الحلقة الخامسة والثلاثين(ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

صباح الخير يا احمد

صباح النور يا هيومة,ناوليني الموبايل بتاعي

هتكلم مين ع الصبح كدة!دي الساعة يادوب تمانية, اوعى تكون هتكلم خالد هههه

هههه معقولة ! وانا ما عنديش ذوق ولا ايه ,لا يا ستي ما تقلقيش,مش هنزعج العريس,أنا هكلم عبد الله

عايز منه ايه! ده النهاردة الجمعة ,اوعى تكون خارج وسايبني

هههه ايه يا بت يا هيام ,اتعلمتي الرغي فين! صدعتيني ع الصبح

بقى كدة! ههه طب مش هندوك الموبايل

هاتي يا بت انتٍ بلاش رخامة هههه

اتفضل يا سيدي

يزيد فضلك يا ستي ههه

تررررررررررررررررررررررررررررررررررررررررن

السلام عليكم يا أستاذ احمد

عليكم السلام يا عبد الله,فاضي ولا وراك حاجة ؟

عايزنا نجولك ؟

لا ,عايزك تروح تجيب اوردر من المطعم اللي بنروحوه دايماً,انا متفق معاهم ,وهتطلع من عندهم على محل الحلواني الكبير اللي بنجيبوا من عنده دايماً, تجيب الاوردر اللي عملناه,الاوردرات في حدود تلاتلاف جنيي,ادفعهم من الفلوس اللي سايبهم معاك ,تاخد الاوردرات وتطلع بيهم على زيزنيا في العنوان اللي هندهولك

ههه عند العريس ؟

الله ينور عليك ,تروحله ع الساعة حداشر كدة,وقوله الأستاذ احمد بيصبّح ههه

هههه حاضر يا أستاذ احمد,من عنينا ,ربنا يخليكو لبعض

ويخليك يا عبد الله ,عقبال ما نفرحوا بيك ونشيعولك أوردر زي ده هههه

هههه وربنا كفاية بس اننا نكونوا جنبك يا أستاذ احمد

تعيش يا عبد الله, خد العنوان ,وابقى اديني رنة وانت طالع عند العريس

ماشي يا أستاذ احمد,اتفضل

**************************

خلف هذه الجدران,هبة عبد العظيم نور

**************************

هههه بقى انت مكلم عبد الله عشان كدة! ما يفوتكش واجب أبداً يا حبيبي

واجب ايه يا هيام! ده خالد ده اخويا وحتة مني ,ده حقه عليا ,كان نفسي نعملوا معاه حاجة اكبر من كدة ,كنا هنحجزوله جناح في أوتيل فايف ستارز,بس اخوكِ ما رضاش

هو عايز يقضي شهر العسل في بيته

وربنا انتِ اللي عسل ههههه

ههههه ربنا ما يحرمنيش منك يا حبيبي

طب تعالي معايا ع المطبخ هنحضروا الفطار سوا ,هندوقوكِ طبق فول بالبيض يخليكِ تعتزلي المطبخ وتعترفي بفشلك ههههه

ههههه معترفة من دلوقتي يا حبيبي

**************************

خلف هذه الجدران,هبة عبد العظيم نور

**************************

يا صباح الخير على أجمل عروسة في العاااااااالم هههه

ههه يا صباح النور على أجمل عريس في اسكندرية

ايه ده! يعني انا اقول عليكِ أجمل عروسة في العالم وانتِ تقولي عليا اجمل عريس في اسكندرية بس! ده ايه الظلم ده ! ههههه

ههههههه لالا اصل انت مش فاهم,انا لو قلت عليك أجمل عريس في العالم هيجوا الستات يخطفوك مني ,وانا بقى مش مستعدة ادخل في حرب من يوم الصباحية

ههههههههههه منافقة بشككككل

كدة ! اهو ده عيبنا,دايماً الصريح يتقال عليه منافق هههه طب والله الكلام ده من قلبي ,بغير عليك يا باشمهندس وعايزة اخبيك في قبو من طراز معماري فريد ههههه

هههههههه سيدي ع الرومانسية ,هاتيلي كوباية عصير لو سمحتي

طب وانا؟

هاتيلك واحدة انتِ كمان مش خسارة فيكِ هههه

هههه يعيش الكرم يا خلود,حالاً العصير يكون عندك,بعد اذنك يا حبيبي

اتفضلي يا حبيبتي

تررررررررررررررررررررررررررررررررررررررررررررررررررن

شوف مين ع الباب يا خاااااااالد

رايح اشوف اهو ,يا ترى مين جايلنا دلوقتي!

**************************

خلف هذه الجدران,هبة عبد العظيم نور

**************************

افندم

هه صباح الخير يا باشمهندس

صباح النور

أنا عبد الله ,السواق بتاع الأستاذ احمد سليم

هه أهلاً يا عبد الله ,اتفضل

متشكر,الأستاذ احمد مشيع الطلبات دي لحضرتك ,وبيقولك,بنصبّح ههه

هههه يسعد صباحك وصباحه يا سيدي,متشكرين يا عبد الله

الشكر لله وحده, هحطها لحضرتك على طرابيزة السفرة ......الف مبروك

الله يبارك فيك,مع السلامة..ياااااه كل دي حاجات تجيبها يا احمد!

اتفضل العصير يا خالد...ايه كل الحاجات دي؟

أحمد صاحبي مشيعها

بس دول كتير قوي

ههه نعملوا ايه في كرم احمد بقى!

ترررررررررررررررررررررررررررررررررررررررن

موبايلك يا خالد

هاتي يا يويو ...ده احمد ههه ايوة يا عم احمد

هههه صباحية مباركة يا عريس

الله يبارك فيك يا صاحبي,ايه الحاجات دي كلها يا احمد! دول ياما قوي

حاجة بسيطة يا خلود,كل وادعيلي ههههه

ههههه انت هتذلنا يا جدع انت !

