الحلقة الرابعة والعشرين

***********************************

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

*****************************

بنسوار , مدام داليا موجودة ؟

ايوة يا فندم , مين حضرتك ؟

قوليلها مدام فيحاء

*****************

فيحاااااااااء ههه ما اتأخرتيش عن معااااادك

عيب يا بنتي , انا مواعيدي دايما مظبوطة بالثانية ههه امووووه ازيك يا ديدي

امووووه ازيك انتِ يا فيفي , اقعدي اقعدي عندي كلام يامَا عايزة نقولهولك , ولا اقولك تعالي ناخد اتنين كابتشينو جنب البسين

اوكيه , اومال ابنك فين ؟

مع الدادة بتاعته فوق , تعالي تعااااااالي

********************************

ها احكيلي روحتي المشوار اللي قولتيلي عليه امبارح ؟

اوف كورسسسسس هههههه روحت يا بنتي وسبكت عليه الدور , شوية مسكنة على شوية سهتنة من بتوع الستات وقلبتك كياااااانه

هههههههه راح في شربة مية المسكين , تعرفي انك شوقتيني اني اشوفه اوي

مسيرك هتشوفيه لما نتجوز

ههههه دانتِ ناوياها بجد بقى

احمد انسب انسان ليا في الدنيا دي كلها

ليه بقى ؟

انسان راقي ومحترم وابن ناس اوي وريش جداااا

ههههههه يعني انتِ ناقصة فلوس ! ولا حتى جوزك الاولاني كان ناقص فلوس ! ما هو كمان كان ريتش جداااااا

ايوة بس كان طماع جدا جداااااااا لكن احمد ده حاجة تانية خالص

بقولك ايه ماتلفيش وتدوري , قولي انك بتحبيه

ايوة بجد بحبه , بحبه اوي كمان

رغم انه راجل متجوز ؟

متجوز بس ماعندوش ولاد , يعني هي دي نقطة ضعفه اللي هدخله منها

مش فاهمة

يا بنتي انا لما روحتله حاولت الفت نظره جدا لعمره اللي بيضع جنب واحدة ما بتخلفش , وان مصير كل ثروته تروح لاخواته وولادهم , وقولتله بصراحة كدة انت عايش ليه ! لا عندك ولاد ولا عندك حاجة تعيش عشانها

يا خبر , انتِ كدة جرحتيه

انا قاصدة اجرحه , عشان برضو ماحدش هيداوي الجرح ده غيري

ههههههه يا سلام ع الفلسفة , طب مش خايفة من مراته ؟

مراته مين دي ! انا وصلتني معلومات اكيدة ان مراته دي بت سنكوحة كدة بنت ناس فقرا ومعدمين وضحكت عليه واتجوزته عشان فلوسه

يااااااااه ! وهو استسلملها بالسهولة دي ؟

مش بقولك طيب يا بنتي , عشان كدة مراته دي مش في حساباتي خاااااااالص , لما الخصم يكون متكافئ يبقى لازم نقلق , لكن لما يكون معدوم الكفاءة وسراب ومش موجود اصلاً يبقى الإنتصار للأقوى

ههه دانتِ داخلة معركة بقى

ايوة , وماعنديش استعداد اخسر احمد تاني

مممممم ايوة بس ما تزعليش مني يا ديدي يا روح قلبي , انتي كنتي قدامه من زمان واللي اعرفه ان مامته كان نفسها تجوزك له , لكن هو ............

عارفة عايزة تقولي , هو رفض وفضل واحدة تانية عليا  , مش هخجل اني اقول الكلام ده , وهقولك ع السبب

ايه هو السبب بقى من وجهة نظرك ؟

السبب الأكيد اني كنت صغيرة , وشايفة الحياة سهلة , وان كل حاجة عايزاها هتجيني لحد عندي , زي الطلبات اللي بطلبها من بابي ومامي ودايما يجيبوهالي مجرد ما اطلب , لكن في حاجات صعبة , صعبة اوي وعايزة تخطيط عشان تستحوزي عليها , وده اللي البت اللي احمد اتجوزها عملته ,  حطت احمد هدف قدام عنيها وركزت وخططت وعملت كل الحيل اللي مكنتها من الفوز بيه

معنى كلامك ده انها مش سهلة ولازم تعمليلها الف حساب

هههههه ده كان زمان , لكن دلوقتي هي في موقف ضعف , بقالها سنين معاه وما خلفتش , لكن انا في مركز قوة , بإسم عيلتي وفلوسي وابني اللي هستخدمه سلاح ضغط على عاطفة الأبوة عنده , ده غير حب مامته ليا ,بتموت فيا يا بنتي وهتاخد صفي هههه يعني نتيجة الحرب مضمونة وهتتحسم لصالحي

طيب يا ستي , ابدأي الحرب , اتمنالك النصر على عدوتك ههههه

********************************

اركن واستناني هنا يا رامي

اوكيه رامز , اوعى تتأخر

اوكيه يا مان

ههه ايه ده ! البنت اللي واقفة دي لابسة الوان فاقعة وغريييييييبة , انتِ , مودمازززيل

اوووووووف بتكلمني ؟

يس , اصل حقيقي معجب بيكِ جداااااا هههه الألوان اللي انتِ لابساها دي رهييييييبة , ذوقك يجنن

اوووووووف

هههه شكلها صدقت نفسها , على فكرة انتِ حلوة , امورة قوووي

وانت دمك تقيل قووووي

ههههه بالراحة على نفسك يا قطة , انتِ صدقتي ولا ايه ! على فكرة انتِ مش حلوة ولا حاجة , انا بس لقيت مش في حد معبرك قولت اجبر بخاطرك ههههههههههههه

احترم نفسك يا حيوان بدل ما اخليك تحترم نفسك غصب عنكككككككك

ههههههه يا مامي , متوحشة , هاي رامز

اتأخرت عليك ؟

مش كتير

طب يلا بقى عشان نمشي

 استنى بس اما اكمل كلامي مع القطة دي ههه

ههههههههههه يا ابني دي اشكال تعبرها !!! انت مال ذوقك النهاردة !!!

