الحلقة السابعة
قرائي الأعزاء آسفة جداً للتأخير ,ظروف قهرية وخارجة عن إرادتي,دائما الظروف هي المتحكمة ولست أنا من أتحكم في الظروف
تقبلوا العذر فهذا من شيم الكرام
اترككم مع الحلقة السابعة وارجو لكم المتعة والفائدة
******************************
جميع الحقوق محفوظة للمؤلف
********************************************
تقبلوا العذر فهذا من شيم الكرام
اترككم مع الحلقة السابعة وارجو لكم المتعة والفائدة
******************************
بقلم: هبة عبد العظيم نور
الناشر: المؤلف
رقــــم الإيداع: 00000/2017م
********************************************
- ماما أنا عايز اودي عيش جراس من اللي صنعته جدتي لعبد الرحمن جارنا واخته عشان عجبهم لما كلوه عندينا
- ههه فيك الخير والله يا محمد، هاخد شوية اوديهم مع شوية جرجوش
- وانا بعد ما اخلص واجبي هروح العب مع عبد الرحمن، جوليله اني رايحله
- هجوله يا محمد، أنا هودي الهدية لجيراننا وهرجع طوالي مش هتأخِر عليك، ابوك نايم اوعي تشغل التليفزيون وتزعجه
- لا أنا هدخل اكتب واجبي
- شاطر ولدي اموووه
********************
ترررررررررررررررررررررررررررررررررررن
- يوووووووووه مين اللي بيخبط علينا دلووووووقتي اكيد البواب الزفت جايب الطلبااااات، ايوة ايووة جاية يا اسمك ايه انتتتتت, إياك يكون نسي حااااجة هطلّع عيييينه، ايوة يا بتاع انتتتتتتتتت، ايه ده!!!!!! انتِ مييييييين؟
- ههه أنا جارتك أم محمد، ساكنة في الشجة اللي جَصَادك ,نَسيتيني!السلام عليكم اولا
- اوووووف خير يعني عايزة ايه؟؟؟؟؟؟
- مين يا رشاااااااا؟
- استنى يا هاني اما اشوف الست دي عايزة اييييييييه، افندم
- أنا كنت جيبالك هَدية بسيطة عشان عبد الرحمن ومنة، عيش جراس وجرجوش ، استني اما ارفع الجماشة عنيهم ههههه اهم
- ايه ايه ايييييييه! ايه الحاجات الغريبة دي! خديها وامشي، ولادي ما بياكلوش الحاجات ددددددي
- لا بناكلها يا مامااااااااا، ازيك يا طنط، انا منة انتِ نستيني؟ هههه
- اهلا يا منة ههه كيفك يا بتي
- انا كويسة الحمدلله، اتفضلي يا طنط
- بنت يا مننننننننننة، اتفضلي روحي على اوضتك وحسابك معاي بعدييين
- ماشي يا ماما، باي باي يا طنططططططط
********************
- ماما بتكلم مين يا منة يا حبيبتي؟
- دي طنط جارتنا اللي خدتنا عندها واكلتنا لما ماما كانت تايهة ومش لاقينها، اللي عندها محمممممد
- اهلا بيها، لكن هي عايزة حاجة من ماما؟
- لا، دي جيبالنا عيش وقراقيش وماما طردتهاااااااا، باي باي انا داخلة اووووضتي
- طردتها!!!!!! اتجننت دي ولا ايه! اووووووووف
********************
- يعني مش هتاخدي مني الجراس والجرجوش، خديه ده معمول بالسمن البلدي ونَضِيف
- لااااااا يلا مع السلامة بقى عشان انا مش فاضية
- رشاااااا، اهلا يا أم محمد ههه متشكرين على الهدية اللطيفة دي،الولاد حقيقي عجبهم العيش بتاعك جداً وما بطلوش يحكو عنه،جزاكِ الله خيرا
- العفو يا حضرة الظابط بس اصل المدام بتجول العيال ما رايدينهوش
- لالالالا ههه رشا ما تقصدش، هي بس قصدها تقولك تعبناكِ معانا
- لا تعب ولا حاجة ههه احنا جيران وده حجكو علينا
- ايه حقنا عليكو ددددددي! شيفانا متسولين ولا جعانين ومستنين العيش بتاعكككككك!