اه هنذلوك ,مشيعلك أكل يكفيك شهر لقدام هههههههههههه

ههههههههه متشكرين يا سيدي,ربنا يجعل بيوت المحسنين عمار

هههههههه الف هنا وشفا يا عريس ,حاجة بسيطة ما تليقش يمقامك يا خلود والله

ربنا ما يحرمنيش منك يا صاحبي,تتردلك في مناسبة حلوة إن شاء الله,أومال فين هيام؟

يا عم بلا هيام بلا بتاع,انت ما زَهَقتش منها! خليك في عروستك وابقى كلمها بعدين,هي هتطير !

ههههههه ماشي يا ابو حميد

**************************

خلف هذه الجدران,هبة عبد العظيم نور

**************************

نسيم اهووووو لازم نروح نسأله هو عَرَف اسمي منيييييين

نسيممممممم

هه اهلا نورهان

انا مش جاية نتكلم معاك

اومال جاية ليه ؟

جاية نسألك انت عَرَفت اسمي منيييييين ؟

هههههههههههههههههههه هو ده اللي جابك لحد عندي ! نقولولك يا ستي , سَمَعت واحدة صاحبتك بتقولك باي يا نورهان , ما تنسيش تتصلي بيا عشان تقوليلي على الأسئلة المهمة في الماث , مش كدة ؟

ههه ايوة كدة , دي رنا صاحبتي

ما بنشوفوش حد غيرك , كل البنات حواليكِ زي الجواري حوالين الأميرة

....أنا أميرة !

وأجمل من أجمل أميرة

انت ............ انت ...............

أنا عارف انك محتارة وعندك اسئلة يامَا بتدور في عقلك , هنريحك , أنا نسيم , صاحب شركة كمبيوتر , ورثتها عن والدي وشغال فيها انا واخويا الكبير , كنت في مرة جاي نصلح كمبيوتر لزبون من زباين الشركة ساكن قدام المدرسة بتاعتك , وانا نازل من عنده شوفتك وانتِ خارجة من المدرسة , ايّوووووووووه جمالك سمّرني في مكاني , مَشيتي وما خدتيش بالك , بس انا بقى من ساعتها وانا ماقَدَرتش نبعد عنك , كنت بنيجي كل يوم نستنوكِ ونشوفوك من بعيد , لحد ما في يوم قررت نكلمك , لكن انتِ بقى رديتي عليا وحش

ممممم انت زعلت مني ؟

ابداااا ههه بس قلت مش هنيأس , واكيد في يوم هنوصل لقلبك

قلبي !

ايوة , زي ما انتِ وصلتي لقلبي ,...... أنا بحبك يا نورهان

هاااااااا !

مش مصدقاني ؟

مممممم مش عارفة

مسير الأيام تثبتلك

يا خبررررر, أنا اتأخرت يامَا ع البيتتتتتت ماما هتزعقلي ؟

هه يا بختك

يا بختي عشان ماما هتزعقلي !

لا , يا بختك عشان ليكِ أم مستنياكِ , أنا بقى امي ماتت

يا خبر ! مسكين , معلش

هه ولا يهمك , أنا خدت على كدة , يلا سلام بقى عشان ما تتأخريش اكتر من كدة

هنشوفوك تاني يا نسيم ؟

عايزة تشوفيني ؟

إممممممم

هه سلام يا نورهان

مع السلامة يا نسيم

**************************

خلف هذه الجدران,هبة عبد العظيم نور

**************************

تررررررررررررررررررررررررررررررررررررررررن

افتحي للبت بنت أوسا يا شوقييييييية

حاضر يا ست سعاااااااااد اه يااااااااني من رجلي واللي جرالهااااا

******************************

اهلا يا ست نورهان

ازيك يا دادة

اهلا يا حبيبتي , اتأخرتي ليه ؟

أوووووف وربنا أنا زَهَقت من السؤال ده يا دادة , يعني هنكونوا اتأخرت ليه غير عشان الترام!

هههه طب معلش حقك عليا , اصل امك سألت عليكِ يجي مرتين

اوووووووف ماشي يا دادة , ازيك يا تيتة سعاد

أهلا يا نورهان , يا بت ايه حكايتك يا بت , كل يوم والتاني تأخير !

غصب عني يا تيتة

طب ابقي اصطفلي مع امك بقى

كنتِ فين يا بتتتتتتتتتت

يا ماما كنت في المدرسة يا ماماااااااا والترام اتأخررررر نعمل ايه يعنييييييييي

انتِ يا بت بتعلي صوتك عليااااااااااااااا نهارك زي وشكككككككككككككككك

خلاص يا ست اوسااااااااااا, معلش يا نورهان , بتقولك نهارك زي وشك يعني نهارك ابيض وزي الفل هههه ما انتِ بيضا بلون الفلة اسم الله عليكِ

بيضا بس ماما مخلية حياتي سووووودة اهئ اهئئئئئئئئئئ أنا طالعة اوضتييييييييي

شوفتي البت يا ماماااااااا ! البت طَلَعلها لسان وبقت ترررررررد

معلش يا اوسا , وانتِ برضو مش كل يوم والتاني تنكدي عليها

قوليلها يا ست سعاااااد , البت كَبَرت يا ست اوسا ومعاملتك ليها زي العيلة الصغيرة كدة مش حلوة وهتخلي البت تبعد عنك ,البنت من دول لو ما لَقَتش الحنية في حضن أهلها هتدور عليها برا,وربنا يكفينا شر شياطين برا وشر وغوايتهم

