الحلقة العشرون

الكتاب: خلف هذه الجدران  

الجزء الخامس

بقلم: هبة نور           

الناشر: المؤلف

رقــــم الإيداع: 00000/2017م

-    ترررررررررررررررررررررررررررررررررررن ترررررررررررررررررررررررررررررررررررررررررررررررررررررررن

-             ردي ع التليفون يا هديييييييييل

-             تررررررررررررررررررررررررررررررررررررررررررررررن

-             هديييييييييييييييييييل، يييييييييييييييي

-             تررررررررررررررررررررررررررررررررررررررررررررررن

-             ايوة يا ماما ايوووووووة، كنت بحط اكلادوووور، هووووف هوووف ما تنشف بقى انت كمااااااان

-             ردي ع التليفون أنا ايدي مشغولة في المطبخخخخخخخخ

-             ماشي يا ماما الوووووو

-             هههه ازيك يا هديل يا حبيبة قلبيييييي

-    ههههه طنط زوزوووووووووووووووووووووووووووو يا حبيبتي يا طنط، ازيكككككك وحشاني مووووووووت

-             ههههه يا روح قلبي انتِ، أنا اللي بموت في كلامك الحلو ولسانك اللي بينقط سكررررر

-    ههههههه ميرسي يا طنط، أنا بحبك خالص ومن غير أي اغراااااااااض، اوعي تفتكري اني بقولك كلام حلو عشان أي غرض كدة ولا كدة ولا حاااااااجة

-             هههه عارفة يا روحي، من القلب للقلب، اديني ماما عشان اعزمها على خطوبة محمد ابني

-             مييييييييييييييييييييييييين !!!!!!!! هو ابنك خطببببببببببب ؟

-             ههههه ايوة، محمد الكبير خطب واحدة زميلته في كلية الطب

بالهنا والشفا يا طنططططططط, دكتور هيتجوز دكتورة، يا مساء الانتيبايوتيكككككك، لحظة واحدة اناديلك ماما، ماماااااا، يا مامااااااااااا أما اروح اشوفها فين

********************

الجزء الخامس خلف هذه الجدران

بقلم هبة عبد العظيم نور

****************

-             ماماااااااا انتِ فيييييييين

-             في المطبخ يا هدير في المطبخخخخخخخ

-             طب تعالي كلمي الست اسمها ايه دي

-             ست مين دي اللي اسمها ايه ؟

-             اللي اسمها زوزووووووووو، متصلة تعزمك على خطوبة  ابنها الننوس الكبيررررررر

-             هه محمد ! طب والله خبر جمييييييييل

-    اتصدقي يا مامااااااا, ساعات بحس ان انتِ مش ماماااااااااا، يا ماما شوية تعاااااااطف، ابنها خطب واحدة غير بنتككككككككك

-    ههههههه يا حبيبتي كل واحد بياخد نصيبه، ماحدش عارف نصيبه فين ولا هيتجوز مين، اقفي جنب البصلة لتتحرق على ما اكلم طنطك زوزووووووو

-    بصلة !!!! ماااااااااشي، ناس تاخد دكاترة وناس تاخد بصصصصصلة، اوعي تتحرقي انتِ كمان مش ناقصين حرقة دممممممممم, اووووووووووف طيب يا طنط زوزووووووو

********************

الجزء الخامس خلف هذه الجدران

بقلم هبة عبد العظيم نور

********************

-             الو ازيك يا زوزو

-             اهلا يا ناهد يا روحي، وحشتيني

-             انتِ اكتر والله، انما ايه الأخبار الحلوة اللي تفرح دي ! مبروك لمحمد

-    الله يبارك فيكِ، الولد فاجئني خالص، كنت ناوية اخطبله بنت اختي وفجأة الاقيه داخل عليا بيقولي يا ماما هخطب زميلتي، قلتله على راحتك يا حبيبي، القلب وما يريد ههههه

-             طب وبنت اختك ؟

-  ابدا، سبحان الله متصلة عشان اقول لاختي على خبر خطوبة محمد قالتلي ايه الحظ السعيد ده ! بنتي كمان اتخطبت

-  ههههه سبحان الله على القسم والنصيب يا زوزو، اهو أنا قبل نبيل جالي يمكن خمستاشر عريس وما كنتش موافقة  ابدااااا, حتى نبيل لما اتقدم اول مرة بابا رفضه، لكن رجع تاني وفضل يترجا بابا لحد ما وافق هههه

-      ههه فعلا القسمة والنصيب، على فكرة أنا جيالك كمان شوية عشان اخد معاكِ فنجان شاي

-      يا حبيبتي يا الف اهلا وسهلا، انتِ هتنورينا، في انتظارك يا زوزو، باي

-      باي يا روحي

********************

الجزء الخامس خلف هذه الجدران

بقلم هبة عبد العظيم نور

**********************

-      البصلة اتشوحت يا هديل ؟

-                 ايوة يا ست ماما, وحطيتلك عليها الطماطم عشان تتسبكك

-      هههه طب ما انتِ شاطرة اهو ويجي منك، روحي البسي عشان طنط زوزو جاية تاخد الشاي معانا

-      ليه ان شاء الله ! مافيش شاي في بيتهاااااااا !

-      هه يا حبيبتي الست قالت جاية اخد معاكي فنجان شاي، اقولها ما تجيش!

