الحلقة الخامسة والثلاثين

-    يااااااااه شكلك نضج جدا يا ولد يا هشام هههه قصدي يا أستاذ هشام,اخبارك ايه يا ابني واخبار اخواتك البنات ووالدتك

-             اخواتي كويسين الحمدلله، اتجوزوا  وسافروا مع اجوزاهم، والوالدة توفاها الله من سنتين

-             رحمة الله عليها، كانت ست فاضلة

-             أشكرك يا عمي,وللأسف ما حضرتش عزاها لاني كنت مسافر برا مصر

-             معلش يا ابني، لكن انت ازي اخبارك، اكيد اتجوزت وخلفت يا هشام

-             استر ياااااارب

-             في الحقيقة لا يا عمي

-     أحمدك يااااااارب ههههه اقعد يا ابني بلاش تقف كدددددددة ، قول للأستاذ يقعد يا لطفيييي، قومي يا سلوى من ع الكرسي عشان الاستاذ يقعدددددد

-             اقوم فين يا مامااااااا !!!!

-             هههه انا هجيب كرسي واقعد معاكو

-             هات يا ابني هاااااااات هههههه

-    ايه قلة الذوق بتاعته دي ! ده راح يجيب كرسي وهيقعد معانا يا ماما ! طب مش يشوف اذا كان وجوده هيضايقنا ولا لأ ؟؟؟؟؟؟

-             انتِ تخرسي خااااااااالص، اسكتي دانا ما صدقت قال انه مش متجوز، ياااااااارب يااااااااااارب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             محموووود، معلش بقى مش هقدر اروح المشوار بتاعنا عشان هقعد مع صديق والدي واسرته

-             الله ! يا ابني مش هتيجي معايا تشوف العروسة اللي قولتلك عليها بدل ما انت معنس كدة هههه

-             هههه ممممم مافيش داعي

-             هي ايه الحكاية ! شكلك كدة لقيت اللي بتدور عليها على طرابيزة صديق والدك القديم ههه

-    مش عارف هههه لسة ما عرفش عنها أي حاجة، بس بصيت في ايدها ما شوفتش دبلة، اتمنى تكون هي دي اللي بدور عليها

-             وليه يعني ! عشان جميلة وعجبتك ؟

-    ههه هو ده سبب بس مش اساسي، السبب الأساسي انها بنت واحد من اصدقاء والدي العزاز، يعني واثق هي مين وبنت مين، وبعدين بصراحة عجبتني قوي، حاسس انها شخصية رزينة قوي وانا احب النوع ده من النساء

-             يا سيدي ربنا يوفقك، طيب يعني الغي الموضوع بتاع اخت صاحبي ؟

-    ممممم مش عارف، اقولك، انتظر لغاية ما اشوف حكاية بنت الأستاذ لطفي ايه وهتوافق ولا لأ، انت كلمت صاحبك بصراحة اننا رايحين نتعرف عليه بغرض خطوبة اخته ؟

-             لالالا مش انت قولتلي ما تجيبش سيرة وكأننا رايحين زيارة ودية ؟

-             طب كويس، كدة نرفع عننا وعنهم الحرج، طيب انا هروح اقعد معاهم بقى عشان منتظريني

-             ماشي يا سيدي، بالتوفيق يا هشام، ومين عارف، رُب صدفة خير من الف معاد

-             هه جايز، طب انا هدفع الحساب، ما تقلقش، امشي وانت مطمن ههههه

-             ههههه ماشي يا هشام، متشكر على عزومة العشا اللطيفة دي وعقبال عزومة فرحك قريب

-             ههه ان شاء الله يا محمود، مع السلامة

-    اهو الأستاذ  ابن صاحبك جاي اهو هههه بسم الله ماشاء الله عريس زي القمر، طول وحلاوة ووساااامة، يارب يجعله من حظك يا سلوى يااااااااارب

-             هه اتأخرت عليكو؟

-             اتأخرت قوي قوي يا ابنيييييييييي، اطلب عشا للأستاذ يا لطفييييييييييي

-             لالالالا انا اتعشيت مع صاحبي ممممم يا ترى الأستاذة سلوى مخطوبة ولا متجوزة  يا أستاذ لطفي ؟

-             في الحقيقة سلوى بنتي مضربة عن الجواز ههههههه

-    ايه اللي بتقوله ده يا لطفييييييييي، عمك بيهزر ههههه، قصده يعني ان سلوى ما لقتش الراجل اللي مالي مركزه زي حضرتك كدة اللي يملا عينهاااااااا، اصل سلوى دي بقى تربية ع الغاااااااالي، ما رضيناش نديها لاي حد يا ابني، الواحد لما يجي يجوز بنته لازم يجوزها لواحد من عيلة عريقة زي عيلتك كدددددددة، الله يرحم امك وابوك ويسكنهم فسيح جنااااااااته

-             ههه آمين يا طنط

-             والله يا ابني انا قلبي اتفتحلك زي ما تكون ابني، عندك شقة ؟

-             هدددددددددى

-             ايه يا لطفي ! هو انا قلت حاجة غلط ! انا بتطمن ع الأستاذ هشام يعني اكمني في مقام والدته

-    هه متشكر يا طنط، في الحقيقة انا كنت قاعد في شقة العيلة بس طبعا قلت ما ينفعش اتجوز فيها عشان مش من حقي لوحدي، واخواتي لهم حق فيها، عشان كدة اشتريت شقة كويسة قوي في الدقي

-    في الدقي ! هههههه بسم الله ماشاء الله تبارك الله، الدقي دي من ارقى مناطق القاهرة، ما بيسكنهاش غير الناس الأكابر اللي زي حضرتك

-             ههه متشكر قوي

-             الشكر لله وحده، يا رب يا سلوى يا بنتي يجعلك من سكان الدقي على ايد الأستاااااااذ 

-             والله يا هشام يا إبني انا سعيد جدا اني شوفتك النهاردة

-    هه انا اسعد والله يا عمي، حضرتك من اعز اصدقاء الوالد، وكان نفسي اود حضرتك من زمان لكن للأسف ما كنتش عارف عنوانك او أي شيء عنك، انا عارف ان حضرتك كنت ساكن في الضاهر 

-             كنا يا ابني، في الحقيقة احنا سيبنا الضاهر من زمان وسكنّا في حدايق القبة 

-             اديله العنوان يا لطفي عشان يزورناااااااا

-             اكيد طبعا، لازم تزورنا في البيت يا هشام يا ابني، اللقاء العابر ده ما ينفعش

-    ههه طبعا يا عمي طبعا ، ده شيء يشرفني، ضروري لازم نتبادل الزيارات، من فضلك اديني رقم تليفون حضرتك والعنوان

-             ههه قوي قوي يا ابني,ده الكارت بتاعي فيه العنوان بالكامل ورقم التليفون

-             هه متشكر يا عمي

-             العفو يا إبني، لكن انت كنت مسافر فين يا هشام ؟

-             كنت في هولاندا يا عمي، قعدت هناك حوالي خمس سنين، وبعدين قلت ارجع بلدي بقى وكفاية غربة

-             وبتشتغل في مجال السياحة طبعاً

-    في الفترة الحالية لسة ما استقرتش في موضوع الشغل، لكن هعمل مشروع قرية سياحية انا وواحد صاحبي في الغردقة

-             الغردقة ! معنى كدة انك هتنقل إقامتك هناك

-             اكيد يا عمي

-             ربنا يوفقك يا ابني

-    الغردقة جميلة, جمييييييييلة ,انا زورتها انا ولطفي مرتين قبل كدة وان شاء الله هنزورها كتير على ايديك هههه

-             ههه دي حاجة تسعدني يا طنط، طب استأذن انا يا عمي 

-             هه اتفضل يا ابني

-             فرصة سعيدة يا طنط

-    ههههه احنا اسعد بيك والله العظيم ولا ليك عليا حلفااااااااان، معاك العنوان بقى ومالكش حجة، تيجي تزورنا يا أستاذ هشام 

-             ههه اكيد ان شاء الله يا طنط مممم فرصة سعيدة يا انسة سلوى

-             ميرسي

-             عن اذنكو

-             مع السلامة يا إبني

-             الف سلامة يا أستاذ هشاااااام ، ايه يا سلوووووى، ايه الجليطة بتاعتك ددددددي

-             ايه يا ماما انا عملت اييييييييه ؟

-                         الراجل بيكلمك وانتِ اعوذ بالله بتردي من تحت الضرس وناقص تديله الم على وشششششششه

-             الله ! اومال اعمله ايه يعني !

