الحلقة التاسعة والثلاثين(ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

**************************************

ممممممم برضو ماجاش النهاردة , ده كدة بقاله تلات ايام بحالهم ماجاش , ده اكيد عنده ظروف تمنعه انه يجي , انا هستنى صاحبه اللي بشوفه معاه على طول عشان اسأله عنه

*******************************************************

اهو صاحبه جه أهو...لو سمحت

افندم

مش حضرتك تبقى صاحب اسمه ايه ده

اسمه ايه ده مين ؟

مممم اللي هو صاحبك اللي صوته حلو اوي وهو بيقرأ القرآن , بس بقاله تلات ايام ماجاش

أها ههه تقصدي معاذ ماجد؟

هو اسمه معاذ ؟ هه ممممم طب هو مش بيجي ليه ؟

عنده دور برد شديد ونايم في السرير

يا حرااااااااام , ممممم هو ساكن بعيد عن هنا ؟

افندم !!!!!!

مممممم عن اذنك

اتفضلي ههه معاذ بقاله معجبات

******************************************

انا هروح شؤون الطلبة واجيب عنوانه , ضروري ازوره , ايوة طبعا , ده عيان ولازم اسأل عليه , هاخد بوكيه ورد واروحله

**************************

خلف هذه الجدران,هبة عبد العظيم نور

**************************

ترررررررررررررررررررررررررررررررررررررررن

شوفي مين ع الباب يا مريممممم , انا في المطبخ يا حبيبتييييييي

حاضر يا أميييييييييييييييي

**************************

خلف هذه الجدران,هبة عبد العظيم نور

**************************

افندم

ممممم مساء الخير

مساء النور

لو سمحتي هو معاذ ساكن هنا ؟

معاذ !!!!!!! معاذ اخوياااا ؟؟؟؟

ايوة اللي هو في كلية الهندسة

وحضرتك مين ؟

انا زميلته , بس انا في سنة أولى , عرفت ان هو عيان جيت عشان ازوره , ممكن ادخل ؟

ممممم طيب معلش لحظة واحدة خليكِ على الباب , هروح استأذن أمي 

اوكيه

******************************************

أمييييييي يا أميييييييييييي

ايه يا مريم مين جه يا حبيبتي ؟؟؟؟

دي واحدة زميلة معاذ جاية تسأل عليه

اييييييه ! واحدة زميلته !!! غريبة اوي , طيب دخلتيها ؟

لا , سيبتها على الباب وجيت ابلغك

مممم طيب , روحي اقفلي الباب على معاذ وانا رايحالها

طيب يا أمي

**************************

خلف هذه الجدران,هبة عبد العظيم نور

**************************

السلام عليكم يا حبيبتي هه

ههه اهلا يا طنط , عليكم السلام , انا زميلة معاذ

اتفضلي ادخلي يا حبيبتي

متشكرة يا طنط , اتفضلي الورد

 اشكرك يا حبيبتي , تعالي معايا نقعد في الصالون , اتفضلي

شكرا يا طنط

**************************

خلف هذه الجدران,هبة عبد العظيم نور

**************************

اتفضلي اقعدي يا حبيبتي , ها , ما قولتليش اسمك

اسمي نور , في اولى هندسة

اهلا بيكِ يا نور يا حبيبتي , يا ترى عرفتي عنوانا  منين ؟

اخدته من شؤون الطلبة

وياترى ايه سبب الزيارة يا حبيبتي ؟

مممم اصل انا يا طنط عرفت ان معاذ عيان وبقاله كام يوم ماجاش الكلية قلت اجي ازوره

ويا ترى والدتك عارفة ؟

لا . ماما ماتت من وانا صغيرة , كان عندي تلات سنين

الله يرحمها يا حبيبتي , اومال استأذنتي من مين قبل ما تجيلنا ؟

مممممم ما استأذنتش من حد

ازاي بقى ! انتِ عايشة مع مين ؟

مع بابا ومرات بابا ودادة بتاعتي

طيب يا حبيبتي مش كان الأصول تاخدي رأيهم قبل ما تزوري شاب غريب عنك في بيته ؟؟؟؟ مع اني واثقة انك حتى لو استأذنتيهم ما كانوش هيوافقوا ابدا , وانتِ يا حبيبتي ازاي تعملي حاجة زي كدة ؟ انتِ زي بنتي واللي ما رضاهوش على بنتي مش هرضهولك , افرضي جيتي البيت ده ولقتينا ناس مش كويسين وممكن نأذيكِ , كنتي هتتصرفي ازاي !!!!!

طنط انا كل اللي حضرتك بتقوليه ده ماجاش في دماغي , انا بس جيت عشان اطمن على معاذ

اسمحيلي اقولك ان ده غلط كبير يا حبيبتي , احنا مسلمين , وإسلامنا الجميل حط ضوابط لكل العلاقات الإجتماعية , يعني ما ينفعش بنوتة زيك تيجي لشاب لحد بيته ايا كانت الأسباب , ديننا بيحافظ على بناتنا يا حبيبتي وانهم يكونوا في اجمل صورة في عيون الآخرين , احنا لا متساهلين ولا مفرطين زي الغرب

طنط والله انا مش وحشة , انا ..........

حبيبتي ما تكمليش , انا عارفة انك اتصرفتي بحسن نية وببراءة , وانا سعيدة جدا اني شوفتك والله هه تحبي تشربي ايه ؟

لالا يا طنط شكرا , انا متأسفة على الزيارة , واوعد حضرتك اني مش هكررها , اعذريني , ماما ماتت ومش في حد بيعلمني الصح من الغلط اهئ اهئئئئئئئئئئئئئئئ

يا حبيبة قلبي !!! طيب تعالي في حضني امووه , ايه بقى لزومه العياط ده !!! حبيبتي انا اسفة ان كنت جرحتك من غير ما اقصد , بس ده والله لاني خايفة عليكِ , انتِ زي مريم بنتي , واللي قولتهولك ده طول عمري بقوله لمريم

............. طنط , حضرتك حنينة اووووووي , حسيت معاكِ بحنان ماحستوش من يوم ماما ما ماتت

حبيبتي اعتبريني زي ماما , وانا هديكِ رقم موبايلي الخاص , لو احتاجتيني في أي وقت انا تحت امرك , ادي يا ستي الرقم , اتفضلي

