الحلقة التاسعة عشر (ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

*****************************

دي بوابة السرايا اللي قالتلي عليها توحا , ايوة هي ,مكتوب عليها فيلا عادل سليم , .....عيني ع العز وناسه , اما نروحوا نسألوا الراجل البواب ده

************************

 مساء الخير يا عم الحاج

اهلا يا ابني مساء النور , عايز مين ؟

عايزين الحاج عادل سليم

انت الاستاذ ربيع ؟

هههه عندك علم بزيارتي ؟

ايوة , الحاج عادل قالي اول ما تيجي ندخلوك على طول

ههه طب دخلني بقى وما تأخرنيش عشان انا مستعجل

اتفضل يا ابني

تُشكر يا حاج , .......ايّوووووووووووه حتة فيلاااااااااا , ناس اكابر بصحيححححح , هي العالم دي بتجيب الفلوس دي كلها منييييييين ! ربنا يجعلنا من بركاتهممممم  ,باين عليها هانت وهنتجوز انا وانت يا بت يا سماسم , ايّوووووه ع الجناين الحلوة

************************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

واقفة عندك بتعملي ايه في البلكونة يا بت يا نورهان ؟

مستنية عريس تيتة , عايزة نشوفوا شكله ايه

هيكون شكله ايه يا بت ! راجل شايب وعايب وجاي يضحك على عايبة زيييييه

مممم مش عيب كدة يا ماما لما تشتمي على تيتة توحا ؟

بس يا بتتتتتتت إياك تراجعيني في حاجة نقولوها تااااااني , هتعلميني الأدب ولا اييييييه !

اسفة يا ماما , الله , ده في واحد جاي هناك اهو , باين عليه العريس , تعالي بصي يا ماما

نبصوا على ايه يا بتتتتتت , هنقوموا عشان نتفرجوا على راجل مهكّع !!!!

لا يا ماما , دا صغير قوي , شكله اصغر من بابا بياماااااااا

هاااااا ! وريني كدددددة

ايه ده !!!!! معقوووووول! ده شاب صغير وزي فلقة القمر, لالالا اكيد مش هو يا بت , تلاقيه واحد من معارف جدك جاي يزوره

مش عارفة بقى يا ماما

ع العموم كل حاجة هتبان يا بت مممممم  جدتك توحا فين ؟

في اوضة تيتة سعاد

مممم طيب لما ينزلوا انا هنتسحّب ونشوفوا ايه الحكاية , لالالا مش ممكن يكون ده العريس , عريس ايه بس , ده اصغر من المخفي سامي بيامَااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

انت رايح جاي كدة ليه يا حاج عادل ؟

مستني عريس الغفلة بتاع مرضعة قلوون يا شوقية

ههههه عقبال ما تستنى عريس نورهاااااان

تعيشي

ترررررررررررررررررررررررررررررررن ترررررررررررررررررررررررررررن

باين عليه الهلف بتاع توحا

طب هنروحوا نفتحوله يا حاج عادل

استني يا شوقية , أنا اللي هنفتح

بشوقك يا حاج عادل

******

اهلا

هههه سلامو عليكو

وعليكم السلام يا خويا

لازم انت الحاج عادل سليم جوز اخت الست توحا

احنا

طيب مش هتقلي ندخل !

اتفضل

متشكرين يا حاج هههه

شوقيييييية, ادي خبر للجماعة ينزلوا

مش لما يجي العريس يا حاج عادل !

ما هو قدامك اهووووو

هااااااااا ! انت العريس ولا ابن بنته ؟

ههه انا العريس

يا ابني لتكون غلطان في العلواااااااان , احنا العروسة اللي عندنا اسمها الست توحا , شوف انت بتدور على مين لتكون تايه

لا يا شوقية , هو ده عريس توحا

هههه اهو عمنا الحاج قالك

عمك الحاج !!! طب اقعد يا خويا استنى ستك الحاجة, أيّوووه قصدي الست العروسة , عجايب يا ولاد , وده ايه يخليه يتجوز الست توحا وهو عارف بالفرق الي بينهم في السن ! ده تلاقيه اتولد لما سامي ابنها خد الدبلووووون , واحنا مالنا! لما نطلعوا نبلغوهممممم

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تن تن ست سعااااااد

ادخلي يا شوقية

العريس جه تحت يا ست سعاد

طب يلا يا توحا كفاية بص في المرايا

ايه ده ! صلاة النبي احسن ع القمر هههه والله زمان يا ست توحااااا

هههه عجبتك يا بت ؟

وربنا اللي ما يعرفك يقول عليكِ شابة ما تزيدش عن تلاتين سنة , ده الماكياج ده عليه عمااااااااااايل

ههههههه يعني هنعجبوا الولا يا بت ؟

انتِ اكيد عاجباه من غير زواق يا ست توحا وإلا ما كانش جه بخطره يخطبك وهو عارف ..........

