خلف هذه الجدران، الجزء الأول( الحلقة 1)
يتأمل ثعبان الحانة الكامن في جحره الكئيب هالة نور أتت من بعيد متجسدة في هيئة امرأة من حسن فريد ..يرمقها متململاً ومكبلاً بأشعة سحرها ,رافعاً صوت فحيحه المخيف, من أنتِ ؟ فتمض غير مكترثة في جلال مهيب ...فيجيبه صوت خفي
هي شمس ضحى تالية قرآن الفجر المشهود
هي عذراء المشاعر,حامية بكارة الحياء في حياء
هي صمت العفاف الوقور وسط ضجيج العهر
هي قبلة الورعين ..حلم الصالحين
هي ضحى..... أسطورة الوجود
فيخرج ثعبان الحانة من جحره واثباً خلفها في جنون
فينالها ..فتسيل دماء الطهر على أرض مخضلة بعبرات البراءة فينبت نبت حزين
أيتها الأقدار
المحتمة ..ليتك لم تمكني الرياح العاتية من اقتلاع زهر الياسمين,ولكن....ربما
تسقنا سنوات الشقاء شراب العبر في كؤوس الحكمة فنسجد لمالك السموات والأرض راضيين
حامدين,اللهم لك حمداً بعدد من أنت راض عنهم... وبعدد العاصيين
هبه عبد العظيم نور
اقدم لكم رواية
خلف هذه الجدران
رواية ممتزجة بعصارات البشر في شتى بقاع الأرض
تبدأ أحداث الرواية منذ بداية التسعينات في القرن المنصرم
استخدمت في روايتي عدة لهجات عربية
بالإضافة إلى اللهجة السكندرية الأصلية القديمة
تاريخ النشر الأول للرواية مارس 2014
**************************************
وقفت بالعربية هنا ليه يا عادل ؟
حمدالله ع السلامة يا اشجان يا حبيبتي وصلنا
القاهرة ودي العمارة اللي فيها
لشقة الجديدة , ها ايه رأيك في العمارة الفخمة دي
؟
كويسة
لالالالالا انتي مفترية بقى هههه انتي ما تعرفيش
الشقة هنا كلفتني كام
توضيبها كلفني كام ولا الموبيليا الموبيليااااااا
اللي هتخطف عقلك لما تشوفيها يا اشجان يا قمر انتِ ههههه
شكرا يا عادل كتر الف خيرك
طب يلا يا حبيبتي انزلي من العربية على ما اجيب
الشنط من شنطة العربية عشان نطلع
ماشي , اديني نزلت يا سيدي
******************************
استني انادي على البواب ياخد الشنط , عواد يا
عووووووووووووووواد
اهلا اهلاااااااااا حمدالله ع السلامة يا سعادة
البيه حمدالله ع السلامة يا ست هانم
الله يسلمك يا عواد , خد الشنط وطلعلها فوق
من عنيا يا بيه . بت يا فهييييييييييمة
نعمين يا عواد نعمييييييييييييييييين
-
خدي شيلي
معايا الشنط نطلعها لشقة عادل بيه الساكن الجديد
-
هي دي
مراته ؟
-
اومال
يعني جايبها من الشارع ! يلا قدامي
-
حاضر
حاااضر حمدالله ع السلامة يا ست هانم , انا فهيمة مرات عواد
-
اهلا يا
فهيمة الله يسلمك
-
نورتي
العمارة والله , لو عوزتي أي حاجة اندهي علية وانا تحت امرك
-
ربنا
يخليكِ يا فهيمة
- هي مالها مكشرة كدة ليه !!! المفروض تكون فرحانة
بالشقة الحلوة والعمارة الحلوة دي , الناس اسرار تحير اللي ما يحتار
***********************************
- سمي الله وادخلي يا اشجان . منورة شقتك الجديدة
يا حبيبتي ومنورة القاهرة كلها هههههه اسكندرية ضلمت والقاهرة نورت ههه
-
بسم الله
الرحمن الرحيم . منورة بوجودك يا عادل
-
هاااااااا
ايه رأيك في الشقة الحلوة زي صاحبتها دي ؟ هههههه
-
حلوة اوي
يا عادل
-
شكلك مش
مبسوط ليه يا حبيبتي
- وننبسطو ازاي يا عادل وانت هتسيبني هنا في القاهرة
اللي ما نعرفش فيها أي مخلوق وترجع
اسكندرية لمراتك الاولانية اهئ اهئ اهئ
-
يا
حبيبتي معلش حكم الظروف اقوى مننا
-
اهئ اهئ
حكم الظروف ولا حكم سعاد ؟ اهئ اهئ اهئ
-
حبيبتي
معلش كلها فترة وسعاد اعصابها تهدا ونيجو ناخدك اسكندرية اني
-
لا تاني
ولا تالت خليني هنا للوحدة تقتلني وانت اتفضل روح لمراتك وولادك عشان ما تتأخرش
عليهم
-
ههههه
وانتي مش مراتي وحبيبتي برضو يا اشجان !
-
ايوة
طبعا ما هو باين اني حبيبتك وبتخاف علية اوي اهئ اهئ اهئئئئئئئ
- اوووووووووف , على العموم اني هننزل دلوقتي اجيبلك شوية طلبات ولحمة وفراخ وكل اللي
تحتاجيه لحد ما اجيلك الخميس الجاي
-
متشكرة
******************************************
-
في ايه
يا بهيرة فاتحة شراعة الباب وبتبصي على اييييييييه
- استنى بس يا حسين يا حبيبي , شوفت راجل خارج من
الشقة اللي قدامنا ومن شوية كان داخل ومعاه واحدة . الظاهر كدة جيران جداد وسكنوا
في الشقة اللي قدامنا
-
طب واحنا
مالنا يا ستييييييييي اقفلي الشراعة وروحي اعمليلي كوباية شاي
-
لا اله
الا الله , مانا لسة عملالك يا حسين , دي الكوباية لسة قدامك ما اتغسلتش يا حبيبي
-
بلاش يا
ستي انزل اشربها ع القهوة
-
والله ما
انت ناااااااااااااااازل . هي تلكيكة وخلاص عشان تجري ع الشارع ! هدخل اعملك براد
شاي بحاله
-
هههههه
ما كان من الاول يا بهيرة
- بس انا برضو لازمممممم اعرف مين السكان الجداد
دووووووووووول . الصباح رباح , اول ما حسين يروح المدرسة هخبط عليهم عشان اتعرف
على مرات الراجل اللي نزل ده , يكون نزل راح فين ده كمان ! يووه وانا مالي انا .
هو انا هشيل هم جوزي وهم اجواز الجيران كمان ولا ايه . اودي كوباية الشاي لحسين .
