زوجتي والمفتاح( العشرون)

 

علاء بك اصحى حبيبي

 

صاحي

 

مالك حبيبي ؟

 

مافيش

 

اتفضل زهرة الياسمين

 

اشكرك

 

هروح اجيبلك الفطار

 

ماليش نفس . أنا هلبس وانزل اروح المستشفى اخد اجازة عشان نروح العزبة زي ما وعدتك

 

علاء بك

 

افندم

 

بحبك

 

اشكرك

 

اووووووووووووووووف

 

*******************
*******************
*******************

 

 

حضرتي الشنطة عفيفة هانم ؟

 

ايوة حبيبي حضرتها

 

طيب اتفضلي

 

تعرف حبيبي

 

افندم

 

نفسي اسمع منك كلمة بحبك ولو لمرة واحدة . مرة واحدة بس بالله عليك

 

ازاي اقول كلمة مش حاسسها

 

للدرجة دي علاء بك ! . ازاي يكون جوايا كل الحب ده ليك وانت مش حاسس ولا بتبادلني مشاعري !

 

عفيفة .من فضلك . الحب والمشاعر دي حاجة مش بايدينا ومش بتتوجه بإرادتنا وبعدين ازاي احب واحدة اجبرتني على كل حاجة في حياتي . أنا عمر ماحد اجبرني على حاجة . انتِ  ظهرتي في حياتي لخبطيها كلها . أنا مش سعيد بوجودك في حياتي .

 

اومال ليه دايما تدور علية؟ . ليه دايما لما اختفي عن عنيك تناديني؟

 

مجرد تعود مش اكتر . ارجوكي فرقي بين الحب وبين التعود

 

اهئ اهئ اهئ
انت قاسي، قاسي علاء بك قاسي

 

لو سمحتي مش أنا الراجل اللي اتأثر بدموع إمرأة . وفري دموعك

 

*********************************************
حقوق النشر محفوظة للكاتبة الروائية هبة نور

********************

 

 

احنا قربنا على العزبة ، دقايق ونكون هناك إن شاء الله

 

حمدالله على سلامة الوصول حبيبي هه

 

الله يسلمك

 

 

*******************
*******************
*******************

 

اهلا اهلا اهلا علاء بك اهلا بالهانم

 

اهلا بيك يا عم عواد . ازي احوالك ؟

 

الحمدلله جنابك . نورت العزبة جناب علاء بك

 

اشكرك . خد الشنط دخلهم السرايا .وحضروا الغدا

 

الغدا جاهز يا جناب البيه من قبل حضرتك ما توصل ، مبروكة من بدري بتجهز فيه

 

طيب كويس اوي

 

 

تعالي يا بت يا مبروكة سلمي ع جناب البيه والست الهاااااانم

 

جاية اهوووو هههه

 

اهلا اهلا بالبيه والهانم نورتوا العزبة ههه

 

ههههههه اهلا يا مبروكة ازيك

 

الحمدلله يا علاء بيه . ازيك ياست هانم

 

اهلا بيكي

ماشاء الله حضرتك زي البدر هههههههه فيكي شبه من علاء بك

 

هههههههههههه كدة برضو يا مبروكة بقى أنا وحش كدة ! هههههههههه

 

يا دمك الخفيف . يمزح  مع الناس كلها وينكد علية . اعوذ بالله . راجل عايز ضرب الرصاص . والله تستاهل يا بتاع وسام التميز ههههههههه

 

 

 

*******************
*******************
*******************

 

اتفضلوا الغدا . نورتوا العزبة والله هههههه ازي الهانم الكبيرة يا علاء بيه ؟

 

الحمدلله يا مبروكة بتهديكي السلام . بقولك ايه يا مبروكة

 

تحت امرك يا بيه

 

أنا واحشني جداااااااااااااا فطيرك المشلتت وياسلام بقى على عسل نحل بالقشطة

 

ههههههه جرا ايه يا بيه هو حضرتك مش هتاكل الفراخ والحمام اللي قدامك  دول ؟؟؟؟

 

هههههههههه لأ طبعا هاكلهم . أنا بتكلم على العشا هههههه حضري الفطير على العشا . أنا باجي العزبة بيصيبني نهم وشره
ههههههههه

