الحلقة السادسة والعشرين(ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

*****************************

السلام عليكم يا عمي هاني

هه اهلاً حبيبتي اموووه سلامتك  يا مريومة

هه كدة هتتعدي مني يا عمو

 هو انا اطول اتعدي من حبيبة عمو ملكة العيلة دي كلها !!! ههه

ههه ربنا يخليك ليا يا رب يا عمو

ما تزعليش يا حبيبتي من رامي , احنا اخدنالك حقك وحذرناه انه يتعرضلك تاني , واللي حصل منه مش هيحصل مرة تانية

يا عمي بصراحة أنا أول مرة اتعرض لموقف سخيف زي ده , وبصراحة لحد دلوقتي مذهولة , لكن طالما حضرتك اتعهدتلي ان ده مش هيكرر تاني , يبقى خلاص , هحاول انسى اللي حصل

هه خلاص يا حبيبتي , وأنا بعتذرلك بالنيابة عن رامي

العفو يا عمي , هي منة عاملة ايه ؟

منة كويسة جداً الحمدلله , انتِ مش بتطلعي تقعدي معاها ليه ؟

ان شاء الله هتصل بيها واحدد معاها معاد عشان اطلع ازورها

هه إن شاء الله يا حبيبتي , طيب عن اذنك يا ماجد , السلام عليكم

عليكم السلام يا هاني , خلاص يا مريوم , جبنالك حقك اهو يا ستي

ههه متشكرة يا أبي , عن إذنك هروح اكمل مذاكرة

روحي يا حبيبتي , ربنا يوفقك

عملت ايه مع ابن اخوك يا ماجد ؟

خلاص يا منال , الولد اعتذر , وانا عنفته بما فيه الكفاية

والله ما كنتش احب ان ده يحصل أو انك تتحط في موقف زي ده مع اخوك وابنه

واضح يا منال اننا غلطتنا لما جينا هنا

ليه بس كدة يا ماجد ! يعني هي العمارة اللي احنا كنا فيها ما كانش فيها شباب !!! دي العمارة كانت مليانة ههه

ايوة بس ما حدش فيهم فكر يتعرض لبنتي , كانوا بيحترموا الجيرة وحرمة بنات الجيران

حبيبي جيراننا هناك كانوا عارفينا كويس , لكن برضو احنا جداد هنا , وابن اخوك وغيره ما يعرفوش احنا نقبل ايه ونرفض ايه , بس اعتقد ان اللي حصل هيكون درس له ومش هيكرر اللي عمله مرة تانية , يلا بقى عشان الفطار جاهز يا حبيبي

يلا يا منولة

*******************

تررررررررررررررررررررررررررررررررررررررن تررررررررررررررررررررررررررررن

ميييييييين

رامي يا طنط رشا

اوووووووف خير ان شاء الله

عايز مانوووووو

عبد الرحمن بيلبس عشان رايح الكلية

طيب عن اذنك هدخله عشان عايزه ضروري مانوووووووو

استنى هنا يا ولد انتتتتتتت اوووووف

تن تن مانوووووووو

ادخل يا رامي

كويس اني لحقتك قبل ما تنزل

مالك يا ابني ؟

هو ابوك ما قالكش ع اللي حصل ؟

حصل ايه ؟؟؟؟؟

انا فضلت واقف في البلكونة لحد ما شوفته نزل وخد عربيته ومشي روحت جايلك على طول

ايه يا ابني في ايه ؟

اصل العيلة كلها قالبة عليا عشان بنت عمك الملثمة

مريم !!!!!!! وانت مالك ومال مريمممممم !

يا ابني في ايه انت كمااااااان هو انا ناقصك !!!  انا هحكيلك عشان تعرف ان العيلة دي ظلماني

***************************

يا خبرك اسوووووود ! انت اتجننت يا رااااااامي !!! مريم ما يتعملش معاها كدددددة , حط الف خط احمر عند مريمممممممم

أنا يا عم ماليش دعوة بيها تاني , كفاية ابوك وابوها واللي عملوه فيا , ده عمك ماجد قالي كلام حسسني ان انا من الكفار ودخلت القبيلة بتاعتهم غلط

هههههههههههههههههه يا عم دي بنته ولازم يدافع عنهاااااااا

وهي دي محتاجة حد يدافع عنهااااااا ! دي عليها بوكس اجمد من محمد علي كلاي

ههههههههههههههههه والله تستاهل , احسن انها عملت كدة , عشان تحّرم تيجي ناحيتها تاني

يا عبد الرحمممممممممممن رايح الكلية ولا هتتعطل اكتر من كددددددددددددة

خلاص اهو يا مامااااااااا خلصت لبس ونااااااااازل

مامتك دي ست رقيقة جداً وبتحترم ضيوفها بصراحة , ليدي ليدي يعني

ههههههههههه احترم نفسك يا ابني انت , انت رايح الكلية ولا مش ناوي ؟

مش ناااااااوي , الواحد مخنوق , انا هاخد عربيتي واروح النادي اشوف البنات المفرفشين وابعد عن العقددددددد

ههههههههههه شكلك مش هتجيلها لبر

يلا يا ماما عشان معاد الدكتوررررة , مازن قالي روحي وما تتأخريش عشان اول ما اجي نمشي على طوووول

حاضر يا حبيبتي جاية , جوزك قالك ما تتأخريش عند الدكتورة ! على أساس ان ما عندهاش غيرك !! دي عيادات النسا  ماشاء الله تدخليها تحسي ان كل الستات اللي في الدنيا حوامل هههههه

ههه الدكتورة دي بالذات  شاطرة يا ماما

طب يلا يا شاطرة عشان نلحق الدكتورة ونحاول نيجي بسرعة , انا نازلة يا ياسرررر لما يجي ياسين ابقى أكّله , اوعى تاكله , سااااااااامع

ماشي يا ماماااااااا باي بااااااااي

باي باي يا خواجة يا ياسر , ال باي باي ال , يلا يا بنتي

*********************************

بسم الله ماشاء الله ع العيادة وعلى ماسورة الحوامل اللي انفجرت ههههه ربنا يزيد ويبارك ويكفينا شر تحديد النسل , روحي يا حبيبتي اقعدي جنب زمايلك الحوامل على ما ادفع فلوس الكشف

حاضر يا ماما

السلام عليكم يا اختي , عايزة ادفع فلوس الكشف , هو بكام ؟

الكشف بخمسين جنيه

حاضر ما يكتروش عليكِ , اتفضلي يا اختي

متشكرة ,  بإسم مين الكشف

مدام ياسمين حسين

طيب , استني  اما اديكي ورقة برقم الكشف

واجب برضو , ايه ده !!! انا متهيألي شوفتك قبل كدة وشكلك مش غريب عليا ؟ شبه واحدة اعرفها بس شكلك متغير عنها كتير ,  لا مش معقوووووول , عصمت !!! انتِ عصمتتتتتتتت ؟

مين ! بهيرررررررة ! ياااااااااااااه ! ازيك يا بهيرة

عصمتتتتتت انا مش مصدقة عنيا وحاسة اني بحلمممممم , عصمت بعد السنين دي كلهااااا !!! كنتي فين يا عصمتتتتتتتت اختفيتي فيييييييييين ده الدنيا مقلوبة عليككككككككي

تررررررررررررررررررررررررن

ثانية واحدة يا بهيرة هدخّل اللي عليها الدور في الكشف للدكتور , مدام مي , رقم 7 , مدام مي

ايوة ايوة , متشكرة اوي

جاوبيني يا عصمتتتتتت كنتي فين السنين دي كلهاااااا ! وايه الشغلانة اللي بتشتغليها ددددددي ! بقى عصمت اللي كانت قاعدة هانم في بيتها وعندها الحلو والغالي كله تنزل تشتغل شغلانة زي دي !!!