-    هو حد قالك اعملي حاااااااجة، لكن افردي وشككككككك، كدة الراجل يفتكر انك رافضاه ومش عايزة تتجوزييييييه

-             هههههههههههه ايه يا ماما ! هو حد قالك انه هيتقدم !!!!!

-             ان شاء الله هيتقدم هههه، عينه ما نزلتش من عليكِ هههههه مش كدة يا لطفي ؟

-             افندممممممممم ! لا طبعا، الولد مهذب وما بصش على سلووووووى

-             ههههه والله  ما انت فاهم حاجة، الحاجات دي ما يفهمهاش إلا انا

-             طب كلي، كلي يا هدى عشان واضح ان دماغك ضربت

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

**********************

-             يا هدىىىىىىىىىى هههههههه هدددددددددددى

-             أنا هنا في الليفنج يا لطفيييييييي

-             هههههه السلام عليكم يا هدددددددى

-             عليكم السلام، مالك فرحان قوي كدة وبتضحك ؟

-             ههههه عارفة مين اخد مني معاد وجه قابلني في الكافتريا اللي بقعد عليها أنا واصحابي القدام ؟

-             مين يا لطفي ؟

-             فاكرة الأستاذ  هشام اللي قابلناه صدفة من يومين واحنا بنتعشى ؟

-             طبعا فاكرااااااااااه ههههههه ازيه عامل اييييييييييييه مش ناوي يتجوززززززز ؟

-             هو قابلني عشان كدة، طالب ايد سلوى، ايه رأيك ؟

-             هههههههههههههههههههه والله صحيححححححححححححح ؟ عايز يتجوز سلوووووووووووى ؟

-             الولد معجب بيها من ساعة ما شافها، لدرجة انه كان رايح يشوف عروسة في اليوم ده ولغى الموضوع

-    هههههههههه ماشاء الله، يارب يجعله من نصيبها يااااااااارب, اسمع يا لطفي، البنت دي لو رفضت المرة دي يبقى مافيش حل غير اننا نوديها سرايا المجانين ونخلصصصصصص, لإن ساعتها اكيد هتأكد انها مجنونة ومش طبيعية ابداااااا

-             يا ستي ان شاء الله هتوافق، ده هدية باباها ليها  ههه

-             يارب يا لطفي ياااااااااارب

-             على العموم هي زمانها جاية من الشغل وناخد رأيها

-             مافيش رأييييييييييي، رأيها ده ايييييييه !

-             تررررررررررررررررررررررررررررررررررررررررررررن

-             دي اكيد هي يا هدى، بعد إذنك هروح افتحلها

-             استني يا لطفييييييي أنا اللي هفتحلها وانت استنانا في الصالون هجيبهالك واجيييييييي

-             ماشي يا هدى

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             سلوى حبيبتي ههههه ادخلي يا روح ماماااااااا اموووووه

-    ايه ده !!!!! انتِ بتكلميني أنا يا ماما ! وكمان بتبوسيني وبتضحكي في وشي ! ههه غريبة قوي ! من زمان لا بوستيني ولا ضحكتي في شي

-    هههههههه من هنا ورايح مش هبطل ضحك في وشك ولا هبطل ابوسك امووووووه تعالي يا حبيبتي ورايا ع الصالون عشان بابا مستنيكِ

-             حاضر يا ماما، هي ايه الحكاية !

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             سلوى جت اهيه يا لطفي هههه

-             السلام عليكم يا بابا

-             عليكم السلام يا حبيبتي، اتفضلي اقعدي عشان في موضوع مهم عايز اكلمك فيه

-             ممممممم حاضر، موضوع ايه ده يا بابا ؟

-             فاكرة الأستاذ هشام ؟

-             مين الأستاذ هشام ده ؟

-    دي نسيته يا لطفي، يا بنتي الأستاذ  هشام ابن صاحب ابوكِ الأستاذ منصور علوان  الله يرحمه اللي قابلناه واحنا بنتعشى من يومييييييين

-             أهااا, ماله يا بابا ؟

-             هه متقدملك وعايز يتجوزك

-             هاااااااا

-    بقولك ايه يا بت انتتتتتتتتتتتِ، اياك اسمع منك أي كلمة غير موااااااااافقة، الولد ما فيهوش عييييييييب، هيعمل قرية سياحية في الغردقة  ومؤدب ووسيم وطويل وفيه كل المواصفات اللي جنابك حاطاها في فارس احلامك اللي أرفنا في عيشتنا وعيشنا ندور عليه العمر كله ومش لاقييييييييينه، إياك تقولي مش عايزة ,سااااااااامعة, إياااااااااااك وإلا يمين بالله لاخد شنطة هدومي واطفش وما تعرفولي طريق ليوم الديييييييين

-             استني بس يا هدى الكلام اخد وعطا، رأيك ايه يا سلوى يا بنتي ؟

-             مممممممممم طيب افكر وارد عليكو بكرة

-             سامع يا لطفي اللي هتنقطنييييييييي

-             بالراحة بس يا هدى، البنت ماقالتش حاجة غلط، بتقولك هتفكر وترد علينا بكرة

-             بكرة امتىىىىىىىىىىى ؟

-             اول ما ارجع من الشغل يا ماما هقولك ردي

-    يكون في علمك يا لطفي انت وبنتكككككككك، لو البت دي قالت رافضة هيكون اخر يوم ليا معاكوووووووو، مش هعيش مع البت دي تاني  اكتر من كددددددددة، كفاية بقى ارحموووووووني

-             نهون عليكِ يا هدى ؟

-             لا يا لطفي، انت ما تهونش، لكن البت دي لاااااا، لو عايزني اعيش معاك يبقى هي اللي تمشيييييييييي

-             هههه هتمشي إن شاء الله بس مع عريسها على عشهم السعيد

-             هههه اذا كان كدة ماشي

-             طيب عن اذنكو هدخل اغير هدومي

-             وانا هحضرلك الغدا وهعمل معاكِ بأصلي لحد ما اعرف ردك وبعد كدة اقرر هتعامل معاكِ ازااااااااااااي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             عم درويش ، مج نسكافيه من فضلك

-             حاضر يا انسة سلوى

-             صباح الخير يا سلوى

-             اهلا ايمان صباح النور

-    ايه يا بنتي اتصلت بيكِ امبارح لقيتك قافلة الموبايل واتصلت ع البيت مامتك قالتلي قافلة على نفسها اوضتها وقالت ما حدش يخبط عليا 

-             معلش يا ايمان، كنت عايزة اقعد مع نفسي شوية وافكر تفكير عميق في موضوع مهم

-             مممممم والموضوع ده سر وهتخبيه على ايمان حبيبتك ؟ ههه

-    هههه أنا عمري ما خبيت عليكِ حاجة يا ايمان، اصل بصراحة في عريس متقدملي وكنت محتاجة افكر كويس قوي قبل ما اقول لبابا رأيي النهائي

-             عريسسسسسسس ! ههههههه هو مين وعرفتيه ازاي انطقي فرحينيييييييييي

-             هو يا ستي ........................

