الحلقة السابعة عشر(ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

************************************

تعالى يا سي كمال شوف بنتكككككك,يعني ايه رافضة العريس اللي خالتك جايباه يا ست رباااااااب

يووووووه يا ماما,يعني رافضااااه,مش عايزة اتجوز

طب والله لجيبلك ابوووووكِ ,انت يا سي كماااااال,تعالى شوف بنتك اللي هتموتني بعمايلهااااا

ياااااااريت,هو انتِ في حاجة بتأثر فيكِ ولا بتهدك!! انا ناااااازل

يا راجل تعالى قول للبت دي كلمتين وقفها عند حدهاااااا

هي حرررة,عايزة تتجوز خير وبركة,مش عايزة يبقى احسسسن,هتقلبوا دماغي لييه,انا نازل

طيب يا اخوياااا,راجل لا منه ولا كفاية شرررره,تعالي هنا يا بنت رايحة فيييين؟

داخلة اوضتي يا ماما

لا مش هتدخلي إلا لما نكمل كلامنااااا,يعني ايه ترفضي عريس زي ددده,مهندس ,حد يرفض مهندس بترول يا ام عقل خربااااااان!

وانا مالي يا ماما! مهندس بترول ولا غيره! أنا بالنسبة لي المبدأ مرفوض

انتِ مش دريانة بنفسك يا رباااااااب! دي ياسمين بنت بهيرة اللي اصغر منك بتلات سنين اتكتب كتابهاااا

ماما أنا ماليش دعوة بحد,أنا هكرس حياتي كلها لشغلي وبس

يختي اشتغلت عليكِ نفسسسسسك,هو انتِ ماحدش قادر عليكِ ولا ايييييه!

تررررررررررررررررررررررررن

يووووووووه,مين ع البااااااااااب

أنا بهيرة يا أختي,افتحي يا نواااااال

أهلاً يا بهيرة,ادخليييييي

طب بالراحة سرعتيني هههه مالك يا نوال,بتتخانقي مع رباب ليه؟

انتِ سمعتينا!!

يا حبيبتي الشوارع المحيطة كلها سمعت

البت دي هتجنني يا بهيرة,كل ما يجيلها عريس ترفضضضضه,هتموتني بعمايلهااااا

يووووووه يا ماما,انا حرة,مش عايزة اتجوزززز

حرة في عينككك,اييييه,مالكيش كبير ولا اييييه!دانا اكسر رقبتككك

خلاص يا نوال,اقعدي واهمدي,انا هاخد رباب معايا شوية لحد ما تهدي,تعالي يا رباب

مافيش داعي يا طنط

تعالي يا حبيبتي واسمعي كلامي,اخاف اسيبك مع امك في الحالة دي لترتكب جناية هههه

حاضر يا طنط,هحط طرحة على شعري واجي.......أنا نازلة يا ماما

في ستين سلااااااامة,حاولي تقنعيها يا بهيرة عشان انا خلااااااااص تعبت من كمال ومن بنته,تقوليش مسلطها عليا عشان تجيب أجلي!!

بعد الشر عليكِ يا نوال,ما نقدرش نعيش من غيرك يا أختي انتِ وصوتك العاطفي,كل مشكلة ولها حل ان شاء الله

*******************************

اشربي اللمون وروقي دمك يا رباب

متشكرة قوي يا طنط بهيرة

ايه بقى يا حبيبتي,مزعلة ماما ليه؟

يا طنط أنا مش عارفة أصلاً هي زعلانة ليه! موضوع جوازي ده حاجة تخصني لوحدي

يخصك لوحدك ازاي يا حبيتي! ده يخص ماما قبلك,أي أم بتتمنى تشوف بنتها متهنية في بيتها

متهنية! هه زي الهنا اللي بشوفه في بيتنا كدة! يا طنط بابا وماما كرهوني في الجواااز

يا حبيبتي صوابعك مش زي بعضها,مين قالك انك لما تتجوزي مش هتكوني زوجة ناجحة!

ايوة مش هكون ناجحة..عارفة ليه يا طنط؟

ليه يا روح طنط؟

عشان انا انسانة معقدة اهئ اهئئئ

لا حول ولا قوة إلا بالله,طب بس استهدي بالله واهدي وكملي كوباية اللمون

عارفة يا طنط أنا نفسي اتجوز مين؟

مين يا حبيبتي واحنا نجيبهولك متكتف ايدين ورجلين هههه؟

نفسي اتجوز واحد أخرس يا طنط

اخرس !ههه ليه يا حبيبتي؟

عشان اضمن انه مش هيتخانق معايا ولا صوته هيعلى مهما حصل

هههه هو انتِ متهيألك ان الاخرس ما بيتعصبش ولا بيتنرفز! فكرتيني  بفيلم قديم شوفته,كانت البطلة متجوزة واحد اخرس وحصل بينهم مشكلة واتعصب,وطبعاً مش عارف يرد عليها راح مكسرلها عفشها هههههههه

برضوووو! يووووو,يبقى انا مش هتجوز خالص يا طنط

يا بنتي العيب مش في الاخرس ولا اللي بيتكلم,العيب في التصرفات الزوجية الغير لائقة اجتماعياً,اسمعي يا حبيبتي,الجواز ده زي البروتوكول اللي له شروط وبنود,لازم الاتنين يحترموا بعض ويقدروا بعض وصوتهم ما يعلاش على بعض,أي مشكلة تتحل بالهداوة من غير عصبية

كلام جميل يا طنط, لكن مين بقى عنده استعداد لتطبيقه! أنا ما عنديش استعداد اتجوز واعيد التجربة المريرة بتاعة بابا وماما

اومال ناوية تعملي ايه يا حبيبتي؟

ناوية اسافر عند اخويا ايهاب,خلي بابا وماما يعرفوا يتخانقوا براحتهم

****************************************

بقى اخوك فلت من القتل

ايوة , ما هو اللي زي ده ما يجرالوش حاجة , اااااااخ لو نعرفوا الولا اللي طَلَع من تحت الأرض ونجّاه من ايديناااا

