الحلقة الثانية والسبعين (ف2)

**************************

خلف هذه الجدران,هبة عبد العظيم نور

ممنوع النسخ أو أخذ اسكرين شوت

**************************

معاذ حبيبي , كويتلك البنطلون والقميص اللي انت عايزهم

تسلم ايدك يا ست الحبايب هه ممم مالك يا أمي ؟ بقالك يومين كدة حاسس انك سرحانة ومش مركزة معانا

والله يا معاذ دماغي مقلوبة بسبب حكاية رامي وجوازه من اختك

للدرجة دي قلقانة !

دي مريم يا معاذ , بنتي حبيبتي اللي ربيتها على ايدي يوم بيوم وعلمتها دينها وازاي تحافظ عليه من صغرها , خايفة كل ده يضيع في لحظة

يا أمي مافيش داعي للقلق ده كله , رامي مش وحش كاسر ههه ده برضو ابن عمي وتبقى جدته الحاجة أمينة

على العموم يا حبيبي لسة اختك ما قالتش كلمتها

هي فين مريم ؟

في أوضتها

طيب عن إذنك هدخل اتكلم معاها شوية

اتفضل يا حبيبي

تن تن مريوم

اتفضل يا معاذ

هه ايه يا بنتي فينك !

موجودة أهو

صليتي استخارة ؟

أيوة

شكلك لسة مترددة

مش تردد قد ما هو خوف

خوف !

يا معاذ , الجواز من رامي بالنسبة لي شيء غامض ومش عارفة هيكون هو الزوج الصالح اللي بتمناه ولا لأ

الخوف ده طبعاً ناتج عن رأيك السابق في رامي

ممم أيوة

تعرفي يا مريوم , موضوع جوازك من رامي مشابه لموضوعي مع نور لحد كبير , نور برضو ما كانتش ملتزمة وماكانش ممكن افكر فيها أبداً لو فضلت زي ما هي بطريقة حياتها الغريبة ومظهرها البعيد كل البعد عن الدين . لكن سبحان الله لما ربنا هداها بقت إنسانة تانية خالص وخلتني اتمنى الجواز منها . ليه ما تقوليش إن رامي كمان ربنا هداه وبقى انسان جدير بإنسانة صالحة زيك ؟

انا مش بقول على نفسي صالحة ومافيش احسن مني , بالعكس , في بنات كتير احسن مني , الصلاح ده انا بتمناه

ههه وانا بتمنى أكون في التواضع بتاعك

هه

مريوم , ادي فرصة لرامي يعيش حياة جديدة وجميلة وكلها طاعة لله معاكي ,هو متعشم قوي انك تقبلي , ياريت ما تخذليهوش

ممم لما يجي أبي هبلغه بقراري الآخير إن شاء الله ..بس محتاجة الأول اقعد مع تيتة أمينة

******************************************

تيتة ,الدوا ده معاده دلوقتي,اتفضلي

متشكرة يا أيتن يا حبيبتي

ترررررررررررررررررررررررررررررررررررن

شوفي مين على الباب يا ايتن

حاضر يا تيتة

**************************

خلف هذه الجدران,هبة عبد العظيم نور

**************************

مريم هه ازيك يا مريم

ازيك انتِ يا أيتن,يا ترى تيتة صاحية ولا نايمة؟

صاحية

طيب عن اذنك هدخل اتكلم معاها شوية

خدوا راحتكو,انا هعمل سيرفينج على النت

طيب يا حبيبتي,عن اذنك

اتفضلي

**************************

خلف هذه الجدران,هبة عبد العظيم نور

**************************

تن تن السلام عليكم يا تيتة

عليكم السلام  ورحمة الله يا مريم,تعالي يا حبيبتي

متشكرة يا تيتة...تيتة أنا جيالك عشان تخرجيني من حيرتي

ومحتارة في ايه بقى يا ست مريم

حضرتك عرفتِ إن رامي اتقدملي؟

ايوة عرفت

طيب ورأيك ايه يا تيتة؟

المهم رأيك انتِ يا مريم

يا تيتة أنا محتارة,مش عارفة رامي اتغير فعلاً ولا تغييره ده مؤقت وبعدين يرجع زي ما كان

لا رامي اتغير فعلاَ يا مريم

مممم يعني حضرتك موافقة اني اتجوزه؟

عن نفسي موافقة وسعيدة جداً من جوايا انه اختارك,ده معناه انه رجع للفطرة السليمة وشاف الحياة بمنظور إيماني بحت..عايز يعيش حياة غير اللي عاشها واكتشف انها خالية من اي معنى وبعيدة عن طاعة ربنا وعن الهدف اللي خلقنا عشانه سبحانه وتعالى..عشان كدة رامي عايز الزوجة الصالحة اللي تاخد بإيده...يا ترى هتمديله إيدك يا مريم؟

هه...طالما ده رأيك يا تيتة يبقى رأيي أنا كمان

ههه عظيم جداَ..صليتِ استخارة؟

ايوة الحمدلله,والمفروض أبي يرد عليه النهاردة ويبلغه بقراري النهائي

يبقى أبوكِ هيفرحه بقرارك إن شاء الله هه

**************************

خلف هذه الجدران,هبة عبد العظيم نور

**************************

ده عمي ماجد,السلام عليكم  يا عميييي

عليكم السلام ورحمة الله يا رامي,يا ريت تجيب ابوك وتشرفونا بكرة بعد صلاة العشا إن شاء الله

هههههه هي مريم وافقت يا عمييييييي؟

اومال يعني هقلك هات ابوك وتعالي عشان نقولكو مش موافقين!!هه

ههههه ربنا يخليك ليا يا عمي ياااااااارب,هنكون عندكو بعد العشا إن شاء الله

**************************

خلف هذه الجدران,هبة عبد العظيم نور

**************************

أهلاً يا عصام,شرفتنا

الله يخليك يا ماجد

نورتنا يا عمي عصام والله ههه

نورك يا معاذ,متشكر هه

ازيك يا رامي

اهلاً يا معاذ .ازيك

اتفضل العصير يا عصام

متشكر يا ماجد,في الحقيقة انا اتفاجئت انك وافقت على الولد ده,انا لو منك كنت رفضته وبالثلث ههههه

دااااااااد! انت جاي تبوظ الجوازة!!!

ههههه ايه رأيك يا ماجد؟

رأيي في ايه! هو انتو كنتو طلبتوا البنت! بقالكو نص ساعة قاعدين ما جبتوش سيرة ههههههه

ههههههه يا سيدي يسعدنا ويشرفنا نطلب ايد بنتك الجوهرة المصونة للأستاذ رامي ابني ونتمنى نحوز الرضا والقبول

والله يا عصام يا اخويا نسبك يشرفني,وزي ما بيقولوا في المناسبات دي البنت بنتك والولد ابني

يبقى على خيرة الله وربنا يتمم بخير

عميييي هو انا مش هشوف مريم! مش في رؤية شرعية ولا جت لحد عندي واتلغت!!

ههه لا يا سيدي ما اتلغتش,روح يا معاذ نادي لاختك

حاضر يا أبي ,هناديها واروح اشوف امي حضرتلكو ايه تاني في المطبخ عشان اجيبهولكو ههه

**************************

خلف هذه الجدران,هبة عبد العظيم نور

**************************

اهيه العروسة جت اهيه,تعالي يا مريومة

السلام عليكم

عليكم السلام يا حبيبتي

ازيك يا عمو

اهلاَ مريومة حبيبتي ههه أقدملك رامي ابني

ازيك يا مريم

ازيك يا رامي

ارفعي النقاب يا مريم عشان العريس يشوفك

أمرك يا أبي

يالله!!!.........

ايه رأيك يا عريس

حلوة قوي يا عمي هههه

ولددد! انت بتتغزل في بنتي قدامي!! هههه

عن اذنكو

اهي البنت اتكسفت ومشيت

نتكلم في التفاصيل يا ماجد

اتفضلوا الجاتوه والحاجة الساقعة يا جماعة

متشكرين يا معاذ

اقعد يا معاذ عشان عمك هيتكلم في التفاصيل

حاضر,منور يا عريس هههه

هههه بنورك يا اخو العروسة

ترررررررررررررررررررررررررررررررررررن

انتو منتظرين حد يا ماجد؟

لأ,روح شوف مين يا معاذ

حاضر ,لحظة واحدة

*******************************

عمي هاااااااني هههه

ايوة عمك هاني يا سيدي, اتفضل علبة الشيكولاتة ..فين ابوك وعمك عصام؟

في الصالون

**************************

خلف هذه الجدران,هبة عبد العظيم نور

**************************

الله الله الله ههههه السلام عليكم

عليكم السلام ورحمة الله وبركاته يا هااااااني,اهلاً يا اخويا اتفضل يا سيادة العميد هههه

متشكرين يا ابو العروسة ههه ازيك يا ابو العريس

اهلاً يا هاني هههه

ازيك يا جناب العريس

هههه ازيك انت يا عمي ,منورنا والله

بنورك يا سيدي,انا قلت لازم اجي في المناسبة السعيدة دي,هااا نقول مبروك؟

قول يا هااااااااني هههه

هههه الف مبروك يا جماعة

**************************

خلف هذه الجدران,هبة عبد العظيم نور

**************************

ويش رأيج في الدار يوما ؟

جميلة اوي يا صلاح يا حبيي , وذوقك في الموبيليا يجنن

هذا ذوجي انا يوما , مو ذوج صلاح ههه

انتو الاتنين حبايبي يا رغد , ياااااه تعبانة بشكل , حاسة اني عايزة انام الف سنة في هدوء

روحي يوما نامي , وانا ورغد صار لازم ننام , تصبحين على خير يوما

وانت من اهل الخير يا حبيبي

تصبحين على خير يوما يا جلبي ههه اموووه

وانتِ من اهل الخير يا عمري , يااااه الحمدلله يارب عوضتني عن طارق وغدره بولادي , الحمد لله انك رجعتهم لحضني وإلا كانت الحياة هتبقى مؤلمة وقاسية قوي

*************************************

ماما فين يا صلاح ؟

نايمة

لسة نايمة لحد دلوقتي !