.................... نصيبي يا بهيرة , هحكيلك على كل حاجة , لكن انتِ جاية هنا مع مين ؟

ما قولتلك مع ياسيمين

ماشاء الله , معقوووول ! ياسمين كبرت واتجوزت !!! ياااااااااه دي السنين جريت بينا واحنا مش دريانين

ايوة يا اختي , السنين ما ورهاش شغلانة غير الجريان , هي تجري وتاخدنا في سكتها ومش عارفين رايحين على فين ههههه

هه والله وحشتيني يا بهيرة ووحشتني خفة دمك

سيبك من خفة دمي دلوقتي وطمنيني عليكيييييي عايشة ازاي وفين ومع ميييييين ؟

هحكيلك يا بهيرة , بعد ما اخواتي باعوا شقة ماما وطردوني , ويادوب ادوني كام الف ما يكفونيش لا أأجر مكان اعيش فيه عيشة كريمة ولا أكل ولا اشرب , اقعدت الف في الشوارع لغاية رجلي ما خدتني على حارة ضيقة , سألت فيها على أي شقة بسيطة اعيش فيها , لكن ما لقيتش غير أوضة فوق السطوح

يااااااااه ! تعيشي في اوضة فوق السطوح بعد العز اللي شوفتيه يا عصمت !!! لا حول ولا قوة إلا بالله

يعني كنت هعمل ايه يا بهيرة ! بقولك الفلوس ما كانتش تكفي أأجر شقة محترمة اعيش فيها , وكان لازم برضو اخلي معايا قرشين أكل واشرب بيهم , وبعد ما الفلوس اللي معايا خلصت كان لازم انزل اشتغل عشان ما اموتش من الجوع , والحمدلله سألت واحدة جارتي , قالتلي في دكتورة كانت طالبة حد يشتغل في العيادة , يكنسها ويمسحها ويحجز الكشوفات , اضطريت اقبل , ما كانش قدامي حل تاني

يا حبيبتي يا عصمت اهئ اهئئئئئئئئ لا حول ولا قوة إلا بالله , طب واخواتك الرجالة  دول ازاي يرموكي الرمية دددددي

اخواتي الرجالة ! دول لا هما اخوات ولا هما رجالة , الله يسامحهم على اللي عملوه فيا , حتى اختي الوحيدة اللي طول عمري اخد من مال جوزي واديها وعمري ما بخلت عليها بحاجة , كانت أول واحدة تتخلى عني في محنتي

معقول عفت اختك تعمل كدة ! دي كانت على طول عندك هي وولادها

هه كانت بتيجي عشان الأكل والشرب واليغمة , بتيجي تشاركني في العز اللي كنت عايشة فيه , خلاص , كل ده راح , هتعرفني ليه وتبكي عليا وتقول اختي بقى !!!

يا عيني يا عصمت يا اختي ! اهئ اهئئئ معلش , ان ما كانش ليكِ حظ في اخواتك يبقى ليكِ حظ في بناتك

بناتي ! يااااااااااه وحشوني أوي ........ أنا اللي ضيعتهم يا بهيرة , عشان كدة كان لازم اختفي عشان ما ادمرلهومش حياتهم

ايه كلام السيما الهابطة وأفلام التريسو ده !!! لا يا عصمت , دول بناتك وليكِ حق عليهم يا أختي

لا يا بهيرة , أنا ماليش عين أقابلهم ولا اشوفهم , خليني بعيد .... خليهم عايشين سعدا

سعدا ازاي بس ! حرام عليكِ والله , دي دراهم بنتك عايشة في نار بسبب غيابك , ارحمي بنتك يا عصمت

دراهم ! يا حبيبتي يا بنتي ! ..... بتشوفيها يا بهيرة ؟

بنتك من ساعة ما كانت عايشة في السعودية وبتنزل كل سنة زيارة , كانت لازم تيجي تسأل عليكِ وما بتملش ابداً من السؤال عشان عندها أمل تلاقيكِ ,واهي دلوقتي نزلت مصر نهائي بقالها يجي سنة وبرضو لازم تسأل عليكِ من وقت للتاني

يااااه ! معقول بتسأل عليا باستمرار كدة ؟

اه والله , عودي بقى يا عصمتتتتت , كفاية عذاب ليكِ ولبنتك

........ ودنانير ما بتسألش عليا ؟

لا والله يا اختي , بيقولوا في فرنسا

ربنا يسعدها اهئ اهئئئ وحشتني اوي يا بهيرة

تررررررن

بعد اذنك يا بهيرة هدخّل اللي عليها الدور في الكشف

وانا هجيبلك ياسمين تسلم عليكِ

************************

تعالي يا ياسمين هتسلمي على واحدة حبيبتنا هههه فاكرة مين دي يا ياسمين ؟

لا يا ماما

طب اتأملي في وشها هتلاقيه مألوف بالنسبة لك

مش عارفة والله يا ماما

معلش يا اختي , اصل الحمل اثر على عنيها

هه انا طنط عصمت جارتكو القديمة يا ياسمين , مامت دنانير ودراهم , نستيني ؟

طنط عصمتتتتت ههه معقول ! يا حبيبتي يا طنط اموووه امووه والله حضرتك وحشتينا خالص , وابلة دراهم بتسأل عليكِ كل سنة والله , حضرتك كنتِ فين المدة دي كلها ؟

في الدنيا يا بنتي ..... قوليلي يا ياسمين , سعيدة في حياتك يا حبيبتي ؟

الحمدلله يا طنط

ربنا يسعدك يا بنتي ....... أنا هنصحك نصيحة أم ....... نصيحة إنسانة داقت الذل بعد العز ...... أنا يا بنتي كان جوزي بيحبني وعايشة حياة هادية وجميلة , وربنا رزقني بوردتين , وبدل ما اسقيهم من عطفي واراعيهم دوست عليهم بجزمتي , هديت بيتي بإيدي واتدمرت حياتي ....... دلوقتي وصلت للحالة اللي انتِ شايفاها دي  اهئ اهئئئئئ عشان كدة بنصحك تحافظي على بيتك وتحبي جوزك وتعتبريه كل دنيتك , بحنانك على جوزك هو كمان هيكون حنون عليكِ ويحبك وتعيشوا في سلام انتو وولادكو , أوعي تجري ورا المال ولا زهوة الدنيا , كنوز الدنيا كلها ومتعها ما تساويش حاجة جنب زوج وفي وحنون يحبك من قلبه

