الحلقة الثانية والأربعين (ف2)

**************************

خلف هذه الجدران,هبة عبد العظيم نور

**************************

نعم يا ماما

تعالي يا نورهان , اخيراً يختي خلصتي رغي في التليفون !!!

دي صاحبتي يا ماما كانت بتقولي على حاجات مهمة في المنهج

طيب , اسمعي يا نورهان , لما جدك يجي من القاهرة هنقولوله اننا هنسيبوا الفيلا ونرجعوا شقتنا القديمة

شقتنا اللي في ثروت ؟

ايوة يا بت

ليه يا ماما ؟

هو ايه اللي ليه ! زَهَقت من عيشتييييييي , عايزة نحسوا بحريتي , ولا عاجبك ان قبل ما نتحركوا من مكاني لازم ناخدوا الإذن من جدك وجدتكككك !!

يا ماما وفيها ايه ! مش هما باباكِ ومامتك  وخايفين عليكِ ؟

وانا كمان امك وبنخاف عليكِ ولازم تسمعي كلامي

ايوة يا ماما بس أنا بنحس بالأمان وانا مع تيتة وجدو , وكمان جدو حنين قوووي

ايّوووووووه واحنا بقي بنعذبوكِ وبنحرقوا جلدك يا بنت سااااامي !

لا يا ماما أنا ما نقصدش والله , أنا بس بنتكلموا عن الأمان , احنا نخافوا نعيشوا لوحدنا

يعني العفاريت هياكلونا يا بت !!! ما تخافيش , مش هنبقوا لوحدنا , رزقة هتيجي تخدمنا

اييييييه ! لا يا ماما , احنا ما نحبوش الست دي

ايّووووووووه انتِ يا بت عملالي زي الشريك المخالف ليييييييه ! اسمعي يا بت , هي كلمة واحدة , بعد ما جدك يجي من عند الزفتة مراته هنقولوله اننا راجعين بيتنا , اطلعي من دلوقتي رتبي هدومك وكل حاجتك اللي هناخدوها معانا

............... حاضر يا ماما

**************************

خلف هذه الجدران,هبة عبد العظيم نور

**************************

سامعة بنتك بتقول ايه يا سعااااااد ! يعني ايه يا اوسا تاخدي بنتك وترجعي شقتككككك !!!

يا بابا فيها ايه دي !!! رزقة هتكون معانا عشان تخدمنا , وانا مش صغيرة , دانا بنتي دخلت الثانوي و بقت عروسة ماشاء الله عليها

يا بنتي اللي انتِ بتقوليه ده ما ينفعششششش , ازاي شابة زيك تقعد لوحدها هي وبنتها من غير راااااااجل

راجل ! ما كان معايا الراجل , خدت منه ايه غير الغدر والخيانة وقلة الأصصصصصل

ما تغلطيش في الراجل , مهما كان ابو بنتك

وبنتي متبرية مننننننه , أنا بس عايزة نقولولك يا بابا ان مش الراجل هو اللي بيحمي , الراجل ممكن هو اللي يطعن الست بسكينة ويديها ضهره ويسيب دمها ينزف وما يتهزلوش جفن , أنا يا بابا هنعيشوا لبنتي ونربوها احسن تربية , بنتي في حضني ومش هتسيب حضني واللي يرشها بالمية نرشوه بالدممممممم

يا بنتي وليه ده ككككككله !!! ما انتِ قاعدة في وسطينا وشايلينك على كفوف الراحة انتِ وبنتكككككك

سيبني على راحتي يا بابا

يعني ده آخر كلام عندك يا أوسا ؟

ايوة

يبقى لازم اخوانك  الرجالة يعرفوا ويقولوا كلمتهم

هههههه اخواني الرجالة ! يا بابا ماحدش فاضي لحد ولا يهمه أمر حد , كفاية عليهم نسوانهم

يا بنتي اخوانك عمرهم ما قصروا في حقك وخصوصا احمدددد

ما تجبليش سيرته يا بابااااااا , أنا قولت الف مرة اللي ينصر عدويني عليا يبقى لا اخويا ولا نعرفوووووه , ومن الآخر كدة هما مالهومش دخل في تصرفاتي , احنا هنمشوا عشان راحتي مش هنا, وده قراري أنا وماليش دعوة برأي حد

ساكتة ليه يا سعااااااد ! ما تردي على بنتكككككك

بنتك طول عمرها دماغها ناشفة يا عادل , سيبها تعمل اللي هي عايزاه , وانت من ناحيتك كلم الأمن بتوع العمارة يخلوا بالهم منها ومن البت واديهم الفلوس اللي هما عايزينها قصاد حمايتهم

اووووووف لا حول ولا قوة إلا بالله , خلفة مٌرة بطعم الحنضضضضل

****************************************************

هههههه سمي وادخلي برجلك اليمين يا ست اوساااااااا

هههههه بسم الله الرحمن الرحيم , ادخلي على اوضتك  يا نورهان

حاضر يا ماما

ايّوووووووه  يا ست اوسا , دي الشقة كانت وحشاني يامَاااااا

ووحشتني أنا كمان ,...... رغم انها بتفكرني ب............

بسي سامي ؟

....................... ما بنبطلش دعا عليه يا بت يا رزقة

هيهي تكونيش لسة بتحبيه ؟

أنااااااا ! أنا ما نحبوش كلب يا بت , أنا كل اللي واجعني خيانته , واللي يحكّمني  عليه كنت طعنته ألف طعنة عشان نشفي غليلي

سيبك منه يا ست اوسا , اهو عايش لوحده مذلول بعد البت ما طَفَشت , يعني لا طال بلح الشام ولا عنب اليمن , انسي الهم ينساكِ يا ست اوسا , داحنا هنعيشوا هنا احلى عيشة ,نضحكوا ونفرفشوا وناكلوا ونشربوا واللي يفيض مننا نرموه للكلاب ههههههههههه

هههههههه على رأيك يا بت , هندخلوا نستريحوا شوية وانتِ اعمليلنا لقمة ناكلوها

عيني يا كايدة عزالك هههههه

**************************************************

ده نسيم مستنيني , أكيد هيسألني ما جتيش ليه امبارح

ازيك يا نسيم

زعلان منك

ليه ؟

ما جيتيش ليه امبارح ؟

ههه

بتضحكي ليه ؟

عشان كنت متأكدة انك هتسألني السؤال ده ........وحشتك ؟

مش هنقولولك , طالما مش عايزة تجاوبيني يبقى انا كمان مش هنجاوبك

ههه طب بس خلاص ما تزعلش , اصل والله امبارح رَجَعت انا وماما شقتنا القديمة ,وعشان كدة كنت مشغولة وما قَدَرتش نيجي المدرسة

