتي كدة من الظلم اللي انتِ شوفتيه في دنيتك منهم ، وبكدة هيحسوا بالذنب

-      يا سلاااااااااام ! وانا هنستفيد ايه ان شاء الله  لما يحسوا بالذنب بعد مووووووووتي

-  انا وبنتك اللي هنستفيد يا اوسا، اكيد ابوكِ هيعوض بنتك ويفتح خزاينه ويديها من غير حساب عشان يكفر عن ذنبه معااااااااكِ، وانا كمان الخير هيعم عليا، وما تخافيش يا اوسا، هندعولك بالرحمة في كل صلاة

-      في كل صلاة ! هو انت بتصلي ولا بتركعها يا ساااااااامي!

-  لا ما انا لما تموتي هنتوب يا اوسا، ما هو الواحد مش هيفضل طول عمره في معاصي كدة، ها يا اوسا هتولعي في نفسك الساعة كام ؟

-  يا شيخ انت كماااااااااان، اسيب الناس تتهنى بمال ابويا وانا نولع في نفسيييييييي ! اوعى يا سامي سيبني في حااااااااالي، انتِ يا بدوررررررررررررر، انتِ يا بتتتتتتتتتتتتتتتتت

-      ايوة ايوة يا ست اوساااااااااااا نعميييييييين

-      حصليني بالباشكير يا بت ,هندخل ناخد دوش يمكن النار اللي فيا تبرررررررررررد

-      حاضر يا ست اوسااااااااا

-      انا بكرة يا بت رايحة سبوع ابن ادهم في الفيلا عند ماما، خلي بالك من نورهان

-      هو انتِ مش هتاخدي نورهان معاكِ ؟

-  لا مش هناخدوها، مش ناقصة خوتة وقلبة دمااااااااااغ، ولما البت رزقة تيجي قوليلها تنضف الشقة وتخليها زي الفل وخليها تطبخ عشان البت نورهان تتغدا

-      حاضر يا ست اوسا، طلباتك أوامر، هنعملوا كل اللي قولتي عليه، الف مبروك لسي ادهم

-      مبروك على ايه ! بلا خيبة,اوعي يا بت من وشي مش طايقة حد

-      نعوذ بالله، دي راكبها الهم ومش فرحانة بخلفة اخوها، نعوذ بالله منك ومن قلبك الاسود يا اوسا

-      بتكلمي نفسك يا حبيبة هارتي !

-  ايّوووووووه فجعتني يا ولا، اصل مستعجبة من طبع مراتك، نفسي نعرف هي بتحب مين وبتتمنى الخير لمين ؟ دي كارهة خلق الله كلهم حتى اخواتها اللي من دمها

-      ههههه اوسا ما بتحبش غير نفسها، ولما بتشوف حاجة تفرح عند حد بتتخَنَق من كتر النار اللي بتولع جواها

-      نعوذ بالله، ربنا يكفينا شرها يا سامي

-      واحنا مالنا ومالها !

-      هأ، مالنا ومالها ! داحنا مشبوكين معاها شبكة سودة وسبحان من هينجينا منها

-      بدورررررررر الباشكير يا بتتتتتتتتتت

-      ياامّاااا اتفجعت، حاضر يا ست اوساااااااااااااا

********************

انتهت الحلقة لهذا اليوم قرائي الأعزاء

أحب أن أنوه أنني أراقب تعليقاتكم عن كثب وتسعدني جداً

فالتفاعل وحده هو ما يحملني على النشر

فقط أريد من القراء الذين لا تظهر أسمائهم أن يكتبوها حتى يتسنى  لي معرفتهم والتشرف بهم..بعض الأسماء مجهولة

شكر خاص ل

Sun top

Luli

أم حمزة

ايمان صالح

Faten salama

أميرة علاء الدين فاروق

Rania yehia

Smsma Mohamed

Hapapa khedr

والشكر موصول للقراء الأعزاء الذين يسعدوني بتعليقاتهم  على صفحتي على الفيس بوك

إلى اللقاء في الحلقة القادمة