الحلقة الثامنة والثلاثين (ف2)

**************************

خلف هذه الجدران,هبة عبد العظيم نور

**************************

مين اللي رن الجرس من شوية يا منة؟

ده رامي ابن عمي يا ماما

عايز ايه؟

هيكون عايز ايه يعني ! هههه هو جاي يشحت! جاي لعبد الرحمن ودخله اوضته

اوووف والله ما عاجبني صحوبية عبد الرحمن للولد ده

دي مش صحوبية وبس يا ماما ,دي قرابة,هو احنا هنقاطع قرايبنا كمان!

امشي يا بنت,امشي شوفي كنتِ بتعملي ايه

اوكيه يا مامتي

**************************

خلف هذه الجدران,هبة عبد العظيم نور

**************************

بقولك ميرهان بتحبني يا مانو

وانت مالك فرحان قوي كدة!أنا متأكد انك مش بتحبها

لا طبعاً بحبها,يا مانو بقولك دي بنت مختلفة عن كل البنات اللي عرفتهم,ما تتصورش قد ايه هادية ورقيقة,دي كمان ما بترقصش راب ولا صلصة,مش بتحب غير التانجو

هههههههه يا سلام على الاختلاف,هو الاختلاف عندك في نوع الرقص!أهو كله رقص

بقولك ايه,أنا مش عايز تريئة

شوف يا رامي يا ابن عمي العزيز,البنت دي عمر عمي عصام ولا العيلة كلها هتوافق عليها

ريلي! وهيوافقوا على الليدي سهير؟

راااااامي,ما اسمحلكش تشبه سهير بالبنت دددي

ليه يعني! إذا كانت ميرهان أمها رقاصة,فسهير أبوها بواب,وبرضو العيلة مش هتوافق على جوازك منها

لا,سهير مش زي البنت دي,سهير دي كيان له احترامه,من أسرة مكافحة بتبني نفسها بنفسها

طيب ما هي ميرهان كمان من أسرة مكافحة,هو الرقص ده مش كفاح وعرق! ههه

اديك انت اللي بتتريأ يا رامي,انت بقى لو مقتنع بشغلة امها ما كنتش اتريأت,انت بس انبهرت بيها عشان لقيتها اهدا من كل البنات اللي عرفتهم,لكن دي طلعت ولا نزلت بنت رقاصة,ما اعتقدش ان أي واحد محترم يتشرف انه يتجوز واحدة أمها بتكسب فلوس من تعرية جسمها

.....أوك,أنا ماشي,عندي معاد مع ميرهان,عازمها ع الغدا,بيس يا مان

بيس يا رامي..ازاي يشبه بنت الرقاصة بسهير! مجنون

**************************

خلف هذه الجدران,هبة عبد العظيم نور

**************************

يا أمي انا مش عارف ليه كل ما اعزمك تيجي تتغدي معايا ومع رشا والولاد تطلعي بألف حجة

هه يا هاني يا حبيبي وانا هتحجج ليه بس ! غاية من هنالك اني مش بحب اسيب بيتي

يا سلام ! اومال يعني بتنزلي عند ماجد كتير ليه ! هو ابنك وانا لأ !!! ولا هو أغلى مني عندك

هههههههه يا ولد يعني رغم انك كبرت وبقيت ماشاء الله عميد شرطة قد الدنيا لسة بتفكر زي الطفل الصغير كدة !!!

انا هفضل طفل صغير وفي شدة الاحتياج ليكِ طول العمر يا امي

يا حبيبي هو انا قصرت في ايه بس عشان تلومني ! أولاً كلكو غلاوة واحدة في قلبي , لكن بصراحة يا ابني انا ما برتاحش غير عند منال , بحس انها بنتي وانا في بيت بنتي , واظن دي حاجة ما تزعلش

هه طبعاً , ماهي اختيارك يا ست الكل

ونعم الاختيار الحمدلله , ازي عبد الرحمن ومنة ؟

الحمدلله كويسين , سايبهم بيذاكروا

ربنا يوفقهم إن شاء الله

ترررررررررررررررررررررررررررررررن

طيب عن اذنك يا امي هفتح الباب

اتفضل يا هاني

**************************

خلف هذه الجدران,هبة عبد العظيم نور

**************************

عصام ! دا عصام يا امي

ازيك يا امييييي

اهلاً يا دكتور , عاش من شافك

هههه والله غصب عني , عاملة ايه يا امي

الحمدلله يا حبيبي , اخبار رامي وايتن ؟

كويسين

طيب يا عصام  هقوم اعملكو حاجة تشربوها انت وهاني

ما تتعبيش نفسك يا امي

تعبكو راحة يا دكتور

ازيك يا عصام ههه عملت ايه في عيد ميلاد مراتك ؟

يا اخي بلاش قررررف , ده كان مهزززززلة , تخيل الدكتور هاشم يسيبني انا والدكتور الكبير فخري ابو اليزيد ويقوم يرقص مع صاحبات رامي وايتن !!!

ههههههههههههههههههههههههههههههه راجل رايق

راجل مش محتررررم , حاجة تكسسسسسف ,  انا ما كنتش عارف اودي وشي فين من الخجل من دكتور فخري

ههههه انا مش عارف انت ايه خلاك تحضر السنة دي

هو انا كنت اعرف ان هيحصل ده كله !!!

جبتلكو اتنين عصير جوافة يا ولاد..اتفضل يا عصام

شكراً يا أمي ,ما تتصل بماجد يجي يقعد معانا شوية يا هاني

اه والله نفسنا نتجمع,هتصل بيه حالاً

ترررررررررررررررررررررررررررررن

السلام عليكم يا هاني

عليكم السلام يا ماجد,انا وعصام عند أمي,اطلع اقعد معانا شوية عشان القعدة تحلى ههه

ههه من عنيا حاضر,دقايق واكون عندكو ان شاء الله,منال عاملة كيكة بالكراميل,هجيبلكو معايا بس حد يعمل الشاي على ما اطلع

ماشي يا سيدي,هقوم اعمله انا,اوعى تنسى الكيككككة

ههه لا ما تخافش…منااااال,منوووووولة

نعم يا حبيبي,قضيتوا ع الكيكة انتِ وولادك ولا لسة باقي منها حاجة ؟ ههههه

هههه لا ما تخافش,فاضل نص الصينية

طب حلو,حطيهم في طبق وهايتهوملي

واخدهم ورايح على فين؟

عند أمي

والله كنت الصبح هطّلع منها لماما أمينة من غير ما تقول

عارف والله من غير ما تقولي هههه بس أصل اخواتي متجمعين فوق وقلت ناكل كيك وشاي مع بعض

الله! بفرح قوي لما تتجمعوا والله يا حبيبي..هحطلك الكيكة وشوية تسالي من عندي لزوم سهرتكو ههه

تسلميلي يا ام معاذ يا غالية ههه

**************************************

سلامة اتأخر ياما يا بت يا نوسة ,وانا عايزة ننام ومش قادرة نستنوه

طيب اطلبيه ع الموبايل  شوفيه فين يا ماما

 طب ناوليني الموبايل يا بت

خدي يا ماما

في حاجة يا بت اسمها خدي يا ماما ! ما تعرفيش تقولي اتفضلي زي البنات المتربيييييييين !!!

