الحلقة الحادية والخمسين (ف2)

الكتاب: خلف هذه الجدران  

الجزء الخامس

بقلم: هبة عبد العظيم نور           

الناشر: المؤلف

رقــــم الإيداع: 00000/2017م

سي ادهم !!! اهلاً يا سي ادهم , الف لا بأس ع الوالد

متشكرين يختي , ستك أوسا فين يا بت ؟

الست أوسا منورة اوضة الانتريه بتتفرج ع التليفزيون

طب روحي اعمليلي فنجان قهوة مظبوط

باين عليك صاحب مزاج يا سي أدهم هيهييييي

ايه يا بت الضحكة المايعة دددددي حد قالك انك واحدة ست !!!

ههههههههههه أهو ساعات بيتهيألي حاجات كدة , ادخل للست أوسا , وخمس دقايق ونحصلوك بالقهوة المظبوطة يا ابو المزاج عاااااالي

*****************************************

ايّووووه الفيلم ده خنقة وربناااااا ما بنطيقوش البت الممثلة دي . فاكرة روحها حلوة وهي مفشكلة وبقها مفندق , غوري جاتك البلا هنحولوا نشوفوا فيلم تاني

سيدي ع الروقان يا أوساااااااااا ههههههه

ميييين ! البرنسسسسس ! ههههههههه وشك ولا وش القمر ! جاي تزورني يعني ! هو النهاردة العيد ولا ايه !!!

مشاغل يا أوسا , نعملوا ايه يا بت ! واهي ختمت بالبت بنت حامد اللي خدت الولا وهَرَبت مع عيلتهااااااا

عيلة واطية جاتهم الأررررررررف , ماما حَكَتلي , وانت عَرَفت طريقها ولا لسة ؟

لسة يا بت يا أوسا , بس مسيري نعرفووووه داني ما بناموش الليل يا بت

يقطع الحب وسنينه ههههههه

مش حب وبس , ده بقى تار بيني وبين عيلة مندور كلهاااااااااااا اني ما نتخَتَمش على قفايا ونسكتتتتتتت

ماحدش عارف هَرَبت ليه ! ما هي اصل اللي زي ضحى دي بجحة وبحورها غريقة

سيبك من ضحى دلوقتي عشان كدة كدة هنجيبوها هنجيبوها , وساعتها يبقى يا ويلها منيييييييي , أني جايلك يا بت عشان خاطر ابوكي , انتِ ما روحتيلوش لحد دلوقتي ليه ! ده بقاله يامَا في المستشفى

انت روحتله ؟

امبارح كنت عنده

وهو عامل ايه ؟ فاق ولا لسة في غيبوبة ؟

فاق يا بت وقرب يخرج من المستشفى

ايّووووووووه ده بابا ده لا مَرَض بيهده ولا حاجة بتأثر فيه

ههههه ابوكي عضمة ناشفة , جيل السمن البلدي يا بت هههه , لازم تروحيله يا أوسا

ولازم ليه يعني ! ما انت عارف اني ما بنحبوش المستشفيات يا ادهم , بابا ذات نفسه عارف كدة

يا بت ما تبقيش غشيمة , الكلام ده تقوليه لما يكون في المستشفى غريب , لكن ده ابوووووكي افهمي يا بت

هههه ومن امتى الحنان ده كله على ابوك يا برنس !

مش حكاية حنان , اصل لقيت ناس بيصطادوا في المية العكرة وعايزين يطلعوني اني وانتي وحشين قدام ابوكي ويبقوا هما اللي في الصورة

مممممم الولا اللي اسمه احمد , ما فيش غيره عايز يحفرلنا حفرة وما نطلعوش منها عشان الطريق لفلوس بابا يفضاااااااله

مش احمد بس , الولية مرات ابوكي كل يوم تنطله

ايّوووووووه هي الزفتة دي جت قعدت في اسكندرية ولا ايييييه ؟

لا , بتيجي كل يوم رايح جاي

ايوة ايوة , بقى هي الحكاية كدددددة , تلاقيها طبعاً لما سَمَعت ان بابا عيان قوي وشكله مش هيقوم منها جت تجري عشان الوررررررث

هههه اومال يعني هتيجي عشان سواد عيون ابوكي ! بس دلوقتي ابوكي فاق من الغيبوبة وعَرَف مين اللي قاعد جنبه ومين اللي ما فكرش حتى يزوره , وده بقى ممكن يخليه يقلب عليكي وممكن يحرمك من الورث

اييييييييييه ! يحرمني من الورث ده اييييييه ! طب داني عايشة ع الأمل ددددده , بنصبروا روحي ونقولوا يا بت اصبري ع العيشة الفقرررررر بكرة ابوكي يموت وتاخدي ملايين مالهاش حصر , وساعتها يا ادهم وربنا لنبنوا فيلا تضرب فيلتك وفيلت بابا على عينهاااااااا

هههههه وده كله مش هيحصل طول ما ابوكي غضبان عليكي

هو قالك انه غضبان عليا ؟

لا ماقالش , ابوكي من النوع اللي بيخلي سره جوا قلبه , وانتِ ما تضمنيش ناويلك على ايه , عشان كدة جينا ننصحوكِ , ممكن الفلوس اللي هتتحَرَمي منها يديها لبنت الولية مرااااااته

ايّووووووووه وربنا ما يحصل ولا يكووووووون , هنقوموا نلبسوا ونرحووووووووله

جدعة يا بت , القهوة فين يا بت يا رززززززززقة

القهوة اهيه يا سيد الرجالة هههه كنا هنجيبوها من شوية بس حسينا ان انت والست أوسا بتقولوا كلام خصوصي , اتفضل يا سي ادهم

هاتي يختي

**************************

خلف هذه الجدران,هبة عبد العظيم نور

**************************

ناولني كوباية مية يا احمد يا ابني

من عنيا يا حاج

اتفضل

تُشكر يا ابني , بسم الله الرحمن الرحيم .................... الحمدلله

هنياً يا حاج

الله يهنيك يا ابني , اخبار المينا ايه ؟

الحمدلله تمام , بتابع مع محمد بالتليفون

من بكرة تنزل  بنفسك , المال ما يخافش عليه إلا صاحبه يا ابني , واحنا عندنا مصالح يامَا ما يقدَرش عليها إلا أنت

حاضر يا حاج , من بكرة إن شاء الله هننزل

الولا خالد ابنك عامل ايه؟

الحمدلله بخير , هيام محتاسة بيه بس امها بتساعدها هه ماعندهاش خبرة بقى

مراتك أصيلة وأهلها ناس أصلا , صحيح , الأصل لا بالفقر ولا بالغنى , بقى مراتك  واخوها اللي لا من لحمي ولا من دمي يجولي ويزوروني , وخالد يبات معايا ليلة واني لا ابوه ولا ليا فضل عليه وبنتي  اوسا اللي هي حتة مني  تعمل معايا كدة !!! ايه الدنيا دي !!! البت ولا كأني ابوهااااااا

لالالا يا حاج , ما تزعلش من أوسا , انت عارف ان اوسا قلبها خفيف يعني ومش هتقدر تشوفك وانت تعبان

ههه طول عمرك طيب يا احمد , وطول عمرك تدافع عن اخواتك مع انهم ما يستاهلوش

تن تن باباااااااااااااا اهئ اهئئئئئئئئئئئئئئئئ بابا يا حبيبيييييييي سلامتك يا بابااااااااااااااااااا

أوسا !

ايوة اني اوسا اللي ما بطلتش عياط من ساعة ما عَرَفت انك في المستشفى يا حبيبيييييييي امووووه اموووه حمدالله على سلامتك يا باباااااااااا

أول ما افتكرتي يا أوسا !!!!