عارف ايه يا بتتتتتتتتت ؟

ها ! أأأ عارف غلاوتك عندنا

هههه تعيشي يا بت

وكمان صابغة شعرك ! هههه

ايوة يا بت  , ايه رأيك في لون شعري ؟

حلو قوي يا ست توحا , زي اللون اللي عملاه البت الممثلة اسمها ايه

ايوة يا بت عارفاها ههه ما انا عشان كدة عملت اللون ده , عايزة نهبلوا الولا هههههه

طب حطي طرحة على شعرك بقى عشان اتأخرتي عليه يامَا

طرحة ايه اللي هنحطوهاااااااا

اومال يعني هتنزلي كددددددة !

ايوة هننزلوا كدة, اومال نجننوه ازاي ونخلوه يلف حوالين نفسسسسسه !!!

وربنا انتِ اللي عمايلك تخلي الواحد يلف حوالين نفسسسسسسه ,احنا هنسبقوكوا على تحت يا ست سعاااااد

طيب يا شوقية , مممم انا خايفة يا توحا لو عادل شافك نازلة بشعرك كدة يزعل

يزعل ليييييييه ! وله عندي ايه عادل ننزلوا بشعري ولا ما ننزلووووووش , انا محتاجة لعادل بس عشان ربيع يلاقي راجل يحط ايده في ايده , مش عشان يأمرني وينهاني يختتتتتتتتتي

طيب طيب على راحتك . ربنا يعدي اليوم ده على خيرررر

هيعدي يا بت ههههه تعالي ورايا عشان تشوفي القمر اللي هنتجوزوه , على الله ما تطلبيش الطلاق من عادل

ايّووووووووووه كفا الله اشر يختييييييي ما تقولي كلام عدددددل

طيب يلا يلا تعالي ورايا يا بتاعة عادل ههههههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اوعي يا بت يا نورهان أما نروحوا نبصوا من بعيد ونشوفوا حكاية العريس ده ايه

روحي يا ماما

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ايّووووووه ايه اللي خالتي عاملاه في روحها ده ! ههههه ايه المسخرة وقلة القيمة دي ! فينك يا سامي تيجي تشوف امك , اما نتسحبوا وراههم وهما نازلين نشوفوا صحيح الولا ده هو العريس ولا ايه

***

ايّوووووه أنا شايفاه قاعد مع بابا في الصالون , معقول هو ده العريس ! ....أنا لآخر لحظة كنت بنكدّب نفسي , طب ايه اللي يخلي عيل في سنه يبص لواحدة قد خالتي !!!!...... يا ابن الإييييييه ....داخل على طمع , اكيد عَرَف ان وراها قرشين قام رامي شباكه عليها عشان يصطادها هي وفلوسها وبعدين يرميها في المالح هههه يا خيبتك يا سامي يا ابن توحااااااا هيهيييييي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

الشيّ والكيك يا حاج عادل

حطيه عندك يا عطا وروحي انت

حاضر , عن اذنكو

منور يا استاذ ربيع

ههه بنورك يا حاج , وربنا اني فرحان والفرحة مش سيعاني اني قاعد مع راجل في قيتمك

متشكرين , ايه دددده ! توحا نازلة بشعرهاااااا ! ايه اللي هي عاملاه في روحها دددددده الولية اتجننتتتتتتتتتتت

هههه دي ست الكل نازلة اهيه , يا أرض احفظي ما عليكككككككِ

هههه مساء الخير يا ربيع

مساء الجماااااااال , ايّووووووه يجوا بنات اليومين دول اللي كلهم عيرة في عيرة يشوفوا الحلاوة على اصولهااااا

هههه تعيش يا ربيع , مساء الخير يا جوز اختي

اهلا يا ست العرايس

دي سعاد اختي وتبقى مرات الحاج عادل

اهلا يا ست سعاااااد هههه اني النهاردة يوم عيدي اني شوفتك وشوفت الحاج عادل

تسلم وتعيش , اتفضل اقعد

متشكرين يا ست الكل

ايه يا سعاد اللي اختك عاملاه ده ! هي هتسوق فيها ولا ايه ! ولا فاكرة بعمايلها دي الزمان هيرجع بيها تااااااني , قوليلها كان زمان وجبرررر

وطي صوتك يا عاااادل, مش عايزين فضايح قدام الراجل

الفضايح اختك اللي بتعملهاااااا دي عمايل تعملها واحدة في سنهااااا

بس بقى يا عادل الله يخليك , توحا فرحانة وعريسها فرحان بيها , مش شايفهم قاعدين منسجمين ازاي ولا كأن حد معاهم

اقطع دراعي ان ما كان الولا ده جاي يضحك على اختك ويلم القرشين اللي حيلتهااااا بقى يا عالم شاب صغير زي ده يقع في حب ست اكبر من اممممممه ! اني ما نديش عقلي لغيررررري