 ههه استنى بس دي حدوتة هههههه, يا قطططة قطة  كنت عايز اسألك سؤال خارج المقرر ههههه هي دي مناخيرك لوحدك ولا بتاعتك انتِ واخواتك؟ , اصلها كبيرة عليكِ قووووي ههههههههههههههههههههههههههه

هههههههههههههههههههههههههههههههه

كدة !!!!!!! طب والله لوريككككككك , اهم اخواتي جم اهممممم , يا شرررررررريف يا نااااااااجي

دوس بنزين يا رااااااااااااامي اخواتها جايييييييييييين

طيراااااااااااااااااااااااااااااااااااااااااااااااااااااااااان ههههههههههههههههههههههههههههه بس بنت لذيذة

*************************

لو سمحتي الدكتور عصام موجود

الدكتور في اوضة العمليات

طيب استناه فين ؟

انت جاي مع مريض ولا حاجة ؟

لا , انا عندي مريض حالته حرجة ولازم اقابل دكتور عشان استشيره

ممكن تستناه في مكتبه في اخر الطرقة

ممممم تمام

*****************************

حد سأل عليا وانا في اوضة العمليات يا صفاء ؟

ايوة , جه لحضرتك اكتر من تليفون من مرضى وفي واحد مستني حضرتك في مكتبك

طيب ,متشكر , عن اذنك

اتفضل حضرتك

********************************

ايه ده ! انت بتعمل ايه هنا يا ولدددددد

هههه ازيك يا جوز امي

اخرررررررس اياك تقول الكلمة دي على لسااااااانك

الله ! هو انت مش جوز امي ولا ايه ! اخر معلوماتي انك جوز امي , اوعى تكون طلقتها من ورايااااااا هه ما هو مش معقول يعني تتجوزها من غير موافقتي وكمان تطلقها من غير موافقتي , مع اني عارف انك ما تستغناش عن امي وعمرك ما تفكر تطلقها

اووووووووووووف وطي صوتك يا بني ادم انت وقولي ايه اللي جابك هناااااااااا

هكون جاي ليه يا عمي ! ههه معلش يعني اني بقولك يا عمي , ماهو بيقولوا اللي يتجوز امي اقوله يا عمي

انطق وقولي عايز ايه انا مش فاضيلككككككك

ولا انا كمان فاضيلك يا جوز امي , انا اللي جابني هنا اني عايز فلوووووس

فلووووووووووس ! فلوس ايه يا ولد انت اللي جاي تاخدها مني

حقيييييييييييييي حقي يا عصام يا زاهر , حقي في امي اللي خدتها منيييييييييي , ايه , فيها ايه يعني لما اعوز فلوس واجي اخدها منك ! هو انت مش زي ابويا برضو !!!

ابوك ايه يا نكرة انت اللي هتشبهني بييييييييه

ههه عندك حق , ايش جاب سواق تاكسي كحيان لدكتور كبير زيككككك , اسف , انا غلطان , اديني الفلوس بقى

فلوس ايه يا ولددددد

اديني 500 جنيه

اييييييييييه ! 500 جنيه بتوع ايه ؟

ابدا , مصاريف , انت عارف ان العيشة غالية والمصروف اللي باخده من امي ما بيكفنيش

اوووووووف طب وانا ماااااااااالي

لاااااااااااا انت مسؤول عنننننننننني غصب عنك مسؤول عنيييييي ولو ماكنتش تديني الفلوس بالذوق هفضحك يا عصام يا زااااااااااااهر

اه يا حيوان يا وقحححححححححححح انت بتهددني يا كلبببببببببببب

ايوة بهددك , هتجيب الفلوس ولا .........

اوووووووووف اتفضل , خد ادي الخمسوميت جنييييييييه وغور من هنا وما اشوفش وشك تاااااااااااني

هههه انا عارف ان الكلام ده من ورا قلبك الحنين , سلام يا جوز امي

اوووووووووووووووف وبعدين بقى في الولد ده ! شكله هيأرفني كل شوية

تن تن دكتور عصام

يوووووووو في ايه يا صفااااااء

عايزين حضرتك في العناية المركزة

طيب طيب طيييييييب هعمل تليفون مهم واحصلك

ترررررررررررررررررررررررررررررررررررررررررررررررررررررررررررررررررن

الله ! ده عصومة ههههههه الو ايوة يا حياتي

اماااااااااااني البيه ابنك جالي المستشفى وبيبتزنييييييييييي

بيبتزك ! عمل ايه وائل ! وازاي يجيلك المستشفى !

اتفضلي اسأليييييييه , البيه جه وخد مني 500 جنيه تحت التهديدددددد يإما ياخد فلوس يإما يفضح موضوع جوازي منكككككككك

معقووووووول ! بقى وائل يعمل كددددددددة

ولد مش متربي يا هاااااااااانم , الولد ده يتأدب يا أماااااااني حذريه من انه يجيلي المستشفى تااااااااني , انا مش فاضي للعب العيال دددددددده

حاضر حاضر يا عصااااااام انا هاخد عربيتي واروح عند ماما حالا وهتصرف مع وائل , مع السلامة

اوووووووووف الله يسلمك

***********************************************

تررررررررررررررررررررررررررررررررررن

ده تلاقيه وائل اللي ع الباب ده , اااااااه ياني يا ضهري , جاية يا واااااائل , مش قلت للواد  ده ياخد معاه المفتاح بدل ما يقومني ! اااااااه يا رجلي

تررررررررررررررررررررررررررررررررررررررررررن

ايوة يا ابني هفتح اهووو

اماني !!!!