******************************************

انتِ جيتي يا ماما ! اومال ياسمين فين ؟

طلعت عند حماتها تستنى جوزها فوق يا ياسررر , سيبني دلوقتي لازم اعمل مكالمة مهممممممممة

هتكلمي مين يا ماماااا ؟

يووو سيبني دلوقتي يا ياسر , اهو ادى جرس

ترررررررررررررررررررن السلام عليكم يا طنط بهيرة ههه وحشتينييييي

عليكم السلام يا حبيبتي ما تشوفيش وحش , لقيت امك يا دراااااااااااااهم

مامااااااااااا ! بتتكلمي جد يا طنططططط ؟

اومال متصلة اهزر يا حبيبتي ! والله لقيتها وكانت معايا ياسمين كمان وشافتها

هي فين يا طنطططططططط ؟

بتشتغل في عيادة الدكتورة النسا بتاعة ياسمين

ماما تشتغل في عيادة !!!

اصل ظروفها وحشة اوي يا دراهم , دي شكلها اتغير خالص , ده كويس ان انا عرفتها

يا حبيبتي يا ماما اهئ اهئئئئئ اديني عنوان العيادة دي يا طنط بسررررررررعة

حاضر يا حبيبتي , خدي العنوان اهو

ترررررررررررررررررررررررررررررررررررررررررررررررن

افتح الباب يا ياسرررر , اكتبي يا دراهم

اهلا يا طنط اشجان ههه

اهلا بيك يا ياسر , امك فين ؟

بتتكلم في التليفون , اتفضلي

شكراً , اما ندخلوا نستنوها

طيب يا دراهم يا حبيبتي , روحي بقى عشان تلحقيها , مع السلامة . اهلا يا اشجان , ازيك يا اختي ههه

اهلاً بيكِ يا بهيرة , دراهم بنت عصمت دي ؟

ايوة , اسكتي مش لقينا عصمتتتتتتتتتت ؟

صحيح يا بهيرررررة ؟ شوفتيها فييييييين ؟

اسكتي يا اشجان دانا اتصدمت صدمة وحشة اوي , تخيلي عصمت تشتغل تمرجية في عيادة دكتورة !!!

ايييييييه ! عصمتتتتتت ! عصمت اللي ماحدش شاف العز اللي هي شافته !! عيني يختي , دي الدنيا غدارة ومالهاش أمان يا بهيرة

لو شوفتيها يا اشجان مش هتعرفيها , كبرت يجي خمسين سنة فوق عمرها , وشها بهتان ودبلان وخاسة وعدمانة , ده من كرم ربنا ان اننا عرفتها والله

الحمدلله يا بهيرة , ربنا عالم ببنتها اللي هتموت من حزنها عليها

الحمدلله يا اشجان , اديت لدراهم العنوان عشان تروحلها , اعملك شاي ؟

ايوة , مااني جاية عشان نشربوا كوباية شيّ مظبوطة من ايدك , البت رحمة عملتلي كوباية دلقتها في الحوض

هههه بنتك ست بيت شاطرة ماشاء الله عليها

وربنا ما عارفة البت دي هتعمل ايه في بيتها !

ربنا يرزقها يا حبيبتي بواحد غني يجيبلها شغالة هههه تعالي معايا المطبخ نعمل الشاي ونكمل حكاوي المساء والسهرة

يلا يا حبيبتي , ربنا ما يحرمني من حكاويكي يا بهيرة

************************************

اتصل بفخر واقوله عشان يجي ياخدني ونروح لماماااااا

ترررررررررررررررررررررررررررن

السلام عليكم حبيبتي

 عليكم السلاااااااام ,فخررررررر لقيت ماما يا فخررررر هههههه

حقيقي يا دراهمممممم ؟ لقتيها فييييييين ؟

طنط بهيرة شافتها في عيادة دكتورة وقالتلي على العنوااااااان , يلا بسرعة يا فخرررر يلا بالله عليك عايزة اشوف مامااااااااا

حاضر يا حبيبتي حاضر , هلغي الكشوفات اللي عندي واجيلك حالاً

***********************************************

هي دي الأوضة يا دراهم اللي ادونا عنوانها في العيادة

دي ! معقول ماما ساكنة هنا يا فخر !

هنخبط ع الباب ونشوف

تن تن تن

مين برا ؟

انا يا ماماااااا انا دراهممممم

دراهممممم ! بنتيييييي ههه لحظة يا دراهم هفتح يا حبيبتيييييي

دراهمممممم بنتييييييي اهئ اهئئئئئئ

ماماااااااااا يا حبيبتي يا مامااااااا اهئ اهئئئئئئ اموووووووووووه اااااااه وحشتيني وحشتيني اوووووي اموووه

اهئ اهئ اهئئئئئئ وانتِ اكتر يا حبيبتي

ازي حضرتك يا طنط , حمدالله على سلامتك

ده فخر جوزي يا ماما

اهلاً يا ابني , ازيك يا حبيبي

الحمدلله يا طنط , والله بجد سعيد جداً اننا لقينا حضرتك , احنا دورنا عليكِ كتير اوي

ربنا يخليك يا ابني , كله بأوانه يا حبيبي , اتفضلوا يا ولاد , معلش , الأوضة مش قد المقام

ازاي تقولي كدة يا طنط ! حضرتك تشرفي أي مكان تكوني فيه

الله يكرمك يا ابني , ازيك يا دراهم

الحمدلله يا ماما

ولادك عاملين ايه يا بنتي ؟ بهيرة قالتلي ان ربنا اكرمك بولد وبنت

هه ايوة يا ماما , أحمد وفاطمة , احمد في سنة تالتة وفاطمة في تانية

ماشاء الله , ربنا يحفظهملك يا بنتي ويخليلك جوزك

يلا يا طنط قومي البسي عشان نمشي

نمشي نروح فين يا ابني ؟

ماما انتِ هتيجي معانا بيتنا وتعيشي معايا على طول

لا يا حبيبتي , روحي انتِ مع جوزك وما تشغليش بالك بيا , اديني عايشة هنا لحد ما يجي الأجل

لا يا ماماااااا مش ممكن اسيبك تعيشي في مكان حقير زي دددددده

طنط من فضلك هاتي شنطة هدومك وتعالي معانا , مش هنمشي من غيرك

اهئ اهئئئئئ يا ابني انسوني وما تشغلوش نفسكو بيا , ليه يا ابني هتشيل نفسك هم واحدة ما تعرفهاش !