حسيييييييييييييييييييييييييين جايلاك بالشاي يا حبيبي
*********************************
- اشجاااااااااااااااااااااااااان انا جيت يا
حبيبتي وجبت الطلباااااااااااااات
- اهلا يا عادل
- اهلا بيكِ يا قمر ههههه بصي يا ستي تعالي شوفي
الطلبات دي عشان لو ناقص حاجة نجيبوها قبل
ما نسافر
- سافر بالسلامة انت ما تشغلش روحك بيا
- طب مش تيجي تشوفي الاكياس فيها ايه الاول جايز
تكون حاجة ناقصة؟
- مش فارقة يا سيدي , اتوكل على الله انت عشان
الوقت اتأخر وزمان الهانم قلقانة عليك
- هههه طب ابتسمي الاول عشان يبقى اخر حاجة نشوفوها
قبل ما ننزلوا هي ابتسامتك
- والله ! معلش خليها مرة تانية
- مممم حبيبتي اني مقدر انك زعلانة عشان دي اول مرة تبعدي عن
اسكندرية
- اهلي وناسي وجيراني واصحابي وكل حبايبي وكل سنين
عمري اللي فاتت يا عادل
- هههههههه يا حبيبتي بينك وبين كل ده ساعتين
بالعربية , انا ما سفرتكيش بلد تانية , انتي في مصر برضو
- ممممممم
- على العموم اني هنوصي مرات البواب عليكِ و لو عوزتي أي حاجة اتصلي بيا
- ولو مراتك ردت ؟
- وايه يعني ! ما هي عارفة انك مراتي انتي كمان
وليكِ حقوق عندي
مممممم طيب يا عادل مع السلامة انت بقى عشان ما
تحصلكش مشاكل بسبيي
- ماشي يا حبيبتي خدي الفلوس دي خليها معاكِ لاي
ظرف طارق اشكرك يا عادل
- استودعك الله حبيبتي السلام عليكم
- وعليكم السلام ورحمة الله وبركاته اهئ اهئ
اهئئئئئئئئئئئئئئ
******************************
- حمدالله ع السلامة يا عادل بيه نورت الفيلا ,
الست سعاد كانت منتظرة حضرتك في الجنينة ولسة داخلة من شوية
-
الله
يسلمك يا شوقية , طيب اني هندخلولها , ابقي خلي عبد السلام يغسل العربية
-
حاضر يا
سعادة البيه .
- *******************************
- حمدالله ع السلامة يا سي عادل
- السلام عليكم حبيبتي هههههه وحشتيني .الولاد نامو
؟
من بدري طبعا . وصلت المحروسة ؟
- بقولك ايه اظن بعد ما بعدتها عنك وخليت كل واحدة
فيكو في محافظة تهدي بقى وتعقلي وتخلينا نعيش حياتنا بهدوء بعيد عن المشاكل
- بالبسااااااااااااااااطة دي يا
سلاااااااااااااااااام عايزني ننسى انك
اتجوزت علية بعد خمستاشر سنة جواز وبعد ما اكبر ولادنا بقى في اعدادي !!!!!!!!!!
وبدل ما تعيش معايا بما يرضي الله وتتقي الله فيا وفي ولادك رايح تتجوز علية بنت خالتك الزفتة
اللي اسمها اشجان دي
- بنقولك اييييييييييييه طولة لسان وغلط في اشجان مش
عااااااااااااااايز . اظن يا هانم انتي عارفة كويس اوي ظروف جوازي منها كان شكلها
اييييييييييه عارفة كويس اني اتجوزتها عشان مالهاش حد بعد موت خالتي الله يرحمها
- هههههههههه لا يا شيخ ! حنين بششششششششششششششكل .
وانت الصادق عشان كان عينك منها من زمان اوي ولا فاكرني عبيطة يا سي عاااااااااادل
- زمان اوي امتى يا ست انتييييييييييييييييييييي .
أشجان دي صغيرة وحتة عيلة دي كل الحكاية عشرين سنة يعني لما اتجوزتك كان عندها خمس
سنين ولا مش فاكرة يوم فرحنا وانت شايلاها على حجرك وبتبوسيها في الفرح
- والله لو كنت اعرف انها لما تكبر هتغدر بيا وتاخد
جوزي كنت خنقتها بدل ما نبوسوهااااااا , عن اذن جنابك اني داخلة ننااااااااااااااااااام
- ههههه طب بس استني بس حبيبتي , اني ما يهونش علية تنامي وانتِ زعلانة ابدا تعالي
هنا جنبي يا حتة من قلبي ههههه اني ما يخلصنيش زعل الجميل ده وربنا المعبود
- لو بيهمك زعلي ما كنتش اتجوزت يا سي
عاااااااااااااادل . سيبني ننام عشان نصحو بدري مع الولاد عشان مدارسهم
-
هههه طيب
يا ستي تصبحي على خير
-
وانت من
اهله يا سي عادل
*********************************
- اهي سعاد دخلت نامت . يا ترى اتصل بأشجان اشوفها
عاملة ايه ولا بلاش ؟ مممم خايف نتصل تكون نايمة . خلاص نرن رنتين تلاتة ولو ما ردتش تبقى اكيد نايمة وبلاش نزعجها
تررررررررررن
-
الووووووووو
ميييييييين ؟؟؟؟؟؟؟؟؟؟
- ههههههههه دا انا ما كملتش رنة يا اشجان . انتِ
لسة صاحية !!!!
اهئ اهئئئئئئئئئ صاحية وخايفة اوي يا عادل
-
خايفة من
ايه بس يا حبيبتي ؟
- اهئ اهئئئئئئئئئ خايفة من الشقة الطويلة العريضة
دي اللي سايبني فيها لوحدي اهئ اهئئئئئئئ والله انا قاعدة في الصالة لحد دلوقتي وخايفة ادخل اوضة
النوم لوحدي
-
هههههههه
يا جباااااااااااااانة هههههههه ما كنتش نعرف ان قلبك ضعيف وخوافة كدة
- يا سلام ياخويا ! هو انت فاكرني راجل زيك ! أنا
ست ضعيفة وبنترعبوا من اقل حاجة . ايش ضمني يا سيدي نلاقي عفاريت داخلين علية دلوقتي اهئ اهئئئئئئئئئئ
- هههههههههههههههههه عفاريت ايه بس يا بت انتي !!
. ما تجمدي كدة وخليكي راجل ههههههههههههههههههههههه
-
ايوة
اضحك اضحك ياخويا اهئ اهئئئئئئئئئئئ ربنا يسامحك انت والزفتة اللي اسمها
سعاااااااااد
-
هههههههههههههه
سبحان الله لسة كانت بتقول عليكِ زفتة من شوية ههههههههههه اهي الشتيمة اتردتلها
تاني
-
هتيجي
امتى يا عادل اهئ اهئئئئئئئئئ
-
وحشتك
؟؟؟؟؟
-
اهئ اهئ
ايوة
- إنتِ اكتر يا حبيبتي , معلش اعذريني , مش بايدي
ابعد عنك يا حياتي ان شاء الله اكون عندك الخميس الجاي ونقضي معاكِ
- طوووووووووووووول النهار ونبات معاكِ ونمشي الجمعة بعد المغرب . ايه رأيك بقى ياروح قلب
عادل من جوا ؟
-
اهئ
اهئئئئئئئئئئئئئئئئئ وان شاء الله لحد يوم الخميس نعمل ايه ؟
-
مممممم
اقولك يا ستي . اتفرجي ع التليفزيون او اشتغلي تريكو زي
-
بتحبي
-
اووووووووووف
ماشي يا عادل مااااااااشي
- وبعدين يا حبيبتي انتِ حامل دلوقتي في شهر وكلها
8 شهور والنونو يشرف وتنشغلي بيه عن عادل
حبيبك وتنسيني خاااااااالص ويبقى هو اهم حاجة في حياتك
- اهئ اهئئئئئئئئئ والله اني عايزة النونو النهاردة قبل بكرة على الأقل
يونسني بدل الرعب اللي اني فيه ده اهئ
اهئئئئئئئئ
- ههه طيب يا خوافة هنسيبك دلوقتي عشان ندخل ننام عشان عندي شغل متلتل في المينا ومعاد وصول شحنة
الخشب الصبح ومواويل الشغل اللي ما بتخلصشششششش دعواتك يا عيوني
-
ربنا
يوفقك يا عادل ويحنن قلبك علية وترجعني اسكندرية اهئ اهئئئئئئئئئئئئ
-
طيب
حبيبتي استودعك الله . السلام عليكم
-
وعليكم
السلام يا سيدي اهئ اهئئئئئئئئئئئئئئئئئئ
**********************************
- ها يا سي عادل اطمنت ع السنيورة ؟
- ايه ده ! انتي لسة صاحية يا سعاد ؟
- مش عيب عليك يا عاااااااااادل , مش مستحمل
فراقهااااااااا بتتسحب من جنبي عشان تروح تكلمهااااااااا خلاص لحست عقلك ومش
مخلياك قادر على بعدهااااااااااااااا !