طب اسمع يا ادهم بيه , طالما فَلَت من القتل , ايه رأيك نلفقوله قضية مخدرات ؟

ايوة بس ده مالوش في السكة دي خالص

بنقولولك هنلفقوهاله , شنطة هيروين حلوة كدة نحطوهاله في شنطة العربية بتاعته ونبلغوا البوليس , دي بقى مش هياخد فيها أقل من عشرين سنة أشغال شاقة , هو يتحَبَس وانت ترتاح منه ومن قرفه

هههه على رأيك , ما هو طالما ما ماتش وريحنا , يبقى يعيش مذلول . ايّوووووه دي هتبقى فضيحة تكسر عينه العمر كله , وهيسقط من نظر كل الناس اللي شايفينه راجل ما اتخلقش زيه , طب وربنا لو حَصَل وشوفنا الولا ده في السجن هيكون لك هدية عندي مش أقل من نص مليون جنيي

هه النص مليون جنيي دول تروح تتعشى بيهم يا أدهم بيه , احنا مقامنا أعلى من كدة بياماااااا

واحنا تحت أمرك وتحت أمر مقامك يا جمال بيه

احنا مش عايزين فلوس , قلنالك احنا بنحبوا نخدموا حبايبنا , حتى الهيروين هندهولك هدية ونحطوه في شنطة سمسونيت آخر شياكة كمان

طول عمرك ذوق يا جمال بيه

خلي واحد من رجالتك يعدي عليا بكرة ع الساعة اربعة العصر عشان نسلموه الأمانة

ماشي يا جمال بيه , هنشيعولك ناصر

*****************************************

بكرة فرح ياسمين يا أشجان ان شاء الله, استعدي هههههه والله ما مصدقة ان بكرة هتروح بيت جوزها

هههه الله يسعدها ويهنيها يارب يا بهيرة,بس كان لازم يعني تعملوه في مركب وسط النيل!

هههههههه انتِ خايفة ما ترجعيش البر تاني ولا ايه! ما انتِ عارفة ان حودة اخويا هو اللي عامل الفرح هدية لياسمين على حسابه,بس انا اشترطت عليه الرجالة لوحدهم والستات لوحدهم,اه,احنا مالناش في الخلطبيطة هههههه

هنقولوا لرحمة تروح معاها الكوافير,ما هي زي اختها

طبعاً يا أختي,بس ياسمين مش هتروح الكوافير,هنجيب واحدة تزوقها في البيت

وماله يا حبيبتي,ربنا يتمم بخير يا رب يا حبيبتي, بقى ياسمين العيلة اللي كنا بنشيلوها ونلاعبوها هتتجوز بكرة! ايّوووه ع الأيام اللي بتجري زي الرهوان يا جدعان

*****************************************

ترررررررررررن افتحي يا أمينة انا هدى

أهلاً يا هدى,اتفضلي

يزيد فضلك يا أمينة,

ايه يا هدى بقالي يومين ما شفتكيش ليه؟

اول ما لطفي نزل قلت ادخل اقعد معاكِ شوية,كنت لسة هدخلك امبارح بس سمعت صوت حد من الولاد عندك بيرن الجرس

اه,ده هاني

هو عامل ايه,بقالي كتير ما شفتوش

الحمدلله بخير,ازي سلوى عاملة ايه,بتكلمك؟

كويسة الحمدلله,بتكلمني كل يوم,بتقولي يا ماما أسامة واحمد مطلعين عيني,وانا وهشام مش قادرين عليهم,بقولها ذنبي وبيخلص يا بنت لطفي,يامَا عملتِ فيا هههه

ههه ربنا يهديهم ويصلح حالهم,هي مش ناوية تيجي؟

هتيجي بكرة ان شاء الله عشان فرح الواد مازن والبت ياسمين,مانا كنت داخلة اعزمك

ماشاء الله,هه بس ناهد ويهيرة سبقوكِ

والله! هما جولك امتى!

بهيرة قالتلي من يومين تلاتة وناهد عدت عليا امبارح وعزمتني,ربنا يتمملهم بخير يارب,بصراحة مازن حظه حلو ما شاء الله,ياسمين بنت مؤدبة قوي وطيبة وبنت حلال

ايوة بصراحة,والواد مازن كمان طيب,هي كمان محظوظة وامها دعيالها

هه ربنا يسعدهم ببعض اللهم آمين

يارب,هبقى اعدي عليكِ بكرة اخدك معايا

لالا,مش هقدر والله يا هدى,انا ماليش في جو الافراح والدوشة,وكمان يا دوب انا بصلي العشا وانام..بس ناوية انزل ابارك لياسمين النهاردة ان شاء الله..تشربي ايه يا هدى؟

اي حاجة.اللي عندك هاتيه يا أمينة

هه خلاص,هجيب اتنين كاركاديه

************************************************

ترررررررررررررررررررررررررررررن

افتح الباب يا ياسر انا مشغولة مع ياسمييييين

يا ياسررررررر

حاضر يا ماما حااااااضر

***************************

تيتة أمينة! ههه أهلاً يا تيتة اتفضلي

السلام عليكم يا ياسر

عليكم السلام ورحمة الله,اتفضلي يا تيتة

متشكرة,اخبارك ايه يا ياسر؟

الحمدلله

اومال ماما فين؟

لحظة واحدة هناديها لحضرتك,يا ماماااااااا تيتة ام عصااااام

والله! هههههه انا جاية حالااااااً

****************

ازيك يا حاجة هههههه ايه النور اللي هل علينا وملا البيت ده!!