هههههه ولا تزعلي يا ست ماما , اتفضلي يا لطافة يا قمر هههه

ههه هاتي يا مضروبة

الرقم الذي تحاول الإتصال به ربما يكون مغلقا أو خارج نطاق .............

ييييييييييي موبايله مقفووووول

تلاقيه فاصل شحن يا ماما

انا مش قادرة نستنوا اكتر من كدة يا بت , دماغي تقيلة ومش قادرة نفتّحوا عنيا

طب ادخلي نامي انتِ يا ماما وانا نستنووووه

طب لو ما كانش اتعشى برا ابقي عشيه يا بت

حاضر يا ماما , هنعشوه وهنروقووووووووووه هههههه

طيب يا بت , تصبحي على خير بقى

وانتِ من اهل الخير يا ماما مممممم اما ندخلوا نستنوه في البلكونة

ايّوووووووه بقالي ساعة إلا ربع في البلكونة وهو لحد دلوقتي ما جاش , اهو اهووووو ههههه جه , اما نروحوا نفتحوله قبل ما يرن الجرس وماما تصحىىىىىىىىى

مساء الخير يا عم سلامة هههه

الله ! ايناس ! هه ازيك يا نوسة , اومال امك فين ؟

ماما نامت وبتقولك معلش ما قَدَرتش تستناك عشان النوم غلبها

نوم العوافي إن شاء الله

تتعشى ؟

يا ريت والله يا ايناس لحسن واقع من الجوع

ههه عيني ليك يا عم سلامة , على ما تغير هدومك نكونوا حضرنا السفرة

ماشي يا ايناس , هنتعبوكِ معانا

ههه تعبك راحة يا عم سلامة

********************************************************

اتفضل العشا يا عم سلامة , قليتلك بيض بالسمنة عشان بتحبه و حتة جبنة بيضة من اللي ملحها خفيف اللي انت بتحبها برضو وقطعتلك جنبهم خيار وطماطم , نجيبوا حاجة تاني ؟

هه لا كدة كويس اوي , كتر خيرك  يا نوسة , اقعدي اتعشي معايا بقى 

سبقت انا وماما

مممم ما تزعليش يا نوسة ع الولا اللي راح , ما يستاهلكيش وربنا

احنا نسينا الموضوع ده خلاص , طالما سألت عليه وطَلَع مش كويس , يبقى مالنا وماله !!!

يعني مش زعلانة يا نوسة عشان رفضته ؟

ههه نزعل منك ! طب دانت في غلاوة ابويا يا عم سلامة وكلامك يمشي على رقبتي

ههه وانتِ غالية عليا يا نوسة وبنعتَبَرك بنتي وربنا

طب كمل عشاك يا عم سلامة على ما نروحوا اوضتي ننزلوا شوية هدوم قديمة من الشنطة اللي فوق الدولاب , اصل يا عيني في بت مسكينة عدت عليا وطلبت مساعدة , اديتلها خمسين جنيي وقولتيلها عدي عليا بكرة الصبح ندوكي شوية هدوم حلوين اوي

ربنا يعينك على مساعدة المساكين يا بنتي , بس تاني مرة لما تدي صدقة لحد بلاش تقولي , خليها بينك وبين ربك

ههه عندك حق , طب عن اذنك هننزلوا الشنطة

اتفضلي يا بنتي

**************************

خلف هذه الجدران,هبة عبد العظيم نور

**************************

مممممممم اما نشوفوه بيعمل ايه ممممممم ده لسة بيطفح , اما نروحوا نجيبوه

عم سلاااااااااامة

ايوة يا نوسة في حاجة ؟

اصل وَقَفت على حافة السرير عشان نطولوا الشنطة وننزلوها لكن ما طولتهاااااااش

طب خدي السلم النقالي اطلعي عليه

السلم النقالي من ساعة ماما ما شيعت خدته المخزن وهي ما جابتوش تاني , معلش يا عم سلامة هنتعبوك

ولا تعب ولا حاجة , طب روحي واحنا هنحصلوكي

**************************

خلف هذه الجدران,هبة عبد العظيم نور

**************************

نوسسسسسة

تعالى يا عم سلامة ادددددددخل اما نطفوا النور ونقطعوا هدومي ههههههه تعالى هنااااااااا

ايه دددددددده ايه اللي بتعمليه ددددددددده

يا مامااااااااااااااااا الحقيني يا ماماااااااااااااااااااااااااااااا الحقيني يا مامااااااااااااااااااااااااا

اوعي يا بتتتتتتتتت اوعيييييييييييي سيبينيييييييييييييي

 نسيبوك ده اييييييييييه ماماااااااااااااااااااااااااااا اهئ اهئئئئئئئئئئئئئئئئئئئئئ حرام عليك يا عم سلاااااااااااااامة ده اني زي بنتككككككككككك اااااااااااااااااه يا مامااااااااااااااااااااااااا

يا بت اوعيييييييييي سيبينييييييييييي

في ايييييييييييييييييه ! مالك يا بت يا نوووووووووووسة , يا مصيبتيييييييييييييييييي ! هو ايه اللي بيحصل هنا دددددددده

اهئ اهئئئئئئئئئئئئئئ الحقيني يا مامااااااااااااا جوزك اتهجم عليا في اوضتي وقطعلي هدومي وكان عايز  اااااااااه مش قادرة نقووووووووول اهئ اهئئئئئئئئئئئئئئئئئئئئ

كدااااااااااااابة بنتك كدابة يا ألطااااااااااااااااف

اه يا راجل يا ندددددددددددددل بقى بتتهجم على عيلة من دور ولادك في اوضة نومها يا نِجِسسسسسسسسسسس اخص عليك راجل من دون الرجااااااااااااااااااالة

اطرديه برا البيت يا مامااااااااااا اطردييييييييه اهئ اهئئئئئئئئئئئئئئئئئئئئئئئئ

بص يا سلااااااااااااامة احنا عشان نحموا سمعة بنتي مش هنفضحووووووووووك , لكن انت من النهاردة لا تتحسب عليا راجل ولا لك عيش في البيت ددددددددددده , طلقني يا نددددددددددددل

بقى كدة يا ألطاف ! صدقتي بنتك وكدبتينيييييييي ! بنتك هي اللي جابتني لحد اوضة نومهااااااااااا

سامعة يا مامااااااا ! اخررررررررررس انا اشرف منك ومن عيلتك كلهااااااااا اهئ اهئئئئئئ شوفتي يا ماما جوزك اللي لمتيه من الشوارع وعملتيه علينا راااااااااااجل !

