الحلقة الرابعة والستين (ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

لو سمحت عايزة توب قماش يكون حرير ابيض

بدورررر !!!! ايّووووووه مش مصدق نفسي انك واقفة قدامي يا بدور

هه بنقولولك عندك توب قماش حرير أبيض ولا نشوفوا طلبي عن حد تاني ؟

......... عم مرشدي جالك ؟

هه ايوة

ورأيك ايه ؟؟؟

يعني لما نقولولك عايزة توب قماش حرير أبيض , يبقى موافقة ولا لأ يا سعيد ! هه

ههههه داني هنفرشوا الحرير الابيض تحت رجليكِ عشان تخطي عليه يا بدور , أيّووووووووه مش مصدق انك رجعتيلي بعد السنين دي كلها وهتكوني من نصيبي ان شاء الله , وربنا دي فرحة العمر كله يا بدوررررر

........ ياريتني قابلتك من زمان يا سعيد ... ما كانش جرالي اللي جرا

هنعوضوكِ عن كل العذاب اللي شوفتيه يا بدور

أنت الراجل الحقيقي اللي اتمنيته يا سعيد .... عمري ما هننسى انك كنت مستخسرني في الخدمة , قولتلي انتِ ما اتخلقتيش للخدمة في البيوت والمرمطة يا بدور , انتِ اتخلقتي عشان تتستتي  وراجل يخدمك ...... رغم ان اللي كنت بنحبوه كان واخدني خدامة لمراته وعيشني عيشة الذل . ايّووووه ..... تعبت يامَا يا سعيد .... تعبت مع سامي , وتعبت بعد طلاقي منه ...وتعبت لما امي ماتت بسبب اللي جرالي على ايده .... وتعبت واتبهدلت لما خرجت انا واختي من الأنفوشي وروحنا لمصير مجهول ما نجاناش منه غير ربنا .... واديني رَجَعت يا سعيد بعد قسوة الأيام والسنين والحزن اللي عشش في قلبي

هنعوضوكِ , وربنا هنعوضوكِ ... من الساعة دي انسي الهم والحزن يا بدور

ربنا ما يحرمني منك يا سعيد

لكن احكيلي , كنتِ فين السنين دي كلها ؟

هنحكولك يا سعيد , لو ربنا قدّر وحصل بينا نصيب هنحكولك

ان شاء الله هيحصل يا بدور

**************************

خلف هذه الجدران,هبة عبد العظيم نور

**************************

أنا نازل يا سامي

ايه ده ! ههه ايه يا ابويا ! مالك لابس احسن جلابية عندك وحاطط مسك من الأصلي وريحتك مفحفحة !! تكونش رايح تخطب من ورايا !! ههه

ههه نخطبوا ايه بس يا ابني !! نسأل الله حسن الختام , احنا هنحضروا  كتب كتاب ناس حبايبي

مين دول ؟

سعيد وبدور

ايه !!! بتقول مييييييين ؟

زي ما سَمَعت يا سامي

انت يا ابويا تروح تحضر كتب كتاب بدور على واحد تاني غيري !!! رايح تحضر كتب كتابها بعد ما رفضت ابنك !!!

يا ابني كل شيء قسمة ونصيب , بدور مش رايداك

ورايدة سعيد ؟؟؟

اومال يا ابني وافقت عليه ازاي !!

ابويا ..... انت روحت عند بدور ليه من اسبوعين فاتوا ؟

كنت بنخطبوها لسعيد

....... تخطبها لسعيد !!! للدرجة دي انا ماليش عندك قيمة يا ابوياااااا !!!

بدور كانت في ايدك في يوم من الأيام وما حافظتش عليها , يبقى ما تزعلش يا ابني لما البنية تدور على راجل تتسَنَد عليه , وانت ربنا يرزقك ببنت الحلال ... أنا نازل , يا قوي يا رب

**************************

خلف هذه الجدران,هبة عبد العظيم نور

**************************

تررررررررررررررررررررررررررررن افتحي يا كامليا انا ساااااامي

ده سامي اللي بيرن الجرس يا احلام

افتحيله يا كامليا , ده واحشني يامَا وربنا

***

أهلاً يا سامي , اتفضل يا اخويا

السلام عليكم يا كامليا

عليكم السلام يا حبيبي اتفضل

سااااااامي ههه وحشتني وربناااا

انتِ هنا يا أحلام ! ... ازيك وازي جوزك وولادك يا حبيبتي؟

الحمدلله يا حبيبي بخير

مالك يا سامي ... شكلك مش عاجبني يا اخويا

كويس ان أحلام هنا عشان الكلام يبقى قدامها وتعرف ابوكِ عمل فيا ايه يا كاملياااااا

عمل ايه يا سامي ؟

حصل ايه يا سامي يا اخويا ؟؟؟

يرضيكو يروح يخطب بدور للولا اللي اسمه سعيدددد !!! بقى بعد ما ترفضني يروح هو يخطبها بنفسه للولا دددده !!! ده زي ما يكون ابوه هو مش ابويا اناااا , بقى يدوس عليا ويرفع حتة صبي كان شغال عندنا بالأجرررة !!!

الحقي يا كاميليا , بقى معقول بابا يعمل في سامي كدة !!!

استني انتِ يا أحلام .. معلش يا سامي يا اخويا ..كل واحد بياخد نصيبه , ما تزعلش من بابا , بابا ما يقصدش وربنا , هو بس لما لقى موضوعك مع بدور مش نافع ولقى ان سعيد له غرض من بدور , قال خلاص يجمع بينهم في الحلال وياخد ثواب يعني

يجمع بينهم في الحلال !! يعني انا اللي كنت عايزها في الحرااااام !!! بس هما كدة الستات نمارددددة , تلاقيها وافقت على سعيد من باب كيد النسااااااا , خليه يشبع بيها وتشبع بيه , اووووووف الواحد مش طايق روووووحه , أنا نازل القهوة قبل ما نولّع , سلااااااااام

استنى بس يا ساااااااااامي .... ايّووووه مَشَى زعلان

بصراحة يا كامليا, سامي عنده حق , ليه بابا يعمل كدة !! يعني هو مش عارف ان سامي هيزعل لو عَرَف !! وبدور دي ازاي تبدّي سعيد على سامي اخويا !! ده سامي كان مستنيها طول السنين اللي فاتت عشان يعوضها عن اللي جرالها , تقوم تقفل في وشه بابها كدة وتقبل الصبي بتاعه !!!

بدارة ما غَلَطتش يا أحلام , ولا بابا كمان غَلَط .. بابا اتكلم معايا في الموضوع ده وقالي احنا ما كناش نكرهوا ان بدور ترجع لسامي , بس طالما البت مش رايداه احنا هنكلموا سعيد ونلموا شملهم

واشمعنى يعني سعيد !!!