ما تخافش على توحا , توحا عقلها يوزن بلد وما ينضَحَكش عليها , ولولا انها مطمنة للولا ده ما كانتش جابته لحد هنا

اوووووووف انتو حرين , ما قولتليش يا ....... يا استاذ ربيع , ما جبتش الوالد معاك ليه ولا حد من أهلك , ولا يكونوا ما يعرفوش

ما يعرفوش ازاي ! ههه لا طبعا عارفين , بس انا ابويا ميت وامي تعبانة حبتين وما تقدرش تيجي

مالاكش اعمام ولا خيلان ؟

ليا طبعا , بس زي ما تقول كل واحد ملهي في حاله والود مقطوع من زمان

واخواتك فين ؟

ههه اني وحيد ابويا وامي

ايوة ايوة , دانت كلامك مترتب ومتستّف اهو

ممممم الراجل ده بيشك فيا ولا ايه ! ربنا يستر

اشرب الشيّ من ايدي يا ربيع هههه

هههه من ايد ما نعدموهاش يا ست الكل

وانت بقى هتدفع مهر قد ايه وهتجيب شبكة بكام ؟

ها ! مهر وشبكة !!!!

المهر اللي هيقدمهولي ربيع هو محبته وحنيته عليا والشبكة اللي هيقدمهالي على طبق من دهب هي قلبه

هههه وربنا كنت لسة هنقولوا كدة يا ست الكل

سامعة اختك ههه الولية اتهبلت واللي جالها جالها في دماغها , بتقولك مهرها هو حنيته وقلبه شبكتها , اختك وقعت في الغرام ولا حدش سمى عليها , اني بقى جايبيني عشان نسمعوا الكلام اللي لايودي ولا يجيب دددددده

لحظة يا ست توحا , اني تحت امرك يا حاج عادل , ايه اللي انت عايزه واني ننفذوه

عايزك تكلمني راجل لرااااااااجل, مش جاي تتحامى في واحدة ست وتخليها ترد بالنيابة عنككككككك

حقك عليا يا حاج , احنا ما نقصدوش نزعلوك وربنا المعبود , احنا بس نقصدوا ان الست توحا عارفة الظروف وعارفة اني فسخت خطوبتي عشان مش لاقي نتجوز

ايوة ايوة ايوة , ولما انت بقى مش لاقي تتجوز , هتتجوز توحا ازاي ومنين ؟؟؟؟

أأأأأأ اني اني , اني هنشتغل , ايوة هنشتغل , مش هنعيشوا عوالة عليها

وهتشتغل ايه ان شاء الله ؟

هيتاجر في مالي يا عاااااادل

هيتاجر في مالك !!!!

لا عيب ولا حرام يا جوز اختي , طالما اني قادرة وهو مش قادر واجب عليا نساعده , وعشان ما تسألوش ع السكن كمان , لازم تعرف ان اني اللي اشتريت الشقة اللي هنعيشوا فيها

والشقة بإسم مين يا توحا

بإسمي اني يا جوز اختي

مش بنقولولك يا عادل توحا ما ينضَحكش عليها

استني انتِ يا سعاد , يعني انت مهر ومش هتدفع , شبكة ومش هتجيب , سكن وهي اللي هتسكنك في ملكها , طب والمؤخر ؟؟؟؟

اني مستعد لأي مبلغ تكتبوه عليا حتى لو مليون جنيي

شوفت يا جوز اختي ربيع شاريني ازاي ههههه

وماله , واحنا ما نكرهوش يا توحا , شوف يا اخ ربيع , احنا عايزين مؤخر مليون جنييي

ايّووووووووووه مليون جنييي !!!!!!!!

ههه مش انت اللي حكمت على نفسك !

ايوة بس دول يامَا قوووي , داحنا عمرنا ما مسَكنا الفين جنيي على بعض , احنا ما نعرفوش المليون جنيي دول يطلعوا قد ايه ولا يتعدوا ازاااااي

ههه احنا بقى نعرفوا نعدوهم , الملايين دي لعبتنا يا ابني , واللي مش قدنا ما يفكرش يجي عندنا , لكن طالما ست الحسن والجمال طالبة الوصال من واحد مش قدها ولا قد اللي منها , يبقى خلاص , هي حرة , احنا بس بنحموها بالمؤخر اللي هنكتبوه عليك , عشان بس قبل ما تفكر تقل عقلك ولا تعمل حاجة كدة ولا كدة تفتكر كويس قوي اننا هنسجنووووووك

هااااااا تسجنونيييييييي ! ايه يا ست توحا !