روحي صحيها عشان تحضرلنا الفطار يا رغد , انا جعان قوووي

اوكيه

**************************

خلف هذه الجدران,هبة عبد العظيم نور

**************************

تن تن مامااااااا

ماما !

ايه يا حبيبتي ! لسة نايمة ؟

ايه ده ! انتِ بتتكلمي كدة ليه يا رغد ؟

ههه بتكلم ازاي يا ماما !

حبيبتي انتِ بتتكلمي مصري

ههههههههه اومال المفروض اتكلم تركي !

....... المفروض تتكلمي كويتي

كويتي ! اشمعنى كويتي يا ماما !

الله ! اشمعنى كويتي يعني ايه ! مش دي اللهجة اللي اتربيتي عليها !

لااااا دانتِ غريبة قوي النهاردة يا ماما , اكيد بتشتغليني , مش كدة ؟ ههه

بشتغلك !!!

صلااااااااح تعالى شوف ماما واشتغالات ماما ع الصبح ههههه

في ايه يا رغد ! صباح الخير يا ماما

انت كمان بتقول صباح الخير يا ماماااااا !

الله ! اومال اقول ايه !

اووووووووف انا رايحة اتوضى واصلي الضحى وبعدين احضرلكو الفطاااااااار

هي ماما مالها يا صلاح ؟

مش عارف يا رغد

**************************

خلف هذه الجدران,هبة عبد العظيم نور

**************************

اتفضلوا تعالوا افطروا

ميرسي يا مامتي يا حلووووة اموووه

ايه ده ! اومال فين الفول يا ماما ؟

فووووول ! انت عمرك ما كلت فول يا صلاح

ههههههههههههه يا ماما في مصري ما بياكلش فول برضو ! الفول ده لذيذ جداااااااً ,  ويا سلام بقى لو جنبه حزمة جرجير

اه والله يا صلاح , وإلا بقى لو معاه بصل اخضر يمي يمي يجنن ههههه

 ههه جريتي ريقي يا رغد ,من فضلك من بكرة تعمليلنا فول على الفطار يا ماما , بيوحشنيييييي

..................................................... !!!!!!!!

ماما البيض ناقص ملح , من فضلك هاتي الملاحة

اتفضلي

ميرسي يا ماما

ها يا ست الحبايب , هتعمليلنا ايه ع الغدا النهاردة ؟

مش عارفة , اللي انتو عايزينه

ايه رأيك يا رغد لو ناكل قلقاس باللحمة وجنبه رز بالشعرية ؟

الله ههههه يجنن

والله انتو اللي هتجنونييييي , مالكو يا ولاد ! ايه الانقلاب المفاجئ ده في طريقة كلامكم واكلاتكم وكل حاااااااجة !

انقلاب ! هو احنا عملنا انقلاب يا رغد ؟

مش عارفة ماما مالها يا صلاح

اووووووف اما اتصل بالبواب عشان يجيبلي طلبات حضراتكو ع الغدااااااا

**************************

خلف هذه الجدران,هبة عبد العظيم نور

**************************

يلا يا مامااااااا انا ورغد جوعنااااااا الغدا خلص ولا لسسسسسة

لسسسسسة الرز قرب يستوووووي

ترررررررررررررررررررررررررررررررررررررررررن

يووووو جرس الباب بيرن , افتح يا صلاااااااااح

..........................................

يا صلااااااااااااااح

................................................

اوووووووف راح فين الولد دددددده ! افتح اناااااااا..........ايه ده طااااااااااااارق !!! مش مصدقة عنياااااا ! طارق ببنطلون وتي شيرت !!!

ازيك يا دعاء , الغدا جهز ولا لسسسسسسة ؟؟؟؟؟؟ جعاااااااااااان

غداااااااا !

ااااه يبقى لسسسسسة , زي العااااااااادة ارجع من الشغل واستنى حضرتك ساعة على ما تحضري الغدا يا ست هاااااااااانم

........................................ !!!!!!!!!!!!!

بتبصيلي كدة لييييييييه ! خديلي صورة ستة في تسعة يختييييييي

هاااااا ! هو في ايه ؟

في انك ست  مش حاسة بجوزها التعبان الشقيااااااااان , المفروض اجي يا ست هانم الاقي الأكل جاهز ع السفراااااا , عملتي محشي الكرنب اللي طلبته منك امبارح ؟

هااا ! امبااااااااارح ! امبارح ايه !!!!

لا حول ولا قوة إلا بالله , طبعا ما عملتهووووووش , ما هو عشان تعمليلي حاجة بحبها لازم تذليني عليهااااا , ماشي يا ست دعاء , أوامرررك , هتأكليني ايه النهاردة ؟

................. دمااااااااغي دمااااااااااااغي ! هو ايه اللي بيحصل !

ماسكة دماغك كدة ليه ! عندك صداع !!! اجيبلك اسبرين ؟

مش عايزة , كل اللي عايزة افهمه هو ايه اللي بيحصصصصصل ! انت مش كنت في الكوييييييت ؟ جيت امتى وازااااااااي !

كويت !!! كويت ايه يا دعاء !!!

لااااااا انت عايز تجنني يا طاااااارق , اكيد عايز تجننييييييي , يا طارق انا وانت سافرنا الكويت عند خالو فواززززز

فواز ! ايه الاسامي دي ! انتِ عندك خال في الكويت يا دعاء ! أول مرة اعرف , اومال ليه مش بيزورنا ! وانتِ يا دعاء ليه ما بتتصليش بيه ! لالالا انتِ كدة مقصرة قوي في صلة الرحم , ما قولتليش طابخالي ايه ؟

قلقاس , قلقاس يا طاااااااارق , قلقااااااااس

وماله , نعمة من عند ربنا , عملتي السلطة ؟

لا

طيب , فين البنت رغد عشان تساعدك , رغدددددد انتِ يا بنتتتتتتت

بابا حبيبييييييييي ههههههه جيت من المكتب !

مكتب !

ايوة يا حبيبتي جيت , روحي اعملي السلطة عشان نتغدا , ساعدي مامتككككك يلاااااا

حاضر يا بابا

مكتب ! مكتب ايه يا طارق ! هو انت عندك مكتب هنا ؟

هنا فين ! في الشقة ؟

مكتب في مصر

هههه لا مكتب في ساحل العاج , اومال يعني مكتبي هيكون فين ! انتِ سخنة يا دعاء ! اكيد جعانة والجوع هو اللي خلاكي تخرفي , انا كمان قربت اخرف من الجوع , السلطة يا رغددددد

حاضر يا باباااااا

اومال فين  صلاح يا دعاء ؟

صلاح ف ..........

انا اهو يا بابا

ازيك يا حبيبي

الحمدلله يا بابا

خد يا سيدي , نقلتلك كل الحاجات اللي طلبتها على الفلاشة دي

متشكر يا بابا ههه متشكر قوووي

الأكل استوى ولا لسة هنتعذب كمان شوية يا دعاء !

................ حالاً السفرة هتكون جاهزة , هو في ايييييه ! نفسي افهم ايه اللي بيحصل في البيت دددده هتجننن

**************************

خلف هذه الجدران,هبة عبد العظيم نور

**************************

الأكل كان يجنن يا دعاء . نفسك حلو يا ام صلاح

....متشكرة

كوباية الشاي المتينة بقى عشان نحبس

.................... !!!!! حاضر , حاضر يا طاااااااارق

هي مالها الست دي ! امك مالها يا صلاح

مش عارف يا بابا , من ساعة ما صحيت الصبح وهي مش طبيعية

السن بقى يا ابني , ربنا يديها الصحة

هههه ايه يا بابا سن ايه ! دي ماما يا دوب تلاتة واربعين سنة

عندها اعراض شيخوخة مبكرة , متهيألي داخلة على دور زهايمر من النوع التقيل

ههه طب وطي صوتك لتسمعك وتزعل

**************************

خلف هذه الجدران,هبة عبد العظيم نور

**************************

اتفضل الشاي

متشكر قوي , ما تقعدي , باصالي كدة ليه !

ولا حاجة

على فكرة اختي علا جاية كمان شوية , قالت انها عايزاني في موضوع مهم

علا !!! وهي علا معاها عنوانا ؟

نعممممم ! انتِ شاربة حااااااااجة ! اومال بتجيلنا ازاي !