ههه الله يكرمك يا بهيرة.جيت ابارك لياسمين واشوفها قبل ما تروح بيتها بالسلامة

الله يبارك فيكِ يا حاجة,ما انتِ بقى زعلتينا ورفضتِ العزومة ومش هتحضري الفرح بكرة

معلش يا بهيرة,والله يا بنتي ما بقيت اتحمل الدوشة زي زمان,واكيد الفرح ان شاء الله هيبقى مليان بالقرايب والحبايب

انتِ أغلى الحبايب والله يا حاجة هههه كفاية تقديرك لينا ومجيتك لحد هنا عشان تباركِ لياسمين

ياسمين دي حبيبتي,وانتِ بنتي والله يا بهيرة

ربنا يخليكِ لينا يا رب يا حاجة هههه,اهي ياسمين سمعت صوتك جت اهيه وجايبة العصير والجاتوه

تيتة ام عصاااام ههه السلام عليكم يا تيتة

عليكم السلام ورحمة الله,يا أهلاً بالعروسة الحلوة ههه تعالي بقى اما ابوسك امووه الف مبروك يا حبيبتي

يا حبيبتي يا تيتة امووه امووه الله يبارك فيكِ

اتفضلي هديتك يا ياسمين,ده إسدال للصلاة ودي سجادة للصلاة,وده المصحف الشريف,دول بقى تستعمليهم في بيتك ان شاء الله,واوعي تقصري أبداً في قراءة ورد يومي من القرآن الكريم يا حبيبتي,حافظي على القرآن وعمُري بيه قلبك وحصني بيه بيتك,عشان ربنا يباركلك في حياتك يا حبيبتي

إن شاء الله يا تيتة,متشكرة يا تيتة,والله اجمل وأغلى هدية على قلبي ,مافيش اغلى من كتاب ربنا ولا الصلاة

ربنا يثبتك على طاعته يا بنتي,ويجعل مازن زوج صالح ليكِ ويجعلك زوجة صالحة له ويرزقكم بالذرية الصالحة المصلحة آمين يارب

آمين يارب,والله انا فرحانة قوي انك جيتِ النهاردة وشفتك,حضرتك ما تعرفيش انا بحبك قد ايه يا تيتة

وانا كمان بحبك يا ياسمين,ربنا يسعدك يا حبيبتي

آمين يا تيتة

متشكرين يا حاجة على الهدايا وعلى الدعوات الحلوة هههه ربنا ما يحرمنا منك يارب,روحي يا ياسمين كملي اللي كنتِ بتعمليه يا حبيبة ماما

حاضر يا ماما,عن اذنك يا تيتة

اتفضلي يا حبيبتي

شفتِ يا حاجة ام عصام ياسمين كبرت ازاي! هههه انا عمالة اقنع نفسي ان بكرة فرحها مش قادرة اقتنع,دانا لسة جايباها من الحضانة وجاية من كام يوم هههههه

هه فعلاً السنين جريت يا بهيرة...كله من العمر يا بنتي...سبحان الله,ياسمين وهي بتكلمني دلوقتِ ,رجعت بالزمن لورا وتخيلتها وهي صغيرة وبتلعب حوالينا..سبحان من يغيير ولا يتغير

ربنا يديكِ الصحة والعمر يا حاجة وتجوزي احفادك ان شاء الله

الأعمار بيد الله وحده يا بنتي,أهم حاجة ربنا يسعدهم ويسعدكم جميعاً

آمين يا حاجة,اتفضلي طبق الجاتوه

والله يا بنتي مش هقدر,هشرب العصير كفاية

لا ازاي بقى! ازعل يا حاجة,ده الجاتوه ده جابه مازن امبارح عشان يعبرلنا عن مشاعره ناحيتنا ههههههه

هههه الف هنا وشفا ليكو يا حبيبتي,ماليش في الحلويات والله

خلاص يا حاجة مش هغصب عليكِ

تررررررررررررررررررررررررررررررررررررررررررن

دي أكيد اشجان اللي ع الباب دي يا حاجة,قالتلي هخلص شغل البيت ورجعالك,اهي كدة طول النهار رايحة جاية عليا مونساني هههه

ههه ربنا ما يحرمكوش من بعض يا بنتي,ويجمعكم في الجنة زي ما جمعكم في الدنيا

آمين يا رب.دي هتفرح قوي انك هنا

****************************

تعالي يا أشجان سلمي ع الحاجة ام عصام حبيبتناااا هههه

الحاااااااااجة هههه يا أهلاً يا حاجة ,وحشاني يامَا وربنا

وانتِ كمان والله يا أشجان يا بنتي,كنت ناوية اعدي عليكِ بعد ما اخرج من عند بهيرة عشان اقعد معاكِ شوية

خلاص احنا فيها,يلا تعالي معايا على شقتي نقعدوا مع بعض شوية

لا خلاص بقى ,شفتك واطمنت عليكِ يا بنتي

خلاص يبقالنا عندك زيارة مخصوص

ان شاء الله,رحمة عاملة ايه؟

رحمة حلوة الحمدلله,سايبها قاعدة ع  النت, ما بتقومش من عليه لا ليل ولا نهار,ده النت لو نطق هيقولها يا شيخة ارحميني وحلي عني دانتِ رزززلة

ههه الله يصلح حالها وحال اولادنا جميعاً

******************************************

جبت الأمانة يا ناصرررر ؟

اهيه يا أدهم باشا

هه متشكر يا ناصر , خد التلتوميت جنيي دول عشانك

طول عمرنا عايشين في خيرك يا أدهم باشا .... لكن انت هتعمل ايه بالهيروين ده ؟ أنت ناوي تتاجر ؟؟؟ على العموم لو ناوي احنا نساعدوك , احنا نعرفوا تجّار يامَا ممكن يشتروا مننا , خصوصا إذا كان صافي

لا يا ناصر , احنا مش جايبينه للتجارة , احنا جايبينه هدية لواحد نفسنا نشوفوه في السجن

مين ده يا باشا ؟

أحمد

ههه احنا قلنا كدة برضو

شيعلي يحيي

ليه ؟

يحيي هو اللي هياخد شنطة الهيروين يحطها في عربية احمد

يحيي !!! طب واحنا ما نروحوش ليه ؟

يحيي معروف في المينا , وعلاقته بالناس كويسة , ولو راح ما حدش هيشك فيه

على راحتك يا أدهم باشا , كنا عايزين نخدم

شايلينك لحاجة أكبر من كدة , شيعلي يحيي

أمرك يا كبيرنا

*********************************

 تن تن تحت أمرك يا أدهم باشا

تعالى يا يحيي

أمرك

 عايزك تاخد الشنطة دي وتطلع ع المينا حالاً , تراقب المكان كويس , وأول ما تلاقي العتالين مشغولين وما حدش واخد باله منك تفتح شنطة عربية احمد وترمي الشنطة دي جواها

............ فيها ايه الشنطة دي ؟

هيروين

ايّووووووووووه ! هيروييييييييين ! وكمان عايزنا احنا اللي نحطوه في عربية احمد بيييييه !!! ده كدة يروح في داهية , لالالا احنا مالناش دعوة بالحكاية دي

يحييييييييي , انت تنفذ الأوامر من غير ولا كلمممممة , كلمة زيادة هنقطعوا عيشك ونشردوووووك

يا أدهم باشا حرااااااام , أحمد بيه راجل خيره عليا , احنا عمرنا ما شوفنا منه غير كل خير , نقوموا احنا اللي نقابلوه بالشرررررر !!!

