زوجتي والمفتاح( الثالثة عشر)

 

صباح الخير عفيفة حبيبة بابّا

 

صباح النور بابّا حبيبي

 

طمنيني عاملة ايه في حفظ القرآن ودروس التجويد انتِ  واختك؟

 

الحمدلله بابّا حفظنا بفضل الله عشر اجزاء وبنجود كويس ومستمرين إن شاء الله

 

ماشاء الله ماشاء الله . شيء عظيم بالفعل . أنا فخور بيكو جدا وكمان عادل ماشاء الله ماشي كويس في الحفظ . ربنا يبارك فيكو ياولاد

 

ربنا يخليك لينا بابّا . عن اذن حضرتك عشان معاد معلمة القرآن  بتاعتنا قرب

 

اتفضلي حبيبتي

 

 

 

بقولك ايه يا خديجة . كنت عايز اتكلم معاكي في موضوع

 

موضوع ايه ؟. خير ياسي محفوظ

 

ايه رأيك نجوز علي ابننا لشريفة بنت ابن عمي حافظ باشا؟

 

ايييييييييه !. ايه الكلام ده ياسي محفوظ

 

في ايه بس يا خديجة؟

 

ياسي محفوظ انت عايز علي ابني وكيل النيابة يتجوز واحدة مطلقة! . ده كلام برضو ياسي محفوظ!

 

كدة برضو يا خديجة! . وأنا اللي بقول عليكي ست صالحة وهمك الآخرة تقومي توزني الموضوع بموازين الدنيا بالشكل ده!

 

ياسي محفوظ أنا ما اقصدش والله . شريفة دي غالية عندي جدا بس مش لدرجة اجوزها لابني اللي طلعت بيه من الدنيا اول فرحتي . من حق علي يتجوز بكر ما اتجوزتش قبله

 

يا خديجة بالله عليكي شريفة ذنبها ايه! . البنت اتظلمت في جوازة مالهاش لزمة . نقوم نحاسبها كأنها مجرمة ونقولها مش من حقك تتجوزي واحد ما اتجوزش قبل كدة كأنها عملت عملة!

 

سي محفوظ أنا بقول الكلام ده بقلب الام اللي عايزة لابنها احسن وافضل زوجة . أنا ايه يغصب ابني يتجوز واحدة مطلقة! . أنا عارفة ان شريفة اتظلمت ومالهاش ذنب . لكن كمان أنا ابني ذنبه ايه!

 

لو سمحتي يا خديجة أنا هعرض الموضوع على علي وهو يقرر

 

لأ لأ ياسي محفوظ أنا مش موافقة حتى لو علي وافق أنا امه ولازم يسمع كلأمي

 

ايه ده يا خديجة ! انتِ اول مرة تعارضيني !!!!!!!!!

 

أنا اسفة ياسي محفوظ حقك عليا بس ارجوك قدر موقفي

 

قولتلك هعرض الموضوع على علي ولو ابني وافق هروح اخطبهاله

 

اللي تشوفه يا سي محفوظ ،  لكن انت كدة بتظلم ابني

 

الله يهديكي يا خديجة . صحيح ناقصات عقل ودين

 

*************************

*************************
*************************

 

 

 

 

ها يا علي ياابني ماقولتليش رأيك

 

أنا ماعنديش مانع طبعا ياوالدي . أنا زي مابسمع من أمي واخواتي انها بنت مؤدبة وكويسة وان شاء الله هتكون زوجة صالحة
أنا مايهمنيش انها مطلقة ولا هيتغير رأيي للسبب ده

 

نعم الرأي يا ابني . أنا هفاتح حافظ باشا واشوف رأيه ورأي شريفة

 

وأنا منتظر الرد إن شاء الله

 

*************************

*************************
*************************

 

 

والله انت فاجئتني يا محفوظ يا ابن عمي . علي ابنك شاب ممتاز ومايترفضش بالطبع بس لازم اعرض الموضوع على شريفة

 

طبعا يا حافظ باشا طبعا وان شاء الله ننتظر الرد ويكون بالقبول

 

ان شاء الله . ربنا يقدم مافيه الخير

 

*************************

*************************
*************************

 

 

رأيك ايه في جوازك من علي يا شريفة يابنتي؟ الولد منتظر الرد

 

لأ لأ لأ بابّا مش عايزة،  مش عايزة أرجوك

 

ليه كدة بس يابنتي !. علي انسان هايل ومستقبله باهر

 

بابّا ارجوك أنا اتعقدت من الرجالة مش عايزة اتجوز مش عايزة بابّااااا

 

يابنتي يا حبيبتي مش كل الرجالة زي بعض

 

حتى لو كانوا مش زي بعض وحتى لو كان علي افضل انسان في الدنيا أنا ماعنديش استعداد اخوض تجربة جواز تانية

 

ايه الكلام ده يا شريفة!

 

بابّا من فضلك سيبني على راحتي ارجوك

 

يابنتي ماينفعش . لازم تتجوزي . ما تاخديش اللي حصلك مقياس للأمور . الدنيا فيها الخير وفيها الشر

 

ارجوك با بّا ارجوك . أنا مش موافقة مش موافقة مش موافقة

 

لاحول ولا قوة الا بالله . على راحتك يابنتي . مش هغصب عليكي

 

 

*************************

*************************
*************************

 

 

شريفة أختي ، إنتِ  ليه رفضتي تتجوزي علي ؟

 

كدة

 

يعني ايه كدة ؟؟؟؟؟؟

 

كدة وخلاص  عفيفة . أنا مش عايزة اتجوز ، عن إذنك رايحة اكمل رسم اللوحة اللي ابتديتها

 

مممم اتفضلي شريفة ، مش عارفة مين اقنع شريفة انها بتعرف ترسم !،ههه أنا هروح أشوف عم حسين بيطبخ ايه النهاررررردة 

 

 

 

**

 

 

 

انت يا حضرة الطبيب المحترم . يا حضرة الراهب .يا مقدس علاء

 

ههههه افندم يا أمي

 

عايزة اسافر العزبة كام يوم اغير جو

 