- نامي يا سعاد نامي يا حبيبتي نااااااااااااااامي
ماليش مزاج نتعارك . اجلي النكد ليوم تاني
- والله ما حد جاب النكد وحول حياتنا غم الا
انتتتتتتتتتتتتت على العموم هنريحك من وشي
وننام ونسيبك تفكر في السنيورة اللي سايبها في القاهرة و سايب قلبك وعقلك معاهاااااااااااا
- ههههه والله العظيم حريم ما ينفع معاها الطيب اللي
زي حالاتي
***********************************
الفطار يا بهييييييييييييييييييييييييييييييرة
- حاضر يا حسين يا نور العين هههههههههه
- بقالك ساعة بتعملي ايييييييييه !! اتأخرت ع
- مدرسسسسسسسسسة,عندي الحصة الأوووولى هترفت بسببك
ان شاء الله واقعد جنبك أقشر بصل
-
ههههههه يا حبيبي يارررررررررررررررريت . هو انا
اطول القمر ده
يقشرلي بصل ! ده
حتى البصل يبقى له طعم تاني ههههههههه ثواني والفطار يكون ع الطرابيزة يا حياتي
-
***************************
ايه يا ستيييييييييي ايه كنتي بتعملي ايه ده كله!!!!
صباح الخير
والسعادة على عيون احلى مدرس جغرافيا في الكورة الارضية هههههههههه
صباح النور يا
ستي . ايه ده ! ايه طبق الرز بلبن ده اللي ع الطرابيزة جنب الفطار ! انتِ عارفة
اني ما باكلش حاجة مسكرة الصبح
ههههه ده مش ليك يا حبيبي
اومال لمين ان شاء الله ؟
لجارتنا الجديدة ولا عايزني اروح ازورها بإيد
فاضية
!!!!!!!!!!!!
يا ستي احنا نعرفها منييييييييييييييين . بقولك
ايه يا بهييييييييييييرة انا منبه
عليكِ من اول
جوازنا اني ما بحبش الاختلاط بالجيرااااااااااااااااااااان
لا اله الا الله . دي جنة من غير ناس ما تنداس يا
حسين . يعني هنخاصم الجيران ولا هنخاصم الجيران ! ده ايه ده ! الرجالة يخرجوا
ويحرجوا علينا الخروج وكمان يقولولنا ما تكلموش ستات الجيران ! اومال نكلم نفسنا
يعني ولا نتجنن ولا نعمل ايه ؟؟؟؟؟؟؟؟؟؟؟؟؟؟
بقولك
اييييييييه اعملي اللي انتي عايزاه بس ما تجيش تشتكي وتقولي الحقني الجيران ضربوني
ولا الجيران شتموني ولا شغل الحريم اللي بتوجعوا بيه دماغنا ده
لا يا حبيبي ما
تخافش . انا امي من وانا صغيرة قالتلي يا بت يا بهيرة اللي يضربك اضربيه . يعني
هاخد حقي بدراعي ومش هحتاجلك . صباحك فل يا حبيبي ههههههه
صباحك قشطة يا
ستي . صبيلي الشاي
ايه ده يا حبيبي
انت لحقت كلت
!
ايوة الحمدلله
لا والله ده مش
اكلك يا حبيبي . اوعى تكون قايم جعان لزعل منك والله
يا ست هقوم جعان لييييييييييه !!هو انا معزوم في بيت ناس غُرب ! . دا
بيتيييييييييي
يارب منور بيتك
دايما يا حبيبي
هي امك هتجيب
ياسمين امتى ؟
هههههه امي مش عايزة
تسيبها
بقولك
ايييييييييه البت بقالها يومين عند امك . انا ما بحبش كدةةةةةةةة بنتي وحشتني يا
ستي وعايزهاااااااااا
طب وانا اعمل
ايه بس يا سونسون يا حبيبي . كل اما اتصل بيها تقولي سيبيها شوية اهي مونساني , والبت
شبطانة فيها
كدة !!!!!!! طب
انا هعدي اجيبها بعد ما اخلص المدرسة
انت حر مع ماما بقى انا مالي
روحي لمعيلي
الجزمة على ما اشرب الشاي
من عنيا هخليها
بتبرق ولا المرايا , هخلي الناظر نفسه يغير من جزمتك عشان انضف من جزمته ويروح
يطلق مراته عشان مش نضيفة زيي ههههههههه
اعوذ بالله ع
الرغي بتاع الست دي . الواحد يقول كلمة ترد عليه بقصيدة
***********************************
لمعتلك الجزمة يا سونسون يا حبيبي
انا جاي يا
بهيرة
***********************************
أنا نازل , مش عايزة حاجة يا بهيرة ؟
ايوة هاتلنا معاك فرختين
فرخة واحدة كفاية احنا آخر الشهر يا بهيرة ولمي
ايدك شوية
خلاص يا حبيبي هو انا قولت حاجة ! فرخة واحدة
فرخة واحدة , ولو مش عايز بلاش , نمشي بأي حاجة الكام يوم دول يا سونسون , الفول
والطعمية والعدس مش هيقولوا لأ ابدا
لا يا ستي هجيبهالك ان شاء الله . السلام عليكم
وعليكم السلام يا حسين يا نور العين ههههههه .
اخد انا بقى طبق الرز بلبن وازور الجارة الجديدة
******************************
ترررررررررررررررررررررررررررررررررن
ايه ده ! وانا مين اللي هيخبط عليا في البلد دي !
اني ما نعرفش حد هنا
عشان يخبط عليا , تكونش مرات البواب ؟
ترررررررررررررررررررررررررررررررررررررررررررررررررررررررررررر
ررررررررررررررررررررررررن هي مش عايزة تفتح ليه
دي !!!!!!!!!! وادي كمان رنة تررررررررررررررررررررن
ييييييييييييييييييييييييييييييييين ؟
انا
انتِ مين ؟
انا بهيرة يا حبيبتي جارتك اللي في الشقة اللي
قصادك
بهيرة ! في حاجة يا أختي ؟
يختي افتحي هو انا هاكلك !