-             تن تن انسة سلوى، بوكيه الورد ده عشانك

-             وردددددد ! من مين ده  يا عم درويش ؟

-             محل الورد بعته

-    من مين ده بقى يا سلوووووووى هههههه شكرا يا عم درويش روح انت، الله ! ده في كارت مع بوكيه الورد يا سلوى، مممممم هههه هشااااااااام ! هو اسمه هشام يا سلوووووى ؟

-             هشام ! ههه هو اللي بعت الورد ده ؟

-    ههههههه اومال يعني الست والدته ! ممممم كاتبلك يا ستي ، إن تحدث هذا الزهر لقال لكِ انتِ الأجمل بين كل الزهور، انتظر عطفا على قلبي الملقى  على اعتابك إذنا بالدخول .  يا عيني يا عينيييييييي ههههههه دانا هروح اتخانق مع جوزززززززي، ازاي ما بعتليش ورد وكلام حلو كدة واتذلل عشان اوافق عليييييييه ! هههه واضح انه رقيق قوي يا سلوي، وافقي عليه وما تعذبهوش، بجد صعب علياااااا هههه

-             ممممم وريني الكارت كدة يا ايمان

-             شوفي يا ستي وملي عنيكِ بالكلام الجميييييييل

-    إن تحدث هذا الزهر لقال انتِ الأجمل بين كل الزهور,انتظر عطفا على قلبي الملقى على اعتابك إذنا بالدخول

-             سلوى

-             ..........................................

-             ممم سلوووووووووى

-             ...........................................

-             سلوووووووووووووى، سرحانة في ايه يا بنتيييييييييييي !

-             هااااا ! انتِ بتقولي حاجة يا ايمان ؟

-             هههه لالا ابتدينا السرحان من اولها كدة ! شكله عرف يكسب عواطفك من اول جولة

-             هههه عادي يعني ممممم خلينا في شغلنا احسن

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             ترررررررررررررررررررررررررررررررررررررررررررن

-             افتح الباب يا لطفييييييييييي

-             بحلق دقني يا هدىىىىىى، افتحي انتِ معلش

-             طيب ماشي، ايوة يللي ع الباب

-             ايه ده ورد !

-             صباح الخير يا فندم

-             صباح النور يا ابني

-             الورد ده جاي للأنسة سلوى

-             هههه سلوى ! طب متشكرين  خد دول عشانك، صباحك وردددددد

-             ههه متشكر يا فندم

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-    ورددددد ! ههه اكيد هشام اللي باعته لسلوى، اكيد اسمه مكتوب ع الكارت ده، ايوة هوووووو هههههه ايه ده، ايه الكلام المكتوب  ده، عندما تعودين إلى المنزل ستجدي زهوري قد سبقتك لتحاصر قلبك وتقول آما آن الآوان أن تفتحي قلبك لحبا سأعطيه لكِ بلا حدود ؟

-    ههه الله الله الله، يارب تحني وتوافقي يا سلوى يااااااااارب، يا لطفيييييييي لطفي، تعالى شوف الورد .  الوردددددد جميل جميل الوردددددد

-             الورد جمييييييل جميل الورددددد

-                 الورد جمييييييل وله أوراق عليها دلييييييل من الاشوااااااق

-                 اذا اهداااااه حبيب لحبييييييييب يكون معناااااااه وصاله قرررررررررريب

-                 شوف الزهوررررر واتعلمممممممم اتعلمممممممم

-             بين الحبايب تعرف تتكلمممممممم

-             شوف شوووووووووف شوف الزهور الزهورررر شوف واتعلمممممممم هههههههه

-    ههههههههههههه الله الله الله ع الروقان يا هدىىىىىىىى والله زمااااااااااان، غنى وورد وصباح جميييييييييييل

-             هههههههههه الورد بعته هشام لسلوى يا لطفيييييييي، شكله كدة مش هيسيبها إلا لما توافقققققق

-    ههه ان شاء الله توافق ممممم بس أنا افتكرته هيبعت بوكيه الورد على شغلها، اصله سألني على عنوان شغلها وانا قولتهوله

-             يبعت مطرح ما يبعت المهم توافققققققق

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             مساء  الخير يا فهيمة

-             مساء  النور يا ست سلوى، ايه الورد اللي معاكِ ده ؟

-             ههه جميل ,مش كدة ؟

-             قوي قوي يا ست سلوى

-             يعني أنا احلى ولا هو ؟

-             هو مين ده ؟

-             الورد يا فهميمة

-             نعممممم ! هي راجعة من الشغل سخنة ولا ايه !

-             ايه يا فهيمة ! بتبصيلي كدة ليه ! ههه بسألك أنا احلى ولا الورد ؟

-             والله يا ست سلوى انتو الاتنين حلوين

-             بس هو بيقول أنا احلى يا فهيمة

-             هو مين ده اللي بيقول ؟

-             هههه الورد، عن اذنك يا فهيمة

-    اتفضلي يا ست سلوى، الله يلطف بيكِ وبعقلك اللي قالك باي باي ومشي ، عوااااااااااد اصحى يا عواد كفاية نوم وتعالى اقعد مكاني ع البواااااابة، اللي يقعد على باب العمارة دي يشوف بلاااااااوي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-    ترررررررررررررررررررررررررررررررررررن تررررررررررررررررررن ماما افتحيلي يا ماما أنا سلوووووووى

-             سلوووووووووى بنتي حبيبتييييييي ههههه ايه الورد ددددددده !

-             بعته هشام يا ماما

-             هههه ومالك هيمانة كدة !

-             اصله رقيق، رقيق قوي يا ماماااااا

-             هو مين ده ؟

-             الورد ههه الورد يا ماما

-             هههههه طب ادخلي اوضتك هتلاقي بوكيه تااااااني

-             بوكيه تاني ! مين بعته يا ماماااااا ؟

-             هشام برضو يا روح ماما

-             بجدددددد ! أنا داخلة جري عشان اشوووووووووفه ههههههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             الله بوكيه الورد التاني يجننننننن يجنن بجد والكلام اللي عليه كله احساااااااس

-             سلووووى

-             اتفضلي  يا ماما

-             هههه مالك حاطة بوكيهات الورد جنبك كدة وقاعدة تتأملي فيهم ؟

-             أنا موافقة اتجوز هشام يا ماما

-             صحيح يا سلوووووووووووووووووووووووووووووووووووى ؟ هههههه

-             هههه صحيح يا ماما، خلي بابا يتصل بيه ويقوله اني موافققققققققة

-    ههههههههههه يا حبيبتي يا بنتي امووووووووه اموووووووووووه اموووووووووووووووووووووووووووه يا لطفييييييييييييييييي لطفييييييييييييييييييييييي سلوى وافقت يا لطفييييييييييييييييييييييييييييييييييي هههههههههههههه

-                 طيب خير ماشاء الله، اتصل بقى بالمسكين اللي مستني مني الرد على نار

-             طمنه يا لطفي طمنه وقوله سلوى ليك وانت لها ان شاء الله هههههههههه

-             تررررررررررررررررررررررررررررررررررررررررررررن

-             السلام عليكم يا عميييييييي خير طمنيييييييي

-             ههه العروسة وافقت يا سيدي

-             بجد يا عمييييييييييييي ؟

-             ايوة بجد، اومال متصل اهزر معاك يعني ! هه

-             هههههههه متشكر قوي يا عمييييييييييي طب أنا جاي حالااااااااااااااا

-             في انتظارك يا هشام، مع السلامة يا ابني

-             ايه يا لطفييييييييي قالك ايييييييييييه ؟

-             قال جاي حالا يا هدى

-             هههههههههه يا عيني ! ده الواد مش صابررررررر

-             ههه ربنا يقدم ما فيه الخير يا هدى إن شاء الله

-             طب بقولك ايه يا لطفي، خليه يجيب المأذون معاه ونكتب الكتاب ونخلص بقىىىىىىىىىىى

-    ايه يا هدى اللي بتقوليه ده ! معقول اقول للولد هات المأذون معاك في اول مرة يجي عندنا فيها !!! يقول علينا ايه !

