الحلقة الخامسة والأربعين (ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

****************************************

رايح على فين يا سي ادهممممم داني كنت جاية نشوفوك تشرب ايييييييه

شربتي السم الهاااااااري اوعي من وشييييييي

سم هاري لما يهري بدنك ولا قليل ادب وتربية طيييييين , مسائك فل يا ست سعاد

مساء النور يا شوقية , اعمليلي كوباية شيّ يا بت

على عيني يا ست الككككككل

**************************

خلف هذه الجدران,هبة عبد العظيم نور

**************************

ماماااااا ماما فين يا بتاعة ؟

في اوضتها يا ست اوساااااااا ,تشربي شيّ مع الست سعاد ؟

لا  خلي البت عطا تعملي نيسكافيه , اوعي تعمليه انتِ عشان بتعمليه وحش وزي وشككككككك

خلاص هنخلوها تعملهولك عشان يطلع زي وشك انتتتتتتتِ

قصدك ايه يا ولية انتتتتتتِ

قصدي يطلع حلو ومسمسم يا ست اوسااااااا

طب غوري من وشييييييي

حاضرررر مشش في ركبك انتِ كماااااان حرباية اخت تعبان وامكو حية بتبخ سمممم

**************************

خلف هذه الجدران,هبة عبد العظيم نور

**************************

ماماااااااا

تعالي يا اوسا

الجميل ماله؟

الولا ادهم نكد علياااااا

ادهم ! هو ادهم كان هنا

ايوة , كان هنا ومَشَى

ايّووووووه وماهانش عليه يقول اختي فييييييين ! مش المفروض يسلم عليا يا ماما ويسأل على بنتييييي ! عيني عليها عاملة زي اليتيمة والإسم ليها أب وخيلااااااااااان

بنقولك ايه يا اوساااااا ما تقلبيش دماااااااغي اللي يسأل يسأل واللي ما يسألش عنه ما سأل , يعني هو سؤاله عنك هيحيكِ !!! وبعدين من الأساس هو ما يعرفش انك هنا

اوووووووووف اني نازلة اوضة الانتريه اللي تحت نتفرجوا ع التلفزيون , َزهقت من اوضتي ,وربنا ما بنرتاحوا إلا في شقتي ..هي البت مرات أدهم هتقعد جنب امها وهتسيب ادهم ياكل في نفسه كدة؟

أيّوووووه بتتحَشَري في اللي مالكيش فيه لييييه! اخرجي من الأوضة وسيبيني في حااالي

خلاص يا ماما خلااااااااص خارجة , أنا ما حدش طايقلي كلمة في البيت زي ما نكونوا مش بنتكو ولقيتوني على باب جااااااامع ,وربنا ما قاعدالكو لحد بكرة,هنلبسوا وناخدوا بنتي دلوقتي ونمشوااااا

بالسلامة يختييي,ما شيعنالكيش وقلنالك تعااااااالي, غلطانين اننا مَسَكتا فيكِ وربناااا ,ده ايه قلبة الدماغ دددي

**************************

خلف هذه الجدران,هبة عبد العظيم نور

**************************

عاملة ايه دلوقتي يا سميرة ؟

الحمدلله يا حامد , اتحسنت يامَا عن الأول

الحمدلله , اللهم لك الحمد والشكر

هه خوفت عليا ؟

واني ليا مين غيرك عشان نخافوا عليه يا سميرة !!! طب داني الدنيا كانت سودة في وشي ومش طايق نشوفوا حد ولا نتكلموا مع حد

هه ربنا يخليك ليا يا حامد

ويخليكِ ليا يا سميرة يا غالية

تن تن

باب الاوضة بيخبط يا حامد

تلاقي أمير وجايب معاه ضحى ,هنقوم نفتح

**********************************************

مين ؟

 احمد عادل سليم

 ههه ازيك يا احمد يا ابني

الله يخليك يا عم حامد , السلام عليكم أولا , اتفضل بوكيه الورد

عليكم السلام يا ابني , متشكرين , اتفضل , ده احمد ابن عادل سليم يا أم امير

احمممد هه والله فيك الخير , تعالى يا احمد

الف سلامة عليكِ يا خالتي

الله يسلمك يا ابني

عاملة ايه دلوقتي ؟

الحمدلله بخير , احسن من الأول بياما

اقعد يا احمد يا ابني

متشكر يا عم حامد , انا كنت هاجي امبارح ع البيت بس سَمَعت من ابويا ان خالتي سميرة اتنقلت المستشفى فاخدت العنوان وجيت نزوروها

طول عمرك ما بتقصرش في الواجب يا احمد يا ابني , طالع لابوك وجدك الحاج سليم الله يرحمه

ربنا يخليك يا عم حامد , ده حق خالتي سميرة عليا , طول عمري بنعتبرها أم ليا ونحبها والله

سامعة الكلام الحلو اللي بيقوله عنك احمد يا ام امير ؟ ههه

هه تعيش يا احمد , انت كمان ابني وغلاوتك من غلاوة أمير

ربنا يخليكِ يا خالتي سميرة

 تعيش يا ابني ,ازي هيام يا احمد ؟

هيام بخير الحمدلله وبتسلم عليكِ

الله يسلمها من كل سوء,فَرحنا يامَا وربنا لما سَمَعنا خبر حملها وان ربنا عوض صبركوا خير  ,ربنا يقومها بالسلامة وتجيبلك  الخلف الصالح آمين يارب

يارب إن شاء الله ,متشكر يا خالتي سميرة

تن تن تن امي

ده أمير ابني , لك نصيب تشوفه يا احمد

ادخل يا امير

 تعالي يا ضحى ,السلام عليكم . ايه دددده ههه احمدددددد ازيك يا ابو حميددددد ليك وحشة وربناااااااا بالحضن يا رااااااجل

هههه  ازيك يا امير , انت كمان واحشني يامَا وربنا , ازيك وازي بنتك

الحمدلله بخير والله , اتفضل اقعد

الله يخليك , الف لا بأس على الحاجة

تسلم يا احمد , نعمل ايه بقى , امي بتتدلع علينا يا سيدي عشان تشوف غلاوتها عندنا هههه

هههه وهي غالية علينا كلنا والله , ازيك يا مدام ضحى

الله يخليك يا استاذ احمد , انا اسفة اني اضطريت نبعت راوية عندكو  , اصل والله مالهاش حد تروحله