اسمع يا يحيي , قدامك حل من الاتنين , يا إما تنفذ اللي طلبناه منك , يإما من بكرة ما نشوفوش وشك هناااا

.......... أمرك يا أدهم باشا

خد الشنطة , والساعة تمانية بالليل تنفذ اللي قولتلك عليه , وأول ما تخلص تتصل بيا عشان نلحق نبلغ البوليس

........... أمرك

*******************************************

يا ياسرررر لبست البدلة ولا لسة انت وياسييين

اهو يا ماما خلاص,ياسين هو اللي بيتسبسب جوا

هههه يعيش ويتسبسب ,طول عمره يحب يسبسب شعره,طب يلا خلصوا و اسبقونا على تحت,الأتوبيس اللي جايبنه مخصوص وصل,بابا نزل مع أهل مازن وباقي الجيران ,حتى اشجان نزلت

ممم رحمة نزلت معاها؟

يادي رحمة اللي كلت دمااااغك,امتى رحمة تتجوز عشان عفريتها ينصرف من عليكككك ..هدخل اجيب العروسة,مازن اتصل وقال جهزوا ياسمين عشان جاي اخدها,عقبال ما تروح تجيب عروستك يا حبيبي,اديني طولة العمر لحد ما اشوف اليوم ده يااااارب

يا ماما انتِ محسساني اني هتجوز بعد ميت سننننننة

هههههههه طب يلا اسبقنا على ما اجيب العروسة,الكوافيرة لسة ماشية

***********************

تن تن ياسمييينة

اتفضلي يا ماما

يا روح  ماما ههههه ايه الجمال ده! حبيبة ماما في الفستان الابيض والطرحة يا نااااااس اموووه هههههههه قمر يا ياسمينة قمر,ربنا يحفظك من العين يارب,طول عمري بحلم باليوم ده,ادخل عليكِ اوضتك الاقيكِ منورة في الفستان الابيض والطرحة واغنيلك

هههههههه طلي على الأحباب طليييي

يا لايقة في الطرحة الطُليييي

يا هلا بالفرحة تمليييي

زي القمر ع النبي صليييييي

يا لايقة في الطرحة وهلا بالفرحة,الفرررررحة ههههههههههه

ههههه ربنا ما يحرمنيش منك يا ماما يارب,دايماً مفرحاني

خلاص يا ياسمين يا حبيبتي هتسيبيني وتروحي بيتك ؟ ههههههههههههههههه والله ما مصدقة يا حبيبتيييييي , مبروك يا ياسمين امووووووه

الله يبارك فيكِ يا ماما اهئ اهئ اهئئئئئئئئئئ هتوحشيني قوي

هههههههههههههههههههههه ما تشوفيش وحش يا حبيبتي , ما تحاوليش تستدرجيني بدموعك دي عشان اعيط أنا كمان لانه مش هيحصل ابدا ههههههههههههههههه ما بحبش العياط يا حبيبتي , كل الأمهات يوم افراح ولادهم بيعيطوا , لكن أنا بضحك ههههههههههههههههههه بنتي رايحة بيت جوزها وهو فرحان وهي فرحانة , انكد أنا على نفسي ليييييه ! ههههههههههههههههههههه مبروك يا حبيبة ماما امووووووه , بصي بقى يا ياسمين يا حبيبتي , هنصحك نصايح لحياة زوجية اكثر سعادة واكثر اشراقا إن شاء الله

اتفضلي يا ماما

اسمعي يا حبيبتي , جوزك ده حبيبك وشريك حياتك الحلو المسكر ههههه , تستعدي لحياتك معاه بالأسلحة الزوجية الفتاكة للمشاااااكل , عليكِ بالإبتسام ثم الإبتسااااااااام , الرجالة ما بيحبوش الست المكشرة عشان بيتخضوا ويجيلهم كوابيس بالليل ههههه وكمان عليكِ بالإبتعاد عن مبيدات الحب القاتلة اللي هي الحصار والمراقبة والشككككك , فيه ستات يا ياسمين بيحاصروا اجوازهم برا وبحرا وجوا  ونتا كمان ههههه , روحت فين وجيت منين وشوفت مين وكلمت مين , والتليفونات المزعجة اللي كل خمس دقايق عشان تقوله انت فين دلوووووقتي , حاجة خننننننقة , والتفتيش بقى في موبايله ورسايله زي ما تكون بتدورله على مصيبة هههههههه والشك بقى اللي بيكره الراجل في عيسته , الغيرة حاجة والشك حاجة تانية خااااااالص , خليكِ حسنة النية يا ياسمين , في ستات لو جوزها قال صباح الخير لواحدة ,  مراته تتهمه انه اكيد في بينه وبينها حاجة , جوزك معرض انه يتعامل مع ستات في مجال شغلة او في مجالات الحياة الاجتماعية المختلفة ,ما احنا مش هنحط اجوازنا في قمقم ونقولهم ما تتعاملوش مع حد , ما ينفعششششش , قبل ما جوزك يجي اهتمي بمظهرك وتسريحة شعرك والبرفان الي بيحبه ههه إياك إياك إياك وريحة البصل والجلاليب اللي مدلوق عليها صلصة وريحتها تقلية , كل المظاهر السيئة دي تتخلصي منها قبل ما يجي عشان ما  يتسرعش ,  الخلاصة يعني حسن المعاملة وحسن المظهر والجوهر  والكلمة الحلوة و الإبتسام بيتبعه  ود وحب و إنسجام , وإياااااااك ثم إياك يحصل بينك وبين جوزك أي مشكلة وتيجي تحكيلنا , مهما حصل ما تحكيش , اوعي تقولينا إلا في حالة واحدة بسسسس ,وهي لو جوزك نوى يتجوز عليكِ , في الحالة دي تقوليلنا عشان نحضر فرحه هههههههههههههههههههه