-             يا خويا يقول اللي يقوله، هو احنا طلبنا حاجة غلط !

-             طب روحي قولي لسلوى تجهز عشان هشام على وصول

-             ههههههه من عنيا يا لطفي، سلووووووووووووووووووووووى

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             تن تن سلوى حبيبتييييييييي

-             اتفضلي يا ماما

-             قومي يا حبيبتي البسي عشان خطيبك زمانه جاااااااااااي هههههه

-             خطيبي ! ممممم هشام ؟

-             هههه ايوة اومال هيكون مين غيره الحلو القمر المسكر ددددددددده

-             هه طيب يا ماما، هلبس حالا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             ايه ده يا عواد، مين البيه المحترم اللي نزل من عربيته وشايل حزمة ورد ده ؟

-    وانا ايش عرفني، ده باين عليه جاي يزور حد عيان في العمارة، اصل أنا اسمع ان الناس الزوات دول بيجيبو ورد للعيانين

-             ربنا يكفينا شر المرض

-             السلام عليكم

-             عليكم السلام يا استاذ

-             من فضلك أنا طالع عند الاستاذ لطفي

-             الأستاذ لطفي ! هو الأستاذ لطفي عيان ؟

-             ليه بعد الشر ؟

-             اصلك جايبله ورد

-             هه لالا الورد ده للعروسة، اصل أنا خطيب بنته سلوى

-             ههه يا اهلا وسهلا، الف مبروك يا استاذ، الست سلوى اتخطبت للأستاذ يا فهيييييييمة

-    ههههه يا الف مبرووووووووك ! اخيرررررررررا !!! ال اللي يصبر ينوووووووول، اتفضل يا استاذ، اتفضل الاسانسيررررررر الف مبروك يا عريسسسسسسس

-             الله يبارك فيكِ ههه

-    اخيرا الست سلوى اتخطبت يا عواااااااااد, يا فرحة الست هددددددددى ههه، بس هو العريس جايب ورد ليه ؟

-             تلاقيه بيشتغل جنايني يا فهيمة

-    ايوة ايوة عشان كدة بقى، شكله هيلم من الجنينة ويغرقها وردددددد، يا بختك يا ست سلوى هتتجوزي جنايني وتتمتعي بالريحة الحلوة، مش أنا اللي اتجوزت بواب لحد ما طفح عليا وبقيت شبهه

-             روحي يا فهيمة هاتي طلبات الست نوال من عند الجزار

-             ماشي يا عوادددددددد

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             ترررررررررررررررررررررررررررررررررررررررن

-    هو, هووووووو يا لطفي هوووووووو هههههههه افتحله بسررررررررررررعة بسرعة يا لطفي قبل ما يمشييييييييييييي

-             بالراحة يا هدى، بالرااااااااحة، خليه يرن الجرس مرة كمان، لازم يحس اننا مش ملهوفين عليه

-             يا خويا انت كماااااااااااااان، أنا اللي هروح افتحححححححححله

-             طب استني استني ههههه هروح اهو

-             وانا معااااااااك هههههه ده الغالي خطيب الغاليييييييية

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             اهلا يا هشام يا إبني ههه اتفضل

-             ههه السلام عليكم يا عمي

-             عليكم السلام اتفضل

-             يا اهلا يا اهلا يا اهلا يا أستاذ هشام ايه النور ده ككككككككككككله

-             نورك يا طنط متشكر قوي، الورد ده عشان الانسة سلوى، يا ترى هي فين؟

-             هههه حالا يا ابني حالاااااااااااااا، اتفضل في الصالووووووون

-             اتفضل يا ابني

-             متشكر يا عمي ههه

-             جيت بسهولة ولا توهت في العنوان ؟

-             إطلاقا يا عمي، عنوانكو ما يتوهش ابدا

-             السلام عليكم

-             ههه اهلا انسة سلوى عليكم السلام... اتفضلي الورد

-             هه ورد تاني !

-             ههه وفي كل وقت

-             هه متشكرة يا أستاذ هشام، اتفضل اقعد

-             اشكرك، ممممم يا ترى الورد عجبك ؟

-             جدااااااااا

-             اومال مامتك راحت فين يا سلوى ؟

-             ماما بتجيب الجاتوه والحاجة الساقعة وجاية حالا

-             هههههه أنا جييييييييت، اتفضلوا الجاتوه والحاجة الساقعة، اعملي طبق للأستاذ هشام  يا سلوووووى

-             حاضر مممم تحب الشيكولاتة ولا الكريمة ؟

-    في الحقيقة أنا بحب الشيكولاتة، بس عشان النهاردة بالنسبة لي مختلف، وحصل فيه اجمل حدث في عمري، فأنا عايز كل حاجة تكون باللون الأبيض، فهاخد الكريمة عشان لونها ابيض هه

-             هه ممممم وانا كمان

-    ههههههههه وانا كماااااااااان وانت كمان يا لطفيييييييييي، طب والله لشيل كل جاتوه الشيكولاتة ده واخلي الكريمة بسسسسسسس يا نهار ابيض يا نهار ابيضضضضضضضض ههههه

-             هههههههههههههههههههه حضرتك لطيفة قوي يا طنط

-             ده من لطفك وظرفك يا حبيبييييييييي هههههه عن اذنكو وراجعة حالااااااااا

-             اتفضلي ,أنا بقول يا عمي اني اقدم الشبكة ونكتب الكتاب الخميس الجاي

-             وليه الاستعجال ده يا ابني ؟

-    يا عمي مافيش داعي للتأخير طالما كل شيء جاهز، ممكن اعدي بكرة اخدكو عشان الأنسة سلوى تنقي الشبكة اللي هي عايزاها، قلت ايه ؟

-             قال موااااااااااافق هههههه هيقول ايه يعني يا هشام يا ابني ! كلامك عين العققققققققققل

-             هدددددددددى

-             سكت اهو، هو أنا قلت حاجة غلط !!!

-             استني لما ناخد رأي البنت الأول، ايه رأيك يا سلوى، موافقة نكتب الكتاب يوم الخميس الجاي ؟

-             هه عن إذنكو

-             ايه يا عمي ! هي مش موافقة ؟

-             ههه يا ابني السكوت علامة الرضا، مبروك يا هشام يا ابني

-             هههه الله يبارك فيك يا عمي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             مبروك يا خالتوووووو ههههههه أنا فرحانة قوووووي اموووووووووه امووووووووووووووه

-             ههه يا حبيبتي يا هدير ! للدرجة دي فرحانة ؟

-    وماما فرحانة كمان اكتر منيييييييي، اول ما تيتة اتصلت قالتلها فضلت تعيط من الفرحة والله وفضلت تبوس فينا وتضحك وتقول خالتكو سلوى اتخطبت وهتتجوز خلاص

-             هههه ربنا ما يحرمنيش منها يارب ناهد حبيبتيييييييي، لكن ماما ما اتصلتش بخالتك منى ؟

-    تيتة اتصلت بيها وتليفونها كان مشغول وهتتصل تاني، لكن قوليلي يا خالتو، اشمعنى ده اللي وافقتِ عليه ؟

-             مممممم اقولك يا هدير

-             قولي يا خالتو

-             عشان هو ده اللي قدر يخاطب الأنثى اللي جوايا

-             نعم !!!!!!