ما تخافش يا ربيع , جوز اختي بيأمن مستقبلي معاك ودي مافهاش حاجة تزعل , مش انت عايز تعيش جنبي العمر كله ؟؟؟؟

ده يوم المنى يا ست توحا

يبقى خلاص , تمضي ع المؤخر اللي قال عليه جوز اختي

المليون جنيي يا ست توحا ؟

ههه المليون جنيي يا ربيع

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

نشفي يا بت يا عطا الصحون وحطيهم في الرشاقة

حاضر يا خالتي شوقية , ده العريس شاب صغير قوي يا خالتي , ايه اللي رماه ع الست توحا ؟

حاجة يعلمها ربنا يا بنتي

يكونش بيحبها ؟ مممم بس يحبها ازاي ! يعني هو مالقاش واحدة في سنه يحبها ؟؟؟

ايّوووووه يا بت انتِ رغاية وكلامك يامَا لييييه ! واحنا مالنا احنا , اصحاب الشأن وراضين ومتراضيين , هما حرين في روحهم

ايوة يا خالتي شوقية , احنا مالناش دعوة , اني بس شايفة احوال غريبة وبنفضفضوا معاكِ

طول ما انتِ عايشة في البيت ده ما تستغربيش من حاجة ابدا , يلا يا بت حطي الصحون دي في الرشاقة زي ما قولتلك وامسحي المطبخ ده الله يجزيكِ خير عشان اني خلاص مش قادرة

حاضر يا خالتي شوقية مممم احوال الناس دول غريبة قوي مممم مالناش دعوة على رأي خالتي شوقية

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

عريس خالتي مَشَى  يا ماما ؟

 أيّوووه مالك وقفالي في السكة كدة يا بت  فجعتيني  , ايوة يا بت مَشَى , وخالتك كمان مَشَت

هههه اني عايزة نعرف يا ماما ايه اللي بيحصل ده ؟

هو ايه اللي بيحصل يا بت ؟

ازاي يا ماما واحد زي ده يبص لخالتي ؟

وخالتك عيبها ايه يا بت ؟

احنا هنضحكوا على بعض ولا ايه يا ماما ! ماانتِ عارفة ان عيبها سنهاااااا

مالكيش دعوة , كل واحد ينام ع الجنب اللي يريحه

ههههه على رأيك , واحنا مالنا , ألا هو سبع البرومبة ابنها عارف ؟

لا , خالتك قالت مش هتقوله عشان مش عايزة مشاكل , احنا رايحين ورا ابوكِ عشان نناموا , تصبحي على خير

وانتِ من اهل الخير يا ماما هههه ال سامي ما يعرفش , طب وربنا لنكلموه يوم فرحها على عريس الهنا ونحرقوا دمه هههه بس مش عايزاه يعرف ان اني , اني هنكلموه من الشارع ونغيروا صوتي ههههه يا خيبتك يا ابن توحااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ربيععععععععع

ايه ده ! ايه يا بت يا سمية اللي جابك هنا دلوقتييييييي ! يا بت مش خايفة حد يشوفك في الحارة بتاعتي ويقولوا عروسته بتجيله لحد بيتتتتتتته

هههه خايف على سمعتي يا ولااااااا

يلا يا بت امشي مش عايز حد يمسك في سيرتك , ودول جيران سَو بعيد عن السامعييييييين

لا ما هو اني عايزة نعرف ايه اللي حصصصصصل

بعدين يا بت بعدين , بكرة نعدوا عليكِ ونحكولك

لاااااا مش هيجيلي صبر لبكرة يا ربيععععع احنا هنخرجوا من الحارة ونستنوك عند محطة الترام وانت تيجي ورايا نتمشوا ع البحر وتحكيلييييييي

طب يا مجنونة اسبقينييييييي

*********************************

ها يا ربيع احكيلي بقى

ايّوووه يا بت كان يوم ما يعلم بيه إلا صاحب المُلك

ايه ! اوعى تفجعني وتقولي الحكاية باظتتتتتتت

لا يا بت ما باظتش , واتفقنا على كل حاجة , وهنتجوزا كمان عشر تيام على ما الشقة تتفرش

ههههههه طب الحمدلله خيررررر اومال بتقول اليوم كان صعب ليه ؟

الراجل جوز اختها عصرني بكلااااااااااااامه , عارفة يا بت عود القصب لما يتحط في ماكنة العصير وتفرمممممممه ؟

هههههه طب وعملت معاه ايه ؟

ولا حاجة , الراجل هيمضيني على مليون جنيي مؤخر للولية الشايبة

ايّووووووووه ! مليون جنييييييي ليييييييييييه ! هما كانوا هيجوزوك بدر البدور ولا السفيرة عزيززززززة !!!

