الحلقة الحادية والأربعين (ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

ترررررررررررررررررررررررررررررررررررررررررن

السلام عليكم يا نور يا حبيبتي ههه والله كنت لسة هطلبك

حقيقي يا طنط منااااااال ؟ ههه ربنا يخليكِ يارب

طب ردي السلام الأول يا بنت هه

عليكم السلام يا طنط ههه اصل من فرحتي لما قولتيلي انك كنتِ هتطلبيني نسيت ارد السلام , ازيك يا طنط وحشتيني

وانتِ كمان يا حبيبتي ههه متشكرة على العزومة الجميلة بتاعة امبارح

طب يا ريت تيجي كل يوم يا طنط وتتعشي معانا والله , انا كنت فرحانة قوي انك كنتِ معايا ممم بس زعلانة عشان ........

عشان ايه يا حبيبتي ؟

عشان ما قعدتش معاكِ كتير يا طنط هه

ههه ربنا يخليكِ يا حبيبتي مممم لكن انا بصراحة في حاجة كنت عايزة اتكلم معاكي فيها

اتفضلي يا طنط

ليه يا حبيبتي بتعاملي ماما سحر بالجفاء ده ؟ مش شايفة انك قاسية معاها قوي ؟

ماما سحر !!! انا مش بقولها يا ماما

وليه مش بتقوليلها يا ماما ؟

يا طنط دي مرات بابا , مش مامتي يعني

يا حبيبتي اللي عرفته منها انها حاولت تقربلك كتير لكن انتِ كنتي بتصديها

ايوة , لإنها كانت بتمثل , مشاعرها مش حقيقية , هي كانت بتعمل كدة عشان تفهم بابا انها بتحبني وانها زي مامي الله يرحمها

الله يرحمها , طب وليه يا حبيبتي تتهميها في نيتها بالشكل ده ! ربنا وحده المطلع على القلوب يا نور , ليه انتِ معتقدة انها بتمثل دور الأم ! ليه ما يكونش نابع من مشاعر حقيقية ؟

ممم مش عارفة

يا حبيبتي , ماما سحر اتحرمت من نعمة الإنجاب , يعني ما عندهاش بنت طيبة وجميلة زيك تقولها يا ماما وتعوضها عن مشاعر الأمومة اللي اتحرمت منها

ممم وانا مين يعوضني عن مامي اللي اتحرمت منها ؟

هي هتعوضك عن ماما , وانتِ عوضيها عن البنت اللي اتحرمت منها , يا حبيبتي انا قعدت معاها وحسيت قد ايه هي انسانة طيبة وبتحبك

بتحبني !!!

والله بتحبك جداً , جربي تقربيلها , اعتبريها ماما بجد , اترمي في حصنها وعوضيها عن حرمانها , هتلاقي نفسك في حضن دافي جميل قوي وهتتأكدي انك كنتي حارمة نفسك من أم جميلة قوي , ها  قولتي ايه ؟

ههه هحاول يا طنط عشان خاطرك

لا , ياريت تبقى بنية ادخال السرور على قلب مسلم , ان شاء الله تاخدي اجر كبير من ربنا واكيد انتِ كمان هتفرحي من جواكِ زي ما فرحتيها

 اوكيه يا طنط , بجد هحاول ......... ممم طنط ...... انا عايزة اقولك على حاجة

اتكلمي يا حبيبتي

مممم انا بحب معاذ

....... معاذ !!!!!

طنط منال , دي مشاعري الحقيقية , لكن اسفة اني عبرت عنها

مافيش داعي للأسف يا حبيبتي , دي مشاعر خارجة عن ارادتك , لكن أنا عايزة اسألك سؤال ويهمني اعرف اجابته بصراحة

تحت أمرك يا طنط

ايه اللي شايفاه في معاذ مختلف عن غيره وخلاكِ اتعلقتي بيه ؟

كل حاجة يا طنط , تدينه , التزامه , شخصيته , وفي اسباب تانية احب احتفظ بيها لنفسي

طيب انتِ بقى ايه مميزاتك اللي تخلي شاب زي معاذ ابني يفكر في الأرتباط بيكِ ؟

مممم مش عارفة , بس اعتقد اني من عيلة مرموقة , ......

وجميلة هه مش كدة ؟

حضرتك مش شيفاني جميلة ؟

بالعكس , جميلة جداً كمان , لكن دي مش ميزة يا حبيبتي , لإن الجميلات كتير جداً , والجمال ده هبة من عند ربنا , يعني انتِ مالكيش فضل فيه , انا قصدت بسؤالي انك تحددي تعريف لنفسك , ثقافتك , علاقتك بربك

ممممم ماعنديش اجابة , لكن انا بحب القراية قوي يا طنط

القراءة شيء جميل جداً وممتع يا حبيبتي , أنا شخصياً اعشق القراءة , لكن ايه نوعية الكتب اللي قرأتيها ؟

كتب ! مممم انا مش بقرا كتب , بحب الروايات , وخصوصاً الرومانسية , لإنها بتاخدني لعالم بعيد قوي غير العالم بتاعنا , تعرفي يا طنط , كل ما اقرا رواية بتخيل اني انا البطلة , بعيش حياتها واتصرف تصرفاتها , ببقى مش عايزة اخلص الرواية عشان افضل عايشة فيها

تعرفي ان كلامك ده معناه هروب من الواقع

ده لإن الواقع مش جميل يا طنط

بالعكس , احنا نقدر نخلي الواقع اجمل من الخيال

ازاي يا طنططط ؟

بإننا نقرب من ربنا يا حبيبتي , نحب كل حاجة هو بيحبها ونبغض كل حاجة بيبغضها

ممم وانا ازاي اعرف الحاجات اللي بيحبها ربنا والحاجات اللي بيبغضها

كل الحاجات اللي ربنا بيحبها أمرنا بيها , وكل الحاجات اللي بيبغضها نهانا عنها يا حبيبتي

يعني انا لو اتغيرت ودعيت ربنا اني اتجوز معاذ ربنا هيقبل دعايا ؟

وليه تدعيه بحاجة ما تعرفيش اذا كانت هتأذيكِ ولا هتكون في مصلحتك !!!

معاذ ممكن يكون مؤذي !!!

حبيبتي , مش عشان هو ابني هدافع عنه , معاذ بالفعل شاب مستقيم وبار جداً بيا وبأبوه , لكن انا ما اعرفش هيكون زوج مثالي وحنون ولا لأ , شوفي يا حبيبتي , ربنا سبحانه وتعالى بيقول في كتابه العزيز

وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ

ده معناه يا نور يا حبيبتي اننا ما نعرفش الخير من الشر لنفسنا , عشان كدة يا ريت ما تطلبيش من ربنا الزواج من شخص معين , نعرف منين احنا هيكون مصيرنا ايه معاه لو تم الجواز !!! لكن الأفضل انك تدعي وتقولي اللهم ارزقني زوجاً صالحاً . ساعتها بقى الله أعلم هيكون معاذ ولا افضل من معاذ !!! ليه نحرم نفسنا من فضل كبير ونحصر تفكيرنا في مجرد شخص يصيب ويخطأ كسائر البشر !!! اتوجهي لله بقلبك وبروحك وكل جوارحك يا حبيبتي وسلميله كل أمورك , انا نفسي بنتي حبيبتي نور تلبس حجابها اللي أمرها بيه ربنا وتصلي وتسجد بين ايديه سبحانه وتعالى  وتقرأ كلامه المنزل  وتسبحه وتستغفره وتتقربله بكل أعمال الخير من صدقة وبر والدين وصلة رحم , نفسي اشوف نور جديدة بروح مؤمنة وطاهرة

............. انا نفسي يا طنط منال ابقى زي الصورة اللي رسمتيهالي دي

دي مش صورة , ده واقع وتقدري تحققيه حبيبتي , صدقيني مافيش أروع من علاقة الإنسان بربه , ربنا كريم قوي وودود وقريب من عباده , لو قربتيله هيقربلك أكتر

بجد يا طنط ؟ يعني لو قربت من ربنا هيقربلي ؟ طب مش ممكن ما يقبلنيش ؟

ما يقبلكيش ازاي وهو اللي خالقك !!! كل اللي بيقرب من ربنا سبحانه وتعالى هو كمان سبحانه وتعالى بيقربله , سمعتي الحديث القدسي اللي بيقول ( من تقرب إليّ شبراً تقربت إليه ذراعاً ...........

