الحلقة الثالثة والثلاتين(ف2)
الكتاب: خلف هذه الجدران
الجزء الخامس
بقلم: هبة عبد العظيم نور
الناشر:
المؤلف
رقــــم الإيداع: 00000/2017م
حاضر
يا هاني يا حبيبي , هبعت البدلة السودة للمكوجي
, أي أوامر تانية يا سيادة العميد ؟ طيب مع السلامة...منننننننة
نعم
يا ماماااااااا
طلعي
بدلة بابا السودة من الدولاب وهاتيها عشان ابعتها للمكوجي مع البواب
اوكيه
, بس بعد كدة هروح اقعد مع ايتن شوية
اوكيه
, بس ما تتأخريش هناك
يوووو
يا ماما ! هو انا رايحة مكان بعيد ! دي ايتن في الشقة اللي قدامناااا
طب
يلا هاتي البدلة وبطلي رغيييييي
حاضر
يا مامتي حاضررررر
******************************************
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
تررررررررررررررررررررررررررررررن
ترررررررررررررررررررررررررن
مييييييين
؟
انا
منة يا دادة
اهلا
يا منة يا حبيبتي اتفضلي
ميرسي
, اومال فين ايتن ؟
اهي
في اوضتها مش عارفة بتذاكر ولا بتعمل ايه
اوكيه
, طيب هدخلّها
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
تن
تن ايتنننننننن
منة
ههه ادخليييييي
ازيك
يا ايتن , انتِ قاعدة ع النت ! ههه
بعمل
شاتنج مع واحدة صاحبتي
طب
قليلها باي بقى وتعالي اقعدي معايا
اوكيه
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
اديني
جيت اهو , ازيك يا منة , بقالي يومين ما شوفتكيش
المذاكرة
بقى يا بنتي , حاجة خنققققققة , ده حتى النت ماما وبابا مش بيسمحولي اقعد عليه
اكتر من ساعة
ههه
يا حرام !!! تسمعي ميوزك ؟
ياريتتتتت
, اقولك , علميني رقصة الصلصة زي ما وعدتيني قبل كدة
اوكيييييييه
صلصصصصصصصصصة ههههههه هشغل الميوزيك وانتِ قومي بقى واعملي زي ما بعمل بالظبططططط
هههه
ماشييييييييييي
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
ههههههه
ها يا منة , اتعلمتي الصلصة ؟
ههههه
حلوة قوي هههههههههههههههههههههههههههههههه
بتضحكي
قوي كدة ليه !!!
بتضحك
على نفسي , اصل انا لما باجي عندك هنا بقلدك وابقى عايزة ارقص زيك وابقى بنت فري
خالص , ولما بنزل عند مريم بلاقي نفس بتأثر بيها واتكلم في الدين زيها , واضح ان
انا الوحيدة فيكو اللي ماليش هوية ههههه
طب
بليز مش تتكلمي عن مريم دي قدامي عشان مش بطيق اسمع اسمهااااا
يااااااه
! للدرجة مش بتحبي مريم !
ايوة
, مش بحبها ولا بحب تيتة أمينة دي كمان
يا
نهارك ابيض ! حد في الدنيا ما يحبش تيتة أمينة !!! داحنا كلنا بنحبها , حتى اخوكي
رامي رغم ان دماغه ضاربة زيك بس بيموت في تيتة
ماليش
دعوة بحد , انا عمري ما هنسى انها السبب في اني اتحرمت من كل حاجة بحبها , دادي
سحب اوراقي من المدرسة اللي بحبها ووداني مدرسة تانية على مزاجها هي , كل ما
تشوفني تسألني عن الحجاب وتقولي يا حبيبتي حرام تكشفي شعرك وجسمك بالطريقة دي ,
اوووووووف خنقتني , نفسي تموت ونرتاح منها بقىىىىىىى
ايه
ده يا ايتننننن ! بعد الشر على تيتة , اكرهيها زي ما انتِ عايزة بس ما تدعيش عليها
تاني , وإلا بجد هخاصمك وهقطع علاقتي بيكِ
ههه
للدرجة دي بتحبيها ! ممم اوكيه , اصلاً الكلام عنها مش لذيذ , مش تزعلي مني بقى
اوكيه
يا ستي , رغم انك عصبتيني
هههه
ترررررررررررررررررررررررررن
لحظة
ارد ع الموبايل يا منة
اوكيه
بس ما تطوليش عشان عايزة امشي
اوكيه
, هالو
هالو
ايتن , انا أمجد
عارفة
, ازيك يا أمجد هه
ههه
كويس , صوتك وحشني قوي قلت لازم اتصل عشان استمتع بيه قبل ما ابدأ مذاكرة
هههه
ثانكس أمجد , تعرف انك كيوت قوي
ميرسي
يا أيتن ممم كنتي بتعملي ايه ؟
ولا
حاجة , قاعدة مع منة بنت عمي
يا
بختها , شيفاكِ دلوقتي , انا حظي وحش لإني مش شايفك
هه
ممم ثانكس , هشوفك بكرة ؟
اكيد
, اسيبك بقى لبنت عمك واشوفك بكرة , سي يو
سي
يو أمجد
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
قفشتككككك
مين أمجد ده بقى يا ست أيتن !!
ده
واحد زميلي في الجامعة
ممم
طب وازاي مدياله رقم الموبايل !!!
بقولك
ايه يا منة , بليز الكلام ده سر , مش عايزة مشاكل مع دادي
طب
ومامتك ؟
لا
, مامي ست متحضرة , عارفة يعني ايه زميل ويعني ايه بوي فريند كمان
يعني
اعتبر ده البوي فريند بتاعك ؟
ممم
ممكن
انتِ
بتحبيه يا ايتن ؟
ما
اقدرش اقول كدة , بس هو انا معجبة بيه , لكن بعد الكلام الرقيق اللي قالهولي ممكن
قوي الإعجاب ده يتحول لحب , انا شوفت شبان كتير في النادي وكمان في الجامعة وساعات
في حفلات حضرتها مع مامي , لكن أمجد أول واحد يسحرني بأسلوبه , شخصيته جذابة موت
ههه
لا ده انتِ شكلك ابتديتي فعلاً تحبيه
وانتِ
يا منة ؟
انا
ايه ؟
مش
عايزة تحبي ؟
نعممممم
! لا يا ستي طبعااااااً
هههه
ليه ؟ خايفة من عموهاني ؟
مش
خوف على قد ما هو حب واحترام , انا بحب بابا قوي وماعنديش استعداد اعمل أي حاجة
تزعله مني في يوم من الأيام , لازم اكون دايماً منة بنته حبيبته اللي بيحبها وعارف
انها ما بتعملش حاجة غلط من ورا ضهره
ههههههههه
حاسة ان مريم دي اثرت عليكِ قوي
لا
مش مريم , دي تربية بابا ليا
ممم
يمكن عشان باباكي قريب منك وبتحسي انه صاحبك بتخافي على زعله او انك تعملي حاجة من
وراه , لكن انا ودادي عمرنا ما كنا اصحاب
, دادي على طول مشغول بالمستشفى والأبحاث وبكل حاجة ماعدا انا ورامي مممم الكلام
عن دادي سخيف قوي , نغير الكلام احسن , بتحبي رقصة التانجو ؟؟؟
واووووووووو
هههه تجنن , بس صعبة قوي
احسن
واحد بيرقصها في نظري آل باتشينو ههه كان يجنن وهو بيرقص تانجو مع بنت قابلها في
اوتيل , ياااااه كان بيعاملها زي ما تكون فراشة
بين ايديه , تعرفي يا منة , كتير كنت بتخيل نفسي مكانها ههه
يا
بنتي مكان مين ! عايزة ترقصي تانجو مع واحد اكبر منك بأكتر من بخمسين سنة يا مجنونة ! هههه
انا
مستعدة أحب واحد أكبر مني , حتى لو في سن دادي
أو أكبر كمان , المهم انه يقدر يحتويني ويعوضني عن حرماني من دادي
ايه
الكآبة دي ! غيري المود الرزل ده وسمعينا ميوزيك يهدي أعصابنا
ههه
انتِ غريبة قوي يا منة , ازاي بتحبي
تتعلمي الرقص مني وبتسمعي ميوزيك رغم انك
عارفة ان عمو هاني مش بيحب كدة ؟
عادي
, حركات بناتي يعني , انا مش ملاك هههه المهم اني ما اعملش حاجة تجرح كرامة بابا
ههه
انا بقى أهم حاجة اني أعمل اللي نفسي فيه وبسسسس ممم وانا شايفة ان امجد كيوت بجد
ممم
ايتن انا خايفة عليكِ , ياريت ما تتماديش في علاقتك مع الولد ده
منة
انا بحترم حرية الآخرين , زي ما انا ما اقدرش افرض عليكِ تعيشي بطريقتي وبحترم
حريتك يبقى بليز مش تفرضي عليا اعيش
بطريقتك واحترمي حريتي
اوكيه
يا ست أيتن يا بتاعة الحرية ههه انا ماشية بقى عشان لو اتأخرت اكتر من كدة ماما
هتقتلني ههه خلي الميوزيك بعدين باااااي
سي
يو منة
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
السلام
عليكم يا ضيا , احمد جوا ؟
ههه
اهلاً يا باشمهندس خالد , عليكم السلام ورحمة الله , أيوة الأستاذ احمد في مكتبه
طيب
اني هندخلوله
اتفضل
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
تن
تن السلام عليكم يا ابو حميدددد ههه
العريسسسس
! ههه اهلاً ازيك يا خلود , كويس انك لَحَقتني قبل ما ننزلوا على رصيف المينا ,
المركب على وصول
يا
عم مش هنعطلك ههه
ههه
عطل براجتك ولا يهمك , انما ايه المفاجأة الحلوة دي !