ما تشيليش هم , هتفضل قاعدة عندنا معززة مكرمة وكل طلباتها مجابة

الله يخليك يا استاذ احمد

طيب نستأذن اني بقى يا عم حامد

ما تقعد يا احمد يا ابني

معلش يا عم حامد , عشان خالتي أم أمير ترتاح شوية , الف سلامة عليكِ يا خالتي

الله يسلمك يا ابني , وتسلم رجليك

وصل احمد لغاية باب المستشفى يا أمير

حاضر يا حاج , تعالى يا احمد

ما تتعبش نفسك يا امير

لا تعب ولا حاجة , ده اقل شكر ليك والله على اهتمامك وزيارتك لامي

دي امنا كلنا يا أمير

**************************

خلف هذه الجدران,هبة عبد العظيم نور

**************************

ايه يا احمد يا حبيبي اتأخرت كدة ليه ؟

كنت بنزور خالتي سميرة في المستشفى

وهي عاملة ايه دوقتي ؟

هي احسن من الأول بس برضو شكلها لسة تعبان

ربنا يشفيها

مش هتروحي تزوريها يا هيام ؟

لا

ليه كدة بس !

معلش يا احمد سيبني على راحتي , وكفاية انت عملت الواجب

يا هيام ما يبقاش قلبك اسود كدة هه

مش سواد قلب ولا حاجة يا احمد , بس بصراحة ما نقدرش نروح هناك ونشوف ضحى قدامي

ايّووووه للدرجة دي بتكرهيها

.....................................................

بقى هيومة حبيبتي اللي قلبها فيه حنية تكفي العالم كله تقدر تكره !

اللي عملوه في خالد اخويا مش شوية يا احمد , وانا خالد عندي غالي قوي , واللي يقسى على اخويا انا ما نقدرش نحن عليه

على العموم على راحتك , ما نرضاش نغصبك على حاجة انتِ مش عايزاها

ممممم انت زعلت مني يا احمد ؟

لا يا حبيبتي ابدا , أنا بس متأثر عشان خالتي سميرة , اصل بصراحة نحبوها قوي من صغري

ممممم طب ادخل غير هدومك يا حبيبي على ما نخلي راوية تحط العشا ع السفرة , دانا عاملالك أكلة هتاكل صوابعك وراهااااااا

ماشي يا حبيبتي ههه مع اني محتاج صوابعي بس هنضحوا بيها عشان خاطرك

هههه طب يلا بقى عشان أنا جوعت ومستنياك من بدررررري

**************************

خلف هذه الجدران,هبة عبد العظيم نور

**************************

ناوليني يا راوية يا بنتي  الدوا بتاع العضم ده وكوباية مية, اه يا رجلي ياااااااني

سلامتك يا حاجة ام خالد...اتفضلي  

يزيد فضلك ..هي هيام فين ؟

الست هيام حست بوجع في ضهرها قامت ترتاح.ربنا يقومها بالسلامة

يارب يا بنتي

اهيه الست هيام خرجت من أوضتها..عاملة ايه دلوقتي يا ست هيام؟

الحمدلله يا راوية..ايه يا ماما الدوا اللي بتاخديه ده؟

دوا العضم يا هيام

ايّووووه يا ماما رجلك لسة واجعاكِ ؟؟؟؟

نعملوا ايه يا بنتي  , لا علاج نافع ولا دوا شافع اااااه ياني , خدي  يا هيام كوباية  المية

هاتي يا ماما..بالشفا ان شاء الله

معلش يا بنتي مش قادرة نخدمك وانتِ حامل وتعبانة كدة,الصحة ما بقتش زي الأول يا هيام,سبحان الله زي ما يكون ربنا شيع راوية عشان تقف جنبك بدالي

ما تقوليش كدة يا ماما,ماحدش في الدنيا يقدر يكون بدالك,كفاية وجودك جنبي ودعاكِ ليا والله

ربنا يقومك بالسلامة يا بنتي انتِ ومرات اخوكِ والفرحة تبقى فرحتين يارب

يا رب يا ماما  مممم مش خالتي أم أمير كانت في المستشفى

أم أميرررر ! أم أمير مرات الحاج حامد مندور ؟

ايوة يا ماما , كانت عيانة قوي واحمد راح زارها

ايّوووووووه وما قولتليش ليه يا هياااااااام دي اصول برضو يا بنتيييييي ! الست تعيا وتروح المستشفى واني ما ندراااااااااش !!!!

هو انتِ عايزة تزوريها يا ماماااا !

وما نزوروهاش ليه يا بنتييييي ! بقى الأصول تفوت عليكي يا هياااااااااام !

بصراحة يا ماما احمد كان عايزني نزورها بس انا ما رضيتش , مش عايزة نشوفوا ضحى

ايّووووووووه يا بنتي انسي بقىىى, ده كلام فات اوانه من زمان وكل حي راح لحاااااااااله ,لو كانت من نصيب اخوكي كان خدها وما حدش قَدَر يقف في سكته , ده ملك منظمه صاحبه يا بنتييييي , اخص عليكِ يا هيااااااام بقى ما تقوليليش ان خالتك أم أمير في المسشفىىىىىى ! اخص عليكِ , هي في مستشفى ايه ؟؟؟

هي خرجت من المستشفى , احمد سأل عليها لقاها خرجت امبارح

طيب , هنلبسوا ونروحولها البيت

تروحي فين بس يا ماماااااااا ! , انتِ رجليكِ وجعااااااااااكِ

ولو كنت بنزحف على اديا ورجليا هنروحوا يا هيااااااااااام

**************************

خلف هذه الجدران,هبة عبد العظيم نور

**************************

ترررررررررررررررررررررررررررررررررررررررررررن

شوفي مين يا دادة اعتماد الله يخليكِ

حاضر يا ست ضحى

***********************************

السلام عليكم

عليكم السلام , مين حضرتك ؟

مش فاكراني يا اعتماد !!!

............................ ايّووووووه الست أم خااااااااالد ؟

ايوة يا اعتماد

يا الف اهلا وسهلا يا ست أم خااااااالد , داحنا بقالنا سنين يامَا ما شوفناكيش

مش بيقولوا مسير الحي يتلاقى يا اعتماد !