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             تررررررررررررررررررررررررررررررررررررررررررررررن

-             الو ايوة يا ماما

-             هههه ايوة يا منى يا حبيبتييييييييي، سلوى اختك اتخطبتتتتتتتتت

-             بجد يا ماماااااااااااااا ؟

-             ايوة والله بجد، اتخطبت لصاحب قرية  سياحة في الغردقة

-             الغردقة ! وده عرفتوه منين يا مامااااا ؟

-    ، ابوه الله يرحمه كان صاحب ابوكِ ربنا يديه الصحة ويخليه لينااااااااا قابلناه بالصدفة, وشوفي سبحان الله ربك قادر على كل شيء، من ساعة ما شاف اختك وهو هيتهبل عليهاااااااا

-             هههه والله فرحتيني يا مامااااااا مممم بس اوعي يكون راجل كبيررررر

-    يا بنتي هي غباوة  مخك دي ماضية معاكِ كونتراتو مدى الحياة !!! بقولك ابوووووووه كان صاحب ابوكِ يعني الولد شاب صغير يادوب اكبر من اختك بسنتين ههههه وايه بقى يا بت يا منى، شاب زي القمررررر، حاجة كدة تشرح القلب

-             هههه مبروك يا مامااااااا، هاجي واجيب محسن والولاد ونبارك لسلوووووووى

-             تعالو كلكو يوم الخميس الجاي عشان الخطوبة وكتب الكتااااااااااااب هههههه

-             يعني يا ماما اقول لطنط اوكا ولا ما اقولش ؟

-    قولي لأوكا ولحبايب اوكا وكل اللي يحبوووووونا هههههه ده كتب كتاب سلوووووووووووووووووووى دانا قلبي هيقف من الفرررررررحة

-             بعد الشر عليكِ يا مامااااااا، ربنا يفرحك دايما يااااااااارب

-             يارب يا بنتي يارب ويفرحك ببناتك كلهم ولا يعنسلك بنت ابداااااااااا آمين ياااااااارب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             تن تن هديرررررررر

-             ايوة يا ماما

-             يوسف مستنيكِ في الصالون

-             كويس انه ججججججججججه، دانا مستحلفااااااااله

-             هههههه طب بالراحة عليه ده مش حملك

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             اهلا يا سي جو

-             ههه اهلا بيكِ يا هديل، مش تقولي السلام عليكم

-             السلام عليكم يا سي جو

-             عليكم السلام يا ست هديل .  مالك ؟

-             تعرف خالتو سلوى وافقت ع العريس ليه ؟

-             اكيد عشان اقتنعت بيه

-    ده اكيد طبعا ,وكمان عشان قدر يخاطب الأنثى اللي جواهااااااا، ممكن حضرتك بقى تخاطب الأنثى اللي جوايا ؟

-             ههه افندم ؟

-             يوووو يا يوسف أنا مش بهزر، أنا محتاجة انك تخاطب الأنثى اللي جواياااااااااااا

-    ممممم حاضر يا ستي، هخاطب الانثى اللي جواكِ.. مساء الخير يا أنثى يللي جواها، ممكن نتعرف ؟ هههههههه

-             هههههههههههههههههههههههههههههههه يعني قلبت الموضوع تهريج !

-    على العموم أنا فاهم كويس قوي تقصدي ايه، كل واحد بيعبر بطريقته، مش شرط اكون نسخة من فلان عشان احوز اعجابك، ممكن اوصلك كل مشاعري عن طريق نظرة واحدة، ومن غير ولا كلمة

-             ممممممم ازاي ؟

-             طب بصي في عنيا كدة، اقري المكتوب فيها، هتلاقي مكتوب كلمة بحبك

-             ههه

-             قرتيها ؟

-             ههه ايوة

-             طب ممكن اقراها في عنيكِ انتِ كمان ؟

-             هه مممممم قريتها ؟

-             مش شايفها

-             ايه ! ازاي مش شايفهااااا ؟

-             متأكدة انك بتحبيني ؟

-             يوسف ايه السؤال ده ! طبعا بحبك

-             اومال ليه مش باين في عنيكِ ؟

-             ازاااااااي ! يعني حبي ليك مش باين في عنيا ؟

-             لا، مش باين

-             طب ما تصدقش عنيااااااا ,عنيا بتكددددددددب, والله بحبكككككككككككككك

-    إنتِ يا بنت يا مجنووووووونة يلي في الصالوووووووووون وطي صووووووووووتك الجيران سمعوووووووووووكِ، ايه الجنان ددددددده

-             هههههههههههههههههههههههههههههههههههههه اتهزئتي من طنط ناهد

-             هههههههههههههه عجبك كدة التهزيء اللي خدته بسببك دددددده !

-             حد قالك علي صوتك وقولي بحبك !

-             مش انت اللي بتكدددددددبني !

-    لا يا حبيبتي مش بكدبك، أنا بس كنت عايز الفت نظرك ان زي ما انتِ عايزة تحسي بحبي ليكِ في كل حركاتي وسكناتي، فأنا كمان محتاج احس نفس الإحساس، مشكلة المرأة انها عايزة تاخد من الراجل كل احاسيس الحب والاهتمام والكلام الجميل من غير ما تديله نفس الاحساس، المرأة هي اللي تقدر تخلي الراجل رومانسي حتى لو هو مش رومانسي، الكلام الجميل مردوده لازم يكون جميل، يعني مش معقول واحدة هتقول لجوزها بحبك وما اقدرش اعيش من غيرك وهو هيقولها أنا بكرهك ومش طايق اشوفك هه لازم هيرد عليها رد اجمل من ردها، وحتى لو ما قدرش يعبر بالكلام، اكيد هياخدها في حضنه بمنتهى الحنان، وهيديها كل الاحاسيس الجميلة في الضمة دي، لكن للأسف نسبة كبيرة من الستات عندها غباء عاطفي، منتظرة الكلام الجميل من زوجها وهي تفتقر إلى كل ما هو جميل، سواء بالاهتمام بمظهرها أو احتفاظها بابتسامتها الجميلة أو حتى الكلمة الرقيقة اللي المفروض تقولها لجوزها، كل اللي عايز اقولهولك ان كل كلمة حب منك هتلاقي قدامها الف كلمة حب مني

-             يوسف .....  بحبك

-             وانا كمان يا هديل بحبك بحبك بحبككككككككككككككككككككككككككككككككككككككككككككككك

-             وبعدين بقى في جوز المجانين اللي في الصالون دوووووووووووول، انت يا ولد انت وهيييييييييييييي

-             اسف يا طنط ناااااااااااااااهد

-             ههههههههههههههههههههههههههههههههههههههههههههههه يا عيني يا يوسف، معلش يا حبيبي، حقك عليا

-             لالالا كدة ما ينفعش، احنا نتجوز ونروح بيتنا احسن يا هديل

-             ههه مش انت اللي قولت السنة الجاية بعد التخرج !

-             طب بقولك ايه, تعالي ننزل نتعشى برا ونتكلم على راحتنا

-             يكون احسن برضو هههه مامااااااااااااااا ,أنا خارجة أنا وجوووووووووو

-    بالسلااااااااااااامة, هترحمونا من جنانكووووووو، جاتكو الأرف عمالين تقولوا كلام حلو جريتو ريق الواحدددددددد ,طيب يا نبييييييل لما اشوووووووفك، بقى هدير المفعوصة تسمع كلام حلو وانا اقعد اتفرج عليهاااااااااا !