اطلع برا يا سلااااااااااااااامة براااااااااااااااااااااا وقبل ما تغور من هنا تطلقنيييييييييي

ماشي يا ألطاف , انتِ طااااااااااااالق حسبي الله ونعم الوكيل فيكِ يا نووووووسة افتريتي عليا وانا مظلوووووووووم ,حسبي الله ونعم الوكيييييل

برا يا جوز امييييييي اهئ اهئئئئئئئئئئئئئ براااااااااااااااا ماماااااااا خديني في حضنك يا ماما , اه يا ماما على اللي جرااااااالي اهئ اهئئئئئئئئئئئئ انا خايفة يا ماماااااااا

ما تخافيش يا حبيبتي , تعالي في حضني يا نوووووسة اهئ اهئئئئئئئئئ منك لله يا سلامة كنت هتضيعلي البت في شربة مية اهئ اهئئئئئئئئئئئئئ

شوفتي بقى يا ماما هو رفض ميمو ليه ! عشان الجو يخلاله ويعرف يستفرد بيا وينول غرضه اهئ اهئئئئئئئئئ

بعد الشرررررر اسم الله عليكِ يا حبيبتي اهئ اهئئئئئئئ الحمدلله ان ربنا كشفه ونجاكي يا بنتي , لكن قوليلي يا بت , هو حاول معاكِ قبل كدة وما قولتليش ؟؟؟؟؟؟؟

بصراحة يا ماما , انا من ساعة ما كَبَرت وبقيت انسة قدامه وهو بيبصلي بصات كدة ما بتعجبنيش اهئ اهئئئئئئ دايما كل ما نبص ناحيته نلاقيه بيجيبني من فوقي لتحتي بعنيه , وفي الرايحة وفي الجاية عنيه ملحقاني اهئ اهئئئئئئ ومرة قالي انتِ كَبَرتي واحلويتي اوي يا بت يا نوسة , يا بخت اللي هيتهنى بيكِ اهئ اهئئئئئئئئئ  اتاريه كان طمعان فيا يا ماما اهئ اهئئئئئئئئئئئئ

وايه اللي حصل الليلة دي يا بت ؟

اهئ اهئئئئئئئئ انا يا ماما فضَلت مستنياه لحد ما رَجَع وقولت نعشوه عشان ما يباتش من غير عشا اهئ اهئئئئئئ ما انا بنعاملوه زي ما يكون  ابويا اهئ اهئئئئئئئ وبعد ما حطيت العشا قولتله تصبح على خير يا عم سلامة , ودخلت اوضتي , شوية ولقيته بيخبط على باب اوضتي بالراحة وبيقولي افتحي يا نوسة بصوت واطي اوي , روحت نفتح بحسن نية راح متهجم عليا وقطعلي هدومي يا ماماااااااااا اهئ اهئئئئئئئئئئئئ

منه لله البعيددددددد خلاص اهو راح في ستين داهيييييييية اخص عليك يا سلامة اخصصصصص داني لحد دلوقتي حاسة الدنيا بتلف بيا من ساعة ما شوفته في اوضتك ومقطعلك هدووووووومك

اهئ اهئئئئئئئئئ الهي تتقطع رقبته يا ماماااااااااا , انا مش صعبان عليا إلا ميمو  اللي ظلمه وقال عليه وعلى اهله كلام وحش

ايوة يا بت بس ده سأل عليه

سأل مين يا ماماااااااا ! مش هو شيّع الولا اللي شغال عندك في المحل يسأل ؟

ايوة يا بت

اكيد يا ماما هو اللي موصيه يقول الكلام ده عشان يكرهك في ميمووو, وانا هنثبتووووووولك

******************

الله يسامحك يا بنت ألطاف , بقى اني بعد العمر ده وبعد ما ربيتها زي ما تكون بنتي تفتري عليا وتتهمني تهمة زي دددددددي ! لا حول ولا قوة إلا بالله , طب لييييييييه ! انا عملتلها اييييييه !!! وألطاف تصدقها بالبساطة ددددي ! بقى تصدق فيا كلام زي ده من غير ما تراجع روحها وتقول اكيد البت كدااااابة !!! احنا ننطَرَد على ايد ألطاف بعد خدمتي ليها السنين دي كلهااااااااا ! صحيح , اخر خدمة الغُز علققققققة ........, لكن احنا هنروحوا فين دلوقتي !!! لا معايا فلوس ولا عندي مكان نبات فيه , نروحوا فين دلوووووقتي !!!!! اااااااخ حسبي الله ونعم الوكيل ,.......... مافيش قدامي حل غير إنّي نروح بيت أم ابتسام القديم في الأنفوشي ,..... ايّوووه نرجعوا بعد العمر ده كله !!! طب وماله , البيت فاضي بعد ما هجرته ابتسام واختها وخدوا معاهم ابني وجدي , ....ياترى انت فين يا ابني ؟؟؟؟؟

**************************

خلف هذه الجدران,هبة عبد العظيم نور

**************************

البيت عليه قفل كبير ومصدّي  تووووء طب وبعدين !!! مافيش غير اني نروح نجيب واحد حداد يفتحلي القفل وندخل

***************************

ههههه ده نسيم اهو , عن اذنك يا رنا

تسيم برضو ! ههه ايوة يا ست نورهان ماشية معاكِ حلاوة , بنقولولك ايه , ما تسأليه كدة إن كان له اخ امور زيه كدة وعايز يحب بت امورة وعسولة زيي

ايّووووه, رزلة وكلامك رزل زيك , باي باي

باي يا ستي , بس حتة ولاااااااا ,يا بختك يا نورهااااااان

**************************

خلف هذه الجدران,هبة عبد العظيم نور

**************************

نسيمممم

ازيك يا نورهان , وحشتيني

مممم عامل ايه ؟

الحمدلله تمام

واخبار شغلك مع اخوك ايه ؟

ماشي كويس قوي , اخبار مذاكرتك ايه ؟

ممم بصراحة بقالي يامَا ما ذاكرتش

ليه ؟؟؟

ههه مممم اصل كل ما نيجي نفتح الكتاب , نفتَكَرك ونسرح ومش بنعرف نذاكر ولا كلمة

لالالالا اذا كان وجودي في حياتك هيعطلك عن مذاكرتك فأنا مش هنخليكِ تشوفيني تاني

لااااااااا ,اوعى تعمل كدة يا نسيم

هههه ايه , حبتيني ؟

هااااا ! أأأأ أنا مش بنعرف نتكلم في الكلام ده , بس كل اللي نقدر نقوله اني بنبقى فرحانة قوي لما بنشوفوك

هه... وانا كمان , اتفضلي يا نورهان , العلبة دي عشانك

ايه العلبة دي ؟

دي ساعة يد هدية , معلش , كان نفسي نجييبوهالك دهب , بس الظروف مش سامحة اليومين دول , شوفي كدة

