الحلقة الثامنة

الجزء الخامس خلف هذه الجدران 

بقلم هبة عبد العظيم نور

حقوق النشر محفوظة للمؤلفة

*************************

     تن تن

-      مين

-      انا ماما امينة يا منال

-      هههه ماما امييييييينة يا حبيبتي يا ماماااااااا امووووه اموووووه ايه المفاجأة الجميلة ددددددي

-      حبيت اجي اشارك رانيا فرحتها بالمناسبة السعيدة دي ههههه مبروك يا رانيا

-      ههههه يا حبيبتي يا طنط اميييينة اموووووه اموووووووه ربنا يخليكِ ياااااااااارب، والله فرحتيني انك جيتي

-      كان لازم اجي يا رانيا عشان اباركلك, وكمان اقولك تروحي وتيجي بالسلامة واتمنالك رحلة سعيدة مع عريسك

-      ربنا يخليكِ يا طنط، آمين يارب

-      طيب اسلم على بتنا وحبيبتنا بقى عن اذنكو، السلام عليكم يا حبيبتي ههه

-      هههه عليكم السلام ورحمة الله يا طنط امينة اموووه اموووه، انا زينب مرات عمر

-  اهلا بيكِ يا حبيبتي، انا عارفة، ماجد قالي انك موجودة، بس انا زعلانة منك عشان ما جتيش تزوريني ولا مرة قبل كدة، دي اول بشوفك

-  والله يا طنط انا بحبك جدا من كتر كلام منال الجميل عنك، وكان نفسي اشوفك قوي من زمان, بس للأسف عمر مش بيجيبني هنا كتير، يمكن من ساعة ما تجوزت دي تالت مرة اجي وعلى طول مستعجل، عشان كدة ما لحقتش اجيلك، بس انا سعيدة جدا اني شوفتك في مناسبة حلوة زي دي

-  انا اسعد يا حبيبتي، ربنا يكرمك يارب وشكرا على كلامك الجميل .... شوفتي بقى يا رانيا، فرحتنا بيكِ جمعتنا كلنا

-      انا اللي فرحانة انكو متجمعين حواليا يا طنط، وفرحانة اكتر عشان شوفتك والله

-  هه الأول اتفضلي هديتك، ده مصحف في علبة من الفضة، هديتي ليكِ، ما لقيتش اغلى ولا أقيم من كتاب الله  عشان اهاديكِ بيه يوم فرحك 

-      يا حبيبتي يا طنط اموووووه، اجمل هدية جاتلي والله، هحتفظ بيه طول العمر

-  انا مش جايباه عشان تحتفظي بيه للزينة، انا جايباه عشان تقرأي فيه ويكون رفيقك في سفرك ورفيقك طول العمر إن شاء الله

-      ان شاء الله يا طنط، طبعا هقرأ فيه

-      شوفتي بقى يا رانيا يا بنتي ازاي ربنا قادر يبدل احوالنا للأفضل وحياتنا للأجمل

-  فعلا يا طنط، ونعم بالله، انا فعلا كان اليأس متملكني جدا وحاسة ان الدنيا مافيهاش امل، لكن كلام حضرتك معايا في المستشفى فرق كتير في نظرتي للحياة وثقتي في الله، الحمدلله

-  الحمدلله يا حبيبتي، اوصيكِ بقى بالزوج الطيب ده خير هه يعني تطيعيه في كل اوامره طالما مافيهاش معصية لله، مع اني احسبه على خير من الأتقياء ان شاء الله ومش هيأمرك غير بمعروف

-      ان شاء الله يا طنط

-      ربنا يجعلك زوجة صالحة له ويجعله زوج صالح ليكِ يا بنتي

-  آمين يا طنط، ياااااه صوتك في الدعاء ليا بيحسسني بأحساسيس جميلة قوووي، كإن ماما هي اللي بتدعيلي، ممكن تاخديني في حضنك يا طنط أمينة عشان تعوضيني عن حضن ماما؟

-  يا حبيبة قلبي! اموووه ههه تعالي في حضني يا رانيا، أنا كمان مامتك يا بنت، ولا انتِ مش حاسة أنا بحبك قد ايه؟

-      ربنا يخليكي ليا يا طنط ياااااااارب امووه

-      تن تن يا رانيا

-      ايوة يا عمررر، اتفضل

-      السلام عليكم، ازيك يا مدام امينة

-      عليكم السلام ورحمة الله يا باشمهندس عمر، الف مبروك زواج رانيا وعقبال ولادك الحلوين ان شاء الله

-      الله يبارك فيكِ ويخليكِ يارب، عن اذنكو هاخد رانيا عشان العريس عايز يلبسها الشبكة

-  ههههه طيب يا عمر هتخلص جرعة الحنان اللي بتاخدها من ماما امينة وتيجي على طول،  روحي لعريسك يا رانيااااا

-      ههه حاضر يا ابلة مممم مع اني مكسوفة  والله

-      هههههه يلا يا بنت هتتكسفي من ايه!!!!

********************

الجزء الخامس خلف هذه الجدران 

بقلم هبة عبد العظيم نور

حقوق النشر محفوظة للمؤلفة

******************

-      احم احم السلام عليكم هه

-      رانيااااا هههه عليكم السلام ورحمة الله، اتفضلي

-      ممممم انت لوحدك هنا؟

-      هههه انتِ شايفة ايه!

-      هه ممم عمر قالي انك عايزني

-      ايوة عايزك طبعا و عايزك على طووووول، هو انتِ مش عايزاني؟

-      هه

-      هههه مممم طيب من فضلك ممكن تقربي عشان البسك الشبكة

-      هه مممم هو لازم يعني؟

-      ههه ايوة

-      هه حاضر

-      أول حاجة هقدمهالك في الشبكة مش هتقدري تشوفيه، بس تقدري تسمعيه 

-      هو ايه  ده؟

-      قلبي

-      هااااا !!! ههه

-  أول حاجة هشبكك بيها هو قلبي، وهسلمهولك أمانة، بكل الحب اللي ماليه، بكل دقاته اللي بتنبض بحبك، ها، ماقلتليش .... الأمانة وصلت

-      أمانة ايه؟

-      قلبي هه

-      ههه يوووو بقى

-      انا متأكد ان الأمانة وصلت وانك هتصونيها، اديني  ايدك من فضلك هه

-      اتفضل

-      ممممم تسمحيلي ابوس ايدك الاول امووووه

-      هه ايه ده! ما يصحش كدة، سيب ايدي

-      هههه لا مش هسيبها، لسة ما لبستكيش خاتم الجواز ولا الإسورة

-      مممم طيب يلا بسرعة بقى

-      زهقتي مني؟؟؟؟؟؟

-      اناااااا!!!!!! لا والله ابدا

-      ههههههههه عارفة احلى حاجة فيكِ ايه؟

-      ايه؟

-  انك تلقائية وعلى طبيعتك ومش بتحتاجي تنمقي العبارات قبل ما تنطقيها، عشان كدة بتبقى جميلة وصادقة قوي

-      هههه

-      بتضحكي على ايه! ههه مش هتقوليلي كلام حلو انتِ كمان؟

-      هه مش بعرف والله

-      ههه بكرة تتعلمي

-      مممم مين هيعلمني؟

-      هههه واحد بيحبك واسمه احمد رأفت

-      يا خبرررر! كلامك بيكسفني هههه انا هقوم بقى

-      هههههه تعالى هنا رايحة فيييين

-      طيب سيب ايدي ههه خلاص هقعد

-      هههه طيب يلا عشان البسك الكوليه

-      هه حاضر

-      .......الله! ما كنتش عارف ان الكوليه جميل كدة غير لما لبستيه

-      هه

********************

الجزء الخامس خلف هذه الجدران 

بقلم هبة عبد العظيم نور

حقوق النشر محفوظة للمؤلفة

*****************

-      اهي أمي وصلت اهييييييييه  أمييييييي

-      ايه ده! عصام منتظرني عند العمارة! 