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             بارك الله لكما وبارك عليكما وجمع بينكما في خير، مبروك يا ابو العروسة

-             الله يبارك فيك يا استاذ هههه مبروك يا هشام يا ابني بالحضنننننننننن

-             ههه الله يبارك فيك يا عمي

-    سيبهولي يا لطفي سيبهوووووووولي مبروك يا هشام يا جوز بنتي يا حبيبي اموووووووووووه اموووووووووووووووووووه

-             هههه الله يبارك فيكِ يا طنط متشكر قوي

-             لولولييييييييييييييييييييييييييييييييييييييييييييييييي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-    سلوووووووووى بنتي حبيبتي هههههههه كتبوا كتابك يا نقاوة عيييييني هههههههههههههههه بت يا هاميسسسسس بت يا لميس شغلوا الكاسيت ده خلينا نرقص ونغنييييييييييي

-             ههههههه هترقصي معانا يا تيييتة ؟

-             طبعا يا هديييييل ههههههه ده اليوم اللي بتمناه طول عمررررررري اشكرك يا رب اشكرررررررك

-             يلا يا خالتو، تعالي اقفي في دايرة في النص وكلنا نرقص ونلف حواليككككككِ ههههههه

-             ههههههه بس يا بنات بقى

-             تعالي يا خالتو تعاااااااالي

-             ههه طيب طيب بالراحة عليا

-    وسعي  يا بت انتِ وهي أنا اللي هرقص معاهااااااا هههه هاتي ايدك يا سلوووووووووووى,حبيبة مامااااااااا امووووووووووه ههههههههههه

-             يا حبيبتي يا ماما اموووووووووه

-             ضحكت الدنيا واخيرا لجينااااااااااااااااه

-             حبيبي وحياتي كل عمري فداااااااااااه

-             ضحكت الدنيا واخيرا لجيناااااااااااااااه

-             حبيبي وحياتي كل عمري فدااااااااااااااااااه

-             ايوة يا ماما ايوووووة ايه الحلاوة دي ههههههههه شايفة ماما يا منى ؟

-             هههههه ايوة يا ماما ايووووووة، ما عملتيهاش لحد فيناااااااااا

-             زغرتي لاختك يا نااااااااااهد هههههههههههه

-             لولولييييييييييييييييييييييييييييييييييييييييييييييييييييييييي

-             لولوليييييييييييييييييييييييييييييييييييييييييييييييييييييييييييييييييييييييييي

-             ضحكت الدنيا واخيرا لجينااااااااااااااااااه

-             حبيبي وحياتي كل عمري فداااااااااااااااااااااااه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             ايه الزغاريت والهيصة اللي في العمارة دي يا رحمة ؟

-             وانا اعرف منين يا ماما !

-             ربنا يفرح الناس كلها يا رب

-    تررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررن اشجاااااااااااان افتحي يا اختي

-             بهيررررة هههه تعالي يا حبيبتي، ما تعرفيش ايه الزغاريت والهيصة دي؟

-             هههههه كتب كتاب سلوى بنت مدام هدددددددى

-    ماشاء الله ههههه أنا سَمَعت صحيح من فهيمة انها اتخطبت بس قلت مش ينفعش نطلعوا نباركوا إلا لما الموضوع يبقى رسمي

-             اهو بقى رسمي وممضي بالزغاريت كمان هههههه عقبالك يا رحوووووووومة

-             هههه ميرسي يا طنط، هو ياسر فين ؟

-    ياسر كل ونام، شوية ويصحى عشان ياكل تاني وبعدين يقوم يدور في التلاجة على حاجة تكون تايهة كدة ولا كدة وياكلها برضو

-             يختي بالهنا والشفا يا بهيرة , ياكل ويتهنى عقبال ما تفرحي بيه وباخواته

-             آمين يا اختي، الصبح بقى اخدك ونطلع لمدام هدى نبارك لسلوى

-             ايوة طبعا، نطلعوا ونعملوا الواجب، انتو كلكو جيراني وحبايبي وعشرة سنين غالية ههههه

-    تعيشي يا غالية ههههههههههه  دي فهيمة بتقول مدام هدى نازلة رقص هي ومنى وناهد وبناتهم وفرحانين اخر فرح

-     طبعا اومااااااااال، طب دانا ناوية نرقص يوم فرح البت رحمممممة، ساعتها الدنيا مش هتبقى سيعاااااااني هههههه اقعدي يا بهيرة اما نجيبولك عصير من التلاجة

-             ماشي يا اختي مش هكسفك

-             طيب يا ماما أنا هروح اقول لياسر حاجة واجي على طول

-             ما تغبيش يا رحممممممممممممة

-             حاضر يا ماما، ساعة بس وهاجي ههههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             مبروك يا سلوى يا حبيبيتي يا ست العرايسسسس

-             الله يبارك فيكِ يا ماماااااا

-    خلي بالك منها يا هشام واوعى تجيبها عندنا ولا تيجوا تزورونا خاااااااااالص، لما نحب نشوفكو هنبقى نيجي احنا

-             هههه حاضر يا طنط

-             بقى كدة يا ماما ! ده كلام تقوليه ! يعني مش عايزاني اجي ازورك ولا عايزة تشوفيني !

-             ما اشوفش وشك قبل تسع شهور، تيجي وانتِ شايلة البيي على ايدك

-             يا خبر يا ماما كسفتيني قدام هشااااااام

-             هههه ان شاء الله يا طنط، لو ربنا رزقنا ببنت هنسميها هدى إن شاء الله

-             اوعى تعمل كددددددددة، أنا بحذرككككككك

-             ليه بس كدة يا طنط!

-    عشان بصراحة اخاف تسموا هدى وربنا يرزقها ببنت اسمها سلوى وتطلع عين امها وتقعد ترفض في العرسان لحد ما ....................

-             لحد ما اللي يسعده حظه وتتكتلبه كل السعادة بقربه منها يجيلها يا طنط

-    ههههههه غلبتني يا واد، آكال دماغ والستات يموتوا في الصنف بتاعك، سلوى خلي بالك من جوزك ولو جبتي بنت اوعي تسميها هدددددددى

-             ههه اومال اسميها ايه يا ماما ؟

-             سميها زي ما تسميها ومالكيش دعوة بإسمي ههههه

-             ما تسيبيهم يمشوا بقى يا هدددددى

-    هو أنا ماسكة فيهم يا لطفي، يلا برااااااااااااااا اطلعوا براااااااااااااا إياك تعتبوا البيت ده تاني إلا ومعاكو ولي العهد

-             هههههه حاضر يا طنط، يلا يا سلوووووووى

-             يلا يا هشاااااااااااااااام باي باي يا مامااااااااا

-    باي بااااااااااي.... يا سلااااااااااااااااااااااااام, دلوقتي اقفل الباب وانا مرتااااااااااااااااااااااااحة ااااااااااااااااااااااااااه يالطفي، نفسي احط راسي على المخدة وانااااااااااام، لأول مرة هنام من غير دموع ومن غير تفكير في مصير سلوووووووووووى

-             دموع ! انتِ كنتي بتنامي معيطة ؟

-             كل يوم يا لطفي والله

-             يا حبيبتي يا هدى، وانا عمري ما حسيت بيكِ !!!