وانت مااااااااااالك ,ايش فهمك انتِ في التربية يا عتيقة يا قدييييييييييمة

أنا قديمة ! خلاص يا ست اوسا , سيبنالك الجديد ككككككله, بدّعي وفرجيناااااااا

امشي يا ولية من وشي وشيعيلي البت عطاااااااااااا

حاضر يا ست اوسا , داهية تاخدك وتاخد لسانك المتبري منك

**************************

خلف هذه الجدران,هبة عبد العظيم نور

**************************

يلا يا آيات عشان ننزل نتفسح,جهزتي ولا لسة؟

حالاً اهو يا خالد , بس تعالى قولي طرحة الحجاب كدة مظبوطة ؟

مظبوطة وزي القمر كمان يا حبيبتي ههه

ماجبتش حاجة من عندك يا حبيبي , أنا فعلاً زي القمر وإلا ما كنتش اتجوزتني  هههه

ما تتغريش قوي كدة يا حبيبتي , أنا اتجوزتك شفقة على فكرة هههههه

ههههههه بقى كدة ! مقبولة منك يا باشمهندس

هههه حبيبتي طبعاً ربنا أكرمني بجوازي منك , وما كنتش عمري هنلاقي زيك أبداً يا يويو

أيوة كدة يا باشمهندس , اديني أمل في الحياة هههه

هههه طيب يلا يا حبيبتي

**************************

خلف هذه الجدران,هبة عبد العظيم نور

**************************

سوق بالراحة شوية يا خالد عشان اعرف اتفرج على الشوااااارع

ههههه مالك مطلعة راسك برا العربية زي العيال كدة يا يويو !!!

هههه اصل انا فرحانة قوي بالشوارع , الله ! شوارع اسكندرية روووعة ,خيااااااال , بحس بإحساس جميل قوي وانا فيها , يااااااه الكورنيش والبحر يجننووووا

طبعاَ يا يويو , مافيش أحلى من اسكندرية في الدنيا كلها , ما تعرفيش سنين الغربة عدت عليا ازاي وانا بعيد عنها

الحمدلله انك رجعت يا حبيبي عشان اخطفك واتجوزك هههه

ههه دانتِ جنية البحر بقى وانا ما نعرفش

جنية بس مسكينة ومش بتاعة عنف , خطفتك بمزاجك ههه

ههههه انتِ اللي خطفتيني ولا انا اللي خطفتك !!!!

هههه مممم قولي يا خالد , أنت ايه اللي عجبك فيا ؟

كل حاجة يا يويو

طب قولي عشرين حاجة بس منهم هههه

ههههههه أهم  حاجة يا ستي التواضع بتاعك

أنا متواضعة !!! ما كنتش واخدة بالي , لا أنا لازم أتغر بعد كدة هههه

يعني نقولولك احلى حاجة عجبتني فيكِ التواضع تقومي تقولي لازم نتغر !!!هههههه

أيوة طبعاً لازم اتغر عشان بقيت مراتك يا حبيبي

يا حبيبتي يا آيات !إنتِ أجمل هدية ربنا رزقني بيها بعد سنين الشقا والحزن دي كلها

حزن ايه بس يا حبيبي ! معقول تتكلم عن الحزن وانا معاك !

لا يا حبيبتي ... دي آخر مرة نتكلم فيها عن الحزن

الله يا خالد , المنطقة دي جميلة قوي , اسمها ايه ؟

سان استيفانو

أنا بلاحظ ان في أسماء غريبة قوي ومش عربية لأحياء اسكندرية وشوارعها

هه ده عشان سَكَنها خواجات يامَا ,وخصوصاً اليونانين,كانوا بيحبوها قوي , عاشوا فيها سنين يامَا , عشان كدة تلاقي اسامي شوارع ومناطق بأسماء مش عربية

أها , أيّووووووه على كدة يا جدعان هههههه

هههههههههههههههههههههه قلبتي اسكندراني يختي !

وهنغنوا اسكندراني كمان يا جدع  هههههه من بحري وبنحبوووه,على الإمة بنستنووووه,شبك الجمالات وشبكني وازاي نقدروا ننسوووووه,من بحري وبنحبوووووه ايّووووووه ايّووووووه ههههه

هههههههههههههههههههه وربنا احنا اللي بنموتوا فيكِ يا حبيبتي,ايه المواهب دي كلها! كروان بيغني اسكندراني!

هههه طبعاااااً , مش لهجة حبيبي خلود اللي بموت فيه هههه!!!! أنا بحب اللهجة الاسكندراني جداً , عمو طلعت اللي حببني فيها , مع انه ساعات يتكلم قاهري شوية واسكندراني شوية ههه

عشان مش اسكندراني من الأصل , الدكتور طلعت أساساً من القاهرة ..... هي القاهرة ما وحشتكيش يا يويو ؟

إطلااااااقاً

ليه بس كدة ! دي المدينة اللي اتولدتي واتربيتي فيها

ايوة يا حبيبي , بس سبحان الله من ساعة ما جيت اسكندرية وانا مش بشتاق لها ولا بحنلها , حبيت اسكندرية أكتر

ههه واسكندرية وأهلها حبوكِ أكتر

ربنا يخليك ليا يا حبيبي , ممممم أنت هتوديني فين ؟

بقالنا نص ساعة ماشيين بالعربية وما افتكتريش تسألي رايحين على فين إلا دلوقتي ! ههه على العموم هنتغدوا في أي مطعم فاخر وبعدين ناخدوكِ على قلعة قايتباي نتفسحوا شوية

هيييييييه  أيوة كدة

**************************

خلف هذه الجدران,هبة عبد العظيم نور

**************************

الله ! القلعة جميلة قوي يا خالد , تحس فيها بعراقة البناء

ههه انتِ هتعملي فيها مهندسة هنا كمان !! أول مرة تشوفي القلعة ولا ايه ؟

شوفتها من بعيد كتير وانا راكبة العربية مع عمو , ووعدني يجيبني بس للأسف ما كانش عنده وقت , بس حقيقي مبسوطة انّي أول مرة أشوفها عن قرب أكون معاك

هنلففوكي اسكندرية شبر شبر ونستمتعوا بيها مع بعض

ان شاء الله يا حبيبي ,ممممم احنا عايزين ناخد صورة تذكارية جنب القلعة ,بس مش سيلفي,عايزة حد يصورنا

