الحلقة السادسة

رواية خلف هذه الجدران

بقلم الكاتبة هبة عبد العظيم نور

*******************

-  محل الحاج مرشدي اللي شغال فيه حمو اخويا اهوووو، اما ندخلوا نقولوله إنّي عايزة فلوس نودي الولا للدكتورررررر

********************

-      صباح الخير يا اسمك ايييييييه 

-      صباح النور، طلباتك

-      انا اخت حمووووووو، هو فييييييييين؟

-      حمو راح يستقضى طلب من المخزن، اقعدي استنيه

-      متشكرييييييين، مين الراجل اللي داخل ددددددده؟

-      ده الاستاذ سامي صاحب المحل

-      احنا قلنا كدة برضو ,صباح الخير يا استاذ ساااااااااامي

-      ايه الاشكال العكرة دي ع الصبححححح، صباح النور يختيييييي، خيرررر، ايه اللي مقعدك هناااااا؟

-      هههههه أنا رزقة

-      رزلة! ما هو باين عليكِ الرزااااااااالة، عايزة ايه يا رزلة؟

-  ههههههه اسم  الله عليك، سمعك تقيل ولا ايه! مع انك شاب صغير، أنا رزقة ,رزقة مش رزلة، رزقة اخت حموووو، هو ما حكالاكش عنييييي؟؟

-      شايفة نفسك نجمة سيما يا أم سحنة تجيب التهاب معوي ع الصبححححح! عايزة ايييييييييييه؟

-      مش عايزاك انت، أنا جاية لاخوياااااااا

-      اخوكِ ده تقابليه ع القهوة وتلعبوا عشرتين طوووولة، هنا محل اكل عيشششششش

-  ما احنا عارفين انه محل اكل عيش، هو احنا قلنالك هنا كورنيش ابو قيرررر! انا جاية عايزة اخويا في كلمتين وهنمشوا على طوووول، ازيك كدة يا استاذ سامي وازي الجماعة بتوعك والعيال الصغيرين

-      ما عنديش إلا بت واحدة

-      بسسسسس! يا كبد امك!!!  والعيب منك ولا منها؟

-  عيب ايه يا ولية انتِ!!!!! ايه البلاوي اللي بتتحَدَف ع الصبح دددددددي، من ساعة ما دخلتي والمحل ما دخلوش ولا زبوووووووون

-  تلاقي البضاعة اللي عندكو مش قد كدة، اصل الزباين يروحوا ع البضاعة الحلوة، اهو حمو جه اهو، حموووووووووووو

-      ايه ده! رزززززززقة! في ايه يا رززززززقة، ايه اللي جاااااابك؟

-  جاية نتملّوا في حلاوتكككككككككككك، جاية نشوفوا جماااااااالك، أنا مش قلتلك سيبلي قرشين عشان نودي الولا للدكتوررررر؟

-      ايّووووووووووه نجيبوا منين يا رززززززززقة!!!، نقطعوا نفسي يعنييييييي!

-      ايوة ما هو مش ابنكككككككك، لو كان ابنك كان زمانك هديت الدنيا عشان توديه للدكتوررررر

-      خدي الولا وديه المستشفى المجاني يا رزقة

-  يا سلااااااااااااااااااااااااااااااااااااااااام!!!!!!!! انت عايزني نودي الولا مستشفى مجاني عشان يموتوووووووه!!, دول كانوا يفتحوا بطنه ويسرقوا كلاويه وفشته وكبده ويرجعهولي مخلي زي الفرااااااااااخ

-      يعني نعملولك ايه يا رززززززززقة!!!