هه متشكرة اوي , مممم هو حضرتك اسمك ايه يا طنط

اسمي طنط منال يا حبيبتي هه

ممممم طيب تسمحيلي اقولك ماما منال ؟

ههه دي حاجة تسعدني والله

عن اذنك يا ماما منال

اتفضلي يا حبيبتي , مع السلامة , خلي بالك من نفسك يا نور ,وياريت أول ما توصلي البيت تطمنيني عليكِ

 حاضر ,متشكرة اوي اوي اوووووي يا طنط

مع السلامة حبيبتي مممممم أما ادخل اشوف حكاية الباشمهندس معاذ مع البنت دي ايه

**************************

خلف هذه الجدران,هبة عبد العظيم نور

**************************

تن تن معاذ

اتفضلي يا أمي

اتفضل الورد

ورد ! ههه صعبت عليكِ عشان عيان وجبتيلي ورد يا أمي

مش أنا اللي جبته

اومال مين ؟

نور

نور !!!!!!!! مين نور ؟

نور زميلتك في الكلية يا باشمهندس

زميلتي ! يا أمي صحيح انا ليا زميلات كتير , لكن ماليش علاقة بحد فيهم , وأكيد حضرتك عارفة كدة كويس

حبيبي ليه متوتر بالشكل ده ! هه انا مش بتهمك بحاجة يا معاذ , انا بقولك اللي حصل , واحدة زميلتك لما عرفت انك عيان وعشان كدة ما بتروحش الكلية جابت بوكيه الورد ده وجت تزورك

..................... غريبة اوي , وايه يخليها تزور واحد ما تعرفوش في البيت ! واضح انها متحررة وماعندهاش قيود

كل إنسان وله ظروفه يا حبيبي , بصراحة البنت اتصرفت ببراءة ومن غير ما تقصد أي حاجة وحشة

هه ليه بتلتمسيلها اعذار يا امي رغم انك عارفة ان اللي عملته ده غلط كبير

لاني مش جلّادة حبيبي وبجلد الناس بكرباج من غير ما اعرف الظروف اللي دفعتهم , وحتى لو ما اقتنعتش بالظروف فأنا ما املكش غير النصيحة من غير وصاية على حد , والبنت فعلا اتصرفت بعفوية , وحاولت اقنعها ان اللي عملته غلط ومن الظاهر ليا انها اقتنعت , لسة ما افتكرتش مين نور دي ؟

نور ! ممممم متهيألي يا أمي هي البنت اللي وقفتني في مرة عشان تعبرلي عن اعجابها بصوتي في قراءة القرآن , لكن أسف اني نسيت احكيلك على الموقف ده , لانه بالنسبة لي كان موقف عابر وانتهى

مش شرط حبيبي كل حاجة في حياتك تحكيهالي , أكيد لازم يكون عندك ركن خاص في حياتك ويكون لك كامل الحرية في التحكم فيه , ومش شرط اني اعرفه أو اطلع عليه أو حتى احاصرك بأسئلتي عنه , ما بحبش اكون أم غير مرغوب فيها ههههه

هههه أمي انتِ كل حياااااااااتي , وكل حاجة بتحصل في حياتي ليكِ الحق انك تعرفيها

ده في حالة إذا حبيت تعرفهالي يا باشمهندس , لكن انا مش فضولية ولا بحب اتلصص على حياة حد حتى لو كان ابني ههه

أمي انتِ صاحبتي واقرب انسانة ليا , انتِ مش مجرد أم عادية

ههههه يا سلاااااااااااام دانا كدة هتغر في نفسي اووووي

هههه من حقك يا أمي , رغم اني عارف ان عمرك ما كنتي مغرورة

الحمدلله يا حبيبي , على العموم انا جيت بس عشان اقولك على اللي حصل وايه السبب ان بوكيه الورد ده جه بيتنا ههه

....................... انسانة غريبة قوي نور دي

**************************

خلف هذه الجدران,هبة عبد العظيم نور

**************************

داااااااااادة يا دااااااااااااااااادة

دي نور وصلت يا مدام سحر , انا هنزل اشوفها

خليكِ انتِ يا بهية , انا هنزلها

أمرك  يا هانم

**************************

خلف هذه الجدران,هبة عبد العظيم نور

**************************

مممممممم حمدالله ع السلامة يا نور

اوووووووف , فين دادة بهية ؟

بهية فوق بترتب دولابي , اتأخرتي كدة ليه ؟

عادي

هو ايه اللي عادي يا بنتتتتتتتتتتتت , ردي بأسلوب كويسسسسسسس

هو ده اسلووووووووووبي , ثم ان حضرتك بتزعقيلي ليه اصلاااااااااا , انا حرة اتأخر او ما اتأخرش دي حاجة تخصنييييييييي وإن كان حد له الحق يحاسبني يبقى بابي مش حضرتككككككككككك

أما إنك بنت قليلة الأدب حقيقيييييييي

ميرسي يا طنط , داااااااااااااااااادة

تعالي يا نور انا هنااااااااااا

**************************

خلف هذه الجدران,هبة عبد العظيم نور

**************************

سيبي اللي في ايدك ده يا دادة وتعالي عشان عايزااااااااكِ

طيب يا حبيبتي , روحي اوضتك وانا كلها خمس دقايق واحصلك

اوكيه

خلصتي يا بهييييييية

حالا يا هانم , قربت اهو

بعد ما تخلصي اعمليلي فنجان قهوة , فين علبة السجاير بتاعتي ؟

في الدرج يا هانم , لسة شايفاها من شوية

هاتيها

ليه بس يا هانم , بلاش تدخني , خسارة صحتك يا حبيبتي , وبعدين انتِ بقالك يومين ما دخنتيش ولا سجارة وانا قولت خلاص الهانم ربنا تاب عليها من الدخان وحرق الصدر

اووووووووف مخنوقة يا بهييييييية , انا مش بدخن إلا لما اكون متوترررررة , هاتي علبة السجاير بسرررررررررررعة

اهيه يا هانمممممم اهيه اتفضلي , ولا تزعلي نفسك

اوووووووف هاتي الولاعة دي

اتفضلي

اهدي يا هانم , نور دي لسة عيلة صغيرة , بكرة تكبر وتتغير

البنت دي متعبة اوي يا بهييييية , من وهي طفلة صغيرة وانا مش عارفة اتعامل معاها , بتكرهني بشكل مش طبيعييييي , دي بتغير على أيمن منيييييييي تلات ترباع مشاكل حياتنا بسببهاااااااا

معلش يا هانم , انتِ عارفة انها اتحرمت من امها بدري اوي , وايمن بيه بالنسبة لها كل حاجة , ابوها واخوها وكل دنيتها , عشان كدة تلاقيها بتغير منك حبتين

تغير ولا تتفلق بقى , دي عيشة تأرررررررف , اديني سجارة تانية

لااااااا بالله عليكِ كفاية كدة , يعني هي السجاير بتحل مشاكل ولا بتهدي نفسية !!!

