الحلقة الحادية والعشرون

-  بصي يا ستي، بابا وماما اتطلقوا من سنين ومن وقتها بابا اخدنا نعيش معاه في المملكة، بابا محاسب وبيدير الشركة بتاعة طنط رهف مراته، وماما عايشة في مصر مع جدتي  وما اتجوزتش تاني بعد طلاقها من بابا

-      طيب ممكن تديني عناوين اهل مامتك واهل باباكِ في مصر، ولا دي حاحة تضايقك ؟

-      اطلاقا، ده من حق العريس طبعا انه يعرف كويس هيتقدم لمين ومن عيلة مين

-      طيب خير، هاتي العناوين

-      حاضر، اكتبي يا ستي

********************

الجزء الخامس خلف هذه الجدران

بقلم هبة عبد العظيم نور

********************

-      بت يا رزززززززقة خلصتي طبيخ ولا لسسسسسسسة ؟

-      لسة يا ست اوسااااااا، اصل النهاردة شغل البيت كان يامَا قوووي

-      طب يلا يا بت اعمليلك همة  عايزين نتغدووووووا 

-      حاضر يا ست اوسااااااا، هنخلصوا بسرعة اهو، بدوررررررر

-      اووووووووف عايزة ايه ؟

-      تعالي اعصريلي الطماطم وفصصيلي راس التوم دي

-      نعممممممممم ! ليه يختي ان شاء الله ! الطبيخ ده مسؤليتك انتتتتتتِ

-      اومال انتِ مسؤليتك ايه يختيييييييي ؟

-  أنا هنا مسؤولة عن نورهان وبسسسس، انما تقوليلي ساعديني في الطبيخ ولا اعملي معايا حاجة في البيت مش هنعملوا ابداااااااا

-  جرا ايه يا حبيبتيييييييي، مالك بتتكلمي زي ما تكوني صاحبة البيت كدددددددة ! فوقي لروحك يا عنيااااااا، اذا كنت انا خدامة فأنتِ كمان خدااااااااامة, مافيش حد احسن من حدددددد، واحتَرَمي نفسك وانتِ بتكلمينيييي

-  بنقولولك ايه يا رزززززقة، لمي الدور وخليكِ في حاااااالك، مساعدة في المطبخ مش هنساعدووووكِ، انتِ في حالك وانا في حالي ومالكيش دعوة بياااااااا

-  مالك يختي ممروعة قوي كدة وحاسة ان ما فيش ع الأرض قدكككككككك، يمكن عشان حلوة شوية ! مهما كنتِ حلوة فحلاوتك مش هتعملك مقااااااااام، انتِ خدامة وليكِ ست مشغلااااااااااااكِ

-  .......................................... بنقولولك مالكيش دعوة بيا يا رزززززززقة, مهما قولتي مش هنساعدوووووووووكِ 

-      في ايه يا بت منك ليهاااااااااا، صوتكو جايب لآخر الدنيا لييييييييه ؟؟؟

-  تعالي يا ست اوسا شوفي بدور وعمايلهاااااااا، ال ليه وليه بنقولولها اعصريلي شوية طمااااااااطم، أنا قلت كدة وما خَلَصتش منهاااااااا عمالة تزعق زي اللي راكبها عفرييييييييت

-      طب اخلصي يا بت يا رزقة وشوفي اللي وراكِ ... وانتِ وراكِ ايه دلوقتي يا بت يا بدور ؟؟؟

-      ..................... مش ورايا حاجة يا .... يا ستي، نورهان نايمة

-      طالما ما وراكيش حاجة تعالي دلكيلي ضهري على ما البت تصحى

-      ...................... ماشي

-      روحي دلكيلها ضهرها يا خدامة الست هيهي يمكن فاكرة روحك واحدة

-      اتلمي يا بت وإلا وربنا المعبود لنقولوا لسي سااااااااامي

-  ليه يختي ! هو كان سي سامي هيديكِ ميزة عني ! ال على رأي المثل، ال ايه اللي ميّزك عني وانتِ يختي بنت عمي هيهيييي