-  وانا مااااااااالي، خد من الراجل صاحب المحل دددددددده، انت يا استاذ ساااااااااامي، ادينا مصاريف الدكتورررررررر

-      نعم يختييييييييي! ما احجزلك كام يوم في فندق ع البحر  بالمرررررررة

-      لا ما بنحبوش الفنادق، ادينا مصاريف نودوا الولا للدكتور عشان نعالجووووووه

-  وانا مالي انااااا، ان شالله ما اتعاااااااالج ، وانا فاتحها تكييييييييية!!، حمووووووووووو خلي اختك تخفي من وشي لنموتوهاااااااالك 

-  حاضر يا استاذ سااااااامي، امشي يا رزقة دلوقتي وبعدين نشوفوا موضوع الدكتور ده، احنا هنستلفوا قرشين من استاذ سامي بس لما يروق، يلا بالسلامة بقى

-      ماشي يا حمو، سلام يا أستاذ سااااااامي، سلم ع الجماااااااااااعة

-  غووووووووري داهية تاخدككككككككك، ايه يا حمو الولية ددددددي! انتو مستحملينها ازااااااااااي! وطليقها ازاي استحملها السنين دي كلهااااااا!!!!!

-      اهو طلقها يا أستاذ سامي ورجعهالنا بتلات عيااااااااال

-      أهو ارتاح من بلاويهااااااا، ايه دددده، حرمة دي ولا دكر !!!!!! دانت فيك انوثة عنها يا حموووووو

-      معلش يا أستاذ سامي يعني لو فيها رزالة ممكن تسلفني قرشين ونردهوملك لما نقبض؟

-      هي الحقيقة مافهاش رزالة، دي فيها غلاسة وغتاتة وتقل دددددددم

-  نعملوا ايه بس يا أستاذ سامي!, اديك شايف، اتدبست في رزقة ومصاريفها ومصاريف عيالها ومش عارف نعملوا ايه

-      طب ما تشوفلها شغلانة يا ولا

-      ما احنا شوفنالها شغلانة ما عمرتش فيهااااا

-      شغلانة ايه دي؟

-  شغلتها فراشة في الحضانة اللي ورانا، اتعاركت  مع الأبلة المدرسة ومسكتها ضربتها وفتحت دماغها وبعدين جت تجري تستخبى عند امي عشان الأبلة بلغت البوليس

-      ههههههه وبعدين يا ولا؟

-  ولا قبلين يا استاذ سامي، البوليس جه خدها وباتت ليلة في الحجز وروحنا صالحنا الابلة وخليناها اتنازلت عن المحضر وقلنالها معلش عشان خاطر عيالها الصغيرين, واهي من ساعتها قاعدة في البيت زي العمل الرضي لا منها ولا كفاية شرهاااااا

-  الله يعينك عليها، ايه ددددده، دي عَلقة مش واحدة ستتتتتت، خد يا ولا يا حمو خمسين جنيي بحالها مش خسارة فيك

-      ههههه دول ليا خالص ومش هنرجعوهم يا استاذ سامي؟؟؟؟؟؟؟

-      نعم يا اخوياااااااا! هتستهبل يا ولااااااا! احنا اتفقنا انهم سلفففففف

-      خلاص يا استاذ سامي، خلاااااص، على العموم متشكرين ههههه

-      ياكشي يتمر يا خويااااا، انت يللي اسمك سعيدددددددددددد

-      نعم يا استاذ سامي

-      خليك في اكل عيشكككككككك, شوف الزبااااااااين

-      طب ما انا واقف مع الزباين بنشوفوا طلباتهم اهووووووووو

-      شوف شغلك وما تردش عليا لنهزئووووووووووك

-      ............ ماشي يا استاذ سامي

-      ما تزعلش يا سعيد ههه انت عارف ان الاستاذ سامي قافش منك

-  احنا بنستحملوه عشان خاطر عم مرشدي يا رمضان ، لكن هو ما يهمنيش في ايها حاااااااجة، اخترتي انهي لون يا مداااااااام

********************

رواية خلف هذه الجدران

بقلم الكاتبة هبة عبد العظيم نور

***************************

-   ههههههه بقى اخت الولا حمو شرانية ويطلع منها كل ده يا سااااامي! هههههه دانا  ضَحَكت ضحكككككك ههههه ال تروح تشتغل فراشة في حضانة تقوم تضرب المدرسة وتقتح دماغهااااااا ههههههههههههههههه

-  هههههه ربنا يعين حمو عليها وعلى مصاريفها، دي كدة هتخرب بيتتتتتتته، ده بيستلف فوق الاجرة اللي بيقبضها عشان يكفي

-      بنقولولك  ايه يا سامي

-      نعم يا غزال الفلاااااااا

-      ما تجيبها تشتغل عندنا

-      اييييييييييييييه!!!!!!!!!!!!!

