الحلقة الثالثة

-      ههههه جيت اقعد معاكو على ما تيجي نينة، منور يا حوووودة

-      ههههه نورك يا حبيبتي

-                 نكمل كلامنا يا محمود، يا ترى الحياة  في ايطاليا كانت سهلة بالنسبة لك ولا وجدت صعوبات؟

-  هه سهلة! ياااااااااااااه، انت ما تعرفش انا تعبت قد ايه يا حسين وواجهت صعوبات قد ايه، انا روحت هناك وانا مش عارف هعمل ايه ولا هشتغل ايه ولا هعيش ازاي، اشتغلت كل حااااااجة، من اول غسيل الأطباق لحد الكنس والمسح في الاوتيلات، ومرة اشتغلت عامل اسانسير ههه فضلت اتنقل من شغلانة لشغلانة لحد  ما يأست وحسيت بالإحباط والفشل، وقررت ارجع مصر، لكن في اليوم ده وانا في المطعم اللي اشتغلت فيه ويتر اتعرفت على رجل اعمال مصري كان بقاله عشرين سنة في ايطاليا، بصراحة الراجل ده اتعاطف معايا جدا ومع ظروفي، ومد  لي ايد العون وشغلني عنده في شركته وساعدني كتير جدا لحد ما وقفت على رجلي وفتحت مكتب خاص بيا، وحتى بعد ما انفصلت عنه في الشغل ما اتخلاش عني وما بخلش عليا بنصايحه ومعاونته وعرفني على ناس كتير من مختلف الجنسيات  واتسعت دايرة معارفي، حقيقي ما اقدرش انسى جمايله

-      يا حبيبي يا حودة  يا اخويا! دانت تعبت قوي

-  طبعا يا بهيرة، الحياة في الخارج مش مفروشة بالورود زي ما  البعض بيظن، ولولا ان ربنا ساعدني وساق في طريقي رجل الأعمال المصري ده، ما كنتش وصلت لحاجة وكنت رجعت على اول مركب

-      الحمدلله يا محمود ربنا أكرمك ويسرلك حالك، اكيد بفضل دعوات أمك

-      ههه اكيد طبعا  يا حسين، أمي دي حبيبتي

-      ههه أمهاتنا دول نعمة يا ابو حنفي

-      وخصوصا أمك يا سونسووووووون، نعمة ما حصلتش ولا هتحصصصل

-      ههه متشكر يا بهيرة

-  متشكر على ايه! النعمة بتعم علينا كلناااااااا، المفروض انا اللي اشكرك، وجود امك علمني الصبر على قدر الله وخلاني اكثر من الإستغفار الحمدلله

-      اللهم قوي ايمانك يا أم ياسمين ههه

-      ترررررررررررررررررررررررررررررررررررررررررررررررن

-      افتح يا حسيييييييييين,انا امككك

-      دي نينة جت يا سونسووووووون هههههه

-      طيب عن اذنك يا محمود هستقبل امي

-      اتفضل

-  وانا كمان يا محمود هروح  عشان ابقى في شرف استقبال  نييييييينة، باستقبلها كل اسبوع يجي تلات اربع مراااااااات

-      ترررررررررررررررررررررررررررررررررررررررررررررررررررررن

-  يا حسسسسسسسسين، يا ولاد حسسسين، يا مرات حسييييييييييييييييييييين  انطرشوا دول ولا اييييييييييه!!!!!!!!! افتحوا يللي جوااااااااااااااااااا

-      ايوة ايوة يا اميييييييي جاي يا حبيبتييييييييييييي

-      اهلا يا امي

-  اييييييييييه! سنة عشان تفتحلي الباااااااب، رجلي وجعتني من الوووووقفة، ولا كنتو بتخبوا الهدايا عشان ما اعرفش اخو مراتك جاب ايه من الخليججججججج؟

-      هههه يا امي اخو مراتي كان في ايطاليا

-      كان مطرح ما كان، في الحالتين  شايل ومحمل وجايب هداياااااااا

-      ازيك يا نييييييييينة

-      اهلا يا بهيرة، ازيك، قلت اعمل بأصلي واجي اسلم على اخوكِ

-      ههههههه طول عمرك اصيلة يا نيييييينة

-      اومال هو فييييييييين؟

-      في الصالون يا نينة اتفضلي

-  طيب انا هدخل اسلم عليه، اه يا رجلي يااااااني، من الصربعة اللي كنت فيها عشان اجيلكو بسرعة  نسيت اجيب المرهم يا بهيرة عشان تدهنيلي رجلي