ياااااااه مريح قوي الكلام ده

لإنه حديث عن الذات الإلهية , ربنا سبحانه وتعالى بيقولنا الكلام ده عشان نعرف قد ايه انه جل في علاه ينتظرنا بكل الود والحب

حب !!! تعرفي اني لأول مرة في حياتي اسمع حد يتكلم عن ربنا ويقول انه عنده ود وحب , دايماً الكلام عنه انه بيعذب العصاة ويرحم الطائعين , لكن غريبة قوي اني احس انه ودود وبيحبنا

هه ده لإنك ما تعرفيش الخالق الودود الرحيم سبحانه وتعالى , ربنا بيقول  عن المؤمنين في كتابه العزيز( يحبهم ويحبونه )

يااااااه تعبير جميل قوووي, لمس قلبي بجد , حسيت ان انا كمان بحبه قوووي

وهتحبيه أكتر لو قربتي منه يا حبيبتي

يعني ممكن اتكلم معاه واحكي معاه واقوله كل اللي في قلبييييي ؟

طبعاً يا نور , ودي اسمها المناجاة , اختاري وقت تكوني فيه لوحدك وناجي ربنا واتكلمي معاه

طب واسمع رده ازاي ؟

هتلاقي اثر رده نور اتقذف في قلبك وغسل روحك , هتلاقي أثر القرب ظهر حواليكي وتجلى في حب الناس ليكِ وأمورك اتيسرت في كل مناحي الحياة , لكن اوعي تبعدي , اوعي شياطين الإنس والجن يخدعوكي , أهل الباطل عايزين كل الناس زيهم , لكن أحنا ان شاء الله أهل محبة الله ونرجو ان نكون خاصته

( أهل طاعتي أهل محبتي )

ياااااااااه تعرفي يا طنط اني حسيت ان الدنيا من غير حب ربنا وقربه ما تساويش أي حاجة !

هي فعلاً ما تساويش أي حاجة , الرسول عليه الصلاة والسلام بيقول لو كانت الدنيا عند الله تساوي جناح بعوضة ما سقى الكافر فيها شربة ماء

انا بحب ربنا , حسيت قد ايه أنا بحبه , وحسيت قد ايه أنا بعيدة عنه

قربي يا نور , قربي , خلي حياتك طاعة لله يا بنتي , مش عايزاكي تبقى زي البنت اللي بتحصر تفكيرها في مجرد قصة حب بينها وبين شاب , كل ده من الفراغ العقلي صدقيني . العقل ده ربنا كرمنا بيه وميزنا بيه , لازم يكون عقلنا ناضج وما نتشبهش بغيرنا , البنت اللي تضيع وقتها في قراية رواية عاطفية خالية من أي معنى , هي انسانة فاضية من جواها وعقلها فارغ , لو ناقشتيها في أي موضوع مهم هتلاقي قدامك انسانة جاهلة مش فاهمة أي حاجة في الدنيا , أنا عايزة نور حبيبتي مثقفة ومتميزة , لما تقري حاجة لازم تكون هادفة وهتغيرك من جواكِ أو هتضيفلك شيء جديد , معلومة جديدة , أسلوب جديد للحياة.. عندك روايات الكاتب الروائي الرائع نجيب الكيلاني , ليه ما تقرأيهاش يا نور ؟

نجيب الكيلاني ! أول مرة اسمع الإسم ده

ههه ده لإنه روائي إسلامي , لكن رواياته من أروع ما يكون , ارشحلك رواية الظل الأسود ورواية على أبواب خيبر , وفي طبعاً روايات غيرهم كتير , زي عذراء جاكرتا وغيرهم , والأبدى من ده كله بقى انك تقرأي كتاب الرحيق المختوم لصفي الدين المباركفوري

ايه الكتاب ده ؟

ده كتاب عن السيرة النبوية , اروع كتاب اتكتب عن سيرة الرسول عليه الصلاة والسلام

عليه الصلاة والسلام

ازاي احنا مسلمين وما نقرأش سيرة الرسول عليه الصلاة والسلام !!! لو قرأتي الكتاب ده هتعيشي معاه قوي , هتحسي انك متخيلة الرسول عليه الصلاة والسلام قدامك وشايفاه بيتحرك وبيتكلم مع الصحابة رضوان الله عليهم اجمعين , حقيقي كتاب ممتع , هتحس بروح جديدة لما تقرأيه , لدرجة انك هتبكي لما تقرأي عن موت الرسول عليه الصلاة والسلام وهتقولي ازاي الصحابة تحملوا الحياة من غيره !!!

يااااااه يا طنط , شوقتيني للكتاب ده , وشوقتيني للروايات الإسلامية اللي أكيد هتفيدني

اكيد يا حبيبتي ان شاء الله , يلا يا ستي توكلي على الله وابدأي مرحلة جديدة في حياة نور حبيبتي , انا هبعد عنك ست شهور , بعد الست شهور هتصل بيكِ واشوف وصلتي لحد فين واتغيرتي ولا لأ

ست شهووووور ! دول كتير قووووي , كدة هتوحشيني ومش هعرف اعمل ايه من غيرك يا طنط منال

وانتِ كمان هتوحشيني يا نور , لكن اللي هيصبرني شوية انها فترة للتغيير للأفضل إن شاء الله وبعدها هنتقابل , وبعدين انتِ عندك ماما سحر حبيبتك اللي أكيد مش هتحرمك من حنانها , توعديني يا نور اني بعد ست شهور ان شاء الله ألاقي نور جديدة زي ما اتمنيتها ؟

............. أوعدك يا طنط منال , بجد مش عارفة اشكرك ازاي على كلامك الجميل اللي اثر فيا قوي من جوايا وخلاني احس اني عايزة اتغير بجد

ههه ان شاء الله هتتغيري للأفضل , انا واثقة , استودعك الله حبيبتي , لقائي معاكِ بعد ست شهور , السلام عليكم

عليكم السلام ورحمة الله يا طنط منال . ...................... يااااااااااه دانا كنت تافهة بشكل مممم بس انا لسة بحب معاذ واتمنى اتجوزه اوووووف انا هدعي بالزوج الصالح مممم يوووو بس ممكن ما يطلعش معاذ اوووف يا رب يطلع معاذ هو الزوج الصالح يااااااارب , ييييي دي طنط منال قالتلي ما تدعيش بشخص معين , خلاص , مش هقول معاذ تاني , يارب وفقني في حياتي وارزقني بالزوج الصالح .............. مممم انا عايزة اروح لطنط سحر اصالحها , لكن اروح اقولها ايه ! مممم ايوة ايوة قولها تعالي نحب بعض , ايه الهبل دددده ! هروح اقولها تعالي نحب بعض !!! اومال اقولها ايه بس !!! اووووف انا هروحلها اوضتها وو ..... مش عارفة , صعب بصراااااحة صعب قوووي , انا بقول اروحلها بكرة بعد ما ارجع من الكلية واجيبلها هدية معايا , اهو ادخال السرور على قلب مسلم . دلوقتي بقى اقوم اتوضى واصلي , اصلي ! بس انا مش عندي ايشارب ولا حاجة مقفولة عشان اصلي بيها . ممممم عند دادة بهية هههه اما اروحلها اوضتها , دادة بهييييييييييية