ايه يا طنط اللي بتقوليه ده ! حضرتك أم مراتي اللي بحبها , يعني زي والدتي بالظبط

ربنا يكرمك يا ابني , انا عارفة , بس معلش , سيبوني على راحتي

راحتك من راحتنا يا طنط , اظن حضرتك مش هتكوني مرتاحة طول ما دراهم تعبانة بسبب بعدك عنها , ارجوكِ يا طنط تعالي معانا

يلا يا ماما , يلا بالله عليكِ , انا هساعدك والم معاكِ هدومك

انا هستنى برا لحد ما تجهزوا يا دراهم

طيب يا حبيبي

****************************************

اتفضلي يا طنط , دي شقتنا المتواضعة هه يارب تعجبك

بسم الله ماشاء الله , دي حلوة اوي , ربنا يوسع عليكو يا ابني

نورتي البيت يا ماما والله هههه مش قادرة اوصفلك فرحتييييي

ربنا يخليكِ يا بنتي ويفرحك بولادك

خدي ماما ترتاح في اوضة الضيوف يا دراهم , الأوضة من دلوقتي هتبقى بتاعة حضرتك يا طنط , وانا هسبقكو واحط الشنطة جوا

كتر خيرك يا ابني

يلا يا ماما يا حبيبتي

***********************************************

ها يا ماما , ايه رأيك في الأوضة بقى ؟

حلوة اوي يا حبيبتي

لا وكمان مكيفة يا جميل ههه

هه

الله ! ايه الضحكة الحلوة دي ! ههه مع انها نص ضحكة يعني مش ضحكة ماما بتاعة زمان هههه

زمان ! الله يرحم زمان يا بنتي , الحمدلله على كل حال , احمدك يارب واشكر فضلك

معلش بقى الولاد ناموا يا ماما , الصبح ان شاء الله قبل ما يروحوا المدرسة هجيبهوملك يصبحوا عليكِ ههه دول نفسهم يشوفوكي اووووي

وانا كمان نفسي اشوفهم

طيب يا ماما اسيبك ترتاحي على ما احضرلك عشا خفيف

طيب يا حبيبتي , كتر خيرك يا بنتي . الله يسامحك يا بهيرة , ما كنتش عايزة بنتي تعرف مكاني , ماكانتش عايزة اتعب حد معايا لحد ما اموت اهئ اهئئئئئئئ ده اقل عقاب كنت عايزة اعاقب  بيه نفسي يمكن ربنا يسامحني اهئ اهئئئئئئ استغفر الله العظيم يارب

***************************************

بتعملي ايه يا دراهم ؟

بحضر عشا خفيف لماما يا فخر اهئ اهئئئئ

الله ! وليه الدموع دي بقى ! ماانتِ الحمدلله لقيتي مامتك وقلبك ارتاح

اهئ اهئئئئ مش مصدقة يا فخر ان دي ماما بتاعة زمان اهئ اهئئئ اصل انت ما شوفتش ماما زمان يا فخر , كانت ست جميلة وقوية وباين عليها العز اوي , اللي شوفتها النهاردة دي ست هزيلة ومكسورة والزمن هدها اهئ اهئئئئئئئ

حبيبتي , مامتك مرت بظروف صعبة , عدت عليها أيام قاسية , واجهت كل ده لوحدها , طبيعي ان كل ده يسيب اثر على ملامحها وياخد من قوتها , احمدي ربنا يا حبيبتي انك لقتيها , واهي جتلك فرصة عظيمة عشان تبريها

عندك حق يا فخر , عن اذنك يا حبيبي هوديلها العشا

اتفضلي يا حبيبتي مممم مسكينة دراهم , مصدومة من الحال اللي شافت عليه والدتها

***********************************

تن تن ماما حبيبتي

اتفضلي يا بنتي

جبتلك عشا خفيف اهو ومعاه كوباية لبن دافية كمان

تسلم ايدك يا حبيبتي

تن تن دراهم

اتفضل يا فخر

هه جبت لحضرتك كوباية زبادي يا طنط

ايه لزومها بس يا ابني ! دي دراهم جايبة حاجات كتير اوي ومعاهم لبن كمان

لالا الزبادي مهم جداً كمان , حطيتلك عليه معلقة عسل نحل , اتفضلي

يزيد فضلك يا حبيبي , كتر خيرك يا ابني

طيب عن اذنكو , هدخل انام عشان لازم اكون في المستشفى بدري ان شاء الله , تصبحوا على خير

وانت من اهل الخير يا ابني , طيب اوي جوزك يا دراهم ماشاء الله عليه

ايوة فعلاً , فخر طيب اوي , انسان جميل اوي يا ماما ,مهما عملت مش هقدر اوفي جمايله عليا

خلي بالك من بيتك ومن جوزك وولادك  يا بنتي , اوعي تغلطي غلطتي يا دراهم , اوعي يا بنتي , ابوكي كان طيب زي فخر جوزك كدة , عمل كتير عشان يسعدني ويرضيني , لكن انا عمري ما شكرت ولا حسيت بجمايله عليا , كان كل همي المال وجمع المال , ما رضيتش بالعيشة الحلوة اللي كنت عايسشاها معاه وكنت عايزة اكتر واكتر واكتررررر , غصبت عليه يسافر عشان يحققلي كل احلامي اهئ اهئئئئئ كان كل سنة لما ينزل اجازة يترجاني , يقولي مش عايز اسيبكو يا عصمت اهئ اهئ البنات يا عصمتتتتتتت اهئ اهئئئئئ كنت اضغط عليه واقوله السنة الجاية وخلاااااص , كنت بقوله كدة وخلاص عشان يسكت , لكن كانت نيتي انه يفضل برا على طول , لحد ما زهد فيا وكرهني , فجأة فوقت لقيته ضاع مني وبناتي ضاعوا وكل حاجة ضاااااااااعت اهئ اهئئئئئئئئ ياريت السنين ترجع بيا وانا كنت اخد جوزي في حضني واقوله انت جوزي وحبيبي وابويا واخويا وكل اللي ليااااا مش عايزة حاجة من الدنيا غير وجودك جنبي اهئ اهئئئئئئ اوعي يا بنتي تغلطي غلطتي , اوعي يا دراهممممم اهئ اهئئئئئئ

اهئ اهئئئئ كفاية يا ماما بالله عليكِ , انا جنبك يا ماما , مش هسيبك ابداً , ولا انا مش كفاية بقى يا ست ماما !