ايوة بس مين اللي هيصورنا ؟

الولد الصغير الأمور اللي هناك ده , استنى هناديله , تعالى يا حبيبيييي انت يا أموووور

نعم يا طنط

تعرف تصورني أنا وعمو  ؟

ايوة

طيب بص , دوس على الزرار ده أول ما أقولك , اوكيه ؟

ماشي يا طنط

تعالى اقف جنبي كدة يا خالد وابتسم وانشكح قوي هههه

هههه ماشي يا ستي , يلا عشان ما نعطلوش الولا معانا , ألف دراعي  على كتفك بقى عشان الصورة تطلع حلوة

ههه ميرسي , يلا يا حبيبي صور

اوكيه......... خلاص يا طنط

شكراً يا حبيبي ههه خد الشيكولاتاية دي بقى

متشكر يا طنط

متشكرين تعبناك معانا هههه

العفو يا عمو

**************************

خلف هذه الجدران,هبة عبد العظيم نور

**************************

وقف العربية عند المحل ده  يا خالد يا حبيبي

ليه ؟

عايزة اشتري  هدية لمامتك قبل ما نروحلها

ههه هدية لامي ؟

ايوة , بس على حساااااابي ههه

هههه ماشي يا ستي , كلك ذوق والله يا يويو

**************************

خلف هذه الجدران,هبة عبد العظيم نور

**************************

ترررررررررررررررررررررررررررررررررن

مين ؟

افتحي يا امي , انا خالد وجبتلك آيات معايا

يا حبايبييييييي ههههه يا اهلاً بالعرساااااان, ازيك يا خااااالد

ازيك يا امي يا ست الككككل, ايدك نبوسوها امووه وحشتينييييي

ههه ما تشوفش وحش ابدا يا حبة عيني , ازيك يا عرووووسة , عيني باردة عليكِ , ايه القمر المنور ده ! هههه

هههه ازيك يا طنط اموووه اموووه , مع اني زعلانة منك عشان ما جتيش تزوريني انا وخالد

لا يا حبيبتي بالله عليكِ ما تزعليش , اني قلت انتو عرسان جداد ونسيبوكوا براحتكو ههه

لا بقى , احنا اللي سايبينك على راحتك شوية لكن هناخدك تعيشي معانا على طول

لا يا حبيبتي , ما تشيليش همي , كتر الف خيرك يا بنتي

على العموم الكلام سابق لأوانه , هناخدوكِ يعني هناخدوكِ ههه الأول بس شوفي عباية البيت دي وقوليلي رأيك فيها

الله !!! حلوة قوي ما شاء الله

حلوة عشان انتِ هتلبسيها يا طنط

هي دي عشاني ؟

ايوة طبعاً , وملاية السرير دي كمان , شوووووفي

هههه الله ! ايه الحاجات الحلوة دي ! اكيد ده ذوقك يا حبيبتي

ههه الحمدلله ان ذوقي عجبك يا طنط

آيات صممت تعدي تجيبلك الهدايا دي قبل ما نيجو ههه

يا رب ما اتحَرم منك يا حبيبتي , الهي يسعدك يارب ويهنيكي بجوزك ويفرحكو بالخلفة الصالحة عن قريب ههه

هه اللهم آمين يا طنط , شوفي بقى انا هفرشلك ملاية السرير الجديدة دي على سريرك وانتِ تلبسي العباية الجديدة , عشان الليلة دي تباتي بحاجات كلها جديد في جديد هههه عن اذنكو

ههه اتفضلي يا بنتي , يا سلام , طيبة وحتة سكرة مراتك يا خالد

بركة دعاكي يا امي , فعلاً آيات تتحب وتدخل القلب بسرعة

الله يسعدك بيها يا ابني ويفرحكو بحتة ولا عن قريب هههه

ههه آمين يارب . لكن مش عايزك تهربي من الموضوع اللي كلمتك فيه آيات , لازم تيجي تعيشي معانا يا امي

يا ابني الله يباركلك سيبني على راحتي

يعني راحتك في بعدك عني يا امي !

يا حبيبي راحتي اني نشوفوك متهني ومبسوط مع مراتك . يا خالد يا ابني , البني ادم مننا تقيل , واني ما نحبوش نكونوا تقيلة على حد حتى لو كان ابني , سيب مراتك تعيش على راحتها في بيتها واني كمان نعيشوا على راحتي وحريتي , لا نضايقوا حد ولا نشيّلوا حد همي

يا امي بالله عليكِ ما تقوليش كدة , والله آيات مرحبة جداً بوجودك معانا , مش هتتضايق ابداً صدقيني , هو في حد يضايق من أم طيبة زيك يا أمي !

اني عارفة ان مراتك طيبة وبنت حلال , لكن معلش , سيبني يا ابني نقضي الكام يوم اللي فاضليلني في الدنيا في بيتي

لوحدك يا امي !!!

مين قال كدة ! قلتلك الف مرة اني وسط جيراني وحبايبي , وربنا معايا وهو سبحانه احن عليا من الكل . البيت ده هيفضل مفتوح ليك انت ومراتك ولاختك هيام وجوزها , ده الأصل يا ولا , البيت اللي اتربيتو فيه , ولا هتستعر من السيالة بعد ما بقيت من سكان زيزنيا يا ابن عبد المقصود ! هههه

أنا ! ههه ابداً يا أمي , اني اتولدت واتربيت في السيالة , ايّووووه اجمل سنين عمري قضيتها هنا يا أمي

اجمل سنين عمرك هي اللي  جاية يا حبيبي إن شاء الله

يارب يا امي , ايه يا آيات! كل ده بتفرشي السريرررر !! ههه

هههه لا يا خالد , فرشته وروحت عملتلكو اتنين شيّ ههههه مش بتقولوا عليه شيّ يا طنط ؟