طيب استني يا أمي اخد اجازة الاسبوع الجاي واروح معاكي

 

مش عايزاك معايا . أنا عايزة ابقى لوحدي

 

يا أمي بالله عليكي ماتزعليش مني

 

أنا لا زعلانة ولا فرحانة أنا شيلتك من دماغي خالص

 

ههههههههه اهون عليكي !. يعني بطلتي تدعيلي؟

 

ادعيلك!  . ادعيلك بأيه يا مقدس . ادعي لروحك

 

هههههههههه طب بالله عليكي ارضي عني وادعيلي

 

يارب يارب يارب يا علاء يابني بحق قعدتك اللي حرقت قلبي يرزقك بواحدة تتجوزك غصب عنك وتعفرت حياتك وتخليك ماشي تكلم نفسك اللهم أمين

 

هههههههههههههههههه حلوة حقيقي حلوة الدعوة دي جديدة وعجبتني . هههههههههههههههه هو في راجل بيتجوز غصب عنه برضو يا أمي!!!!!!!!  ههههههههههههههههههههه ليه يعني !. هيكتفوني ويجيبوا المأذون! ههههههههههه

 

اضحك ،  اضحك اوي . احرق في دمي واضحك

 

طيب عن اذنك دلوقتي يا أمي يا حبيبتي يا اغلى انسانة في الوجود عشان الحق المستشفى . عندي عملية صعبة جدا ادعيلي بالتوفيق

 

اااااااااااااااااه ياني

 

 

 

 

 

السلام عليكم ورحمة الله وبركاته

 

وعليكم السلام ورحمة الله وبركاته

 

ياترى اقدر اقابل دكتور علاء ؟

 

دكتور علاء في العمليات دلوقتي جنابك

 

طيب يا ترى العملية هتستغرق وقت كتير ؟

 

اعتقد قرب ينهي العملية . سعادتك تقدر تنتظره في مكتبه

 

اشكرك

*******
*******
*******

يااااااااااااااااااااااه ارهقت جدا

لو سمحتو انقلوا المريض للعناية المركزة

 

امرك دكتور علاء

مبروك دكتور علاء . نجاح عبقري لعملية خطيرة . المريض ده كان ميؤوس من حالته

 

ربنا هو وحده الشافي احنا مجرد وسائل دكتور محمود

 

طبعا طبعا ونعم بالله

*********
*********
*********

يااااااااااااااااااه عمي حافظ باشا السلام عليكم

 

وعليكم السلام . ايه يا حضرة الطبيب  ناسينا يعني! . بقالي اكتر من شهر ماشوفتكش

 

اعذرني والله يا عمي .مشاغل الحياة كتير . بس والله كنت ناوي ازور حضرتك قريب

 

اشكرك ياابني . والله يا علاء يابني أنا عندي موضوع كنت عايز افاتحك فيه ومش عارف افاتحك ولّا  اسكت ولا اعمل ايه  ....... بصراحة متردد

 

هههههههههه يا عمي اتفضل أنا زي ابنك تقدر تتكلم في اي شيء معايا وأنا كلي  آذان صاغية

 

شوف  يا ابني ، أنا بنتي الكبيرة حكيتلك حكايتها طبعا والمآساة الي حصلتلها بسبب الاختيار السيء للزوج

 

اه طبعا . ربنا يعوضها خير ان شاء الله

 

عشان كدة يا ابني أنا من خلال عشرتي بيك واللي لمسته من حسن اخلاقك وتدينك واصلك الطيب أنا بتشجع وبعرض عليك الزواج من بنتي الصغرى عفيفة

 

أأأأأااا ايوة أأأأأأأ بس أأأأأأأ

 

واضح اني اتسرعت واحرجتك يا ابني

 

لا والله ابدا يا عمي حافظ هههههههه أنا بس اتفاجئت مش اكتر . بالعكس يا عمي حضرتك ما اتسرعتش ولا حاجة

 

حضرتك نهجت نهج السلف الصالح واكابر الصحابة رضي الله عنهم

حضرتك يا عمي اكيد تعرف ان سيدنا عمر ابن الخطاب رضي الله عنه وارضاه عرض على سيدنا ابو بكر وسيدنا عثمان رضي الله عنهم الزواج من ابنته حفصة لكن قابلوا طلبه بالرفض او الصمت لانهم كانوا عارفين ان الرسول عليه الصلاة والسلام يرغب بالزواج بها وسيدنا عمر لما اتقابل طلبه بالرفض شعر بألم نفسي

 

افهم من كدة انك رافض الزواج من بنتي؟

 

ههههههههههههه ليه بس كدة يا عمي! أنا ماقولتش كدة خالص . أنا اقصد اسوق قصص لحضرتك فيها عرض الوالد لابنته لمن يرتضي خلقه . طيب حضرتك تعرف قصة زواج ابنة سيدنا سعيد ابن المسيب؟

 

لا والله يا ابني

 

ياعمي سيدنا سعيد ابن المسيب كان من كبار العلماء وكان عنده بنت يسعى للزواج منها الأمراء

لكن هو عرضها للزواج من ابا وداعة وهو شاب فقير ماتت زوجته لما رأه من حسن خلقه وصلاته وحرصه على حضور مجالس العلم الخاصة بسيدنا سعيد ابن المسيب وتخيل يا عمي ان هو اللي اخد بنته بنفسه وذهب بيت ابا وداعة!

 

والشاب اتفاجئ جدا بالأمر وسأله لماذا لم ترسل في طلبي واتيك،  لكن سيدنا سعيد قاله مثلك يؤتى إليه 
ودفع البنت داخل البيت وسقطت من حيائها
طبعا نادى ابو وداعة على الجيران وعلى امه واعلمهم ان سيدنا سعيد ابن المسيب زوجه لابنته

الشاهد يا عمي ان الامر مافيهوش شيء مشين . من حق حضرتك تعرض بنتك ومن حقي ارفض هههههههههههههههههه

 

ايه !!!!!!!!!!!!!!!!!!!!!!!!