يا بابا دانا منهارة من ساعة ما عَرَفتتتتتتت بس ما كنتش نقدروا نيجوا عشان ما نشوفوكش وانت مرمي في المستشفى غايب عن الوعي اهئ اهئئئئئئئئ بس أول ما بلغوني انك فوقت وبقيت كويس لَبَست هدومي وجيت جرررررررري سلامتك يا بابا

الله يسلمك يا بنتي

يعني مسامحني يا بابا ومش زعلان مني ؟

ربنا ما يجيب زعل يا أوسا ويهديكي انتِ وادهم

ازيك يا أوسا

اووووووووف انت مالاكش كلام معاياااااا, اني جاية عشان بابااااااا ,وربنا لو كنت نعرفوا اني هنشوفوك هنا ما كنتش جيت إلا لما تمشيييييي

كتر خيرك يختي , اني خارج نقعد في الاستراحة شوية يا حاج

اتفضل يا ابني , ايه يا اوسا الطريقة اللي بتكلمي بيها اخوكي الكبير دي !

يا بابا سيبك منه وخليك في نفسك , انت وشك أصفر كدة لييييييه ؟

اني كويس يا أوسا , اني كنت فين وبقيت فين ! الحمدلله

بركة دعايا ليك يا بابا , داني فَضَلت طول الأيام اللي فاتت نصلوا وندعولك واني دموعي مغرقااااااااني , ونقولوا يارب يااااااارب اشفي بابا , داني ماليش في الدنيا غيررررررره

تعيشي يا بنتي

********************************************

نجيبولك لقمة تاكليها يا ست سعاد ؟

لا يا شوقية , مالناش نفس

ليه بس كدة يا حبيبتي ! ده الحاج عادل بقى كويس وبكرة يرجع بيته بالسلاااااامة

يارب يا شوقية , دي العيشة من غير عادل صعبة قوي يا بت

ربنا ما يحرمك منه يا ست سعاد , ويخف ويبقى احسن من الأول يارب

تررررررررررررررررررررررررررررررررررررررررررررررررررررن

افتحي الباب يا شوقية

حاضر يا ست سعاد , اه ياني يا رجلي

ترررررررررررررررررررررررررررررررررررررررررررررررررررررن

ما تشيل ايدك من ع الجرس ضربة في قلبك يللي ع الباااااااب ميييييين

أنا أوسااااااا

ألطف بعبيدك يااااااارب , أهلاً يا ست أوسا , اسكتي مش ابوكي عيااااااان , انتِ ما درتيشششششش !

لسة جاية من عنده في المستشفى يا بتاااااعة , ماما فييييييين ؟

الست سعاد  قاعدة في الانتريه زعلانة آخر زعل ع الحاج عادل

زعلانة على ايه ! ماانا روحت لقيته كويس ولا كإن فيه حااااااجة

ربنا يشفيه ويعافيه ويكفيه شر أعاديييييه

عندكو ايه غدا ؟

غدا ! عندنا لوبية باللحمة وجنبها شوية رز

طب حلو , اعمليلي جنبهم طبق سلاطة عشان واقعة من الجووووووع

حاضر يا ست اوسا , هو انتِ عمرك بتشبعي أبدددداً !!! مش مكفيها حاطة عينها ع المال, كمان طمعانة في اللحمة

***************************************

مامااااااااااا ههههه وحشتيني

أهلاً

الله ! ايه المقابلة دي بقىىىىى ! هو انا كنت بايتة في حضنك ولا ايه يا ست ماما !

كمان ليكي عين تتكلمي وتبجّحي يا بتتتتتتتت !!!

هههه عارفة تقصدي ايه , أنا لسة راجعة من عند بابا في المستشفى

هأ , وليه تاعبة روحك !!! ده طَلَع ولا نَزَل ابوكِ وما لوش عليكي حق

ايّوووووه يا ماما , اذا كان بابا بنفسه سامحني وقَبَل عذري , تقومي انتِ ما تسامحنيش !!!

وايه عذرك بقى ان شاء الله !!!

يا ماما انتِ عارفة اني بنتخَنَق من جو المستشفياااااات , وعلى العموم خلاص انا روحت وراضيت باباااااا

طيب يختي , ما بتكلميش ادهم ؟

كان عندي النهاردة واتكلمنا يامَا ع البت مرااااااته , بقى دي عمايل تعملها واحدة محتررررمة ! بقى في واحدة تاخد ابنها وتهرب من جوزها وتروح مكان ما حدش يعرررفه !!!

عمايلها سوووووووودة , هيجيلنا ايه من ورا سميرة وشبكتها إلا المراااااااار

بس انا يا ماما عقلي بيقولي انها سابت أدهم عشان واحد تاني

ايييييييييييييه !!! ايه يا بت التخريف اللي بتقوليه دددده !!!

لا مش تخريف يا ماما , اديني عقلك انتِ , ايه اللي يخلي واحدة عايشة في العز ده كله ولو طلبت لبن العصفور جوزها بيجيبهولها إلا اذا كان الحكاية فيها راجل تاااااااااني

يا بت راجل تاني ايه يا بتتتتتتت ! دي لسة على ذمة اخوووووووكي , يعني هتتجوز وهي على ذمة راجل تااااااني !

وحد جاب سيرة جواز ! تلاقيها هَرَبت عشان تعيش ويا عشيقها على كيفها ,  ماهي لقت ادهم مراقيبها اربعة وعشرين ساعة ومش عارفة تقابل عشيقها , فقالت وماله نهربوا معاه ونعيشوا على كيف كيفي , وامها وابوها هما اللي مشجعينها , ما هو الاشكال اللي زيهم ما عندهومش لا عرض ولا شررررررف

ست اوسااااا ليه كدة بس يا ست أوساااااااا ! دي أعراض ناااااااس اتقي ربنااااااااااا , دي الست ضحى وأهلها ناس بيتقوا ربناااااااا

ربنا ياخدك يا شيخة , وانتِ ماااااالك احنا بنتكلموا مع ماماااااااااا بتتحَشَررررررري لييييييييه

استغفر الله العظيمممممم الغدا جاهز يا ست اوسااااااااا

عملتي السلاطة يا بتاااااعة ؟

ايوة

ومالك لاوية بوزك كدددددددة ! هي كانت ناقصة قلبة وششششش !!! زعلانة قوي على الست ضحى عشان بنقولوا كلمتيييييين ! اومال يعني واحدة هَرَبت من ورا جوزها يكون عشان ايه يا بتاااااعة ! خليكي واخدة مقلب في ضحى ومش عارفاها على حقيقتهاااااااا

ربك عالم بللي في القلوب يا ست أوسااااااا

طب اوعي من وشي خليني نروح ناااااااكل . وخلي البت عطا تعملي نيسكافيييييه

ماشي , وانتِ يا ست سعاد سايباها تخوض في اعراض الولايا كددددددة !!! ما تقوليهاش عيييييييب

من حرقة قلبها على اخوها يا شوقيييييية

وهي دي قلبها بيتحَرَق على حد ولا بتحس بحد يا ست سعاااااد ! لو قلبها كان بيتحَرَق كان اتحرق على ابوهاااااا

طب بس بس مش عايزين رغييييي, عايزين نقعدوا لوحدنا كدة من غير دوووشة , مش عارفة ايه اللي جاب اوسا دلوقتي !!!

