الحلقة الثالثة والعشرين

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

*****************************

امجدددددد هااااااي

ههه هاي ايتن , تعرفي اني بدور عليكِ من ساعة ما شوفتك وللأسف ماكنتش بلاقيكِ

بتدور عليا انا ؟

ايوة

هه.. ليه ؟

مممم مش عارف , بس حاسس اني اعرفك من زمان

ههه وانا كمان حاسة انك مش غريب عني

تسمحي ندردش شوية ؟

واي نوت ! ليه لأ !!!

طب تعالي الكافتيريا نشرب حاجة وندردش مع بعض

اوكيه

***********************************

تحبي تشربي ايه ؟

انا هاخد اورانجوس

وكيه , اتنين اورانجوس لو سمحت 

حاضر

انت هتاخد اورانجوس زيي ؟ هه

ههه انا بحب الاورانجوس زي ما بتحبيه ....... واضح كدة انه هيكون بينا حاجات مشتركة كتير

اتفضلوا الاورانجوس

شكرا , تعالي يا ايتن نقعد على الطرابيزة اللي هناك دي

اوكيه امجد

****

عجبك العصير ايتن ؟

نايس

تحبي اطلبلك حاجة تاني ؟

نووو انا لسة ما خلصتوش هههه

تعرفي ان ضحكتك رقيقة اوي ... كلها طفولة وبراءة

هه مممم ثانك يو

دي حقيقة مش مجاملة ... باباكِ بيشتغل ايه ؟

بابي دكتور

هايل ... ومامتك ؟

مامي مش بشتغل , بس تقدر تقول انها سيدة مجتمع واكتيف قوي ولها نشاطات كتير

ههه واضح انك فخورة بمامتك

اكيد , هو انت مامتك بتشتغل ؟

ماما دكتورة في الجامعة

ريلي ! معانا هنا ؟

لا  , دكتورة في جامعة تانية

وباباك ؟

بابا رجل اعمال

نايس

انتِ ساكنة فين يا ايتن ؟

في حدايق القبة

منطقة جميلة , تعرفي , عمي كان ساكن فيها زمان

وعزل منها  ؟

لا ... مات

أها , الله يرحمه

اييييييييه !!!! يعني ايه الله يرحمه!

مممم عادي , أي حد بيموت بيقولوا  الله يرحمه

يرحمه ازاي يعني اذا كان مات ؟

هه ههه يعني يوديه الجنة

جنة !!!! وانتِ بقى متأكدة ان في جنة ؟

ممم ابوة

وجبتي منن التأكد ده ؟ شوفتيها ؟

لا طبعا , مش في حد بيشوف الجنة إلا لما بيموت

هههههههههههههههههههههههههههه

بتضحك على ايه يا امجد!

على سذاجتك وسطحيتك

اعتبر دي اهانة ؟

ليه بنعتبر اللي بيواجهنا بالحقيقة انه بيهينا!

والحقيقة بقى اني ساذجة وسطحية ؟؟؟؟؟

ايوة , لما  تصدقي الكلام العبثي ده بتاع الرحمة والجنة والنار تبقي في قمة السذاجة والسطحييييية

تقصد تقول ايه ؟ ان ما فيش جنة ونار ؟؟؟؟؟

لا طبعا مافيش

ازاي الكلام ده !!! تيتة بتقول ان في جنة ونار , والصالحين ربنا يوديهم الجنة والأشرار ربنا بيوديهم النار

هههه مين ربنا ؟

ربنا اللي خلقنا

مافيش حد خلقنا يا ايتن

ايييييييييه ! اومال احنا جينا ازاي

احنا ابناء الطبيعة

ابناء الطبيعة ؟

طب مين خلق الطبيعة ؟؟؟؟

ماحدش خلقها , هي اللي خلقت نفسها بنفسها

كلامك غريب قووووي .... حاسة اني دوخت والأرض بتلف بيا

هههههههه ده احساس الحقيقة الصادم يا ايتن

كفاية , مش عايزة اسمع اكتر من كدة

يبقى عايزة تعيشي على وهم كبير يا ايتن , وانا لازم اخرجك من الوهم دددددده

أعوذ بالله من الشيطان الرجيم

بسم الله الرحمن الرحيم

﴿ وَقَالُوا مَا هِيَ إِلَّا حَيَاتُنَا الدُّنْيَا نَمُوتُ وَنَحْيَا وَمَا يُهْلِكُنَا إِلَّا الدَّهْرُ وَمَا لَهُمْ بِذَلِكَ مِنْ عِلْمٍ إِنْ هُمْ إِلَّا يَظُنُّونَ﴾

بسم الله الرحمن الرحيم

أَمْ خُلِقُوا مِنْ غَيْرِ شَيْءٍ أَمْ هُمُ الْخَالِقُونَ (35) أَمْ خَلَقُوا السَّمَاوَاتِ وَالْأَرْضَ بَلْ لَا يُوقِنُونَ (36) أَمْ عِنْدَهُمْ خَزَائِنُ رَبِّكَ أَمْ هُمُ الْمُسَيْطِرُونَ (37) أَمْ لَهُمْ سُلَّمٌ يَسْتَمِعُونَ فِيهِ فَلْيَأْتِ مُسْتَمِعُهُمْ بِسُلْطَانٍ مُبِينٍ (38) أَمْ لَهُ الْبَنَاتُ وَلَكُمُ الْبَنُونَ (39) أَمْ تَسْأَلُهُمْ أَجْرًا فَهُمْ مِنْ مَغْرَمٍ مُثْقَلُونَ (40) أَمْ عِنْدَهُمُ الْغَيْبُ فَهُمْ يَكْتُبُونَ (41) أَمْ يُرِيدُونَ كَيْدًا فَالَّذِينَ كَفَرُوا هُمُ الْمَكِيدُونَ (42) أَمْ لَهُمْ إِلَهٌ غَيْرُ اللَّهِ سُبْحَانَ اللَّهِ عَمَّا يُشْرِكُونَ (43)

مممم طب باي دلوقتي عشان عندي محاضرة يا أمجد

هشوفك تاني ؟

عشان تكمل كلامك الغريب ده ؟

لا طبعاً , طالما كلامي ضايقك خلاص مش هقوله تاني , خليكِ عايشة في اوهامك طالما مبسوطة بيها

اومال عايز تشوفني ليه تاني ؟

مش عارف , بس حاسس اني بحبك اوي ومش قادر استغنى عنك

هههههه بتحبني ! دي تاني مرة اشوفك , حبيتني ازاي بقى !!!