ههه اهلا يا ست أم خالد , اتفضلييييييييييي ست ضحىىىىىى الست أم خالد جات تزور الحاااااااجة

طنط ام خااااااااااالد يااااااااه  معقول !!! أأأأ ازيك أأأ ازيك يا طنط

ازيك يا ضحى يا بنتي .. ما اتغيرتيش يا ضحى , نفس الوش السِمِح اللي ربنا زينه بالجمال ... نفس الصوت الهادي  , زي ما شوفتك آخر مرة , كإن السنين دي كلها ما عديتش علينا

................................ ازيك يا طنط

الله يسلمك يا بنتي

ماماااااا

أنا  هنا يا أحمددد

ماشاء الله ....... ابنك ؟

أأأايوة

ربنا يخليهولك يا بنتي , ازيك يا حبيبي

الحمدلله

اتفضلي يا طنط , ماما في اوضتها , أنا جاية معاكِ

**************************

خلف هذه الجدران,هبة عبد العظيم نور

**************************

تن تن ماما

نعم يا ضحى

طنط أم خالد جت تزورك

أم خالد مين ؟

أنا يا أم أمير

أم خاااااااااااالد !!! ايّووووووه ......ازيك يا ام خالد

ازيك انتِ يا أم أمير , سلامتك يختي الف سلامة

الله يسلمك يا ام خالد , روحي يا ضحى وسيبيني مع خالتك ام خالد وخلي اعتماد تجيب كاس عصير

حاضر يا ماما

ألف سلامة عليكِ يا أم أمير

الله يسلمك يا أم خالد

ايه يختي , مالك بعد الشر ؟

دور عيا انما كان صعب شوية , الحمدلله , كنا فين وبقينا فين , دانا كنت مع الأموات يا أم خالد

بعد الشر عليكِ يختي ما تقوليش كدة

تن تن اتفضلي العصير يا ست أم خالد

تسلم ايدك يا اعتماد

عايزة حاجة يا حاجة أم أمير ؟

لا يا اعتماد كتر خيرك روحي انتِ ...... ازي هيام يا ام خالد ؟

هيام بخير الحمدلله ومشيعالك السلام

الله يسلمها ويحفظها يارب ..................................... وشي منك في الأرض يا أم خالد , بعد اللي حصل مننا ده كله برضو عملتي بأصلك وجيتي تزوريني في مرضي

ايه اللي بتقوليه ده يا أم أمير ! دانتو ناس اصحاب افضال عليا وعلى خالد ابني بالخصوص , هو احنا ننسى اللي الحاج حامد الله يديه الصحة ويجازيه خير عمله مع ابني ! لولا الحاج حامد ما كانش خالد كمل علامه وكان ساب كلية الهندسة ومستقبله ضاع , ما ينساش المعروف إلا قليل الأصل يا أم أمير

وانتِ ست الأصول كلها يا أم خالد , حامد ماعملش حاجة , خالد هو اللي ابن حلال وربنا بيسخرله خلقه

الحمدلله يا أم أمير , نحمد ربنا ونشكر فضله يختي , اتغرب عني يامَا , يامَا اوي يا أم أمير , كنت خايفة العمر يعدي من غير ما نشوفوه تاني , لكن الحمدلله رجع بالسلامة وكان لي نصيب نشوفوه ونملي عيني منه

ربنا يحفظهولك يا ام خالد ويفرحك بولاده وولاد هيام

مراته قربت تولد , وهيام كمان قربت تولد

ربنا يقومهم بالسلامة يا أم خالد ..... ربنا يعلم فرحتي كانت قد ايه لما سَمَعت بحمل هيام

صادقة يا أم أمير , عارفة انك بتحبي هيام زي بنتك , ربنا يشفيكِ ويعافيكِ يختي

الله يحفظك يا ام خالد , ربنا يسعده ويحقق أملك فيه

آمين يارب , ازي أمير ومراته ؟

الحمدلله , أمير نَزل راح مشوار وزمانه راجع

طب الحمدلله انه جه وكان جنبك في الظروف دي

اه والله يا أم خالد ,  أول ما عَرَف ساب كل اللي وراه وقطع رحلته ونَزَل في اقرب مينا وخد طيارة مخصوص وجالي يجري حبيب قلبي

طبعا يا أم أمير , ولو عمل قد كدة الف مرة برضو شوية عليكِ , دانتِ امه حبيبته

الحمدلله , مراته يا عيني لسة قافلة معايا السكة من شوية , وإلا وراسها وألف سيف عايزة تجيب امها وتيجي تشوفني , نقولها يا بنتي اني كويسة , تعيط وتقولي لا , برضو عايزة نيجي  نطمن عليكِ بنفسي هه حنينة اوي

 ايوة والله هي حنينة وتستاهل ناس طيبين زيكو , الله يصلح حالها , وازيها الست كريمة وبناتها ؟

كريمة الحمدلله بخير هي والبنات , كانت هنا ومَشَت من شوية , كل يوم بتجيلي الصبحية تقعد ساعة ولا اتنين وتمشي

ربنا يخليكو لبعض , طيبة الست كريمة وطيبة الدنيا فيها زيك يا ام أمير

انتِ الاحسن يا ام خالد , مجيتك لحد هنا على راسي من فوق يختي , اشربي العصير يا ام خالد 

**************************

خلف هذه الجدران,هبة عبد العظيم نور

**************************

بقى انتِ روحتي عند الحاجة أم أمير يا أمي !

طبعا يا خالد , كان لازم نروح يا ابني

هه فيكِ الخير يا ست الكل مممم ومين بيراعيها ؟

ضحى قاعدة معاها

ضحى ! أأأ شش ششوفتيها ؟

ايوة شوفتها وشوفت ابنها , في شبه كبير منها سبحان الله , فَرحت يامَا لما شافتني وقابلتني مقابلة حلوة قوي وسألتني عن هيام , اتكسفت نقولولها ان هيام مش عايزة تروح عشان لسة شايلة منهم

ياااااااه ! تشيل منهم على ايه ! كل واحد بياخد نصيبه

 وانت نصيبك زي الفل يا خالد ومراتك طيبة وبنت ناس طيبين. الله يتمملها حملها على خير ,مممممم  ضحى جاتني بعد سفرك بيوم 

ايييه ! جاتلك ليه يا امي ؟

عشان تقولي انها ما سابتكش عشان عيب فيك , لكن الظروف اقوى منها

هه الظروف اقوى منها ! عايزة تفهمك يعني ان حد ضاغط عليها !

اني ما فَهَمتش كلامها , كل اللي فَهَمته انها ما كانتش مبسوطة بالجوازة دي

هههههههه مممممم مش مبسوطة بالجوازة ليه !!! مش غني وعنده فلوس تعيشها ملكة !!!!! مش ده اللي سابتني عشانه !!! ما تنبسطش بيه ليه بقى !