اهلا
هههه اهلا بكِ يا حبيبتي . انا عرفت انك الساكنة
الجديدة اللي جيتي نورتي العمارة قولت لازمممممم اجي ارحب بيكِ . اتفضلي طبق رز
بلبن عمايل ايديا الحلوين دول
ههه متشكرة يا ....... قولتيلي اسمك ايه
بهيرة بهييييييييرة, هو انتِ خدتي مني طبق الرز
بلبن وهتمشيني ولا ايه يا اسمك ايه ! شكلك كدة ما بتحبيش الناس ومش عشرية زيي
ههههههه ودي تيجي برضو !. اني عشرية والله ونحبوا الناس قوي اتفضلي يا
بهيرة
يزيد فضلك يا ......... نسيت اسمك
ههههه اني ما قولتلكيش اسمي من الاساس عشان تنسيه
. اني اختك اشجان
اهلا يا اشجان نورتي العمارة بحالها
العمارة منورة بأهلها , اتفضلي في الصالون
لا يا اختي انا مش ضيفة وماليش في قعدة الصالونات
, خلينا هنا في الصالة
كي مع بعض شوية
هههه يا مرحب يا حبيبتي هنعملوا كوبايتين شيّ تعارف ونيجي على طول عن اذنك
اتفضلي يا حبيبتي . ايه شاي التعارف ده كمان ! ده
غير شاي التموين ؟ حلوة حلوة وشقتها حلوة ماشاء الله . باين عليهم من عفشهم كدة
ناس اغنيا قوي ربنا يزيدهم
*************************************
انستي يا بهيرة, اتفضلي الشيّ يا حبيبتي
تسلم ايدك يا اشجان . انا بقى اختك بهيرة ليسانس
اداب علم اجتماع عشان كدة تلاقيني اجتماعية وفاتحاها ع البحري مع خلق الله كلهم
ههههه ستات اه رجالة لأ لتفهميني غلط ههههههه
هههههه والله انتي باين عليكِ طيبة وبنت حلال يا
بهيرة . تصدقي اني ما حسيتش ان معاكي شهادة كبيرة قوي كدة اكمنك يعني بسيطة وحبوبة
كدة ومش طالعة فيها هههه احم احم اوعي تزعلي مني يا اختي اني صريحة واللي في قلبي على لساني دوغري ههههههه
هههههه وانا احب الناس الدوغري . لا يا حبيبتي
ولا يهمك اصل جوزي بيقولي كدة على طول ههههه دايما يقولي انتي اللي اداكي ابتدائية
ظلمك
ههه وانتي معاكِ ايه ؟
اني معايا دبلوم تجارة واشتغلت شوية في مكتب آلة
كاتبة وبعدها اتجوزت وقعدت في البيت اني اسكندرانية وده اول يوم لية في القاهرة
من اسكندرية ! هو في حد برضو يسيب اسكندرية وبحر
اسكندرية وهوا اسكندرية اللي يرد الروح ويجي القاهرة في الزحمة والدوشة دي !!!!!
حكم القوي ع الضعيف يختي هنقول ايه , اشربي الشيّ
حكم القوي ع الضعيف ! اااااااه فهمت , اكيد حماتك هي اللي طفشتك من اسكندرية .
اعوووووووووذ بالله من الحماوات ومن عمايلهم السوووووووووووودة اسأليني
اناااااااااا
لا اني حماتي ماتت من زمان من قبل ما نتجوز . اني نقصد ضرتي الله ينتقم منها
ضرتك ! يا حبيبتي يا اختي اهئ اهئئئئئئ تعالي في
حضن اختك واشكيلي همك اهئ اهئ هو جوزك اتجوز عليكِ وقعد التانية في شقتك وجابك على
القاهرة ؟ منها لله خطافة الرجالة اهئ
اهئئئئ الواحدة تقيد صوابعها العشرة شمع وفي الآخر الواحد يروح يتجوز عليها واحدة
لمامة ما تسساويش نكلة اهئ اهئئئئئ انا هدعي عليها وعلى كل اللي خطفت راجل من
مراته ربنا يخلصنا منهم بقىىىىىىىىىىىىىىىى, وانتِ ازاي تسكتي يا هبلة انتِ وتسبيه
يتجوز عليكِ وتسبيه للتانية بيضة مقشرة كدة !!!!!!!!!!!!!!
لا لالالا هههههه انتِ فَهَمتي غلط يا بهيرة يا
اختي, اني التانية, اتجوزني على مراته
ياوقعتك سووووووووووووووودة اللهم
احفظنااااااااااا . ناوليني طبق الرز بلبن
يني امشي ونقطع المعرفة المطينة دي من قبل ما
تبدأ
انتِ رايحة فين بس يا بهيرة ! . اقعدي اما افهمك
لا تفهميني ولا افهمك يختي . اللي ما ارضهوش على
نفسي ما ارضهوش على الناس وعمري عمررررررري ما هصاحب واحدة خطافة رجالة خطفت راجل
من مراته حبيبته
والله يختي انتي ظالماني ولما تعرفي حكايتي هصعب
عليكِ اهئ اهئ
ئئئئئئئئئ
إيييييييييييييييه وادي قعدة . ايه حكايتك بقى يا
اسمك ايه ؟
ني امي ماتت وهي ......
اه امك ماتت وهي بتولدك وابوكي اتجوز ورماكي في الشارع وجوزك شافك
سارحة بفل في الاشارات صعبتي عليه واتجوزك مش كدة
!!!!!!!!!! اصل انا هبلة وباكل من الكلام ده
يختي اديني فرصة اتكلم , انتِ بتغني وتردي على
روحك من غير ما تعرفي حاجة ليه ؟ اصبري اني جايالك في الكلام
اديني سكتت يختي كملي يا خطافة الرجالة
بصي هحكيلك من الاول, امي كانت عيانة قوي وماكانش
ليها غيري اني واختي الكبيرة ثريا بعد ما
ابويا مات وماحدش كان واقف جنبنا غير عادل
ابن خالتي زبيدة الله يرحمها وما بخلش على امي لا بمال ولا بعلاج والله, لكن طولة
العمر ليكي بقى امي ماتت وسابتني لوحدي في البيت
واختك فييييييييين ؟ انتِ مش لسة بتقولي عندك اخت
اختي متجوزة وعندها راجل وعيال وماحدش فاضي لحد
يختي, وطبعا ما ينفعش اروح اعيش عندها عشان ما يصحش لان جوزها مهما كان غريب ومش
هاخد راحتي ولا هو هياخد راحته في بيته
بتفهمي في الأصول قوي, كملي وبعدين
صعبت على عادل ابن خالتي الله يكرمه ويزيده من
نعيمه وقالي انتِ ما لكيش قعاد لوحدك يا اشجان يا بنت خالتي , انتِ شابة صغيرة
وفيكِ الطمع , واني ما ينفعش ندخل ونخرج عليكِ كدة عشان كلام الناس يامَا , ايه رأيك
تتجوزيني ويبقى لك راجل يحميكِ وياخد باله منك بدل البهدلة يا بنت الحلال, بصراحة
رفضت في الاول عشان عارفة انه متجوز وعنده تلات عيال , لكن بصراحة قلت لروحي طب
واني نرفض ليه ونتبهدل في الدنيا لوحدي , دي ساعتها كانت كلاب السكك تنهش لحمي
واني ماليش حد, روحت وافقت عشان الاقي راجل اتسند عليه يختي ويحميني من الناس اهئ
اهئ اهئئئئئئئ
لا حول ولا قوة الا بالله طب بس بس . يعني انتي
اتجوزتيه بس عشان كدة ؟
ايوة وربنا المعبود عشان كدة اومال هيكون عشان
ايه يعني !!!