- رشاااااااا، رشا تقصد تقولك هدية مقبولة ونردهالك قريب ان شاء الله، هاتي يا ام محمد متشكرين
- العفو يا حضرة الظابط، جول لولدك عبد الرحمن ان ولدي محمد هياجي يلعب معاه بعد ما يخلص الواجب
- هه يآنس ويشرف اهلا وسهلا
- السلام عليكم
- عليكم السلام يا ام محمد
- اوووووووف بقى كدة يا هااااااااني! انت عايز تفرسنيييييي! يعني انا بقفل أي باب للتعامل مع الأشكال دي تقوم انت تعاندني وتقبل هديتها وكماااااااااان ترحب بابنها وزيارته لعبد الرحممممممن!!!!!!
- وطي صوتك وانتِ بتتكلمي معاياااااااااااااا
- يا هاني انا ما عليتش صوتي يا حبيبييييي انا بس بسجل اعتراضييييييي
- اعتراض مرفووووض، دول جيرانناااااا وانتِ مش احسن منها في حاااااجة بالعكس بقى هي اللي احسن منك مليون مرررة, على الأقل بتعرف تتعامل مع جيرانها بأدب واحترام ازاي وكمان بتهاديهم، حقيقي ست راقية
- ست راقيييييية! وانا بقى ست همجية! اهئ اهئ اهئئئئئئ الحق عليا ان انا بحافظ على الولاد ومش عايزاهم يتنازلوا عن مستوى معين ويعرفوا قيمتهم كويس وانهم ولاد ميييييييييين
- اووووووف اعمليلي فنجان قهوة وهاتيهولي في التراااااااس
- أوامرك يا حضرة الظابطططططط
********************
- السلام عليكم .... انت صحيت يا اشرف؟
- عليكم السلام يا سهى، كنتي وين؟
- كنت عند جيراننا بديهم عيش جراس وجرجوش ممممم بس ......
- بس ايه؟
- الجارة دي مرات الظابط ,ما اعرِفش شايفة نفسها وطالعة فيها على ايه! جابلتين مجابلة عفشة جوي ولا جالت اتفضلي ولا تعالي عندينا، كلمتني من ع الباب وماكانتش رايدة تاخد مني الهَدية لولا جوزها الظابط شكرني وخدها مني
- الله! وانتِ ايه يوديكي عند الست دي يا سهى طالما ست عفشة وطبعها عِفِش عااااااد؟
- وانا كنت اعرف طبعها من وين يا اشرف!!!!! انا رايحة بسلامة نية ومجابلتها صَدَمَتيين
- طيب خلاص ولا تروحي عنديها تاني ولا ليكِ دعوة بيها
- وانا مالي ومالها عاد! خلاص على كَه، بس محمد يحب ولدها جووووي ورايد يروح يلعب معاه
- لااااااااااه
- دول عيال مع بعضْهُم يا اشرف، خليه يروح يلعب معااااااه
- جولت لااااااه لاه يا سهى، سامعة ولا لااااااااااه؟
- خلاص يا اشرف، ولدك وانت حُر معاه، اهو جه محمد
- باباااااااا انا هروح العب مع عبد الرحمن جارنا
- لاااااه، مالكش دعوة بيييه، لا تكلمه ولا تروح عندييييه، سامع ولا لاااااه؟
- .......... سامع يا بابا، انا داخل انوم
- هه هتنوم ومش هتتفرج معاي ع الكرتون؟
- ههه لا هتفرج معاك
- ههه حبيبي يا محمد اموووووه، هاتيلنا تلات كوبيات عصير وحصلينا يا سهى
- عيوني يا اشرف ههه
******************
بقلم: هبة نور
الناشر: المؤلف
رقــــم الإيداع: 00000/2017م
جميع الحقوق محفوظة للمؤلف
********************
- بابا، أنا وعبد الرحمن عايزين فسحة كبيرة كبيرررررة
- ايوة يا بابا، بكرة الجمعة وعايزين نتفسح
- هههه شكلكو متفقين عليا يا سي عبد الرحمن انت و ست منة، ماشي، عايز تروح فين يا عبد الرحمن؟
- ممممم مش عارف، نروح فين يا منة؟؟؟؟
- مممممم استنى اما افكر في فوكّيرة، ممممم ااه بابا عايزين نروح جزيرة النباتيات
- هههه جزيرة النباتيات! اسمها جزيرة النباتات يا بنت
- ايوة هي دي، هي مش فيها جنينة؟
- ايوة طبعا، جناين مش جنينة واحدة، وفيها نباتات من كل أنحاء العالم
- يعني ايه انحاء العالم؟
- يعني من كل حتة في العالم
- طيب انا عايزة اروح
- ههه ماشي يا ستي، رشاااااااا
- ايوة يا هاني بكلم مامااااااا طيب مع السلامة انتِ يا ماما دلوقتي, هروح اشوف هاني، سلميلي على بابااااا، ايوة يا هاني يا حبيبي
- بابا هيودينا جزيرة النباتيات انا وعبد الرحمن وهناخدك معانا يا مامااااااا
- هتوديهم فين يا هاني!!!!