طب تعالي اركبي عشان نبعدوا عن هنا

ماشي يا نسيم , مممم استنى أما نتأكدوا ان مافيش حد شايفنا

هههههههه يا خوافة , يا بت طول ما انتِ مع نسيم انتِ في أمان وماحدش يقدر يبصلك ولو بطرف عينه

والله يا نسيم بجد انا خايفة حد يشوفني معاك , ماما لو عَرَفت مش هترحمني

ما تخافيش , مش هتشوفك معايا , وحتى لو شافتك هنقولولها إنّي خطيبك

ههههههههه والله بجد انت مشكلة , خطيبي وماما ما تعرفش !!!

مسيرها تعرف وتفرحلنا , اركبي بقىىىىى

حاضر

***************************

اقعدي هنا على ما نجيبولك حاجة ساقعة من الراجل اللي معدي ده

ماشي

*************

اتفضلي يا نورهان

هه متشكرة يا نسيم

لكن ما قولتليش بقى , سيبتوا فيلت جدك ورَجَعتوا شقتكو ليه انتِ وامك ؟

مممم والله ماما بتقول انها زَهَقت من تحكمات تيتة وجدو

هههههههه ايوة ايوة , يبقى عايزة تعيش لوحدها عشان تبقى على حريتها وتمشي على كيفها , ما هي متطلقة بقى والوحدة وحشة ههههههه

ايه ده يا نسيممممم ! انا ما اسمحلكش تتكلم عن ماما بالطريقة دي , ماما دي اشرف ست في الدنيااااا , وانا غلطانة اني جيت معاك لحد هنا من وراها اهئ اهئئئئئ واضح كدة انك خدت فكرة وحشة عني وعن ماما عشان انا بخرج معاك من وراها اهئ اهئئئئئئ بس يكون في علمك , ماما لو عَرَفت اني على علاقة بيك هتقتلني اهئ اهئئئئئئ عن إذنك أنا ماشية اهئ اهئئئئئئ

نورهاااااااان استني يا نورهان , وربنا بنهزروا معاااااكِ , بقى كدة تاخدي كلامي جد !!! يا حبيبتي مش معنى انك بتخرجي معايا يبقى نبصلك بصة مش كويسة , لالالا اني عارف انك بنت ناس ومتربية لكن الحب له احكام بقى ههه ......مش انتِ بتحبيني برضو ؟

لااااااا, مش بنحبوك

ههههه لكن انا بنموتوا فيكِ , اقعدي بقى ما تبقيش بايخة

اووووووف ماشي

خدي كملي الحاجة الساقعة بتاعتك

.............................................

خدي ما تبصليش كدة

..................... انت عايز مني ايه يا نسيم ؟

أنا بنحبك يا نورهان

اثبتلي

ونثبتلك ازاي ؟

تخطبني

هنخطبوكِ يا نورهان

امتى ؟

قريب

قريب يعني امتى ؟

اديني فرصة شهر ولا اتنين نكونوا رتبنا أمورنا عشان لما نتقدم لأهلك ما نترفضش , اشربي يا نورهان

ماشي يا نسيم

مصدقاني يانورهان ؟

وهنكدبوك ليه ؟

تعرفي يا نورهان .... انتِ بتصعبي عليا قوي

أنا  ! ..... ليه ؟

بنحس انك ضحية

ضحييييية !!!!

ايوة ضحية , ضحية ابوكي وامك اللي اتطلقوا وسابوكي للدنيا تلطش فيكِ يمين وشمال , عشان كدة بنحس ان ربنا شيعني ليكِ في الوقت المناسب عشان نحميكي من الدنيا ومن الناس

ياااااااه يا نسيم , كلامك حلو اوي , تعرف..انا فعلا اكتر حاجة بنحبها فيك هي انك بتخاف عليا ومش بتأذيني

ههه نأذيكِ ازاي يعني ؟

انت بتحافظ عليا يا نسيم , رغم إنّي بنخرج معاك لوحدي لكن انت عمرك ما مَسَكت ايدي حتى

لأنك لسة مش حلالي يا نورهان , لما نكتبوا كتابي عليكِ يبقى وقتها نلمسوا ايدك

هه... نسيم

عيون نسيم

أنا بنحبك قوي .... وكل ما قلبي يتعلق بيك اكتر بنحس بالخوف اكتر

خوف ! خوف مني ؟؟؟؟؟

لالالا... خوف لتضيع مني

ما تخافيش يا نورهان , أنا جنبك وعمري ما هنبعد ابدأ

يا حبيبي يا نسيم

**********************************************

منوراني يا هيام يا بنتي

نورك يا ماما ... احمد قالي طالما امك بقالها أسبوعين مش عايزة تيجي عندنا , يبقى احنا نطبّوا عليها ونتعشوا عندها وناخدوها معانا واحنا ماشيين , وصلني لحد هنا بالعربية وقالي هنعدوا عليكو بالليل ان شاء الله

يآنس وينور , يتعشى ويشرب الشيّ كمان وياخدك وتروحوا على بيتكو بالسلامة , انا مش هنسيبوا بيتي

على العموم هو جايلك بالليل ان شاء الله , ابقي اتصرفي معاه , مع انّي عارفة انك مش هتقدري عليه ههه

ههه ساعتها يحلها ربنا ... عايزة تتعشي ايه انتِ واحمد عشان نقوموا نعملوه ؟

أحمد كان طالب مني صينية مكرونة بالبشاميل امبارح وكسلت نعملوها ههه

اخص عليكِ يا هيام , بقى يا بت يبقى جوزك نفسه في حاجة وما تعمليهاش !!!