اصل العنوان هنا جديد

جديد ايه يا ست انتتتتتتِ ! لالالا انتِ فعلا ما بقتيش طبيعية , فكريني اتصل بدكتور نفسي يعالجك

زي الدكتور النفسي اللي انا اتصلت بيه عشان يعالجك واحنا في الكويت , مش كدة ؟

كويت ! ايه حكاية الكويت اللي لازقة على لسانك دي ! نفسك تروحي الكويت ؟

لاااااااا , أنا ما صدقت رجعت من هنااااااااك

هههه لالا دانتِ بقيتي بتنجان ع الآخر

تررررررررررررررررررررررررررررررن

دي اكيد اختي علا , افتح لعمتك يا صلاااااااااح

حاضر يا بابا

عمتييييييي ازيك يا عمتي

يا حبيب عمتك هههه ازيك يا صلوووووحة

ازيك انتِ يا عمتي

اومال بابا وماما فين ؟

قاعدين في الليفنج

طيب انا رايحالهم

**************************

خلف هذه الجدران,هبة عبد العظيم نور

**************************

السلام عليكم ههه

عليكم السلااااااام ازيك يا علا

ازيك انت يا طرووووقة , ازيك يا دعاء هه

اهلااااااااً ههههه ازيك يا علاااااااا وحشتيني اوووووووووي امووووووه اموووووه يااااااااه ما تغيرتيش خااااااالص , زي اخر مرة شوفتك من عشرين سننننننة

نعم !!!!! عشرين سنة !!! ههه دمك زي العسل يا دعاء والله

ايه ده ! انتِ مش مشتقالي زي ما انا مشتقالك يا علا ؟

مشتقالك ازاي يعني ! هه طبعاً حبيبتي انتِ وحشاني وخصوصاً ان بقالي اسبوعين بحالهم ما شوفتكيش

اسبوعين !

اسكتي يا دعاء , دي الملوخية اللي كلتها عندك من اسبوعين حلاوتها ما راحتش من لساني , انتِ كنتي حاطالها ايه يا بنتي ! سكرررر ؟ ههه

دعاء مراتي مايعلاش على نفسها يا علا

طبعاً طبعاً يا حبيبي , اومال فين البنت الشقية رغد ؟

عمتووووو هههههه ازيك يا حبيبتي امووه امووووه بقالي اسبوعين ما شوفتكيششششش

رغد كمان بتقولها بقالي اسبوعين ما شوفتكيش ! ااااه دماااااااغي

هههه ما انتِ اللي بنت وحشة وما اتصلتيش بيا من ساعتها

معلش يا عمتو , ببقى مشغولة يا إما مع ماما في البيت يا إما في القراية

اقري يا حبيبتي , احب البنت المثقفة ههه تعرفي يا رغد قبل ما اتجوز كنت غاوية قراية , كنت امسك كتاب واقرا للصبح , بعد الجواز بقى مافيش وقت يا حبيبتي إلا نادر ههه

لالا لازم تقري يا عمتو , القراية دي متعة .. ماما انتِ باصالنا كدة ليه ؟

انتو اللي بتعملوا كدة ليييييييه ! قولولي قصدكو ايه من اللي بتعملوه ددددده !

مالها مراتك يا طارق ؟

مالك انتِ يا علااااا بتعملي كدة ليه ! نسيتي ؟ نسيتي يا علا ان انا وطارق زمان سافرنا الكويت عشان نحسن وضعنا ؟

وضعكو ! وماله وضعكو ! مانتو عايشين كويس اهو تبارك الله ! طب دانا كنت جاية عشان قاصدة اخويا طارق في مبلغ صغير كدة , كنت عايزة الفين جنيه يا طارق , هجيبهوملك على اول الشهر

تحت امرك يا علا , جبيهم وقت ما تجيبيهم , انا مش مستعجل

ربنا يخليك ليا يا اخويا يارب

لاااااااا لازم توقفوا المهزلة دددددددي انا عايزة اعرف ايه اللي بيحصل , طاااااااارق رجعت من الكويت امتىىىىى ؟

برضو هتقولي الكويت هههه طب حد يرد عليها بقى , الله يشفيكي يا دعاء

ااااااه اااااااه الدنيا بتلف بيااااااااا اااااااااااااه

مامااااااااااااااااااااااااااا

**************************

خلف هذه الجدران,هبة عبد العظيم نور

**************************

دعاء , فوقي يا حبيتي

ااااه طارق !

عيون طارق هههه

اهئ اهئئئئئئئ انت لسة هتقولي اني مجنونة وانك ما كنتش في الكويت !

مين قال كدة ! لا يا ستي كنت في الكويت ههه ولسة راجع امبارح الحمدلله

ههههههه يعني كنت بتمثل علياااااا

ايوة , فيها ايه دي ! الحياة محتاجة شوية اكسوجين ههه نلعب شوية , طول عمرنا جد

وولادك الخبثا دول كانوا بيمثلوا علياااااا !

ايوة طبعا ههه طالعين ممثلين لابوهم

ممثلين فاشليننننن

هلا يومااااااا هههههههه

لااااااااا كلموني مصررررري

توك تجولين عنا انا وإختي ممثلين فاشلين ههه

لاااااا انتو هايلين , اتكلموا مصرررررري , سامع يا صلاااااااح

أمرك يا ماما يا ست الكل ههه

ههه وانتِ يا رغد

انا أعمل كل حاجة ترضيك يا جمييييييل

 بنتي حبيبتي هههه , انا عايزة افهم ايه اللي بيحصل يا طارق  ! انت كنت رافض تزور مصر مجرد زيااااارة , ولما انا قررت اني اجي ازور اهلي سيبتني ارجع لوحدي وبعدها قررت تتجوز الست بوثينا عشان كدة الولاد زعلوا وحصلووووني , ايه اللي حصل خلاك تتغير بالشكل المفاجئ ده يا طارق ؟

ممممم ممكن تسيبونا لوحدنا شوية يا ولاد ؟ عايز اكلم ماما على انفراد

حاضر يا بابا , يلا يا رغد

اتكلم يا طارق , بقينا لوحدنا , ايه سبب التغيير المفاجئ ده ؟

ههه انتِ السبب يا دعاء

انا ! انت بتهزر !

لا طبعاً بتكلم جد , دعاء انا فعلا ما كنتش ناوي أرجع , وفعلا كنت هتمم جوازي من بوثينا وابتدي حياة جديدة ,ولآخر لحظة قبل ما اعقد عليها شوفت صورتك قدامي , خدني حنين جارف ليكِ , للإنسانة الوحيدة في الدنيا دي اللي  مديتلي ايدها ووقفت جنبي , مراتي حبيبتي اللي ضحت بسعادتها وراحتها ووجودها بين أهلها واتغربت عنهم عشاني , مش هنسى رحلة الفشل الأولانية واللي بعدها امك واختك طلبوا منك انك تطلقي مني وتبعدي عن انسان فاشل زيي , عمري ما هنسى انك رفضتي تستجيبي لطلبهم واستمريتي معايا في حياة مالهاش أي ملامح واضحة , ومستقبل مليان غيوم وضباب ومش عارفين بكرة هيحصلنا فيه ايه , عمرك ما اظهرتيلي ضيقك من ظروفنا مهما كنتِ تعبانة , بالعكس , كنتِ على طول تبتسمي في وشي عشان تخففي معاناتي , وبعد ما ربنا اكرمنا وسافرنا تاني برضو اتحملتيني واتحملتي بعدك عن أهلك , رغم تعسفي في حرمانك منهم , صبرتي ورضيتي , كنتِ اجمل رفيق لرحلة عمر ممزوجة بالشقى والحرمان , تفتكري يا دعاء ان بوثينا كانت هتديني واحد في المليون من اللي انتِ ادتيهولي ! ولا مليون ست تحل محلك يا حبيبتي

يااااااااااااه هههه معقول طارق جوزي حبيبي اللي بيقول الكلام الجميل ددددده ! معقول انت طااااااارق !

لا واحد شبهه يختيييييييي

ههههههه أهو انت كدة طارق

ههههههههههههه انتِ حبيبتي يا دعاااااء , بعد يا ستي ما انسحبت من جوازة بوثينا , اتصلت بصلاح عن طريق حسابه ع الفيس , ورتبت معاه كل حاجة , قولتله انا هرجع مصر , هات شقة واكتبها بإسم امك وافرشها كويس  وروح انت واختك عيشوا معاها فيها , وبعتله الفلوس واتفقت مع عاطف اخويا يشوف شقة كويسة

أها ههه بقى كدددددة ! والولد المكار يقولي ده حقك يا ماما وكفاية ان بابا هيتجوز عليكِ , اتاريك مرتب كل حاجة معاااااه ههه

ايه رأيك بقى في المفاجأة دي يا دودو ؟؟ ههه

مفاجأة العمر يا حبيبي هههه بجد فرحانة قوي يا طارق قوووي , كنت فاكرة ان عمرك ما هتخطي مصر برجلك لحد ......

لحد ما اموت ههه

بعد الشر عليكككك اوعى تقول كدة تااااااني ياااااه يا طارق , الحياة من غيرك كانت وحشة قوووي

ههه وحشتك ؟

ههههه قووووووي

يا روحي يا دعاء هههه على فكرة خالك فواز ومراته وبنته سلمى وجوزها وابنها نايف كلهم جايين بعد بكرة ان شاء الله

والله ! هههه خبر يجنن , كلهم جايين يزوروا مصر ؟

والله يا حبيبتي منها زيارة لمصر ومنها خطوبة لنايف ابن سلمى

نايف ! هو نايف هيخطب من مصر ؟

ايوة , نايف عايز يتجوز رغد بنتك

ايييييييييه ! ناااااااايف !

ايه ! عندك اعتراض ع الولد ؟

لا يا حبيبي , نايف انسان كويس جداً وكفاية انه متدين ماشاء الله عليه , بس معنى انه هيتجوز رغد انها هتعيش في الكويت

ايوة طبعاً , اومال يعني هيسيب بلده وشغله وحياته ويجي يعيش مع بنتك هنا !