-      مالك اتفجعت كدة!

-      مش عايزاني نتفجع من كلااااااامك! بنقولولك بت شرانية وبتاعة مشااااكل, تقوليلي هاتها تشتغل هناااااا!

-  وفيها ايه دي! اسمع بس يا سامي، احنا هنخلوا  بدور هي الدادة المخصوصة بتاعة البت نورهان، وهنخلوا البت دي لشغل البيت والتنضيف وطلباتي انا

-      ودي هتعيش معانا هناااااااا؟؟؟؟؟؟

-  لالالالا تعيش فين! دي هتيجي في اليوم ساعتين تلاتة تخلص التنضيف والطبيخ وبعدين تمشي وتيجي اليوم اللي بعده

-      طب وليه ده كككككككله! ما هي بدور بتعمل كل حاااااااجة، هي كانت قصرت ولا اشتكيتلك!!!!!!!

-      لا قصرت ولا اشتكت، أنا بقى طَلَعت في دماغي نجيبوا شغالة جديدة ونخلي بدور دادة مخصوصة لنورهااااااان

-      وانا ماااااالي، اعملي اللي تعمليه طالما هتدفعيلها انتِ من جيبككككككك

-      هههه على رأيك

-      بس انا مش مسؤول بقى لو البت دي عملتلك مشاكل ولا مسكتك ضربتك وعملتلك عاهة مستدييييييييييمة

-      هي مين دي! هو انا أي حد ولا ايه! أنا هنبقى ستها وولية نعمتها، خليها تيجي بكرة تقابلني يا سامي

-      ههههههه هتعمليلها انتر فيوز؟

-      اسمه انتر فيو يا سامي مش انتر فيوووووووووز

-  اعملي اللي تعمليه، فين المية السخنة يا بدورررررررر، مش هتغسليلي رجلي ولا ناخدوها من قصيرها وننامووووووو

-      احنا جايين  اهو يا سي ساااااااااامي، كنا بنيموا البت، هنجييو المية والفوطة ونيجو على طوووول

-      طب يختي شهلييييييي

ترررررررررررررررررررررررررررررررن

تررررررررررررررررررررررررررررررن

-      ده تليفونك بيرن يا غزال الفلا

تررررررررررررررررررررررررررررررررررررن

-      ناولهولي يا سامي

تررررررررررررررررررررررررررررررررررررررررررن

-      خدي، واحدة صاحبتك اسمها فوزي

ترررررررررررررررررررررررررررررررررررررررن

-      ههههههههههه فوزي مين يا ولا !, اسمها سوزي، اسمها الحقيقي زهرة وبندلعوها نقولولها يا سوزي

ترررررررررررررررررررررررررررررررررررررن

-      ايه اللي جاب زهرة لسوزي!!!!!! وانا مالي انا  تسموها سوزي ولا كوزي, هو احنا هنناسبوهااااااا!

-      ايّوووووووه اهي قفلت أما نروحوا نكلموها من برا عشان الشبكة هنا وحشة

-      طب روحي يا غزال ألقطي  الشبكة من برا قبل ما حد يشوفككككككك

-      ماشي يا سامي

-      أنا جيت بالمية اهو يا سي ساااااااامي

-      تعالي يا بت يا بدور

-      على عيني حاضر ...على فين يا ست اوسا؟

-      هنكلموا واحدة صاحبتي ونيجو ، اغسلي رجلين سامي حلو يا بت

-      ههه ما تخافيش يا ست اوسا، هنخلوها ناعمة زي الحريرررر، أنا جيت يا سااااااامي ههه

-      ههههه وربنا احلى ضحكة بنسمعوهاااااااا، ضحكة ولا زقزقة مليون عصفورة في نفس وااااحد هههههه

-      هههههه طب وضحكة اوسا؟

-      نعوذ بالله، ضحكتها بتفكرني بضحكة العفريت لما يطلع من الفانوس يقول شبيك لبيك

-      ههههههههههه جاتك ايه يا سامي ضحكتنييي ههههههه

-      طب وطي صوتك للضحك يقلب بغممممم

-      اوووووووووف حتى الضحكة بنخافوا نضحكوهااااااا!!!