الله أعلم يا ابني , اني ما كنتش عايزة نفتح معاك الموضوع , لكن قولتلك عشان بس تبقى عارف انها ما كانتش كارهاك

هههههه اومال ايه ! سابتني عشان مش قادرة تستحمل حبي وقربي !!! ..................... الله يسامحها على اللي عملته فيا

اللي فات فات يا ابني , بص لدنيتك الجديدة مع مراتك  الحلوة اللي بتحبك وشارياك وأم ابنك اللي جاي بإذن الله ههه اتصلّي بيها البت دي نسمعوا صوتها العسل هههه

هههه حاضر يا امي , دا هي بتحبك قوي

واني نموتوا فيها مرات ابني حبيبتي ههههه

**************************

خلف هذه الجدران,هبة عبد العظيم نور

**************************

والله يا خالتو كريمة احنا تعبناكي معانا قوي

عيب يا ضحى لما تقولي كدة , سميرة زي ما هي امك فهي اختي الوحيدة اللي طَلَعت بيها من الدنيا

ربنا يخليكي لينا يا خالتو , عاملة ايه دلوقتي يا ماما

اني بخير يا حبيبتي طول ما انتِ واخوكِ بخير

دي امك اتحسنت يامَا يا ضحى ههه دي صغرت عشر سنين لما شافتك قصادها

ههه حبيبتي يا ماما امووووه سلامتك يا ست الكل

الله يسلمك يا بنتي , احمد فين ؟

احمد خرج مع أمير يا ماما  , قالي هياخده يفسحه شوية

طيب يا حبيبتي

ترررررررررررررررررررررررررررررررررررررررررررررررررررررررن

ده تلاقيه أمير اللي ع الباب يا ماما , افتحي لأمير يا دادددددة

من عنيا يا ست ضحىىىىىى

**************************

خلف هذه الجدران,هبة عبد العظيم نور

**************************

ايه ددددده ! أأأأ ادهم بيه ؟

ستك ضحى فيييييييييييين ؟

أأأ الست أأأ الست ضحى مع والدتها

روحي قوليلها تلبس وتحضر نفسها عشان نمشوا , اني مستنيها في الصالوووون

حاضر , حاضر يا بيه

**************************

خلف هذه الجدران,هبة عبد العظيم نور

**************************

تن تن ست ضحىىىىىىىىىى

مين يا دادة ؟

ده جوزك سي ادهم بيه

ايييييييييييه !

ادهم ابن عادل !!! ضحىىىىىى خليكِ هنااااااا أنا اللي هنخرجله ونقوله انك مش هتمشي معاااااااه

استني يا مامااااااا انتِ تعبانة يا حبيبتيييييي , وبعدين ادهم ما ينفعش معاه الأسلوب دددده , استني يا ماما , اني هنخرج نتفاهم معاه

اوووووف عايز مننا ايه غراب البين دددددده , هو مش هيسيبنا في حالنا يا كريممممة !!!

كان مسيره هيجي ياخدها يا سميرة , مهما كان اسمه جوزها

الله ينتقم منه يا شيخة ويبعده عننااااااااا

**************************

خلف هذه الجدران,هبة عبد العظيم نور

**************************

اهلا يا ادهم

اهلا بيكِ , ما لبستيش ليه !!! مش الخدامة قالتلك اني مستنيكِ تلبسي عشان نمشوااااا

.............. ادهم  ................. مش هينفع نمشي معاك دلوقتي , ماما لسة تعبانة

واني مالي اني لسة تعبانة ولا بتموووووووت , اني سيبتك هنا اسبوع بحااااااااله, يعني عداني العيبببببب , اكتر من كدة مش هنسمحححححح , فين الولاااااااا ؟ قوليله ابوك جه عشان ياخدنا وخليه يلبسسسسسس

احمد مش هنا

نعمممممممممم ! قلتي اييييييييييه ! الولا راح فيييييييييين ؟

احمد مع خاله أمير خده يفسحه شوية

وازاي تخلي الولا يخرج مع اخوكي من غير اذنييييييييي ؟

يا ادهم ده خااااااااااله ما خرجش مع حد غريب

اني ما نفهمش الكلام دددددده اتصلي بالمحروس اخوكِ خليه يجيب الولا عشان نمشوااااا

.............. ادهم ......... طيب من فضلك سيبني يومين كمان عشان مش هينفع نسيب ماما , ماما محتاجالي اهئ اهئئئئئئئئئئئئئ ارجوك يا ادهم , يومين بس وهنكون تحت أمرك

اوووووووووووووووووووووووووف دلعك زاد يا بنت حامد ........................... ماشي , عشان تعرفي اني بنعمل بأصلي حتى لو أهلك ما يستاهلوووووش , هنمشوا ونجولك بعد يومين زي دلوقتي , نيجوا نلاقوكِ لابسة وجاهزة انتِ والولا , سلااااااااااااام

اهئ اهئئئئئئئئئئئئئئئ

ايه يا ست ضحى , هو سي ادهم بيه مَشَى ؟

ايوة يا دادة اهئ اهئئئئئئئ

هو كان جاي ياخدك انتِ واحمد ؟

ايوة اهئ اهئئئئئئئئ

طب بس كفاية عياط يا حبيبتي , الحاجة لو شافتك كدة ممكن تتعب تاني بعد الشر , واحنا ما صدقنا إن ربنا خد بيدها

حاضر يا دادة اهئ اهئئئئئ هنغسل وشي قبل ما نروحولها

**************************

خلف هذه الجدران,هبة عبد العظيم نور

**************************

ماما

عملتي ايه مع ابن عادل سليممممم ؟

قولتله اني هنقعد معاكِ يومين كمان

لا يومين ولا تلاتة , مافيش رجوع لابن عادل تااااااااااني

يا ماما مش هينفعععععع ,ادهم مش هيسكتتتتتتت

يعمل اللي يعمله , المهم انك ما ترجعيلوش تااااااااااني , اني مش مستعدة نتحَرَم منك بقيت العمر اللي فاضلي في الدنيااااا

يا ماما انتو ما تعرفوش ادهمممممم اهئ اهئئئئئئئئئ

لا نعرفوه كويس اوووووي وعشان كدة مش هنرجعك تاااااااني , الكلام انتهى , ولما يجي ابوكي واخوكي هنتفاهموا معاهم

طيب بلاش انتو تكلموه يا ماما , اني لما يجي بعد يومين هنتفاهموا معاه بالراحة وان شاء الله نقدروا نقنعوه بالطلاق

ماشي , لكن لو ما رضَاش يطلق بالذوق يبقى مافيش غير المحاكمممممم

محاكم يا ماما !

