الحلقة السادسة والثلاثين(ف2)

**************************

خلف هذه الجدران,هبة عبد العظيم نور

**************************

يييييييي ,دي نور برضو واقفة بتسمع الشاب اللي بيقرأ قرآن زي كل يوم

نور يا نوووور

غادة !

ممممم هتفضلي واقفة طبعا لحد الصلاة ما تخلص

ايوة , اسكتي بقى خليني استمتع

طيب يا ستي استمتعي براحتك وبعدين تعالي على قاعة المحاضرات

اوكيه

**************************

خلف هذه الجدران,هبة عبد العظيم نور

**************************

ممممم اهو خلص صلاة , النهاردة هستناه عشان اكلمه

******************************************

طيب يا كريم انا ماشي بقى ,  السلام عليكم

عليكم السلام يا معاذ , استنى استنىىىىىى

نعم يا كريم

اديني كشكول المحاضرات انقل المحاضرة اللي فاتتني

ماشي يا سيدي , بس ما تتعودش على كدة , اوعى تاكل عليه طعمية وتبقعهولي هههههههه

هههههه لا ما تخافش , انا عندي حساسية من البقوليات والدكاترة مانعينها عني

مسكين , كنت ناوي اعزمك على سندوتشين فول بيتي من عمايل الست الوالدة

ههههه لا يا سيدي كتر خيرك , لما تعملوا سندوتشات فراخ ابقى هاتلي

ههه من عنيا حاضر , اتفضل يا سيدي كشكول المحاضرات , السلام عليكم

متشكر قوي يا معاذ , عليكم السلام ورحمة الله وبركاته

**************************

خلف هذه الجدران,هبة عبد العظيم نور

**************************

لو سمحتتتتتت من فضلككككك لو سمحت

انا ؟

ايوة

ممم تحت أمر حضرتك

أنا نور , سنة أولى السنة دي

اهلا وسهلا , أي خدمة؟

ممممم أصل بصراحة بقالي كام يوم بسمعك في الصلاة وانت بتقرأ القرآن , صوتك حلو ومؤثر قوي

............. متشكر , عن إذن حضرتك

اتفضل مممم هو ماله قفل معايا في الكلام كدة !!!!

ههههههه نور , يا عيني , كبسك كبسة محترررررررررمة

ايه ده ! انتِ هنا يا غادة ! مش قلتي هتسبقيني على قاعة المحاضرات ؟

هههه بصراحة الفضول قتلني اني اعرف هتكلمي الشاب ده ولا هتعملي ايه , بس بصراحة صعبتي عليا قوي لما كسفك

كسفني ! ممممم ما كسفنيش ولا حاجة , ده حتى رد عليا بكل ذوق وبعدين استأذن ومشي ممممم هو كدة يبقى كسفني ؟

ههه عادي يا بنتي , منتظرة ايه من واحد متشدد زيه , مش شايفاه مربي دقنه وكمان بيصلي ؟ يعني أكيد مش بيكلم بنات

ايوة بس أنا ما كنتش عايزة منه حاجة, انا بس كنت عايزة اعبرله عن اعجابي بصوته

واديكي عبرتي يا ستي , يلا بينا بقى عشان المحاضرة الآخيرة هتبتدي بعد خمس دقااااااااايق

اوكيه يا غادة

**************************

خلف هذه الجدران,هبة عبد العظيم نور

**************************

ها يا مسعد , خلصت ماكيت الفيلا اللي طلبتها منك ؟

ايوة يا جميل بيه , هجيبهولك حالاً

خليه كمان شوية , لكن قولي , مش ملاحظ ان الحاج صادق ماجاش في معاده ؟

ايوة فعلاً , قال جاي يوم الخميس والنهاردة السبت , جايز تكون حاجة عطلته

الحاج صادق متعود يتصل لو في أي تغيير في المواعيد

الله أعلم بظروفه

طيب انا هتصل بيه اشوف ايه الحكاية

الرقم الذي تحاو......... موبايله مقفول , غريبة قوي

يا جميل بيه الغايب حجته معاه زي ما بيقولوا

انا خايف يكون نقل على شركة تانية ولا حاجة , والحاج صادق ده من العملاء اللي مستحيل نفرط فيهم , الشركة بتكسب من وراه كويس قوي , طيب على العموم هننتظر لآخر الأسبوع , لو ماجاش هديك عنوان الفيلا بتاعته تروح تسأل عليه وتشوف ايه اللي آخّره

إن شاء الله يا جميل بيه

********************************

هي دي فيلا الحاج صادق , هو مافيش بواب واقف برا ليه ! طب ادخل ولا اعمل ايه !!! توء حاجة تحير , انا هتوكل على الله وادخل

****************************

بسم الله ماشاء الله , مبنى الفيلا جميل جدددداً ,طراز معماري غاية في الروعة , يا ترى مين اللي صمم التصميمات دي ! مممم هسأل الحاج صادق

تررررررررررررررررررررررررررررررررررررررن

افتحي الباب يا سيدة

حاضر يا حاجة فايقة

***********************************

ايوة يا استاذ

السلام عليكم

عليكم السلام

يا ترى الحاج صادق موجود ؟

الحاج صادق !!!