هههه بنقولوا يا عسل , تسلم ايدك يا حبيبتي

**************************

خلف هذه الجدران,هبة عبد العظيم نور

**************************

نازل يا معاذ يا حبيبي ؟

ايوة يا أمي , ورايا محاضرة بعد ساعة ان شاء الله , تأمريني بحاجة قبل ما امشي ؟

الحقيقة ايوة ههه

ههه أمرك يا أمي

يا ريت يا حبيبي تعدي على خالتك رانيا تجيبها هي وولادها عمر ورودينا   , عزمتها تقضي اليوم معانا , وجوزها هيجي ياخدها بالليل

مافيش مشكلة , وانا راجع ان شاء الله هعدي عليها , أي أوامر تانية يا جميل ؟ ههه

ههه متشكرة يا حبيبي , سوق بالراحة يا معاذ وخلي بالك من الطريق

حاضر يا امي , السلام عليكم

عليكم السلام يا حبيبي ,  استودعك الله الذي لا تضيع ودائعه,ربنا يحفظك من كل سوء يا ابني اللهم آمين

**************************

خلف هذه الجدران,هبة عبد العظيم نور

**************************

انا نازلة يا احمد يا حبيبي , معاذ ابن اختي مستني  بالعربية

طيب يا حبيبتي , بعد ما اخلص العيادة هعدي عليكِ ان شاء الله

اعمل حسابك انك هتتعشى مع الأستاذ ماجد

ايوة عارف , اتصل بيا امبارح عزمني

يلا يا مااااااااااااااااامي

طيب جاية يا ولااااااااد  , عايزاك تقول لرودينا بالذات بلاش شقااااااوة عشان دي بتطلع عينييييي

هههه تعيش وتطلع عينك , رودينااااااااا ,رووووودي

نعم يا باااااااااابي

حبيبة بابي , مش عايز شقاوة , عايز طنط منال وعمو ماجد يقولوا عليكِ بنوتة هادية ورقيقة امووه اوكيه ؟

اوكيه باااااااابي

سمعتي بابي قال ايه يا ست روووودي ؟

 ايوة سمعته يا ست مااااااااامي , يلا يا عمرررررر

يلا يا رووووودي

شايف البنت !

ههههه طب يلا عشان ما تتأخروش

اوكيه يا حبيبي  , اوعى تتأخر بعد العيادة

هروح فين يا ستي ! انا راجل مستقيم هههه

هههه السلام عليكم يا حبيبي

عليكم السلام يا حبيبتي

**************************

خلف هذه الجدران,هبة عبد العظيم نور

**************************

معاااااااذ افتحلنا العربييييييية

ههههه اهلااااا ازيك يا رووووودي

كويسسسسسسسة افتح العربييييية هو الباب مش بيتفتح ليييييييه !

هههه حاضر يا ستي بالرااااااحة اتفضلي

هييييييييه هيييييييييه

ازيك يا عمر

الحمدلله , انت اسمك ايه ؟

هههههه اسمي معاذ , انت مش فاكرني ولا ايه ؟

لأ

ههه ماشي يا سيدي , خالتي رانيااااااا

ههههه معااااااذ ازيك يا حبيبي

ازيك انتِ يا خالتي , اتفضلي في الكرسي اللي جنبي

شكراً يا معاذ , رووووودي اقعدي عددددل

هو انا عملت اييييييه

نزلي رجليكي من على كرسي معااااذ

يووووو مش عارفة اقعد اناااااا

ههه سيبيها على راحتها يا خالتي

دي بنت تجنن اوووووف اعوذ بالله

معااااااذ هحط ايدي على عنيك وتقولي انا مييييييين هاااااا انا ميييييين ؟

هههه يا رودي شيلي ايدك يا حبيبتي مش عارف اشوف الطريقققق

انتِ يا بنتتتتتتتتت ده سايق يا حيواااااااانة

انا حيوانة ! ربنا يوديكي النار ياااااااااارب انا مش هكلمكو تااااااني هلعب مع عمر اخوياااااا ما تكلمهومش يا عمررررر

ماشي يا رووووودي احنا مخاصمينكووووو

احسسسسسسسسسن اووووووف ايه دوووووول !

ههههه ربنا يخليهوملك يا خالتي

**************************

خلف هذه الجدران,هبة عبد العظيم نور

**************************

اتفضلي يا ست رودينا , اتفضل يا استاذ عمر , ده باب شقتنا يا عمر ولا نسيته ؟

ايوة نسيته , انت مييييييييين ؟

ههههه انت عندك زهايمر يا ابني ولا ايه !

سيبك منه يا معاذ ده بيستهبل اووووف اقفي عدل وبطلي تنطيطططط

انا مش بكلمك ومخصمااااااكي بتكلميني ليه بقىىىى !

هههه ماما هتفرح بيكو قوي والله تررررررررررررررررررررررررررررررررن

ميييييين

افتحي يا امي

دب دب دددددددددددب يا خالتو منال افتحيييييييي يا خالتو منوووووووووولة

هههههه جاية يا روووووودي

يا روح خااااالتوووووو امووووه امووووووه

ازيك يا خالتوووووو هييييييه هيييييييييييه تعالى يا عمررررر ادخخخخخخل

ماشي يا رووووودي

ازيك يا عمر يا حبيبي ههههه

انتِ ميييييييين ؟

ههههههه انا خالتك

مش فاكررررر يا رودي انتِ روحتي فيييييييين ؟

انا هنا تعاااااااااالى

اااااخ ياني ازيك يا ابلة منال, دماااااااااااغي

هههههه ازيك يا رانيا وحشتني امووووه اموووه عاملة ايه يا حبيبتي

منهارة نفسيااااااً كوباية مية يا معاذ لو سمحت

حاضر يا خالتي

نورتيني يا رانيا انتِ وولادك ههه

قصدك نورتيني يا رانيا انتِ وعفاريتك , البنت فظيييييعة , عمر طيب لكن هي اللي بتسلطه على كل المصاااااااايب , كل الناس بتشتكي منها حتى في المدرسسسسسة