مافيش غير كدة يا ضحىىىىى

ايه يا سميرة اللي بتقوليه ده ! انتِ هتوقفي بنتك في المحاكم !!! احنا عمرنا ولا عمر بناتنا ما دخلوا محاكم ولا اشتكوا رجالة

اسكتي انتِ يا كريمة , اصلك مش حاسة بالنار اللي فيا , انتِ ما جربتيش ان بنتك الوحيدة تتاخد منك قوة وعافية واللي واخدها جباااااااااااان , ما جربتيش تتحَرَمي من بنتك شهور وسنين بسبب واحد لا عنده رحمة ولا ضميرررر اهئ اهئئئئئئئئئئئ

طيب بس بس يا حبيبتيييييي. يحلها ربنا , اني بس نقصد ان زي ما دخلتوا بالمعروف تخرجوا بالمعروف ومافيش داعي لبهدلة ضحى في المحاكم

ربنا يدبرها من عنده يا كريمة

**************************

خلف هذه الجدران,هبة عبد العظيم نور

**************************

ماما فاكرة ان الموضوع ممكن يخلص بالسهولة دي , ما تعرفش ادهم ممكن يعمل ايه اهئ اهئئئئئئ يارب خليك معايا يارب

**************************************************

أمير , اختك لازم تطلق من ابن عااااااادل

فعلا يا امي , هي كان لازم تطلق منه من زمان , او بمعنى اصح ما كانش لازم تتجوزه من أصله

نصيبنا كدة , مش هنبكي ع اللي فات , لكن خلاص , اختك مالهاش عيش مع ابن عادل سليم بعد كددددة

طب وهي رأيها ايه يا أمي ؟

اختك خايفة منه

خايفة منه يعني ايه ! هيعملها ايه يعني ! واحدة كارهاه ومش عايزة تعيش معاه , يبقى من الرجولة انه يطلقها

رجولة ! وده يا ابني يعرف يعني ايه رجولة !!! اني كل اللي اني عايزاه ان الغلطة تتصلح ونطلق اختك منه وكل حي يروح لحاله , اني اتكلمت مع ابوك واتفقنا على كل حاجة

ولو رفض يا امي ؟

نعرضوا عليه فلووووس, نشتروا حرية بنتي ولو بكنوز الأررررررض

على العموم هو جاي بعد يومين وهنتكلموا معاه ونشوف رد فعله ايه

**************************

خلف هذه الجدران,هبة عبد العظيم نور

**************************

زي ما فهتمك يا ضحى يا بنتي ,قوليله بعلو  حسك انك مش عايزاه , اوعي تخافي منه , احنا هنا كلنا حواليكِ

ربنا يستر يا ماما ويقتنع ويرضى يطلق من غير مشاكل

ترررررررررررررررررررررررررررررررررررررررررررررررررررررن

اااااه ده باين عليه هو يا ماماااااا ااااه قلبي بيدق جامد قوي وحاسة اني مرعوووووبة

جمدي قلبك يا ضحىىىىىى قولتلك كلنا حواليكِ , وقبل الكل ربنا معاكِ , افتح يا أميررررررررر

حاضر يا امييييييي

**************************

خلف هذه الجدران,هبة عبد العظيم نور

**************************

اهلا يا ادهم

اهلا , ادي خبر لضحى اني جيت عشان ناخدوها , هي لبست ولا لسة ؟

طب اتفضل ادخل الأول

أنا مش فااااااضي , قولها يلا عشان ورايا مشاغل يامَااااااا

الكلام من على الباب مش هينفع يا ادهم , اتفضل ادخل عشان نتفاهم

نتفاهم !!!!! نتفاهم على ايه !!!!

اتفضل بس , اتفضل

اووووووووف ماشي

**************************

خلف هذه الجدران,هبة عبد العظيم نور

**************************

تحب تشرب ايه يا أدهم

أنا لا جاي نشرب ولا نتضايف يا أمير  , فين ضحى والولا ؟؟؟؟

أنا جيت يا أدهم

ايه دددددده ! انتِ لسة بهدوم البيتتتتتت !! ما حضرتيش نفسك وشنطة هدومك لييييييييه ؟

.................. سيبنا لوحدنا من فضلك يا أمير

حاضر

خير يا سنيورة

...............أأأأ أدهم ................أأأدهم أنا ......... أنا عايزة نتطلق

اييييييييييييييييييييه !!!! انتِ بتقولي اييييييييييييييه !!!!!!!!!!! انتِ اكيد بتخرفي يا بنت حاااااااااااامد , لو اتجننتي وبتقولي الكلمتين دول عشان مش في وعيك يبقى نودوكي لأحسن مصحة نفسية ونعالجووووكي

..................... ادهم أنا مش بنخرف , من حقي لو مش مرتاحة في حياتي اني نطلب الطلاق

............................................... وانتِ مش مرتاحة معايا يا ضحىىىىىىىىىى !!! كل السنين اللي فاتت دي مش مرتاحة معايااااااااااااا !!!! كل اللي عملته عشانك والفيلا اللي بنيتهالك  ومعيشك فيها أميرة وطلباتك مجابة ومش مرتااااااااااااااااحة !!!!!! ............................. قوليلي يا ضحى , كنت نعملوا ايه تاني عشان تبقي مرتاحة معايااااااااااااااااااااا نركعوا تحت رجليككككككككككككِ

أنا ما طلبتش منك كدة يا ادهم , ادهم انت عارف احنا اتجوزنا ازاي , عارف اني كنت مغصوبة عليك , واديك اتجوزتني وحققت كل اللي  نفسك فيه , اظن كفاية كدة اوي , أنا اعصابي اتدمرت , كل السنين اللي فاتت دي قضيتها معاك على حساب دمي واعصابي , لكن مش هنقدر نتحمل اكتر من كدة اهئ اهئئئئئئئئئئئئئئئئئئ

.......................................... بتعيطي يا ضحى !!!! ............. ليه ؟ كارهااااااااااااني !!!! بتكرهيني يا ضحىىىىىىىىىى !!!!!!!!