ايّووووه دي حلوة اوي يا نسيم , دي عشاني بجد ؟

ايوة هه عجبتك حقيقي ؟

قووووي هه مممم بس مش عارفة لما نلبسوها هنقولوا ايه لماما

قوليلها واحدة صاحبتي جابتهالي

هتقولي بمناسبة ايه

ههه قوليلها اصل هي بتحبني قوي وبتهاديني من غير مناسبة

هه ممممم طيب أنا هنمشي بقى يا نسيم عشان لو اتأخرت اكتر من كدة ماما هتزعقلي

وانا ما يرضنيش يا نورهان , مع السلامة

الله يسلمك , نسيممممممم

ايوة

هنشوفوك بكررررة ؟

طبعا , سلام يا نورهان

الله يسلمك .... يا خسارة , الوقت بيعدي بسرعة ومش بنعرف نتكلم معاه على راحتي

**************************

خلف هذه الجدران,هبة عبد العظيم نور

**************************

ادخل يا ولا يا محموووود , ماماااااااا

ايوة يا بت يا نووووووسة

احنا جبنالك معانا محمود عشان يقولك ع الحقيقققققققة

تعالى يا محمود

تحت أمرك يا ست ألطاف

انا يا ولا عايزة نعرف , انت روحت سألت على العريس المتقدم لنوسة ؟

ايوة روحت

وقالولك ايه هناك ؟

قالولي ان سمعته زي الجنيي الدهبببببب واهله اسياد المنطقة بحالهااااااا

الله ! اومال يا ولا ايه الكلام اللي سَمَعته من سلامة ده وبيقول ان انت اللي قايلهوله ؟؟

احنا هنقولولك يا ست ألطاف ع الحقيقة عشان الكدب ما لوش رجلين , وانا مسيري نموت ونقابل ربنا ويسألني انت كدبت ليه وعشان ايييييه ...... سامحني ياااااااارب

انطق يا ولا ايه اللي حصل وبلاش من كتر الكلااااااااام

يا ست ألطاف انا لما رَجَعت بالأخبار التمام عن العريس وقولتها لعم سلامة ,راح قالي طب اتكتم يا ولا وما تقولش الكلام ده قدام حددددد , قولتله اومال نقولوا ايه ؟ قالي تقول ان الولا واهله سمعتهم وحشة وبتوع مشاكل وما يتناسبوووووش , قولتله ونكدبوا ليه يا عم سلامة ؟؟؟؟ راح سَكَت شوية وبعدين قالي اصل انا جايب عريس احسن منه ألف مرة لنوسة وعايز نمشّي الولا ده , وانا بقى جيت دلوقتي يا ست ألطاف عشان نخلصوا ذمتي قدام ربنا , سامحني ياااااااارب

سَمَعتي يا ماماااااااا ؟ اتأكدتي بقى ان  جوزك افترا على ميمو ومشاه ليه ؟؟؟؟؟

اسكتي دلوقتي يا بت , متشكرين يا محمود , اتوكل على الله انت

طب سلام انا يا انسة ايناااااااس إحم إحم

طب عن اذنك يا ماما هنوصلوا محمود ونقفلوا وراه الباب

طيب يا نوسة

**************************

خلف هذه الجدران,هبة عبد العظيم نور

**************************

متشكرة يا ولا يا محمود , خد الخمسوميت جنيي اللي اتفقت معاك عليهم

ههههه متشكرين يا انسة , احنا في الخدمة , سلام

الله يسلمك يا ولا , مامااااااااااا

ايوة يا بت يا نوسة

مش جه الوقت بقى عشان نتأسفوا لميمو على اللي حصل ونكملوا الجوازة ؟؟؟؟؟؟

ايوة طبعا , هاتي التليفون وانا نكلموه ونتفقوا معاه على كل حاجة

ههههههه يا حبيبتي يا ماما , اهو ده الكلااااااااام اموووووووه

**************************

خلف هذه الجدران,هبة عبد العظيم نور

**************************

الله ! هو نسيم مش واقف مستنيني ليه !!!! هو اتأخر ولا مش جاي النهاردة

مالك يا نورهان , بتدوري على ايه ؟

نسيم يا رنا , نسيم ماجاش

عادي يعني , هو لازم كل يوم يجي ! تلاقيه مش فاضي النهاردة وهيجيلك بكرة

بجد ؟ يعني هيجي بكرة يا رنا ؟

ههههههه يا بنتي واني ايش عرفني , انا بنقول يمكن يعني يجي , أنا ماشية بقى عشان عندي درس في البيت بعد المدرسة , باااااااي

باي يا رنا , يا ترى ما جيتش ليه يا نسيم !!!!

**************************

خلف هذه الجدران,هبة عبد العظيم نور

**************************

الو السلام عليكم , ايوة يا وردة

عليكم السلام يا سي براهيم , ايه يا خويا , اتأخرت ليه , مش عوايدك

معلش يا وردة , اني دلوقتي رايح البيت بتاع بدور , يمكن , يمكن نلاقوها رَجَعت

يا خويا ريح روحك , دي لا هترجع ولا هتفكر ترجع , هجرت البيت والمكان والله أعلم بالحي من الميت

لااااااا نبوس ايدك ما تقوليش كدة يا وردددددة , قصدك ان بدور ممكن تكون ماتت ؟؟؟؟؟

وما تموتش ليه ! مش لها عمر ولابد ينتهي زي كل خلق الله !!!!

ايوة يا وردة , بس دي لازم تسامحني قبل ما انا نمووووووت

بعد الشر عليك يا اخوياااااا , ربنا يخليك ليني , اني بس يا اخويا قصدي ان ربنا عالم بنيتك وعالم بندمك اللي مالي قلبك واكيد هيسامحك إن شاء الله

يا وردة , ربنا بيسامح اذا كانت المعصية في حقه هو سبحانه وتعالى , لكن اذا كانت المعصية اتضر بيها عبد من عباده يبقى لازم العبد ده يسامح اللي ظلمه وإلا ربنا مش هيسامحه , واني لازم نستسمح بدور ونترجوها تسامحنيييييييي اني ماحدش حاسس بيا وبالجبل اللي على قلبييييييي

يا حبيبي يا خويي !!! ربنا يعترك فيها قادر كريم

طب هنقفل معاكِ دلوقتي عشان قربت ع الحارة اللي فيها البيت , سلام يا وردة

**************************

خلف هذه الجدران,هبة عبد العظيم نور

**************************

ايّوووووووووه ايه اللي اني شايفه ددددده !!!! البيت ما عليهوش قففففففففل !!!!! ههههههه يبقى بدور رَجَعتتتتتتتت بدور رَجَعتتتتتتتت , الحمدلله الحمدلله

ده الباب مفتوح !!! في راجل بيصلي ع السجادة , يا ترى مين ده !!! ندخل ولا نستنى لما يخلص صلاة !!! اني هنستنى

السلام عليكم ورحمة الله .................. السلام عليكم ورحمة الله

تقبل الله

منا ومنكم إن شاء الله , انت مين ؟

اني عايز بدور

بدور !!!!!! انت مين وعايز بدور في ايه ؟؟؟

اني !!! أأأ اني , اني واحد مديون لها بدين كبير اوي وجيت نسده

دين !!! بس بدور مش هنا

مش هنا ! اني لما لقيت القفل اتشال من ع الباب قولت اكيد رَجَعتتتتتت

لا , لا هي رَجَعت ولا اختها رَجَعت

طب هي فييييييين نبوس ايدك تقولي هي فييييييين

العلم عند علام الغيوب

اومال حضرتك مين ؟ وازاي عايش في البيت بتاعهم وهما مش موجودين !!!

