الحلقة العشرون (ف2)

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

افندم

جهزي نفسك عشان بكرة هنتنَقَلوا الفيلا الجديدة

........ حاضر

بنيت الفيلا على مزاجي.. عشان كدة خدت مني اكتر من سنة, في لوران , والفرش جبته من برا..خليتهالك قصر.. وفرشتلك أوضتك بالحرير ...... هتعجبك ياما

................... هنجهز نفسي أنا واحمد وراوية , عن اذنك

اتفضلي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

وصلنا الفيلا , انزلوا

انزلي يا راوية , يلا يا احمد

حاضر يا ماما

هي الفيلا دي بتاعتنا يا بابا ؟

ايوة يا احمد , عجبك شكلها من برا ؟

قوووي, والجنينة دي بتاعتنا ؟

طبعا , عشان تلعب براحتك يا عم هههه يلا تعالى معايا نفرجوك عليها من جوا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ايه رأيك في أوضتك يا أبو حميد ؟

حلوة قوي يا بابااااا ,اكبر من اوضتي التانية وفيها شباك على الجنينة

هههههه إبسط يا عم , مين قدك !!!

************

الله يا ست ضحى هههه بسم الله ماشاء الله , الفيلا حلوة قوي والفرش بسم الله ماشاء الله جميييييييل

.........................................

ست ضحى ... هي الفيلا ما عجبتكيش ولا ايه ؟

......خرجت من سجن لسجن اكبر .... مافيش حاجة فارقة

يا حبيبتي ليه بس كدة , ربنا يجعلها قدم السعد عليكو

يا راااااااااااوية

حاضر يا ادهم بييييييه

تعالي فضي شنطتي وحطيلي الهدوم في الدولااااااااااااب

حاضر يا ادهم بيه من عنيااااااا

حين يغلق الباب سجّاني , وانسى أين أنا وما عنواني

بل أين صفحات عمري الباسمة  , أم مزقتها أسياف سجّاني

أحاط بأسوارٍ مثقلة بأحزاني

جدران صماء لا تسمع أهاتي وأناتي

أيا أملٌ ضل طريقي , أنا هنا , هنا...غير أني لست أدري من أنا.. وما عنواني

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ادهم اخوكي نقل الفيلا الجديدة امبارح

ايييييييييه ! فيلا جديدة !!!  وطبعا كلفها الشيء الفيلاااااااااااااني أيوة كله من فلوس باباااااااا , وهو خسران اييييييه !!!!

يا بت فلوس ابوكي ايه ! اخوكي بيكسب ومكتبه ماشي زي الساعة

وهو فلوس المكتب كان جايبها منييييين ! أصل ماله من فلوس باباااااا , كل واحد فيكو عمال يكبر ويكبّر ماله إلا انا يا ست مامااااااااا , انتِ عمالة تبني في ابراج وتشتري في ارررررراضي وتغيري عربية كل سننننننة وسي احمد بالع المينا وشغل المينا اللي بيجيبله ملايين وعمال يصرف ع الشحاتة الجعانة بتاااااااااعته وسي ادهم عمال يبني في فيلل عشان السنيورة بنت حامد ترضى عنننننننه , وانا بقى المظلومة اللي فيكوووووو

يا بت وانتِ ناقصك اييييييييه ؟

ايوة يا ست ماما , ما هو انتو فاكرين لما تأكلوني وتشربوني انا وبنتي وتجيبولنا كام هدمة على كام حتة دهب تبقوا عملتوا فينا  جمِييييييييلة , بس انا بقى مش مسامحااااااااكو انتو ناهبين حقييييييييي

اخرسي يا بتتتتتت , حقك ايييييييه ! اخواتك رجالة بيشتغلوا ويكسبوا وماحدش فيهم قاعد عواطلي وبيجيلوا فلوووووووس , واحنا قولنا نشغلوا الفلوس بدل ركنتها في البنووووك , كفرنا ولا كفرنااااااااا !!!!

وفيها ايه يا ست ماما لما تدوني فلوس نشغلوها انا كمان ونعملوا حاجة ليا ولبنتيييييي

تشغليها ! ههههه طب دانتي خايبة ومالكيش إلا في بعزقة الفلوس , اسكتي يا أوسا وعيشي في النعيم اللي انتِ فيه انتِ وبنتك وبطلي تبصي لاخوااااااااتك , ابوكي مش مقصر معاك ولا مع بنتكككككك , نعوذ بالله منك بت

انا عارفة ماحدش طايقني ولا طايق يشوف خلقتي في البيت دددددده انا طالعة اوووووضتي

مالك يا ست اوسااااااااا

غوري من وشيييييييي

ربنا يغورك من الدنيا بحالها آمين يارب , مالها الست أوسا يا ست سعاد ؟

البت يختي ما بتبطلش نبر طول ما هي قااااااااعدة , اخواتي عندهم , اخواتي بيجيبوا لستاتهم

هي مالها يجيبوا لستاتهم ولا لسبعاتهم !!! لو نفسها في الجواز ما تتجوز

هي مش عايزة جواز يا بت , هي عايزة فلوس , بتولّع بعيد عنك لما حد من اخواتها يشتري حاجة ولا يوسّع على نفسه

ربنا يديها على قد نيتها آمين يارب

بتدعي على بنتي يا ولية انتتتتتتتِ ! يعني نقصولك لسااااانك

لا إله إلا الله , اني بندعي ان ربنا يديها على قد نيتها , مش يمكن نيتها بيضا واحنا ما نعرفوش يا ست سعاد !!!