ما تسخريش من مشاعري ارجوكِ , الحب ده ممكن يحصل  في لحظة , ده احساس مفاجئ , زي أي احساس , مش انتِ احياناً تلاقي نفسك سعيدة أو حزينة او متضايقة من غير أي سبب ؟

ايوة , كتير

هه اومال ليه عايزة الحب يبقاله ترتيب ووقت كبير عشان يبقى موجود !! الحب إحساس زي كل الأحاسيس التي بتمر بينا , بس احساس جميل , والأجمل انك تشاركيني احساسي

ممم ممكن امشي عشان المحاضرة خلاص هتبدأ ؟

اوكيه , بس مش قبل ما تديني رقم موبايلك عشان اقدر اطمن عليكِ

اوكيه , واديني انت كمان رقمك  بس هسجله بإسم بنت

هههه خايفة من باباكي ومامتك ؟

خايفة من بابي,ماعنديش استعداد للصدام معاه

اوكيه , قولي رقمك عشان اسجله عندي بأحلى اسم في الدنيا , أيتن

هه ثانكس

****************************

دادددددددددة

اهلا يا رامي يا حبيبي حمدالله ع السلامة

ميرسي يا دادة

احطلك الغدا ؟

لا , اتغديت عند واحد صاحبي , عارفة اكلت ايه يا دادة ؟

اكلت ايه يا حبيبي ؟

فتة كوارررررررررع هههههههههه

ايه ! هههه كوارع !!!!!! هو انت ليك صحاب بياكلوا كوارع

وفيها ايه دي يا دادة ؟

اصل اللي اعرفه عن اصحابك يعني انهم بياكلوا شاورما وهامبورجر وكدة يعني

ههه لا , اصل ده صاحب جديد , بس حدوووووووتة

ههه طب احكيلهالي

بعدين يا دادة , صو تايرد , تعبان جداااا عايز انام

طب مش هتطاوعني وتصلي فرض ربنا يا رامي ؟ ادخل يا حبيبي اتوضى وصلي المغرب

بعدين يا دادة , بعدييييييييين , هناااااااااام ما تصحنيش إلا بكررررررة , جود نايت دادة

لا حول ولا قوة إلا بالله , هتفضل تايه في الدنيا لحد امتى بس يا رامي !

******************************************************

طيب بيس بقى يا شادي عشان وصلت الكافيه , لا مافيش غير كارما هناك قاعدة بتشيش اهيه هههه مستنيك انت والشلة , هاي كارماااااااا

هاي رااااامي ههه

هاي , ايه ده يا بنتي , شيشة وشغل معلمين هههه تعرفي بتفكريني بأم واحد صاحبي , بس هي مش بتشرب شيشة تفاح بتاعتك  , دي بتشرب حشيش ههههه

ههههههههه انت تعرف الأشكال دي منين يا رامي !

زي ما بعرف الأشكال اللي زيك بالظبط هههههههههههههههههههههه

هههههه كدة ! بجد انت دمك تقيل

على فكرة شكلك ملفت قوي , الناس اللي ماشيين في الشارع بيبصوا عليكِ

ما يبصوا , حد ليه عندي حاجة !!! وبعدين اتحداك ان كل الستات والبنات اللي ماشيين وبيبصولي من فوق لتحت دول نفسهم موووت يعملوا زيي ويشربوا شيشة

هههههه شد يا معلممممممممم

ههههههههههه بطل تريئة بقى

اهم شادي والجيرل فريند  بتاعته جم 

يييييي ما بحبش البت دي , دمها يلطشششش

يا ستي عاجباه , انتِ مالك انتِ ههه شاااااااادي

بيس يا مااااااااان ازيك يا راااااامي

فاين , هاي سيلين

هاي رامي , هاي ...... ممم سوري نسيت اسمك

احسن , خليكِ ناسياه

ههه هو انتِ اسمك ايه ؟؟؟

ماليش اسم , طيب يا جماعة همشي انا بقى عشان عندي راندفو مهم بااااااي

بااااااي

الجيرل فريند بتاعتك دي يا رامي رزلة موت

ههههه القلوب عند بعضها , بس على فكرة دي مش الجيرل فريند بتاعتي , دي صاحبة عادية

أها , اومال انت مين الجيرل فريند بتاعتك ؟

ماليش ههه

واووووو ريلي ! بقى واحد امور وكيوت زيك مالوش جيرل فريند!

ايه يا كارماااااا ! انتِ داخلة الكافيه مع كيس جوافة ولا اييييه !

ههه سوري شادي , فهمتني غلط , انا بقول يعني لو رامي مش عنده جيرل فريند اجيبله واحدة صاحبتي لذيذة موووت

لا يا ستي ثانكس هههه ما بحبش حد يجيبلي , انا بلغت سن الرشد وبعرف اكلم بنات لوحدي ههه تشربوا ايه ؟؟

*************************

معااااااااذ

محمود ! ههه حمدالله ع السلامة , مبسوط اني شوفتك في الكلية النهاردة

انا عايز اشكرك يا معاذ ع اللي عملته معايا

وانا عملت ايه بس !!! والله ما عملت حاجة تستحق الشكر

ازاي بقى !!!  تسيب محاضراتك وتجري بيا ع المستفيات وانت ما تعرفنيش , وكمان توديني مستشفى عمك الخاصة وما تاخدوش من ابويا ولا مليم , وكمان جيت زرتني تاني يوم وجبتلي ورد , كل ده وتقولي ما عملتش حاجة !

