الحلقة السابعة والثلاثين (ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

**************************

يا ابو حسن اعملي جرد للمخازن عشان نشوفوا ايه اللي ناقصنا ونجيبوه

حاضر يا استاذ ابراهيم

مساء الخير يا ابراهيم يا ابن خالتي

تهااااااني ! هه اهلا يا تهاني , اتفضلي

يزيد فضلك , سألت عليك وعَرَفت انك في فرع الانفوشي جيتلك على طول ..... من زمان كنت عايزة نجيلك بس كنت مستنية العدة تخلص عشان نقدروا نخرجوا

انتِ تنوري وتآنسي يا تهاني , تشربي ايه ؟

كتر خيرك , أنا مش عايزة حاجة ..... أنا جيالك في موضوع كدة وعشمي انك ما تكسفنيش

خير يا تهاني

خير إن شاء الله , بقى انت عارف ان ابو محمود الله يرحمه كان عنده محل فطاطري ملكه

ايوة ¸في مشكلة في المحل ؟

لحد دلوقتي لا , أنا جاية نتكلم معاك بخصوصه

اتكلمي يا تهاني

بصراحة بقى أنا عايزة نبيع المحل عشان مش هنعرفوا نديروه ولا هنعرفوا نتعاملوا مع الصنايعية

ايوة طب ولما تبيعيه وتخلصي تمنه على مصاريفك ومصاريف عيالك هتعملي ايه ؟

احنا جينا عشان كدة .... احنا هندوك الفلوس اللي هنبيعوا بيها المحل تتاجرلي فيها وسط تجارتك والنسبة اللي انت عايزها خدها

ممممم والله يا تهاني أنا كان بودي نلبي طلبك , لكن وربنا المعبود أنا تجارتي قالبة دماغي وقالبة كياني وبنكلموا نفسي من كتر المشاغل , ياريتني كنت فاضي

يعني بترفض طلبي ؟ .... أنا اللي خلاني لجأتلك هو انك راجل ثقة ومش هتطمع في مال اليتامى وهتديني حقي بما يرضي الله

يا بنت الحلال أنا مش عايزك تشيلي هم , اقعدي في بيتك معززة مكرمة وهيوصلك مني مبلغ كل اول شهر وكل طلبات ولادك انا متكفل بيهاااااا

لاااااا كتر خيرك , أنا وولادي مش هنعيشوا على اعانة ولا هنمدوا ايدنا لحد

دانا ابن خالتك مش غريبببببب

والله ولو كنت ابوياااااا , أنا عايزة نربي ولادي على عزة النفس من صغرهممم , يا ريت كان محمود كبير وانا كنت نزلته يقف في محل ابوه ويكفيني أنا واخته شر المذلة للنااااااس اهئ اهئ اهئئئئئئئئئ

استغفر الله العظيم , طب اهدي بس يا تهاني وليها رب يدبرها إن شاء الله

يعني هتاجرلي في مالي يا ابراهيم ؟؟

ممممم طب بصي اديني يومين نشوفوا الظروف ايه وهنردوا عليكِ يا ام محمود

طيب يا ابراهيم , معلش مش هنقدر نديك رقم التليفون , ابو محمود الله يرحمه طول عمره كان يقولي اياك تدي رقمك لجنس راجل مش من محارمك , وانا زي ما طيعت اوامره في حياته هنطيعوه بعد موته

ونعم الستات يا ام محمود ... لكن احنا هنوصّلولك الرد ازاي ؟

احنا هنعدوا عليك كمان يومين بعد صلاة العصر , السلام عليكم

ماشي يا ام محمود , عليكم السلام , اووووف وبعدين بقى في الورطة دي ! نعملوا ايه دلوقتي ؟؟؟؟؟ ...... ايوة ساااااامي هو سااااااامي , ولا يا مصطفىىىى روح قول للأستاذ سامي ااني عايزه يشرب معايا الشيّ

حاضر يا استاذ ابراهيم

**************************

خلف هذه الجدران,هبة عبد العظيم نور

**************************

سلامو عليكو يا ابراهيم

عليكم السلام يا ابو السام , اتفضل

تعيش , ازيك يا ابو حسن

الله يخليك يا استاذ سامي

اجري يا ولا يا مصطفى هات اتنين شيّ من القهوووة

عنيا يا استاذ ابراهيمممممم

ازيك يا سامي , يعني ان ما كناش نشيعولك مانشوفكش !!!!

معلش يا ابراهيم , ما يحوشنيش عنك إلا الشديد القوي

الله يقويك يا سامي يا اخويا....... , بنقولولك ايه , فاكر تهاني ؟

تهاني مين ؟

تهاني بنت خالتي اللي جوزها مات من كام شهر وروحنا عزينا فيه

ايوة ايوة افتكرتها , مالها ؟

كانت عندي من شوية وطلبت مني طلب لكن بصراحة مش هنقدر ننفذه عشان كدة شيعتلك

وانا عنيا ليك , لكن طلب ايه ده ؟

يا سيدي جوزها سابلها محل فطاطري , لكن هي طبعا مش واخدة ع الشغل ولا معاملة الناس ومش هتعرف تتعامل لا مع زباين ولا مع صنايعية , وجوزها كان بيغير عليها وكان ما بيطلعهاش من البيت غير ايده في ايدها  , عشان كدة تلاقيها تايهة في الدنيا من بعده ,دلوقتي بقى هي عايزة تبيع المحل ده وتديني فلوسه نتاجرولها فيها وناخدوا نسبة , وانا زي ما انت عارف ماعنديش وقت ولا جهد زيادة , عشان كدة قلت نعرض عليك الموضوع

عايزني نتاجرولها في مالها ؟

الشيّ يا بشوااااااااات

 شكرا يا مصطفى , بصراحة لا  مش عايزك تتاجرلها في مالها ولا حاجة , , عارف يا سامي , أنا لو كان ينفع كنت اتجوزتها , لكن انت عارف ماينفعش , العدد كومبليت , غيرش واحدة منهم تريحني وتقابل رب كريم هههههه

هههه يا سيدي ربنا يخليهوملك , طب أنا يعني مطلوب مني ايه ؟

اتجوزها يا سامي

ايييييييه ! لالالا اعفيني يا ابراهبم , ما ينفعش يا اخويا

ليه يا سامي ؟ هي وحشة !!!!

بالعكس , ست في عز شبابها وجمالها والف من يتمناها , لكن انا مستني بدور

ايّووووووووه بدور ! انت لسة فاكرها !

احنا ما نسينهاش ولا لحظة عشان نفتكروها , بنشوفوها كل يوم وكأنها عايشة معايا وحاسس بأنفاسها حوالية , ......يا ترى انتِ فين يا بدارة !!!!

ههه يا راجل انساها بقىىىى اللي فات ما بيرجعش تاااااااني , بقى بعد السنين دي كلها ولسة عندك امل تلاقيها !!!!

ايوة , عندي امل , وهو ده اللي مقويني على دنيتي , وبندعوا ربنا نلاقوها عشان نعوضوها عن كل المر اللي شربته بسببي وبسبب جبني

ربنا يحققلك أملك يا اخويا , صحيح ماحدش عارف بكرة فيه ايه , طب والحل دلوقتي مع تهاني ؟

مش هي كانت قصداك عشان تتاجر في مالها ؟

ايوة

طب خلاص , نتاجرولها احنا وندوها حقها بما يرضي الله

خلاص هنعرضوا عليها ونشوفوا رد الكلام , هي هتعدي عليا بعد يومين , إن كان كدة نشيعوهالك ع المحل عشان تتفقوا

خلاص يا ابراهيم , استبينا

طب اشرب الشيّ

***********************************

النيسكافيه فين يا دادددددددددة

حاضر يا رااااامي بعمله اهو يا حبيبي

اوكيييييه بسرعة بليززززز

ترررررررررررررررررررررررررررررررررررررررررررررررررررررررررررررن

دي ميرهان ههههه الو هاي ميروووو

هاي رامي , ازيك

ازيك انتِ ,وحشتينييييي

ههه ممممم ميرسي

ايه مرسي دي بقى ! هو انا ما وحشتكيش ولا ايه ؟

ههههه رامي بجد بتكسف , عمري ما قلت لحد الكلام ده

مممم افهم من كدة انك ما حبتيش قبل كدة ؟

ولا مرة , كل الشبان اللي بعرفهم مجرد اصدقاء مش اكتر

للدرجة دي ماحدش منهم شدك ؟

اطلاقا , مممم مش عارفة ليه بحسهم تافهين جداااا تفكيرهم سطحي , حتى الرقص في الديسكو بيرقصوه من غير احساس , تنطيط ع الموسيقى وخلاص

ازاي الكلام الفاضي دددددده ! المفرض يرقصوا بإحساس عالي ويتعمقوا في معنى الأغاني , هو أي حد يرقص في الديسكو ولا اييييييييه , سيبك انت يا ميرهان , الديسكو بقى يلم

فعلا يا رامي , أي حد معاه فلوس بيروح وخلاص , عشان كدة انا ما يقتش ارتاح في الديسكو

اومال بترتاحي فين ؟

عند مامي في الكباريه

نعمممممم !