-      ........................ طيب يا رزززززززقة اني هنوريكِ انا متميزة عنك في ايييييييييه

-      مستنين نشوفوا يا حلوة وسايقة دلالك هههههههههههههههههههههههه

********************

الجزء الخامس خلف هذه الجدران

بقلم هبة عبد العظيم نور

********************

-      ما تدلكي عدل يا بت يا بدورررر

-      معلش يا ست اوسا، أنا تعبانة ومش قادرة ندلك ضهرك اكتر من كدة

-      مالك يا بت ؟

-  مافيش حاجة، دايخة شوية وعنيا مزغللة، أنا هنلبس وننزل نشتري حاجة للدوخة والزغللة دي من الأجزاخانة

-      طب ما تتأخريش يا بت

-      مش هنتأخروا ان شاء الله

********************

-  احنا  لازم نتصلوا بسامي نحكوله ع اللي البت دي بتعمله فيا اهئ اهئئئئئئئئ مش قادرة نتحملوا اكتر من كدة، اما نتصلوا من الكشك ده

********************

الجزء الخامس خلف هذه الجدران

بقلم هبة عبد العظيم نور

********************

-      ممكن التليفون لو سمحت ؟

-      تحت امرك

-  ترررررررررررررررررررررررررررررررررن ترررررررررررررررررررررررررررررررررررررررررررررررررررررررن

-      رد يا سعيد ع التليفووووون

-      حاضر يا أستاذ سااااامي,الو، هنا محل الحاج مرشدي

-      لو سمحت اديني الأستاذ سامي

-                 الصوت ده مش غريب عليا،  ....... انتِ بدور ؟

-      هااااا ! لالالالالا أأأأ انا انا، أنا عروسة وبنجهزوا  وقلت نتصلوا نشوفوا طلباتي عنده ولا لأ

-  .......................... كل حاجة موجودة يا ست الكل، أي نوع قماش نفسك فيه هتلاقيه عندنا، شرفينا وخدي اللي انتِ عايزاه

-      طيب اديني الأستاذ سامي الأول عشان نسألوه على حاجة

-      ........................ ماشي، يا حمووووووو ولا يا حمووووووووو

-      ايوة يا سعيدددددددددد

-      نادي الاستاذ سامي من برا، قوله ......... قوله زبونة

-      ماااااااشي، استاذ سااااااااامي، يا استاذ ساااااااااااااااامي

-  يا سلام ع الحلويات اللي لابسة فساتين وبناطييييييييل ههههههه دانا متجوز الشويش مغاوري وانا مش واخد بالي هههههههههههه الله يسامحك يا امّااااااااا

-      يا استاذ سااااااااااااااااااااامي، عمالين ننادوا عليكككككككك

-                 عايز ايه يا ولا يا حمووووووو ههههه يا حلو انت يا ابو عيون حلوووووووة

-      الله يخليك يا استاذ سامي، انت اللي عنيك حلوة

-  هو احنا بنكلموك انت يا اعمى القلب والإحساااااااس، احنا بنكلموا الغزال اللى عدا من قدام المحل ده ههههههه ما تيجي عندنا يا طِعِمممممم

-      يا استاذ سامي سيبك من الطعم وخليك معايا

-                 وبعدين بقى في قلة المزاج ددددددي, عايز ايه يا ولااااااااا ؟

-      تليفون يا استاذ ساااااامي

-      مين يا ولا ؟

-      سعيد بيقول زبونة

-  وهما الزباين هيتكلموا في التليفون ليه ! اكونش دكتور وفاتح عيادة ولازم يحجزوا قبل ما يجولي يا ولا ! ههههههههههههههههههههههههههه

-      ههههههههههههه هو ده شكل دكتور برضو يا استاذ ساااااامي !

-      نعمممممممم، مش عاجبك شكلي يا نسناس وناقصله قفص انتتتتتتتت!