اوووووووف طيب روحي اعمليلي فنجان القهوة اللي طلبته وهاتيهولي في الجنينة

حاضر يا هانم , بس بعد إذنك هروح اشوف نور عشان كانت عايزاني

طيب يا بهية , ما تتأخريش

أمرك يا سحر هانم

**************************

خلف هذه الجدران,هبة عبد العظيم نور

**************************

تن تن نور

اتفضلي يا دادة

ههه حبيبة قلبي اللي وحشتني طول النهاااااااار امووووه ازيك يا نور

الحمدلله يا دادة

ايه يا روحي اتأخرتي ليه كدة قلقتيني عليكِ

ممممم اقولك ومش تقولي لحد ؟

مش هقول يا حبيبتي

ولا لبابي ولا لطنط سحر ؟

ولا لبابي ولا لطنط سحر يا حبيبي , قولي بقى

هه اصل يا دادة حصل حاجة غريبة اوي النهاردة ممممم يا خبر استني يا دادة هتصل بماما منال اطمنها اني وصلت البييييييييت

ماما منال !!!!!!

تررررررررررررررررررررررررررررررررن تررررررررررررررررررررررررررررررررررن

السلام عليكم

عليكم السلام يا ماما منال

هه اهلا حبيبتي , وصلتي البيت بالسلامة ؟

لسة واصلة من حوالي عشر دقايق , يادوب غيرت هدومي وقولت اتصل اطمنك اني  وصلت يا ماما منال

هه الحمد لله يا حبيبتي , سعيدة جدا انك استجبتي لرغبتي واتصلتي عشان تطمنيني , روح اتغدي بقى عشان اكيد جعانة , وبعد الغدا ارتاحي شوية وقومي ذاكري حبيبتي

ههههه حاضر يا احلى مامااااااا هعمل كل اللي قولتيلي عليييييييه , مممم ماما منال

ايوة يا حبيبتي

انا بحبك قوووي

وانا بحبك اكتر يا حبيبتي , مع السلامة

الله يسلمك يا ماما منال

ايه بقى حكاية ماما منال دي كمان ؟ وازاي تقوليلها ماما ؟ دا  يامَا ايمن بيه اتحايل عليكِ عشان تقولي لسحر هانم يا ماما وانتِ ما رضتيش ابدااااا , تقومي تقولي لواحدة تانية يا ماما !

عشان حسيت انها ماما فعلاً

ودي مين دي بقى وعرفتيها منين ؟

دي مامت طالب معانا في الكلية بس هو في سنة تالتة , صوته جميل اووووووي يا دادة وهو بيقرأ القرآن في الصلاة يااااااااااااااااااااااااااه لما بسمعه ببقى في عالم تاااااااااني , لكن يا خسارة بقاله حوالي اربع ايام غايب ولما سألت عليه عرفت انه عيان أخدت بوكيه ورد وروحت أزوره

يا خبررررر ! تزوريه ! ازاي يا حبيبتي تعملي كددددة ! في بنت برضو تروح تزور شاب في بيته !!! طب افرضي كان قليل الأدب وجريء واتهجم عليكِ كنتي عملتي ايه وقتها بقى !!! لالالا يا نور , انتي غلطانة يا حبيبتي

هههه عرفت اني غلطانة من ماما منال , يااااااااه يا دادة , ست غير عادية , طيبة بشككككككل ووشها مريح جداااااا تقعدي معاها تبقي مش عايزة تسيبيها , ياريتني كنت طفلة صغيرة , كنت شبطت فيها وقعدت اعيط عشان اعيش معاها على طوووووول

للدرجة دي !

واكتر يا دادة , عارفة يعني ايه واحدة محرومة من حنان الأم وفجأة تلاقي قدامها أم في قمة الحنان بتطبطب عليها وتضمها وتعوضها كل سنين الحرمان في ضمة حنان واحدة

هه باين عليها حنينة اوي مدام منال دي

اوي يا دادة اوووي , ومتدينة جدااااا وبنتها كمان زيها , الاتنين لابسين نقاب ,مش بيفتحوا الباب غير بالنقاب,لكن لما دخلت بيتهم قلعوا النقاب عادي ,أنا كنت متخيلة ان المنتقبات دول مش بيشيلوا النقاب خالص من على وشهم ههه

نقاااااااااب ! لالالا ابعدي عنها الست دي يا نورررر

ليه بتقولي كدة يا دادة ؟؟؟؟؟

يا بنتي يا حبيبتي الناس بتوع النقاب دول متشددين ومعقدين وبيعقدوا اللي حواليهم , كل حاجة ده لا ده حرام , وحياتهم غير حياتنا

هه يعني احنا صح وهما غلط ؟ مممم يعني تعجبك واحدة زي طنط سحر بستايلات شعرها ولبسها اللي من باريس والسجارة اللي في ايدها ؟؟؟

مممممم ربنا يهدي الجميع يا بنتي , احنا ديننا دين وسط , لا زي طنط سحر ولا زي طنط منال  , يعني كفاية حجاب ونصلي ونعبد ربنا وخلاص , لكن نقاب بقى وتشدد يبقى مالوش لزوم ابداااااا