مستغرب ليه ! عند مامي في الكباريه هتلاقي الفن الحقيقي بمعنى الكلمة , مامي رقاصة مش تقليدية , حتى اسم الكباريه بتاعها مختلف , تخيل مسمية الكباريه ايه ؟

ايه ؟

زمان يا رقص

هههههههههههههه هايل , صو نايس , شوقتيني اروح عند مامتك الكباريه

مافيش مشكلة , انت فاضي دلوقتي ولا وراك حاجة ؟

لا مافيش ورايا حاجة وزهقان من المذاكرة وزهقان من النادي والديسكو وفعلا محتاج اروح مكان جديد

ههه اوكيه , يبقى اتفقنا , تعالى عدي عليا في الفيلا ونروح سوا

اوكيه , هاتي العنوان

اوكيه يا رامي , 12 شارع السعادة , فيلا  الفنانة عنب الشام

عنب الشام !!!! ده اسم السوبر ماركت اللي جنبكو؟

لا , ده اسم مامي

مامتك اسمها عنب الشام !!! غريب قوي الإسم ده

ههه لا غريب ولا حاجة , اصل جدو كان تاجر وبيسافر الشام كتير وكان بيحب العنب الشامي قوي , عشان كدة سمى مامي عنب الشام

أها , كدة فهمت , اوكيه هاخد عربيتي واجيلك طيراااااااااااان ,بااااااااي , داددددددددة سُكي ع النيسكافيييييييييييه

حاضر يا راااااااامي

باي يا دادددددددة

رايح فين يا رااااااااااامي

رايح اتفسححححححح ههههههه

يا ابني انت لسة طاااااااالع, هو انت لحقت ترتاح عشان تنززززززل ! شوف يختي الواد طار زي البرق ازاي ! الله يهديك يا رامي

هو رامي نزل يا دادة؟

ايوة يا أيتن

اوووف ,حتى رامي ما بقتش اتلم عليه

معلش يا حبيبتي,تلاقي جاله تليفونه من معزة من معيزه

ههههههه اوكيه دادة,هدخل اعمل سيرفينج على النت عشان مليت من المذاكرة

اجيبلك حاجة تشربيها ؟

نو دادة ,ثانكس..اووووف البيت ملل والناس ملل والنت ملل وكل حاجة ملل..أكلم أمجد احسن,هو الوحيد اللي فاضيلي ومش بينشغل عني

**************************************************

وقف هنا يا رامي , هو ده الكباريه بتاع مامي

اه صحيح , مكتوب عليه زمان يا رقص وصورة مامتك منورة ههه

طب اركن بقى عشان نلحق مامي قبل ما تطلع ع المسرح

اوك

***********************************************

ايه البوديجردات اللي ع الباب دول يا ميرو ؟؟؟؟

 دول شوية من الحرس بتوع مامي , دول الخاصيين بأمن بوابة الكباريه , تعالى يا رامي , مساء الخير

اهلا بست الكل بنت ست الكل , وسع يا ولا انت وهوووو

تعالى يا رامي

أوك , جود ايفيننج ايفري بادي , ازيكووووو

اهلا يا خويا

لطاف قوي ههههه

تعالى يا رامي

*****************************************

مساء الخير يا كريزة

اهلا يا انسة ميريهان , يا مساء النور عليكِ وعلى ضيوفك

ميرسي , دي كريزة اللبيسة بتاعة مامي يا رامي

هاي كريزة ههه هاور ار يو

فاين ثانك يو هههه يا الف اهلا

مامي في اوضتها يا كريزة ؟

ايوة , لبست ومعاها الماكير بيعملها الماكياج جوا

طيب اوكيه , تعالى يا رامي ندخلها

اوك يا ميريهان , باي كريزززة

باي باي يا استاذ رامي هههه يختي عليه عسسسسسل

**********************************

تن تن مامي

تقل الروج شوية يا فادي , الناس اللي في اخر الصالة اشتكو انهم ما بيشوفوش الماكيااااااج

حاضر يا مدام , مع انك مش محتاجة وجمالك طبيعي

ههههه معلش , البحر يحب الزيادة

تن تن مامممممي

ايوة ايوة ادخلي يا ميمييييييي , دي ميمي بنتي اللي بتخبط دي

اه , ما انا عارفها , قمر زي النجمة بتاعتنا

هههههه تعيش يا قلبي

تعالى يا رامي , بنسوار مااااامي امووه

بنسوار يا روح مااااامي اموووووه يا عصفورة قلب مامممممممي اموووه , مين اللي معاكِ ده ؟

ده رامي صاحبي

اهلا يا رامي هههه منور الكباريه يا حبيبي

ميرسي يا طنط

اتفضل اقعد ما تتكسفش , اعتبر الكباريه زي بيتكو , كفاية كدة يا فادي تسلم ايدك

تسلمي يا نجمة , بون سواريه

بون سواريه على عيونك يا قلبي , ازيك يا ميمييييي

ازيك يا مامي , ده بقى يا ستي رامي صاحبي زي ما قولتلك وهو جاي النهاردة عشان يتعرف عليكِ من كتر ما اتشوقلك من كلامي عنك

ههههههه يا اهلا يا رامي , وقالتلك ايه عني بقى ؟

بصراحة هي فخورة بحضرتك جداااااا بتقول عليكِ رقاصة مش زي أي رقاصة وانها مبسوطة قوي انها بنتك

هههه ميرسي يا ميمي يا حبيبتي , تمرت فيكِ التربية , اصيلة يا حبيبتي طالعاااااالي , تشرب ايه يا رامي ؟ , ويسكي عندنا , شمبانيا عندنا , كونياك عندنا , وما تشلش هم المزّة لانها برضو عندنا هههههه

وااااااااااااات ! نوووووو , سوري يا طنط مش بشرب الحاجات دي إلا قليل قوي ومش عايز اشرب النهاردة

ليه يا حبيبي بعد الشر ؟ خايف تسكر ؟ هههه

لا يا طنطططط بس داد ممكن يعمل كارثة لو شربت الحاجات دي , هيزعل جداااا

ههههه واحنا ما يرضيناش زعل داد , خلاص على راحتك , انما انت نورتنا

ميرسي يا طنط مممم ايه ده ! ايه كل الصور القديمة بتاعة الرقاصات اللي متعلقة ع الحيطان دي يا طنط ؟

اقولك يا حبيبي ولو اني مستعجلة وفاضل تلت ساعة على معاد نمرتي , اول صورة ع اليمين دي بتاعة الست كاتينا  اليونانية , كانت رقاصة ولا كل الرقاصات , واللي جنبها دي الست مازا الروسية اما دي بقى الست نعيمة المصرية

أها , اومال مين الرقاصة اللي في الصورة الكبيرة قوي دي اللي فوقهم كلهم ؟

دي بقى ست الكل صاحبة الفضل على كل رقاصات مصر والعالم كله , دي الست بديعة مصابني اللي خرجت من تحت ايدها عتاولة في الغنى والرقص والمونولوج

يااااااااه هههه يعني دي الأم الروحية بتاعتكو

ايوة ههههههه صدقت يا رامي , هي بالنسبة لنا فشر الأم اللي ربت ورضعت , لولاها ولا كان في فن ولا فنانين في مصررررر احكيلك حكايتها ؟

ياريت يا طنط , لو مافيش عطلة يعني

اتعطل مش مهم , المهم عندي اني اعرّف الناس على ست الكل وخصوصا الجيل البايظ بتاعكو اللي لا عارف قيمة الرقص الشرقي ولا اصحاب الفضل في الرقص الشرقي

احكي يا طنط

باختصار كدة يا حبيبي وعشان ما اطولش , الست بديعة دي من بلاد الشام  , ودخلت مصر سنة 1919

مممممممم السنة دي بتاعة ..........