-  ما نقصدوش يا استاذ سامي، دكتور ايه وبتاع ايه ! البلد مليانة دكاترة اشكال والوان، لكن ما فيش غير استاذ سامي واحد بس فيكِ يا بلدددددددددددددد

-      هههههههههههه أحسنت يا ولا، اوعى خلينا ندخلوا نشوفوا مين عايزنا

-      تروح وتيجي بالسلامة يا استاذ سامي، هتوحشني على ما تيجي من جوا

********************

الجزء الخامس خلف هذه الجدران

بقلم هبة عبد العظيم نور

********************

-      الو, احنا سامي مرشدي، مين عايزنااااااااااا ؟

-      ايوة يا  سامي، أنا بدور

-      بدور ! في ايه يا بدور، مال صوتك ؟

-      اهئ اهئئئئئئئئئئ مخنوقة يا سااااااااامي، احنا سيبنا البيت ونَزَلنا نكلموك من الشاااااارع

-      ايّوووووه في ايه يا بدارة مااااالك، حد زعلك في حاااااااجة ؟

-  اهئ اهئئئئئئ البت اللي اسمها رزقة بتتعامل معايا زي ما نكونوا خدامة، ولّا  زي ليه ! اهئ اهئئئئئ ما انا فعلا خدامة اهئ اهئئئئئئئ

-      رزززززززقة ! الله يهدك يا رزقة انتِ وحمو في يوم واحددددددد، عملت ايه البت دددددي ؟؟؟

-  اهئ اهئئئئئئئئ العيب مش في  رززززززقة، ما تسيبش البلاوي كلها وتمسك في رززززقة اهئ اهئئئئئئئئ  ليها حق تعمل كدة، شايفاني خدامة في البيت زيي زيهااااااا اهئ اهئئئئئئئ ما هي الست اوسا مراتك خلاص خليتني واحدة من شغالينهاااااااا, وانت السبب في ده كككككككله اهئ اهئئئئئئئئئئ يكون في علمك، أنا خلاص، مش راجعة البيت ده تااااااااني، أنا رايحة عند امي، وانت لما تبقى تعرف قيمتي وتجيبلي شقة وتعاملني بما يرضى الله ابقى تعالي خدني اهئ اهئئئئئئئئ سلاااااااام

-      استني يا بدااااارة ,استني يا بت ما تقفليشششششش

-      اهئ اهئئئئئئ عايز مني ايه ؟

-      عايزين نشوفوكِ دلوقتي

-      اهئ اهئئئئئئ احنا بقى لا عايزين  نشوفوك ولا نتكلموا معااااااك اهئ اهئئئئئ

-      ههه نهونوا عليكِ !!!!!

-      ...........................................

-  شوفتي بقى اني ما نهونوش ! ههههه بنقولولك ايه يا بت يا بدارة، احنا هنودوكِ السيما ونفسحوكِ فسحة للصبححححح

-      سيمااااااا ! فايق ورايق قوي وعايز تروح سيما !!!!!

-  هههه ايوة فايق ورايق وعايز نروقوكِ انتِ كمان .. بصي انتِ تطلع تلبسي وتاخدي بعضك وتروحي ع السيما اللي في كامب شيزار, تحجزي تذكرتين وتستنيني برا على ما نجولك

-      يا سلام ! ونقولوا لمراتك اللي هي ستي ايه !

-      هي مين دي اللي ستك يا بت ! اوساااااا! ههههه لا هي ولا ألف واحدة زيها، انتِ ست الستات يا بدااااارة

-      ايوة يا خويا اضحك عليا

-  ههههه طب بس كفاية دلع بقى عشان انا عارف كويس انك عارفة غلاوتك في قلبي شكلها ايه، روحي البسي واتحججي لأوسا بأي حجة

-      ماشي يا سامي، انا هنخرج معاك عشان فعلا حاسة إنّي هنطقوا من جنااااااابي

-      ههههه سلامة جنابك يا جميييييييييل، سلام يا عسل

********************

الجزء الخامس خلف هذه الجدران

بقلم هبة عبد العظيم نور

********************

-      تررررررررررررررررررررررررررررررن

-      افتحي لبدور يا بت يا رززززززقة

-      حاضر يا ست اوسا، وهي كان ايه اللي نزلها !!!