اصل
انا حددت معاد الفرح مع الدكتور طلعت
وحبيت انك تكون أول واحد تعرف
أول
واحد بعد امك طبعاً هههه
هههه
طبعاً يا سيدي , أم خالد دي فوق الكل
ربنا
يخليهالنا يارب , نويت على امتى يا عريس ؟
الخميس
اللي بعد الجاي ان شاء الله
على
خيرة الله يا خالد , ربنا يتمم بخير ... حجزت القاعة اللي هتعمل فيها الفرح ؟
الدكتور
طلعت صمم يحجز قاعة الفرح في أوتيل خمس نجوم على حسابه , مع أني والله ماكنت عايز
كدة
يا
سيدي وفيها ايه يعني ! ده عم العروسة وبدل والدها , وغير كدة بيعتَبَرَك ابنه
أنا عارف والله يا احمد , بس ماكناش عايزين نكلفه ..... عايزين نعزم عمي عادل
ع الفرح , اديني رقمه يا احمد
ماشي
يا سيدي , كلك ذوق يا عريس , طالع لصاحبك اللي هو انا ههه
ههه
أنت أبو الذوق كله يا صاحبي
تعيش
يا خالد , احنا بقى
هنحجزولك جناح في اوتيل ع البحر اسبوع بحاله , يلا بقى عريس وعايزين ندلعك ههه
لالالا
أنا
لا عايز اوتيلات ولا
غيره , أنا متفق مع ايات
اننا نقضوا شهر العسل في بيتنا , وهي وافقت
ايوة
يا عم ما انت بخيل وجلدة وباين عليك هتجوعها معاك , ماهي امها داعية عليها ههه
ههههه
أكيد !!! الغي بقى فكرة الأوتيل
خلاص
يا عم على راحتك , كنا عايزين نخدم
ربنا
ما يحرمنيش منك يا احمد ...... على فكرة هنعزم عمي حامد
عمي
حامد ! بس ما اعتقدش انه هيحضر يا خالد
حتى
لو كان . ما نقدرش ما نعزمش عمي حامد على فرحي
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
خالد
كان عندي يا سميرة وعزمني على فرحه... يوم الخميس اللي بعد الجاي ان شاء الله
........................
ربنا يتممله على خير يارب ...... انت هتروح يا حامد ؟
لا
ليه
؟
............
مش هنقدروا نتحملوا نشوفوا خالد اللي اتمنيته لبنتي وهو بيتزف على واحدة تانية
غيرها , قلبي هيوجعني يا سميرة , وانا قلبي مش ناقص وجع
........
نصيبنا يا حامد .. لكن الولا هيزعل لو انت ما روحتش
أنا اتحججتله وقولتله اني مش هنبقى فاضي يوم الخميس . ربنا يهنيه ويسعده يا
سميرة , الولا طيب ويستاهل كل خير
آمين
يا حامد , ربنا يسعده ويفك كربك يا ضحى يا بنتي اهئ اهئئئئئئ
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
أحمد
انت هتلبس ايه في فرح خالد أخويا ؟
هنلبسوا
هدومي ههه
لا
بجد يعني هتلبس بدلة من بتوعك ولا هتشتري بدلة جديدة ؟
هنشتروا
بدلة جديدة طبعاً إن شاء الله, هو خالد عندي شوية !
ربنا
يخليكو لبعض يا حبيبي , أنا بقى عايزة نشتري فستان قصير , قصير قوووي , وضيق وبيلمع هههه
ما
تروحي ببدلة رقص احسن !
هههه
بنهزروا معاك وربنا , بقى انا برضو نلبسوا المسخرة دي !!!
عارف
يا هيومة ههه , هو انا متجوز ست أي
كلام ! ولا انا مش راجل عشان
نخلوا مراتي تلبس كدة قدام الناس !!
انت
سيد الرجالة يا حبيبي ههه
تسلميلي
يا حبيبتي , بكرة ان شاء الله ناخدوكي وننزلوا نشتروا اللبس اللي عايزينه للمناسبة
دي , ونجيبوا عباية لامك كمان
لا
, خالد هجيبلها
وانت
مالك انتتتتتتِ , هي كانت ام خالد لوحده !! طب وربنا ما حد هيجيبلها العباية اللي
هتحضر بيها فرح خالد غيري
ههههه
يا حبيبي يا احمدددددد , بنموتوا فيك وربنااااااا . قولي صحيح , خالد عزم عمي عادل
؟
خد
مني الرقم عشان يتصل بيه , على العموم الحاج جاي المينا بكرة ان شاء الله وهنأكدوا
عليه
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
ما
قلتليش يا حاج , خالد اتصل بيك امبارح ؟
خالد
ده مين ؟
خالد
صاحبي
وهيتصل
بيا بمناسبة ايه !!
أصل
كتب كتابه ودخلته يوم الخميس الجاي ان شاء الله , معقول ما اتصلش !!!
ما
نعرفوش , في أرقام غريبة يامَا رنت علينا امبارح وما لَحَقناش نرد
طب
وريني موبايلك كدة يا حاج
اهو
عندك
مممم
ايوة ده رقم خالد , رن عليك مرتين , مرة الساعة تلاتة ومرة الساعة سبعة ونص . على
العموم هو هيعمل الفرح في أوتيل .......
مش
عايزين نعرفوا , احنا ايه اللي
يودينا !!!
يا
حاج ازاي تقول كدة !! لازم تحضر الفرح وإلا هيام تزعل
ياسلام
يا سيدي !!! ما احنا لازم نراعوا خاطر الست الهااااانم , ما هي خلفتلك بدل العيل
دستة ومفرحاناااااا
........
خلاص يا حاج , بلاش تيجي . عن اذنك نازلين نشوفوا الرجالة حمّلوا المركب ولا لسة
استنى
يا ولااااااااا , ايه ! هتعملها زعلة عشان خاطر مراتك واخوهاااااا !!!
مافيش
زعل ولا حاجة يا حاج .... على راحتك
خلاص
, هنحضروا الفرح بس عشان خاطرك ,نعتذروا لأشجان ونروحولها يوم الجمعة ان شاء الله
ههه
ربنا يخليك يا حاج
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
طيب
أنا نازل يا بويا , عايز حاجة نجيبوهالك وانا جاي ؟
لا
يا سامي كتر خيرك , وانت نازل بس عدي على اختك كاميليا قولها تطلع تقعد معايا شوية
حاضر
يا حاج
ساااااااامي
نعمين
يا حاج
كنا
عايزين نشوفوا البت نورهان بنتك
نورهان
!
ايوة
, البت وحشتنا يا مَاااااا , داحنا ما شوفنهاش من يجي تلات سنين ,من ساعة ما روحنا
شوفناها عند جدها في المينا , تلاقيها كَبَرت وشكلها اتغير
ههه
طبعا كبرت , البت دخلت الثانوي السنة دي يا حاج
ايّوووووووه
ده السنين لفت وخدتنا في دوامتها يا ولا
ربنا
يديك الصحة والعمر يا حاج , احنا هنعدوا على نورهان في المدرسة ونجيبوهالك بعد
الضهر ان شاء الله
من
ورا امها ! احنا مش عايزين مشاكل مع اوسااااااا
ايّوووووووووه
اذا كانت هي امها فاني ابوهاااااااا وليا حق ع البت اكتر منهاااااااا , سلام يا
حاج
الله
يسلمك يا ابني ااااه العكاز فين , عايزين نروحوا نتوضوا ونصلوا ركعتين الضحى قبل
كاميليا ما تطلع, ربنا يقبل منا ويحسن ختامنا اللهم آمين ...الله يرحمك يا
كٌوكب..رغم اللي عملناه فيكِ عمرك ما قسّيتِ قلب البنات عليا يا قوي يااااارب يا
قوي
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
البت
نورهان طَلَعت من المدرسة اهيه هههه بس بسسسسسسسس يا انسسسسسسسة
ايه
ده ! بابااااااااااااااا ههههههههه طب عن اذنكو يا بنات نشوفوكو بكرررررة
سلام
يا نورهااااااااان
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
بابا
حبيبييييييييي هههههههه ازيك وحشتنيييييييي
انتِ
اللي وحشتيني يامَا يا نورهان ههه ازيك يا
حبيبتي
الحمدلله
كله تماااااااااااام ,وازي جدو وعماتي وولادهمممممم
كلهم
بيسلموا عليكِ , جدك عايز يشوفك يا نورهان
جدووووو,
والله جدو واحشني ونفسي نشوفووووه , بس ماما مش بترضى
ماليش
دعوة بامككك , احنا كمان لينا حق عليكِ , وجدك راجل كبير ونفسه يشوفكككك, نروحوا
نقولوله لا , نورهان مش عايزة تشوفك !