ازيك يا ماما

اهلا يا اماني , ايه اللي جابك فجأة كدة ؟

جاية عشان اشوف وائل بيه اللي عاملي مشاكل مع عصااااااااااام

وائل عاملك مشاكل ! هه هو يا بنتي عايش معاكِ ولا بيشوفك عشان يعملك مشاكل مع جوزك !

راح لعصام المستشفى وعمل مشاااااااااااكل , عايز يخرب بيتييييييي

بعد الشر على بيتك يا مرات البيه , عمل ايه وائل لده كله !!!

اووووووووف هو فين يا ماماااااااا ؟

خرج ولسة ماجاش

راح فين يعني يا مامااااااااا ؟

انا يا بنتي لا اعرف عنه حاجة ولا هو بيقولي حاجة , مافيش غير اللقمة اللي بحضرهاله والهدمة اللي بغسلهاله , يجي من برا اقوله تاكل يا وائل , يا إما يقولي حطي الأكل يا تيتة يا إما يقولي لا يا تيتة مش جعان , كلت ويّا صحابي , بس بقى يتاخر برا اوي يا اماني , وده شاب وعايز اللي يحاسبه , ايش عرفنا بيروح فين ومع ميييييين

اووووووووف يعني هيروح فين يا ماما ! اهو كل الشبان اللي زيه كدة , ما بيقعدوش في بيوتهم

طب ما تتصلي عليه ع التليفون بتاعه تشوفيه فين ؟

هو انا مستنياكِ تقولي يا ماما ! اتصلت بيه كذا مرة والبيه قافل الموبايل

الغايب حجته معاه يا بنتي , تاكلي ؟ انا طابخة لوبيا باللحمة وجنبهم شوية رز , بعمل عشان وائل , بقول يرجع في أي وقت يلاقي لقمة ياكلها , غلبان , مالوش حد , اجيبلك تاكلي ؟

لا يا ماما شكرا , مش جعانة

تررررررررررررررررررررررررررررررررن ترررررررررررررررررررررررررررن

ده تلاقيه وائل , قومي افتحيله يا اماني

حاضر , يارب يكون هوووو

اهلا يا سعادة البيه البلطجيييييييي

هههه ماما ! ايه المفاجأة دي , خير , جاية تزورينا من غير معاد يعني , اكيد وحشناكِ

اوووووووف انت ايه اللي عملته مع عصام في المستشفى ددددده وازاي تتجرأ وتروح هناااااااااك ؟

هههه كنت عارف انه هيتصل بيكي , ازيك يا تييييييييتة

ازيك يا حبيب تيتة , مزعل امك وجوزها ليه يا ابني ؟

انا ما عملتش حاجة يا تيتة , احتجت فلوس وروحت خدتها من جوز امي , فيها ايه دي !

تقوم تهدده يا ولددددددددد , يعني ايه يعني تقوله لو  ما ادالكش فلوس هتفضححححححححه ؟؟؟

انا ما قولتش كددددددددة الراجل ده بيوقع بيننا يا مامااااااااااا , بقى معقول ولد زيي امه مربياه احسن تربية ويامَا سهرت جنبه وشبعته من حنانها وحضنها يعمل كدة برضو ! تؤتؤتؤ , وانتِ صدقتي يا ست الحبايب ! هههه

بقولك ايه يا ولد انتتتتتتتت مرواح لعصام المستشفى تاني ما يحصلششششششششش , ولما تعوز فلوس تطلبها مني انااااااااا وبعدين انا عايزة اعرف الفلوس اللي بتاخدها مني بتوديها فيييييييين ؟

هكون بوديها فين ! ما تتكلمي يا تيييييييتة قولي للهانم امي اني بحتاج مصاريف كتير زيي زي أي شااااااااب ولا هيبقى الحرمان من ككككككككككله , انا داخل اوووووووضتي

مالكيش حق يا اماني تكسري بخاطر واااااائل , هو كان عمل ايه يعني للبيه بتاعك ! عيل واحتاج فلوس وراح ياخدها , فيها ايه دي ! يعتبره زي ابنه , هو لو ابنه راح خد منه فلوس كان قوم الدنيا ما قعدهاش كددددددة !

يا ماما لو طلب فلوس بأدب ما كانش يبقى في  مشكككككككلة لكن يروح المستشفى ويهدده يبقى لاااااااا , الولد ده لازم يتأدب ويقف عند حددددددده

طيب يا بنتي , هنربيه ونوقفه عند حده , وماعادش يروح للبيه جوزك المستشفى تاني , ربنا ما يحوجه ليكي ولا ليه , قولتي الكلمتين اللي جاية تقوليهم وارتحتي ؟ بالسلامة بقى شوفي مصالحك وما تعطليش نفسك

ماشي يا ماما , عقلي وائل يا ماما وقوليله كدة عييييييييب , انا ماشية

مع السلامة يختي , عيني عليك يا وائل , اما اروح اشوفه اااااه ياني

تن تن واااااائل

اتفضلي يا تيتة

انت هتنام يا حبيبي ولا ايه ؟

لا , فارد ضهري بس

عملتلك اللوبيا اللي بتحبها هه مش هتقوم تاكل ؟

لا يا تيتة ماليش نفس

ليه بس يا حبيبي ؟

................. زهقان يا تيتة , حاسس اني لوحدي في الدنيا

يا حبيبي يا ابني ! ليه بس تقول كدة , انا جنبك ومعاك اهو

ربنا يخليكِ يا تيتة , مش عارف من غيرك كنت هعمل ايه في الدنيا دي لوحدي !