****************************************

تن تن دادة بهييييية , صاحية يا دادة ؟ ممممم دي بتصلي ههه

السلام عليكم ورحمة الله ......... السلام عليكم ورحمة الله

حرماً يا دااااااادة هههه

جمعاً يا حبيبتي , بس يا ريت تبقي تقولي تقبل الله

خلاص يا دادة ولا تزعلي , تقبل الله

منا ومنكم ان شاء الله , نعم يا حبيبتي , كنتِ بتنادي عليا ليه ؟

عايزة هدوم الصلاة بتاعتك دي

الإسدال ! ههه عايزاه ليه ؟

عايزة اصلي يا دااااادة

ماشاء الله ههه صحيح يا نور ؟

اه والله , جيت اصلي ما لقيتش عندي حاجة اصلي بيها , قلت اجي اشحت من عندك على ما اشتري ههه

ههههه تحت امرك يا حبيبتي , انا عندي واحد زيادة , خدي صلي بيه , لكن لما تجيبي جديد رجعيلي بتاااعي

حاضر والله حاضرررر , انا هتصل ببابا عشان يجيبلي واحد

********************************************

ترررررررررررررررررررررررن

نور حبيبة باباااااا ههه ازيك يا امورتي

ازيك انت يا بابي وحشتني , عايزة فستان صلاة

فستان صلاة ! هههههههههه ايه فستان صلاة ده !!

بتضحك على ايه يا بابي ! زي اللي بتلبسه دادة

هههه اسمه اسدال يا حبيبتي اسدااااال

ايوة صحيح دادة قالت كدة , عايزة واحد

من عنيا يا حبيبتي , لكن عايزاه لمين ؟

ليا أنا

ليكِ انتتتتتتتتِ !!! ازااااااااي !!!

ايه يا بابي , هو انت مخلف يهودية ولا احنا على مذهب كنفيشيوس !!!

ههه لا يا حبيبتي الحمدلله احنا مسلمين

خلاص يبقى انا لازم اصلي

ماشاء الله , شيء جميل والله ومش متوقع , ايه التغيير المفاجئ ده !

ههه ولسسسسسسة , انت لسة شوفت حاجة !

هههههههه نشوف كل خير ان شاء الله , حاضر يا حبيبتي من عنيا , هجيبلك اسدال وانا راجع

ميرسي يا بابي , باااااااي

باي يا حبيبتي

يييي نسيت اسأل دادة هي القبلة فين , داااااااااادة

*****************************

**************************

تررررررررررررررررررررن ترررررررررررررررررررن

الو

السلام عليكم , الباشمهندس مسعد معايا ؟

ايوة يا فندم , مين حضرِتك ؟

الحاجة فايقة حرم الحاج صادق الله يرحمه

أهلاً أهلاً بحضرتك يا فندم , ازي صحتك ؟

الحمدلله يا ابني بخير , انا اتصلت بيك عشان اقولك ان انا وبنتي قررنا نبني البرج إن شاء الله

طيب تمام , الشركة تحت أمركو يا فندم

 متشكرة يا باشمهندس ,  يا ريت تشرفني بكرة الساعة اربعة العصر في الفيلا إن كان يناسبك

معاد مناسب جداً يا فندم , ان شاء الله هكون عند حضرتك الساعة اربعة العصر

طيب يا ابني , انا وبنتي هنكون في انتظارك إن شاء الله عشان نتفق على التفاصيل , السلام عليكم

عليكم السلام يا حاجة

******************************************

كويس انك جيتي بدري يا حنان , الباشمهندس مسعد زمانه على وصول , تعالي نستناه في الجنينة

اوكيه يا ماما

طيب اسبقيني , يا سيدددددة

نعم يا حاجة فايققققققة

انا وحنان في الجنينة , لما يجي الباشمهندس مسعد خليه يجلينا على هناك

حاضر يا ست هانم

**************************

خلف هذه الجدران,هبة عبد العظيم نور

**************************

حنان

ممم نعم يا ماما

مالك يا حبيبتي , انا ملاحظة ان بقالك فترة مهمومة

هيكون ليه يعني غير بسبب الأستاذ ابن اختك اللي انتِ وبابا صممتوا تجوزوهولي

يعني هو انتِ اتجوزتيه غصب عنك يا حنان !!! انتِ كنتِ موافقة

وافقت بعد الحاحكو عليا , وخصوصاً إلحاحك انتِ يا ماما , فضلتي تقولي ده ابن خالتك يا حنان وبيحبك  , وده الوحيد اللي عمره ما هيطمع في ثروتك , وفي الآخر اتضح انه  انسان اناني عايش لنفسه وبس , كل يوم والتاني سهر برا البيت , مش بيرجع البيت قبل الفجر يا ماما

يا بنتي رجالة كتير لهم نفس الطبع , وبعد كدة بيتغيروا , ماحدش بيفضل على حاله , انا مش عارفة انتوا ليه ساكتين على الخلفة لحد دلوقتي , ده انتوا بقالكو سنتين متجوزين , عارفة يا حنان , لو جبتي بيبي صغير حياتك هتتغير خالص , وجوزك كمان هيتغير , لإنه ساعتها هيحس بالمسؤولية

ههه مسؤوليه !!! أسفة يا ماما , عمري ما هفكر في الخلفة طول ما الأستاذ ابن اختك بالطباع دي , كمان هروح اجيب طفل اظلمه معايا بأب زي ده !!!

يا بنتي انتِ متحاملة عليه قوي , باسل بيحبك وبيتمنى رضاكي

لا يا ماما  ما بيحبنيش ,  ولا عايز أي حاجة في الدنيا إلا فلوووووسي

مممم هو طلب منك حاجة ؟

هه طلب مني حاجات يا ماما , مش حاجة واحدة , في حياة بابا كان عايش على المصروف اللي بابا بيبعتهولي , تقريباً كان بياخد تلات ارباعه , يشتري اللي نفسه فيه وياكل في افخم المطاعم ويسيبني آكل في البيت لوحدي ويسهر كل يوم لوش الفجر , مع رجالة بقى مع ستات الله أعلم , المهم انه عايش حياته بالطول وبالعرض وعلى حساااااااااابي

الله ! طب ومعرض التحف والإنتيكات اللي ابوه سبهوله ؟ ده معرض زي ده يكسب كويس قوووي

مش لو كان بيروح المعرض اصلاً يا ماما !! ابن اختك المبجل عاطل بمزاجه , وهيشتغل ليه طول ما بيلاقي الفلوس كتير ومن غير تعب !!!  واللي ما تعرفيهوش بقى انه باع المعرض بالخسارة عشان مش فاضيله , والفلوس ضيعها في القمار

قماااااااااار !!! استغفر الله العظيم يا رب , ايه الكلام ده يا حنان !!!

الكلام ده ما كنتش برضى اقوله لبابا عشان عارفة ان صحته ما كانتش هتستحمل , فضّلت  اسكت وارضى بعيشتي مع راجل زي ده

غلطانة يا حنان , كان لازم تقوليلنا يا بنتي عشان نتصرف

كنتو هتتصرفوا تعملوا ايه يا ماما !!! هتطلقوني منه !!!!

طلااااااق !!! اوعي تجيبي السيرة دي تاااااااني , طلاق ايه يا بنتي ! هو الطلاق بالساهل !!! اللي بتطلق دي يا حبيبتي المجتمع ما بيرحمهاش

هههههههههه

بتتضحكي ليه ؟

عرفتي ليه بقى يا ماما ما كنتش بحكيلكو على حاجة ! عشان عارفة اني ما كنتش هسمع غير الرد ده

ربنا يصلح حالك وحال جوزك , انا لما وافقت على باسل كان عشان خاطر اختي الله يرحمها ما تزعلش

يعني عشان اختك ما تزعلش ترميني الرمية دي يا ماما !