ااااه عشان كدة بقى مراته حكمت عليه يجيبك
القاهرة ويخفيكي من وشها
ايوة يختي ! وهو قالي هيجيلي خميس وجمعة
خميس وجمعة بس ؟ طب وبقيت الاسبوع ؟
يا حبيبتي انا احمد ربنا وابوس ايدي وش وضهر انها
وافقت تسيبه خميس
وجمعة
بس باين جوزك غني قوي ماشاء الله , اصل الشقق في
العمارة غالية قووووي, تعرفي احنا عشان ناخد هنا حسين جوزي باع الارض اللي في
البلد عشان نجيب تمن الشقة
الله يكون في عون الشباب والله, ايوة جوزي صاحب
شركة شحن وتفريغ ورثها عن ابوه , جوزي اسمه عادل سليم
عاشت الاسامي, لكن قوليلي, انتِ باين عليكي صغيرة
قوي , انتِ عندك كام سنة؟
عندي عشرين
وجوزك
عنده 38 سنة
معقووووووووول ده عنده 38 سنة !!! . سبحان الله شكله ما يزيدش عن 28 ههههههه
انتي شوفتيه ؟
يعني من بعيد لبعيد كدة الفضول وحش
ايوة صح عادل ما يبانش عليه سنه
خاااااااااااااالص اللي يشوف مراته الاولانية يقول عليها امه
هههههههههه ايوة هو يعني انتي هتقولي على ضرتك
كلمة حلوة ! وعيالهم قد
ايه ؟
عنده أحمد في الاعدادية وأدهم في تانية اعدادي
واُوسا في الابتدائية السنة دي
اُوسا ! ايه الاسم الغريب ده !!!
هههههه اسمها اسماء وبيدلعوها بيقولولها يا أوسا
أوسا أوسا وانا مالي . انتي بقى هتنبسطي معانا ع
الآخر هنا في عمارتنا . العمارة كلها عائلات محترمة
عندك صاحبة العمارة الحاجة أم عصام دي بقى ست
سكررررررة وتقية وما تفوتش فرض ولسانها بينقط شهد وابتسامتها ما بتفارقش وشها
وعندها تلات شبان ماشاء الله عصام الكبير دكتور وهاني بيه ظابط شرطة والاستاذ ماجد
مدرس لغة عربية والتلاتة اخلاقهم زي الفل وما تسمعيلهومش حس في العمارة لسة ما
اتجوزوش ربنا يرزقهم ببنات الحلال , ودول
ساكنين في الدور الخامس
ربنا يكرمهم ويرزقهم , شوقتيني للحاجة ام عصام
والله
ابقى اخدك ونطلع نسلم عليها كمان شوية , عندك بقى
مدام عصمت اللي في الدور الرابع ودي بقى
عايشة هي وولادها لوحدهم
يا عيني ! هي جوزها طلقها ولا مات ؟
لا يا حبيبتي جوزها مسافر , من ساعة ما اتجوزوا
وهو مسافر هههههه يجي شهر كل سنة ,
يا عيني ! الله يكون في عونها
يكون في عون مين يا حبيبتي !! اذا كانت هي اللي مسفراه وهي اللي جابتله عقد
العمل عشان يسافر , الراجل ما كانش عايز يسافر ولا يتغرب لكن هي اللي لحت عليه
وقالتله لازم تسافر عشان نعمل قرشين للمستقبل وللعيال
اهاااااا قولتيلي بقى , سبحان الله , واحدة نفسها
جوزها ما يفارقهاش وواحدة عايزة تسفر جوزها ومش هاممها غير الفلوس
انتي لسة شوفتي حاجة ! دي ابواب مقفلة على بلاوي
يا حبيبتي , وعندك شقة مدام هدى اللي في
الدور الخامس قصاد شقة الحاجة ام عصام , ودي بقى بناتها كلهم متجوزين ماعدا سلوى اللي
مغلباها ومطلعة عنيها ومش راضية تتجوز عشان مافيش رجال مالي عينها
هههه وليه بس كدة !, هو في حد يكره الجواز !!!
اصلها حلوة حلوة اوي اوي ومن رأيها ان الجواز
نظام اجتماعي فاشل هههههههه
هههه الله يهديها ويصلح حالها
آمين يا اشجان
انتي يا ست انتيييييييييييييييييييييييييييي انتي
يللي اسمك نواااااااااااااااااااااااااااااااااااااااااااااااااااال
عايز
ايييييييييييييييييييييييييييييييييييييييييه
انتي فييييييييييييييييييييييييييييييييييييييييييين
في
المطببببببببببببببببببببببببببببببببببببببببببببببببببببببببخ
بتعملي ايه في المطبخخخخخخخخخخخخخخخخخخخخخخ ؟؟؟؟؟؟
ببرد ضوافري يا خوياااااااااااااااااا , بعمل
مانيكير وباديكييييييييييييييير , باخد حمام شمس في المطبخ , هكون بعمل ايه يا سيديييييييي بحضر الفطار
لجنابك يمكن يتمرررررررررررررر . طول الليل والنهار يجعر , حاجة تفلقققققققققققق
************************
ايه ده ايه ده ايه الزعيق ده يا بهيرة يا اختي
وجاي منين ؟
هههههههههه لا يا حبيبتي ما تاخديش في بالك دي
نوال جارتنا اللي في الدور الرابع اللي
فوقينا على طول بتصبح على جوزها كالعادة .
دلوقتي هتسمعي احلى واعذب الالفاظ الزوجية , جوز عصافير ياخواتي جوز عصافير ههههه وبعد
الوصلة ما تخلص هتيجي تخبط عليا , ما تيجي عندي شقتي ؟
هههه اجي يختي وانا ورايا ايه ! ادينا بنتسلوا , دانتي ربنا بعتلك ليا نجدة من
السما يا بهيرة والله
ههههه تعيشي يا اشجان يا قمر انتِ
*******************
اتفضل الفطااااااااااااااااااااااااااااااار
هو ده بقى الفطار اللي جنابك بقالك ساعة بتحضريه
!!!!!!!! طبق اومليت وخيارتين وعودين جرجير !
مش عاجبك الفطار ؟
لا مش عاجبني
بلاش منه يا سيدي ادي صنية الفطار هرجع بيها
المطبخ وانت اتفضل بالسلامة افطر في الشغل يلا بالسلامة مستني
ايييييييييييييييييييييييه
انتي بتقولي فيها ! والله فعلا احسن الواحد ينزل يفطر في الشغل
حتى يبعد عن وشك اللي يسد النفسسسسسسسسس
يا شيخ اجري بص في المرايا قبل ما تتريئ علية
عشان تعرف انا مستحملة اد ايه وكاتمة في
قلبي وساكتتتتتتتتتتتتتة
اوووووووووووووووووووووووف انا نازل ومن غير
سلامو عليكو
امشييييييييييي رجالة ترفع الضغط , ما تنساش تجيب
موووووووووووووووووووووووووز
حاضر يا قردة , ادي الجواز واللي
بيتجوزووووووووووووووه .كان مالي ما كنت قاعد جنب امي عايش احلى عيشة , الله
يسامحك يا مرات خااااااااااااااااااااااااااالي ياريت لساني كان اتقطع قبل ما
اقولك هاتيلي عروسة
اما اروح عند بهيرة افك عن نفسي شوية , الراجل
نكد عليا , رجالة هم ما وراهومش الا الإمارة والشخط والنطر ع الفاضية
والمليااااااااانة
***************************
ترررررررررررررررررررررررررررررررررررررررررررررررررررررررررررررن
بهييييييييييرة افتحي يا بهيرة
ههههههههه اهي جت اما اقوم افتحلها , اشربي
اللمون يا اشجان منوراني والله بيتك ومطرحك يا اختي
هههه الله يخليكِ يا حبيبتي
افتحي يا بهييييييييييييرة افتحي يا
طرششششششششششششة
ههههههه جاية يا نوال جاااااااااااااية يا صباح
الالفاظ الرقيقة اهلا اهلا اتفضلي
اوووووووووووووووووووووف
يا حبيبتي الناس تقول صباح الخير بلا اوووووووف
ههههههه احنا ناقصين نفخ !!!