ايوة بتاعة الثورة بتاعة عمك سعد زغلول , مش كنت هتقول كدة ؟

ايوة فعلا , يعني هي دخلت سنة ثورة 1919 ؟

ايوة , كانت سنة خير وثورة خير على مصر , الستات خرجوا من البيوت ورموا الحجاب والفن الحلو دخل مصر والفرفشة حلت وليالي الأنس هلت  , طب والله لغنيلك اغنية من بتوع امنا بديعة مصابني

اه يا اسمراااااااااااني اللون حبيبي الاسمرااااااااااااااااني

حبيبي وعيونه سوووووود  أما الكحل رباااااااااااااااااني

اه يا اسمراني اللوووووووون حبيبي الاسمرااااااااااااني

حبيبي وعيونه سوووووووود أما الكحل رباااااااااااني

ايه رأيك يا رامي ؟ هههه

هههههههه حلوة قوي يا طنطططططط,بس انا ابيضاني مش اسمراني

معلش يا رامي الأغاني كلها معمولة للسمر وما عملوش للبيض حاجة,امسحها فيا انا

نو بروبليم هههه اغنية كيوت, غنيهالي تاااااااني

لا بقى ما ينفعش , ده معاد طلوعي ع المسرح وانا ما اقدرش اتأخر اااه احترم الجمهور يحترمك , تعالى اتفرج ع الرقص الشرقي على اصوله وشوف السوكسيه اللي هيكسر الصالة سلااااام

سلام يا طنط , هي مامتك قالت ايه اللي هيكسر الصالة ؟

هههههه السوكسيه , التصقيف يعني وتفاعل الجمهور بعد الرقصة

أها جود جود , هو ده بقى السوكسيه , عالم جديد ومصطلحات جديدة هههه بجد انا مبسوط قوي اني جيت هنا يا ميريهان

وهتنبسط اكتر بعد ما تتفرج على رقص مامي اللي يجنن , تعالى يا رامي

اوك

*************************************

تعالى ع الطرابيزة دي يا رامي , هنا هنشوف مامي كويس قوي

اوك ممممم تعرفي الكباريه ده صو نايس والديكورات هايلة , وملاحظ انها حاطة صور كل الرقاصات القدام وخصوصا الام الروحية هنا كمان

طبعا , لو تلاحظ ان الديكور يميل للديكورات اوائل القرن التسعتاشر ,وكمان التخت اللي ورا مامي كلهم لابسين بدل وطرابش

بتقولي  ايه اللي ورا مامتك ببدل وطرابيش ماخدتش بالي؟

التخت الشرقي,العازفين يعني يا رامي..حتى الجرسونات اللي بيقدموا الطلبات كلهم لابسين طرابيش, يعني اكيد هتستشعر عبق التاريخ

حسيت بكدة فعلا , هو يعني ايه عبق ؟

هههه عطر

أها بيرفيوم يعني ههه ممممم على فكرة العبق بتاعك جميل قوي

هههه ميرسي يا رامي , دانك بالألماني يعني

هههه دانك دانك

بص يا رامي هيتم الإعلان عن ظهور مامي ع المسرح والتخت الشرقي ,اهي الستارة اترفعت,شايف التخت قد ايه عظيم ولبسه بيدل اننا في القرن الماضي؟ شميت عبق التاريخ؟

اه شميته,انا حاسس اننا سنة 19 وشوية وهنلاقي الانجليز دخلوا علينا الكباريه هههه  هاي جوووني

هههه اهو كدة انت انصهرت في روح المكان

اه فعلاً انا انصهرت ههههه ايه انصهرت دي كمان!

مساء الخيرات على كل جمهورنا الجميل , منورين كباريه زمان يا رقص , زمان يا رقص يعني الرقص على اصول اصوووووله , يعني ست الكل ونجمة الرقص الشرقي الست عنب  الشام اللي بترجعنا لأمجاد الرقص الشرقي والفن الأصيل ,  اظهري يا نجمة جمهورك في انتظااااااااااارك تصفيق حاد لنجمة الجماهيررررررررر

مامي ظهرت يا رامي هههه حبيبتي يا مااااااامي صقف يا راااااااامي

طبعااااااا , تحبي اصفّر ؟

لا لا لا مش بحب العادات السخيفة اللي بتحصل في الكباريهات الغير محترمة

عندك حق , ما ينفعش اصفّر في كباريه محترم

مساء الخير على جمهوري الحبيب , بحيي كل رواد الكباريه اللي الكباريه ما يعمرش غير بيهممممم

هييييييييييييييييييييييه منورة يا نجمممممممممة

ميرسي ليكو كلكو , وتحية خاصة لميمي بنتي وضيوف ميمي بنتييييييي مساء الخير يا راااااااااامي

مساء النور يا طنطططططططططططط هههههه

يلا انزل بأغنية الست أم كلثوم,الست ثوما حبيبة الملايين,اغنية الخلاعة والدلاعة مذهبي

الخلاااااااااااعة

والدلاااااااااااااااعة مذهبييييي

من زمان اهوى صفاااااااااااااها.....

************************************************

لو سمحت ممكن أقابل سيادة العميد هاني بيه زاهر ؟

بخصوص ايه ؟

موضوع شخصي

انت مين ؟

محيي مصطفى

طب لحظة واحدة هبلغ سيادة العميد

*****************************************************

تن تن هاني بيه

ايوة يا أمين رضا

واحد عايز جنابك في موضوع شخصي , اسمه محيي مصطفى

محيي مصطفى ! .... ما اعرفش حد بالإسم ده

اقوله سيادتك مشغول وامشّيه ؟

لالا , خليه يتفضل

*******************************************

اتفضل يا اخ

متشكر

السلام عليكم يا هاني بيه

عليكم السلام ورحمة الله , اتفضل اقعد

متشكر يا فندم

الأمين قالي انك عايزني في موضوع شخصي

ايوة , انا جاي لحضرتك من طرف حازم الديب

حازم الديببببب ! هو فيييين ؟ انا دورت عليه كتير وما لقتوش , سألت عليه في عنوانه القديم لقيته باع الشقة وما حدش عارف هو راح فين

هو عندنا في دار المسنين

ايه ! دار مسنين !!! ....... ايه الحكاية ؟

في الحقيقة انا ما عنديش أذن منه اني اتكلم في خصوصياته , أنا واحد من المشرفين في دار المسنين , الأستاذ حازم نزيل عندنا من حوالي سنة , اللي اقدر اقوله انه مريض بالفشل الكلوي وبيحتاج للغسيل مرتين في الأسبوع , وادارة الدار بتراعيه زي ما بتراعي أي نزيل

فشل كلوي ! .... دار مسنين ! ...... يا الله !!! انت متأكد انك بتتكلم عن حازم الديب ؟

ايوة يا فندم , كان ظابط شرطة وتمت اقالته

........ اللهم لا حول ولا قوة إلا بالله , طيب انا جاي معاك دلوقتي عشان اطمن عليه بنفسي

اتفضل يا فندم

**********************************************************

تن تن استاذ حازم

ادخل يا محيي

هه عارف جبتلك مين معايا !!! سيادة العميد هاني بيه شخصيااااااا

هاااااااني ! خليه يتفضضضل

اتفضل يا سيدة العميد

متشكر قوي , حازم ! ..... معقول انت حازم !!!

هه ازيك يا هاني , واحشني

ياااااااااه ازيك يا حاززززم

الحمد لله , زي ما انت شايف , اقعد يا هاني

ايه اللي حصل يا حازم ! ايه اللي خلاك تسيب ومراتك وولادك وتعيش في دار مسنين ؟

هه مراتي وولادي ! ...... وهما فين يا هاني ! ..... بعد ما اقالوني  ماهيتاب رفعت قضية خُلع وكسبتها , قعدت عند والدتها هي والولاد , وبعدها بتلات شهور بالظبط اتجوزت رجل اعمال مشهور وسابت الولاد عند والداتها

اتجوزت !!!!

وخلفت من جوزها الجديد ولدين كمان , وبعد امها ما ماتت خدت ولادي يعيشوا معاها في الفيلا بتاعة جوزها , حرمتني منهم وكرهتهم فيا , كنت اروح لهم المدرسة ما يرضوش يقابلوني .... مرة استنيت بنتي عند باب المدرسة عشان اشوفها , واول ما شوفتها جريت عليها وخدتها في حضني , لكن البنت فضلت تصرخ وتعيط وتبعدني بإيديها وكإني مش ابوها , لدرجة ان الناس في الشارع افتكروا اني جاي اخطفها وكانوا هيطلبوا البوليس , لولا انها قالتلهم ده بابا , وادتني ضهرها وركبت الباص , دي كانت اخر مرة اشوفها وهي طفلة , اتقطعت اخبارهم مدة طويلة قوي , ومن سنتين فاتوا اتصلت بيا ماهيتاب وقالتلي تعالى بكرة عشان تمضي على عقد جواز بنتك

معقول ! من غير ما تعرف اتخطبت لمين ولا تعرف أي حاجة عن خطيبها !