قالي ان سعيد احسن واحدة لبدارة , هو اكتر واحد داري بوجع بدور وعشان بيحبها هيخفف عنها , وكفاية انه طيب وابن حلال ومتربي في وسطينا

ممم طب وبدارة بقى ما غَلَطتش لما رفضت ترجع لسامي يا كاميليا ؟

لا ما غَلَطتش ... وانا كان نفسي نقولوا لسامي في وشه ان بدارة عندها حق , لأنها ما لقيتش في سامي الراجل اللي يحميها ويصون عرضها , والست لما تحس ان الراجل اللي قدامها ضعيف ومش قادر يحميها بيسقط من نظرها .... الكلام ده ما قَدَرتش نقولوه لسامي عشان ما يشيلش في قلبه من ناحيتي ... ادعي لبدور ان ربنا يسعدها ويهنيها مع سعيد وانها تتعوض عن المر اللي داقته مع سامي ... لولا انّي خايفة ان سامي يزعل كنت روحت باركتلها وربنا

**************************

خلف هذه الجدران,هبة عبد العظيم نور

**************************

مبروك يا بدارة يختي الف مبروك ,ربنا عوض صبرك خير وهيتكتب كتابك على اللي بيحبك يا بت هههه

ههه الله يبارك فيكِ يا ابتسام ,عقبال ما تفرحي بوجدي مع بنت الحلال يارب

آمين يارب ,نفرحوا بيك يا ابني ونشوفوك متهني

تن تن خالتي بدارة,يلا المأذون وصل وعايزين برا

عم مرشدي جَه يا وجدي

ايوة,قاعد مع ابويا ومع عم سعيد

طيب,جاية وراك على طول اهو

**************************

خلف هذه الجدران,هبة عبد العظيم نور

**************************

العروسة جاية ورايا على طول يا عم سعيد

ماشي يا وجدي,منورنا يا عم مرشدي وربنا ههه

بنورك يا ابني,ربنا يتمملك بخير يا سعيد

ربنا يخليك لينا يارب,ايدك نبوسوها امووه,انا حاسس ان ربنا هيباركلنا عشان وجودك معانا في الليلة الحلوة دي

الله يعزك يا ابني..اسمع يا ولا يا سعيد,بدور غلبانة,قاست ياما,وشَربت مر يامَا,عايزك تعوضها عن كل الويل اللي شافته في دنيتها

إن شاء الله يا عم مرشدي,ربنا يعلم انا بحب بدور قد ايه ونفسي اسعدها

الله يسعدها بيك ويسعدك بيها يا ابني....بدور بتفكرني بكوكب الله يرحمها..كانت ست ولا كل الستات..خَسَرتها وعيشت العمر كله بنتندم على اليوم اللي سيبتها فيه....الست الأصيلة في الزمن ده مش هتلاقي منها كتير,وبدور أصيلة وبنت حلال وقلبها كله خير..وانت كمان طيب ياولا..ربنا رايد يجمعكو عشان تحنوا على بعض في زمن كله قسوة

فعلاً يا عم مرشدي,حاسس ان ربنا رجعلي بدور عشان اعوضها وتعوضني,وربنا يقدرني واسعدها

يارب يا ابني...عقبال وجدي ابنك يا اسطى سلامة

ههه الله يخليك يا عم مرشدي ,اهيه العروسة جت اهيه

السلام عليكم,ازيك يا عم مرشدي

أهلاً بست العرايس هه,عليكم السلام يا بنتي

دي ابتسام اختي,ام وجدي

ازيك يا عم مرشدي,منورنا

بنورك يا بنتي ..يلا يا أستاذ اكتب الكتاب ولم الشمل خلينا نفرحوا

حاضر,بطافتك يا عريس

تررررررررررررررررررررررررررررررررن

ده جرس الباب يا ابتسام,يكون مين!

ما نعرفوش, احنا مش عازمين حد ,روح شوف مين  يا وجدي

ماشي يا اما

**************************

خلف هذه الجدران,هبة عبد العظيم نور

**************************

عم ابراهيم بشر! ههه ايه المفاجأة الحلوة دي!

ههه جينا نشاركوا الحبايب فرحتهم ,خد يا وجدي الحلويات دي,حطها في صحون وهاتهالنا بعد كتب الكتاب

هههه من عنينا

ندخلوا نباركوا للعرسان بقى ,عقبال فرحك يا ولا هههه

هههه يارب

**************************

خلف هذه الجدران,هبة عبد العظيم نور

**************************

الف مبروك يا عروسة هههه

الحاج ابراهيم! هه الله يبارك فيك يا حاج,ده الحاج ابراهيم بشر يا سعيد اللي كلمناك عنه

يا مرحب يا حاج ابراهيم ههه اتفضل

يزيد فضلك يا عريس,الف مبروك,احنا بقي لما عَرَفنا من الاسطى سلامة ان كتب كتابك على ست الستات النهاردة قلنا وربنا لنروحوا وتشهدوا على العقد كمان هههه

ههه ده شرف لينا يا حاج ابراهيم,يا مرحب..ده بقى الحاج مرشدي,ابونا كلنا وكبيرنا وبركة دنيتنا كلها

يا أهلاً يا عم مرشدي,أنا ابنك ابراهيم بشر

أهلاً  بيك يا ابني,عقبال أولادك ان شاء الله

تعيش يا عم مرشدي... بطاقتي اهيه,يلا اتوكل على الله واكتب يا استاذ...الف مبروك يا ست الستات,ربنا يتمملك على خير

الله يبارك يارب ,تعيش يا حاج ابراهيم,عقبال ما تفرح بمهجة وبشر

آمين يارب

**************************

خلف هذه الجدران,هبة عبد العظيم نور

**************************

مالك بس يا استاذ سااااااااامي ! من الصبح وانت مش زي عوايدك , حتى كوباية الشيّ اللي جبنهالك من القهوة ما شربتتهاش وسبتها لما بَرَدت , حد مزعلك في حاجة ؟

ايّوووووه ما تسيبني في حالي يا ولا يا حموووو , اني مخنووووق

مين اللي خنقك يا استاذ سامي واني نروحوا نشنقووووه

مخنوق من الدنيا بللي فيهااااااا

لك حق , الدنيا خنقة ولامّة واغش يامَا , بس ايه الجديد يعني ! ماحنا طول عمرنا عايشين فيها وهي على هذُها الحاااال , الدنيا عمرها ما هتتغير ولا هتريح حد , بكرة نسيبوها ونرتاحووووو

ايّووووووووه اني اللي هنسيبولك المحل عشان نرتاحوا من خلقتككككك , رمضااااااان خلي بالك من المحل , اني رايح القهووووووة

ماشي يا استاذ سامي , ايوة يا مدام , تحت أمرك

**************************

خلف هذه الجدران,هبة عبد العظيم نور

**************************

ده ابراهيم هلال ع القهوة ! كويس , عشان نفضفضوا معاه شوية

سلامو عليكو يا ابراهيم

اهلااااا عليكم السلام يا ابو السام , اقعد

ازيك يا ابراهيم

تمام الحمدلله , ولا يا زيزووو كوباية شيّ للأستاذ سااااااامي

حاضر يا استاذ ابراهيممممم

عامل ايه يا سامي ؟

اديني عايش

ايّوووه مالك يا جدع ؟

مش طايق الدنيا بللي فيها يا ابراهيم , تصور ان الست اللي حَلَفت لنستنوها وما نبصوا لطرف شال ست غيرها , أول ما نلاقوها ويتحقق مرادي تقوم ترفض ترجعلي وتفضل حتة الولا الصبي  اللي مالوش لزمة اللي طردته من المحل وانت شغلته عندككككككك !!!

سعيد !