ربنا ما يحرمنيش منك يا بنتي , مافيش اخبار عن اختك يا حبيبتي ؟

ابداً يا ماما

يا ترى انتِ فين يا بنتي ! اهئ اهئئئئئئئئ

************************************

تن تن صباح الخير يا ماماااااااا ههه جبتلك الأستاذ احمد والأستاذة فاطمة عشان يصبحوا عليكِ ههه

اهلاااااً حبايب قلبيييييي ازيك يا احمددددد

ازيك يا تيتة ههه صباح الخيرررر

صباح النور والسعادة يا حبيبيييييي تعالى هات بووووسة

اموووه انا اسمي احمد

ههه عاشت الأسامي يا حبيبي , ماما قالتلي

وانا فاطمة يا تيتة ههه

يا حبيبة تيتة اموووه ههه ماشاء الله , البنت شبهك يا دراهم

انا حلوة زي فطومة كدة يا ماما ! هههه

هههه ربنا يخليهوملك يا حبيبتي

عارفة يا تيتة , انا شاطرة في الكلاس وكمان خطي احلى من خط احمد , حتى شوفي كدة

ههه وريني يا حبيبتي

الله ! خطك جميل ماشاء الله

لا بقى يا تيتة , دي بتكدب , انا خطي احلى من خطهاااا شوووفي

ههه ماشاء الله جمييييل شاطر يا حمادة , يارب تطلع دكتور زي بابا

انا خطي احلى ولا خط احمد يا تيتة ؟

ههه انتو الاتنين خطكو جميل بسم الله ماشاء الله

 انا رايحة المدرسة ولما اجي هلعب معاكي كتير ,  اتفضلي واحدة شيكولاتة يا تيتة 

ههه تسلم ايدك يا حبيبتي

يلا يا ولاد عشان الباص زمانه جاي , بوسوا تيتة وقولولها السلام عليكم

اموووه السلام عليكم يا تييييييتة

عليكم السلام يا حبايبي ههه ربنا يحفظكو ويحميكو يارب اللهم آمين

*************************************************

ايه يا فخر , كمل فطارك يا حبيبي

 شبعت الحمدلله , صبيلي الشاي من فضلك يا حبيبتي

من عنيا يا حبيبي ............ اتفضل

 تسلم ايدك يا حبيبتي , على فكرة يا دراهم , امي هتيجي النهاردة تسلم على امك , اتصلت بيها بعد الفجر عشان اصبح عليها هي وابويا كالعادة ههه  فرحت اوي لما عرقت اننا لقينا والدتك 

ههه يا حبيبتي يا طنط ! ربنا ما يحرمناش منها يارب ومن طيبة قلبها , خلاص هعمل حسابها ع الغدا إن شاء الله

ان شاء الله يا حبيبتي , أقوم انا بقى عشان يادوب ألحق المستشفى , السلام عليكم

عليكم السلام يا حبيب قلبي ممم بعد الضهر  ان شاء الله  أكلم  بابا و اقوله اننا لقينا ماما

***********************************

تيتة , سرحيلي شعري , ماما في المطبخ ومش فاضية

هه تعالي يا فاطمة , الله , شعرك جميل ماشاء الله , زي شعر مامتك بالظبط

انتِ كنتي بتسرحي لماما شعرها وهي صغيرة ؟

ههه طبعااااااً , كنت بسرحلها شعرها هي وخالتك دنانير واحطيلهم توك حلوة زي التوكة بتاعتك دي

هي فين خالتو دنانير يا تيتة ؟ انا مش شوفتها قبل كدة

....... خالتو مسافرة يا حبيبتي

طيب هتيجي امتى ؟

..... الله أعلم يا حبيبتي

تن تن مامااااا , ايه ده ! انتِ بتعملي ايه هنا يا فاطمة ! كدة تتعبي تيتة !

يسيبها يا دراهم , انا مبسوطة وانا بسرحلها شعرها ههه اموه امورة فطومة حبيبتي

انتِ امورة يا تيتة ههه

امورة ! هه ! كان زمان يا حبيبتي

روحي يا فاطمة على اوضتك راجعي السورة اللي الشيخة ادتهالك , هتيجي النهاردة تسمعلك انت وأحمد بعد المغرب

حاضر يا ماما

على فكرة يا ماما , والدة فخر هتيجي النهاردة تسلم عليكِ , فرحت اوي لما عرفت انك رجعتيلنا بالسلامة يا ست الكل ههه

ربنا يبارك فيها وفيكو يا بنتي

ممم ماما , انا اتصلت ببابا وقولته اننا لقيناكِ

.......... هو عامل ايه ؟

الحمدلله بخير

وابنه ؟

هه فهد ما شاء الله بقى شاب زي القمر دخل الجامعة السنة دي

ماشاء الله , ربنا يفرح قلبه بيه

لما بابا عرف انك رجعتي قال انه عايز يبعتلك مبلغ كل شهر تصرفي منه

لاااااا , مش عايزة حاجة , مش عايزة صدقة واحسان من حددد اهئ اهئئئئئ

خلاص خلاص يا ماماااا , انا ما اقصدش ازعلك , انا بس كنت عايزة اعرفك ان بابا مهتم بيكِ , بيقول مهما كان عصمت أم بناتي

كتر خيره , بصي يا بنتي انا مش هكلفك إلا اللقمة اللي هاكلها , لا عايزة لبس ولا  لازمني مال , اللي عندي يكفيني , بدعي ربنا اني ما اطولش في الدنيا عشان ما اتعبكيش معايا انتِ وجوزك اهئ اهئئئئ

ماماااا امووه اهئ اهئئئئ بعد الشر عليكِ يا حبيبتي , والله يا ماما انتِ تطلبي عنيا مش هأخرهم عنك , ايه اللي بتقوليه ده بس ! انتِ منورانا والله يا حبيبتي , واديكي شوفتي فخر فرح قد ايه , بلاش تقولي كلام يزعلني تاني بالله عليكِ

حاضر يا بنتي

طيب انا هروح المطبخ اكمل اللي ورايا على ما فخر يجي من المستشفى ومامته تيجي ان شاء الله

روحي يا بنتي شوفي اللي وراكِ

**********************************************

ترررررررررررررررررررررررررررررن

افتح الباب يا فخر يا حبييييييي , اكيد طنط جتتتتتت

حاضر يا ستي

امي ههه اهلاً يا حبيبتي اتفضلي

السلام عليكم يا فخر هه

عليكم السلام يا أمي , اتفضلي يا ست الكل , ايه اللي معاكِ ده ؟ كل ما تيجي لازم تتعبي نفسك كدة !