طب امشي انجري روحي اعمليلي كوباية شّي

نعملولك  كوباية لمون متلجة تروق دمك  يا ست سعاد احسن من الشيّ ؟

خلاص ماشي , اعملي اللمون

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ماشي يا ماما ان شاء الله هخلص محاضرات واجي اتغدا معاكي انتِ ومنة , سلام بقى عشان هدخل قاعة المحاضرات مممم واضح ان الدكتور لسة ماجاش عشان كدة الطلبة واقفين برا , دي سهير واقفة مع شوية من زمايلنا , اما اروح اقف معاهم , السلام عليكم يا جماعة

عليكم السلام

هو الدكتور لسة ماجاش ؟

لا لسة

انا قلت كدة برضو , مممم ازيك يا سهير

اهلاً يا عبد الرحمن

ايه ده انتو تعرفوا بعض ؟

ايوة يعرفني , قولهم يا دكتور انا ابقى مييييين , ولا أوفر عليك واقولهم انااااا , انا بقى يا جماعة ابقى بنت البواب في العمارة اللي اهل الدكتور عبد الرحمن يبقوا اصحابهااااا , مش كنت ناوي تقولهم ان انا بنت البواااااااب ؟

هو انا فتحت بقييييي !!!

اووووووف عن اذنك

اتفضليييييي اووووووف , الله يشفيكي يا شيخة من الكلاكيع والعقد اللي مليااااكي , اهو الدكتور جه

ههههه ايه يا سهير , مالك طلعتي في عبد الرحمن كدة ؟؟؟

بوفر عليه الكلام يا هنا  , وعشان الكل يعرف اني مش بستعر من شغلة ابوياااا

يا بنتي هو حد قالك استعري ولا ما تستعريش , ده يا دوب واحد من اللي واقفين بيسأل تعرفوا بعض ولا ايه , روحتي انتِ قولتي الكلمتين اللي مالهومش لزمة دول هههههههه

بتضحكي على ايه ؟

هههه على عبد الرحمن , اصله اتخض من اسلوبك وما بقاش عارف يرد يقول ايه

طب سيبك منه دلوقتي , الدكتور دخل القاعة والمحاضرة هتبدأ وأنا بقى عايزة أركز و استفيد من كل كلمة الدكتور بيقولهاااااا

ماشي يا ستي , وانا كمان هركز , ما هو من جاور المركز اكيد هيركز هههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

من فضلك يا راوية رتبي دولاب ادهم وبعدين رتبي دولاب أحمد

حاضر يا ست ضحى , وبعدها هنرتبولك دولابك انتِ كمان

لا يا راوية ما تتعبيش نفسك , انا هرتبه بكرة ان شاء الله , مش كل حاجة عليكِ , انتِ تعبتي يامَا في الفيلا من ساعة ما نقلنا

تعبك راحة يا ست ضحى يا قمر ههه اني هنبتدي بدولاب أدهم بيه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ناقص الدرفة الفوقانية بتاعة أدهم بيه , ايّووووه بعيدة يامَا ومش هنطولوها , نجيبوا كرسي السراحة نقفوا عليه

*****

ايه ده ! ده منديل حريمى شكله حلو قوي  ! منديل من بتوع زمان , ما عادش  فيه مناديل زيه دلوقتي ,  ايه اللي جابه في دولاب أدهم بيه ! اكيد بتاع الست ضحى واتحط هنا بالغلط  , اما نروحوا ندوهولها , اكيد هتفرح بيه يامَا , ما هو من ريحة زمان

******

ست ضحىىىىى

               

نعم يا راوية ؟

أنا لقيت المنديل الحريمي  الحلو  ده في دولاب أدهم بيه

منديل حريمي ! ................ المنديل ده شكله مش غريب عليا , وريني كدة يا راوية

اتفضلي ....................هي الست ضحى مَسَكت المنديل وسرحت في ايه!

........ !! ده منديلي , ايوة , منديلي , ضاع مني من زمان ومش فاكرة فين , ايه اللي جابه هنا !!!! ............ ايوة اني افتكرت , ده المنديل اللي وَقَع مني لما اتفاجئت بأدهم في الصيدلية جنب الجامعة من سنين طويلة , وَقَع مني من الصدمة وجريت وما وطتش نجيبوه ........معقول أدهم وطى عليه وخده !! معقول محتفظ بيه طول السنين دي كلها !!! ............ معقول بتحبني بالشكل ده يا أدهم ؟...يا ترى ده حب حقيقي ولا حب امتلاك !!! .................. حتى لو كنت بتحبني حب ما حبوش راجل لست قبل كدة , برضو بنكرهوك يا أدهم , برضو عمر ما هيبقى لك في قلبي مكان , عمري ما هننسى اللي عملته فيا يا ادهم , عمري

سرحانة في ايه يا ست ضحى ؟

.........................

