الحلقة السادسة والأربعين (ف2)

**************************

خلف هذه الجدران,هبة عبد العظيم نور

**************************

اتفضل كوباية المية يا حاج حامد

متشكر يا اعتماد , سميرة لسة نايمة ؟

لا الحاجة صَحت بس بتقرا في المصحف

وضحى فين ؟

بتذاكر لاحمد في اوضتهم

تررررررررررررررررررررررررررررررررررررررررررررررررررررن

 طيب روحي افتحي الباب

حاضر يا حاج

**************************

خلف هذه الجدران,هبة عبد العظيم نور

**************************

الحاج عادل سليم !

السلام عليكم , حامد موجود ؟

عليكم السلام , ايوة الحاج حامد موجود , اتفضل يا حاج عادل على ما نبلغوه

متشكرين

************************************************

اهلا يا عادل , اتفضل

السلام عليكم يا حامد ههه ليك وحشة يا راجل

انت كمان والله يا عادل , اتفضل في الصالون , اتنين قهوة مظبوط يا اعتماااااااد

حاضر يا حاج

***********************************

ازيك يا عادل , وازي رحمة والست والدتها ؟

بخير الحمدلله , ادينا مقصرين في حقهم وربنا عنده العفو

مقصر ليه ! هما ناقصهم حاجة ؟

مش مسألة ناقصهم حاجة , من ناحية طلباتهم فهي مجابة وزيادة , اني دايما اللي بنحس الإحساس ده عشان ما بنشوفوهومش غير مرة في الأسبوع وهي ليلة بنبيتوها

طب ما كفاية كدة وتشيّع تجيب البت وامها يعيشوا جنبك يا عادل

ههه نفس كلام احمد ابني , دايما يزن عليا وعلى ام رحمة عشان تيجي تعيش في اسكندرية , يقولي خليهم يجوا عشان نراعوا اختي وتبقى جنبي , اني عايز رحمة تتجوز في اسكندرية وما تفارقنيش ههه حنين اوي الولا ده

انت هتقولي على احمد ! احمد ده ربنا يحميه ويحفظه من كل شر , انما ادهم بقى .............

مممم اني جاي وقلبي حاسس ان في حاجة جامدة من ناحية ادهم , عمل ايه الولا ده ؟

شوف يا عادل , ابنك لا يناسب بنتي ولا بنتي تناسبه , طول السنين دي كلها والبت مش مرتاحة معاه , واني وامها كمان مش مرتاحين , لا طبعه من طبعنا ولا اخلاقه من اخلاقنا

......................... يعني ايه يا حامد ؟

يعني بصراحة كدة وعشان نقصروا المشوار اني عايز نطلق بنتي من ابنك

اييييييه !!!! ليه بس كدة يا حاااامد ! دول مهما كان عندهم عيل مالوش ذنبببببب

والولا احسنله ان امه وابوه يتطلقوا , ابنك لا ينفع زوج ولا ينفع أب يا عادل

.................... وده رأي ضحى ؟؟؟؟؟

أيوة رأيها , ورأيي اني كمان ورأي امها واخوها

طب نسمعوا الكلام ده منها يا حامد

وماله , حقك يا عادل , اعتماااااااااد

نعمين يا حاج

شيعيلي ضحى

حاضر يا حاج

**************************

خلف هذه الجدران,هبة عبد العظيم نور

**************************

السلام عليكم

عليكم السلام يا ضحى يا بنتي

اقعدي يا ضحى عشان عمك عادل عايزك في كلمتين

افندم يا عمي

ابوكي يا بنتي بيقول انك عايزة تطلقي من ادهم ابني , الكلام ده مظبوط ؟

ايوة يا عمي

وابنك ؟

ابني هيفضل معايا , اني أولى برعايته وتربيته , ادهم لا عنده وقت ولا فاضي لاحمد ولا هيعرف يراعيه

يا بنتي فكري كويس , ده طلااااااق , يعني هتبقى ست متطلقة , ومش بس كدة , ده كمان معاكِ عيل , يعني لا هتعرفي تتجوزي تاني ولا تشوفي حياتك , وحتى لو اتجوزتي ,ابنك مش هيرتاح مع جوزك

يا عمي اني لا هنتجوز ولا بنفكر في جواز , اني هنعيش نربي ابني

لوحدك !!! ما تأخذنيش يا بنتي , ابوكي وامك مش دايمينلك , واخوكي كل يوم في بلدددد , يعني بعد عمر طويل لابوكي وامك هتلاقي نفسك لوحدك من غير راااااااااجل

يا عمي , احمد ربنا يخليه بيكبر يوم عن يوم , وهو اللي هيبقى الراجل اللي في حياتي

ادي بقى الكلام الخايب اللي لا يودي ولا يجيبببببب , يا بنتي لو عايزة تسألي حد عن الطلاق وعذاب الست اللي بتطلق تعالي شوفي اوسا بنتييييييي , اهي جوزها سابها ومعاها بت, لا هي مرتاحة ولا بنتها مرتاحة رغم ان طلباتهم مجابة من الألف لليااااااء , لكن برضو الست راحتها في بيتها جنب جوزها وعيالها

الكلام ده يا عمي لما تكون الست باقية على جوزها وشارياه

وانتِ بايعة ادهم ؟؟؟؟

يا عمي الطلاق مش حرام وخصوصا لما تكون الست مش مرتاحة في حياتهاااا , خلي ادهم يطلقني وربنا يرزقه بللي احسن مني

مممممم دانتِ بايعة ع الآخر يا ضحى

.......................................................