اني كنت جوز اختها , لكن الأيام فرقتنا , والدنيا دارت ولفت بيا وفي اخر المشوار رَجَعت وما لقيتش مأوى غير البيت ده

طب تفتكر هي هترجع في يوم من الأيام ؟؟؟؟؟

سبحان علام الغيوب

طب تفتكر ممكن تكون راحت فين ؟؟؟؟؟؟

سبحان علام الغيوب

............ طيب تسمحلي ابقى اجي كل شهر مرة اسأل عليها يمكن تكون رَجَعت ؟

البيت مفتوح في كل وقت , اتفضل اقعد على ما نجيبولك واجبك

لا , كتر خيرك يا ...........

سلامة

كتر خيرك يا أخ سلامة , اني ابراهيم بشر

اهلا بيك

طيب اني هنمشي دلوقتي

مع السلامة

طيب أأأ انت مش محتاج لأي مساعدة يا أخ سلامة ؟ مش عايز فلووووس ؟

الوهاب موجود وبابه مفتوح واللي يقصده ما يحتاجش لخلقه , متشكرين

طيب اني ماشي ونشوفوك الشهر الجاي إن شاء الله , السلام عليكم

عليكم السلام ورحمة الله وبركاته , يااااااارب ماليش غيرك , لا تنسيني ذكرك ولا تحوجني لغيرك ياااااااااارب

**************************

خلف هذه الجدران,هبة عبد العظيم نور

**************************

تن تن سلاااااااااااااااامة هههههه وربنا ما مصدق عنيااااااا , أول ما عَرَفت انك هنا سيبت الدنيا وجيتلكككككك

ايّووووووووووووووه الحاج عبد الغني !!! هههه ازيك يا حاج

عاش من شافك يا سلاااااااااامة بالحضن يا اسطىىىىىىىى

هههه واحشني يا حاج عبد الغني وربنا , اتفضل اقعد

تُشكر يا سيدي , لو كنت وحشتك بصحيح كنت فكرت تيجي تطل عليا , لكن انت بقى روحت وقلت عدّولي

معلش يا حاج , نعملوا ايه ! مشاغل الحياة يامَا

مممم لكن انت ايه اللي رَجَعك يا سلامة ؟؟؟

كل شيء مقدر ومكتوب يا حاج

ايوة يعني راجع تقعد في وسطينا على طول ولا هتسيبنا تاني ؟

لا يا حاج , هنقعد على طول

انت زعلان ويا ألطاف ؟

................. طلقتها

طلقتها !!! يا ترى ايه السبب ؟

................ عيشنا مع بعض اتقطع لحد كدة

ما تأخذنيش يا سلامة , أنا مش قصدي نسألوا ونتقصوا ونتدخلوا في اللي ماليش فيه , أنا عارف ان البيوت اسرار , أنا بس استغربت انك بعد السنين دي كلها تطلقها وترجع لبيتك القديم , والبيت هنا لا فيه حُرمة ولا فيه ونيس

نصيبي كدة يا حاج

ربنا يصلحلك الحال يا اسطى , بصراحة من الأول وانا مش عاجبني الجوازة دي , ألطاف ست مش سهلة , تاجرة وبنت سوق ومالهاش عزيز إلا قرشها , وانت راجل طيب وكنت عايز تعيش جنب حرمة تراعيك بعد أم وجدي الله يرد غيبتها , عايز الحق , انت ما كان لكش الجوازة دي من الأساس

اهو كل واحد راح لحاله يا حاج

لكن مافيش اخبار عن ابنك وجدي وامه ؟

لا .. اشتقت يامَا لابني يا حاج عبد الغني , زمانه كَبَر وبقى راجل ملو هدومه

ربنا يردهولك يا اسطى سلامة , أنا مش قادر نوصفولك فرحتي قد ايه برجعتك لينا , تصدق بالله  يا اسطى ؟

لا إله إلا الله

أنا لسة كنت في سيرتك مع الاسطوات والعيال الصنايعية الجداد عندي في الورشة , كنت بنقولولهم ماعداش عليا اسطى حدّاد زي الاسطى سلامة , لا شوفت في اخلاصه للشغل ولا شوفت في مهارته , اسطى صنايعي بصحيح

تعيش يا حاج

طب مش هترجع الشغل بقى ؟

شغل الحدادة  تاني !

ايه ! هه نفسك كَبَرت ع الشغل معانا يا اسطى وخدت ع العيشة المرتاحة ؟

العفو يا حاج , أنا بس صحتي ما عادتش زي الأول ومش هنقدروا ندوا الشغل حقه , وانت صاحب مال ولازم القرش اللي تدفعه يروح للي يستاهله

أنا مش عايزك تشتغل زي زمان , أنا بس عايزك تشرف ع الورشة وتدرب الصنايعية الجداد , اديك شايف الورشة اللي تحت بيتك مقفولة من يوم ما سبتنا , وانا بنقول خسارة قفلتها , هنفتحوها من تاني ونخلوك مسؤول عنها , واديها تحت البيت , يعني لا هتركب مواصلات ولا هتروح ولا هتيجي , قلت ايه يا اسطى ؟

ما نقدروش نردولك طلب يا حاج , من بكرة الصبح تحت أمرك

ههه تعيش يا اسطى , واحنا من بكرة هنشيعولك تلات صنايعية جداد يكونوا تحت ايدك , علمهم براحتك وشد عليهممممم, أنا عايز الورشة تمشي زي الساعة

ان شاء الله يا حاج عبد الغني , الكلام خدنا وما قدمتلكش واجبك , نستأذنوك دقيقتين على ما نعملوا الشيّ