انا عارفة انك زعلان من امك , معلش يا ابني , هي صحيح قصرت معاك بس برضو امك , مهما كان امك وهي بتحبك وما تستغناش عنك

لاااااااااا لا بتحبني ولا بتطقيني , ولو بإيدها كانت قتلتني من ساعة ما ولدتني وارتاحت من زمااااااان

لالالا يا وائل , هي بتحبك بتحبك اوووووي

امي ما بتحبش إلا نفسهااااااا , كفاية انها محرمة عليا اروحلها بيتها عشان ترضي البيه جوزهااااااا , انا لحد دلوقتي ما عرفش بيتها ده فين ولا شكله اييييييييييه , وكل اسبوع تجيلنا ساعة زي الضيفة , وتبقى قاعدة مش على بعضها وعايزة تمشيييييي , دي حتى ما تعرفش عن دراستي حاجة , كل اللي بتعمله تديني فلوس الدروس وخلاص , لكن عمرها ما فكرت تسأل مدرسيني عليا ولا على مستوايا ولا حتى يهمها انجح ولا اسقطططططط , انا نفسي ما اهمهاش في أي حااااااااااجة

طب بس ما تزعلش نفسك يا حبيبي , ربنا يهديها ويحنن قلبها عليك

انا مش عايزها يا تييييييييتة لا عايز قلبها يحن ولا عايز منها أي حااااااااجة

ايه اللي وداك لجوزها يا وائل عشان تطلب منه فلوس ؟

مش عارف , حسيت ان الراجل ده خد مني كل حاجة , وبما اني مش هعرف اعوض اللي خده مني فقولت اخد فلوس هه  أي حاجة وخلاص يا تيتة

ما تعملش كدة تاني يا حبيبي , لا لك دعوة بيه ولا تطلب منه حاجة , مش عايزين مشاكل مع امك

اطمني يا تيتة , انا بكره الراجل ده لدرجة اني مش عايز اشوفه تااااااني

طب قوم بقى كل معايا

لا يا تيتة , كلي انتِ , ماليش نفس

عشان خاطري يا وائل , طب دانا جعانة ومستنياك تيجي عشان ناكل سوا

هه انا بحبك اوي يا تيتة

هههه وانا بحبك اوي يا وائل , دانت مش ابن بنتي وبس , دانت ابني ونور عيني وفرحتي , داخلتك عليا دي بالدنيا

 ................. يا حبيبتي يا تيتة

ايه الدموع دي  يا وائل ! ليه كدة يا حبيبيييييي

......................... كان نفسي اسمع الكلام ده من امي

بلا امك بلا غيره , انا احسن منهااااااا طب هي تعرف تعمل شوية اللوبيا باللحمة والرز المحمر  العسل دول ! هههه

هههه لا طبعا

طب قوم بقى اجبر بخاطري وكل معايا

حاضر يا تيتة هه

**********************************

أنا جعان يا توحا , والأكل اللي اختك جابته خَلَص , مش هتتصلي بالمطعم يشيّع المفيد ؟

هههه يا عيني ! دانت جعان اوي يا ولا

اوي يا توحا , الحقيني بالغدا الله يخليييييييكِ

هههه احنا مش هنتغدوا هنا النهاردة

اومال هنتغدوا فين ؟ اوعي تقولي عند اختك , بصراحة جوزها دمه تقيل على قلبي وما بنرتاحولووووش

لالالا , ايه اللي يودينا عند سعاد ! احنا لسة عرسان وعايزين نتدلعوا ونعيشولنا يومين لوحدينا

هههههه اهو ده الكلام التمام , أنا هندخل نلبس

تررررررررررررررررررررررررررررررررررررن

ايه ده ! مين ع الباب يا توحا ؟

استنى يا ربيع اما نشوفو مين

******

سامي !!!

حمدالله ع السلامة يا امّا

........... انت عَرَفت عنواني مين ؟

ما كنتيش عايزاني نعرفوا العنوان !!!

....................................

ايه يا امّا ! هتسيبيني واقف ع الباب ومش هتدخليني !!!

اوووف ادخل

شكراً

مين يا توحااااااااا

اووووف سامي ابني

ابنك !

هه مبروك يا عريس

الله ييارك فيك يا اخ

متهيألي اتقابلنا قبل كدة !.... مش هو ده يا امّا صبي القهوجي اللي شوفته عندك في الشقة !!!

ايّووووووووووه انت جاي عايز ايه يا سااااااااااامي ؟؟؟؟

طيب يا توحا , احنا هندخلوا نلبس على ما تخلصي كلام , بالإذن يا اخ

اذنك معاك يا خويا

جاي بتحرب ورايا وعايز ايه يا سااااااامي ؟؟؟

بقى كدة يا امّا ! دي عملة تعمليها فينا !!! بقى تتجوزي ولا زي ده ما يسواش تعريفة وتعملي مقامه من مقامك وتصرفي عليه فلوووووووسك !!!

ايوة كدة اظهر وبان على حقيقتكككككك بقى انت جاي خايف ع الفلوووووس , اسمع يا ساااااااامي الفلوس دي فلوووووووسي وانا حرة فيها بقى , نتجوزوا بيها , نرموها في المالح , أنا حرررررة , ما تسيبوني في حالي بقىىىىىى , هو أنا اجرمت عشان عايزة نعيشولي يومين مرتاحة البااااااال ! هو أنا اتكتب عليا الهم طول عمرررررري !!!