يووووو انا ما اقدرش ابعد عن بنتي يا طاااااااارق , احنا لازم نرجع نعيش في الكوييييييييت

انتي هتجننيني يا ست انتتتتتتتتتِ !!! ما احنا كنا هناك وصممتي ترجعييييي , يكون في علمك ما فيش رجوع للكويت تاااااااااني , انا خلاص , هفتح شركة لحسابي وهديرها انا وصلاح ابني , بنتك بقى مكانها مكان جوزهااااا

هااا ! هو انا الاقي اهلي تقوم بنتي تسافر وتسيبني !

يا ستي نبقى نقول للولد يجيبهالك كل سنة تقعد معاكِ شهر

طب ما يسبهالنا طول السنة ونبعتهاله شهر ؟

لا انا عندي حل احسن

ايه هو

بلاش الجوازة دي خاااااالص

لالالا ليه بس يا طارق ! نايف عريس كويس ومش هضيعه من بنتي

يبقى خلاص , زغرتي يا ام العرووووووسة ههه

هههه ما بعرفش ازغرت يا حبيبي

ادي عيب الزوجة المودرن

**************************

خلف هذه الجدران,هبة عبد العظيم نور

**************************

**************************

خلف هذه الجدران,هبة عبد العظيم نور

**************************

يااااه يا ماما امينة , مش مصدقة ان مريم ومعاذ اتكتب كتابهم امبارح , ههه الأتنين في ليلة واحدة ماشاء الله لا قوة إلا بالله

مبارك  يا منال يا بنتي , مش بباركلك عشان كتب كتاب ولادك وبس , لكن بباركلك عشان ربنا كلل تعبك مع ولادك بالنجاح وبقوا من احسن الناس علماً وخلقاً وتدينا

ههه الله يخليكِ يا ماما أمينة يا أمي يا حبيبتي اموووووه كله بفضل توجيهاتك

ربنا ما يحرمنيش منك يا منال يا حبيبتي , منال , ده المصحف بتاعي اللي كان معايا طول عمري , جه الوقت اللي اهديهولك فيه

ازاي يا ماما أمينة ! طب وانتِ ؟

عندي مصحف تاني , لكن ده من دلوقتي ملكك انتِ , منال , في خمار أبيض في الدولاب ده هاتيه

حاضر يا ماما أمينة

اتفضلي

متشكرة يا حبيبتي , الخمار ده بتاعي , اشتريته من زمان , كنت بلبسه في الحرم المكي دايماً في العمرة والحج , ولبسته يوم فرحك , اسمحيلي البسهولك بإديا , قربي يا منال

حاضر يا ماما أمينة

الله , تبارك الله , وشك جميل ومنور في الخمار الأبيض , ده بقى ملكك , ياريت تكون وصلت رسالتي

فهمت يا ماما , ربنا يخليكِ لينا وما يحرمناش منك يارب ويديكِ الصحة وطولة العمر

**************************

خلف هذه الجدران,هبة عبد العظيم نور

**************************

فين موبايلك يا عبد المجيددد

عايزاه لييييه ؟

هكلم الواد صلاح , اصل فواز قالي انه هيروح المطار بكرة ويجيبه  بالعربية

طب وانتِ عايزة صلاح في ايه ؟

عايزاه وخلاص يا عبد المجيدددد فين موبايلكككك ؟

ما تكلميه من موبااااااايك , مش لسة شاحنلككككك ؟

يوووو بخاف الرصيد يخلصصص هات بقى

اتفضلي يا ستي

ترررررررررررررررررررررررررررررررن

ايوة يا جدوووو

انا مش جدو , انا تيتة يا ولد يا صلااااااح

تيتة ! اهلا يا تيتة

اهلا بيك , انا عرفت انك رايح تجيب اخويا فواز من المطار

ايوة , في حاجة ؟

ايوووة , تجيبه من المطار على عندي هناااااا , اياك تاخده على عندكوووو , اياك ليكو دعوة بالهداياااااا

ههه ما تخافيش يا تيتة , جدو فواز قال انه هيجي على عندك على طول , وكلنا هنتجمع عندك يا تيتة

تتجمعوا عندي تعملوا ايه !!!

ما انتِ عارفة يا تيتة ان نايف جاي يخطب رغد

طب وانا ماااااااااالي ! هو يجي يخطبها وتقعدوا عندي وتضيفوهم على حسابنااااا !

لا يا تيتة ما تخافيشششش , بابا وماما ورغد هيجوا على عندك ويجيبوا الجاتوهات والحلويات وكل حاااااااجة

هههه ايوة كدة , اذا كان كدة يبقى يا ألف اهلاً وربنا يتمم بخيرررر

**************************

خلف هذه الجدران,هبة عبد العظيم نور

**************************

وقفت ليه يا طارق يا حبيبي ؟

هروح عند الصايغ ده اشترى حاجة دهب لامك عشان تحل عن سمايااااااا

ههههههه ربنا يخليك لينا يا حبيبي

ماما , منة كلمتني وقالتلي انها هتيجي هي وطنط رشا وعمو هاني وعبد الرحمن كمان عشان يسلموا على جدو فواز ونايف وباباه ومامته

ما هي خالتك رشا قالتلي

**************************

خلف هذه الجدران,هبة عبد العظيم نور

**************************

ايه يا طارق , اشتريت ايه يا حبيبي ؟

جبتلها الاسورة والخاتم دول

الله ! ههه حلوين قوووي , شوفي يا رغد

الله , حلوين قوي يا بابا

كله عشان خاطر امك , لجل الورد يتسقي العليق

هههههههههه بقى ماما عليق يا طارق !

ههههه عليق بس جاب احلى وردة في الدنيا

ههه بس يا طارق البنت سامعانا

هو احنا بنشتم بعض بألفاظ خارجة  ! ما تسمعنا , منورة يا رغد

ههه متشكرة يا بابا

**************************

خلف هذه الجدران,هبة عبد العظيم نور

**************************

ترررررررررررررررررررررررررن

افتح الباب يا عبد المجيددددد , تلاقيه فواز اخويااااااا انا لسة بلبسسسسس

لا دي اكيد دعاء , قالت هتيجي بدري هو وجوزها

اهلاً طااااارق ههه ازيك يا ابنيييي

عمييييي بالحضن يا ابو دعااااااااء

ههههه ازيك يا حبيبي , نورت مصر يا طارق

الله يخليك يا عمي , احب اقدملك بنتك دعاء

ههه عارفها , ازيك يا حبيبتي

ازيك انت يا بابا يا حبيبي ههه

ازيك يا جدوو

اهلاً رغد حبيبة جدو , اتفضلوا يا ولاد , لحظة هبلغ احسان

اتفضل يا عمي , يااااااه ابوكي راجل طيب اوي يا دعااااء , وعلى فكرة وسيم ,  شكله كان دونجوان في شبابه , حاجة غريبة

وايه الغريب في كدة يا طارق !

الغريبة انه اتجوز امك اللي شبه انثى العنكبوت , اموت واعرف اتجوزها ازااااااي

هههه طب بس بقى يا طارق , والله زعلانة منك , ما بحبش حد يتكلم كدة على ماما

خلاص يا ستي اسف , اديني دفعت دم قلبي عشان اهاديها عشان خاطرك

تسلملي يا رب يا طارق

**************************

خلف هذه الجدران,هبة عبد العظيم نور

**************************

احسااااان طارق جوز بنتك برا وبيسأل عليكِ

دانا مستحلفاااااااااله , وقع في ايدي بعد السنين دي كلها ابن عطيييييية

اهلاً يا سي طاااااااارق بعودة الأياااااااااام , عشرين سننننننة عشرين سنة تحرمني من بنتييييي ! انت ما عندكششششش............

اتفضلي يا طنط ههه

اتفضل ايه ؟

افتحي العلبة دي وشوفي فيها ايه ؟

وريني , ايه دددده ! اسوووووورة وخاااااااااااااااااتم دهببببببب دهببببببببب احمدك يااااااااارب ههههه يا حبيبي يا طارق يا جوز بنتيييييي نورت مصر يا عيون حماااااااااتك

نورت ايه بقى ! دانا زعلان من نفسي عشان حرمتك من دعاء عشرين سنة

وماله يا حبيبي , يعني هو انت كنت خاطفها ! ما هي كانت مع جوزها حبيبها اللي مهنيها هههههه نورت مصر يا طروووووقة , الله يرحم امك كانت حبيبتيييييي

اه ما انا عارف

ايوة طبعاً لازم تعرف غلاوتها في قلبي , الله يرحمك يا عطية يا غالية عليا , والله عرفت تربي بصحيح , يا اهلاً وسهلاً يا طارق , والله يا ابني ما حد هاداني بدهب يجي من تلاتين سنة

جرا ايه يا احسااااااان ! والخاتم اللي جبتهولك السنة اللي فاتت ؟؟

خاتم ! عيار تمنتاشر خف الريششششة !! انا بتكلم عن الدهب اللي بصحيححح , يا حبيبي يا جوز بنتي , انا ما عنديش صبيان وانت ابني يا طاااااارق

ههههه تعيشي يا حماتي , انتِ غلاوتك من غلاوة دعاء , على فكرة يا عمي , انا جايبلك بدلة حكااااااية , معلش ما جبتهاش معايا النهاردة عشان اللخمة , بكرة تكون عندك ان شاء الله

يا ابني والله ما عايز حاجة , كفاية سلامتكو عندي

ربنا يخليك يا عمي

لو مش عايز البدلة يا عبد المجيد انا مستعدة اجيبلك ليها بيعة كويسة اووووي , جوز مدام سوسن كان عايز يشتري بدلة مستوردة

اتكتمي بقى اتكتميييييي كمان هتبيعي الهداياااااا !