اذا كان عاجبك بقىىىىىى, دا شرطهمممممم ,ولا نفضوها سيرة وما نورهومش وشي تاني ونخلصواااااا ؟؟؟

لالالا بالهداوة يا ربيع , ممممممم ومااله , امضي على المؤخر زي بعضه , المؤخر ده من حقها بس لو حصل طلاق , ماحدش عارف يمكن ربنا ياخدها في الصباحية وما تدفعش حاجة وانت اللي تاخد ورثك فيهاااااا

وربنا انتِ شايفة كل حاجة سهلة وهتضيعيني معاكِ , اني مرعوب من جوز اختها ده , الراجل بيبصلي زي ما نكون حرامي ولا نصاب , اني كنت حاسس انه هيطلبلي البوليس بين لحظة والتانية

هههه انت بس اللي قلبك خفيف , جمد قلبك يا حبيبيييييي دانت داخل على جوازززز

طب يلا يا بت نروحك عشان ابوكِ ما يتعاركش معاك ويقولك اتأخرتي

لا ما تشيلش هم ابويا , ده راح هو وعمي بيزوروا ناس قرايبهم في البحيرة وهيباتوا هناك , اومال اني عَرَفت نخرج بسهولة ازاي ! ههههه

هههه طب يختي , يلا يرضو عشان تروحي

مش قبل ما تجيبلي ازازة حاجة ساقعة نبلوا ريقي , ولا هتبخل عليا من اولها وتحرمني من فلوسكككككك هههههه

ههههه أنا كلي ليك يا جمييييييل

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

السلام عليكم يا عبدالله

عليكم السلام يا أستاذ أحمد

يلا اتوكل على الله

. نطلَعوا ع البيت ؟

أومال هنروحوا فين يعني ! هه

هو انت مالاكش اصحاب يا استاذ احمد ؟

ليا صاحب واحد يا عبد الله , ادعي ربنا يرد غيبته ويرجعه بالسلامة

هو مسافر من زمان ؟

بقاله سنين يامَا , ومن ساعتها وماليش صاحب غير البحر نشتكيله همي

ربنا يبعد عنك الهموم يا أستاذ احمد ... أستاذ احمد .... في سؤال عايز نسأله بس محرج شوية , مش عارف إذا كان من حقي نسأل ولا لأ

ايه هو السؤال ده يا عبد الله ؟

أنت ما عندكش ولاد ليه لحد دلوقتي ؟

إرادة ربنا يا عبد الله , المدام اتعالجت يامَا , بس ربنا ما أرادش

طب ما تتجوز يا أستاذ احمد

نتجوز على مراتي !!!

وفيها ايه يا استاذ احمد ! طالما ما بتخلفش يبقى من حقك تتجوز غيرها

مراتي مش أي ست عشان نتجوز عليها يا عبدالله , دي جزء مني , ما نقدروش نستغنوا عنها ولا نكسروا قلبها بجوازي عليها

ياااااااه , يا بختها بيك يا أستاذ احمد

يا بختي أنا بيها . وركز في طريقك بقى وبلاش رغي , قلبتلي دماغي يا عبدالله هههه

هههه حاضر يا أستاذ احمد

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اطلعي  يا بت يا عطا قولي للست سعاد والحاج عادل ان الفطار جاهزززز

 هي الست اوسا مش هتفطر ؟

الست اوسا بتتأخر في النوم يامَا , لما تصحى نبقوا نحضرولها فطورها , يلا يا بت اطلعي

حاضر يا خالتي شوقية

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تن تن ست سعاد

ايه يا بت يا عطاااااا

الفطار جاهززززز

طيب يا بت , انزلي واحنا هنحصلوكِ .... عااااادل كل ده بتاخد دوووش !

خلاص اهو يا سعااااد

طب يلا عشان الفطار جاهزززز

ماشي , اسبقينا واحنا  هنحصلوكِ

طيب يا عادل

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

خد يا عادل قشرتلك بيضة

ههه يدوم القلب الحنين

ههه ممم بنقولولك ايه يا عادل

أأمري يا عيون عادل

تسلملي عيونك , أنا كنت عايزاك تتفقلي مع مقاول من المقاولين الكبار عشان كنت عايزة نبني حتة الأرض اللي في استانلي

هه نويتي تشتغلي في كار المعمار ولا ايه ؟

انت قايل فيها ! , ايوة , اهو نبنوا حتة الأرض ونطلعوا ببرج خمسة وعشرين ولا تلاتين دور ونبيعوه تمليك

ههه دانتِ بقيتي تاجرة شاطرة اهو

ايوة , نتاجروا ونكسبوا , القرش صياد

هو انتِ ناقصة فلوس يا سعاد !

ايّوووووووووه البحر يحب الزيادة يا عادل , فيها ايه لما نكبروا مالي !