معلش يا ماما , ما احنا هنعملوها النهاردة اهو ان شاء الله

طيب احنا هنطلعوا فرخة من الفريزر نعملوها جنبها , نعملوا حاجة تاني ؟

لالا يا ماما , ده كدة حلو قوي

طيب يلا عشان تساعديني

حاضر يا ماما

تررررررررررررررررررررن

طب روحي انتِ ع المطبخ يا هيام على ما نفتحوا نشوفوا مين ونحصلوكِ

طيب يا ماما

***

خالد ! ههه أهلا ياحبيبي , اتفضل . انت ما روحتش الشغل ولا ايه ؟

روحت يا ام خالد , بس والدة آيات  اتصلت بيا عشان تبشرني بشرى حلوة , وروحت ع البيت جري اطمنت على آيات وجيت عشان نبشروكِ ههه

بشرى حلوة ! تبقى آيات حامل هههه

ايوة يا أمي حااااااااامل هههه بركة دعاكِ يا ام خاااااااالد

ههههههه بسم الله ماشاء الله , يا كرمك علينا يارب هههه يا حبيبي يا ابني امووووه امووووووه الف مبروك يا خاااااالد هههه

الله يبارك فيكِ يا أمي يا حبيبتي هههه ...... انا شايف شنطة وجزمة حريمي , هي هيام هنا ؟

 أنا هنا وسَمَعت الخبر الحلو يا خالد , الف مبروك يا يا خويا يا حبيبي

ههه الله يبارك فيكِ يا هيومة ... عقبال ما نفرح بيكِ يا حبيبتي عشان فرحتي تكمل

.... تعيش يا حبيبي

ممم ابسطي يا ستي هتبقى عمة ان شاء الله هه

ربنا يقوم مراتك بالسلامة يا حبيبي

اطلبلنا آيات يا خالد يا ابني عشان نباركولها انا وهيام

حاضر يا أمي

ترررررررررررررررررررررررررن

ايوة يا خالد هه

ايوة يا يويو, امي عايزة تباركلك

ادهاااالي

ايوة يا آيات يا بنتي , الف مبروك يا حبيبتي , ربنا يتمملك على خير ههه

الله يبارك فيكِ يا طنط ههه دعواتك بقى

ربنا ييسرلك يا بنتي ويهون عليكِ التعب , بس اسمعي يا آيات , اوعي تشيلي حاجة ولا تعملي مجهود , خلي الحمل يتم على خير يا بنتي

ان شاء الله يا طنط

طب خدي هيام عيزة تباركلك ... خدي التليفون يا هيام

هاتي يا ماما ... آيات , الف مبروك يا حبيبتي , فَرَحتلك ياما والله

يا حبيبتي يا هيومة ههه الله يبارك فيكِ يا رب ,عقبالك ان شاء الله

متشكرة يا حبيبتي ... مش عايزة أي حاجة ؟

لا يا هيومة , شكراً

مع السلامة يا آيات ....... ماما أنا افتكرت انّي نَسيت حاجة مهمة في البيت ولازم نمشوا دلوقتي

الله ! حاجة ايه بس يا بنتي اللي نستيها !! مش قولتي هتستني جوزك لما يجي ويتعشى معانا وياخدك وتمشوا !

معلش يا ماما , مضطرة امشي والله

طب استني يا هيام , انا هنوصلك لحد البيت

لالا يا خالد , خليك مع ماما يا حبيبي , انا هناخد تاكس , السلام عليكم

عليكم السلام

..... عيني عليكِ يا بنتي , يارب , اكرمنا بكرمك يا كريم , ما تخيبش رجانا , داحنا مالناش غيرك

**************************

خلف هذه الجدران,هبة عبد العظيم نور

**************************

تررررررررررررررررررررررررررررررررررررررررررررررن

الو , السلام عليكم يا هيومة

عليكم السلام يا احمد ... أنا عايزة نشوفوك دلوقتي

دلوقتي ايه بس !!! ما انا قولتلك هنعدوا بالليل عشان ناخدوا امك معانا

أنا مش عند ماما , أنا رَجَعت البيت

رَجَعتي البيت يعني ايه !!! نَزَلتي لوحدك من غير إذني يا هيام !!! ده اتفاقنا من سنين ؟؟؟

يا احمد الله يخليك انا تعبانة اهئ اهئئئئئئئئ محتجالك دلوقتي اكتر من أي وقت اهئ اهئئئئئئئئ

في ايه يا هيااااااام ؟ مالك يا حبيبتيييييي ؟؟؟؟؟

تعالى دلوقتي من فضلك يا احمد

حاضر يا هيام

**************************

خلف هذه الجدران,هبة عبد العظيم نور

**************************

أهلاً يا احمد

ايه يا هيومة , مالك يا حبيبتي , انا سيبت الشغل والدنيا مكركبة على دماغي عشان نجولك

ربنا ما يحرمنيش منك يا احمد

خير يا حبيبتي ؟

......... أحمد ....... أنت لازم تتجوز

هههههه الحالة رَجَعتلك تاني ! مش كان ربنا شفاكِ ؟

أحمد من فضلك أنا بنتكلم جد .... كفاية كدة يا احمد

كفاية ايه يا هيام ؟

كفاية تظلم نفسك معايا أكتر من كدة اهئ اهئئئئئئ انا بنتعذب يا احمد , بنتعذذذذذذذب , أنت ذنبك ايه تضيع سنين عمرك من غير خلفة ! اهئ اهئئئئ

اوووووووف انا ما اشتكيتش يا هيااااااام ... وبعدين انا عايز نعرف , ايه اللي فتح السيرة دي تاني ؟؟

...... مرات خالد اخويا حامل

عَرَفت , خالد اتصل بيا وقالي ... عشان كدة يا هيام شايفة ان انتِ ظالماني وعايزاني نتجوز ؟

يا احمد انت صَبَرت معايا يامَاااااا , احنا بقالنا اكتر من اتناشر سنة متجوزين اهئ اهئئئئ كدة حرااااااااااام

هو ايه اللي حرام يا هيام ؟؟؟

حرام تظلم نفسك مع واحدة ما بتخلفششششش اهئ اهئئئئئئ

هيومة حبيبتي اموووه , بالله عليكِ ما تعمليش في نفسك كدة , يا هيام أنا الموت عندي أهون من أنّي نشوفك حزينة ولو للحظة واحدة