بيبب بيييييييييييب بيييييييييييييييييييييب

ده كلاكس عربية صلاح ابني

ههههه اخويا فوازززززز اما اقوم ابص من البلكووووونة

********************************

ههههه دعاااااااء ههههه شايفة يا دعاااااء ! ده جايب هدايا كتير اوي اوووووي

هدايا ايه بس يا ماما ! كنت فاكراكِ قايمة تبصي على خالو فواز

يا بنتي هو الأخ يبقى أخ إلا لما يجيب لاخته هداياااااا ! اما اروح افتححححححح

**************************

خلف هذه الجدران,هبة عبد العظيم نور

**************************

هههه ازيك يا تيتتتتتة

اهلا يا صلاح اوعى خليني اسلم على اخويا , فوااااااااز هههه

احسااااااان اختييييي ههه اشتجتلج وايددددددد

امووه امووووه تسلملي يا خويا وتسلم مجايبككككك , اهلا يا سلمىىىىى

عمتيييي ههه شلونج يا غلا  امووووه ان شالله طيبة

اهلا يا حبيبة عمتك هههه نورتيناااااا اتفضلي ادخلي ههه اهلا يا ابو نايف ههه اول مرة اشوفكككك

هلا فيج هههه شلونج يا عمتي

الله يسلمك يا حبيبي اتفضل , اهلا يا نايف ههه نورت مصر يا حبيبي

هلا فيج تيتة ههه

اتفضلوا اتفضلوا اهلا وسهلا , خد يا صلاااااااح دخل الهدايا كلها في اووووضتي شيل يا حبيبي شيييييييل

اااااه تقيلة وايددددد

هههه ماشاء الله ماشاء الله , ياترى جايبين ايييييييه !

**************************

خلف هذه الجدران,هبة عبد العظيم نور

**************************

والله انت نورتنا يا فواز يا اخوياااااا هههه ايه النور ده كله يا ابو بدر !

نورج يا إختي , شلونج احسان ؟

الحمدلله يا حبيبي

اهلاً بيك يا حاج فواز , زيارة غالية وعزيزة وكنا منتظرينها من زمان هه

ههه كل شي بأوان يا حاج عبد المجيد , تراني كنت متشوج وايد لرؤياج

الله يخليك ههه نورتنا والله

, ليه بس ما جيبتش جميلة معاك ؟

والله  ترى جميلة ما تبي تفارج الكويت ولو للحظة , كل عام الولاد يسافرون لندن ويحاولون يخذونها معهم لكن تراها ما توافج

حد يرفض يروح لندن !!! مالهاش حق جميلة , طب حتى كانت جت مصر عشان نشوفها

الله ييسر , مرة تانية , بعتتلج هدايا حلوة وايد ههه ما تبي تشوفينها

ما ابي اشوفها ازاي !

**************************

خلف هذه الجدران,هبة عبد العظيم نور

**************************

والله اتوحشناج يا طارج

ربنا يخليك يا عمي فواز , انتو نورتوا مصر والله , ازيك يا بو نايف ؟

الله يسلمج بو صلاح هه

اخبارك ايه يا نايف ؟

الحمدلله يا عمي طارج ههه

اشربوا الحاجة الساقعة يا جماعة , دي تحية بسيطة على ما ام صلاح تحضر السفرا , قدملهم الحاجة الساقعة يا صلاح

حاضر يا بابا , اتفضل يا جدي فواز

الله يحفظج يا صلاح ههه

اتفضل يا عمي ابو نايف

حياج الله يا ولدي

اتفضل يا نايف ههه

الله يحفظج يا صلاح هه

أبوي أبوووي

شنو فيج يا نايف ؟

شنو فيج انت يوبااااااا!, اخطب رغد من عمي طاااااارج

 ما يخالف , بو صلاح , انا يسعدني اخطب بنتج رغد لولدي نايف , شنو رأيج ؟

ههه موافق على شرط , ان العريس يطلبها مني بالمصري , اتكلم يا نايف

شلون بالمصري ! ما ادري يا عمي

حاااااااول

والله تراني متعومس شوي ههههه يا عمي طارج , انا ابي اتزوج بنتج رغد

ده مصري ده !

هاا ! مممم احاول , يا عمي طار... طارق , انا ابي  .... يووو ابي عايزززز اتزوج بنتج

في اخطاء , كدة مش هوافق ههه

لااااااا يا عمي طارق انا عايز اتجوز بنتك رغددددد

هههههههههه شوفت بقى لما خوفت ارفض نطقت ازاي !

ههه حياج الله يا عمي طارج

ههه حياج الله يا نايف  , انا موافق يا جماعة , انا مش هلاقي احسن من نايف لبنتي رغد , نسبكم يشرفنا يا ابو نايف

حياج الله بو صلاح ههه باللمبارج يا ولدي نايف

الله يبارج فيج يا بوبا

باللمبارج يا نايف

الله يبارج فيج يا جدي ههه

**************************

خلف هذه الجدران,هبة عبد العظيم نور

**************************

ههههه زوجج وافق على ولدي نايف يا دعااااء , سمعتهم الحين يتفقون

هههه هو احنا هيجيلنا احسن من نايف يا ام نايف !

الله يحفظج يا خويتي يا حبيبتي امووه والله احبج وايد يا دعاااااء

والله احبج وايد وايد وايددددد يا سلمى ههه

ههه وينها عروس ولدي نايف ؟ ابي اشوفهاااا

حالاً يا ام العريس , رغددددد رغووووودة هههه تعالى يا عرووووسة

ههه ازيك يا طنط سلمى

شنو طنط سلمى ! ههه شلون تتكلمين ! كلميني كويتيييي

يييي والله انا احترررررت ! اتكلم ازاي يا نااااااااس !

ههه معاي تتكلمين كويتي , مع امج اتكلمين مصري

وتتكلم مع نايف ابنك ازاي يا سلمى ؟

تكلمه بنظرات العيون يا جفول هههههه

ههههه ربنا يهنيهم ويسعدهم يارب

تعال يا عروس ولدي , ابي ابوسج امووه باللمبارج عليج ولدي نايف

ههه الله يبارج فيج طنط سلمى

اختي العزيزززززة هههه مبروك يا رغدددد

الله يبارك فيك يا صلاح يا حبيبي ههه عقبااااااالك

على قد ما انا فرحان لخطوبتك بس بجد زعلان جداً عشان هتتجوزي بعيد عننا

مممم وانا كمان زعلانة

ههه لا ما هو باين , على العموم ربنا يسعدك , مبروك يا طنط سلمى

الله يبارج فيج عيوني , وليش تقول انج تفارق اختج ! ليش ما تتزوج كويتيتة وترجع تعيش معنا ؟ تراني افكرلك في عروس

لا يا ست سلمىىىىى , مش هيبقى ابني وبنتييييي , صلاح هيتجوز مصرية وعروسته موجودة بس يا رب اهلها يوافقوا

مين دي يا مامااااا ؟

منة بنت خالتك

منة ! هههه والله اختيارج زين زين يوما , ترى ابوها يوافج ؟

اتكلم معاه مصري وان شاء الله يوافق هههه

هههه

**************************

خلف هذه الجدران,هبة عبد العظيم نور

**************************

تررررررررررررررررررررررررررررررررررررررن

افتح لخالتك رشا ولشيخ الغفر جوزها يا صلاااااااااح

هههههه حاضر يا تيتة

**************************

خلف هذه الجدران,هبة عبد العظيم نور

**************************

اهلا يا عمي هاااااااني هههه

السلام عليكم , ازيك يا صلاح ههه

عليكم السلام يا عمي , الحمدلله كويس , اتفضل , ازيك يا خالتي رشا ههه

ازيك انت يا صلاح هه

ازيك يا عبد الرحمن ههه

اهلا يا ابو صلاح ههه

ممم ازيك يا منة

اهلا صلاح

اتفضل يا عمي انت وعبد الرحمن في الصالون , الرجالة هناك

طيب يا سيدي , تعالى يا عبد الرحمن

 اتفضلي يا خالتي انتِ ومنة في اوضة ماما , طنط سلمى ورغد  معاها هناك

اوكيه , يلا يا منة

اوكيه يا ماما

**************************

خلف هذه الجدران,هبة عبد العظيم نور

**************************

ايها الجمع السعيددددد ههههه السلام عليكم

عليكم السلام ورحمة الله

طاررررررررق هههه والله زماااااان

ههههه بالحضن يا هاني بيه

بالحضن يا عديلي العزيزززززز هههه ايه الغربة دي كلهااااا !

ادينا رجعنا يا هاني بيه

 حمد الله على سلامتكم ..ازيك يا عمي عبد المجيد

أهلاً  يا هاني يا إبني , اقدملك  هاني جوز رشا يا حاج فواز  , عميد شرطة

حياج الله يا ولدي ههه اخيراً اتعرفت عليج !