ايوة انا مصر اني ما عملتش حاجة تستحق الشكر

تعرف اكتر حاجة مفرحاني في الموضوع ده كله  هي ايه ! اننا لقيت صاحب زيك , ولا ما تقبلش اننا نبقى اصحاب يا معاذ ؟

ايه اللي بتقوله ده يا محمود ! ده شرف ليا , ياريت بس اكون استاهل صداقتك ههه

هههه ربنا يخليك يا معاذ , طب تعالى اعزمك على سندوتشين فول بقى عربون صداقة ههه

هههه والله عزومة جميلة جداً , انا من عشاق الفوووول

طب يلا يا عمممممم انا جعان اووووووي

هههههه

*******************************

رامي كنت فين ماي صن ؟

......اول مرة تسأليني مام

عشان انا مش مامي مملة , ومش ممكن اسأل انت او اختك كنتو فين , لكن انا مضطرة اسأل

اشمعنى ؟

بابي هاشم جه من يوروب وسأل عليك وموبايلك كان مقفولي

جدوووووووو, جدو هاشم ججججججججه ؟

يس

وساكتة يا مااااااام ! انا رايحله حالااااااااااااااااا

اوكيه , باي راااااامي

*********************************

جدو قاعد جنب البسين اهو , جدوووووووووووو يا جدووووووووووووووووووووو

اهلا اهلا اهلا حبيب جدووووووووووو هههههههههههه ازيك يا ولد يا رامي

ازيك انت يا جدووووووووووو اموووووووه وحشتني وحشتني قوووي , ريلي ميزد يووووووو

ههههه وانت كمان يا حبيبي وحشتني, اقعد يا رامي

يااااااااه يا جدو , كنت مستنيك على ناااااااااار

انا اللي مستنيك على نار , قافل تليفونك ليه يا ولد ؟

لا مش قافله , ده فصل شحن , ومام اول ما شافتني قالتلي انك طلبتني روحت واخد العربية وجيتلك طيراااااااان

هههههه وحشتني يا ولد , قولي بقى عامل ايه في الكلية ؟

كلية ايه يا جدو ! قصدك المعهد

معهد ! معهد ايه دددددده ؟

معهد خدمة اجتماعية اللي داد دخلهولي

ايييييييييييه ! ايه الكلام الفارغ ددددده  !! هو عصام اتجنن ولا اييييييييييه !!

اصله يا جدو بيعاقبني عشان جبت 55 في المية

ولو , وايه يعني ! وانت محتاج المجموع الكبير في ايه ! أي مجموع تجيبه تدخل الكلية اللي انت عايزها , هو ابوك فقير عشان يرميك في معهد مالوش مستقبل !!! انا ليا كلام مع عصام ولازم المهزلة دي تتغيرررر

اه يا جدو عشان خاطررررري انا مش عاجبني المعهد ددددددده ,انا عايز ادخل جامعة خاصة وادرس ادارة اعمال زي أيتن

طبعا يا حبيبي , لازم تدرس ادارة اعمال , اومال مين اللي هيدير المستشفى غيرك !

داد فاكر اني عشان ادير المستشفى لازم اكون دكتور ,دانا بخاف من الحقنة يا جدو , ابقى دكتور اززززززاي

ههههه طيب يا عفريت, انا هتصل بأبوك واجيبه هنا حالا وهخليه يتنازل عن موقفه , وكويس ان السنة الدراسية ما عداش منها غير شهر واحد والوقت لسة في ايدينا

ربنا يخليك يا جدووووو , طب انا همشي دلوقتي عشان مش عايز اعمل كلاش مع داد ويهزئني , حلوا الموضوع ده بعيد عني وبعدين بلغوني , باي جدووووووو

باي رامي , والله عال يا سي عصام , اما اتصل بيه عشان يجيني

******************

تررررررررررررررررررررررررررررررررررررررررن تررررررررررررررررررررررررررررن

السلام عليكم يا دكتور هاشم , حمدالله ع السلامة

الله يسلمك يا عصام , تعالالي ع الفيلا حالا

هو في حاجة ولا ايه ؟

بقولك تعالى حالا , لما تيجي هتعرف

مش هينفع دلوقتي يا دكتور هاشم , عندي حالة مهمة في العناية المركزة ولازم تكون تحت ملاحظتي , ده أمير عربي وجاي مخصوص عشان اشرف على علاجه

مهما يكون الشخص اللي عندك مش هيكون اهم من الموضوع اللي عايزك عشاااانه , كلف أي حد بالإشراف على الحالة بدالك , نص ساعة وتكون عندددددي

اوووووووووف قفل السكة , وبعدين بقى في وجع الدماغ ده ! والله الواحد كان مرتاح منه ومن اوامره طول ماهو مسافر , ممممم هضطر اخلي دكتور سامح يشرف ع الحالة لحد ما ارجع

******************************

سرفيناز هانم , دكتور عصام جه تحت وعايز دكتور هاشم

اوكيه , قوليله الدكتور بياخد شاور ونازل على طول ,  قدميله جوس ولا شوفيه يشرب ايه على ما ننزل انا وهاشم

امرك يا هانم

****

هاشممممم

يا هاشممممم كل ده بتاخد شاور !

خلاص اهو يا حبيبتي هههه وحشاني بشكل مش طبيعي يا سيرفي

ههههه وانت كمان واحشني بس بشكل طبيعي

ههههههه عشان تعرفي اني بحبك اكتر رغم مرور كل السنين دي

افندمممممممممممممممم ! قصدك اني عجزت يعني ولا اييييييييه ! جنابك بتمن عليا بحبككككككك !

حبيبتي انا ما اقصدددددش عجزتي ايه بس ! انا اللي عجزت لوحددددددي ,لكن انتِ لااااااا ,مستحيييييل , معقول في نجمة في السما تعجز ! النجمة موجودة عشان تنور , انما تعجز مستحيييييل

ههههه ايوة كدة , انت عجزت لوحدك , حظك كدة يا هاشم

معلش يا روحي , ربنا يعدل حظي واروح اعمل عملية شد زيك , انا نازل لعصام

ايوة انزل وانا هلبس واحصلك , الولد ده توقفه عند حده , عشان افتكر انه يقدر يمشي الكون على مزاجه في غيابك , بقى معقول يعمل كدة مع رامي !!!!

ما تخافيش يا روحي , هشدلك ودنه

*************************

مساء الخير يا عصام

اهلا يا عمي هاشم , مساء النور , حمدالله ع السلامة

الله يسلمك , اتفضل اقعد

متشكر ..... يا ترى ايه الموضوع اللي ما يتأجلش وخلاك تستدعيني على وجه السرعة ؟

انا جايبك بخصوص رامي

افندمممممممم , رااااااااااااااامي ! بقى عشان الولد ده حضرتك تخليني اسيب شغلي والمرضى بتوعي واجيلك بأقصى سرررررررعة !

وفيها ايه دي ! هو مش ابنك ولازم تهتم لشؤونه !!!

شؤونه ! خير إن شاء الله

خير انت يا عصااااااااام , انت ازاي تمنع الولد من دخول الكلية اللي بيحبها وتضيع مستقببببببببببله ؟

انا برضو اللي ضيعت مستقبله ولا هو اللي فاااااااااااشل !!