 على العموم يا بنتي اني قولت ننصحك لاني بنعتبرك زي بنتي , لكن طالما مصرة ع الطلاق يبقى خلاص , ماحدش هيغصب عليكِ , اني هنكلم ادهم ونقوله على قراركو ده , الخيرة فيما يختاره الله , نستأذن اني يا حامد

اقعد يا عادل , اعتماد عملت القهوة وجايباها

لا معلش , انت عارف اني لسة راجع من السفر وتعبان , يادوب نروحوا نرتاحوا والصبح ان شاء الله هنعدوا على ادهم في الشركة , السلام عليكم

عليكم السلام يا عادل

على فين يا حاج عادل ! اني جبت القهوة

متشكرين ,نبقى نشربوها في ظروف احسن من كدة

**************************

خلف هذه الجدران,هبة عبد العظيم نور

**************************

اتفضلي الشيّ يا ست سعاااااد

هاتي يا شوقية , وانت ناوي على ايه مع بنت حامد يا ادهم , مش هتطلقها ؟

الطلاق ابعد لها من نجوم السمااااااااا احنا هنعرفوا نربوها ازاي بنت حااااااامد

ما تطلقها وتغورها يا ولاااااا على ايه يعني متمسك بيهااااا !

خلي عطا تعملي عصير مانجا يا بتااااااااااعة , ادهمممممممم هههههه منور يا برنس

اهلا يختي , انتِ هنا !

ايوة بايتة هنا من امبارح انا ونورهان , صحيت وسَمَعتك انت وماما بتتكلموا في موضوع طلاقك من البت دي , بنقولك ايه يا ادهم , عايز تحرق قلبها بصحيحححححح ؟

ازاي يا بت يا اوسااااااااااا ؟

ههه مممممم تطلقها وتاخد منها الولا وما تخليهاش تشوفه في عمرها ككككككككله ههههه ساعتها يتَحرق قلبها وتعيش متشحتفة على ابنها

اوووووووف اني مش عايز نطلقها من الأساااااااااس

تررررررررررررررررررررررررررررررررررررررررررررررررررررررررررن

افتحي يا شوقية ده باين عليه عااااااادل

حاضر يا ست سعااااااااااد اااااه يا رجلي يااااااااني

**********************************************

اهلا يا حاج عادل , حمدالله ع السلامة

الله يسلمك يا شوقية

ازي الست اشجان والست رحمة

كويسين , سألت عليكِ العافية , سعاد فين ؟

الست سعاد متجمعة هي وسي ادهم والست اوسا في اوضة الانتاريه

ادهم هنا !!!! ممم طب كويس , اني هندخلولهم

نحضرولك العشا يا حاج ؟

لا يا شوقية مش دلوقتي , كلت متأخر مع اشجان ورحمة

بالهنا والشفااااااا , ادخل للعصابة ,  الراجل جاي مش طايق ياكل لقمة , ناس قعدتها تفتح النفس وناس شوفِتها تسد النفسسسسسس

**************************

خلف هذه الجدران,هبة عبد العظيم نور

**************************

ازيك يا سعاد

اهلا يا عادل حمدالله ع السلامة

ازيك يا باباااااا

اهلا يا اوسا , كويس انك هنا يا ادهمممممم

ليه ! ههأ وحشتك !!!

انت عارف اني جاي منين دلوقتي ؟

ههههه طبعا , من عند ست الحسن وبنتها

لا , اني جيت من القاهرة على حامد مندور دوغري عشان طلبني في التليفون وكان عايزني صروري

ايييييه ! انت كنت عند حامد مندور يا ابويا !!!

اسمه عمك حامد مندوررررر

وكان عايزك ليه ؟؟؟

حامد مندور وبنته طالبين الطلاق

ههههههه ايّووووووووووووه هما للدرجة دي مصممين !!! موسطينك عشان تكلمني في الموضوع !!!! ماشي , قول لصاحبك حامد مندور ادهم مش هيطلق ولو جبتوله ألف وسيطططططططط , وخليه يعقل بنته ويجيبها بيت جوزهاااااااا قوله يا حامد يا مندور ما تبقاش خراب بيوووووووت , قوله عيب على شيبتككككككككك

اما انك ولا قليل الأصل وناقص تربية بصحيححححححححح ,ازاي تتكلم كدة عن حامددددددد!

وهو ازاي يتدخل بيني وبين مرااااااااااتي , اييييييييه ! شايفلها شوفة تااااااااااانية , عايز يطلقها مني عشان يجوزها لراجل تااااااااااااني , قوله مش هيحصل يا حامد يا مندوررررررر مش هيحصصصصصصصل وبنته هنعرفوا نجيبوها ازاااااااااي , لو ما رَجَعتش بإرادتها هنجيبوها زي الكلببببببببببببببة , الكلام ده وصلهوله وقوله ما عندناش كلام غيرررررررره اني ماشي يا ابويااااااااا

اووووووووووووف استغفر الله العظيممممممم شايفة ابنك وعمايله يا سعاااااااااااد !

ما هو الولا عنده حق يا عااااااااادل , اتجنن حامد مندور ولا انصاب في نفوووووخه ! بقى في راجل عاقل يسعى في خراب بيت بنتتتتتتته !!!!!