-      ايوة يا ماما تقوليلها ما تجيشششش، وما تضعيش وقتك معاهااااا، الست دي تقطعي علاقتك بيها خااااااالص

-      يا حفيظ يارب ! ليه بس يا بنتي ! الست ما شوفناش منها حاجة وحشة

-      ازاي بقىىىىىىى ! مش ابنها خطبببببب  ؟ يبقى خلااااااااص مالهاش دعوة بينا تاااااااني

-      ههه ابنها الكبير بس، لكن الصغير لسة

-  لا صغير ولا كبير، أنا مش هحط امل تاني على ولاد الست دي، ربنا يرزقني من عنده إن شاء الله ولا الحوجة ليها ولا لولادهااااااا

-  هههه يا بنت بتتكلمي زي اللي فاتها القطر ومافيش قدامها غير ولاد زوزو هههه يا بنتي ده انتِ لسة منتظرة نتيجة الثانوية العامة وقدامك يجي اربع سنين جامععععة

-  ايييييييييه ! وانا لسة هستنى السنين دي كلهاااااااا ! الصبر ياااااااارب، أنا داخلة اوضتيييييي ولو الست دي سألت عليا قوليلها مالهاش نفس تشوف حددددد

-  هههههه الله يهديكِ يا هدير يا بنتي . البنت مرعوبة من فكرة العنوسة وخايفة السنين تجري بيها زي خالتها سلوى، يااااااه يا حبيبتي يا سلوى يا اختي، السنين جريت بصحيح وكبرتي اوي، لا حول ولا قوة إلا بالله

********************

الجزء الخامس خلف هذه الجدران

بقلم هبة عبد العظيم نور

*********************

-      هههه اهلا يا زوزو يا حبيبتي، نورتيني, اشربي الشاي

-      ههه نورك يا ناهد يا حبيبتي، اومال فين هدير حبيبة  قلبي ؟

-      مممم والله اصلها دخلت اوضتها من شوية، اصل نفسيتها تعبانة

-      نفسيتها تعبانة ! ليه بعد الشر ؟

-  ابدا يا روحي، انتِ عارفة البنات في السن ده نفسيتهم مش مستقرة، تلاقي البنت شوية مفرفشة وشوية حابسة نفسها في اوضتها ومش طايقة تكلم حد

-      ههه لالالا أنا بقى جايبالها خبر هيفرحها ويخليها مفرفشة ومبسوطة جدااااا

-      خير يا حبيتي ؟

-      ايه رأيك يا ناهد اخطب هدير ليوسف ابني ؟

-      ههه يوسف اللي في كلية الهندسة ؟

-  ايوة، قلت الحق اخطب البنت قبل ما تطير من ايدينا، أنا بصراحة كنت مستنية لما تطلع نتيجة الثانوية العامة بتاعتها عشان اتكلم بقلب جامد، لكن بصراحة لما لقيت محمد خطب من ورايا قولت لالالالالا يبقى أنا لازم اختار عروسة يوسف قبل ما يختار هو ويتدبس ههههه

-  ههههههه يا حبيبة قلبي يا زوزو، والله دي حاجة تسعدني، بس الكلام مع باباها طبعا، أنا ما اقدرش اقول اه أو لا

-      طبعا يا روحي، رؤوف هيفاتح  نبيل جوزك في الموضوع النهاردة، هو هيعدي عليه في الشغل

-      هههههههه دانتو مرتبين كل حاجة من ورانا بقى

-  ههه اوماااااااال، عصر السرعة يا حبيبتي، خير البر عاجله، بس عايزة اعرف رأي العروسة يعني ومرحبة ولا لأ

-  مممممم والله يا زوزو مش عارفة، اصل هديل بنتي صعبة قوي في الموضوع ده، ما بتفكرش في الجواز خاااااااااااااااااااااااااااااااااالص، ودايما تقول أنا مش مستعجلة يا ماما، لما اخد شهادتي الأول

-  لالالالا ما ينفعش الكلام اللي هي بتقوله ده، احنا نعمل الخطوبة ونكتب الكتاب وبمجرد ما يوسف يتخرج السنة الجاية إن شاء الله نعمل حفلة الزفاف ونفرح بيهم هههه ولا انتِ بقى مش مستعجلة انك تبقي جدة عشان ما تكبريش يا ناهد ! ههههه

-      هههههه والله فعلا كدة الولاد هيكبرونا قوي، طب عن اذنك هدي خبر لهدير انك هنا

-      اتفضلي يا روحي

********************

الجزء الخامس خلف هذه الجدران

بقلم هبة عبد العظيم نور

********************

-      تن تن هديررررررررر يا هديل يا حبيبة ماما افتحييييييي ههه

-      ادخلي يا مامااااااا

-      ههه ايه يا قمر، مش هتخرجي تسلمي على طنط زوزو وتباركيلها على خطوبة ابنها الكبير ؟

-      لاااااااا، باركيلها بالنيابة عني، قوليلها مبروك للننوس الكبير وعقبال الننوس الصغيرررررر

-      ههههه ما هو الصغير كمان هيخطب

-      كماااااااان !!!!! هي الست دي جاية تستفزنا ولا ايه يا مامااااا !!!

-      هه هتستفزنا ليه !!!! واحدة جاية تفرحنا وعايزانا نشاركها فرحتها

-  نشاركها فرحتها ازاي يعني ! نروح نغني لعرايس  ولادها ونزفهم وهما نازلين ع السلالم ونقول نازلة السلالم يا ماشا الله عليها العروسة الحلوة والعريس في ايديهااااااا !!!

-  هههههه دانا اللي هغني وازف العروسة واقووووول نااااااااازلة السلالم يا ماشا الله عليهاااااااا هدير الحلوة ويوسف في ايديهاااااا نازلة السلالمممممممممم

-      هااااااااا !!!!!! هدير اناااااااا ! ويوسف ميييييين ! ابن طنط زوزوووووووو !

-      ههههه ايوة يا ستي، طنط زوزو جاية تخطبك لابنها، هاااا ايه رأيك ؟

هههههههههههههههه يا حبيبتي يا طنط زوزوووووووو، أنا هخرج ابوسها واقطعها من البوس واقولها ربنا يخليكِ يا طنط عشان هتجوزيني ابنككككككككك

-      تعالي هنا يا بنتتتتتتتتتتتتتتتتتتتتتتتتتتتت

-      اااااااه دراعي يا ماما

-  كسر دراعك يا شيييييييخة، حد يقول كدة برضو !!!!!! يا حبيبتي المفروض ان انتِ تتقليييييي، تعملي نفسك ان الموضوع مش فارق معاكِ خاااااااااااالص، وانك اتفاجئتي ومكسووووووفة، وبعدين لما تسألك عن رأيك تقوليلها الرأي رأي بابا يا طنط، عن اذنكككك، وتقومي سايباها وعلى اوضتك جررررررري

-  ايه ردود الأفعال بتاعة الاربعينات دي !!!!!!! يا ماما احنا في الألفية التالتة هههههه احنا في زمن النت والفضائيات يا ماماااااااااا