ست ضحى

ها ! ايوة يا راوية

بنقولولك سرحانة في ايه ؟

لا مش سرحانة ولا حاجة

هتخلي المنديل ده معاكِ؟

لا يا راوية , رجعيه مكانه ... ده مش بتاعي

اومال بتاع مين ؟

.................. بتاع انسانة تاهت من سنين ومالهاش اثر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

انتِ فتحتي لمين من شوية يا بت يا عطا

ده سي أدهم يا خالتي شوقية

هو فين وش الأذى , يعني ما سمعتلوش حس ! ده بيدخل بغاغة وهوليلة

اصله شكله متضايق يامَا يا خالتي شوقية , وربنا صَعَب عليا

ما يصعبش عليكي غالي يختييييي , هو ده بيتضايق ولا بيحسسسسس ! ده ما وراهوش غير اذية خلق الله من غير شفقة ولا رحمة

لا وربنا يا خالتي شوقية شكله منكد ع الآخر وعنيه حمرا كدة , شكله ما نامش ليلة امبارح , سألني امي فين قولتله الست سعاد في اوضتها , راح طَلَع وهو ساكت , حتى ما ناداش عليها وقال يا برنسيسة زي عوايده

يختي بلا برنسيسة بلا أبليسة , ياكش الهم يهده عشان يتلمممممم

ايّوووه دانتِ بتكرهيه يامَا يا خالتي شوقية

احنا بنكرهوا عمايله اللي ماشوفتش اسود منها في حيااااااااتي , تقوليش طَمَع في الشر لوحددددده ! يلا يا بت خلينا نشوفوا اللي ورانااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

يا ولا ماااااالك , بقالك زيادة عن ربع ساعة ساكت ونسألوك مالك تقولي مافيششششش !

مخنوق يا امّا مخنوووووق

وايه اللي خنقك يا ادهم ؟

تعبت من ضحى تعبت يا امّا تعبتتتتتتتتتت لا حاسة بيا ولا كأني موجود في حياتها من أصصصصصله

هي بتمنع نفسها عنك ولا ايه يا ولا ؟

لا يا امّا , ياريتها كانت تمنع نفسها , ياريتها تحسسني اني بني ادممممم , لكن دي بتستسلملي جسم من غير روح , زي الميتة اللي بيغسلوها يوم دفنتهااااااا , خليتني نكرهوا نقربوا منهاااااااااا

ايّووووووووووووه وايه اللي غصبك ع الأرف ددددده ما تطقها وتتجوز ست ستهاااااااااا

ضحى مالهاش ست في الدنيا يا امّاااااااا , ضحى دي ست الستات كلهممممم بنحبوها يا امّاااااا بنحبوهااااااا نعملوا ايه في قلبيييييي

وربنا طيبتك معاها دي اللي خليتها عاملة فيك كددددددة , اني قولتلك الصنف ده ما ينفعش معاه الحنييييييية , لكن انت بقى اسم الله رايح تبني لها فيلا و تجيبلها شغالة وستتها وعملتها هااااااانم , دانت معيشها عيشة ما شافتهاش في بيت ابوهااااااا , اني كان نفسي البت دي تخليها خدامة تحت رجليككككككك ساعتها هتتعدل وتبقى في طووووعك , جرب وقول أمي كان عندها حححححق

لا يا امّا , اني ما نعملوش كدة في ضحى مهما عملت فيا

يا ولا بطّل خياااااااابة , البت دي مالهاش غير حلين , يا إما تربيها من أول وجديد وتخيب مناخيرها الأرض , يا إما تطلقهااااااااا

لااااااااااااااااا اني ما نطلقوش ضحىىىىىىى سامعة يا امّااااااااا ما نطلقوش ضحىىىىىىى

خلاااااااص خليها ساقياك المر من كيعانك وما تجيش تشتكييييييي

مش مهم أي حاجة , المهم تكون جنبي , قصاد عيني حتى لو مش شيفاني , لكن طلاق لااااااااا , اني مانفارقوش ضحى إلا لما روحي  تفارقنيييييي , اني اللي يحاول يفرق بيني وبينها ندمرووووووه , اومال اني باعدها عن أهلها ليييييه ! عشان عايزين يفرقوا بيني وبينهاااااا , لكن نجوم السما أقربلهمممممم ,ضحى دي حبيبتيييي حبيبتي اللي ما حبتش ولا هنحبوا غيرها لحد ما نمووووووت

يبقى اشرب من المر لحد ما تموت يا ادهمممممممممم

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

مش مصدقة يا بت يا سعاد ان كلها كام يوم ونتجوز ربيع ونعيشوا معاه عمري ككككله هههه

ربنا يسعدك يا توحا

انتِ مش فرحانة ليه يا سعاد ؟

....................................................................

اني عارفة انك قلقانة من ربيع , لكن الأيام مسيرها تثبتلك انه جدع ابن حلال وطيب وربنا عوضني بيه عن عمري اللي ضاع هدر مع مرشدي الله لا يسامحه

 كله ع الله , أنا مش عايزة من الدنيا غير اني نشوفوكي متهنية يختي

هههه يا حبيبتي يختي , تسلميلي يا سعاد , على فكرة يا بت , اني هناخدوا ربيع ونسافروا ع اليونان

اليونااااان ! اشمعنى يعني !