ما تنطقش اسمه قدااااااااامي , ايّووووووه بنكرهوه كره العمىىىىىىىى

يا سيدي تكرهه ولا تحبه , اللي حصل حصل , خلاص , هي حرة , طالما شايفة سعادتها معاه , بالسلامة , شوف انت حالك بقى واتجوز وكفاية عليك عزوبية لحد كدة

أنا  ! لا يا ابراهيم , أحنا  لا عايزين نتجوز ولا طايق صنف الحريمممم

ايّوووووه ! والحريم مالهم بس ! هي الدنيا تحلى من غيرهم يا ابو السام ! هههه طب وربنا لو كان الشرع سَمَح  باتناشر لكنت كملت الاربعة اللي عندي وقفلتهم دستة ههههه

ههههه يا عم أنا  مش عارف انت فاضي لحريمك ولا لشغلك !!

الاتنين , نشتغلوا شوية ونفضوا للحريم شوية واهي ماشية ههه اسمع بس كلامي يا سامي يا اخويا , انت لازم تتجوز , ما ينفعش قعدتك دي

الشيّ يا استاذ سااااااامي

شكراً يا ولا يا زيزو . ما تشيلش همي يا ابراهيم , احنا  خدنا  على كدة خلاص

خدت على كدة ده ايه !!! يا سامي انت سرقاك السكينة عشان ابوك وبنتك عايشين معاك , مسير البت تتجوز وتروح بيت جوزها , وابوك ربنا يديله الصحة وطولة العمر لو عاش النهاردة مش هيعيش بكرة , ساعتها يا اخويا هتلاقي نفسك لوحدك بين اربع حيطان , ومش هيبقالك ونيس غير الحسرة ع العمر اللي ضاع . لا يا اخويا , احنا  ما يرضيناش  نسيبوك كدة . الصاحب لازم يبكي على مصلحة صاحبه , وانت اخويا وحبيبي يا سامي و عايز مصلحتك , والست اللي كنت مستنيها خلاص , اختارت سكتها وراحت لصاحب نصيبها , يبقى ربنا يهني سعيد بسعيدة

ايّووووووه ما بلاش كلمة سعيد دددددي

ههههه خلاص , ربنا يهني بخيت ببخيتة . نشوفوا احنا حالنا بقىىىىى , وعروستك عندي

مين دي ؟

هتكون مين غير أم محمود !! احنا  عايز نلموا شملكو من زمان لكن لما لقيتك مالاكش غرض ما حبيتش نضغط عليك , لكن دلوقتي حجتك ايه بقى !!! بص يا سامي , احنا  هنتوكل على الله ونشيعولها أم سامح النهاردة تشوف رأيها , قولت ايه يا اخويا ؟

خلاص يا ابراهيم , اللي عايز تعمله اعمله

على بركة الله يا ابو السام , احنا  هنتَصَلوا بيك بالليل ونرسّوك ع البر

**************************

خلف هذه الجدران,هبة عبد العظيم نور

**************************

تررررررررررررررررررررررررررررررن تررررررررررررررررررررررن

ايوة يا ابراهيم

ههه ازيك يا سامي , كويس انك لسة صاحي , احنا قولنا الساعة عدت اتناشر وزمانك نمت

ما بنناموش قبل واحدة , خير يا ابراهيم ؟

أم سامح راحت لام محمود وفتحت معاها الموضوع

وكان ردها ايه ؟

قالت مش هتقول أي رأي قبل ما تشوفك وتتكلم معاك , بكرة بإذن المولى هنستنوك هناك احنا وام سامح , الست مستنيانا بعد العشا ان شاء الله

ان شاء الله

**************************

خلف هذه الجدران,هبة عبد العظيم نور

**************************

احنا  عايزين دلوقتي نعرفوا ردك على طلبي يا ام محمود

قبل ما نردوا احنا  كان عندنا سؤال يا استاذ سامي

تحت أمرك

أنا  كنت سَمَعت من أم سامح قبل كدة انك ما اتجوزتش عشان مستني طليقتك اللي غايبة من سنين يامَا ومش عايز تتجوز غيرها , هي ما رَجَعتش ؟

....رَجَعت

اومال ما اتجوزتهاش ليه ؟

النصيب يا ام محمود , النصيب . الست اتجوزت , قلنا احنا  كمان نشوفوا حالنا . قلتي ايه ؟ موافقة ؟

موافقة على شرط

شرط ايه يا ام محمود ؟

انت عارف اني بنربي عيلين يتامى , وابوهم سابلهم مال

حد الله بيني وبين مال اليتامى يا ام محمود

احنا عارفين الكلام ده كويس , انت بقالك يامَا بتاجرلي في مالي ومال العيلين والمال  ماشاء الله زاد على ايدك . احنا ما نقصدوش كدة , احنا نقصدوا ان عيالي مش هيبقوا عالة  عليك ولا هتصرف عليهم جنيي من مالك , أنا كل اللي طالباه انك تعاملهم بحنية وتعوضهم عن ابوهم , عيالي غالين عليا قوي , وما كنتش ناوية نتجوز , لكن الحاج ابراهيم ومراته زنوا عليا يامَا في موضوع الجواز . دايما يقولولي انت صغيرة ومحتاجة راجل يحميكي وياخد عيالك في حضنه يا ام محمود , ولولا انّي نعرف انك راجل طيب وبتصلي وتعرف ربنا  وما شوفتش منك حاجة وحشة ما كنتش وافقت ابداً , فما تخلنيش نندم في يوم من الأيام بالله عليك

ما تخافيش يا أم محمود , عمرك ما هتندمي ان شاء الله . نحددوا معاد كتب الكتاب بقى مع ابراهيم هلال ؟

لا , احنا بس بنطلبوا منك نأجلوا كتب الكتاب تلات شهور بس

واشمعنى يا ام محمود ؟

 تكون فرصة يعني  نمهدوا للعيال الجو . مش عايزاهم يتفاجؤوا كدة ويلاقوني اتجوزت بين يوم وليلة

ماشي يا ام محمود , خدي وقتك وانا مستني يا بنت الناس

الله يكرمك يا استاذ سامي , واهي برضو فرصة عشان تفاتح بنتك وتعرفّها

عندك حق يا ام محمود ممم يا ترى نورهان هتعمل ايه لما نقولولها !!!

**************************

خلف هذه الجدران,هبة عبد العظيم نور

**************************

 تن تن نورهان , انتِ صاحية يا حبيبتي ؟

اتفضل يا بابااااا

ههه القمر سهران بيذاكر  يعني !

ماجاليش نوم , قلت نقوم نذاكر

جدعة , ربنا ينجحك  مممم اني ....... اني كنت عايز نتكلم معاكِ في موضوع كدة

اتفضل يا بابا

بصراحة كدة اني لقيت بنت الحلال وهنتجوز ان شاء الله , اوعي تزعلي نفسككككك

هههههههه بجد يا باباااااااا ! الله , خبر يفرح قوووي

اييييييه ! انتِ فرحانة بصحيح ؟

ايوة طبعااااااً , انا متضايقة عشان انت وحيد ومش عندك حد يهتم بيك يا بابا

ههه لا حنينة يا بت , كنت فاكرك هتتضايقي لما نجيبولك مرات أب

ابداً يا بابا ده حقك , بس هي مين دي ؟

واحدة قريبة ابراهيم هلال , تبقى بنت خالته لَزَم , أرملة ومعاها عيلين , اهو نكسبوا ثواب ونساعدوها في تربيتهم , مع ان المثل بيقول يا مربي في غير ولدك يا باني في غير ملكك هههه

لا طبعاً , المثل ده مش مظبوط , ماهي ماما بدور ربتني اهيه , ومع ذلك انا بحبها اكتر من ماما , عشان كانت حنينة عليا وعمرها ما زعلتني ولا اهملتني ولا اتجاهلت مشاعري