ههه ازيك يا حاج فواز , نورت مصر

مصر منورة بأهلها مثل ما تقولون هههه هذا بو نايف زوج بنتي

اهلا يا ابو نايف ههه نورتنا والله

الله يحفظج يا اخوي ههه هذا نايف ولدي

اهلاً بالعريس ههه ازيك يا نايف

هلا فيج عمي هه الله يحفظج

سلم على الضيوف يا عبد الرحمن

**************************

خلف هذه الجدران,هبة عبد العظيم نور

**************************

ههههه والله وحشتنا جداً يا طارق

الله يخليك يا هاني بيه ههه اخبار الاجرام ايه على حسك ؟

هههه خارج نطاق السيطرة

الله يعينك والله , شغلك صعب

شايف يا هاني يا جوز بنتي الاسورة والخاتم دووووووول

مالهم يا طنط ؟

طارق حبيبي جابهوملييييي

ههه يعيش ويجيبلك

إلا ما هان عليك في مرة تجيبلي خلخال فضة حتىىىىىى

هههه عندي كلابشات , اجيبلك ؟

اعوذ بالله بعد الشررر , ربنا يكفينا شرك انت وكلابشاااااااتك , صحيح الملافظ سعد , ال على رأي المثل , اللي يحب مراته يهادي حمااااااااااته

هههههه وده مين اللي قال المثل ده يا طنط ؟

واحدة مفروسة من جوز بنتهااااااا

**************************

خلف هذه الجدران,هبة عبد العظيم نور

**************************

تن تن أمي

تعالى يا يا هاني يا حبيبي

عاملة ايه دلوقتي يا أمي ؟

الحمدلله يا ابني

ياااااه يا أمي , الفترة اللي فاتت دي كانت صعبة بشكل ! واكتر حاجة كانت مؤلمة لينا كلنا فترة المرض اللي عديتي بيها يا أمي , كنا مرعوبين , الحمدلله , ربنا يديكي الصحة يا أمي ويخليكي لينا

تسلملي يا هاني يا حبيبي , الحمدلله على كل حال

طيب احنا كدة بقى نتمم كتب كتاب عبد الرحمن وسهير اللي اتأجل بسبب الظروف اللي فاتت

نويتو على امتى ان شاء الله ؟

يوم الخميس الجاي ان شاء الله

هه مبروك يا ابو العريس , كبرت يا هاني وشعرك ابّيض

هههه هنعمل ايه بقى ! السنين جريت بينا

ربنا يديك الصحة يا ابني ويخليك لولادك

يارب يا أمي , طيب انا هروح اعزم اخواتي عشان يستعدوا للمناسبة السعيدة دي ههه عن اذنك يا امي

هه اتفضل يا ابو العريس , سبحان الله , جيل بيسلم جيل , مافيش حد مخلد , الدوام لله وحده , اللهم احسن لنا الخواتيم يا رب العالمين

**************************

خلف هذه الجدران,هبة عبد العظيم نور

**************************

ترررررررررررررررررررررررررررررررررن

ميييييين

انا نوال,افتحي يا بهيرة

أهلاً يا نوال,اتفضلي يا أختي

متشكرة يا بهيرة,جيت اباركلك على جواز ياسر ورحمة

الله يبارك فيكِ يا أختي ولو اني زعلانة عشان ما جيتيش الفرح

ما انتو اللي عاملينه في اسكندرية يا ست بهيرة

نعمل ايه بقى يا أختي! أهل العروسة اسكندرانية وعاملين الفرح في اسكندرية ايّوووووه هههههه  ,الفرح خلص من هنا وياسر خد رحمة وطلعوا ع المطار

هما سافروا ولا ايه؟

اه يا أختي,أخو العروسة اللي اسمه أدهم طلعهم رحلة لأوروبا شهر على حسابه هههه ال الواد ياسر يروح أوروبا ههههه مكتوبالك يا ابن بهيرة ههههههه

هههه ماشاء الله ,ربنا يسعدهم يا بهيرة

آمين يا أختي ,بس اسكتي دي اسكندرية دي طلعت جميلة وعجبتني قوي ,الهوا اللي هناك غير الهوا اللي هنا يا أختي,ولا ريحة البحر اللي ترد الروح هههه

آه اسكندرية جميلة وروحها حلوة قوي,واهو ابنك سكن هناك يختي,ابقي روحي صيفي عنده

اه والله هاخد حسين ونروح دايماً إن شاء الله, نتهوا ونشم ريحة البحر ,اشجان قالتلي تيجي على طول يا بهيرة وما تغبيش عليا واحنا كل ما تيجي هنفسحوكٍ ههههه

ههه وهي أشجان مش ناوية تيجي القاهرة تاني ولا هيبيعوا الشقة ؟

شقة ايه اللي تتبااااع,لا هتيجي يا حبيبتي,قالتلي هتنزل كل شهر تقعد اسبوع هي وجوزها ,حتى جوزها جاب سواق عشان ابنه الكبير قاله ما تسوقش بنفسك عشان ما تتعبش يا حاج,اصل ابنه الكبير ده حنين قوي ,حتى حسين بيشكر فيه دايماً,استني اجيبلك حاجة ساقعة وجاتوه

لالالا مش هقدر ,,على فكرة رباب هتتجوز في الإمارات

ههه والله!اخيراً اقتنعت بالجواز!

اه يختي,نفسها اتفتحت ع الدنيا لما سابتني

هههه يبقى أكيد كانت مضربة عن الجواز عشان عايشة معاكِ

انتِ بتقولي فيها! عندك حق والله,اصل العيشة معايا بتسد النفس

ما تقوليش على نفسك كدة يا أختي,دانتِ عسل مصفّي يا نوال,لولا ان لسانك طويل شوية صغننة كان زمانك بقيتي ملكة جمال المؤدبين هههه..لكن هتتجوز مين؟

واحد مدرس زميل ايهاب,شافها معاه مرة عجبته

ربنا يتمم بخير,هتسافري طبعاً عشان تحضري الفرح

لا,كمال هو اللي هيسافر لوحده عشان يتمم اجراءات الجواز,قلتله ابعت توكيل لإيهاب,قالي لا,طالما انا عايش على وش الدنيا أنا اللي هكون وكيل بنتي

ربنا يخليهولكو,لكن انتِ مش هتسافري ليه يا أختي؟

يا شيخة سيبيني ارتاح من كمال شووووية

طب وبنتك؟

قالتلي هتبقى تجيب المحروس جوزها ويزوروني في مصر

على خيرة الله يا أختي,ربنا يسعدها ويهنيها ويكفيها شر الخناقات ,بالمناسبة السعيدة دي هجيبلك كوباية عرق سوس ههههه

ههه عقبال ياسين يا بهيرة,هو اللي فاضل

آمين يا أختي يارب,يخلص كليته ويشتغل وربنا يرزقه ببنت الحلال بقى

إن شاء الله,ابقي اديني رقم أشجان عشان أباركلها

واجب برضو يا أختي,لسة قافلة معايا قبل ما ترني الجرس,بنكلم بعض مرتين في اليوم عشان نعوض الحرمان هههه,مرة الصبح ومرة بالليل ,والله قاطعة بيا قوي يا نوال

ما انتِ من ساعة ما مشيت وانتِ زعلانة وما بتبطليش تجيبي في سيرتها

أأأه يا نوال,دي عشرة طويلة وغالية قوي

واحنا يختي مش معوضينك عنها!!!

ههههههههههههه ما تقوليش كدة يا نوال,كل واحدة في جيراني لها مكان في قلبي ماحدش يقدر ياخده,انتِ اوضتك في قلبي جنب اوضة اشجان على طول يا أختي هههههه

هههههه والله يا بهيرة انتِ عليكِ كلام,بس اللي بيعجبني فيكِ انك بتراضي الناس كلها وبتحسسيهم انهم مهمين في حياتك

دي حقيقة والله يا أختي,انا بحب الناس كلها,احنا جايين الدنيا نعيش فيها كام سنة ,خليهم يعدوا على خير  وحب وسلام بدل ما نكره خلق الله فينا هههههه

ههه ربنا يحبب فيكِ خلقه يا بهيرة,زرتي الحاجة أم عصام لما كانت في المستشفى؟

ايوة طبعاً ,روحت انا وحسين,اسكتي دانا اتخضيت خضة لما عرفت الخبر,والله بقيت اعيط واقول دا هي أمنا كلنا و البركة بتاعة العمارة دي كلها,بس الحمدلله شدة وزالت,دانا روحي ردت فيا لما شفتها كويسة وبخير..انتِ زرتيها يا نوال؟

ايوة,روحت انا والمحروس كمال,حتى شفنا مدام رشا ومدام منال,بس مدام منال كانت منهارة من العياط

ايوة,هو في زي حنية مدام منال! الحمدلله الهم زال والفرح جاي ان شاء الله ,لسة هاني بيه معدي علينا امبارح وعزمنا على كتب كتاب عبد الرحمن وسهير

آه ما هو عدا علينا عزمنا..بصراحة انا مستغرباها قوي الحكاية دي,بقى هاني بيه يناسب عواد البواب!! هو من قلة الأكابر اللي يعرفهم!!

والله يا نوال ده نصيب وربنا عايز كدة,ولما ربنا يمن على خلقة ياريت احنا نحط لسانا جوا بقنا ومانقولش دول ما يستاهلوش ومالهومش قيمة,لإن كلنا عبيده وهو وحده اللي عارف مين الله له قيمة ومين اللي مالوش,والقيمة عمرها ماكانت بالمال يا نوال

انا ما اقصدش يا بهيرة,بس المثل بيقول الناس مقامات واللي يعرف مقامه في الهنا يبات

والله اللي اعرفه يا أختي ان ربنا بيرفع اقوام ويخفض آخرين ,ربنا يجعلنا من المرفوعين ليوم الدين يارب,قولي آمين يا أختي

آمين يارب,ربنا يصلح حال الجميع يا بهيرة

اللهم آمين يا نوال, اجيبلك العرق سوس بقى يا أختي ,منورة والله يا نوال ,ربنا ما يحرمني من سؤالك عليا يا جارتي يا حبيبتي ههههه

**************************

خلف هذه الجدران,هبة عبد العظيم نور

**************************

الف مبروك يا هاني يا اخويا ههههه كبرت وعجزت يا ابو العريسسسس

يعني انا كبرت لوحدي ! ولا ناسي انك اكبر مني يا دكتور ! ههه

هههه يا اخي بتفكرني ليه بس !