-             هههه انت ماشاء الله عليك تحط دماغك على المخدة تلاقي نفسك تاني يوم

-             هههه الحمد لله، البيت فضي علينا، نفضى لبعض بقى يا هدى

-    ههه على رأيك يا لطفي، تعالى نقعد في البلكونة زي زمان ايام الروقان ونشرب كوبايتين شاي وندردشششششش

-             هههه هسبقك ع البلكونة

-             هحصلك بالشاي يا لطفييييييييي ههههههه الحمدلله يارب الحمدلله، الف حمد وشكر ليك يااااااااااارب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             بت يا بدارة ههههه اعملي حسابك يا بت هنروحوا نجيبوا العفش بكرة 

-             هههه بجد يا ساااامي ؟

-             ايوة يا بت، ابويا اتفق مع صاحب معرض الموبيليا وقالّه اني هنعدي عليه بكرة انا والعروسة

-             ههههه هي مين العروسة دي يا ولا ؟

-             ههههه القمرة اللي واقفة قدامي دي

-             هههه مش مصدقة يا سااااااامي، بقى معقول هنجيبوا عفشنا بكرة!!!!

-             الصبح هننزلوا نسبقوكِ وانتِ بعدها بنص ساعة كدة تنزلي تاخدي تاكس وتقابليني في محطة الرمل

-             ماشي يا سامي هههه مبروك يا ولا

-             مش عايز نسمعوا مبروك غير في بيتنا يا بتتتتتت

-             ههه ماشي يا سبعييييييي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-    ست اوسا، احنا هننزلوا شوية بعد اذنك عشان هنقابلوا خطيبي، اصلنا هنجيبوا العفش بتاع الشقة عقبال شقة نورهان يااااااارب

-             هه ومالك فرحانة قوي كدة يا بت !

-    هههه وما نفرحوش لييييييه ! طب دي الفرحة حلوة قووووي هههه دانا فرحانة واختي فرحانة وامي هتطير من الفرحة وربنااااااااا

-             طب يا بت انزلي بس تكوني هنا قبل ما تيجي نورهاااااان

-             ما تخافيش يا ست اوسا، ان شاء الله مش هنتأخروا، ادعيلي بالتساهيل انتِ بس، سلام يا ست اوسا هههه

-    الله يسلمك يختي، والله ما عارفة هنعملوا ايه مع نورهان بعد البت دي ما تمشي، هي الهبابة اللي اسمها رزقة اتأخرت ليه هي كماااااااان ! تكونش هتتجوز وتحصل بدور ! طيب يا رززززززقة لما نشوفوا وشك العكر يا عكررررررة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-    ايّوووووووه اتأخرت ع الست اوسا، هو المشروع وَقَف في السكة كدة ليييييييييه ! ما تطلع يا اسطى ورانا مصااااااالح

-             معلش يا ست، اصل في عربية عفش طالعة من الشارع ده ومش هينفع نمشوا إلا لما تعدي

-    اووووووف احنا ناقصين عطلة، عفش ايه وبتاع ايه !، ليهم نفس يتجوزوا !!!!! بلا هم..... ايه دددددده !!!!! لاااااا، دي البت بدوررررررر أه  وربنا هييييي، يا مصيبتييييييي! سي سااااااااامي !!!!!

-             ههههه يارب يكون العفش اللي اختارته من معرضنا عجبك يا عريس 

-                 مية مية، متشكرين يا عم ابو زيد هههههه، اركبي يا بدور، اطلع بينا يا اسطى على جليممممممممم

-             ماشي يا عريس , توكلنا على الله

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

-             عربية العفش اللي كانت معطلة الشارع مَشَت اهيه يا ست وهنطلعوا طوّالي

-             استنى يا اسطى تطلع على فين بسسسسسس، اطلع ورا عربية العفش دي نشوفوهم رايحين فيييييييييييين

-    ايّوووووووه واحنا مالنا يا ستتتتتتت ! ما يروحوا مطرح يا يروحوا ! هو انا السواق الخصوصي بتاع جنابكككككك ! ولا شايفاني مافيش ورايا حد غيرررررررك !!!

-             اطلع يا اسطى الله يخليك عندي عيال هنجيبوهم من المدررررسة

-             حاضر يا مدام

-             أيّوووووه طب نزلني انا ناخدوا تاكس ونحصلوا العربيييييييية

-             ههههههه خدي طيارة احسن عشان تحصليها، اصحاب العقول في راحة

-    ايّوووووووه عاجبك كدة يا اسطى !!! اهي العربية اختفت ومش باينلها اثررررررر، عيني عليكِ يا ست اوسا يللي نايمة ومش دريانه والراجل هيتجوز عليكككككككِ، ادي اللي بناخدوه من الرجاااااااالة

-             انتِ متعاركة  مع جوزك يا ست ؟

-             لا يا سواق النداااااااامة، انا متطلقة

-             ههههههههه ربنا نجاه من محاسنك الفتانة ولسانك اللي بينقط شهد

-             طب سوق يا اخويا وانت سااااااااااكت، سوق خلينا نلحقوا نفوقوا الست اوساااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

**********************

-    ترررررررررررررررررررررررررررررررررررررررررررررررررررررررررررررررررررررررررررررررررررررن

-    دب دببببببببببببببببببب ست اوسااااااااااااااااااا دب دببببببببببب دببببببببببببببببب افتحي يا ست اوسااااااااااااااااااا

-             ايوة يا بتتتتتتتتتتت جاية يللي تتعمي في نظررررررررك، مسروعة على اييييييييه !

-             أهلا يختي ادخلي

-             ندخلوا ايه ونعملوا اييييييييه !تعالي يا ست اوسا شوفي الوكسة الجريجي اللي وَقَعت على دماااااااااغك

-             في ايه يا بتتتتتتتتتت ؟

-             فيه مصيبة يا ست اوسااااااااا ,مصيبة حصلت وانتِ مش درياااااااانة

-             مصيبة اييييييييه ! ما تتكلمي يا بتتتتتتتتتتتت

-             سي سامي جوزك

-             مااااااااااااله

-             اتجوززززززززززز

-             اتجوزززززززززززززززززز ! بتقولي ايه يللي تتشلي في لسااااااااااانك!

-             بنقولوا اللي سَمَعتيه يا ست اوساااااااااا

-             بتخرفي تقولي ايه يا بتتتتتتتتتتتتتت !

-             وربنا ما هو تخريف، احنا شوفناه هو والبت اللي اتجوزها بعنينا الاتنين دلوووووووووقتي

-             هي مين دي يا بتتتتتتتتتتتتت ؟؟؟؟

-    امسكي اعصابك وخليها حديد عشان ما تقعيش من طولك لما تعرفي هي ميييييين، جوزك اتجوز البت بدوررررررررررررر

-    اييييييييييييييييييييييييييييييييييييييييييه !!!!!!!!!!!!!!!!!!!!!!!!!!!!!!! ............................... لااااااااا، لالالالالا، لا, ما نصدقششششششش، ما نصدقش ابدااااااااااا، انتِ كدابة يا بتتتتتتتتت، كدابة ولسانك لازم يتقَطَععععععععع

-             لو كلامي طَلَع مش مظبوط يبقى اقطعي لساني يا ست اوسا ومش هنحوشوكِ وربناااااااااا

-             آآآآآآآآه

-             اسم الله عليكِ يا ست اوسااااااا، اقعدي، اقعدي يا حبيبتي، اقعدي، استني هنجيبولك كوباية ميييييية

-             خدي هنا يا بتتتتتتتت، انا مش عايزة حاااااااجة، أنا عايزة نعرف جبتي الكلام ده منييييييين ؟

-    قولتلك مش كلام يا ست اوساااااا، انا شوفتهم بعنيا وانا جاية في المشروع وربنااااااا، اتاريهم مستغفلينك، بس ربنا بقى رايد يكشف سترهم ويفضحهممممممم