هههه يعني هي جايباه من برا يا ست رانيا ! من شابهت أمها فما ظلمت هههه

لا يا أبلة مش للدرجة دي , انا برضو كنت هادية عنها

هادية عن مين ! طب دي رودي غلبانة بالنسبة لك هههه دانتِ كنتي مجننانا لحد ما كبرتي , ولا اجيبلك ماجد يفكرك ! ههه

هههههه لالالا بلاش فضايح

دانتِ اللي عملتيه بيطلع على عنيكي هههه نورتيني يا رانيا

ربنا يخليكِ يا أبلة

خالتو منولة خاصمي مامااااااا

ليه بس يا رودي؟

عشان هي شتمتني وقالتلي يا حيوااااانة

مممم أكيد زعلتيها يا رودي

لا مش زعلتها,انا كنت بلعب مع معاااذ

خلاص ما تزعليش حقك عليا,بس ما تزعليش ماما تاني

حاضر يا خالتو,يلا نلعب يا عمرررررر

يلا يا رووودي

ايه يا رانيا,بتشتمي البنت ليه؟

يا أبلة بتخرجني عن شعوووري,دي بنت مش معقولة

برضو مهما كان,الشتيمة مش أسلوب تربية خالص,أنا وماجد مهما الولاد عملوا عمرنا ما كنا بنلجأ للشتيمة,كنا دايماً بنعاقبهم بالحرمان من الفسح وكل الحاجات اللي بيحبوها,ده غير الخصام كمان,وكانوا يا عيني ما بيتحملوش خصامنا ليهم انا وابوهم ويجوا يعيطوا ويعتذروا هههه

دول عشان عندهم دم,انما دي لاااا,دي مافيش حاجة بتأثر فيها

والله انتِ اللي عصبية زيادة ومش عارفة تتعاملي مع ولادك يارانيا

خلاص يا أبلة,عشان خاطرك مش هشتم تاني وهطبق اسلوبك يمكن ينفع ,اومال فين مريومة يا أبلة ؟

مريومة لسة في الكلية

تيجي بالسلامة ان شاء الله . طنط أمينة عاملة ايه ؟

الحمدلله كويسة , لسة نازلة من عندها من شوية , طلعت غديتها واديتلها الدوا

انا عايزة اعرف هي ليه ما تنزلش تعيش معاكو على طول !

ما بترضاش خالص , حاولنا معاها كتير , بس الحمدلله احنا معاها على طول , مريم ومعاذ مش بيسيبوها , دلوقتي معاذ هيطلع يقعد معاها شوية

طيب انا هطلع معاه عشان اسلم عليها

طيب يا حبيبتي , دي هتفرح خالص لما تشوفك

تررررررررررررررررررررررررررن

دي أكيد مريومة يا رانيا,افتح يا معاااااااذ

انا اللي هفتح يا خالتو منوووولة

ههه روحي يا رودي

**************************

خلف هذه الجدران,هبة عبد العظيم نور

**************************

ازيك يا مريوووومة

روووودي اموووه وحشتيني يا حبيبتي

وانتِ كمان,جبتيلي معاكِ حاجة حلوة؟

طبعاً,أنا عارفة اني هاجي الاقيكِ عشان كدة جبتلك الشيكولاتاية دي,اتفضلي

انتِ حلوة يا مريومة,أنا بحبك

وانا بموت فيكِ يا رودي امووه..السلام عليكم يا أمي امووه

عليكم السلام يا حبيبتي,اخبار الكلية ايه وكل زميلاتك؟

تمام الحمدلله

طيب ادخلي سلمي على خالتك

**************************

خلف هذه الجدران,هبة عبد العظيم نور

**************************

خالتو رانيااااا..السلام عليكم

عليكم السلام مريومة ههه وحشتيني امووه امووه

وانتِ كمان والله يا خالتو,يعني معقول خالتي حبيبتي مااشوفهاش غير مرة واحدة في الاسبوع!

ههه طيب ما تيجي انتِ عندي في نفس الأسبوع ونتغدا مع بعض

امتى بس يا خالتو! انتِ عارفة أيام الدراسة الوقت بيبقى ضيق قوي,يادوب ارجع البيت عشان اذاكر شوية وأنام

ربنا يعينك ويوفقك يا مريومة

يارب,اومال فين عمر ما شوفتوش

بيلعب مع رودي,تعالى يا عمر كلم مريووومة

مريومة مييييييين؟

ههه مش عارفني!

لأ,انتِ مين؟

يابني دانت بتشوفني كل أسبوع ههه عن اذنك يا خالتو هغير هدومي واجيلك

اتفضلي يا حبيبتي..انت يا ولدددد واخد الفازة دي ورايح على فيييين؟

رودي عايزاها,هي قالتلي هاتها عشان الورد شكله حلو

كل حاجة رودي تقولهالك تسمع كلامهاااا! سيب الفازة يا ولددد,يااااااربي,رودي بطلي شقاوة انتِ واخووووكِ

احنا عملنا حااااااجة! تعالى يا عمر نلعب عند معاذ في اوضته

يلا يا رودي

**************************

خلف هذه الجدران,هبة عبد العظيم نور

**************************

معاااااذ,احنا هنااااا

ههه أهلاً,تعالوا..ازيك يا عمر

الحمدلله يا معاذ

الله! ما انت فاكر اسمي اهو

ايوة,أنا عارف كل الأسامي

هه اومال ليه كل ما نسألك على حاجة تقول مش فاكر؟

عشان ماما بتقولي انت فاكر كل حاجة وبتنسى المذاكرة وكلام المس

هههه عشان كدة بقى حضرتك عايز تثبتلها انك بتنسى كل حاجة مش بس المذاكرة

ايوة عشان ما تضربنيش

هههه انت مشكلة

تيجي يا عمر نخلي معاذ يحكيلنا حدوتة؟

ايوة,احنا عايزين حدوتة يا معاذ

والله أنا ماليش في الحواديت..ممم طب ايه رأيكو أحكيلكو قصة من قصص الأنبياء؟

مااااااااااشي

خلاص,هحكيلكو قصة سيدنا يونس عليه السلام والحوت

يعني ايه حووووت؟

الحوت حيوان كبير عايش في البحر

يعني هو طيب ولا شرير؟

لا طيب,طيب جداً كمان,وهتعرفوا لما احكيلكو الحكاية

احكي يا معااااذ

كان في زمان نبي اسمه يونس عليه السلام,كان بيدعوا قومه لعبادة الله الواحد الأحد

يعني ايه قوووومه؟

يعني أهله والناس اللي عايش وسطيهم..فضل يدعو قومه لفترة طويلة,لكن هما ما كانوش بيسمعوا كلامه ولا عايزين يعبدوا ربنا