- جزيرة النباتات يا رشا، الولاد عايزين يتفسحوا بكرة
- يووو طب مافيش مكان تاني ارقى من كدة؟؟؟
- ارقى من جزيرة النباتات!!!!! انتِ شوفتيها قبل كدة؟
- لا، بس أنا بطبعي ما بحبش الأماكن التقليدية، بحب اروح اماكن مميزة ومتميزة
- هههه فعلا جزيرة النباتات ما ينفعش تزوريها، لإن دي ارتادها كبار الشخصيات حول العالم
- يا سلام!!! هزار ده بقى!!!!
- لا طبعا مش هزار يا هانم، لو كنتي قريتي عن جزيرة النباتات كنتي عرفتي ان زارها قبلك الأميرة فوزية والملكة اليزابيث ملكة بريطانيا
- حقيقييييييي! ههههههههه يبقى انا لازم اروح يا هااااااااني لازم اسمي يتضاف لكبار الشخصيات اللي زاروا جزيرة النباتات
- ههه ماشي يا سمو الأميرة رشا بنت الملكة احسان ههههههههههههههههه
- ايه ده بقى! انت بتتريأ عليا وعلى مامتي!!!!!
- إطلاقاااااا، بكرة ان شاء الله بعد صلاة الجمعة استعدوا عشان ننطلق إلى جزيرة النباتااااااات
********************
- خدي يا منة شيلي شنطة البسكوت والحلويات اللي هناخدها الجزيررررررة
- هات يا عبد الرحممممممممن، يلا يا بابااااااا يلا يا مامااااااا
- يلا يا رشا، جايين يا منننننننة
- طيب يا هاني انا جاية اهو، ربنا يستر ما نكونش نسينا حاجة
********************
- هيييييييييييييه هيييييييييييه، ده محمد صاحبك اهو يا عبد الرحمن
- بابا هروح اسلم على محمد
- روح يا حبيبي
- ولددددددد تعالى هنااااااا
- سيبيه يا رشا
- ازيك يا محممممممد
- ازيك انت يا عبد الرحمن
- ازيك يا محمد يا حبيبي وازي بابا ههه
- الحمدلله يا عمو هاني
- انت ما جيتش تلعب معايا اول امبارح ليه يا محمد، انا استنيتك
- ماما ما رضيتش، قالتلي ما تكلمش ولاد الست دي تاني، باي باااااااااي
- اخرررررررس قال مامته قالتله ما يكلمش ولادي قااااااال ما بقاش إلا دي كمااااااااان
- هههههههههههههههههههههههههههههههههههه شوفتي يا رشا، جارتنا هي اللي منعت ابنها يكلم ولادك تاني، اصلك مش من مستواهاااااااااا
- انااااااااا! ولد قليل الأدب ووقح زي مامتتتتتتته، كله من غيرتها منيييييي
********************
بقلم: هبة نور
الناشر: المؤلف
رقــــم الإيداع: 00000/2017م
جميع الحقوق محفوظة للمؤلف
***************
- خلصت الطبيخ وشغل البيت يا ست اوسا
- لَحَقتي يا بت!!!