تلاقيه يا ماما على رأي ادهم عايز يجوزها لراجل تاني , ولا تلاقيها هي كمان مظبطة أمورها مع الراجل التاني ده وبينهم كلام وحكايات واتفقت معاه تطلق من اخويا وتفضاله هيهييييي ما هي تربية سميررررررررة

بت يا اوسااااااااااااا لمي لسانك عن ضحىىىىىىىىى , ضحى بنت حامد مندور ما يتقالش عليها كدددددددة , بطلي تبُخي سمّك زي الحييييييييية , كفاية بيتك اللي خربتيه بسبب افتراكِ ع الولاااااااااااية

اهئ اهئئئئئئئ اني يا باباااااا ! اني بنبخ سم زي الحية !!! اني بنفتري ع الولااااااااية ! اهئ اهئئئئئئئ اني عمري ما افتريت على حددددد اهئ اهئئئئئئئئئ روح اسأل ادهم من ورايا وهو يقولك ان ضحى كانت بتجيله الشقة عندي تقابله من غير جوازززززز , ولا اسألها هي كمان كانت في اوضة نومي بتعمل ايه مع ادهم قبل ما تفسخ خطوبتها على الولا اخو مرات احمد اهئ اهئئئئئئئئئئ طب هاتلي ضحى هنا واني نواجهوها ونحطوا صباعي في عنيهاااااااا

امشي يا بت غوري من خلقتييييييييييي

ماشي يا بابا اهئ اهئئئئئئ ما هو الغلبان كدة الناس كلها تفتري عليه اهئ اهئئئئئئئ عيني عليا وعلى بختي اهئ اهئئئئئئئ

المانجا يا ست اوساااااااا

اوعي انتِ كماااااااااااان اهئ اهئئئئئئئئئ بلا مانجا بلا سم هااااااري , ياريت تصحوا تلاقوني ميتة عشان ترتاحوووووووا

يارب يختي يااااااااااارب يسمع من بقك ربنا , اللهم آمييييييييين , وربنا داني كنت نتحزم ونرقص ونفرقوا شربات  ع الرايح والجاي , عايزة حاجة يا ست سعاد قبل ما ننام ؟

هي البت عطا فين ؟

نامت من بدري

ايّووووووووووووووه البت دي بتنام بدري اوي كدة لييييييييييه

اصلها تحب النظام , تصحى قبل صلاة الفجر تصلي وتشوف طلبات الفيلا وتنام بعد العشا

روحي صحيهاااااااااا, قوليلها هنا مش جامع يختييييييييي ,طول ما اصحاب البيت صاحيين تبقوا انتو كمان صاحييييييييين

حاضر يا ست سعاد , على رأيك هنا مش جامع , هنا معبد يهووووووووود ,داهية تاخدكو عالم غجر

اهدا يا عادل ما تاخدش كل حاجة على اعصابك كدة

هما عيالك خلوا فيا اعصااااااااااب , ايه دوووووووول ! شياطيييييييييين !!! واحد مش عايز يطلق مراته عِند في عِند , والبت بنتك بتخوض في اعراض الناس بكل بسااااااااااطة ! مافيش خوف من ربنا يا عالمممممممم

طب بس هدي خُلقك يا عااااااادل , ادهم حر في حياته وانت مالاكش سلطة عليه , يطلق مراته , يولّع في مراته , هو حررررررر , ده راااااااااااااجل

ابنك مش راجل يا سعااااااااد , لو راجل ما يمرمطش بنات الناس كددددددة , اذا كان ابنك حر يبقى البت كمان حررررررة هي مش عايزاااااااه

مممممم ايوة , ماهي راحت قعدت عند سميرة وميلت دماغهاااااااا , شوفت ليه بقى ادهم ما كانش بيخليها تروح عندهممممم ! اهم اول ما اتلموا ع البت ملوا دماغها من ناحية جوزها وقوموا حكاية الطلاق في دماغهااااااااا

فكرك كدة يا سعاد ؟ يعني حامد ومراته هما اللي اقنعوا ضحى بحكاية الطلاق دي ؟

ايوة اوماااااااال , مش بيقولوا الزن ع الودان أمر من السحرررر !!!

هيييييييييييييييييح , اني مش عارف نعمل ايه يا سعاد

لا تعمل ولا تسوي يا عاااااادل سيب ادهم يرجّع مراته بطريقته , عجايب والله , احنا اللي شايلين هم بنتهم وخايفين عليها من الطلاق والبهدلة وهما اللي بيشجعوهاااااااا , بقى دول أب وأم دوووول !!!

اني يا سعاد مش زعلان إلا ع الولا الصغير , اني عايزه يتربى بين امه وابوه , لكن برضو قولت طالما البت كارهة ومش عايزة , يبقى خلاااااص شيل ده عن ده يرتاح ده من دددددده

شيل انت الموضوع من دماغك يا عادل , لا تكلم ادهم تاني ولا تفتح سيرة

طب لو حامد مندور سألني عملت ايه مع ادهم هنردوا عليه بإيه ؟

قوله ما قَدَرتش ع الولا , الولا بيحب مراته و هنعملوله اييييييه !!!

اوووووووف استغفر الله العظيم

اطلع معايا يا عادل عشان ترتاح في اوضتك , اطلع اوضتك خليها تنور , دي بقالها يومين مضلمة ههههه

هه وربنا مافايق يا سعاد

يا خويا فوق وروق ماحدش واخد منها حااااااجة هههه

**************************

خلف هذه الجدران,هبة عبد العظيم نور

**************************

أما نستأذنوا من الست أوسا ونخطفوا رجلي ونروحوا للست اللي اسمها سوسن دي يمكن نلاقوا عندها شغلانة , بس مش هنقولوا للست أوسا لتقلب الدنيا على دماغي , ست اوسااااااااا

عايزة ايه يا بت يا رزقة ؟

احنا هنخطفوا رجلينا كدة ونروحوا مشوار طياري ونرجعوا على طول

مشوار فين يا بت ؟

أصل بعيد عنك أمي عيانة اوي ولازم نروحوا نطلوا عليها , دي مهما كانت أمي برضو والضفر ما يطلعش من اللحم