ايّوووه دانتِ شايلة من امك يامَا يا بت

.......... برضو مهما كان هي ماما وانا بحبها . انا بس عايزة نقول ان ماحدش بينسى القلب اللي حن عليه حتى لو كان مش من دمه

على رأيك يا بنتي , على العموم احنا قلنا نبلغوكي عشان ما تتفاجئيش , احنا لسة حتى ما قلناش لجدك

وهتتجوز امتى يا بابا ؟

لا لسة , بعد تلات شهور إن شاء الله

ههه ماشي يا بابا , مبروك يا حبيبي اموووه

الله يبارك فيكِ يا بت , عقبال ما نفرحوا بيكِ ونطمنوا عليكِ يا حبيبتي

**************************

خلف هذه الجدران,هبة عبد العظيم نور

**************************

أمييييييي

ايوة يا وجدي

عندك لمون في التلاجة ؟

ليه يا ولا ؟

عايز نعمل كوباية لابويا , نَزَلت لقيته نايم تعبان عنده دور برد جامد

مممم اتاريه ما فتحش الورشة النهاردة

عندك لمون يعني ولا ننزلوا نشتروااااا

عندي , انزل انت خليك جنبه واحنا هنحصلوك باللمون

ماشي يا امّا

**************************

خلف هذه الجدران,هبة عبد العظيم نور

**************************

عامل ايه دلوقتي يا ابويا ؟

زي ما اني يا ابني , عضمي مدشدش وحاسس بسخونية

معلش , هي انفلونزا كدة , اني شوية كدة لما الصيدليات تفتح هننزلوا نجيبولك حاجة للبرد ده

ربنا يخليك يا وجدي اااااه

تررررررررررررررررررررررررررررن

طب لحظة هنجيبوا اللمون من امي

امك ! ااااه

**************************

خلف هذه الجدران,هبة عبد العظيم نور

**************************

خد يا وجدي اللمون

متشكرين يا امّا ههه

ابوك عامل ايه دلوقتي ؟

لسة تعبان , دور برد شديد اوي

ممم طب اني هنطلعوا نسلقوله فرخة ونحطوله على شربتها لمون

ههه يا سلام على حنيتك يا امّاااا

اني بنعلموا لوجه الله رغم ان ابوك ما يستاهلشششش

طب اطلعي اعمليها بسرعة الله يخليكِ

ابقى اطلع خدها يا ولا

ماشي يا امّا

**************************

خلف هذه الجدران,هبة عبد العظيم نور

**************************

اتفضل اللمون يا ابويا , شوية لمون بقى ربنا يجعل فيهم الشفا ههه

امك اللي عملته ؟

ايوة

كتر خيرها والله

طب سمي الله واشرب

بسم الله الرحمن الرحيم

**************************

خلف هذه الجدران,هبة عبد العظيم نور

**************************

 اتفضل الغدا يا ابويا

ايه ده ! عملته امتى ده ؟

اني ما عمَلتش حاجة , امي اللي عملته واني طَلَعت جبته منها . فرخة مسلوقة وشوية شوربة بلمون

وليه بس كدة تتعب نفسها !!!

تعبك راحة ههه يلا قوم كل عشان تاخد الدوا اللي نَزَلت جبتهولك من الصيدلية  , اني هنقطعولك الفرخة

ربنا يكرمك يا وجدي يا ابني , ابقى خد مفتاح الورشة اديه للولا سيد , قوله ياخد باله من الورشة على ما نخف

حاضر يا ابويا

**************************

خلف هذه الجدران,هبة عبد العظيم نور

**************************

حمدالله ع السلامة يا اسطى سلامة ههه

الله يسلمك يا ولا يا سيد , الشغل عامل ايه يا ولا ؟

 الشغل ماشي زي الفل , نجيبولك شي ؟

شوية كدة يا ولا ........ دي ام وجدي راجعة من السوق , طب يا ولا يا سيد , اني هنطلعوا نجيبوا حاجة نسيتها فوق وننزلوا على طول

ماشي يا اسطى سلامة

**************************

خلف هذه الجدران,هبة عبد العظيم نور

**************************

ام وجددددي

اسطى سلامة !!! يا نعم

اني كنت عايز نشكرك يعني على الأكل اللي عملتهولي واني عيان

لا شكر على واجب يا اسطى

طول عمرك طيبة وقلبك كبير يا ابتسام

اسطى سلاااااامة اوعى تنطق اسمي تاني مرة على لساااانك واوعى تفتَكَر اني عَمَلت كدة عشان خاطرك , اني نوجّبوا مع أي جار حتى لو يهووووودي

هه مقبولة منك يا ام وجدي , لا مؤاخذة عطلتك , اني راجع الورشة , سلام

اوووف الراجل انصاب في نفوخه , فاكرني عملتله الأكل عشان باقية ع الود القديم , كان زمان وجَبَر يا سلااااامة

**************************

خلف هذه الجدران,هبة عبد العظيم نور

**************************

ولا يا حموووو

نعمين يا أستاذ سااااااامي

لمّع الفاتراين اللي تأرف الكلب ددددي

وربنا ملمّعهم الصبح بإيديا دووول

يا عم بلا لمّعتهم انت كماااااااان , شوف الإزاز ملطّش ازاي زي ما يكون بقاله عشرين سنة ما اتلمعشششش

من عنيا يا أستاذ سامي , هنلمّعوه تاني

ازيك يا عم حمو

أهلاً بالمزمازيه نورهان

اسمها مودمازيل يا عم حمو مش مزمازيه هههه

خلاص , هنقولولك يا ابلة احسن من وجع القلب وعوجة اللسان الخوجاتي , , ابوكِ جوا ادخليله , الأبلة نورهان جت يا أستاذ سااااامي

نورهان !!

**

ازيك يا بابا

أهلاً يا حبيبتي , ايه اللي جابك ؟

زَهَقت قلت نيجوا نقعدوا معاك شوية

ما اتصلتيش ليه قبل ما تيجي ؟

اتصلت بس انت كنسلت عليا

كنت بنراجعوا شوية حسابات , شدي الكرسي ده واقعدي

ممم انتو عندكو زباين يامَا يا بابا , كل دول جايين يشتروا قماش !!

ايه يا بت ! انتِ جاية تحسدي ابوكِ ! قولي ماشاء الله للمحل يولّع

هههه ماشاء الله لا قوة إلا بالله

تشربي ايه ؟

عايزة حاجة ساقعة

ولا يا حموووووو

ايوة يا استاذ ساااااااامي

هات حاجة ساقعة لنورهان

ايّووووه نلمّعوا الإزاز ونروحوا

روح هات الحاجة الساقعة وارجع كمّل تلميع

حاضررر

ايه رأيك في الديكورات الجديددة يا نورهان ؟

حلوة يا بابا , بس متهيألي لو  السيراميك كان على بني غامق كان هيبقى أحلى من كدة بيامَا

يا شيخة اتلهي , ايش فهّمك انتِ في الديكورات !! ال غامق ال , هي الدنيا ناقصة غمقان ولا احنا ناقصين كآبة !!!

