الحلقة الرابعة

قبل بدء هذه الحلقة أود أن أرسل تحية ندية برائحة نسيم البحر لكل سكندري يعتز بلهجته السكندرية المتميزة حفظاً للتراث, وحتى لا نسحق تحت أقدام التفرنج وتضيع هويتنا,ويدرك أنها من أفخر اللهجات المصرية , وانها متأصلة في وجدان كل عاشق للماريا ,لهجة ممزوجة بعدة ثقافات وحضارات أوربية ,الأسكندرية مدينة الجمال ,موطن التاريخ والحضارة ..عاش فوق أرضها وهام بها الأوربيون لأنها أقرب المدن شبهاً بالمدن الأوربية مناخاً وتحضر
الأسكندرية الجميلة ,نعشق ربوعها,شوارعها ,نعشقها بعمق بحرها وتتمدد أرواحنا فوق شواطئها .. ونعشق لهجتها الفريدة....انها الأسكندرية ..فريدة الحسن

تحياتي

الكاتبة هبة عبد العظيم نور
*****************************************

ترررررررررررررررررررررررررررررررررررررررررررن

-      افتح الباب يا سونسوووون

-      متهيألي دي مدام اشجان يا بهيرة، اصل سمعت صوت باب شقتهم بيفتح

-      طب عن اذنكو هشوف اشجان عايزة ايه

-      اتأكدي الاول يا بهيرررة

-      حاضر يا سونسون

-      مدام اشجان دي بقى يا محمود صاحبة بهيرة الروح بالروح، تقريبا ما بيفترقوش

-  ههه بهيرة اختي اجتماعية بطبعها، مش عايز اقولك ان اصحابها كانوا لاجئين عندنا هههه اصلها حبوبة ولذيذة , مش كدة يا حاجة؟

-      ايوة لذيذة قوووي، عمري ما دوقت في حلاوتها البطاية دي، لحمها زي الشهددددد

-      بطاية ايه!!!

-      هههه اصل امي مش مركزة في كلامنا

-      ههه واضح انها مركزة مع الأكل اكتر

-      هاتي ياياسمين صباع كفتتتتتتة

-      اتفضل يا ياسر

-      هااااااااتي

-      بالراحة يا واد على ايد اختك هتاكلها مع صباع الكفتتتتتتتتة، بطل دناوووووووة

-      طب هاتي حتة فرخة يا تيييييتة

-      اخررررررس قطع لسااااااانك، في عيل متربي يطلب من سته طلب  زي دددددده! مافيش تربية خااااالص!

-      معلش يا امي، كل يا ياسر وما تطلبش حاجة من تييييييتة

-      حاضر يا بابااااا

                     ********************

تررررررررررررررررررررررررررررررررررررررررررررررررن

-      ايوة ايوة يللي ع الباب حاااااااضر ,مييييين

-      أنا اشجان يا بهيررررررة، يختي افتحي دراعي وجعنيييييي

-      هههه اهلا يا اشجان، ايه ده يا اختي؟

-      ههههه استني اما نرفعوا الغطا من على وشه عشان نفرحوووووووكِ

-      فرحيني يا اختي ههههه

-      ديك رووووووووومي

-      اييييييييييه! خديه وارجعي بيه حالا يا اشجاااااااان

-      هااااا! هو انتِ ما بتحبيش الديوك الرومي ولا ايه؟

-      في حد ما بيحبش الديوك الرومي برضو! ارجعي بيه بسرعة قبل ما يتصااااااادر

-  نرجعوا بيه يعني ايييييييه! وربنا ما ينفع الكلام ده، احنا كدة هنزعلوا منك وربنا، احنا جايبينه عشان خاطر اخوكِ ياكل منه

-      لو دخل جوا اخويا مش هيدووووووقه

-      ليه يختي كفالله الشررررررر؟

-      حماتي جوا يا اشجان حماتي جواااااااااا

-      يا امّي!!!!!!!!! اما ناخدوا الديك ونجرواااااااا  

-  اجري يا اشجان اجرررررررررري، اجري قبل ما حد يشوف الديككككككك، يااااااااه الحمدلله انقذت الديك، اما اروح للجمع السعيد بقى

********************

بقلم الكاتبة هبة عبد العظيم نور

********************

-      اتأخرت عليكو؟ ههههه

-      لا يا رورو ابدا هههه

-      مين كان ع الباب يا بهيرة؟

-      دي اشجان كانت عايزاني في موضوع وخلصناه من ع الباب، منورة يا نييييييينة

-      بنورك يختي، بقى دي كفتة تعمليهاااااا!