مافهاش حاجة

طب قلت ايه في موضوع المقاول

شوفي ادهم ابنك , احنا مش فاضين لوجع الدماغ ده , ومش هنقدروا كل شوية نروحوا نتابعوا الشغل , لكن ادهم يقدر يفضيلك نفسه

ماشي يا عادل , نقولوا لأدهم  , بعد الفطار هنتَصَلوا بيه ,على فكرة توحا اختي هتيجي تقعد عندنا لحد يوم دخلتها

دخلتها! هههههههههههههه وماله,تنور ست العرايس,ناوليني كوباية مية عشان زورت

ممم خد ,اديك زورت,عشان تبطل تريئة على أختي الغلبانة,هنقوموا نتصلوا بالولا أدهم

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تررررررررررررررررررررررررررررن ترررررررررررررررررررررررررررررررن

ايوة يا برنسيسة ههههه صباح القشطة

صباح الفل يا ادهم , ايه يا ولا بقالك يامَا ما عديتش عليا ليه ؟

وربنا يا امّا ما فاضي , الشغل ما بيخلصش , غير حتة الأرض اللي بنبنوها فيلا عشان ننقلوا فيها قريب

بتبني فيلا ! ما قولتليش ع الحكاية دي قبل كدة

ما جاتش مناسبة يا برنسيسة , اخبار الجميل ايه ؟

كويسة , لكن الفيلا دي بتبنيها فين ؟

في لوران

 خسارة في بنت سميرة , بنقولولك ايه يا ولا , بنفكروا نبنوا حتة الأرض اللي في استانلي

ههه هتبني فيلا برضو ؟

هو انا ناقصة قيلل !!! ما انا قاعدة في فيلا طويلة عريضة اهو , احنا كنا عايزين نطلعوا ببرج خمسة وعشرين ولا تلاتين دور وكنت عايزاك تشوفلي مقاول

عيني ليك يا جميل , هنكلملولك المقاول اللي بيبنيلي الفيلا

والمقاول ده كويس ؟

اومال يعني هنتعاملوا مع مقاول وِقِيع !!! اطمني , مقاول مية مية

طب خلاص , اتفق معاه يجي يبص ع الأرض وخلص معاه وبلغني

خلاص , هنتفقوا معاه ونعدي عليكي نشربوا معاكي الشيّ ونبلغوكي بالتفاصيل

ماشي يا ولا , سلام دلوقتي عشان نشربوا الشيّ مع ابوك

ههههههههههههه يا حلاوتكو يا جوز الكناريا , سلمي على ابويا , سلام يا امّا

سلام يا ولا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

عااااااادل انت عَرَفت ان الولا ادهم بيبني فيلا في لوران ؟

بيبني فيلا ! هأ , لا ما نعرفوش , ما احنا مش لازم نعرفوا كل حاجة , أنا حايلّا أبوه

انت الخير والبركة يا عدولتي ههه ما هما كدة العيال لما يكبروا , لا يشاوروا حد ولا يقدّروا حد

خلفتك انتِ بس يا سعاد , احنا نعرفوا ناس عيالهم كَبَروا وبقوا رجالة ومع ذلك يعملوا ألف حساب لابوهم وامهم , لكن انتِ عيالك كل واحد فيهم ماشي على هواه

حتى احمد ؟

خصوصا احمد , عمره ما سَمَع نصيحتي في موضوع الجواز عشان يفرحنا بحتة عيييييل , قفلي ع السيرة النكد دي ع الصبححححح

ادهم قالي هيتَفَق مع المقاول ويرد عليا

يتَفَق ولا ما يتَفَق , انتِ حرة مع ولادك , احنا هنطلعوا نلبسوا وخارجين

على فين ؟

مش عارف , عايز نخرج وخلااااااااص

مش هتشرب معايا الشيّ

اشربيه انتِ لوحدك , سلام

الراجل ده ماله مش طايق روحه كدة !!!

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

يا ياسين,الساعة داخلة على اربعة,معاد درس الرياضة يا حبيبيييي

حاضر يا ماما,أنا بلبس اهو

ترررررررررررررررررررررن

موبايلك بيرن يا ماماااا

طيب يا ياسين..دي ياسمينة هههه ايوة يا روح ماماااا

ازيك يا ماما

ازيك انتِ,مال صوتك هبطان كدة وبتتكلمي بالعافية!

مش عارفة يا ماما مالي,من الصبح وانا مش مظبوطة خالص

حاسة بإيه يا حبيبتي؟

مش عارفة,دايخة كدة والدنيا بتلف بيا

يا حبيبة ماما!تلاقيكِ ما كلتيش كويس

أنا لحد دلوقتي ما فطرتش

يا خبر! دي الساعة اربعة بعد العصر يا ياسمين

والله يا ماما ما قادرة أكل حاجة,حتى ما عملتش أي حاجة في البيت لحد دلوقتي

ما تعمليش أي حاجة,أنا جيالك يا حبيبتي

ما تتعبيش نفسك يا ماما

هو انا عندي أغلى منك يا حبيبة ماما! هتصل ببابا اقوله ان انا جيالك,مع السلامة دلوقتي يا ياسمينة

الله يسلمك يا ماما

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

أما اعدي على أشجان اقولها إني رايحة عند ياسمين عشان ما تقلقش عليا

ترررررررررررررررررررررررررن

ميييييييين؟

أنا بهيرة يا أختي

أهلاً يا بهيرة,تعالي كلي,حماتك بتحبك هههه

قووووووي هههههه بتحبني بشكل وحش,كلي انتِ بالهنا والشفا,أنا قلت اعدي عليكِ قبل ما اروح لياسمين