أنا
! لا والله يا بابا احنا عايزين نشوفووووه , خلاص هنيجوا معاك , ولو ماما زعقتلي
هنقولولها جدي كان واحشني وكمان طلب يشوفني وكان لازم نشوفوووووه
ههه
طيب يلا تعالي اركبي
الله
! دي عربية جديدة يا بابا , جبتها امتىىىىىى ؟
هههههه
وانتِ مالك يا بت انتِ , هو أكل وبحلقة !
هههههههههههه
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
انزلي
يا نورهان
حاضر
الله
! ده الولا محمد ابن عمتك كاميليا
ازيك
يا خاااااالي
ازيك
يا محمد , على فين ؟
رايح
الجامعة ممممم مين دي ؟
هه
مش فاكرها يا ولا !
ههه
نورهان , مش كدة يا خالي ؟
ايوة
كدة ونص
ازيك
يا نورهان
ازيك
انت يا محمد
الحمدلله
, كَبَرتي قوي ههه لو شوفناكِ لوحدك ما كناش هنعرفوا انك بنت خالي
هه
يلا
يا خويا روح شوف جامعتك , بلا كَبَرتي بلا صَغَرتي
هه
حاضر , سلام يا نورهان , خلينا نشوفوكِ
ان
شاء الله , ده محمد طول قوي يا بابااااااااا
هههه
ايوة , بقى عامل زي النخلة اللي ما بتطرحش بلح
ههههه
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
دي
شقة عمتك كاميليا , تعالي سلمي عليها قبل ما تطلعي
حاضر
يا بابا , دي عمتو كامليا وحشاني جداااااا وكمان عمتو احلااااااام
ترررررررررررررررررررررررررررررررررررررررررررررررن
مين
افتحي
يا كامليااااااا اني سامي وجايبلك مفاجأة
هههههه
عارفاها من قبل ما نفتحووووو ازيك يا بنت اخويااااااااا تعالي في حضن عمتك يا
بتتتتتتتت اموووووووه
ههههه
يا حبيبتي يا عمتو وحشتينييييييييي
وانتِ
وحشتيني اكتر وربنااااااا , ايّوووووووووه بسم الله ماشاء الله , البت كَبَرت
واحلوت يا ساااااااااامي
الله
أكبر في عينك يا كامليااااااااااا هتحسديلي البت اللي حيلتييييييييي
ههههههه
اخص عليك يا سااااااامي , طب دي بنتي وربناااااااا , ادخلي يا حبيبتي ادخلييييييي
لا
يا كاميليا معلش , هنطلعوا نشوفوا ابوكِ , اكيد هو اللي قالك اننا هنجيبوا نورهان
معانا
ايوة
قالنا , واحنا بقى عشان كدة قلنا نحضروا لنورهان غدوة حلوة من ايدينا تحلف انها ما
داقتش في حلاوتهاااااااا
لا
معلش يا عمتو , يادوب اسلم على جدو وبعدين بابا يروحني
طب
وربنا ابداااااااا بقى تيجي لحد هنا وما تتغديش في وسطينا ! داحنا هنتصلوا بعمتك
احلام تيجي عشان تشوفك , دي لو عَرَفت انك جيتي من غير ما نقولولها هتزعل يامَا
ويمكن تقاطعنا
ههه
طيب يا ريت يا عمتو ما تأخريش الغدا عشان اتغدا معاكو بسرعة وامشي
ماشي
يا بنت اخويا يا قمر هههه امووووووووه يا اخواتي على جمالهاااااااا الله اكبر في
عنيا عشان ابوكِ ما يزعلش هههه
هههه
ربنا يخليكي يا عمتو
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
استني
هنا يا نورهان على ما نشوفوا جدك صاحي ولا نايم
حاضر
يا بابا
*****************************
تن
تن يا حاااااااج
ادخل
يا سامي
ههه
السلام عليكم
عليكم
السلام , فين نورهااااااااااان
تعالي
يا نورهااااااااان
جدووووووووو
ههههههههه حبيبي يا جدو وحشتنيييييييييييييييييي
نوراااااااااا
هههه تعالي يا حبيبة جدككككك مش قادر نقوموا يا بت ناخدوكي في حضني
أنا اللي هنيجي نحضنك ونديك الفين بووووووسة
امووووووووووه اموووووووووه اموووووووووووووه اموووووووووووووووووووووووووووووووه
حبيبي يا جدوووووو
هههههه
هما دول يا بت الالفين بوسة اللي هتديهوملي ! انتِ طالعة نصابة لمين !
هههههههههههههههههههه
والله وحشتني يا جدوووووو اموووووه عامل ايه يا حبيبي وازي صحتك
في
فضل ونعمة يا بنتي الحمدلله , نحمده على كل حال , ازي جدك عادل ؟
جدو
عادل كويس الحمدلله
بتشوفي
خالك احمد ؟
ايوة
بنشوفوه يامَا , بيعدي علينا كل يوم جمعة
ربنا
يباركله , خالك ده طيب وما فيش في حنيته يا بت
ايوة
يا جدو , انا بحبه قوي, رغم ان ماما دايما تقولي ما تكليميهوش ومالكيش دعوة بيه ,
اصلها متعاركة معاه ومتخاصمين من زمان
شايف
يا بويا ! حتى اخوها اللي من لحمها ومن دمها ما بتكلموش وبتسلط البت عليه , نعوذ
بالله منهاااااا ست تستاهل الحررررررررق
سااااااااااااامي
, ما تغلطش في الست قدام بنتهاااااا , دي مهما كان امها حبيبتها
حبها
برص ان شاء الله , حاضر يا حاج , ماما حلوة يا نورهااااااان ,ماما زمانها جاية
جايبة لعب وحاجاااااات
هههههه
هو انا عيلة يا بابا !!! خليني في جدو العسول ددددده
ههه
انتِ اللي عسل واحلى من العسل يا نورااااااا
ايه
كل الادوية اللي جنبك دي يا جدو , دي
ادوية يامَا اووووي
ههه
دوا الضغط ودوا السكر ودوا الروماتيزم
وغيره وغيره وغيره , جدك مافهوش حاجة سليمة يا بنت ابني
سلامتك
يا جدو ألف سلامة
الله
يسلمك يا بنتي , تعالي يا سامي حطلي القطرة يا ابني عشان عنيا مزغللة
حاضر
يا ابويا
لالالا
احنا اللي هنحطولك القطرة يا جدووووو هههه
هههه
ايّوووووووه يبقى عنيا هتخف ونشوفوا ستة على ستتتتتتتة
ههههه
يا حبيبي يا جدوووووو اموووووه
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
شيلي
يا شوقية الصنية دي من يمتي
حاضر
يا ست سعاد , بت يا عطاااااااااااااااا يا عطااااااااااااا
نعم
يا خالتي شوقييييييية
تعالي
يا بت شيلي الصنية دي وديها المطبخخخخخخ
حاضررررر
ههه
جرا ايه يا شوقية ! هو انتِ جبتي البت عطا تشتغل هنا عشان تريحك !
هههه
اهي بتساعدنا وتريحنا شوية يا ست الكل , كَبَرنا وما بقناش زي الأول
ربنا
يديكِ الصحة يا شوقية , البيت ده مالوش قومة غير بيكِ , ولا الف عطا يملوا عنيا
ويحلوا محلك
ههههههه
تعيشي يا ست سعااااااااد ,سلم لسانكككككك
انتِ
يا بتاعة يللي اسمك شووووووووووووقية
ايوة
يا ست اوسااااااااا اني قاعدة مع الست سعاد في الاستريبشننننننننن
اههه
استريبشن ! معاشراني العمر ده كله ومش عارفة تقولي ريسيبشن يا ولية !
هههه
يا ست سعاد هو في الأساس اسمه صااااااااالة بس انتو بتدلعوه بالخواجااااااااتي ,
يامّا هي الست اوسا نازلة والشر على وشها كدة ليه , الطف بينا ونجينا منها
يااااااااارب
صباح
الخير يا ماماااااا
صباح
النور يختي , توّك ما صحيتي !
