the third lesson(الدرس الثالث)

السلام عليكم ورحمة الله وبركاته

ازيكم يا حلوين يللي ما بتعملوش الهوم ورك هههه

النهاردة معادنا مع الدرس الثالث إن شاء الله

ونبدأ بالأقوال المأثورة (proverbs)

don't cry over spilt milk دونت كراي أوفر سبيلت ميلك(لا تبكي على اللبن المسكوب)

وتقال للنصح بعدم الندم على ما فات

as dıfferent as chalk and cheese آز ديفرينت أز شوك اند تشيز( أين الثرى من الثريا , أو حسب المثل الشعبي, إيش جاب لجاب) ههه وتقال عند المقارنة بين شيء عديم القيمة بشيء نفيس

don't fish in troubled water  دونت فيش ان ترابلد وتر( المعنى الحرفي. لا تصطاد في الماء المضطرب) وحسب المثل الشعبي, ما تصطادش في المية العكرة هههه وتقال للنصح بعدم إثارة المشاكل

********************************************

ومن الوسائل التي تساعد على سرعة تعلم اللغة هي قراءة القصص, وعشان كدة هنبدأ ناخد جزء بسيط من قصة في كل مرة عشان نثري الحصيلة اللغوية إن شاء الله

short story

The Lion and the Mouse

Once when a lion, the ruler of the wilderness, was snoozing, a little mouse started running here and there on him. This soon stirred the lion, who set his gigantic paw on the mouse, and opened his huge jaws to swallow him.

“Exonerate, O King!” cried the little mouse. “Pardon me this time. I should never rehash it and I might always remember your thoughtfulness.

الأسد والفأر

ذات مرة, عندما كان الأسد ملك الغابة غافياً(نائم نوماً ليس عميقاً). أتى فأر صغير وبدأ يجري فوق الأسد هنا وهناك مما أثار الأسد, والذي وضع مخلبه العملاق على الفأر وفتح فكيه الضخمين لابتلاعه

أصفح عني أيها الملك, بكى الفأر الصغير, سامحني هذه المرة, لن أعيدها, ودائماً سأتذكر رقة شعورك

****************************************

كفاية المقطع ده من القصة عشان تتمكنوا من حفظ كلماته, وتحاولوا كمان تحفظوا الجمل وتقولوها غيباً, وياسلام بقى لو تحفظوها لحد تاني في البيت وتمثلوها , واحد يعمل دور الأسد والتاني الفار ونتبادل الأدوار

وأنا حابة انكم تكتبوا المقطع ده على جوجل ترجمة لاستماعه جيداً إذا سمحتم عشان نتعود على الاستماع وده مهم جدا

**************************************

ودلوقتي ناخد بقى بعض المصطلحات اللي بنسمعها كتير ومهم اننا نعرف معناها بالإنجليزية عشان نزود حصيلتنا اللغوية

sooner or later سونر أور ليتر( عاجلاً أو آجلاً)

part and parcel  بارت اند بارسيل( جزء لا يتجزأ )

safe and safety  سيف اند سيفتي (الأمن والآمان)

***************************************

دراسة للألوان مع (verb to be)

the trees are green الأشجار تكون خضراء(جرين)

the milk is white اللبن يكون أبيض(وايت)

the sky is blue السماء تكون زرقاء(بلو)

the flowers are yellow الزهور تكون صفراء(يلو)

your hair is black شعرك يكون أسود(بلاك)

this dress is purple هذا الفستان يكون بنفسجي(بيربل)

the trunk of the tree is brown جذع الشجرة يكون بني (براون)

the elephant is grey  الفيل يكون رمادي(جراي)

the sun is orange  الشمس تكون برتقالية (أورانج)

كدة عرفنا الألوان الأساسية والحمد لله وراجعنا كمان verb to be واللي معناه (أن يكون)

طيب لو عايزة أقول هل يكون أعمل ايه يا ترى ؟؟

بسيطة خالص خالص , كل اللي هعمله إني هبدأ السؤال ب(am-is- are) على حسب الفاعل طبعاً وفي الحالة دي السؤال بيكون (هل يكون) يعني لو بدأنا بam -is- are يبقى سؤال معناه هل يكون

طيب ناخد امثلة توضيحية لطيفة

لو هقول مثلاً,

Ahmed is tall ومعناها أحمد يكون طويل, في الحالة دي لو عايزة أسال واقول (هل أحمد طويل؟ ) هبدأ ب is  وبعدها الشيءأو الشخص اللي بسأل عنه

Is Ahmed tall? ( هل يكون أحمد طويل)

طب هرد اقول ايه؟ يا سلام! هرد رد بسيط قوي ههه مش هيخرج عن اتين

yes, he is نعم هو يكون

No, he is not(isn't) لا, هو لا يكون

ونقيس على كدة كل حاجة بقى , تعالوا نشوف كدة

Are Mona and Maha close friends ? هل منى ومها صديقات حميمات ؟

yes, they are نعم هم يكونوا

No. they are not(aren't)  لا , هم لا يكونوا

بالمناسبة يا جماعة نخلي بالنا من

close

طبعاً احنا عارفينها بمعنى يغلق,لكن لما بتيجي مع كلمة صديق بيبقى معناها حميم

close friend كلوز فريند

كل ما اقرأها افتكر ولد كان معانا في كورس الانجليزي وهو بيقرأها ومتعصب وبيقول ايه الكلام الغريب ده, في حاجة في الدنيا اسمها صديق مقفول ! هههه ضحكنا وقلناله صديق حميم

نكمل الأمثلة

am I crazy ?  هل أنا مجنون ؟

yes. you are  نعم أنت تكون ههه

No, you are not(aren't) لا, انت لا تكون

شوفتوا حاجة سهلة ازاي!

وعشان كدة بقى ناخد عليهم اسئلة بسيطة , ولو سمحتوا تجاوبوا اللي فاتوا , عايزين همة ونشاط يا جماعة

Are you obese?

(اوبيس) يعني بدين. عاملة زي اتوبيس ههه افتكروها وقولوا الست دي تخينة زي الأتوبيس ههه أوبيس زي الأتوبيس هههه

Is Mariam slim? 

Am I nervous?

Is Amira short?

وبكدة خلصنا درس النهاردة ,ولو سمحتوا اكتبوا الاجابات في التعليقات والمرة الجاية عندنا امتحان شامل للتلات دروس بكل ما جاء فيهم

السلام عليكم ورحمة الله وبركاته