...................................................................

بقى بعد كل الحب اللي حبتهولك ده , يكون ده جزاااااااااااائي , ..................  لكن اسمعي يا بنت حامد مندوررررررررر , طلاق مش هنطلققققققققق وهترجعي معايا الفيلا ولو مقتووووووووووووولة

يبقى اقتلني يا ادهممممممممم اهئ اهئئئئئئئئئئئئئئ اقتلني وبعدين خدددددددددددني اني الحياة مش فارقة معاياااااااااااا اهئ اهئئئئئئئئئئئئ اني كدة كدة عايشة معاك زي المييييييييييييتة اهئ اهئئئئئئئئئئئئئئئئئئئئئئئئئئئ

................................... أنا عايز نعرف ايه السبب اللي مخليكِ متمسكة بموضوع الطلاق اوي كدة !!!! ممممممم عشان حبيب القلب الأولاني رَجَع من السفررررررررر ؟

ادهممممممم من فضلك ما تغلططططططططش , أنا ما يتقالش عليا كددددددة ,لا تربيتي ولا ديني يخلوني نفكر بالسفالة ددددددددي , اني رغم اني بنكرهك وعمري ما حبيتك لكن صاينة شرفك وعرضكككككك لان ده مالوش دعوة بالحب والكررررررره , لكن له دعوة بديني وخوفي من ربنااااااااا

............................. أنا مش هنطلق يا ضحى , سامعة يعني ايييييييييه , مش هنطلقققققققققققق

لا هتطلق اختي  يا أدهمممممممم

 الله الله الله , دانت متفق بقى مع اختك ومرتبين كل حاجة يا ولاد حامد مندورررررررر

ما تجيبش سيرة ابويا على لساااااااانك , اختي مش عايزاك يا ادهم , اتصرف كأي راجل محترم وطلقهااااا

مش هنطلقها يا أميرررررررر , ما اتخلقش اللي يأمر ادهم سليممممممممم , أنا هنعتبر نفسي ما سَمعتش حاجة لا منك ولا من الهانم اختك , لكن وربنا المعبود اختك لو ما رجعت الفيلا بكرة ورجلها فوق رقبتها لنوريكو الويل ونخلوا حياتكو جحيممممممممممم , عقّل اختك يا ......... هههأ يا كابتن ,  أنا ماااااااااااااااشي

اهئ اهئئئئئئئئئئئئئئ مش بنقولك مش هيسكت يا أميرررر ؟

انسان همجي وسمج وعديم الأخلاااااااااااق , لكن برضو مش هترجعيله يا ضحى

لا يا أميرررر اهئ اهئئئئئئ طالما ماجاش بالذوق يبقى لازم نرجع , لااااااازم

اسمعي كلام اخوكي يا ضحىىىىىىى ,مافيش رجوع لابن عادل سليم تااااااااني

أمي ايه اللي قومك من السرير بس !

أنا سَمَعت كل الكلام اللي قاله ابن عادل سليم , وكنت عايزة ندخل نعرفوه مقااااااااامه , لكن خوفت يتطاول عليا بكلمة وانت دمك حامي وممكن تمسك فيه وتبقى عاركة , منعت نفسي بالعافية , لكن طلاق بنتي منه , ده اللي مش هنرجعوا فيه ابداااااااا

اهئ اهئئئئئئئ يا ماما بالله عليكِ أنا مش عايزة مشاكل مع ادهممممم انتِ ما تعرفيش ممكن يعمل اييييييه

ما يقدرش يعمل حاجة ولا يمس شعرة منكككككككك

اهئ اهئئئئئئئ يا ماما أنا مش خايفة على نفسييييي أنا خايفة عليكو انتوووو

ما تخافيش يا ضحى , هي الدنيا سايبة يا بنتييييي ! انزل يا أمير اعمل محضر في القسم للولا ده بعدم التعرض لينااااااااا

ماماااااااا اهئ اهئئئئئئئئ بلاش الأسلوب ده مع ادهم نبوس ايدككككككك اموووه

امي أنا بنقول ما نكبرش المشاكل , بالطريقة دي ممكن عمي عادل سليم يزعل من ابويا

ايّووووووووووه ما يزعل ولا يتحرررررررررق , هو عادل سليم هيبقى عند ابوك اغلى من بنتتتتتتتتتته !!!!

يا أمي أنا نقصد اننا نتفاهم بالذوق مع عمي عادل وهو يضغط على ادهم في موضوع الطلاق , اما ابويا يجي هنتكلموا معاه

اووووووف بالذوق , بالعافية , اهم حاجة بنتي تطلق , اعتماااااااااد هاتيلي الدوا وكوباية مييييييية

من عنيا يا حااااااااجة

**************************

خلف هذه الجدران,هبة عبد العظيم نور

**************************

ترررررررررررررررررررررررررررررررررررن ترررررررررررررررررررررررررن

بت يا رحمة , خدي ودي التليفون لابوكي في البلكوووووونة

حاضر يا ماما ممممم ده عمو  حامد مندور

ترررررررررررررررررررررررررررررررررررررررررررررررررررن

باباااااااااا

تررررررررررررررررررررررررررررررررررررررررررررررررررررررررررن

ايوة يا ست البنات

عمو حامد مندور ع التليفون

حامد ! الو ايوة يا حااامد

ايوة يا عادل , انت فين ؟

في القاهرة , ما انت عارف ان النهاردة الخميس هههه ربنا ما يقطعلنا عادة , خير يا حامد

كنت عايزك ضروري

في ايه يا حامد ؟

حاجة بخصوص ادهم ابنك وضحى بنتي

ايوة يعني في ايه ؟ حصل حاجة من ادهم ؟؟؟؟

الكلام في التليفون ما ينفعش , اول ما تيجي اسكندرية تعالالي البيت عشان عايزك

الله ! على العموم اني هنكون بكرة بإذن المولى في اسكندرية , ومش هنروحوا على بيتي , هنيجوا عليك دوغري عشان انت وغوشتني

ماشي يا عادل , في انتظارك , السلام عليكم

عليكم السلام يا حامد , خدي الموبايل يا رحمة

هات يا جميل , هو في ايه يا بابا ؟

مش عارف والله يا بنتي , عمك حامد عايزني ضروري بخصوص اخوكي ومراته

مممم ادهم !!! اووووووف تلاقيه مزعل ابلة ضحى , العادي بتاعه يعني

هه يا بت عيب يا بت , ده اخوكي الكبير

بابا انا ماليش اخوات غير احمدددددد هو ده اللي اخويا بجددددد , الأخوة مش تشابه اسامي في شهادة الميلاد , الأخوة يعني حنان ومحبة واهتمام , ودول ما لقيتهومش غير عند احمد اخويا ربنا يخليهولي