-      معلش يا نينة ههههه انا عارفة اسم المرهم هبقى اخلي حسين يجيبلك

-      عارفة اسم المرهم منين! هو انتِ رجليكِ وجعاكِ انتِ كمان؟

-      لا يا نينة، حافظة اسمه من كتر ما بدعكلك  رجلك بيه

-      وياريته بفااااايدة، تقوليش ايدك بتتحط ع المرهم تِبطل  مفعووووله!!!!!!!

-      هههه معلش يا نينة، هبقى البس جوانتي عشان المرهم يعمل مفعول، اتفضلي

********************

-      ههه محموووووود، والله زمان يا اخو مرات ابني يا نسيب الهناااااااا

-      ههههه اهلا اهلا ازيك يا حاجة

-      ههههه ازيك انت وازي الخواجات اللي كنت عندهم

-      ههه كويسين الحمدلله، اقعدي يا حاجة

-      هقعد اهو اااااه ياني يا رجلي

-      ايه يا حاجة سلامتك

-      الله يسلمك يا محمود، وجع العضم ما بيسبنيش، رجلي شوية، ضهري شوية، واهي ماشية ههه

-      هه سلامتك يا حاجة، ربنا يديكِ الصحة

-  الله يسلمك، يا فرحة امك بيك وانت داخل عليها بعد سنين الغربة دي كلها وجايبلها شيء وشويااااااااات، انا عارفة اللي جاي من الغربة ده لازم يدخل على حبايبه بالهدايا والشنط والفرحة، عيني عليا معارفي كلهم في الداخل، إلا ما ليا حد يوحد ربنا برا مصر يفرح قلبييييييي

-  ههههه يا نينة احمدي ربنا، دي ماما طول السنين دي  كان نفسها تشوف محمود ولو مرة واحدة، فلوس ايه وهدايا ايه بس اللي تعوض لمة العيلة!!!!!! انتِ  ولادك في حضنك وحواليكككككككِ

-  الله اكبر في عينككككككك، الحمدلله، ربنا ما يحرمني منهمممممم، انتِ بتحسديني على لمة ولادي حواليا يا ام عين صفرااااااا!!!!!!!

-      لا اله إلا الله! مش انتِ اللي زعلانة ان ما عندكيش حد في الخااااااارج!!!!!!

-      اهي اختك طول عمرها كدة يا محمود يا ابني، لسانها بينقط سم وناقص تقوم تضربنيييييييي

-      هههه لالالا يا حاجة، بهيرة بتحبك

-      من القلب للقلب يا ابني، هو انا عندي اغلى من بهيرة! طب دي في غلاوة عايدة وسامية

-      ههه طبعا طبعا يا حاجة، بهيرة مالهاش بركة إلا انتِ

-  ههه تعيش يا محمود، لسة لسانك حلو زي ما انت، بياع كلام ومغنواتي واللي في قلبك مش على لسانك زي اختكككككك، عيلة حويطة وما حدش فاهمكو إلا انا

-      ههههه متشكرين يا حاجة

-      لا شكر على واجب, قولي يا محمود، اتجوزت؟؟؟؟؟

-      لا يا حاجة لسة بدور ههه

-      لا تدور ولا تدوخ نفسك، ليك عندي عروسة نقاااااااااوة ما تطلعش إلا للعزيز الغاااااالي

-      هي مين دي يا نيييييييينة؟؟

-      فاكرة يا بت يا بهيرة البت حزينة بنت ابن عمي فرحان؟

-      حزينة وفرحان مين يا نينة؟؟؟؟؟؟

-  يا بت فرحان ابن عمي اللي جه عندك وانتِ عروسة عشان يتعالج من عرق النسا وقعد عندك هو ومراته زيادة عن شهرين ونص وبعت جاب العيال من البلد عشان وحشوه وقعدوا كمان تلات شهور؟

-  ايوة ايوة افتكرته، اللي جه من اسيوط هو والفامليا كلهااااااا، جم بعد جوازي بشهر ومشيو قبل ما اولد ياسمين بأسبوع