بختنا الابيض يا ست سعااااااد , بت يا عطااااااااااا اعملي الميسكوفيه بتاع الست اوسااااااااا

حاضر يا خالتي شوقييييييية

البت عمالة تخوض في عرض الولايا ولا هاممهااااااا , هي فاكرة ان ربنا هيسيبهاااااا ! ده الواحدالديّان موجود واللي بيتقال وبيتعاد عليه معرووووض , استغفر الله العظيمممممم

**************************

خلف هذه الجدران,هبة عبد العظيم نور

**************************

مش عارفة يا كنزي حاسة ان ماما مخبية عني حاجة , ماما مش متعودة تخرج كل يوم ولا تزور حد , دي مالهاش تقريباً غير طنط بهيرة , أحوال ماما بقت غريبة قوي , اسبوع دلوقتي وكل يوم تخرج الصبح ما تجيش إلا  قبل المغرب

يا بنتي ماهي قالتلك بتزور قريبتها العيانة

اهو موضوع قريبتها ده بقى هو اللي هيجنني , ازاي يعني يظهرلها قريبة فجأة في القاهرة وهي كل أهلها في اسكندرية !

ههههه وفيها ايه دي ! يا بنتي احنا لينا قرايب في كافة أنحاء الجمهورية , ليا خالة في اسكندرية وعمي وعمتي في الدقهلية مسقط راس بابا ههه وكمان ولاد عم ماما عايشين في بور سعيد عشان ماما أصلها من بور سعيد , ده غير القرايب اللي في الغردقة واللي هنا في القاهرة واللي عايشين برا مصر خالص , يا بنتي هو لازم القرايب يبقوا عايشين جنب بعض في مكان واحد !!!! دانتِ غريبة قوي يا رحمة

يا كنزي اديكي جاوبتي بنفسك , انتِ عارفة قرايبك وعارفة عايشين فين من زمان , لكن تخيلي بقى لما تظهرلك قريبة فجأة !!!

هههه عادي يعني , يمكن كانت تايهة ولا مش متقيدة في كشوفات العيلة

انتِ رايقة وبتهزري وانتِ شيفاني في الحالة دي يا كنزي !!!

ههه والله بحاول اخرجك من المود الوحش ده يا رحومة , يا بنتي عادي يعني , قريبة ما كانتش مامتك بتودها ولما عرفت انها تعبانة ومحتاجالها راحت قعدت جنبها , فيها ايه دي !

اوووف مافهاش حاجة يا كنزي , انا مروحة بقى

اوكيه , انتِ اصلاً كئيبة النهاردة وكئبتيني معاكِ ههه الله يسامحك , ده بكرة عيد ميلاد اختي وشكلنا هنلغيه بسبب الإكتئاب اللي جبتهولي , امووه يلا باي , اشوفك بكرة وانتِ مفرفشة وبتضحكييييي

باي يا كنزي

********************************************************

انتِ جيتي يا ست ماما ؟ حمدالله ع السلامة , ازي قريبتك العيانة ؟

ازيك يا رحمة يا حبيبتي , اتغديتي ولا لسة ؟

ماما انا عايزة اعرف انتِ مخبية عني ايه ؟؟؟؟؟

اااااه يا بنتي خليني ناخد نفسي , اني لسة جاية من مشوار طويل

ممم ماشي يا ماما , خدي نفسك براحتك , بس برضو لازم اعرف انتِ مخبية عني ايه , مين قريبتك العيانة دي ؟

............ ابوك هو اللي كان عيان يا رحمة

ايييييه ! بابااااااااااا ! بابا ماله يا ماماااااااا ؟

الحمد لله ابوكِ كويس دلوقتي , الدكتور هيكتبله على خروج من المستشفى بعد يومين تلاتة

مستشففففففى ! اهئ اهئئئئئئئئئئئئئ بابا كان في المستشفىىىىىىىى ! وازاي ما تقوليليش يا مامااااااااا ازااااااااي !!!!

يا بنتي انا خوفت نقولك تقومي تنشغلي ودماغك تودي وتجيب , وانتِ داخلة على امتحانات يا حبيبتي

امتحانات ايه يا ماما اللي تخليني اتخلى عن ابويا في مرضه اهئ اهئئئئئئئ ده بابا يا مامااااااا بابا اهئ اهئئئئئئئئئئئ

يا حبيبتي يا بنتي ! والله يا رحمة ده بقى كويس خالص , وبكرة ان شاء الله هيكلمك

عشان كدة بقى انتِ واحمد قولتولي انه مسافر برا وعنده شغل , مش كدة يا ست مامااااااا ؟ اهئ اهئئئئئئئئئئ

يا بنتي اني واخوكي قلبنا عليكي , ما رضيناش نشيلوكي الهم

انتو غلطانين يا ماما اهئ اهئئئئئئئ كان لازم اكون جنب باباااااا

معلش يا حبيبتي , لما يتحسن ان شاء الله اكيد هيجيلنا القاهرة , بس ادعيله بالصحة وطولة العمر يا حبيبتي

اهئ اهئئئئئئئئئئ يا حبيبي يا بابا , انا عايزة اسمع صوته يا ماماااااا

بكرة ان شاء الله هيكلمك , هو قالي كدة

ماشي يا ماما , بس مش هنسالك اللي عملتيه فيا ده انتِ واحمد اهئ اهئئئئئئ

خلاص بقى يا بت , ما قلنالك عملنا كدة لمصلحتك

قوليلي يا ماما , انتِ شوفتي الست اللي اسمها سعاد هناك ؟

...... ايوة

اوعي تكون ضايقتك بكلامها اللي زي السمممم

لالالا خالص , حتى عشان ما نحتكوش ببعض , راح احمد اخوكي قالها , ام رحمة هتيجي الصبح لحد العصر وانتِ تعالي لابويا بعد العصر لحد بالليل , عشان كدة ما شوفتهاش غير مرة واحدة

طيب كويس , واللي اسمه ادهم ده شوفتيه هو واللي اسمها اوسا ؟؟؟؟

شوفت ادهم , اوسا ما شوفتهاش خالص

ضايقك ولا اتعرضلك يا ماماااا ؟

لالالا أبداً يا حبيبتي , هو في حاله وانا في حالي , وبرضو ما شفتوش غير مرة

طب بابا فعلاً كويس يا ماما ولا بتضحكي عليا ؟

يا حبيبتي كويس والله , دور عيا وراح لحاله الحمد لله , حتى اني مش هنسافروا تاني

طيب الحمد لله

امتحاناتك بعد بكرة يا رحمة , شدي حيلك يا حبيبتي , عايزين نفرح ابوكي

إن شاء الله يا ماما , طنط بهيرة سألت عليكي من شوية

سألت عليها العافية , بكرة نشوفوها ان شاء الله , حاسة اني تعبانة ومش قادرة نتكلم دلوقتي

ادخلي نامي وارتاحي يا ماما

يريح قلبك يا بنتي , نصلي المغرب وهندخل ننام , صحيني كمان ساعتين عشان نصلي العشا

حاضر يا ماما ,بس هتصل باحمد اقوله اني زعلانة منه وهخليه يديني بابا اكلمه

طيب يا حبيبتي,اللي يريحك اعمليه

**************************

خلف هذه الجدران,هبة عبد العظيم نور

**************************

تررررررررررررررررررررررررررررررررررررن

ايوة يا رحمة

انا زعلانة منك قوي يا احمد,ازاي تخبي عليا ان بابا عيان؟

امك قالتلك!

اومال كنت عايزني افضل مخدوعة انه سافر اليونان فجأة!!