مين يا سيدة ؟

الأستاذ بيسأل على الحاج صادق يا حاجة فايقة , باين عليه ما يعرفش

 روحي انتِ يا سيدة شوفي اللي وراكِ ,انت مين يا ابني ؟

انا المهندس مسعد عواد , من شركة جميل للمقاولات , في الحقيقة الحاج صادق كان له معاد معانا من اسبوعين وماجاش , فمدير الشركة بعتني عشان اطمن عليه

............ الحاج صادق مات

ماااااات !!! الله يرحمه , انّا لله وإنّا إليه راجعون , أنا آسف يا فندم اني جيت في ظرف زي ده , حقيقي ما كنتش اعرف وإلا كنا قدمنا واجب العزاء بإسم الشركة

ما حصلش حاجة يا ابني , اتفضل في الصالون

مافيش داعي يا فندم , انا لازم امشي

اتفضل يا ابني , انت ضيفنا , وكفاية انك جيت تسأل على الحاج صادق الله يرحمه , اتفضل

متشكر

قهوتك ايه ؟

مافيش داعي يا فندم , اعفيني

 زي ما تحب يا ابني ,  الحاج الله يرحمه قالي انه اتفق معاكو على بناء برج جديد , لكن للأسف مات بعد ما اتفق معاكو بيومين بأزمة قلبية حادة

الله يرحمه , البقاء لله يا حاجة , البركة في أولاده وفي حضرتك

ما عنديش غير بنت واحدة متجوزة , بعد الحاج بقيت وحيدة وماليش حد , بنتي ربنا يخليهالي قعدت معايا اسبوع بعد وفاة والدها , لكن رجعت لبيتها وسابتني لوحدتي

....... مش عارف أقول لحضرتك ايه غير ربنا يصبّرك

متشكرة يا ابني , على العموم يا ريت تسيبلي رقم تليفونك , لو قررت انا وبنتي في أي وقت اننا نبني البرج هتصل بيك , لكن في الوقت الحالي ماعنديش رغبة ولا استعداد اعمل أي حاجة , اكيد مقدر احزاني

 طبعاً يا فندم ,تحت أمر حضرتك , اتفضلي الرقم

*********************************************

عملتلك الشيّ يا سلامة,اتفضل

تسلم ايدك يا ألطاف

الواحد ما بيصدق يرجع البيت , اه يا رجلي ياااني ,وربنا يا سلامة ما عارفة البنات اللي  في المحل دول الواحد يتعامل معاهم ازاااااي , دول قرفوووووني ,كل واحدة تشتكي من التانية واللي تيجي تضرب إِسفين في زمايلها عشان ينطَرَدوا من المحل , دول بيخلوا دماغي قد كدة من مشاكلهممممم

أيّووووه! يعني مش معقول يا ألطاف نفضلوا في موال الشغل ومشاكله واحنا قاعدين في البييييييت , احنا نحبوا  لما نرجعوا نقعدوا قعدة حلوة زي دي ونتهنوا على كوباية شيّ من غير الكلام عن الشغل ومشااااكله

خلاص يا سلامة ما تزعلش , ما كانوش كلمتين اتفكينا بيهم معااااك, اشرب الشيّ

ادينا بنشرب

ماماااااا

عايزة ايه يا بت يا نوسة

مممممم كنت عايزاكِ في كلمة لوحدناااااا

طيب , روحي انتِ واحنا هنحصلوكِ

مااااااشي ممم مساء الخير يا عم سلامة

اول ما خدتي بالك اني قاعد ! يسعد مساكِ يا نوسة

بالإذن يا سلامة , هنشوفوا البت دي عايزة ايه ونجولك

ماشي يا ألطاف ... فين رموت التليفزيون خلي الواحد يشوف حاجة عدلة , عيشة بقت تطهقققق لا فيها روح ولا معنى , حاسس اني عايش مع ست ما بتفهمش غير في الفلوس والشغل والهمممممم

****************************

ايوة يا بت يا نوسة كنتي عايزة ايه ؟

كنت عايزة نقولك ان جايلي عريس يا ماما ههه

عريس ! عريس مين ده وعَرَفتيه منين وعَرَفك منين يا بت ؟

ده يبقى ابن عم واحدة صاحبتي وشافني عندها وعجبته ومن ساعتها وهو حطني في دماغه بس كان مستني يخلص الجيش يعني

هو ايه اللي شافني عند صاحبتي ومش عارفة ايه يبقى ابن عمها ويخلص جيش وما يخلصش جيش !!!! صاحبتك مين دي يا بت ؟؟؟

مممم فاكرة يا ماما لما استأذنت منك وقولتلك رايحة نجيب كشكولي من صاحبتي ؟

لا مش فاكرة , ايه يعني اللي حصل ؟

ابدا يا ماما , لما روحت هناك لقيت  ابن عمها ده اللي بنقولولك عليه كان بيزورهم , واول ماشافني اتسمّر في مكانه وقعد يسألها مين دي وبنت مين وساكنة فين هههه

وبيشتغل ايه بقى الولا ده ؟

مممم بصراحة يا ماما هو لسة ما اشتغلش , لكن بيدور على شغل ومش ساااااااكت

عواطلي يعني , اول القصيدة كفر , اوعي يا بت خلينا نخرجوا لسلامة بلاش كلام فاااااااااضي , أخر المتمة كمان عايزة تتجوز عواطليييييييي !!!