- ههه اوماااااال، دانا لهلوبة، تعالي شوفي بعنيكِ الحلوين الشقة كلها بتبرق والنابوليا بتبرق
- نابوليا ايه يا بت يا مصيبة انتِ! ههه اسمها موبيليا يا بت موبيليااااااا
- اسمها زي ما يكون يكون، المهم انها بتبرق من النضافة ههه
- والأكل خَلَص يا بت ؟
- كله مية مية ,خلصت الطبيخ وعملت السلاطة، يا دوب تغرفوا وتاكلوا بالهنا والشفا انتِ وسي سامي والعروسة الصغيرة ,أي خدمة تانية يا ست الكل؟
- تعالي ابرديلي ضوافر رجلي يا بت
- عنيا يا ستي
- هتعرفي ولا لأ؟
- نعرفوا ونصصصص، طب ايه رأيك أنا اشتغلت في كوافير قبل ما نتوكسوا ونتجوزوا
- ألا انتِ اتطلقتي ليه يا بت صحيح؟
- هنحكولك يا ست اوسا
- طب ابرديلي ضوافري واحكي وانتِ بتشتغلي
- ههه على عيني حاضر يا ست الستات,ايّوه على كعوب رجليكِ يا ست اوسااااا، كعوب هوانم بصحيح هههه
- هههه بتفهمي يا بت
- وربنا انا قلبي انفتحلك يا ست اوسا من ساعة عيني ما وَقَعت عليكِ
- تعيشي يا بت يا رزقة،ما قلتليش، اتطلقتي من الراجل اللي كنتِ متجوزاه ليه؟
- راجل! هو ده كان يتسمى راجل يا ست اوسا! بلا خيبة، راجل فقران وصدمان وعيشته ضنك في ضنكككك بعيد عنكككككك، ومش مكفيه الفقر اللي كان معيشنا فيه كمان رايح يصرف على امه واخوااااااته
- يصرف على امه واخواته! ليكِ حق تطلقي منه
- انا آخر ما زَهَقت وطهقت منه بعد اخر عاركة حَلَفت ما انا رجعاله تاني
- وهو رَضَى يطلقك كدة بسهولة يا بت يا رزقة؟
- راجل ندل وجنس نمرود ، بيفتري ويقول عليا ابيحة ولساني طويل وقليلة الأدب، كل ده عشان شتمت امه
- ايّوووووه ههههه دانتِ بلوى يا بت يا رزقة،شتمتي امه يا قوية يا مفترية!
- ايوة اومال ايييييييه، يعني تشتمني ونسكتولهااااااااا!!!
- لا ما يصحشششش، جدعة يا بت، لكن هو سَكَت على شتيمة امه؟
- لا ما سَكَتش، ضربني المين على وشي ولملي هدومي في شنطة وكرشني من البيت, وكانت دي اخر عاركة ,وحمو اخويا حاول يتدخل لكن قاله اختك ما تلزمنيش ... خليه قاعد جنب امه ياكشي تنفعه، رجالة ورق صحييييييح
- ههههه باين عليكِ كنتِ بايعاه يا بت
- وهنشتروه ليه! على ماله ولا على جماله! ويكون في معلومك مافيش حرمة هترضى بيه من بعدددددي، كفاية شكله اللي يعلّم ابليس الفضيلة
- ههههههههه جاتك ايه يا بت يا منيلة انتِ، يعني هو انتِ اللي حلوة!
- احلى منه الف مرة، اصل انتِ ما شوفتهوش يا ست اوسااااا، الحمدلله خَلَصت منه، المرة الجاية هنتجوزوا راجل حليوة زي بتوع السيما
- ههههههههههه واللي شبه بتوع السيما هيتجوزك على ايه يا بت!