هههه كَبَرتي يا بت وبقيتي تعرفي ترصي الكلام وتستفيه

ههههههههه ايه ترصي الكلام وتستفيه دي يا بابا ! انت بتجيب الكلام ده منين ! ههه

هههههه امشي يا بت روحي ناديلي امك , هي اللي بتفهم كلامي وتسايرني

ههه ماشي يا بابا , تشرب نيسكافيه معايا ؟

لا , خلي امك تعملي كوباية شيّ وانتِ هاتي النيسكافيه بتاعك وتعالي اشربيه جنبي

حاضررررر يا بابا , ماماااااااااا كوباية شيّ اسكندراني لبابا واتوصيييييييييي هههههههه

ههه جايباها يا ام لسان طويل من غير ما يطلبها , اتفضل الشيّ يا عادل

من ايد ما نعدموهاش يا شجوووووونة

يا سلام يا بابا هههه شوفت ماما بتحس بطلباتك ازاي قبل ما تطلبها !!! لا وكمان بتنفذها هههههه هو ده الحب الحقيقييييييييي  هههههه

هههههههههههههههههه يا بت انتِ مالك ومال الكلام عن الحب ! لسة بدري ع الكلام ده !!!

هو انا صغيرة يا بابا !!! ههههه عن اذنكو هعمل النيسكافيه واجيلكو اكبس على انفاسكووووو هههه

هههههه بت حتة عسل وربنااااا حلاوة وخفة دم , طالعالك يا شجونة

طالعالي ! دي مش طالعة لحدددددد دي لسان طويل ودلع ومياعة واني ما نقدرش عليهااااااا , يلا ربنا يهديها  , نحمدوا ربنا انها بقت تصلي الفرض بفرضه ولبسها اتعدل,.حامد مندور كان عايز حاجة ولا ايه ؟

والله يا  اشجان تليفونه قلقنا  , شكل في مشكلة كبيرة بين الولا ادهم ومراته عشان كدة حامد اتصل بينا يقول انه عايزنا ضروري

يا ستير استر يارب , ما انت عارف ابنك وعمايله , تلاقيه غَلَط في حق البت ولا في حق اهلها

داحنا نقطعوله لساااااااانه ,إلا حامد مندورررررر , اللي يزعل حامد يبقى زعلنا واكترررررر, احنا لو عَرَفنا ان صدر منه حاجة كدة ولا كدة مش هنرحمووووووه

هتعمله ايه يعني ! ابنك ما بيكبرش لكبير ولا بيهمه حد , ربنا يستر ويطلع الموضوع بسيط ويتلم بكلمتين منك

هو احنا هنخافوا منه يا اشجااااااااان !!! بس أما نرجعوا ونعرفوا أصل الحكاية ايه

ممممم طب ما تتصل بسعاد تعرف ايه الحكاية

لالالالا , سعاد لو ابنها غلطان من ساسه لراسه  مش هتغلّطه , والولا لو اتصلت بيه مش هيقول الحقيقة , مافيش حل غير اني نسمع الكلام من حامد مندور بنفسه

**************************

خلف هذه الجدران,هبة عبد العظيم نور

**************************

خلصتي الطبيخ يا بت يا رزقة ؟

ايوة , عملتلك شوية بامية باللحمة الضاني زي العسسسسل , نغرفولك انتِ ونورهان ؟

لا , اغرفي لنورهان بس , اني ماليش نفس , زهقانة يا بت وعايزة نخرج بس مش عارفة نروحوا فين

تعالي ننزلوا نتمشوا ع البحر ونشموا هواه اللي يرد الروح يا ست أوسا

لا , أنا عايزة نروحوا للكوافير , بقالي يامَا لا صبغت شعري ولا عملت فورمة جديدة

ايوة وكمان حواجبك عايزة تترَسَم

ما احنا بنقولوا كدة برضو , ماتعرفيش طريق كوافير كويس يا بت يا رزقة ؟

اعرف كوافيرات بس كحيانين وعلى قدهم , يعني مش من مقامك يا ست أوسا يا أم المقام عالي

طب خلاص , احنا ناخدوا العربية وننزلوا رشدي ولا جليم ونبصوا على الكوافيرات واكيد هنلاقوا

هناخدوا نورهان معانا ؟

نورهان مالها ومال الكوافيرات يا بت !

هيهييي ما هي كَبَرت وبقت عروسة ولازمها تتغندر

بس يا بت اخرسي , نورهان مش هتخطي عتبة كوافير إلا يوم فرحها على راجل يستاهلها , ومايكونش طمعان في مالها زي ابوها الجباااااان

ربنا يعدلهالها يا ست أوسا , رغم ان بنتك لخمة كدة وعايزة تتدردح حبتين

لالالالا أنا عايزاها كدة , تبقى تفتح في بيت جوزها , الحمدلله انها مش طالعة بجحة وعنيها مفتحة زي كتير من البنات , ده الواحد بيسمع بلاوي يا رزقة

ربنا يكفينا شر البلاوي يا ست أوسا , طب هنغرفولها ونغدوها وننزلوا على طول

طيب يا بت

**************************

خلف هذه الجدران,هبة عبد العظيم نور

**************************

تن تن ست نورهان

اووووف نعم

حطيتلك الغدا ع السفرة

طيب قولي لماما يلا عشان نتغدا

لا , أنا خارجة اني والست اوسا

خارجين !!! طب اوعي كدة لما نروحوا لماما ... مامااااااا

*****

 ماماااااااا

في ايه يا نورهان ؟

انتِ لابسة وخارجة راحة فين ؟

هنستقضوا شوية طلبات أنا ورزقة ومش هنغيبوا , الغدا عندك اهو ع السفرة , كلي وسيبي الاطباق مكانها , لما رزقة ترجع تبقى تغسلها

ممممم ماشي يا ماما , بس لو سمحتي ما تغبيش

حاضر , مش عايزة حاجة نجيبوهالك ؟

لا يا ماما شكرا

**************************

خلف هذه الجدران,هبة عبد العظيم نور

**************************

الله , شايفة الكوافير ده يا ست أوسا ؟ ده باين عليه غالي اووي

مافيش حاجة تغلى عليا يا بت

طبعاً يا ست الكل ....ايّوووووه شايفة الست اللي زي القمر اللي ماسكة سجارة جوا دي , دي باين عليها من هيئتها كدة صاحبة الكوافير , عنيها زرقة وشعرها اصفر