لا دي مش ليكو ههه لمامت دراهم , ودول تلات علب بسكوت وشيكولاتة لحبايب قلبي , هما فيييين ؟

ههه يا أحمدددددد فاطمممممممة

تيتة جتتتتتتتتتت تيتة جتتتتتتتتتتتت هييييييييييه هييييييييييييه

هههه اهلا اهلا حبايبي , ازيك يا فطووووومة اموووه

ازيك يا تيتة وحشتيني

وانتِ كمان يا سكرة وحشتيني , ازيك يا احمددد اموووه

الحمدلله يا تيتة ههه

اتفضلوا يا حبايبي , بسكوت وشيكولاتة من اللي بتحبوهم

شكرا يا تيتة

روحوا يا ولاد على اوضكو وهنادي عليكو لما ماما تجهز السفر

حاضر يا بابااااا

اومال فين دراهم ووالدتها يا فخر ؟

دراهم في المطبخ وهتيجي حالاً , والدتها في اوضتها , تقريبا ما بتخرجش منها , بحس انها بتتعامل معانا على استحياء

لا حول ولا قوة الا بالله , فعلاً أمر صعب جداً . أكيد حاسة البيت مش بيتها عشان كدة مش قادرة تاخد حريتها , اوعى يا فخر يا حبيبي تحسسها انك متضايق من وجودها , الست مالهاش غيركو دلوقتي

ما تخافيش يا أمي , والله انا مبسوط انها معانا , قولت لدراهم اننا مش هنسيبها تعيش لوحدها أبداً وهتفضل معانا على طول

خير ما فعلت يا ابني , كله في ميزان حسناتك ان شاء الله

هه تعرفي يا أمي , لو واحدة غيرك كانت تقول لابنها وانت مالك ومال امها وظروف امها , وانت ذنبك ايه تصرف عليها

اعوذ بالله , ليه يا ابني ! داحنا مسلمين وديننا دين رحمة , لو احنا ما رحمناش بعض يبقى ازاي ننتظر رحمة من ربنا  سبحانه وتعالى !!!

ربنا يخليكِ لينا يا أمي , اتعلمنا الدين من أفعالك الجميلة مع الناس , ربنا يجازيكي عننا خير

ويجزيك خير يا حبيبي

طنطططط هههه ايه النور دددده

هههه اهلاً يا دراهم يا حبيبتي , ده نورك ونور ماما اللي ملا الدنيا

ههه ربنا يخليكِ يارب , معلش اتاخرت عليكِ , كنت في صراع مع صنية المكرونة البشاميل

هههه لالالا دانتِ شاطرة في المطبخ يا دراهم وخصوصا في المكرونة البشاميل

ههه سامع يا فخرررر ؟

ههه امي بتجاملك مافيهاش حاجة

كددددة ! طب ماااااااشي , عقابا ليك محروم من صنية المكرونة

لاااااا ارجوووووكِ العفو والسماااااااح هههه

هههه خلاص عفيت عنك , عن اذنك يا طنط هدي خبر لماما عشان تدخليلها

اتفضلي يا حبيبتي

**************************************

تن تن مامااااا والدة فخر عايزة تدخل تسلم عليكِ

اهلاً بيها يا بنتي , خليها تتفضل

اتفضلي يا طنطططط

السلام عليكم ورحمة الله ههه ازيك يا مدام عصمت , نورتي الدنيا كلها

هه عليكم السلام يا أم فخر , نورك ونور الولاد والله

والله داحنا فرحنا فرحة ما اقولكيش قد ايه لما فخر قالنا انهم لقوكي الحمدلله

تسلمي يا حبيبتي

اتفضلي يا مدام عصمت , دي هدايا بسيطة , اقبليها من اختك

ليه بس كدة ! تعبتي نفسك والله

لا تعب ولا حاجة , دول عبايتين للبيت ودي عباية خروج , عرفت مقاسك من فخر ههه

والله تعبتي نفسك وماكانش له لزوم

لا ازاي بقى ! وده بقى اغلى هدية في الدنيا , مصحف عشان يكون ونيسك في ليل أو نهار

يااااااه مصحف ! فعلا والله اغلى هدية , محتاجة اقرأ قرآن ليل ونهار لحد ما اقابل ربنا

ربنا يديكي الصحة والعمر يا مدام عصمت , انتِ بين أهلك , فخر ده ابنك زي ما دراهم بنتك , لو عايزة أي حاجة اطلبيها منه وهو مش هيتأخر عنك , وانا ان شاء الله هاجي ازورك باستمرار , لو ماكنش ده يضايقك يعني هه

اتضايق ! طب والله دانا حبيتك من اول ما دخلتي عليا الأوضة , وشك ماشاء الله كله طيبة وسماحة , وكفاية معاملتك الحلوة ليا , دانتِ احسن من الأهل والله يا أم فخر

انتِ اختي يا مدام عصمت  وانا ما عملتش غير الواجب

ربنا يبارك في أولادك , انتِ عنك غير فخر ؟

ايوة عندي محمد مهندس وعندي فاطمة خريجة صيدلة , بس مش بتشتغل , جوزها مقعدها في البيت هه عندها ولدين ماشاء الله

ماشاء الله

وهي السبب على فكرة في جواز دراهم من فخر , اصلها صاحبة دراهم , اتعرفوا على بعض في المسجد , افترقوا سنين طويلة ولهم قصة جميلة في لقاءهم تاني , هبقى احكيهالك بعدين ان شاء الله ههه خايفة تقولي عليا رغاية

ههه معقول ! طب والله دانتِ كلامك زي العسل , ياريت تفضلي معايا على طول

ان شاء الله هزورك باستمرار , لكن مافيش اخبار عن بنتك اللي في فرنسا ؟

......لا , ادعيلي الاقيها

ان شاء الله

يلا يا ماما , يلا يا طنط السفرا جاهزة ههه

طيب يا حبيبتي , انا هسبقك انتِ ماما عشان جعانة اوي وريحة طبيخك اللي يجنن جوعتني اكتر يا دراهم ههه عن اذنكو

ههه اتفضلي يا طنط , ها يا ماما , ايه رأيك يا مامت فخر ؟

ست طيبة اوووي , ياااااااه ارتحتلها من كل قلبي . انتِ طيبة يا دراهم وربنا أكرمك بزوج طيب وأهله ناس طيبين

الحمدلله يا ماما , يلا بقى عشان ناكل يا جميييييل

يلا يا حبيبتي . يا ترى انتِ فين يا دنانير يا بنتي ؟ يا ترى هشوفك تاني ولا مش مكتوبلنا نتقابل ! يا حبيبتي يا بنتي

**********************************

ايه يا رحمة,مش هتروحي الكلية يا بنتي؟

لا يا ماما,ما عنديش محاضرات النهاردة,هذاكر في البيت

ذاكري يا بنتي ربنا يوفقك انتِ واللي زيك,طب هنروحوا نشوفوا بهيرة ما ظهرتش النهاردة ليه ولا جت تصبح عليا,وحشتني من امبارح وربنا

ههه يا بختها بيكِ والله يا ماما

وربنا انا اللي ربنا بيحبني عشان جابني العمارة دي وعرفت بهيرة..مش هنغيبوا يا بت

ماشي يا ماما ممم ما رضيتش اقلها ان ياسمين ولدت وطنط بهيرة عندها في المستشفى وإلا هتقولي عرفتِ منين,ولو عرفت ان ياسر قالي هتقولي شوفتيه فين وكلمتيه امتى ومش هخلص,حصااار,حصااااار,امتى يتفك بقىىى