-      مالها يا نييييينة؟

-      يا شيخة دي كلها شغت ومش عارفة اكلهاااااااا

-      هههههه اومال الكفتة اللي كانت قدامك راحت فين!

-      كلتها من غُلبييييييي

-  هههه سلامتك من الغلب يا نينة، اول مرة اشوف حد ياكل من غُلبه، أنا اعرف واحد يطفش من غلبه، يتخانق مع حد من غلبه، انما ياكل من غلبه دي جديدة نوفي ههههه اتفضلي يا نينة حتة لحمة محمرة

-      هااااااتي، مع ان الواحد مالوش نفس للأكل، بس باكل عشان خاطر حسين

-      ههههههه  تعيشي وتاكلي وتراضي حسين يا نيييينة، كلوا يا ولاد كلوااااا، خد يا ياسين يا حبيبي حتة لحمة

-      شكرا يا ماما

-      وانا كمان يا مامااااااا

-  يا ابني ارحم نفسككك، على العموم خد يا ابني كل يا حبيبي، بالهنا والشفا يا ياسر، اتفضل يا حسين حتة لحمة انقذتهالك من ياسر هههه

-      هه شكرا يا بهيرة

-      هما الناس اللي في ايطاليا بياكلوا ايه يا خالي؟

-      ههه بياكلوا حاجات كتير يا ياسر، بس اشهر الأطباق هناك المكرونة

-      ما بياكلوش فراخ ولحمة؟

-      ههه بياكلوا طبعا يا حبيبي

-      شوف يا سونسون الواد ياسر، سايب كل حاجة في ايطاليا وبيسأل على الأكل اللي بياكلوه هناك هههه

-      ههه يسألني زي ما هو عايز وانا اجاوبه، خد يا ياسر يا حبيبي حتة الفراخ دي من طرف الشوكة

-      شكرا يا خاااالي, همممممممم يا  جمل

-      هههههه انت ولد عفريت

-      يا ياسر يا إبني المفروض لما تسأل خالك تسأل عن جغرافيا المكان وطبيعة السكان

-      طب مش هما السكان دول بياكلوا يا بابا؟

-      طبعا بياكلوا هه

-      طيب ما هو أنا بسأل السكان دول بياكلوا ايييييه

-      هه انت مافيش فايدة فيك، كلي يا امي

-      اكل ايييييه! هما المزاغيف عيالك خلوا حاجة تتااااااااااكل!!!!!!!!!!

********************

بقلم الكاتبة هبة عبد العظيم نور

*************************

-      ما تشرب الشاي يا حووووودة

-      شربت يا بهيرة ههه متشكر على العزومة الجميلة دي، متشكر قوي يا حسين

-      متشكر على ايه يا راجل! انت نورتنا والله

-      ههه جراتسي ميللي سنيور حسين

-      ههههه لا يا سيدي كلمنا عربي، مالناش في الإيطالي

-  هههه معلش، ما تنساش إن انا عيشت سنين طويلة هناك، طيب استأذن انا بقى عشان اتأخرت على مامِيّا  هههه

-      ما انت قاعد يا حودة يا حبيبيييييييي

-      معلش يا بهيرة، هبقى اجيب امي واعدي عليكِ في يوم تاني

-      طيب امتىىىىىى؟

-      لا مش هقولك عشان ما تكلفوش نفسكو، انا اللي هعزمكو في اليوم ده

-      ههههه عزومة مقبولة مقدما يا حوووووودة

-      اومال فين الحاجة والدتك يا حسين عشان اسلم عليها قبل ما امشي؟

-      امي فين صحيح يا بهيرة؟

-  ههههه نينة بعد الأكل مسحت ايديها بالفوطة وقالت اه يانا مش قادرة اخد نفسي وراحت  ممدة ع الكنبة واستسلمت لنوم عمييييييق هههه

-      طيب سلميلي عليها، ناديلي الولاد عشان اسلم عليهم قبل ما امشي

-      حاضر، يا ولااااااااااااد تعالوا سلموا على خالووووووو

********************

-      تعالى يا حسين نفتح شنطة الهدايا اللي جايبها محمود اخوياااااااا

-      ماشي يا بهيرة، مكلف نفسه والله

-      يا حبيبي وفيها ايه بس! مش انا اخته حبيبته وهو اخويا حبيبي!