********************

-      السلام عليكم يا عصام

-      عليكم السلام يا أمي، ايه يا أمي روحتي فيييييييين؟ قلقتيني عليككككككِ

-      ههه من امتى يا دكتور!

-      يعني ايه من امتى يا أمي! عندك شك في حبي ليكِ وخوفي عليكِ؟

-      بالطبع لا، لكن مش متعودة انك تظهر اهتمامك بيا قوي كدة

-  يا امي والله المشاااااااغل، غصب عني والله، ومع ذلك النهاردة حنيت قوي واشتقت لقعدة حلوة معاكِ في التراس وكوباية شاي حلوة من ايدك وجيت بدري عشان الحق اقعد معاكِ كتير لكن للأسف جيت وفضلت ارن الجرس واخبط وما فتحتيش، كنت فاكرك بتصلي او مشغولة، انتظرت شوية ورنيت الجرس تاني وبرضو ما فتحتيش قلقت عليكِ جدااااا جريت سألت عواد وفهيمة عليكِ قالوا انك خرجتي، فضلت واقف مستنيكِ لحد ما ترجعي، كنتِ فين يا أميييي؟

-  هه الأول متشكرة يا دكتور على قلقك عليا، حسستني اني غالية عندك، ثانيا أنا كنت عند عيلة مرات ماجد اخوك عشان النهاردة  زواج بنتهم الصغيرة والبنت مسافرة مع عريسها وقلت لازم اروح ابارك واهني بالمناسبة السعيدة دي

-      طيب يا امي ليه بس رافضة تجيبي موبايل عشان نعرف نطمن عليكِ في أي مكااااان

-  هه أنا مش بحب الموبايلات بصراحة ومش في حاجة اليها، اللي يجيب موبايل يكون بيخرج من البيت، أنا زي ما انت عارف لا بخرج ولا بروح ولا باجي غير  في المناسبات ,واللي بيعوزني بيلاقيني في البيت أو على التليفون الأرضي، يبقى لزومه ايه المحمول بقى!

-      ايوة يا امي بس انتِ النهاردة خرجتي وانا ما كنتش عارف طريقككككك

-  ههه برضو مش هغير رأيي، تعالى نكمل كلامنا فوق، ولا خلاص مش عايز تشرب معايا الشاي في التراس يا دكتور!

-      هه ازاي بقى يا امي! أنا  مشتاق جدا للدردشة معاكِ زي زماااااااااان

-      هه طيب يلا يا دكتور

********************

الجزء الخامس خلف هذه الجدران 

بقلم هبة عبد العظيم نور

حقوق النشر محفوظة للمؤلفة

*************************

-      يااااااااااه يا ماجد ههه بقى معقول رانيا اختي اتجوزت  امبارح وسافرت تقضي شهر العسل مع جوزها!!!!!!

-      ربنا يسعدها

-      يارب يا ماجد ياااااااارب، مممم بس برضو لسة خايفة عليها من الخلفة

-  ييييي، يا مناااااال، قبل كل شيء ربنا كبير، وكمان عايز اقولك ما تنسيش ان جوزها دكتور متخصص في حالتها، يعني هيعرف كويس قوي يراعيها في فترة الحمل ويبعدها عن الأخطااااار، ارحميني من قلقك بقىىىىى هههه

-  غصب عني والله يا ماجد، انت ما تعرفش انا بحب رانيا قد ايه، دانا اللي مربياها يا ماجد بعد وفاة ماما الله يرحمها

-      هههه ماشي يا ماما منال، هنتغدا ولا النهاردة اجازة؟

-  هههههههه النهاردة تقشف يا حبيبي، معاذ قالي امبارح كلنا فراخ ولحمة كتير وجاتوه كتير وشيكولاتة  عند جدو، النهاردة بقى يا ماما اعمليلنا فول وطعمية هههههههههه

-      ههههههههههههههههه طيب بالهنا والشفا يا حبيبتي انتِ والولاد، انا رايح اتغدى عند اميييييي

-  كدة!!!!! طب والله ابداااااااا، هتاكل من اللي هناكل مننننننه، ايه يا مااااااجد، يا حبيبي ما انت واكل اصناف خمس نجوم امباااارح ههههه

-  ههههههههه ما كانتش عارف اني هتعاقب بسببها من ابنكككككك، انا مش عارف احنا اللي بنربي العيال ولا هما اللي بيربوناااااااا

-      ههههه معاذ ومريم دول عسل، طالعين لمامتهم العسوووولة

-      هههههههه ربنا يخليكو ليا يا حبيبتي

-      طيب يلا تعالى معايا بقى عشان تقليلي الطعمية ههههه

-      أمري لله يا منال انتِ وولاددددك، لكن قوليلي عمر هيسافر امتى؟

-      عمر هيسافر بكرة ان شاء الله ,...... ممممم ماجد انا كنت عايزة اطلب منك طلب

-      ههه عارفه، وموافق يا ستي طبعا

-      عارف ايه وموافق على ايه؟

-      عارف انك هتقولي اننا هنعيش مع باباكِ بشكل دائم عشان ما ينفعش نسيبه لوحده بعد جواز رانيا

-      ههههه يا حبيبي يا ماااااجد، ربنا يخليك ليا يا اروع زوج في الدنياااااا

-      ههه ويخليكِ يا اجمل منولة في العااااااالم

-      هههه طيب يلا الى الطعمية و الفووووووول

********************

الجزء الخامس خلف هذه الجدران 

بقلم هبة عبد العظيم نور

حقوق النشر محفوظة للمؤلفة

**************************

تررررررررررررررررررررررررررررن

ترررررررررررررررررررررررررررررررررررررررررررررررررررررن

-      اعطيني جوالي ليندا اشوف مين يدج عليّ

-      اوكيه مام

-      هلا والله

-      هلا برهف , انا أم عبد الله

-      هلا أم  عبد الله , كيفك يا جلبي؟

-      هههه طيبة يا عمري، فاضية دحين؟

-      أيوة فاضية، راح تزوريني؟

-  ههههه أيوة، راح اجي اتجهوى معك، عندي موظوع مرة مهم ابغي اسولف معك فيه، حضري صحون الحلى عبال مااجي