-      أنا عارفالها ! باين ودانها وجعاها ولا عنيها ولا ما اعرفش ايه

-      هههه تلاقيها بتزهق من القعدة وتنزل تشاغل الشباب في الشوارع، ال ودانها ال ! اهلا يختي ادخلي

-      اوعي من وشييييييييي, ست اوساااااااا

-      حمدالله ع السلامة يختي، اتأخرتي ليييييييه ؟

-     ما احنا هنقولولك  اهو يا ست اوسا، احنا لما روحنا الاجزخانة,  الدكتور اللي هناك قالي ما ينفعش نديكِ حاجة للدوخة والزغللة إلا لما تكشفي عند دكتور عيون الأول، روحت حجزت عند الدكتور وقالولي تعالي كمان ساعة

-      وماله، روحي اطمني على عنيكِ قبل ما تتعمي ههههههه مش واجب برضو يا بت يا رزقة !

-      هههههه عسل يا ست اوسا، طول عمرك حنينة وقلبك ع الغلبان

-      هو انتِ يا بت كنتِ عاشرتيني ولا تعرفيني ! ههه

-      ههه الطيبة وحنية القلب هينطوا من عنيكِ يا ست اوسا

-      هههههه ساكتة ليه يا بدور ؟

-      مستنية الإذن عشان نروحوا للدكتور

-      اذنك معاكِ، ما تتأخريش

-      مش بمزاجي يا ست اوسا، يمكن الدكتور يأخرني

-      طيب، خدي معاكِ المفتاح يا بت وحاولي تيجي قبل ما يجي سامي من برا

-      ماشي يا ست اوسا

********************

الجزء الخامس خلف هذه الجدران

بقلم هبة عبد العظيم نور

*******************

-         

هيما جوا يا ولا يا ججازززززي ؟

اهلا يا ادهم بيه، ايوة موجود اتفضل

********************

الجزء الخامس خلف هذه الجدران

بقلم هبة عبد العظيم نور

*******************

ولا يا هيماااااااااااااا ههههههههههههههه

ههههه اهلا يا برنس، ايه الروقان والضحك ده !

ايّووووووه هتحسدنا يا ولا ولا ايه !هههههه

ههههه  ابدا وربنا، احنا نتمنولك كل خير وانت عارف يا برنس

هههههه عارف يا هيمااااااا عارف، بنقولولك ايه يا ولا، مزاجي رايق النهاردة وعايز نروحوا السيما

ههههههههههههههههههههه عايز تشوف فيلم حب عشان تتعلم !

هو مين ده يا ولا اللي يتعلم الحب من افلام السيماااااا ! داحنا اللي نعلموهم الحب على اصوله

هههههههههههههههه طول  عمرك معلم يا برنسسسسسسس، هنروحوا لوحدنا ولا نتصلوا بالشلة كلها ؟

نتصلوا بيهم، حاسس انهم واحشني يامَا، بقالي يامَا ما شوفتهومش

خلاص ماشي، هنتصلوا بالولا حوكشا وهو يبلغ الباقي بمعرفته

طيب يا هيما

تن تن استاذ ابراهيممممممم، زبون عايزك

ييييييي يادي العطلة، خليه يدخل، معلش يا برنس هنعطلوك شوية

لا يا هيما ولا يهمك، ده شغلك

********************

الجزء الخامس خلف هذه الجدران

بقلم هبة عبد العظيم نور

*******************

مساء الخير يا استاذ ابراهيم

اهلا وسهلا، شرفت المعرض، اتفضل اقعد

متشكر

طلبات حضرتك ؟

كنت عايز عربية سبور للمدام

طب والمدام ماجاتش تختارها ليها ؟

هههه اصل انا جايبهالها هدية بمناسبة عيد جوازنا

ههههه كل سنة وانت طيب والمدام طيبة

متشكر

طيب اتفضل اتفرج براحتك، المعرض معرضك واحنا تحت امرك

الله يكرمك، عن اذنكو عشان نتفرج وننقي اللون اللي هي بتحبه

اتفضل يا سيدي .... شايف يا ادهم الراجل ههههه ال جاي عشان ياخد عربية يهادي بيها مراته عشان عيد جوازهم