استني بس يا ماما نكملوا كلامنااااااا , وماله بقى العواطلي ! هو عم سلامة لما اتجوزتيه كان مأمور ولا مدير مديرية يا ست ماماااااا !!!

اخرسي يا بت قطع لساااااانك , سلامة ما كانش عواااااااطلي, سلامة كان اسطى حدّاد قد الدنيااااا ,انا اللي خليته يسيب شغله عشان كنت ست وحدانية وكنت عايزاه يقف جنبي في شغلي عشان الغيلان ما تاكلنيشششششش

ماشي يا ماما , يعني معنى كلامك كدة ان الست ممكن تقف جنب جوزها وتعلي مركزه بفلوسهاااا

ههه وانتِ بقى حيلتك فلوس !

فلوسي هي فلوسك يا مامااااا ولا انا مش بنتك وحتة منك اهئ اهئئئئئئئ اه ياني يا باباااااا اتبهدلت من بعدك , ياريتني كنت روحت عيشت معاااااه

وهو ابوكي حد عارفله طريق يا بتتتتت اووووووف طب خلاص بطلي عياط وفهميني , يعني الولا ده كويس ولا داخل على طمع ؟

لا يا ماما مش داخل على طمع , ده بيحبني وشاريني اهئ اهئئئئئئ واني بقى لو ما اتجوزتوش هنموتوا نفسييييي هاااا

بس يا بت بلاش هبل , طيب خلاص خليه يجي يقابل عمك سلامة يوم الحد

ايّوووووووووه ده النهاردة الاتنين , لسة هنستنوا ليوم الحددددددد !

اومال يعني هنقفلوا المحل مخصوص ونستنوا اسم الله عليه بتاعكككك ! قولي لصاحبتك تخليه يجي يوم الحد بعد العِشا

اوووووووف ماشي يا مامااااااا

*********************************

والعريس اللي جاي لبنتك ده يعني معاه شهادة ايه واهله مين ومن عيلة مين ؟؟؟؟

لما يجي ابقى اسأله يا سلامة

وانتِ ما سألتيش بنتك ليه ؟

البت ما تعرفش عنه حاجة , زي ما قولتلك يبقى ابن عم صاحبتها

ممم ابن عم صاحبتها , ماشي , نقابلوه ونشوفوا حكايته ايه

*************************************

انا مبسوطة قوي انك عملتي اشتراك في النادي بتاعنا يا ميريهان 

ههه ميرسي يا بيسكي , بصراحة اصلك حببتيني في النادي بتاعك قوي وحبيت الشلة بتاعتك من قبل ما اشوفها