-      هههه يا هلا يا غلا، بانتظارك... لينداااااااااا

-      يس ماااااااام

-      حضري الجهوة والتمر وصحون الحلى, عندنا ضيفة راح تيجي الحين

-      اوكيه مام

-      مين الضيفة دي يا طنطططططط ههه؟

-      هههه هلا يا بعد جلبي، خالتك أم عبد الله راح تيجي دحين عشان تزورنا

-      أهااا, مش دي اللي جت وكان معاها ضرّتها يا طنط رهف؟

-      ههههه أيوة هي، ماشا الله عليك, تتذكرينها؟

-  ايوة طبعا، اصل بصراحة لفت نظري قوي علاقتها بضرتها ههه اول مرة اشوف ضرتين أصحاب وبيخرجوا مع بعض، ومش هما بس، حضرتك بيجيلك كتير ضراير عشان يزوروكي وكلهم علاقتهم ببعض كويسة

-      هذا وظع عادي في بلادنا، انا بعرف الأمر غريب عليكِ مرة لإن المصريات ما يطيجون الضرة 

-      هههههه كل شعب له عوايده بقى

-      هذي مو عوايد حبيبتي، هذا شرع

-  عارفة يا طنط، يعني دلوقتي لو بابا دخل عليكِ وقالك يا رهفففففف انا هتجوز عليكِ، هتعملي ايه يا طنطططط؟

-      هههههه راح اجوله مباااااااااارك يا بعد جلبي و وازينله عروسه واغرجها بالعطور هههههههه

-      هههههههههه مش ممكن يا طنط، حاسة ان حتى لو عملتي  كدة هتبقي من جواكِ مش راضية

-  هههه حبيبتي لو اتحطيت في الوظع راح اجبل، لكن لو ما اتحطيت يكون أزين ههه خلي ابوك ملهي في شغله و في حاله

-  هههه ربنا يخليكو لبعض يا طنط، طيب انا هطلع اوضتي عشان اصلي العصر عشان لسة مأذّن حالا، وبعدين انزل ارحب بطنط أم عبدالله

-      طيب يا بعد جلبي، وانا راح اتوضى واصلي جبل ما تجي أم عبد الله

-      يوماااااا

-      هلا يا بعد جلبي هههه

-      ابغي اصلي

-      صلي يا بعد جلبي، اتوظيت؟

-      لااااااااا

-      هههههه وكيف راح تصلي! تعال اتوظى عشان نصلي وبعدين نستجبل ضيفتنااااا

-      مين هذه؟

-      خالتك أم عبد الله يا بعد جلبي

********************

الجزء الخامس خلف هذه الجدران 

بقلم هبة عبد العظيم نور

حقوق النشر محفوظة للمؤلفة

********************

-      هلا والله يا أم عبد الله

-      هلا برهف، اشتجتلك مرة يا جلبي، وينه فهد؟

-  فهد جاعد جدام  الكمبيوتر حجه يلعب  جيمز هههه من يجي من المدرسة يجابل  الكمبيوتر أو يجلس مع دراهم تذاكرله

-  ههه العيال كلهم كذا، بندر وسلمان ما يجومون من أمام الكمبيوترات حجهم وكذا ولاد أم راغب ، الدار اتحول لجاعات كمبيوتر هههه

-      هههه والله ما ادري ويش صار في ولادنا، اتخربط حالهم بعد هذا الكمبيوتر، اشربي جهوتك يا بعد جلبي

-      ههه راح اشرب يا أم فهد، نتجهوا ونتكلم في الموظوع اللي جيتك عشانه

-      اسمعك يا بعد جلبي

-      انا جيتك في موظوع راح يفرحك مررررررة ههههه جيت اخطب بنت زوجك الكبيرة لأبو عبد الله زوجي

-      دنانيررررررر !!!!!!!

-      ويش فيك يا رهف! أيوة دنانير

-  ايش تجولين يا أم عبد الله! دنانير باجي صغيررة، وغير كذا ابوها ما يرضى يزوجها لرجال في سنه أو أكبر منه مثل زوجكككك

-  السن ما يعيب أبو عبد الله، أبو عبد الله اللي يرونه يظنونه أخو عبد الله مو أبوه، غير كذا صحته زينة ومو يشتكي من امراض ولا يتعاطى ادوية، والأهم من كذا وفرة ماله، بنت زوجك راح تعيش عيشة مو تحلم بمثلها، ليش ترفظونه!!!!!!!!

-  يا أم عبد الله، الله يسلمك ما تتكلمين في هذا الموظوع مرة ثانية ، جولتلك زوجي مو راح يوافج  يزوج بنته لزوجك

-  يا رهف ليش تردين عن لسانهم!، اصحاب الشأن موجودين، ما انتِ إلا وسيط بيننا، والرفض والجبول ما هو حجك يا بعد جلبي

-      انا ما اجدر اتكلم مع مرزوج في موظوع مثل هذا، انا عن نفسي مو موافجة

-      غريب أمرك يا رهف، كنت اظنك راح تفرحين مرة

-      ليش افرح!

-      عشان أعرف ان علاجتك في بنت  زوجك الكبيرة ما هي طيبة، وهذه فرصتك عشان تتخلصين منها

-  البنت مو  مضايجتني حتى اتخلص منها، هي في حالها وانا في حالي وما نجتمع إلا جليل، وحتى لو ودي انها تفارج الدار ما يكون بهذي الطريجة، نعم ودي تتزوج ولكن تتزوج رجال يناسبها

-      جولتلك جبل كذا الرفض والجبول ما هو حجك

-      مممممم لكن طرح الأسئلة حجي، مو كذا؟

-      ههه اعرف سؤالك جبل ما تسألينه، تبي تسأليني ليش اخترت بنت زوجك

-      أيوة، أبي اعرف السبب

-      هه جمالها، جميلة وصغيرة، وانا وأم راغب  نبي نهادي ابو عبد الله

-      هه تهادونه بزوجة ثالثة!!!!!

-      هو طلب يتزوج من زوجة جديدة وتكون جميلة وصغيرة، اتفجت انا وأم راغب  نزوجه بنت زوجك الكبيرة

-      اعتجد انكم راح تدورون على غيرها بعد ما يرفض مرزوج

-      أبو عبد الله راح يجابل  زوجك  في  الشركة ويطلب بته

-      ....................... صحون الحلى يا لينداااااااااا

-      اوكيه ماااااااااااااام

********************

-      السلام عليكم، أبغي أجابل الأستاذ مرزوج

-      عليكم السلام، مين نجوله؟

-      أبو عبد الله

********************

-      تن تن استاذ مرزوج

-      اتفضل يا عايض

-      استاذ مرزوج، أبو عبد الله يبي  يجابلك

-      ابو عبد الله!!!!!! مين أبو عبد الله!