ايّووووه انا كنت عايزاكي عشان تقصيلي ضوافري وتبرديهالي

وماله , لما نرجعوا نعملهوملك , احنا مش هنغيبوا

اوعي تباتي عند امك وتسيبني لايصة هنا لوحدي

لا وربنا ما هنباتوووا , سلام يا ست اوسا

مع السلامة يا بت , بتكلمي مين في المخروب يا نورهاااااااااااااان

أأأأأ ها ! ططب اقفل دلوقتي هنكلموك بعدين يا نسيم , أأأأ ايوة يا ماما

كنتي بتكلمي مين يا بت ؟

دي واحدة صاحبتي يا ماما

طب ادخلي ذاكري ولا اعمليلك حاجة مفيدة بدل رغي البنات دددددددده

حاضر يا ماما , أنا هندخل نذاكر , هي رزقة مَشَت ؟

راحت مشوار وراجعة , مع إنّي كنت عايزة نشربوا حاجة دافية , يلا لما ترجع بقى

لا يا ماما , احنا هنعملولك , شوفي عايزة تشربي ايه

هههه حنينة يا بت , اغليلي شوية ينسون

حاضر يا ماما

**************************

خلف هذه الجدران,هبة عبد العظيم نور

**************************

مساء الخير يا ست سوسن يا ست الصالونات والكوافيرات يا كيداهمممم ههه

مين !...... مش انتِ الشغالة بتاعة اوسا  يا بت؟

ايوة أنا , خدامتك رزقة يا شربات هههه

هي اوسا مشيعاكِ عايزة حاجة ؟

لا , أنا جيتلك من نفسي , الست اوسا ما تعرفش اني جاية هنا من اساسه .... أصل اني قصادكي في خدمة

خدمة ! خدمة ايه يا اسمك ايه ؟

بصي يا ست سوسن أنا قبل ما نشتغلوا في البيوت كنت كوافيرة بريموووو , نقصوا ونسشوروا ونصبغوا ونزوقوا فشر كوافيرات بلاد برا , سيبك من العرر اللي انتي مشغلاهم دووول

هههه عايزة تشتغلي عندي في الكوافير ؟

ايوة , بس من ورا الست أوسا , أنا ممكن نفضولك نفسي من المغربية لحد عشرة حداشر بالليل

ايوة بس أنا مش محتاجة حد يشتغل في الكوافير , زي ما انتِ شايفة كدة البنات عندي يامَا

ايوة بس أنا خبررررة , طاوعيني أنا فرصة ومش هنتعوضوا تاااااااااني

هههه شكلك كدة عايزة تشتغلي عندي بأي طريقة , هي أوسا بتديكي فلوس شوية ولا ايه ؟

لا بتديني  يامَا, بس برضو أنا عايزة اكتر , الدنيا صعبة ,انا عندي عيال بنصرفوا عليهممم

مممم طب اسمعي يا ..........

رزقة رزززززقة , يعني اللي نشتغلوا عنده يجيله الرزق من كل يمة هههه ها هتشغليني عندك ؟

في الكوافير لا , لكن عشان خاطر عيالك هنشغلوك شغلانة تأكلك الشهد

فين هي لايميني عليهااااااااا

ههه تجيبلي زباين

للكوافير ؟؟؟؟

الكوافير زباينه يامَا , أنا عايزة زباين للشقق المفروشة اللي بنديروها , بس الشغلانة دي سر

ههههههههههههههههههه قولي كدة بقى , اتاري الأملة اللي انتي فيها من شغل الشقق المفروشة مش من الكوافير

هتشتغلي معايا ؟

طبعااااا اومال هنقولوا لأ للرزق برضو !!!

بس اسمعي , لازم اللي تجيبهالي تكون قمر ليلة اربعتاشر , اصل الرجالة اللي بيجوني من الناس الكبار اووووي , يعني مش أي واحدة تملا عينهم

ما تخافيش , احنا عنينا للكبار ههههه داحنا هنجيبولك البنات الصغار القمارة العذااااارى

هههههه وانا هندفعولك اكتر ع العذارى

هتديني كام ؟؟؟؟؟؟

الف جنيي على كل بنت تجيبيها و500 على كل مدام

لأ , احنا هناخدوا الف وخمسومية على كل بنت نجيبوها وألف على كل مدام

مش خسارة فيكِ , بس الشغل ده سر بيني وبينك , إياك أوسا تاخد بيه خبر لنقطعوا خبررررررك

لا ما تخافيش , احنا لازم نصونوا لقمة العيش اللي جيالنا , شوفي اني جت في بالي واحدة جارة أمي , انما ايييييه بت فلقة قمرررر بياض ايه وحلاوة ايه وطول ايه وشعور ايييييه , اني لو استغلالية كنت نقولولك ناخدوا خمس تلاف جنيي عليهاااااا

ههه طب خلاص , هاتيها بكرة نشوفوها واحنا هنحلولك بقك يا بت يا رزقة

عيني يا حبيبتي , احنا الصبح بدري هنعدوا عليها في الفرشة بتاعة الخضار

ايييييه ! هي بتبيع خضار ؟؟؟

ايوة , اصل ظروفها وحشة يا حبة عيني وامها عيانة وهي ومافيش في ايدها شهادة , عشان كدة بتبيع خضار , بس وربنا لو شوفتيها تقولي ملكة بنت ملووووووك

طب خلاص , المية تكدب الغطاس , هتيهالي بكرة نشوفوها

مااااااشي , مش هتديني عربون ؟

جرا ايه يا بتتتتتت ! شايفاني هبلة هنرموا فلووووووسي ! احنا ما نشتروش سمك في مييييييية