مين دي كمان اللي قاعدة عندك ؟
دي جارتنا الجديدة اشجان سكنت في الشقة الفاضية
اللي قصادي , ادخلي سلمي عليها
اهي بلاوي بتتحدف ع العمارة . صباح الخير
اهلا وسهلا صباح النور
انا نوال ساكنة في الدور اللي فوق
اهلا يا نوال , اني اشجان جارتك الجديدة
نورتي وانستي , انتي طفشانة من جوزك انتي كمان
وجيتي عند بهيرة ؟
ههههههه لا جوزي هو اللي طفشان مني وسافر
اسكندرية
يا شيخة احسن بلا قرف , كنتي قوليلي كنت بعت كمال
معاه , هما الرجالة وراهم الا وجع القلب !!
ههههههه اصل جوز اشجان متجوز واحدة تانية في
اسكندرية واشجان هي الجديدة وهيجيلها خميس وجمعة
والله احسن حاجة , ياريت الاقي جوازة لكمال
ويجيلي خميس وجمعة ولا حتى يجي مرة في الشهر يبقى احسن . البت ياسمين بنتك فين
وحشتني
ياسمين عند ماما بقالها يومين وحسين هيعدي يجيبها
وهو جاي من المدرسة , مع ان والله مرتاحة منها ومن شقاوتها , الحمل تاعبني ومخلي
روحي في مناخيري ودي مش بتبطل شقاوة ولا طلبات
هههه ايه ده انتي حامل زيي يا بهيرة ؟, اصل اني حامل في شهر
ههههه انا اقدم منك بقى , انا حامل
في تلات شهور يا اشجان , وانتي ما بتفكريش تخلفي تاني يا نوال ولا ايه ؟
يختي بلا وجع قلب مش كفاية علية ايهاب ورباب اللي
مطلعين عيني ومكرهيني في عيشتيييييييي !! انا
ما بصدق يروحوا المدرسة عشان ارتاح من قلبة الدماغ , انتي مش هتعمليلنا حاجة
نشربها ولا اقوم امشي ؟
حاضر من عنيا هقوم اهو هههه هدي خلقك شوية . ما
قولتليش صحيح كنتي بتزعقي انتي وجوزك ليه ؟؟؟؟؟؟؟؟؟؟؟؟؟؟؟؟؟؟؟؟؟
يا حبيبتي في الداخلة وفي الخارجة قالب وشه
ومافيش كلمة حلوة يسمعهالي , كل حاجة اوامر وشخط ونطر زي ما اكون
خداااااااااااااامة عايزاني اعمل ايه يعني !
هههههه يا بنتي هو هيقول كلام حلو ازاي وهو ما
بيشوفش منك ريق حلو ! طب والله دا حسين رغم عصبيته وكلامه القليل برضو تلاقيني
اتبسم واضحك في وشه , ايوة اومال ايه , اصل الرجالة يحبوا الحنية يا اختي , طب والله كل ما اقوله اروح عند ماما اقعد يومين
يقولي ابداااااااااااا انا ما استغناش عنك يا بهيرة هههههههه
واحنا مش محتاجين حنية يا ست بهيييييييييرة ! هو
كل حاجة نشوف الرجالة بيحبوا ايه عشان نعمله وبيكرهوا ايه عشان نبعد عنه ؟ واحنا
ايه بقى ان شاء الله , براطيش في رجليهم ؟؟؟؟؟؟؟؟؟؟؟؟
هههههههه يا حبيبتي اللي يقدم السبت يلاقي الحد
والاتنين والاربع ههههههههههه
طب والخميس والجمعة ؟
هههههههههه لا سيبيهم دول بتوع اشجان
ههههههههههههههههههههههههههههههههه يخرب عقلك
ضحكتيني وانا ماليش نفس
ههههههههههههههه والله انتو قعدتكو حلوة ونستوني
همي وغربتي
*******************
اوووووووووووووووف راحت فين اشجان بس ! , دي
عاشر مرة نتصل , استغفر الله العظيم , نجرب
تاني
تررررررررررررررررررررررررررررررررررررررن
ترررررررررررررررررررررررررررررررررررررررررررررررررررررررررررررررررررررررررررررررررررررررررررن
فين مفتاح الشقة ؟ اهو , بسم الله الرحمن
الرحيم . ايه ده التليفون بيرن ليكون عادل
ترررررررررررررررررررررررررررررررررررررررررررررررررررررررررن
الوووووووووووووووووووو
ايه يا اشجااااااااااااان كنتي فين يا شيخة وقعتي
قلبي
ههههههههههه ازيك يا عادل , اني كنت عند بهيرة
بهيرة !!!!!! وتطلع مين بهيرة دي كمان ؟
جارتي اللي في الشقة اللي قصادي ههههههه اسكت يا
عادل على بهيرة دي عسل عسسسسسسسل وقعدتها ما ينشبعش منها
طيب يا ستي الحمدلله لقيتي جارة تسليكي , بس برضو
كان واجب تقوليلي عشان ما نتفَجَعش عليكِ
ما تتفَجَعش على غالي , يعني معقول هنتصل بيك من القاهرة لاسكندرية عشان نقولك داخلة عند جارتي !
طيب يا ستي حصل خير , مش عايزة حاجة يا شجونة يا
حبيبتي ؟
لا متشكرة ربنا يخليك ايّووووووه نسيت نقولك هاتلي سمك وجمبري وانت جاي
احلى سمك واحلى جمبري يكون عندك يا جميل انت
ههههه هو انا عندي كام اشجان !!