ماشي يا اسطى

**************************

خلف هذه الجدران,هبة عبد العظيم نور

**************************

يلا يا بت يا أوسا عشان تفطري معايا اني وابوووووكِ

حاضر يا ماما نااااااازلة

عايز حاجة تاني ع السفرا يا حاج عادل ؟

لا يا شوقية , كتر خيرك

حاجة تاني يا ست سعاد ؟

لا يا شوقية , روحي انتِ وابقي شيعي البت عطا بالشيّ

حاضر يا ست سعاد , صباح الخير يا ست أوسا

صباح الطين على دماااااااغك اوعي من وشييييي

طين على دماغك انتِ , بت أبيحة وقليلة أدب , داهية في ملافظك  , بت يا عطاااااااا

صباح الخير يا باباااا

صباح النور يا أوسا , يا بنتي بطلي كلامك التقيل مع شوقية , الست ما بقَتش صغيرة لقلة القيمة ددددي

ايّوووووه يا بابا , احنا هنعملوا فيلم ونسموه شوقية !!! خلاص , كلمتين وقولتهم , ناوليني البيض الأومليت ده يا ماما

خدي يختي

بابا , صحيح اللي اني سَمَعته ده ؟

سَمَعتي ايه يا أوسا ؟

انت غيرت لبنتك اللي في القاهرة العربية ؟

اسمها رحمممممة , لو كنتي نَسيتي اسمها يعني , ايوة غيرنالها العربية

طب انا كمان عايزة عربييييية

ايّووووووه , طب هي وجبنالها العربية عشان تروح بيها الجامعة , انتِ هنجيبولك عربية تهببي بيها اييييييه !

هو احنا لازم نكونوا في الجامعة عشان تجيبلنا عربية يا باباااااا ! احنا عايزين العربية عشان ده حقنااااا لازم نتساوا بيهاااااا , ولا هي بنتك واني لاااااا ! ما تقولي حاجة يا مامااااااا

أوسا عندها حق يا عادل , انت جبت لبنتك عربية وكل سنة بتغيرهالها واحنا حاطين في قلبنا وساكتين, لازم تجيب لبنتي كمان عربية , أوسا مش أقل منها وفعلاً لازم تتساوى بيها ,هو ده الحق والعدل يا ابو العدل كله هأ

ماشي يا سعاد , هنجيبولك عربية يا ست أوسا عشان تتساوي باختك , بس يا ريت بعد كدة تشيليها من دماااااااغك

هو انا كنت حاطاها في دماغي !!! وربنا ولا بتيجي على باااااااالي

ما هو باااااااين

طب يا بابا مش هتعلمني السواقة زي ما عملت الست رحمة ؟؟؟

بنقولولك ايه يا أوسااااااا , اطلعي من دماااااااااغي , العربية وهنجيبوهااااااالك , تعليم السواقة بقى ابقي اتصرفي فيييييه ,أنا مش فاااااااااضي

عارفة يا بابا انك مش فاضيلي , ما هو انت ما بتفضاش غير لست الحسن وبنتها

 ايّوووووووه , الشيّ فين يا عطاااااااا

حاضر يا حاج عاااااادل بنصبوه أهووو

هاتيهولي ع الجنيييييينة , الواحد اتخنق من القعدة هناااااا

حاضر يا حااااااج

ما تقعد تكمل أكلك يا عاااادل

شَبَعت يا سعاد , شَبَعتتتتتتت

كلي يا ماما كلي , ما هو أصل بابا بيركبه العصبي لما نجيبوا سيرة الولية مراته وبنتها

داهية تقطع سيرتهم من الدنيا عشان نرتاااااحوا , فين الشيّ يا بت يا اللي اسمك عطااااااااا

أهو أهو يا ست سعاد

سنة عشان تجيبي الشيّ يا بتتتتتتتت !

معلش يا ست سعاد , حقك عليا , اتفضلي الشيّ بتاعك أهو , هنروحوا نودوا الشيّ للحاج في الجنينة

وانا اعمليلي نسكافيه يا بت يا عطا لما تيجي من الجنينة

من عيني يا ست أوسا

**************************

خلف هذه الجدران,هبة عبد العظيم نور

**************************

يا حبيبي يا بابا العربية الجديدة تجننن هههه

يعني مبسوطة يا رحمة ؟

اوي اوي اوي اووووووووووووي هههههه

انبسطي يا ستي واحنا ندفعوا دم قلبنا , ما هو بسبب عربيتك دي اضطرينا نجيبوا عربية لاختك أوسااااااااا

ههه وايه يعني يا بابا ! تعيش وتجيب , ما هي لازم تركب عربية , لو ماكانوش بنات الحاج عادل سليم وحش المينا يركبوا عربيات , مين اللي يركب بقى ! ههههههه

هههههههههههه وربنا انتِ بت زي العسل ولسانك ده بينقط شهد , هو احنا بنحبوكي من شوية يا بت ! في ناس بقى لسانها بيحدف طوب والعياذ بالله , كلامهم بيعور زي الإزازززززز

ههه هما مين دول يا بابا ؟

اهم ناس وخلاص , اومال أمك فين ؟

ماما بتعمل السلطة , السلاطة يعني بلغتكو يا بتوع اسكندرية هههههه

ههههه ايه بتوع اسكندرية دي ! هو انتِ يا بت مش تبعنا ؟

لا تبعكو بس فرع القاهرة ههههههه

هههههههههههه عسل , وربنا عسل , بنقعدوا معاكو ننسوا الدنيا وهمومها يا بت , يا سلام يا رحمة لو تيجي انتِ وامك تعيشوا في اسكندرية , كنتي فرحتي قلبي بصحيح

نعممممم ! لا بقى يا سي بابا ما تحاولش , أنا قاهرية حتى النخاااااااااع

ههه ماشي يا بتاعة النخاع , روحي ساعدي امك وحضروا السفرة, جوعتوووووني

حاضر يا بابا يا قمر امووووه ايه العسل دددددده , القمر ده كله بابايا يا ناااااااس ! هههه

ههههه بت زي السكر , ربنا ما يحرمنيش منها , ويكفيني شرك وشر ولادك يا سعاد , ما عدا احمد الغلبان

**************************

خلف هذه الجدران,هبة عبد العظيم نور

**************************

ساعة بتجيب الشيّ يا ولا يا حمووووو !

معلش يا استاذ سامي , اصل القهوة كان فيها زباين يامَا , اتفضل بالصحة والهناااااا

هات يا اخويا

احنا بنستأذنوك اننا هنتأخروا بكرة وجايز ما نجوش يا أستاذ سامي

ليه يا ولا ؟

اصل اختي رزقة جاية من الخليج بكرة

ايّووووووة هي اختك قردة دي لسة عايشششششششة !

اهي عايشة لروحها ورامية العيال لابوهم , من ساعة ما سابت بيتك القديم وما لقيتش شغلانة كلمت ناس معارفها وجابولها شغلانة خدامة في الخليج , دي بقالها سنين  يامَا ما نَزَلتش مصر , اكيد شكلها اتغير

هههه هيسخطوك يا قرد , يعني هيبقى شكلها ايه ! اكيد زادت وحاشة على وحاشتهااااااا , بنقولولك ايه , ما تجبليش سيرة الولية اختك دي تااااااااني, كل ما بنسمعوا اسمها بنفتكروا بدور واللي عملوه فيها هي والإبليسة التاااااانية

قصدك الست اوسا ؟

ايّووووووووووه, يعني احنا يا اعمى القلب والنظر مش عايزين ننطقوا اسمها على لسانا, تقوم انت تقوووووله !