احنا عملنا كدة عشان مصلحتك يا رحمة,عارفينك داخلة على امتحانات ومحتاجة هدوء اعصاب

امتحانات ايه بس يا احمد! بابا عندي أهم من الدنيا كلها

هههه ايه الحنان ده كله يا رحومة ! اتاريكِ حنينة واحنا مش واخدين بالنا

ههه بتتريأ! طب ممكن بقى تديني بابا اكلمه

طيب لحظة,اصل انا سيبته نايم وطَلَعت اقعد في الريسبشن,هندخلوا نشوفوه نايم ولا صاحي

**************************

خلف هذه الجدران,هبة عبد العظيم نور

**************************

صاحي يا رحمة,,يا حاج,رحمة ع التليفون

ادهالي يا ابني

معاك يا حاج,رحمة,ما تتكلميش معاه كتير عشان ما تجهديهوش

حاضر

ايوة يا رحمة

سلامتك يا بابا يا حبيبي اهئ اهئئئئئئ

بتعيطي ليه يا بت! انا كويس الحمد لله

اومال مش قادر تتكلم كدة ليه؟ اهئ اهئئئئ

معلش,الدور كان شديد يا حبيبتي,بس الحمد لله احسن من الأول

اهئ اهئئئئ انا عايزة اشوفك يا بابا,لازم اجيلك اسكندرية

خليكِ في مذاكرتك يا رحمة,وانا اول ما ربنا ياخد بيدي ونقدروا نيجوا القاهرة هنجولك على طول آآآه

هات يا حاج التليفون...رحمة,الحاج كويس واحنا كلنا حواليه,ما تقلقيش

اهئ اهئئئئئ بس بابا صوته بيقول انه لسة تعبان,كلكو بتضحكوا عليا وتقولوا كويس

يا رحمة قلنالك ما تقلقيش.,هو بس عشان التعب كان شديد عليه,بس والله هو احسن بكتير وهيخرج من المستشفى قريب ان شاء الله,روحي لمذاكرتك بقى يا حبيبتي

اهئ اهئئئئ ماشي يا احمد,بس بالله عليك ابقى طمني عليه كل يوم

إن شاء الله يا رحمة,مع السلامة

**************************

خلف هذه الجدران,هبة عبد العظيم نور

**************************

يلا يا أماني بقالي ساعة مستنيكي,يووووه,هنروح نتعشى امتى ونرجع امتى!!

خلاص اهو يا حبيبي جاااااية,اديني جيت اهو

ايه يا أماني!ساعة عشان تجهزي!

معلش يا روحي,بحب وانا خارجة معاك ابقى في قمة الشياكة

طيب يلا عشان اتأخرنا

يلا بينا يا حبيبي

**********************

الله يا عصام,الأكل في المطعم ده يجنن,ابقى هاتني هنا على طول, ولو ان المطعم في مكان بعيد ومحدوف وعدينا على أماكن مضلمة وتخوّف

اومال يعني عايزاني اعزمك في مطعم قريب عشان الناس يشوفونا مع بعض ويحصلي مشاكل!

بعد الشر عليك من المشاكل يا حبيبي,أنا أضحي براحتي عشان خاطرك

هه! تضحي براحتك!..على أساس انك مش مرتاحة معايا!

بالعكس يا عصومة,أنا راحتي في وجودي جنبك يا حبيبي والله,افتح بقك عشان أأكلك حتة الاستيك دي من طرف الشوكة

هه ماشي

بالهنا والشفا يا حبيبي

******

ايه ده!!داد قاعد مع واحدة ست بيتعشوا على أضواء الشموع!ههه يا سلام على القيم والمبادئ ...طيب يا شلة البؤساء عن اذنكو شوية وراجع

ما تتأخرش يا رااااامي

*********************

بنسوار دااااااد هههههههههههه

رامي!!!

ههه ايوة...بنسوار مدام

...بنسوار

رامي,دي...دي....

هههههه دي فير ليدي,ذوقك حلو داد,هاف ايه نايس نايت..ليلة سعيدة,عن اذنكو

رااااااااامي,استنىىىىى,انت تخيلت ايه؟

أنا ما تخيلتش حاجة يا داد,لإن كل شيء واضح قدامي,داد قاعد مع ست جميلة وبيتعشوا في جو رومانتيك,الخيال مالوش مكان لان كل اللي شايفه واقع

رااااااامي,دي...دي مدام أماني...مراتي

.......مراتك!!

عن اذنك يا أماني,هاخد رامي ونتكلم شوية

اتفضل

**********************

تعالى يا رامي نقعد على الطرابيزة دي ونتكلم

نتكلم في ايه يا داد!

اقعد بس يا رامي

أوك...ممم عايز تقول ايه يا داد؟ طبعاً هتحاول تقنعني وتبررلي الأسباب اللي خليتك تتجوز على مام في السر,اتفضل يا داد دافع عن نفسك

ولدددددد,اتكلم بأدب, ما تنساش اني ابوووك,أنا ما ارتكبتش جريمة,من حق أي راجل مش مرتاح مع مراته انه يتجوز عشان يلاقي راحته

طيب لما انت مش شايف نفسك غلط يا داد,ليه متجوز في السر؟

......رامي,أنا اتجوزت في السر مراعاة لشعور والدتك

هههه هاو جريت,عظيم يا داد,طول عمرك بتراعي شعور اللي حواليك وبتتفانى في اسعادهم

رامي....انت مش صغير,انت بقيت راجل,الكلام اللي قولتهولك ده سر,ما اظنش انك تحب ان يحصل مشاكل بيني وبين والدتك

شوف يا داد,أنا عارف كويس قوي انت ليه مش عايز مام تعرف, لان مام لو عرفت جدو هاشم هيعرف, ولو جدو هاشم عرف هتخسر كل حاجة يا داد,مام المستشفى وكل السنين اللي عيشتها عشان تحافظ على كل المكتسبات دي, الإسم ,الشهرة,الوجاهة, وطبعاً جدو هاشم مش هيسكت وهيطلق مام منك ويحرمك من كل حاجة,مش كدة يا داد؟

......................................

هه يبقى ما تقولش بقى انك مخبي جوازك مراعاة لشعور مام,لإنك يا داد عمرك ما اهتميت بحد غير الدكتور عصام زاهر..أنا ماشي يا داد

رااااااامي,استنى هناااااا..أنا مش هغفرلك جرأتك في الكلام معايا بالشكل ده,ازاي ابن يحاكم أبوه بالسماجة دي!

سوري داد

رامي,أنا مش هنبه عليك تاني,موضوع جوازي ده سر ما يطلعش لأي بني أدم

شور داد , اطمن..جود نايت

*************************

ايه يا عصام عملت ايه مع ابنك؟

مش عارف..حاسس اني متلخبط ومش عارف أي حاجة

المفروض ما كنتش قلتله اني مراتك يا عصام

اومال عايزة الولد يعتقد ان أبوه مواعد واحدة ست في الحراااام!!كان لازم اقوله انك مراتي عشان صورتي ما تتهزش قدامه

كنت فاكراك خايف على صورتي أنا قدام ابنك وخوفت على سمعتي

يوووه يلا يا أماني نمشي من هنا وإياك تاني مرة تطلبي مني اننا نسهر في أماكن عامة,أدي أخرة جنااااانك

أوكيه يا عصام,مش هرد عليك عشان عارفة ان أعصابك تعبانة

**************************

خلف هذه الجدران,هبة عبد العظيم نور

**************************

ست أوسا,معلش هنغيبوا الليلة شوية بس مش ياما

هتغيبي ليه يا بت؟

واحدة قريبتي هتتجوز الليلة,هنزفوها لعريسها وناخدوا قرشين ونجولك

تاخدي قرشين! هما المعازيم اللي بيهادوا العروسة ولا العروسة اللي بتهاديهم!