لا , ماهيتاب خرجتني برا دايرة حياة الولاد , بقى كل اللي يربطهم بيا الإسم اللي في شهادة الميلاد , لا عمرهم سألوا عليا ولا اهتموا باخباري , حتى جاسر ابني سمعت انه خطب وعمل حفلة خطوبة كبيرة وما قاليش , كإنهم بيستعروا مني هه

لا حول ولا قوة الا بالله ...... أنا مش مصدق اللي بسمعه

لا صدق يا هاني , ماهيتاب قالتها في وشي , انا اتجوزتك عشان السلطة . عشان كدة لما السلطة راحت مني ما ضيعتش وقتها ودورت على المال , ما هي بتعتبر الجواز صفقة هه وهي ما بتحبش تخسر , ومتأكد لو جوزها رجل الأعمال ده فلّس ولا حصله أي لخبطة في حياته هتكون أول واحدة تديله ضهرها ..... عيشت لوحدي سنين طويلة , لحد ما مسكني المرض , في مرة تعبت قوي وكنت بتألم وما كانش حد جنبي , وقعت على الأرض وما قدرتش اتحرك ولا حتى اوصل للتليفون عشان استنجد بأي حد , فقدت الوعي , ولما فقت صممت اني ما اقعدش لوحدي تاني , لإني ممكن أموت وما حدش يدرى بيا ..... بيعت الشقة وجيت عيشت في دار المسنين من حوالي سنة , اهو ألاقي حد يونسني ويهتم بيا , طالما ولادي اللي من لحمي ودمي اتخلوا عني ومش عايزين يعرفوني

............. انا مش عارف اقولك ايه يا حازم ....... الله يكون في عونك

ابقى زرني يا هاني ..... اوعى تتخلى عني ..... أنا محتاجلك

........ هاجي ازورك باستمرار يا حازم

********************************

انا مش مصدق يا امي ان اللي انا كنت عنده النهاردة ده حازم الديب , بقى ده حازم !!! الراجل القوي المهاب اللي كان الكل بيخاف منه ويعمله ألف حساب !!! ...... حازم اتغر بقوته وظلم ناس كتير ....... انا حذرته كتير من استخدام قوته في ظلم الناس

القوة بتروح يا ابني ...... احنا بشر من لحم ودم . للأسف في كتير من الناس بيتغروا بقوتهم وبمناصبهم وبيظلموا غيرهم ويتجبروا في الأرض , ما يعرفوش ان دعوات المظلومين هتكون هي الوبال عليهم في يوم من الأيام ...... ياريت الناس تتعلم وتاخد عبر وعظات من اللي بيحصل لأي حد بيطغى بسلطة أو قوة أو مال

ياريت يا أمي

***********************************

 معقول يا هاني يا حبيبي ماهيتاب تعمل كدة ! يا خبر ! طول عمرها جبارة ماهيتاب

ههه مافيش ست بتتجبر إلا لما تلاقي راجل يديها فررررصة , أي ست في طبعها التمرد لو لقت زوج شخصيته ضعيفة بتمسك لجامه في ايديها وتحركه زي ما هي عايزة .... زي لعبة الشطرنج يا رشا , العسكري لازم يموت , لكن الملك لااااا هههه

ايه يا هاني يا حبيبي اللي بتقوله ده ! هو الجواز معركة حربية !

مش عند كل الناس يا زوجتي العزيزة ... عن نفسي انا اللي ماسك اللجام في ايدي , عشان عارف كويس قوي لو سبتلك اللجام كنتِ وصلتينا لفين ....... عن اذنك , تعبان وداخل انام

مممم تصبح على خير يا سيادة العميد اوووووف حاسة كدة انه بيشبهني بمهيتاب وان لولا انه هو اللي مسيطر عليا وماسك لجامي كان زماني عملت زيها , الله يسامحك يا هاني , عمرك ما اديتني ريق حلو ولا حسستني انك بتحبني اهئ اهئئئئ

مامتيييي ايه ده ! انتِ بتعيطي ؟

هي مين دي اللي تعيط يا بنتتتتتت ! عيني اتطرفتتتتتت, رمش دخل في عنيا , فيها حاجة ددددددي !

ههه لا مافيهاش , سلامة عنيكِ الحلوين يا مامتي

***************************************************************

ازيك يا عم سلامة

اهلا يا ولا يا محموووود عملت ايه ؟

روحت سألت واستقصيت ع الولا وما خليتش حي يُرزق في حارتهم إلا وسألته عليه , من بقال لمكوجي لمطعم فول وفلافل لمحل موبايلات ده غير الجيرااااان سألت ناس يامَا قوي لحد ما دوخت من كتر الكلااااااام

وقالولك ايه يا ولااااااا ؟

كله قال كلمة واحدة , بلاش من الجوازة دي عشان الولا ده صايع وقليل الأدب وبتاع مشاكل واهله كمان ناس لَبَش والجيران كلهم بيتجنبوهم عشان آذاهم , وسَمَعت كدة من أكتر من واحد ان ابوه له في الصنف يعني واتسجن مرتين

ايّووووووووه , ده على كدة بقى الولا ده ما ينفعش ولازم موضوع الجواز ده يتقفل

ايوة يا عم سلامة , انتو مالكو ومال الأشكال دي !!!

طب روح يا ابني شوف شغلك وكتر الف خيرك , خد الميت جني دول عشانك

ههه كتر خيرك يا عم سلامة , لو عوزت أي حاجة احنا في الخدمة

************************************

انت متأكد من الكلام ده يا سلامة ؟؟؟؟

زي ما سَمَعتي يا ألطاف , ويكون في علمك انا ما صدقتش الولا مية في المية إلا لما روحت بنفسي اتأكدت من اصحاب المحلات والورش اللي في حارة الولا ده

طب وبعدين يا سلامة ؟

وبعدين ايه يا ألطاااااااف !!! لا بعدين ولا قبلين , الموضوع لحد كدة انتهى والولا ده مالوش جواز من البت , ولا عايزة ترميها في جوازة زي دددددي !!!

لالالا يا سلامة , خلاص , طالما سألت عليه وطلع ما يناسبناش يبقى خلاص , هنرموله البت يعني !!!!

طيب يا ألطاف , احنا نازلين شوية عشان هنزوروا واحد قريبي عيان في كوم الدِكّة

طريق السلامة يا سلامة مممم لما ترجع البت من الكوافير نقولولها

******************************

ماماااااااا

اهلا يا ايناس , اتأخرتي في الكوافير كدة ليه ؟

اصل يا ماما البت الكوافيرة اللي بنحبوها اتأخرت يامَا النهاردة , وقعدنا نستنوها وما رضيناش ان أي بت شغالة في الكوافير غيرها تعملي أي حااااااجة , اصل البت دي شاطرة شطارة مش على حد وزباين الكوافير بيجولها مخصوص , شايفة يا ماما رسمتلي حواجبي ازاي ! يجننوا مش كدة ؟ هههه

سيبك من رسمة حواجبك دلوقتي يا بت عشان انا عايزاكي في كلمتين مهمين

خير يا ماما ؟

عمك سلامة سأل ع الولا اللي متقدملك ولقاه سمعته بطالة هو واهله وناس بتوع مشاكل

ايييييييه ! يا ماما الكلام ده كله كدددددب

يا بت كدب ازاااااي ! عمك سلامة غير انه بعت مرسال يسأل ويتقصى راح سأل بنفسه واتأكد من كل حااااااجة

ايّوووووه يا ماماااااااا هو عم سلامة ده يعني كان ظابط مباحث ولا مخبر سري !!! ليه ما يكونش بيقول كدة عشان يبوظ الجواززززة ؟؟

ومصلحته ايه سلامة يختي انه يبوظ جوازتككككك !!!

ممممممم طبعا له مصلحة , ما انا لو اتجوزت انتِ هتصرفي يامَا على جوازتي , وهو بقى مش عايزك تدفعيلي مليم واحددد عشان كدة عايزني نبوروا ونقعدوا من غير جواز ويتهنى هو بمالك لوحدددده

يا بت عمك سلامة مش كدة , يا بت عيببببببب

عم سلامة مش كدة ! هو انا ننسى لما كنت بنسقط في المدرسة وكان بيقولك وفري فلوسك يا ألطاف البت دي مش نافعععة ؟

الراجل كان عنده حق , اديني صرفت عليكِ ألوفات يامَا وفي الآخر برضو سَقَطتي , الراجل كان قلبه عليا وعلى مااااااالي

يا سلااااااام ! وناسية لما كتبتيلي شقة بإسمي وقولتيلي دي الشقة اللي هتتجوزي فيها وهو أول ما عَرَف قعد يلومك ويبكت فيكِ وقالك المفروض عريسها هو اللي يجيب الشقة وما ترخصيش بنتك !!!

الراجل برضو قلبه كان عليناااااا قصده ان ممكن لما العرسان يلاقوا عندك شقة يجولك عشان خاطرها مش عشانك لذات نفسككككك

ايّوووووووه يا ماما ! هو انتِ كل حاجة تدافعي عنننننه !!! مممممم على العموم بكرة تعرفيه على حقيقته اوووووف 

********************************

اووووف اما نتصلوا بميمو نشوفوا هنعملوا ايه , ربنا  ينتقم منك يا سلامة الزفت انتتتتتتتتتت

ترررررررررررررررررررررررررن تررررررررررررررررررررررررررررررررررررررن

ايوة يا نوسة

شوفت المصيبة اللي وَقَعت على دماغنا يا ميمووو؟

في ايه يا بت وقعتي قلبيييييي

الزفت جوز امي شيّع ناس سألوا عليك , والناس اللي في شارعكو قالوا عليك كلام زي الهبااااااب , وطبعا وصّل كل الكلام لماما ومش عارفة ندافعوا عنك بولا كلممممممممة

ايّووووووووووووووو , يعني ايه يا بت ! حكايتنا باظت على كددددددددة !