رايحة لياسمين! مش بعادة يعني تروحيلها في وقت زي ده

اصلها اتصلت بيا وقالتلي انا دايخة يا ماما ومش قادرة اعمل حاجة في البيت وصوتها هبطان ولحد دلوقتي ما فطرتش ومش عجباني خالص

هههه باين عليه حصل يا بهيرة وهترجعي بالبشارة

هههه يا رب يا اختي, هروح اشوف الحكاية ايه واجي .وانا احتياطي هاخد معايا شريط اختبار حمل

يكون احسن يا بهيرة عشان ما تحتاريش,مستنين البشارة ههههه

دعواتك يا أختي ههههه,سلام يا شجونة

الله يسلمك يا بهيرة,والله البت ياسمين شكلها حامل وهنفرحوا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ههههههه مبروك يا حبيبة مامااااا اموووه حامل يا ياسمين,معقول كبرتي وهتاخدي لقب أم يا صغنونة! ههههه

ماما انتِ متأكدة؟

اومال يعني بهزر! نتيجة الاختبار بتقول كدة,بس برضو بكرة ان شاء الله هاخدك للدكتورة عشان نعرف حامل في قد ايه يا ماما يا صغننة ههههه مبروك يا حبيبتي امووه ولو انك هتكبريني يا وحشة

ههه الله يبارك فيكِ وما يحرمنيش منك يا ماما

ده مازن جوزك هيفرح قوي,اما اتصل بيه اقوله

تررررررررررررررررررررررررررن

السلام عليكم يا طنط بهيرة

عليكم السلام يا بابا مازن ههههه

بابا مازن!

ايوة يا حبيبي,ياسمين حاااااامل

اييييه! هههه بجد يا طنط؟

ايوة بجد يا روح طنط

هي ياسمين عندك ولا ايه؟

عندي ازاي! يعني هي هتخرج من غير اذنك برضو! احنا مدينك زوجة مؤدبة ومتربية يا دكتور مازن هههه

أحسن تربية والله يا طنط ههه اديني جاسي

حاضر,خدي يا ياسمينة كلمي جوزك,أما اسيبكو لوحدكو واروح المطبخ يمكن عايز يقولك كلمة سر هههه

هه ايوة يا مازن

جااااااسي معقول الخبر اللي يجنن ده! مبروك يا حبيبتي

ههه الله يبارك فيك يا مازن

ها ,قوليلي بقى نفسك في ايه عشان اجيبه معاياااا؟

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ترررررررررررررررررررررررررررررررررررررن ترررررررررررررررررررررررررررررررررررررررررررررررررررررررن

تليفونك بيرن يا عادل

هنشوفوه الو

بت يا عطااااااا قولي لشوقية تعملي كوباية شيّ

حاضر يا ست سعاااااااااد

لا حول ولا قوة إلا بالله , انا لله وإنا إليه راجعون

في ايه يا عادل ؟؟؟؟؟؟

رمزي الكيلاني اتقلبت بيه العربية هو ومراته وهما راجعين من شرم الشيخ وماتوا قبل ما يوصل الإسعاف

ايّوووووووووووووووه صفيييييييييية ! ده ايه الدنيا دددددي ! دانا لسة كنت شايفاها في مزاد من اسبوعين اتنيييييين

الله يرحمها ويسامحها يا سعاد , ويرحمك يا رمزي يا كيلاني

طب والبت بنتهم كانت وياهم يا عادل ؟

لا , البت كانت هنا هي وابنها

طب كويس انها ما راحتش معاهم وإلا كان زمانها حصلتهم

كل واحد له عمر يا سعاد . مش هتروحي تعزي البت ؟

ايوة طبعا هناخدوا اوسا ونروحوا

واحنا هنيجو معاكو كمان عشان نعزوها ونعزوا اعمامها

مين مات يا جدووووووو

ده واحد من حبايبنا يا نورهان

امك فين يا بت يا نورهان ؟

بتتفرج ع التليفزيون في اوضتها يا تيتة

طيب قوليلها انزلي كلمي تيتة عشان هنقولولها حاجة 

حاضر يا تيتة 

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

نعم يا ماما  , نورهان قالتلي انك عايزاني 

رمزي الكيلاني مات هو ومراته في حادثة عربية

رمزي الكيلاني ده اللي كنا هناخدوا بنته لاحمد ؟

ايوة هو , احنا هنروحوا نعزوا البت انا وابوكِ , اطلعي البسي حاجة سودة واحنا كمان هنطلع نلبس

ايه يا ماماااااا واحنا مالنا احنا نلبسوا اسود ليه وعشان اييييييه هو أنا ناقصة هممممم !!!!