ههههه تلاقيها هي ما افتكرتوش بعود جرجير

ههههه على رأيك، بس هما كام عيد الواحد هيهادي فيهم مراته ! عيد ميلاد ولا عيد جواز  ولا عيد حب ولا عيد العمال  ؟ هههههههههه

أنا عارف ! اهي اختراعات يا هيما ماليها اول من آخر عشان الراجل يدفع دم قلبه هههههه

أنا مراتي مريحاني، مرة جبتلها هدية في عيد جوازنا بعد ما اتصالحنا، قالتلي لا، دي اعياد مش من ديننا و ما نحتفلش بيها، عايز تهاديني هاديني في أي وقت، لكن لا تقولي عيد حب ولا عيد عداوة ههههه احنا ماعندناش غير عيدين اتنين مافيش غيرهم ... اصلها بتصلي وتعرف ربنا وتتقي الله قوي

هه يعني هي مراتك بس اللي بتصلي ! أنا كمان مراتي بتصلي الفرض بفرضه وتصحى قبل الفجر تقعد تصلي وتقرا قرآن لحد معاد الصلاة

هههههههههه القرعة تتعايق بشعر بنت اختها، أنا وانت بنتعايقوا بستاتنا وما بنعملوش زيهم .... اهو الراجل اتفرج ورَجَع اهو، ها يا استاذ اخترت حاجة ؟

لا والله معلش، اللون اللي عايزه مش هنا

شوف انت اخترت انهي موديل واحنا نجيبولك اللون اللي انت عايزه

طب تجيبهولي امتى ؟

بكرة الصبح يكون موجود

هههه ده يبقى جميل مش هننساه

لا جميل ولا حاجة، ده شغل، واحنا نحبوا نكسبوا الزباين الكويسين اللي زي حضرتك هه

هههههه الله يكرمك يا استاذ ابراهيم، أنا مبسوط من مقابلتك ووشك السِمِح من ساعة ما دخلت وربنا

ههه تعيش، ما قولتليش بقى اخترت انهي موديل ؟؟؟؟؟؟

تعالى نوريهولك

حاضر، دقايق ونرجعولك يا ادهم

ماشي، هنستنوك في العربية عشان نلحقوا معاد السيما، هندخلوا حفلة ستة لتسعة

ماشي، هنحصلوك يا برنس، اتفضل معايا يا استاذ، انت شرفت المحل وربنا

الله يكرمك يا استاذ إبراهيم

********************

الجزء الخامس خلف هذه الجدران

بقلم هبة عبد العظيم نور

*******************

ايّووووووووه بقالي زيادة عن تلت ساعة واقفة قدام السيما مستنية سااااااااامي، اوووووف، اتأخر ليه الجدع ددددده ...... يييييي ايه الراجل ابو عين زايغة  اللي عمال يبصلي ويجيبني من فوقي لتحتي بعنيه ده !..... وبعدين بقى، ده جاي على هنااااااا، شكله بيعاكس عشان شايفني ست واقفة في الشارع لوحدي

ههههههه مساء الفل يا جميل

عايز ايه يا جدع انت ؟

ههه عايزين نخدم، مش الحلو داخل السيما برضو ؟

بنقولولك ايه يا جدع انتتتتتت، لم نفسك وامشي من هناااااا

ليه بس كدة يا جميييييل ! تعالى نقطعوا تذكرتين وندخلوا السيما سوا  ونقولوا في الضلمة احلى كلااااااااام

يا شيخ الله يضلمها في وشك وما تشوف نور ابدااااااااا، ما تمشي تنجر من هنا لننادولك العسكرررررري

عسكري ! ههههه مافيش عساكر معديين من هنا، طاوعيني بس وتعالى ندخلوا سوا، نسلوا بعض، اصل انا وحداني ومقطوع من شجرة وبنخافوا ندخلوا السيما لوحدي

ايّوووووووووووووووو

طب ما تزعليش قوي كدة، استني هنجيبولك فريسكا من البت بتاعة الفريسكا وناكلوها سوااااااا

كَلَك حنش يا بعيددددددد، انت ما عندكش اخوات بنااااااااات !