ههه خلاص يا بابا حلو

**************************

خلف هذه الجدران,هبة عبد العظيم نور

**************************

السلام عليكم , ازيك يا عم أمين

أهلااااً عليكم السلام يا أستاذ طارق , نورت محل ابوك

ده نورك يا عم أمين .. اومال بابا فين ؟

الأستاذ إبراهيم في الدور الفوقاني

طب عن اذنك هنطلعوله .... ازيك يا عم ابو حسن

أهلاً يا أستاذ طارق , الله يسلمك

**************************

خلف هذه الجدران,هبة عبد العظيم نور

**************************

بابااااا , ازيك يا زعيم

اهلاً يا طارق , ازيك انت يا حبيبي واخبار شغلك ايه ؟

كله تمام الحمدلله

عَرَفت منين ان احنا في فرع الأنفوشي ؟

سألت ولاد الحلال دلّوني عليك هههه

ههههه اقعد يا حبيبي , واقف ليه !

متشكر يا بابا

ايه أسباب الزيارة السعيدة ؟

الست الوالدة هي اللي مشيعاني عشان ناخدوا منك تمن الخروف اللي هتشتريه

خروف بحااااله !!!

ههه ما انت عارفها تحب اللحمة الضاني

طب يعني هي مش قادرة تصبر لحد ما نعدوا عليها بعد بكرة في ليلتها وندوها تمن الخروف !!

معلش , أصل جوز خالتي هيشيع الخروف بكرة ولازم ندوّا الناس فلوسها

وهي امك يعني افتقرت ومش لاقية تمن حتة خروف في دولابها اللي مليان فلوس وصيييييغة !!!

ههه ما انت عارف يا زعيم ان الستات ما بيحبوش يكلفوا نفسهم

اووووف عايزين كام يا اخويا ؟

الف وخمسوميت جنيي

وانت ما دفعتهومش ليه يا ولا وبعدين حاسبتني ؟

لا يا زعيم , دي حسابات بينك وبين امي , نخاف ندفع ما يتردوليش ويضيعوا هَدَر هههه

 واعي زي المحروسة امك , خد  يا سيدي , خلي امك تاكل لحمة ضاني وتتخن على تخنهاااااا

ههه ايه يا بابا ! شايل ماما فوق دماغك وزاعق ليه !!

انا نشيل امك فوق دماغي ! هو انا نقدر يا ابني !!! دي كانت دماغي اتفلقت نصين ههههه

ههههه ماشي يا بابا , يلا سلام بقى عشان ورايا حاجات يامَا

استنى يا ولا , قبل ما تمشي عدي على عمك سامي مرشدي وقوله هات تلات تلاف جنيي من حساب ام محمود عشان عايزاهم ضروري , أصلها هتشيّع اختها تاخدهم مني كمان شوية

حاضر يا زعيم , ثواني ونرجعولك

**************************

خلف هذه الجدران,هبة عبد العظيم نور

**************************

السلام عليكم يا عم سامي

أهلاً , عليكم السلام يا سامح , عاش من شافك , بقالي يامَا ما شوفتكش

معلش بقى , الشغل واخد كل وقتي

وشغلك ماشي تمام ؟

تمام الحمدلله , بابا كان مشيعني عشان ناخدوا تلات تلاف جنيي من حساب ام محمود , عايزاهم عشان تقضي بيهم شوية مصالح

وماله ... نورهان , عِدّي تلات تلاف جنيي من الدرج اللي يمّتك دي وهاتيهم

حاضر

اقعد يا سامح على ما نعدوا الفلوس

لا معلش , مستعجل يا عم سامي

التلات تلاف جنيي أهم

عدتيهم كويس ؟

ايوة

هاتي يا بنتي ... خد عدهم تاني يا سامح

ماشي يا عم سامي ...................................... مظبوطين  يا عم سامي

طب تمام

نستأذن أنا بقى

يا ابني اقعد اشرب حاااااااجة , ما يصحش كدة

معلش , مرة تانية يا عم سامي , مممم بعد اذنك يا أنسة

اتفضل

**************************

خلف هذه الجدران,هبة عبد العظيم نور

**************************

باباااااا جبتلك الفلوس , اتفضل يا زعيم

شكراً يا سامح , بالسلامة انت بقى

هي مين يا بابا البنت اللي عند عم سامي دي ؟

دي نورهان بنته

بنته ! هو عم سامي عنده بنت حلوة كدة !!

هههههه جرا ايه يا ولا ! عينك زاغت ع البت ولا ايه ؟

أصلها حلوة أوي يا بابا

هههههه طالع نمس زي ابوك , مش أي ست تملا عيني , الاربعة اللي اتجوزتهم نقتهم فرزة أولى هههههه

هههههههه بنتعلم منك يا زعيم مممم لكن هي كانت فين يا بابا ؟

كانت عايشة مع امها ..... البت دخلت دماغك يا ولا ؟

بصراحة أه

خلاص , طالما عجبتك نخطبوهالك

ياريت يا بابا

ماشي , النهاردة بعد صلاة العشا نعدوا على عمك سامي في المحل نكلموه

**************************

خلف هذه الجدران,هبة عبد العظيم نور

**************************

نورهاااااااااان

اتفضل  يا بابا

كويس انك لسة صاحية عشان عايز نتكلم معاكِ في موضوع مهم

موضوع ايه يا بابا ؟

شوفتي الجدع اللي عدا علينا النهاردة ؟

مين ده ؟

الولا ابن ابراهيم هلال . اللي جَه خد تلات تلاف جنيي ومَشَى

ماله ده يعني ؟

ده بقى يبقى سامح ابن عمك ابراهيم هلال , مهندس كمبيوتر , ابوه فتحله شركة خاصة بيه لوحده , ده غير شقة في لوران في برج من بتوعهم وبتبص ع البحر دوغري , أبوه هيشتريله احسن فرش , هيشيع يجيبه من بلاد برا , اصل الولا سامح ده حبيب أبوه , البكري بتاعه بقى وأول فرحته , ولو طلب عين من عنين ابوه هيديهاله

ممم طيب كويس , لكن احنا دخلنا ايه بقى !!!

دخلنا ايه ازاي ! الولا عايز يخطبك , ابوه جه كلمني بعد صلاة العشا وبيقول احنا مستعدين لطلباتها من جنيي لمليون جنيي , والشبكة اللي هي تشاور عليها هنجيبوها , قلتي ايه يا بت ؟

بابا أنا قلتلك قبل كدة مش عايزة نتجوز , مش عايزززززة

ايّووووووووه جرا ايه يا نورهان !! يعني ولا عاجبك محمد ابن عمتك كاميليا ولا عاجبك سامح ابن ابراهيم هلال , اومال عايزة احسن من دول ميييين  !!!

أنا مش عايزة حد ... أنا كَرَهت الرجالة

هههههه كَرَهتي الرجالة ! يا بنتي دي كلمة ما تقولهاش غير واحدة اتجوزت خمس ست مرات وجوازاتها باظت ... لكن عيلة زيك تقول كدة ليه !!!

بابا ... أنا قلتلك على قراري . وكمان أنا عايزة نكمل تعليمي , أنا لسة قدامي سنة ثانوي واربعة جامعة

خمس سنين يا نورهااااااان !!! يا بنتي دول على ما تخلصيهم تكون سنانك وَقَعت

هههه ليه يعني يا بابا ! ده انا يادوب وقتها يكون عندي واحد وعشرين سنة ان شاء الله

ربنا يديكِ الصحة والعمر يختي ... على راحتك يا نورهان ... انتِ حرة في حياتك

**************************

خلف هذه الجدران,هبة عبد العظيم نور

**************************

ده الأستاذ وجدي جَه يا اسطى سلامة , ازيك يا أستاذ وجدددي

ازيك يا ولا يا سيد , عامل ايه يا ابويا ؟

اديني عايش

الله ! مالك ؟

وجدي ........ اني عايز نرجّع امك لعصمتي

امي !