 

ههههههه بالهنا والشفا يابيه . ما بتاكليش  ليه يا هانم ؟ . مش عاجبك الاكل؟

 

الاكل جميل مبروكة تسلم ايدك

 

الله ! . صوت حضرتك حلو اوي . زي العصفورة اللي بتزقزق الصبحية ههههه

 

هههههههههه جزاك الله خيرا . مابسمعش الكلام ده من جوزي

 

طب اسيبكو بقى براحتكو واجيلكو على العشا

 

اتفضلي يا مبروكة

*******************
*******************
*******************

*********************************************
حقوق النشر محفوظة للكاتبة الروائية هبة نور

********************

 

هو حضرتك علاء بك بتاكل الحمام بعضمه ؟

هههههههه . اه . ليه في حاجة ؟

 

يا مأمي !. هو جراله ايه !. هو نسي انه ابن باشا !. ماله بياكل زي اللي عمره ماشاف اكل كدة !. أنا عمري ماشوفته بياكل بالطريقة دي

 

مابتاكليش ليه يا هانم؟

 

بتفرج عليك وانت بتاكل علاء بك

 

كلي يا هانم كلي . ولا تحبي اسألك  نفسك في ايه قبل ما تنضربي بالرصاص ؟ هههههههههه

 

انت جايب الطبنجة معاك ؟

 

طبعا . مش بسافر من غيرها . بس ماتخافيش . مش هغدر بيكي . لسة قدامنا اسبوعين

 

اهئ اهئ اهئ هيموتني يا مأمي اهئ اهئ

هو قلبه مش هيحن بقى ولا ايه ! اهئ اهئ

 

*********************************************
حقوق النشر محفوظة للكاتبة الروائية هبة نور

********************

 

 

 

رايح فين علاء بك ؟

 

هتمشى شوية في جنينة الفاكهة

 

طيب مش تاخدني معاك ؟

 

لأ . عايز اتمشى لوحدي

 

طيب أنا كمان عايزة اخرج . أنا مش جاية العزبة اتحبس . يبقى كنت قعدت في القاهرة افضل

 

مبروكة

 

يا مبرووووووووووكة

 

نعم يا بيه

 

ابقي خدي الهانم مشيها شوية وفرجيها على العزبة

 

تحت امرك يا بيه

 

مبروكة ! زي مايعجبك علاء بك

 

عن اذنك عفيفة هانم

*******************
*******************
*******************

اتفضلي يا عفيفة هانم أنا مستنية حضرتك

 

أنا جاية مبروكة

 

*******************

انتِ  نورتي العزبة والله يا عفيفة هانم انتِ  وعلاء بيه

 

ههههه شكرا مبروكة

 

بس جنابك  شكلك مش مبسوطة من العزبة

 

أنا مش مبسوطة من صاحب العزبة . مممم  لا ابدا مبروكة . العزبة لطيفة خالص . حبيتها اكتر من عزبة بابّا

 

بالليل بقى هدوقك احلى فطير مشلتت من ايدي

 

ههههههههه طيب ما تعلميني بتعمليه ازاي

 

يا خبر يا هانم ! . ودي تيجي برضو !. الهوانم اللي زي حضرتك مايصحش يتعلموا الحاجات دي . اومال لزوم الخدم ايه !!!

 

ههههههههههه طيب ايه رأيك بقى أنا هتعلم منك الفطير المشلتت واعمله لعلاء بك بنفسي

 

ههههههههه يا هانم حرام عليكي . جنابك   عايزة علاء بك يطردنا من العزبة ونتشرد احنا وعيالنا !!! ههههههه ازاي اخلي الهانم مراته تعجن وتخبز  !!!. طب دا كان يقلب العزبة عاليها واطيها

 

لالالا مبروكة . علاء بك مش مهتم بشأني زي ما انتِ  متخيلة . أنا مصرة اعمل معاكي الفطير

 

على راحتك يا هانم . ههههههه طيب تعالي معايا البيت

 

يلا مبروكة أنا جاية معاكي

*******************
*******************
*******************

 

