الحلقة الرابعة والثلاثين(ف2)

ترررررررررررررررررررررررررررررررررررررررررررررن تررررررررررررررررررررررررررن

ده بابا , الو يا بابايااااااااا هههه

ازيك يا حبيبة ابووووووكِ

بخير وتمام التمام يا جمييييييل

كنتي بتعملي ايه يا بت ؟

هعمل ايه يعني ! قاعدة بذاكر

ايوة كدة شدي حيلك في المذاكرة,انتِ أخر سنة في الجامعة , معلش هنعطلك شوية , في حد عايز يكلمك ومتشوقلك

هههههه احمد طبعا , اديهووووولي

لا مش احمد , دي البت نورهان بنت اختك

ايه !!!!! نورهان بنت ابلة اوسا ؟

ايوة , نفسها تكلمك قوي , هتكلميها ؟

ايوة طبعا يا بابا ادهالي

خدي يا نورهان كلمي خالتك

هههه هات يا جدو , ازيك يا خالتو رحمممممممة

هههههههههههههههههههههههههه خالتو رحمة !!!! يا نونووووو

مممممم انتِ زعلتي عشان قولتلك يا خالتو !!!!

لالالالالا والله ابدا يا نورهان يا حبيبتي , انا بس فرحانة عشان اول مرة اسمع الكلمة الحلوة دددددي

مممم يعني انتِ مبسوطة عشان بنكلمك يا خالتو ؟

طبعاااااااا, انتِ حبيبتي يا نورهاااااااان ,تعرفي انا حبيتك قوي من اول ما سمعت صوتك

انا بحبك من قبل كدة بياما يا خالتو, اقولك حاجة وتصدقيني ؟

قولي يا نورهان

انا معايا صورة ليكِ , اخدتها من جدو , ولما كنتِ توحشيني كنت نطلع الصورة ونبوسوها ونرجعوا نشيلوها في الدرج تاني

يا حبيبيتتتتتتتتي! , انتِ حنينة قوي يا نورهاااااااان, نفسي اشوووووووفك

واحنا كمان نفسنا نشوفوكِ يا خالتو , ابقي تعالي في الأجازة

طيب ما تيجي انتِ مع بابا , هو بيجي كل اسبوع زي ما انتِ عارفة

ماما مش هترضى يا خالتو , عشان خاطري تعالي انتِ

هه إن شاء الله يا نورهان , انا هسيف رقمك عندي وابقى اتصل بيكي على طوووول  أمووووووه

هههه ربنا يخليكِ ليا يا خالتووو  أموووووه  , مع السلامة

باي باي يا حبيبتي

كنتي بتكلمي مين يا رحمة ؟

ههههه مش هتصدقي

ليه يعني !

نورهان

مين نورهان دددددي ! يا بنتي هو انتِ كل يوم والتاني تتصاحبي على اشكال والوان ما اعرف بتجيبيهم منيييييين !

ههه لا يا ماما دي مش صاحبتي , دي نورهان بنت ابلة اوسا

بنت مييييييييين ! ودي عايزة منك ايييييييييه ! تلاقيها متصلة عشان تشتمنااااااااا

ايه يا ماما في ايه ! والله ظلمتيهااااااا , دي بنت رقيقة وطيبة بشكل مش هتتخيليه , تحسي مشاعرها خام كدة يا ماما , بتعبر عن اللي جواها ببراءة

براءة ! يعني كانت عايزة منك ايه يعني ؟

ابدا , ده بابا اللي اتصل وادهالي عشان اكلمها , بتسلم عليا عادي يعني

طيب يختي , ان كان نيتها حلوة تتردلها وان كانت نيتها ردية تتردلهاااااا , خلي بالك منها يا بت وما تزوديش في الكلام معاها وتطلعيلها اسرارنااااااا , الله أعلم يمكن سعاد مشيعاها تتجسس علينااااااا

ههه والله يا ماما عليكِ كلام غريببببببب , محسساني ان احنا شخصيات سياسية مستهدفة دوليا

 مش فاهمة من اللي بتقوليه حاجة , أنا رايحة عند بهيرة يا بت نشربوا معاها الشيّ

ماشي يا جمييييييل مع اني كنت عايزة مج نيسكافيه من ايديكي الحلوين , بس يلا مش مشكلة  , اقوم اعمل انا بعد ما اصلي العصر وبعدين اجي اكمل مذاكرة , سلميلي على طنط بهيررررررة

يوصل يختي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

استني يا نورهان قبل ما تمشييييييي ,بنقولولك ايه, اديني كشكول الجغرافيا عشان ننقل الدرس و نرجعوهولك بكرة

ماشي يا رنا , بس اوعي تنسيه الله يخليكِ

لا ما تخافيش

اتفضلي اهو

شكرا يا نورهان , ما تستني نمشوا مع بعض

لا يا ستي , انتِ لسة بتستني صاحباتك وانا مش عايزة نتأخر وإلا ماما تطين عيشتيييييي

لا وعلى ايه هههه روحي احسن , على فكرة مامتك باين عليها شديدة قوووي

وانتِ عَرَفتي منين ؟

لما اتصلت بيكي من يومين وردت عليا , بنقولولها يا طنط عايزة نكلم نورهان , راحت قالت ده وقت تتَصَلي فيييييييييه ! قولتلها اسفة يا طنط اصل عايزة نورهان ضروري , راحت قالت اوووووف استني اما نشوفوهالك ....بجد الله يكون في عونك يا نورهان

ممممم عادي , انا اخدت على كدة , باي باي بقى يا رنا

باي باي يا نورهان , مسكينة والله , بتصعب عليا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

انتِ يا امورة , يا حلوة , بنقولولك ايه , القلم ده وَقَع منك

لا , القلم ده مش بتاعي

هههه ازاي بقى ! دانا شايفه بعنيا وهو بيقع منك

بنقولولك مش بتاااااعي واوعى من طريقي خليني امشي

هههه ماشي يا عسل , على فكرة , انتِ حلوة قوووي

اوووووووووف اوعى

ههههههههههههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ياربي , هو الترام اتأخر كدة ليه , ربنا يستر بقى , ماما هتطين عيشتي لو اتأخرت , جدو عادل مش بيقدر عليها

يا حلووووة هههه لسة برضو بتقولي ان القلم ده مش بتاعك !

ايّوووووووه هو انت برضو !