ماشي يا ست سوسن , احنا هنطلعولك السمك من المية ونجيبهولك لحد عندك بكرررة , سلااااااااام

سلام يا بت

**************************

خلف هذه الجدران,هبة عبد العظيم نور

**************************

اهي البت جمالات قاعدة بالخضار اهيه , الحمدلله اني لقيتها

*****

صباح الخير يا بت يا جمالات

رزقة ! أهلا صباح النور , نوزنولك بطاطس ولا كوسة ؟

لا بطاطس ولا كوسة , احنا كنا جايين نشوفوا امي قلنا نعدوا نسلموا عليكي بالمرة

فيكي الخير يا رزقة , ازي عيالك ؟

اهم عند ابوهم , أمك عاملة ايه يا بت ؟

عيانة قوي يا رزقة , وديناها لتلات دكاترة ومافيش فايدة

تلاقيكي بتوديها عند دكاترة نص كم , وديها لدكتور كبير يا بت وما تسخسريش في امك

منين بس يا رزقة !!! الفلوس اللي بتطلعلي من فرشة الخضار دي يادوب بناكلوا ونشربوا منهم ونصرفوا على مصاريف علاج امي , ربنا يشفيكي يا امّااااا

ابقي قابليني ان شاء الله لو خفت ولا شافت شفاااااا

نعوذ بالله يا رززززقة ليه بس كددددددة , يختي قولي كلمتين حلوين يدوني أمل

هههههه لا احنا هنقولوا كلمتين حلوين هيغرقوكي فلوس

يغرقوني فلووووس ! ازااااااااي ؟

يا بت عاجبك حالك ده !!! بت زيك زي القمر في ليلة تمامه تتبهدل وتتمرمط في الشوارع بالخضار كدة !!! طب دانتي اللي زيك عايزة راجل يقدرها ويبغددها ويعيشها في قصررر, اوماااااال ,هي دي العيشة اللي تليق بيكي

ههههه والراجل اللي زي ده يتجوز واحدة غلبانة زيي ليه !

حد جاب سيرة جواز يا مخبولة انتِ !!!

ايّووه !! اومال قصدك ايه ؟

هههه قصدي انك حلوة , حلوة اوي يا بت , وحلاوتك دي لازم تاخدي تمنها فلوس

يعني ايه يا رزقة ؟؟؟ وربنا ما فاهمة حاجة ؟

اسمعي يا بت , في واحدة ست هانم كدة صاحبة كوافير وبيقصدوها رجالة اصحاب مزاج من الكبار اووووي , ايشي عرب على مصريين , بس اييييه مليونيرات يا بت , مليونيراااااااات

ايييييييييييييه ! اتفوا عليكي وع اللي حدفك عليااااااااااا وربنا لنقوموا نجيبوكي من شعرك ونفرجوا عليكي الشاااااااارع , فاكرة كل الناس زبالة زي اللي بتتعاملي معاهم يا عرة الحريم انتتتتتتتتتِ تعاليلي هناااااااا

اوعي يا بت ايدكككككككك اوعي يا بت سيبيني لنبلغوا عنك البوليسسسس

البوليس ده ليكي وللي زيك يا تاجرة النجاسة يا عديمة الدين غوري من هنااااااااااا اياك نشوفوا وشك تااااااااني غووووووووري

اوعي داهية تاخدك يا فقرية يا وش الفقرررر خليكي يختي فوق فرشة الخضار لحد ما تدوّدي , الفقر له ناسه صحيححححححح

في ايه يا رزقة , كنتي بتتعاركي مع جمالات الخضارية لييييييه .؟

عشان بتغش في الميزان الحرامية المعفففففففنة , بنقولولك ايه يا بت يا ام سعد يا بتاعة الفراخ

عايزة ايه يا رزقة

ما تعرفيش بت صغيرة حلوة كدة عايزة تشتغل ؟؟

البنات يامَا , لكن هتشغليها ايه ؟

هنشغلوها  داكتورة يختيييييي, هنشغلوها  في الكونجريستو الامريكااااااااني , وانتِ مالك انتتتتتتتِ , بنسألوكِ سؤال تردي عليا دوغري وتخلصيني

ايّوووووه مش نعرفوا المؤهلات ايه والطلبات ايه عشان البنات تقدم !!!

لا يختي دي مش عايزة مؤهلات , دي عايزة عالم بتفهم ومخها نضيف وعارفة مصلحتهااااا

طب احنا هنقولولك ,في بت غلبانة بتمسح السلالم وبتخدم في البيوت , بس يا عيني حالها يصعب ع الكافر والناس بيبهدلوها آخر بهدلة

حلوة يا بت ؟

حلوة أوووي , وربنا اللي يشوفها ما يفتَكَر أبداً إنها بتشتغل الشغلانة دي

طب دي نلاقوها فين يا أم سعد ؟

اني لسة شايفاها من شوية على إمة الحارة , تلاقيها راحت تمسح سلالم البيت اللي هناك ده

طب هنبصوا عليها كدة ونشوفوا حكايتها ايه دي , على الله تطلع حلوة زي ما قولتي

**************************

خلف هذه الجدران,هبة عبد العظيم نور

**************************

يختي عليها يختي يا ألف اسم الله هههه ايه الحلاوة دي

بتكلميني ؟

ههه اومال بنكلموا خيالك يا شابة !!! طب داني جيالك مخصوص ومشيّعني جماعة بيعزوكي اوي

هما مين دول ؟

مش مهم هما مين , المهم انهم عايزين مصلحتك ومش عاجبهم الشغلانة الغبرة اللي بتشتغليها دددددي

ههه اومال يعني هنشتغلوا ايه !!! داني ابويا طَلَعني من تانية اعدادي عشان نشتغلوا ونساعدوه

انتِ عندك كام سنة يا بت ؟

سبعتاشر سنة

هههههه يختي عليها يختي , عز الطلبببببب , بنقولولك ايه , عايزة تشتغلي وتكسبي فلوس يامَا يا بت وتترَحَمي من شغلانة مسح السلالم دي ؟

ايوة اومااااال , حد يكره النعمة !!!