-  ييييييي والله ما في احسن من الحياء وردود الأفعال اللي كلها حياء يا بتاعة النت والفضائيات انتتتتتتتِ، ال احنا في الالفية التالتة ال، عمالين نتقدم في التكنولوجيا ونتراجع في الاخلاق والقيممممم

-      هههه ايه يا ماما الخطبة العصماء دي ! عايزة اخرج اقابل طنط زوزو قبل ما ترجع في كلامهااااااااااا

-  استني يا بنتتتتتت، تعملي زي ما قولتلك، استني، أنا هاخدك وانتِ تقفي برا، وهقولك ادخلي، تقومي تدخلي وانتِ وشك في الأرض وتقولي السلام عليكم وتقعدي بأدب وتسلمي على الست بأدب وايااااااك تبدي أي اهتمام بموضوع العريس

-      حاضر يا ماما حاضررررررر  ههههههههه

********************

الجزء الخامس خلف هذه الجدران

بقلم هبة عبد العظيم نور

*********************

-  ههه جبتلك هدير يا زوزو، ادخلي يا هدير يا حبيبتي ما تتكسفيشششش، دي طنط زوزوووووو ههه مكسوفة تدخل مووووووت

-      ههههه تعالي يا هديل يا حبيبة قلبي هههه ما تتكسفيش مني يا رووووحي

-      مممم السلام عليكم يا طنط

-      هههههه يا روح طنط انتِ، بسم الله ماشاء الله، ايه الجمال ده يا بنت ! تعالي اقعدي جنبي

-      اروح يا ماما ؟

-      روحي يا حبيبتي ههههه مكسوفة موت يا زوزو

-      ههههه مكسوفة مني أنا ! امووووه  ازيك يا روحي

-      كويسة يا طنط احم احم  اتفضلي شيكولا يا طنط

-      هههه ميرسي يا روحي، نتيجتك فاضل عليها قد ايه ؟

-      مش عارفة، صحباتي بيقولوا اول الأسبوع الجاي

-  ههه بالنجاح ان شاء الله، يلا عشان تبقى الفرحة فرحتين، فرحة نجاحك في الثانوية العامة وفرحة خطوبتك على يوسف

-      هاااااا أأأأأأ خطوبة، استغفر الله العظيم يارب، أنا مش بفكر في الجواز يا طنط

-  ههههه في عروسة حلوة زيك تقول كدة ! وبعدين ده مش أي جواز  ولا أي عريسسسسس، ده يوسف ابني حبيبييييييي، ولد هاااااايل هيعجبك قوي لما تشوفيه

-  ههه أأأأ لالالا اشوف مين، اتكلمي يا مامااااا أنا حاسة ان هيغم عليا من الكسووووووف، اديني منديل انشف عرقي

-  عرق ايه يا بنت، التكيف شغاااااااال، ههه مش بقولك بتتكسف موت يا زوزو ! على العموم أنا هقنعها وربنا يقدرني على دماغها الناشفة هههههههههههه وبعدين في الأول والآخر الرأي رأي باباها

-  ههه وانا متفائلة ان شاء الله وحاسة بريحة فرحة هلّة علينا يا ناهد والله، زي ما اكون حاسة ان الصالون ده مليان انوار وورد كدة، مش عارفة ايه الاحساس المسيطر عليا ده !

-  ههههه خير يا حبيبتي إن شاء الله، النصيب غلّاب، ولو ليهم نصيب مع بعض يبقى كلنا هنفرح قريب ان شاء الله

********************

الجزء الخامس خلف هذه الجدران

بقلم هبة عبد العظيم نور

********************

-      ناهددددد

-      ههههه انت جيت يا ابو العروسة ؟

-      ههه دانتِ عندك فكرة عن الموضوع بقى

-      اوماااااااال هههه ام العريس كانت عندنا النهاردة

-      وايه رأيك ؟

-  ودي عايزة رأي يا نبيل ! زوزو انسانة طيبة قوي, وانت كمان بتشكر في جوزها وطول عمركو اصحاب وحبايب، والولد مهندس ومن عيلة كويسة وانا مش هلاقي لبنتي عرس احسن منه

-      طيب خير، وهديل رأيها ايه ؟

-      اسألها بنفسك

-      طب ناديهالي

-      هديرررررررررر يا هددددددددديررررررر

-      نعم يا مامتييييييييييي

-      تعالي كلمي بابا عشان عايزززززك

********************

-      نعم يا بابايااااااااا هههه

-      ايه رأيك يا بنت في الموضوع اللي كلمتك فيه طنط زوزو ؟

-      ............................................................

-      الله ! ما بترديش ليه !!!!!!

-      ممممم مش عارفة اقول ايه يا بابا، اصل أنا مكسوفة يعني وخايفة اقول موافقة تقولوا عليا ما عنديش أدب 

-      هههههههههههههههه ليه يعني ! أي بنت من حقها توافق او ترفض، هااا انتِ بقى رأيك ايه ؟

-      هههههه موافقة يا بابا بس مكسوفة يعني

-      ههههه ماشي يا حبيبتي، اعملوا حسابكو بقى رؤوف هيجيب مراته وابنه ويجوا يوم الحد ان شاء الله

-      ههههههههههههه بالسرعة دي يا باباااااااااا!هما مستعجلين كدة ليه ؟

-      بلاش يا حبيبتي، اقولهم تعالوا بعد اربع سنين

-      هاااااااااا اربع سنين يعني ايييييييه !!

-      ههه روحي على اوضتك يا حبيبة ماما

-      ههههههه اوضة ايه بسسسس ! أنا هطلع افرح تيتة وجدو وخالتو سلووووووووووووى

-      هديررررررر تعالي هنا يا بنتتتتتتتتتتتتتت اووووووف دي جريت على برا يا نبيل

-      ايه يا ناهد !مش عايزاها تطلع تفرح باباكِ ومامتك واختك ليه ؟

-  توووووء ,يا نبيل أنا براعي مشاعر سلوى اختييييييي، يعني لما تلاقي بنت اختها اللي شاليتها على ايديها وهي مولودة بتتخطب وهي لسة قاعدة من غير جواز هيبقى شعورها ازاي !!!!!!