يا امّا أنا اكتر واحد في الدنيا نتمنالك الخيررررر

ايوة ما هو باين يا ابن مرشدددددي , تلاقي ابوك اللي مشيّعك , ما هو هيموت ع الفلوس من ساعة ما خدتهاااااا , بس قوله يريح رووووووحه اللي بيعمله ده كله مش هيجيب نتيجة ولا هنرجعوله جنيييييي , الفلوس فلووووووووسي , سامع يا ساااااامي ؟

يا امّا ما حدش جاب سيرة فلوووووس , الفلوس دي لو هتصرفيها على روحك مش هنزعلوااا , لكن تصرفيها ع الولا النصّاب ده يبقى لاااااااااا حرام يا امّاااااااا

حُرمت عليك عيشتك يا ولااااااااا , اياك تغلط في جوزي تاااااااني , ربيع لا نصاب ولا طمعان في مليم من فلووووووسي

هههأ , اومال اتجوزك ليه ؟؟؟؟؟

بيحبنيييييييي , مستكتر عليا راجل يحبني يا خلفة الشووووووم !!!

يحبك !!! مافيش شاب في سن الولا ده يتجوز واحدة اكبر من امه إلا لما يكون طمعان في مالهاااااا وبكرة تفوقي لما ينهب مالك ويخليكي ع الحديدددددة

اخرررررررس , اطلع برا يا ولااااااااااا برا وما نشفوش وشك هنا تااااااااااااااني

.................... ماشي يا امّا , دي تاني مرة تطرديني وتبعديني عنك , ابقي خلي الولا ده ينفعككككككك

اووووف منك لله يا سامي , الله ينكد عليك زي ما نكدت عليا في عز فرحتي

***

ايه يا توحا ! ابنك مَشَى ؟

مَشَى

ما تزعليش نفسك , أنا عارف ان الناس مش هيسيبونا في حالنا , مش عارف هما عايزين مني ايه ! مستكترين عليا نعيشوا مع الإنسانة اللي بنحبوها واختارها قلبي ! ده ايه ظلم الناس ددددده , أنا كَرَهت الدنيا يا توحا عشان الناس اللي فيهااااااااا

يا حبيبي يا ربيع ! حقك عليا انا , سيبك من الناس ومن كلام الناس , خلينا نعيشوا في حبنا ولحبنا ونسيبوا اللي مستكتر علينا الفرح يموت بنااااااره

هههه على رأيك يا توحا , يلا البسي بقى عشان نلحقوا المطعم

ماشي يا حبيبي

*********************************

ايه رأيك في الأكل  يا ربيع ؟

ايّووووووووه حلو اوووووي والمكان هنا كمان باين عليه غالي وما بيدخلوش إلا الناس التقال

هههه مهما يكونوا انت الاحسن برضو

ربنا يخليكي ليا يا توحا , وربنا انتِ معيشاني عيشة عمري ما كنت نحلموا بيها

مش كتير عليك يا ربيع , اصلك ما تعرفش اني بنحبوك قد ايه يا ولا

هههههههههههههههههه ايّوووووووووه وربنا اني امي  دعيااااااااالي , بقى ست الحسن والجمال اللي قدامي ده تبقى مراتي اني !!!!!!! ايّوووووووووووووووووه ايه الحلاوة ددددددددي

ههههههههههههههههههههههه انت الاحلى يا ربيع , كلامك حلو حلو اووووووي

ههههه احنا هنسمعوكي كل يوم احلى كلام , هو احنا حيلتنا إلا الكلام !!!! بس اللحمة دي زي الملبن وبتدوب في البق

هههه كل يا ربيع , بالهنا والشفا على قلبك يا حبيبي

لا اني خلاص شَبَعت

طب استنى ننادوا ع  الولا الجرسون نحاسبوه , انت يا جدددددددع يا جدع انتتتتتتتتت

ايوة ايوة , تحت أمرك يا أمي 

أمككككككككككك !!!! جاك ضربة في لسااااااااانك , امك منين يا فحل انتتتتتتتتت !!!

الله الله الله ! اسف يا مدااااام ما نقصدش نزعلك والله , قول حاجة لوالدتك يا استاذ

واالددددددددددته ! ياخي اتولدلك النحس والهم وركبوا فوق قلبككككككككككك جرسون ما بيفهمش صحيحححححححح

الله ! هو في ايه !!! انا غلطت في حاجة يا استاذ ؟؟؟

ايوة غلطتتتتتتتتت عشان انت شايف قدامك عيلة صغيرة بنت امبارح وعمّال تقولها يا امّا ويا حااااااجة , ما تخلي عندك نظر يا اعمى القلب انت كماااااااااان

لا حول ولا قوة إلا بالله , أنا اسف يا استاذ , اسف يا مدام, ولا نقولوا انسة ؟

اني مدااااااام وجوزي قاعد قدامك اهوووووو

ايييييه ! حضرتك جوزهااااااا ؟

اومال ابنهاااااااا !!! ايوة اني جوزها , عمرك ما شوفت واحد بيتجوز واحدة اصغر منه ومن دور عياله قبل كدة !