هههههه

ربنا يسعدك يا حبيبتي ويهنيكِ هههه امووووووه

****************************************

ترررررررررررررررررررررررن

أيوة يا يحيي

كله تمام يا أدهم باشا

هههه جدع يا يحيي , ليك مكافأة الفين جيي بحالهم

......... سلام يا أدهم باشا

سلام يا يحيي , أما نلحقوا نبلغوا البوليس عن المجرم تاجر المخدرات اللي اسمه احمد هههههههه

**********************

يحيي , نجيبولك تتعشى ؟

مش عايز نطفح

مالك يا يحيي

أيّوووووووه مافيش حاجة يا بطة , سيبيني في حااااااااالي

طيب طيب على راحتك , لو عوزت حاجة نادي عليا , احنا قاعدين برا مع العيال

احنا ايه اللي عملناه ده !!! للدرجة دي أنا ندل وخسيس !!! ده جزاء الراجل اللي أحسن إليّا !! ..... نخونوه ! ..... نودوه في داهية بإدينا !!! الأستاذ أحمد يتسَجَن ويتبهدل !!! ..... كل ده عشان ايه !!! عشان الفلوس ! كله منك يا أدهم الكلب , لا ....... لااااااااا الأستاذ أحمد لااااااااا , احنا لازم نروحوا المينا نشيلوا الشنطة من العربية ولو كان التمن حياااااااااتي

************************

مين اللي فتح الباب يا ولاد ؟

ده بابا خرج يا ماما

خرج ! ....... هو في ايه ! يا ترى فيك ايه يا يحيي ومخبيه عليا!

*************************

الحمدلله , البوليس ما وصلش , وماحدش يمة العربية , نفتحوها وناخدوا الشنطة

استنى عنددددددددك

هااااا ! أنت مين ؟

أنت اللي مين وعايز ايه من عربية الأستاذ احمد ؟

أحنا ..... أأاحنا ..... أصل

انطططططططق

طيب احنا هنقولولك على كل حاجة بس نعرفوا انت مين الأول

أنا السواق بتاع الأستاذ احمد , انت ميييييين ؟

في ناس بيكرهوا الأستاذ احمد وشيعوني بشنطة هيروين نحطوهاله في عربيته , بس ضميرنا صَحَى , الراجل ده أفضاله عليا يامَا , عشان كدة مش قادر نأذوه

أنت مين ؟

اسمي يحيي , بس نبوسوا ايدك ما تقولش اسمي للأستاذ احمد , احنا رَجَعنا عشان نصلحوا غلطتنا وناخدوا الشنطة قبل البوليس ما يجي

بوليس !!!

ايوة , زمان الناس بلغوه وتلاقيه في السكة دلوقتي , ناولني شنطة الهيروين من شنطة العربية بسرررررعة , ايّوووووه البوليسسسس , اني سامع سرينة البوليس جاية من بعيددددددد , هنعملوا ايييييه ؟

مافيش حل غير اننا نولعوا في العربيييية , اختفي انت يا يحييييييييييي

***************

الحقوا يا رجاااااالة , النار مَسَكت في عربية الأستاذ أحمد يا عبدالله

 معقوووول ! طفوهااااااا طفوها يا رجاااااالة , ايه ده ! بوليسسسسسس !!!

عربية مين الوالعة دي ؟؟؟

عربية الأستاذ احمد يا سعادة البيه

أحمد عادل سليم ؟

أيوة يا بيه

أنت مين ؟

السواق بتاعه

وايه السبب اللي خلى العربية اتحرقت ؟

ما نعرفوش حاجة يا بيه , بس الأستاذ احمد اعداؤه يامَا , وممكن قوي يكون حد منهم اللي حرق العربية

طيب حد يناديله

حاضر , روح يا بدر نادي الأستاذ احمد

حاضر

**********************

أستاذ احمددددد , العربية بتاعتك وَلَعت , والبوليس عايزك تحتتتتتت

ايه ! عربيتي !!! بوليس ! في ايه !!!

**********************

لا حول ولا قوة إلا بالله , عربية الأستاذ احمد بقَت حتة فحمة

الله يعوض عليه يارب

الله يجازي اللي كان السبب

*******************************

السلام عليكم يا فندم

عليكم السلام , انت احمد عادل سليم ؟

ايوة

احنا جالنا بلاغ إن العربية بتاعتك فيها كمية هيروين كبيرة للإتجار

هيروين في عربيتي !!! يا فندم أكيد حضرتك تقصد حد تاني , احنا نعرف ربنا كويس , حد الله بينا وبين السكة دي , حضرتك تقدر تسأل عني كويس

طيب تفسر بإيه حرق عربيتك يا أستاذ احمد ؟

يا فندم احنا ما نعرفوش أي حاجة , احنا اتفاجئنا بللي حصل وربنا شاهد

يا أستاذ احمد , تفتكر مين اللي بلغ فيك البلاغ الكيدي ده ؟

ما نعرفوش . احنا مالناش عدوات مع حد

طيب امضي على اقوالك يا أستاذ احمد

حاضر يا فندم

************************

الحمد لله ان البوليس مَشَى والموضوع عدا على خير يا أستاذ احمد

.......... احنا هنتجنن يا عبد الله , ايه اللي بيحصل ده !! .... احنا يتقدم فينا بلاغ اننا بنتاجروا في الهيروين !!! وكمان عربيتي تتحَرَق !!! طب ليه !!! ومين اللي عمل كدة ؟

......... احنا اللي حرقنا العربية يا أستاذ احمد

انت يا عبد الله !!!!!! طيب ليه ؟ ليه تعمل كدة يا عبد الله ؟؟؟؟

عشان نحموك يا أستاذ أحمد

تحميني !!! تحميني من ايه ومن مييييين ؟؟؟

العربية كان فعلاً فيها هيروين

انت بتقول ايييييه !!!