 

لا يا عمي أنا موافق طبعا موافق جداااااااااا كفاية ان حضرتك فعلت شيء فكرنا بالسلف الصالح
وده يطمني اني هتزوج زوجة صالحة من بيت طيب ان شاء الله
أنا طبعا يا عمي لا استحق الشرف ده واكيد طبعا في احسن مني كتير لبنتك لكن أنا يزيدني شرف بالمصاهرة دي

 

 ههه كدة! . عظيم عظيم عظيم بارك الله فيك يا علاء ياابني بارك الله فيك

 

ان شاء الله هرسل  والدتي بكرة في زيارة لبيت حضرتك عشان تتعرف على العروسة ووالدتها

 

الساعة كام الوالدة هتشرفنا ؟

 

والله مع اني ما سألتهاش بس هحدد بالنيابة عنها هههههههه الساعة الخامسة  مساءا ان شاء الله

 

هتآنس وتشرف ان شاء الله . في انتظارها الساعة الخامسة مساءا

********
********
********

أميييييييييييييييييييييييييييييييييي يا أميييييييييييييييييييييييييييي أمييييييييييييييييييييييييييي

 

عايز ايه . ايه الغاغة اللي داخل بيها دي؟

 

لو سمحتي بكرة الساعة خامسة تكوني في سرايا حافظ باشا عبد الرؤوف

 

ليه ان شاء الله؟

 

عشان تشوفي بنته الصغيرة عفيفة هانم اللي ناوي اتجوزها عن قريب

 

ايييييييييييييييييييييه !بجدددددد ؟ بجد ياعلاء ؟. عروسة! . انت بنفسك جبت عروسة وعايزني اشوفها يا حبيبي!!!!!! مش مصدقة وداني

 

هههههههههه لا صدقي يا أمي .العروسة ووالدتها في انتظارك بكرة

ماينفعش اروح دلوقتي حالا ؟؟؟؟؟؟؟

 

ههههههههه الصبر يا أمي الصبر

 

يارب صبرني لحد بكرررررة ، مش مصدقة نفسي إني هروح اخطبلك يا  علااااااااء هههه

بقولك ايه لو وحشة اوعي تفاتحيهم  في حاجة . اشربي الشاي وقومي على طول ههههههههه

 

ههههههههههه ان شاء الله هتكون جميلة وزي البدر أنا متفائلة خير بالزيارة دي

 

ان شاء الله يا أمي . ربنا يقدم مافيه الخير

*********
*********
*********

هيييييييييييييييه هيييييييييييييييييه هيييييييييييييييييه بابّا جابلي عريس بابّا جابلي عريس هيييييييييييييييييييه

 

ههههههههههههههههه خلاص بقى عفيفة بابّا يسمعك يقول عليكي ما عندكيش حياء ههههههههه

 

 هههه فرحانة شرييييييييفة ، فرحانة كتيررر ، بس هو الدكتور علاء ده شكله ايه ياترى!

 

وأنا اعرف منين عفيفة!

 

يارب يكون فيه شبه من الشاب بتاع البلطو

 

ههههههههه هو مرتبط في ذهنك بالبلطو بس!!! . ما تقولي الشاب اللي ضربك الم محترم هههههههههه

 

هههههههههههه اه والله اختي . كان عليه كف تهد جبل ههههههه أنا حاسة ان ودني اليمين من ساعتها مش بسمع بيها كويس هههههه بس أنا طيبة ومش بفتكره غير بالبلطو

 

نفسي بجد شريفة يكون راجل ملتزم دينيا وياخد بإيدي اكتر

 

 

لا ماتقلقيش ده راجل متدين جدا ماشاء الله . بابّا بيشكر فيه اوي

 

طيب اما اروح اوضب نفسي عشان مامته لما تيجي تشوفني يجيلها ذهول من جمالي ههههههه

 

هههههههههه والله عفيفة إنتِ  حتى لو صاحية من النوم وناكشة شعرك حلوة خالص ماشاء الله . اكيد هتعجبي مامته

**************************************

 

 

 

 

بنت عفيفة

 

افندم مامّا

 

أنا عايزاكي اقعد مؤدب قدام مامّا عريس

 

ههههههه هحاول

 

حركات شياطين ابعد عنها . اوعي تنزلي  سلالم جري زي عبيطة

 

تحت امرك مامّا

 

مافيش ضحك

 

ابتسامات رقيقات

 

صوت عالي يوك يوك يوك . صوت خفيت لطيف

 

ههههههههههههه تحت امرك مامّا

 

تمام . اسمعي كلام . مش عايزين عريس إطفش

 

داكور مامّا هههه

************************************

 

 

 

 

 

 

 

ميرحبا شكرية هانم ميرحبا

 

اهلا بيكي جيلان هانم . أنا والله سعيدة جدا بالتعرف على حضرتك يا هانم

 

أنا اسعد كتير شكرية هانم

 

اومال فين العروسة؟

 

جاي حالا . بصي كدة على سلالم . شوفي غزال نازل هناااااااااااااااك دي عفيفة هانم بنت حظرتنا . رقيق رقيق حبيب قلب

 

ماشاااااااااااااااااااااااااااااااااااااااااء الله . تبارك الله تبارك الله . ايه الجمال البارع ده . جميلة جميلة جميلة اوي
ايه الشعور الطوال الجمال دول ياسلام على القوام .ولا الحسن والجمال اللهم بارك

 

السلام عليكم ورحمة الله وبركاته

 

ياحبيبتي يا حبيبتي وعليكم السلام ورحمة الله وبركاته . ايه الجمال ده! تبارك الله

 

أأأأأأأأأأأ جزاكِ الله خيرا . أنا مكسوفة خالص

 

تعالي يا حبيبتي اقعدي جنبي يا عروسة ابني . بقولك ايه يا جيلان هانم . خلاص عفيفة بقت لعلاء هي ضيفة عندكو من النهاردة

 

ههههههههههه عجبتك عروس شكرية هانم ؟

 

هي عجبتني بعقل !.ماشاء الله اللهم بارك . ياترى بتصلي يا عفيفة؟

 

طبعا الحمدلله بصلي

 