ههه لا ده العريس اللي هيهادينا بقرشين,اصل احنا اللي جبناله العروسة ودخلت مزاجه هههه

هه اشتغلتِ خاطبة يا بت!

حاجة زي كدة ههه ممم دي الست نورهان خرجت من أوضتها….سا الفل والهنا والنعيم يا عصفورة الغرام يا فُلالي

اووووف اوعي من وشي..ماماااااا هو جدو عامل ايه دلوقتي؟

كويس

عايزة نزوروه في المستشفى يا ماما ربنا يخليكِ

وانتِ ايه يوديكِ المستشفيات ووجع القلب يا بت! نبقوا ناخدوكِ الفيلا لما يخرج من المستشفى

اووووف طيب هو مش بيرد على الموبايل ليه! اتصلت كتير ومش بيرد,وفي الآخر تيتة سعاد ردت وقالتلي جدك تعبان ومش هيقدر يتكلم

ايّوووووووه يقطع الزن وسنيييينه,ما قلنا هناخدوكِ تشوفيه في الفيلا بعد ما يخرج من المستشفىىىىى,غوري على اوضتككككك

…..حاضر يا ماما

بالإذن يا ست أوسا,هنروحوا نشوفوا الست نورهان عايزة حاجة نجيبوهالها من برا ولا لأ

طيب يا رزقة

************************

تن تن ست نورهااااااان,مساء الجمال

اووووووف عايزة ايه

كنا مزنوقين كدة في 200 جنيي ومش لاقين حد يسلفهوملنا , قلنا نستلفوا ليه واحنا ممكن ناخدوهم من الست نورهان أم الكرم

اييييييه ! 200 جنيي ! ودول نجيبهوملك منيييييين !

واحنا مالنا , اتصرفي يختي , ولا انتِ مش فالحة غير في الكلام مع سي نسيم ههه ألا هو عامل ايه وازي أوقاته ؟

أنا مش معايا غير 150 جنيي

وماله , زي بعضه , هاتيهم

اوووووووف استني نجيبهوملك من دولابي

************

اتفضلي اهممممممم

ههههه من ايد ما نعدموهاش يا ست نورهان , ألا انتِ وسي نسيم بتتقابلوا فين ؟

اووووووف مالكيش دعوة بيااااا

طب بس استني من غير عصبية , لو عايز يجيلك البيت خليه يجي واحنا مش هنقولوا لامك

اخرسيييييييي نسيم مش كدة

هيهيييي نسيم مش كدة ! اومال ازاي !!! ما تتكَسَفيش مني , أنا عارفة الحب ماحدش يقدر عليه , طاوعيني وهاتيه هنا خليه يفرفش معاكي شوية , وما تخافيش , وربنا ما هنقولوا لامك

قولتلك اخرسييييييييييي انتِ ساااااااااافلة

لا يا شيخة ! وانتِ ايه بقى ! البت اللي تكلم جدع من ورا أهلها وتروح وتيجي معاه في السكك تبقى ايييييه !!!

انتِ تخرسي خاااااالص , نسيم عمره ما طلب مني طلب بالسفالة دي ولا ايده لمست ايدي

هههههههههههه تلاقيه بيتكَسَف ولسة ما خدش عليكي , شجعيه يا ست نورهان عشان باين عليه خام ومش مفتّح

غوووووري غوري من وشييييييييي

هههه ماشي , بس كل ما نعوزوا مبلغ هنطلبوه منك يا رايقة يا بتاعة نسيم هيهيييييييي

اهئ اهئئئئئئئئئئئ نعملوا ايه يا ربي بس ! والله ما عملت حاجة وحشة , ونسيم كويس ومش زي الشبان الوحشين اهئ اهئئئئئئئئ

**********************************

كنت فين يا ولد يا رامي لحد دلوقتي؟

داد!أنت لسة صاحي!

بقلك كنت فين لحد دلوقتي يا ولددددد؟

هه بي كول يا دكتور,فيها ايه يعني لما اسهر شوية مع اصحابي!..كل واحد يستمتع بحياته زي ما هو عايز طالما ما بيضرش حد

يعني ايه يا ولد!..أنا ما أقدرش أحاسبك؟

تحاسبني!تحاسبني على ايه يا داد!وتحاسبني ليه!..أوكيه,حاسبني يا داد,أنا ما بعملش حاجة في السر وخايف تتعرف

ولددددد,أوعى تفتكر انك هتهزني بتهديداتك الرخيصة ديييي

هه أهددك! أنا أهددك برضو يا داد!..جود نايت داد,تصبح على خير

أووووف وبعدين بقى في الولد ده!..محتاج اتكلم مع هاني..بكرة هتصل بيه

*******************************************

تررررررررررررررررررررررن

عصام! السلام عليكم يا عصام

عليكم السلام يا هاني,أنت فين؟

في القسم

طيب عايز أقابلك حالاً

في حاجة يا عصام؟

لما اشوفك هقولك

طيب خليها بعد ساعة عشان مش فاضي دلوقتي والله,رجالتي طلعوا مأمورية ومستنيهم

أوكيه,نتقابل في الكافيه اللي متعودين نتقابل فيه بعد ما تخلص

طيب يا عصام,مع السلامة

*************************************************

هاني بيه,كله تمام وقبضنا على شوية العيال اللي عاملين عصابة لسرقة الشقق ورميناهم في الحجز لحد ما يتعرضوا ع النيابة

طيب تمام يا مصطفى,فبضتوا عليهم فين؟

كانوا مأجرين شقة في منطقة شعبية

ظبطتوا معاهم مسروقات؟

ايوة يا هاني بيه,مشغولات ذهبية كان متبلغ عنها من فترة,وموبايلات وحوالي نص مليون جنيه

ياااااه نص مليون جنيه مرة واحدة! ههه

هههه حصيلة مسروقات كتير يا هاني باشا

ودول سلموا نفسهم بسهولة ولا قاوموكو؟

لا طبعاً بعد مقاومة ,واستخدموا اسلحة,بس قدرنا نسيطر عليهم إلا واحد.حاول يهرب بس طاردته وقدرت امسكه بعد ما ضربته طلقة في رجله..بس للأسف قبل ما اصيبه كنت ضربت طلقة جت في رجل شاب من سكان المنطقة كان ماشي بالصدفة

اييييييييييه! يعني ايه تضرب النار بشكل عشوائي يا سيادة النقيييب!!ازاي تتسبب في اصابة الشاب اللي مالوش اي ذتب دددده!! ده استهتار بأرواح الناس يا سيادة النقييييب

يا هاني بيه كان لازم اعمل كدة,المجرم كان في طريقه للهروب واضطريت اضرب نار,ماكنتش اقصد الشاب ده خالص

اووووف لا حول ولا قوة إلا بالله.ذنبه ايه الشاب ده!!!