دي الحقيقة يا أستاذ احمد

.......... وجه منين الهيروين ؟؟؟

واحد مغلوب على أمره , متسلط من ناس مجرمين هو اللي حطهولك , لكن ضميره صَحَى لأنك صاحب أفضال عليه , رَجَع عشان ياخد الهيروين , لكن كان الوقت راح والبوليس وصل , عشان كدة كان لازم نحرقوا العربية

............ مين اللي حط الهيروين ؟

ما نقدروش نقولوا اسمه , احنا وعدناه

ايّوووووه , انا حاسس انّي تايه , الشوك تحت رجلي في كل مكان ومش قادر نمشي

احنا معاك عشان نحموك من الشوك يا أستاذ احمد , طول ما احنا عايشين ماحدش يقدر يمسك بسوء إن شاء الله , حياتي فدا حياتك يا أستاذ احمد

ربنا يخليك يا عبدالله , متشكر , الحامي هو الله ....... لكن مين اللي سلط الراجل ده عشان يحطلي الهيروين ؟

نفس الندل اللي كان عايز يخلص منك ويقتلك

طيب ليه ؟ مين اللي بيكرهني الكره الفظيع ده ؟ أنا عمري ما أذيت حد يا عبدالله , عمري ما أذيت حدددد

عارف يا أستاذ احمد

اااااه حاسس انّي تعبان , تعبان قوووي

سلامتك يا أستاذ أحمد

انزل هاتلي تاكس يا عبدالله , احنا عايزين نمشوا , استنى محمد لما يجي من المشوار اللي شيعته يقضيه , وقوله ما يمشيش إلا لما الرجالة يخلصوا تحميل المركب ويتمم على كل حاجة بنفسه , وبعدها يقفل الشركة

حاضر يا أستاذ احمد , هنبلغوه , هنجيبولك التاكس حالاً ان شاء الله

************************

ايه اللي بتقوله ده يا ولا يا يحيييي! يعني ايه الحكاية بااااظت!

زي ما بنقولولك كدة يا أدهم باشا..النار وَلَعت وكلت العربية بالهيروين

العربية ولعت ازاااي! ايه السبب يعنييي؟

الرجالة في المينا بيقولوا قضاء وقدر…ربنا مش رايد أذية للأستاذ احمد

امشي غور من وشيييييي

أمرك يا باشا

أنا عارف ان احمد ده هو عملي الرضي اللي مش هيفارقنننني

***********************

احمدددد حمدالله ع السلامة يا حبيبي ههه

الله يسلمك يا حبيبتي

شوفتك من البلكونة وانت نازل من تاكس , عربيتك عَطَلت ولا ايه ؟

العربية اتحرقت

ايّوووووووه ! نعوذ بالله , اتحرقت ازاي ؟

قضاء ربنا يا هيام

ايوة يعني ايه السبب ؟

اللي حصل حصل يا هيام

ما تزعلش نفسك يا حبيبي , فداك الدنيا بللي فيها , المهم سلامتك انت

يارب تسلميلي يا هيام , يارب ما نتحرم من حنيتك اللي بتهون عليا اللي بنشوفوه من الدنيا , ياااااااه  يا هيام حاسس انّي بردان

بردان ! احنا في الصيف يا احمد

صحيح في الصيف , لكن حاسس انّي واقف وسط نوّة شديدة , والريح قاسي وبيكسر في عضمي

يا حبيبي ! مالك يا احمد , الحكاية مش حكاية عربية اتحرقت , عارفة انك ما تزعلش ع المال ,  حاسة انك مخبي عني حاجة كبيرة , وكبيرة قوي كمان

....... زعلان من قسوة القلوب يا هيام

مالك بس يا احمد , احكيلي ايه اللي تاعبك

حمولي تقيلة يا هيام , قلبك الحنين مش هيتحملها

قلبي يتحمل عشانك جبال يا احمد , ارمي تعبك كله عليا , المهم تسلم انت من أي وجع يا حبيبي

ربنا ما يحرمنيش منك يا حبيبتي , معلش يا هيام , سيبيني على راحتي , لما نقدر نتكلم هنتكلم , هندخل ننام , ما تصحنيش مهما نمت يا هيام , سيبيني نصحى لوحدي

حاضر يا حبيبي ....... لا حول ولا قوة إلا بالله ..... أكتر حاجة بتوجع قلبي لما نحس ان احمد موجوع من جواه وانا واقفة عاجزة ومش قادرة نخفف عنه , يارب اشرح صدره وفرّج كربه يارب , يارب اكفيه شر كل ذي شر بحق عمله الطيب يارب

********************************************************

سونسووووووون هو دخل نام ولا ايه ! من ساعة ما رجعنا من فرح ياسمين وانا ما شوفتوش,أما ادخل اشوفه .سونسووووووون

*************************

ايه ده ! ايه الدموع دي يا حبيبي ! يا عيني ! انت زعلان عشان ياسمين اتجوزت ومشيت !

......البيت وحش من غيرها اوي يا بهيرة

يا حبيبي ! طب والله لو كنت اعرف انك هتزعل كدة ما كنت جوزتهاااااا , كنا خليناها مونسانااااا

لالا ازاي بقى ! ده اليوم اللي بيتمناه كل أب

الله ! اومال بتبكي ليه يا سونسوووون !

بنتي يا بهيرة ,بنتي... حتة مني ,اول فرحتي ,  ياسمين غالية عليا اوي , افتكرت اليوم اللي ربنا رزقنا بيها فيه , وقد ايه كانت فرحتي وانا بضمها لصدري لأول مرة , افتكرت أول يوم وديتها فيه المدرسة بنفسي , افتكرت فرحتي بنجاحها في الابتدائية والاعدادية والثانويييية , واهي خلصت الجامعة والنهاردة جوزتها , سلمتها لإنسان غريب عنها , ما اعرفش هيحبها قد ما حبيتها ولا لأ , هيحن عليها قد حنيتي عليها ولا لأ , ربنا يسعدك يا ياسمين يا بنتي

يا حبيبي يا سونسون اهئ اهئئئئئ خلتني اعيط وانا مش عايزة والله . مازن طيب وابن ناس طيبين وان شاء الله هيعاملها بما يرضي الله يا سونسون , بس انت ادعيلها يا حبيبي

ربنا يهنيها ويسعدها على قد حبي ليها ياااااااارب

*********************************

يلا يا سونسون يا حبيبي , اتأخرنا ع العرووووسة هههه

حضرتي كل الحاجات اللي هتاخديها معاكِ يا بهيرة ؟

ايوة يا حبيبي كل حاجة في الشنطة دددددي

طب هاتي الشنطة يا ستي عشان اشيلها أنا

طول عمرك شهم يا سونسون يا حبيبي هههه شيل يا أبو العروسة

انا مش عارف ايه لزومه نروح للبنت بدري كدة ! دي الساعة ما جاتش عشرة , في حد يروح لعروسة وعريس في وقت زي ده !