ههههه وانا ايه اللي هيوقف اخواتي البنات في الشارع لوحدهم !

يا اخي كل واحد له ظرووووووفه

ههههه أنا عرفت انتِ واقفة في الشارع لوحدك ليه، اكيد مستنية عَدَلك هههههه وماله يا حلو، نمشوها رسمي عشان انتِ باين عليكِ مش من الصنف إياه، خلاص يا عسل، ندخلوا السيما ونشيعوا نجيبوا المأذون ونتجوزوا جوا

جاز عليك الهممممممم، يا اخي انا متجوزززززة، متجوزة يا اعمى القلب والنظرررررر

ههههه متجوزة ! هههأ، وجوزك ابو الشِنَاب ده ازاي سايبك تقفي في الشارع كدة ويعاكسك الرايح والجاي !!!!!  طب اومال هو  فين جوزك عشان نتعرف  عليه ونهنيه  على ذوقه الحلو

اه يا بارد يا جبلة يللي ما عندكش دمممممم، امشي غور يا ولا من هنااااااا

اديني ماشي اهو، ولية ابيحة ولسانها طويل صحيححححح، بس حلوة وزي القمر بصراحة وجمالك يدوب قلب الحجر

ايّووووووووه انت شكلك مش هتمشي إلا لما ننادوا الناس ينجدوني منك، الحقوني يا ناااااااااااااس، الحقوني يا خلقققققققققققققققق

خلاااااااااااااااص, أنا ماشييييييييييي, ايه  الفضايح ددددددددي

في ايه يا بنتي  ؟

مافيش حاجة يا عم الحاج، واحد غلس كان بيعاكسني ولما صرخت جَرَا

طب يا بنتي ايه اللي موقفك في الشارع لوحدك كدة ! انتِ كدة هتطمعي عدمات الاخلاق فيكِ

عندك حق يا حاج، بس اصل انا مستنية جوزي، اصله في مشوار وقالي نستناه  على باب السيما عشان ندخلوا سوا، حتى التذاكر قطعتها اهيه يا عم الحاج

سيما ! الله يهديكِ يا بنتي ويهدي جوزك، السلام عليكم

عليكم السلام يا عم الحاج ... طيب ساااااااامي اووووووف كل ده تأخيرررررررر !!، ايه ده ! ايه التاكس اللي هاجم عليا ددددددده، ايّووووووه ده سامي اللي راكب التاكس

اتفضل حسابك يا عم الاسطى

متشكرين يا بيه

بدارة هههههه ازيك يا ماي هارت

اوووووووووف اهلا يا سامي، كل ده تأخيررررر ! يا اخي اتقي الله دانا شَبَعت معاكسة وقلة ادددددددب

معاكسسسسسسسة ! مين الهلف اللي عاكسككككككككك ؟

مَشَى يا خويا، مَشَى، فضل يغتت عليا وما ممشاش إلا لما صرخت

هي حصلتتتتتتتت ! أنا مش عارف ايه الرجالة اللمامة دول اللي بيعاكسوا الحريممممممممم !!!!!!! مافيش رجووووووولة ! مافيش نخوووووووة !!!!! معلش يا بدارة، حقك عليا يا حبيبتي

أنا مش عارفة هنلاقوها منين ولا منين اهئ اهئئئئئئئئئئئئئ

ايّووووووووه يا بنت الحلال انتِ طَمَعتي في الكآبة لوحدددددددك ! في ايه يا بداررررة ! سايب محلي ومالي ومحتالي وجايلك عشان نفسحك وندخلك السيما وبرضو مش عاجبكككككك !!!!!!

.......... لا يا سامي عاجبني اهئ اهئئئئئئئ عاجبني قوي

ههههه طب يلا يا بت، اديني التذاكر خلينا ندخلوا نتفرجوا ونتمتعوا سوااااا

اهيه التذاكر

هاتي يا بدارة يا ست البِيض الأمارة هههه

ماجيتش بعربيتك يعني !