اووووووووف
اني مش فايقة يا ماماااااااا البت نورهان اتأخرت قوي في المدررررررررسة
تلاقي
الترام عطل بيها ولا حاجة , زمانها جاية , تفطري ؟
ايّووووووووووه
نفطروا ايه ونهببوا ايه يا ماماااااااا , البت اتأخرت يامَا قوووي , انتِ ولا على
بالك يا مامااااااااا
طب
ونعملولك ايييييييه !!! قلنالك نجيبوا للبت سواق يوصلها بالعربية وانتِ ما
رضتيششششش
أيوة
طبعا ما نرضاااااااش , احنا ما نأمنوش ع البت تركب لوحدها مع راجل غريب في العربية
, ايش ضمّني يطمع في البت ويعملي فيها مصييييييبة , تركب الترام أأمن
يبقى تهمدي وتتكَتَمي, وتوطي صوتك وما تقرفيناش في عيشتنااااااااااا
اعذريها
يا ست سعاااااااد , قلب الأم برضوووووو , دلوقتي تلاقيها داخلة علينا من غير شر يا
ست اوسااااااا
وانتِ
مالك انتتتتتتتتتتِ ايه اللي حشرك في الكلااااااااام , وبعدين يا ماما هنعملوا
اييييييييه ! نروحوا نسألوا عليها في المدرسسسسسسسة ؟
يا
بت اهمدي يا بتتتتتتتت , دلوقتي تلاقيها جااااااااية
ايّوووووووووووه
بصراحة يا ماما انتِ السببببببببب
اني
السبب ! هو اني اللي قولتلها اتأخري على امك يللي تعدمي امكككككككك
بس
يا ست سعاد ما تدعيش على نفسك لتكون ساعة اجابة والدعوة تستجاب بعد الشررررر
مش
سامعة كلامها يا شوقيييييييييييية!! , البت دي طول النهار تناهد فيا لما هتخليني
نطفشووووووووا
يا
ماما احنا نقصدوا ان انتِ اللي منعتيني نجيبولها تليفون محمول وتروح بيه
المدررررسة كان زماني دلوقتي اتصلت ع البت واطمنت عليهاااااااااا
اخرسي
يا بت بلا محمول بلا مخروووووووب , عيلة في اولى ثانوي تشيل موبايل بتاع ايييييييه
! ايش عرفنا يمكن شاب يشاغلها وياخد رقمها ويديلها رقمه وتجيبلنا مصيييييييييبة
ماما
انا بنتي متربية احسن تربييييييييية
طب
اتكَتَمي بقى ولا اطلعي اوضتك واخفي من وشيييييييي , ولا على ايه , اني اللي هنطلعوا اوضتي
ونسيبولك الدنيااااااااا ,ايّوووووووووه ده ايه الهم ددددده
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
ايه
يا سعاد , بتتعاركي مع دبان وشك ليييييه
انزل
شوف بنتك اللي قالبة الدنيا مناحة عشان البت بنتها اتأخرت في الهبابة المدررررررسة
طب
اطلعي انتِ يا سعاد واحنا هنشوفوا ايه الحكاية
, ايه يا اوسا , في ايييييييه ؟
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
شوفتي
البت كَبَرت ازاي يا احلام ! ههه حبيبة عمتها يختي امووه
كَبَرت واتدورت ماشاء الله لا قوة إلا بالله ,
والله زمان يا نورهان يا بنت اخويا
ههه
وحشتيني يا عمتو احلام والله
وربنا
انتِ اكتر يا بت مممم ازي امك ؟
ماما
كويسة الحمدلله
ألا
ما فكرتش تتجوز ولا جالها عرسان يا بت ؟
هاااا
!
احلااااام,
وبعدين معاكِ , واحنا مالنا ومال كدة ! نورتينا يا بت يا نورهان يا عسسسل ههههه
ههه
ده نورك ونور عمتو احلام يا عمتو كاميليا
ما
قلتليش يا بت , طبيخي عجبك ؟
قوي
يا عمتوووو تسلم ايدك بجد, بقالي يامَا ما كلتش محشي ورق عنب ولا مكرونة بشاميل ,
وكمان البط والبفتيك كان طعمهم خطيررررررر
هههه
بالهنا والشفا يا حبيبتي , اطبخلك وانتِ عروسة ياااااااارب
يلا
يا نورهان عشان تسلمي على جدك قبل ما ناخدوكِ نرجعوكِ لامك
حاضر
يا بابا
ما
تخلي البت شوية يا ساااااامي, اني واحلام ما شَبَعناش منهاااااا
معلش
يا كاميليا , يا دوب نرجعوها لامها عشان المشاكل
طيب
, خلينا نشوفوكِ يا نورهااااااان
ان
شاء الله يا عمتو كاميليااااااا اموووه اموووووه , مع السلامة يا عمتو احلام
الله
يسلمك يا حبيبتي , امووووه اموووووه ابقي ودّينا يا بت وما تقطعيش بينااااااا
حاضر
يا عمتو احلام
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
اهئ
اهئئئئئئئئئئئئئ بنتي يا باباااااااااااا اهئ اهئئئئئئئئئئئئ بنتي راحت
منيييييييييي
يا
بت اهدي يا بتتتتتتتت ,احنا هنتصلوا باخوكِ احمد ياخد عربيته ويروح المدرسة يسأل
عليهاااااا
لااااااااا
احمد لااااااااااا اهئ اهئئئئئئئئئ لا له دعوة بيا ولا ببنتييييييي , خلي ادهم
اللي يروح يسأل
هأ
! انتِ فاكرة ادهم هيفضي نفسه ولو نص ساعة عشان يدورلك على بنتك ! اللي قلبه
هياكله ع البت صحيح وهيجري ويلف الدنيا وراها هو احمدددددددد
تررررررررررررررررررررررررررررررررررررررن
اهي
بنتك جتتتتتت
يا
رب تكون هيييييييييي افتحي يا بت يا عطااااااااااااااا
من
عيني يا ست اوساااااااااااااا, يارب تكون هي الست نورهااااااااان
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
ههه
ازيك يا دادة عطا
اهلا
يا ست نورهااااااان, كنتي فيييييين امك قالبة الدنيا عليكككككككِ
كنتي
فين يا بتتتتتتتتتتتتتتتتتتتتتت
ازيك
يا ماما
زي
القطراااااااااااااان, بنقولولك كنتي فيييييييييييييين ؟
بابا
جه اخدني من المدرسة عشان نشوفوا جدي
ايييييييييييييييييييييه
! اه يا قليلة الأدب يا عديمة التربييييييييية, دانا هنقطعوكِ
بسناااااااااااااااااني تعاليلي هناااااااااااا
ااااااااااااه
اهئ اهئئئئئئئئئئئئ بتضربيني ليه يا مامااااااااا
داني
هنطلعوا روحك في ايدددددددددي
اااااااااااااه
سيبيني يا ماماااااااا الحقني يا جدو عااااادل
اهئ اهئئئئئئئئئئئئئئئ
ماحدش
هينجدك من ايدي يا قليلة الأدب يللي ماشية على كيفكككككككككككك
ااااااااااااه
يا جدووووووو اهئ الحقني يا جدوووووووووو
ايه
يا اوسااااااااااااا سيبي البت ما تمديش ايدك عليهااااااااااا
داحنا
هنموتوهاااااااااااا, اصل انت ما تعرفش
البت دي عملت ايييييييه, ال ابوها راحلها المدرسة وخدها عشان تشوف جدهااااااااا,
وإن شاء الله ردت فيه الروح لما شافك يختيييييييييييييييييي !
اااااااااااااااااه
اهئ اهئئئئئئئئئئ كفاية بقى يا ماماااااااااا
سيبيها
يا اوساااااااا سيبيهااااااااا اوعيييييييي معلش يا نورهان , اطلعي على اوضتك
دلوقتي يا حبيبتييييييييي
اهئ
اهئ حاضر يا جدو اهئ اهئئئئئئئئئئئئئئئئ
ايه
يا اوسا اللي عملتيه في البت ددددددده ؟
يعني
ما شوفتش اللي البت دي عملته يا بابااااااااا !