-      ربنا يخليكو لبعض

-      ويخليك يا سونسون يا حبيبييييييييييي

-      استنى اما احط الشنط  ع السرير ونفتحها، بسم الله الرحمن الرحيم، ادي الشنطة اتفتحت يا ستي ههههه

-  الله! هههههه وريني كدة يا سونسوووووووون، الله،  دول  مليانين  لبس ولعب ليا وليك وللعياااااال ههههه شوف يا سونسون البيجاما دي ليكككككككك الله، دي حلوة قوووي شوف يا سونسوووووون هههه

-      جميلة فعلا

-  انت اللي جميل فعلا وقولااااااااا ههههههههه بص دول قميص وبنطلون ليككككككك ههههه قيسهم يا سونسون عشان اشوفهم عليكككككك

-      بعدين يا بهيرة، واضح انهم مقاسي ومظبوطين، كتر خيره والله

-      الله يا سونسووووووون ههههه دي بيجاما لياااااااا، اول مرة هلبس هدوم ايطااااااالي

-      هههه مبروك عليكِ يا ستي

-  الله يبارك فيك يا سونسون يا حبيبييييييي هههه ودي كمان بيجاما لياااااا، استنى اما اقلب في الشنطة كدة اشوفهم كام بيجاما بالظبط، الله دول حوالي اربععععة هههه موديلات مختلفة والوان جميييييييلة ,ايه دددده، ده كمان جايبلي علبة ماكياج ايطالي غير البرفانات ليا وليك كمااااان هههه

-      وليه بس كل ده! على العموم يُشكر على كل حال

-      انا هقيس البيجامات وانت تقولي رأيك ايييييه

-      خليهم بعدين يا بهيرة لما امي تمشي

-      نينة نايمة وما اعتقدش هتصحى دلوقتي ههههه اقعد بقى عشان تقولي رأيك

-      ماشي يا ستي، قيسي ووريني

********************

بقلم الكاتبة هبة عبد العظيم نور

***********************

-      صح النوم يا نيييينة هههههه اتفضلي عصير جوافة  

-      هاتي يا بهيرة، ايه الكوباية الصغيرة ددددددي! مش تصبي في كوباية كبيرررررة!

-      ما هي الكوباية كبيرة اهيه يا نييييينة

-  هي فين اللي كبيرة دي! دي مافهاش شفطتين، على طول ايدك مقروصة في الحاجة كدة، , خلي ياسيمين تجيبلي تاني

-      هههه حاضر يا نينة، ياسمييييييييييين، هاتي الدورق بتاع العصير كله لنييييييييينة

-      حاضر يا ماماااااااااا

-      اخوكِ مشي يا بهيرة؟

-      ايوة يا نينة، كان عايز يسلم عليكِ لقاكِ نايمة

-      ايوة، الأكل كبس على مراوحي خلى النوم كبس عليا ما دريتش بالدنيا

-  بالهنا والشفا يا نينة هههه مع انك ما كلتيش كتير .يا دوب نص بطة ونص طبق الكفتة وست حتت لحمة وربع فرخة غير المحشي والملوخية وطبقين الرز اللي كلتيهم، مش شايفة ان ده قليل قوي يا نينة! هههههه

-      ايوة، معلش يا بهيرة، اصل الأكل الكتير وحش ويضر الصحة، لازم الوسط في كل شيء

-      الحمدلله يا نينة على قناعتك هههههه

-      اتفضلي دورق العصير يا تيتة

-      هاتي يا بنت ابني

-      صبي واشربي يا نينة بالهنا والشفاااااا، اشربي العصير كله ومش مهم العيااااال

-      وريني بقى الحاجات اللي اخوكِ جابهالك من بلاد برا

-      ههه حاضر يا نينة، هجيبهم اوريهوملك

-      ماشي، على ما اصب كوباية عصير كمان تكوني جيتي

-      ماشي يا نينة

********************

-      رايحة فين يا بهيرة؟

-      رايحة اجيب الهدايا اللي جابهالي محمود عشان افرجها لنينة يا سونسون ههههه

-      ماشي، ازيك يا امي، صح النووووووم هههه

-      صح بدنك يا حبيبي، تعالى اشرب عصير

-      هههه متشكر يا امي، بالهنا والشفا انتِ

********************

-      اتفضلي شوفي يا نيييييينة ههههه

-  هاتي يا بهيرة وريني كدة، اللهم صل ع النبي، ايه الحلاوة ددددددي ههههه البيجاما دي هتبقى حلوة قوي على عايدة، ودي كأنها متفصلة على سااااااامية، سبحان الله، الرزق ينادي على صاحبه فين ما يكوووووون