ايه ! غريبة ؟

لا غريبة ولا حاجة , بالعكس اني نتمنى انكو ترجعوا لبعض

طب ما تحاول تقنعها يا ولا  , بصراحة العيشة من غير ست عيشة مُرة , واني يلزمني اللي ياخد بحسي ويشاركني عيشتي , انت مسيرك هتتجوز يا ابني , واني بصراحة ما نقدروش ع الوحدة اكتر من كدة

هه خلاص , هنكلموها

**************************

خلف هذه الجدران,هبة عبد العظيم نور

**************************

ايه اللي بتقوله ده يا وجددددددي ! نرجعوا لابوك ده اييييييه !!! سامعة يا بداااااااارة !!! الولا وجدي اتجنن

لا اتجنن ولا حاجة يا ابتسام , وماله لما ترجعي للاسطى سلامة

ايّووووووووه بعد اللي عمله يا بدااااااارة !!!

هو كان عمل ايه !!! انتِ اللي غَلَطتي وخرجتي عن طوعه يا ابتسام

يقوم يطلقني ويسيبني نتسَجَن ويروح يتجوز اللي سَجَنتني يا بداااااارة !!! لااااااا لحد كدة وكفاية , قول لابوك يا وجدي المية  اللي تتعكر ما بتصفاش تااااااااااني

لكن النفوس بتصفى يا امّا , وعلى رأي خالتي بدارة , انتِ غَلَطتي باللي عملتيه واستفزيتي ابويا وعشان كدة طلقك

طب خلاااااااص اهو طلقني وارتااااااااااح , عايز مني ايه تااااااااني !

ههه عايز يردك يا امّا بعد ما كَبَرتي وعقلتي

 يعني اني كنت مجنووووونة ! طب وربنا لنحدفوك بالمقششششة

اااااااااه هههه ليه بس كدة يا امّاااااا

شايفة قلة الادب بتاعة الولا يا بداااااارة !

ههه بيهزر معاكي يا ابتسام , الولا عايز مصلحتك

واني ايه مصلحتي في اني نرجعوا لسلامة بعد اللي عمممممله !

يا ابتسام ده الاسطى سلامة طيب وكان شايلك على دماغه من فوق , غيرش زن البت اللي ما تتسماش ألطاف على ودانك ماكانش جرا اللي جرا , يمكن لو كنتي راضية بعيشتك يا ابتسام وعايشة مع جوزك تحت سقف واحد بتربوا الولا كنا لقينا جنبنا راجل يحمينا من اخو اوسا وعصابته اللي استضعفونا عشان ما معناش راجل وقتها

لا كان هيعمل ولا يسوي , كان سابنا وادانا ضهره زي ما عمل في حكايتي مع الحرباية ألطااااف

طب دلوقتي اني اتجوزت وعايشة في بيتي وبنيجو هنا زيارة  , ووجدي مسيره يلاقي بنت الحلال ويتجوز . هتعيشوا ازاي بقى انتِ وسلامة لوحدكو في بيت واحد !

يبقى يشوفله سُكنة تانية بعيد عن هناااا , الشقق اللي عايزة تتأجر يامَااااا , يمشي ويسيبنا في حالنااااا

أمي , لو قلتلك ان اني عايزك ترجعي لابويا هيكون ردك ايه ؟

لاااااا لا يا وجدي , ابوك اتخلى عني في عز ما اني محتاجاااااله , واللي يديني ضهره في عز ازمتي يبقى ما يلزمنيش لما الأزمة تعدي

طب بنقولوك ايه , احنا هنجيبوا ابويا يتفاهم معاكِ جايز يكون عنده كلام عايز يقوله, واحنا ما نقدروش نتكلموا بالنيابة عنه

اوووووف ماشي يا وجدي , ابقى حدد معاه معاد وبلغني , اني داخلة نعملوا شيّ , تشربوا معايا ؟

اعملي يا امّا

ولا يا وجدي  , امك لها مزاج ترجع لابوك بس بتتقل حبتين هههه

وعَرَفتي منين يا خالتي ؟

هو في واحدة مش عايزة واحد وتوافق تقعد معاه عشان يكلمها ويقنعها ! ههه

ههه طب يبقى كدة بشرة خير

**************************

خلف هذه الجدران,هبة عبد العظيم نور

**************************

منور يا ابويا , اشرب الشيّ

.......... ازيك يا ام وجدي

ان شالله تسلم , خير , مشرفنا ليه ؟

هه جاي نقولوا كفاية بُعد بقى يا ام وجدي , كفاية السنين اللي داست علينا في سكتها , عايزين ننسوا وجعها وجراحها

وجعها وجراحها ! ههه وانت شوفت وجع ولا جرح يا سلااااامة !!! اني اللي شوفت الويل اني والولاااااا , اختي اتبهدلت على ايد ناس ظلمة ما يعرفوش ربنا وامي ماتت وما لقيناش راجل يحمينااااااا , خرجنا من بيتنا مذلولين واتبهدلنا في السككككككك , اشتغلنا وشقينا وتعبنا عشان نحافظوا على شرفنا وما نمدوش ايدينا لحدددد . ساعتها بقى كنت انت متهني ومتبغدد في فرشتك ولا أمير ابن أمرااا , بس اللي مصبرني ومبرد ناري ان ربنا انتقم منككككككك وحتة الازازة اللي فضلتها عليا دبحتك وسيحت دمككك , واديك اتعلمت الفرق بين الجوهرة وحتة الإزازززز

اوعي تفتكري يا ام وجدي اني ندمان اني طلقتك , لا , عمري ما نَدَمت ولا حسيت بلحظة ندم واحدة , لإن انتِ اللي خلتيني نعملوا كدة , اني في يوم حذرتك انك ما تعمليش حاجة من ورايا , وقلتلك لو جَه يوم واكتشفت انك بتغشيني يبقى مافيش غير الطلاق , يعني الطلاق كان رد على اللي عملتيه

ولما انت مش ندمان وشايفني شيطانة وخَلَصت مني , ايه اللي مرجعك لحد عتبتي تاني وتقولي ارجعيلي يا ام وجدددددي !!!