تقومي
تضربيها يا اوسا ! البت ما عادتش صغيررررة , البت كَبَرت وما ينفعش المعاملة دي
معاهاااااااا
لا
يا باباااااا دي غَلَطت وكان لازم تتربىىىىى
يا
بنتي صاحبي بنتك بدل ما تروح من ايدككككككك
البنات
عايزة الشدة يا باباااااا ,اصل انت ما تعرفش البنات وقُدرهممممممم, ان ما كناش
نشدوا عليها هتبوظ وعيارها هيفلتتتتتتتتتت
البت
ما عملتش حاجة لده كله يا اوسااااااا, البت راحت مع ابوها تزور جدها وعماتهاااااا
وده
مش غلط يا باباااااا ! لما تطاوع ابوها وتعصى اوامري وتروح معاه من ورايا يبقى ده
مش غلططططططططط ,وسامي ده وربنا لنوقفوه عند حددددددددده
أيّووووووووووووووووووه الكلام معاكِ زي اللي بيملا قربة مقطووووووعة ,
احنا طالعين للبت نطيبوا خاطرهااااااا
بت
يا عطاااااااااا
عيوني
يا ست اوساااااااااااا
اعمليلي
كوباية لمون نطفحوهااااااااااا, البت عكرت دمييييييييي
حاضر
يا ست اوسا
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
خالتي
شوقية ناوليني لمونة الله يخليكِ ,الست اوسا عايزة لمون
خدي
يا بت اعمليلها
دي
عملت في بنتها عمايل , ايّوووووووه, دي شديدة مع بنتها قوووي
مالناش
دعوة , بنتها وهي حرة فيها , ودي ما بتسمعش نصايح من حد , اعمليلها اللمون ,اعملي
وقصررررري ويلا عشان تساعدينا نغرفوا الأكل ونحطوه في الصحوووووون
حاضر
يا خالتي شوقية
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
تن
تن نورهان
اهئ
اهئئئئئئئ اتفضل يا جدو
هه
ايه يا حبيبتي , لسة بتعيطي ؟ معلش , اني عارف امك ايديها تقيلة بس انتِ راجل
وتستحملي اكتر من كدة ههه
هه
ايوة
كدة اضحكي , معلش يا حبيبتي , امك خايفة عليكِ , وانتِ برضو غَلَطتي يا
نورهاااااان , كان لازم تديها خبر قبل ما تروحي مع ابوكِ , امك قلقت عليكِ
يامَاااااا
اهئ
اهئئئئئ يا جدو والله بابا قالي ان جدو مرشدي نفسه يشوفني, وجدو كمان كان واحشني
وعماتي كانوا واحشني اهئ اهئئئئئئئ وماما مش بترضى تخليني نروح هناك , اهئ
اهئئئئئئ فاضطريت نعمل كدة , وكمان نسيت اتصل بماما خالص
خلاص
يا حبيبتي , اللي حصل حصل , والكلام ده ما يتكررش تاني , لو عايزة تروحي أي مكان
لازم تستأذني الأول , واحنا هنجيبولك موبايل عشان ينفعك في الحالات دي
هههه
يا حبيبي يا جدو عاااااادل ربنا يخليك ليا ياااااااااارب
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
تن تن انتِ نمتي يا سعاد ؟
صاحية , البت المخفية دي كانت
فييييييين ؟
يعني سَمَعتي وعرفتي ان البت رَجَعت
؟
ايوة وسَمَعت اوسا وهي بتضربهاااااا,
تستااااااااهل, بت قليلة أددددب
ما تقسيش ع البت يا سعااااااااد ,
كفاية الهم اللي هي فيييييييه
همممممممم ! هههه يا ريت الهم كله
كدة , قاعدة متنعمة ومتبغددة في عز جدها وعايشة في فيلا طويلة عريضة ولو طلبت لبن
العصفور بنجيبوهولها ,وتقولي عايشة في
هممممممم !
ايوة هم يا سعااااااااد , مال الدنيا
ما يغنيش العيل عن بيت يجمع ابوه وامه ويخدوه في حضنهممممممم
هيهييييي عيني ع الحنيييييييية , ما
قلتليش البت دي كانت فين ؟
ابوها خدها تزور أهله
ايّوووووووووه, طب وربنا تستاهل
يتقطع من لحمها وهي حييييية , ايه يوديها هناك البت ددددددي
من حقها يا سعااااااد ,من حق البت
تشوف ابوها واهل ابوهاااااااا
لا اسم الله بت اصيلة قوي زي اللي
خلفهاااااااااا , دي ما بيهونش عليها تقول نشوف تيتة توحاااااا ولا عمرها رفعت
عليها سماعة تليفوووووون , هي توحا دي تبقى مين ! مش ام ابوهااااااااااا !
العيل تبع الحنية يا سعاااااد ,
واختك في قلبها قسوة تهد جباااااااال , وبعدين كفاية عليها المحروس جوزهااااااا
انت هتسيب المفعوصة دي واللي عملته
وهتدّور على توحا اختييييييي ! , ما تسيب اختي في حالهاااااااا , هي كفرت يعني
عشان قالت نشوفوا روحي ونتهنولي يوميييييين !
ههه خليها تتهنى يختي أما نشوفوا
أخرتها , هي دي بتفكر في حفيدتها ولا عايزة تفتكرها حتى ! دي عاملة فيها عروسة بنت
امباااااااارح
حقهااااا ,الجدع مهنيها
ومراضيهاااااا ,هي الست عايزة ايه غير راجل حنين !!!!
خليها تغرق في الحنية يختي كمان
وكمان , على فكرة احنا هنجيبوا للبت
نورهان موبايل
مو إيه يا اخويااااااااا , جرا ايه
يا عاااااادل, موبايل ايه اللي تشيله عيلة زي ددددددي
لازم يا سعاد , عشان نطمن ع البت لو
حصل واتأخرت تاني
ده لو حصل واتأخرت تاني يبقى
ندفنوهااااااااا, مش نطمنوا عليهاااااا !!!ا , تتأخر ع البيت ده ايييييييه ! اوعى
يا عادل تجيبلها موبايل ابداااااا
لا هنجيبولها يا سعاااااد , احنا
وعدنا البت
يا عادل اسمع كلامي يا عااااادل,
داحنا بنشوفوا من البنات حاجات تشيّب , اقربها اول امبارح واحنا راجعين من عند
توحا , يادوب ركنا العربية ع الإمة وقلنا نجيبوا حاجة ساقعة نبلوا ريقنا ,
ونلاقولك بت من دور نورهان كدة ماسكة السخام الموبايل وعمالة تكلم جدع وتضحككك
وتقوله اني بنحبك اكتر يا مش عارفة مين , خلاص هنقابلوك دلوقتي ما تزعلششششش
طب واحنا مالنا يا سعاااااد
مالنا ازاي يا عاااااادل , البنات
بيفسدوا بعض ويقلدوا بعضضضض يمكن نورهان تقل عقلها وتعمل عملة البت دي , نعملوا
ايه ساعتها واحنا لا عارفين ولا دريانييييين !!
هههه انتِ خايفة البت تعمل زيك في
شبابك ولا ايه يا سوسو ! هههههه فكرتيني بالذي مضىىىىىىىى
اخص عليك يا عاااااااااادل , تعمل
زيي في شبابي ده ايييييييه ! هو اني كنت ماشية على حل شعري ولا كل يوم مع راجل
شكككككككل ! انت بتعايرني عشان حبيتك !
ههه ما نقصدوش يا سعاد , وان كنتِ
خايفة ع البت اطمني , نورهان متربية وكمان بتخاف من خيالها , ما اظنش تعمل كدة
ابداااااااااا
على راحتك يا عادل , بنت بنتك وانت
حر فيهااااااا, بس ياريت ما ترجعش تندم بعد كدددددددة
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
ايه
رأيك يا ماجد نخطب شهد بنت عمر اخويا لمعاذ ؟
والله
دي حاجة تسعدني يا منولة , البنت اخلاقها ممتازة جدا ومتدينة , بس الله أعلم رأي
معاذ هيكون ايه
وهو
هيقول ايه يعني ! شهد بنت اخويا ممتازة
هههه
ايه يا منووووول , هتفرضي على الولد الجواز من بنت اخوكِ بالعافية ولا ايه !
اخص
عليك يا ماجد , أنا برضو اعمل كدة ! أنا هعرض عليه الموضوع مش اكتر , لو قال لا
يبقى خلاص هو حر وده شيء يرجعله
طيب
يا ستي , ابقي اعرضي عليه الموضوع بكرة الصبح ان شاء الله وشوفي رأيه ايه
وبكرة
الصبح ليه ! أنا هروح دلوقتي عشان مش هيجيلي صبر للصبحححح
ههههههههههههههه
مش معقولة منال دي
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
تن
تن معاذ حبيبي ممكن ادخل
اتفضلي
يا أمي
ههه
السلام عليكم يا باشمهدنس
عليكم
السلام يا حياة الباشمهندس ههه
ههه
تسلملي يا حبيبي , معلش هعطلك عن المذاكرة شوية
أنا
تحت امرك يا أمي
الأمر
لله وحده يا حبيبي , ممممم كنت عايزة اسألك ايه رأيك في شهد بنت خالك عمر ؟
من
ناحية ايه يا أمي ؟
شوف
يا ولد بلاش تدعي السذاجة عشان أنا عارفة انك ذكي جداااااااااا
هههههههه
تقصدي يعني من ناحية الجواز والكلام ده , مش كدة ؟
ههه
ايوة يا سيدي اقصد من ناحية الجواز والكلام ده
شوفي يا امي ,بصراحة شهد انسانة فوق الممتازة وفوق
الرااااائعة خلقا وادبا وعلما وكل حااااااجة
,لكن أنا ما بفكرش في الإرتباط دلوقتي , أنا لسة قدامي سنتين في الكلية ومش
عايز حاجة تشغلني عن دراستي
طيب
يا حبيبي ممكن نخطبها بس وبعد ما تتخرج تبقوا تتجوزوا
معلش
يا امي , اعفيني من الموضوع ده ... تسمحيلي
اقلك حاجة عشان احسم الموضوع ؟
مممم
قول يا باشمهندس ؟
أنا
بعتبر شهد أختي , يعني زي مريم بالظبط , عشان كدة مش هقدر افكر فيها كزوجة
على
راحتك يا باشمهندس هههه بس يكون في علمك بقى يا ولددددددد , لو روحت اخترت واحدة
وانا ما وافقتش عليها مش هجوزهااااااالك هههههه يكون في معلومك أنا أم مستبدة جدا
وانت لسة ما اتعرفتش على قدراتي كويس
ههههههههههه
انتِ مستبدة يا أمي !!!!!! ياريت كل الإستبداد يكون بالروعة دي , انتِ أروع أم في
الدنيا
هههه
وانت أجمل ابن في الدنيا , ربنا يخليك ليا يا حبيبي ويخلي اختك آمين
ويخليكِ
لينا يا ست الكل ويخلي أبي اللهم آمين
آمين
يا حبيبي , عايز حاجة قبل ما انام ؟
لا
يا امي , متشكر جدا
طيب
يا حبيبي تصبح على ألف خير
وانتِ
من اهل الخير يا أمي هه
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
أنا
رجعت يا ماجد
ها
يا منولة , انتصرتي ؟
ههه
لا اتهزمت ورجعت اجر اذيال الخيبة ههه ابنك رفض يتجوز شهد هههههههههههههههه
هههههههه
ايه يا منولة ! انتِ فرحانة عشان ابنك رفض بنت اخوكِ !!!!!!!