وانا الموت عندي أهون من أني نكون سبب حرمانك من إبن يشيل اسمككككك اهئ اهئئئئئ

بعد الشر عليكِ يا حبيبتي ... يا هيام نبوس ايدك ما تحسسيش نفسك بالذنب , عدم قدرتك على الخلفة ده قَدَرك مش ذنبك , ازاي نحاسبك على حاجة مالكيش يد فيها !!! أنا بنحبك يا هيام , بنحبك أوووي , وجودك جنبي يساوي الدنيا بللي فيها ... صدقيني لو انتِ مش معايا حياتي كلها مش هتفرق معايا ...قلتلك ألف مرة أنا عايز نخلف منك انتِ مش من أي ست غيرك

اسكت يا احمد اسكتتتتتتت اهئ اهئئئئ كلامك بيعذبني أكتر اهئ اهئئئئ بيحسسني ان انا إنسانة أنانية وبشعة , بنفضل سعادتي على سعادتك , ازاي نفرح بالكلام والمشاعر الجميلة دي وانا شيفاك بتظلم نفسك ! اهئ اهئئئئئئ لازم تتجوز يا احمد لاززززززم

............ وإن قلت لأ يا هيام ؟؟؟

................ يبقى كل واحد فينا يروح لحاله اهئ اهئئئئ

كدة يا هيام !!! معقول تقدري تطعنيني في قلبي وتبعدي عني ؟؟؟؟

....... أيوة نقدر اهئ اهئئئئ

....... أنا راجع المينا يا هيام ... يا ريت لما نرجع نلاقيكِ هديتي

أنا مش هنهدا إلا لما تنفذ الشرط اللي قلتلك عليه يا احمد اهئ اهئئئئ

طيب ممكن تدخلي تلبسي عشان نخرج نتغدا برا؟

يا احمد حرام عليك,كفاية استهتار بكلامي,يكون في علمك أنا مش هنغير رأيي

وانا ما طلبتش منك تغيري رأيك ولا بنستهتر بكلامك,كل اللي طلبته انك تقومي تلبسي عشان نخرج نتغدا برا,أظن مافهاش حاجة لما تقبلي عزومتي على الغدا

.........ماشي يا احمد

**************************

خلف هذه الجدران,هبة عبد العظيم نور

**************************

ما قلتليش رأيك يا هيومة في المطعم ده,لسة فاتح جديد وبيشكروا فيه يامَا..قلنا لازم نجيبوا هيومة ونعزموها هنا,واهي جات المناسبة هه..ايه رأيك في المكان؟

حلو يا احمد

هتفضلي مكتئبة كدة كتير؟

أنا مش مكتئبة

اومال ما بتاكليش ليه؟

هناكل يا احمد

طيب خدي حتة الفراخ دي من طرف الشوكة.هنأكلك يا ستي وندلعك,نعملوا ايه!ههه

ربنا ما يحرمنيش منك يا احمد

طيب يلا افتحي بقك..هم يا جمل

ههه

أخيراً ضحكتِ يا ستي!

غصب عني يا احمد,أنا مش قصدي ننكد عليك والله,أنا كل اللي عايزاه إني نشوفوك مبسوط ومتهني وسط ولادك زي بقيت الناس اهئ اهئئئ

أيّووووه,طب بس اسكتي بقى..أنا خرجت معاكِ عشان نفرفشوا شوية وننسوا النكد

لا يا احمد,أنا مصرة على الكلام اللي قلته,انت لازم..آآه..أنت لازم..لازم آآآه لازم تتجوز آآآه

مالك يا هياااام؟

مش عارفة,حسيت نفسي غمت عليا مر واحدة كدة وعايزة نرجع اللي كلته

هو انتِ كلتِ حاجة!! الأكل قدامك زي ما هو

آآآآه

لالا,إنتِ كدة مش طبيعية

آآآه أنا دايخة قوي يا احمد آآآآآه الحقني يا احمد

هياااااام

في حاجة يا فندم؟

المدام بتاعتي أغم عليها,من فضلك ناولني المية دي عشان نفوقها

اتفضل يا فندم

**************************

خلف هذه الجدران,هبة عبد العظيم نور

**************************

عاملة ايه دلوقتي يا هيومة؟

رجعني البيت يا احمد,أنا تعبانة قوي

مش قبل ما نروحوا للدكتورة

مافيش داعي,دول شوية برد,الموضوع مش مستاهل دكاترة

برضو نطمن عليكِ يا هيومة

***************************

طمنيني يا دكتورة

مبروك,نتيجة تحليل الدم بتقول ان المدام حامل ههه

ايييه!حااااااامل!!!انتِ بتتكلمي جد يا دكتورة؟؟؟

ايوة يا فندم,ألف مبروك

هههه الله يبارك فيكِ,الله يبارك فيكِ يارب,مش عارف نقولوا ايه من فرحتييييي هههههه هيووووووومة,ألف مبروك يا هيوووووومة اموووه امووووه انتِ حااااااااااااامل

حامل!!!أنا!!!لا..أنت بتضحك عليا..مش كدة يا احمد؟اهئ اهئئئئئئ اكيد بتضحك عليا, معقول انا حامل ؟أنا بنحلم؟ صح يا احمد؟بنحلم وانا ولا حامل ولا حاجة اهئ اهئئئئئ

هههههه يا بت وربنا حااااامل , حامل يا نكدية يا مطلعة عنيااااا هههههه نتيجة التحليل اهيه,اقري وملي عينك ,حامل يا هيووووووومة وربنا حاااااااامل هههههههههه

ههههه حامل!!! يا الله!!!اللهم لك الحمد والشكر يارب اهئ اهئئئئ اللهم لك الحمد والشكر,يارب مش عارفة اقول ايه ولا اشكرك ازاي والله,والله ما عارفة والله اهئ اهئئئ اللهم لك الحمد والشكر يارب ..اخيراً يا احمد ,اخيراااً اهئ اهئئئئ

اخيراً يا مجنونة يا عديمة الصبر هههه

أنا عديمة الصبر!!دانا صَبَرت صبر عمري..صبر ما تتحملوش جبال اهئ اهئئئئ يا كرمك يا رب اهئ اهئئئئ يا حبيبي يا ربي يا حبيبي ,ما كسرتش بخاطري وعوضت صبري خير اهئ اهئئئئئ اللهم لك الحمد يارب

الحمدلله يا هيام,اللهم لك الحمد والشكر يارب..هنسجد سجدة شكر يا هيام

**************************

خلف هذه الجدران,هبة عبد العظيم نور

**************************

ايّوووووه البحر شكله حلو قوي يا هيام,احلو ياما عن زماااااااان,الموج زي ما يكون بيضحك هههه سامعة صوته يا هيام؟ههههه

هههه فرحان عشانا يا احمد,بيشاركنا فرحتنا

هههه دي أول فرحة..فاضل الفرحة التانية يا ام العيال

هههه فرحة ايه دي بقى يا ابو العيال؟

فرحة جوازي التاني,ولا نسيتي ان ده طلبك؟هههه

ايييييييه! جواز ايه يا احمد!أنت ما صدقت!