عشان أكيد بعد السنين دي كلها اتغيرتي يا ابتسام , زي ما اني كمان اتغيرت واتعلمت يامَا من الزمان , الحاجة الوحيدة اللي اني غَلَطت فيها اني اتجوزت ألطاف , واديني دفعت تمن غلطتي . دلوقتي خلاص يا ام وجدي , اني عَرَفت غلطتي وانتِ اكيد عَرَفتي غلطتك , وبدل ما نقضوا حياتنا كل واحد في سكة نتجمعوا تحت سقف واحد احسن , ومش هنغصبوكِ على حاجة , لو مش عايزة يبقى نفضوها سيرة ونشوفوا سكة تانية , قلتي ايه يا ام وجدي ؟؟؟

.................... موافقة يا سلامة

ههه على خيرة الله يا ابتسام

ابويااااا ههههه الف مبرووووووك

الله يبارك فيك يا وجدي يا ابني , عقبالك هه

الله يخليك , مبروك يا امّاااااا هههه

الله يبارك فيك يا ولا

**************************

خلف هذه الجدران,هبة عبد العظيم نور

**************************

هههه بس إلا يا ابويا الكلام اللي قلته لامي , حسيستها ان رجوعها مش فارق معاك من أساسه

حسيت انها هتبيع وتشتري فيا , حبيت نعرفوها اني ما رَجعتش نادم ولا مرمي على عتبتها , امك كمان غَلَطت وكانت السبب في فراقنا , وكان لازم تعرف اني عايز نرجعلها بعد ما  الأيام علمتنا حاجات يامَا وخدنا درس من قسوة الدنيا , لكن امك كانت عايزة تذلني , واني مش هنتذل لحرمة

ههه ماهي لما حست انها مش فارقة معاك وانك لو سيبتها هتشوف غيرها وهتفضل هي لوحدها راحت لامة الدور ووافقت , مبروك يا ابويا ههه

ههه الله يبارك فيك يا ولا عقبااااااالك

**************************

خلف هذه الجدران,هبة عبد العظيم نور

**************************

انت رَجَعت يا وجدي !

ايوة , كنتي هتكلمي حد ولا ايه ؟

هنكلموا خالتك بدارة نفرحوها يا ولا ههه

ههههههههه دانتِ فرحانة يامَا بقى يا امّا

فرحانة لابوك ان ربنا عوض صبره خير ورَضينا نرجعوله بعد كل اللي عمله يا ولا

ههه عندك حق يا امّا , اتصلي بخالتي بدارة فرحيها , اني هندخل نغير هدومي وننزلوا

رايح فين يا ولا ؟

رايح للأستاذ احمد نسألوا عليه

واجب يا أبو الواجب ههه

**************************

خلف هذه الجدران,هبة عبد العظيم نور

**************************

ترررررررررررررررررررن

ايوة يا بت يا ابتسام

ازيك يا بدارة وحشاني

طمنيني عملتي اييييييه ؟

خلاص , هنرجعوا لسلامة

ههههه الف مبروك يا بت , غيرتي رأيك يعني

اسكتي يا بدارة ده الراجل كبسني كبسة وحشة قوي

ايه اللي حصل يا بت ؟

ال ايه يختي كنت فاكراه جاي يبوس الأيادي ويتحايل عليا ويقولي سامحيني يا ابتسام واني بقى نتشرّطوا عليه ونعملوا لروحي مقام , راح يختي لما لقاني بنتكلموا معاه بقلة استعنا عشان نحسسوه اني شايلة منه واني مش هنرضى نرجع إلا لو اتذللي راح قايلي عايزة ترجعي ارجعي مش عايزة ترجعي الحريم يامَا

هههههههههههههههههه يا عيني يختي

ايوة يختي اضحكي , كنت فاكراه جاي يتذلل زي سامي مرشدي ما اتذللك , لكن ما حصلش

ايّوووووه ما تجبيش سيرة الجدع ده تاني بالله عليكِ

يا بت ما نقصدووووش

طب خلاص , على العموم الف مبروك يختي , هتكتبوا امتى ؟

يوم الجمعة ان شاء الله , ابقى تعالي بدري

من النجمة هنكونوا عندك يا بت ان شاء الله هههه مبروك يا عروسة , اتغندري وشوفي روحك بقى

هههه جاتك ايه يا بدارة ضحكتيني

**************************

خلف هذه الجدران,هبة عبد العظيم نور

**************************

حمدالله ع السلامة يا أدهم باشا , نورت مكتبك

الله يسلمك يا رياض , هو جمال باشا أبو السعد ما سألش عليا وانا مسافر ؟

لأ

لأ ! ..أصل انا اتصلت كذا مرة على أرقامه كلها لكن لقيتها مرفوعة من الخدمة , قلت جايز غيرها وسابلي الأرقام الجديدة معاك

لا والله ما حصلش يا أدهم باشا , ولا شوفناه من ساعة آخر مرة كان هنا

طيب يا رياض ..خلي الساعي يعملي فنجان قهوة سادة

سادة ليه بس يا باشا ! طول عمرك بتشربها مظبوط

أيّوووووووه , أنت هتشاركني في مزاجي يا رياااااااض !!

آسف يا باشا , هنعملوا اللي أمرت بيه , بالإذن

أوووف نتصلوا بناصر نقولوله إنّي رَجَعت عشان يجيبلي الرجالة ويجي

**************************

خلف هذه الجدران,هبة عبد العظيم نور

**************************

حمدالله ع السلامة يا باشااااااا

الله يسلمك يا ناصر

وحشتنا يا كبيرنااااا

الله يخليك يا خميس

طولت الغيبة علينا وكنا عاملين زي اليتامى من غيرك وربنا المعبود يا باشاااا

تُشكر يا سامبو ..أديني رَجَعت يا سيدي ..أنا كنت عايزك يا ناصر أنت والرجالة تيجوا معايا مشوار كدة لحد فيلا جمال ابو السعد

في حاجة يا باشا ؟

لحد دلوقتي مافيش , لكن مش عارف ليه حاسس انه بيتهرب مني

يتهرب منك ليه ! هو يطول يعرفك ! سيبك منه يا أدهم باشا

نسيبني منه ده اييييييه ! دانا مديله فلوس يامَااااااا , دا واخد مني خمسة مليون جنيي من غير ما ناخدوا عليه ورق يثبت حقيييي

أيّووووووه ! خمسة مليون جنييي ! وحد يعمل كدة يا أدهم  باشا ! دانت طول عمر دماغك توزن دهب وما حدش يقدر ينصب عليك في جنييييي

نااااااصر , الزم حدووودك , ما اتخلقش اللي ينصب على أدهم سليمممممم..أنا لسة مش متأكد من نيته , عشان كدة هناخدوك انت والرجالة ونرحوله , اداني الفلوس بالأدب والاحترام نبقوا حبايب , لو لاوع وحاول يتهرب مني يبقى هو الجاني على نفسسسسسسه

ما تخافش يا باشا , اومال احنا معاك بنعملوا ايه ! لو كان نيته نصب يبقى مش هيطلع عليه صبح , مش كدة يا رجاااااااالة ؟

أيوة يا ناااااصر , احنا نفدوا الباشا برقبتناااااا

**************************

خلف هذه الجدران,هبة عبد العظيم نور

**************************

وقف هنا يا سامبو , دي بوابة الفيلا بتاعة جمال أبو السعد

حاضر يا باشا

انزلوا يا رجالة , روح يا خميس رن الجرس عشان البواب يفتح

أمرك يا باشا ..ايه ده , الفيلا عليها اقفال يا باشا

عليها اقفال يعني ايييييه ! يعني مش موجووود !!! أيّوووووووه , وبعدين , وبعدددددين

طب هو مالوش متوى تاني غير هنا يا باشا ؟

له فيلا محدوفة على أطراف اسكندرية , لكن ايه اللي هيوديه هناك ! ده كذا مرة يقولي انه بيفكر يبيعها عشان مش داخلة مزاجه .. وجايز يكون باعها

طب نروحوا يا باشا ونشوفوا ايه الحكاية

ماشي , اطلع بينا يا سامبو

**************************

خلف هذه الجدران,هبة عبد العظيم نور

**************************

يلا يا جمال باشاااااا , معاد الطيارة قررررب

جاي اهو يا سمير

****

وقف هنا يا سامبو , باين عليه جوااا, الحرس بتوعه واقف جنب البوابة

حاضر يا باشا , هنركنوا على جنب .......اتفضل يا باشا

تعالوا ورايااااااا

أمرك يا باشااااا

عايزين نقابلوا جمال أبو السعد

عندك معاد مع الباشا ؟

هو انت ما تعرفنيش !