هههه بنحبوها يا بت ونحبوا ناسها , فاكرة يا بت الجريج اللي كانوا مالين اسكندرية ؟

هه ايوة , كانوا عايشين معانا وكأنهم مننا , يحبوا اسكندرية ويموتوا فيها

ايوة يا بت , اني فاكرة الست الجريجية  اللي  امك اشتغلت عندها فترة , لما كانت راجعة على بلدها كانت بتبوس حيطان البيت قبل ما تمشي , وقالت لامي اني لو عليا نبوسوا السوارع  ونخضنوا  البخر هههه كان كلامهم عسل 

هه كانت ايام يا توحا

فكيها يا سعاااااد اني فرحانة وعايزة الناس كلها فرحانة حوالية

ما قولتليش , قولتي لربيع ع السفرية دي ؟

هنقولوله , الود ودي كنت عملتهاله مفاجأة , لكن لازم  نقولوله عشان يطلع الباسبور , ده هيفرح يامَا ههه

طبعا , هو كان يحلم يخطي برا مصر ! هيشوف العز على ايديكِ

ههه واني هنشوفوا الحب والفرح على ايديه , اوعي يكون عادل جوزك متضايق اني قاعدة عندك الكام يوم دول لحد معاد دخلتي على ربيع ؟

اخص عليكِ يا توحا , الفيلا فيلتك وعادل عمره ما قفل بابه في وش حد من اهلي

تعيشي يختي ويعيش جوزك , احنا هنروحوا بقى نبصوا ع العمال اللي في الشقة

نيجي معاكِ ؟

لا , ربيع هيجيلي على هناك , واهو بالمرة نفرحوه بسفرية اليونان هههه باي يا سعاد

مع السلامة يا توحا هييييح اما نشوفوا اخرتها مع سي ربيع ده كمان

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

الله ينور يا اسطى

عليكِ يا ست الكل

الهمة شوية يا جدع انت وهو عشان مستعجلين ع الشقة اني والقمر هههه

شغالين بإيدينا وسنانا يا سعادة البييييييييه

ههههههه حلوة , ايوة اني سعادة البيييييييه

مالك يا ربيع مستعجل ع الشقة كدة ! ههه

هههه هيكون ليه يعني ! مستعجل ع السعادة والدنيا الحلوة معاكِ يا ست الستات

ههه ايوة بس احنا مش هنحتاجوا الشقة دي لما نتجوز

اييييييييه !اومال هنقعدو فين لا مؤاخذة ؟؟؟؟

هههه ما تتفجعش كدة , اني قصدي اننا هنسافروا اني وانت نقضي شهر العسل

هههه صحيحححححح ! وهنروحوا فييييييين ؟

اليونان

ايّوووووووووووه اليونان حتة واحدة !!!!!!

هههههه لا حتتين , انت حتة واني حتة يا ولا هههه

هههههههههه عسل , وربنا ما مصدق نفسي , بقى اني من صبي قهوجي في حتة قهوة كحيانة لراجل افندي محترم متجوز ست هانم صاحبة مال و جاه وكمان هنسافروا معاها براااااا !!!! هو اني صاحي ولا ناااااااااايم , اني اكيد بنحلمواااااااا !

العيشة مع توحا احلى مليون مرة من الأحلام يا ولا هههه

ههههههه تعيشي ليا يا ست الكل يا قمرة منوررررررة

طب حضر نفسك بقى وطلع بسبورك عشان ما نتعطلوووووش

نتعطلوا ده ايه !!! اني من بكرة الصبح هنطلعوا الباسبوررر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اني مش عارف يعني يا سعاد لزومه ايه وجودي يوم الخميسسسسس ما انتِ عارفة اني بنسافر لاشجان يا بنت الحلاااااااال

ايّوووووووه ! اشجان ايه وبتاع اييييه ! طب وتوحا اختي والراجل اللي حط ايده في ايدككككك ,يجي يستلم مراته يلاقيها من غير راجل يستَلَمها منه !

ما تشيعي لحد من ولادك الرجااااااالة

ادهم مسافر ومش هيكون موجود , وتوحا مش عايزة تدخل احمد في حاجة , بتقولي نخاف يقول كلمتين يوقفوا نفسي من الجوازة

واحنا بقى وجودنا اللي هيفتح نفسهااااااا !

أيّوووووه يا عادل , ما جراش حاجة يعني لما تأجل سفرك لام اويئ عشان خاطر اختيييييي , بت يا عطاااااااا خلي شوقية تعملي شيّ عشان ما شَرَبتش النهاردة

حاضر يا ست سعاد

اووووووف اما نكلموا اشجان نعتذرولها

تررررررررررررررررررررررررررررررررررررررررررن

الو ايوة يا عااااادل

ازيك يا شجونة

ازيك انت يا ابو احمد

كويس الحمدلله , ممممم معلش يا شجونة مش هنقدروا نجولك يوم الخميس

اييييييييه ! ليه إن شاء الله !!!

اصل توحا هتتجوز

ميييييين ! ههههههههه توحا !!!!!!!! بقالي يامَا ما ضحكتش , وربنا دمك عسل وهزارك عسسسسل , لا صحيح مش هتيجي ليه ؟

ايّوووووه يا اشجان , يعني احنا سايبين حالنا ومحتالنا ومتصلين نهزوروا معاااااااكِ !!! قولنالك توحا هتتجوز

هههههههههههههه تتجوز ! دا باين الكلام صح , على العموم الف مبروك , العروسة جابت الفستان ولا لسة ؟ هههههه

مالناش دعوة , المهم يعني اني اتصلت نقولك اني مش هنقدر نيجي عشان هنبقى مشغول معاهم ولازم الولا العريس يجي يلاقيني موجود في البيت

الولا العريس !!!! هي هتتجوز  جدع صغير ولا ايه ؟

اصغر من سامي ابنها

ههههه خليها تتدلعلها يومين الشايبة العايبة , كدة الفولة بانت والمستخبي ظهر , تلاقيها غويته بالمال عشان كدة رضَى بيها