انا مش عارفة نعملوا ايه يا ميمو

شكلك كدة هتعومي على عوم امك وجوزها وهتضحي بيااااااا

أنااااا ! ما تظلمنيش يا ميمو , احنا ما نقدروش نعيشوا ساعة واحدة من غيرك وربنااااا

طب هتعملي ايه بقى عشان تحافظي عليا ونتمموا جوازنا ؟؟؟؟؟؟؟

ممممممم مش عارفة , كله من الزفت سلااااااااااامة , لو مش موجود في حياتنا كان زمان كل حاجة عدت مية مية وحددنا معاد الجواز كماااااااااان

عليكِ نور , يبقى الراجل ده لازم يختفي من حياتنا عشان تعمررررر

يختفي !.................. ممممم هههه وربنا كلامك موزون وعشرة على عشرة

طب هتعملي ايه ؟؟؟؟؟

لا , سيبني نفكر ونتكتك براحتي , بس نستنوا كدة شوية لما الموضوع يهدا, سلام دلوقتي يا ميمو وهنكلموك بكرة

ماشي يا عسل , سلااااااااام

**********************************

رجع الاتواب دي مكانها يا مصطفى

حاضر يا استاذ ابراهيم , دي الست قريبتك جت

سلامو عليكو يا ابراهيم

اهلا يا تهاني اتفضلي اقعدي

متشكرة

ازي محمود وسلمى ؟

 بخير الحمدلله , انا جيت حسب المعاد عشان نسمعوا ردك بخصوص الموضوع اللي كلمتك فيه

بصراحة يا ام محمود انا زي ما قولتلك ماعنديش وقت ولا هنعرفوا نراعوا مالك , لكن عندي اللي يتاجرلك في المال ويديكِ حقك بما يرضي الله

حد تاني غيرك !!! طب وده نعرفوه منين عشان نأمنوه على مالي ومال ولادي !!!!

احنا نعرفوه ونضمنوه برقبتي , ما انتِ شوفتيه معايا قبل كدة

مين ده ؟

سامي مرشدي اللي جه معايا وعزاكِ

ايوة افتكرته , طب يعني الراجل ده مضمون بصحيح ؟ احنا هنحطوا بين ايديه شقانا كله

ما تخافيش , ده تاجر كبير وله اسمه وسمعته , غير انه معرفة قديمة وابوه كان صاحب ابويا الله يرحمه

الله يرحمه , خلاص يا ابراهيم , هتوكل على الله ونسلموه مالي

طب هو مستنيكي في محله عشان يتفاهم معاكِ

وهو فين محله ؟

قصاد محلي على طول

طيب , احنا هنقوموا نروحوله

اتفضلي

************************************

 جبتلك الشيّ يا رمضان ...شوف الزبونة اللي جاية دي

ماشي يا حمو  , عرفنا شغلنا هههه

سلامو عليكو

عليكم السلام يا ست الكل , طلباتك

انا عايزة الاستاذ سامي

استاذ سامي لسة ماجاش من صلاة العصر

طب ممكن نستناه

ايوة طبعا , كرسي للمدام يا حموووووو

 حاضررر , اتفضلي اقعدي يا ابلة

متشكرين

 اهو الأستاذ سامي جه اهو , يا استاذ سااااااااامي المدام عايزاكككككك

يا اهلا يا اهلااااا يا مداااااام , نورتي المحل اتفضلي على مكتبي

متشكرة يا استاذ سامي

******************************************

يا اهلا وسهلا ,تشربي ايه بقى

لالالا أنا مستعجلة عشان سايبة العيال مع اختي , ابراهيم قالي انه فاتحك في الموضوع

ايوة , أنا تحت أمرك , لقيتي بيعة للمحل ؟

لسة , ما رضيتش نعرضوه للبيع إلا لما نسمعوا رد إبراهيم

هو المحل ده فين ؟

في ميامي

على شارع عمومي ولا جواني ؟

لا شارع جواني بس على إمتين

ماشاء الله , ومساحته قد ايه ؟

يعني , حوالي اربعة متر في اربعة متر

حلو قوي , ده يوم ما يجيب مش هيجيب اقل من 600 الف جنيي

على العموم هنعرضوه للبيع من بكرة واول ما نبيع هنجيبولك الفلوس , لكن اتفاقنا هيبقى ازاي بقى ؟

شوفي يا بنت الناس , احنا مش هناخدوا منك اكتر من خمسة في المية

خمسة في المية بسسسس !!!

ايوة , انتِ صاحبة المال

ايوة لكن انت مش هتبخل بمجهودك ولازم تاخد حقك

وانا حقي وصل وزيادة يا بنت الناس ومش هناخدوا اكتر من النسبة دي , زي ما انتِ شايفة انا مش محتاج لفلوس , أنا بس وافقت عشان مش عايزك تتبهدلي ولا مالك يضيع مع ناس ما عندهاش ضمير ولا بيتقوا ربنا

تعيش يا استاذ سامي , خلاص كدة اتفقنا , ادعيلي بس نلاقي بيعة سريعة للمحل

ما تشيليش هم البيع , , اديني يومين بالكتير واحنا هنشوفولك زبون ياخد بالسعر اللي يريحك

خلاص اتفقنا ,  كتر خيرك , هنكتبولك عنوان المحل

اتفضلي ورقة وقلم اهم 

عم مرشدي جه يا استاذ ساااااامي, منور المحل يا عمناااااا

تعيش يا ولا يا حمو .....السلام عليكم يا سامي

ابويا ! عليكم السلام يا حاج , اتفضل اقعد مطرحي تعالى

لا يا ابني خليك زي ما انت .... ازيك يا بنتي

الله يخليك يا حاج

دي يا ابويا أم محمود اللي كلمتك عنها

ايوة ايوة , قريبة ابراهيم هلال ؟

ايوة هي

سامي قالي يا بنتي على ظروفك , معلش , ربنا يعينك على شيلتك, واي حاجة تعوزيها احنا تحت امرك

تعيش يا حاج , كتر الف خيرك

كويس ان ابويا جه عشان يحضر الإتفاق اللي بينا وتحل البركة بفضل رضاه ههه

الحاج بركتنا كلنا ومجيته دلوقتي خليتنا نتباشروا بكل خير وربنا

الله يسعدك يا بنتي , ان شاء الله تكون شراكة  مبروكة عليكو , نقروا الفاتحة

******************************************************

اشرب الشيّ يا سامي يا خويا , حطيتلك اربع معالق سكر زي ما بتحبه

تسلم ايدك يا كاميلو

تسلم يا اخويا ممممم ما قولتليش بقى , ايه حكاية أم محمود دي ؟

أم محمود ! لَحَقتي تعرفي يا بت !

هههه هو في حاجة بتستخبى ! ابوك قالي انا واحلام امبارح ... ما تتجوزها يا سامي

اييييييه ! نتجوزوا مين يا بت يا مخبولة انتِ !!!!

ايّووووه مخبولة ليه ! تكونش مش عاجباك ! طب ازاي ! ده بابا بيقول انها شابة حلوة وصغيرة

ايوة شابة حلوة وبنت حلال وما نقدروش نقولوا فيها تلت التلاتة كام

الله ! اومال مش عايز تتجوزها ليه بقى !

انتِ ناسية بدارة يا بت ؟

بدارة ! يا حبيبتي يختي , هي بدارة تتنَسَى برضو يا سامي ! دانا قلبي واجعني عليها زي ما تكون اختي وحتة مني

لما انتِ بتقولي كدة , اومال انا نقولوا ايه ! دي طيفها ما بيفارقش خيالي لا ليل ولا نهار

ايوة يا اخويا بس برضو احنا ما نعرفوش هترجع تاني ولا مش هترجع , وايش درّاك ما تكونش اتجوزت ؟؟؟

اتجوزت !!!!

ليه لأ ! ما انت مطلقها يا سامي , وجايز تكون لقت ابن الحلال اللي تتحامى فيه من قسوة الدنيا

................................. معقول !!!