حافظة حاجة من كتاب الله حبيبتي؟

 

الحمدلله حافظة عشر اجزاء

 

ماشاء الله ماشاء الله صبرت ونولت يا علاء يا حبيبي

 

إنتِ  عندك كام سنة يا عفيفة؟

 

عندي خمستاشر ونص

 

يا صغنونة يا جميلة هاتي بوسة اموووووووووه

 

شكرا يا طنط . مامّا مامّا هاتي ودنك

 

ايه بنت عفيفة

 

أنا كدة كويسة وصوتي واطي وباين علية مكسوفة ؟

 

ايفيت كويس كتير . استمري مش عاوزين فضيحات

 

ههههههه حاضر

 

اتفضلي شاي تركي شكرية هانم

 

لالالالا شاي تركي ايه !. أنا هقوم حالا ارجع الفيلا و أبل  شربات مصري وبكرة هجيب العريس واجي . مبروك مقدما

 

الله يبارك فيكي طنط شكرية . أنا مكسوفة خالص هههههههههه

 

**

 

 

 

علااااااء علاااااااء علاااااا ء انت جيت يا عريس؟ ههه

 

هههههههه خلاص خلتيني عريس يا أمي! . ها . شوفتي العروسة؟

 

قمر قمر قمر ياعلاء ماشوفتش في جمالها قبل كدة تخطف العقل

 

ههههههههه للدرجة دي !

 

واكتر حبيبي واكتر بكرة هتشوفها وتحكم بنفسك

 

وبتصلي وملتزمة ولا لأ؟

 

ماتخافش بتصلي وبتحفظ قرآن وهادية ورقيقة وزي النسمة حددتلك معاد الساعة سبعة   مساءا بكرة ان شاء الله

 

طيب الحمد لله . أنا هصلي استخارة ونتوكل على الله بكرة نشوفها

 

ان شاء الله يا حبيبي يا عريس يا قمر انت . يااااااااااااااه مش مصدقة نفسي . قريب هبقى جدة ان شاء الله،  الحمدلله

 

 

 

منور يا علاء ياابني انت والهانم والدتك

 

أشكرك  يا عمي

 

اتفضل يا ابني اشرب العصير . اتفضلي يا شكرية هانم

 

ميرسي يا حافظ باشا

 

فين العروسة يا جيلان؟

 

نازلة حالا حافظ باشا

********
********
********

أنا كدة كويسة شريفة طمنيني ؟

 

جميل جدا حبيبتي ، حطي النقاب و ابقي ارفعيه قدام العريس ،  انزلي بقى الناس منتظريين

 

أنا مكسوفة بجد المرة دي مكسوفة وقلبي بيدق بسرعة

 

يا حبيبتي شعور عاددي انزلي بقى

********
********
********

 أما القي نظرة من بعيد كدة واشوف شكل العريس ، هااااااااااااااااا !!!!!!!!!  . يا دي المصيبة . دا هو  ، هو ايوة هو . يا خبر مش فايت! هو ده بقى الدكتور علاء! . ياربي نفس الشاب،  لو رفعت النقاب هيعرفني وهيقول لبابّا اهئ اهئ اهئ . أنا روحت في داهية

 

 عروس وصل ، ادخل  عفيفة هانم ابنة حظرتنا ههه قولها ادخل حافظ باشا ، البنت خجول كتير مش عايز ادخل وواقف بعيد

 

ادخلي يا عفيييييييييفة

 

استر يارب السلام عليكم ورحمة الله وبركاته

 

عليكم السلام ورحمة الله وبركاته

اقعدي يا حبيبتي

 

داكور بابّا

 

. ارفعي نقابك عشان العريس يشوفك

 

هاااااااا أأأأأأأأأ طب عن اذنكو أنا نسيت حاااااااجة

 

يا بنت يا بنتتتتتتتتتت  تعالي  هنا يابنتتتتتتتتتتتتتتتتتت

 

معلش يا جماعة اصلها شعرت بالخجل من الموقف  . اطلعي يا جيلان هاتيها

 

أمر حظرتكم

 

ماشاء الله على الحياء . بنت هايلة . أنا موافق عليها من غير ما اشوفها يا أمي

 

ههههههه مش قولتلك يا علاء انها ادب وحياء وجمال؟

 

ايوة فعلا يا أمي بارك الله فيها هي دي العروسة اللي كنت بدور عليها

********
********
********

ااااااااااه ياني ااااااااااااااه ااااااااااااااااه مش قادرة اخد نفسي ااااااه

 

ايه ده عفيفة ليه جاية بتجري كدة! . انتِ  لحقتي شوفتي العريس ! هو ماعجبكيش ولا ايه ههههههه

 

الحقيني شريفة الحقينييييي ،  اختك هتنضرب بالرصاص وتودع الحياة خلاص خلااااااااااااااااااااااااااص

 

في ايه عفيفة خضتيني ايه حصل ؟

 

عارفة الدكتور علاء طلع مين ؟

 

وأنا هعرف منين عفيفة . طلع مين ؟

 

الشاب صاحب البلطو

 

يا خبر مش فايت! . وشافك ؟ وعرفك ؟ يا دي الكارثة  . اكيد هيقول لبابّا على المصيبة اللي عملتيها ،  اوعي عن اذنك

 

رايحة فين شريفة وسايباني؟

 

رايحة ادور على فستان اسود مناسب عشان استقبل العزا فيكي

 

اهئ اهئ اهئ هو أنا خلاص مت!! اهئ اهئ اهئ

 

اومال يعني تفتكري لما بابّا يعرف هيديكي نيشان ولا هيعملك تمثال !. ادي اخرة جنانك وعفرتك

 

اهئ اهئ اهئ بس أنا مش عايزة اموت دلوقتي شريفة اهئ اهئ أنا لسة صغيرة

 

حبيبتي ماتنسيش ان بابّا صعيدي يعني العرض والشرف عنده غالي وهيقتلك يعني هيقتلك ويغسل عاره

 

عاااااااااااااااااااره !!!!!!. عار ايه شريفة أنا عذراء

 