آسف يا هاني باشا

وبعد الأسف يا سيادة النقيب!! انا عايز اعرف ايه اللي تم مع الشاب ده؟

ولا حاجة,أهله نقلوه لأقرب مستشفى

والله!! شيء عظيم يا سيادة النقيب,يتصاب بسببنا وأهله هما اللي يتحملوا تكاليف العلااااااج,اتفضل يا سيادة النقيب روح المستشفى وشوف ايه النفقات المطلوبة عشان احنا اللي هنتكفل بيها بالكااااامل,وانا هتابع معاك الموضوع ده بنفسي ,وحذاري من أي تقصير يا مصطفىىى,وده برضو مش هيعفيك من الجزا على اهمالك يا سيادة النقييييب

اهمال! اهمال ايه بس يا هاني بيه! والله انا بذلت مجهود خرافي في القبض على العيال دول

وانت مش شايف ان استهتارك بأرواح الأبرياء إهمال يا سيادة النقييييب! اتفضل نفذ اللي طلبته منكككك

أمرك يا هاني بيه

اووووف استغفر الله العظيم,اللهم اغفر وارحم فـأنت خير الراحمين.....اقوم ألحق معادي مع عصام

**************************

خلف هذه الجدران,هبة عبد العظيم نور

**************************

خير يا عصام في ايه؟

رامي عرف موضوع جوازي من أماني

عرف! عرف منين؟

شافني مع أماني,كنا بنتعشى في مكان عام الاسبوع اللي فات..في الأول اعتقد انها واحدة ست بيني وبينها علاقة عاطفية,وده اللي خلاني أبرأ ساحتي واقله انها مراتي

وكان ايه رد فعله؟

اتفاجأ طبعاً,بس مش دي المشكلة

أومال ايه المشكلة؟

المشكلة اني قلت للولد يحتفظ بالموضوع كسر,ومن وقتها وهو بيتعامل معايا معاملة غريبة,بيعامني كإني إنسان ذليل مكسور قدامه وهو ماسك عليا زلة ممكن يفضحني بيها....الولد بقى يتحداني بتصرفاته الغلط,بحس انه بقى يبالغ في السهر مع الشلة البايظة بتاعته,ولما أحاول أتصداله وأحاسبه,بيبص في عنيا بمنتهى الجرأة وكأنه عايز يقولي حاسب نفسك الأول

مممم شيء محزن فعلاً انك تتكسر قدام ابنك..لكن للأسف يا عصام انت اللي حطيت نفسك في الوضع ده

برضو يا هاني هتتهمني ان انا المخطئ!

لإن هي دي الحقيقة اللي مش عايز تواجه نفسك بيها يا عصام

أنا دلوقتي عايز أعرف أتعامل مع الولد ده ازااااي؟

أنا آسف اني أقلك أن طول ما هو شايفك خايف من السر اللي هو عرفه هتفضل في موقف ضعف

تقصد اني اعترف بموضوع جوازي من أماني والموضوع كله يتعرف للجميع؟

مافيش حل تاني يا عصام

لااااا,مستحيل,لو الموضوع ده اتعرف هخسر كل حاااااااجة

مش هتخسر شيء أهم من سلطتك وهيبتك كأب,واللي للأسف خسرتها,وبقيت قدام ابنك فارس مهزوم في معركة الحياة وخذلت ابنك اللي المفروض يقتدي بيك في مواجهة كل مشاكلك بشجاعة

مش مهم,المهم ما اخسرش الهدف اللي عيشت عشانه واللي خلاني اتحمل بنت هاشم الحسيني السنين دي كلها

على راحتك يا عصام,للأسف انت ما بتسمعش غير صوت رغباتك وطموحاتك,أنا ماشي

كمل قهوتك يا هااااااني

هشربها في بيتي مع ولادي,السلام عليكم

**************************************

ترررررررررررررررررررررررررررررررررررررررررررررن

ميييين

افتحي يا اشجان , انا بهيرة يا اختي

اهلا يا بهيرة يا حبيبتي , اتفضلي

متشكرة يا اشجان , ايه يا حبيبتي , سألت عليكي امبارح مرتين , مرة ما كنتيش لسة رجعتي ومرة رحمة قالتلي دي جت تعبانة ودخلت نامت

سألت عليكي العافية يا بهيرة , اه والله رَجَعت تعبانة قوي من المشوار , زي ما يكون تعب الأسبوع اللي فات حل عليا مرة واحدة

ما هو شكلك باين عليه التعب , دانتِ خسيتي النص يا اشجان من المشورة بين القاهرة والاسكندرية والعكس كل يوووووم

هنعملوا ايه يختي ! كان لازم نكونوا جنب عادل في مرضه , اومال مراته ازاي !

ههه أصيلة يا اختي , وجوزك عامل ايه دلوقتي ؟

الحمدلله بقى كويس قوي , وبعد بكرة هيخرج من المستشفى إن شاء الله

طيب خير الحمدلله ,  هتعمليلي شاي ولا هتعيشيلي في دور المرهقة كتير ! ههههه

هههه هنعملولك احلى كوباية شيّ

طب هاجي معاكي المطبخ عشان اسليكي هههه والله وحشتيني يا شجوونة , الاسبوع اللي فات ده ما كانش له طعم من غيرك والله

هههه ربنا ما يحرمني منك يا جارتي يا حبيبتييييي

******************************************

توحا ما اتصلتش بيا واني برا يا شوقية ؟

لا ما اتصلتش , هو موبايلك كان مقفول ولا ايه يا ست سعاد ؟

لا مش مقفول , عشان كدة بنستغرب , دي بقالها يامَا ما سألتش عليا ولا عَرَفت ان عادل في المستشفى

لا ما تستغربيش واعذريها يا ست سعاد , غرقانة في بحر الشوق يا كبدي , من ساعة ما اتجوزت وهي مش دريانة بالدنيا

ايوة بس برضو كانت بتكلمي يجي مرتين في الأسبووووع

اتصلي بيها انتي يا ست سعاد , جايز تكون مش واخدة بالها ان بقالها يامَا ما كلمتكيش

طيب , خدي شنطتي ونضارتي طلعيهم اوضتي

من عيني يا ست سعاد , بت يا عطااااااااا بتروح فين المصيبة دي !

ترررررررررررررررررررررررررررررررن

سعاااااااد ههههه وحشاني يا بتتتتتتت

لا يا شيخة ! كويس انك فاكرة اسمي

ايه يا بت ماااااالك !!! مقفلة معايا كدة ليه !!!

ما انتِ لو بتسألي كنتي عَرَفتي ان عادل في المستشفىىىىىى

ايّوووووووه عاااااادل ! وربنا زعلتيني , ماله يا بتتتتتتتت ؟

جاتله ذبحة بعيد عنك واتحجز في المستشفى ولحد دلوقتي ما خرجش

يا عيني يا عادل ! ذبحة ! هو حد زعله ولا ايه ؟؟؟؟

منهم لله االلي كانوا السبببببببب

هما مين دول يا بتتتتتتت ؟

الراجل الندل اللي اسمه حامد مندور ومراته

سميرررررة ! تخفى ويخفى اسمهااااااااا عملت ايه الولية دي واني نيجي نقطّعوهااااااااا

وانتِ هتلاقيها فين ! هي وجوزها خدوا البت مرات ادهم وابنه وهَرَبوا ع المركب ويا ابنهم البحاااااار

بحر لما يبلعه ويبلعهم البُعداااااااا , بقى ياخدوا مرات ادهم وابنه ويهربواااااا ! دي عمايل ناس محترررررمة !!! انما هيجيبوا الاحترام منيييييين ! ياريت كل الناس زيناااااااا , وعشان كدة بقى جوزك طب من طوله ومَسَك فيه دور العيا ده ؟

ايوة , ما انتِ عارفة هو بيحب حامد مندور قد ايه , صعب عليه فراقه وما اتحملش الصدمة

يا عيني يا عادل ! وربنا صَعَب عليا , زعّل روحه على ناس ما تستاهلش , انتِ رايحاله امتى المستشفى عشان نتقابلوا هناك ؟

اني لسة جاية من عنده , بكرة هنروحوله بعد العصر

ماشي , اديني عنوان المستشفى واني هنجيبوا ربيع ونقابلوكي هناك,ولو انه مسافر,بس هنجيبوه على ملا وشه ,ما هو ما ينفعش يسبنا في ظرف زي ده

طيب يا توحا

**************************

خلف هذه الجدران,هبة عبد العظيم نور

**************************

وربنا وحشاني يا بت يا سماسم انتِ والبت منى والولا طارق

تسلملي ياربيع يا حبيبي , عملتلك كوباية مانجا عسسسسسسل ههه

ههه تسلم الأيادي يا سماسم يا عسسسسل , اقعدي يا بت وحشااااااااني

لازم نوحشوك , مش اتكتب علينا نتقابلوا كل فين وفين زي الحرامية !!