تمويه يا بت، تموييييييه، أنا سيبت العربية عند المحل وقلت لحمو اني رايح مشوار وجايز نتأخر، ولو اتأخرت اقفلوا المحل وامشو، يلا عشان ندخلوا السيما هههه والله زمان يا بت، فاكرة اخر مرة دخلنا السيما سوا ؟

ايوة فاكرة، أنا كنت ساعتها في تالتة اعدادي، اليوم ده زَوّغت من المدرسة عشان نقابلك يا ولا

هههههه طول عمرك عاطفية يا بداررررررة، يلا يا بت تعالي وراياااااا

********************

الجزء الخامس خلف هذه الجدران

بقلم هبة عبد العظيم نور

*******************

اقعدي يا بدارة، الفيلم قرب يبدأ

هو الفيلم ده بيتكلم عن ايه ؟

ما بيتكلمش عن حاجة، شوية ستات حلوين على كام مايو وشوية بناطيل جينز على باديهات  وجونيلات قصيرة وفساتين من غير كمام، هيقعدوا بقى يغيروا فيهم طول الفيلم ويسلونا يعني عشان ما نزهقش من القغدة

ايّوووووه طب وليه كدة يا سامي ! ما كنت جبتنا نشوفوا فيلم له قصة

ههههه مافيش احلى من قصتنا يا حبيبتي، تيجي نحكوها للناس بدل الفيلم المنيل اللي هيبتدي ده ؟

ايوة وماله، نحكيها للناس عشان يقعدوا يعيطوااااااا

هههه ايوة هيعيطوا من كتر الرومانسية الطافحة في حكاية حبنا يا جميل

بس يا جدع انت يللي بتتكلممممممم , الفيلم هيبتدددددي، عايزين نركزوا في الفيلم من أوله

ماشي يا خويا، ركز عشان هيمتحنوك فيييييه، جاتك البلااااااا، خدي يا بدارة جبتلك معايا لب عشان نأزأزوه واحنا بنتفرجوا

هات يا سامي

اهم طفوا النور اهو عشان يبتدوا الفيلم

اوعى يا اخ عشان نجعد نتفَرِج ع الفيلم عاد

انت مين يا اخ ؟

اني جاي اتفرِج ع الفيلم، هملّت ارضياتي وبهايمي وجطعت تذكرة في أول جطر نازل  اسكندرية عشان ادخل السيما عاد واحكي لكل جرايبي ع اللي شوفته

ههه سايب بلدك وبهايمك عشان تخش السيما !!!!

ايوة يا واد عمي، مافيش عندينا  سيما في النّجع

ايّووووه زعلتني عليك وعلى حالك، طب ما قدمتوش شكوى للمحافظ ليه ؟

احنا مافيش عندينا محافظ، عندينا عمدة

طب ما تاخد قرايبك واهلك وناسك وتحاصروا دوار العمدة وتهددوه، يا إما يعملكو سيما يا إما تولعوا في النجع كله

فكرة مَليحة عاد، لما ارجع البلد هعمل إكديه

بس يا جدع انت وهووووو، اتفرجوا وانتو ساكتيننننننن

طيب يا خويا طيببببببب، اتفرج وانت ساكت يا بلدينا .... شايفة يا بدارة البت الممثلة الجديدة دي

ايه ! حلوة ؟

هههههه ما تجيش في حلاوتك حاجة وربنااااا، دي صفر ع الشمال يا بت، أنا بس بنقولوا ع الفستان اللي هي لابساه

ماله فستانها يا سامي ؟

ههههه الفستان مقطّع من كل حتة، تحسي انها خارجة من عاركة وضربوها وقطعولها هدومها هههههههه

هههههه جاتك ايه يا سامي هههههههههه أي والله الفستان مافهوش حتة سليمة .... ايه دددددده، يا ليلة مش فايتتتتتتتة، الحق يا ساااااااامي، ده ادهم اخو اوسا ومعاه الشلة بتاعته دخلوا السيما