مبروك يا هاني يا اخويا , ربنا يتمم بخير للأولاد ههه

ههه الله يخليك ويباارك فيك يا ماجد , يا عبد الرحمننننن يا عريسسسسس تعالى اتصور معانا صورة جماعية انا واعمامككككك

حاضر يا بابااااا ههه نورتنا يا عمي ماجد

نورك يا عريس ههه الف مبروك يا حبيبي

الله يبارك فيك يا عمي ماجد  ههه

مبروك يا ولد ههه

الله يبارك فيك يا عمي عصام , عقبالك يا بابااااا ههههه

 هههههه والله كنت اتمنى , بس امك عقدتني من الستات هههه تعالى اقف في النص يا عريس , صور يا ابني ههه

**************************

خلف هذه الجدران,هبة عبد العظيم نور

**************************

الف مبروك يا عرساااااااان

الله يبارك فيك يا باباااااا عم عوااااد ممكن اخد سهير افسحها شووووية

خدها يا ابني , انتو كتبتو الكتاب وبقت مراتك خلاص

ههههه يلا يا سهيررررر

اوكيه يا عبد الرحمن , باي يا ماماااااا

باي باي يا روح ماما , الف مبروك عليكو سهير بنتي يا رشا هانم يختي

اختك ! الله يبارك فيكِ يا فهيمة هااااااانم

الله يخليكِ يا رشا , الحمدلله , العرسان اتلموا على بعض والهوانم اتلموا على بعض

**************************

خلف هذه الجدران,هبة عبد العظيم نور

**************************

ياااااه يا عبد الرحمن , فكرة حلوة اننا نيجي كورنيش النيل , الليل والأضواااااااااء, منظر النيل يجنن

 انتِ اللي تجنني  هههه ياااااااااه يا سهير يااااااااااااااااااه اخيراااااااً اخيراً بقيتي مرااااااااااتي !

ههه مراتك مع ايقاف التنفيذ يا دكتور

يوووو بتفكريني ليه ! كان لازم يعني نأجل لحد ما نخلص الكلية !

طبعاً يا عبد الرحمن , اومال يعني عايزنا نتجوز ونفتح بيت وباباك يصرف علينا ! لازم نخلص كليتنا الأول ونستلم شغلنا وبعدين نتجوز , بس عايزاك توعدني بحاجة يا عبد الرحمن

اوعدك بإيه يا حبيبتي ؟

حبيبتك ! هههه ايه الكلمة الجميلة دي !

عندي اجمل منها كتيرررر كتير اوووووي مش هسمعك غير اجمل كلام يا سهير

اوعى يكون كلام بس , انا عايزة افعال كمان يا دكتور

ايه يا دكتور دي ! سهير بجد لما بتقوليلي يا دكتور بحس ان ريحتك بنج

هههه ريحتي بنج ! حد يقول لعروسته يوم كتب كتابهم ريحتك بنج !

وفي عروسة يوم كتب كتابها تنادي عريسها بلقب رسمي وتقوله يا دكتور !

ههه اومال اقولك يا ايه ؟

قوليلي يا كابتن , يا أخ , يا اسطى , أي كلمة رومانسية من دول هتبقى حلوة منك

هههههههههههههههههههههه دمك شربات يا حبيبي

ههههههههههههه ايوة كدددددددة , بلا دكتور بلا طب بلا انتيبايوتيكككك , كنتي عايزاني اوعدك بإيه بقى يا حبيبتي ؟

ههه دانا نسيت , الكلام الحلو نساااااااني , اه افتكرت , كنت عايزاك توعدني اننا نسافر نكمل دراستنا برا

ماشي يا حبيبتي , ان شاء الله هنسافر ونكمل دراستنا ونلف العالم كله كمااااااان , وانتِ كمان عايزك توعديني

اوعدك بإيه يا حبيبي ؟

توعديني نعيش اجمل قصة حب في العالم , سهير انا عمري ما حبيت غيرك , ولا شوفت في الدنيا دي غيرك , بجد انتِ كل حياتي , عايز أنا كمان أكون كل حياتك , انا طبعاً يسعدني انك تكوني دكتورة ناجحة , وانا هقف جنبك وهساعدك بكل قوتي انك توصلي لأبعد من أحلامك كمان , لكن في نفس الوقت عايز اكون أنا أهم من أحلامك دي كلها

حبيبي اوعدك اني اكون اجمل حقيقة في حياتك , هعمل كل جهدي عشان اسعدك وعشان اشوفك اعظم دكتور في العالم , وهكون لك الحبيبة اللي اتمنيتها في احلامك , كل احلامك هتتحقق على ايدي يا دكتور

يا اييييييه !

يا حبيبي يا حبيبيييييي هههه هو انا قولت حاجة تاني !

ههههههه حبيبتي يا سهير

**************************

خلف هذه الجدران,هبة عبد العظيم نور

**************************

مدام نسرين,باباكِ الدكتور هاشم على التليفون

بابي! اوكيه

هاي بابي

نسرين,تعالي حالاً,مامتك تعبانة قوي

مااااااامي! أنا جاية حالاً بابي اهئ اهئئئئ مامي

في ايه يا نسرين؟

مامي تعبانة قوي صاصو,انا لازم اروح عندها حالاً

استني انا جاي معاكِ

**************************

خلف هذه الجدران,هبة عبد العظيم نور

**************************

مامي حبيبتي اهئ اهئئئئ هاو دو يو فيل ناو! حسانة بإيه؟

نسرين!انتِ جيتي يا حبيبتي! انا سعيدة كتير اني شفتك قبل ما اموت اهئ اهئئئئ

نو مامي نووووو اهئ اهئئئئئ مش تقولي الكلام الوحش ده تاني,مش تسيبيني مامي

خلاص يا سينو,كل واحد له عمر في الدنيا,وأنا خلصت كل العمر بتاعي ومش باقي في تاني

نو مامي نو اهئ اهئئئئئئ

هاشم

ايوة يا حبيبتي

خلي بالك من الجمعيات الخيرية بتاعتي,أوعى تقفلها بعد ما اموت يا هاشم اهئ اهئئئ

يا حبيبتي موتي انتِ بس وماتشيليش هم اي حااااجة,أنا بدالك يا سيرفي يا حياتي

اهئ اهئئئئ ثانكس هاشم اهئ اهئئئ...عصام

نعم يا سيرفيناز هانم

خلي بالك من نسرين,اوعى تزعلها,وإلا هيكون حسابك معايا عسير,لإنك أكيد أكيد هتموت وتجيلي في العالم الآخر,ساعتها مش هرحمك

لا ما تخافيش مش هزعلها,بس بلاش تتكلمي كتير عشان ما تجهديش نفسك

سيبها يا عصام تتكلم وتقول كل اللي نفسها فيه قبل ما تمووووت ,اتكلمي يا سيرفي يا روحي

هاتولي لولى أختي اهئ اهئئئئ

**************************

خلف هذه الجدران,هبة عبد العظيم نور

**************************

سيرفيناز أختي اهئ اهئئئئئئ مالك يا سيرفي!

لولى,كويس انك لحقتيني,أنا خلاص هموت يا لولى

اهئ اهئئئ اوعي تقولي كدة يا سيرفي ,انتِ كويسة خالص,ايه يا هاااااااشم,ما نقلتهاش المستشفى لييييه!

المستشفى مالهاش لزوم,أختك بتخلًص

بتخلص!!

آآآآآه حاسة روحي بتتسحب مني

ماااااااامي اهئ اهئئئئ اوووه مش تسيبيني بليززززز,انا لسة محتاجة انتِ كتير قووووي

سوري سينو اهئ اهئئئ ده أمر اقوى مننا اهئ اهئئئ أمر من السما اني اسيبك دلوقتي اهئ اهئئئئئئ هتوحشيني كتير سينو اهئ اهئئئ بوسيلي رامي وأيتن ,وقوليلهم انا بحبهم قوي اهئ اهئئئئ

مامي اهئ اهئئئئئئ

لولى,ما تنسيش تدي لهاشم الأوراق اللي شايلاها معاكِ

أنا جيبت كل الأوراق معايا سيرفي حبيبتي اهئ اهئئئئئ

دلوقتي أنا ارتحت,اديت رسالتي

سيرفيناز هانم من فضلك انطقي الشهادتين

ايه شهادتين دول!

قولي اشهد ان لا إله إلا الله وأشهد أن محمداً رسول الله

آآآآآه مش قادرة اقولهم

حاولي يا سيرفيناز هانم ارجوووكِ

آآآآآه الجمعية آآآآآه النادي,آآآه رحلات يوروب آآآآه موديلات باغي آآآآآه باي نسرين

ماااااااااااامي اهئ اهئئئئئئئئ ردي عليا ماميييييي

اختي سيرفيناز اهئ اهئئئئ أختي الكبيرة الجميلة

البقاء لله يا دكتور هاشم

يا أخي ارتاحت وريحت اوووف أخيرررراَ!!