ايوة انا هههه

انت عايز مني اييييييه ؟

ولا حاجة , معجب بيكِ وعايز نتعرف

اوعى يا ولا لنادولك العسكررررررررري

ههههههه اترعبت أنا

اووووووف الحمدلله الترام ججججججه

هههههه طب حاسبي وانتِ بتجري , بت عسسسسسسسل هههه وربنا عسل , ايّوووووووووووووووه الحلاوة الاسكندراني ما يعلاش عليهاااااااااا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ترررررررررررررررررررررررررن ترررررررررررررررررن

ايّووووووه دي ماما متصلة بيا , تلاقيها هتبهدلني وتقولي اتأخرتي ليه , الوووو ايوة يا ماما

انتِ فين يا بتتتتتتت ؟

والله يا ماما لسة خارجة من المدرسة , اصل ابلة الناظرة حبست الفصل كله وكانت معاقبانا عشان شوية بنات في الفصل كانوا عاملين مشاكل مع المدرسين وخدت اسمائهم وشيّعت معاهم جوابات استدعاء اولياء أمور

وانتِ من البنات دول يا بتتتتتتت ؟

ابدا يا ماما والله , دي حتى ابلة الناظرة بتحبني وبتقول عليه هادية

خدي الترام وتجيلي هنا اسرع من البررررررق , فاهمة ولا لااااااا؟

حاضر يا ماما , انا رايحة المحطة جري اهووو سلاااااااام ااااااااااااااااه

حاسبييييييييييييييي ايّووووووووه اديكِ اتكعبلتي ووقَعتي

ااااااااااه رجلي اهئ اهئئئئئئئ

هاتي ايدك

شكرا يا ............ ايه ده !!!!! هو انت برضوووووووووو !

هههه جينا في الوقت المناسب , مش كدة ! استني اما ننفضلك هدومك اللي اتّربت دي

اوعىىىىىىى اياك تمد ايدك علياااااا

ههههه تعجبيني , رجلك لسة بتوجعك ؟

ايوة , اوعى بقى عشان عايزين نمشي

هتمشي ازاي ورجلك بتوجعك كدة !

............... انت عايز مني ايييييه ! كل شوية نلاقوك قدامي ليييييييه ! انت مييييييين ؟

نسيم

اسمك نسيم ؟

ايوة

طيب عايز مني ايه يا نسيم ؟

ولا حاجة , لما لقيتك وَقَعتي جيت عشان ناخد بإيدك

يعني انت مش عايز مني حاجة وحشة ؟

هه حاجة وحشة يعني ايه ؟

بصراحة اصل انا كنت فاكراك قليل الأدب وبتعاكسني 

هههه ليه ؟

عشان انت قلت اني حلوة

هو عشان قلتلك انتِ حلوة نبقى قليل أدب ! يعني انا لو بصيت للقمر وقلت عليه شكله حلو ومنور الدنيا يبقى بنعاكسوه ! انا بس قلتلك الحقيقة , والحقيقة انك حلوة , أنا ماشي قبل ما تفتَكري اني عايز منك حاجة وحشة , سلاااااااام

مممم الله يسلمك يا نسيم , باين عليه مؤدب , حتى ما سألنيش عن اسمي ممممممم طيب لو هو مش بيعاكسني, ليه بنلاقوه كل شوية في طريقي ! ممممم جايز صدفة , او يكون ساكن قريب من هنا , ايّوووووه يا خبر , اتأخرت ع التراااااااام ااااااه يا رجلي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

فين عباس يا ولا يا حمووووووو؟

راح يجيب بضاعة من المخزن للزبونة دي  يا استاذ سااااااامي

طب روح هاتلي واحد شيّ من القهوة

هوا يا استاذ ساااااامي , ايّوووه ههه ده الأستاذ ابراهيم هلال جايلك

يا مرحب بالحبيب الغاااااالي هههه خليهم اتنين شيّ يا ولاااااااا

هوا يا استاذ ساااااااامي , ازيك يا استاذ ابراهيم باشاااااااا

ههه ازيك يا حمو وازي عيالك ؟ تلاقيهم كَبَروا

ايوة كَبروا وشبعوا كَبَر والبت الكبيرة اتخطبت الله يسامحها

ههههههههه انت زعلان عشان البت اتخطبت ؟

لا زعلان ولا حاجة , بس مصاريف جواز البنات يامَا والولية ام العريس طالبة طلبات علّيوي زي ما تكون هتهادينا بعم ابو زيد الهلالي 

هههه الله يعينك , واحنا مش هنتأخروا عنك , أي حاجة البت تعوزها تجيلي على طول

ربنا يخليك لينا يا استاذ ابراهيم باشاااااا هههه ثواني هنجيبوا الشيّ , اتفضل , اتفضضضضل المحل محلك وربنااااااا

تعيش يا حمو , سلامو عليكو يا سامي ههه

ههه اهلا باخويا الغاااااالي, ازيك يا ابراهيم

الحمدلله يا سامي يا اخويا  ,  ازي عم الحاج مرشدي

كويس الحمدلله

وربنا عايز نزوروه بس الوقت بيتاكل أكل , على بال ما نقضوا كام مصلحة نلاقوا الليل جه

الله يكون في العون يا ابراهيم , العيال عاملين ايه ؟

اهم كويسين , في عريس جه للبت ندى ولسة ما ردناش عليه

ما ردتش عليه ليه ؟ مش الولا كويس وسألتوا عليه ؟

أي والله سألنا , , بس البت بقى راكبة دماغها وعايزة تكمل الجامعة

طب وماله , تتجوز وتكمل في بيتها , ولا الولا هيمانع ؟

لا والله يا سامي . الولا مرحّب , بس البت بتقول لامها مش هنعرفوا نركزوا في التعليم لو جوزتوني , امها قالتلها خلاص , نعملوا خطوبة ولما تخلصي الجامعة تتجوزي , واهو لسة بقى بنحاولوا نميلوا دماغها

ربنا يقدم ما فيه الخير

آمين يا رب , والبت بنتك عاملة ايه يا سامي ؟

ما بنشوفوهاش إلا كل فين وفين , لما نحبوا نشوفوها نروحولها المدرسة نستنوها ع الباب , وساعات الشغل بياخدنا ما بنعرفوش نروحوا ... الله يسامح امها

هو الطلاق كدة يا سامي , عذاب للأهل وللعيال أكتر

اتفضلوا الشيّ

متشكرين يا حمو

روح انت يا حمو شوف الزباين دول

حاضر , ايوة يا حااااااجة

ترررررررررررررررررررررررررررررررررن تررررررررررررررررررررررررررن

طب معلش يا سامي هنردوا ع التليفون

اتفضل

الو , اهلا يا عم مصطفى ,..... ايّووووه إنا لله وإنا إليه راجعون , امتى حصل الكلام ده ؟ طيب طيب انا جاي حالااااااا لا حول ولا قوة إلا بالله