يا بنتي والله انا ما شوفت من باسل غير انه شاب كويس ومش لعبي , وقولت كفاية انه ابن اختي وهيخاف على بنتي ومش هيطمع فيها

للأسف يا ماما , ابن اختك بان طمعه وسعرته على الفلوس بعد موت بابا , على فكرة لما عِرِف اننا قررنا نبني البرج زعل قوووي, وقال بلاش تضيعوا الفلوس على الطوب والأسمنت وادوني الفلوس اعملكو بيها مشروع استثماري ارباحه مليون في الميييية

مشروع !!! مشروع ايه ده ؟

اوعي يا ماما توافقي ولا تسمعي كلامه أياً كان المشروع ددددده , ده نصاب يا مامااااا , اكيد عايز ياخد الفلوس عشان يصرفها على متعه الشخصية وبعدين يقول خسرتها في المشروع , اعملكو ايه !!!

عيب يا حنان تتكلمي عن جوزك بالشكل ده , باسل برضو نصاب !!!

على العموم انا حذرتك يا مامااااا, وانا بقى مش موافقة على حكاية المشاريع بتاعته دي , لكن طبعاً ما قدرتش اقوله كدة في وشه وإلا هيقلب عليا ويحول حياتي جحيم أكتر ما هي , انا قولتله كلم ماما وشوف رأيها , ارجوكِ يا ماما ما توافقيش عشان خاطررري

خلاص يا حنان , لما يبقى يفاتحني يحلها ربنا

على العموم هو جاي النهاردة , قالي هنتغدا مع خالتي عشان بقالي كتير ما شوفتهاش وبعدين اخدك اروحك وبعدين اروح اقابل واحد صاحبي هه الله أعلم صاحبه ولا صاحبته

ربنا يهديهولك يا بنتي

ترررررررررررررررررررررررررررررررن

باين الباشمهندس مسعد جه , الساعة اربعة بالدقيقة ,سيدة هتفتحله

**************************

خلف هذه الجدران,هبة عبد العظيم نور

**************************

ايوة ايووووة , أهلاً يا باشمهندس

السلام عليكم , يا ترى ممكن اقابل الحاجة فايقة ؟

عليكم السلام يا باشمهندس , ايوة طبعاً , اتفضل , الحاجة والست حنان مستنين في الجنينة جنب البسين

طيب وهي فين الجنينة ؟

شايف اوضة الليفينج دي ؟

ايوة

حضرتك هتدخل اوضة الليفنج هتلاقيها ليها باب ازاز الناحية التانية بيطلع ع الجنينة , هتلاقي الست فايقة وبنتها قدامك على طول

طيب متشكر مممم بسم الله ماشاء الله

*****************

اهو الباشمهندس مسعد أهو , تعالى يا ابني

السلام عليكم يا فندم

عليكم السلام ورحمة الله , دي تبقى حنان بنتي

أهلاً يا مدام حنان , البقاء لله في الوالد , ولو انها متأخرة قوي

ونعم بالله , متشكرة يا باشمهندس , اتفضل اقعد

متشكر

شرفتنا يا ابني

الشرف ليا يا هانم , انا جيت حسب المعاد المحدد عشان نتكلم في التفاصيل

مش قبل ما تشرب حاجة , انت المرة اللي فاتت رفضت تشرب حاجة , النهاردة انا مصرة

هه طيب يا ريت قهوة سكر زيادة

تحت أمرك , تررررررن سيدة , قهوة سكر زيادة للباشمهندس

حاضر يا حاجة

نرجع يا ابني للبرج اللي هنبنيه ان شاء الله , شوف يا ابني , انا بصراحة ما بفهمش في مسألة المعمار دي , الحاج هو اللي كان بيفهم فيها وبيحب يستثمر فيها فلوسه , يعني انا هيكون اعتمادي على الله ثم عليك في الموضوع ده

وانا تحت أمر حضرتك

الأمر لله وحده يا ابني , احنا عشان ما نتعبكش كتبنا ورقة بكل المواصفات اللي عايزينها في البرج , انت بقى عليك تصمم وتهندس يا باشمهندس ههه

هه تحت امرك

ادي ورقة المواصفات للباشمهندس  مسعد يا حنان

حاضر يا ماما , اتفضل يا باشمهندس

متشكر يا مدام

شوف يا ابني , انا عارفة اننا هنكلفك بمجهودات زيادة كان المفروض نقوم بيها احنا , طبعاً الحاج كان بيشرف بنفسه وبيشوف الكبيرة والصغيرة , انا ما عنديش استعداد للإشراف ولا هقدر اجي الموقع كل شوية , وبنتي وراها بيتها وجوزها وبرضو مش فاضية , غير طبعاً الدعاية اللي هتعملها للبرج والتسويق , ودي طبعاً مش شغلتك ,  عشان كدة انا اتفقت انا وهي ان نظير اشرافك الكامل هيكون لك شقة في البرج غير خمسين الف جنيه نظير تعبك

هه مممم أأأ متشكر , ممتشكر جداً يا فندم , ده كرم زايد من حضرتك

لا كرم ولا حاجة , انت كمان هتتعب يا ابني , كفاية انك مش هتشيلنا مسؤولية

القهوة يا ست فايقة

شكراً يا سيدة , اتفضل قهوتك يا باشمنهدس

متشكر يا حاجة فايقة

**************************

خلف هذه الجدران,هبة عبد العظيم نور

**************************

ترررررررررررررررررررررررررررررررررن

مييييين

أنا باسل, افتحي يا سيدة

أهلاً يا باسل بيه

أهلاً بيكِ , خالتي وحنان فين ؟

في الجنينة مع الباشمهندس

باشمهندس !! باشمهندس مين ؟

انا اعرف بقى !!!

طيب انا هروح اشوف ايه الحكاية

*************

ده باسل جوزك جه يا حنان

ممم

مساء الخير

مساء النور , تعالى يا باسل , ده باسل جوز حنان بنتي ويبقى ابن اختي , ده الباشمهندس مسعد اللي هيبني البرج يا باسل

أها !! هو ده بقى ! أهلاً يا باشمهندس

أهلاً بيك يا فندم , طيب استأذن أنا يا حاجة فايقة

كمل قهوتك يا ابني

معلش , مرة تانية , مستعجل

طيب يا ابني , على العموم اعمل ميزانية البرج ونتكلم فيها المرة الجاية عشان نبدأ على بركة الله

ان شاء الله يا فندم , فرصة سعيدة يا استاذ باسل

انا أسعد يا باشمهندس , ممممم ازيك يا نانو ههه

أهلاً

ايه المقابلة دي ! ازيك يا خالتي فايقة , وحشتيني

ربنا يخليك يا باسل يا حبيبي مممم اخبار معرض التحف ايه ؟

معرض التحف !!! ايه اللي فكرك بيه ؟

كنت بفكر اعدي عليك اشوف ايه الجديد , كنت عايزة اجدد التحف اللي عندي واديك القديمة تعملها مزاد وتبيعهالي , بس عايزاك تجيبلي فيها سعر كويس قوي , دول غاليين جداً

أأأ ايوة ايوة , اوكيه , هشوف الموضوع ده , سيبك من التحف يا خالتي وخليني اكلمك في الموضوع الأهم

وايه هو الأهم يا ابن اختي ؟

انا بصراحة شايف ان بنا البرج ده هيكلف كتير قوي ومش هيحقق الأرباح المطلوبة , بنا ايه وطوب ايه واسمنت ايه بس يا خالتي ! خليكي في المضمون

وايه هو المضمون بقى يا باسل ؟

انا كنت بفكر استثمرلك فلوسك في مجال الإستيراد والتصدير , وده مجال مربح جداااااااً

ههه يا ابني انا لا عايزة استورد ولا عايزة اصدر , انا ما بفهمش في الحاجات دي

يعني بتفهمي في المعمار يا خالتي !!!