ههههه اسم الله عليكي عاقلة وشكلنا هنتفاهموا ونبقوا حبايب , شوفي يا عسل يا صغننة انتِ , في ست هانم بتاخد البنات اللي زيك وتشغلهم هوانم يأمروا وينهوا على رجالة وياخدوا فلوس كمااااان

جواز !!

يا دي النيلة ع الجواز وسنين الجوازززز , هو مافيش حاجة تربط الرجالة بالستات غير الجوازززز !!!

ايّووووه اومال ايه يعني ؟

من غير جواز يا بت , الراجل من دول مستعد يدفع بدل الألف جنيي عشر وعشرين وخمسين كمان , ويا سعدك يا هناكي لو عجبتيهم وجولك مخصوص بقى هههههه يا دي الهنا اللي هتبقي فييييه

ايييييييييه ! اخص عليكي ولية سافلة صحيححححح , شيفاني وش الحاجات دي يختي !!! اني لو كنت عايزة السكة السودة دي ما كنتش مسحت سلالم , اني نمسحوا سلالم ولا نفرطوا في عرضي للكلاب ونغضبوا ربناااااا روحي منك لله , وربنا لنغرقوكي بجردل المسح ددددددددده

ااااااااااه غرقتيني مية معفنة يا مساحة السلالم يا خدامة البيوووووت , جاتكو داهية عالم فقرررر , هو ايه ده !!! الواحدة يجيلها السعد لحد عندها وترفسسسسسه , عندهم يبيعوا خضار ويمسحوا سلالم ولا إنهم يتنعموا بالحرير بتاع الرجالة الأمرا دوووووول , لالالا اني مش هندوروا في الحارة المأشفة دي تاني , هنلاقوا يعني هنلاقوا , زي مافيه الحلو اكيد فيه الوحش اللي بيفرط لجل عيون المال , نعملوا ايه دلوقتي ونجيبوهم منين ؟؟؟ هو مافيش غيررررره هو الولا عطوة اللي هيساعدني ويقولي نعملوا ايه , بس نلاقوه فين عطوة دلوقتي ! تلاقيه متلئح ع القهوة , هو وراه شغلانة غير النصب ع الخلق والقعاد ع القهاوي !!!

**************************

خلف هذه الجدران,هبة عبد العظيم نور

**************************

فين يا ولا الحلبة الحصا اللي طلبتها منك بقالي سااااااااعة

هنجيبوها يا عطوووووة هنجيبوهاااااااا

ولا يا عطووووووة انت يا ولااااااااا

ايه ده ! عمتي !!! ايه اللي جابها دي ! نعمين يا عمتيييييي

تعالى يا ولا عايزاااااااك

سُك ع الحلبة الحصا يا ولااااااا

*******************

في ايه يا عمتي ؟ حد جراله حااااااجة ؟

ههههههه ولو حد جراله حاجة هتعمل ايه يعني !

ههههه على رأيك , اوعي تكوني عايزة مني فلووووووس , أنا مأشفر , مافيش في جيبي غير اتنين جنيي

فلوس ايه يا شحات انت !!! اني جيالك في حكاية تانية خالص بصفتك ولا بايظ وصايع يعني وماحدش زيك

تعيشي يا عمتي , خير عايزاني في ايه ؟

طب تعالى نتكلموا بعيد عن الحارة الهم دي عشان ماحدش يسمعنا

تعالي يا عمتي

**************************

خلف هذه الجدران,هبة عبد العظيم نور

**************************

خير يا عمتي , شكل الحكاية كبيرة اوي

ايوة يا ولا , وعشان كدة جيت نسألوك نعملوا ايه ونتصرفوا ازاااااي

 قولي يا عمتي

بص يا ولا , احنا هنحكولك الحكاية من أولها وشوف اني اتصرفت صح ولا غلط , بقى اني يا ولا من كام يوم كدة قابلت واحدة صاحبة كوافير كبير اوي وطلبت مني نجيبولها ..............................

**************************

خلف هذه الجدران,هبة عبد العظيم نور

**************************

ههههههههههههههههههههههههههههه بقى حد يعمل اللي عملتيه ده يا عمتي !

يعني اني غلطانة اني هنشتغلوا في الشغلانة دي يا ولا ؟؟؟؟

العيب مش في الشغلانة , العيب في مخك انتِ يا عمتي

اتلم يا ولا لنعلموك الأددددددددب

هههههه طب بس ما تزعليش , ما هو يا عمتي البنات اللي انتِ بتدوري عليهم دول ماحدش يعرف سككهم إلا واحد زيي لافف وداير وعارف الشريفة من عديمة الشرررررررررف

مالناش دعوة بالشرفا , الله يسهلهم , خلينا في عدمات الشرف اللي هنكسبوا من وراهم دهب يا ولاااااا

طب هتديني كام ؟

مش لما ناخدوا احنا الأول !!! لسة الست لا اديتني أبيض ولا أسود

 طالما هي اللي هتقبّض يبقى كلامي معاها مش معاكي انتِ

نعمممممم ! وانا بقى نطلعوا برا الموضوع , مش كدة يا نصااااااب ؟

هههه اومال انتِ عايزاني نجيبولك البنات البايظة دي زي البيضة المقشرة وماناخدوش حقنا ؟