قوله يا ربيع عشان فاكرني كبيرة

الكبير هو مقامك يا ست الكل , شوف يا ابني حسابك كام وحاسب المدااااااااام

 نحاسبوا المدام !!!هههههههه ايوة ايوة , اني كدة فَهَمت انت متجوزها ليه , اتفضلي الفاتورة يا مدام

***************************

وبعدين في عواد اللي اتأخر وقالي اقعدي ع البوابة لحد ما ارجع ده ! ورايا طبيخ والعيال زمانهم جايين , مين ام نقاب اللي داخلة العمارة  دي ! دي بنت الست منال , ايوة  هي 

السلام عليكم يا دادة فهيمة هه

عليكم السلام ورحمة الله يا عسل , ازيك يا مريم وازي الست منال

الحمدلله انا وماما كويسين , سلميلي على سهير

الله يسلمك يا حبيبتي , والله انتو جيتو نورتوا العمارة

هه متشكرة اوي يا دادة من ذوقك , عن اذنك مممممم الأسانسير مشغول

أهو الاسانسير وصل يا حبيبتي , الله ! ده رامي ابنك عمك

 أزيك يا دادة ..... مين دددددي ! عفرييييييييت عفريييييييييييييييييت يا مامااااااااااااااااااا باب العمارة فيييييييييين

ما تزعليش يا مريم , اصل ابن عمك قلبه رهيف وبيتخض من خياله , بقى حد يقول على بنت عمه عفريت !!!

اهئ اهئئئئئئ عن اذنك يا دادة

اتفضلي يا حبيبتي , اخص عليك يا رامي , قهر البنية يا عيني

******************************************

تررررررررررررررررررررررررررن ترررررررررررررررررررررررررن اهئ اهئئئئئئ

مييييين ؟

انا مريم يا أمي اهئ اهئئئئئئ

مريم !!! في ايه يا حبيبتي مااااالك ؟؟؟

الولد ابن عمو عصام اهئ اهئ

رامي !!! ماله يا حبيبتي ؟

اهئ اهئئئئئ كنت واقفة مستنية الاسانسير , اتاريه كان هو اللي شاغله , اول ما خرج وشافني قعد يصرح ويقول عفريت وطلع يجري اهئ اهئئئئئئئ كل ده عشان لابسة نقاب يا أمي !!! هما ليه الناس اللي من عينة رامي دول مصرين يهينونا ويقنعونا اننا منبوذين في المجتمع !!! المنتقبة دي احسن منه ومن البنات اللي هو عارف اخلاقهم كويس اهئ اهئئئئئئئئئ

طب كفاية يا حبيبتي , ما تزعليش امووه , معلش , هو عقليته كدة , كل واحد يا حبيبتي بيفكر بالطريقة اللي اتربى بيها , وهما بالنسة لهم النقاب حاجة غريبة ورأيهم معروف فيه

ما يهمنيش رأيهممممم , هو وأمثاله ما لهومش أي وزن عندي , لو زعلانين عشان واحدة زيي منتقبة فعندهم مليون واحدة عريانة يبقوا يتمتعوا بيهم براحتهم , وفي الآخر يا ماما هما مشكتهم مش مع النقاب , دول مشكلتهم مع الحجاااااب , لو كان الأمر بإيديهم كانوا قلّعوا الحجاب لكل المحجبااااات , ناس همج وما يعرفوش يعني ايه رقي يا مامااااااا اهئ اهئئئئئئ

هه يا خبر يا مريم , دانتِ موقف رامي خلاكي انفجرتي وطلعتي كل اللي جواكي

اللي جوايا اكتر من كدة بكتير يا أمي  اهئ اهئئئئئئ يا ريت يسيبونا في حالنا بقىىىىى

طب خلاص اهدي بقى , مش عايزة أبي يجي يلاقيكي بتعيطي بالشكل ده

لا بقى انا عايزاه يجي يلاقيني بالشكل ده عشان احكييييييله , لازم الولد ده يقف عند حده من أولهاااا

طيب روحي اغسلي وشك وانا هتصرف يا حبيبتي

***************************************

الولد اللي اسمه رامي فين يا صااااااالحة

رامي في اوضته يا دكتور

هروح اشوف حكايته ايييييه

بجد يا مشمش ابتديتي تتعلقي بيا ؟ ههههه

تن تن ولد يا رااااااااااااامي

داااااااد , أأأباي دلوقتي هكلمك بعدين

افندم يا داد

مين مشمش دي اللي ابتدت تتعلق بيك يا ولددددددد ؟؟؟

دي دددي أأأدي اخت واحد صاحبي , صغيرة عندها اربع سنين , اصل انا كل  ما اشوفها اجيبلها شيكولاتة وهي ابتدت تحبني وتتعلق بيا وكل ما تشوفني تقولي فين الثكولاتة فين الثكولاتة هههه فظيعة ............. بتبصلي كدة ليه يا داد ؟؟؟؟

مش هتبطل الأرف اللي انت فيه ده بقىىىىىىىى !!! اسمع يا رامي , اذا كنت مش عايز تبعد عن البنات المنحلة اللي انت تعرفهم فبلاش سفالتك تخليك تتطاول على المحترمااااااااااات

هو مين اللي ماااااات !!! في ايه يا دااااااد ؟

مالك ومال بنت عمك يا ولددددددد ؟؟؟؟

بنت عمي مين فيهممممم ؟؟؟؟

مش عارف بنت عمك ميييين ؟

منة !!! هي منة اشتكت مني في حاجة ؟؟؟؟

مش منة , انا اقصد مريم بنت عمك ماجد

انا برضو بقول مش معقول تكون منة هي اللي اشتكت , انا علاقتي بمنة في اللذيذ

ايه في اللذيذ دي يا ولددددد ؟؟؟؟

اقصد يعني علاقتنا كويسة , زي السمن ع العسل على رأي دادة صالحة وكلامها الملزق ههههههههههههههههههههههههه

اخرررررررررس , انا بحذرك يا رااااااااامي اياك تتعرض للبنت ولا تعمل أي موقف سخيف معاها مرة تاااااانية