-  يا ناهد الحاجات دي ما بتستخباش، ومسيرها تعرف ان هديل اتخطبت، وبعدين انتِ عارفة كويس قوي ان اختك هي السبب في قعدتها من غير جواز لحد دلوقتي

-  يييييي مش وقته يا نبيل الله يخليك، مش عارفة والله افرح ببنتي ولا احزن على اختي !!!!! ربنا يرزقك يا سلوى يا حبيبتي

********************

الجزء الخامس خلف هذه الجدران

بقلم هبة عبد العظيم نور

********************

-  ترررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررررررررررررن يا تييييييييتة ههههههه يا جدووووووووو يا خالتو سلوووووووووى هههههه ترررررررررررررررررررررررررررررررررررررررررن تررررررررررررررررررررررررررررررررررررررررررررررررن افتحولي يا قوووووووووووووووم

-      ايه الغاغة دي ! مين ع الباب يا لطفيييييييي ؟

-      رايح اشوف اهو يا هدى

********************

الجزء الخامس خلف هذه الجدران

بقلم هبة عبد العظيم نور

********************

-      هدييييييل ! هههههه اهلا يا حبيبتي

-  اهلا بيك يا جدووووو اموووووووووه يا احلى جدو في الدنيااااااااااا اموووووه بحبك قوي يا جدووووووو هههههههه

-      ههههه ايه الاشواق دي كلها ! ما أنا لسة شايفك امبارح يا بنت

-      هههههههه اصل أنا فرحااااااانة فرحانة قوي يا جدوووووو، أنا جالي عريس وهتخطب يوم الحدددددددد 

-  ههههههههههههههه ماشاء الله ماشاء الله، ايه الاخبار اللي تِفرح دددددي !!!!! ومين الولد الخلبوص ده اللي هيفوز بحفيدتي الجميلة ؟

-  ههههههه اسمه يوسف، رايح رابعة هندسة ميكانيكا، وباباه  صاحب بابا الروح بالروووووح هههههه يعني عريس وعليه شهادت  ضمان كمان يا جدووووووو هههههه هات بوسة بقىىىى امووووووه

-      ههههههه اموووووه فرحتيني يا هديل والله

-      مين يا لطفيييييييي؟

-      دي هديل بنت ناهدددددد

-      ايه اللي جابها مقصوفة الرقبة دددددددي ! أنا جيالهاااااااااا

********************

الجزء الخامس خلف هذه الجدران

بقلم هبة عبد العظيم نور

********************

-  ايه اللي جابك يا بنتتتتتتتت ! مش أنا قايلة من ساعة ما اتحدفتوا علينا في العمارة ما تجيش لا انتِ ولا امك ولا حد من اخواتك غير يوم الخميسسسسسس ؟؟؟

-      هههههه معلش يا تيييييتة، النهاردة ظرف استثنائي وجاية افرررررحك

-  تفرحيني ! تفرحيني بإيه يختي ! أنا لسة سامعة في الراديو النهاردة ان نتيحة الثانوية العامة لسة الاسبوع الجاي

-      هديل اتخطبت يا هدددددى ههههههه

-      اييييييييييه !!!!!! اتخطبت !!!!!! .....اهو ده اللي أنا كنت عاملة حسابه واديه حصصصصصل

-      ممممم تيتة، انتِ زعلتي ؟

-      .......... لا يا حبيبتي، الف مبروك يا هدير, تعالي في حضن تيتة

-      ههههه يا حبيبتي يا تيتة

-  اموووه الف مبروك يا هدير، يتربى في عزك يا حبيبتي، يووو قصدي ربنا يتمم بخير، وده مين سعيد الحظ ؟

-  هههههه يوسف ابن طنط زوزو حبيبتيييييييييي ههههه جت النهاردة كلمت ماما وعمو رؤوف راح لبابا الشغل وكلممممه, وبابا وماما وافقووووووووا ههههههه وانا كمان موافقة يا تيتة

-      انتِ شوفتي العريس يا بنت ؟

-  لا لسة يا تيتة هههه بس انتِ عارفة ان الشكل ما يهمنيش، كفاية انه من عيلة كويسة وكمان هيتخرج من كلية كويسة، وحتى لو في بداية حياته مش مشكلة، اشاركه الكفاااااااااح

-  جدعة يا هدير، ادي كلام البنات العاقلة، مش اللي ترفض من غير سبب وتقعد من غير جواز وتحسر قلب امهاااااا, مبروك يا بنتي الف مبروك، هديتك يوم خطوبتك غالية قوي وهتعجبك ان شاء الله

-      ههههه هتجبيلي ايه يا تيتة ؟؟؟؟

-      هجيب اللي هجيبه بقى يا هديررررر، مش فرحتينا وخلصناااااا ! اتفضلي انزلي عند امكككككككك

-      ههههه حاضر يا تيتة، بس افرح خالتو سلوى الأووووول

-      مالكيش دعوة بسلووووووى، دي لا ليها في الفرح ولا عايزااااااااه، انزلي يا بنتي الله لا يسيئككككككك

-      في ايه يا ماما، ايه الدوشة اللي عندكو دي ! أنا صحيت على صوتكو

-      دانا يا خالتووووووووو هههههههه

-      ههه اهلا يا هدير يا حبيبتي، مش عادتك تطلعي في يوم غير يوم الخميس

-      بنت اختك اتخطبت يا ست الحسن والجمااااااااااال، باركيلهااااااااااا

-      ........................... معقول !!!!! ......... أ أأ  هه ألف مب مبروك يا هدير، مبروك يا حبيبتي

-      هههه الله يبارك فيكِ يا خالتو، عقباااااااااالك

-      .......................... عن اذنكو داخلة اوضتي

-      ادخلي يختي ادخلييييي .... بالسلامة يا هدير على تحتتتتتت

-  طب ما تنسيش يا تيييييتة، العريس جاي يوم الحد, واحتمال ما نقدرش نطلعلك يوم الخميس عشان هنبقى مشغولين خالص في التجهيزات أنا وماااااامتي ههههههه