خليكِ في حالك يا اشجان , كل واحد حر في حياته

طب وهتجيلي امتى بقى ؟

يوم السبت هنكونوا عندك ان شاء الله

ماشي يا عادل , ع الله ما تأجلش تاني , ال توحا هتتجوز ال ههههه قول لسعاد مبروك لاختك وعقبال البكاري , اتمختري يا حلوة يا زيييييينة يا وردة من جوا جنيييييييييييييينة لولوليييييي  هههههههههه سلام يا عادل

هههههه سلام يا اشجان , حريم دماغها ضاربة وربنا

الولية دي كانت بتقولك ايه يا عااااااادل

بتقولك مبروك لاختك وعقبال البكاااااااااري

بكااااااااااري ! البت دي بتتريأ على اختيييييييي ! ماشي , بقيالها , القوالب نامت والانصاص قااااااااامت

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ناول الشيّ لربيع يا ابو سمية , منور يا ربيع يا ابني هههه

ههه تعيشي يا حماتي , عنك الشيّ يا عم عربي

اتفضل يا سيدي

مالك بتقولهالي من غير نفس كدة  يا عم عربي زي ما تكون عايز تقول بالسم الهاري هههه

احنا لا قلنا ولا عيدنا , ما تقّولناش حاجة ما قولنهااااااش

اني عارف انك زعلان عشان حكايتي اني وسمية طولت

كويس انك عارف

هههه خلاص يا عم عربي , الحال هيتعَدَل والعيشة هتبقى فل الفل وهنجيبوا احلى شقة ونفرشوها احلى فرش لسمية , غير الشبكة المعتبرة اللي هتتباهوا بيها قدام الجيرة وجيرة الجيررررررة

هأ! منين يا ربيع ! هتسرق بنك ولا هتطبع فلوووووس !

لا يا عم عربي , السرقة والتهليب مش سكتنا , احنا جالنا سفرية لليبيا وهنشتغلوا مع واحد قريبي وهناكلوا الشهد اني وسميييية

سفرية لليبيا !!!

ايوة يا ابا , ربيع ربنا فرجها عليه وواحد قريبه شيّع ياخده عشان يشغله معاه

وهتشتغل ايه بقى مع قريبك ان شاء الله ؟

في كار النقاشة والدهانات , شغلانة مكسبها دهب

وانت تعرف منين انك هتسلك في الشغلانة ! مش يمكن ما تفلحش فيها وزي ما تروح زي ما تيجي ؟؟؟

لالالا ما تخافش , اني ضامن الشغلانة وقريبي قالي دي سهلة وآخر حلاوة

شوفت يا ابو سمية , اهي هتفرج اهيه ههههه

استني انتِ يا ام سمية خليني نفهموا منننننه , وهتغيب قد ايه بقى يا ربيع ؟؟؟ ناوي تربط بنتي جنبك كام سنة كمااااان !

لالالا مش هنغيبوا يامَا , هما سبع تمن شهور بالكتير ونكونوا هنا بالفلوس اللي لزمانا يا عم عربي

لسة سبع تمن شهورررررر !

ايّووووووه هانت يا ابو سمية , اللي خلانا صَبَرنا اربع سنين مش هنقدروا نصبروا كام شهر لحد الجدع ما يرجع !!!!!

ماشي يا ربيع , هنصبروا الكام شهر دول , لكن وربنا المعبود  لو رَجَعت وقلت السفرية خابت وما معيش فلوس لنكونوا طردينك برا ونقولولك ما نشوفوش وشك تااااااااااااني

هههه مش هيحصل يا عم عربي , احنا هنرجعوا بالآلافات , الشربات يا حمااااااااتي

هههه عيني يا عريس بنتي

شوفت بقى يا ابا ربيع مش ساكت ولا حاطط ايده في المية الباردة زي ما انت فاكر ازاي !

المية تكدب الغطاس يختي

هنغطسوا ونقبوا بمفتاح الشقة يا عم ربيع هههه بعد اذنك هناخدوا سمية ونتمشوا ع البحر شوية عشان نودعوها قبل ما نسافروا

ماشي , ما تأخرهاش يا خويا

حاضر يا عم ربيع هههه يلا يا سمية

يلا يا ربيع , سُكي ع الشربات دلوقتي يا امّااااااا

سلام يا حماااااااتي

الله يسلمك يا ربيع ههه خلي بالك من البت , جرا ايه يا عربي ! مالك قاعد وفكرك شارد كدة ؟

كلام الولا ده مش داخل دماغي بنكلة يا زينات

ليه كدة بس يا عربي ! الولا كلامه موزون , بيقولك هيسافر وهيعمل قرشين ويجي يتجوز البت

قرشين ايه اللي هيعملهم وهيكفوا الشقة والعفش والشبكة ومصاريف الجواز !!! دول عايزين آلافات يامَااااااا , وعشان يتعملوا لازملهم سنين يامَاااااااااا , الناس بتسافر وبتشقي ع الجنيي سنين وسنييين  وساعات يرجعوا وهما ما عملوش ربع اللي نفسهم يعملوووه ,  يبقى ازاي ده هيسافر كام شهر ويجي بالفلوس دي كلها ! اديني عقلك يا زينات , ده كلام يخش العقل برضو !

ايّوووووه عليك يا عربي , ايوة كلام يخش العقل من اوسع ابواااااابه , اللي بتتكلم عليهم دول بيرحوا يلطّشوا في الغربة ويطلع عنيهم عشان ما بيعرفوش حد هناك , لكن الولا بيقولك انه مسافر على حس قريبه

ههههه يعني قريبه كان القنصل ولا كان القنصل !