*********************************************
حقوق النشر محفوظة للكاتبة الروائية هبة نور

********************

 

 

ههههههههه يا هانم مش كدة . حطي زبدة الاول

 

كدة ؟

 

ايوة . افردي العجينة بقى

 

كدة ؟

 

ههههههه شاطرة يا ست هانم

 

ههههههههه الله . حلو اوي العجين والخبيز ده هههههههههه

 

حطي زبدة تاني يا هانم

 

ايه ده !. ليه الزبدة الكتيرة دي  !. دي كدة تبقى دسمة اوي

 

ههههههههه ماهو الفطير المشلتت كدة . اومال يطلع مورق ازاي !

 

وعلاء بك هياكل كمية الزبدة دي كلها في الفطير ؟

 

ههههههههه اسم الله عليه . ماهو شباب وبصحته . ياكل زي ماهو عايز . والله يا هانم جنابك  محظوظة بعلاء بيه

 

هههههههههه أنا ! ليه يعني ؟

 

علاء بيه طيب اوي ياست هانم

 

ايوة طيب . مع كل الناس إلا  أنا

 

لكن الباشا ابو علاء بيه كان شديد اوي اوي . رغم انه كان متدين اوي بس شديد

طبعه صعب وكان عصبي ودايما يزعق . لكن علاء بيه ماشاء الله عليه طبعه هادي والناس كلها بتحبه

مرة علاء بيه والهانم الكبيرة جم فجأة وكنت بنضف السرايا أنا وأمي ،  والعيال معايا بيلعبوا في الجنينة

وقولت انزل امشّي  العيال عشان مايزعجوش علاء بيه ويتضايق من وجودهم

نزلت لقيته بيلعب معاهم وشايل الواد الصغير على حجره هههههههههه

راجل متواضع اوي بصراحة ،  عمره ماحسسنا اننا خدم

 

 

عقبال ما يتواضع معايا ان شاء الله

 

حضرتك بتقولي حاجة يا ست هانم ؟

 

لا مبروكة . احنا مش هنحط الفطير في الفرن بقى ؟

 

ايوة يا هانم . عنك انتِ  . أنا هحطه في الفرن

 

هههههه لا أنا عايزة احطه أنا

 

*******************
*******************
*******************

 

عفيفة

 

يا عفيفة

 

عفيفة ، عفيففففففففففففففففففففففة

 

الهانم لسة ماجاتش يا علاء بك

 

ماجاتش ! لحد دلوقتي ؟ راحت فين ؟ . ازاي تتأخر وهي عارفة اني اول ماارجع بدور عليها !!!!!!!!

 

*******************
*******************
*******************

 

الفطير استوى يا ست هانم

 

ههههههه شكله جميل اوي وريحته تجنن

 

تسلم ايدك يا ست هانم ههههههه يلا بقى نروح لعلاء بيه عشان اتأخرنا عليه اوي

*******************
*******************
*******************

 

*********************************************
حقوق النشر محفوظة للكاتبة الروائية هبة نور

********************

 

السلام عليكم علاء بك

 

وعليكم السلام . مالسة بدري يا هانم

 

كانت معايا يا بيه بتعملك الفطير بايديها الحلوين هههههه

 

انتِ  ازاي يا مبروكة تاخديها معاكي البيت وتخليها تعمل حاجة بايديها !!!!!!

 

يا بيه ماتزعلش نفسك . مش قولتلك هيزعل ياست هانم ؟

 

أنا اللي ألحيت  عليها علاء بك هي مالهاش ذنب

 

سماح بقى يابيه . حقك علية أنا

 

اتفضلي انتِ  يا مبروكة

 

طيب يا بيه . أنا جيبت لحضرتك عسل نحل بالقشطة وجبنة فلاحي كمان

 

اي خدمة تاني يا بيه ؟

 

لا شكرا

 

اي خدمة يا هانم ؟

 

شكرا مبروكة تصبحي على خير

 

وجنابك  من اهل الخير والسعادة ياست هانم

 

*******************
*******************
*******************

ايه رأيك في الفطير علاء بك ؟

 

جميل جدا طبعا

 

ههههه دا عشان أنا اللي عملته بإيدي

 

ههههه انتِ  صدقتي نفسك ولا ايه !! . كنتي هتعمليه ازاي يعني من غير مبروكة  ! ههههههه اكيد مبروكة سابتك تلعبي في العجين  شوية عشان ترضيكي هههههههه

 

كدة ! يعني هو انت ما تعرفش تقول اي كلمة حلوة ابدااااا !!!. لازم تعصبني وتنرفزني  وخلاااااااااص !!!!