اصل انتِ ما شوفتيش ماما منال قد ايه انسانة راقية ورقيقة , انا ما عنديش كلام ادافع بيه عن النقاب غير اللي شوفته من رقي ماما منال , انا حبيت النقاب اوي عشان هي لبساه , حاسة اني لو قربت منها حاجات كتير جوايا هتتغير وتبقى اجمل , ممممم ويمكن كمان البس النقاب زيها

ههه يا بنتي البسي الحجاب الأووووول

هههه طيب انا جعانة يا دادة , عايزة أككككككككككل عشان عندي مذاكرة كتيررررر وانا لازم اذاكر زي ما وعدت ماما منااااااااااال

ههه يادي ماما منال اللي ظهرتلنا فجأة

بهييييييييييييية فين فنجان القهوووووووة يووووووووو

يا خبر ابيضضضضض دانا نسيت القهوة بتاعة مدام سحررررر , ايوة يا مدام حاضررررررر  هجيبلها القهوة واحضرلك الغدا يا نورررر

اوكيه يا دادة هه ممممممم يا حبيبتي يا ماما منااااااااااال

**************************

خلف هذه الجدران,هبة عبد العظيم نور

**************************

ترررررررررررررررررررررررررررررررررن

سيبي اللي في ايدك وافتحي الباب يا بت يا عطااااا

حاضر يا خالتي شوقية

**************************

خلف هذه الجدران,هبة عبد العظيم نور

**************************

نعم , عايزة مين ؟

ههه انتِ جديدة هنا يا بت ؟

بنقولولك انتِ مين وعايزة مييييييين ؟

انا عايزة الست اوسا

نقولولها مين ؟

قوليلها رزززززززقة 

طب خليكِ واقفة جنب الباب  لحد ما نبلغوها

جرا ايه يا شاااااااابة , هو انا جاية نشحتوا منك ولا ايييييه !!! احنا هندخلوا ونقعدوا ونستريحوا على ما تنزل الست اوساااااااااا , اوعييييييي

هو ايه أصله دددده  !!! تعالي هنا يا ست انتتتتتتِ

مين يا بت يا عطاااااا

واحدة عايزة الست اوسا يا خالتي شوقية وداخلة الفيلا  تشخط وتزعق زي ما تكون ملكهااااا

ودي مين دددي !..... ايه ددددده !هو انتتتتتتتِ ؟؟؟؟

هههههههه ايوة اني , انتِ لسة عايششششششة ! داني افتكرتك موتي وشَبَعتي موووووت

موتة لما تشيلكككككك , ايه اللي حدفك علينا الساعة دي يا بتتتت

اني مش جاياااااااالك اني جاية لستك وست البيت ده كككككله , قولي لست اوسا رزقة هانم مستنياكِ ,وانتِ يا بت اجري هاتيلي حاجة ساقعة نشربوها ونبلوا ريقي , خدامين اخر زززززززززمن

ايه ده يا خالتي شوقية , انا ما شوفتش كدة في حيااااتي

بنقولولك اجري يا بت هاتيلي حاجة نبلوا ريقيييييي

نجيبولها يا خالتي شوقية ؟

اطلعي ناديلها الست اوسا الأول وبعدين روحي هاتيلها حاجة تطفحهاااااا

**************************

خلف هذه الجدران,هبة عبد العظيم نور

**************************

تن تن ست اوساااااا

ايوة يا بت يا عطا , ماما جت ؟

لا , دي واحدة عايزاكِ تحت اسمها رزقة

رززززقة !!!! هههه معقووول !

ايوة , مستنياكي تحت وبهدلتني وبهدلت خالتي شوقية وطايحة في البيت , هو انتِ تعرفيها منين دي يا ست اوسا ؟ دي لا من توبك ولا من مقامك

انزلي يا بت واحنا هنحصلوكِ وبلاش كتر كلام

**************************

خلف هذه الجدران,هبة عبد العظيم نور

**************************

بت يا رزقة هههه

الست اوساااااااا هههههههه الله أكبر عليكِ الله أكبررررر زدتي حلاوة على حلاوتك وربناااااااااا

هههه ازيك يا بت يا رزقة

انا بخير طول ما ستي وتاج راسي بخير

تعيشي يا بت , اومال كنتِ فين السنين اللي فاتت دي كلها ؟

ااااااخ ياني , هنقولوا ايه ونعيدوا ايه , بعد ما سيبت الخدمة عندك والست امك ما رَضَتش تخليني نخدموا هنا في الفيلا , روحت اشتغلت يجي سنة وزيادة عند ست هانم تانية بس ما اترتاحتش معاها وطردتني

طردتك ليه يا بت ؟

اصل جوزها كان عينه مني وكان بيعاكسني في الرايحة والجاية قامت النار قادت في قلبها

ههههههههههههههههههههه ينيلك يا بت , وجوزها الاعمى ده هيبصلك على ايييييييه !!!!

لا يا ست اوسا بقى , كل راجل وله نظرة في الست اللي قدامه ,طب ده كان هينهَبَل علياااااا

ههههههههههه طب هنصدق وماله , عشان كدة بقى مراته طردتك

ايوة طردتني بس كانت طردة السعد والهنااااااا ,ربنا فتحها عليا من وسع وناس جابولي شغل في الخليج عند جماعة تقال قوي واديني عايشة معاهم ومتمرمغة في خيرهمممممم, شايفة الصيغة اللي بنتعايقوا بيها قد ايه يا ست اوسا ؟ ههههه

هههه هنيالك يختي , ايه اللي فكرك بيا يا بت ؟

عمرنا ما نسيناكِ يا ست اوسا , داحنا بنحبوكِ أكتر من روحنا وربنااااااا ههه قومت اول ما نَزَلت اسكندرية نزوروا أمي واخواتي قولت لازم نزوروا ستي وتاج راسي ونطمنوا عليهاااااا

فيكِ الخير يا بت , ما جاتش من غيرك

ايوة يا ست اوسا , ما هي قلة الأصل مالية الدنياااااا , ألا ازي نورهان ؟ أكيد كَبَرت وبقت عروسة ههه

نورهان كويسة الحمدلله , في المدرسة

والست سعاد فين كنت عايزة نسلم عليها

ماما عند خالتي توحا

اييييييه ! هي امك بتود خالتك بعد اللي حصل من ابنهاااااا ! ده طلقك وما بقاش ع العشررررة , تقوم امك بدل ما تقاطع اختها تحرّمها ليوم الدين تروح تودهاااااااا !!!!