مش ناقصين تريئة يا خويا , قريبه شغال هناك بقاله يامَا وعارف السكك المتقفلة بيفتحوها ازاي , مش كتر خيره انه شيّع عشان ياخد ربيع وماقالش ناخدوا الخير لوحدي !!!

طب يختي , ماشي , هنعملوا نفسي مصدق , لكن لو كان الولا ده بيفرشلنا البحر طحينة وبيضحك علينا عشان يفضل رابط البت جنبه , يبقى الدبح شوية عليييييييييه , احنا رايحين القهوة

بالسلامة يا عربي , ابقى هاتلنا نص كيلو لبن معاااااااك , الراجل صعبان عليه يفرح , ايّوه عليك راجل

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

سهيرررررر اطلعي نضفي اوضة اخواتك على ما يجوا من صلاة الجمعة

حاضر يا ماما

بس تنضفي كويس وشيلي الكراكيب اللي تحت السرير وامسحي الارضية تحتيهم , بقالنا كتير ما نضفناش تحت السرير

يييييي يا ماما , دي كراكيب وكراتين كتير اووووي , هو سعيد شايل فيهم ايه ؟

هدومه القديمة , ما انتِ عارفة حاجته عزيزة عليه

طيب ما يشحتهم ولا يرميهم حتى بدل ما هو مكركب بيهم الدنيا ع الفاضي كدة

مالناش دعوة , نضفي تحتيهم ورجعيهم زي ما كانوا

ماشي يا ماما

ما تغبيش فوق السطوح يا سهيرررررر

حاضر يا ماماااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

اوووووووووف يا ربي , ايه الكراتين المؤرفة ددددددي اووووووف كلها تراب احوأ احوووووووأ الواحد هيتخنق اووووووف مش قادرة اجرجرهم من تحت السريرررر

الحمدلله قدرت اطلع اول كرتوووووووونة, فيهم هدوم ولا فيهم حديد دووووول اعوذ بالله , اما اجيب الكرتونة التانية ددددددي ااااه ركبتي وجعتني

وااااادي التانية , فاضل واحدة كمان بس خفيفة الحمدلله

ايه ده !!! ايه الكيس القماش اللي في الكرتونة دي وماله مترّب كددددة ! ايه ده معقوووووول دي فلوووووس ايوة فلوس كتير ومحطوطة في اساتك , دول آلافات كتير اوووووي دول كام الف دوووووول , يا نهارك ابيض يا سعيدددددد معاه الفلوس دي كلها ومش عايز يديني تمن تايير ولا اتنين اروح بيهم الجامعة وكمان يقول لماما وبابا ان ظروفه ملطّشة ووحششششة !!! طيب يا سعيدددددددد إن ما وريتكككككك , هعدهم عشان اعرف هما قد ايه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

يا خبررررر !!!!!! دول 100 ألف جنييييييييه كل ده من الدروووووووس ! طبعاااااا ما هو شغال منشار ليل نهاااااااار , طيب يا سعيدددددددد انا بقى هخبي الفلوس دي واما اشوف هيعمل ايييييييييه , انا هاخد الفلوس وارمي الكيس القماش اللي شكله يأرف ده في وسط الأوضة عشان اول ما يدخل يجيله سكتة قلبية هههههههههههه طيب يا سعيدددددددددد

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ياااااااااااه الواحد تعب من كتر الدروس واللف على بيوت العيال الفششششششلة

ايه ددددددددددددده لااااااااااااا ده الكيس القماش اللي كان فيه فلووووووووووووسي لااااااااااااااا ده فااااااااااااااااااضي انا اتسررررررررقت اتسرررررررررررررقت مش معقووووووووول الدنيا بتلف بياااااااااا مش قادر اخد نفسيييييييييي لاااااااااااا مش ممكنننننننن , يكون مين اللي سرقنييييييي ده ماحدش بيطلع هنا وحتى لو سهير طلعت تنضف الأوضة عمرها ما هتفكر تشيل الكراتين والكراكيب اللي تحت السريررررر لااااااااااااا انا هنززززززل لازم انزل اشوف مين اللي طلع الأوووووووضة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

امييييييييييييي

اهلا يا سعيد

لا اهلا ولا سهلاااااااااا مين طلع نضّف الأوضة النهاااااااردة ؟

دي سهير اللي طلعت , هيكون مين يعني !

هي فين البت ددددددي ؟؟؟؟؟؟

في الحمام بتستحمى عقبال عندك

دب دب دبببببببب سهيررررررررر بت يا سهيرررررررررررررررررررررر

ايوة يا سعيددددددد

اطلعي بسرعة انا عايزززززززززك

اووووف اديني طلعت , في ايه يا سعيد ؟

سيبينا لوحدنا يا امي لو سمحتي

ليه ؟ هو في ايه يا سعيد ؟

معلش يا امي من فضلك سيبينا لوحدناااااااااا

طيب يا اخويا هسيبكو , انا هودي كوباية الشاي لابوكو ع البوابة واروح  اجيب الهدوم بتاعة الأستاذ كمال من عند المكوجي على ما تخلصوا رغي

طيب طيب يا امي مع السلاااااااااامة اقفل الباب بقى عشان افضالك يا ست سهيررررررر

هه خير يا سعيد

انتِ هتستهبلي يا بت انتتتتتتتتتتتِ !!!!! فين الفلوووووووس ؟

فلوس ! فلوس ايه ؟

الفلوس اللي كانت في الأوووووووضة

أهااا ههه افتكرت , ده وانا بنضف لقيت الربع جنيه الفضة ده واقع ع الأرض , اتفضل يا سعيد