هتنبسطي موت مع الشلة بتاعتنا , ده رامي هناك اهو

مين رامي ؟

 ده الجان بتاع الشلة بتاعتنا

هه فعلا , شكله امور جداً

 استني هعرفك عليه , راااااااااااامي هاي رااااااااامي

هاي بيسكييييييي

تعالى اقعد معاناااااااا

اووووك

***************************

هالووووو هاور ار يو بيسكي, ازيكككك

ازيك انت يا رامي , اعرفك على ميريهان  , انتيمتي وعضوة جديدة في النادي بتاعنا

هاي ميريهان 

هاي رامي,بيسكي كلمتني عنك وعن الشلة , بصراحة حبيتكو قوي من قبل ما اشوفكو

هههه ثانكس , طلبتوا حاجة ولا لسة ؟

احنا لسة جايين من شوية يا رامي ولسة ما طلبناش حاجة

أوك , اطلبلكو بروفيت رول معايا ولا تاخدوا حاجة تانية ؟

انا اخد بروفيت رول, وانتِ يا ميريهان  ؟

زيك وزي رامي يا بيسكي

اوكيه رامي , يبقى تلاتة بروفيترول

اوكيه , بليزززز تلاتة بروفيترووول

تحت أمر حضرتك

وانتِ بقى بتدرسي ايه يا ميريهان  ؟

انا بدرس في الجامعة الألمانية

اها ههه جود

وانت يا رامي ؟

انا بدرس ادارة اعمال في جامعة خاصة

على فكرة يا ميريهان  , رامي يبقى  حفيد دكتور هاشم الحسيني

ريلي ! هههه جدك دكتور مشهور جدا 

انتِ شوفتي جدو قبل كدة ؟

لا , بس شوفت اللقاءات بتاعته في التليفيجين كتير

تررررررررررررررررررررررررررررررررررررررن

موبايلك بيرن يا بيسكي يا روحي

يييييييييي دي مامي يا ميرهان , الو ايوة يا مامي اوووووف يا مامي يعني هكون فييييين انا في النادي مع الشلة ,ييييييي يا مامي وانا مالي بخالتي اللي جاية من باريس ولا جاية من رومااااااا !!!......هو ايه اللي عيب انها تيجي ما تلقنيششششش ! على اساس انها فاكرة شكلي قوي يعني ...اووووووووووف حاضر يا مامي حااااااضر هاخد عربيتي واجي جري , بس يكون في علمك مش  هقعد كتير, بالليل عيد ميلاد مهند صاحبي ولازم احضر وإلا هيزعل مني....خلاص اوكيه , نص ساعة واكون عندك يا ست مامي ,باي , اوووووف سوري يا جماعة مضطرة اسيبكو عشان الست خالتو جاية من باريس ولازم اكون في شرف استقبالها ههه

هههه روحي يا بيسكي , تلاقي خالتك جايبالك لعب وعرايس كتير

هههه اتريأ براحتك يا رامي , خلي بالك من ميريهان  , باي ميريهااااان 

باي بيسكي, كيب إن تاتششششش مممممم هه ازيك يا رامي

ازيك انتِ يا ميريهان  , البروفيت رول وصل

اتفضلوا يا فندم

اوك, ثانكس , رجع التالتة بقى عشان صاحبتها مشيت

مافيش مشكلة , تحت أمركو

اتفضلي البروفيت رول بتاعك

ميرسي يارامي ممم هو انت ساكن فين ؟

في حدايق القبة , وانتِ ؟

في الزمالك

ليا فريندز كتير في الزمالك , هو باباكِ بيشتغل ايه ؟

بابي !!! بابي ماشوفتوش من يوم ما اتولدت

يا خبر ابيض! ليييييه !

اصله هو ومامي متطلقين , طلق مامي بعد ما اتولدت على طول

هههههههههههه ليه ! هو انتِ كنتي وحشة قوي كدة !

كدة ! انا وحشة يا رامي !

اون ذا كونتيريري , بالعكس , انتِ جميلة جدااااا , انا بس استغربت لما قولتي ان باباكِ طلق مامتك بعد ما  اتولدتي على طول

اللي عرفته من مامي انهم كانوا على طول في مشاكل بسبب سهرها برا

طب ومامتك كانت بتسهر برا ليه ؟

شغلها يا رامي

شغلها ! هي مامتك بتشتغل ايه ؟

مممم مامي رقاصة

رقااااااااصة !

اتخضيت كدة ليه !!!! طبعا هتقول عليا انسانة مش كويسة عشان مامي رقاصة

نيفررررر , اقول كدة ليه ! كل واحد حر في حياته وفي الشغل اللي يريحه

لا يا رامي , ده رأي كل الناس , بيفتكروا ان الرقاصة انسانة وحشة ومش كويسة واكيد بنتها زيها  اهئ اهئ لكن حقيقي يا رامي ده ظلممممم , مامي انسانة رقيقة جداااااا فنانة حقيقية , حتى لما بترقص بترقص بإحساس عالي قوووي بتتأثر بالموسيقى وتحس انها فراشة , مش رقاصة

هههههههههههههههههه واضح انك معجبة بمامتك قوي

قوي يا رامي , مامي انسانة عظيمة , احسن من كل امهات اصحاااااااابي , وبعدين انا قدامك اهو , شايفني انسانة همجية ولا بتكلم بطريقة منفرة  ولا بتصرف تصرفات مثيرة للإشمئزاز ؟

بالعكس , انتِ رقيقة جداااااا , اللي يشوفك بصراحة يقول ان مامتك عازفة بيانو او راقصة باليه , مش بتاعة رقص شرقي

مامي ربتني احسن تربية , كنت في ارقى مدارس في مصر واتعلمت على ايد ارقى مدرسين , بعرف اتكلم تلات لغات وعندي اصحاب من كل دول العالم

يااااااه تعرفي انك شدتيني قوي , شخصيتك تجنن بجدددد

هه ميرسي يا رامي , انت اللي شخصيتك تجنن وانا مبسوطة اني اتعرفت عليك ممممم تعرف , انا ارتحتلك قوي كأني اعرفك من زمان

هه وانا كمان يا ميرو 

ههه ميرو  ! كمان بتدلعني ! حلو قوي ميرو  , اول مرة حد يناديني بيه

ههه اومال بيدلعوكي بإيه ؟

ممممم اقولك , مامي بتدلعني بميمي  , واصحابي بيدلعوني بريري  , لكن تعرف , ميرو  عجبني اكتر ههه

ههه اوكيه يا ميرو 

يااااااه مضطرة اسيبك دلوقتي يارامي عشان معاد درس البيانو

بتعزفي بيانو ؟

أها , وانت بتعرف تعزف حاجة ؟

بعزف اورج  كويس

ههه انا احب الأورج  قوي , وطالما احنا الاتنين بنحب الموسيقى يبقى ميولنا واحدة واكيد هنبقى اصحاب