في ايه يا ابراهيممممممم ؟

جوز بنت خالتي تعيش انت

إنا لله وإنا إليه راجعون ... عندها عيال ؟

سايبلها عيلين الكبير عنده تمن سنين والبت الصغيرة ستة

لا حول ولا قوة إلا بالله , دي باين عليها صغيرة وفي عزها

ما كملتش خمسة وتلاتين سنة

ايّووووه الله يصبرها ويعينها على عيالها

طب احنا لازم نمشوا دلوقتي عشان دي وحدانية ومالهاش حد واحنا اللي هناخدوا العزا

استنى يا ابراهيم , هنيجوا معاك

يلا بينا يا سامي

ولا يا رمضاااااااان خلي بالك من المحل على ما نرجعوااااا

ماشي يا استاذ سااااااااامي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

استنى يا سامي قبل ما نمشوا هناخدوا بنت خالتي على جنب نقولولها كلمتين

طب نستنوك تحت ؟

لالا , خليك , يا تهااااااااني , أنا ماشي  وهنيجوا بكرة تاني إن شاء الله , مش عايزة حاجة ؟

كتر الف خيرك يا ابراهيم يا ابن خالتي , جميلك على راسي من فوق

جميل ايه بس يا تهاني ! دانتِ بنت خالتي وزي اختي , خدي المبلغ ده خليه معاك

شيل فلوسك يا ابراهيم كتر خيرك , الله يرحمه سابنا مستورين , كفاية تعبك معانا

لا تعب ولا حاجة يا تهاني

احم احم , البقاء لله يا مدام تهاني

ونعمة بالله

ده الأستاذ سامي مرشدي , اخويا وحبيبي ومن اكبر تجار الماني فاتورة , صمم يجي عشان يعمل الواجب

كتر خيرك يا استاذ سامي , ما نجولكش في حاجة وحشة يا رب

تعيشي , خلي بالك من عيالك , واحنا تحت امرك في ايها خدمة

كتر خيرك يا خويا , مع السلامة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

انت طالب ممتاز يا معاذ يا ابني , حقيقي انت من أفضل الطلبة عندي وانا  بعتز بيك , مش بس بتفوقك العلمي , لا , كمان عشان اخلاقك الممتازة

هه متشكر قوي يا دكتور بركات , أتمنى أكون عند حسن ظن حضرتك دايما

إن شاء الله يا إبني

عن إذن حضرتك يا دكتور عشان صلاة المغرب قربت وزمايلي متعودين إني أؤمهم في الصلاة

وأنا كمان أكون سعيد جدا لما تؤمني في الصلاة

ده شرف ليا يا دكتور , اتفضل

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

أعوذ بالله من الشيطان الرجيم

بِسْمِ اللَّهِ الرَّحْمَنِ الرَّحِيمِ (1)                                                            

الْحَمْدُ لِلَّهِ رَبِّ الْعَالَمِينَ (2) الرَّحْمَنِ الرَّحِيمِ (3) مَالِكِ يَوْمِ الدِّينِ (4) إِيَّاكَ نَعْبُدُ وَإِيَّاكَ نَسْتَعِينُ (5) اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7)

آآآآآآآآآآآآآآآآآآآآآآآآآآآآآآآآآآآآآمين

بسم الله الرحمن الرحيم

اقْرَأْ بِاسْمِ رَبِّكَ الَّذِي خَلَقَ (1) خَلَقَ الْإِنْسَانَ مِنْ عَلَقٍ (2) اقْرَأْ وَرَبُّكَ الْأَكْرَمُ (3) الَّذِي عَلَّمَ بِالْقَلَمِ (4) عَلَّمَ الْإِنْسَانَ مَا لَمْ يَعْلَمْ (5) كَلَّا إِنَّ الْإِنْسَانَ لَيَطْغَى (6) أَنْ رَآَهُ اسْتَغْنَى (7) إِنَّ إِلَى رَبِّكَ الرُّجْعَى (8) أَرَأَيْتَ الَّذِي يَنْهَى (9) عَبْدًا إِذَا صَلَّى (10) أَرَأَيْتَ إِنْ كَانَ عَلَى الْهُدَى (11) أَوْ أَمَرَ بِالتَّقْوَى (12) أَرَأَيْتَ إِنْ كَذَّبَ وَتَوَلَّى (13) أَلَمْ يَعْلَمْ بِأَنَّ اللَّهَ يَرَى (14) كَلَّا لَئِنْ لَمْ يَنْتَهِ لَنَسْفَعَا بِالنَّاصِيَةِ (15) نَاصِيَةٍ كَاذِبَةٍ خَاطِئَةٍ (16) فَلْيَدْعُ نَادِيَهُ (17) سَنَدْعُ الزَّبَانِيَةَ (18) كَلَّا لَا تُطِعْهُ وَاسْجُدْ وَاقْتَرِبْ (19)

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

نور , يا نور , ايه يا بنتي , واقفة بتبصي ع اللي بيصلوا كدة  ليه ؟

استني بس, استني يا غادة , بستمتع بصوت الشاب اللي بيقرأ القرآن ده

ممممم فعلا صوته حلو قوي

طب بس اسكتي خليني اسمع

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

هههه نور , خلاص الصلاة خلصت , انتِ واقفة كدة ليييييه

مستنياه عشان اقوله ان صوته حلو قوي وعجبني

هههههههههههههههههههههههههه يا بنتي هو مطرب ! ده كان بيقرأ قرآآآآآآآآآآآآآآآآآآآآىن

ياااااااااااااااااه بجد صوته أثر فيا قوي يا غادة , هز كل كياني

طيب يلا يلا عشان عندنا محاضرة , ولا احنا هنتعود ع الزوغان من اول سنة في الجامعة ! هه , يلا يا بنتي

طيب أوكيه , يلا بينا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

انا نازلة يا سعيد  , عندي درررررس

طيب يا درة , انا كمان عندي درس كمان شوية, يادوب اقوم ألبس

تررررررررررررررررررن

الله ! مين اللي جاي يعطلنا الساعة دي يا سعيدددد!