البركة في الباشمهندس مسعد , مهندس ممتاز , انا سألت عليه جميل بيه قبل ما اتفق معاه وشكرلي فيه قوي

ممممم طيب , على راحتك , يلا يا حنااااااان

هتاخد حنان وتروح فين ! مش هتتغدوا يا ابني ؟

لا , ماليش نفس , يا دوب اوصل حنان بعربيتها وبعدين اخد منها العربية واروح مشوار مهم

اومال عربيتك فين يا ابني؟

عطلانة يا خالتي عطلااااااااااانة , يلا يا حنااااااان

اوكيه , هطلع البس , عن اذنك يا ماما

*******************************************

ده مسعد جه يا عواد

هو فين ده ؟

اهو نازل من التاكس هناك اهو

تاكس !!! ابنك اتهبل يا فهيييييمة هيضيع فلوسه ع التكسيااااات

يا اخويا خليه يتهنى مرة من نفسه

ههه السلام عليكم يا ابويا

اهلا يا مسعد يا ابني , يا ابني لزومه ايه التكسيات والمصاريف دي !!!

هه معلش , اصل المواصلات كانت زحمة اوي , ازيك يا امي

تسلم وتعيش يا حبيبي , خد منك كام التاكس دددده

يا امي خد اللي خده بقى , دي أرزاق ربنا مقسمها

ونعم بالله يا ابني , ما تعرفش حاجة عن سعيد اخوك ؟

كلمته امبارح , كويس الحمدلله

الواد ولا بيجي ولا بيعبرني انا وابوه , ولا كإننا أهله , وخصوصاً من ساعت ما اتجوز بسلامتها زميلته

كفاية علينا مسعد يا فهيممممة , سعيد ابنك ده خلاص , رمانا ورا ضهره ومش عايز يعرفنا

يا ابويا ما تقولش كدة , سعيد ما يستغناش عنكو , هو بس مشغول شوية , ما تزعلش منه , انا هكلمه واخليه يجي يزوركو قريب ان شاء الله , هي سهير جت من الكلية يا أمي

ايوة يا حبيبي , جت كلت لقمة واتكفت ع الكتب

طيب انا هدخل اشوفها قبل ما اطلع الاوضة

شافتك العافية , شافك السعد والهنا وقعدوا على قلبك يا حبيبيييييي

**************************

خلف هذه الجدران,هبة عبد العظيم نور

**************************

تن تن سهيرررر سهووووووورة , السلام عليكممممم

مسعددددددد هههه  عليكم السلام ازيك يا حبيبي

الله يسلمك يا حبيبتي , اخبار المذاكرة ايه يا دكتورة ؟

تمام الحمدلله , على فكرة , انا خبيت الجمجمة اللي بذاكر عليها عندك في الأوضة , ما انت عارف ان ماما بتترعب منها هههههه

هههه يعني تخبيها من ماما وترعبيني انا !!! على العموم ماشي يا ستي تحت أمرك , على فكرة انتِ ليكِ عندي خبر هيفرحك قوي

خير يا حبيبي

 انا استلمت شغل مهم قوي , وهيطلعلي منه أرباح صافية تقريباً خمسين ألف جنيه

ههههه ماشاء الله لا قوة إلا بالله , بجد يا مسعدددد ؟

ايوة يا حبيبتي ان شاء الله , انتِ اول واحدة تعرفي , مش هقول لابويا وامي غير لما استلم المبلغ عشان اشوف فرحتهم لما يشوفوه ههه هجيبلكو كل كككككل اللي نفسكو فيه يا سهير ان شاء الله

يا حبيبي يا مسعد , عمرك ما بتفكر في نفسك قد ما بتفكر فينا , بتفكر بس ازاي تسعد غيرك

وهي السعادة ايه يا سهير غير اني اشوف كل اللي بحبهم سعدا !! وعلى فكرة في مفاجأة تانية بس دي بقى مش هقولك عليها إلا لما تتم على خير ان شاء الله

تتم على خير ! هههههه يبقى هتخطب يا مسعد , مش كددددة ؟

اخطب ايه بس يا سهير !! لسة بدري ع الكلام ده يا حبيبتي , لما أكون نفسي وابني مستقبلي الأول إن شاء الله

ربنا يوفقك يا رب يا مسعد يا اخويا ياااااااااارب , لكن هي ايه بقى المفاجأة اللي مخبيها علياااا ؟

ههه مش هقوووووولك , اكيد هتعرفي ان شاء الله

امتىىىىى ؟

لما تتم يا ست سهيرررر ما تبقيش لحوحة بقى ههه كملي مذاكرتك , انا طالع

مش هتاااااااكل ؟

اكلت سندوتشات فول وطعمية قبل ما اجي , تصبحي على خير

وانت من اهل الخير يا حبيبي مممم مش عارفة لو مسعد مش في حياتي كنت هعيش ازاي ! ربنا يخليك ليا يا اخويا يا رب اللهم آمين

**************************

خلف هذه الجدران,هبة عبد العظيم نور

**************************

تررررررررررررررررررررررررررررررررررن

ميييين

انا نور يا دااااااادة

اهلاً بالقمر

ازيك يا دادة , هي طنط سحر نايمة ولا صاحية ؟

وايش عرفك انها هنا اصلاً , ما يمكن تكون خرجت  ههه

لا بقى , عربيتها مركونة برا , تبقى اكيد موجودة

ايوة هي لسة فوق , بتلبس عشان خارجة مع اصحابها , الحقيها بقى

طيب , هطلع بسرعة اديلها الهدية , حضريلي الغدا عشان جعانة اوي يا داددددة

من عنيا يا حبيبتي . جايبة هدية لمدام سحر ! غريبة اوي

تن تن طنط سحر , ممكن ادخل

اتفضلي

مممم انتِ بتسرحي شعرك عشان خارجة ؟

ايوة , في حاجة ؟

مممم شمي ازازة البرفان دي وقوليلي رأيك

اوكيه مممممم الله , تجنن , حلوة اوي

مممم دي عشانك

عشاني انااااا !!! مين جابها ؟

ممم أنا

انتِ !

ايوة , دي هدية عشانك يا ماما

مامااااااا !!! ههه انتِ ..... انتِ تقصديني أنا ؟؟؟؟؟

أيوة

هههه يا حبيبتي يا نورررر اموووووه كلمة ماما طالعة منك حلوة اوووووي , ممكن تقوليها تاااااااااني ؟

ههه يا ماما

هههههه يا حبيبتي يا حبيبتي يا حبيبتي امووووه ميرسي اوي يا نور , يااااااه الحمدلله سمعت كلمة ماما قبل ما اموت

بعد الشر عليكِ يا مامااااااا

............ خوفتي عليا يا نور ؟

ايوة

بجد ؟

بجد يا مامي ؟ 

يا حبيبتي ! ربنا يخليكِ يا نور , بجد مفاجأة جميلة اووووي جايبالي هدية وكمان سمعتيني اجمل كلمة في الدنياااااا , بجد مش مصدقة نفسي ههه

ههه لا صدقي ممممم انتِ كنتي خارجة يا مامي  ؟

ايوة يا حبيبتي , معزومة على الغدا عند واحدة صاحبتي

ممم يا خسارة , كنت عايزة اتكلم معاكِ , يلا , مرة تانية بقى , باي

استني يا نورررر , رايحة فييييييين ! هلغي الخروج وهلغي العزومة وهلغي كل حاااااجة دانا ما صدقت انك تيجي تتكلمي معاياااااا

ههه هو انا مهمة عندك اوي كدة يا مامي  ؟

اووووي اوي يا نوررر , دانا ما صدقت جه اليوم ددده ههه لحظة واحدة هتصل بيها اعتذرلها

طيب على ما تعتذريلها هخلي دادة بهية تجهزلنا السفرا عشان نتغدا سوا الأول وبعدين ننزل رغي بقى يا مااااااامي

ههه اوكيه يا عيون ماااااااامي

**************************

خلف هذه الجدران,هبة عبد العظيم نور

**************************

ياه يا نور , فرحانة اوي اننا اتغدينا مع بعض النهاردة ههه حاسة ان الأكل كان له طعم تاني

ههه ميرسي اوي يا مامي  مممم مامي ...... انا اسفة

اسفة على ايه يا حبيبتي ؟

اسفة عشان زعلتك مني كتير , رغم انك ما عملتيش أي حاجة تزعلني , بجد انا وحشة اوي

لا يا حبيبتي , ما تقوليش كدة , أي أم وبنتها ممكن اوي يحصل بينهم خلافات

خلافات اربعتاشر سنة !!!