-      ما ادري، هو جال أبو عبد الله

-      طيب خليه يتفضل يا عايض

-      اتفضل يا أبو عبد الله

-      ههه يجزاك الله خير، السلام عليكم يا طويل العُمُر 

-      يااااااااااه هههه اهلا ابو عبد الله، عليكم السلام اتفضل

-      حياك الله بو فهد، كيف حالك

-      الحمدلله بخير هه، زيارة غير متوقعة بالمرة، اهلا وسهلا، تشرب ايه يا أبو عبد الله

-      هه انا ما جيت عشان اشرب، انا جيت اتزوج

-      نعممممممممممم!!!!!!!!!

-      ويش فيك يا بو فهد! جولت شي غريب!

-      هه اكيد طبعا، على الأقل بالنسبة لي، الشركة عندي مالهاش علاقة بتزويج العزاب هه اقصد المتزوجين

-      بعرف يا طويل العُمُر، لكن انا جيت هني عشان ما ينفع اتزوج بدون موافجتك

-      ..................... مش فاهم يا أبو عبدالله، واضح ان الأمر فيه لبس

-      طيب ادخل في الموظوع حتى ازيل اللبس حجك، بو فهد، انا ابغي اتزوج بنتك الكبيرة

-      اييييييييييييييييه!!!!!!!!!!!!!!

-  أم عبد الله وأم راغب  زوجاتي يمدحونها مررررة، جمالها، عيونها، شعورهاااااا خلوني اخذت سيارتي وانطلجت لحدك ما ادري كيف هههههه

-      ايه اللي بتقوله ده يا ابو عبد الله!!!! ازاااااااااي زوجاتك يتجرأوا ويوصفولك بنتييييييييي!!!!

-  ويش فيك يا طويل العُمُر، أم عبد الله وأم راغب  ما يجصدون شي ، يجصدون يزوجوني بتك، كان لازم يوصفونها عشان تحلى بعيوني واجي اخطبها منك هههه

-      ابو عبد الله من فضلك، انا ما عنديش بنات للزواج

-  كيف يا طويل العُمُر!!!!!! عندك بنتين مثل البدور، ما تبغي تزوجهم لمن يعرفون جيمتهم! انا بدفع في بتك 100 الف ريال وراح اجيب  لها شبكة ب100 الف مثلهم، ويش جولت يا طويل العُمُر؟؟؟؟؟؟

-      قلت لااااااا، اسف يا ابو عبدالله، بنتي مش للبيععععع، شرفت

-      ممممممم بتركك تفكر يا بو فهد، هذا عرض ما ينبغي ترفظه، بنتك معي راح تعيش أميرة ولها حاشية يخدمونها

-      قولتلك بنتي مش للبيع يا أبو عبدالله، عاييييييض وصل ابو عبدالله لحد الاسانسير

********************

الجزء الخامس خلف هذه الجدران 

بقلم هبة عبد العظيم نور

حقوق النشر محفوظة للمؤلفة

******************

-      انا مش عارف يا رهف الراجل ده بيفكر ازااااااااي!!!!!! اتجنن ده!!!! اكيد اتجنن

-      اهدا يا بعد جلبي، انت رفضت وهذا حجك والأمر انتهى

-  اللي هيجنني يا رهف هو ان ازاي زوجاته يوصفوله البنت بالجرأة ددددددددي! انا كنت هنفجر من الغيظظظظظظ، ده بيقولي وصفولي شعورها وجمالهااااااا، انسان مستفزززززززز

-  خَلَص يا بعد جلبي، ويش نسوي فيهم! انا اتفاجئت مثلك، وكمان جولت لام عبد الله انك مو راح توافج، واتفاجئت اكثر انها جالت ان زوجها راح يجابلك ويفاتحك بالموظوع اليوم

-  على العموم الأمر انتهى يا رهف، انا وقفته عند حده وفهمته ان بنتي مش للبيع، من فضلك يا رهف مش عايز البنت تعرف أي حاجة عن الموضوع ده، ولا حتى اختها تعرف

-      أمرك يا بعد عمري، مو راح اجول

********************

-  حل الإكسيرسايز وانت ساكت يا ياسر انت ورحمة، الإمتحان الاسبوع الجاي وانا عايزة ادربكو كويس على حل الإمتحاناااااااات

-      اصل رحمة كانت بتسألني يعني ايه الكلمة دي يا مس

-      كلمة ايه دي؟

-      هي دي

-      دي تن، مش عارف يعني ايه يا ياسر؟

-      ايوة عارف، تن يعني عشررررة

-      ههه لا، تن اللي تقصدها حروفها تي إيي  إن، لكن تن دي حروفها تي أي إن

-      يووووو ايه اللخبطة دي!!!!!

-      هههه لا لخبطة ولا حاجة، وانت يا مروان ما تعرفش معناها؟؟؟؟؟

-      لااااااا يعني ايه يا مس؟

-      تن اللي هي في وسطها حرف أي معناها علبة من الصفيح، مفهموم يا رحمة؟

-      ايوة، زي علبة الكانز كدة

-      ههههه شاطرة، إكسيلينت، ممتازة، تيجو نلعب لعبة حلوة؟

-      ايوة يا مسسسسس عايزين نلعب، شيلو الكتببببببببب، يلا يا مروان يلا يا رحمممممممة انا هقوم اجيب الكورة

-      ياسررررر رايح فين يا ولد؟

-      هجيب الكورة، مش انتِ قلتي هنلعب يا مس؟؟؟؟؟؟

-      اولا لما تكلمني تقول حضرتك مش انتتتتتتتِ

-      حاضر يا مس ، مش حضرتك قلتي هنلعب؟؟؟؟؟؟

-      يا حبيبي هنلعب لعبة لطيفة ونكسب منها كلمات كتير تساعدنا على حل الإمتحان

-      كلمات كتير!!!!!!! باين عليها لعبة رخمممممممممة 

-      هههه طب اقعد وشوف هتعجبك ولا لأ

-      مااااااشي، يلا يا مس

-  بصوا بقى احنا دلوقتي قولنا تن يعني عشرة وتن يعني علبة صفيح وفي فرق في الحرف اللي في النص، لكن الإتنين على نفس الوزن

-      هو الكلام بيتوزن يا مس؟؟؟؟؟

-  ههه يا ياسر اقصد انها لها نفس التون أو النغمة في النطق، اسمع كدة الكلمات دي، تن، هن، بن، من، هااااا  مين يعرف معانيهمممممممم

-      اناااااااااااا

-      قول يا مروان

-      تن يعني عشرة وهن يعني فرخة وبن يعني قلم  ومن يعني رجال

-      هههه ايكسيلينت مروان، طيب مين يعرف يجيبلي كلمات تانية على نفس الوزن

-      انا يا مسسسس

-      قولي يا رحمة

-      سن

-      يعني ايه سن يا رحمة؟

-      سن يعني رفيع، زيي انا كدة رفيعة وحضرتك كمان رفيعة يا مس

-      ههه غلط، سن مش يعني رفيع

-      ازاي بقى يا مس!!!!! مس كريمان في المدرسة قالت سن يعني رفيععععع يعني هي بتكدب؟؟؟؟