نعملوا ايه بقى ! ماما روحها في خالتي توحا وبتقول مالهاش ذنب في اللي ابنها عمله , وبصراحة فعلا خالتي ما الهاش دعوة , سامي هو اللي جنس واطي زي اللي خلّفه , انتِ ناسية ان ابوه هو اللي قوّاه عليا وخلاه يطلقنييييي

قُطع وقُطعت سيرته راجل ندل زي ابنننننننه , هو لسة عايشششش ؟

عايش يختي , عدّا التمانين سنة وعايششششش

ربنا يقصف عمره يا ست اوسا

بس اسكتي يا بت دي خالتي طَلَعت جدعة وخدت منه اللي وراه واللي قدامه ومابقاش حيلته غير المحل الفقري بتاع الماني فاتورة

هههه ما اني لسة جاية من هناك وشوفت سي سامي , الشيبة سرحت في راسه وبان عليه الهم والغم , وكمان ما اتجوزش بعدك , شكله كدة ما لقاش اللي تعوضه عنك وعن عشرتك الحلووووة

يتجوز ولا يتجنز ولا يولععععع , انا ماليش دعوة بيه

ألا انتِ ما اتجوزتيش ليه يا ست اوسا ؟ اسم الله عليكِ لسة في عز شبابك , دانتِ أصل ومال وجمال وعز وجاااااااه , هما الرجالة انطسوا في نظرهم ولا اييييه ؟

أنا يا بت اللي كَرَهت صنف الرجاااااالة , جالي بدل العريس مية , اخرهم واحد معرفة بابا وقالي هنجيبولك فيلا ع البحر ونعيشوكِ ملكة وتحت رجليكِ الخدم والحشم بس اني ما رضتش

ليه بس كدة يا ست اوسااااااا !

المخفي سامي خلاني ما نآمنش لجنس رااااااااجل , هو احنا ننسى اللي عمله فينا !

اخص عليه الف مرة , بس برضو صوابعك مش زي بعضها , فكري وما تضيعيش نفسك

لا , أنا كدة كويسة , بلا رجالة بلا هباب ازررررررق

 بشوقك يا ست الستات , تدوم الحاجة الساقعة يا ست اوسا , أنا ماشية بقى ههه

ما تقعدي يا بت

لا معلش , انا بس قولت نزوركِ زيارة طياري كدة ونطمنوا عليكِ

طب ابقي عدي عليا تاني قبل ما تسافري

حسب التساهيل بقى يا ست اوسا , أنا مسافرة الجمعة اللي بعد الجاية وهنحاولوا نجولك تاني , سلام يا شربات هههه

الله يسلمك يا بت , اوووف..... قلبت عليا المواجع البت دي

**************************

خلف هذه الجدران,هبة عبد العظيم نور

**************************

حمدالله ع السلامة يا ست سعاد

الله يسلمك يا بت يا شوقية

ازيها الست توحا ؟

كانت تعبانة شوية ومدروخة كدة ونفسها مايعة

ماشاء الله , تبقى حاااااااامل, يا ألف نهار أبيضضضضضض

حامل ايه يا ولية يا مهطولة انتتتتتتتِ , احنا هنضحكوا على بعض !!! هي بس كان داخلها دور برد

سلامتها , عارفة مين جه هنا النهاردة ؟

مين يا بت ؟

البت اللي اسمها رزقة اللي كانت بتشتغل عند الست اوسا

رزقة !!!.... ودي جت ليه ؟؟؟

واحنا نعرفوا منين !!! قعدت تتكلم وتحكي مع الست اوسا زيادة عن ساعة وبعدين مَشَت

طيب , اطلعي معايا يا بت عشان تدلكيلي ضهري اللي واجعني دددده

سلامتك يا ست سعاااااااد

**************************

خلف هذه الجدران,هبة عبد العظيم نور

**************************

ايوة ايوووة اضغطي هنا قوي يا بت عشان الحتة دي وجعاااااني

من عيني يا ست سعاد , ما تروحي للداكتور يشوف ضهرك مااااااااله

ما نحبوش الدكاترة يا بت ولا نحبوا سيرتهممممم

مامااااااااااا انتِ جيتي ؟

يابت فجعتيني يا بتتتتتتت ما تكحي ولا تخبطي ع الباااااااب

يعني هو انا داخلة اوضة حد غريب !!!... عاملة ايه خالتي توحا ؟

كويسة , ايه اللي جاب البت دي عندك النهاردة ؟

بت مين ؟

البت اللي اسمها رزقة

لحقتي قولتي لماما يا شايبة  يللي ما بتتبلش في بقك فوووووووولة 

ايّوووه يعني هو سر يا ست اوسا !!! انا متعودة نقولوا للست سعاد على اللي بيدخلوا الفيلا في غيابهاااااا

وانتِ مالك انتِ بللي يجي واللي يروووووووووح , حاشرة روحك بينا ليييييه !

سيبك من شوقية وردي علياااااا جاتلك ليه البت الشرانية ددددي ؟

ايّووووه يا ماما , جات تزورنييييي , فيها الخيرررر , نقولولها جاية تسألي عليا ليييييييه ! ليكِ حق يا ست مامااااا مانا ضيفة عندك ومش طايقاني ولا طايقة ضيوووووفي , ما هي والوحدة لما تسيب بيتها وتطلق الكل يتحكم في الهوا اللي بتتنفسسسسسسسسسه

وطي صوتك يا بتتتتتتت , احنا بنطمنوا بس  ,  ما كانتش عايزة منك حااااااجة ؟

لا

ماشي ااااااه بالراحة يا شوقييييييية

**************************

خلف هذه الجدران,هبة عبد العظيم نور

**************************

برضو ماجاش النهاااااردة اهئ اهئئئئئ ده بقاله اسبوع بحاله ماجاش اهئ اهئئئئئئئ استنيته من السبت للخميس وماجاش اهئ اهئئئئئئئ اكيد نسيني , اكيد بطّل يحبني اهئ اهئئئئئئئئئئئ , ربنا يسامحك يا نسيم