-      طيب طيب يا هدير، بالسلامة انتتتتتتتِ

-      باي باي يا جدوووووو, معادنا يوم الحدددد

-      ههه إن شاء الله .. مع السلامة يا هديل، مممم ايه يا هدى، مالك ؟

-      مالي على الله يا لطفييييييي، سيبني في حالي الله يخليكككك

-      انتِ ش فرحانة لهديل ؟

-  هدير بنت بنتي وسعادتها تهمني وعايزالها كل خير، وفرحانة انها عرفت طريقها وما  عملتش زي خالتهااااااا، بس اللي بنتك عاملاه فيا وحالها اللي لا يسر عدو ولا حبيب سادد نفسي عن الدنيا بحالهااااااااا

-      طيب معلش يا هدى، أنا مش عايزك تعصبي نفسك كدة عشان صحتك مش مستحملة زعل

-  هو أنا حد جابلي الكافية غير بنتكككككككك ! اللهم لا حول ولا قوة إلا بالله، خلااااااص خلاص يا لطفي، بنتك ضاعت ومستقبلها ضاع وهتعيش حياتها لا راجل ولا حتة عييييييل، أنا رايحة اقعد في البلكونة شوية في الهوا عشان حاسة اني هتخنقققققققق

-      طيب يا هدى، روحي وانا هجيب عصير من التلاجة ونشرب سوا في الهوا ههه

********************

الجزء الخامس خلف هذه الجدران

بقلم هبة عبد العظيم نور

********************

-  اهئ اهئئئئئئئئئئئئئ معقووووول اهئ اهئئئئئئئئ معقول السنين جريت بالشكل ده وهدير النونة الجميلة اللي كنت بشيلها واحطيلها السكاتة في بقها كبرت واتخطبت وانا لسة زي ما أنا !!!!!!!! اهئ اهئئئئئئئ هي السنين جريت بالسرعة دي !!!!!! يعني خلاص !!!!! خلاص كل شيء انتهى !!!!! اهئ اهئئئئئ خلاص الدور فاتني والحياة وقفت بيا لحد كدة والأيام الجاية مش بتاعتي زي ما سبق وماما قالت !!!!! اهئ اهئئئئئئ يا ترى  خلاص مش هلاقي  الراجل المناسب واتجوز ويبقالي بيت !!!! اهئ اهئئئئئئ أنا اللي عملت في نفسي كدة اهئ اهئئئئئئئ يبقى بعيط وانعي حظي ليه دلوقتي !!!!!! اهئ اهئئئئئئئئئئئ

********************

الجزء الخامس خلف هذه الجدران

بقلم هبة عبد العظيم نور

********************

-  بقولك ايه يا طنط رهف، بمناسبة ان بكرة الجمعة وبابا اجازة  ما تيجي ان شاء الله نروح نصلي الضهر في المسجد النبوي ونقعد لحد صلاة العصر وبعدين نروح نتغدا برا زي العادة 

-      هه فكرة حلوة مرة، من  فترة ما روحنا نصلي هناك، راح اجول لابوك يا بعد جلبي عساه يوافج

-      وما يوافقش ليه ! حد يرفض يصلي في الحرم النبوي !!!!

-  ههه الأمر مو كذا حبيبتي، ابوك جالّلي جبِل  ان عنده مشوار راح يجضيه بعد صلاة الجمعة، لو عنده استعداد يأجله ويودينا الحرم اكيد ما راح يتردد

-      طيب خلاص انا هستناه عشان اقوله يا طنط

-      ان شاء الله يا بعد عمري

********************

الجزء الخامس خلف هذه الجدران

بقلم هبة عبد العظيم نور

********************

-      الله يا طنط, الحرم النبوي واحشني بشكل!فرحانة قوي اننا جينا النهاردة

-      والله كان واحشني مرة انا كمان

-  طيب اسيبك مع رهف يا دراهم واخد فهد ونروح نصلي وبعد صلاة العصر نتقابل هنا، يلا يا فهد، السلام عليكم

-      عليكم السلام يا بعد جلبي، ما تترك يد ابوك يا فهدددد

-      طيب يومّاااااا السلام عليكم، ديري بالك على دراهم يومّاااااا

-      ههه عليكم السلام يا بعد جلبي، طيب ما يخالف

-      ههه عسل قوي فهد، ال يعني راجل ويخاف عليا يا طنط ههه

-      الرجولة هذي تتربى من الصغر يا دراهم، انا ارى في فهد ولدي رجال ماشاء الله عليه

-      ربنا يحفظه ويخليه يا طنط آمين يارب ممممم ويجمع شملنا على دنانير, وحشتني قوووي

-      الله ييسر  حالها ويطمننا عليها يا بعد جلبي، تعالي ندخل من هذا الباب

********************

-      يلا يا فاطمة انتِ وخديجة، عايزين ندخل بدري ونلاقي مكان نصلي فييييه

-      جايين اهو يا ماما ههه يلا يا خديجة,ايه ده ! معقووووووووول ! ....... استني يا خديججججة

-      في ايه يا فاطمة ! وقفتي مرة واحدة كدة ليه !

-                 اللي بتصلي هناك دي دراهم, ايوة دراهم, والله هي ,انا متأكدة

-      مين دراهم دي !!!!!

-      لحظة واحدة, هروح اسلم عليها, انا ما صدقت لقيتها

-      ايه ده ! البنت دي سابتنا ورايحة  فين يا خديجة ؟؟؟؟؟

-      شافت واحدة صاحبتها وراحت تسلم عليها يا طنط

-      طيب، يارب تيجي بسرعة بقى وما تعطلناش

-      السلام عليكم ورحمة الله ......................... السلام عليكم ورحمة الله

-      تقبل الله يا دراهم هههه

-      ايه ده !!!!!!! معقوووووووول .................. فاطمة !!!