ايه زي الحرامية دي يا بت ! قولي زي العصافير , زي الزغاليل هههه

ههههههههه حبيبي يا رايق

ترررررررررررررررررررررررررن

شوفيلي مين ع الموبايل يا سماسم

تررررررررررررررررررررررررررررررررن

من عنيا , ايّووووووه دي ام اربعة واربعين

توحا ! طب هاتي الموبايل وما نسمعوش صوتك لنروحوا في داهية , ألو , أيوة يا قلبي

ازيك يا ربيع يا حبيبي , وحشتني

ههه لَحَقت نوحشوكِ !!!

أيّووه طب داني الود ودي ما نفارقكش حتى واني نايمة

ههه عيني ع الحب وع الروقان يا جميل , واني بنحبوكي اكتر من روحي يا توحا

ههه ما اني عارفة يا ولا , أيّووووووه الكلام الحلو خدني ونَسيت نقولولك ع الحاجة المهمة اللي اني عايزاك فيها

خير يا توحا ؟

عادل جوز اختي في المستشفى وحالته خِطرة

سلامته , واحنا نعملوله ايه !!

كنت عايزاك تيجي عشان نزوروه سوا

ايه اللي بتقوليه ده يا توحاااا ! انتِ ناسية اني في سفرية شغل يا بنت الحلال !!! يعني نسيبوا مصالحي ونيجو نزوروا جوز اختك العيان !!!

يا ربيع انت عارف ان سعاد اختي دي مش أي حد , دي اختي الوحيدة اللي ماليش غيرها , ومش معقولة ما نروحوش لجوزها وهو مرمي في المستشفى

هو احنا حوشناكِ يا توحا !!! ما تروووووحي

يعني نروحوا لوحدي ! سعاد تقول ايه !!!

قوليلها ربيع في سفرية شغل وما ينفعش يرجع قبل أسبوع , لما نرجعوا نبقوا نزوروه , سلام يا توحا . خدي الموبايل يا سماسم

اووووف كانت عايزة ايه أم أويئ ؟؟؟

أل جوز اختها في المستشفى وكانت عايزاني ننزلوا اسكندرية عشان نزوروه

اييييييه ! واحنا مالنا ومال جوز اختهااااا !! كان من بقيت أهلنااااا !!!

ما اني رديت عليها يا بت وقولتلها ما ينفعش نسيبوا مصالحي ونروحولها ههه

يا اخويا ربنا يخلصنا منها بقىىىىى , ما كفاية كدة يا ربيع وطلقهااااا

نرتبوا أمورنا وبعدها نقولولها باي باي يا توحا يا روح الروح ههه

**************************

خلف هذه الجدران,هبة عبد العظيم نور

**************************

الوووو أيوة يا جمال باشاااا , عرفت عنوان الولا اللي اسمه أمير في لندن ؟؟؟

للأسف لأ يا أدهم باشا , ما قَدَرتش نوصل لأي حاجة , بيقولوا المعلومات سرية ومش ممكن يطلعوها لحد

يعني اييييييييه ! يعني مراتي راحت خلااااااااص !!! مش هنشوفوا ابني تااااااااني !!!

اهدا يا أدهم بيه

نهدا ازااااااي , ماحدش حاسس بالنار اللي جواياااااااا...بس انا مش هنسكت

هتعمل ايه يا أدهم باشا ؟

هنسافروا لندن بنفسي , هنقلبوها عاليها واطيها لحد ما نلاقوهااااا

يا أدهم باشا الموضوع مش سهل كدة زي ما انت فاكر , لندن دي مدينة كبيرة قوي , مش شارع هتروح تدور فيه

احنا ما نعرفوش الكلام دددده , كل اللي نعرفوه انّي خدت ألم جامد قوي ولازم نردوووووه , لازم نعلموها الأدب هي وأهلها .. وأولهم الولا اخوها وش البلاوي

يعني نويت ع السفر ؟

أيوة .. هنخلصوا اجراءات السفر وبعدها ناخدوا أول طيارة طالعة على لندن

**********************

*****************************************

تررررررررررررررررن

ههه اكيد عصام , في معاده بالثااااااانية , جاية يا عصوووووومة

وائل !!!!!

ازيك يا ماما

ايه يا وائل في ايييييه ! ايه اللي جابك هنااااااا ؟ وازاي ماما تديك العنواااااان !!!

هو ده كل اللي هامكككك ! انا جاي هنا غصب عنييييي , تيتة عيانة قوووي

مامااااا ! مالها يا وااائل ؟؟؟

جالها ازمة تنفس وطلبتلها الدكتور , دفعت كل الفلوس اللي معايا على الفيزيتا بتاعته , وما فيش فلوس اجيبلها الدوا , واتصلت بيكي كتير ما بترديشششش

طيب طيب يا وائل , خليك عندك , هروح اجيلك فلوس بسرررررعة

******************

خد يا وائل , دول الفين جنيه , هات الدوا وكل طلبات تيتة وانا هبقى اتصل اطمن عليها

انتِ مش هتيجي تزوري تيييتة !!!

يووو يا وائل , بعدين نتفاهم , بعدين , يلا بقى انزل بسررررعة , عصام زمانه جاي ومش عايزاه يشوفك هناااااا

اطمني , البيه مش هيشوفني , انا اصلاً جيت هنا عشان خاطر تيتة وبس

طيب طيب يا وائل يلا سلااااااااااام

طب بالراحة ما تزقنيش كدددددة , انا مااااااااشي

اوووووف مع السلامة , ياااااااااه روحي راحت مني , اما ادخل اكمل لبس واتبرفن

**************************

خلف هذه الجدران,هبة عبد العظيم نور

**************************

انت جيت يا وائل يا حبيبي !

ايوة يا تيتة , عاملة ايه دلوقتي ؟

نحمده يا ابني , احسن من الأول بكتير , لقيت أمك ؟

ايوة , كلمتني من ع الباب زي ما اكون شحات , اديتني الفلوس وقالتلي امشي بسرعة , هأ خايفة جوزها يشوفني

معلش يا ابني , خايفة على عيشتها معاه , ما هو برضو بيصرف عليها ومهنيها ومش عايزة تخسره

قومي يا تيتة عشان تاخدي الدوا , اسندي عليا

حاضر يا ابني اااه ياني,بسم الله الرحمن الرحيم .............. كتر خيرك يا وائل يا حبيبي

بالشفا يا تيتة ان شاء الله

ربنا يخليك يارب يا وائل ويوقفلك ولاد الحلال زي ما انت واقف جنبي في مرضي وبتديني الدوا بإيديك

هو انا ليا غيرك يا تيتة ! وبعدين انا مهما عملت مش هوفي جمايلك , انتِ أمي اللي ربتني وحنت عليا في الوقت اللي امي اديتني فيه ضهرها ونسيت انها خلفتني من أساسه

ما تزعلش روحك , ربنا كبير يا ابني

ونعم بالله , نامي وارتاحي يا تيتة

الله يريح قلبك يا ابني اااه يا ني , يا شافي يارب

**************************

خلف هذه الجدران,هبة عبد العظيم نور

**************************

الو ايوة يا محمد , المركب اتشحنت وطَلَعت ؟ ............. الله ! ايه اللي مأخرها لحد دلوقتي ؟؟؟ ............ طب قول للرجالة  الأستاذ احمد بيقولكو اعملوا  همة شوية , مش نغيبوا كام يوم الدنيا تبوظ , ما ينفعش الكلام ده يا محمد ........ طيب طيب يا محمد , سلام دلوقتي وهنكلموك تاني , ايه ده ! دي خالتي توحا

ازيك يا احمد

ازيك يا خالتي عاملة ايه

اني كويسة , سلامة ابوك ألف سلامة

الله يسلمك يا خالتي

الولا ابنك عامل ايه؟

الحمدلله بخير.