**************************

خلف هذه الجدران,هبة عبد العظيم نور

**************************

تررررررررررررررررررررررررررررررررررررررررررررررن

افتحي للست نورهان  يا بت يا عطا

حاضر يا خالتي شوقية

******

اهلا يا ست نورهان , ايّووووه مالك معيطة ليه بعد الشر ؟

لا , أنا مش معيطة , في تراب دخل في عيني خلاها وجعتني ودمعت

طيب هاتي عنك الشنطة نطلعوها اوضتك

شكرا يا دادة عطا , ازيك يا دادة شوقية

ازيك انتِ يا حبيبتي , معيطة ليه يا نورهان ؟

مش معيطة

لا معيطة ونص , في حاجة زعلتك في المدرسة ولا ايه ؟

اهئ اهئئئئئئئئ أنا مخنوقة يا دادة شوقية

يختي الشر برا وبعيدددد, مالك يا بنتي ؟

واحدة صاحبتي بنحبها وبقالها يامَا ماجاتش المدرسة اهئ اهئئئئئ

ايّوووه عشان كدة زعلانة الزعل ده كله ! يا حبيبتي مسيرها تيجي , هتروح فين يعني !

اهئ اهئئئئئئ أنا طالعة اوضتي يا دادة

روحي يا حبيبتي على ما نعملوا السلاطة عشان الغدا , وشيعيلي البت عطا عشان تغرف الصحووووون

حاضر

كبدي عليكِ يا بنتي , يختييييي الست اوسا شافتها , استر يارب

كنتِ فين ومعيطة كدة ليه يا بتتتتتتتتتتتت ؟؟؟؟

اهئ اهئئئئئئئ مافيش حاجة يا ماما ما فيششششششش اهئ هئئئئئئئئئئ أنا طالعة  اوضتي

هو ايه اصله ده !!! اقفي هنا يا بتتتتتتتت

نعم يا ماما نعمممممممم

لما نكلموكِ تقفي وتردي عليا عدددددل بنقولوك متهببة بتعيطي لييييييييه ؟

يا ست اوسااااا, يا ست اوسا ارحميهاااااا ,اطلعي انتِ يا نورهان ,  دي زعلانة حبتين عشان صاحبتها اللي وياها في المدرسة غايبة بقالها يامَا

طب وهي مالهاااااااا !!!

يا ست اوسا انتِ عارفة البنات قلبهم حنين , تلاقيها قلبها كلها على صاحبتها وبتقول جرالها ايه

هيكون جرالها ايه يختي ! هما بنات اليومين دول بيجرالهم حااااااااجة, دول يندب في عنيهم رصااااااصة , داحنا ماكناش بنااااااات

ايوة ما كنتوش بنات , كنتوا بلاوي سوووووووودة

سودة على دمااااااااغك , ايه يختي , كنا بنعملوا ايييييه  !!!أنا كنت من البيت للمدرسة ومن المدرسة للبيتتتتتتت

ايوة يا ست اوسا الشهادة لله , كنتي ترجعي من المدرسة تقفلي عليكِ اوضتك وتشغلي التسجيل ع العالي وهاتك يا رقص ع الاغاني , أدب أدب أدددب ماحصلش ولا ورد

اديكي قولتي يختي , بنقعدوا في اوضتي , لا بنخرج ولا حد بيشوف خياااااااالي ,نرقصوا بقى نهدوا الدنيااااااا براحتي , أنا ما انكشفتش على راجل إلا على المرحوم الله يجحممممممه

هو سي سامي مااااااااات ؟

ماتنطقيش اسمه قداااااااااااامي , ربنا يمحي اسمه من على وش الدنيااااااااا ,الراجل الغدار اللي اتمرمغ في خيرنا وفي الآخر اتنكّرلنااااااا

يا ست اوسا اهو راح لحال سبيله بعد ما فرقتي بينه وبين بدور

ايّووووووووووووووووه ,ما تجبيش سيرتهاااااااااااا

يا ست اوسا هي بقالها سيرة ولا ذكر !!!! الله اعلم حية ولّا ميتة ولّا أراضيها فين

امشي غوري من وشي حضرلينا الغدا عايزين نطفحوووووووا

حاضر يا ست اوسا هنطفوحكِ أأأ يو , قصدي هنأكلوكِ , كلك حنش البعيدة , بعد السنين دي كلها وبتدعي على بدور , دانتِ اللي عملتيه في بدور ما يعملوش يهودي في مؤمن تقيييييييي

**************************

خلف هذه الجدران,هبة عبد العظيم نور

**************************

يا دادددددة دادة بهييييييية

ايوة يا نور , عايزة حاجة يا حبيبتي ؟

ههه لا , كنت عايزة اقولك بكرة عيد ميلادي

كل سنة وانتِ طيبة يا حبيبتي وعقبال مليون سنة هههه عزمتي اصحابك ولا لسة ؟

لالالا اصحابي ايه , انا عايزة احتفل بيه السنة دي انا وبابي وبس ومن غير حد يغتت عليناااااااا ,انتِ عارفة قصدي على مين طبعااااااا

ههه والله يا حبيبتي الست سحر بتحبك , دي هي الي مربياااااااكِ

لا يا دادددددة انتِ اللي مربياااااااني , هي مش اكتر من مرات بابي اللي استغلت موت مامي وجت خطفته منننننني

ربنا يهديكو لبعض يا بنتي

بيب بييييييييييب

ده صوت عربية باااااااابي هنزل جري الحقه قبل ما يطلع للي اسمها طنط سحر  عشان اقوله أنا عايزة احتفل بعيد ميلادي انا وهو وبسسسسس هههه ثواني ورجعالك يا داددددددة

طب على مهلك يا حبيبتيييييي

**************************

خلف هذه الجدران,هبة عبد العظيم نور

**************************

باااااااااااابي

نور حياتي ههه ازيك يا نور

كويسة الحمدلله , ازيك انت يا بابي

انا بخير طول ما حبيبة قلبي بخير , اخبار مذاكرتك ايه ؟

مممممم كويسة , بقالك كتير ما سألتنيش

معلش حبيبتي , انتِ عارفة ان الشغل واخد كل وقتي

طب وانا يا بابي ؟

هههه انتِ كل حيااااااااتي

ههه ممممم طيب وطنط ؟

مممممم سؤال خبيث , مش كدة ؟ ههههه على العموم لازم تعرفي انك اغلى انسانة عندي في الدنيا