الله أعلم يا خويا , أنا رأيي بقى انك تبص لروحك ولعمرك اللي بيجري منك , دي بنتك نورهان اسم الله كَبَرت ودخلت الثانوي , اتجوز ع الأقل تجيبلها اخ ولا اخت وما تتوحدش في الدنيا بعد عمر طويل ليك , ومن ناحية تانية احنا عايزينك تفرح ويبقالك ست تراعيك وتاخد بحسك بدل ما انت وحداني كدة

لا يا كاميليا , ما نقدرش نتجوز ونعيش حياتي وانا ما نعرفش حاجة عن بدارة  ولا نعرف هي مرتاحة ولا تعبانة ولا عايشة ازاااااي , انتِ ما تتصوريش احساس الذنب بيقطّع فيا ازاي يا كاميليا

تؤ , اووووف لا حول ولا قوة إلا بالله , والله ما عارفة نقولولك ايه يا سامي

ما تقوليش حاجة , ادعيلي نلاقي بدارة

**************************

خلف هذه الجدران,هبة عبد العظيم نور

**************************

هاي ميرووو

هاي رامي ازيك

ازيك انتِ..تعرفي اني كنت بدور عليكِ وهتجنن عشان اشوفك

هه ياااه

صدقيني لو ما كنتش شوفتك النهاردة كنت هتصل بيكِ اقلك وحشتيني وعايز اشوفك

هه ميرسي قوي يا رامي

ممم وانا وحشتك؟

أكيد

أكيد ايه؟

هه أكيد وحشتني

ههه ميرسي

اطلبلك جريب فروت زيي؟

لا مش هقدر اشرب حاجة دلوقتي..على فكرة عيد ميلاد مام بكرة,عاملينه في الفيلا بتاعة جدو

أها,الدكتور هاشم الحسيني؟

ايوة برافو عليكِ ههه هتحضري طبعاً

اعتبر دي عزومة؟

اومال يعني هتعتبريها ايه!..وبعدين انا جاي النادي مخصوص عشان اعزمك

يفرق معاك وجودي في الحفلة؟

طبعاً يا مريهان,انتِ عندك شك!..هتصدقيني لو اقلك انك بقيتي حاجة مهمة قوي في حياتي؟

أكيد هصدقك,عشان ده نفس احساسي بيك يا رامي

هه كل يوم اعجابي بيك بيزيد,بجد انتِ شخصية جميلة قوي,مش متهيألي انك ممكن تتكرري تاني في زمننا ده..أنا...أنا بحبك يا ميرهان

...متأكد من مشاعرك يا رامي؟

مشاعري ناحيتك أعمق وأصدق مشاعر ممكن تقابليها

ميرسي قوي يا رامي على مشاعرك الجميلة دي

...طب وانتِ؟ بتحبيني؟

شوف يا رامي,الشعور بالحب مش حاجة سهلة عشان نعبر عنها بسهولة,لازم نكون متأكدين من مشاعرنا قوي

بس أنا متأكد من مشاعري

يبقى اديني فرصة أنا كمان عشان اتأكد من مشاعري..وقتها هعلنلك عن حبي بكل صراحة ومن غير ما تسألني عن مشاعري

................................................................

بتبص في عنيا كدة ليه؟

عنيكِ فيها حاجة غامضة بتجذبني

هه وبعدين بقى يا رامي!..أطلبلك جريب فروت؟

ايوة

لكن ما قلتليش هنتقابل بكرة ازاي عشان نروح الحفلة؟

أنا هعدي عليكِ بعربيتي ونروح الحفلة سوا

تمام يا رامي,اتفقنا

اطلبي الجريب فروت بقى ههه

هه يا مترررر

**************************

خلف هذه الجدران,هبة عبد العظيم نور

**************************

لولوووو انا رايحة الكوافير عشان اغير الوانات شعري , النهاردة عيد ميلادي لولووووو

كل سنة وانتِ طيبة يا نسرين هانم ههه عقبال 100 سنة

ثانك يو لولو , تفتكري بعد 100 سنة لولو أعمل عيد ميلادي فين ؟

نعمممم !!! ربنا يديكي الصحة والعمر , يبقوا الورثة يعملوه مطرح ما يحبوا بقى

مين ورثة دول !!!

ههه نسلك ونسل نسلك يا نسرين هانم

ايه زملك وزمل زملك دي ! كلامك غريب غربنة ما حصلتش , خليني في عيد ميلادي السنة دي , تعرفي هعمله فين ؟

فين يا ست نسرين هانم ؟

عند بابي في الفيلا , هنعمل بيج بارتي وكل اصحاباتي واصحابات رامي وايتن هيجو ههه تيجي معانا لولو ؟

لا معلش يا هانم , كفاية عليا قلتلك كل سنة وانتِ طيبة , احضري انتِ الحفلة واتهني

اوكيه , باي , هعدي على رشا سافلتي اعزمها , مع اني مش بحبها خااااااالص

الطيبات لله , مع السلااااااااامة

مين سلامة ده ! كلامها عجيبي لولو , مش فهمانة منها حاجة خااااالص

****************************************************

ترررررررررررررررررررررررررن

مييييييييين ؟

افتحي رشا , انا سينووووو

اووووووف عايزة ايييييييييه ؟؟؟

ههه النهاردة عيد ميلاااااااااادي

 هههه عيد ميلادك !!! يا شيخة احترمي سنك

انا فعلا بحترم سني عشان كدة بعمله عيد ميلاااااااد , انتِ اللي مش تحترمي سنكككك

هههه عيد ميلاد ايه يا ام عيد ميلاد !!  يا شيخة عيب عليكِ , دانتِ ولادك بقوا زي الشحووووطة

مش ليكي دعوة بولاداتي يا رشااااا , انا ولاداتي فخرانين بيا عشان انا مامي جميلة ولذيذة وامورة وبعمل عيد ميلاد , لكن انتِ مامي تخينة وفشلة واكيدي اكيدي ولاداتك بيتكسفوا موت يقولوا ان انتِ مامي بتاعتهم , ريلي صعبانين عليا مووووت

 موتة تاخدك يا شيخة , إن  شاء الله يكون آخر عيد ميلاد في حيااااااااتك

اهو انتتتتتتِ , انا لسة عندي عيد ميلادات كتير وانتِ لأ . شوفي رشا مع اني مش بحب اشوفك ولا اسمع صوتك الوحش , بس انا جيت عشان اعزمك تيجي البارتي , عند بابي في الفيلا , بس بليز البسي هدوم هاي فاشون عشان مش عايزة فضيحات قدام ساندرا وباكينام وهايدي وبقيت الشلة

هههه هاي فاشون !!! عايزاني البس فستان سواريه زي بتوعك ؟؟؟

نيفر , مش هتلاقي زي بتوعي , كله من باغي . انتِ بتجيبي من العتبة , مش كدة ؟

وانت مالك انتِ اجيب منيييين ! انا اصلاً مش هحضر عيد ميلادك يا نوغّة هههه انجغا يا صغنووونة , ولادها اطول منها وبتعمل عيد ميلاد , عن اذنك هقفل الباب عشان جايب هوا بعفااااااار

وات ايه سوسي وماااان , ست فالجر ولسانها مش متررررررربي

******************************************

هههه منورة الكوافير يا نسرين هانم

ثانكس ريمو , على فكرة ايتن بنتي وواحدة من صاحباتاتها هيجو كمان شوية يعملوا شعرهم

الأنسة ايتن تنور هي وكل صاحباتها .. ايه ده يا نسرين هانم ههه شعرتين بيض !!

نوووووو ريمو نووووووو ! شعرتين ابيضات بحالهممممم ! دول اكيدي مش بتوووعي ,اوفتي بقى, اكيد حد عامل فيا مقلب سخيف , اكيد رشا سافلتي خلعتهم من شعرها وحطتهوملي وانا مش وخدانة باااااالي , انا غلطانانة اني روحت اعزمها على عيد ميلادي

ههه يا هانم ما ينفعش حد يحط لحد شعر ابيض , دول بتوعك انتِ

بتوعي انا ! منين جم ريمو !!!

ههه ربنا يديكي الصحة والعمر يا نسرين هانم . الزمن هو اللي جابهم

طب قوله ياخدهم يا ريمو , انا مش عايزاهممممم

ههه ممكن نغير لونهم بسهولة , بس اقولك على معلومة بقى . لما تلاقي شعرة بيضا ما تشديهاش , لإن كدة الشعر الأبيض هيكتر بصورة احنا مش عايزنها

انت خبيث ريموووو , ليه مش قولتلي على المعلوميات دي قبل كدة !

ههه اسف والله , لما شوفت الشعر الأبيض في راسك افتكرت اقولك

****************************************

صباح الخير يا دكتور هاشم

أهلاً يا عصام ,صباح النور,ايه اخبار الحالة اللي في غرفة تلتومية واتناشر؟

كويس قوي,في تحسن ملحوظ

طيب تمام,الحالة دي تهمني لأنها من طرف صديق عزيز

تحت أمرك يا دكتور

ايه يا سيدي,جبت هدية لنسرين؟

هدية لنسرين!..عشان عيد ميلادها النهاردة يعني؟

ايوة

بس حضرتك عارف اني ما بحضرش أعياد ميلادها,مابحبش الشلة بتاعتها والتصرفات الغريبة اللي بيعملوها,وكمان رامي بيعزم أصحابه ودول شلة منحلة

في الحقيقة انت اللي معقد يا عصام

معقد!!