طنطي لولى ,مامي دايد طنطي اهئ اهئئئئ

معلش يا سينو اهئ اهئئئئ اموووه اهدي يا روحي,أنا بدل مامي يا سينو...لحظة واحدة ,هتكلم مع باباكِ في موضوع ورجعالك

اهئ اهئئئئئ مامي , نو مامي نوووو

**************************

خلف هذه الجدران,هبة عبد العظيم نور

**************************

عصام,عايزك تطلعلنا تصريح الدفن,خلينا ندفنها ونخلص

اطمن يا دكتور هاشم,انا هعمل اللازم

هااااشم

ايوة يا لولى

دي أوراق التنازل عن المستشفى لصالح جمعية الرفق بالحيوان بإنجلترا,انا اتصلت بيهم دلوقتي وهيجوا يستلموا المستشفى الأسبوع الجاي,وهيبيعوها وياخدوا تمنها كتبرع بسيط لصالح حيوانات انجلترا

ايه الكلام ده يا دكتور هاااااااشم!!

سيبيني مع عصام لوحدنا يا لولى من فضلك

اوكيه,هروح اشوف سينو

ايه الكلام اللي انا سمعته ده يا دكتور هاشم ,مستشفى ايه اللي تتباع لصالح جمعية الرفق بالحيوووان!!

اسمع يا عصام يا إبني..انت فاكر طبعاً لما قلتلك اني اتجوزت على سيرفيناز في يوم من الأيام

ايوة ايوة فاكر,بس ده ايه علاقته بالموضوع ده!

العلاقة وثيقة..ده لإن سيرفيناز كان شرطها الوحيد للصلح اني اتنازلها عن المستشفى,وده كان بأوراق صورية وقدام شهود,والهانم بقى عملت تنازل عن المستشفى لصالح جمعية الرفق بالحيوان بإنجلترا,على ان يتم الإستلام بعد وفاتها,واديها مااااااتت,عن إذنك يا إبني

يعني ايه!!!.....يعني المستشفى ضاعت!!..يعني انا استحملت كل اللي استحملته طول السنين دي كلهااااااااااا عشان احافظ على المستشفى لجمعية الرفق بالحيوان!!!..............ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه الله يرحمك يا سيرفيناز هانم ههههههههههههههههههههههههههههههههههه

**************************

خلف هذه الجدران,هبة عبد العظيم نور

**************************

اهئ اهئئئئئئ مامي ماتت منيولا , شيزجن , مش هشوفها تاني اهئ اهئئئئئئئئئئئ ,

إنا لله وإنا إليه راجعون , البقاء لله وحده يا نسرين , خليكِ اقوى من كدة

 مامي  كانت معانا , كنت بكلمها بالموبايل كل يووووم , مامي راحت فين مينولا ؟ راحت فييييين ؟

الروح صعدت لبارئها يا نسرين يا حبيبتي

اهئ اهئئئئ طيب يعني هي مبسوطة هناك ؟

............. نسأل الله أن يتغمدها برحمته , نسرين , يا ريت تتعظي يا حبيبتي من اللي حصل لمامتك ؟

ايه اتعظي دي منيولا !

يعني يا حبيبتي تاخدي درس من اللي حصل , لازم تعرفي ان كلنا مصيرنا نفس مصير مامتك , ماحدش فينا هيخلد في الدنيا , وبما إننا هنسيب الدنيا  في يوم من الأيام يبقى ياريت ما نعلقش قلوبنا بيها كدة , يا ريت نعتبر نفسنا مسافرين , وان الدنيا دي مجرد مكان عابر بنعدي عليه وهنسيبه , طب انا هديكِ مثال , مش انتِ ساعات كتير بتسافري بعربيتك لأي مكان ؟

أها , الغردقة وشارم وحاجات كتير

طيب في الطريق مش بتعدي على استراحة ؟

أها , وبننزل ناخد سوفت درينك او هوت درينك وبعدين نكمل السفر

طيب ينفع انك لما توصلي الاستراحة دي تبني بيت وتزينيه وتقولي خلاص انا هعيش هنا ؟

ايه جنان ده ! لا طبعاً مش ينفع , لاني هسيب المكان ده واروح مكان تاني اجمل وفي كل اللي انا عايزاه

بالظبط كدة , اهي الاستراحة دي زي الدنيا بتاعتنا اللي عايشين فيها , احنا بقى ناسيين ان دي مجرد استراحة مش مكان للإقامة الدائمة المريحة ولا المتع الجميلة اللي بنتمناها

بس الدنيا فيها متع كتير منيولا

متع مش دايمة , مش بتاعتنا , هنتمتع بيها شوية وهنسيبها , لكن في متع اجمل بكتيرررر , حياة جميلة واستقرار , نعيم مقيم , وكل ده مستنينا في عالم جميل

فين العالم ده ؟

مش هنشوفه غير بعد ما نسيب الدنيا , لكن هو مش معمول لكل الناس

اومال لمين مينولا ؟

معمول للي يتقي الله ويطيعه , لازم تصلي يا نسرين , لازم تلبسي ملابس  تستر  جسدك وتحرمه على النار , فين حجابك يا نسرين ؟

ايه المتعة في الحجاب ! ده يخبي  جمال أي ست

طيب وايه المتعة في الهدوم اللي بتكشف العورات ؟ ليه نتشبه بالحيوانات في العري !!!

حيوانات !

ايوة طبعاً , الحيوانات بتظهر قدام الجميع عارية , والمرأة اللي عندها رغبة في اظهار اجزاء من جسدها دي عندها شيء من البهيمية والحيوانية , ارجوكِ ما تزعليش مني , انا ما اقصدش اهانة , انا بس عشان بحبك مش عايزاكِ تبقي زي دول , ربنا كرم الإنسان واعطاه اجمل الثياب عشان يستر عورته

( وريشا

طب تعرفي يا نسرين , العري ده  كان عقاب فظيع جداً لسيدنا أدم عليه السلام أبو البشر وزوجته

عقاب !

ايوة طبعاً , لما عصوا ربنا وأكلوا من الشجرة المحرمة ربنا نزع عنهم ثيابهم , واصبحوا في شدة الخجل , وفضلوا يقطفوا ورق الاشجار عشان يداروا بيهم عوراتهم

ممم اول مرة اسمع كلام زي ده

لازم تكوني عارفة كدة كويس يا نسرين , العري تأباه كل الأديان السماوية , مش بس الإسلام , طيب انتِ عارفة ان السيدة مريم العذراء كانت لابسة الحجاب  ؟

ممم أها يس , كل كل ككككل الصور بتاعتها مغطية شعرها ولابسة هدومات مقفولة

ده لإنها عفيفة ومطهرة وترضي ربها , حتى هتلاقي الراهبات في الأديرة والكنائس مغطيين شعرهم ولابسين لبس طويل ومقفول   , حتى نساء اليهود المتدينين هتلقيهم بالحجاب وبالنقاب  كمان , ده لأنهم عارفين كويس ان ده مرضاة للإله وتقرب منه , لأن الله طيب لا يقبل إلا طيب , وعشان كدة ربنا هيطرد من رحمته العاريات والغير محجبات , لان هما أصلاً مش عايزين يتقربوا من ربنا , يبقى ازاي ربنا هيشملهم برحمته ! بذكرك يا نسرين ان الحياة مش دايمة وزخرفها زائل فماتتمسكيش بيها ولا تتبعي خطوات العصاة , لإن هما ماشيين في طريقهم للنار , ما تمشيش وراهم , طريق الجنة واضح , تعالي نمشي فيه , مالناش دعوة بدول ... هتلبسي الحجاب ؟

ايوة , انا هلبسه , مش عايزة اكون معاهم , لكن انا مش بعرف اصلي

انا اعلمك , تعالي اعلمك ازاي تتوضي

**************************

خلف هذه الجدران,هبة عبد العظيم نور

**************************

ولحد هنا وانتهت حلقات النهاردة

كل قارئاتي المتواجدات  دائما في التعليقات ,بجد والله مش عارفة اشكركم ازاي ,حقيقي وجودكم هو الحافز الدائم ليا على التواجد ,وفعلا لاجل عين تكرم ألف عين ,ويكرم الجميع إكراماَ لكم والله ,شكراً جزيلا

****************

قارئاتي الجميلات اللي بكتب اسمهم لأول مرة

أم عبيدة ,معلش حبيبتي ,كويس انك ادركتي عدم ظهور اسمك عشان تكتبيه ,حتى لو مش بيظهر تقدري تكتبي اخر التعليق أم عبيدة

,طالبة الفردوس ,اهلاً بيكِ حبيبتي ,وشكرا على تعليقك يا سكرة

أم نور

أم نور حبيبتي كل المشاهد اللي بتتكلمي عنها موجودة ,اوسا راحت عند سعاد ومعاها شوقية ,ونورهان قابلت هيام ورحمة هناك ,ممكن تكوني ما قرأتيش الحلقة اللي فيها الأحداث دي

زهرة البنفسج

اهلا بيكِ زهرة البنفسج الجميلة ,شكرا لتعليقك حبيبتي ..وبالمناسبة ,كانت قارئتي العزيزة israa mousa

بتسأل على اللون الفيليت في اوضة سهير ,واحب اقول انه لون زهرة البنفسج ,او احيانا نقول عليه الموف ,violet ...لون جميل وهادي وزهرته من اجمل الزهور

***********************

وبقول لكل قرائي ..موعدنا غدا مع الحلقة الأخيرة  في الواحدة ظهرا بتوقيت مصر إن شاء الله ,كونوا بالقرب

******************

لا تنسوا ذكر الله الدائم والاستغفار والصلاة على الحبيب عليه الصلاة والسلام

سبحان الله ,الحمدلله ,لا إله إلا الله ,الله أكبر