ههه الحمدلله انها انتهت ورجعتي لمامتك حبيبتك , ياااااه يا نور , انا بحبك اوووي وعايزة اسعدكككك عايزاكي اسعد بنت في الدنيا كلهاااااا

انا اسعد بنت في الدنيا كلها عشان انتِ مامي

يا حبيبتي ! اهئ اهئ اهئئئئئئئئئئ

ليه بس بتعيطي يا مامي ! هو انا جاية عشان ازعلك !!!

لا يا حبيبتي , انتِ اكبر فرحة في حياتي يا نور

وانتِ اجمل مامي في الدنيا بحالها

يا حبيبتي يا حبيبتي يا حبيبتيييييي امووه امووووه اموووووووووووووه هههه

ههه مممم انا عايزة اتكلم معاكي بقى

اتكلمي يا روحي , اتكلمي وقولي كل اللي جواكي وانا سااااامعة عندي استعداد اسمعك العمر ككككله

مامي انا هلبس الحجاب

حجاب !

ايوة , اما مقتنعة بيه وهلبسه

هه على راحتك يا حبيبتي

ممم وانتِ مش هتلبسيه ؟

هه تعرفي , باباكِ طلب مني الطلب ده اكتر من مرة واقوله مش وقته

لا وقته يا مامي , ووقته من زمان اوي , احنا اللي اتأخرنا كتير

خلاص يا حبيبتي , طالما انتِ عايزاني البس الحجاب هلبسه

لا يا مامي , البسيه عشان ترضي ربنا مش عشان ترضيني

عندك حق يا نور , فعلاً احنا بعيد عن ربنا اوي , ويمكن ده سبب ان حياتنا مش بتستقيم

ده أكيد يا مامي مش يمكن . تعرفي يا مامي , انا صليت مبارح

بجددددد ؟ ههه

اه والله بجد , كنت فرحانة اوي وانا بصلي ههه وكمان خليت بابا جابلي اسدال للصلاة , هخليه يجيبلك واحد عشان نصلي سوا , مش انتِ هتصلي معايا ولا هتسبيني اصلي لوحدي ؟

هصلي معاكي طبعاً يا حبيبتي ههه

الحمدلله , اصل انا عايزة ربنا يسامحنا وندخل الجنة سوا وما نفارقش بعض

يا حبيبتي ! انتِ عايزاني معاكي كمان في الجنة ؟

ايوة , عايزاكِ انتِ وبابي , انتو اكتر اتنين بحبهم في الدنيا

ههه لالا انا عايزة حضن كبير بقىىىىىى اموووووووه ايه الكلام الجميل دددده ! ربنا يسعدك يارب زي ما اسعدتيني يا بنتي يا حبيبتييييي

ياااااه يا مامي , انا ما كنتش عارفة انك طيبة كدة وعندك مشاعر حلوة كتير

المشاعر دي انتِ اللي فجرتيها جوايا يا نور , كانت متشالة عشانك طول العمر , لكن عمرك ما طلبتيها

ههه من هنا ورايح عايزاكِ تغرقيني فيها يا ماااااامي

ههههه يا روح مااااامي امووه

طب شوفي يا مامي بقى انا عندي خطة ولازم نمشي عليها وننفذها

قولي يا ستي خطتك على ما اولع سيجارة

ايييييه ! انتِ هتبوظي الخطة من أولها يا ماااااااامي , مافيش سجاير تااااااااني , اخاف علييييييكِ صحتك يا مااااااااامي وادي علبة السجاير والولاعة هرميهم في باسكت الزبااااااااالة

يا حبيبتي يا نور ! اهئ اهئئئئئئئئئ كان نفسي احس الإحساس ده من زمان , احساس ان بنتي خايفة عليا وعلى صحتي , كنت بتخيل وانا بولع كل سجارة انك هتيجي وتخطفيها من ايدي وترميها في باسكت الزبالة وتزعقي فيا من حبك وخوفك عليا وتقوليلي مافيش سجاير تااااااني اهئ اهئئئئ لكن عمرها ما حصلت اهئ اهئئئئ كنت اولع سجارة ورا سجارة ورا سجااااااااارة وعمرك ما اهتميتي اهئ اهئئئئئ لكن النهاردة انا اسعد أم في الدنيا عشان حلمي اتحقق وشوفت الخوف في عيون بنتي عليا وشوفتك بتخطفي السجارة من ايدي وترميها , يااااااااه الحمدلله انك حسيتي بيا يا بنتي اهئ اهئئئئئئئئئ

اهئ اهئئئئئئئئئئ كفاية عياط بقى يا مااااامي اهئ اهئئئئئئئئ بجد كل ما بتعيطي بتحسسيني اني كنت انسانة وحشة اوي وما عنديش احساااااااس

لا يا روح ما تقوليش كدة , خلاص يا نور , خلاص انا مش هيعيط تاني , بس اوعديني انك تفضلي جنبي على طول

وعدك يا مامي , وانتِ كمان اوعديني انك تسمعي كلامي

ههه اسمع وانفذ كمان يا عيون مامي

شوفي يا ماما احنا لازم نلتزم بالصلاة , اوكيه ؟

اوكيه

وكمان نتعلم نقرأ القرآن

طب ومين اللي هيعلمنا ؟

بسيطة يا ست مامي , نسأل على أي دار تحفيظ للقرآن , على الأقل نحفظ جزئين ولا تلاتة , بدل ما احنا مش حافظين غير الفاتحة كدة

عندك حق والله يا نور , حاجة تكسف ههه , خلاص كدة ولا في حاجة تاني هنعملها ؟

في حاجات تاني كتيررر , اقولك عليها , شوفي بقى يا ست مامي .............................

**********************************

ايمن حبيبيييييي حمدالله ع السلااااااااامة اتأخرت كدة ليييييه ! انا ونور قعدنا نستناك لحد ما البنت النوم غلبها وقالتلي هقوم انام بقى يا مامي وابقى اشوف بابي الصبح ع الفطار ههههه

مامي !!!! بتتكلمي عن مين ؟؟؟؟

عن نور بنتي هههه هكون بتكلم عن مين !!!

هو انا دخلت فيلا غلط ولا ايه !

ههه لا يا حبيبي دي فيلتنااااا اقصد دي جنتنااااا , نور اتغيرت خالص يا ايمن يااااااه بقت انسانة تانية , بتحبني وبتخاف علياااااا

ماشاء الله ههه سبحان مغير الأحوال

لا وايه كماااااان نسيت اقولككككك انا ونور هنلبس الحجاب يا ايمنننننننن ههههه باركلنااااا

لالالالا ما هو يا إما انا دخلت فيلا غلط يا إما انتِ سخنة وبتخرفي يا إما انا اللي بخرف وبيحصلي تهيؤوات ههههه

هههه لا يا حبيبي والله دي حقيقة , يااااااااه الحمدلله , عن اذنك بقى يا حبيبي عشان اتوضى واصلي ركعتين قبل ما انام

هو ايه اللي بيحصل !!!