-      هااااا، الحق يا حسيييين، قول لامك ده رزقي أنا مش رزق سامية وعايدة اهئ اهئئئئ

-      عايدة وسامية ايه يا امي!!!!!! دي هدايا محمود جايبها لبهيررررررة

-  وفيها ايه يعني لما ناخد حاجة من الهدايا لعايدة وسااااااامية، مش اخوات جوز اخته دول ولا لقينهم في الشااااارع، هو لولا اتنازلنا وجوزناك لاخته كانت اتجوزت ولا شافت جوازززززز! دي لولاك ولولا عيلتنا كان زمانها معنسة وقاعدة جنب امهااااااااااا، ولا ايه يا ست بهيررررررة، خسارة بيجامتين مسخوطين في اخوات جوزك  اللي خيرهم عليكككككككِ!!!!!!

-  يا نينة انا ما قولتش كددددددة، بس اصل مقاسات البيجامات صغيرة عليهمممممم، ماشاء الله عايدة وسامية جسمهم مليان ومربربييييييين

-  مربربين! كبدي عليهم! هما بياكلوا ولا ليهم في الأكل! الدور والباقي ع اللي بتاكل زي السوسة وما بيبانش عليهااااااااااا

-      يا نينة والله البيجامات مش مقاسهم خاااااالص

-      مش هصدق إلا لما يقيسوهممممم

-      دول لو قاسموهم هيتفتقوا ويبوظوا يا نيييييينة، كل واحد يبلبس اللي على مقاسسسسسه

-  لا بقى، احنا عيلتنا يلبسوا اللي على مقاسهم واللي على مقاس غيرهم، وبعدين ما تشيليش هم، يخسوا شوية عشان خاطر البيجامات الإيطالي مافهاش حاجة، وحتى لو ما جاتش على مقاسهم هتيجي على مقاس بناتهم، كبروا وبقوا عرايس ما شاء الله

-  يا نينة يعني أي حد يلبس البيجامات إلا انااااااااا! يعني حاجة اخويا جايبهالي اقوم اديها لغيررررري! هو انا كل يوم بيجيلي بيجامات من ايطاليا يا نيننننننة! اهئ اهئئئئئئئ

-      روحي عيطي بعيد وما تقلبيش دماغي، وليميها لحسن تكبر في دماغي واخد البيجامات كلها للبناااااااات

-      لااااااااا خلاص، الحمدلله على كدة

-      وريني ايه دول كمااااااان

-      دول برفانات وماكياجات يا نييينة

-      هاتيهم لعايدة وسامية، انتِ كبرتي ع الحاجات دي

-      كبرت ايه يا نييييينة! عايدة وسامية اكبر منييييييييي

-      اكبر منك في المقام يا شاااااااايبة، هاتي يا بت الحاجات اللي معاكِ دي لقووووووملك

-  يووووو، حاضر يا نينة، طب نقسمهم قسمة الحق، دول اربع ازازيز برفانات، خدي دي لعايدة ودي لسامية، وسيبيلي دووووووول

-      ماشي زي بعضه، عشان تعرفي اني حنينة وما بحرمكيش من حاجة، هاتي بقى الماكياج ده

-      يا نينة ما ينفعشششششش، ده بالذات ما ينفعش يتقسم

-      خلاص طالما ما ينفعش يتقسم يبقى هاتيه كله

-      لاااااا خلاص يا نينة، هحاول اقسمهم بالحق

-      ماشي يا مرات حسين، إياك تاخدي حاجة زياااااادة، مش هسامحك ليوم الدييييييين

-  لا يا نينة، ما تخافيششش، انا ايه اللي خلاني وريتلها الحااااااجة، خدي يا نييينة، انا رايحة ادخل بقيت  الحاجة في الأوضة,عن اذنك يا نيييييينة

-      اذنك معاكِ يا نصاااااااابة

-      ايه يا امي ده! ليه كدة! دي حاجات جاية لبهيرة، ما كانش من المفروض تاخديها منها، ما يصحش يا امي