*************************

ترررررررررررررررررررررررررررررررررررررررررن

شوف الباب يا ياسررر ,انا باخد بذاااااكر

طيب يا فااااالح..أكيد طنط اشجان..أهلاً يا طنط ههه

أهلاً بيك يا ياسر,اومال امك فين؟

ماما مع ياسمين في المستشفى,أصلها ولدت

وربنا!هههه ماشاء الله,الف مبروك,والله وبقيت خال يا ياسر

ههه هنعمل ايه بقى يا طنط! الله يبارك فيكِ

طب هي في مستشفى ايه عشان نروحولها؟

لالا ما تتعبيش نفسك,ماما اتصلت من شوية وقالت انها جاية كمان شوية ان شاء الله

طيب يا ياسر ,لما امك تيجي شيعهالي عشان ندوها كلمتين,وربنا زعلنا منها عشان ماخدتنيش معاها

هه خلاص يا طنط هبلغها,مع السلامة

الله يسلمك

ممم كويس ان البت رحمة ما وقعتش في الكلام وقالت لامها

*************************

شوفي مين ع الباب يا بت يا رحمة,ياكشي تكون بهيرة

هشوف يا ماما

**************

أهلاً يا طنط بهيرة ههه

أهلاً يا رحومة ههه

مبروك لياسمين على البَبيه

البيبيه! يختي عليه ههههههههههههه الله يبارك فيكِ يا حبيبتي,ماما فين يا خواجة رحمة هههههههههه؟

ههههههه ماما جاية اهيه

مبروك لياسمين  ع الولا يا بهيررررة هههه وربنا فَرَحنا من قلبنا ع الصبح

الله يبارك فيكِ يا أشجان,ويفرحك ع الصبح والضهر وكل وقت لآخر العمر يا أختي ههههه

تعيشي,ياسمين عاملة ايه؟

الحمدلله كويسة وزي الفل,ناهد قاعدة معاها وانا جيت ارتاح شوية

يريح قلبك,والولا حلو ؟ ههه

قمر يا اشجان اللهم بارك,ياسمين على صغنن ههههه لما تشوفيه هيعجبك قوي

ربنا يفرحكو بيه يارب ,ولو اننا زعلانين منك وربنا

ليه بس يا أشجان يا حبايبي ؟ ههههههه

بقى ياسمين تولد ولا تقوليلي ولا تديني خبر عشان نروحوا معاكِ ونقوموا بالواجب!

ما تزعليش يا أشجان,اصل انتِ ما تعرفيش اللي حصل يا أختي,جالنا تليفون من مازن الساعة اتنين وش الصبح وقال ياسمين بتولد,جريت انا وحسين ما حسيناش بنفسنا,والوقت ما كانش مناسب وما ينفعش أخبط عليكِ يا أختي

لا غلطانة يا بهيرة,دانا طول عمري نخبط عليكو في نصاص الليالي عشان تنجدوني,وطول عمرك انت وجوزك واقفين جنبي زي ما تكونوا اخواتي واكتر,تقومي ما تخبطيش عليا تقولي ياسمين بتولد!!

خلاص بقى يا أشجان حقك عليا,الولادة الجاية هاخدك معايا ان شاء الله هههه

يختي ربنا يرزقها يارب,طب خديني معاكِ بكرة نباركولها

لا بكرة ولا بعده,هي هتخرج بكرة من المستشفى ان شاء الله,ابقى اخدك ونروحلها البيت

هي مش هتيجي عندك هنا؟

جوزها مش راضي يا أختي,بيقول ابني ما يترباش بعيد عن بيت ابوه ههههه

وربنا ما له حق,دانتِ امها,فيها ايه يعني!

لا يا أختي,من حكم في مراته ما ظلم,وانا ما بتدخلش بينهم,اديني هروحلها وناهد هتروحلها ومش هنسيبها لوحدها برضو,المهم كلام جوزها يمشي وما نعملش مشكلة

يا ريت كل الناس في عقلك وحكمتك يا بهيرة,والله وبقيتِ جدة يا بهيرة هههه

ههههه زمن يا أختي بيجري زي الحصان الهربان ,عقبال ما تجوزي رحمة وتاخدي لقب تيتة مع مرتبة الشرف

آمين يختي يارب,ربنا يبعتلها ابن الحلال اللي يستاهلها

***************************

الحمدلله الولية توحا نامت,نتسحبوا من جنبها وناخدوا الموبايل ونخرجوا نكلموا البت سماسم

*****************

اهو خرجنا من الأوضة النحس اللي نايمة فيها الولية المحنطة,ايّوووه,البت سماسم وحشتني

هتكلم حد يا ربيع ؟

هاااا ! أأأ انتِ ايه اللي صحاكِ وخرجك من أوضتك يا توحا!

عطشت وقومت نشرب , هتكلم مين في نصاص الليالي كدة ؟

أأأ ده ده واحد صاحبي اسمه اسماعيل , اصل احنا ما بنعرفوش نلاقوه ولا نتلموا عليه غير في الوقت ده , اصله نهاره ليل وليله نهار وحاله متشقلب بسبب شغله

هه ليه ؟, هو بيشتغل ايه ؟

بيشتغل طبال ورا رقاصة , عشان كدة دلوقتي تلاقيه مصحصح ونازل الشغل عشان يطبل بنشاط

هههه حلوة قوي شغلانته دي . كلها حظ وفرفشة , ابقى شوفه بيشتغل في انهي كباريه وابقى خدنا نسهروا هناك ونفرفشوا شوية

وماله يا حبيبتي , اني مش عايز إلا راحتك وانبساطك

هههه تسلملي يا ربيع , احنا داخلين نناموا بقى وابقى قول  لصاحبك طبل حلو ودلّع الرقاصة هههه تصبح على خير

تصبحي على ....... ولا بلاش , الطيب احسن , اوووووف اني عارف ايه اللي صحاها دلوقتي دي ! عايز نكلم البت سماسممممم , يارب تكون صاحية

تررررررررررررررررررررررررررررن الو ايوة يا ربيع

ههههههه وحشتيني يا بت

وانت وربنا

مالك موطية صوتك كدة زي الحرامية !

خايفة ابويا يسمعني

هو ابوكي لسة صاحي ؟

لا نام هو وامي بس برضو خايفة يصحى فاجأة

ربنا يستر

بت يا سميييييييية نور اوضتك والع ليه يا بتتتتتتتت

يا لهووووي ابويا صَحَى أأأأ ايوة يا اباااااا

بتكلمي مين يا بتتتتتت

دي انشراح , ايوة البت انشراح اللي كانت معايا في المدرسة

مدرسة ! وهي لسة  فاكراكي من ايام المدرسة !

ايوة طبعا فاكراااااني اصلها بت اصيلة قوي وربناااااااا

طب يختي , ابقي قوليلها ما تتصلش في وقت زي ده وتقلق منام النااااااس

حاضر حاضر هنقولولهااااا اووووف اتفجعت  حتة فجعة يا ربيع !!!

ما انتِ اللي جبتي سيرته , اللي يخاف من العفريت يطلعله

ههههههه لم روحك يا ولا , اني ابويا عفريت !