اسمع يا عصام..انت لازم تحضر الحفلة السنة دي عشان انا عازم ناس كبار قوي ويهموني,كمان الدكتور فخري ابو اليزيد هيحضر بنفسه

هه يااااه الدكتور الكبير فخري ابو اليزيد استاذنا هيحضر الحفلة؟

شفت بقى انك لازم تكون موجود

فعلاً عندك حق,لازم احضر الحفلة السنة دي ,وهحاول اتغاضى عن التصرفات اللي بتستفزني وتثير أعصابي

طيب ما تنساش تجيب هدية حلوة لنسرين,أنا جبتلها عربية جديدة,وهديلها المفتاح في الحفلة

هه تعيش وتجيبلها يا دكتور هاشم,أنا بقى هروح للجواهرجي واختارلها هدية شيك

طيب يا عصام,نتقابل في الحفلة

******************************

ماميييي,هابي بيرث داي تو يو اموووه

ثانكس ايتن ماي بيريتي دوتر

شوفي هديتي ليكِ مامي,مجموعة برفانات من باريس واووو,هيعجبوكِ موووت

واوووو,مين جابهوملك من باغي ايتن؟

مامت كيندا صاحبتي

أها,دفعتِ كتير طبعاَ

باليورو عشان خاطرك مامي ههه

ثانكس ايتن,ثانكس كتير عشانك

طيب اروح لصحباتي بقى مامي

ويت ايتن,استني..فين رامي؟

رامي لسة ماجاش هو والشلة,اكيد قربوا يجوا

اوكيه,روحي لصحباتاتك بقى

اوكيه مامي اموووه

سينوووو,هابي بيرث داي تو يوووو

ههه بااااااااكي,ثانك يو باكي

اتفضلي هديتك

ثانكس

اومال فين رامي ابنك؟

رامي لسة مش جه

يا ريت يجي بسرعة,أصله بيعمل جو  رهيب في الحفلة

هه ثانكس,جاي حالاً

واووو,ده جوزك قاعد مع باباكِ على الطرابيزة اللي هناك,أول مرة اشوف جوزك في حفلة عيد ميلادك ههه ايه السبب يا ترى؟ هو اتغير وبقى فريش ولا ايه؟

نو باكي نوووو,صاصو هو صاصو,هو بس جه البارتي عشان في دكتور كبير يهمه موجود

أها,عشان كدة بقى..طيب اكسيكيوز مي,هروح اسلم على باباكِ

اوكيه ,تعالي بسرعة مش تعملي غيبانات هناك

هاي سينووو,هابي بيرث داي تو يو

ههه هاي ميريت,اتأخرتِ كتير

*****************************************

ههه والله يا دكتور فخري أول ما دكتور هاشم قالي ان حضرتك هتحضر الحفلة جيت على طول عشان احظى بشرف مقابلتك ,رغم اني مش من هواة الحفلات

هه متشكر جداً يا عصام,سعيد بمقابلتك جداً,كل سنة والمدام طيبة

وحضرتك طيب..يييي,دي صاحبة نسرين جاية على هنا

هاي انكل هاشم

اهلاً,هاي باكينام ههه,ازيك

فاين انكل,كل سنة ونسرين طيبة

وانتِ طيبة يا باكي..دي باكينام,من أعز صديقات نسرين بنتي يا دكتور فخري

تشرفنا مدام باكينام

ميرسي..ازيك دكتور عصام

أهلاً

طيب اسيبكو واروح لسينو بقى

اتفضلي يا حبيبتي..ايه يا عصام,دي طريقة تكلم بيها صاحبة مراتك!

المفروض اعملها ايه يعني!

المفروض تحييها وتقولها اتفضلي اقعدي

تقعد فيييين!!

يا ابني نوع من المجاملة الاجتماعية ههه,شايف يا دكتور فخري,الجيل ده ما بيعرفش يتعامل مع الجنس اللطيف زينا أبداً

ههه طول عمرك تقدّر الجنس اللطيف يا هاشم

هههه لا انت لسة ما شفتش الجنس اللطيف الصغير,صاحبات ايتن حفيدتي,صاحبات نسرين مهما كان خنشروا وراحت عليهم

ههه اومال ستاتنا احنا يتقال عليهم ايه يا هاشم!

يا اخي يروحوا يتدفنوا ويرحمونا بقى ,كفاية اذى

هههههههه,اما انت عليك كلام يا هاشم

**************************

خلف هذه الجدران,هبة عبد العظيم نور

**************************

شرفتنا يا دكتور فخري.والله مش قادر أوصف لحضرتك سعادتي قد ايه اني قابلت حضرتك النهاردة,بجد حدث تاريخي بالنسبة لي اللقاء العظيم ده مع نابغة من نوابغ الطب زي حضرتك

متشكر يا عصام يا ابني,انا سامع عنك كلام كويس جداً..نجمك سطع في عالم الطب وبقيت ملء السمع والبصر

هه تليمذك يا أستاذي,الفضل بعد ربنا سبحانه وتعالى لحضرتك

أنا نظرتي فيك كانت في محلها..فاكر لما كنت بقولك انك هتبقى دكتور هايل يا عصام؟

هه ايوة طبعاً فاكر

وادي نبوءتي اتحققت

الحمدلله يا دكتور فخري,اتفضل العصير

متشكر..اومال هاشم راح فين؟

بيسلم على مجموعة من الدكاترة وبعض معارفه وجاي على طول..اتفضل العصير حضرتك

شكراً يا عصام

أهو الدكتور هاشم جه

اتأخرت عليك يا فخري؟

لا اتأخرت ولا حاجة

معلش بقى انت عارف المناسبات اللي زي دي,لازم نرحب بده ونجامل ده

هه طبعاً يا سيدي,أومال ولادك فين يا عصام؟

أيتن موجودة مع صاحباتها ورامي لسة ماجاش,لحظة هنادي ايتن تسلم على حضرتك,ايتن,يا ايتنننن

كامينج دااااد

**************************

خلف هذه الجدران,هبة عبد العظيم نور

**************************

تعالي يا ايتن سلمي على دكتور فخري,ده بقى استاذنا كلنا واتعلمنا الطب على ايديه

هه هاي دكتور فخري

أهلاً يا حبيبتي, وانتِ بقى بتدرسي ايه؟

بدرس إدارة أعمال  في الجامعة الاميريكية

هه هايل,رغم اني كنت متوقع انك بتدرسي طب عشان تبقي دكتورة عظيمة زي باباكِ

نووو,الطب مش ميولي خالص

هه ربنا يوفقك يا حبيبتي

ثانكس,اكسكيوز مي

اتفضلي

الله ! ده رامي حفيدي وصل اهو هو والشلة الظريفة بتاعته

**************************

خلف هذه الجدران,هبة عبد العظيم نور

**************************

تعالوا يا شلة الفشلة ورايااااا

راااااامي,ماي صن

ماااااام,هابي بيرث داي تو يو مااااااام ههه اموووه ايه الجمال والشياكة دي يا مام! ريلي,نوك اوت ليدي,ست جميلة جداااً ماحصلتيش مااااام

هههه ثانك يو رامي,كلامك رقيقان كتير,مش طالع لباباك,كلامه كله ريحته بنج وتصرفاته كلها صدمات كهرباتية

هههههه حد قالك اتجوزي دكتور! انتِ ما كانش ينفعك غير شاعر عشان طول النهار يكتب قصايد شعر في جمالك ورقتك مام

واوووو واووووو واووووو,انت ولد صو رومانتيك,يا بخت البنوتة اللي تتجوزك

هههه ثانكس مام..ميرهااااان,تعالي..مام,اقدملك ميرهان صاحبتي

هاي ميرهان,هاو دو يو دو؟

فاين,كل سنة وحضرتك طيبة يا طنط

وانتِ كماني طيبة

على فكرة يا مام,مامت ميرهان رقاصة شرقي هاااااايلة

واووو,وانتِ كمان رقاصة ميرهان؟

لا لا يا طنط,أنا واخدة كارير غير كارير مامي خالص,مع اني فخورة بمامي لانها بتقدم فن هادف

أي نو,الرقص الشرقان ده حاجة حلوة كتير,انا اسمع ان في بنات اجنبيات بيرقصوا رقص شرقان كماني عشان هو حاجة عالمية

فعلاً يا طنط,لكن مهما عملت الرقاصة الاجنبية عمرها ما هتوصل للرقاصة الشرقية الأصيلة

أي نو,فعلا مش يوصلوا للرقاصات بتوعنا,مش في حد يعرف يترعش جامد جامد زيهم,وبيلفوا كتير كتير على المسرح ومش بيدوخوا,دول هايلين موووت

ميرسي يا طنط

عن اذنك يا مام ,تعالي يا ميرهان اعرفك على داد وجدو هاشم

اوكيه رامي,عن اذنك يا طنط

باي ميرهان

**************************

خلف هذه الجدران,هبة عبد العظيم نور

**************************

جدوووو هههه هاي جدو,ايه الحلاوة ددددي

ههههه أهلاً يا شقي,ده رامي ابن بنتي نسرين والدكتور عصام ,سلم على الدكتور فخري يا رامي