في ايه يا داددددد ! هي البنت دي قالتلك ايه عننننننني ؟؟؟

ازاي يا ولد تقول عليها عفريت وتحرجها قدام مرات البواااااااب

هههههههههههههه يا داد بجد اتخضيت لما شوفتها , اسود في اسود في اسووووووود ايه ددددده !!! مش كدة يعني , الحياة كول مش طالبة غمقان , عشان كدة شوفتها اتفزعت وطلعت اجررري ههههههه

رامي , ده تحذير آخير , اياك تتعرض لمريم ولا ليك دعوة بيهاااا , عمك كلمني وهو زعلان جدااااااً , انا اعتذرتله ووعدته انك مش هتتعرض للبنت مرة تانية , مفهوووووووووووم ؟

مفهوم داد

سيب الموبايل اللي في ايدك واقعد ذاكرلك كلمتين ينفعوك بدل تضيع الوقت في السخافاااااات

اوكيه داد اوكيه , جود نايت , اووووف اخيراً خرج , كل ده عشان الكونتيسة بنت اخوه المتغطية بخيمة سودة !!! هههه عيلة عجيبة ممممم اما اكمل كلامي مع مشمش لتزعل

******************************

خلصي يا بت يا عطا تلميع الموبيليا خلينا نخلصوا , نعملوا ايه ع الغدا النهاردة يا ست سعاد ؟

اني ماليش نفس للطبيخ , اعملي شوية مكرونة اسباجيتي وبفتيك

حاضر من عنيا

اني شوية كدة وهناخدوا العربية ونروحوا نشوفوا حتة الأرض اللي في جناكليز اللي قالي عليها ادهم

هتشتري ارض تاني يا ست سعاد ؟؟؟

تاني وتالت , حد له عندي حاجة !!!

ربنا يزيدك يا ست سعاد

ترررررررررررررررررررررررررررررن

طب روحي شوفي مين ع الباب يا شوقية

من عنيا , خلصي يا عطا وبلاش لكاااااااااعة

حاضر يا خالتي شوقية

******************

بنجور , طنط سوسو موجودة ؟

يسعد بانجورك يا حبيبتي , قصدك ع الست سعاد ؟

أها

ايوة موجودة , اني متهيألي شوفتك قبل كدة

يس , انا داليا الكيلاني

يا عيني يختي , بنت الست صفية الله يرحمها ؟

أيوة أنا

معلش يا بنتي , ادي حال الدنيا , كلنا هنموتوا , ماحدش هيفر من الموت ولو اتحوط بألف سوووووور , وان كنتي زعلانة على امك مسيرك تروحيلها طالت ولا قصّرت

اووووووف هو مافيش غير سيرة الموت هتتكلمي فيهااااا !

وماله يا بنتي الموت ! مش نهاية كل حي ؟

اوووووووف عايزة طنط سوسو

حاضر , اتفضلي , الست سعاد في أوضة الأنتريه , استنيها هناك في الصالون على ما ندوها خبر , يا ست سوسووووووووو

*************

كلمي يا ست سوسو

سوسو ! ههه مين جه يا بت

دي بنت الست صفية الله يرحمها

داليا ؟

هي , تكون جاية عايزة ايه يا ست سعاد ؟

جاية تزورني , هتكون جاية ليه يعني !!!

سبحان الله ما بنرتاحولهاش , شايفة روحها كدة ومتكبرة

حقها يا بت , انتِ عارفة ابوها وامها سابولها املاك وفلوس قد ايييييه ؟

مش عايزة نعرف يا ست سعاد , مسيرها تسيب المال ده كله زي ابوها وامها ما سابوه , دنيا مش دايمة لحد يا ست سعاااااااااد

نعوذ بالله منك ومن لسانك يا ولية يا فقرية انتتتتتتت , كلامك يخلي الواحد يكره عيشتتتتتتته , اوعي اما نروحوا لداليا

روحي يا ست سعاد خليها تقولك كلام حلو , هي تقولك يا طنط سوسو اني اشتريت فيلا جديدة وانتِ تردي عليها وتقوليلها واني هنشتري أرض , اقعدوا اشتروا وحوشوا عشان انتو مخلدين فيها , حلو الكلام ده ؟

اوعي يا بت جاتك ضررررررربة

اديني وعيت , البت ابوها وامها ماتوا وبرضو مش متعظة ومناخيرها في السما , بكرة الدود يأرف يهوّب ناحية مناخيرك يا متأنعرررررة  , عالم هممممم

***************************************

اهلا اهلا اهلا هههه ايه المفاجأة الحلوة دددددي !!! داليا بحالها عندناااااا !

ههههه ازيك يا طنط سوسو وحشاني موووووت امووووه

يا روحي انتِ هههه امووووه اتفضلي اقعدي

ميرسي يا طنط

وحشاني خالص يا داليا , كنتي لسة على بالي وبنقول هنعدي عليكِ بكرة ولا بعده

في الحقيقة بقى انتِ مشغولة عني خالص يا طنط سوسو , انا كنت بفتكر انك هتكوني عندي على طول وتتصلي بيا باستمرار , لكن بمجرد تلات تيام العزا ما خلصوا بقالي شهرين ما شوفتكيش

والله غصب عني يا داليا , دماغي مشغولة والله , بنبني برج في ستانلي وبندوروا على حتة أرض تانية نبنوها , وادهم ابني قالي على حتة أرض هنروحوا نشوفوها النهاردة