عصاااااااااام ما تقولش على الولد كدددددددة, انا بحذرككككككك , الولد ممتاز جدا وعنده طاقات هايلة

طاقات هايلة في ايه ان شاء الله ! في الرقص والهلس والبناااااااات ؟؟؟

وماله يا اخي ! كل الشباب في سنه كدة , ده معناه انك تعاقبه !!!!

دكتور هاشم انا ما عاقبتوش , انا دخلته المعهد المناسب لمجموعه

لا , لا يا عصاااااااام , مش رامي حفيدي اللي يتحرم من دخول أرقى الجامعاااااااات , بفلوسنا يا اخيييييي , هو احنا بنتعب عشان اييييه ! مش عشان أولادناااااا !!! انا طول عمري  كنت بتعب وبجتهد عشان اربي نسرين بنتي

ممممممم ونعم التربية , المطلوب مني ايه دلوقتي ؟؟

بنسوار يا عصام

اهلا سرفيناز هانم

تعالى يا سيرفي يا حبيبتي احضرينا , تعالي شوفي عصام وتعنته مع ابنه

رامي ما يستحقش منك القسوة دي يا عصام , رامي ده ولد كيوت

كيوت !!!! يا هانم ده راااااااجل المفروض يعني انه راجل , لو سمحت يا دكتور هاشم تقولي المطلوب مني عشان انا مضطر امشي

مش قبل ما تاخد قرار بنقل الولد للجامعة اللي يختارها

اسف يا دكتور هاشم , مش هصرف مليم واحد على بني ادم لا عارف طريقه ولا عارف مصلحته ولا عارف هو عايش ليه اساساااااااا

عصاااااااام انا بأمرككككك , ده لا رجاء ولا استعطاف , رامي هيدخل الجامعة اللي هو عايزها , الولد عايز يدرس إدارة اعمال يا اخيييييي, تحرمه لييييييه !

دكتور هاشم من فضلك ده ابني وانا ادرى من أي حد بيه , ده لا عايز يذاكر ولا يفرق معاه بيدرس ايه , كل الحكاية انه عايز يدخل جامعة غالية بفلوس اهله عشان منظره قدام الشلة البايظة بتاااااااااعته

من حقه يا عصاااااااام , الولد عارف كويس هو ابن مين وسليل عيلة مين , واذا كنت انت مش هتدفع ولا مليم فأنا اللي هتكفل بمصاريف دراسته من الألف للياء

زي ما بتحب يا دكتور هاشم , بس أنا مش مسؤول عن أي متاعب يسببها الولد ده , لاني باختصار مش فاضي , عن اذنك , عن إذنِك يا سرفيناز هانم

اروفوار عصام .... انا مش عارفة ازاي عصام يتعامل مع الولد بالطريقة دي ! يعني ايه مش فالح غير في الرقص والهلس , ده بدل ما يصاحبه ويروح معاه الديسكو ! فظيع فظيع موت عصام دددده

عصام مافيش حاجة تهمه في الدنيا غير شغله ونجاحه وتحقيق طموحاته يا سيرفي , لكن ولاده دول اخر حاجة في قاموس حياته , إن كانوا موجودين اصلا , انا مش عارف لو ما كنتش موجود في الدنيا كان رامي جراله ايه !!!

كان زمانه بقى انسان معقد ومش بعيد يربي دقنه ويصلي من كتر الضغوط النفسية , انا سمعت كوارث عن شباب في سنه بقوا يصلوا ويروحوا اسمه ايه ده الجامع وربوا دقنهم وكرهوا الحياة والديسكو خاااااالص , تخيل بقى ازاي شاب سوي مش بيرقص ولا يسهر ولا يصاحب بناااااااات , يا خبررررر !!! شيء محزن

انتِ بتقولي ايه !!!! هو اللي بيصلي يبقى غير سوي واللي بيروح الديسكو ويرقص ويعرف بنات هو ده السوووووووي !!!!

عندك كلام تاني يا هاااااشم ؟؟؟

ابدا يا حبيبتي , انا بس كنت بقول ان كلامك هو عين العقل

ههه ميرسي

طيب عن اذنك هكلم رامي عشان زمانه مستني على نار وعايز يعرف لقائي مع ابوه اسفر عن ايه

اصفر !!!! مش بحب اللون ده

حبيبتي اسفر , اسفرررر, يعني انتج ايه , مش الأصفر اللي انتي ما بتحبهوووووش , عن اذنك

اوكيه

*************************

بجد يا جدووووووو ؟ هههههههه انت جمييييييييييل جميل يا جدووووووووو انت اجمل حاجة في الدنيا كلهااااااااااا

ههههههه وانت اجمل حفيد في الدنيا كلها يا حبيب جدو , هو انا عندي كام رامي !!!

ههههههه ثانكس جدو , اقولك بيس دلوقتي عشان هروح احتفل مع اصحااااااابي

اصحابك ولا صحباتك يا شقي ؟ ههههههههههههههههههههه

ههههههههههههههههههههههههههههههههه والله انت اللي شقي يا جدوووووووو

ههههههههههههههههههههههههه يا ولد يا عفريت , طالع لجدك , مع السلامة يا رامي هههههه ولد مش معقول

***********************************

يوة يا فاطمة , انا وصلت المطار أنا ودراهم والولاد وجايين حالا إن شاء الله

فخر الدين اخويا حبييبيييي حمدالله على سلامتكو , مستنياكو انا وماما وبابا والعيلة كلهااااا هههه

اومال جوزك وولادك فين؟

عند حماتي,هيجوا بالليل مع باباهم ,خليته وصلني هنا من الصبح عشان استناكو,قالي خليكِ نيجي سوا بالليل قلتله معلش والله اخويا واحشني ومش هقدر استنى,رأف بحالي وجابني ههههه

ههه جزاك الله خير يا حبيبتي ,والله انتِ اللي وحشاني جداً, اشوفك على خير ان شاء الله

*****************************************

اخيراً الولاد نامو يا طنط

 ههه يا حبيبتي يا ريتهم يفضلوا صاحيين على طول , فخر راح فين ؟

بيعمل مكالمة تليفون وجاي على طول

طيب يا حبيبتي ,نورتينا  يا دراهم يا بنتي  , وحشتيني خالص والله انتِ وفخر والولاد

ههه ربنا يخليكي يا طنط , والله حضرتك وحشتينا اكتر وعمي وفاطمة وكلكو

وازي باباكي ومدام رَهَف وفهد اخوكي

كلهم بخير يا طنط الحمدلله

لسة مافيش اخبار عن اختك ؟

........ لا والله يا طنط , ما بتتصلش لا هي ولا جوزها وبابا هيتجنن عشان مش عارف عنها حاجة