-      لا مش بتكدب، انتِ اللي بتنطقي غلط يا رحومة

-      ازااااااي؟

-  لإن رفيع أو نحيف يعني ثن مش سن، لإنها بتبدأ بحرفين بيتنطقوا ث، وهما تي إيتش، يبقى لازم ننطق صح وإلا معنى الكلمة هيختلف تمامااااااا، يبقى رفيع يعني ايه يا ولاد؟

-      رفيع يعني ثثثثثثثثن

-      طيب ممتازين، لكن سن اللي هي بتبدأ  ب حرف إس معناها خطيئة

-      يعني ايه خطيئة يا مس؟

-      خطيئة يعني معصية ممممم زي خطيئة سيدنا أدم لما عصى ربنا وسمع كلام إبليس وأكل من الشجرة المحرمة

-      هو سيدنا أدم عصى ربنا يا مس؟

-      ايوة يا مروان

-      ايه الشجرة المحرمة دي يا مس؟

-  والله ما عنديش وقت احكيلكو لكن بسرعة كدة اقولكو ان لما ربنا خلق سيدنا أدم وخلق زوجته خلاهم يعيشوا في جنة جميلة جدا مليانة اشجار وثمار وقالهم كلوا من كل الشجر والثمر اللي انتو عايزينه لكن ما تقربوش من الشجرة دي، لكن ابليس اللعين قال لسيدنا أدم لازم تاكل من الشجرة دي وزينله الخطيئة، فأكل من الشجرة وعصى ربنا وعشان كدة ربنا نزله الأرض هو وزوجته وخرجوا من المكان الجميل اللي كانوا عايشين فيه

-      حكاية حلوة قوي

-      ههه كل الحكايات الجميلة دي من القرآن يا حلوين

-      الشاي المظبوط يا مس همسة عتاااااااااب ههههه,ماشاء الله يا حبيبتي هو انتِ هتديهم تربية دينية كمان؟؟؟؟؟

-  ههه لا، ياريت كان عندي وقت، بس اصل الولاد سألوا عن معنى كلمة سن اللي هي خطيئة فاستشهدت بقصة خطيئة سيدنا أدم وخروجه من الجنة هو وزوجته عشان الولاد يفهموا

-  ههه بارك الله فيكِ يا مس، ونعم المعلمة، جميل جدا حتى واحنا بنعلم ولادنا لغات اخرى إننا نستشهد بقصص قرآنية ونوضح المعاني، انتِ هايلة يا مس همسة عتاب هههه

-      ههههه شكرا يا مدام بهيرة

تررررررررررررررررررررررررررررررررررررررررن

-      عن اذنك هفتح الباب

-      انتو منتظرين حد؟

-      لالالالا إطلاقا ومطلقا، تلاقيها أم رحمة جاية تطمن على مستوى رحمة ولا حاجة، عن اذنك

-      اتفضلي، نرجع  للدرس يا ولاد، مين يعرف يجيب كلمة تانية على نفس الوزن يا شاطرين؟

-      ممممممممم مش أنا، قول انت يا مروان

-      ولا انااااااا، تعرفي يا رحمة؟

-      لااااااااا، قولي حضرتك يا مس

-  هههه اوكيه، نقول كمان كلمة دن اللي هي  مكونة من تلات حروف برضو ديي  إيي  إن ومعناها عرين الأسددددددد يعني بيت الأسدددددد، وعشان كل كلمة ما ننساهاش ابداااااا نحطها في جملة، هنقول هنا, ذا لاين ليفز إن إيه دن، الأسد يعيش في عرين، يلا نكتب الجملة يا حلوين ونكتب كل الكلمات الجديدة اللي على نفس الوزن اللي اتعلمناهاااااااا

********************

الجزء الخامس خلف هذه الجدران 

بقلم هبة عبد العظيم نور

حقوق النشر محفوظة للمؤلفة

********************

تررررررررررررررررررررررررررررررررررررن

-      طيب طيب يللي ع الباب جااااااااية، بلاش الواحد يستر نفسه ويلبس اسدال يعني!

-      ايه ده! حوووووودة ههههه اخويا حبييييي ايه المفاجأة الحلوة ددددي!!!!!

-      هههههه لا وكمان معايا مامِيّاااااا

-      مامِيّاااااا جتتتتتتتت  ههههههه وحشتيني يا مامِيّاااا,  ايه المفاجآت الحلوة دي يا ست الماميّات كلهم! ههههه

-  ههههه ربنا يخليكِ يا بهيرة، محمود قالي تعالي نعدي على مطعم كبير نجيب منه غدا لينا ولبهيرة وولادها ونروح نعملها مفاجأة ونتغدا معاها

-      وده معقول برضو تجيبوا غداكو معاكو يا حودة!!!!!

-  مش عايزين نكلفك يا رورو ، انا قولتلك إني هطب عليكِ فجأة عشان ما تكلفيش نفسك مممممم ايه ده! عندك ضيوف ولا ايه؟

-  دي مدرسة ياسر، بتديله درس هو وزمايله، لو كنت عارفة انكو جايين كنت قولتليها ما تجيششششششش، يا دي الإحراااااج

-      هههه لا إحراج ولا حاجة، دي حاجة لطيفة جدا

-      هي ايه اللي لطيفة جدا يا حودة؟

-      عن اذنك هروح اسألها عن مستوى ياسررررر

-      استنى بس يا حوووودة! هو وماله ومال مستوى ياسرررر! ادخلي يا ماما

-      اديني دخلت اهو، هو محمود رايح يكلم المس ليه يا بهيرة؟ عايز درس هو كمان؟

-      وانا ايش عرفني يا مامااااااا، اما اروح وراه اشوفه عايز منها ايه

********************

الجزء الخامس خلف هذه الجدران 

بقلم هبة عبد العظيم نور

حقوق النشر محفوظة للمؤلفة

*****************

-      بنجورنو  سينيورة

-      هااااا! اهلا

-      انا خال ياسر، ابقى اخو مدام بهيرة، لسة جاي من ايطاليا من فترة بسيطة بعد غربة اكتر من عشر سنين

-      أهلاً وسهلاً

-      مممم يا ترى ياسر عامل معاكِ ايه؟

-      كويس الحمدلله

-      انا كويس يا خالووووو وبذاكر وبعمل الواااااااجب

-      هه انت هايل، ازيك يا رحمة

-      ازيك يا خالوووووو

-      وانت اسمك ايه بقى يا حبيبي؟ ههه

-      انا مروان قمر الدين

-      هه اهلا مروان ممممم التعامل مع الأطفال شيء ظريف جدا، مش كدة برضو  سينيورة؟

-      ممم ايوة، طيب يا ولاد نكمل المرة الجاية، اسفة قطعت الحصة، مضطرة امشي، عن اذنكو

-      مع السلامة  يا مسسسسسسس يلا قوموا عشان نلعببببببب

********************

-      انا ماشية يا مدام بهيرة

-  هه مع السلامة يا مس، معلش والله، الجماعة جم فجأة وما كنتش عاملة حسابي وإلا كنت بلغتك تأجلي الحصة النهاردة

-      حصل خير

-      ازيك يا مسسسس

-      اهلا بحضرتِك

-      دي والدتي يا مس عتاب

-      ههه اهلا وسهلا يا فندم

-      اهلا بيكِ، تعرفي انا بشبّه عليكِ

-      ههه حضرتك  شوفتيني قبل كدة؟

-      مش انتِ أبلة إعتدال اللي كنتِ بتديني في ابتدائي في مدرسة أمون حوتب رع؟؟؟؟؟؟؟؟؟

-      هاااااااااااااااا!!!!!!!!