معلش يا استاذ سامي , أنا بس فتحت سيرة اختي عشان نقولولك اننا احتمال ما نجوش عشان لازم نكونوا موجودين في شرف استقبالها

روح يا اخويا استقبل الغوريلا

**************************

خلف هذه الجدران,هبة عبد العظيم نور

**************************

نورتي اسكندرية بحالها  يا رزقة يا بنتي

تعيشي يا امّا , معلش ما لَحَقتش نجيبولك هدية عشان كنت مستعجلة

ما لَحَقتيش !!! يا بنتي دانتِ بقالك هناك  بدل السنة خمسسسسسسسة

خمسة في وش عدويني يا امّااااااااااا ,يعني هو احنا كنا هناك بنلعبوا ولا بنلعبواااااا! داحنا شقينا شقا ماحدش شاااااافه

الله يعينك يا بنتي , اومال ايه الشنط اللي انتِ جايباها دي كلها ؟ جايبة حاجات لعيالك ؟

ونجيبوا لعيالي ليه ! هما كانوا أيتااااااااام ! ابوهم الشملول يجيبلهم

ايّووووووووه , اومال الشنط دي كلها فيها ايييييه ؟

فيها الي فيها يا امّااااا , كلها حاجات ليا , هدوم وملايات سرير وشوية حاجات كدة

ماشاء الله ماشاء الله , ايه يا بت الصيغة دي كلها ! دانتي رقبتك مش باينة من كتر السلاسل ومش قادرة ترفعي دراعاتك من الغوايش والخواتم

شقانا يا امّااااااااااااا ,قولنالك شَرِبنا المر في ازايز يا امّااااا, وكمان مش عايزنا نتصيغوا ونغندروا روحنا !!

احنا ما قولناش حاجة يا بنتي , بس برضو كنتي افتكرتي اهلك بحاجة , طب بلاش انا , حمو اخوكي الغلبان اللي كان شايلك في عنيه انتِ وولادك ,  ومراته وولاده دول ما يستاهلوش تديهم حاااااااجة ؟

نديهم في سنانهم يا امّاااااااا, قفلي ع السيرة بقى ما تخليناش نندموا اننا نَزَلنا مصر وقولنا نشوفوا اهلييييييي

 اهلك !!! اهلك قوي يختي  , حمو اخوكي باين عليه طالع

ايوة ما احنا قولناله يحاسب التاكس

ازيك يا رزقة , احنا حاسبنا التاكس , صمم ياخد خمسين جنيي , حاولنا نديله عشرة ما رَضَاش

عالم طماعة بعيد عنك يا حمو يا اخويا , ما يملاش عينهم إلا التراااااااب

كفاية انتِ قنوعة يا رزقة يا اختي

تعيش يا حمو , ألا الراجل الضلالي اللي انت شغال عنده عامل ايه ؟

رززززززززقة, ما تغلطيش في الأستاذ سامي حبيبنا وكبيرناااااااا

كبيرك انت يا اخويا هههه الفلاتي المسهوك بتاع النسواااااان , ال يامّا كان عايش مع الست اوسا وهو خاتمها على قفاها ومتجوز الشغالة ههه شوفتي قُدر اكتر من كدة يا امّا !!!

مالناش دعوة بالناس , كل واحد يعيش عيشته اللي تريحه وفي الآخر هنقابل وجه رب كريم والحساب يجمععععع, خد بإيدي يا حمو يا ابني دخلني فرشتي

تعالي يا امّا , منورة يا رزقة

بنورك يا حمو , هي امي مالها مكشرة في وشي كدة ! أنا عارفة كان نفسها نجيبها هداياااااا اعوذ بالله , امي عايزة تنهبنا

******************************

الله ! هو الشاب اللي بيقرأ قرآن ماجاش النهاردة ولا ايه ؟ انا شايفة واحد غيره هو اللي بيقرأ في الصلاة , اووووف , خلاص بقى امشي , مافيش داعي لوقفتي كدة , بس يا ترى هو ماجاش ليه النهاردة ؟

******************************************************

معاذ يا حبيبي , انا جبتلك شوربة خضار باللمون وفراخ مسلوقة

اااااه لا يا امي , مش هقدر والله

وبعدين بقى في الدلع ده , ايه ده وكمان ما شربتش كوباية اللمون الدافية اللي عملتهالك ! يا حبيبي ما ينفعش كدة , دور البرد اللي عندك شديد , ما تزعلنيش بقى يا معاذ , قوم يا حبيبي عشان خاطري , وانا هأكلك بإيدي هههه ولا مش عايز تاكل من ايد أمك ؟ ههه

هه ربنا يخليكِ ليا يا أمي

يلا يا حبيبي , بسم الله الرحمن الرحيم , يلا هم يا جممممممل ههه

هه جمل ايه بس , دانا حاسس ان عضمي كله مكسر

معلش يا حبيبي , هيا الانفلونزا كدة متعبة وبتأثر على العضم , يلا يلا حتة فرخة صغنوووونة  ايوة كددددة

تن تن معاذ

اتفضل يا ابي

تعالى يا ماجد

الله الله الله على الدلع يا سي معاااااذ , أمك راضية عنككككك , جرا ايه يا ست منال , هو انا لازم يجيلي دور برد واقعد في السرير عشان تأكليني بإيدك ؟ هههههه

هههههههه بعد الشر عليك يا ماااااااجد , انا بس بأكل المسكين ده اللي من امبارح ما أكلش حاجة

عامل ايه يا معاذ يا حبيبي ؟

الحمدلله يا أبي , لسة حاسس اني مرهق وعضمي تاعبني

معلش , ان شاء الله تتحسن وتبقى افضل , اومال فين مريم يا منال ؟

مريم عند ماما أمينة , طلبتها عشان تقعد معاها شوية ,  استأذنت مني و طلعتلها

طيب , بعد ما تأكلي الأستاذ اعمليلي كوباية يانسون

حاضر يا استاذ ماجد ههه يلا يا معاذ يا حبيبي كمل أكلك

*************************************************

الست تهاني جت هي وابنها يا استاذ ساااااااامي

اهلا اهلا اهلا ههه اتفضلي يا ست الكل , يا اهلا وسهلا

اهلا بيك يا استاذ سامي

ازيك يا محموووود ههه

الحمدلله كويس

اتفضلي اقعدي يا ست تهاني , اتنين حاجة ساقعة يا حمووووو

حاضر يا استاذ سامي

مالوش لزوم الساقع يا استاذ سامي , انا جيت لما بلغتني ام سامح مرات ابراهيم ابن خالتي انك عايزني بخصوص الشغل