لا حول ولا قوة إلا بالله , ربنا يا بنتي يجمع شملكو

ادعيلي يا طنط , ادعيلي اني الاقي ماما عشان خلاص قربت افقد الأمل اهئ اهئئئئئئئئئئئئئ

لا حول ولا قوة إلا بالله , يا بنتي ما تعمليش في نفسك كدة , لو ليكو نصيب تتقابلوا تاني هتتقابلوا , ولو لا قدر الله ما حصلش يبقى ما تزعليش , انتِ ما قصرتيش في حاجة , طول السنين اللي فاتت وانتِ بتدوري عليها , لدرجة انك كل سنة بتعملي اعلان عن غيابها في الجرايد

اهئ اهئئئئئئ ما فيش فايدة يا طنط , لا حد بيلاقيها ولا حد بيطمني عليها , انا خايفة تكون ........

لا حول ولا قوة إلا بالله , إن شاء الله يا بنتي تكون عايشة ويتلم شملكو

يارب يا طنط يااااااارب

ايه يا ست ماما , واخدة مني صاحبتي حبيبتي ليه ! هههه دراهم وحشاني جدا ونفسي اشوفها من زمان , تعالي يا دراهم عندي حكايات قد كدة هحكيهالك مرة واحدة

فاطمة شكلها هتصدعك يا دراهم ههه الله يكون في عونك يا بنتي ههه

هههههه فاطمة دي حبيبتي يا طنط ووحشاني بجنووووون

دانتي حبيبتي وروح قلبي يا مرات اخويا يا قمررر هههه عن اذنك بقى يا ماما اخد دراهم عشان اصدعها

هههه اتفضلوا يا حبايبي

************************

تررررررررررررررررررررررررررن

مين

انا منال يا ماما أمينة

أهلاً منال حبيبتي,في معادك مظبوط زي كل يوم  الساعة تسعة الصبح هه

هه ما اقدرش اتأخر عليكِ يا ست الكل,اخدتي دوا الضغط يا ماما؟

والله يا بنتي خلص

خلص! وازاي ما قلتلناش يا ماما عشان نجيبلك غيره؟

نسيت والله يا منال

طيب انا هبعت عواد ولا فهيمة يجيبوا حالاً وكمان هتصل بمعاذ يجيب علبتين زيادة وهو جاي من الكلية,ما ينفعش تفطري من غير ما تاخدي الدوا على الريق,لحظة واحدة يا ماما

اتفضلي يا بنتي...يااااه يا منال,بتتصرف معايا زي ما اكون أمها بالفعل,ربنا يباركلها في زوجها وأولادها يارب..محظوظ ماجد بيها والله,اللهم لك الحمد

**********************************

بت يا شوقيييييييية

نعمين يا ست سعاد

عايزين نجهزوا عزومة فخمة بكرة يا بت , خلي عطا تساعدك عشان تخلصي  قبل العصر

ليه يا ست سعاد , هو مين معزوم ؟

اختي توحا جاية من السفر بكرة هي وجوزها

تيجي باسلامة , هي هتيجي على هنا ولا على بيت عدلها اسم الله ؟

لا هتروح على بيتها

طب لما هي هتروح على بيتها , نجهزوا احنا عزومة هنا ليه ؟

يا بت عشان احنا هنروحوا نزوروها ولازم ناخدوا معايا غدا

ايوة على رأيك , مهما كان دي عروسة ومش هتقف في المطبخ  , من عنيا يا ست سعاد , هنعملوا أكل ايه ؟

اعملي محاشي بأنواعها يا بت على دكر بط على جوزين حمام على برام رز معمر , تشكيلة يعني كدة

وماله يا ست سعاد نعمل , بس ربنا يستر والأكل السمين ده ما يكتمش على نفسها , السن له حكمه برضو

بس يا بت اتكتمييييييي , دي اختي عروسة في عز شبابها وتاكل قد الأكل ده عشر مراااااااات , وكمان لازم نكرموا جوزهاااااا

الله يكرمك يا ست سعاد زي ما انتِ شايلة هم اختك العروسة ,( بقى في عروسة يا ناس عندها ستين سننننننننة ! )

******************************************

ههههه خش برجلك اليمين يا ربيع

هههه ماشي يا عيون ربيييييييع , ايّوووووووه الشقة حلوة اوووووي

حلوة بوجودك يا ربيع ...لكن هي الشقة بس اللي حلوة !

صاحبة الشقة احلى وحلى

وحلة ! وحلة ده ايه يا اعمى القلب وانظر انتتتتتتت, ما تتعدل في كلاااااامك

هههه ايّوووووووه هو العسل زعل  ليه بس ! انا بنقول احلى وأحلى يعني , انتِ سَمَعتيها ايه ؟

لا سَمَعت ولا ما سَمَعتش خلاص , باين عليا سَمَعت غلط هههه منور بيتك يا عريس

بنورك يا ست العرااااااايس , ثواني نجيبوا الشنط من ع الباب ونجولك

ماشي يا ربيع , واحنا هنطلبوا أي مطعم يشيعلنا الغدا

ترررررررررررررررررررررررن

ايّووووه دي سعاد اختي  ع المحمول هههه ايوة يا بت يا سعاد

حمدالله ع السلامة يا عروسة

هههه الله يسلمك يا بت , لسة داخلة الشقة حالا , عاملة ايه يا سعاد

انتِ اللي عاملة ايه ؟

ههههه انا زي الفل

مبسوطة يعني ؟

اومال ايه , مبسوطة وماحدش قدي يا بت هههه اتاري الجواز حلو قوي يا بت يا سعاد واني ما كنتش نعرف ههههههههه

ههههههههههه جاتك ايه يا توحا , والعريس فين ؟

بيجيب الشنط من برا , اصلنا جايبين معانا شنط يامَا يا بت ,جبت شوية هدوم عرايسي ,عرايسييييي ,ما اقولكيش على حلاوتهمممممم , البمبي والاصفر والاحمر وعلى كل لون يا باتيستا هههههههه

ربنا يهنيكي يا توحا ههههه ده باين الجواز روق مزاجك ع الآخر

ايوة يا بت هههه انا جبتلك معايا هدوم هيعجبوكي يامَاااااا ,عشان تدلعي عادل شوية

ههههههه الله يجازيكي يا توحا , هنجولك كمان شوية

تجيلي فين يختي ! لالالا انا تعبانة من السفر وعايزة نرتاح , خليها بكرة يا سعاد

ايّوووووه داحنا صحينا البت شوقية من بدري عشان تعملك غدا هي وعطاااااا ,عاملين اصناف يامَااااا ,نرموها ولا نعملوا بيها ايه !