-  ماما ايه اللي بتقوليه ددددده!!!! ههههههههههه دي صغيرة خاااااااالص، يادوب بتدي ياسر واصحااااااابه، امون حوتب رع ميييييين!!!!! هههههه

-  ايوة هييييي هو انت تايهة عن ابلة اعتدال اللي اديتني اشيا وصحة! فاكرة يا ابلة اعتدال  الدرس بتاع شرشر نط أكل البط؟؟؟؟؟؟

-      افندممممممم! لا والله مش فاكرة

-      يا عيني يا ابلة اعتدال! الظاهر السن خلاكِ تنسسي، انا تلميذتك منيرة اللي كنت ساكنة في حي المنيرة

-      والله يا فندم انا مش ابلة اعتدال، انا اسمي عتاب وعمري ما روحت حي المنيرة اصلااااا

-  ههههه ما تزعليش يا مس عتاب، واضح انك وانتِ قاعدة في وسط الولاد فكرتي ماما بذكرايات حلوة عن ابلة اعتدال وشرر اللي نط وأكل البط

-      هه ما فيش مشكلة، استأذن يا مدام بهيرة وهاجي الحصة الجاية في المعاد إن شاء الله، يلا يا مروااااااااااان

-      بجيب كراريسي وجاي يا مسسسسس باي ياسرررررر باي يا رحمممممة

-      باي بااااااااااااااااااااااي

-      عن إذنك يا مدام بهيرة

-      هههه اتفضلي يا مس عتاب، في انتظارك في الموعد القادم، سلم على ماما يا مرواااااااااااان

-      حاضر يا طنططططططططط

-                 ايه يا ماما اللي قولتيه للمس ده!

-  انا مش عارفة هي بتنكر نفسها مني ليه يا بهيرة! انا عارفاها كويس بس ما رضيتش احرجها, بقى كدة يا ابلة اعتدال  تتنكري في شخصية تانية بإسم تاني عشان خاطر الطلبة بتوعك القدام ما يعرفوكيش!!

-      ههههههههههههههه يا ماما والله العظيم مش هييييييي، خسارة، لو كانت لسة قاعدة كنت وريتلك البطاقة بتاعتها

-      مممممم باين مش هي صحيح، دي مش لابسة نضارة ولا عاملة تسريحة الملكة نازلي، يخلق من الشبه اربعين

-      صحيح يا ماما ههههه ايه يا حودة سرحان في ايه؟

-      هي اسمها ايه؟

-      هي مييييين؟

-      المدرسة؟

-      اسمها ابلة اعتدال يا حودة

-      لالالا مش مدرسة ماما، انا بسأل عن مدرسة ياسر وزمايله 

-      مس عتاب، بتسأل ليه يا حودة؟؟؟؟؟؟

-      هه سؤال عادي

-      هههه مش باين

-      خلينا فيكِ وفي الولاد دلوقتي، هما فييييين؟

-  ياسمين وياسين ناييمين، هخلي ياسر يصحيهمممممم، ياسرررررررر صحي اخواتك وتعالوا عشان تتغدوا مع خالو وتييييييييتة

-      هنتغدا ايه يا مامااااااااا؟

-      اسأل خالك عشان هو اللي جايب الأكل

-      هنتغدا ايه يا خالوووووووو؟

-      هههههه يا ولد مش تسلم على تيتة الأول

-      ازيك يا تيتة، هنتغدا ايه يا خالوووووووو؟

-      ههههه هنتغدا سي فود يا حبيبي

-      يعني ايه ده؟؟؟؟؟؟؟

-      ههههه مأكولات بحرية

-  هييييييييييييه هيييييييييييييييه هروح اصحي ياسمين وياسين، ياياسمييييييييين يا ياسيييييييين قوموا عشان هناااااااااااااااااكل

-      طيب أنا هروح عند ماما بقى يا ياسر عشان اتغدى أنا كمان

-      طب ما تخليكي وكلي معاناااااااا ده خالو جايب سرين فوت حلو قوووي

-      يعني ايه ده!

-      يعني سمك

-      سمك يعني فش يا كداااااااب

-      خالي هو اللي قال كدددددة، يا خااااااالي، مش سرين فوت يعني سمكككككك

-      هههه سرين فوت!!!!!!! حبيبي سي فووووود، سي يعني بحر بالانجليزي مش كدة ولا مس عتاب ما قالتلكش؟

-      لا قالتلي بس أنا نسيت، وقالتلنا فوت يعني قدم

-  هههههه يا ابني فووووود فود يعني طعام بالانجليزززززي، يعني الكلمتين على بعض سي فووود وبتطلق على المأكولات البحرية

-      وانا مالي اناااااا مش عايز اعرف اسمهم، المهم أكلهمممممممم

-      ههههه ايه ابنك ده يا بهيرة!

-  سيبك منه يا حودة، ده دماغه ومعدته وكل عواطفه متبرمجة على الأكل وبس هههههه ما تقعدي يا رحومة تاكلي معانا

-      لا يا طنط بهيرة شكرا، أنا هاكل عند مامااااااا، ازيك يا تييييتة

-      اهلا يا رحمة يا حبيبتي، ماشاء الله كبرتي واحلويتي وقربتي تبقي عروسة حلوة قدي

-      شكرا يا تيتتتتتتتتة باي باي يا خالوووووو

-      ههههه باي يا رحمة اريفايديرتشي حبيبتي

********************

-      دب دب دببببببببببببب افتحي يا مااااااااامتييييييي دب دب دببببببببببببببب

-  ايّووووه رحمة! ايه اللي جابها البت دي! ده معاد الدرس لسة ما خلصش، ايوة يا بت يا رحممممممممة بننشفوا ايدددددددي

-      افتحييييييييييييي دب دب دبببببببب يوووووو

-      ايه يا بت يا رحممممممة اني جاية اهووووو، ايوة يا حبيبتي تعالي، ايه يا بت سيبتي الدرس وجيتي ليه؟

-      المس سابتنا ومشيت

-      ليييييييييه! زعلتوها في حااااااجة؟

-      لا هي مش زعلت، هي مشيت عشان خالي جه

-      خالك! خالك مين يا بت؟؟؟؟؟؟

-      اخو طنط بهيررررررة

-      والله! هه هو جه يزورها النهاردة؟

-      ايوة هو وتيتة وجايبين معاهم اكل كتيرررررر كل السمك اللي في البحر

-  طب والله لو جابو ايه حتى لازم نودوا الديك الرومي اللي في الفريزرررر، دانا جايباه عشان خاطرهمممممم، اوعي يا بت اما نروحوا نجيبوه ونودهولهمممممممم