ايوة عفريت ومخلف احلى عفريتة هههه

ههههههههههه طب بس لنعفرتوك وما نخلكش على بعضك , وبعدين تعالالي هنا يا ولا , بقالك يجي عشر تيام ما كلمتنيش وبقالنا اكتر من شهرين ما اتقابلنااااااااش, هي القعدة جنب العجايز عجبتك ولا اييييييه !

يا بت غصب عني وربناااااا , اني قولت نخف رجلي لحسن حد يشوفني معاكي يروح يقول لابوكي اني في اسكندرية ويكشف الملعوب ويعرف اننا بنضحكو عليه وساعتها الله اعلم هيعمل فينا اييييه

ايوة يا ربيع , بس غيبتك طالت قوووي , مش انت قولت لابويا انك هتغيب سبع تمن شهوووور ؟ احنا خلصنا الشهر السابع  اهووو ما كفاية غربة بقىىىىىىىىىىى

هههههههههه عسل وربنا عسل وشربات كماااااااااان , غربة ايه يا بت ! هو احنا هنكدبوا الكدبة ونصدقوها !!!

اني نقصد ان المدة خلاص خَلَصت وكفاية كدة وتيجي تقابل ابويا عشان نشوفوا مصالحنا , ولا مش هتعرف تاخد فلوس من أم اويئ

يا بت اني ناخدوا نور عنيها وهي ما بتقولش لا , انتِ ما تعرفيش المصاريف اللي بتصرفها شكلها ايه , يوماتي يا بت لحمة وفراخ واسماك اشكال والوان واغلى لبس بتجبهولي وعمرها ما بخلت عليا , ده غير الفُسح والأكل في المطاعم الزواتي

هههه طب عايزين ينوبنا من الحب جانب بقى , ولا هيهون عليك تفضل في النعيم لوحدك يا ولا ؟؟؟

لا خلاص اني مش قادر على بعدك اكتر من كدة يا بت , مممممم اسمعي يا سمية , انتِ بكرة العصر كدة تقولي لابوكي ربيع اتصل بيا وقال  انه نازل مصر  الاسبوع الجاي وهيجيلنا يوم الجمعة , استبينا ؟

إلا استبينااااااا هههه اهو ده الكلام , استبينا يا ولاااااااا

*************************************

قرائي الأعزاء,ولحد هنا وانتهوا الأربع حلقات اللي وعدتكو انزلهم قبل انقطاعي عنكم في الفترة القادمة لظروف خارجة عن إرادتي..بس إن شاء الله فترة الغياب ما تطولش,والله مش هيكون عندي نت عشان انزل الحلقات ..لكن ان شاء الله لما ارجع اوعدكم اني انزل الحلقات مرتين في الاسبوع او اكتر حسب استطاعتي عشان حقيقي الفترة الجاية ظروفي مش ضامناها نهائي وعايزة اخلصلكم الحلقات كلها بمشيئة الله

بالنسبة لقارئتي العزيزة اللي طلبت مني وضع المشاهد المحذوفة (مشاهد رانيا في لندن وخطوبة محمود اخو بهيرة) إن شاء الله هحطهم تحت عنوان مشاهد محذوفة من الرواية,وده لما النت يرجع إن شاء الله

******
القراء الأعزاء الذين لم يقرؤوا باقي رواياتي ,هحط بعض الروابط..اقرؤوا وإن شاء الله الروايات هتعجبكم جداً ومش هتندموا

رواية زوجتي والمفتاح

https://www.goodreads.com/book/show/27832675

مراتي في السبعينات على اخوات الإسلام (بدون ردود)

https://akhawat.islamway.net/forum/topic/316053-%D9%85%D9%8F%D8%B3%D9%8E%D9%84%D9%90%D8%B3%D9%8E%D9%84-%D9%85%D9%90%D8%B1%D9%8E%D8%A7%D8%AA%D9%90%D9%8A-%D9%81%D9%90%D9%8A-%D8%A7%D9%84%D8%B3%D9%91%D9%8E%D8%A8%D9%8A%D8%B9%D9%90%D9%86%D9%8E%D8%A7%D8%AA-%D8%A8%D9%82%D9%84%D9%85-%D8%A7%D9%84%D9%85%D9%8F%D8%A8%D8%AF%D8%B9%D8%A9-%D9%87%D8%A8%D8%A9-%D9%86%D9%88%D8%B1-%D8%A8%D8%AF%D9%88%D9%86-%D8%B1%D8%AF%D9%88%D8%AF/
*******
زوجتي وحافة الهاوية ,على اخوات الاسلام بدون ردود

https://akhawat.islamway.net/forum/topic/318407-%D9%85%D9%8F%D8%B3%D9%8E%D9%84%D9%90%D8%B3%D9%8E%D9%84-%D8%B2%D9%8E%D9%88%D9%92%D8%AC%D9%8E%D8%AA%D9%90%D9%8A-%D9%88%D9%8E%D8%AD%D9%8E%D8%A7%D9%81%D8%A9-%D8%A7%D9%84%D9%87%D9%8E%D8%A7%D9%88%D9%90%D9%8A%D8%A9-%D8%A8%D9%82%D9%84%D9%85-%D8%A7%D9%84%D9%85%D9%8F%D8%A8%D8%AF%D8%B9%D8%A9-%D9%87%D8%A8%D8%A9-%D9%86%D9%88%D8%B1-%D8%A8%D8%AF%D9%88%D9%86-%D8%B1%D8%AF%D9%88%D8%AF/


أنا وكيفين وضوء القمر ,للتحميل او قراءة اون لاين على مكتبة لوتس الالكترونية

http://lotusbookshop.blogspot.com/2017/03/blog-post_20.html

أم فتحي (رواية كوميدية اجتماعية ) على اخوات الاسلام بدون ردود

https://akhawat.islamway.net/forum/topic/321251-%D9%85%D9%8F%D8%B3%D9%8E%D9%84%D9%92%D8%B3%D9%8E%D9%84%D9%92-%D8%A3%D9%8F%D9%85%D9%91%D9%8F-%D9%81%D9%8E%D8%AA%D9%92%D8%AD%D9%90%D9%8A-%D9%84%D9%90%D9%84%D9%92%D9%85%D9%8F%D8%A8%D9%92%D8%AF%D9%90%D8%B9%D9%8E%D8%A9-%D9%87%D9%90%D8%A8%D9%8E%D8%A9-%D9%86%D9%8F%D9%88%D8%B1%D9%92-%D8%A8%D9%90%D8%AF%D9%8F%D9%88%D9%86%D9%92-%D8%B1%D9%8F%D8%AF%D9%8F%D9%88%D8%AF%D9%92/

****************************************
في انتظار ارائكم في الروايات إن شاء الله (اتسلوا على ما اجيلكم ) هههه

اقولكو هتوحشوني قوي,استودعكم الله الذي لا تضيع ودائعه قرائي الأعزاء

في أمان الله