- ههههههه يا ست اوسا دانا لو عملت خمس ست عمليات تجميل وروحت الكوافير ششورت شعري وحطيت احمر وابيض هبقى فشر بتوع السيماااا، ما هما كمان قبل ما يمثلوا ويغنوا كان شكلهم يسد النفس المفتوووحة، بيحلووا بفلووووسهم، اوماااال, الفلوس تحلي القرد يا ست اوسا
- ههههههههههههههههههههههه فطستيني من الضجك يا قردة انتِ
- هههههههههههه ان شالله دايما سنك بيضحك يا ام ضحكة جنان
- طب كفاياكِ برد في ضوافري يا بت، بتعرفي ترسمي الحواجب؟
- إلا نعرفوووووا ,دانا نعرفوا نخططوها ونرسموها ولا اجدع كوافيررررة
- طب رفعيلي حواجبي يا بت واعمليلي رسمة حلووووة، عايزة نعملوا نيو لوك لسامي
- ههههه وماله، الرجالة يحبوا الست اللي واخدة بالها من روحها
- ايوة بس احمد اخويا كان دايما يقول حرام ترفعوا الحواجب وحرام ترسموهاااااا
- يختي بلا حرام بلا حلااااااااال، اهو انا ما نكرهوش قد الجماعة بتوع الحرام والحلال دوووول، الواحد يحب يعيش حياته على راحته من غير ما حد يزهقه في عيشتتتتتته
- على رأيك يا بت، طب تعالي اعمليهوملي في اوضة النوم عشان نقعدوا قصاد السراحة
- ههه أأمر يا قمر أمرك يمشييييييييي
- استني لما ننادوا على البت بدور، بت يا بدوووووووووور
- نعم يا ست اوساااااااااا
- اعمليلي يا بت مج نيسكافيه وحصليني على اوضة النوم
- مممممممم طيب ورزقة ما تعملهوش ليه؟ مش قلتي هنبقى مسؤولة عن نورهان بس!!!
- رزقة هتخططلي حواجبي، وتاني مرة لما نأمروكِ بأمر تعمليه من غير ليه وعشان اييييييييه
- .................. حاضر، أمرك يا ست اوسا، خدامتك وتحت رجليكِ يا بنت الأكابر
- يلا يا بت يا رزقة تعالي ورايا
- وراكِ يا ست الستااااااااااااات
*************************
بقلم: هبة نور
الناشر: المؤلف
رقــــم الإيداع: 00000/2017م
جميع الحقوق محفوظة للمؤلف
********************
- الف مبروك يا دكتور أحمد ههههه عرفت ان بكرة كتب كتابك على الأنسة رانيا ان شاء الله
- هه الله يبارك فيكِ يا بسمة، متشكر قوي، انا هغيب عنكو شهر إن شاء الله، طبعا والدي موجود والخير والبركة فيه، بس انا بوصيكِ انتِ وزميلاتك وزملائك على المرضى، انتو واجهة المستشفى وأحب إن المرضى يكونوا راضيين عن مستوى الخدمة
- ان شاء الله يا دكتور ’ تروح وترجعلنا بالسلامة يا رب، عن اذنك
- اتفضلي
********************
- ممممم لو سمحتي دكتور احمد موجود؟
- مين حضرتك؟
- خطيبته ميرال
- خطيبته!!!!!!!!
- ايه! مش عارفة انه خاطب!!!!!
- ................. حضرتك تقصدي دكتور أحمد مين عشان واضح الموضوع فيه لبس
- اووووووف دكتور احمد رأفت ابن دكتور رأفت صاحب المستشفى ددددددي، هو فين مكتبه؟؟؟؟؟
- اللي قدام حضرتك ده
- طيب اوعي خليني ادخلّه
- اتفضلي، هو في ايه!!!!! ايه اللخبطة دي!!!!!
********************
- تن تن احمممممممد هههه ممكن ادخل؟؟؟؟
- ميرااااال!!!!!!!!
- هههههه مفاجأة، مش كدة؟؟؟؟ مش هتقولي اتفضلي اقعدي ولا ايه!!!!!
- ............ اتفضلي
- ميرسي
...................................................