اكيد يا ميرو  , ما اعطلكيش عن درس البيانو بتاعك

هنتقابل تاني ؟

اكيد , طالما انتِ عضوة في النادي يبقى هنشوف بعض كتير

طيب ممكن موبايلك يا رامي وحسابك على الفيس عشان ابعتلك اد ؟

اوكيه , هاتي موبايلك وانا اسجلك رقمي عليه

اتفضل يا رامي

اتفضلي يا ميرو , ده رقمي ولما نتكلم ابقى اقولك على حسابي ع الفيس

اوكيه , هكلمك بعد ما اخلص درس البيانو , باااااي

باي ميرو  ههه كيوت  قوي البنت دي

*************************************************

يلا يا ماما لَبَستي ولا لسسسسسسسة ميمو زمانه جااااااي

بنلبسوا يا بت , يلا يا سلااااااااامة الولا زمانه جاي

ماشي يا ألطاف , ولو اني مش مرتاح للحكاية دي

ايّوووووووه وليه بقى ! هو انت كنت شوفت الولا ولا تعرف عنه حاجة !

مش محتاج نشوفووووه ,بنتك بتقول انه لسة مخلص جيشه ولسة ما اشتغلش

ايوة بس بتقول هيجيله عقد عمل كلها شهرين تلاتة في الخليج وهياخدها معاااااه

والله ! ههأ , ابقي سلميلي ع الخليجججج

طب يلا يلا الولا زمانه على وصوووول

**************************

خلف هذه الجدران,هبة عبد العظيم نور

**************************

اهلا يا ........

ميمو , اسمي ميمو يا عم الحاج

ميمو ! وده اسمك اللي في شهادة ميلادك ؟

لا , اني اسمي في شهادة الميلاد حمدي لكن امي بقى الله يديها الصحة طول عمرها تقولي يا ميمو لحد ما لَزَقت فيا ههههه

اه ههأ يا مرحب

يا مرحب بيك يا عم الحاج

نورتنا يا استاذ ميمو هههه دي ايناس بنتي بتشكر فيك يامَا وربنا

هههه ده من أصلها الطيب , اني اللي محظوظ ان لها ام زيك وربناااااا

هههه تعيش , اشرب الحاجة الساقعة

هو ده ايه ؟ برتقااااااان؟

ايوة

ما نحبوووووش , يا ريت لو فيه صودا لمون عشان بنحبوها قوي

لا وربنا ما عندنا , بس معلش , لو فيه نصيب وجيت عندنا تاني هنغرقوك صودا لمون هههه

هههههه يبقى هنغرقوا يا طنط

الله ههه طنط طالعة من بقك عسل وربناااااا , يا اينااااااااس يا نووووووووسة , تعالي سلمي على عريسكككك

حاضر يا ماماااااا

بنتي ايناس بتتكسف قوي  , اصلها تربية بيتي معتبرة , انا ماسكاها بإيد من حديد , لا عمرها لفت ولا دارت ولا عَرَفت شبان زي البنات البايظين اللي ما اتربوووووش

ههههههه على يدي يا طنط , عاشت التربية واللي ربت الصبية ههههه

هههههه ايّوووووه عليك عسل وربناااااااا بت يا نوووووسة تعالي يا بسبوسة سلمي على عريسككككك

مساء الخير هههه

اهلااااا مساء النور يا نووووسة ههه اني قاعد من بدري مستني طلة القمر

ههههه أيّووووه بنتكسف وربناااا

ههههه عسل

اوووووووووف عن اذنكو , تعالي ورايا يا ألطااااااف

**************************

خلف هذه الجدران,هبة عبد العظيم نور

**************************

ايه يا سلامة فيه ايه ؟

فيه قلة ادب وسفالة من بنتك ومن الولا الصايع اللي جاي يخطبهاااااا

أيّووووووه هو كان حصل ايه يا سلااااااامة !!!

ولا قليل ادب وبِجِحححححح ايه البجاحة اللي بيتكلم بيها ددددددي , عمال يغازل البت قدامنا ويقول كلام يفور الدم ولا عاملي اعتبار ولا كأنه قاعد مع رااااااااجل

ايّوووووووه ! الولا ماقالش حاجة لده كله ! فيها ايه يعني لما بيقول للبت كلمتين حلوين يفتح نفسها بيهم ! هما البنات كدة يحبو الكلام الحلو من خطّابهمممم

هو خلاص بقى خطيبهااااااا ! احنا لسة ما وافقناش عليه يا ألطاااااف

هنوافقوا يا سلامة , طالما الولا رايد بنتي وبيحبها يبقى هنوافقوووووا

اوووووووف انتِ حرة في بنتككككككك , وايه اللي بنتك عاملاه في وشها دددده , ملونة وشها وحاطة خمسين لووووون , غير اللبس المكشوف اللي لبساه وعاملة زي العواااااااالم , ايه القرف اللي انتو فيه دددده

ايّوووووووووه جرا ايه يا سلاااااااامة اومال عايزها تدخل ع العريس بِمَلَس ولا ببرقععععع !