عارفة انك عذراء لكن الكلام اللي هيقوله الدكتور علاء عليكي واللي شافه بعنيه هيخلي بابّا يثأر لشرفه وكرامته اللي كنتي هتضيعيهم لولا ستر ربنا عليكي وعلينا

 

اهئ اهئ اهئ . طيب ما أنا توبت ومش عملت كدة تاني . هي العملة السودة دي هتفضل ورايا ورايا اهئ اهئ أنا بقيت اصلي وبحفظ قرآن يعني أنا اتغيرت خاااااااااااالص

 

بقولك ايه هو شافك ؟

 

لأ . أنا مجرد ماشوفته طلعت اجري على فوق

 

بنت عفييييييييييفة  إنتِ  بنتتتتتتتتتتتتتتتتت

 

الحقيني شريفة مامّا جاية تاخدني عشان اتقتل . استخبى فين اختي ؟ خبيني خبينيييييييي

 

عفيفة خايفة من ايه! هو ماشافكيش ، خلاص ارفضي إنتِ  وقولي شكله ماعجبكيش

 

شكله ماعجبنيش ازاي بس !!!!!! . يعني هما بابّا ومامّا مش عندهم عنين وشايفينه شاب زي القمر!

 

ااااااااااااااه يا قليلة الادب كمان بتقولي عليه زي القمر ومش عايزاهم يقتلوكي!

 

بنت عفيفة عفييييييييييييييييييييفة

 

يا مأمي !. مامّا جاية على هنا ،  أنا هستخبى تحت السرير

 

فين عفيفة بنت شريفة؟

 

استخبت تحت السرير مامّا . اصلها خجلانة  شوية

 

ماتصدقيهاش  مامّا . أنا مش هنا

 

اطلعي من تحت السرير بنت . اطلعي ادب سيس . عريس قاعد منتظر

 

خليه يمشي ،قوليله ماعندناش بنات للجواز اهئ اهئ

 

اطلعي بنت اطلعي . بابّا وأنا كمان موافق على عريس طبيب عظيم

 

اااااااااااااااااااااااااااااه الوداع شريفة . نتقابل في الآخرة . اهئ اهئ . ابقي زوريني وحطي زهور على قبري اهئ اهئ

 

اهئ اهئ اهئ هتوحشيني عفيفة .أنا بحبك كتير اهئ اهئ

 

*****************************************

اهي العروسة جت اهيه هههههههه ارفعي النقاب  يا عفيفة

 

يارب يااااااااااارب انت عارف اني توبت خليك معايا . انصرني على الراجل ابو بلطو اللي ايده تقيلة ده

 

ارفعي النقاب يا بنت خلي العريس يشوفك

 

واضح ان عفيفة هانم مكسوفة مني يا عمي حافظ هههههههه على العموم شيء طيب ومتوقع من بنت من عيلة محافظة زي عيلتكو

 

ههههههههه طبعا يا ابني طبعا . ارفعي النقاب يا عفيفة

 

ارفعي يا عروسة ابني ابهريه بجمالك الفتان ههههههههههههه

 

حاضر . أنا لله وأنا إليه راجعون اهئ اهئ

 

اييييييييييييييه ميييييييييييييين لالالالالالالالالالالالالالالالا مش ممكن مستحيل لالالالالالالالالالالالالالالا ايه اللي بيحصل ده!!!!!!!!!

 

كدة برضو يا علاء! . مش تحاسب يا ابني! .كدة برضو توقع كاس العصير ع السجاد!

هههههههههه كل ده من جمالها يا علاء . يا حبيبي مالك وقفت مرة واحدة ومتنح للبنت وفاتح بقك كدة ههههههههه يا حبيبي البنت هتتخض . اقعد يا علاء عيب كدة فضحتنا يا ولد . يقولوا عليك ايه!

هو بيبصلي كدة ليه . يا مأمي . شكله بيشبه علية

هههههههه حافظ باشا جوز حظرتنا ، قرب ودنك اقول كلمات

 

خير يا جيلان هانم

 

شوفت عريس مبهور ومذهول ازاي من جمال بنت حظرتنا ههههههههههه البنت سحرته . مبرقلها وفاتح بقه مذهول ههههههههه خليه اقفل بقه واقعد

 

ايه يا علاء ياابني ههههههههه عفيفة عجبتك اوي كدة؟

 

هااااااا مين دي عمي حافظ؟

 

هههههههههههه بنتي عفيفة

 

بنتك !!!!!!!!!!!!!!!! يعني حضرتك تعرفها من زمان ؟؟؟؟؟؟

 

هههههههههههه يا ابني بقولك بنتي يعني اعرفها من يوم مااتولدت . مالك يا علاء ؟

 

هههههههههه البنت سحرته ،خطفت عقله يا حافظ باشا

 

وبعدين بقى هو هيفضل باصصلي كدة كتير ومبرقلي! . أنا ابتديت اخاف . يا مأمي يا مأميييييييي

 

عفيفة يا بنتي  قولي لعريسك انتِ  حفظتي لحد فين في القرآن وفرحيه

 

أنا بفضل الله ختمت عشر اجزاء . اتحبون أن أتلوا عليكم بعض آيات الذكر الحكيم ايها الحضور الكريم ؟

 

لا حبيبتي مافيش داعي احنا بس بنفرح العريس ونبشره انه عرف يختار

 

جزاك الله خيرا يا ابي

 

ماشاء الله عروسة ابني مؤدبة وخلوقة

 

جزاك الله خيرا وبارك فيكِ يا امنا الفاضلة شكرية . اود ان اسأل الخاطب بعض الأسئلة فهل لي ذلك يا أبتاه؟

 

تفضلي يا بنيتي

 

السلام عليك ايها الرجل المفضال . كم تحفظ من كتاب الله كي اقبل بك زوجا على ذلك ؟

 

هو مابيردش علية ليه ومبرقلي كدة ليه بابّا! . اول مرة يشوف واحدة ملتزمة زيي ولا ايه !!!!!!!!!!!