ايوة كنت عايزك تمضي على الورق ده عشان ما ينفعش إلا بإمضتك

حاضر , هنقروه ونمضوا

وكمان كان في مبلغ كنت هنشيعهولك مع ابراهيم هلال وكويس انك جيتي عشان تاخديه

مبلغ ايه ده ؟

ده مبلغ لزوم مصاريف العيال والمدارس

بس لازم تكون خصمته من حسابي , احنا ما نقبلوش قرش من حد

لا ما تقلقيش , خصمته من الحساب اللي بينا

تعيش يا استاذ سامي , هنقروا الورق ونمضوا عليه حالا عشان ما نعطلكش

المحل محلك يا ست الكل واحنا خدامينك

الله يعزك

*****

الله ! هو حمو اخويا مش هنا ولا ايه ! ايّووووووه ده الأستاذ ساااااااامي

رايحة فين يا ستتتتتت

داخلة للأستاذ سامي نسلموا عليه , ايّوووووه

*********

بعودة الأيام يا استاذ ساااااااااامي , مسير الحي يتلااااااااقي

مييييييييين ! انتتتتتتتتتتِ !!!! انتِ ايه اللي جابك هنا يا ولية انتتتتتتتتِ

ههه جاية لاخويا مالقتوش قولت ندخلوا نسلموا عليك , هي دي المدام الجديدة ؟ بس حلوة وزي القمر , طول عمرك ما تقعش إلا واقف يا استاذ سامي  ههه ازيك يا مدام

ها !!! اهلا وسهلا , أنا مضيت الأوراق يا استاذ سامي

طب ماشي , خليكِ عشان تاخدي الفلوس يا ام محمود

هو ابنك اسمه محمود يا استاذ سامي ؟ ههه اتاريه فيه شبه من نورهاااااااان

احترمي نفسك يا ولية انتتتتتتِ , وغوري من المحل وما نشوفوش وشك هنا تاااااااااني

ومالك معفّر ومش طايقني قصاد عينك كدة !!! ههه داحنا جينا نرموا السلام , مهما كان احنا واكلين عيش وملح سوا

بنقولك غوري من هنا ,غووووووري

حاضر , ايّوووووه هههه ألا ما تعرفش حاجة عن البت بدور من ساعة ما طَفَشت ؟؟؟؟؟

وربنا لو ما اختفيتي من قدامي دلوقتي لنسيحوا دمككككككككككك

ههههههههههههههههههه يا اخويا كنت اتشطر على ادهم سليم ورجالته بدل ما تتشطر على حرمة هيهييييي بالإذن يا سبع السباااااااع ..أما نخرجوا نستنوا اخويا برا

اووووووووف استغفر الله العظيم , الله ينتقم منك يا شيخة فورتي دمي الله يفور دمكككككك

مَشَت يا استاذ سامي , ما تزعلش نفسك , باين عليها ست شرانية

هي شرانية بعقل يا ام محمود !!! ايّووووووووه اني عمري ما كَرَهت بني ادم قد ما كَرَهت الست دي , فرقت بيني وبين مراتي وخلت حياتي جحيممممممم

لا حول ولا قوة إلا بالله , نعوذ بالله منها ومن امثالها ...... طب ما ترجع مراتك يا استاذ سامي

وهي فين يا ام محمود !!! احنا ما نعرفوش طريقها , ادعيلي ربنا يجمعني بيها

قادر يا كريم

اتفضلي فلوسك يا ام محمود

متشكرين يا استاذ سامي , يلا يا محمود

استني , حمو زمانه جاي بالحاجة الساقعة

معلش , مافيش وقت , يلا يا ابني

حاضر يا ماما , مع السلامة يا عمو سامي

الله يسلمك يا محمود, و خلي بالك من ماما واختككككك

حاضرررر

************

حمووو

ميييين ! رزززززقة ! انتِ ايه اللي جابك هنا ؟

ايّوووووووه هو اني كل ما حد يشوف وشي يقولي ايه اللي جابك هناااا ! قولت نعدي عليك ونشوف احوالك ههه

احوالي مية مية المية وما تجيش هنا تاني عشان الأستاذ سامي ما بيطقكيششششش

ههه وهو مين يطيقه ده !!! ممممم ألا هي مين الست اللي خرجت من عنده دي

هي فين دي ؟

اللي هنااااااااك دي , ست وفي ايدها عيل صغير

دي الست ام محمود شريكة الاستاذ سامي

ههه شريكته ! في شغله ولا في فرشته ؟

اعوووووذ بالله , اتقي الله في اعراض الناس يا رزززززقة , دي ست ولا كل الستااااااات, جوزها مات والاستاذ سامي بيشغلّها فلوسها عشان تصرف ع العيااااااال

هههه ما هو لازم يشغلها فلوسها , ما هي ست حلوووووة , ما هي لو كانت شبهيي وربنا ما كان عبّرهااااااا

الأستاذ سامي اتغير يا رزقة , بقى بيصلي الفرض بفرضه وما بيبصش على حرمة ما تخصوووووووش , وروحي بقى شوفي رايحة فين خلينا نشوفوا شغلنااااااا

اديني ماشية يا اخويا , ابقى سلم ع الشيخ ساااااااامي هيهيييييي

*******************************************

يا عبااااااااس شوف الزباين اللي داخلة ددددددي يا رمضااااااااان فوق لشغلك يا رمضاااااااااان

عنينا يا استاذ ساااااامي

الحاجة الساقعة يا استاذ سااااااااامي

اول ما افتكرررررت ! ام محمود مَشَتتتتتتت

انا شوفتها , معلش , اصل كان في عاركة في الحارة اللي فيها القهوة ووَقَفت نتفرج

ااووووووف البت اختك كانت هناااااااا

ايوة عارف , كانت مستنياني برا

وربنا المعبود لو شوفناها هنا تاني لنرموها في الماااااااااالح

والمالح ذنبه ايه بس يا استاذ سامي ! اني نبهت عليها ما تجيش هنا تاني , اشرب الحاجة الساقعة

مش عايززززز ,اديهم لعباس ورمضااااااان

طب وانا !!! اني هنشرب واحدة وندي التانية لعباس ورمضان يشربوها سوا

**************************************

ولحد هنا وانتهت حلقاتنا

اسفة على التأخير الخارج عن ارادتي

شكرا جزيلا لكل القراء المتفاعلين مع الحلقات وفي انتظار تعليقاتكم دائماَ

لا تنسوا ذكر الله والصلاة على الحبيب عليه الصلاة والسلام

خير الذكر لا إله إلا الله ,وخير الدعاء الحمدلله

لا إله  إلا الله ,الحمدلله,سبحان الله ,الله اكبر ,لا حول ولا قوة إلا بالله