ربع جنييييييه !!!!!! لا بقولك ايييييييييه استهبال واستعباط مش عايزززززز ,انتِ عارفة كويس انا بتكلم عن انهي فلوووووووس , فين الفلوس اللي كانت في الكيس القماااااااااش

كيس قماش !!! ده كان شكله ايه ده ؟؟؟

اوووووووووف اللي انتِ رمتيه فاضي في نص الأوووووووضة

هههه طب اديك قولت , فاااااااضي , يعني انا لقيته فاضي ورميته في نص الأووووووضة

والفلوس راحت فييييييين ؟

يمكن الفار كلهم هههه

فار كلهممممممم ! واتأكد ازاااااااااااي ؟

روح اسأل الفار هههههههههه

بت انتتتتتتتتِ تعالي هنااااااااا

ااااااااه درااااااااااعي

دراعك ده انا هكسررررررره قوليلي وديتي الفلوس فييييييين ,ده شقايا وتعبي طول السنين دي يا سهيررررررر

ممممم يعني كان معاك فلوس ومخبيها وناكررررر مش كددددددة ؟

وانت مالك انتتتتتتتتتِ !!!!!! حاجة ما تخصكيششششش

لا بقى تخصني ونصصصص والفلوس دي لازم بابا وماما ومسعد يعرفوا انها معااااااك

سهيرررررر افهميني يا سهيرررر ابوكي وامك لو عرفوا ان الفلوس دي معايا هينسفوهاااااا حرام عليكِ ده انا اخوكي يا سهيرررررر

اخويا ! اخويا تستخسر فيا تمن شوية هدوم اروح بيهم الجامعة !!!!

طلباتك  ايه  يا سهير عشان ترجعيلي الفلوس وتحفظي السر ؟

ههه ايوة كدة نتفاهم , شوف يا سيدي , عشان انت اخويا وبينا عيش وملح مهما كان هه مش هقول لحد ع الفلوس دي وهحفظ سرك بس على شرط

ايه هو الشرط ده يا سهير ؟؟؟

ممممم ايه هو الشرط يا سهير ايه هو الشرط يا دكتوووووورة سهير ممممممم شوف يا سيدي هتديني الف جنيه عشان اجيب بيهم الهدوم اللي انا عايزاها

الف جنيييييييييه !!! انتِ اتجننتتتتتتتِ !!!!

ههه لسة ما قولتش بقيت شرطي , هتديني كل شهر 100 جنيه لزوم مصاريفي الشخصية جنب المصروف اللي هاخده من بابا يعني

كمااااااااان ! ده انتِ كدة عايزة تنهبينييييييي

تؤ تؤ تؤ , عيب تقول كدة , انا دكتورة محتررررمة ههه كل الحكاية اني باخد حقي من فلوس اخويا العزيز اللي كان المفروض يديهالي من نفسه ومن غير الحوارات دي كلهااااا لكن انت بقى عايز تعيش لنفسك وبس ولا كأن لك اهللللللل , ده حتى مسعد المسكين رفضت تساعده لما طلب مساعدتككككككك

اووووووووف يعني ده اخر كلام عندك ؟

ايوة , تدفع الف وتحافظ على ال 99 الفاضلين ولا تخسر ال 100 الف كلهممممممم ؟

ااااااااااخ يانا منككككك , بقى كل ده يطلع منك يا حتة عيلة انتتتتتتتتتِ

لالالا من فضلك ما اسمحلكش تقول عليا عيلة , انا الدكتورة سهيررررررر هههه

طيب يا سهير , ماشي , بس لو السر اللي بينا طلع برا هقطع رقبتكككككك

هه ما تخافش , طالما نفذتلي شرطي يبقى انت في الأمااااااااان

ماشي , الفلوس فييييييين ؟

الفلوس مخبياها بين هدومي وقافلة عليها بالمفتاح , لحظة  واحدة هاخد منهم الاف والمية بتوعي واديك الباقي

اووووووووف طب يلا خلصيني عايز اطلع اتهبب اناااااااااااام

اوكيه يا استاذ سعيددددددد

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ايه ايه اييييييه ! كلام ايه اللي بتقوله ده يا ربيعععع تسافر معاها اليونان يعني ايه !!!!!

هههه طب اشربي الحاجة الساقعة يا بت

بلا ساقعة بلا سخنننننننة , احنا عايزين نعرفوا ايه حكاية السفر دددددي ؟

يا بت ما تتفجعيش كدة , هو شهر العسل بس هنقضوه ونرجعوووولك

شهر عسسسسسل ! ومين اللي شار عليك الشورة الطين ددددددي ؟

ههه هيكون مين يعني ! العروسة

عروووووسة ! هي الشايبة دي عايشة الدور قوي كدة وليها نفس تسافر وتقضي شهر عسل كمااااااان !!!