-  ايوة اسم الله عليكِ انتِ فاكرة اهو، هو الراجل الأمير الطيب ده، طبعا انتِ عاشرتيهم وعارفة معدنهم الطيب، نسب ولا كل الأنساب

-      ايوة يا نينة بس دي بنته اللي اسمها حزينة دي كانت اكبر مني، هي لسة ما اتجوزتشششششش؟

-  لسة يا كبدي، ماحدش راضي بيها عشان اسمها، كل عريس يجي ويعرف ان اسمها حزينة يقول هو انا ناقص فقر وكآبة! ويروح وما يوريهومش وشه تاااااااااني

-      ههههههه طب واخويا ذنبه ايه يعني يتجوز واحدة اكبر منه وكمان اسمها حزيييييينة!

-      اسم الله على اسمك انتتتتتتتِ، حتى حزينة له معنى، لكن بهيرة دي معناه ايييييييييه!!!!!!!

-  قومي يا بهيرة حطي الأكل ع السفرة ونأجل الكلام عن عروسة محمود بعد الغدا ههه العرايس كتير، مش شرط حزينة يا امي

-      وماله، بلاش حزينة بنت فرحان ابن عمي، ياخد فقرية بنت صدمان ابن خالتي

-      هههههه نبقى نوقفهم طابور يا نينة ونختار اوحش واحدة فيهم ونلزقها لمحمود

-      احنا ما عندناش وحشين في عيلتنااااااا، الوحشين شوفناهم لما ناسبناكووووووو

-      ههههههه معلش يا نينة استحملوناااااااااا

-      ربنا قادر يزيح عنناااااااااا، الغدا  فيييييييييييين؟

-  هروح اهو يا نينة اغرف الاكل انا وياسميين، يا ياسمييين خلصتي صلاة وابتهال انتِ واخواتك عشان ربنا يزيح عننا الغمة ولا لسسسسسسسة؟؟؟

********************

-  يلا يا جماعة السفرة جاهززززززززة، يلا يا حوووووودة يلا يا نينة، يلا يا سونسووووووووون، انت فين يا ياسرررررررررررر

-      انا قاعد ع السفرة مستنيكو يا مامااااااااااااااااااااااا

********************

-      اقعد يا ابوحنفي  ههه سفرة مش قد مقامك متأسفين

-      ههه ما تقولش كدة يا حسين، كتر خيرك والله

-      يلا يا نيييينة

-  جاية اهوووو، الواحد رجله وجعاه مش قادر يمشيييي ااااه ياني يا ركبي، اما اشوف مرات حسين عاملة ايه لاخوهاااااااا

-      اتفضلي اقعدي يا امي هههه

-  ايه ده كله ايه ده كككككككككله! بط وفراخ ولحمة وكفففففففففتة، عيني عليكِ يا محروووووووسة، عمرك يا حسين ما عملتلي سفرة زي دددددددي، يا إما تحطلي فراخ يا إما لحمممممممة، وعمرك ما جمعتهم على سفرة واحدة عشان خاطر امككككككك، لكن طبعا عامل السفرة دي كلها عشان خاطر اخو مراتككككككك، ما هو ابقالك من امك برضوووووو، امك غلبانة لا بتجيبلك ابيض ولا اسوووووود، هتأكلها الحلو كله ليييييييه!!!!

-      ايه يا امي بس! هه ما انتِ عارفة ان محمود بقاله اتناشر سنة ماجاش ولازم نحتفل بيه

-  ماشي يا حسين، عندك حق، لازم انا كمان اغيب اتناشر سنة عشان تعملي اكلة حلوة ترم عضمييييييي، كل يا اخو بهيرة، كل، كل ما هو مال سااااااايب

-      هههه متشكر يا حاجة

-      باباااااااا انا عايز حتة بطططططططة

-      استنى يا ياسر هندي البطة لتيتة عشان تقسمها علينا

-      لاااااااااا مش هتديلناااااااااااا اهئ اهئئئئئئئئئ انا عايز اكل بطططططط

-      يا ولدددددددد وبعدين بقىىىىىىىى, سكتي الولد ده يا بهيرة

-      بس يا ياسررررر، عيب يا حبيبي، تيتة حلوة وهتديلناااااا

-      خدي يا امي قسمي البطة ههه

-  هااااااااااات، هقسمها قسمة العدل والحق عشان انا حقانية،  بسم الله الرحمن الرحيم، الأول صدر البطة، ده بقى من نصيبي انااااااا بالهنا والشفا على قلبي مقدما، وادي وراك البطة خدها ليك انت يا حسين

-      ايه ده يا امي! هتقسمي البطة بيني وبينك! طب ومحمود الضيف اللي جايبين البطة عشااانه !