هههه
لا فرحانة عشان ابني كبر يا ماجد ماشاء الله عليه , دانا طول ما أنا قاعدة معاه
وانا مستغربة وحاسة اني بحلم , بقى معقول السنين جريت وبفاتح معاذ في موضوع جوازه
! هههههه
ههههه
كبرتي وعجزتي يا منولة
ههههه
عارفة يا حبيبي , لكن عزائي الوحيد ان انت لسة صغير
هههههههههههههههههههههههههههههههههههه
يا ربي عليكِ , ما تسبيش حقك ودايما متبنية سياسة الإنتقام الناعم
ههههههههههه
طب عن اذنك بقى هروح اتوضى واصلي ركعتين قبل ما انام
اتفضلي
يا حبيبتي
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
يا
جماعة بالراااااااحة كلوا هياخد لحممممممممة, الحاج ابراهيم بشر دابح تلات عجول
والكل هيتراااااااضى
طب
يلا هات يا ابني , انا واقفة من بدرررري
معلش
يا حاجة , على ما شفينا اللحمة , اتفضلي
اوعى
يكون فيها سمين وإلا هخلي الحاج ابراهيم بشر يسود عيشتك
هههه
لا ما تخافيش , الحاج موصيني عليكِ انتِ بالذات
ربنا
يخليله ولاده ياااااارب
يلا
بقى يا حاجة عايزين ناخدوا زيككككك
ما
تاخدوا يختي , هو حد حاشكو ! الحاج ابراهيم بشر
بيراضي الككككل , ايّووووه هههه ده الحاج ابراهيم وصل بعربيته , لينا نصيب
نشوفوه, ازيك يا حاااااج
اهلا
اهلا يا ست الكل ههه
ربنا
يكرمك يا ابني , انا خدت اللحمة
ههه
بالهنا والشفا , مالناش بركة إلا انتِ
تعيش
, ويخليلك ولادك ويزيدك من نعيمه يا ابني
بالسلامة
يا حاجة
لو
سمحت يا ابني يللي بتوزّع ,أنا واقف من بدري , عايزين تلات كيسات لحمة
تلات
كيسات ! هي كيسة واحدة بس يا حاج , معلش عشان الناس كلها تااااااخد
يا
ابني انا عايز لاتنين جيرانني ظروفهم على قدهم يعني
خليهم
هما يجوا ياخدوا يا حاج
ما
يقدروش يجوا يا ابني
ليه
يعني !
واحد
منهم قاعد على كرسي متحرك والتاني راجل كبير اكبر مني بياما في السن ومراته ست
كبيرة هي اللي بتخدمه
والله
مش مسموحلي نطلعوا اكتر من كيسة لكل واحد , عندك الحاج ابراهيم لسة جاي اهو روح
كلمه
هو
فين ده ؟
الطويل ابو جلابية بيضة ودقن ده
ايوة
ايوة شوفته , يا حاج ابراااااااهيم
تحت
امرك يا حاج
الأمر
لله وحده يا ابني , احنا بنستسمحوك في كيستين لحمة زيادة عشان ناخدوهم لجيراني
المحتاجين
وماله
يا حاج , اديله يا حجاااااازي
من
عنيا يا حاج ابراهيم
اهلا
يا حاج ابراهيمممم , نورت المعرض
الله
يخليك , ما تمشوش حد زعلان , راضي الناس كلها , ولو اللحمة ما كفتش اشتري من عند
الجزار وراضي الناس , انا مش عايز حد يمشي من غير ما ياخد (ربنا يغفرلنا
ذنوبنا في حق عباده ويعترني فيكِ يا بدور عشان نطلبوا منك السماح..وياريتك تقدري
تسامحيني,ياااااااارب)
حاج ابراهيم....يا حاج. انت سرحان في ايه يا حاج؟
ها!..لالا,مافيش يا حجازي,بنقولولك اتوصى بالناس الغلابة
دول,أنا محتاج دعاهم
اللحمة
هتكفي وزيادة يا حاااااج ,دول تلات عجول ماشاء الله
كله
من عند الله يا حجازي , ربنا يقبل مننا ويغفرلنا ذنوبنا
آمين
يا حاج ابراهيم , ويباركلك في مهجة وبشر , ألا هو بشر في سنة كام دلوقتي ؟
ههه
تانية ابتدائي اللمض ابو لسان طويل , والدكتورة مهجة في الاعدادية هههه
ههه
ربنا يخليهوملك يا حاج ويحققلك أملك فيهم
اللهم
آمين يارب العالمين ويباركلي في امهم
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
طيب
يا بِشررررررر لما يجيلك ابووووووك ,
هو
انا عملت ايه يا ماماااااا !
كل
ده وما عملتشششششش ! من ساعة ما جيت من المدرسيي وانت عمال تتحنجل في الشقة وتلعب
وتتنطط ولا عملت واجب ولا بصيت في كتااااااااااب
الواجب
صعب ومش عارف احله
الله
! اومال الأبلة اللي بتجيلك تديك الدرس دي بتفهمك ايييييه !
احنا
ما ينفهموش منها حاجة , هاتيلي ابلة تاااااااانية
إيوا
اومال ايييييه نجيبولك ابلة تانية عشان العيب في الأبلة مش فيك انتِ يا ليعبي يللي
عقلك مش في رسك, اجري يا ولا ذاكرررررر
يووو
يو
في عينككككك ,لما يجيلك ايووووووك
طب
قولي لمهجة تيجي تفهمني الواجببببببب
روح يا خويا على اوضتك واني ابعتهااااالك بت يا مهجيييي يا مهجييييييي
نعم
يا ماماااااااااا
تعالي
يا بت فهمي أخوكِ الواجب اللي مش فاهمه
يعني
انا يلاش اذاكررررر ! دانا في اعدادية يا ناااااااس
يختي
بلا اعدادييي بلا ثانوييي اخوكِ اهمممم ,هو الراجل اللي هيشيل اسم ابوووه لكن انتِ
كلها سنتين بالكتير ونجوّزك
ايييييييييه
! ايه يا ماما اللي بتقوليه ددددده ! طب والله لما يجي بابا لاقوووووله
خوفتيني
يا بتتتتتتتت , قوليله خليه يعلقني في السقف ويضربني بالخرزااااااااانة , البت
بتهدَدْني !!! اخفي يا بتتتتت
ترررررررررررررررررررررررررررررن
ترررررررررررررررررررررررررررن
اهو
بابا جه اهو يا ست ماماااااااا ايوة يا
بابا
بصي
يا بت من العين السحرية قبل ما تفتحي ليكون مش ابووووووكي
حاضر
يا مامااااااااا
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
ايوة
هو بابا حبيبي هههههه اهلا يا بابا
السلام
عليكم يا مهجتي ههه
عليكم
السلام يا بابا يا قمرررر امووووه
هههه
انتِ قمرين يا حبيبة ابوكي
إيوا
يا اخويا دلّع دلّع, وانت غرمان حاااااااجيي !!!!
هههههه
ازيك يا وردة , عاملة ايه يا ام بشر
الحمدلله
يا ابو بشر , حمدالله ع السلامة يا خويي
ههه
حمدالله
ع السلامة ايه بقى ! دانتِ مقابلاني مقابلة من غير نفس كأنك زعلتي لما شوفتني
انييييييي
! ان شالله اعدم نظري لو كنت اقصدددد , دانت دخلتك عليي وع العيال بالدنييي هههه
ههه
تعيشي يا وردة , اومال مالك يا ست كنتِ مكشرة ليه !
عيالك
جنوني يا ابراهيم , انت مش مخلف عيال , انت مخلف ابالسييييييييييي
ههههههه
يا شيخة نعوذ بالله , بقى البت العسل دي والولا اخوها الشربات يبقوا ابالسة !
ايوة
عسل وشربات مكرر اومال ايييييييه , تعالى شوف عمايلهم في غيابك , داني زوري باظ من
كتر الزعيق طو النهاااااار
ايه
يا مهجة , مزعلة امك ليه ؟
والله
مش مزعلاها يا بابا , ده هي اللي مزعلااااااااني
ليه
بس كدة ! ايه اللي حصل ؟
يرضيك
يا بابا تقولي سيبي المذاكرة وتعالي ذاكري لاخوكي عشان انتِ تعليمك مش مهم وهنجوزك
بعد سنتين !!!!
اييييه
! انتِ قولتيلها كدة يا وردة ؟
إيوا
قلتلها كديي وابو كديي كمااااااان , هو اني هخاف منهيي , إيهييي يا حلاوة يا ولاد
!