حقك تاخده مني اني , اني هندوك 100 جنيي على كل بت تجيبها

اييييييييه ! ليييييييه ! هنلاقوهم بالساااااااهل !!! دول زي الإبرة في كوم القشششش , بين كل 100 واحدة شريفة بتلاقي اتنين تلاتة من اسفل خلق الله وهما دول اللي عندهم استعداد للسكة السودة دي

اومال انت عايز كام خلصنييييييي

هناخدوا 500 جنيي على كل بنت

خمسوميت عفريت لما يركبووووووووك , اسمع يا ولا , اني هندوك على كل بت 300 جنيي ومش هنزودوا جنيي واااااااااااحد , استبينا ؟؟؟؟؟؟

استبينا يا عمتي , بس لو كنتي ظلماني منك لله وربنا مش هيباركلكككككككككك

**************************

خلف هذه الجدران,هبة عبد العظيم نور

**************************

اهي البت نانّو خارجة من بيتهم اهي , أما نلحقوهااااااا

نانّوووو بت يا نانّوووووو

مين ! عطوة !! جاتك نيلة , بنحسبوا حد عِدِل هيهيهيييييييييي

ههههههههههههه ايه الضحكة الحلوة اللي تدوب القلب دوب دي !!!

عايز ايه يا ولا , اني ورايا معاد ومش فاضية

ههههه مع الولا كابّو؟

بلا كابّو بلا هبااااااب , ولا بخيل وجلدة ما يتخيرش عنك , خرجت معاه مرتين والدنيا كانت حر وكنت هنموتوا على ازازة حاجة ساقعة نبلوا ريقي , وده ولا عبرني , ونقولولوا عطشانة يا كابّو , هنموتوا يا كابّوووو وده عمل عبيط ووقفلي عربية مشروع وقالي روحي عشان الدنيا حر عليكِ وقال للسواق خد الأجرة من الأنسة

ههههههههههههههههههههههه أما ولا بخيل صحيح وما يتعاشرش

ما هو من عينتك , جاتكو نيلة ما يهونش عليكو الجنيي

سيبك مننا , احنا عالم فقر , اني بقى عايز نوديكي عند العالم اللي تقدّرك وتقدرك حلاوتك دي ويدوكي بدل الجنيي عشرين الف جنيي

 أيّووووووووووه عشرين الف جنيي مرة واحدة يا ولااااااا ؟؟؟؟

ويمكن تلاتين , يمكن اربعين , معاكي لحد 100 الف

هههههههههههههه شكلك ولا ميّاس

اني ميّاس ! طب جربي وشوفي

هي ايه الحكاية يا ولا ؟

زباين , عايزين يتأنسوا بالجمال والحسن والدلال

هيهييييييي فهمتك يا مضروب , بس اوعى يكونوا كحيانين ولا من الأشكال اللي بيستلفوا من اصحابهم عشان يدلعوا روحهم

يا بت لاااااا , دول ناس كبار ونضاف اوووووي , قولتي ايه ؟

ممممممم سيبني نفكر ونرد عليك

لااااااا اديني ردك دلوقتي , وإلا هنشوفوا غيرك , الناس مستعجلين , ها قولتي ايه ؟

خلاص يا ولا موافقة

ههههههههه تعجبيني يا عسل , تعالي بقى عشان احددلك معاد مع عمتي

هههههههههههههههههههههههه عمتك !!! هي عمتك راجل يا ولاااااااا ؟

لا مش للدرجة دي , مع انها تدي على رجالي اكتر من حريمي يعني , عمتي هي وكيلة اعمال الست صاحبة الشغل

ايوة ايوة فهمت , ماشي , ودي هنقابلوها فين ؟

على إمة الحارة , استني نتصلوا بيها عشان تنزل

ماشي يا ولا , اعزمني على ازازة حاجة ساقعة , ولّا هتعمل زي المضروب في قلبه الولا كاّبو ؟؟؟

لا هنعزموكي , مش خسارة فيكي , انتِ تستاهلي كل خير يا نانّو يا أم جينز وتاتّو ههههههههههههههه

**************************

خلف هذه الجدران,هبة عبد العظيم نور

**************************

اهيه عمتي جاية هناك اهيه

هي دي عمتك ! يا امّا , مال سحنتها تغُم النفس كدة !!! هي كانت دَكَر وقلب حرمة يا ولا ؟ ههههه

طب بس بقى لتسمعك وتضيع مستقبلك , بنسوار يا عمتي

يسعد بنسوارك يا عين عمتك , هي دي الزبونة ؟

ايه رأيك فيها ؟ بلطية  بيضة زي القشطة لسة طالعة من البحر طازة هههههه

مش بطالة , لفي كدة يا بت خليني نشوفوا كسمك ورسمك

هههه هو انتِ جايبالي عريس ولا ايه ؟

هي البت دي شاربة حاجة يا ولا يا عطوة !!! عريس ايه اللي هنجيبهولها لمامة الشوارع دي !!!