وانا ايش عرفني ! افتحي شوفي مين على ما ادخل البس 

ماشي , يا قاعدين يكفيكو شر الجايين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

سهير!....أهلاً

أهلاً بيكِ يا درة

في حاجة يا سهير ولا ايه ؟

هو ايه اللي في حاجة ! النهاردة الجمعة وقلت اجي عشان اشوف اخويا اللي مش عارفة اشوفه بقالي شهر

اخوكي عنده درس ونازل كمان شوية يا حبيبتي

ههه حتى يوم الجمعة ! دانتو ما بتضيعوش وقت بقى

اووووف الله أكبر , اتفضلي

ميرسي , مش هتشوفيني اشرب حاجة ولا ايه!

اظن بقلك مستعجلييييييين , ورانا شغل يا سهيرررر, شغل يا حبيبتي , انا واخوكي لو ما اشتغلناش مش هنلاقي ناااااااكل

ههه للدرجة دي عطلتكو !!! على العموم اطمني , مش هأخر سعيد كتير , عايزاه في حاجة ضروري وماشية على طول

ممممم وايه هي بقى الحاجة دي؟

نعممممممم !!! اظن مش من حقك تسألي سؤال زي ددددده

اووووووووووف شكلها كدة جاية تاخد فلوس , طب والله ما انا نازلة اما اشوف اخرتها , يا سعيددددددد,سعيدددددددد تعالى كلم اختكككككككك

سهير !!!! انتِ هنا ! ازيك يا سهير

ازيك انت يا سعيد , معلش بقى جيت من غير معاد عطلتكو , بس مضطرة , اعمل ايه !!!

خير يا سهير

كنت عايزة تلتومية وخمسين جنيه عشان اجيب كتب مهمة

تلتومية وخمسين جنيييييييه!!!

انا قلبي كان حاسس يا سعيد ان اختك جاية عايزة فلوس , بقلك ايه يا سهير يا حبيبتي , اللي فهمك ان المدرسين دول مش عارفين يودوا فلوس الدروس فين ومستنين يفرقوها ع الرايح والجاي فهّمك غلططططط , سعيد يا حبيبتي ما معهوش فلوس زيادة يديهااااااالك

بقلك انتِ ايه بقىىىىىىى, ما تتدخليش بيني وبين اخويااااااااا , اخد منه تلتومية وخمسين اخد منه فلوسه كلها انتِ مالكيش دعووووووة, احنا اخوات في بعضينا

جرا ايه يا حبيبتييييييي, مالك بتتكلمي زي ما يكون ماحدش قدك كددددة , اخوكي ده يبقى جوزي ومش ممكن هسيبه يبعزق فلوسه وشقااااااااه , هو احنا نحرم نفسنا وتيجي انتِ تلمي اللي ورانا واللي قدامنااااااا

قلتلك ما تتدخليشششش , انا عارفة كويس قوي ان اخويا معاه فلوس , وفلوس كتير قووووي , لكن انتِ اللي طماعة وعايزة كل حاجة لوحدكككككك

والله ما عارفة مين فين اللي طمّاع يا ست سهيررررر , ايييييه! هي نهيبة ولا نهيببببببببة

درررررررررة, كفااااااااااية , اتفضلي انتِ انزلي دلوقتي وانا هشوف سهير عايزة ايه واديهولها

مش نازلة يا سعيدددددد , ده ايه حرقة الدم دددددددي !!

اووووف خدي يا سهيرررررر اتفضلييييييي, ادي تلتومية وخمسين جنيه أهمممممم , بس والله لو جيتي تاني ما هديكي ولا مليممممممم , لما تعوزي ابقي خدي من مسعددددددد

مسعد مش مقصر معايا ولا مع بابا وماما في حاااااجة, ربنا يخليهولنااااااا, لكن خدت منه كتير الشهر ده , قلت اجي لاخويا الكبير اللي مش سائل فينا ولا بيعبرنا ولا كأننا اهله

أمرك عجيب والله ! هو انتو ما تبقوش أهلي إلا لما تاخدوا فلوووووسي ! على العموم اديكي خدتي اللي انتِ عايزاه , كفاية عطلة بقىىىىىىى

ماشي يا سعيد , لولا اني محتاجة الفلوس دي ما كنتش خدتها منككككك , لكن معلش , مضطرة استحملكو لحد ما اتخرج , بكرة تشوف سهير اللي بتديها الفلوس بطلوع الروح دي هتبقى ايه وتوصل لفييييين, وساعتها الكل هيعرف قيمتي وأولهم مكنسة الفلوس اللي انت متجوزهااااااا ,أنا ماششششششية

انا مكنسة فلووووووس !!! يا نهارها مشجّر بازرررررررق !!! انا مكنسة يا سعيددددددد !!!

ما تزعليش بقى يا دررررة , بتقول عليكي مكنسة فلوس , يعني بتنضفي الجيوب , مش حاجة وحشة يعني , كبري دماااغك

انا مش عارفة اختك دي طالعة فيها على ايه وبتيجي تديني أوامر وتاخد اللي في جيوبنااااااا , دي حتة تليمذة في كلية الطببببب , اومال لما تتخرج وتبقى دكتورة هتعمل فينا ايييييييه !!!

سيبك منها بقىىىىى , يلا تعالي ننزل نسعى على أرزاقنااااااا

يلا يا حبيبي , كريم ياااااااااارب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

الواد وائل إبن أماني اتأخر قوي , دا الفجر قرب يأذّن , وبعدين معاك بقى يا وائل ! توء , قلبي واكلني ع الواد , ليكون اتخانق ولا عمل مشكلة مع حد من اصحابه , استرها يارب , ربنا يجيبك بالسلامة يا وائل , أما اروح ابص عليه من الشباك

*************

الحمد لله , أهو جه ودخل الحارة , أما اروح استناه جنب الباب وافتحله

***************************************

الله ! ده الحاج محمد جارنا نازل يصلي الفجر , صباح الخير يا حاج

اهلاً يا حاجة أم أماني , صباح النور , فاتحة الباب ليه , محتاجة حاجة ؟

لا يا حاج كتر ألف خيرك , ده وائل ابن اماني بنتي طالع وواقفة مستنياه , اهو طلع اهو , كنت فين يا وائل لحد دلوقتي قلقتني عليكككك

كنت مع اصحابي يا تيتة والوقت خدنا , ازيك يا عم محمد

ازيك انت يا ابني , متوضي ؟

ها!..لا

طب تعالى معايا الجامع واتوضى هناك عشان نلحق صلاة الفجر حاضر

ايوة بس .......