معلش
يا مهجة , امك بتقلك كدة عشان تهتمي بالمذاكرة اكتر , قصدها يعني انك لو ما
ذاكرتيش ونَجَحتي وجيبتي نمر عالية هنطلعوكِ من المدرسة طالما مش فالحة ونجوزوكي
هي
مين دي يا بابا اللي مش فالحححة ! طب بكرة تشوف مجموعي في الإعدادية قد ايه ! ان
ما عديت الخمسة وتسعين في المية ابقى قول مهجة دي ما بتفهمش حاااااااجة
هههه
قد كلامك يا بت ؟
طبعاااااااا
دانا بنت الحاج ابراهيم بشرررررر ههههههه
هههههههههه
ماشي يا عسل , طب وربنا المعبود لو عديتي الخمسة وتسعين في المية ليكِ عندي هدية
ما تحلميش بيهااااااا
ههههه
طب هي ايه يا بابا ؟
لا
بقى , دي مفاجأة , روحي نادي اخوكي عشان نتعشوا مع بعض
حاضر
يا بابا , يا بَشرررررررررررر
ايه
يا وردة ! ده كلام تقوليه للبت برضو !
اني
قلت ايه يا سي براهيم !!!!
يعني
ايه تقوليلها تعليمك مش مهم وهنجوزوها بعد سنتين !
يا
حليلة يا ولاد ! هو ده اللي مزعل المحروسيي ! هي الدنيا اتشقلب حالها والبنات
دماغهم ضربت ولا ايه ! طب ده البت حدانا في البلد لما يجيلها عريس تفرح وتقعد تطبل
في اوضتها تلات تيام ع السعد اللي جايلهيي , والبت بنتك ركبها عفريت لما قولتلها
هنجوزك , ده ايه دي !!!
يا
وردة الدنيا اتغيرت يا وردددة ,وحتي البنات في بلدكو اتغيروا, التعليم للبنات حلو
, وانا عايز نعلم بنتي ومش مستعجل على جوازها
إيهي
!!!! مش مستعجل ده ايه ! دي البت اسم الله عليها بلغت يجيلها سنتين دلوقت ,
وبصراحة كدة في ناس عينهم عليهي
نعم
يا اختي !! ناس مين دوووووول
طب
ما تتخضش كديييي , ديه كلام ولسة طاير في الهوا
ومين
يختي اللي قالهولك؟
اختي
ريحانيي , الولا ابن اخت جوزهيي شاف البت معانيي لما كنا بنزور امي في البلد , ومن
ساعتهي وهو حاطط البت في دماغه , يقولهيي جوزيهاليي يا خالة ريحانيي كلمي ابوهي
وامهيييي
لا
يا ستييييييييييي اني مش هنجوز بنتي
مش
دلوقتي يا سي براهيم , سنتين كمان زي بعضه
لا
يا وردة , قفلي ع السيرة دي
تكونش
فاكر ان الولا عاطل ولا باطل ! ده اسم الله عليه مهندس زراعي ,وبيراعي مصالح ابوه
, اصل عندهم فدادين ياااااااميي , اومال ايه , اصل ابوه من اعيان الكفر
ولو
كان ابوه عنده قد اللي عنده مليون مرة برضو مش هنجوزوا بنتي
انت
حر , حطها في برطمان وخليلهي جنبك , واني قاهرة روحي ليه ! قال البت شوكة في ضهر
ابوهي مش في ضهر امهيي
باباااااااا
اهو
خايب الرجا التاني جاااااااالك , وقعتك سوووووودي يا للي اسمك بِشررررررر
ازيك
يا بشر يا حبيبي امووه ههه
ازيك
انت يا بابا ههه انا كنت بعمل الواجب
ايوة
بيعمل الواجب بعد ما سوّاني ع الجنبين , ريقي نشف وانا اقول يا ولا ذاكررر يا ولا
مصلحتك يا ولا عشان تبقى قيمة ومركز , بس تقول لمين , اهي كل يوم المناهديي على دي
الحال
ما
تزعلش امك يا بشر , امك عايزة مصلحتك يا حبيبي , اومال مين الباشمهندس الكبير اللي
هنفتحوله شركة ويكون مديرهاااااا ؟
أنااااااا هههه
طب
خلاص يبقى تذاكر بقى وتنجح عشان نفرحوا بيك , شوفت مهجة شاطرة ازاي وعايزة تبقى
دكتورة ؟
ايوة
, هي تبقى دكتورة وانا نبقى مهندس
جدع
يا حبيبي يلا بقى روح اغسل ايدك على ما امك تحضرلنا العشا
حاضر
يا بابا , معلش يا ماما ما تزعليش مني , أنا بنحبك
هههه
يحبب فيك خلقه يا ضنايي , لسانه حلو الولا ده يا سي براهيم
ههه
عَرَف يبلفك الولا !!!
اسم
الله عليه يعيش ويبلف
انا
مش عايزك تشدي على مهجة كدة ولا تسمعيها كلام يزعلها
اخص
عليك يا سي براهيم , دي بنتي ونور عيني وهي عارفة كديي , غيرش بس اني عايزة نفرح
بيهييي
لا
وقته ولا أوانه الكلام ده يا وردة , تاخد شهادتها وبعدين نبقوا نفوقوا لجوازها ,
العرسان هيجو هيجو إن شاء الله ما تخافيش , البت زي البدر الله اكبر
ههههه
طاالعالك يا سي هيمي
الله
يحفظها ويحفظ البنات اللي في سنها ويكفيهم شر غواية الشباب اللي ما عندهومش ضمير
...... غفرانك يارب
مالك
يا سي هيمي , حاساك مش زي عوايدك
...................
بدور
روحت
برضو سألت عليهي زي كل شهر ؟
ايوة
يا وردة , كل شهر بنروحوا على أمل نلاقوا القفل اتشال من على باب البيت ,لكن
بنلاقوه زي ما هو , ايّوووووووه شكل القفل ع الباب والعنكبوت المعشش بيخلي صدري
يضيييييييق, واحس ان ربنا مش مسامحني
اعوذ
بالله , ما تقولش كديي يا خويي , ربنا غفور رحيم
اونعم
بالله , أنا بقى مش هنغفر لنفسي ولا هيرتاحلي بال ولا نشوفوا راحة إلا لما نلاقي
بدور ونطلبوا منها السماااااااح ,ولو طلبت مني أي حاجة هنعملوها بس
تسامحنيييييييييي , أنا بنتعذب يا وردددددة
لا
حول ولا قوة إلا بالله , يا خويي هون على نفسك مش كديي , اني قلبي حاسس اننا
هنلاقيها
أنا
عارف انك بتقولي كدة عشان تريحيني يا وردة
اصل
اني خايفة تلاقيها تقوم تسامحك وبعدين تحلو في عينك تروح متجوزهيي عشان تكفر عن
ذنبك
ههههههههههههه
شوف يا خويا الولية !!! طب افرضي يعني اتجوزتها هتعملي ايه ؟
ولا
حاجيي , هطفش اني بدالهي وتقعد تدور عليي طول العمر عشان اسامحك
ههههه
حضريلنا العشا يا ام دماغ طاقّة
من
عيني يا خويي , بت يا مهججججججة
نعم
يا ماماااااااا
تعالي
يا حبة قلب امك ساعديني ينوبك ثوااااااااااب
عنيا
ليكِ يا ماماااااااا
هههه
يختي ان شالله تتهني يا حتة من قلبي امووووه اوعي تكوني زعلانة مني يا بت ؟
انا
ازعل منك برضو يا ماما ! لا مش زعلانة , بس ما تجبليش سيرة الجواز قبل عشر سنين
كمااااااااان
يا
حومتيييييييي ! عشر سنييييييييييين ! ليه يا بتتتتتت ؟
هههه
على ما اخلص تلاتة ثانوي وسبعة طب
سبع
لما يلهفك يا بت ابراهيمممممممممممم , بشوقك يختي , عشرة ولا عشرين سنيي , اللي
بيشيل قربة مقطوعة بتنز على دماغه , واني مالي يامّا
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
مساء الخير يا اوسا يا بنتي
مساء النور يا بابا
بتتفرجي على ايه ؟
بنتفرجوا على فيلم طَلَع نكد في
نكدددددددد, هو الواحد ناااااااقص!
ههه نورهان في اوضتها يا اوسا ؟
ايوة بتذاكر
طيب , هندخلولها
***********************
الجزء الخامس خلف هذه الجدران
بقلم هبة عبد العظيم نور
ممنوع النسخ أو أخذ اسكرين شوت
***********************
تن تن نورهااااااان
اتفضل يا جدوووووو
ههه ازيك يا ست القمراااااات
ههه ست القمرات مرة واحددددة !