-      هههههههههه السلام عليكم يا حبيبتي

-  يااااااااااالله ههههه فاااااااااطمة، عليكم السلام يا حبيبتيييييييييي معقووووووول انا مش مصدقة اني قابلتك تااااااااااني ههههههه يا حبيبتي يا فاطمة، اكيد أنا بحلممممممم  وحشتينييييييييي اموووووووووه اموووووووووووووووه

-  ههههههه والله انتِ وحشتيني اكتر يا دراهمممممممم امووووووه امووووووووووه ياااااااااه مش مصدقة اني الاقيكِ بعد المدة دي كلهااااااااا قوليلي عاملة ايه وايه اخبارك واتجوزتي ولا لسة وعاملة ايه في حياتك طمنيني عليككككككِ

-      هههه كل دي اسئلة يا فاطمة !

-  ههه اعذريني، والله انتِ وحشاني اوي ونفسي اطمن عليكِ، تعرفي انا حلمت بيكِ امباااارح وما كنتش متخيلة اني هصحى من النوم الاقيكككككِ

-  ههههه يا حبيبتي يا فاطمة، والله انتِ كمان ما روحتيش عن بالي ابدااااااا دايما افكر فيكِ واقول يا ترى هي عاملة ايه وفكراني ولا لااااااا

-  طبعا فاكرااااااكِ، الحمدلله ان ربنا جمعناااااا، سبحان الله اول لقاء لينا مع بعض كان في مسجد واتفرقنا عن بعض سنين ورجعنا اتقابلنا في مسجد افضل واعظم

-      الحمدلله يا فاطمة ان ربنا قدرلنا اللقاء مرة تانية ....عارفة اللي بتصلي هناك دي، دي تبقى طنط رهف

-      مين طنط رهف ؟

-      مرات بابا، ست طيبة قوووي، اهي خلصت صلاة،  استني هعرفك عليها، طنط رهفففففف

-      أي يا بعد جلبي

-      هه اقدملك فاطمة صاحبتي اللي كلمتك عنها كتيرررر، فاكراها ؟

-      هه أي طبعا فاكراها، هلا والله حبيبتي ههه اتشرفت بمجابلْتك

-      هه الشرف ليا انا يا طنط رهف

-      هني وحدك يا بعد جلبي ؟

-  هه لالالا طبعا، ماما معايا ومرات اخويا وكمان اخويا جه معانا يعمل عمرة، خلصنا العمرة وقعدنا في مكة حوالي خمس ايام وبعدين  جينا نزور الحبيب المصطفى عليه الصلاة والسلام ونصلي في الروضة الشريفة

-      عليه الصلاة والسلام، منوريتنا يا للغلا هههه الله يتجبل منْك ومنا ومن كل المسلمين

-  آمين يا طنط هههه ..... يا نهار ابيض دي ماما ومرات اخويا جايين على هنا وشكلي هتضرب النهاردة يا دراهم هههه

-      هههه ليه بس كدة !

-      اصل لما شوفتك جريت عليكِ ونسيت اقول لماما أنا رايحة فين  هههه ربنا يستر بقى

********************

الجزء الخامس خلف هذه الجدران

بقلم هبة عبد العظيم نور

********************

-      السلام عليكم ورحمة الله ههه انا والدة فاطمة ودي زوجة اخوها

-      عليكم السلام ورحمة الله، هلا والله يا غلا ههه 

-      اهلا بيكِ يا فندم، مش تعرفيني يا فاطمة على الناس الطيبين دول ههه

-  ههه طبعا يا ماما، دي بقى يا ماما تبقى مفاجأة، قولي بقى انا كان نفسي اشوف مين وما نسيتهاش ابدا ودايما في بالي واقول يارب اكتبلي اشوفها تاااااااااني ؟

-      ههه معقوول ! دراهم !

-      ههه ايوة يا ماما دي دراهم ودي مرات باباها

-      اهلا يا دراهم يا حبيبتي هههه انا سعيدة اني شوفتك والله

-  ههه انا اسعد يا طنط ربنا يخليكِ يارب، مش قادرة اوصفلك قد ايه مفاجأة حلوة اوي وكرم كبير قوي من ربنا انه يجمعني بفاطمة من تاني، حضرتك ما تعرفيش انا بحبها قد ايه

-  ههه ربنا يسعدك يا حبيبتي، القلوب عند بعضها والله، فاطمة بتحبك قوي ومن حبها فيكِ انا كمان حبيتك واتمنيت اشوفك

-      هههه  ده شرف ليا يا طنط، ربنا يحبك يارب، مممم ما اتعرفناش على اختنا

-      دي خديجة مرات اخويا ههه ...دي دراهم حبيبتي وصديقتي البعيدة القريبة ههه

-      ههه ازيك يا دراهم، سعيدة اني شوفتك في مكان جميل وحبيب لقلوبنا زي ده

-      ههه انا اسعد والله يا خديجة، لكن ايه يا فاطمة حكاية صديقتك البعيدة القريبة دي ! ههه

-      ايوة طبعا، كنتِ بعيدة عني ومش عارفة مكانك، لكن كنتِ طول الوقت قريبة من قلبي والله وبحنّلك دايما

-  هههه يا حبيبتي يا حبيبتي يا حبيبتي يا فاطمة امووووه، النهاردة اسعد يوم في حيااااااااتي، , قوليلي يا فاطمة دخلتي الروضة ولا لسة ؟

-      لا لسة، النهاردة اول يوم لينا هنا

-      خلاص, ندخل سوا بقى ونسلم على الرسول عليه الصلاة والسلام

-      اللهم صل وسلم وبارك عليك يا سيدي يا رسول الله

********************

الجزء الخامس خلف هذه الجدران

بقلم هبة عبد العظيم نور

********************

-      تعالي يلا عشان ندخل الروضة يا فاطمة، رغم اني جيت هنا كتير لكن كل مرة ادخل بنفس الشوووووق

-      ........................................................

-      فاطمة

-      يا فاطممممة ايه ما بترديش ليه !