يلا يا ابني , الفجر على وشك الآذان

روح مع عمك الحاج محمد صلي الفجر يمكن ربنا يهديك يا واااائل , خده معاك يا حاج محمد الله لا يسيئك

هو جاي معايا يا حاجة , يلا يا ابني

...... حاضر

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

تقبل الله يا وائل يا ابني

منا ومنكم إن شاء الله يا عم الحاج محمد

يلا بينا نروح وندردش في الطريق لحد البيت

ماشي يا عم الحاج

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ايه يا وائل يا ابني , كنت متأخر برا لحد دلوقتي ليه ؟

كنت مع اصحابي

وهو يصح يا ابني تقعد مع اصحابك لوش الفجر من غير داعي !

اعمل ايه بس يا عم الحاج ! اديني بضيع وقتي

يا ايني ربنا هيحاسبك ع الوقت اللي بتضيعه من غير فايدة ده

هيحاسبني ع الوقت اللي بضيعه ! ومش هيحاسب أبويا وامي اللي ضيعووووووني !!!

لا حول ولا قوة إلا بالله , وحد الله يا ابني

لا إله إلا الله

ربنا هيحاسب كل واحد على عمله , ربنا ما بيظلمش حد يا ابني

عندك حق , الناس هما اللي ظلمممممة , أنا ضحية أب وأم مافيش أسوأ منهم في الدنيا بحالهااااا , أبويا رماني وانا في اللفة وما أعرفش عنه حاجة , وامي راحت اتجوزت وعايشة لنفسها ومش عايزة حتى تفتكر ان لها ابن على وش الدنيا اسمه وائل , انا زهقت من عيشتي , زهقت من حياتي كلهاااااا , تعرف يا عم الحاج , انا ساعات كتير قوي بفكر في الإنتحار

اعوذ بالله من الشيطان الرجيم , ليه بس كدة يا ابني !!!

وكل اللي حكتهولك ده مش كفاية ! أهو الواحد يموت ويريح اللي حواليه , ما اعتقدش ان امي هتحزن لو عرفت اني مت

طب وجدتك ؟

تيتة دي احن انسانة في الدنيا , مش عارف من غيرها كنت عملت ايه

انت ليه شايف الدنيا سودة كدة يا ابني؟

عشان هي فعلاً سودة,ما شوفتش حد في الدنيا عاش ظروف أسوأ من اللي عيشتها

ههه

بتضحك ليه يا عم الحاج!

عشان اللي واقف قدامك ده عاش ظروف أسوأ من اللي انت عيشتها بكتير قوي

انت يا عم محمد؟

ايوة انا يا وائل..أنا يا ابني ابويا وامي اتطلقوا وانا صغير قوي,يمكن ما كنتش كملت خمس سنين..أبويا راح اتجوز واحدة جديدة, وامي كمان اتجوزت عشان تعدل حظها اللي مال مع ابويا, وطبعاً جوزها ما رضيش اني أعيش معاهم ,راحت بعتتني لابويا..هناك بقى يا ابني شوفت العذاب بعنيا من مرات ابويا,ضرب وشتيمة واهانة وبيات من غير عشا,حتى اللقمة اللي كانت تدهالي كانت لقمة ناشفة ما تتاكلش..عمري ما حسيت بالشبع ولا الراحة ولا سمعت كلمة حلوة وانا في بيت ابويا

معقول!.. وابوك ما كانش بيتدخل؟

لا كان بيتدخل ويضربني عشان يرضيها..عمره ما نصفني ولا وقف في صفي, لكن كان حنين على ولاده اللي خلفهم منها وده اللي خلاني كرهتهم..فضلت عايش في الجحيم ده سنين راضي ومستحمل لإني ماليش مكان تاني اروح فيه ولا ليا حد يحن عليا..لكن انت يا وائل يا ابني ربنا عوضك بجدتك الست الطيبة اللي بتحبك وتخاف عليك

الحمد لله ..لكن انت عملت ايه بعد كدة يا عم محمد؟

ولا حاجة يا ابني..كنت اروح لامي اشتكيها كانت تقولي استحمل العيشة عند ابوك مهما كانت عشان انا ما اقدرش اخدك عندي..لما وصلت لسن خمستاشر,مرات ابويا عملت لعبة عشان تخرجني من البيت

عملت ايه ؟

اتهمتني بسرقة فلوس وصيغة من اللي كانت تملكهم وطبعاً ابويا صدقها..قالتله ابنك حرامي ومالوش عيشة في البيت ده ولو ما طردتوش انا هسيبلك البيت وامشي

ياااااااااه! وابوك عمل ايه؟

طردني يا ابني

ايه ده! معقول في قسوة بالشكل ده!

شوفت بقى يا وائل انك عيشت في نعيم بالنسبة للعيشة اللي انا عيشتها؟

الحمدلله..لكن بعد ما ابوك طردك روحت فين يا عم الحاج؟

نمت في الشارع  ايام وشهور واتبهدلت واتمرمطت..لحد ما في يوم رجلي خدتني لورشة حدادة..طلبت من الاسطى صاحبها انه يعلمني ويشغلني معاه..وسبحان الله كان راجل طيب قوي ,ربنا ساقني لحد عنده عشان يعوضني بيه..اللهم لك الحمد..شغلني معاه وعلمني الصنعة لحد ما بقيت حداد مافيش زيه..كان بيخليني ابات في الورشة عشان عارف اني ماليش مكان يأويني..لما بقى سني واحد وعشرين سنة عرض عليا بكرمه اتجوز بنته واتجوزتها وشيلتهاله جميل في رقبتي طول العمر..مراتي عاشت معايا ع الحلوة والمرة لإن طبعها أصيل..خلفنا وربينا العيال, وادينا جوزنا البنتين وستّرناهم , وابني الوحيد كرم سافر يشق طريقه بقاله خمس سنين , وادينا عايشن حامدين ربنا وشاكرينه على أفضاله يا ابني ...الدنيا يا وائل يا ابني دار شقا مش دار نعيم,النعيم في الآخرة يا ابني ,ومش عشان الواحد بيتعرض لظروف صعبة يقول انا عايز اموت وايه اللي جابني الدنيا..اللي جابك الدنيا يا ابني هو وحده القادر ييسرلك العيش فيها,ربك ما بينساش حد يا ابني ,لطيف بعباده وأرحم منه مافيش

ونعم بالله

اتوكل عليه يا ابني , مالناش سند غيره..ان كنت شوفت القسوة من امك وابوك,فربك رحمته واسعة وأكيد بيسخرلك قلوب خلقه,قول يا رب

يارب..ياااااارب

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

طيب باي باي بقى يا بنات

باي يا نورهان

ايه ده ! نسيم !!!! ممممم بس ده واقف بعيد وماسك وردة وماجاش كلمني  ودور وشه مممم تلاقيه مستني بنت تانية

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

الحمدلله الترام وصل بسرعة النهاردة .......لو سمحت يا عم يللي ع الباب ,عايزين ندخل

اتفضلي يا بنتي

ايّوووووووه الترام مافهوش مكان نقعد

يا انسة , تعالي اقعدي مكاني

هاااااا ! نسيممممممم !