الله الله الله ! احنا هنغيروا ولا ايه ! مش قولتي انك ما بتغريش منها ! ههه

ايوة ما بنغيروووووش , هنغيروا من واحدة زي دي برضو !!!, احنا بس مش عاجبنا حكاية السفر دي

ليه بقى يا سماسم ؟

يا ربيع احنا قصدنا انك تبقى هنا جنبنا عشان نبقوا مطمنين عليك , لكن لما تسافر هتشحتف قلبنا عليك يا جدددددع

هههه سلامة قلبك من الشحتفة يا جميل , يا بت ما تبقيش عبيططططة, احنا لا عايزين نسافروا ولا حاجة , احنا بس عايزين ننفذوا كل كلامها عشان نكسبوهااااا

اوووووووف وهتسافر امتى يا خويا ؟

شوفي احنا هنكتبوا الكتاب بعد بكرة , ويوم الخميس الجاي هنطيروا ع اليونان , هنركبوا الطيارة يا بت هههه

اه يا خوفي يا ربيع لتبيعني بعد ما تشوف العز

اخرسي يا بتتتتتت, نبيعوكِ ده ايه ! حد يبيع روحه برضو !!!! هههه اشربي بقى الحاجة الساقعة

ماشي , طب هنطمنوا عليك ازاي وانت مسافر ؟؟

احنا يا بت هنتصلوا بيكِ ع التليفون الفقري بتاعك ده  ,ايخييي , عدة تليفون تخلي الواحد يرجع اللي في معدته ههههه

ههههه ايوة يا خويا مااني ما بقتش من مقامك اني وتليفوني

هنجيبولك عدة مية مية وربناااااا بس نمسكوا فلوس الست دي بإيدينا واحنا مش هنخلوا نفسك في حاجة يا بت

هههه تعيش يا ربيع , اني عارفة يا ولا , تروح وترجعلي بالسلاااااااااامة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

ممممم دي سهير واقفة على محطة الأتوبيس , اعرض عليها تركب معايا , ما يصحش اشوفها واقفة كدة وامشي

سهيررررر

عبد الرحمن !!! في حاجة ؟

هه ابداً , شوفتك واقفة مستنية الأتوبيس قولت اجي اخدك معايا في العربية

افندممممم !!! ايه اخدك معايا في العربية دي !!! شايفني واحدة منحلة ولا ماليش أهل !!!

ايه ده ايه ده ! والله ما قصدت كدة خااااالص , كل قصدي ان احنا جيران وطريقنا واحد

لأ يا دكتور , طريقنا مش واحدددد ,واتفضل خد عربيتك وامشي , عن اذنك الأوتبيس جججججه

ههه ماشي يا بتاعة الأتوبيس , بنت هايلة, هاااااااايلة ممممم هو انا واقف بالعربية ليه ! كدة الأتوبيس هيسبقنيييييي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ سكرين شوت

***********************

السلام عليكم يا ماما

عليكم السلام يا سهير , عملتي ايه في الجامعة يا دكتورة ؟

تمام يا ماما , المهم انتِ عملتي ايه في الطبيخ عشان بنتك حبيبتك واقعة من الجوووع

كان فيه بتنجانتين عملتهم مسقعة , استنى اما اغرفلك

مسقعة ! يلا زي بعضه , اهي لقمة تسد الجوع وخلاص

تن تن فهيممممممممة انتِ فين يا اختيييي ؟

اهلاً يا مدام بهيرة اتفضليييييي

يزيد فضلك يا فهيمة , ازيك يا سهير يا بنت فهيمة ههههه

ههه ازيك انتِ يا طنط بهيرة , ايه الطبق المتغطي ده ؟

ده بقى يا حبيبتي طبق محشي كرنب يستاهل بقك الحلو ده ههههه عارفاكي بتحبي المحشي يا سهير , قولت اول ما يستوي واطفي عليه هنزلّك طبق , كنت باصة من البلكونة لقيتك جاية من الكلية قولت انزلهولك بقى ههه

الله ! محشي مرة واحدة !!! هههه الله على ريحته , دوقيني كدة يا طنط

اتفضلي يا حبيبتي , الطبق بحاله ملكك وانتِ حرة التصرف فيه

الله ! طعمه يجنن يا طنطططط ههه تسلم ايدك

بالهنا والشفا يا بنت فهيمة , انا طالعة بقى عشان اغدي العيال

مع السلامة يا ست بهيرة , متشكرييييييين , ايه يا بت يا سهير ! اشمعنى يعني الست بهيرة اللي بتاخدي منها الأكل وتاكلي وانتِ مبسوطة وما بتقوليش ما باكلش بواقي حد ؟؟؟؟

يا ماما طنط بهيرة لما بتنزلنا حاجة بتنزلهالنا اول ما بتعملها وبتبقى عاملة حسابنا , سمعتيها بتقول ايه ؟ بتقول جبتلك المحشي عشان بتحبيه يا سهير واول ما طفيت عليه نزلتلك طبق , جابتلنا قبل ما تأكل ولادها , مش بتلملنا بواقي أكلها وأكل ولادها في طبق بعد ما ياكلوا ويشبعوا وتنزلهولنا وكأنها عاملة فينا جميل !!! طنط بهيرة بتعاملنا على اننا جيرانها مش بتعاملنا على اننا بوابين العمارة يا ماما

طب يختي كلي بالهنا والشفا , اترحمتي من المسقعة , يجازيها خير الست بهيرة

*********************************

ولحد هنا وانتهت حلقات اليوم قرائي الأعزاء

معادنا الأثنين القادم بمشيئة الله

قبل ما امشي بطلب منكم الدعاء لقارئتي العزيزة والأخت الحبيبة (sun top) او الدكتورة رشا,بالشفاء العاجل إن شاء الله

******
بشكركم جميعاً على ردودكم وتفاعلاتكم التي تسعدني دائماً

أذكركم ونفسي بذكر الله الدائم

سبحان الله ,الحمدلله,لا إله إلا الله ,الله أكبر ,لا حول ولا قوة إلا بالله
*
*
في أمان الله