-  ياااااااااااالله الروضة لها احساس يزلزل القلوب المشتاقة للحبيب عليه الصلاة والسلام، عايزة اقف امام قبره واناجيه 

-      استني يا فااااطمممممممة جاية معااااااكِ، دي مش حاسة بيا خاااااالص

********************

السلام عليك يا سيدي يا رسول الله، يااااااااااه، أمة لله من أمتك وأتباعك جئت إليك من بلاد بعيدة كي ألقي عليك السلام وابث اليك اشواقي واشواق كل احبابك من أمتك، سلام الله عليك يا شفيعنا يوم لا ينفع مال ولا بنون، سلام عليك يا زاد قلوبنا، سلام عليك يا حبيبنا، نشهد الله انك اديت الأمانة وبلغت الرسالة ونحن المقصرون، ما عبدنا الله حق عبادته , فرطنا في كثير من سننك أيها النبي الكريم، علمتنا و ما قصرت في تعليمنا، فتجاهلنا كثيرا مما علمتنا، شغلتنا انفسنا واهلونا واهوائنا فاشفع لنا عند ربنا يا حبيبنا، اللهم صل وسلم وبارك عليك يا معلم البشرية وقائدها الأعظم، اللهم صل وسلم وبارك عليك عدد نبضات قلوب محبيك، السلام عليك يا سيدي، الصلاة والسلام عليك عدد من ذكرك وعدد كل محروم عن ذكرك غفل, طبت حيا وميتا يا رسول الله عليك الصلاة والسلام

********************

السلام عليك يا أبا بكر، رضي الله عنك يا حِب رسول الله وصاحبه الجليل، من صدقه حين كذبه الناس، من صاحبه في هجرته ولم يخش احدا من الناس، السلام عليك يا أحب الناس إلى قلب الحبيب بعد زوجه الطاهرة ابنتك الحبيبة عائشة رضي الله عنها أميرة العفاف شريفة القدر حبيبة رسول الله صل الله عليه وسلم

********************

السلام عليك يا عمر، السلام عليك يا صاحب رسول الله،  السلام عليك يا فاروق الأمة يا أمير العدالة ومطبقها، يا أميرا زهد في القصور والحرير ليهنأ الفقير ويشبع الجائع وتكرم ذات الأيتام، السلام عليك يا منبع الشجاعة والإقدام، جمعنا  الله بك وبالحبيب محمد عليه الصلاة والسلام وكل صحبه الكرام الأخيار في جنة عرضها السموات والأرض اعدت للمتقين, جعلنا الله منهم آمين آمين آمين

********************

الجزء الخامس خلف هذه الجدران

بقلم هبة عبد العظيم نور

-      ********************

-      كان يوم جميل جدااااا، احلى صحبة النهاردة واحنا مع بعض يا فاطمة

-  وانا والله مبسوطة قوي النهاردة اني معاكِ يا دراهم، مليني بقى رقم تليفونك عشان اكتبه قبل ما امشي عشان لازممممممم نتقابل تاني ومش هنتفرق عن بعض بعد كدة إن شاء الله

-      اكيد ان شاء الله، مش ممكن افرط فيكِ ابدا حبيبتي بعد ما ربنا جمعنا من تاني، الحمدلله

-      يلا يا فاطمة عشان اخوكِ جه ياخدنااااا

-      حاضر يا ماما جااااية، قولي بقى يا دراهم عشان ماما وخديجة وفخر الدين  واقفين منتظرينني

-      هه حاضر، اكتبي يا ستي

********************

الجزء الخامس خلف هذه الجدران

بقلم هبة عبد العظيم نور

********************

-      اهي اختك جت اهيه يا فخر

-      هههههه حمدالله ع السلااااااااامة بقالنا ربع ساعة في انتظار حضرتك يا فندم

-  ههههه شكرا يا فندم، معلش يا فخر اصل قابلت واحدة صاحبتي عزيزة عليا قوي واتفرقنا من مدة طويلة وشوفتها النهاردة هههه عشان كدة ما كنتش عايزة اسيبها

-      طيب كويس والله، احلى حاجة فيكِ اخلاصك النادر ده يا فطومة

-      ههه من بعض ما عندكم يا دكتور,هو احنا مش هنستنى إياد ولا ايه يا فخر؟

-  لا يا ستي، إياد قال مش هيروح إلا بعد العشا إن شاء الله، قال خدوا المدام معاكو .... على العموم احنا هنريح شوية في البيت وبعدين نرجع على المغرب

-      هييييييييه هههههه نصلي المغرب والعشا وبعدين نروح البيت ونرجع تاني الفجر

-      ههه مبسوطة يا فطومة ؟

-      جداااااااا هههه الحمدلله، الرحلة دي سعيدة قوي وحاسة ان المناسبات اللي بعدها كلها سعيدددددة

-      ههه تقصدي عشان بعد ما ترجعي مصر كتب كتابك يعني ؟

-      هاااا ! لالالالا فهمتني غلطططط، انا اقصد مناسبة سعيدة ليك انت والله يا فخر

-      هههه ومالك اتخضيتي كدة لما جبت سيرة كتب كتابك !!!!!!

-      مممممم طيب اسبقنا انت بقى عشان همشي جنب مامااااااا

-      ههههه ماشي، احسن برضو,اتكسفت ووشها احمّر لما جبت سيرة جوازها

********************

الجزء الخامس خلف هذه الجدران

بقلم هبة عبد العظيم نور

********************

-      أما اروح الحق ماما قبل ما تنام وندردش شوية عن دراهم,ماماااا

-      ايوة يا فاطمة

-      مممم كنت عايزة اخد رأيك في حاجة مهمة

-      اتفضلي يا حبيبتي

-      ايه رأيك في دراهم يا ماما ؟

-  هه والله بنت لطيفة وحبوبة خالص، حقيقي حبيتها، وواضح انها ملتزمة قوي ماشاء الله عليها، انا لاحظت  ماشاء الله واحنا بنصلي السنن انها تطيل قوي في السجود وحاسة انها كانت بتدعي وبتتوسل الى الله بقمة الخشوع والتقوى

-      هههه كل ده لاحظتيه  يا ماما ! دانتِ كنتِ مركزة معاها قوي بقى

-      ههههههه ابدا يا حبيبتي، اصل دي حاجات أي حد يلاحظها، مش محتاجة تركيز يعني

-      ممم طيب، ايه رأيك لو خطبناها لفخر الدين اخويا ؟

-  نخطبها  لفخر الدين ! مممم والله يا فاطمة البنت ما يعيبهاش حاجة، ملامحها هادية ورقيقة وكمان متدينة لكن ...........