لا , خمسين ألف مرّررررررة هههه
ربنا يخليك ليا يا جدو
جبتلك حاجة كنت وعدتك بيها , حزري
فزري هي ايييييه ؟
ممممممممم هي ايه ممممم هي ايه يا
نورا كنتي طالبة من جدو اييييييه ! ممممم اكيد الموباااااااايل
ههههه ايوة , اتفضلي يا ستي
الله عليك يا جدو يا حبيبي هههههه
انت جميل يا جدوووو
طب افتحي العلبة واتفرجي عليه يا
نورا
هنفتحوها اهووو , الله يا جدووووووو
ايه ددددددده ده جميل قوي
احدث عدة نَزَلت السوق يا بتتتتتت,
نفس العدة اللي مع خالتك رحمة
ههههه جميلة قوي يا جدوووو
ما تعرفيش تستخدميه طبعا
لا , ماما مش بتخليني امسك الموبايل
بتاعها , عشان كدة ما اعرفش حاجة في الموبايلات خالص
طيب يا ستي ولا يهمك , احنا نعلموكِ
, على فكرة خزنتلك رقمي ورقم خالك احمد ورقم امك وجدتك سعاد كمان
هههه ربنا يخليك يا جدو ممممم تعرف
انا عايزة نكلم مين دلوقتي ؟
مين ؟ خالك احمد ؟
لا , انا طبعا هكلمه لان ده
حبيبيييييي, انا بحب خالو احمد بطريقة مش معقوووولة, مممم اقولك حاجة يا جدو ومش
تضحك عليا
ههه لا مش هنضحك
يا سلاااااااااام ! ما انت ضحكت
اهوووو
هههه معلش غصب عني يا ستي , قولي بقى
كنتي عايزة تقولي ايه واحنا مش هنضحكوا عليكِ
ممممم تعرف يا جدو , اني نفسي نتجوز
واحد زي خالو احمد , يا سلام يا جدووووو يبقى طيب وحنين قوي زي خالووووووو
ياااااااااااااه يا بخت ابلة هيام بيه
ممممم يا بختها بيه , لكن هو مالوش
بختتتتتتتتتتت , قفلي ع السيرة دددددي
مش هتسألني كان نفسي نكلم مين يا
جدوووو ؟
كلمي اللي تكلميه يا نورهان ,
التليفون عندك وانتِ حرة , أي رقم عايزاه خديه من امك ولا من جدتك سعاد
ايوة بس الرقم اللي اني عايزاه مش
موجود لا مع ماما ولا مع تيتة سعاد ؟
الله ! عايزة تكلمي مين يا بت ؟
عايزة اكلم خالتو رحممممممة
هههههه ايّوووووووووه صحيح يا نورهان
؟
ايوة يا جدو
انتِ بتحبي خالتك رحمة ؟
ايوة بنحبوها طبعا وكان نفسي نشوفوها
, عمري ما شوفتها غير في الصور اللي معاك يا جدو
هههه خالتك زي القمر , انتِ فيكِ شبه
كبير منها
ممممممم طب انا احلى ولا هي ؟
ههههههههههههههههههههه يا بت ما
تجبيش لنفسك الإحراج
ههههههه بقى كدة يا جدوووووو ! طب
مخاصمااااااااك , هات رقم خالتو رحمة بقى وعلمني اخزنه ازاي
هاتِ يا ستي موبايلك نطلبوهالك وبعدين
اديكي تكلميها
اتفضل يا جدو
جميلة اووي تسلم ايدك
ردحذفلا حول و لا قوة إلا بالله...
ردحذفللأسف عصام هدم عيلته من قبل ما يبنيها عشان اختار أساس البناء غلط و ضعيف جدا مش هيتحمل.... 😑😑😑
و اللي بيوجع بجد إن رامي و آيتن بيعبروا عن حاجتهم لأهلهم و لدفء العيلة بطريقة ممكن توديهم للهلاك!! 😟😟😟
منة و عبد الرحمن حاساهم ماشين على خطا باباهم، يعني لا هم متمسكين بتعاليم الدين بشكل صحيح و لا هم بيفرطوا بها... عايشين في النص كده...
خالد 😍😍😍
ياااه يا هوبة مش عارفة قد إيه أنا فرحانة عشانه، رغم إني في الأول كنت متضايقة عشانه هو و ضحى و كنت بلوم ضحى لأنها السبب، لكن كنت عايزاهم يكملوا مع بعض رغم كل حاجة... و بعدين لقيت نفسي مش عايزة ضحى تكمل مع خالد عشان هو يستاهل فرحة تملئ قلبه و قلب أمه... تسلم إيدك يا هوبة على شخصية آيات اللي دخلتيهالنا الرواية... حاساهم لايقين على بعض جددددااااااا 💓💓💓💓
وجعني قلبي على وجع قلب حامد.... 😭😭😭😭😭
أدهم ده مش عارف كمية الذنوب اللي بيشيلها في كل لحظة مرت و بتمر و هتمر عليه و هو ظالم ناس و كاسر قلوب كتير... 😡😡😡
أما عادل ده فلسه من كم حلقة فاتت قلنا خلاص فهم و عرف قيمة الزوجة الصالحة، جه دلوقت و قال الكلمتين اللي ملهومش لازمة دول!! 😑😑😑😑😑
سااامي 😂😂😂😂
و الله كبرت و بقيت أب و بتغار على بنتك من الهوا الطاير... 🤣🤣🤣🤣🤣
نورهان دي عسوووووووووولة حبيية قلبي بحسها زي ياسمين مؤدبة و رقيقة و قمر ما شاء الله 😍😍😍 كله في ميزان حسناتك يا بدور و نعم التربية بجد 😉😉😉
مسكينة ده إنت عشان روحت مع أبوك أكلتي علقة من أوسا، لو عرفت دلوقت إنك كلمتي خالتك دي هتموتك و لا تسأل.. 😨😨😨
و أوسا المفترية بتقول إن نورهان متربية أحسن تربية و كأنها هي اللي تعبت و سهرت و ربت... 😏😏😏 ربنا نجدك يا نورهان و بعتلك بدور أم تربيك أحسن تربية و قلبها كله حنية 😍😍
يا خوفي يا سامي أوسا تسلط عليك أدهم من تاني 😥😥😥
أحلى حاجة في سعاد رغم علاتها إنها عارفة قيمة شوقية و بتعاملها زي أختها... 😀😀😀 لكن يا ريتها اتعلمت منها شوية كانت هتبقى غير...
هيما... بقيت الحاج ابراهيم بشر... الحمد لله ربنا هداك يمكن دعوة من والدتك و دعاء زوجتك ليك على طول بصلاح الحال... ☺☺☺
يا ترى هتقابل بدور تاني و لو قابلتها هتسامحك و لا لاء رغم طيبة قلبها لكن اللي عملتوه فيها و بسبب القهر والدتها ماتت مش عارفة هتسامحك و لا لاء... صعب جدا جدا جدا إن الواحد يشيل ذنوب في حق العباد... 😔😔😔
وردة دي نعمة ربنا أكرم ابراهيم بها، سبحان الله طيبة و بنت حلال و بتتقي ربنا و تتحط على الجرح يطيب... مناقشتها مع جوزها و ولادها موتنني ضحك 😆😆😆😆
أما أروح أكمل الحلقة التانية بسررررعة 😁😁😁
حلقه جميله جدا.تسلم ايدك يا هوبه.
ردحذفنورهان غلبانه قوي رغم كل الغنى اللي عندها بس مفيش حد حواليها بيحبها.
سبحان الله الناس بتجري ورا الفلوس بس السعاده في الحب والرضى.
سعيده ان معاذ شخصيته قوية وان منال ما ضغطتش عليه في الاختيار .
كنت متوقعه زى ما عودتينا ان هانى يعرف اللي رشا عملته ويبهدلها.
حلقة رااااااائعة 😘تسلم ايدك يا حبيبتي
ردحذفيا سلاام شكل بدور قربت تظهر وحشتني جدا جدا جدا
نورهان جميلة وطيبة وحنينة جدا صعبت عليا جدا بسبب امها ومعاملتها وقسوتها عليها وحتى أبوها محرومه منه
إبراهيم أحسن توبته وإن شاء الله يلاقي بدور وتسامحه
يا ترى أخبار توحا ايه وربيع وسمية
تسلم ايدك يا استاذة هوبة
ردحذفحلقات ف غاية الروعه
جاك خابط ف نفوخك يا اوسا الهم
والله خسارة فيكِ نورهان
اعوذ بالله منك ومن معاملتك الزفت
آيتن ربنا يهديها بجد احزنتني جدا
وشكلها هتتسلك طريق الالحاد زي امجد دا كمان
ووردة دي عسل والله
والشيخ براهيم مبارك ياشيخ ع اللحية والجلباب
كويس انك بعدت عن ادهم
وشكل بدارة بدأت تظهر
وياخوفي لتجوزي سامي لتهاني
بس ساعتها لو بدور رجعت لا اعتقد انها هتسامح حد علشان اذيتهم كانت كبيرة قوي ولا تغفر
ياسلام عليك يا سعاد ياصاحبة القيم والاخلاق يامؤدبة ياللي العيبه ماتعرفش طريقك
ردحذفبقا ياولية مش عايزة البت تشيل موبايل
ياسلام يا طاهرة 😂😂
البت نورهان دي غلطة مع العيلة دي
كان المفروض تكون بنت احمد وهيام 😁
فصل موفق سلمت وسلمت يداك
ردحذفحمد على سلامتك يااجمل هوبه وحلقه جميله تسلم ايديكى 🌺🌺 مريم
ردحذف