تسلم يا عادل
طيب اقولك سلام انا بقى يا قمر
الله يسلمك يا عادل
*****************************
بت يا فهيييييييييييييييييمة
نعمين يا عواد
اطلعي ودي الطلبات دي للحاجة ام عصام
من عنيا حاضر
**************************
تررررررررررررررررررررررررررررررررررررررن
مييييييييييييين ؟
انا فهيمة يا حاجة ام عصام
اهلا يا فهيمة
الطلبات اللي حضرتك طلبتيها يا ست الكل
متشكرة اوي يا فهيمة خدي دول عشانك
مالوش لزوم خيرك سابق يا ست الكل والله
ههه معلش دي حاجة بسيطة عشان العيال
ربنا يخليكِ لينا ياااااااااااااارب ويفرح قلبك بالدكتور عصام وهاني بيه والاستاذ ماجد ويدخلوا عليكِ بتلات عرايس حلوين يشرحوا القلب
هههه يا فهيمة الاخلاق والدين يا بنتي اهم من الجمال , ادعيلهم بالزوجات الصالحات اللي يعينوهم على طاعة الله
آمين يا حاجة آمين , أي خدمة تانية يا ست الكل
لا يا بنتي , كتر ألف خيرك
****************************
الدكتور عصام اهو الدكتور عصام اهووووووو ههههه
جرا ايه يا اماني ! هو انتي كل ما تشوفي الدكتور عصام تبقي مش على بعضك كدة ؟
إيييييييييييه , بقولك ايه هالة تفتكري هو ليه ما خطبش لحد دلوقتي
يا نهارك مش فاااااااااااايت وانتي مالك انتي !. يا بنتي بطلي تفكير فيه , ده دكتور ومن عيلة كبيرة ويوم ما يفكر يتجوز مش هيبص لممرضة زيك
يا سلااااااااااااااااااااام وليه بقى ان شاء الله , هي الممرضة مش بني ادمة ولا اييييييييييه
يا اماني انا ما اقصدش انا اقصد ان الناس مقامات واللي يعرف مقامه في الهنا يبات
طب بس بس خليكي في نفسك انتي وفي حتة الحلواني السنكوح اللي هتتجوزيه , ياريته حتى صاحب محل حلواني , لا ده يا دوووووووووووب بياع في محل حلواني هههههههههههه
يا ستي وماله وهو عيبه ايه يعني ؟ مش بيشتغل شغلانة شريفة وهناكل منها بالحلال ؟
طب بقولك ايه انا هروح اخترع أي حجة كدة عشان اتكلم مع دكتور عصام
والله مسيرك تقعي على جدور رقبتك في الآخر , وابقي قولي هالة قالت
****************************
دكتور عصاااااااااااااام دكتور عصااااااااااااااام
افندم يا انسة اماني
هو المريض اللي في غرفة 303 هيحتاج محاليل تاني ؟
هي المحاليل اللي كانت متعلقاله خلصت ؟
ايوة يا دكتور
طيب انا هعدي عليه اشوف حالته
تأمرني بأي حاجة يا دكتور ؟
اشكرك
بجد مش عايز أي حاجة ؟؟؟؟
افندممممممممممممممم !!!!!!!!! اتفضلي يا انسة شوفي شغلك
هههههههه مسيرك تقع وتتمنى مني ولو كلمة يا دكتور
ايه ده ايه دددددددددددده بصي يا هااااااااالة بصي البنت الدلوعة اللي لابسة ميكروجيب كحلي وبلوزة بيج وشعرها اصفر اللي ساحبة كلب لولو وخرجت من الاسانسير دي ؟
ههههههه انتي اول مرة تشوفيها !!!
مين دي ؟؟؟؟؟؟؟؟؟؟؟
دي الانسة نسرين بنت الدكتور هاشم الحسيني صاحب المستشفى . اصلها لسة راجعة من اروبا من كام يوم وصادفت وشوفتها مع باباها في العربية قبل كدة وعرفت هي مين
ودي جاية ليه ؟؟؟؟؟؟؟؟
ههههههه مستشفى باباها يا بنتي تيجي زي ما هي عايزة
ايوة بس دي بتشاور لدكتور عصام هناك اهيييييييييه
انت يا انتتتتتتتتتتتتتتتتتتت
انا !!!!!!! تحت امرك يا فندم
فين دادي ؟
دادي !!!!!!!! حضرتك عايزة مين ؟
انا عايزة دكتور هاشم دادييييييييييييييي
هههههه هو حضرتك بنت الدكتور هاشم ؟
أهااااااا هو فين ؟
الدكتور في غرفة العمليات , انا دكتور عصام زاهر
مش سألت عن اسمك يا انت
احم احم مممم طيب حضرتك ممكن تنتظري الدكتور هاشم في مكتبه
فين مكتبه يا انت؟؟
هههه تعالي ورايا
انت مش في ذوووووووووووووق
انا يا فندم !!!!!!!! ليه بس
ازاي تقول لبنت رقيقة زيي تعالي ورايااااااااا !!!!!!!!
انا اسف لحضرتك جداااااااااا على العموم مكتب الدكتور هاشم في اخر- الطرقة دي
اوكيه يا انت يلا يا رووووووووكي
حضرتك بتكلميني ؟
نووووو بكلم روكي الكلب الولو بتاعي
ههههههه ظريفة اوي البنت دي , اروح اجيبلها حاجة
ساقعة من البوفيه
**************************************
ههههه جبت لحضرتك عصير
مش قبل ما تجيب العصير يا انت تسألني اشرب ايه في
الاول ولا انت مش تفهم في الاتيكيت ؟؟؟؟؟؟؟؟
ههه فاتتني دي انا اسف جدا لحضرتك يا فندم انا
هرن لبتاع البوفيه يجي يسأل حضرتك تشربي ايه
ترررررررررررررررررررررن يا سيد تعالى هنا في
مكتب دكتور هاشم
تحت امرك يا دكتور عصام
هوووووووووووو هووووووووووو هوووووووووووووو
هوووووووووووو هوووووووووووووووووووووو
بس يا روكي وبعدين معاك بقى !
هو الكلب بتاع حضرتك زعلان ليه ؟هههههه
اصله مش واخد انه يقعد مع ناس غرابات عنه عشان كدة متوتر
هههه سلامته
صباح الخير يا دكتور عصام تحت امرك
شوف الانسة تشرب ايه
تشربي ايه يا انسة ؟
نوووو , انا مش عاوزة اشرب , هات حاجة لروكي
روكي مين يا فندم ؟
الكلب بتاعي
الكلب بتاعك ! عالم فايقة ورايقة وساحبة كلاب !
والله يا انسة لسة ما فتحناش قسم مشروبات الكلاب في المستشفى , المرة الجاية هنعمل
حسابنا
طب هات مية معدنية عشان روكي عطشانان خالص خالص
افندم يا انسسسسسسسسسسسسة مية معدنية للكلب !
سامع يا دكتوووووووووور ؟, يا هانم ده
البني ادمين الغلابة بيشربوا مية ملوثة وحضرتك عايزة تسقي الكلب مية
معدنييييييييييييية !!! انا عمري في حياتي
ما شربت مية معدنييييييييية
ايه الاحقادات الاسودات دي !!!!!!!! الكلب ده
معدته رقيقة مش زي معدتك يا بتاع انتتتتتتتتتتت
اسمع كلام الانسة يا سيد وهات ازازة مية معدنية
على حسابي للكلب الرقيق ده ههههههههه
وانا مالي , تحت امرك يا دكتور , حريم الذوات دول
يفقعوا المرارة
ههههه منورة ياانسة
ثانك يو يا انت
قولت لحضرتك اسمي دكتور عصام
اوكيه دكتور عماص
يا فندم عصااااااااام مش عماص
اسمك سعب سعب خاااااااااااالص وكبير اوي , ليه مش اسمك تامر
او هيثم ؟
هههههه سعب !!! حلوة سعب دي , اسف يا فندم ان اسمي
ازعج حضرتك . قوليلي بقى حضرتك خريجة ايه
انا ليسانس اداب انجلش وانت ؟
افندم !!!!!!! بقول لحضرتك انا دكتور عصام هبقى
خريج ايه يعني
!!!!!!!!
أهاااااا سوري نسيت
اهلااااااااااااا حبيبة دادي هنااااااااااا ازيك
يا نسرين يا روح قلبي
داددددددددددددي وحشتني كتير كتيررررررر , ووحشت
روكي كمان
ههههه روكي كمان ! اهلا يا استاذ روكي
ههووووووووووووو هوووووووووووووووووو هووووووووووووووووو
بيقولك ثانك يو دادي
اهلا دكتور عصام
هههه اهلا بيك يا دكتور هاشم
دي نسرين بنتي الوحيدة لسة راجعة من اروبا بعد
سنتين بحالهم ما شوفتهاش
معقوووووووول ! هو حضرتك كنت سايبها تسافر لوحدها ؟؟؟
لالالالالالا انا راجل محافظ وما يعجبنيش الحال
المايل , كانت مع خالتها مدام لولى
ههههه اتخضيت كنت بحسبها كانت لوحدها هناك .