-      لكن ايه يا ماما ؟

-  انتِ نسيتي يا فاطمة يا حبيبتي لما روحنا نسأل عنها في العمارة اللي كانت ساكنة فيها ومرات البواب قالت ان باباها ومامتها اتطلقوا ؟

-      هو طلاق باباها ومامتها يعيبها يا ماما !

-  ما اقصدش يا حبيبتي، بس اصل يعني احنا ما نعرفش عنهم حاجة، وده جواز مش لعبة يا فاطمة، يعني لازم نكون متأكدين من البيت اللي هندخله، ولا عايزاني يعني اخد اخوكِ من ايده عشان يخطب بنت ما نعرفش عنها حاجة !

-      ................ والله يا ماما انا كان على لساني اني اسألها عن مامتها وباباها بس بصراحة اتحرجت قوي

-  بصي يا حبيبتي,  حقيقي انا ما عنديش اعتراض على البنت في حد ذاتها، هاتيلي معلومات كافية عنها وانا هتصل باباكِ في مصر وهو يسأل عن عيلتها كويس، ولو ارتحنا للأمر هنعرض على اخوكِ الجواز منها

-  يااااااااه يا ماما ! كل دددده ! توووء انا كنت فاكرة اول ما اقولك على دراهم هتوافقي  ونروح كمان شوية نخطبها

-  هههههههههههه انتِ بس عشان عاطفية يا فطومة وعواطفك دايما تغلبك، لما ربنا يتمم زواجك على خير ويبقى عندك  اولاد ويكبروا ويبقوا هايلين  وناجحين ويشرفوا زيكو كدة، هتفكري ألففففف مرة قبل ما توافقي على أي جوازة ليهم ههههه

-  هههه انتِ هتقوليلي يا ماماااا !!!!! هو انا ناسية اللي عملتيه في محمد خطيبي !!!! رغم انك عارفة انه صاحب فخر الدين اخويا من زماااااااان لكن لما جه يتقدملي عملتي نفسك ما سمعتيش عنه قبل كدة وعملتوا جهود مكثفة في البحث والتحري عن شخصه المتواضع هههههههه

-  ههههههههههههههههههههههههههههه اومال يا بنتي عايزاني ارميكي لاي حد ولا ايييييه ! لازم يمر باختبارات قاسية ويتحط تحت الميكروسكوب الإجتماعي عشان نشوف يليق ببنتي حبيبتي ولا لااااااا

-  هههههه يا حبيبتي يا ماما، يا رب دراهم كمان تنجح وتطلع من تحت الميكروسكوب الإجتماعي بتاع حضرتك بتقدير امتياز عشان تجوزيها لفخر يااااااااارب

-      ربنا يقدم ما فيه الخير يا بنتي

ماما, أنا هتصل بدراهم عشان اسألها عن باباها ومامتها واخد شوية معلومات

-      ممم طب هتقوليلها ايه ؟

-  مش عارفة بصراحة هبدأ الكلام ازاي، لكن في نفس الوقت هتجنن عشان اتصل واخد المعلومات والموضوع يتم على خير

-  طب بصي يا فاطمة يا حبيبتي، ما تقوليلهاش ان العريس يبقى اخوكِ عشان لو سألنا عنها وعن عيلتها والموضوع ما عجبناش ما يبقاش في حرج ليها

-      اومال اقولها العريس يبقى مين يا ماما ؟ لاحظي ان أنا مش عايزة اكدب

-  طبعا يا حبيبتي، ربنا يكفينا شر الكدب، ممممم قوليلها العريس واحد ماما تعرفه كويس وتعرف اهله وهترشحك له

-      تمام يا ماما، لكن انتِ صحيح تعرفي اهله ههههه؟

-      ههههه عز المعرفة، اهله دول حبايبي وعشرة عمري، اتصلي بقى خلينا نشوف ايه الحكاية

-      حاضر يا ماما

********************

الجزء الخامس خلف هذه الجدران

بقلم هبة عبد العظيم نور

********************

-      ترررررررررررررررررررررررررررررررررررررررررررررررررررررررن

-      دي فاطمممممممة هههههه يا حبيبتي، السلام عليكم حبيبتيييييييي

-      ههههه عليكم السلام يا دراهم يا اختي يا حبيبتي، شكلك ما كنتيش متوقعة اتصالي

-      بصراحة اول ما الموبايل رن حسيت كدة انك انتِ مش عارفة ليه

-      طب قوليلي الأول، أنا معطلاكِ عن حاجة ؟

-      لا ابدا يا حبيبتي، أنا فاضية دلوقتي

-      اصل كنت عايزة اكلمك في موضوع مهم

-      اتفضلي يا فاطمة

-      مممم اصل أنا جايبالك عريس

-      هههههه عريس مرة واحدة ! وكمان عن طريقك ! دا أنا محظوظة بقى

-  انتِ تستاهلي كل خير يا دراهم، والله انتِ ما تعرفيش أنا بحبك قد ايه وطول السنين دي وانتِ على بالي وبطلب من ربنا اني اشوفك، وعمري ما يأست انه سبحانه وتعالى يجمعني بيكِ

-  يا حبيبتي يا فاطمة ! والله أنا كمان عمري ما نسيتك ولا نسيت قلبك الطيب والأيام الجميلة اللي قضناها في المسجد بصحبة القرآن، ياااااااه كانت ايام جميلة قوي

-      ان شاء الله تكرر وتبقى اجمل حبيبتي

-                 آمين يا رب، لكن ما قولتليش مين العريس ده ؟

-      مممممم هو إنسان متدين وملتزم وعن طريق ماما

-      يعني مامتك تعرفه كويس ؟

-  ايوة طبعا، تعرفه وتعرف كل عيلته وبتقول عليهم ناس كويسين، لكن بصراحة لما ماما سألتني عن معلومات كافية عنك ما عرفتش ارد عليها، انتِ عارفة طبعا إن لازم العريس يعرف كل حاجة عنك  قبل ما يتقدملك

-      طبعا طبعا، انتِ عايزة تعرفي ايه وانا اقولك ؟

-      يعني، ممممم معلومات عن عيلة باباكِ وعيلة مامتك، وحاجات زي كدة