- انا عارفة انك مستغرب اني جيت لحد عندك مممممم بص يا احمد انا ما اتعودتش اعتذر لحد، بس انا فعلا عارفة اني غلطت في حقك ........... يعني لازم اعتذر
- غلطتي في حقي! الموضوع ده انا نسيته خلاص
- لا، شكلك لسة زعلان مني، يا احمد اعذرني، انا محتاجة احس انك جنبي ولما احتاجلك الاقيك، انت على طول مشغول بالمرضى وبالأبحاث، طيب انا فين من ده كله! انا عارفة انك كنت بتحاول تعوضني، بس انا محتاجة منك اهتمام اكتر
- الكلام ده تبقي تطلبيه من خطيبك القادم ان شاء الله
- .............. تقصد ايه!!!!! بترفض اعتذاري! بترفض اننا نرجع لبعض يا احمممممد!
- ميرال من فضلك الكلام ده خلاص فات اوانه، انا ارتبطت بإنسانة تانية وهتمم اجراءات زواجي وهسافر بكرة اوروبا ان شاء الله مع عروستي
- اييييييييييه!!!!! ايه اللي انا بسمعه ددددده!
- فرصة سعيدة يا انسمة ميرال، شرفتي مكتبي
- ............................. تعرف، انا غلطانة اني جيت هنااااا، انت فعلا ما تستاهلنيششششش، فاهمممم، انت ما تستاهلنيششش، انا ماشيييية
- ههه لا حول ولا قوة الا بالله
********************
- هههههه مبروك يا رانيا يا حبيبتي خلاص كتبوا الكتااااااااب امووووه اموووووووه، انا النهاردة الفرحة مش سيعااااااااني ههههههه
- هههههه الله يبارك فيكِ يا ابلة منوووولة، ربنا يفرح قلبك بولادك يا رب
- اديني الحمدلله اطمنت على بنتي الكبيرة اللي هي حضرتك وربنا ييسر بقى وافرح بمعاذ ومريم
- يارب يا ابلة ياااااارب وتشوفيهم احسن ناس في الدنيااااا
- ربنا يسعدك يارب يا حبيبتي، خدي بقى السلسلة الدهب دي هدية بسيطة مني
- الله! جميلة قوي يا ابلة، طول عمرك ذوقك حلو
- تن تن يا عرووووسة
- تعالي يا زينب
- هههه مبروك يا رانيا اموووه اموووووووه الف مبروك يا حبيبتي
- الله يبارك فيك يا زينب هههه عقبال حبايب قلبي محمد وشهد
- ربنا يخليكِ يا حبيبتي، يلا عشان اساعدك في تجهيز شنطتك، مافيش وقت، انتوا مسافرين في طيارة اتناشر بالليل يا حبيبتي
- انا فرحانة قوي بالسفرية دي
- شوفتِ البنت يا زينب!!! هههه فرحانة عشان هتسافر وتسيبنا
- ههه يا ابلة ما تظلمنيششش، انا فرحانة عشان هلف العالم زي ما طول عمري بتمنى، يااااااااه يا ابلة، كل احلامي اتحققت الحمدلله
- ماشاء الله لا قوة إلا بالله،الحمدلله يا حبيبتي، كلنا فرحانين عشانك يا رانيا
- يلا بقى يا رانيا قليلي ايه اللي ناقص عشان نحطه في الشنططططط
- فاضل حاجات بسيطة يا زينب، استني هقولك ايه اللي ناقص ويارب ما انسى حاجة
- طيب قولي لزينب هتحطي ايه في الشنط وتعالي ورايا عشان قرايب العريس الستات سألو عليكي وعايزين يباركولك
- حاضر يا ابلة، بس هو مين اللي جه من قرايبه الستات؟
- خالة العريس وعماته، بس حقيقي ناس لطاف وراقيين جداً
- الحمدلله، خلاص يا ابلة هحصلك على طول ان شاء الله
- تن تن رانيااااااا يا مناااااااال
- ادخل يا عمر، اكيد عمر جاي يستعجلنا عشان الضيوف اللي منتظرينك
- ايه يا رانيا لسة ما جهزتيش ولا ايه؟ هه ماشاء الله لا قوة إلا بالله ايه الجمال دددده
- هههه ما تكسفنيش بقى يا عمر
- طب خليكي مكسوفة وياريت ترفضي الهدية اللي جايبهالك عشان مكلفاني كتير قوي هههههه اتفضلي يا ستي أنا يا أجمل عرووووسة
- ايه العلبة دي يا عمر؟
- افتحيها وشوفي