منورة يا انسة نسرين
ثانك يو .
قوليلي بقى يا حبيبة دادي ايه المناسبة السعيدة
اللي جبتك لحد هنا ؟ههههه
مممممممم وحشتني ههههههههه
يا بنت يا شقية قولي قولي صحيح جاية ليه
يعني اصل امبارح كنت في ديفيليه وشوفت شوية
فستانات عجبوني موت مووووووووووت يا دادي وعايزة اشتريهم
هههههه قولي كدة , يعني جيتي تاخدي فلوس يا شقية
, عايزة كام يا حبيبتي
تلاتة الفات
جنيه بس يا دادي
بس كدة ! عيوني ليكِ ادي يا ستي تلات تلاف جنيه وهاتي كل اللي نفسك فيه
ههههههههه دادي حبيبي انت كدة تستاهل بوسة
كبيررررررررة من نسرين حبيبتك اموووووووووووووووووووه
هههههههه طيب يا بنوتة يلا بقى عشان عندي شغل
اوكيه دادي باي بااااااااااااااااي
باي باي يا روحي
باي باي يا انت
باي باي يا فندم
قولهم باي باي يا روكي
هووووووووو هوووووووووو
هووووووووووووووووووووووووو
هههههه لطيفة اوي بنت حضرتك يا دكتور هاشم
هههه ده من ذوقك يا عصام يا ابني
يا ترى هي مخطوبة ؟
ههههههه ليه ؟
أأأأ بصراحة معجب بيها جدا ويشرفني لو ارتبط بيها
ههههه والله يا ابني انت شاب ممتاز ودكتور هايل
ومش هلاقي احسن منك لبنتي لكن اديني فرصة اتشاور معاها ومع والدتها في الأول
يكون ليا الشرف لو الأنسة نسرين وافقت على الارتباط , عن اذنك يا دكتور
اتفضل يا دكتور عصام
*********************************
حاسبي يا انسسسسسسسسسسسسسة
حاسبيييييييييييييييييييييييييييييي الله يخرب بيتك دغدغتيلي الكشششششششششششششك ,
انا اصطبحت بوش مين النهااااااااااااااردة انزليلي هنا والله لوديكي القسسسسسسسسم
اهئ اهئ اهئئئئئئئئ والله انا اسفة لحضرتك والله
مش كان قصدي اهئ اهئئئئئئئئئئئئئئئئئئئ
انزلي يا بتتتتتتتتتتتتتتت والله ما هسيبك الا في
القسمممممممممممم يلا انزلي من العربيييييييييييييييييية
اهئ اهئ اهئئئئئئئئئئئئئئ انا عمري ما دخلت اقسام
ارجوووووووووووووك اهئ اهئ
امثالك لازم يروحوا القسم عشان
يتربواااااااااااااا , لما تاخديلك المين على كام شلوت تبقي تصحصحي وانتي بتسوقي ,
كسرتيلي الكشك اللي لسة مطلع تراخيصه الله يهدك يا شيخة يلا قدااااااااااااااامي
اهئ اهئ اهئئئئئئئئئئئئئئ طب خد السلسلة الدهب
بتاعتي ومش توديني القسم ارجوك اهئ اهئئئئئئئئئئئئئئ
اخد السلسلة الدهب بتاعتك اهبب بيها ايييييييييه !,
ايش عرفني يمكن تكوني سارقاها واروح في داهية بدالك . يلا بلاش
لكااااااااااااااااااااعة
يا مامااااااااااااااااااااا اهئ اهئ
اهئئئئئئئئئئئئئئئئئئئئئئئئئئئئئئئئئئئئئئئئ
*******************************
هاني بيييييه
افندم
في واحد صاحب كشك حلويات برا وفي واحدة دخلت
بعربيتها في الكشك دشدشتهوله وجايبها برا عشان يعملها محضر
يا فتاح يا عليم يا رزاق يا كريييييييييم , ادي
اخرة سواقة الستات , دخلهم يا صول مصلحي
**********************
خش يا خويا انت وهي وقعتكو سودة ان شاء الله
*********************
اهئ اهئ اهئئئئئئئئئئئئئئئئئئئئئ
ادخلي يا سواقة نص كم يا عمشششششششششة . صباح
الخير يا سعادة البيه
اهئ اهئ اهئئئئئئئئئئئئ
صباح النور خير ان شاء الله
احب اعرفك بنفسي . انا بلا فخر اسمي طارق خفاجي
بكالوريوس علوم وعشان طبعا اتخرجت ما لقتش شغلة ولا مشغلة فتحت كشك حلويات
وبسكوتات للعيال عشان استرزق بدل القعدة ع القهوة وعشان ما بقاش عالة ع الدولة ,
ولسة اول يوم وبقول يا هاااااااااااااادي لقيت البت دي جاية بأقصى سرعة ولبست في
الكشك بعربيتها وخلته ستين حتتتتتتتتتتتتتتتة , دي بقى تشنقوهااااااااااا ومش همشي
الا لما اشوفها متعلقة على حبل المشنقة
لا حول ولا قوة الا بالله , بكالوريوس علوم وفاتح
كشك حلويات !!!!!!!!!!!! ايه اللي حصل يا انسة ؟
اهئ اهئ اهئئئئئئئئئئئئئئئئئئئئئئ والله مظلومة
حضرتك اهئ اهئئئئئئئئئئ اصل انا كنت سرحانة شوية وانا بسوق ومش شوفت الكشك بتاع
الاستاذ ده اهئ اهئئئئئئئئ والله انا اول مرة ادخل قسم من فضلك مش تضربني اهئ
اهئئئئئئئئئئئئ
هههههه يا ستي وانا هضربك ليه بس , ارجوكِ بطلي
عياط واهدي شوية واتفضلي اقعدي
اقعد !!!!!
ههه ايوة اتفضلي اقعدي
اهئ اهئ ميرسي خالص
, صول مصلححححححححححححححي
افندم يا هاني بيه
لمون للأنسة
حاضر يا هاني بيه
اهئ اهئ ميرسي خالص اهئ اهئئئئئئئئئئئ
هي مين دي اللي تقعد يا بيييييييييييييه يعني
تكسرلي الكشك وكمان تقعدوها وتسقوها لموووووووووووووووون ! والله العظيم كدة
حراااااااااااااااااام ولا هو الغلبان في البلد دي يداس بالرجليييييييييييييين
ههههه يا اخي انتي مش شايف حالتها شكلها ايه ؟ دي
عمالة ترتعش وتعيط ومرعوبة , واظن دي واحدة ست وزي اختك وما ترضلهاش البهدلة ,
واتفضل حضرتك اقعد وهطلبلك قهوة من البن المخصوص بتاعي
اقعد واشرب قهوة من البن المخصوص بتاعك ! هو
حضرتك متأكد انك ظابط شرطة ؟
ههههههه ايوة يا سيدي ظابط شرطة ,
مصلحيييييييييييييييي اتنين قهوة يا مصلحيييييييي
حاضر يا هاني بيه , هما هيتغدوا معانا ابعت
اجيبلهم فراخ ولا حاجة ؟
لا يا سيدي شكرا , احنا هنحل الموضوع ودي
وهيروحوا على طول
اهئ اهئئئئئئئئئ ميرسي بجد لحضرتك انا مش عارفة
اشكرك ازاي
انا ما عملتش حاجة , اسم حضرتك ايه ؟
**********************************************************************
تعليقات
إرسال تعليق