********************

-  يلا يا جماعة أنا جهزت السفررررة يلا يا ياس......... ايه ده! انت لحقت يا ابني تبتدي اكل وتحطم سمكة بحالهااااااااااا

-      ايوة كلتها هي والبتاع الصغير ده، طعمه حلو قوي يا ماماااااا

-      يا ابني يا حبيبي ايه الفضايح دددددي! خالو وتيتة يقولوا ايه! مش المفروض تستناهم؟

-      يا ماما هو أنا هاكل اكلهم يعني! الأكل كتير قوووي خليهم يجو ياكلوا معايااااااا

-  ههههه كتر الف خيرك والله، مش عارفة اعمل ايه في جمايلككككك، يلا يا ماماااااا يلا يا حووووودة، يا ياسمين هاتي ياسين وتعاااااااااالي

-      حاضر يا ماماااااااااااا

ترررررررررررررررررررررررررررررررررررن

-      يووووو مين اللي جاي دلووووووقتي، اقعدوا انتو يا جماعة أنا هشوف مين ع الباب واجييييييي

********************

الجزء الخامس خلف هذه الجدران 

بقلم هبة عبد العظيم نور

حقوق النشر محفوظة للمؤلفة

***************************

-      ايوة مييييييين

-      أنا اشجان يا بهيرررررة افتحي يا اختي خدي المحتار اللي كره  عيشته دددددده

-      ههههه اهلا يا شجوووووونة، برضو جبتي الديك!!

-  ايّوووووووووه خديه بقى يا بهيرة أنا نفسيتي تعبت يختيييييييييي ,كل شوية نشيلوه في الفريزر لما جالي اكتئاب ويأست انكو تاكلووووووه

-      لا يا حبيبتي اوعي تيأسي ابداااااااا هننسفهولككككككك، عايزة العضم ولا اشيله تذكار؟ هههه

-  ههه لا يختي خديه بعضمه بالهنا والشفا، كان نفسي ندخلوا نسلمو على والدتك لكن ما يصحش عشان اخوكِ جوا

-      هبلغها سلامك يا اختي، ومتشكرين ع الديك مع اني والله مش عارفة هناكله ازاي!

-      مش عارفة هتاكلوه ازاي! هاتي سكينة يختي وقطعي وكلي واكلي عيالك واكلي الجماعة

-  هههههه يا حبيبتي ما اقصدش، أنا اقصد ان اخويا جايب سمك ومش عارفة هحط الديك جنبه ازاااااي! هو ينفع ناكل سمك مع ديك رومي!

-      كلوا يختي بالهنا والشفا، المعدة ما بتقولش لا

-      والله المعدة دي مظلومة معانا هههههههههه

-      هههه مطرح ما يسري يمري يا بهيرة، سلام بقى عشان ما نعطلوكيششش

-      الله يسلمك يا اختي

********************

-      أنا جيت يا قوم يا حلووووووين هههههه

-      ايه دددددددده! ايه اللي معاكِ ده يا ماماااااااااااااا؟؟؟

-      ده ديك يا ياسر، طنط اشجان بعتاه لخاااااااالك .سامع؟ لخااااااالك

-      ليا  أنا! هههه

-  ايوة، جارتي بتجاملني عشان رجوعك بالسلامة يا حوودة ههههه اصل اشجان دي بقى طول عمرها جدعة وصاحبة واجب، دوق الديك كدة، الله! هو رجله راحت فين؟؟؟؟؟؟؟

-      ياسر بياكلها اهو يا ماماااااا

-      يا نهارك تريكواز يا ياسرررررر، يا واد عيب كدة يا واااااد، الديك ده عشان خالووووووو

-      يعني خالي هياكله لوحددددده!!!! طعمه حلو قوووي هههه اتفضل يا خالو خد حتة

-      ههه شكرا يا ياسر مش هقدر، أنا باكل جمبري واستاكوزا

-  لالالا يا حوووووودة، لازم تاكل ولو حتة صغيرة عشان اشجان هتزعل وتحس ان احنا ما قدرناش هديتهااااا خد حتة صغننة من الصدر اهيييييه

-      وانا كمان يا ماماااااا

-      انت تخرس خاااااااالص، خلص الورك اللي في ايدككككككك

-      طب ناوليني سمككككككة

-      يا رب ارحمنننننننننني، كلي يا ماما يا حبيبتييييييي

-  ما أنا باكل اهو يا بهيرة، تسلم ايدك يا حبيبتي السمك جميييييييل، التتبيلة حلوة قوي، انتِ عملاها ازاي يا أرووووووبة

-      ههههه يا ماما عاملة ايه بس!!! ده السمك اللي انتو جايبينه انتِ وحوووودة

-  والله! الواحد بقى ينسى بطريقة وحشة قوي، أنا سمعت الدكتور في التليفزيون بيقول ان الواحدة فينا طالما عدت العشرين تبتدي تنسى حاجات كتير، وانا فعلا من ساعة ما تميت واحد وعشرين سنة اول امبارح وانا بقيت انسى بشكل وحش قوووي

-  هههههه معلش يا ماما، بتحصل معايا أنا كمان، هو الشباب كدة يا ماما نسيان بقى وشعر ابيض وسنان واقعة ههههههههه

-  اتكلمي عن نفسك يا بهيرة، أنا لسة بدري ع المرحلة دي، كلي يا ياسمينة يا حبيبتي، السمك مفيد ليكِ جدا، فصصتلك سمكة

-      ههه ربنا يخليكِ يا تيتة

-      ماما فصصيلي سمكة زي ياسر

-  يا حبيبي يا ابني! مظلوم انت وقاعد تاكل رز وسط وحوش بياكلوا سمك ههههه خد يا حبيب قلب ماما من جوا, كل يا حبيبي بالهنا والشفا ..... الله ينور يا ياسرررررر,مش باين من ورا جبل الشوك اللي قدااااامك

-      السمك حلو قوي يا ماماااااا ههه

-      بالهنا والشفا يا حبيبي، كل يا حووودة

-      باكل اهو يا بهيرة ههه حقيقي اكلة دليتسييوزو

-      هههه بالهنا والشفا يا حووووودة، دليتسيوزو على قلبك إن شاء الله

********************

-      هههههه الغدا كان حلو قوي وعجب الولاد يا حودة

-      بالهنا والشفا، المهم شيلتي لحسين نصيبه؟

-      طبعاااااااا، هو انا اقدر أكل حاجة من غير سونسون !!!!!هههههه

-      ربنا يخليكو لبعض

-      ههههه عقبالك يا حبيبي لما افرح بيك مع عروستككككك

-      هههه الظاهر انك هتفرحي قريب يا بهيرة، ياسميييييييين

-      نعم يا خالو

-      تعالي يا حبيبتي، تعالى يا ياسررررررر، تعالى يا ياسيننننننننن  تعالوا اقعدوا جنبي ع الكنبة عشان عايزكو

