لسان عقربة

ياذكية وطى صوتك شوية عايزة اكتب مقدمة الحلقة الله يهدك

بس اسكتى شوية هقدم الحلقة وكملى الخناقة


ياجماعة ذكية النهاردة بتتخانق مع جارتها اللى تحتيها تعالوا نشوف مين الغلطان

*
*

انتِ يا ست يللى فوق


عايزة ايه ياست يللى تحت؟

انتِ ازاى كدة عمالة تنفضى السجاجيد بتاعتك من البلكونة وتبهدلى الغسيل بتاعى!


يختى من نضافة غسيلك قوي! . بلا خيبة . دا غسيلك زى الطين اصلا

انت ست مش مؤدبة

سيبنالك يختى الادب والاخلاق الحميدة


يعنى عاجبك الغسيل اللى تعبت فيه وحاطاه فى الشمس ينشف يتبهدل بالشكل ده!

يا شيخة فلقتينا بغسيلك .دا انتِ يوم مابتنشريه الدبان بيتلم فى الشارع ويطلع علينا ياكلنا


انتِ حقيقى ست فالجر وسوسي كمان

انا ست فجلة ومسوسة كمان! . طيب استنى علية, انا نازلة اعرفك شغلك يا انشف من عود القصب انتِ

*
*
*

*********************************************
حقوق النشر محفوظة للكاتبة هبة عبد العظيم نور

يا استاذ عبد الصمد

اهلا يا استاذ حسين

حضرتك جاى منين دلوقتى

انا راجع من شغلى يا استاذ حسين

يعنى ماشوفتش اللى الست بتاعتك عملته فى الست بتاعتى؟

خير يا استاذ حسين

يرضيك الست بتاعتك تضرب الست بتاعتى وتفتحلها دماغها

معقول الكلام ده!

انا لولا اننا جيران كنت عملت محضر فى القسم

لا معلش يا استاذ حسين, انا هطلع اعلمها الادب واجيبها تعتذر للست بتاعتك . حقك عليا

خلاص يا سيدى عشان خاطرك

*********************************************
حقوق النشر محفوظة للكاتبة هبة عبد العظيم نور

*
*

انتِ يا هانم يا بلطجية

جرا ايه يا عبد الصمد .داخل بشرك ليه من برا

انا برضو اللى شرانى! . ايه اللى عملتيه فى جارتك ده؟

هى اللى شتمتنى الاول

ياسلام

يا سلامين يا خويا

ايه هتضربينى انا كمان ولا ايه!


استغفر الله العظيم ,وبعدين يا عبد الصمد معاك!

اتفضلى البسى وانزلى اعتذريلها

انا ماغلطتش فى حقها يا عبد الصمد ومش هنزل


هتنزلى ورجلك فوق رقبتك والا


خلاص يا خويا ولا إلا ولا حيثما انا نازلة


*********************************************
حقوق النشر محفوظة للكاتبة هبة عبد العظيم نور

*
*

ماتزعليش يا اسمك ايه ماكانش قصدى

..........................................................

يوه! انتِ مابترديش ليه يا عود القصب؟

انا لية اسم تنادينى بيه

اسمك ايه يختى؟

اسمى وفاء

خلاص يا وباء ماتزعليش هاتى بوسة

يا ستى ولا تبوسينى ولا ابوسك ربنا يكفينا شرك . صباح الخير ياجارى انت فى حالك وانا فى حالى


خلاص ياجماعة ماتزعليش منها ياست وفاء


انتِ مين يختى؟

انا جارتك سعاد

طيب وانتِ مين حشرك فى الكلام اصلا .ماتقفلى باب شقتك وتتهدى

انا غلطانة, انتِ ست اخلاقك صعب خالص





*
*
*

*********************************************
حقوق النشر محفوظة للكاتبة هبة عبد العظيم نور

بقولك ايه ياعبد الصمد

ايه عايزة ايه نعم فى ايه

مالك ياخويا مش طايقلى كلمة كدة!

بسبب عمايلك والنكد اللى مسببهولى بطولة لسانك مع الناس

ماهما ياخويا اللى بيخرجونى عن شعورى

عندك شعور قوي ماشاء الله

ايوة ياخويا عندى شعور اومال قرعة

على فكرة اختى جاية تزورنا انهاردة

ياقاعدين يكفيكو شر الجايين

الله يسامحك ياست . بالله عليكى تحسنى الفاظك وماتفضحنيش قدام اختى


هحاول ان شاء الله ربنا يوفقنى




*
*********************************************
حقوق النشر محفوظة للكاتبة هبة عبد العظيم نور

*

اهلا اهلا اختى ام احمد

ازيك ياخويا واحشنى قوي والله

ربنا مايحرمنيش منك يا غالية


اومال فين ذكية

انا جيت اهو يختى ازيك يا ام احمد

ازيك انتِ ياذكية وحشانى قوي

ماتشوفيش وحش يختى

اتفضلى ياذكية دى فاكهة عشان الولاد

ايه ده يختى انتِ جايبالنا برتقان! . هو انتِ طالعة الارافة! . ومالك مكلفة خاطرك كدة !. مالقتيش حاجة ارخص من كدة تجيبيها!

ها !!!

تعيشى وتجيبى يا ام احمد نورتى البيت

تسلم ياخويا . بس باين مراتك مش عاجبها الفاكهة

سيبك منها, كفاية دخلتك علينا ,هى دى شوية يا حبيبتى!

ربنا مايحرمنيش منك يا خويا

قومى اعملى حاجة لأختى تشربها

هقوم اعملها شاى

لا ياحبيبتى انا مش بشرب الشاى

اه يختى ماانتِ داخلة علينا بجمال محملة فاكهة اشكال والوان ومن حقك تتأمرى علينا

لا حول ولا قوة الا بالله . انا ماشية

تمشى فين بس يا حبيبتى اقعدى يا ام احمد

معلش ياخويا ولما تحب تشوفنى بيتى مفتوحلك فى اى وقت يا عبد الصمد ياخويا عن اذنك

*
*

عاجبك كدة يا مصيبة انتِ! هتخسرينى اهلى بسبب عمايلك ولسانك اللى بينقط سم


ايوة ياخويا اغلط قوي .انا لسانى بينقط سم! .ليه متجوز عقربة!



اكتر من عقربة والعياذ بالله

*
*

ماما

عايز ايه ياواد

عايز كوباية زبادى

لا ما فيش

الزبادى فى التلاجة ياماما

فى التلاجة ومش هديك انا حرة وامشى من وشى لحسن اقوم اقطعك طرنشات


حتى ابنك بتعامليه بالسوء ده

بقولك ايه يا عبد الصمد .ابنى وانا حرة فيه


معلش ياابنى دى غلطتى انا ,وانتو بتدفعوا تمنها سامحنى

*
*

*~* يوميــ الست ذكية ـــــــات *~*