 

ايه يا هانم الاسلوب اللي بتتكلمي بيه معايا ده  !!!!. نسيتي نفسك ولا ايه !!!! . اياك صوتك يعلى تااااااااني

 

اسفة علاء بك . عن اذنك

 

ما تنأميش ،  أنا جاي وراكي

 

تحت امرك وهكون جاهزة

 

هههههههه برافو عليكي

*******************
*******************
*******************

عفيفة هانم

 

افندم

 

اطفي الشموع وتعالي جنبي

 

ايوة طبعا ماهو أنا الجارية وانت السيد ومن حقك تاخد كل اللي انت عايزه

 

جارية ! أنا بتعامل معاكي كجارية يا عفيفة هانم ؟

 

بالطبع علاء بك . بتتعامل معايا اسوأ معاملة ، وبالليل تدعوني لفراش جنابك من غير اي مراعاة لمشاعري وكأني امة ذليلة في الحرملك بتاعك

 

لا حول ولا قوة الا بالله . يعني ما اجيش جنبك تزعلي وتقولي يعني ايه ماعندكش رغبة فيا

ولما اطلب منك حقوقي تزعلي وتقولي أنا مش جارية . هو حضرتك غاوية عناد وخلاص !

ولا هو الحلال صعب اوي كدة ولما عرضتي نفسك عليا في الحرام كان امر مقبول ومستحسن عندك ؟؟؟؟

 

اهئ اهئ اهئ علاء بك دي اهانة

 

نفس الفكر الغربي اللي اتربيتي عليه . علموكو ان الزوج مش من حقه يطلب حقوقه الشرعية
وان ده قهر واذلال للمرأة ولازم ترفض
لكن من حق الست تصاحب وتعاشر في الحرام

 

اهئ اهئ اهئ الله يسامحك . أنا ما طلبتش اكتر من انك تعاملني كإنسانة . زوجتك حبيبتك ، وساعتها هكون ملكك وتحت امرك

 

انتِ  تحت امري فعلا ومش من حقك ترفضي . اتفضلي تعالي . انتِ  مش هتعلميني اطلب حقوقي ازاي

 

اهئ اهئ اهئ امرك علاء بك امرك

*******************
*******************
*******************

 

*********************************************
حقوق النشر محفوظة للكاتبة الروائية هبة نور

*******************

 

صباح الخير يا علاء بيه

 

صباح النور يا مبروكة

 

اومال الهانم فين ؟

 

لسة نايمة

 

نوم العافية يارب . طيب أنا جيبت الفطار

 

ادخلي صحي الهانم يا مبروكة

 

من عنيا يا بيه

 

*******************

*******************
*******************

ست هانم

 

ست عفيفة هانم

 

يا هانم

 

ايوة مبروكة صباح الخير

 

صباح الهنا والسعد يارب يا ست هانم . قومي يا ست الكل الفطار جاهز والبيه مستنيكي

 

لا  مبروكة أنا مش هفطر

 

ليه بس ياست هانم !. طب دأنا عملالك بيض مسلوق ومعوماه في السمن البلدي

غير العسل والقشطة والزبدة والجبنة الفلاحي

 

هههه معلش مبروكة ماليش نفس

 

على راحتك يا هانم

*******************
*******************
*******************

ايه يا مبروكة الهانم ماجاتش ليه ؟

 

بتقول مالهاش نفس يا بيه

 

كدة ! طيب اتفضلي انتِ  يا مبروكة

 

طيب يا بيه . أنا هاجي على الغدا ومعايا البط والملوخية والرز المعمر هههههه

 

في انتظارك يا مبروكة

*******************
*******************
*******************

 

عفيفة هانم

 

افندم علاء بك

 

يعني انتِ  امبارح ما اتعشتيش وكمان دلوقتي مش هتفطري !!!