برقع ! بنتك قلعت برقع الحيا وما بقاش حد له كلمة عليهاااااا

سلامة استهدى بالله كدة وخلينا نكملوا الليلة على خير , احنا سايبين الولا برا وكدة ما يصحش

اووووووف ماشي , بس احنا بقى هنسألوا ونستقصوا ع الولا ده وهنشوفوا اللي بيقوله كدب ولا صدددددق

طيب طيب , يلا تعاااااااالى , تعالى بقى , ده غلب ايه دددده !!

**************************

خلف هذه الجدران,هبة عبد العظيم نور

**************************

ههههه انما ايه الحلاوة دي يا بت يا ايناس !

ههه عجبتك يا ميمو ؟

انت تعجب الباشا يا باشاااااا هههه

طب بس بس عشان امي وجوزها جايين على هنا

يا مرحب بيهم ههه يعتبروا البيت بيتهم هههههه ازيك يا طنط , وربنا احنا قلبنا انشرح اول ما شوفناكِ , زي ما تقولي كدة حسيت انك امي

ههه تعيش يا ميمو , اتفضل شكالاتة

اسمها شيكولاتة يا ماماااااا توووء

هههه سيبيها تقول اللي هي عايزاه يا ايناس , طالعة من بقها زي العسل وربنا

ههههههههه تعيش يا ابني , شايفة الذوق يا بت يا ايناس !

ابسط يا ميمو , ماما راضية عليك , اوعى تفتكر ان رضاها بالساهل , ماما رضاها صعب قوووي

واحنا نتمنوا ننولوا رضاهاااااا

لو عايز تنول رضايا يبقى تشيل بنتي في حبابي عنيك

احنا نشيلوها في حبابي حبابي حبابي عنياااااااا هههه دي نوسة البسبوسة ههه احم احم .... هو الراجل جوز امها ده بيبصلي كدة ليه !... ازيك يا عم الحاج

يا مرحب

ههه الله يرحب بيك , اصلك يعني ما بتتكلمش معانا

ونتكلموا معاكو ليه ! ما انتو بتتكلموا مع بعض ومنسجمين ع الآخر ولا كأن حد قاعد معاكو

انت الخير والبركة يا عم الحاج

شوف يا .............

ميمو , ابنك ميمو

طيب شوف يا ميمو يا ابني , ايناس دي أنا الي مربيها , اتجوزت امها وهي كانت صغيرة , يعني انا في مقام ابوها , مش جوز امها وبس , وعشان هي بنتي وتهمني يبقى مش هنقدروا ندوك رد غير لما نسألوا عليك الأول ونعرفوا انت مين واهلك مين

ها !!! أأأ تت تسأل عليا !!! هي ايناس ما قاتلكش اني نبقى ابن عم صاحبتهااااا !

قالتلنا , بس هو عشان انت ابن عم صاحبتها مانسألوش عليك !!!

أأأ لا ازاي ! اسأل , من حقك تسأل , أأأ بس , بس انا .........

انت ايه ؟

أنا بس كنت عايز نقول ان في ناس ما بتتقيش ربنا وممكن تديك معلومات غلط عني وعن عيلتي , فلازم يعني تختار تسأل مين

لا ما تشيلش هم انت , احنا ما بنسألوش أي حد ولا أي ناس , هنجمّعوا الكلام كله ونوزنوه ونعقلوه قبل ما نردوا عليك بأه أو لأ , شرفتنا يا استاذ ميمو

ماشي , ماشي يا عم الحاج , سلام

الله يسلمك يا سيدي

اوووووووف شوفتي يا ماما الأسلوب اللي جوزك عامل بيه ميمووو ! ده لو جاي يشحت ولا يطلب حسنة كان عامله بطريقة احسن من كددددددة

يا بت ما جراش حاجة , عمك سلامة مقلّق شوية من يمته ,ولما يسأل ويستقصى عنه ويطلع ابن ناس كويسين هيعامله احسنها معاملة

اوووووووف يسأل ايه بس ! هو لازم يعني يسأأأأأأأأأل !!!!

ايّوووووووووه اومال هنرموكي لاي حد من غير ما نعرفوا اصله وفصله يا بتتتتتتتت !

اووووووووووف أنا داخلة نتخمدددددددد

ادخلي يختييييي , سلااااااااااامة

نعم

هتسأل ع الولا ده ازاي يا سلامة ؟

احنا ليا طريقتنا يا ألطاف , ما تشغليش روحك انتِ , مع ان الجواب بيبان من عنوانه , احنا مش مرتاحين للولا ده ابدااااااا

ايّووووووه يا سلامة , مش مهم انت ترتاح , المهم تسأل ولو الولا كويس نجوزوه للبت ونرتاحوا ونريحوهاااااا

هو انتِ عايزة ترمي بنتك لاي حد وخلااااااص !!!

يا خويا البنات هم ع القلب , دانا البت مخلية عيني في وسط راسي من القلق عليها , اهي لما تبقى في عصمة راجل يبقى يتصرف معاها هو بقى , وعلى الأقل نفضولك يا حبيب قلبي ونعيدوا الذي مضى هههه

مش وقت هزار , يعني نفهموا من كدة ان حتى الولا لو كان مش كويس واهله ناس مش كويسين برضو هتجوزيه البت يا ألطاف !!!