- مممم حاسة انه مقلب، شكلها فاضية اساسا هههه
- هههه انتِ وبختك، لو طلعت فاضية يبقى اتسرقنا وعليه العوض بقى
- هفتح واشوف اهو، بسم الله الرحمن الرحيم، هاااا ايه ددددده هههه ده بروش شكله زي ما يكون دهب
- هههههههههههههههههههههههههههههه لا دي تهيؤات، طبعا دهب يختي، ال شكله زي ما يكون دهب ال
- هههه يا حبيبي يا عمر امووووه جميل قوووي، خدي يا ابلة منال اشبكيهولي في الفستاااااااان
- هاتي يا حبيبتي، بسم الله ماشاء الله، ذوقك جمييييل يا عمر
- في الحقيقة ده مش ذوقي، ده ذوق زينب
- ربنا يخليكِ يا زينب، ذوقك رائع والله، البروش عجبني وعجب رانيا
- رانيا تستاهل احسن من كدة، دي حاجة بسيطة
- ربنا يخليكي يا مرات اخويا يا حبيبتيييييييي امووووووه هههههه انتِ اجمل مرات اخ في الدنيااااااا
- ما تصدقيهاش يا زينب، دي بس بتجاملك عشان احنا جايبينلها بروش دهب هههه
- ههههه كدة يا عمر! بتوقع بيني وبين زينب حبيبتي! زينب عارفة اني بحبها وبموت فيها حتى لو ما جابتليش أي حاااااااجة
- هههه كدة! طيب خلاص هاتي البروش بقى وحبيها من غير أي حاااااجة
- لاااااااا إلا البرووووووش ههههه
- أنا رايحة للضيوف وحصليني يا رانيااااااااا
- حاضر يا ابلة، وراكِ على طول إن شاء الله
************************
بقلم: هبة نور
الناشر: المؤلف
رقــــم الإيداع: 00000/2017م
جميع الحقوق محفوظة للمؤلف
********************
- منورين والله يا جماعة ههه اهلا بيكو شرفتونا
- الشرف لينا احنا يا مدام منال، واضح ان احمد ابن اختي الله يرحمها ربنا وفقه في الإختيار لعيلة كريمة زي عيلتكو
- متشكرة قوي يا فندم، احنا اللي ربنا اكرمنا بيكو يا مدام خديجة ، اهلا وسهلا بحضراتكو كلكو
- اهلا يا مدام منال
- اتفضلوا يا جماعة اشربوا العصير, اهي العروسة جت اهيه، تعالي يا رانيا
- السلام عليكم ورحمة الله ههه
- اهلا اهلا عروسة ابن أختي ههه اهلا يا حبيبتي وعليكم السلام ورحمة الله وبركاته، أنا بقى ابقى خالة العريس اموووه امووه
- هه اهلا بيكِ يا طنط
- مبروك يا حبيبتي ههه أنا بقى بدل مامت احمد وتقدري تعتبريني مامتك انتِ كمان
- ههه متشكرة قوي يا طنط، الله يبارك في حضرتك
- سلمي يا رانيا على عمات العريس
- حاضر يا ابلة حاضر، والله هسلم من غير ما تقولي ههه
- ههه يا لمضة
- اهلا اهلا بالعروسة الجميلة، مبروك يا حبيبتي
- الله يبارك فيكِ يا طنط
- أنا بقى ابقى طنط رجاء عمة العريس واخت باباه الصغيرة خااالص هههه
- ههه حضرتك لطيفة قوي
- هه ميرسي يا روح قلبي، ودي بقى فاطمة اختي الكبيرة، على العموم احنا الاتنين اصغر من رأفت ههه
- اهلا يا طنط فاطمة
- اهلا بيكِ يا حبيبتي الف مبروك كتب الكتاب، ربنا يسعدكو امووه اموووه
- الله يبارك فيكِ يا طنط
********************
- الف مبروك يا جوز اختي العزيز
- الله يبارك فيك يا باشمهندس
- خلاص يا دكتور اتدبست زينا ودخلت القفص الذهبي برجليك هههه
- ههههههههه لا مفر يا باشمهندس، وصي رانيا عليا بقى
- احنا بنوصيكو انتو الأتنين على بعض، ربنا يسعدكو
- مبروك يا دكتور احمد يا عديلي العزيز ههه
- الله يبارك فيك يا استاذ ماجد ههه، متشكر قوي
- مبروك يا حضرة الظابط زواج بنتك من ابني
- الله يبارك فيك يا دكتور رأفت، مبروك يا احمد يا إبني
- الله يبارك فيك يا عمي ... برضو دموع في ليلة زي دي!