بجد يا باااااابي , يعني اغلى من طنط ؟

انتِ اغلى من روحي يا نور

هههههه ربنا يخليك ليا يا باااااابي , على فكرة عيد ميلادي بكرة , ولا نااااااسي ؟ اوعى تقول ناسي وإلا هزعل منككككككك

لا طبعا مش ناااااسي , حد ينسى اجمل يوم في عمره !!! ههه

هههه طيب وهنحتفل بيه ازاي بقى ؟

زي ما تحبي يا حبيبتي

انا كنت عايزة اخرج انا وانت , انا وانت بسسسس من غير حد معانااااا ونحتفل لوحدنا

ههه خلاص , مافيش مشكلة , هخلص شغلي بدري بكرة وهجيلك عشان اخدك , وهعمل ترتيباتي من بكرة الصبح وهتصل بالفندق اللي هنعمل فيه الاحتفال واخليهم يجهزوا التارت والشموع ويعملوا احتفال ما حصلش لحبيبة قلبي , مبسوطة حبيبتي؟

هههه جدا يا باااابي , انا بكرة هلبس من بدري واجهز واستناك , هيكون يوم جميل جداااااا خصوصا عشان احنا الاتنين مع بعض ومش في حد تاااااااااني

ههههه يا عفريتة , طيب عن اذنك بقى هطلع عشان يادوب ارتاح شوية وانزل عشان عندي لقاء مع عملا جداد للشركة

اوكيه يا بابي

**************************

خلف هذه الجدران,هبة عبد العظيم نور

**************************

تن تن سحر

ادخل يا أيمن

هههه مساء الخير والجمال والسعادة يا حياااااااتي

مساء النور يا حبيبي , خلصت كلامك مع نور ؟

ههه انتِ شوفتينا ولا ايه ؟

لما سمعت صوت عربيتك فتحت الباب لقيتها بتجري ع السلالم عشان تستقبلك وتقولك على حاجة مش عايزاني اعرفها

ههه حبيبتي ما تبقيش شكاكة , نور كانت بتقولي ان بكرة عيد ميلادها وانها عايزة تعمله في اوتيل

اوكيه مافيش مشاكل , ممكن نعمله في الأوتيل اللي عملت فيه نيفين بنت عمي عيد ميلاد بنتها , كان اوتيل ظريف والبروجرام كان هايل , بس ايدك على تمن فستان سواريه جديد عشان احضر بيه الحفلة هههه

ممممم أأأ والله يا حبيبتي مش عارف اقولك ايه , بس اصل نور كانت طالبة مني اننا نحتفل احتفال خاص انا وهي وبس

اييييييييه !!!! مممم على العموم على راحتكو

حبيبتي ما تاخديش الموضوع بحساسية , نور اصلها بتفتقدني في اوقات كتير عشان كدة لقت ان الاحتفال بعيد ميلادها فرصة اننا نقضى وقت ظريف مع بعض هه

............................................................................................

ممممم ها يا ستي , هتجيبي كوباية عصير من ايدك الحلوة قبل ما انزل اقابل العملا ولا ما استاهلش ! ههه

هه لحظة هقول لبهية تجيبلك

لالالالالا انا عايز من ايدك انتِ , الله ! تعرفي ان ايدك مزينة الخاتم السوليتير ده

ههه ايدي هي اللي مزيناه ولا هو اللي مزين ايدي !

لالالا ايدك اللي مزيناه , طب خلي كدة أي ست غيرك تلبسه , هتلاقي انه فقد بريقه وجماله

ههههههههه طب قولي اعمل ايه في كلامك الجميل الي بيخدر اعصابي ده !

هههه تعملي حاجة بسيطة , تديني ايدك ابوسها عشان اصدق اني عايش معاكِ بجد ومش حلم اموووه

ههههههه يا حبيبي يا ايمن

انتِ اللي حبيبتي وروحي وحياتي وكل كياااااااني

ههه عن اذنك يا حبيبي هجيبك اجمل كوباية عصير امووووه

هههه مممممم اجيب ايه هدية لنور بقى !!! محتاج تفكير عميق

**************************

خلف هذه الجدران,هبة عبد العظيم نور

**************************

مش ممممممممكن نسيممممممم هههه

ازيك يا نورهان

ازيك انت يا نسيممممم, بقى كددددة اسبوع بحاله ماتجيش !

معلش , كان عندي شغل يامَا واخويا كان مسافر وكل حاجة كانت على دماغي , فماكانش عندي وقت نيجي نشوفك

أنا افتكرتك نسيتني

أنا ! لا وربنا ما نسيتك ابدااااا ,حد ينسى قلبه برضو ! هه

ههه مممم بس كدة نخاف تغيب عني مرة تانية

قلقتي عليا ؟

هه

ههه طب بنقولولك ايه , ما تديني رقم موبايلك عشان لو كان عندي ظروف ومش هنقدر نشوفك نبقى نبلغك قبلها

ها !

ايه ؟ مش عايزة تديني رقم موبايلك ؟

لا , عايزة ادهولك .... بس خايفة

خايفة من ايه ؟... مني ؟

لااااا ,مش منك طبعاااا , أنا خايفة من ماما , اصل ماما شديدة وصعبة قوي

طب وايه هيعرف مامتك ان معايا رقمك !