لالالا ازاي بقى ! مش للدرجة دي يا سلامة , بس انا كدة قلبي حاسس ان الولا كويس وابن حلال , وانت عارف بقى ان قلبي دليلي , وإلا ما كنتش اخترتك عشان تبقى راجلي وسندي يا سلومتي هههههه

على العموم احنا هنسألوا ونتقصوا عليه بمعرفتي , واللي هنعرفوه عنه هنقولوهولك

تسلم يا سلامة , طول عمرك واقف في ضهري ومش مشيلني هم

**************************************

ترررررررررررررررررررررررررررررررررررن ترررررررررررررررررررررررررن

ايّوووووه ده الولا ميمو , الو ايوة يا ميمو هههه لحقت نوحشك يا ولا ! دانت لسة نازل من عندنا ما بقالاكش ربع ساعة

اووووووف انا نازل من عندكو وانا مولّع ومش طايق روحي وربنااااااااااا

ليه كدة يا ميمو !!! ده حتى ماما قابلتك احسن مقابلة وكان ناقص تشيلك من ع الأرض شيل

احنا مش بنتكلموا على امك , احنا نقصدوا الراجل الغتيت اللي يبقى جوزهااااااا

الله ! طب وانت مالك وماله ! قولتلك ألف مرة اهم حاجة ماما تبقى راضية , انما ده طَلَع ولا نَزَل جوز مامااا لا له عليا كلمة ولا له حكم

ايوة يا ايناس بس ده بيقول هيسأل عليا في المنطقة

طب وفيها ايه ! طالما انت كويس واهلك كويسين ويشرفوا يبقى يسأل زي ما هو عايز

يا بت ابويا متعارك مع نص المنطقة وبينهم مشاكل يامَااااااا

ايّووووووه مع نص المنطقة !!! ههه هو ابوك بتاع مشاكل ولا ايه يا ولا !!!

ابدا , انا ابويا غلبان , هما اللي ناس عايزين الحررررررق , وعشان كدة بقى أنا خايف ليقولوا في حقي وحق ابويا كلام غلط ويبوظوا الجوازة

مممم على العموم حتى لو قالوا فيك اللي ما يتقالش , انا برضو متمسكة بيك

اووووف  وجوز امكككككك ؟؟؟؟

قولتلك ما تشيلش هم , هو ماله هو !!! مش كفاية عايش على قفا امي وفي خيرها , كمان هيتحكم فيا !!!

ههههه الراجل ده محظوظ قوي يا بت , اتجوز امك وحط ايده على املاكها وعايش في النعيم

على رأيك , لما امي اتجوزته كان شحات وكحيان ومش لاقي ياكل, اوووووف ربنا يخلصنا منه

بت يا اينااااااااااس , قافلة عليكِ الأوضة بتهببي اييييييه؟ تعالي عايزاككككِ

ايّووووه ماما بتنادي عليا يا ميمو , سلام دلوقتي ونكلموك بعدين

****************************************

رااااااامي يا راااااااااامي  اصحى

ايه ده ! مانو ! هي الساعة كام ؟

قوم يا ابني الساعة عدت عشرررررة

عشرة ! طيب كفاية كدة , فطرت ولا تفطر معايا ؟

لا يا سيدي فطرت الحمدلله , اتصلت بيك بالليل كان موبايلك مقفول

ايوة , كنت قافله من صداع البنات المجانين اللي كل ربع ساعة يتصلوا, اوووووووف زهقت منهم

ههه حد غصبك ! ما تبطل تعرف بنات

نووووووو مش كل البنات , انا زهقت من القدام بتوعي , لكن من يومين بقى اتعرفت على حتة بنتتتتتتتتت رهييييبة

يا ابني انت ما بتزهقشششششش ! كل حياتك بنات في بنااااااات ! ده ايه الملل ددددده

هههههههه ملل ! الملل بيجي من القدام , لكن الجداد كووووووول وخصوصا ميرو 

مين ميرو  دي !

دي البنت اللي اتعرفت عليها من يومين في النادي , اسمها ميريهان  ومامتها رقاصة

اييييييييييييه ! رقااااااااصة , ايه يا ابني المستويات دي !

يا عم مستويات ايييييييه ! دي بنت تجنننننننننن , اولا بتعرف تلات لغات وكانت في ارقى  مدارس مصر ودلوقتي في الجامعة الألمانية

عادي , بفلوس امها , بس برضو الفلوس مش هتغطي على شغل امها في مجال متدني زي ده

طب بس بس , انت بتقول كدة عشان ما شوفتهاش , يااااااااااه بنت رقيقة بشككككككل , صوتها ده همسسس ما حدش يسمعها إلا اللي قاعد قريب منها , وملامحها رقيييييييييقة, واسلوب كلامها راقي جدااااااااا

انت متأكد انها بنت رقاصة ؟ هههه

ههه شوفت بقى ان شغل امها مالوش دعوة بشخصيتها الهايلة !