-      معلش يا بت، مسيرها تتعدل وتبقى فل إن شاء الله

-      طب حط رجلك يا خويا في المية حط خليني نشوفوا شغليييييييي

-      هههه ماشي يا عسل ..... على فكرة اوسا هتجيب شغالة جديدة

-      ايّووووووووه شغالة جديدة! هي هتطردني خلاص واستغنت عني؟؟؟؟؟؟

-  لالالالا تطردك ده ايه! دي رقّتك وانتِ الصادقة، عينتك الدادة الخصوصي بتاعة البت نورهان، والشغالة الجديدة هتبقى مسؤولة عن الطبيخ والغسيل واللذي منه

-  يعني من الآخر كدة مراتك اعتبرتني واحدة من ضمن خدامينهااااااا، طبعاااااا،  مانا حتة شغالة لا طَلَعت ولا نَزَلت ولا  ليا مقااااااااام

-      يا بت مقامك فوق راسي يا بتتتتتتت

-  ايّووووووه أنا أَرَفت وربنا من كلامك اللي بتاكل دماغي بيه ددددده، بقى يا سامي ترضالي إنّي نبقى واحدة من ضمن خدامين مراتكككك! هتتحرك امتى يا ساااااااامي هتتحرك امتى وتشيلني من عيشة الذل ددددددي؟

-  يا بت الصبر، الصبرررررر، احسن انها جابت شغالة جديدة عشان لما تمشي انتِ من هنا وتروحي بيت عدلك مع عريسك اللي هو انا ما تمسكش فيكِ وتقولك هتسبيني ليه

-  أنا مش مطمنة يا ساااااااامي، أنا برضو هنا لما كنت لوحدي كنت بنحسوا ان ده بيت جوزي ,لكن  لما تيجي شغالة تانية هنحسوا ان انا مش اكتر من واحدة من الخدم ,والتانية كمان هتعاملني على إن  مقامي من مقامها اهئ اهئئئئئ

-  يا بت بطلي عبططط ,ما حدش يقدر يدوسلك على طرررررف، واذا كان على الشغالة الجديدة وقفيها عند حدها من الأول وقليلها انك مسؤولة عن نورهان وبس، هششش هشش اسكتي اوسا جاااااااية، اغسلي يا بت رجلي عدددددل الواحد رجله وجعاه من الوقفة طول النهار مع الزباين اللي تجيب ضغط وسكرررر

-      ما احنا بنغسلوها اهو يا سي ساااااامي

-      خلصي رجلين سامي وقومي اعمليلي كوباية شيّ يا بت عشان المكالمة دي قلبت دماااااغي

-      عيني يا ست اوساااا، انا خلصت وقايمة اهو، هتشرب شيّ يا سي سامى

-      اعملي يا بت، مش هنقولوا لأ 

-      حاضر من عيني

-      صاحبتك كانت عايزاكِ ليه يا اوسا؟

-      أهو لت وعجن حريم مالوش لزمة يا سامي

-      هي صاحبتك شغالة في مخبز؟ هههههههههههههههه

-      انت عَرَفت منين! ابوها عنده مخابز كبيرة يامَا في كل حتة في اسكندرية

-      ههههه طب خلي ابوها يشيعلنا خمسة كيلو قراقيش وكحك عشان بنحبوها  مع  الشيّ الصبححح

-      ههه والله انت فايق ورايق يا سامي

-  حد يتجوزك وما يفوقش ويروق برضو! طب دانا الود ودي نرموكِ في المالح عشان  تغطسي ما تقبيش تاني وماحدش يشوف خيالك

-      هههه للدرجة دي بتحبني وتغير عليا يا سامي؟

-  واكتر من كدة يا اوساااااا طب وربنا انا لو كان عندي أخ ما كنت حبيته قد حبي ليكِ يا بت، انتِ اكتر من اخويا يا اوسا

-      اخوك ايه يا ساااااااامي!!!!! ما تتكلم عددددددل، شايفني راجل قصادكككككك!!!!!