دول وحشييين

ايوة طبعاً وحشين,وعشان كدة هو زعل منهم وقرر انه يسبهم ويسافر في البحر بالسفينة..لكن هو غلط غلطة كبيرة

غلطة اييييه؟

انه ما أخدش الإذن من ربنا سبحانه وتعالى ,عشان كدة ربنا غضب عليه

وبعدييين؟

وبعدين راح لشط البحر ولقى مركب وركاب كتير راح ركب معاهم ,والسفينة ابتدت تمشي في البحر..لكن لإن ربنا غضبان عليه خلى الرياح شديدة ,شدييييدة,وكانت هتقلب السفينة وتغرقها في المية

يا خبررر,وبعدين!

الناس اللي في السفينة قالوا أكيد ربنا غضبان على حد فينا ولازم كل واحد فينا يكتب اسمه في ورقة ونلخبط الورق وبعدين نختار ورقة,واللي يطلع اسمه مكتوب في الورقة نرميه في البحر

يا مااااااامي,وبعدين

وبعدين فعلاً لخبطوا الورق ولما اختاروا ورقة طلعت الورقة اللي فيها اسم سيدنا يونس

ورموه في الميييية؟

الناس اللي في المركب قالوا الراجل ده شكله من الصالحين,بلاش نرميه في المية,ونلخبط الورق تاني ونختار مرة تانية,وكرروا الاختيار اكتر من مرة ,لكن في كل مرة يطلع اسم سيدنا يونس,عشان كدة رموه في المية

وغررررق؟

لأ,ربنا الرحيم أرسل الحوت الطيب عشان يخبي سيدنا يونس عليه السلام جواه

يعني الحوت ما كلوش ولا عوره بسنانه؟

لأ,الحوت كان حنين قوي وما أذهوش,ده كان بيحميه من المية

وبعدين؟فضل على طول جوا الحوت؟

انا هحكيلكو ايه اللي حصله في بطن الحوت,وهو في بطن الحوت سمع الحوت بيسبّح

بيسبّح! هو الحوت بيتكلم؟

لأ مش بيتكلم,لكن بيسبّح,كل الكائنات في الدنيا بتسبح لربنا,لكن احنا ما بنفهمش تسبيحها,ربنا سبحانه وتعالى بيقول

اعوذ بالله من الشيطان الرجيم

بسم الله الرحمن الرحيم

تُسَبِّحُ لَهُ السَّمَاوَاتُ السَّبْعُ وَالْأَرْضُ وَمَن فِيهِنَّ ۚ وَإِن مِّن شَيْءٍ إِلَّا يُسَبِّحُ بِحَمْدِهِ وَلَٰكِن لَّا تَفْقَهُونَ تَسْبِيحَهُمْ ۗ إِنَّهُ كَانَ حَلِيمًا غَفُورًا

يعني بيسبحوا لكن احنا ما بنفهمش تسبيحهم,لكن ربنا جعل سيدنا يونس يفهم تسبيح الحوت,عشان كدة ابتدا يسبّح هو كمان ويقول (لا إله إلا أنت سبحانك إني كنت من الظالمين)

وفضل يكررها كتير جداً وكان ندمان على ذنبه,عشان كدة ربنا سامحه وخلى الحوت يطلع على الشط ويطلّع سيدنا يونس عليه السلام من بطنه ,وكمان ربنا سبحانه وتعالى خلى شجرة كبيرة قوي تطلع من الأرض وتظلل سيدنا يونس عليه السلام,ولما تعافى ورجع لقومه لقاهم آمنوا بالله الواحد الأحد...ودي كانت قصة سيدنا يونس عليه السلام والحوت...ها ,ايه رأيكو؟

حلوة قوووي

طيب استفدتوا منها ايه؟قولي انتِ يا رودي

ان احنا مش نعمل حاجة وحشة تغضب ربنا

جميل جداً,وانت استفدت ايه يا عمر؟

ان احنا نسبح ربنا عشان يحبنا ويعملنا كل حاجة حلوة

رااااائع

احكيلنا حكاية تانية

هه لا كفاية كدة عشان عندي مذاكرة,روحوا عند مامتكو بقى

مااااااااشي

**************************

خلف هذه الجدران,هبة عبد العظيم نور

**************************

سفرة دايمة يا استاذ ماجد

بالهنا الشفا يا دكتور احمد , يارب يكون الأكل عجبك

طبعاً , أم معاذ مايعلاش على نفسها ههه

ههه متشكرين ع المجاملة , اهي بتعك واحنا بناكل واديها ماشية هههههه

ههههه ربنا يخليكو لبعض يا أستاذ ماجد

واحشنا والله يا دكتور أحمد , وبقالنا كتير ما شوفناكش

اعمل ايه بس ! المستشفى والعيادة واخدين كل وقتي , غير اني بشرف على رسالتين دكتوراة

ربنا يقويك , هي بصراحة مهنة الطب متعبة جداً

خدنا عليها هه وبعدين انا بتعامل معاها بحب عشان كدة ما بتتعبنيش

هي مين دي اللي بتتعامل معاها بحب عشان كدة ما بتتعبكش  يا احمددددد !