بتهزر معاكي يا عمتي , قولي ايه رأيك في الزبونة خلينا ناكلوا عيش

كويسة

طب ايدك ع الفلوس اللي اتفقنا عليها

فلوس ايه يا ولا ! مش لما ناخدوها للست سوسن ونشوفوا رأيها فيها ايه ؟

ماشي يا عمتي , مع اني مستوثق انها هتعجبها , دي نقاوة عطوووووة

**************************

خلف هذه الجدران,هبة عبد العظيم نور

**************************

يا محمد , الله يخليك قول لريس العمال ان المركب هترسي على رصيف تسعة

هنبلغوه  حاضر ,اني ظبطت الملفات اللي طلبتها مني وكلها جاهزة ع الكمبيوتر , شوفها وقولي رأيك يا أستاذ احمد , عشان لو محتاجة تعديل نعملوه

ماشي يا محمد

والحاج مصطفى العشري اتصل واعتذر انه ما قَدَرش يجي امبارح عشان كان عنده ظروف , وقال انه هيجي النهاردة ان شاء الله 

ترررررررررررررررررررررررررررررن

لحظة يا محمد نردوا على حماتي , السلام عليكم يا أمي

عليكم السلام يا احمد , انت فين يا بنييييي

في المينا ههه هنكونوا فين !

طب تعالالنا ع المستشفى , هيام بتولددددددد هننقلوها اني وراوية ع هنااااااااك

هيااااااااام , طيب يا أمي اني جاي حالاً إن شاء الله ,سلااااااااام . محمددددد اني مضطر نمشي دلوقتي , المدام بتولددددددد

***********************************

ونقول كفاية كدة النهاردة ..انتهت الحلقات

بالنسبة لقرائي الأعزاء اللي عايزين حلقات كل يوم ..حقيقي كان نفسي اصورلكو يومي بقضيه ازاي بالفيديو عشان تعرفوا اني مش لاقية وقت لنفسي,يومي مشحون,مضغوطة نفسياً وبدينياً,غير ان زوجي واخد اجازة الشهر ده كله ,وده بقى لو لمحني بس قاعدة على الللاب بيبقى يوم مش معدي ويتلكك عشان ينخانق ويحسسني اني ست بهمل مصالح بيتي وقاعدة بكتب روايات ههه رغم ان البيت مش ناقصه حاجة وحتى هدومه بكويها بنفسي وجزمته بلمعها والبيت بفضل الله دايما نضيف ومرتب ,بس هو رغم انه جامعي ومثقف بيشوف ان الست ما ينفعش تعمل اي شيء غير شغل البيت وبس ,حتى لو عندها وقت فاضي تعمل اي شيء خاص بالبيت ,حتى لو تنزل الاطباق المغسولة من دولاب المطبخ وتغسلها تاني كنوع من الولاء لبيتها هههه هو مش معايا انا بس كدة ,كان ليا سلفة كانت لسة عروسة جديدة وجوزها سافر وسابها عند حماتي في الشقة اللي تحت,زوجي نزل لاقاها قاعدة فاضية راح طالع فوق السطح جابلها توم الخزين وقالها اقعدي فصصيه بدل ما انتِ قاعدة كدة هههههه ..المرة اللي فاتت عشان انزلكو الحلقات انتهزت فرصى انه مش موجود,وسبحان الله اول ما نشرت الحلقة الاولى جه,طبعا شوفته اتخضيت وقعدت اتحايل عليه وابوس ايده واقوله معلش عشان خاطري قرائي منتظرين ,قالي انتِ مصدقة نفسك يعني انك كاتبة روائية وليكِ قراء ! هههه قلتله معلش ,تهيؤات ,قالي امي صايمة النهاردة,هتقومي تعملي الفطار ولا هنفطرها على رواية من روايااااااتك هههه طبعاً قلتله حالا والله هحط الحلقة وجري على المطبخ ,فضل واقف جنبي وينفخ ويقول مش هنخلص بقى ولا ايييييييه....وحضرتكو جايين نقولوا حلقات كل يوم ,دانتو عايزينه يطردني ويوديني بيت اهلي بقى هههه ده لو لقاني ماسكة كتاب فرنساوي بسترجع معلوماتي ينتشه من ايدي ويرميه ويقولي جايه تذاكري فرنساوي بعد ما شيبتي ههههههههه ومع ذلك وحتى لا اكون ممكن يكفرن العشير والعياذ بالله فهو زوج صالح قر الله عيني به  ,اللهم لك الحمد ,حفظ الله لنا ازواجنا وبارك لنا فيهم ولا أرانا فيهم مكروهاً ابدا اللهم آمين..اللهم ارزق بنات المسلمين العفاف وارزقهم بأزواج صالحين اللهم آمين 

يا جماعة انا ما بحبش اتكلم عن حياتي الخاصة,لكن حبيبت اقولكو ان انا ربة منزل عادية وزوجي زي معظم الرجالة مش بيحبوا الست تهتم الا ببيتها ,والله الحلقات الاضافية دي بنزلها بالعافية عشان عيونكم ,فمعلش سامحوني

**************

بشكر كل قرائي الأعزاء على ردودهم وتعليقاتهم اللي بتسعدني ,نفسي اكتب اسماءكم كلكم والله بس وقتي ضيق,لكن تحية من قلبي ليكو كلكو

وبقول لقرائي من السيدات اللي بيرسلولي رسايل على الفيس ,انا مش متواجدة على صفحتي على  الفيس والله حبيباتي ,عشان ما تعتقدوش اني موجودة ومش بقرأها

***********************************

لا تنسوا ذكر الله الدائم

سبحان الله وبحمده ,سبحان الله العظيم

واكثروا من الاستغفار

استغفر الله الذي لا إله إلا هو الحي القيوم وأتوب إليه

ما تنسوش الليلة هي ليلة الجمعة فاكثروا من الصلاة على الحبيب عليه الصلاة والسلام

اللهم صل على محمد وعلى آل محمد كما صليت على إبراهيم وعلى آل إبراهيم في العالمين إنك حميد مجيد

وبارك على محمد وعلى آل محمد كما باركت على إبراهيم وعلى آل إبراهيم في العالمين إنك حميد مجيد