-      يا اوسا افهمي يا اوساااا،مش الاخوات الدم اللي بيجري في عروقهم واحد؟

-      ايوة اومااااااال

-      طيب، يعني لما نقول انك زي اخويا يبقى ده معناه انك بتجري في دمي يا بتتتتتتتتت

-      هههههه صحيح يا سامي احنا بنجروا في دمك يا ولا؟

-      ايوة بتجري في دمي وياريت تشوفيلك حتة تانية تجري فيها عشان دمي اتعكر من كتر جريك فيييييييييه

-      هههههه جاتك ايه يا سامي ماكنتش نعرف انك بتحبني قوي كدة يا ولاااااا

********************

                          رواية خلف هذه الجدران

بقلم الكاتبة هبة عبد العظيم نور

************************

-      صباح الخير يا ست اوسا

-      صباح النور يا بت، أنا صحيت ما لقيتش سامي، هو نَزَل ولا ايه؟

-  ايوة نَزَل، كان مستعجل وقالي قولي للست اوسا اول ما تصحى احنا نَزَلنا بدري عشان هنستلموا بضاعة من الجمرك

-      طيب، روحي انتِ صحي البت نورهان وفطريها

-      حاضر يا ست اوسا ....... ست اوسا، هو صحيح الكلام اللي انا سَمَعته ده؟

-      سَمَعتي ايه يا بت؟

-      انتِ صحيح هتجيبي شغالة جديدة؟

-      ايوة، هتيجي النهارة، تلاقيها زمانها جاية في السكة

-      انتِ استغنيتي عني ولا ايه يا ست اوسا!

-  يا بت مين قال كدة يا بتتتتتتت!، أنا لو استغنيت عنك، بنتي ما تستغناااااااش، احنا هنريحوكِ من شغل البيت والطبيخ، وهتبقى نورهان بس هي مسؤوليتك

-      طب وليه يعني! لزومه ايه يا ست اوسا؟

-  ايّوووووووووووه وانتِ مالك يا بت!!!!! أنا حرة في بيتييييييي، أنا بصراحة بنشوفوا في الافلام ان الهوانم كلهم عندهم بدل الشغالة اتنين وتلاتة، ما نبقوش زيهم ليه! اقل منهممممم! دانا بنت الحاج  عادل سليم وحش المينااااااااا  يعني ست الهوانم يا بت

-      ................. عندك حق يا ست اوسا، هانم والكل تحت رجليكِ خُدّام ... وأولهم انا

ترررررررررررررررررررررررررررررررررررررررررررررن

-      طب روحي يا بت افتحي، تلاقيها الشغالة الجديدة

-      حاضر يا .......... يا ستي

********************

ترررررررررررررررررررررررررررررررررررررررررررررن

-      ايّووووووووه ايوة يللي ع الباب جاااااااااية اووووووووف

-      افندمممممممم

-      صباح الخير يا شابة

-      صباح النور

-      الست اوسا موجودة؟

-      نقولولها مين

-      أنا رززززززززقة

-      مممم طب خليكِ واقفة هنا على ما نقولوا للست

-      اديني واقفة يختي

********************

-      ست اوسا، واحدة اسمها رزقة جت برا وعايزاكِ

-      خليها تدخل يا بت

-      ماشي، تعالي يا اسمك اييييييييه

-      ما قلنا رزززززززقة، انتِ طرشة يا شابة!