طب وانت عايز منها ايه دي !

عادي , صداقة

هههه لحد ما تزهق منها ؟

لالالا مش ميرو اللي يتزهق منها , يا ابني دي حالة خااااااصة , حالة تشدك قوووي, تحس انك عايز تشوفها كل ثانية , بصراحة ما شوفتش في رقتها ولا في طريقة تفكيرها الراقية دي قبل كدة , تحس ان كل البنات اللي عرفتهم تافهين, لكن دي لااااا ,حاجة تاااااااانية

يا اخي زهقتني بالكلام عنها

قولي يا مانو , انت ما حبيتش قبل كدة ؟؟؟؟

................. رامي انا مش بفكر غير في مذاكرتي

هههه طب عيني في عينك كدددددة

بصراحة يا رامي , انا فعلا بحب , لكن اللي بحبها ما اقدرش افاتح اهلي حاليا اني عايز ارتبط بيها

ترتبط بيهااااااا ! جواز يعني ؟؟؟؟؟؟

اومال يعني ايه ! فاكرني زيك , اضحك على بنات الناس واقضي معاهم وقت وبعدين اسيبهم !!!!

ههههه طول عمرك جد يا مانو , لكن ما قولتليش , ما تقدرش تفاتح اهلك ليه ؟

اصل احتمال كبير قوي ما يوافقوش على اهلها

ليه يعني ! هو باباها بيشتغل ايه ؟

بيشتغل عم عواد البواب

وااااااااات ! ههههههههههههههههههههههههههههههه نوووووووووووووووو , سِنيورة سهيرررررررررر ! اُوه مون ديوووووووووووووو

يوووووووووووو من فضلك يا رامي ما تتريأش عليهاااااا

ههههههه يا عم ما اتريأتش ولا حاجة , انا بس اتفاجئت , انت فاتحتها انك بتحبها ؟

لا

ليه ؟

هي دي بتدي فرصة لحددددددد , دي ما بتدنيش فرصة اقولها حتى صباح الخيررررر

ههههههههه اصلك مش من مستواهاااااااااااا

ههههههه بس والله اللي هي بتعمله ده بيخليني اتمسك بيها اكتر , احب البنت اللي بتحافظ على نفسها ومش بتدي فرصة لحد انه يتجاوز حدوده معاها

ههههههههههههههههههههههههههههههههههههههههههههههههههههههه يا سلام لو طنط رشا عرفت ههههههههههههههههههه مش بعيد تغتالك وتغتال سهيرررررررر, دي مامتك بتقرف من سكان العمارة , تقوم انت تحب بنت البواب وتقولها جوزيهالي ههههههههههههههههههههههههههههههههه

والله يا رامي انا مش شايل إلا هم اقناع ماما

لالالا انت ما تقنعهاش عشان هي عمرها ما هتقتنع , انت تاخد سهير وتهرب وتتجوزوا في بلد بعيد عن امك هههههههههههههه

ههههههه ربنا يستر يا رامي

**************************

خلف هذه الجدران,هبة عبد العظيم نور

**************************

ولحد هنا وانتهت حلقاتنا لهذا اليوم

حابة اشكر كل القراء اللي بيعلقوا على الأحداث ..شكراً جزيلاً لكم 

القراء الأعزاء المنتظرين للرواية على الأمازون,إن شاء الله النهاردة أو بكرة بالكتير سيتم رفعها على الأمازون

تأخيرها بسبب مراجعتي الأخيرة لها وللتأكد اني وضعت كل المشاهد

*************************

القارئة العزيزة wala wala

سأرد عليكِ باستفاضة إن شاء الله بشأن الروايات الخاصة بمرحلة المراهقة في الأسبوع القادم فلي حديث طويل بهذا الصدد لكِ ولكل القراء

********************************

القارئة العزيزة assassins

,

truly, curiosity killing me to know the secret behind that  vague name ,if you don't like to reveal it up to you ,but in fact i astonished

accept my greetings

************************************

ملحوظة هامة لجميع القراء الأفاضل

أنا لا أحذف تعليقات إطلاقاً ,ربما يحذفها أصحابها ,وأحياناَ تحذف بسبب خلل ما في المدونة

اقول ذلك حتى لا يظن قرائي الأعزاء ان لي دخل في ذلك ,فأنا بريئة براءة الذئب من دم ابن يعقوب ههه

تحياتي لكم جميعاً

التقيكم إن شاء الله يوم الأثنين القادم مع أحداث جديدة

لا تنسوا ذكر الله والصلاة على الحبيب المصطفى عليه الصلاة والسلام

اللهم صل على محمد وعلى آل محمد كما صليت على إبراهيم وعلى آل إبراهيم في العالمين إنك حميد مجيد

وبارك على محمد وعلى آل محمد كما باركت على إبراهيم وعلى آل إبراهيم في العالمين إنك حميد مجيد

سبحان الله وبحمده عدد خلقه ورضا نفسه وزنة عرشه ومداد كلماته