-             شوفتيهم فين يا بت انطقيييييييييييي

-        هنقولولك على كل حاجة يا ست اوسااااااا، وانا جاية في المشروع, الراجل السواق وقَف في الطريق عشان عربية عفش خارجة من شارع وما عَرَفش يفاديها، ونبصوا نلاقولك البت بدور واقفة جنب العربية بتضحك و صاحب المحل بيضحك ويقول لواحد مبروك يا عريس، بنبصوا نلاقوه سي ساااااااامي

-    عفششششش ! بقى هي نَزَلت عشان تقابل سامي ويجيبوا العفش يا بت يا رزززقة !!!! يعني انا ......... يعني انا طَلَعت هبلة كدة وجوزي بيستغفلني ويتجوز عليا الشغاااااااااااالة !!!!!! ليه يا سااااامي ! لييييييييييييييييه دشششششششششششششششششششش

-    ايّووووووووه والفازة ذنبها ايه بس تدشيها يا ست اوساااااااااا ! اللي عايزة يتشَرَب من دمها صحيح هي البت بدوررررررر، خطافة الرجااااااااالة، اتاريكِ كنتِ مدية الأمان لعقربة يا ست اوسااااااااا، عيني عليكِ يختي وع اللي نابكككككك

-    بس يا بتتتتتتتتت، انتِ هتعددي عليا ولا اييييييييه ! مش اوسا يا بت اللي تتكَسَررررررررر، وربنا المعبود لنعرفوهم اوسا لما تنتقم يبقى  انتقامها شكله اييييييييييييييييه، احنا هنخلوا دنيتهم سواد في سوادددددددددد، ينسوا الراحة من بعد النهااااااااااااردة، ااااااااااااااااخ، طيب يا سامي انت والحية اللي اتجوزتها علياااااااااا طييييييييييييييب

-      وهتعملي ايه دلوقتي يا ست اوسا ؟

-      ............ تعالي ورايا نفتشوا في هدوم البت دي يمكن نلاقوا حاجة كدة ولا كدة من خباياهااااااا

-  يلا يا ست  اوسا، ال يا مآمنة للرجال يا مآمنة للمية في الغربااااال، عيني عليكِ يا ست اوساااااا، كان مستخبيلك فين يختي !

-      بس يا بتتتتتتت، مش عايزة نوااااااااح

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

**********************

-      فتشي يا بت في الدرج ده وانا هنفتشوا في ددددده

-      حاضر يا ست اوسا، ربنا ينصرك على اعاديكككككِ

********************

-      لقيتي حاجة يا ست اوسا ؟

-      لاااااا، بنفتشوااااااا

-      بس احنا لقينا الورقة دي يا ست اوسا، شوفيها يمكن تنفعكككككك

-      هاااااااااتي

-      طب بالراحة يا ست اوساااااا جرحتيني بضافرررررك، بس عاذراكِ وربنااااااا

-      يا وقعتك السودة يا بدوررررررر!ر يا دي المصييييييييييبة

-      في ايه يا ست اوسا كفالله الشرررررر

-      دي ورقة من معمل التحاليل بتقول انها حاااااااامل

-      ايّوووووووووه، يا دي الوقعة السوووووودة، وبعدين يا ست اوسااااااا ! هتعملي ايه دلوووقتي ؟؟؟؟؟؟

-      ......ولا حاجة، ولا كإننا عرفنا حاجة يا بت

-  ما عَرَفناش يعني ايييييييه ! دانتِ المفروض اول ما تشوفيها تنزلي فيها تقطيع بالسواطير وترمي لحمها في المااااااالح

-      هه ما تبقيش عبيطة يا بت، اتقلي، هننتقموا يعني هننتقموا.. بس بالهداوة 

-  بالهداوة !!!!! هداوة ايه يا ست اوسااااااا ! طب دانا اللي لا ليا في التور ولا في الطحين هنموتوا من الغيظ وحاسة قلبي قايد نااااااااااااار، تقومي انتِ اللي اتغدر بيكِ واتعمل فيكِ كدة من بت ما تسواش, تقوليلي هننتقموا بالهداووووة !!!!!! دانا لو منك نولعوا فيها وفي سي ساااااااااامي

-  ما تخافيش يا بت، حقي هناخدوه، مش اوسا بنت عادل سليم اللي يتغدر بيها وتسكتتتتتتتتت، رجعي كل حاجة مكانها في الادراج بنظام يا بت وتعالي نقعدوا برا نستنوا ال ........ هيهي  العروسة

-      والله ما انا فاهمة حااااااااجة

-  مش مهم تفهمي، اعملي اللي بنقولولك عليه وانتِ ساكتة، وإياك تفتحي معاها سيرة ولا تعرفيها إننا فتشنا وراها وعرفنا أي حااااااااجة

-      وانا مالي انا، احنا هنتفرجوا ونشوفوا هتعملي ايه يا ست اوسا ولو طلبتي مني حاجة ننفذوها على عنياااااا

-      طب رتبي الادراج ورجعي كل حاجة زي ما كانت وتعالي ورايا يا بت عشان تدلكيلي رجلي زي كل يوم

-      حاضر يا ست اوسا، بقى كل ده يطلع منك يا بدور يا سهتااااااانة ! ايّووووووه على كدة يا جدعااااااااااان

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

**********************

-      اتأخرت قوي يا بت يا رزقة

-      تلاقيها راحت تفرش الشقة بالعفش اللي جابهولها سي سااااامي

-      ااااااااااخ طيب يا سااااااامي, وربنا لنخلوك تندم على اليوم اللي خونتني واتجوزتها فيييييييييه

-      ترررررررررررررررررررررررررررررررررررررررررررررن

-      اهي جت اهيه يا ست اوسااااا

-      قومي افتحيلها يا بت وقابليها عادي واضحكي في وشها وباركيلها كماااااااااان

-      نباركولهااااااا ! نباركولها ازاي بس يا ست اوسااااااا !

-  اعملي زي ما بنقولولك يا بتتتتتت، مش عايزاها تحس بأي حاجة عشان ننفذوا اللي  في دماغي على هداوة، روحي افتحي الباااااااااب

******************************************

ولحد هنا وانتهت حلقاتنا لهذا اليوم

ونجدد اتفاقنا..لو لقيت تفاعل حماسي للأحداث شاملة تحليلات وتوقعات  هنزل حلقات يوم الخميس إن شاء الله  ولو مافيش تفاعل يبقى خلاص خلينا يوم الاتنين وكفاية

****

القارئة العزيزة أمل خيري كانت طلبت مني رابط حسابي على الفيس

إليكٍ الرابط ,تفضلي

https://www.facebook.com/profile.php?id=100025359131588

وأود أن أنوه أنني لا أتواجد كثيراً على الفيس بوك,ومن أراد مراسلتي من القراء الأفاضل فأرجو المراسلة على بريدي الالكتروني

heba.abdelazem88@gmail.com

************************

حابة أتوجه بشكر خاص للأخت الحبيبة G_essam على الصورة الرقيقة التي أرسلتها من الحرم المكي والتي تحمل دعوة صادقة لي  من قلبها الطيب ,والله الصورة أدمعت عيني وشعرت أنني أقدم ولو شيء يسير يحقق بعض السعادة لقرائي..ولو كان مقابل كتاباتي هو دعواتكم الصادقة فهذا يكفيني ..مرة أخرى جزاكِ الله خيراً غاليتي على الصورة التي أسعدتني أيما سعادة

شكراً لكم جميعاً قرائي الأعزاء ,أفخر وأعتز بكونكم قرائي

دمتم بكل الخير