مش واخد بالي

بس اللي مشغلك أكيد هياخد بااااااااله , ادخل قول لجمال باشا , أدهم باشا سليم مستني برا هو ورجالته وعايزين يدخلولك

هنتصل بالباشا ونشوف ........ ألو أيوة يا باشا , أدهم باشا سليم ورجالته عايزين يقابلوك

أدهم سليم !!أوووف خليه يدخل وخليك على اشارة

أمر جنابك , أتفضل ادخل يا أدهم باشا

تعالوا ورايا يا رجالة

أمرك يا كبيرنا

**************************

خلف هذه الجدران,هبة عبد العظيم نور

**************************

مساء الخير يا جمال باشا

أهلاً يا أدهم باشا

ايه الشنط دي ! أنت مسافر ؟

هه يعني , سفرية صغيرة كدة مش هنغيبوا فيها يامَا

بس متهيألي أنك ناوي تغيب يامَا , بدليل الأقفال اللي على فيلا كفر عبده , ده غير أرقامك اللي اتغيرت

ههه هنوحشوك ولا ايه !

أه طبعاً اومال , تروح وتيجي بالسلامة , بس انا جيت ناخدوا الخمسة مليون جنيي

خمسة مليون جنيي بتوع ايه دول ! مش فاكر

اييييييييه !!! بنقولولك ايه يا جمال يا ابو السعددددد , الهزار مش في الحاجات دي

يا سيدي وانا مش فاضي نهزر معااااك , معاد طيارتي كمان ساعة ونص ولازم نمشوا حالاااااً

سافر زي ما انت عايز , المهم ناخدوا فلوووسي

وان قلتلك مالاكش حاجة عندي يا أدهم يا سليم ..هتعمل ايه ؟

تبقى انت الجاني على نفسككككك , طلعوا السلاح يا رجاااااااالة

أمرك يا باشااااااااا

بتهددني برجالتك يا أدهم يا سليم ! طب هنشوفو رجالة مين اللي هتغلب , يا رجااااااالة

أمرك يا جمال باشااااااااا

ايه ده يا أدهم باشا ! كل دول رجالته ! دول يامَا قوووي

ههه رجالتك اتفجعوا يا أدهم يا سليم ورَجَعوا لورا وشكلهم كدة هيبيعوك..ها ؟ تبيعوه بكام يا رجالة وتشتروا عمركو ؟

نبيعوه بللي تأمر بيه يا جمال باشا , أنا وسامبو وخميس مستعدين نكونوا من رجالتكككك

أه يا كلااااااااااب , بتبيعوني لعدووووي !!!

لا مؤاخذة يا أدهم باشا , العمر مش بعزقة ..احنا من رجالتك يا جمال باشاااا

وانا ما يلزمنيش رجالة أندددددددال , حفناووووي , خلصوا على ادهم سليم ورجالته بمسدسات كاتمة للصوت  وارموهم في أي صحرا بعيد عن فيلتي ,  أنا ماشي , لازم نلحقوا معاد الطيارة , سلام يا ...أدهم باشا ههههه

أدهم باشا , هيموتونا يا أدهم باشااااااا , بيوجهوا سلاحهم يمتنااااااا , لاااااااااااااااااااااااااا

**************************

خلف هذه الجدران,هبة عبد العظيم نور

**************************

صباح الخير يا ست سعاد

يسعد صباحك يا شوقية

نحضرولك الفطار ؟

لا يا شوقية , مالناش نفس للأكل , اعمليلي فنجان قهوة

قهوة ع الريق كدة ! طب كلي لقمة الأول وبعدين نعملوهالك

توء , اعملي اللي بنقولولك عليه يا شوقية , صاحية مزاجي مش رايق مش عارفة ليه !

 ربنا يروقلك مزاجك يا عسل ,حاضر يا ست سعاد هنعملوهالك

ترررررررررررررررررررن تررررررررررررررن

طب نردوا ع التليفون وبعدين نعملولك القهوة

ترررررررررررررررررررررررررررررن

لا روحي انتِ , احنا اللي هنرد ..ألو

أيوة ,من فضلك  هنا منزل السيد عادل سليم ؟

أيوة هنا , خير ؟

عندكو ابن اسمه أدهم ؟

ايوة ابنيييي في اييييييييه ؟

ابن حضرتك تم العثور عليه مصاب بطلقات نارية وحالته خطيرة جداً للأسف

ابنييييي , هو فييييييين ؟

في المستشفى عندنا

اديني العنوان بسررررعة

**************************

خلف هذه الجدران,هبة عبد العظيم نور

**************************

اهئ اهئئئئئ يا حبيبي يا ابني أدهمممممممممممم

في ايه يا ست سعاااااااااااد

أدهم يا شوقية اهئئئئئئئئ اهئئئئئئ أدهم ضربوه بالنااااااار

يا مصيبتيييييي , ومين ابن الحرام اللي عمل فيه كدددددددة ؟

ما نعرفوش حاجة , التليفون اللي جَه كان من المستشفى وبلغوني آآآآه صدري , مش قادرة ناخدوا نفسي يا شوقية الحقيني

اهئ اهئئئئ اسم الله عليكِ يختي , خدي اشربي شوية مية اهئ اهئئئئئئئ

آآآآه ابني يا شوقية , أدهم يا شوقية , هنتصلوا باحمد , حضريلي حاجة نلبسوها بسررررررعة

حاضر يا ست سعااااااد , احنا هنروحوا معاااااااكِ

**************************

خلف هذه الجدران,هبة عبد العظيم نور

**************************

أنا نازل يا هيومة , عايزة حاجة يا قمر ؟

تسلملي يا حبيبي ,أول ما توصل المينا كلمني زي كل يوم

طبعاً يا حبيبتي ان شاء الله , بوسيلي الولا خالد لما يصحى

ان شاء الله

تررررررررررررررررررررررررررررررررن ترررررررن

موبايلك بيرن يا احمد

دي امي , خير يا رب , أيوة يا أمي

الحقنا يا احممممد , اخوك أدهم اتضرب بالنااااااار اهئ اهئئئئئئئئ

اييييييييه !! امتى حصل الكلام ده ؟

اتصلوا بينا من المستشفى وقالوا انهم خدوا رقم الفيلا من تليفونه وبيقولوا ان حالته خطيرة اهئ اهئئئئئئئئ

اخوياااااا , ادهممممممم , اديني عنوان المستشفى يا أمييييي

*****

أحمد , ايه اللي حصل يا احمممممد , مستشفى ايه بعد الشر ؟

أدهم اخويا اتضرب بالنار يا هياااااام

يا ستير يا رب , لا حول ولا قوة إلا بالله , ومين اللي عمل فيه كدة ولييييييه ؟

ما نعرفوش حاجة يا هياااااام,أنا لازم نروح المستشفى حالاً

استنى يا احمد , خدني معاااااك

مش هينفع يا هيام , مش هقدروا نستنواااااا

لا حول ولا قوة إلا بالله , يارب سلمه ونجيه يارب اهئ اهئئئئئئ , احنا هنتصلوا بخالد عشان يلحق احمد ع المستشفى

تررررررررررررررن