 

معلش حبيبتي اصله خجلان  شوية

 

كوباية مية كوباية ميييييية ريقي ناشف كوباية مية حرام عليكووووووووو

 

حاضر يا ابني حاضر اتفضل

 

مين دي يا عمي حافظ؟

 

لا حول ولا قوة الا بالله.  دي بنتي عفيفة

 

مش ممكن دي هي البنت . ايوة هي،  أنا عاقل أنا مش مختل . الخمر ، المفاتن ،  الفستان الاحمر، الجنينة بتاعة السرايا . بس دي بنت حافظ باشا والتانية جنية ولا يمكن تكون هي هي . طب ازاي هي هي اذا كانت دي بنت عم حافظ وهو عارفها من زمان والتانية في السرايا المهجورة . دماغي دماغي دمااااااااااااااااااااااااااغي . أنا فين؟ . هما دول انس ولا جن ؟. أنا مين؟ . انتو مين انتو ميييييييييييييييييييييييين؟

 

علاء حبيبي مالك مالك يا حبيبي فيك ايه يا علاء ؟. حد يساعدني افك الكرافت بتاعه ، الولد مش عارف يفك الكرافت شكله بيتخنق ابني ابنييييييي

 

لا حول ولا قوة الا بالله عريسي اتجنن ههههههههههههههههه .

 

 

********
********
********

 

 

علاء فوقت يا حبيبي؟ انت كويس ؟

 

الحمدلله يا أمي

 

شوفت بقى دعوتي ليك! هه

 

قصدك دعوتك علية في ساعة غضبك يا أمي . خليتي الجن اختلط بالأنس ومابقتش عارف مين الانس ومين الجن . 
دعوة أميييييييييييييييييييييييييييي

دعوة أمييييييييييييييييييييييييييييييييي

 

ربنا يجعل دعايا كله من نصيبك يا حبيبي

 

عمي حافظ لو سمحت ممكن اطلب طلب سخيف؟

 

خير ياابني اتفضل

 

عايز اتكلم مع الجنية أأأقصد  مع العروسة على انفراد

 

هااااااااا! أيوة يا إبني لكن  ....

 

ماتخافش يا عمي أنا هاخدها الطرقة برا قدام عنيكو  ، بس لازم ارجوك عشان عايز اسألها سؤال باعتبار انها هتكون زوجتي

 

ههههههههه اتفضل يا ابني

 

عفيفة روحي معاه

 

ايه! . اروح معاه فين !. بابّا أنا اتكسف موت أنا عمري ماكلمت راجل غريب يا كسووووووووفي

 

بقولك اخرجي ورايا بالذوق بدل ما هفضحك واقلب الدنيا على دماغك يلا يلااااااااااااااااااا ماتخليش حد يلاحظ

 

يا مأمي هو بيجز على سنانه كدة ليه! . هو كشفني ولا ايه !استر يارب

 

**

 

********
********
********

 

افندم دكتور علاء

 

ايه

 

ايه

 

ايه انتِ

 

ايه انتَ

 

مش فاكراني؟

 

هو أنا اعرف حضرتك اصلا عشان افتكرك او مش افتكرك . حضرتك مجرد عريس متقدملي واخدت معلومات عنك من بابايا

 

يا سلاااااااااااااااااااااااااااااااااااااااااااااااااام!  بقولك ايه اخلعي ثوب القديسة .اظهري على حقيقتك . احنا اتقابلنا كتير قبل كدة واظن إنتِ  عارفة كويس فين

 

هو في ايه حضرتك أنا مش فاهمة حاجة . وبعدين ازاي انت شوفتني اذا كنت أنا منتقبة . هو في ست في مصر بتخرج من غير نقاب !!!!! هو حضرتك من دعاة تحرر المرأة ولا بتعاني من مرض نفسي ولا حاجة ؟

 

كمااااااااااااااااااااااان كمااااااااااان هطلعيني مجنون !!!!! . إنتِ  ايه ايييييييييييييه شيطانة!

 

استغفر الله العظيم . مال حضرتك دكتور علاء بعد الشر الف سلامة عليك

 

يا بنت يابنت إنتِ ،  مش إنتِ  كنتي بتستنيني بالليل كل يوم وأنا راجع من شغلي وتقعدي تغنيلي؟

 

اغنيلك ! استغفر الله العظيم . الغناء حرام يا اخي الفاضل بإجماع كبار العلماء . تحب اجيبلك ادلة؟ وبعدين بالليل يعني ايه! . شايفني غانية قدامك !. اظن انت شايفني وشايف اهلي ناس ملتزمين

 

بنت إنتِ ، إنتِ  يابنتتتت  أنا مايتعملش فيا كدة لاااااااااااااااااااااا مش علاء بك فكري اللي يتعمل فيه كدة لاااااااااااااااااااااااااااااا، مش حتة بنت صغيرة عندها خمستاشر سنة تعمل فيا كدة لاااااااااااااا

 

خمستاشر ونص من فضلك . خليك دقيق

 

يابنت اعترفي اعترفي وأنا مش هقول لولدك . أنا عارف انك خايفة اني اقوله

 

لاحول ولا قوة الا بالله ربنا يشفيك . أنا هصلي وادعيلك

 

يابنت جاوبيني جاوبيني ارجوكي . فاكرة الفستان الاحمر؟

 

أيّاي  أيّاي  . فستان احمر ايه يا قليل الادب انت! . والله ادخل اقول لبابّا عليك خليه يعلقك من رموشك

 

يابنت،  يابنت أنا فاكرك كويس ماتستخفيش بعقلي .الليلة إياها ، فاكر شعرك الطويل الدهبي اللي واصل لحد ركبتك . شعرك اللي داعبت خصلاته . واقولك امارة تانية في جسمك ولا عيب !!!!!!!!!! اقولك على  الشامة الحمرا؟؟؟؟

 

يا خبر اسود .دا فاكر كل حاجة . روحت في داهية . ممممم  أنا مش فاهمة حاجة من اللي بتقوله ده . الكلام اللي بتقوله ده عيب عيب خدشت حيائي . ازاي تقول لبنت بريئة زيي كلام زي ده اهئ اهئ اهئ