أيوة طبعاً,بصراحة الحكاية كَبَرت في دماغي,ليه الواحد ما يتجوزش اتنين وتلاتة واربعة,بدل ما يخلف عيل واحد,يخلف دستة ههههه

كدة برضو يا احمد!عايز تتجوز عليا!

ايّوووه!مش انتِ اللي طلبتِ يا بت يا هيام!

ده كان زماااااااان

زمان ايه!دانتِ لسة طالبة الطلب ده من حوالي ساعتين

لا يا سيدي,طلبت منك انك تتجوز عشان تخلف,ما كنتش نعرف اني حامل,لكن دلوقتي خلاص,الحجة بَطَلت وجوازك من واحدة غيري عمره ما يكوووون

طبعاً يا هيام,عشان احمد من غير هيام عمره ما يكون

يا حبيبي يا احمد,يا نور عيني يا قلبي يا عمري كله ههه

هههه سيبي حاجة للولا اللي جاي ان شاء الله,يلا يا حبيبتي عشان نروح البيت نتصل بامك

**************************

خلف هذه الجدران,هبة عبد العظيم نور

**************************

عايزة نكلم ماما عشان نفرحوها يا احمددد ههههه

انا اللي هنكلموها ونقولولها الخبر الحلو ده هههه

تررررررررررررررررررررن تررررررررررررررررررررررررررررن

ايوة يا احمد , السلام عليكم يا ابني

عليكم السلام يا تيتة جليلة هههه

ربنا يرزقك انت وهيام يا ابني عشان نبقى تيتة بصحيح

رزقنا يا أمي الحمدلله , رزقنااااااا ههههههه هيام حاااااااااامل

بتقول اييييييه !!! قلت ايه يا احمددددد ؟ قلت ايه يا ابنييييييي , سمعني تااااااااااااني اهئ اهئئئئئئئ

هيام حامل يا أمي ببركة دعاكِ لينا يا ست الكل ههههههه

اهئ اهئئئئئ يا كرمك يا رب يا كرمكككك اهئ اهئئئئ الحمدلله الحمدلله ,الحمدلك والشكر لك يارب اهئ اهئئئئئئئ جبرت بخاطرنا وراضيتنا اهئ اهئئئئئئئ الحمدلله اني عيشت لحد ما سَمَعت الخبر ده اهئ اهئئئئئ

هههه ايّوووه عليكِ انتِ وبنتك , هو انتو ما بتبطلوش عياط سواء زعلانين أو فرحانين !!

ههه الله يجازيك يا احمد , الف مبروك يا ابني , فين هيااااااااام ؟

اهي جنبي اهيه , خدي عيطي انتِ وامك يا هيام بس انجزوا عشان اكلم ابويا هههه

هههه حاضر يا احمد , ايوة يا مامااااا هههه

ايوة يا عيون ماما , الف بركة يختي , ألف بركة يا هيام اهئ اهئئئئئئئ ربنا استجاب دعايا اللي كنت بندعهولك ليل نهار , انا ما كنتش بننام من حرقة قلبي عليكِ يا حبيبتي اهئ اهئئئئئ

يا حبيبتي يا ماما ! ربنا ما يحرمني منك ولا من دعاكِ يا أمي ... أنا عايزة نشوفوكِ يا ماما , انا هنلبس ونجيلك انا واحمد

تجيلي فين ! اوعي تتعبي نفسك ولا تيجي , انا اللي هنلبسوا ونجولك , مع السلامة

الله يسلمك يا ماما .... ماما هتيجي يا احمد ههه

تنورنا يا حبيبتي هههه خليها تيجي تفرح معانا , نكلموا الحاج ونفرحوه بقى

تررررررررررررررررررررررررررررررررررررررررررررن

ايوة يا احمد

ايوة يا حاج , هيام حامل يا حاااااااج هههههه

بتقول ايه يا ولا  !!!! بتتكلم جد يا احمدددددد ؟ هو اللي سَمَعته ده صحيح ولا بيتهيألي ؟

هههه صحيح يا حاج , هيام حامل في شهر الحمدلله

هههههه ايّوووووووووه اخيراااااااااااً يا فرج الله , ينصر دينك ودينهاااااااااااااا , الف مبروك يا ابني , خبر يساوي الدنيا ومافيهااااااااا

هههه الله يبارك فيك يا حاج , كنت عارف انك هتفرح

دي فرحة بشوق يا ولاااااااا فرحة بشوق السنين كلها يا احمدددد اللهم لك الحمد يارب اللهم لك الحمدددد, فرحتني فرحة عمري يا احمد يا ابني , الف مبروك يا ابني ههههه

الله يبارك فيك يا حاج , تاخد هيام تباركلها ؟

انا هنجولها بنفسي , ساعة ونكونوا عندكو يا ولا ان شاء الله , سلام يا أبو الرجالة هههههه

هههه الله يسلمك يا حاج ..... الحاج جاي دلوقتي يا هيام عشان يباركلك بنفسه ههه

والله ! ههه ربنا يخليه لينا يارب ,  يشرفنا وينورنا

**************************

خلف هذه الجدران,هبة عبد العظيم نور

**************************

علي التليفزيون شوية يا بت يا شوقية مش عارفة نسمعوا المسلسل

اهو يا ست سعاد , عليته ع الآخر وأصحاب الفيلل اللي حوالينا هيسمعوا معانا

طب اتسدي وروحي اعمليلي كوباية شيّ

حاضر يا ست سعاد

سعاااااااااااد هههه يا سعاااااااااااااااد

نازل بتجري كدة ليه يا عادل !!!

ههههه مرات احمد حااااااامل

اييييييه !!! ..... حامل ده ايه !!!