انتِ هتتأملي فيها ! تعالي اما ندخل

*****

صباخ الخير

هههه صباح النور , مين !!!! , أوسااااااا ! دي صحيح الدنيا صغيرة بقى

انتِ تعرفيني ؟؟؟

وعمري ما نسيتك أبدا , ايه ؟ مش فاكراني ؟

.........لا , رغم ان رنة صوتك مش غريبة على ودني , لكن الوش  أول مرة نشوفوه

هههههههههههههه مهما اتغيرت الوشوش اللي في القلب عمره ما يتغير يا أوسا , وحشاني

............ انتِ مين ؟

هههه ايّوووووه هو انا شكلي اتغير اوي كدة !!! طب دققي شوية يمكن تعرفيني , هو اللينزز الزرقا والشعر اللي صبغته بلوند يخلوكي تتوهي عني اوي كدة ! على العموم مش هنحيروكي يامَا ..... أنا سوسن يا أوسا

سوسنننن !!! سوسن بتاعة زمان ؟

هههه بتاعة زمان وبتاعة كل عصر وآوان , بالحضن يا أوساااااا اموووووه امووووه

ههههههه ازيك يا بت يا سوسن , والله زمان

يعني فاكرة سوسن اوي ! دانتِ بعتيني وقاطعتيني ولا كأننا كنا اصحااااااااب , اتعاركتي معايا وعملتيها قطيعة , لكن أنا بقى قلبي أبيض وبننسى الأسية

هههه أصيلة يا سوسن , لكن بتعملي ايه هنا في الكوافير ده ؟

ده بتاعي يا أوسا

هالو مدام سوسن ,عايزة اعمل شعري عشان مستعجلة

أهلا يا مدام صولا , شوفي مدام صولا يا وفااااااااء

حاضر يا مدام

منورة يا أوسا , اقعدي

متشكرة يا سوسن , اقعدي يا بت يا رزقة

حاضر يا ست اوسا , ازيك يا ست سوسن , الكوافير بتاعك حلو اوي والزباين كلهم هاي كلانس

ههههههههه هاي كلانس ! اسمهم هاي كلاس يا فضيحة انتِ , مين دي يا أوسا ؟

دي الشغالة بتاعتي

أيوة ايوة , منورين

بنورك

اتنين حاجة ساقعة يا ميرفتتتتتتتت

حاضر يا مدام سوسن

فعلا الكوافير جميل وشيك أوي يا سوسن , جبتيه منين ده يا بت ؟

ههه لقيته في البخت , كان بتاع جوزي ولما اطلقنا اتنازلي عنه

اتجوزتي واطلقتي ؟

ايوة

وانا كمان

معقول ! دانتِ كنتِ متجوزة ابن خالتك عن حب

حب ! سلامات يا حب , طَلَع ندل وخاين واطلقت منه , كان واخدني على طمع وعايش على فلوسي وبيصرف على كلاب السكك , وما تجبيش سيرته قدامي عشان بنتغموا

سلامتك من الغم

الحاجة الساقعة يا مدام

شكرا يا ميرفت , روحي اعملي المانيكير والباديكير لمدام سارة , وشيعي واحدة فيكو لمدام هالة في البيت عشان عندها حفلة النهاردة وعايزة حد يصبغلها شعرها ويعملها الميك اب

حاضر يا مدام

باين على الكوافير بتاعك انه شغال حلو اوي يا بت يا سوسن

ايوة , ده اشهر كوافير في المنطقة وزبايني كلهم استايل زي ما انتِ شايفة

ماهو عشان كدة دخلت

نورتينا يا أوسا , بنتك عاملة ايه ؟

كويسة الحمدلله , بت يا رزقة , سرحانة في ايه يا بت ؟

شايفة يا ست اوسا , الست اللي خلصت شعرها وماشية دي ادت البت الكوافيرة يجي خمسين جنيي بقشيش

هههه طب وانتِ مالك

وانا مالي ازاي ! ده الكوافير بيشغي زباااااين , يعني لو كل واحدة دفعت للبت دي خمسين جنيي يبقى في اخر اليوم معاها يجي الف وزيادة , في اخر الشهر بقى يبقى معاها يجي تلاتين ألف , ده ايه الشغلانة اللي كلها فلوس دي !!!!

طب اشربي الحاجة الساقعة وخليكي في نفسك

ماهو اني بنفكر في نفسي اومال بنفكروا في ايه يعني , ازيك يا ست سوسن يا قمرررر

ههه تسلمي ... هتعملي ايه في شعرك يا أوسا ؟

عايزة نصبغوه ونعملوا فورمة جديدة وكمان نرسموا حواجبي

هههههه يا ولا انت يا بتاع النيو لوك , عنينا يا حبيبتي , داحنا هنخلولك اشطر بت عندي هي اللي تعملك كل اللي انتِ عايزاه ده , اومال ..... دانتِ غالية عليا اوي يا أوسااااااا

تعيشي يا سوسن

بت يا صااااااافي

نعم يا مدام سوووووووسن

لما تخلصي شعر مدام عزة هتعملي شعر مدام اوسا , واتوصي بيها اوووي ده صاحبة عمري يا بت

هههه عنيا ليكي ولاصحابك يا مدام سوسن

بقولك ايه يا أوسا , احنا بقى لازم نرجع لصحوبيتنا الجامدة بتاعة زمااااااان , داحنا ما كناش بنفترق يا بت ,لازم  تزوريني ونزوروكي ونودوا بعض

طبعا يا سوسن , انتِ قاعدة مع امك وابوكي زي زمان ؟

ههههه قول للزمان ارجع يا زمان , ابويا مات يا بت بجرعة زايدة من الهباب اللي كانت بيتعاطاه , وامي قاعدة هي وخالتي مع بعض

اومال انتِ عايشة لوحدك ولا ايه ؟

ايوة , عندي شقة حلوة اوي في سانستيفانو يا بت يا أوسا , هندوكي العنوان وتيجي تزوريني

ايوة طبعا نزوروكي ,ما نزوروكيش ليه !

**************************

خلف هذه الجدران,هبة عبد العظيم نور

**************************