ايّوووه ! يا بت ده واجب ولازم نروحوا نعملوه , دول مهما كان ناس عزاز علينا ودخلنا بيوتهم ودخلوا بيوتنا , والبت لازم نروحوا نواسوها

روحي واسيها انتِ لوحدك يا مامااااا

يا بت ما تبقيش قليلة الأصل , ما تنسيش انها جت هي وامها الله يرحمها لما خلفتي نورهان وهادوكي بالدهببببببب

ايّوووووه مش هنروحوا يا مامااااااا سيبوني في حالي بقى

احنا اللي هنروحوا مع تيتة يا ماما

بس يا بت اطلعي على اوضتككككككك

حاضر يا ماما

انا طالعة نكملوا الفيلم يا ماما , بت يا عطاااااااا حصليني بطبق الفاكهة يا بتتتتتت

حاضر يا ست اوساااااااا

بت ولا عندها ريحة الدممممم , اما نطلعوا نلبسوا , عادل زمانه خلص لبس , تعالي يا شوقية لمعيلي الجزمة السودة عشان رايحة نعزززززي

تعزيييييييي  !في مين كفا الله الشررررر ؟

صفية مرات رمزي الكيلاني وجوزها ماتوا في حادثة وهما راجعين من شرم الشيخ يا شوقية 

يا ستير استر يا رب , لا حول ولا قوة إلا بالله , والبت بنتهم عايشة ولا اتصابت بس ؟

البت ما كانتش معاهم , كانت هنا في اسكندرية هي وابنها

طب الحمدلله , والله زعلتيني يا ست سعاد , ربنا يبعد عنا وعنكو البلاوي آمين يا رب

آمين يا شوقية , البت اوسا لساني نَشَف معاها عشان تيجي تعزي معايا ودي أبدااااااً تقولي لا ما نروحوش عزا

طب وانتِ تايهة عن الست اوسا يا ست سعاد !!! دي تقوليلها تعالي نروح فرح , تعالي نتحزّموا ونرقصوا , لكن دي مالها ومال العزا !!!

طب احنا مش هنغيبوا يا شوقية , ناخدوا بس بخاطر البت ونرجعوا على طول

تروحوا وتيجوا بالسلامة يا ست سعاد , ربنا يستر طريقكو , خلي الحاج عادل يسوق على مهله الله يخليكِ

ما تخافيش يا شوقية , أصيلة يا بت وبتخافي علينا , هو احنا بنحبوكي من شوية ! عشان قلبك أبيض وبتتمنيلنا الخير

هي عشرة النهاردة ولا امبارح يا ست سعاد ! ده عمر تاني يا حبيبتي

ربنا ما يحرمنيش منك  ولا من قلبك الابيض يا شوقية

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اهئ اهئ اهئئئئئئئئ شوفتي يا طنط سوسو ! بابا وماما الأتنين يروحوا مني مرة واحدة !!!! اهئ اهئئئئئئ

معلش يا حبيبتي , الله يرحمهم ويسامحهم , انا بدال ماما يا داليا , لو عوزتي أي حاجة انا عيني ليكي

ربنا يخليكي يا رب يا طنط سوسو اهئ اهئئئئئئ

اومال ابنك فين ؟

خدته بنت خالتي ومَشَت  عشان الولد منهار اهئ اهئئئئ اصله كان متعلق بيابا وماما اوي ومش مبطل عياط

معلش يا حبيبتي , ربنا يصبركو

ترررررررررررن

ده عمك عادل بيرن عليا , ايوة يا عادل

البت عاملة ايه يا سعاد ؟

مموتة نفسها من العياط , مش عارفة نعملولها ايه

طب احنا عايزين نعزوها , خليها تيجي يمة الباب , ما يصحش ندخلوا وسط الحريم

حاضر , عن اذنكو يا جماعة هناخدوا مدام داليا دققتين

اتفضلي يا مدام

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

تعالي يا داليا عمك عادل عايز يعزيكي

البقاء لله يا بنتي

ونعم بالله يا عمو عادل اهئ اهئئئئئئئ

لا اجمدي كدة وخليكي جدعة , احنا كلنا حواليكي , أي حاجة تحتاجيها يا بنتي ما تتردديش انك تطلبيها مني , انا زي ابوكي الله يرحمه , رمزي كان اخ عزيز

متشكرة يا عمو عادل اهئ اهئئئئئ وبابي كمان كان بيحبك اوي اهئ اهئئئئئئئ

طيب يا بنتي , احنا هناخدوا سعاد ونستأذن دلوقتي , سعاد هتعدي عليكي بكرة ولحد ما ايام العزا تخلص

ميرسي اوي يا عمو

طيب يا داليا يا حبيبتي , نشوفوكي بكرة امووه

اهئ اهئئئئ باي باي يا طنط سوسو

يا عيني ! البت مموتة نفسها من العياط , يا عيني عليكي يا صفية,راحت في غمضة عين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ست ضحى , ادهم بيه عايزك في الصالون

طيب يا راوية , هنروحوله حالاً , من فضلك هاتيلي برشام الصداع

سلامتك يا حبيبتي , حاضر يا ست ضحى

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************