الست هيام حامل يا حااااااااج ؟ هههه

ايوة يا شوقية حامل هههه

يا ألف نهار ابيضضض يا ألف ليلة بيضضضضا يا نهار السعد والهنااااااااا لولوليييييييييييييييييييييييييييييي لولولييييييييييييييييييييييييييييييييييييييييييييي

بس يا بت يا شوقييييييييييية , جرا ايييييييه !!! ما تتهدي شووووووووية

فرحانة يا ست سعاد لسي أحمد والست هيام , فرحااااااااانة ههههههههههه

امشي انجري اعمليلي الشيّ

شيّ ايه بس ! المفروض نشربوا شربااااااات

غوري من خلقتي الساعة دددددددي

حااااااضر

في ايه يا سعاد !! شوقية فرحانة لاحمد , الليلة دي فرحة ولا كل فرحة يا سعاد هههه ... مش هتيجي معايا تباركي لمرات احمد ؟

انا نوطي مقامي ونروحوا نباركوا لحتة بت زي دددددددي !!!

ايّووووووه , بنقولولك ايه يا سعاد , انا فرحان والفرحة مش سيعاني , ومش عايز نسمعوا كلامك اللي ينكد ده , ايّووووووه ع الفرحة لما تيجي بعد شوق وعطش !!! اللهم لك الحمد يارب .... احنا رايحين نباركوا لاحمد ومراته يا سعاد ... سلاااااااااااام

اووووووووووف ايه النكد اللي انا فيه دددددده !!!

الشيّ يا ست سعاد

مش عايزة لا شيّ ولا زفتتتتتتت , واطفي المخروب ده مش عايزة نسمعوووووووه

طفيته اهو ... في ايه يا ست سعاد ؟ ما تصلي ع النبي كدة وتروقي , بقى في واحدة ابنها اتحرم من الخلفة سنين يامَا تقوم تعمل كدة لما مرات ابنها تحمل !!! مش ده اللي كان حازز في قلبك من ناحية الست هيام ومش عايزة تصفيلها عشانه !!!

لا يا شوقية , انا ما نحبوش البت دي , وكان أملي انها ما تخلفش واحمد يزهق منها ويرميها , كنت بنصبر نفسي ونقول مش هيصبر عليها العمر كله ومسيره يطلقها , لكن دلوقتي خلاص , هيمسك فيها بإديه واسنااااااانه

لا حول ولا قوة إلا بالله , وربنا الست هيام ما تستاهل كرهك ده , بتكرهيها كدة ليه!! هي كانت قتلتلك قتيل يا ست سعاد  !!!

ايّوووووه انا مش طايقة رووووووحي , هنطلعوا اوضتييييييي

بالسلامة يا ست سعاد , نعوذ بالله منك ومن قلبة وشك .. بقى في واحدة ما تفرحش لفرحة ابنها برضو !!! طب دانا فرحانة لسي أحمد زي ما يكون ابني , طب وربنا لنبلوا شربات ونشربوا انا والبت عطا هههه , ومن الصبح هنروحوا نباركوا لسي أحمد والست هيام

*****************************************

بت يا عطا , لسة يا بت بتغسلي الصحون !!!

ما هي صحون يامَا يا خالتي شوقية , بصراحة في البيت ده طلباتهم يامَا اوي , يطلبوا بالعشرين صنف أكل وما ياكلوش ربعهم

بفلوسهم يا بت , هو احنا اللي بنصرفوا عليهم ! ههه بلي ازازة شربات يا بت يا عطا خلينا نشربوا ونفرحوا

نبلوا شربات ! بمناسبة ايه يا خالتي شوقية ؟

الست هيام مرات الأستاذ احمد حامل يا بتتتتتتت هههه

وربناااااااا ؟ هههههه دانا فرحت من قلبي , الأستاذ احمد طيب اوي ويستاهل كل خير

على رأيك يا بت , ومراته أطيب منه

ربنا يخليهم لبعض يا خالتي شوقية

ويرزقك بابن الحلال يا بت ههه , انا الصبح هناخدوا بعضي ونروحوا نباركوا للأستاذ احمد والست هيام

خديني معاكِ يا خالتي شوقية , نفسي نشوفوا الست هيام بقى

ناخدوكِ فين يا بت ! ومين ياخد باله من طلبات الفيلا على ما نيجي !!!

ايّوووه ! هو انا مش هنشوفوا الست هيام خالص !!!

اللقا نصيب يا بنتي , هاتي الشربات هاتي هههه

**************************

خلف هذه الجدران,هبة عبد العظيم نور

**************************

اوووووووف نكلموا توحا اختي نفضفضوا معاها بدل ما نطقوا من جنااااابي

ترررررررررررررررررررررررررررررن

ترررررررررررررررررررررررررررررررررن ترررررررررررررررررررررررررن

أيوة يا سعاد

مساء الخير يا توحا

مساء النور , مالك يا بت يا سعاد ؟

الهبابة مرات احمد حامل

حاااااااااامل !!! الهي تعدم عمرهاااااا .... وتلاقي بسلامته عادل فرحان والفرحة مش سيعاه

ايوة , أول ما الولا اتصل بيه وقاله نَزَل يجري ع السلالم زي العيل الصغير وراح يباركله

يباركله على خيبة ايه ! هيخلف من واحدة بنت عيلة ولا بنت أصل !!! يتوكس عادل على وكسته

احنا هنطقوا من جنابنا يا توحاااااا , معنى ان البت دي تخلف من الولا يبقى اتربطنا بيها بسلاسل

ربنا يحل ربطتها ويسقط اللي في بطنها , أنا عارفة كان لكو فين النسب ده !!! روقي يختي روقي , واحنا هنجولك بكرة نخففوا عنك الهم اللي انتِ فيه ده

ماشي يا توحا , هنستنوكِ , سلام

الله يسلمك يا سعاد .... عيني عليكِ وعلى بختك في ابنك البكري يختي

في ايه يا توحا ؟

البت مرات احمد ابن اختي حامل

وفيها ايه دي !!