فين الأرض دي يا طنط ؟

في جناكليز

مساحتها قد ايه ؟

يعني , حوالي 650 متر

بس !!! لالالا , في بقى حتة أرض في سابا باشا 1000 متر , لسة السمسار قايلي عليها بس قولتله مش محتاجاها

والموقع بتاعها حلو ؟

اوي يا طنططط , دي جنب برج من ابراج بابا

ههه قصدك أبراجك , بابا بقى الله يرحمه

اسكتي يا طنط , اعمامي مش سابيني في حالي وطمعانين في ثروتي ومش لاقية حد يقف جنبي

ايّوووووه عايزين منك ايييييييه ! ما يبعدوا ويسيبوكي في حااااااالك , اسمعي يا داليا , اوعي تديلهم جنيي واحدددددد , ده مالك ومال ابنككككككك

انا فعلا مش هديهم ولا مليم , بس واحد من اعمامي هددني انهم هيرفعوا قضايا

يرفعوا قضايا زي ما هما عايزين , يبقوا يقابلوني لو المحاكم حكمتلهممممم , هو ايه شغل العصبجية ددددده !ياإما ياخدوا فلوسك قدام عنيكي يا إما يرفعوا قضايااااااا ! الناس هتموت بعض ع الفلوووووس ! نعوذ بالله من القلوب السودة والضماير المهببة

شوفتي يا طنط ! اهئ اهئئئئئئئئ عشان كدة كان نفسي يبقالي جوز طيب وغني ومش طماع  عشان يحميني اهئ اهئئئئئئئ لكن هنلاقوه فين ! الناس كلها وحووووش وحووووووووش اهئ اهئئئئئئئئئئ اه ياني يا مامي ااااااه يا بااااابي سيبتوني لمين !!

بس بس يا داليا ما تعمليش في نفسك كدة يا حبيبتي , كوباية لمون يا بت يا عطا لديدي هااااااااانم

حاضر يا ست سعااااااااد

اهدي يا حبيبتي اهدي

تعرفي يا طنط مممم كنت بتمنى لو كنت اتجوزت احمد اهئ اهئئئئئئ كان زمانه بيحميني من كل الوحوش دول , لكن انا حظي وحش اهئ اهئئئئئئئئئ

احمد !!! لا يا حبيبتي مش حظك انتي اللي وحش , ده حظه هو الاسوووووود

**********************************

خالتي شوقية , هو اللمون راح فين ؟

هتلاقيه في الدرج بتاع التلاجة , الست سعاد طلبت لمون ؟

طلبته للمدام اللي عندها , ألا هي مين دي يا خالتي شوقية ؟

واحدة من معارف الست سعاد

ممممم بس دي باين عليها جريئة قوي

ليه يا بت ؟

اصلها بتقول يا ريتني كنت مرات احمد عشان يحميني

اييييييييه ! سي احمد !!! ابعدها عنه يا رب , هو كل هم في البلد يجي عند سي احمد ويتسَنَد !!!!

هو كان سي احمد خطبها قبل كدة ؟

لا خطبها ولا عبرهااااااا , سي احمد عمره ما خطب ولا اتجوز غير الست هيام , الله يكرمك يا ست هيام ويعوض عليكي عوض الصابرين يا بنتيييييي

هه شكلك بتحبيها اوي يا خالتي شوقية

كل اللي يعرف الست هيام لازم يحبها يا بت , حتة سكرة , تتحط ع الجرح يطيب

الله ! اني نفسي نشوفوها

نبقى ناخدوكي عندها في مرة يا بت , اعملي العصير ووديه للست دي خليها تطفحه وتفارقنااااا , ال يا ريتني كنت مرات احمد ال , البجاحة ليها ناسهااااا

***************************

اشربي اللمون يا داليا يا حبيبتي وروقي كدة وهدي اعصابك , الهم والنكد ده يكبرك قبل اوانك

غصب عني يا طنط , الوحدة احساس فظيع اووووي

وحدة ايه بعد الشر ! ربنا يخليلك ابنك

ابني لسة صغير ومحتاج أب يراعيه اهئ اهئئئئئ انا لوحدي ما اقدرش

مممم وطبعا مش عايزة ترجعي لطليقك

ارجوكي يا طنط ما تجبيش سيرة البني ادم ده قدامي تااااااااني , لكن صحيح فين اوسا ما شوفتهاش

أوسا الصداع مَسَك فيها طَلعت نامت وقالت ماحدش يصحيني,لو كانت صاحية وكويسة كانت نَزَلت قعدت معاكِ

مش مشكلة,نبقى نشوفها مرة تانية ..بنتها عاملة ايه؟

كويسة ..مش عارفة بتذاكر ولا نايمة ولا بتعمل ايه,ننادوهالك؟

لالا سيبيها على راحتها,أنا أصلاً جاية عشانك انتِ يا طنط…ياااااه ! حنيتك بتفكرني بحنية ماما يا طنط..نفسي افضل جنبك وما اسيبش حضنك أبداً

ههه تعيشي يا روح قلبي انتي , والله يا داليا اني لو عليا ما نسيبوكيش أبدا

ممممم مش بقولك يا طنط انا حظي وحش عشان ما اتجوزتش احمد

اااااخ ياني , نصيبنا كدة , ما قولتليش بقى , حتة الأرض دي معروضة على كام ؟

خمسة مليون جنيي

بسيطة , ونشوفوها ازاي ؟

انا هنعدي عليكي بكرة  الصبح الساعة عشرة او عشرة ونص بالكتير بالعربية يا طنط وناخدوكي تشوفيها

خلاص يا حبيبتي اتفقنا , اشربي اللمون

*****************************************

انتظروا الحلقتين الخامسة والعشرين والسادسة والعشرين بعد قليل إن شاء الله