ولا ترميها ولا حاجة , حطيها في التلاجة وهاتيهالي معاكي بكرة

اومال هتتغدي ايه النهاردة ؟ هتلحقي تطبخي ؟

نطبخوا ايه يا بت ! هنشيعوا نجيبوا اكل من برا

ههه ماشي يا عروسة , أنا فرحنالك يامَا يا بت , أنا كنت بصراحة قلقانة من جوازتك دي , بس باين ربيع طَلَع جدع ابن حلال

ايوة يا سعاد , ربيع يستاهلني واني نستاهلوه

ربنا يسعدك يا توحا , نسيبوكي بقى لعريسك , سلام

سلام يا سعاد

كنتي بتكلمي مين يا سعاد ؟

اختي توحا هههه اسكت يا عادل , دي فرحانة ومبسوطة ع الآخر وبتشكر في جوزها يامَا , باين علينا ظلمنا الولا ده

هههههه الله يرحمك يا امّا , كانت تقول لا تذم ولا تُشكُر إلا بعد  سنة وست اشهر

ههههه امك زبيدة ! الله يرحمها الأميرة الطيبة , وقالتلك كدة امتى ؟

لما اتجوزتك وشكرت فيكِ يا سعاد

ممممممم وبعد سنة وست اشهر ذميت ولا شكرت يا ابن زبيدة ؟

ههههههههه لا ذميت ولا شكرت , اتدهولت في حبك على عيني وما دريتش بالدنيا

ههههههههههههههههههههههههههه لسة بتحبني يا ابن زبيدة ؟

اكتر من الأول يا روح ابن زبيدة هههههه

طالما لسة بتحبني ايدك على ربعومية وخمسين  الف جنيي هههه

نعمممممم ! هتعملي بيهم ايييييه ؟

ابدا , عديت ع الجواهرجي بتاعنا امبارح عشان نتفرجوا ع الجديد إللي عنده وشوفت اسورة ماس عجبتني وطالعة من عيني وعايزة نجيبوها

ماشي يا سعاد , هنجيبوهالك ونجيبوا زيها لأشجان

ايّووووووووووووووووووووووووووووووووه يا دي حرقة الدم ع الصبححححححححح ! يعني حتى الإسورة اللي شوفتها وعجبتني مش هتخليني نتهنوا عليهاااا ! احنا مش عايزين حد يلبس زينا يا عاااااااااادل

هههه طب خلاص اهدي , هندي تمنه لاشجان وهي حرة بقى , تجيب بيه ماس , تجيب بيه نحاس , هي حرة , المهم ما نظلموهاش

اووووووووف ربنا يخلصني منها اللي عملالي زي العفريتة اللي بتنطلي من كل خراااااااابة .. ألا قولي يا عادل , وهي السنيورة بقى لما بتختار حاجة وتقولك هاتهالي بتقولها لازم نجيبوا  لسعاد زيهاااااااا ؟؟؟

ايوة يختي , اومال الجزمة اللي جبتهالك من القاهرة دي جبتهالك ازاي ! عجبت اشجان وطلبتها روحت جايبهالها وجايبلك واحدة انتِ كمان

ههههههههههههههه جزمة ! هي لما بتطمع بتطمع في جزمة !

اشجان غلبانة يا سعاد , وطلباتها على قدها

لا وانت الصادق , كل واحدة بتطلب اللي من مقامها ههههههههههههههه

اضحكي قوي  يختي , ما انتِ لو عندك من الجواهر جبال برضو هتطلبي زيادة ومش هيملوا عينك

مش هنردوا عليك يا عادل , بس خليك فاكر انك مهما جبتلي مش هتعوضني عن اللي عملته فيا وجوازك عليا

ههههه يا ولية يا عجوزة اتهدي بقىىىىىىىىىىى

ايييييييييييييه ! عجوزززززززززززة ! أنا عجوزززززززززة ! فشرررررررر داني اللي اكبر مني بيتخطبوا وبيتجوزوا , تعالى شوف اختي توحاااااااااا , بلاااااااااش, تعالى يا خويا طلعلي شعرة بيضا في راسي ولا عِد التجاعيد اللي ملت وشييييييييييي

ههههههه  قمر , وربنا قمر وصغيرة وحلوة وكل ما العمر بيجري بتزيد حلاوتك يا سعاد , أنا بس بنغيظك

ماشي يا سي عادل , غيظ براحتك , الربعومية وخمسين  الف جنيي بقىىىىىىى

حاضر يا ستي , هنطلعوا نجيبهوملك من الخزنة

**************************************

المركب وصلت يا محمد ؟

وصلت يا استاذ احمد , بس مخلينها ع الخطاف لحد ما يفضالها رصيف

طيب ماشي , والمركب اللي هتطلع من رصيف تمانية اتحملت ؟

اهو العتالين شغالين

طيب , الله يقويهم , طب اقعد بقى يا محمد عشان نراجعوا الطلبيات دي مع بعض

ترررررررررررررررررررررررن تررررررررررررررررن

طب لحظة واحدة يا استاذ احمد , المدام طلباني بعد اذنك هنردوا عليها

خد راحتك

ايوة يا ام كريم

ايوة يا محمد , الولا كريم سخن مولع ومش عارفة نعملوله ايه

ما تديله دوا السخونية يا ام كريممممم

اديتهوله والله وما عملش حاجة والسخونية بتزيدددد الولا جسمه زي النااااار

يا ستي وديه لدكتوررر, اني عندي شغل ومش فاضي, سلاااااام

في ايه يا محمددددد

الولا كريم سخن وامه متصلة عشان تقولي

طب روح شوف ابنك يا محمدددد, يلا اتوكل على الله

يا استاذ احمد يعني نسيبوا الشغل ونجري عشان الولا سُخن !!! امه تتصرف

يا اخي طالما اتصلت تستنجد بيك تبقى عايزاك جنبهاااااا, لازم تروح تودي ابنك لدكتورررر