ايمننننن يلا عشان تتوضى انت كمان ونصلي سوااااا

حاضر يا حبيبتي , يا رب ما يكون حلم واصحى الاقيها ناكشة شعرها ورايحة النادي

يلا يا ايمنننننن

حاضر يا سحووووووورة

**************************

خلف هذه الجدران,هبة عبد العظيم نور

**************************

سلام يا عطوووووة

سلام يا ولا يا عضلااااااات , نشوفوك بكرة ونتَفَقوا ع المصلحة اللي قولنالك عليهااااااا

ماشي يا مريسسسسسسسة

ايه ده ! ده عمي حمو لسة راجع من برااااا , مسائك قشطة يا عم حموووووو

 مسائك لون عمايلك إن شاء الله , كنت فين يا ولا يا عطوة ؟

بنقلّبوا عيشي عشان نطلعلي بقرشين كدة

يا ولا يا عطوة سيبك من شغل التلات ورقات والنصب على خلق الله وشوفلك شغلانة شرييييييفة

ههههههههههه شريفة ! أحلى من الشرف مافيش يا عمي حموووو , طب كلملي عمتي رزقة تشوفلي عقد عمل في الخليج وتاخدني معاهاااااا

هي كانت عمتك رزقة مرات الأونصول !!!! دي بتخدم في البيووووت

ما هي لو كانت اتعلمت كان زمانها بتشتغل دكتورة هناك هههه بس تشتغل دكتورة وتعالج العيانين ازاي ! دول السُلام لما بيشوفوها بيعيوا ههههههههههه

طب بطل تريئة على عمتك واحترم نفسكككككك

احترمتها يا عم حمو , يا بختها عمتي رزقة , القرش بقى في ايدها ألف وبتاكل احسن أكل وتلبس احسن لبس , وسايبانا هنا في الفقر والضنككككككككك

 طب اوعى من قدام التاكس اللي هيركن ده يا ولا

اديني وعيت ,ايّوووووووووه دي عمتي رزقة هي اللي في التاكس

رزقة مين يا ولا ! هي لَحَقت !!!!! دي لسة مسافرة ما كملتش شهر

وربنا هي يا عمي حمووووو , عمتي رزززززقة

اهئ اهئئئئئئئ اهلا يا عطوة , حاسب التاكس , اني طالعة

نحاسبوا مين !!!! حاسب التاكس يا عم حمو , اني افتكرت مصلحة ورايح نقضوهااااااا

رزقة !!! ايه اللي جابك يا رزقة ؟

ايّوووووووه يا خويا حاسب التاكس ونبقوا نتكلموا فووووووق

طيب طيب , اطلعي انتِ دلوقتي , حسابك كام يا اسطى

تلاتين جنيي

تلاتين جنيي !!!!! خد يا سيدي , هما اللي معايا , مع السلامة

*****************************

يا بنتي قوليلي وقولي لاخوكِ حمو رَجَعتي ليييييييه ! لسانا نَشَف معاكي من كتر السؤال وانتِ مش مبطلة عيااااااط

ايه اللي حصل يا رزقة

اهئ اهئئئئئئئئ اللي حصل لا يتقال ولا يتحكَى , اتظلمت يا حمووووو

اتظلمتي ازاي يعنيييييي !

احنا هنحكولك اهئ اهئئئئئئئ الست اللي بنشتغل عندها الله لا يكسّبها ولا يربّحها اللي خدماها برموش عنيا وطول النهار نحموا في عيالها وننضفوا في بيتها ونعملولها اللقمة اللي بتتسممها هي والمخفي جوزهاااااا , يرضيك يا حمو تبلغ فيا البوليس عشان خدت اسورة دهب من بتوعهااااااااا ؟

ايييييييييه ! سرقتيهاااااااااا ؟؟؟؟؟؟

ايّووووووووه ما اسمهاش سرقة , دي الدهب عندها اكوام اكوااااااام داحنا بنمشوا نتكعبلوا في الدهب المنطّور في كل حتة تحت رجلينا يا جددددع , احنا قولنا طالما الدهب بترميه في الأرض يبقى مالهوش لزمة عندها , واكيد لو خدت حاجة مش هتدرى بيها من كتر الدهب اللي عندهاااااااا , هي يعني هتفتَكَر ايه ولا ايييييييه ! في ليلة يا اخويا جوزها عملها حفلة وطبل وزمر عشان عيد ميلادها الاسووووووووود , وكان عندها اصحابها يامَا مبدورين في الشقة زي قناديل البحر ع الشط اهئ اهئئئئئئئئ قلنا خلاص , احنا نستنهزوا  فرصة انها مش واخدة بالها وناخدوا حتة دهب في الهيصة دي ولو خدت بالها بعد كدة ان حاجة ضاعت نبقوا نقولولها اكيد واحدة من اصحابك خدتهااااااا

وايه اللي حصل يختي بعد كدددددددة ؟

اللي حصل اني دَخَلت اوضتها لقيت علبة شكلها حلو اوي ومنقرشة وجنبها وردة حمرا , روحت فتحتها لقيت اسورة كبيرة زي الداهية , قولت رزقي وجالي لحد عندددددي روحت وخداها من العلبة وخرجت نجري على اوضتي وخبيتها في دولابي

وبعددددددين

ولا قبلين , روحت نقف وسط الهيصة نسقف ونغني للولية وش النحسسسسسس , شوية قال وجوزها دخل ونلاقيه خارج بالعلبة المنقرشة وبيقولها غمضي عنيكي يا بعد جلبي , وبعدين فتح العلبة لاقاها فاضية راح هد الدنياااااااااا وقعد يقول اتسرجنااااااااا اتسرجناااااااااا وين الشررررررررطة , اني سَمَعت كدة رُكِبي سابت وجريت عليه قولتله الشقة مليانة ناس يا سعادة الباشا واكيد حد من المعزومين الغجر دول هو اللي سَرَق الإسووووووورة , راح مبرقلي وقالي من وين عرفتي انها إسورة ! انا توي مشتريها وزوجتي ما تعلم ويش اشتريت اهئ اهئئئئئئئئئ انتِ الحراااااااامية , انتِ السااااااارجة وين الشرررررررطة , قولتله يا بيه حقك علياااااااا هجيبهالك خلااااااااص بس بلاش الشرررررررطة قالي مستحييييييل السارجة مثلك لازم يحبسونهاااااااا اهئ اهئئئئئئئئئئ قولت لمراته الحقيني يا ست هاااااااانم قالتلي بعدي يدك عني يا ساااااارجة , لازم نبلغ الشرطة عشان السفارة ترحِلْك على بلادك يا لصصصصصة اهئ اهئئئئئئ

شوفت الفضايح اللي اختك عملتها يا حمووووو ! وبلغوا عنك البوليس يا بتتتتتت ؟

اهئ اهئئئئئئئئ ايوة يا امّا ومش بس كدة , دول كمان خدوا مني كل الدهب والصيغة اللي حيلتي عشان يتنازلوا عن البلاغ  , عالم حرامية ونَوَر يا امّااااااااااا اهئ اهئئئئئئئئئئئئئئئئ وبعدين السفارة رحلتني على هنا بعد ما اتبهدلت اهئ اهئئئئئئئئئئئئئ

منك لله يا رزقة يا بنتييييييي , حتى الشغلانة اللي لقتيها وحالك اتعدل وبقى في ايدك قرش ما سترتيش فيهااااااااا