 

ماليش نفس علاء بك

 

لأ هتفطري غصب عنك

 

ياسلام ! مش عايزة افطر

 

كدة ! اتفضلي قدأمي ماتخلنيش اتعصب . هتفطري معايا وهشرب بعد الفطار قهوة تركي من ايدك

في انتظارك في التراس ولو ماجتيش مش هيحصل طيب . والله عال . كلام الستات اللي هيمشي عليا ولا ايه . !

*
*
هههههههههه راجل غريب .مش قادرة افهمه ابداااااااااااااااا

 

*********************************************
حقوق النشر محفوظة للكاتبة الروائية هبة نور

********************

 

يا عواد

 

افندم علاء بك

 

جهزلي الفرس بتاعي

 

تحت امر جنابك

*******************
*******************
*******************

 

ايه ده علاء بك . انت بتعرف تركب خيل

 

ههههههههه على ادي

 

الله . كان نفسي اتعلم اركب خيل

 

بالله عليكي في ست تركب خيل !

 

ودي فيها ايه ؟

 

دي رياضة للرجال وماتصلحش للنساء

 

طيب بلاش خدني وراك على الفرس وطير بيا

 

ههههههههههه خيالية . مابحبش حد يركب ورايا . عن اذنك

 

اوووووووووف اتفضل

 

*******************
*******************
*******************

 

ياااااااااااااااااااه شكله رائع وهو بينط على الفرس . فارس حقيقي ويقولي انه بيعرف في ركوب الخيل على اده وهو محترف ركوب خيل هههههه

بس للأسف مش محترف معاملة نساء

*******************
*******************
*******************

ازيك يا ست هانم

 

اهلا مبروكة ازيك انتِ  . مين الولد الامور اللي معاكي ده ؟ ههههههههه

 

ده علاء ابني ههههههههه

 

هههههههه انتِ مسمياه علاء  ! ههههههه

 

طبعا يا هانم . على اسم علاء بيه ربنا يخليهولنا . بس ايش جاب لجاب . علاء بيه زي البدر ماشاء الله

 

وعلاء ابنك امور كمان هههههههه تعالى يا علاء . الله ابتسامته جميلة

 

الله يخليكي يا هانم . يارب المرة الجاية تيجي ومعاكي ابنك ولا بنتك وتفرحينا

 

هههههههه دا  انتِ  متفائلة اوي مبروكة

 

شايفة يا هانم علاء بك وهو طاير بالفرس ماشاء الله

 

ههههههههه ايوة شايفاه

 

كانوا شباب البلد يستنوه لما يركب الخيل بتاعه عشان يشوفه وهو بينط على الفرس
ومرة واحد من الشباب حب يقلده بس يا عيني وقع ودراعه اتكسر ههه

 

هههههههههههههه

*******************
*******************
*********************************************
حقوق النشر محفوظة للكاتبة الروائية هبة نور

********************

 

علاء بك

 

افندم عفيفة هانم

 

شكلك حلو اوي وانت راكب فرسك

 

عادي . كل الناس بتقول كدة

 

مغرور

 

بتقولي حاجة يا هانم ؟

 

بقول بحبك علاء بك بحبك وكل يوم بحبك اكتر من اليوم اللي قبله

 

بتبصلي كدة ليه علاء بك ؟

 

انت عايز تقول حاجة حبيبي ؟

 

عن اذنك هروح اصلي المغرب في المسجد

******************************

انتهت حلقات هوانم جوزيل

تشكرلار على متابعات رقيقات من حظرتكم

دكتورة رشا, أم رفيف, كاميليا محمد, أم هبة، أم رقية، وكل هوانم متابعات صامتات

ألتقيكم يوم السبت إن شاء الله

لا تنسوا ذكر الله والاستغفار والصلاة على الحبيب عليه الصلاة والسلام

لا إله إلا الله ولا حول ولا قوة إلا بالله

اللهم صل وسلم وبارك على نبينا محمد

أستغفر الله العظيم وأتوب إليه