فيها ان الولا ده متجوز بت تربية حواري , وقَف قصاد امه وحاربها عشان يتجوزها

تلاقيها ضَحَكت عليه عشان فلوسه يا توحا , أنا عارف الأشكال دي

على رأيك يا ربيع

لكن أنا بقى يا توحا ما كنتش طمعان في مالك , أنا اتجوزتك عشان حبيتك من جوا قلبي

هو انت في زيك يا ربّوعتي !! ههه

هههه تعيش يا تحتوحتي ... طب نشوفوا وشك بخير بقى يا عسل عشان مسافر

ما تغيبش عليا يا ربيع

ما تخافيش , مش هنغيبوا يامَا , هما يومين تلاتة بالكتير نقضوا مصالحنا ونرجعوا , سلام يا حُبي

ألف سلامة يا ربيع , ابقى كلمني في الموبايل طمني أول ما تووووووصل

حاضرررررر

**************************

خلف هذه الجدران,هبة عبد العظيم نور

**************************

تررررررررررررررررررررررررررررررررررن

افتح الباب يا احمد, دي أكيد ماما

حاضر يا ستي

******************************************

أهلاً يا تيتة جليلة هههه

هههه مبروك يا احمد امووووه الف مبروك يا ابني اموووووه  ألف بركة يا حبيبي اهئ اهئئئئئئئئ

ههه كفاية عياط بقى يا أمي ... شوفتي بركة دعاكِ يا ست الكل !!!

الحمدلله يا ابني , ألف حمد وشكر .... فين هيام ؟

نايمة في السرير

انا داخلالها

********

هيااااااااام هههه

مامااااااا

اوعي تتحركي , خليكِ مكااااانك , احنا اللي هنجولك لحد عندك يا حبيبتي اموووه امووووه ألف مبروك يا هيام , ألف مبروك يا بنتي اموووووه هههه

الله يبارك فيكِ يا ماما يا حبيبتي اموووه , كله ببركة دعاكِ يا ماما والله

الحمدلله يا بنتي ان ربنا جبر بخاطرنا اهئ اهئئئئئئئ دانا من الفرحة مش مصدقة روحي وخايفة نكون بنحلموا

ههه دي حقيقة يا ماما الحمدلله

ايه يا أمي , حلم ايه ! ههه هو احنا دايماً كدة نستكتر الفرحة على نفسنا ونخافوا تكون حلم !!!

الله يتم فرحتكو على خير يا ابني ويرزقكو بولا يكون طيب وحنين زي ابوه هههه

ربنا يخليكِ يا أمي ههه

ولا ده  إيه يا ست ماما ! طب داحنا هنموتوا على بنت ههه

يا بنتي اللي يجيبه ربنا كويس

بس انا عايز ولا يا هيام

يا سلام ! اشمعنى بقى ؟

عشان لما نتجوز ياخد باله منك في غيابي

تتجوززز ! سامعة يا ماما ؟

هههه بيضحك وياكِ يا هيام

لا بقى أنا بنتكلم جد , بنتك هي اللي طلبت كدة , عمرك شوفتي واحدة تقول لجوزها لو ما اتجوزتش عليا طلقني ؟ هههههههه , أنا نعرف أن ممكن واحدة لما تعرف ان جوزها اتجوز عليها ولّا سَمَعت خبر بس انه عايز يتجوز تقوم تطلب الطلاق , لكن بنتك بقى دماغها ضربت وقالتلي لو ما اتجوزتش عليا طلقني هههههههه شوفتي جنان زي ده قبل كدة يا أمي ! هههههههه

صحيح الكلام ده يا هيام ؟

يا ماما ده عايز يغيظني وبس ههه , أنا طلبت منه كدة لما كنت فاكرة انّي ما بنخلفش , لكن دلوقتي الحمدلله ربنا أكرمني , يعني لو سَمَعت سيرة الجواز التاني منك يا احمد وربنا لنزعلوا منك هاااا

ههههه ما نقدروش على زعلك يا هيومة

ربنا ما يحرمكو من بعض يا ولاد ويفرحكو بضناكو هههه هنقوموا نحمرولك فرخة يا بت يا هيام عشان تاكليها وتسند قلبك

هناكلوا فرخة بحالها يا ماما !!!

كلي على قد ربنا ما يقدرك , الحمل عايز غذا يا هيام , احنا هنقعدوا معاكِ كام يوم ناخدوا بالنا منك

بجد يا ماما هتقعدي معايا ؟

هو انا عندي اغلى منك يا بنتي !!! دي الفرحة اللي بنستنوها يا هيام وربنا ادهالنا

ابسطي يا ستي , الحمل خلى امك ترضى عنك وهتقعد معاكِ لأول مرة  من يوم ما اتجوزنا من غير محايلة ههههه

والله يابني ما بنرتاحوش غير في بيتي , بس برضو ما نقدروش نسيبوا بنتي لوحدها اليومين دول

يا حبيبتي يا ماما , ربنا يخليكِ ليا يااااااارب

ترررررررررررررررررررررررررررررررن

ده اكيد ابويا اللي بيرن الجرس , عن اذنكو

اتفضل يا ابني ..... حماكِ أكيد كان هيطير من الفرحة أول ما عَرَف خبر حملك  يا هيام

ايوة يا ماما , أحمد بيقول انه فَرَح يامَا وما كانش مصدق نفسه وقال انا جاي نبارك لهيام بنفسي عشان المباركة ما تنفعش في التليفون

ربنا يجازيه خير ويعزّه , وأكيد حماتك جت وياه

تفتكري يا ماما ؟

اكيد يا بنتي , اومال يعني  معقول تعرف انك حامل بعد السنين دي كلها وما تجيش !!!

يا ريت يا ماما ..... نفسي قلبها يصفالي

ربنا يحنن قلبها عليكِ يا بنتي

**************************

خلف هذه الجدران,هبة عبد العظيم نور

**************************

أهلاً يا حاج هههه اتفضل

بالحضن يا ابو العريسسسس ههههههههه الف مبروك يا احمد يا ابني

الله يبارك فيك يا حاج ههه

اومال فين ام الرجااااااالة ؟

ههه هيام في اوضتنا , اتفضل

حد معاها جوا ؟

والدتها

طيب

********

السلام عليكم , مبروك يا هيام يا بنتي , مليون مبروك يا ام الأسووووود

ههه الله يبارك فيك يا عمي

ألف مبروك يا ام خالد

الله يبارك فيك يا حاج ... أهي الأيام لفت ودارت واتحقق المراد من رب العباد

ربنا كريم يا ام خالد , الحمدلله والشكر لله ... اسمعي يا هيام يا بنتي , انا عايزك تتغذي كويس , كويس أوووي , شوفي نفسك في ايه واحنا نجيبهولك