ما تبس بقى يا امّااااااا اني مش ناقصة , ايّووووووووووه

ايّوه منك ومن عمايلك يا شييييييييخة , شوفت عمايل اختك يا حمووووو ؟

نعملولها اييييييييه ! ديل الكلب عمره ما يتعدل ولو علقوا فيه قاااااااااااااالب

لم روحك يا حموووووووو اني العفاريت بتتنطط قدام مني ومش طايقة كلمة من مخلوووووووق

ايوة يختي زعقي قوي وانتِ راجعة بالخييييييييبة , اني طالع لمراتي وعيالي يا امّااااااا

اطلع يا ابني , وانتِ بقى ناوية تعملي ايه وتصرفي على نفسك منين يا رزقة ؟ اوعي تقولي اخويا حمو موجود , حمو ربنا يعينه على طلبات بيته وعيااااااااله , مش ناقص كمان بق مفتووووح

اني نعتَمَد على حمّو الجعان ده يا امّاااااا  !!, لا , ما تخافيش , حمو ما يقدرش على مصاريفي ولا على العيشة اللي اني عايزاها , اني طول الطريق واني بنفكر في سكة تانية

سكة ايه دي يختي

ايّوووووووووووه سكة اللي يروح ما يرجعش يا امّااااااااا سيبوني في حالي يا عالم وكفاية اللي انا فييييييه

*************************

تن تن ست اوساااااا

ادخلي  يا بت يا عطاااااااا

في واحدة عايزاكِ تحت

مين دي يا بت ؟

الست اللي جت سألت عليكِ من شهر وزيادة , اللي اسمها مرزوقة دي ولا رزقة

رزقة !!!! ودي ايه اللي جابها !.... دي قالت انها مسافرة مممم طب احنا نازلين نقابلوها يا بت ونشوفوا ايه الحكاية .... نورهان فين ؟

الست نورهان ماسكة التليفون بتكلم صاحبتها

يادي صاحبتها اللي ليل نهار تكلمهاااااااا روحي قوليلها اقفلي الموبايل وإلا هنكسروهولهاااااااا

حاضر يا ست اوسا

************************************

ازيك يا بت يا رزقة

ست اوساااااااااا ازيك انتِ يا ست الكككككككل امووووووه وحشتيني يا حبيبتييييييي

ما تشوفيش وحش , انتِ ما سافرتيش يا بت ولا ايه ؟؟؟؟

لا سافرت  , بس زَهَقت ورَجعت

زَهَقتي من ايه يا بت !!!! دانتِ كنتي بتقولي درر في الشغل والناس اللي بتشتغلي عندهم

قُطعوا وقطعت سيرتهم يا ست أوسااااااا , الست من ساعة ما روحت وهي حاطاني في دماغها وبتعاملني وحش زي ما نكون قتلتلها قتييييييل

ههههههههه يمكن جوزها عينه منك هو كمان عشان كدة غارت عليه

لالالا جوزها ده ايه ! ولا يملا عيني , الحكاية مش كدة , زي ما تقولي ان في ناس بتحب تستعبد غيرها وتدوس على كرامتهم عشان خدامين عندهم , وانا بقى ما نطيقوش المعاملة دي , أنا عايزة واحدة زيك تعاملني معاملة حلوة

يا رزقة ما انا قولتلك من زمان إن ماما رافضة انك تشتغلي هنا

براحتها , بس احنا ما نقصدوش نشتغلوا هنا

اومال تقصدي ايه  يا بت؟

نقصدوا  انك تاخدي بنتك وترجعي شقتك وتعيشي هناك واحنا نخدموكِ ونخدموها برموش عنينا وربنااااااااا

يا بت انتِ بتقولي ايه !!! ماما وبابا ما يرضوش يسيبوني نعيش لوحدي انا ونورهان

يا سلام ! ليه يعني ! هو انتِ صغيرة ولا قاصر يا ست اوسا ! طب دانتِ اللي زيك تدير بلد بطولها وعرضها , يبقى  هتستعصى عليكِ حتة شقة تعيشي فيها !!! وكمان تبقي على راحتك وست نفسك , بدل ما الكل بيتحكم فيكِ هنا

على رأيك , ما هي المطلقة دي بتبقى زي الدبيحة اللي بتقع وتكتر سكاكينهااااااا كل واحد عايز يتحكم فيها شوية

يبقى خلاص , الحل  بقى انك ترجعي شقتك وتنوريها , واحنا من الصبح نكونوا عندك

لا يا بت , ما ينفعش بكرة , اديني فرصة كدة يومين تلاتة على ما نظبطوا اموري

طب ونعرفوا الرد ازاي ؟

اتصلي بيا يا بت على الرقم اللي هندهولك

هههههه يخليكي لياااااا وربنا انا مستبشرة  خير وحاسة ان الخير كله جاي على ايدي , يمكن مرواحك الشقة يكون سبب في جوازك من واحد يليق بيكِ ويشيلك في عنيه

بس يا بت , بلا جواز بلا طين , أنا بس كل الحكاية اني زَهَقت من قعدتي هنا , امشي انتِ دلوقتي وبعدين اتصلي بيا كمان تلات اربع تيام

طب هاتي الرقم عشان نسجلوه ع الموبايل

خدي يا بت

**************************

خلف هذه الجدران,هبة عبد العظيم نور

**************************

ماما فين يا بت يا عطا ؟

الست سعاد في الجنينة بتشرب الشيّ

طيب , احنا هنروحولها , اعمليلي نيسكافيه وحصليني ع الجنينة

من عنيا يا ست اوسا

*********************

مامااااا

تعالي يا أوسا اقعدي

قاعدة في الجنينة يعني وبالك رايق يا ست ماما ! ههه

بالي رايق قوي يختي , البت اللي كانت عندك دي جت ليه ؟

الله ! جاية تزورني

وهي رجليها هتاخد على هنا ولا ايه !!!!

ايّوووووه يا ماما , خلاص هنقولولها ماتجيش هنا تاني...بنقولولك ايه يا ماما

نعم

احنا هناخدوا نورهان ونرجعوا شقتنا

بتقولي ايه يا بتتتتت ! ترجعي شقتك ده ايه !!!!! واحدة متطلقة زيك تاخد بنتها ويعيشوا لوحدهم !!! الناس تقول علينا اييييييه !

ايّوووووووه يا ماما , متطلقة متطلقة متطلقققققققة عقدتوني في عيشتييييييي زي ما نكون أنا السبب في الطلاق مش ابن اختك الخاين الجبااااااااااااان

فضيناها سيرة يا أوسا وكل واحد فيكو راح لحاااااااله , عايزة ايه تاااااااني ؟؟؟

عايزة نقعدوا في بيتي أنا وبنتيييييي

تعيشي لوحدك يا اوسا !!! يا بت فوقي لروحك يا بت , انتِ شابة وصغيرة وألف من يطمع فيكي لو شافك وحدانييييية , والبت بنتك لسة قطة مغمضة عايزة اللي يحميها ويشوف مصالحها

يا ماما انا مش هبلة عشان حد يضحك عليا ولا يطمع فيا , اللي يطمع فيا ندبوا صوابعي في حبابي عنيه , وبنتي نحموها برموش عنيااااا , هو انا حيلتي إلا هي يا ماما !!!!! وبعدين أنا مش هنعيشوا في حتة مقطوعة , أنا هنرجعوا شقتي وهيبقى حوالية جيران وناس , وكمان العمارة فيها أمن وحراسة , يبقى تقلقي عليا ليه بقى !!!!

بنقولولك ايه يا اوسا , ما تاكليش دماغي , لما ابوكي يجي من عند السنيورة ابقى اصطفلي معاه , احنا داخلين نتفرجوا ع التليفزيون شوية

اوووووف على راحتك يا ماما

النيسكافيه يا ست اوسا

حطيه يا بت واطلعي ناديلي نورهان من فوق

حاضر يا ست الكل