-      تعالوا يا ولاد، كله يجمععععععع، خالوا عاملكو اجتماااااااع هههههههه

-      تحت امرك يا خالو

-      تعالى يا ياسمينة اقعدي على يميني، تعالى انت يا ياسين جنبي هنا ايووووة امووووه تعالى يا ياسر

-      نعم يا خالووووو

-      كل واحد فيكو يقولي على حاجة نفسه فيها وأنا اجيبهاله

-  انا عايز كمبيوتر زي ررررررحمة، اصحابي كلهم عندهم كمبيوتر إلا اناااااا وكل ما اقول لبابا يجيبلي كمبيوتر يقولي بعديييييييين

-      ولد يا ياسررر والله انت عايز يتقص من لسانك حتة عشان تقعد ساااكت

-      ايه يا ماما!!!! خالو هو اللي قالي نفسك في ايييييييه

-  سبيه يا بهيرة من فضلك، انا خاله، مش غريب، وبعدين انا فعلا اللي طلبت منه يقول نفسه في ايه عشان اجيبه

-      هههه انت حر معاهم يا حودة

-      وانتِ يا ياسمينة؟

-      هه شكرا يا خالو

-      يعني ايه شكرا يا بنت!!

-      ياسمين بقى لو دبحتها يا حودة عمرها ما تقولك نفسها في ايه ولا عايزة ايه ولا هتطلب حاجة

-      معقول يا ياسمينة! مش انا خالو حبيبك والمفروض تطلبي مني اللي انتِ عايزاه حبيبتي؟

-      والله يا خالو مش عايزة حاجة، بابا بيجيبلي كل حاجة الحمدلله

-      بابا يجيب وانا خالو كمان اجيب، هااا قولي بقى نفسك في ايه يا حبيبة خالو؟

-      هه شكرا يا خالو

-      ييييي انتِ علقتي يا بنت على جملة شكرا يا خالو!

-      ما تتعبش نفسك يا حودة، مش هتقول حاجة والله

-      ممممم طيب خلاص، ايه رأيك يا ياسمينة اجيبلك كمبيوتر زي ياسر؟

-      هه مافيش داعي يا خالو

-      هههه يبقى خلاص، هجيبلك كمبيوتر

-      ولزومه ايه يا حودة،ما كفاية عليهم كمبيوتر واحد يستخدموه هما الاتنين

-      ما تتحشريش بين محمود والعيال يا بهيرة ده اخوكِ مش غريب يا حبيبتي

-      مش عايزة اكلفه يا ماماااا

-  مافيش تكاليف ولا حاجة يا بنتي، هو إن ما كانش يجيبلك ويجيب لعيالك يجيب لمييييين! ربنا يخليكو لبعض يا حبيبتي

-      هههه ويخليكِ يا ماما يا سكرة

-  طيب يبقى كدة اتفقنا، هجيب كمبيوتر لياسر وكمبيوتر لياسمين، فاضل الأستاذ ياسين هههه ها يا حبيبي اموووه انت عايز ايه بقى؟؟؟؟

-      عايز ايس كريم

-      ههههههههههههههههههههههههههههه

-      هههههه كدة برضو تضحك اخواتك عليك يا حبيب خالو !!!!

-      ههههه ده غلبان وطول عمره طلباته غلبانة زيه يا حودة

-      ها يا حبيبي شوف بقى نفسك في ايه، اختار  كل اللعب وكل الحاجات اللي بتتمناها

-      عايز عجلة العب بيهااااااا

-      ههههه حاااااااضر، بس كدة؟ من عنيا يا سيدي، عجلة وسكوتر

-      هييييييييه هيييييييييه هييييييييييييييييييه خالو هيجيبلي عجلة يا ماماااااااا

-      ههههه قول شكرا لخالو يا ياسين

-      شكرا يا خالوووو

-      العفو يا حبيبي

-      وانا كمان عايز عجلة يا خالوووووو

-      يا ولدددددد وبعدين معاك يا فاضحنا انت!!!، انت مش طلبت كمبيوتر

-      ايوة، عايز كمبيوتر وعجلة

-      ما تخليه يجيبلك شقة بالمررررررررة!!!!!

-  سيبي الولد يا بهيرررة، يطلب اللي هو عايزه، انا مبسوط جدا من ياسر عشان بيطلب مني وما تعبنيش زي ياسمينة هههه

-      هه عن اذنك يا خالو هجيب عصير لحضرتك ولتيتة

-      اتفضلي يا حبيبتي ...البنت دي رقيقة قوي يا بهيرة، مش عارف ليه مش قادر اقتنع انها بنتك هههه

-      هههههههههه كدة برضو يا حودة! هو انا مش رقيقة وزي النسمة ولا ايه؟

-  رقيقة زي الإعصار هههههههههههههه طول عمرك شعنونة وغاوية هزار وتنطيط ولعب، بنتك على النقيض تماما

-      ههههههههههه ما قولتلك طالعة لابوها، منورة يا ماما يا حبيبة قلبييييييي

-      نورك يا بهيرة يا حبيبتي، مش هتشوفي عروسة لاخوكِ عشان نفرح بيه؟

-      ممممم ايه رأيك يا ماما في هالة بنت طنط إقبال بنت عمتك؟

-      ايييييييييه! هالة بنت إقبااااااااااال، لالالالالالا دي لو آخر واحدة في الدنيا ما اجوزهاش محموووود

-      ليه بس كدة يا ماماااااا! دي طيبة وكمان طنط إقبال طيبة وبتحبكككككك

-  بتحبني!!!!! هو انا انسى يوم خطوبتي على ابوكِ لما دلقت كوباية الشربات على فستاني من كتر غيرتها مني!!!!!!!

-  يا ماما خلي قلبك ابيض، طنط إقبال بتقول انها اتكعبلت وهي ماسكة كوباية الشربات، راحت الكوباية اتدلقت على فستانككككككك

-  لالالالالالا دي كدابة، هي كانت قصداهاااااااا، ذنبي ايه انا إذا كنت حلوة وصغيرة  واتخطبت قبلهااااااا تقوم تبوظلي الفستااااااااااان!

-      هههههه يا ماما والله طنط إقبال حلفت كذا مرة انها ما تقصدش

-      وانت تعرفي منين يا بهيرررررة! هو انتِ كنتِ معايا يوم خطوبتيييييي!

-  ههههه لا طبعا يا ماما، ما كانش ينفع اجي واسيب العيال لوحدهم ههههههههههههههههههههههههههههههههههههههههههههههههههه

-      هههههههههههههههههه يقطع شيطانك يا رورو

-      ولما انتِ ما كنتيش موجودة، بتشهدي زور لييييييييه!!!!!!

-      لالالالا خلاص يا ماما، انا اسفة، هي  وصلت للشهادة الزور! بلاش هالة، هنشوف واحدة تانية

-      هههههه ما تتعبوش نفسكو يا جماعة، انا لقيت العروسة