-  ما يصحش يا اميييييي! اومال ايه اللي يصح يا حسسسسين، هو كان يصح من اخو مراتك انه يجي بعد الغيبة دي كلها ما يفتكرش يجيبلي فردة شبشب من ايطاليا حتىىىىىىىى!!!!!! ايه العالم اللي ما عندهاش دم دددددي!!!!!!! شوفت النسب العرة بتاااااعك!!!! اعوذ بالله من بخلهممممممم، طالع بخيل زي امه واختتتتتته، اسكت يا حسين دانا شايلة في قلبي منهم ومفرووووووووسة

********************

رواية خلف هذه الجدران

بقلم الكاتبة هبة عبد العظيم نور

**********************

رررررررررررررررررررررررررررررررررررررن

-      ميييييييييييين

-      افتحي يا اشجااااااان، أنا بهيرة يا اختيييييييي

-      هههه بهيرررررررة حبيبتي يختي اتفضليييييييي

-      شكرا يا شجونة، صباحك ورد ههههه

-      هههه صباحك فل يا حبيبتي، اتفضلي ادخلي تعاااااالي , اخوكِ مَشَى؟؟؟؟؟؟؟

-  ايوة مشي  من امبارح، يادوب اتغدا وقعد شوية ومشي عشان ماما، وحماتي كمان صحيت من بدري فطرت ومشيت عشان تروح تزور واحدة قريبتها

-      سكة السلامة ههههه

-      الاول اتفضلي يا حبيبتي، دي هدية من ايطاليا بسيطة، بيجاما ايطالي ليكِ وعروسة لعبة عشان رحمة ههههه

-      ليه التعب ده بس!

-      طب شوفي البيجاما كدة مقاسك ولا لا، اصل انت اتخن مني حاجة بسيطة

-      ايّوووووه ههههه ايه البيجاما الحلوة دي! لا وكمان لونها تريكواز وجمييييييل

-      عجبتك يعني يا اختي؟

-      قوي قوي يا بهيرررررة ههههه تعيشي يا رب

-  والله يا شجونة اخويا كان جايبلي اربع بيجامات واول ما شوفتهم حجزتلك دي عشان عارفة انك بتحبي اللون ده قوي، وما رضيتش اقيسها عشان تبقي اول وآخر واحدة تلبسيها إن شاء الله هههه تدوبيها في عرق العافية

-      ههههههه الله يخليكِ يا حبيبتي، نردولك الهدية في الفرْح يا رب

-  آمين يا حبيبتي عندنا وعندكو، حماتي صادرت بيجامتين غصب عني لعايدة وسامية رغم انهم مش مقاسهم والله

-  ايّووووووه، لا اله إلا الله، طب ليه كددددة! ازاي تاخد منك حاجتك كدة غصب عنك! وكمان مش مقاس بناتهاااااااا!

-      هههه كل شيء ممكن مع نينة، يلا بقى ماليش نصيب فيهم، لو ليا نصيب كانوا قعدوا

-      ايّوووه عليكِ يا بهيرة! نفسي ناخدوا كل حاجة ببساطة كدة وما نزعلش نفسي

-      هههه ازعل نفسي على ايه يعني! على بيجامتين راحوا!!!!! ربنا يكتبلنا الجنة ونلبس احسن منهممممم

-  ههه اللهم آمين يا ام ياسمين، بس كدة يبقى انتِ ما بقاش فاضل عندك من البيجامات غير واحدة بس بعد اللي اديتهالي دي، لالالا ما ينفعش، خديها يا حبيبتي، انتِ اولى بحاجة اخوكِ، وكفاية انك فكرتي فيا

-  لا والله يا اشجان ابداااااا، اخص عليكِ يا اختي، طب والله اول ما شوفت البيجاما دي قلت دي تليق على اشجان وهتفرح بيها قوي هههه اصل أنا كنت ناوية والله اهاديكِ بهدية من اللي هيجيبهوملي محمود

-      هههه تعيشي يا بهيرة، ربنا يديم المعروف يارب ويقدرني نردوا جمايلك، ومتشكرين ع اللعبة بتاعة رحمة

-      الله يخليكِ يا اختي، اعمليلينا اتنين شاي بقى

-  حاضر من عنيااااا هههه نفطروا بس عشان ما فطرتش لحد دلوقتي وبعدين نعملولك الشيّ، ما تفطري معايا يا بهيرة

-      سبقتك من بدري يا اختي، فطرت مع سونسون والعيال الصبح قبل ما ينزلوا على مدارسهم

-      طب تعالي معايا المطبخ نحضروا فطار ليا وندردشوا سوا

-      ماشي يا حبيبتي