وفيها ايه بس يا سونسون ! أنا أتصلت بياسمين وهي مستنيانا , وبعدين عادي يعني لما نروحلها في وقت زي ده , انت مش فاكر نينة يوم صباحيتنا لما جتلنا الساعة خمسة الفجر ؟ هههه حتى انت ساعتها اتخضيت وافتكرت البوليس جاي يقبض عليك وقعدت تدور ع البطاقة قبل ما تفتح وبعدين فتحت لقيت نينة ههههه والله كانت ذكريات لطيفة يا سونسون

ههه فكرتيني صحيح , أصل أمي حبت تكون أول واحدة تباركلنا عشان كدة جت بدري جداً

طول عمرها صاحبة واجب نينننننة , الهي ما نعدمهااااااااااا

ربنا يخليكِ يا بهيرة يا حبيبتي , يلا يا أم العروسة

****************************

مازن

انتِ صحيتي يا جاسي! صباح الجمال والإشراق ههه

هه ممم انت صاحي بقالك كتير؟

يعني,حوالي نص ساعة كدة,ما رضيتش اصحيكِ,قلت اسيبك تصحي براحتك..على فكرة بابا حجزلنا  في اوتيل في الساحل الشمالي عشان نقضي اسبوعين هناك,هنسافر بعد يومين ان شاء الله..كان المفروض نسافر يوم الفرح بس للأسف مالحقناش نرتب حجز الأوتيل

الساحل الشمالي!

روحتيها قبل كدة؟

ههه ولا روحت اي حتة,أول مرة هشوف البحر على الطبيعة

ياااااااااه! بتتكلمي جد ولا بتهزري؟

وههزر ليه! اصل بابا وماما عمرهم ما اهتموا بالسفر والفسح والحاجات دي

انتو حياتكو غريبة قوي,احنا اتعودنا نسافر كل سنة نصيف,لفينا شواظئ مصر كلها

تقريباً,اسكندرية,مرسى مطروح ,الساحل الشمالي,مارينا,الغردقة,حتى اسماعيلية روحناها

ياااااه! وشكل البحر بيختلف عن بعضه في الأماكن دي يا مازن؟

هههههههههههههههههه والله انتِ شخصية خيالية يا جاسي,بس أنا مبسوط قوي اني هاخدك من العالم المقفول بتاعك واخليكِ تستمتعي بالعالم بتاعي,وأكيد هتستمتعي ان شاء الله

هه ان شاء الله,أنا فعلاً فرحت قوي لما قلتلي اننا هنسافر..بس ايه حكاية جاسي دي!

بدلعك,ياسمين يعني جاسمين بالانجليزي والدلع جاسي,مش عاجبك؟

هه لا حلو طالما انت اللي بتقوله

يااااااااااااااااه هههههههه ايه الكلام الجميل ده يا جميل انت

ههه بس بقى يا مازن بتكسف

ههه طب بقولك ايه…

تررررررررررررررررررررررررررررررررن

ييييي مين جايلنا دلوقتِ يا جاسي! اوووف ده وقته!

ممم معلش, , افتح الباب لو سمحت يا مازن , دول أكيد بابا وماما

ههه يا أهلا بيهم , بصي يا ياسمين , قصري مع امك في الكلام عشان ما تقعدش كتير ,احنا مش فاضيين يا روحي

هههههه بقى كدة !!! طييييييب

****************************

اهلا يا عمي ههه

اهلاً يا عريس ههه السلام  عليكم  يا إبني

عليكم السلام  يا عمي اتفضل , اهلااااااً ازيك يا طنططط ههه

هههه  ازيك انت يا مااااازن , اوعى نكون صحيناك

لالا ابداً , احنا صاحين من بدري

ماشاء الله ع النشاط هههه ايوة كدة عرسان منضبطين

هههه اتفضلي يا طنط

متشكرة يا حبيبي , اومال فين ياسمينتي حبيبتي العروسة القمرررر هههه

انا اهو يا مامااااااا هههه وحشتينيييييي

يختي كميييييييلة هههه حبيبة ماما يا نااااااس امووووه امووووه ايه الجمال ده , ماشاء الله لا قوة إلا بالله , مالك ابيضيتي كدة عن ما كنتِ عندنا !

هههه يعني انا كنت سمرة يا ماما !!

لا بيضا بس مش للدرجة دي , صحتك جت ع الجواز يا ياسمينة ههههه

ههه اتفضلي يا ماما

يزيد فضلك يا حبيبتي

ازيك يا بابااااا ههه

اهلاً حبيبة بابا العروسة الجميلة , مبروك يا بنتي امووه

الله يبارك فيك يا بابا , اومال ياسر وياسين ما جوش معاكو ليه يا ماما ؟

هيعدوا عليكِ بكرة ان شاء الله ههه هات يا سونسون الشنطة عشان ادخلها لياسمينة المطبخ

اتفضلي يا ستي

تعالي معايا يا ياسمينة

حاضر يا ماما , عن اذنك يا بابا

اتفضلي يا حبيبتي

اتفضل شيكولاتة يا عمي هه

متشكر يا سيدي هه

**************

وحشتيني قوي يا ياسمينتي هههه يااااااه البيت وحش من غيرك قوووي , اول مرة تفارقيني من ساعة ما اتولدتتي

يا حبيبتي يا ماما ! ههه ربنا ما يحرمنيش منك

وإلا باباكِ بقى امبارح والبكا اللي بكاه , دخلت عليه بالليل لقيته بيبكي بحرقة على فراقك والدموع مغرقاه والله , اتاريه بيحبك قوي يا ياسمين وانا مش واخدة بالي ههههه

يا حبيبي يا باباااااا , بابا طول عمره حنين يا ماما

 ايوة طبعاً ده سونسون عسسسل , هو صحيح مش بيحب يبين حنيته بس المواقف بتبقى اقوى منه وتخليه يعيط غصب عنه ههههه

ههه ربنا يخليكو لبعض يا ماما

ويخليكو لينا يا حبيبتي انتِ واخواتك  , شوفي يا ياسمينتي الحاجات اللي انا جايبهالك ههههه عشان ما تقوليش ماما وبابا ما صدقوا خلصوا مني وكسروا ورايا أولة هههه

هههه ايه يا ماما الحاجات دي كلها !!!