 

بصي لايدي بصي . مش فاكرة الجرح ده؟

 

جرح ! سلامتك . شايفة اثر جرح . ياترى من ايه

 

ياسلاااااااااااااااام على البراءة !. مش فاكرة ازازة الخمر اللي كسرتها؟

 

خمر !!!!!!!!!!!!! خمر !!!!!!!!!!!!!!!! والعياذ بالله . شوية تقولي فستان احمر وشوية تقولي خمر والليلة إياها . شوف انت بقى كنت سهران مع مين يا فلاتي يا خمورجي يا بتاع الستات . ال وكانوا بيقولوا عليك ملتزم ومتدين عن اذنك .شباب بايظة عايزين يتلفوا اخلاق بنات العائلات

 

دماااااااااااااااااااااااغي دمااااااااااااااااااااااااااااااااغي لاااااااااااااااااااااااااااااااااااااااااااااااااااااااااااااااااااااااااااااااااا

***********************************

على العموم علاء ابني مش هيلاقي افضل ولا اجمل ولا اكثر خلقا من عفيفة .يسعدني اخطبها لابني

 

لاااااااااااااااااااااااا لاااااااااااااااااا يا أمي ليه اتسرعتي حرام عليكي لااااااااااااا

 

ها قولتي ايه يا عروسة

 

إهيههئ اللي تشوفه بابّا هههه

 

هههههههههههههه مبروك يا علاء يا إبني  العروسة موافقة

 

الحمد لله مبروك يا علاء يا ابني يا  حبيبي الحمدلله ههه

 

وأنا بقول يا حافظ باشا  خير البر عاجله ونكتب كتاب ابني على بنت جنابك  الخميس القادم بمشيئة الله

 

على البركة. مبروك يا علاء يا إبني

 

لاااااااااااااااااااااااااااااااااا لاااااااااااااااااااااااااااااااااااااااااا أنا مش عايز اتجوز حوشوها عني الجنية لاااااااااااااااااااااااااااا

********
********
********

علاء مالك يا حبيبي طول ما احنا في الكاريتة بتكلم نفسك

 

الجنية الجنية يا أمي

 

جنية ايه يا ابني لاحول ولا قوة الا بالله

 

أنا ياأمي طلعت فلاتي وبتاع ستات والجنية طلعت تقية وورعة وبتحفظ قرآن

اومال مين اللي كانت لابسة الفستان الاحمر في السرايا بتاعة العفاريت ؟؟؟؟

يبقى طالما أنا طلعت مش أنا وهي طلعت مش هي يبقى اكيد إنتِ  هتطلعي مش أمي ولا أنا غلطان؟

 

اهئ اهئ لاحول ولا قوة الا بالله مالك يا حبيبي مالك اهئ اهئ

********
********
********

دكتور يا نعمات شوفيلي دكتور علاء سخن وحرارته عالية وبيخرف هاتيلي كمدات بسرعة اهئ اهئ اهئ يا حبيبي يا علاء

 

يمكن تكون عفيفة ليها قرينة تحت الارض بتطلع بالليل ؟. طب يعني ياترى عفيفة تعرف الكلام ده؟

ولا تكون ماتعرفوش ؟. ولا انتِ ايه رأيك يا أمي؟

اهئ اهئ اهئ

 

الجنيييييييييييييييييييييييييييييييه

 

حوشوها عنيييييييييييييييييييييييييييييييييييييي

 

حوشوهااااااااااااااااااااااااا حوشوهااااااااااااااااااااااا

 

سامحيني يا أمي سامحيني واصرفيها . انصرفي يا عفيييييييييييييييييييييييييفة انصرفي يا جنية

اصرفوهاااااااااااااااااااااااااااااا

********
********
********

السلام عليكم ورحمة الله وبركاته

 

 عليكم السلام ورحمة الله وبركاته اهئ اهئ تعالى يا دكتور محمود يا ابني . تعالى شوف صديقك جراله ايه

 

ايه يا علاء بس مالك؟

 

انت مين؟

 

أنا مين ايه بس !. أنا دكتور محمود يا دكتور علاء

 

دكتور علاء مين؟

 

انت الدكتور علاء امهر طبيب قلب

 

مين اللي قال الكلام الفارغ ده !. أنا راجل فلاتي وبتاع ستات ياراجل . دكتور ايه بس!

 

لا حول ولا قوة الا بالله .

 

اهئ اهئ اهئ

 

ماتقلقيش يا هانم أنا هديله حقنة مهدئة

 

محمووووووووووووووود حوش أمي عني يا محمود هتكتب كتابي على جنية

 

ههههههههههههههه الف مبروك ربنا يتمم بخير وتملا الدنيا عفاريت هههههههههههه

 

لااااااااااااااااااااااااا لاااااااااااااااااااااااااا جوزني امتثال اختك يا محمود

 

يا سيدي الفاضل هي امتثال كانت هتنتظر لحد دلوقتي! . امتثال اتجوزت وخلفت الشهر اللي فات

 

رايح فين يا محموووووووووووووود رايح فين خدني معاااااااااااااااااااااك

 

يا عم اخدك معايا فين هو أنا فاتح ملجأ !. هو انت كل ما تتخاصم مع والدتك تأرفني !. السلام عليكم

 

 

 

بقولك ايه يا جيلان . هاتي عفيفة عشان نروح نطمئن  على علاء . شكله كان مش طبيعي امبارح

 

ايفيت كان زي مجنون مسحور . كله من جمال بنت حظرتنا

********
********
********

علاء ، يا علاااااااا ء عارف مين تحت؟ ههه

 

مين؟

 

عمك حافظ ومراته وعروستتتتتتتتتتتتتتتتتتتتك ههههههههههههههههههه

 

لااااااااااااااااااا لااااااااااااااااااااااااا مش عايز اشوف حد

 

انزل قابلهم يا ولد بلاش كلام كتير

 

حاضر يا أمي حاضر حاضررررر

 

********
********
********

 

شرفتوا السرايا يا جماعة ههه أنا وعلاء سعداء جدا بتشريفكم

 

جزاكِ الله خيرا شكرية هانم

 

 

علاء ، رحب بالناس ، دول أول مرة يزورونا ما يصحش كدددددة

 

 أمرك ، اهلا وسهلا بيكو يا جماعة

 

اهلا بيك يا ابني

 

هو بيبصلي كدة ليه بغل! . أنا مش عارفة أنا عملتله ايه الراجل ده. يا مأمي عنيه بتطلع شرار هههههههه

 

طيب على ماتشربوا العصير أنا هاخد عروسة ابني افرجها على الجناح بتاعها

 

هههههههههه اتفضلي يا هانم

 

بعد اذنك بابّا بعد اذنك مامّا

 

اتفضلي حبيب قلب حظرتنا

 

بعد إذنك علاء بك هه

 

هو مش بيرد ليه!