مهنة الطب والله هههه بطلي سوء ظنننن

أها الطب , سوري فهمت غلط , عن اذنكو

ههههههههه

هههه شوفت يا استاذ ماجد ! جاية تجري من برا عشان تطمن بتكلم على مين

هما الستات كدة الله يهديهم , الفاكهة فين يا معاااااذ بقالك ساعة بتجيب الفااااكهة !!!

اهيه والله , مريم كانت بتغسلها , اتفضلوا

متشكرين

اخبار الكلية والمذاكرة ايه يا باشمهندس ؟

تمام الحمدلله يا عمي

يا معاااااااذ انا اهوووو

ههه تعالي يا رودي

انا جيتتتتتت ازيك يا عمو مااااااااجد

ازيك يا حبيبة عمو ههه قوليلي بقى , انتِ عايزة تطلعي ايه لما تكبري ؟

عايزة اطلع ظابط

هههههههههههههههههههههههه في بنت في الدنيا تقول عايزة اطلع ظابط !!!

ايوة أناااااا أطلع ظابط وامسك مسدس وأموّت كل الحرامييييييييييين

هههههه لالالا دي شغلانة ما تنفعكيش خالص , هو انتِ بنت ولا ولدددد ؟

أنا ولددددد واسمي رودينااااااا وهبقى ظابط لما اكبر

ههههههه براحتك يا ستي , عندها ميول ذكورية البنت دي

هههه والله عندك حق , حتى اختيارها للعب غريب , تخيل ما بتلعبش بعرايس خااااالص ولا عمرها طلبت عروسة , كل ما اخدها على محل اللعب تختار مسدسات ودبابات وطيارات ههه

ههه ربنا يهديهالك

تيجي تلعب معايا عسكر وحرامية يا معااااااذ ؟

لا يا ستي انا مش قدك ههه

لا قوم العب معايااااااا بص انت هتبقى الحرامي وانا الظابط وهتجري مني وانا اجري وراك بالمسدس واموتك كدة هو طاخ طاخ طااااااااخ وانت تقع ع الأرررررض

هههه لا يا ستي شوفيلك حد غيري

انت وحششششش انا هلعب مع عمر , يا عمررررررررر

**************************

خلف هذه الجدران,هبة عبد العظيم نور

**************************

تررررررررررررررررررررن تررررررررررن

هالو روتي

هالو رامي,ما تيجي تذاكر معايا

مممم مش عارف ,كنت ناوي اقعد في البيت النهاردة

لالالا تعالى , انا قاعدة لوحدي وملّانة موووووووووووت  , بابي ومامي خرجوا ومش ليا نفس اذاكر , لو جيت هتفتح نفسي ع المذاكرة

خلاص اوكيه , هلبس واجيلك , بيس

بيس رامي

**************************

خلف هذه الجدران,هبة عبد العظيم نور

**************************

ترررررررررررررررررررررررررررررررررن

هاي رامي , ما اتأخرتش خالص

ايوة اصل لبست بسرعة ونزلت على طول اول ما قفلت معاكِ

طب تعالى معايا المطبخ نعمل اتنين نيسكافيه وبعدين ندخل نذاكر

هندخل نذاكر فين ؟

في اوضتي طبعا , هيكون فين ! ههه

ههههه ماشي , يلا

**************************

خلف هذه الجدران,هبة عبد العظيم نور

**************************

اشرب النيسكافيه يا رامي عشان نعرف نركز في المذاكرة كويسسس

اوكيه , لكن باباكِ ومامتك فين صحيح ؟

بابي عنده شغل ونزل من بدري ومامي خدت عربيتها وراحت تزور شوية من صاحباتها وبعدين هيروحوا ديفيليه

مممم زي مام هه حياتها كلها نوادي وديفيليهات وحفلات

هي دي الحياة يا رامي , اومال يعني عايز الست تقضي حياتها في البيت لحد ما تعجز وتموت !

وهي لما تقعد مع اولادها وتقرب منهم وتشاركهم حياتهم واحلامهم وطموحاتهم وتوجههم للصح وتبعدهم عن الغلط تبقى كدة مش عايشة الحياة بكل معناها الجميل ؟

هههههه انت مال تفكيرك بقى كئيب وكلاسيك كدة ! اشرب النيسكافيه خلينا نبتدي مذاكرة يا رامي

أوك هههه بلاش كآبة وخلينا نفُك ههههههه بس تعرفي ,أول مرة اذاكر مع بنت في بيتها ,اسمع إن  زمان كان كارثة لو البنت كشفت وشها قدام راجل غريب هههههه

ههههههههههههههههههههه,أكيد كانوا وحشين  يا رامي..ايه ده ! انا سامعة مفتاح الباب

يمكن تكون مامتك جت ؟

لا ما اعتقدش , مامي لما تنزل مستحيل ترجع قبل اتناشر بالليل , اكيد بابي نسي حاجة ورجع ياخدها

باباكِ!!! أأأ طب تعالي نقعد برا لحسن باباكِ يزعل اني في اوضتك

لالا بابي عارف اننا بنذاكر

روووووووتي

انا هنا يا بااااااابي

جايلك حبيبتي

**************************

خلف هذه الجدران,هبة عبد العظيم نور

**************************

هههه مساء الخير

مساء النور يا بابي , ده رامي صاحبي

اهلا يا رامي يا حبيبي هههه ازيك

ازيك انت يا انكل

بتذاكروا ؟

ايوة يا بابي , كنا لسة هنبدأ

طب كويس قوي , ذاكروا كويس عشان عايزين تقديرات عالية

اكيد يا بابي

مامي نزلت ؟

ايوة نزلت هي وطنط ديدي

اوكيه , انا كمان نسيت حاجة ورجعت اخدها ونازل على طول , فيل آت هوم رامي , البيت بيتك

ميرسي يا انكل هههه باباكِ ظريف قوي

هههههه كل اصحابي الولاد بيقولوا كدة

************