اومال يعني هنسجلوه ازاي ! أنا لو حطيته من غير اسم ماما هتاخد بالها , اصلها ساعات بتشوف موبايلي

بسيطة , سجليه بإسم أي واحدة صاحبتك

ماما عارفة اسامي كل صاحباتي

هه يعني مش ممكن تتعرفي على صاحبة جديدة ويكون اسمها ألاء ؟

ههه الاء ! مممم خلاص هنسجل رقمك بإسم ألاء ونقول لماما انها واحدة زميلتي اتنقلت مدرستنا جديد

ايوة كدة ههه برافو عليكِ , قوليلي عاملة ايه في المذاكرة ؟

يعني , مش بنذاكر

لالالا قولتلك كدة ما ينفعش , هتذاكري ولا نختفي من حياتك تاني ؟

لااااا ,ارجوك يا نسيم اوعى تبعد عني تاني , خلاص هنذاكر

يا خبر ! انتِ اتأخرتي يامَا , يلا بقى عشان تلحقي الترام , نخاف تتأخري ويحصلك مشاكل بسببي

نسيم ...أنا مش عايزة نمشي , أنا عايزة نفضل معاك على طول

ما ينفعش يا نورهان , لازم تروحي

بس أنا بنبقى عايزة نقعد معاك اكتر من كدة , مش بنلحق نقول كلمتين معاك ونلاقي الوقت جرا بسرعة , ممممم بنقولولك ايه يا نسيم , أنا بكرة مش هندخل المدرسة , وانت تجيلي بدري قوي ونقضي ساعات يامَا مع بعض , ووقت خروج البنات من المدرسة نبقى نروح البيت

لالالا مش ممكن يا نورهان , كدة يبقى أنا أناني ومش عايز مصلحتك , أنا عايزك تهتمي بمذاكرتك عشان تنجحي , مش عايز علاقتنا ببعض تبقى سبب فشلك

.....انت خايف عليا يا نسيم ؟

طبعا يا نورهان , اللي يحب حد من قلبه يخاف عليه وعلى مصلحته , مش يبقى سبب اذيته وفشله

طيب نعمل ايه ! أنا عايزة نقعد معاك على راحتي من غير ما نخافوا من الوقت يعدي , وفي نفس الوقت خايفة نتأخر عشان ماما ما تبهدلنيش

ممممممممم طب شوفي يا نورهان , أنا عندي حل يخلينا نقعدوا كام ساعة مع بعض بعد معاد المدرسة

ازااااااااي ؟

هنقولولك ازاي ونقولولك تقولي لامك ايه

**************************

خلف هذه الجدران,هبة عبد العظيم نور

**************************

تن تن مامااااااااااا

ادخلي يا بت

ههههههه ازيك يا مامااااااااااا امووووووووه

وده من امتى الأشواق دي كلها ! ولا بتغلبيني بشغل البكش عشان ما نسألوكيش اتأخرتي لييييييه !

هههه ابدا يا ماما , اصل النهاردة صاحبتي اللي بنحبها جت المدرسة بعد غياب يامَاااا, دانا كنت هنتجنن

وكانت غايبة ليه المحسّبة ؟

اصل مامتها كانت عيانة قوي قوي وكانت قاعدة جنبهااااا

نعوذ بالله من ده فاااااال , طب يختي روحي على اوضتك غيري هدومك على ما الغدا يجهز , ما بنرضاش نتسمم من غيرككككك

ههه ربنا يخليكِ ليا يا ماما ,مممم أنا كان عندي طلب مهم

طلب ايه ؟

مممممم أأأ اصل يا ماما مممم في ... في مدرسة انجليزي هااااااايلة عندنا في المدرسة, وكل البنات بيشكروا فيها وفي شرحها , بس يا خسارة مش بتدي الفصل بتاعنا

وماله , شوفيها بتاخد كام ونخلوها تديكِ درس خصوصي لوحدك هنا

لالالا يا ماما , اصل هي مش بترضى تروح بيوت حد

ههه والله انتِ خايبة ومش عارفة جايبة الخيابة دي منين ! مدرسة ايه يا بت اللي مش هترضى تيجي البيت ! طب دول بيموتوا في الفلووووووس , بنوا من ورا اولياء الأمور عمايرررر , وتقوليلي مش هترضى تيجي البيت ! طب دول بيجروا ورا الجنيي بالمشواررررر

لا يا ماما , اصل رنا صاحبتي طلبت منها درس لكن هي مارَضَتش

تلاقي صاحبتك عرضت عليها فلوس قليلة , احنا بقى هندوها فلوس يامَا والبركة في جدك مش هيتأخر عنك

يا ماما صدقيني مش هتررررضى, دي رنا عرضت عليها فلوس يامَا قوووي , اصل بابا رنا غني قوي يا ماما زي جدو عادل كدة

مافيش حد زي جدك يا بتتتتتت, ابو صاحبتك ده طَلَع ولا نَزَل مش هيبقى عنده ربع في المية من اللي عند جددددك,لكن خيلانك بس اللي شافطين خيررررره

ممممم أنا ماليش دعوة بالكلام ده , أنا عايزة ناخد درس عن المدرسة دددددي

ايّوووووووووووه ,انتِ هتجننيني يا بتتتتتتتتت !!! مش بتقولي ما بترضاش تروح البيووووووت ! اوعي تكوني فاكرة انّي هنخليكِ تروحيلها البيتتتتتتت

لالالا يا ماما , احنا كمان ما نرضاش نروحولها البيت , احنا هنقولولك يا ماما , اصل هي قالت انها هتعمل مجموعة بعد المدرسة وتجمع فيها كل البنات اللي عايزين يستفيدوا

وهتاخد كام؟

لا مش هتاخد فلوس , عاملاها لوجه الله

ههههههههههههههههههههه ايّووووووه على كدة , هو في حد في الزمن ده بيعمل حاجة لوجه الله ! طب دي الناس اتسعرت ع القررررررش, ده الواحد لو لقى ابوه جنيي هيحطه في جييييييييبه

مش كل الناس يا ماما , في ناس طيبين

مممم طيب يختي يا طيبة يا بنت الطيبين , يعني المدرسة دي متمكنة كدة من مادتها وهتخليكي تطلعي من الأوائل ؟

إن شاء الله يا ماما

ومعاد المجموعة امتى ؟

كل يوم بعد المدرسة

ايّووووووه! كل يووووووم ! لييييييه ! ما ورهاش شغلانة غيركوووو !

مش بنقولولك طيبة قوي يا ماماااااا !!!

طيب يختي , ياكشي يجي بفايدة , المهم يعني هتقعدي قد ايه في المجموعة دي وهتخلصي الساعة كام ؟

مممممم يعني , هي قالت من الساعة اتنين للساعة اربعة

خلاص , تخلصي المجموعة وتيجي جري ع البيتتتتتتت

حاضر يا ماما , اربعة ونص نكونوا في البيت إن شاء الله

**************************

خلف هذه الجدران,هبة عبد العظيم نور

**************************