اقعدي

طب وانت هتقف !!!

ايوة , أنا راجل , عادي لما نقف وسط الزحمة , لكن انتِ لا , مش عايز حد يلمسك

ممم  شكرا

العفو

ممممم بس انت رَكَبت الترام ازااااي ! انا كنت شايفاك عند المدرسة

ايوة , جيت قبلك عشان نحجزلك مكان تقعدي فيه

بجدددددد ؟

ايوة , ما تتكلميش معايا عشان مش عايز حد يلاحظ انك بتكلمي شاب

مممم هه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

أنا نازلة المحطة دي

عارف

عارف !!! ! .....عارف منين ؟

سلام يا نورهان

نورهااااان ! هو عَرَف اسمي منيييييين !

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

باشمهندس مسعد

ايوة يا منى

جميل بيه عايز حضرتك في مكتبه عشان معاه عميل مهم

حاضر , هروح حالاً

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

انت نورت الشركة يا حاج صادق ههه

الله يخليك يا جميل بيه

اشرب قهوتك

متشكر

تن تن جميل بيه

اتفضل يا باشمهندس مسعد

السلام عليكم

عليكم السلام  , اقدملك الحاج صادق من اهم عملاء الشركة

اهلاً وسهلاً يا حاج

اهلاً بيك يا إبني

ده بقى يا حاج صادق الباشمهندس مسعد , من أكفأ مهندسين الشركة

حصلنا الشرف يا ابني

الشرف ليا انا يا حاج

شوف يا باشمنهدس , الحاج صادق عايز يبني برج على مساحة الف وخمسوميت متر في مدينة نصر وانا رشحتك انت عشان تكون مسؤول عن العمل بالكامل

ده شيء يسعدني يا جميل بيه , احنا تحت أمر الحاج في كل اللي يطلبه

الأمر لله وحده يا ابني , انا عايز البرج عشرين دور , وكل دور على اربع شقق , وطبعاً همتك معانا بقى تخلصلنا التراخيص والموافقات وكل المطلوب

ان شاء الله يا حاج

طبعاً احنا لينا قاعدة تانية يا باشمنهدس عشان نتفق على كل حاجة بالتفصيل , هو النهاردة ايه في الأيام ؟

النهاردة الخميس يا حاج

خلاص , ان شاء الله الخميس الجاي زي النهاردة اكون عندكو ونقعد براحتنا ونتفق ان شاء الله , وهتكون عمولتك كبيرة طبعاً

اهم حاجة مستوى الشغل يرضيك يا حاج

ان شاء الله يا ابني , على معادنا ان شاء الله , السلام عليكم يا جميل بيه

عليكم السلام يا حاج صادق , وصلي الحاج يا منىىىىىى ... بقولك ايه يا مسعد , مش عايزك تقصر رقبتي مع الحاج صادق, انا قلتلك انه من اهم عملاء الشركة , وده تقريباً البرج الخامس اللي هنبنيهوله

ماشاء الله , ربنا يزيده , اطمن يا جميل بيه , ان شاء الله هكون عند حسن ظنك وظنه

ان شاء الله يا باشمنهدس

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

مبروك يا خالد يا صاحبي,منور القاعة يا عريس ههههه أخيراً هنجوزوك الليلة دي ونرتاحوا منك

الله يبارك فيك يا صاحبي ههه معاك البطاقة ؟

عايزها ليه ؟ هههه

مش هتشهد على عقد الجواز ولا رَجَعت في كلامك ؟ هههه

ده اليوم اللي بنستنوه يا خلّوووووووود هههه

يلا يا خالد يا إبني , المأذون وصل

حاضر يا دكتور طلعت

يلا يا احمد

يلا يا عريس . إنما ايه الشياكة دي يا عم خالد !

عريس بقى يا عم احمد , هنعملوا ايه ! ههههه

هههه ربنا يتمملك بخير يا حبيبي

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

بارك الله لكما وبارك عليكما وجمع بينكما في خير

مبروك يا صاحبييييي هههه والله ودخلت القفص برجليك يا خلووود

هههه الله يبارك فيك يا ابو حميد , ويخليك ليا يا أرجل وأجدع صاحب في الدنيا دي كلها . أبوك ماجاش ليه ؟

زمانه جاي ان شاء الله ..... أهو لسة داخل القاعة اهو سبحان الله ههه

السلام عليكم يا جماعة

عليكم السلام

مبروك يا خالد يا ابني

الله يبارك فيك يا عمي عادل ههه نورتنا , متشكرين على تلبية الدعوة

عيب يا ولا , ده واجبي , احنا مهما كان أهل ونسايب

متشكر يا عمي

ازيك يا حاج ههه

ازيك يا احمد , مبروك لصاحبك يا سيدي

الله يبارك فيك

هما كتبوا الكتاب ولا ايه ؟

ايوة يا حاج , ما انت اللي اتأخرت

معلش يا احمد , جاني تليفون عطلني , معلش يا خالد ما لَحَقتش كتب الكتاب , نعوضوهالك لما تكتب المرة الجاية هههه

ههههه لالالا يا عمي , أنا من انصار الزوجة الواحدة

هههه وربنا ما انتو فاهمين حاجة في الدنيا , على العموم ربنا يهنيك بيها يا سيدي

ربنا يخليك يا عمي , لحظة هنعرفك على الدكتور طلعت , دكتور طلعتتتتتت , لحظة من فضلك

ايوة يا خالد

هنعرفك على عمي الحاج عادل أبو احمد صاحبي

ده شيء يسعدني , تشرفنا يا حاج عادل , أنا الدكتور طلعت , عم العروسة وفي مقام والدها الله يرحمه ,وابقى والد العريس كمان هههه

ههه تشرفنا يا دكتور , أهلاً وسهلاً , أنا سعيد والله بالمعرفة اللي زادتنا شرف دي

متشكر جداً يا حاج , الشرف لينا أنا

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

ألف مبروك يا ام خاااااالد هههه

الله يبارك فيكِ يا ام حسن هههه والله الفرحة بَقَت فرحتين بمجيتك

الله يسعدك يختي ويتتم لابنك على خير , ايّوووووه شقيتي يامَا يا ام خالد بس جه اليوم اللي ربنا فرح قلبك وجزاكِ خير على صبرك