-  يا ابني كل انت وبر نفسك، ده جاي من بلاد برا واكل وشبعان والدموية بتبك من خدووووده، هو ده ناقص اكل عشان يبص للبطة اللي حيلتناااااااا!

-  ما يصحش يا امي، بصي يا حبيبتي، انتِ هتاخدي نص الصدر وهاخد الورك ده لمحمود وادي الباقي لبهيرة عشان توزعه علينا

-  يا ابني والله ما في حاجة مضيعاك إلا حنية قلبك مع بهيرة وامثالهااااااا طب استنى انا هاخد الصدر كككككله وانتو اتصرفوا في باقي البطة

-  ممممم ماشي يا امي، ما فاضلش فيها غير  الوراك والجناحات والزور، خدي يا بهيرة وزعي على اخوكِ والعيال

-      طب وانت يا سونسووووون؟

-      مش مهم يا بهيرة، أكلي اخوكِ والعيال

-      طول عمرك متفاني من اجلنا يا سونسوووووون هههه

-      هاتي يا ماماااااااا

-      خد يا ياسرررررر, خد واتكتممممم، خد يا حودة يا حبيبي ورك بطة بحاله اهو ههه

-      لالالا اكلي الولاد يا بهيرة

-      لا والله ابداااااا,ا خد الورك ما تزعلنيش

-      ههه ماشي يا ستي

-      شوف يا خويا بتعزم على اخوها ازاي! عايزة تأكله مال ابني بالعافية،  ان شالله ما كككككل، ده ايه المرار ده

-      خدي يا ياسمينة

-      شكرا يا ماما

-      خد يا ياسيييييييين

-      هاتي يا ماماااااا شكرا

-      ياسين، لو مش هتقدر تكمل حتة البطة بتاعتك ادهالي، ماشي؟

-      ماشي يا ياسر 

-      اومال الكبدة والقناصة بتاعة البطة فين يا بهيرررررررة؟

-      هه بعد ما سلقتهم مع البطة اديتهم لياسر وياسين ياكلوهم

-      كلوهمممم ! يا شيخة اتقي الله فيا انتِ وعياااااااالك ، انا بحب الكبدة والقناصة بتاعة البططططططة

-      معلش يا نينة، اصل العيال شبطوا فيهم

-  عيال! عيال مفاجيع وكلهم دناااااااوة، انا عارفة طالعين لمييييييين! هات طبق الكفتة ده قدامي يا حسييييييييييييين

-      حاضر يا امي

-      باباااااااا اديني من الكفتة قبل ما تروح لتيتة وما ترجعلناش تااااااااني

-      خد يا ياسر خد، صباعين كفتة اهم

-      وانا يا باباااااا

-      خد يا ياسين، خدي يا ياسيمين

-      شكرا يا بابا ههه

********************

-      عااااااادل, احنا هنروحوا نودوا الديك الرومي الحلو ده لبهيرة ونلحقوهم قبل ما يتغدوا من غيررررره

-      ماشي يا اشجان، ما تتأخريش عشان احنا كلها ساعتين وهنمشوا

-      لا مش هنتأخروا يا عادل، بت يا رحممممممة، سيبي التليفزيون واقعدي مع ابوكِ يا بتتتتتتتت

-      حاضر يا ماماااااا، أنا جيت اهو يا باباااااا

-      ههههه ياروح بابا انتتتتتتتتِ، وربنا بتوحشيني لما بنسيبوكِ ونروحوا اسكندرية يا بت

-      وانت كمان،طيب ما تجيب كل هدومك وتقعد معانا هنا على طول يا بابا

-      ههه طب والشغل يا حبيبتي ومصالحنا اللي في اسكندرية؟

-      هات مصالحنا وتعالى اقعد هنا

-      هههههه يا ريت ينفع يا بنتي، تعالي اقعدي على حجري خليني نشبعوا منك يابتتتتت

-      ههه حاضر يا بابا، أأكلك بسكوووت؟

-      هههه اكلينيييييي

-      افتح بقككككك همممممم ههههه

-      هههههه عسل يا حبيبة بابا

********************