دول يا ستي فرختين محمرين , حمرتهوملك بإيديا الحلوين دول هههه ودي كفتة رز , عارفاكِ بتحبيها , صبعتها وحمرتها وفاضل بس تعمليلهم شوية صلصة وجنبهم رز أبيض وبالهنا والشفا هههه وده بفتيك من اللي بتحبيه برضو , متبل وجاهز ع القلي بالهنا والشفا , بس اعملي جنبه شوية مكرونة بالصلصة , احنا جايبنلك مكرونة كتير في الخزين , كلي يا حبيبتي وأكلي جوزك مش خسارة فيكو هههه

ههههه يا حبيبتي يا ماما ! كل ددده ! دي حاجات كتير قوي

لا ولسة , ده بقى دكر بط محترم ومن عيلة كبيرة قوي هههه باعتهولك طنطك اشجان , لقيتها امبارح بتخبط عليا وبتدهولي , قالتلي دكر البط ده لياسمين , حمرتهولها بإيدي وقوليلها بالله عليكِ يا ياسمين تفصصيه فصوص فصوص وتأكليه لجوزك بإيدكِ هههههه

هههه والله طنط اشجان دي حبيبتي , هي ماجاتش معاكو ليه ؟

هتجيلك , قالتلي هروح لياسمين بس اما جوزها ينزل شغله عشان اقعد معاها براحتي , بس اوعي تنسي وصيتها وتأكلي دكر البط لجوزك لتفضحنا هههه

هههه, قوليلها حاضر هأكلهوله , بس أأكلهوله كله وانا ما اكلش معاه يعني ؟

لا يا حبيبتي كلي , خدي حتة على نِفسك يعني والباقي أكليهوله , دلعيه يا ياسمينة , امليله البيت محبة وحنية يا حبيبتي , الرجالة بيحبوا الست اللي تدلعهم هههه

هههه أدلعه ازاي يعني يا ماما ؟

هههههه اقولك يا روح ماما , وهو رايح شغله تودعيه بدعوة حلوة وقبلة حانية وبريئة ههه وهو راجع برضو ابتسامة جميلة ممزوجة بالفرحة كإن العيد جه وبرضو مع حضن دافي وقبلة ابرأ من البراءة وتقوليله حمدالله ع السلامة يا حبيبي وحشتنييييييي , لو جايب حاجة تقوليله ربنا يخليك وتعيش وتجيببب , لو مش جايب برضو تقوليله كفاية دخلتك عليا اللي تساوي كنوز الدنياااااا .  استنيه وهو خارج من باب الحمام وواخد الشاور بتاعه وخديه بالحضن وغنيله اغنية نعيماً يا حبيبي نعيما يا مناياااااا ههه

كل يوم يا ماما !

ايوة كل يوم , فيها ايه دي يعني !!! أنا بقالي تلاتة وعشرين سنة مع ابوكي كل يوم بغنيهاله هههه, طب تعرفي يا ياسمينة , ده لو في حاجة عطلتني في المطبخ غصب عني و خرج ولقاني مش واقفة على باب الحمام مبتسمة وبغنيله الأغنية  يزعل ويقولي يللي بطلتي تهتمي بيا هههه

هههه والله فكرة حلوة , حاضر يا ماما

ودايماً كدة تحسسيه انك اسعد ست في الدنيا بحالهااااا وانك ما لقتيش راحتك إلا معاااااه ,وغنيله وقوليله

عمري ما دقت الحب غير لما حبيبتككككككككك

ولا شفت راحة قلب إلا وانا في بيتكككككككككك

تسلم تسلممممممم تسلم لقلبييييي

وتعيش لحبييييييي

تسلم لقلبي يا حبيبيييييييييييي تسلم لقلبيييييييي

ههههههههههههه يعني هنقضيها اغاني يا مامااااا !

وايه يعنييييييي ! مش بتغني لجوززززك !!! غنيله وفرحيه وفرفشيه وفرفشي معااااااه . الراجل برا البيت يا حبيبتي بيقابل هموم ومشاكل ووجع قلبببببب لازم بقى يلاقي البيت مكان للراحة والسعادة والتفااااؤول ههههه

ههه عندك حق والله يا ماما

يا بهيرررررررة يلا عشان نمشي

حاضر يا حسسسسسسين , جاية اهوووو

ايه يا ماما , ما تقعدي معايا كمان شووووية

لا يا حبيبتي , خلاص , باباكِ اصدر فرمان ملكي بمغادرة هذا المكان لأنه مخصص للعرسان هههه امووووه صباحية الهنا يا ياسمينتي انااااااا

ههه متشكرة يا ماما,آه على فكرة احنا هنسافر الساحل الشمالي بعد يومين ان شاء الله

والله ؟هههه ماشاء الله,الهي يا بنتي يهنيكِ ويسعدك انتِ وجوزك ويوريكِ البحر اللي امك ما شافتوش في حياتها هههه ابقي اتصوري وفرجيني الصور يا روح ماما,امووه سلام يا ياسمين

الله يسلمك يا ماما يا حبيبتي

********************

انا جيت اهو يا حسين , احنا ماشيين يا مازن , جبنالك اكل كتير قوي , كل يا حبيبي واتغذا , عايزينك تتخن كدة وتربرب وفي ظرف سنة تبقى بكرش  محترم عشان تتسم بسمات الزوج المصري المعاصر بعد الجواز ههههه

ههههه كرش !!! لالالا انا هلعب رياضة عشان ما اتخنش 

كان غيرك اشطر يا حبيبي ههههههه انا جاهزة يا سونسون

يلا يا ستي , عايزة حاجة يا ياسمين ؟

شكراً يا بابا ربنا يخليك يا رب ههه ايدك ابوسها امووه

الله يكرمك يا بنتي , خلي بالك من ياسمين يا مازن

في عنيا يا عمي ههه

يلا يا بهيرة , السلام عليكم

عليكم السلام ورحمة الله

*************************************