وربنا الدنيا مش سيعاني من فرحتي واني شايفة خالد ويا عروسته , بس فرحتي عمرها ما هتكمل إلا لما نشيلوا ابن هيام ولا بنتها بين ايديا قبل ما نموت , ساعتها نموت واني مرتاحة وقلبي مطمن يا ام حسن

ربنا يديكِ الصحة والعمر يختي ويحققلك كل مناكِ . عايزين نسلم على خالد وعروسته

تعالي يا ام حسن هههه

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

خاااااالد , خالتك أم حسن جت تسلم عليك انت وعروستك

أهلاااااااً ازيك يا خالتي ام حسن

مبروك يا خالد يا ابني

الله يبارك فيكِ يا خالتي ام حسن

مبروك يا بنتي

الله يبارك فيكِ يا طنط

والله انتِ محظوظة يا بنتي , سعدك وهناكِ جولك لحد عندك لما اتجوزتي الباشمهندس خالد

ههه أكيد طبعاً

ربنا يخليكِ يا خالتي ام حسن . خالتي أم حسن دي بقى يا آيات تبقى جارتنا وحبيبتنا , وهي اللي مربياني أنا وهيام أختي , ما ننسوش أفضالها علينا

أفضال ايه بس يا ابني ! دانت وهيام ولادي يا خالد

تعيشي يا خالتي ام حسن

ايه رأيك في عروسة ابني الحلوة دي يا ام حسن ؟ هههه

هههه بسم الله ماشاء الله قمر

ههه ميرسي يا طنط

الله يهنيكو يا بنتي , أم خالد , احنا رايحين نقعدوا مع الجيران

اتفضلي يا ام حسن

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

مبروك يا مرات اخويا يا عسل انتِ ههه اموووه اموووووه الف مبروك يا آيات

الله يبارك فيكِ يا هيومة ههه

شوفي بقى يا آيات , أنا اتربيت وحدانية ماليش اخوات بنات , وطول عمري كان نفسي يكون لي أخت نحبوها وتحبني , قلت يا رب اللي خالد اخويا يتجوزها تبقى أخت ليا وأقرب لي من روحي

وأنا أختك وحبيبتك يا هيومة , ما أنا زيك كمان ما عنديش اخوات بنات ولا صبيان حتى هههه

بكرة خالد يبقى اخوكِ وصاحبك حبيبك وكل حااااااجة

يارب يا هيومة ان شاء الله

لحظة هنباركو لمامتك , ألف مبروك يا طنط ههه

الله يبارك فيكِ يا هيام يا حبيبتي ههه , عقبال ما نباركلك لما ربنا يرزقك ببنوتة جميلة زيك ان شاء الله

............... ربنا يخليكِ يا طنط , عن اذنك هنروح نرحب بالمعازيم مع ماما

اتفضلي يا حبيبتي . طيبة خالص أخت خالد يا آيات

أه فعلاً يا ماما , ومامته كمان طيبة جداً

ربنا يسعدك يا حبيبتي مع عيلتك الجديدة

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

خالد اخويا حبيبييييي , ألف مبروك اموووه امووووووووه هههه

بس يا هيام بالراحة عليه , ده عريس حرام عليكِ هههه

هههه الله يبارك فيكِ يا هيومة

ايه يا احمد ! ههه بلاش نبوسوا اخويا !

يا هيام دانتِ كنتِ هتاكليه ههههه

من فرحتي يا احمد هههه . ربنا يسعدك يارب يا خالد ويرزقك بالذرية الصالحة يا حبيبي

تسلميلي يا هيومة ههه

على فكرة يا خالد , احمد  جابلنا  حنطورين يلفوا بينا كوبري استانلي والكورنيش كله عشان نزفوكوا أحلى زفة هههه

ههه حنطورين بحالهم !

يا دوب يا خالد , انت حنطور واحمد حنطور

أنا حنطور واحمد حنطور ! هههههه الله يكرمك يا هيام

احنا نحمدوا  ربنا يا خالد انّي ما جبتش حمارين , كانت قالتلك انت حمار واحمد حمار

ههههههههههههههههههه

ههههههههه يو جاتكو ايه يا ولاد

طيب يلا يا أمي على ما خالد يروح يجيب عروسته من وسط اصحابها نركبوا احنا الحنطور بتاعنا ونلفوا اسكندرية مع العريس والعروسة

وانا مالي يا ابني ومال الحاجات دي !!! روحوا انتو واتهنوا وانبسطوا , أنّي هنروّح مع ام حسن

طب والله يا أمي لو ما جيتي معانا ما هنزفوا ابنك وهنلغوا زفة الحنطور

ههه لا وعلى ايه ! قلبك أبيض يا احمد , خلاص يا ابني هنيجو معاكو

ايوة كدة يا أمي يا بركتناااااا هههه

الله يبارك في عمرك ويسعدك يا ابني على قد ما بتسعدنا ويعوض عليك عوض الصابرين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

مبروك يا خالد يا ابني اهئ اهئئئئئئئ امووه اموووه

الله يبارك فيكِ يا أمي يا حبيبتي ,  ايدك نبوسها امووه ايه لزومها الدموع الغالية دي بس !

من فرحتي يا حبيبي , اهئ اهئئئئ الحمدلله انه أداني العمر لحد ما شوفت اليوم ده

ربنا يخليكِ ليا يا ام خالد يا عسل هههه اموووه

مبروك يا آيات يا بنتي اموووه اموووه

الله يبارك في حضرتك يا طنط

سيبني مع عروستك دققتين يا خالد

هنروحوا نسلموا على زمايلي قبل ما نمشوا على ما تخلصوا الحديث الشيق , عن اذنكو

اتفضل يا ابني ........ مبروك عليكِ خالد يا آيات

الله يبارك فيكِ يا طنط

شوفي يا بنتي ... خالد ابني طيب , طيب قوي , حنية الدنيا كلها في قلبه , غير حلاوة طبعه اللي هتبانلك من عشرته . ...... أنا عايزة نوصيكي على خالد ..... خالد ابني تَعَب يامَا في حياته ... حَزَن يامَا .....داق مر يامَا ..... ماشافش الفرحة في حياته إلا قليل قوي ....عشان كدة يا بنتي أنا أملي انك تكوني فرحته اللي اتحرم منها , تكوني البلسم اللي يداوي جروح عمره .... أوعي تزعلي خالد يا بنتي , خالد ما يستاهلش إلا كل خير

حاضر  يا طنط , أوعدك أنّي أحقق كل اللي اتمنتيه ان شاء الله

ربنا يبارك فيكِ يا بنتي ويسعد قلبك به ويسعد قلبه بيكِ , أنا مش هنوصي خالد عليكِ , خالد مش محتاج وصاية , أنا عارفة إنه هيشيلك في عنيه , وهيسعدك على قد ربنا ما يقدّره يا حبيبتي , ربنا يهنيكو ويرزقكو بالذرية الصالحة

آمين يا طنط آمين

تعالي في حضني يا آيات امووه امووه . الحمدلله رب العالمين

***********************

الجزء الخامس خلف هذه الجدران

بقلم هبة عبد العظيم نور

ممنوع النسخ أو أخذ اسكرين شوت

***********************

رَجَعت من الفرح يا عادل !