طب والشغل يا استاذ احمد , أنا لسة ورايا شغل يا مَا , ولازم ننزلوا المينا نشرفوا ع الشغل بنفسي

 هننزلوا بدالك

ما يصحش يا استاذ احمد

يا اخي يلا بقى بلاش كلام كتيررررر ,هو انت عندك اغلى من ابنك !!!! يلا يا محمدددد

هه حاضر يا استاذ احمد

خد ال 200 جنيي دول مصاريف الدكتور والعلاج

معايا يا استاذ احمد , ربنا يخليك

يا اخي خدددد, دول لكريم مش ليكككك

ههه تعيش يا استاذ احمد

ابقى اتصل طمني على الولا

ان شاء الله , السلام عليكم

عليكم السلام …. ما يحسش بقيمة الضنا إلا اللي اتحرم منه , ................ لو كان ابني كنت سيبت الدنيا كلها وجريت عليييييييه ياااااااااااااااااااااه الحمدلله

******************

ضيا اني ماشي عشان هنودوا الولا ابني للدكتور

الف سلامة عليه يا استاذ محمد , ربنا يشفيه

الله يخليك , مين المدام اللي داخلة دي !

مساء الخير

مساء النور يا مدام

لو سمحت ممكن نقابل  الاستاذ أحمد  عادل سليم ؟

نقوله  مين يا فندم ؟

داليا الكيلاني

أهلاً , ضيا , وصل المدام مكتب احمد بيه , أنا ماشي

مع السلامة يا استاذ محمد , اتفضلي يا مدام

ميرسي

********************

تن تن استاذ احمد

اتفضل يا ضيا

في مدام برا عايزة تقابل حضرتك

مدام مين دي ؟

أنا

................ أهلا مدام داليا

مش هتقولي اتفضلي !

اتفضلي يا فندم

ميرسي

مممم حاجة ساقعة للمدام يا ضيا

حاضر يا  أستاذ احمد

خلي الباب مفتوح يا ضياااااااا

امرك يا احمد بيه

اهلا يا مدام داليا

اهلا بيك ..... اكيد طبعا بتسأل ايه اسباب الزيارة

........... الشركة تحت أمرك

متشكرة .... مع ان ليا عتاب عليك

عتاب عليا انا !! خير يا مدام داليا ؟

زعلانة عشان ما جتش تعزيني لما بابا وماما ماتوا في الحادثة البشعة

انا اسف جدا , بس والدي ووالدتي راحوا لحضرتك

طب وانت !!!... مش المفروض انك تقدر الظرف اللي كنت فيه وتجيلي بنفسك ؟ ولا عشان انا واحدة ست يعني يبقى خلاص ما ينفعش تقف جنبي وتواسيني في الكارثة اللي انا فيها اهئ اهئئئئئئ اااااه يا بابا اااااه يا ماما اهئ اهئئئئئئئئ سيبتوني لوحدي ليييييييه اهئ اهئئئئئئئ يا ريتني كنت مت معاهم وارتحت يا احمد اهئ اهئئئئئئئئئئئئئئ

طب بس ارجوكي اهدي يا مدام داليا , الله يرحمهم , ارجوكي تماسكي

اهئ اهئئئئئ اتماسك ! انت عارف يعني ايه واحدة ست ضعيفة زيي تبقى لوحدها وسط حيتاااااااااان ! الناس كلها طمعانة فيا وفي مالي اهئ اهئئئئئئ وكمان عشان متطلقة الناس فاكريني صيدة سهلة اهئ اهئئئئئئئئئ اللي مش طمعان في مالي طمعان في جمالي اهئ اهئئئئئئئئئئئ الله يرحمك يا بابا يللي كنت بتحميني اهئ اهئئئئئئئئئئ

ارجوكي اهدي يا مدام داليا

تن تن الحاجة الساقعة يا احمد بيه

حطها عندك وروح انت يا ضيا وشيعلي ريس العمال

حاضر يا استاذ احمد

اتفضلي الحاجة الساقعة يا مدام داليا

ميرسي اهئ اهئ ولو اني ماليش نفس لاي حاجة بس مش هكسفك

متشكر

انا تعبانة قوي في الدنيا دي يا احمد , انا لوحدي ومسؤولة عن ابني وعن ثروة كبيرة واملاك مالهاش حصر سابهالي بابي اهئ اهئئئئئئئ مش عارفة اعمل ايه في ده كله اهئ اهئئئئئئ ده غير اعمامي اللي طمعانين في الورث

يا مدام داليا هما فعلا ليهم حق في الورث ولازم ياخدوه

ايييييييييه ! ياخدوا اييييييه ! دي املاك بابي

ايوة بس ده شرع ربنا

انا الوريثة الوحيدة لبااااااااابي , انا بنته , يعني كل ماله من حقي اناااااا , يورثوا بابي لو ما كانش مخلف ولا عنده ولاد… زيك كدة

.....................................................

أأأ أسفة ........ ما قصدتش , رغم ان كلامي مظبوط , يعني بعد عمر طويل ليك يا احمد كل مالك هيروح لاخواتك , لأنك للأسف ما عندكش وريث

........................ يا ريت تخلينا في موضوعك انتِ يا مدام داليا , لو كان لك اخ ولد كان هيحجب اعمامك عن الميراث , لكن طالما انتِ بنت يبقى اعمامك ليهم حق

وانا مش جاية اخد فتوى يا احمد , اعمامي حتى لو لهم حق في الورث مش هياخدوووه بابي تعب اوي عشان يعمل الثروة دي وانا لازم احافظ عليها من الطماعين دووووول

صدقيني لو بتحتكمي لشرع ربنا كنتي تقبلتي موضوع ورث اعمامك بصدر رحب , لكن للأسف انتِ لا عايزة لا شرع ولا دين

انا كل اللي عايزاه راجل يقف جنبي

بيسيطة , ارجعي لطليقك وابو ابنك , انتِ وابنك في أمس الحاجة إليه

انااااااا ! انا ارجع للبني ادم ده تااااااااني ! مستحييييييييل , ده انسان اناني وطماع وحياته كلها لنزواته ومتعه الشخصية

من فضلك يا مدام داليا يا ريت ما تجرحيش فيه بالشكل ده , مش عشان انفصلتوا يبقى ترميه بأبشع التهم