أهلاً يا دكتور فخري

أهلاً يا رامي يا حبيبي,كل سنة ومامتك طيبة

وحضرتك طيب

هاي داااااد

أهلاً

أهلاً بيك ههه..جدو,اقدملك ميرهان صاحبتي,شخصية خرافييييية,وتبقى بنت الفنانة عنب الشام الرقاصة

ههه أهلاً يا حبيبتي,انتِ حقيقي بنت الرقاصة المحترمة عنب الشام؟

هه ايوة ,اظن حضرتك تعرفها,مامي على طول بتعمل التشك اب عندكو في المستشفى

طبعاً اعرفها,وهل يخفى القمر! ههه..الدكتور عصام كمان يعرفها,مش كدة يا عصام؟

ماخدش بالي

معلش يا ميرهان,أصل داد مالوش في الرقص والفن وكدة

ايه!!.طب سيبني اقنعه

لاااااا,معلش,فرصة تانية,عن اذنكو يا جماعة

**************************

خلف هذه الجدران,هبة عبد العظيم نور

**************************

راااااااامي هاي

هاي كارما,دي كارما يا ميرهان,من شلة النادي

أها عارفاها, هاي كارما

هاي ميرهان..رامي هو فين جدك عشان اسلم عليه

جدو هناك اهو,قاعد مع داد ودكتور صاحبهم

اوكيه,هروح اسلم عليه واستناني عشان هنرقص مع بعض أول رقصة

لااا,أول رقصة مع مام, ولا ناسية ان ده عيد ميلادها!

ههه خلاص اوكيه ,احجزلي تاني رقصة

اوكيه كارما

**************************

خلف هذه الجدران,هبة عبد العظيم نور

**************************

هاي جدووو

هاي يا أمورة

انت مش فاكرني؟

مش واخد بالي

أنا اللي جيت مع رامي في عربيته لما جالك الفيلا

ايوة ايوة افتكرت ههه حتى بالأمارة اسمك فارما

فارما ايه يا جدو! أنا اسمي كارما

ههه جميل جميل..كارما انتِ نورتي الحفلة

ميرسي يا جدو..ممم عمو هو انت الداد بتاع رامي؟

اووووف ايوة

ههه هاي..جدو,عن اذنك بقى عشان هروح ارقص

هترقصي لوحدك! وانا روحت فين!

ههه هترقص معايا يا جدو؟

ههه وليه لأ! أنا برقص كويس قوي..جربيني

اوكيه,لما يبدأ الرقص هاجي أخدك

وانا مستنيكِ يا حلوة

**************************

خلف هذه الجدران,هبة عبد العظيم نور

**************************

ماااااام يلا عشان نرقص صلصة

اوكيه رامي,يلا صلصصصصصة

شايف يا عصام,الولد ابنك رامي ده ولد رهيب,رقّص امه

اوووووف,طيب يا رامي يا نكبة عمررري

**********************

رااااامي,يلا أنا جاهزة لتاني رقصة زي ما وعدتني

اوك كارما,طيب لحظة واحدة هقول حاجة لميرهان

ميرهان,تحبي ترقصي راب ولا صلصة؟

لالالا رامي,أنا ما بحبش الرقصات دي خالص

اومال بتحبي ترقصي ايه؟

مش بحب غير التانجو

ههه اخترتِ الرقصة الوحيدة اللي ما بعرفش ارقصها,جربي ترقصي راب

لا يا رامي,دي رقصات كلها تنطيط وما فيهاش أي احساس,لكن التانجو دي رقصة حالمة وبتاخدك لعالم بعيد

انتِ هايلة يا ميرهان,بجد انتِ غيرررر

هه روح لاصحابك وارقص زي ما انت عايز,أنا هتفرج عليك

تتفرجي على ايه بقى!دانتِ حسستيني اني هايف وبرقص رقص هايف بعد اللي سمعته منك

رامي أنا مش جاية هنا عشان أحجر على تصرفاتك,من فضلك روح ارقص واستمتع بوقتك زي ما انت عايز,وإلا هعتبر نفسي ضيفة تقيلة ومقيدة حريتك وهمشي

لالالا ارجوكِ

يلا يا راااااامي يووو بقالي كتير مستنييية

اوكيه كارما,جاااااي...مش هتأخر عليكِ يا ميريهان

مستنياك يا رامي

انا جيت يا كارما يلاااااااا

ايه يا ابني البنت اللي من العصر الحجري اللي انت قاعد معاها دي!ولا بترقص ولا بتتحرك من مكانها,قاعدة زي التمثال ,دي اوت اوف فاشون خالص,وبعدين ايه التسريحة اللي هي عاملاها دي!لمالي شعرها وعملالي كوعويرة في النص ههه ويادوب خصلة شعر على الجنب

مش احسن من تسريحة شعرك اللي عاملة زي امنا الغولا ! ههههههههه

دي مووووضة مووووووضة افهم بقى يا ابني,والله شكل البت دي بهتت عليك

طيب يلا نرقص

********************************

تعالي يا ميرهان اعرفك على اختي ايتن...ايتنننن

هاي رامي

تعالي...اعرفك,دي ميرهان,اعز صاحباتي

هاي ميرهان,هاو دو يو دو؟

تمام,انتِ ازيك

فاين

كل سنة ومامتك طيبة

وانتِ طيبة,اكسيكيوز مي بقى عشان رايحة لصحباتي,باي

باي ايتن

ايه رأيك في أيتن اختي؟

جميلة ورقيقة قوي ممم وفيها شبه كبير منك

طبيعي,ما هي توأمتي ههه

***********************

هههه والله يا فخري ما تتصور رد فعل الدكتور محمد عبد الحافظ كان ايه مع المريض ده...دي البنت اللي اسمها كارما صاحبة رامي جاية تاني ههه حلوة البنت دي

جدوو,مش هتيجي بقى عشان نرقص

هههه نرقص يا حلوة,بس بلاش جدو دي,خليها دكتور هاشم

اوكيه دكتور هاشم,يلا بقى

ههه عن اذنك يا دكتور فخري,هروح ارقص واعيد شبابي,من جاور الشباب يرجع شباب تاني

ههه والله يا هاشم انت غريب

رايح فين يا دكتور هاشم!

اوعى يا عصام,البنت مستنياني والمزيكا هايلة هههههه

اوووف راجل متصابي صحيح..الراجل ده اتجنن ولا ايه!..الواحد محرج من الدكتور فخري

حماك ده مش عايز يعترف بسنه أبداً يا دكتور عصام

ممم شرفتنا يا دكتور فخري

**************************

خلف هذه الجدران,هبة عبد العظيم نور

**************************

يلا يا ميرهان تعالي,مام هتطفي الشمع

اوكيه يا رامي

يلا يا مام عشان تطفي الشمع

اوكيه رامي,جاااااية,ساندرااا,باكي,ميريييت,هاااااايدي,يلا كم اون هير,هنطفي الشمعات

اوكيه سينوووو

********************************

داد,مش هتيجي تقف جنب مام وهي بتطفي الشمع؟

البركة فيك يا سيدي

ثانكس داد ههه,يلا يا أيتن

هو دادي مش عايز يتحرك من مكانه ليه يا رامي؟ ده حتى ولا كلم مامي كلمة واحدة ولا قالها هابي بيرث داي

أنا مش عارف هو ايه اللي جايبه أصلاً يا أيتن ههه

ههه يلا اطفوا النورررر,هابي بيرث داي تو يو ماااامي امووه

ههه ثانكس ايتن

هابي بيرث داي تو يوووو,هابي بيرث داي تو سينووو,هابي بيرث داي تو يووو

*****************************

رامي,أنا لازم أمشي دلوقتي,أنا اتأخرت قوي

أوك ميرهان,على العموم الحفلة خلصت,يلا عشان أوصلك

**************************

خلف هذه الجدران,هبة عبد العظيم نور

**************************

بتسوق بالراحة كدة ليه يا رامي؟

مش عايز الوقت يعدي بسرعة والاقي نفسي قدام فيلتكو وتسبيني

ههه

عجبتك الحفلة؟

لطيفة

أنا عارف انك ما بتحبيش الدوشة وكنتِ متحملة عشان خاطري

هه ما تقولش كدة,كانت حفلة لطيفة بجد..كفاية انك كنت فيها

ممم معناه ايه الكلام ده بقى؟

هه هي الساعة بقت كام؟

واحدة وربع

يااااه,أنا اتأخرت قوي

واحنا وصلنا عند الفيلا بتاعتكو..الوقت جري بسرعة قوي

.......رامي

نعم

أنا بحبك

يااااااااااه! بجد يا ميرهان؟مش مصدق,طب قوليها تاني ارجوووكِ

ههه خليني انزل بقى

على العموم كفاية عليا اني سمعت منك أجمل كلمة كنت بتمنى اسمعها

تصبح على خير يا رامي

وانتِ من أهله يا ميرو