مساء الخير يا سعاد

مساء النور . بقى معقول يا عادل تعبّر الأشكال دي وتحضرلهم فرح !! احفظ مقامك يا عادل وما توطهوش مع الواغش دول

ما تغلطيش في الناس يا سعاد , دول مهما كان نسايب احمد ابنك

دي غلطة عمره اللي لسة مافاقش منها يا عادل

مسكينة يا سعاد , أصلك ما شوفتيش الولا خالد مناسب مين

هأ , هيكون مناسب مين يعني ! أهي واحدة من طينته

مش بنقولولك مسكينة ! الولا مناسب من عيلة كبيرة قوي , البت أبوها الله يرحمه كان دكتور , وأمها كمان دكتورة , والبت نفسها مهندسة وعمها دكتور في الجامعة , ده غير خيلانها اللي سلمت عليهم بنفسي , واحد فيهم كان سفير سابق والتاني رجل أعمال تقيل قوي , ده غير البهوات قرايبهم اللي جم من القاهرة وحريمهم اللي لابسين الفوريرات والمجوهرات الفخمة , هنقولولك ايه ولا ايه ع اللي شوفته ! ناس على مستوى عالي قوي يا سعاد

أيّووووووه !!! ودول اتلموا عليهم منين دول !! تلاقي الولا هو اللي ضَحَك ع البت واتجوزها زي ما اخته ضَحَكت على عقل احمد

يا سعاد الولا خالد الشهادة لله طيب وابن حلال , وأكيد عشان كدة ربنا كرمه بالنسب العالي ده , ده الدكتور عم البت بيعامله زي ما يكون ابنه وفرحان بيه يامَا

بكرة يفوقوا لروحهم يا عادل , هتتعشى ؟

اتعشيت في الفرح , كانوا عاملين بوفيه فاخر

كله من فلوس أهل العروسة , ماهي صيدة ووَقَعوا عليها الجعانين

***************************************

ولحد هنا وانتهت حلقات النهاردة

عايزة اقول لقرائي الأعزاء إن الحصاد أو بالأدق بداية مرحلة الشباب كتبتها بفضل الله وعونه وعلى مدار سنوات طويلة في 1780 صفحة تقريباً...كل ما تم نشره من الحصاد على مدار الأسابيع الماضية  هو 735 صفحة تقريباً..المتبقي هو 1045

معنى ذلك ان عرض الرواية يحتاج بضعة شهور..سيتم وقف العرض في رمضان إن شاء الله وسأعاود عرضها بعد عيد الفطر المبارك إن شاء الله

لا استطيع أن أعدكم في الفترة الحالية بمضاعفة الحلقات وهذا لظروفي الصحية ومشاغلي العائلية(مشاغل وليست مشاكل ههه) عافانا الله وإياكم من المشاكل والمنغصات,رغم أن الحياة لا تصفو لأحد ,أعاننا الله عليها إلى حين نلقاه اللهم آمين

الخلاصة ,أنا فرغت من الرواية بالكامل وهذا ما اشعرني بالحزن لفراق ابطالها..أما أنتم فبقى لكم بعض الوقت لتوديع أبطالها ..سأحاول كلما قدرني الله على مضاعفة الحلقات ان اضاعفها...أكتب لكم الآن هذه الكلمات وأنا لا استطيع ان انظر إلى الشاشة بسبب النظر الذي بدت مشاكله ,تؤلمني عيني ولا استطيع  الرؤية بوضوح واحاول اغلاقها,,حقاً كان الله عون زوجي ههه كلما شكوت له آلام الظهر والساق والأعين يقول,قلت لكِ اتزوج بأخرى صغيرة لترعانا سوياً هههه

فقط اطلب منكم ان تتحملوني الفترة القادمة

**************************

نعود للحديث عن الرواية,تشهد هذه الحلقات والحلقات القادمة ظهور شخصيات جديدة ,وهذه الشحصيات ضرورية جدا للأحداث,لا تظهر الشخصيات الجديدة عبثاً أبدا.وانما دائما شخصيات ضرورية للعمل

اقول ذلك لان احدى قارئاتي الحبيبات ارسلت اليّ برسالة تنم عن استيائها من ظهور شخصيات جديدة,وذلك لانها تريد معرفة ما سيحدث لضحى وأدهم وفقط..وانا اقول لها ولكل قارئ عزيز,ان هده الرواية ليست عن ضحى وأدهم وحدهم,هي رواية بها عدد هائل من الشخصيات,كما اني كتبتها خصيصاً عن رحمة وياسر وغيرهم من الشباب ,وذكرت ذلك في مقدمة الرواية,قلت نصا ان الأبطال الحقيقيون لم يولدوا بعد..لذا فأنا اقول لمن جاء من أجل ضحى وأدهم,ان الرواية لن تنتهي إلا وقد عرفتم ما سيحدث لهما..اما بالنسبة للشخصيات الجديدة فهي لازمة لاكتمال الأحداث كما ذكرت آنفاً..فمثلا,كيف كانت ستكتمل حكاية توحا بغير ظهور ربيع وسمية!....عن نفسي أرى  ان الأحداث بها تجدد ولا تدع إلى الملل والرتابة

*************

بالنسبة للحبيبات أم فرات ومريم سليمان والدكتورة مادلين وغيرهم ممن طلبوا وضع الرواية على الأمازون,سيتم وضعها خلال ايام إن شاء الله,قبل الأثتين القادم وهذا وعد إن شاء الله..رغم ان الرواية تعرض هنا واتمنى تواجدكم وعدم افتقادكم على المدونة احبتي..ولكن لكم ما سألتم إن شاء الله

تحياتي لكم قرائي الأعزاء

لا تنسوا ذكر الله

لا إله إلا الله,سبحان الله ,الحمدلله,الله أكبر

سبحان الله وبحمده,سبحان الله العظيم