هه انت اتضايقت ! طبعا , ما نتو رجالة ولازم تدافعوا عن بعض , على العموم شيء متوقع من انسان نبيل زيك , ممممم تعرف..... أنا كتير كنت بسرح وبقول لنفسي , ياترى لو كنت اتجوزت احمد كان حياتي بقى شكلها ايه ؟ اكيد كانت هتبقى جميلة اووووي وكنت هتعلم منك حاجات يامَا , وانت كمان , اكيد كنت هتبقى سعيد جداااا

ليه ؟

ههه عشان اكيد كان هيبقى عندك ابن يملا حياتك وتعيش عشانه , لكن دلوقتي انت عايش عشان ايه ؟

...................... عايش عشان مراتي اللي بنحبها , اسف يا مدام داليا مضطر انزل المينا عشان عندي شغل , شرفتي الشركة

ممممممم انت بتطردني بالذوق ؟

إطلاقا , انا حقيقي مشغول

طب ما اهو انا جايالك في شغل

شغل ايه يا مدام داليا ؟

تن تن ريس العمال يا استاذ احمد

خليه يتفضل يا ضيا

سلامو عليكو يا استاذ احمد

اهلا يا عم زكي

طيب واضح انك فعلاً مشغول , هعدي عليك مرة تانية عشان نتكلم في الشغل , بكرة الساعة عشرة الصبح كويس ؟

ياريت بعد بكرة عشان بكرة مشغول جداً

اوكيه , باي

مع السلامة يا مدام داليا

ايوة يا استاذ احمد , حضرتك كنت عايزني ليه ؟

...........................................

استاذ احمددددد

هااااا !!! ايوة , ايوة يا عم زكي , انا كنت عايزك عشان ............. انا كنت عايزك ليه صحيح ! نسيت , معلش يا عم زكي , انا ..... انا تعبان ومش عارف اركز

سلامتك يا استاذ احمد

طيب انا ماشي , من فضلك خلي العتالين يعملولهم همة شوية عشان يحملوا المركب , وشوفوا رصيف تلاتة فضي ولا لسة عشان المركب اللي ع الخطاف , مش عايز نوصيك , نيجي بكرة نلاقوا الشغل كله تمام

امرك يا استاذ احمد

السلام عليكم

عليكم السلام يا استاذ احمد , هو ماله زي ما تكون حاجة مزعلاه كدة !!!

****************************

احمد حمدالله ع السلامة يا حبيبي هههه كنت لسة في سيرتك انا وماما في التليفون

السلام عليكم يا هيام

عليكم السلام يا احمد , مالك يا حبيبي ؟

تعبان شوية

تعباااااان مالك بعد الشر ؟

عايز انام

تنام !!! طب مش هتتعشى الأول ؟

ماليش نفس , عن اذنك يا هيام

ايه ده !!! ..... هو ماله زي ما يكون مش عايز يبص في وشي ولا يتكلم معايا كدة !!! استغفر الله العظيم يا رب , ندخل ننام انا كمان , هنقعدوا نعملوا ايه من غير احمد

**************

هيام نامت .. نامت ومش حاسة بيا , اديتني ضهرها زي ما الدنيا كلها مدياني ضهرها, آآآآه حاسس بنار جوا قلبي ,...........................كلام داليا الكيلاني كان زي الخنجر اللي رشق في صدري , حسستني فعلاً إني عايش من غير هدف لحياتي , عايش وخلاص , يوم يجر يوم يجر يوم لحد ما العمر يعدي من غير ما يكون عندي ابن ناخدوه في حضني ويبقى اخويا وصاحبي وكل حاجة ليااااااااا....ايه اللي جابك يا داليا , ايه اللي جابكككككك, جيتي عشان تكسري كل الصور الجميلة اللي بنحاول نجمل بيها حياتي اللي لا ليها لا طعم ولا لزمة , داليا الكيلاني سألتني سؤال مش مباشر وهَرَبت منه لانه مالوش عندي اجابة , فعلا أنا عايش ليه ؟ عايش ليييييييييه ؟ ...........استغفر الله العظيم ,سامحني ياااااااااارب, ضعفت ضعفتتتتتت ,انا عبدك الضعيف المسكين اللي لا له لا حول ولا قوة إلا بك وحدك , سامحني , حمولي تقلت عليا وماليش غيرك نشتكيله حالي , سامحني يارب ساااااااامحني,أنا عايش عشان نعبدك حق عبادتك,عايش عشان نرضيك,ربي لا تحملني ما لا طاقة لي به,رحمتك يارب, رحمتك يا أرحم الراحمين,استغفر الله,استغفر الله,استغفر الله

انت لسة صاحي يا احمد ؟

ايه ده ! انتِ ما نمتيش يا هيام ؟

ننام ازاي وانا حاسة انك مهموم

اومال ادتيني ضهرك ليه يا هيام ؟

............. حسيت انك مش عايز تشوف وشي

ماتقوليش كدة تاني يا هيااااااام , هيام انا محتاجلك , محتاجلك اوووووي ضميني زي ما نكون عيل صغير ضميني اووووووووي

يا حبيبي يا احمد تعالى يا حبيبي , مالك يا حبيبي , مالك يا احمد امووه

اااااااااه يا هيام , انا حاسس اني تعبان اووووي

....................... حنيت لإبن من صلبك يا احمد ؟

.................................... بس يكون منك انتِ يا هيام

وانا مش قادرة نجيبولك ابن تاخده في حضنك يا احمد اهئ اهئئئئئئئئئئئئئئئئئ اتجوز يا احمد , ما تظلمش نفسك معايا اكتر من كدة اهئ اهئئئئئئئ

هياااااااام نبوسوا ايدك ما تقوليش كدة تااااااااني , انا مش هنكدب ونقول اني ما اشتقتش لابن يكون من دمي ولحمي , لكن لو ربنا ما أرادش ان الأبن ده يكون منك يبقى خلاص , هنحمد ربنا ونرضى بنصيبي , أنا بحبك يا هيام بحبك اووووووووي انتِ امي واختي وصاحبتي وحبيبتي , يوم ما نكسروا قلبك يبقى الموت أهون

بعد الشر عليك يا احمد اهئ اهئئئئئئئئئ ربنا يخليك ليا يا حبيبي اهئ اهئئئئئئئ استغفر الله العظيم يارب

***********************************