ربنا يخليك يا عمي , احمد مش مخليني محتاجة حاجة

وانا من قبل احمد , طلباتك عندي مجابة , ولو طلبتي لبن العصفور نجيبوهولك

والله يا عمي لو عوزت حاجة هنقولولك هه

ماشي يا بنتي , ربنا يقومك بالسلامة يارب وتجيبي ولا يشيل اسم ابوه وجده ويحافظ على اسم عيلة سليم

ان شاء الله يا عمي

على فكرة يا ابويا , مرات خالد كمان ربنا أكرمها بالحمل وسَمَعنا الخبر النهاردة

ههه بسم الله ماشاء الله , اتاريك انت وصاحبك حظكو من حظ بعض ومتواعدين ع الفرحة سوا هههه ربنا يديم الفرح عليكو يا ابني

اللهم آمين يا حاج

ألف مبروك لخالد يا ام خالد

تعيش يا حاج , الله يبارك في عمرك ... طيب احنا هنروحوا نجيبولك حاجة تشربها وبعدها نعملوا لقمة لهيام

اتوصي بيها يا ام خالد

ههه ان شاء الله  , تشرب ايه يا حاج ؟

شرباااااااات

ههه حاضر يا حاج , هنشيعوا البواب يجيب , بالإذن

اذنك معاكِ يا ام خالد .... طيب يا هيام يا بنتي نسيبوكِ ترتاحي وناخدوا احمد ونقعدوا برا

اتفضل يا عمي ...... برضو امه ماجاتش ... كان قلبي حاسس انها مش هتيجي

**************************

خلف هذه الجدران,هبة عبد العظيم نور

**************************

اشرب الشربات يا ابويا

ماشي يا ابني , وربنا بكرة ان شاء الله  لندبحوا تلات عجول  ونفرقوهم ع الغلاااااااابة , بركة كرم ربنا علينا , لازم نشكروه ونطلعوا من مالنا ونطعموا المحتاجين

ربنا يزيدك يا حاج ..... هي امي عَرَفت ؟

عَرَفت

....... طب مش كان الواجب انها تبارك لهيام ولو حتى بالتليفون ؟

سيبك منها , بيها أو من غيرها احنا فرحانين والفرحة مش سيعانااااا

.......... ربنا يخليك لينا يا حاج

**************************

خلف هذه الجدران,هبة عبد العظيم نور

**************************

شوفتي يا ماما ! برضو امه ما جاتش تبارك ولا حتى اهتمت , للدرجة دي انا ما نسواش حاجة في نظرها !!!

ما تزعليش نفسك يا بنتي , كفاية علينا فرحة عمك

أيوة يا ماما بس انا نفسي نعرف هي بتعمل معايا ليه كدة !!

ما تشغليش روحك يا بنتي وتجلبي النكد على نفسك , خليكِ في الفرحة اللي ربنا اكرمنا بيها والعيل اللي ربنا رزقنا بيه وفرّح قلبك وقلب جوزك وقلوبنا كلنا ..... ما قولتلكيش خالتك ام حسن عملت ايه لما قولتلها الخبر الحلو ده ههه وربنا عنيها دَمَعت من الفرحة وقعدت تحضن وتبوس فيا وتقولي مبروك يا ام خالد , دي مش فرحتك لوحدك دي فرحتنا كلنا ههه

ربنا يخليها يارب , انا عارفة انها بتحبنا وتحبلنا الخير , انتِ قولتيلها امتى يا ماما ؟

عديت عليها وانا نازلة وفرّحتها , الناس كلها فرحنالك يا هيام ههه

........ الحمدلله يا ماما

******************************

ولحد هنا وانتهت حلقاتنا لهذا اليوم اعزائي

بالنسبة للتفاعل ,بشكر جدا كل قرائي الأعزاء اللي تفاعلوا على تواجدهم وتفاعلهم كل قارئ بإسمه ,اسمائكم محفورة في ذاكرتي اسما اسما والله وبشكركم جدا  ..,كان ليا ملحوظة صغيرة,من فضلكو كل الاسماء المجهولة ياريت يتكرموا ويكتبوا اسمائهم اخر التعليق ,عشان بس اتأكد ان التعليقات مش لشخصية واحدة عايزة  توهمني ان في تفاعل ,عيبي ان انا مش بصدق  بسهولة  ,دراسة القانون خلتني نمكية هههه عندنا قاعدة درسناها بتقول (البينة على من ادعى واليمين على من أنكر) هههه يعني معلش اكتبوا اسماءكم حتى يطمئن قلبي

في اسماء غايبة ووحشينا كتير من بينهم القراء الأعزاء

هبة الإمام ورانيا يحيي وأمل خيري  وAaaa

وغيرهم طبعا ,,يا ريت تطمنونا عليكم,وحشتونا

*************

القارئة العزيزة omtalha

بالنسبة لرأيك ان رواية زوجتي والمفتاح غير مناسبة لفترة المراهقة فده طبعاً رأي احترمه ,وهو ده اللي انا اقصده ان احنا نقرأ بنفسنا ونشوف ما يناسب ابنائنا وبناتنا ..لكن انا ليا وجهة نظر وممكن تكون غلط وهشرحهالك إن شاء الله في مرة من المرات ,لان دلوقتي للأسف مستعجلة جدا ,لكن ليا حديث لكِ ولكل القراء فيما يختص بما يقدم لابنائنا منذ نعومة اظفارهم ,والموضوع سيكون قابل للنقاش إن شاء الله ..تحياتي لكِ حبيبتي

*************************************************

شوفوا يا جماعة عايزة تفاعل اكبر من كدة عشان تشجعوني اتواجد معاكم مرتين في الأسبوع ,وإلا كفاية مرة زي ما اتعودنا وخلاص ,ارئكم مهمة وتحليلاتكم مهمة بالنسبة لي ,,,ده اتفاق ....النهاردة استثناء الى ان اجد تفاعل ملموس

اشوفكم يوم الإثنين بمشيئة الله

لا تنسوا ذكر الله الدائم والصلاة على الحبيب عليه الصلاة والسلام ,,الليلة هي ليلة الجمعة فأكثروا الصلاة عليه

اللهم صل على محمد وعلى آل محمد كما صليت على إبراهيم وعلى آل إبراهيم في العالمين إنك حميد مجيد

وبارك على محمد وعلى آل محمد كما باركت على إبراهيم وعلى آل إبراهيم في العالمين إنك حميد مجيد

سبحان الله وبحمده,سبحان الله العظيم