اومال امك فين ؟

مع ابويا جوا

وانت واقف برا وسايبهم ليه ؟

كنت بنعملوا مكالمة وهندخلوا دلوقت , اتفضلي

**************************

خلف هذه الجدران,هبة عبد العظيم نور

**************************

سعااااااد

تعالي يا توحا , توحا اختي جت تزورك يا عادل

فيها الخير

الف سلامة عليك يا حاج عادل , ما يقع إلا الجِمال يا جوز اختي

وكانت وقعة شديدة يا توحا

تقوم منها احسن من الأول يا جوز اختي , سلامتك الف سلامة

الله يسلمك , هات كرسي لخالتك يا احمد

لا احنا هنقعدوا ع السرير التاني جنب سعاد , ازيك يا سعاد

الله يسلمك يا توحا

مالك مكشرة ومبوزة ! ما الراجل زي الفل اهو , عيني عليه باردة

الكام يوم اللي فاتو شوفنا فيهم المر بعنينا يا توحا

سلامتك من المر يختي

اومال جوزك ماجاش معاكي يعني !

مسافر وربناااا , قالي هناخدوا العربية ونيجو مخصوص , قلناله لا خليك في شغلك ولما تيجي بالسلامة ابقى زور الحاج عادل

هو في مرسى مطروح برضو ؟

ايوة , عنده شغل هناك اليومين دول!!! الشغل كله على دماغه

الله يعينه

يارب يختي , مالك يا احمد خاسس كدة !!! ده المفروض اللي زيك يفرح ان ربنا كرمه بالولا بعد شووووق , اتأخرت يامَااااا كان زمان عيالك في المدارس دلوقتي

كل شيء بأوانه يا خالتي , وكل واحد في الدنيا بياخد نصيبه

على رأيك , اني ماشية بقى يا سعاد عشان ربيع جاي بكرة من السفر , يادوب نحضروله لقمة ياكلها

ما تقعدي تشربي حاجة يا توحا

لا يختي , هو اني جاية نتضايف !!! سلامتك يا حاج عادل

الله يسلمك يا توحا , متشكرين ع الزيارة

**************************

خلف هذه الجدران,هبة عبد العظيم نور

**************************

لو سمحتي هي غرفة الحاج عادل سليم فين ؟

هي اللي على ايدك اليمين دي يا فندم

شكراً

تن تن

شوفي مين يا سعاد

تلاقيه احمد ولا ادهم

******************************

افندم

السلام عليكم

عليكم السلام

هي دي غرفة الحاج عادل

ايوة , مين حضرتك ؟

حسين اسماعيل ,

اتفضل

متشكر , اتفضلي علبة الشيكولاتة

 متشكرين . عادل , الأستاذ بيسأل عليك

حمدالله ع السلامة يا حاج عادل

مين ! الأستاذ حسييين ! يا مرحب يا استاذ حسين , بقى جاي من القاهرة مخصوص عشاااااااني !

ده أقل  واجب يا حاج عادل , احنا جيران وعشرة طويلة

الله يكرمك يا استاذ حسين , ده الأستاذ حسين يا سعاد , جاري في القاهرة

اهلاً وسهلاً , حمدالله ع السلامة

الله يسلمك يا مدام

طيب يا عادل هنخرجوا عشان نكلموا توحا اختي وانتوا تاخدوا راحتكو

ماشي يا سعاد , يا أهلاً يا أستاذ حسين

اهلاً بيك يا حاج , حمدالله ع السلامة , ألف لا بأس عليك

الحمدلله على كل حال , دور جامد هدنا , احنا قلنا مش هنقوموا منها

لا يا راجل ما تقولش كدة , انت لسة شباب يا حاج عادل ههه

هه راحت علينا بقى

ربنا يديك الصحة يا حاج

كان لزومه ايه علبة الشيكولاتة ! تعبت نفسك

لا تعب ولا حاجة , دي حاجة بسيطة , أنا بصراحة مكسوف منك جداَ عشان اتأخرت عليك في الزيارة,بس والله الأمر مش بإيدي,السوبر ماركت اللي بديره أمانة,وما ينفعش اسيبه للموظفين,كان لازم اجي يوم اجازة زي ده,أنا آسف

آسف على ايه بس يا أستاذ حسين! كتر ألف خيرك انك سافرت من محافظة لمحافظة عشان تزورنا,طول عمرك راجل صاحب واجب

ده حق الجوار والسنين الطويلة اللي جمعتنا يا حاج عادل

ونعم الجار يا أستاذ حسين

بارك الله فيك يا حاج, سلامتك الف سلامة .. انا مضطر استأذن

تستأذن تروح فين ! هو انت لَحَقت !!! انت ضيفنا ولازم نقوموا معاك بالواجب , احمد ابني زمانه جاي

لا معلش يا حاج عادل , انا ما اقدرش اتأخر , انت عارف سايب البيت والولاد لوحدهم

هما ولادك صغيرين ! دول رجالة ربنا يخليهوملك

معلش , ما ينفعش اتأخر والله , الحمدلله اننا اطمنا عليك يا حاج عادل , السلام عليكم

عليكم السلام يا أستاذ حسين . نعم الجار والله

***********************************************

الراجل مَشَى على طول كدة ليه يا عادل ؟؟؟

مش عايز يتأخر على بيته وعياله , راجل طيب , جالي مخصوص من القاهرة عشان يزورني

كتر خيره , هنروحوا نشوفوا الممرضة تيجي تغير المحاليل عشان خَلَصت

ماشي يا سعاد , شوفيلي أي دكتور يقولي هنخرجوا امتىىىىى اني زَهَقت

ما تستعجلش يا عادل , دانت كنت في حالة ما يعلم بيها إلا ربنا , مش هتخرج إلا اما نتأكدوا انك بقيت كويس , مش عايزين نستعجلوا , اهو احمد جَه اهو

السلام عليكم , ازيك يا أمي

ازيك انت , رايحة نشوفوا الممرضة

ازيك يا حاج , عامل ايه دلوقتي ؟

الحمدلله يا ابني , انت عارف مين كان هنا ومَشَى ؟

مين ؟

الأستاذ حسين جارنا بتاع القاهرة

والله ! طب هو فييييين ؟

بنقولولك مَشَى , لو كنت قدمت خمس دقايق كنت شوفته

وازاي بس يمشي بالسرعة دي من غير ما نقوموا معاه بالواااااجب ! يعني الراجل يجي اسكندرية مخصوص يزورك ونسيبوه يمشي من غير ما نضايفوه ! دي كدة عيبة كبيرة في حقنا يا حاج

هنعملوا ايه يا ابني ! معلش , نبقوا نجاملوه في فرصة كويسة

والله راجل فيه الخير يا حاج , راجل محترم وفي حاله وطول عمري نحبوه

اه والله يا ابني , ما اتوقعتش خالص انه يجيني

**************************

خلف هذه الجدران,هبة عبد العظيم نور

**************************