- رانيا هتوحشني قوي، اول مرة تفارقني
- ان شاء الله مافيش فراق ولا حاجة يا عمي، كلها شهر ان شاء الله ونرجع، واوعدك اني اجيب رانيا تزورك مرتين في الأسبوع
- ان شاء الله يا إبني، خلي بالك من رانيا ارجوك
- من غير ما ترجوني، رانيا في عنيا يا عمي
- اشكرك يا ابني
- ررررررررررررررررررررررررررررررررررررررررن
- انتو منتظرين حد يا عمر؟
- ابدا يا ماجد
- طيب انا هروح افتح الباب، عن اذنكو يا جماعة
- اتفضل يا استاذ ماجد
************************
بقلم: هبة نور
الناشر: المؤلف
رقــــم الإيداع: 00000/2017م
جميع الحقوق محفوظة للمؤلف
********************
- أمييييييي!!!!!! ههههه ايه المفاجأة دي!
- السلام عليكم يا ماجد
- عليكم السلام يا امي، اتفضلي
- تييييييييتة ههههههه تيتة حبيبتييييييييي
- ههههه مريووووووووومة ههههه اموووه اموووووه ازيك يا حبيبتي
- خالتو رانيا اتجوزت والعريس جوا في الصالوووووون
- هههه عقبال عريسك يا مريومة، فين رانيا يا ماجد عشان اباركلها
- رانيا في اوضتها ومعاها منال ومرات عمر
- مافيش حد معاهم تاني؟
- لا مافيش، قرايب العريس كلهم مشيو من شوية
- طيب، انا هدخلهم بعد إذنك
- اتفضلي يا امي
- تييييييييييييتة هههههه وحشتينيييييييي
- ههههه حبيبي معاااااذ اموووووه اموووووه، انت كمان وحشتني، ابن خالك عمر ده؟ ههه
- ايوة محممممد، دي تيتة امينة يا محمد
- ازيك يا تيييييتة
- ههه اهلا حبيبي، ماشاء الله امووه امووه، اهلا بيك يا محمد، دي اختك؟
- ايوة اسمها شهد
- تعالي يا شهد سلمي عليا ما تتكسفيش ههه
- ازيك يا تيتة
- اهلا يا حبيبة تيتة امووه اموووه، روحوا العبوا بقى عشان هدخل للعروسة
********************
رائع
ردحذفرزقة هتتقرب من اوسا وبدور هتتركن
لعله خير
نرى ما ستسفر عنه الاحداث , شكرا للاهتمام بالرد الغالية أم حمزة
حذفرائعة كالعادة
ردحذفانتِ أروع ..اشكرك , يا ريت حضرتك تكتبي اسمك عشان اعرف من يهتم بالتفاعل ممن لا يهتم...جزيل الشكر
حذفتسلم إيدك حلقة جميلة جداً كالعادة
ردحذفتسلمي .انتِ اجمل..شكرا على الاهتمام بالتعليق
حذفرائعة كاتبتنا الجميلة
ردحذفدمتي مبدعة
هزعل قوي لما الجزء الخامس يخلص ومايبقاش فيه اجزاء تانية
اتعودنا على الناس الجميلة دي
Sun Top
انتِ الأجمل دكتورة..جزاكِ الله خيرا على الاهتمام بالتعليق وعدم المغادرة في صمت..سلمتِ
حذف