ايييييييييييييه ! يا دي الوقععععععة ! خبيني يا بدارررررررة

اخبيك فين يا خويااااااا !!!!! شايفني حاوي وانت كتكوت هنخبوك جوا البرنيطططططة !!، دانت راجل طول بعرررررض

طول بعرض ايييييه ! ده لو ادهم لمحني لا هيخلي فيا طول ولا هيخلي عرضضضض

طب داري وشك ,داري وشك ليلمحك وهو داااااااخل

أنا  هننزل تحت الكرسييييييي، الله يخرب بيت سنينك يا ادهمممممم، ايه اللي جابه السيما ددددددده ! ايه العالم اللي مش لاقية حاجة تعملها ددددددي، لما يعدوا قوليلي يا بدارة عشان نطلع

ماشي، يا دي الحظ !!!!! استر يارب، ده هيعدي من جنبنا، يارب ما يشوفني، اما نداري وشي

انت نزلت تحت الكرسي ليه عاد يا واد عمي ؟ في حاجة وجعت منيك؟

يا عم خليك في حالك انت كماااااااان، هو انا ناقصكككككك !!!

********************

الجزء الخامس خلف هذه الجدران

بقلم هبة عبد العظيم نور

*******************

ههههههههههههههههههههه يلا يا هيماااااااا تعالى يا حوكشاااااا، الفيلم ابتدا من شوية صغيرة

كويس اننا لحقناه من اوله يا برنس هههههههه تعالوا يا شلة الأنس

********************

الجزء الخامس خلف هذه الجدران

بقلم هبة عبد العظيم نور

*******************

عدوا يا بدارة ؟؟؟؟؟؟

ايوة عدوا يا سامي، ربنا يستر بقى ومايشوفوناش واحنا خارجين

خارجين منين ! احنا لازم نمشوا دلوقتيييييي

يا سلاااااااام ! هنخرجوا قدامهم ازاي يا سااااااامي !

مش عارررررف، لكن لازم نخرجوا يا بت بأيتها طريقققققققة، أنا ما نقدرش نقعد في مكان واحد انا وانتِ وادهممممممم، ده لو شافنا هيبقى فيها دددددددم

..................................... ما كنتش نعرف انك بتخاف وترجف كدة من اهل مراتك

ايّووووووه، قولي اللي في  قلبك يا بدارررة، قولي انت جبان يا ساااااامي، مش ده اللي عايزة تقوليه يا بدارة !!!!!!!

................... أنا لا عايزة نقول ولا عايزة نعيد، أنا عايزة نخرجوا من هنا عشان اتخنقت اهئ اهئئئئئئئئئئئئئئئئئئئئئئ

ايّوووووووووووه مستعجلة ع العياط لييييييييييه !!!!! لو ادهم شافنا كلنا هنعيططططط ,ومش بس كدة، دول كمان الناس هيعيطوا ع اللي هيجرالنا على ايدددددده، يا منجي من المهالك ياااااااارب، يارب نجيني انا غلبااااااااان، الله يهدك يا ادهمممممم

هنعملوا ايه دلوقتي يا سامي ؟

مممممممم أنا لقيت حل مية مييييييية

ايه هو ؟

**********************

أعزائي ..إلى هنا انتهت حلقات اليوم

احب اقولكم حاجة ان والله والله والله الفترة الجاية مش هيكون متوفر لديّ النت ,أنا بقسم عشان بعض القراء  اللي ما بتصدقش بسهولة ,رغم اني مش محتاجة احلف..بس ان شاء الله الموضوع مش هيطول..يعني هغيب عليكو اسبوعين تلاتة بالكتير إن شاء الله..والله حزينة جدا اني هضطر اوقف الحلقات الكام اسبوع دول,لكن والله غصب عني..عشان كدة نزلت الحلقات اللي المفروض تنزل الاسبوع القادم النهاردة عشان خاطركو,اظن ده اثبات حسن نية

اشوفكم على خير ان شاء الله

في انتظار توقعاتكم وتحليلاتكم الرائعة عن الشخصيات

في أمان الله