********
********
********

 

أأأأأأأأ بعد اذنك يا عمي حافظ أنا نسيت حاجة فوق وهطلع اجيبها واجي بسرعة

 

اتفضل يا ابني

 

 

 

ها يا عفيفة يا حبيبتي ايه رأيك في الجناح بتاعك انتِ  وعلاء؟

 

بديع بديع شيء بديع

 

علاء !!!!!!!!! انت ايه مطلعك ورأنا يا ولد؟

 

معلش عايز اقول للعروسة حاجة

 

يا ولد ما ينفعش دي امانة في ايدي استلمتها من باباها ومامتها .

 

هو أنا هاكلها! . أنا هقولها كلمة

 

طب قولّها اللي انت عايزه بسرعة وخلصني

 

بعد إذنك يا أمي

 

تعالي هنا يا بنت تعاليلي هنااااااااااااااااااااااااااااا

 

افندم علاء بك خطيب حظرتنا

 

شوفي  يا بنت إنتِ  أنا ماقدرش اقول لابوكي اني رافضك . موقفي حساس وكمان ما اقدرش اقول لأمي اني رافضك عشان اتعلقت بيكي وهتعملها مشكلة كبيرة . لكن إنتِ  تقدري تقولي انك رافضاني وتحليني من التزاماتي

 

بس أنا مش رافضاك . أنا موافقة

 

وأنا مش موافق

 

على راحتك . بس احنا اغلبية يعني رأينا هو اللي هيمشي ،رأيك مش مهم هههههههه

 

يا سلااااااااااااااااااااااااام !يعني هتتجوزيني غصب عني يا باردة!

 

ايوة . ههههههههههههه هتجوزك غصب عنك

 

انتِ  عارفة لو اتجوزتك هعمل فيكي ايه ؟؟؟؟؟؟؟؟؟؟؟؟؟؟؟؟

 

هتعمل ايه؟

 

هقطعك بالسيف

 

هههههههههه هو في سيوف لحد دلوقتي !. على العموم براحتك أنا هبقى مراتك وانت حر التصرف فيا . شوفت هكون زوجة مطيعة ازاي ! هههههههههه

 

ياربي أنا ماشوفتش ابرد من كدة . طب والله لوريكي تعالي هنااااا

 

شايفة الطبنجة دي؟

 

يامأمي انت معاك طبنجة؟

 

ايوووووووووووووووووووا وعارفة لو اتجوزنا وشوفت شعرك الطويل الدهبي والشامة وطلعتي انتِ  البنت اللي اقصدها هعمل فيكي ايه؟  . اقسم بالله لفرغ رصاص الطبنجة مكان الشامة

 

مش لو طلعت أنا اللي تقصدها! ههههههههههههههههه

 

كدة ! طب والله لوريكي تعالي هنااااااااااااااااااااااااااااااااااااااااااااا

يا ماااااااااااااااااااااااااااأميييييييييييييييييييي الحقوني يا مأمييييييييييييييييييييييييييييييييييييييييييييييييييي

بيجري ورايا الحقونييييييييييييي

 

ولددددددددددددددددددد انت اتجننت! . بتجري وراها !. مش كنت بتقول مش عايز تتجوز ؟ دلوقتي مش قادر تمسك نفسك وبتجري وراها ع السلالم! . فضحتنا وجرستنا طالما مش قادر تصبر خلاص نقدم معاد كتب الكتاب

 

لاااااااااااااااااااااااااااااااااا لااااااااااااااااااااااااااااااااااااا.

 

أنا اسفة يا عفيفة يابنتي حقك علية ، ما تزعليش من تصرف علاء السخيف معاكِ  

 

اهئ اهئ اهئ مش قادرة اقولك يا طنط على الكلام اللي قالهولي اهئ اهئ قالي كلام عيب خالص مكسوفة اقوله،  ده طلع قليل الادب اوي يا طنط اهئ اهئ اهئ

 

أناااااااااااااااااااااااااااااااااااااااااااااااا!!!!

 

انت تخرس خالص حسابك معايا بعدين . معلش يا حبيبتي طيش شباب معلش حقك عليا اعذريه مش قادر يقاوم جمالك

 

أنااااااااااااااااااااااااااااااااااااااااا!

 

اوعي تقولي لبابا وماما . لو عرفوا هيقولوا على علاء شاب وحش ومش متربي وقليل الادب

 

اهئ اهئ خلاص طنط مس حقول ههههههههههههههههه

 

انتِ  بتطلعيلي  لسانك يا مستفزة!!!!!!!!

 

هههههههههههههههه

 

هقتلك، هقتلككككك ،  همحيكي من على وش الارض

 

الفيصل بيني وبينك ليلة دخلتنا ، يا ويلك من اللي هعمله فيكي يا ويلكككك

 

ابقى وريني شطارتك هههههههههههههه

 

 *************************************************************

انتهت حلقتين الليلة هوانم (12 و 13)

حظرتكم شرف مدونات هوانم جوزيل 

 

 التقي حظرتكم يوم الثلاثاء إن شاء الله مع حلقات جديدات 

تشكرلار 

لا إله إلا الله ولا حول ولا قوة إلا بالله 

اللهم صل وسلم وبارك على محمد 

أستغفر الله وأتوب إليه