-      ادخلي كلمي الست وما تزوديش في الكلام

-  هي مالها دي مش طايقة روحها ..... ايّوووووووووه هههههه بسم الله ماشاء الله، عيني عليكِ باااااااردة، اكيد انتِ الست اوساااااااا

-      انتِ اخت حمو يا بت؟

-      ايوة ههههه رزقة يا ست الكل، انما ايه الجمال ده! ايه القوام ده! يا أرض احفظي ما عليكِ ههههه

-      انتِ رغاية ليه يا بت! حمو قالك ع المرتب اللي هندهولك؟

-      قالي 300 جنيي، بس انا بقى عشمانة فيكِ تزوديهوملي شوية يا ست

-      نزودوهم اكتر من كدددددددة! 300 جنيي حلو قوي ومش هيزيدوا مليم إن كان عااااااجبك

-  عاجبني يا ست اوسا، بس انا عشمانة يعني في كرمك يا ام الكرم، مش انتِ برضو بنت الحاج عادل سليم وحش الميناااااااااا؟

-      ايوة انا

-  هههه اسم الله عليكِ، ولاد الاصول بيبانووووو، طب برضو يكتر على بنت الحاج  عادل سليم انها  تدفع زيادة عن 300 جنيي! دانتِ كريمة ومن بيت كرم يا ستتتتتتتت، وانتِ عارفة ان العيال مصاريفهم يامَاااااا، الراجل طلقني ورماني  بتلات عيال بعد ما كنت مولعة صوابعي العشرة شمععععع، اه منهم الرجالة ومن غدرهم وقدرهمممممممم  ,وغير مصاريف العيال انا كمان هنركبوا الترام كل يوم رايح جاي ، يعني محتاجة فلوس مواصلات، ها يا ست، هتديني زيادة؟

-      اوووووف هندوكِ 350 جنيي وما تفتحيش بقك تاااااااني

-      ههههه نفتحوا بقي نقولوا ايه بعد كرمك يا ام الكرم!!

-  كل يوم هتكوني هنا من الساعة تسعة الصبح وتمشي الساعة اتنين، في الكام ساعة دول بقى هتنضفي الشقة كل يوم وتخليها زي المراياااااا

-      هههه ما تخافيش يا ست، احنا في النضافة ما نتوصووووش

اما نشوفوا يختي، غير   التنضيف هتعملي  الأكل كل يوم

-      ايّوووووووووه! انتو بتطبخوا كل يووووووووووم؟

-      ايوة بنطبخوا كل يوم، ما نحبوش الاكل البااااايت

-      ههههه خلاص، اللي يفيض ناخدوه انا، عيالي اولى بيه

-      طب روحي دلوقتي وتكوني هنا من بكرة الصبح في المعاد

-      من عنيا يا ست الكل هه ... مش هتديني الاجرة مقدم؟

-      ايّوووووووووه هو انتِ كنتِ لسة اشتغلتي  يا بتتتتتتتتت!!!!!!!

-      بكرة تشوفي شغلي وتحكمي بنفسك يا ست الكل

-      طب خدي خمسين جنيي اهيه تحت الحساب يعني هنخصموهم من اجرتك

-      من ايد ما نعدموهاش يا ست .... ألا صحيح هي مين الشابة اللي فتحتلنا ودخلت جوا دي؟

-      دي الدادة بتاعة نورهان

-  ههه ماشاء الله، أنا سَمَعت ان عندك بت حلوة قوي صحيح، حمو بيقول الاستاذ سامي بنته بيضة وشعرها اصفر وحلوة قووووي

-      الله اكبررررررر، انتِ جاية تشتغلي ولا تحسديلي البتتتتتتت!!!!!

-      أنا! هههه طب دانا عيني باااااااردة

-      طيب يا باردة ,يلا بالسلامة وتيجي الصبححححح، وصليها يابدووور

-      حاضر يا ست اوساااااااااااا بنفطروا نورهااااااااان 

********************

-      مع السلااااااامة مع السلامة يختييييييي

-      الله يسلمك، اسمك بدور؟

-      ايوة

-      ههه طيب يا بدور، نشوفوكِ بكرة بقى، سلااااااااااام

-      اووووووف الله يسلمك، دمها يلطططططش

********************